Tibetan
མེད་དུ་འགྲུབ་པར་གྱུར་ཅིག༔ ཅེས་ལན་གསུམ་བརྗོད་པའི་རྗེས་སུ་སྨོན་ལམ་འགྲུབ་པའི་བདེན་བརྗོད་ཅི་མང་དང་སྔགས་རྣམས་ཀྱང་བཟླའོ༔ དེ་ཡིས་བར་ ཆད་མེད་པར་འགྲུབ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་ཟབ་གསང་མཁའ་འགྲོའི་བརྡ་རིས་ལས་བསྒྱུར་བའི་ཡི་གེ་པ་ནི་མཁྱེན་རབ་རྒྱ་མཚོའོ། །དགེའོ། །དགེའོ།། དགེའོ །སརྦ་མངྒ་ལཾ།། །། 0 བདུད་འཇོམས་བཀའ་སྲུང་ལྷ་ཆེན་T11608 - 062 བདུད་འཇོམས་བཀའ་སྲུང་ལྷ་ཆེན་T11608 - 062 ཁྲོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ སྲུང་མ་གཉན་པོ་རྟེན་འཛུག་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཨབ་ཎབཾ༔ བཀའ་སྲུང་གཉན་པོ་སྒྲུབ་པའི་རྟེན༔ འབྱོར་ཚད་བཤམས་ལ་མ་འབྱོར་བ༔ ཙཀླི་ལ་བྲིས་དེ་བཤམས་ལ༔ དེ་ནས་རྟེན་འཛུག་པ་ལ༔ ཨོཾ་ཨཱཿ ཧཱུྃ༔ བྷྲཱུྃ་ཡིག་ཡོངས་སུ་གྱུར་པ་ལས་ལྷ་མིའི་དཔལ་ཡོན་ལོངས་སྤྱོད་འདོད་ཡོན་ཕུན་སུམ་ཚོགས་པ་ནམ་མཁའ་མཛོད་དུ་གྱུར༔ ན་མཿ སརྦ་ཏ་ཐཱ་ག་ཏ་སོགས་ནམ་མཁའ་མཛོད་སྔགས་ལན་བདུན་བརྗོད༔ དེ་ནས་འདི་སྐད་དོ༔ ཧཱུྃ༔ རིན་ཆེན་ལྕགས་ལས་གྲུབ་པ་ཡི༔ ཁྲབ་རྨོག་ཚེམ་ཚེམ་བེམ་དང་ཕུབ༔ བཙན་པའི་གོ་ཁྲབ་སྣ་ཚོགས་འདི༔ བཀའ་སྲུང་གཉན་པོའི་རྟེན་དུ་བཙུགས༔ ལྷ་སྲུང་རྟེན་ལ་བཞུགས་སོ་འཚལ༔ མི་དང་སྟག་སེང་དོམ་དྲེད་གཟིག༔ གོང་རིགས་ཝ་གཡི་འཕར་སྤྱང་དང་༔ གཅན་གཟན་སྣ་ཚོགས་པགས་པ་ཡང་༔ བཀའ་སྲུང་དྲེགས་པའི་རྟེན་དུ་འབུལ༔ ལྷ་སྲུང་རྟེན་ལ་བཞུགས་སོ་འཚལ༔ དར་ཟབ་སྣ་ཚོགས་གོས་སྣ་ཚོགས༔ རས་ཕྲུག་སྣམ་ཐེར་སྣ ཚོགས་པ༔ བཀའ་སྲུང་དྲེགས་པའི་རྟེན་དུ་འབུལ༔ ལྷ་སྲུང་རྟེན་ལ་བཞུགས་སོ་འཚལ༔ མདའ་གཞུ་མདུང་དང་རལ་གྲི་དང་༔ དུག་མདའ་མེ་མདའ་མདའ་བོ་ཆེ༔ གྲི་དང་ཤང་ལང་ དགྲ་ཟོར་སོགས༔ རྣོ་བའི་མཚོན་ཆ་སྣ་ཚོགས་པ༔ བཀའ་སྲུང་གཉན་པོའི་རྟེན་དུ་འབུལ༔ ལྷ་སྲུང་རྟེན་ལ་བཞུགས་སོ་འཚལ༔ དར་གདུགས་བ་དན་འཕན་རྒྱལ་མཚན༔ གནམ་ཡོལ་བླ་རེ་དྲྭ་ཕྱེད་དང་༔ མེ་ཏོག་སྣ་ཚོགས་ཉལ་ཉིལ་བཅས༔ ནམ་མཁའ་བར་སྣང་ས་གཞིའི་རྒྱན༔ བཀའ་སྲུང་གཉན་པོའི་རྟེན་དུ་འབུལ༔ ལྷ་སྲུང་རྟེན་ལ་བཞུགས་སོ་འཚལ༔ མཁར་ཐབས་མདོས་དང་སྲོག་འཁོར་དང་༔ སྙིང་སྣའི་སྙིང་གཟུགས་བསྒྲིལ་བ་འདི༔ བཀའ་སྲུང་གཉན་པོའི་རྟེན་དུ་འབུལ༔ ལྷ་སྲུང་རྟེན་ལ་བཞུགས་སོ་འཚལ༔ གཏོར་མ་སྔགས་ཀྱི་བཅུད ཅན་ལ༔ ཤ་སྣ་སྙིང་སྣ་དར་སྣས་བརྒྱན༔ བཀའ་སྲུང་གཉན་པོའི་རྟེན་དུ་འབུལ༔ ལྷ་སྲུང་རྟེན་ལ་བཞུགས་སོ་འཚལ༔ སྐུ་གཟུགས་གསང་རྟེན་འབྲལ་མེད་རྫས༔ རྡོ་རྗེ་ཕུར་པ་མཚོན་ཐུན་ཚོགས༔ བཀའ་སྲུང་གཉན་པོའི་རྟེན་དུ་བཙུག༔ ལྷ་སྲུང་རྟེན་ལ་བཞུགས་སོ་འཚལ༔ དཀྱིལ་འཁོར་གཡང་རྟེན་གཏེར་བུམ་དང་༔ མཛེས་པའི་གཟུགས་དང་ཁ་ཏོག་ཅན༔ བཀའ་སྲུང་གཉན་པོའི་རྟེན་དུ་འབུལ༔ ལྷ་སྲུང་རྟེན་ལ་བཞུགས་སོ་འཚལ༔ གསེར་དངུལ་ཟངས་ལྩགས་བསེ་རྡོ་རྗེ༔ ནོར་བུ་མུ་མེན་དུང་གཡུ་རྨུག༔ འབྱོར་ཚོགས་རིན་ཆེན་སྣ་ཚོགས ཟོཾ།༔ པ༔ བཀའ་སྲུང་གཉན་པོའི་རྟེན་དུ་འབུལ༔ ལྷ་སྲུང་རྟེན་ལ་བཞུགས་སོ་འཚལ༔ སྦྲ་ཁྱིམ་དར་གུར་གནས་ཁང་དང་༔ བླ་རྡོ་ཕ་འོང་ལོང་བུར་བཅས༔ བཀའ་སྲུང་གཉན་པོའི་རྟེན་དུ་འབུལ༔ ལྷ་སྲུང་རྟེན་ལ་བཞུགས་སོ་འཚལ༔ ཀྱེེ༔ ལྷ་དང་སྲུང་མ་དགོངས་སུ་གསོལ༔ བདག་གི་འབྱོར་པའི་རྫས་ཡོ་བྱད༔ མ་འབྱོར་པ་དག་ཡིད་ཀྱིས སྤྲུལ༔ ཡང་ན་རི་མོའི་གཟུགས་བཀོད་དེ༔ བཀའ་སྲུང་གཉན་པོའི་རྟེན་དུ་འབུལ༔ ལྷ་སྲུང་རྟེན་ལ་བཞུགས་སོ་འཚལ༔ བཀའ་སྲུང་རྟེན་ལ་བཞུགས་སུ་གསོལ༔ ཆོས་སྐྱོང་རྟེན་ལ་བཞུགས་སུ་གསོལ༔ དམ་ཅན་རྟེན་ལ་བཞུགས་སུ་གསོལ༔ དགྲ་ལྷ་རྟེན་ལ་བཞུགས་སུ་གསོལ༔ ཡུལ་ལྷ་རྟེན་ལ་བཞུགས་སུ་གསོལ༔ འགོ་བའི་ལྷ་དང་སྐྱོབ་པའི་ལྷ༔ ཚེ་རབས་ལས་ལྷ་ད་ལྟའི་ལྷ༔ མ་ལུས་སྒྲུབ་པའི་རྟེན་ལ་བཞུགས༔ རྟེན་ལ་བཞུགས་ཤིང་གོང་མ་གཡེལ༔ རྟེན་ལ་བཞུགས་ཤིང་རྒྱུད་མ་ངན༔ རྟེན་ལ་བཞུགས་ཤིང་ཕྲག་མ་དོག༔ རྟེན་ལ་བཞུགས་ཤིང་ཐུགས་མ་གཡེལ༔ རྟེན་ལ་བཞུགས་ཤིང་གཞུང་མ་ངན༔ རྟེན་ལ་བཞུགས་ཤིང་མཐུ་མ་ཆུང་༔ རྟེན་ལ་བཞུགས་ཤིང་རྩལ་མ་ཞན༔ རྟེན་ལ་བཞུགས་ཤིང་བང་མ་བུལ༔ རྟེན་ལ་བཞུགས་ཤིང་ལས་མ་འགྱང་༔ རྟེན་ལ་བཞུགས་ཤིང་དགྱེས་ཞལ་སྟོན༔ རྟེན་ལ་བཞུགས་ཤིང་འགྲུབ་རྟགས་སྟོན༔ རྟེན་ལ་བཞུགས་ཤིང་འདོད་དོན་སྒྲུབས༔ རྟེན་ལ་བཞུགས་ཤིང་དགྲ་ལྷ་མཛོད༔ རྟེན་ལ་བཞུགས་ཤིང་ནོར་ལྷ་མཛོད༔ རྟེན་ལ་བཞུགས་ཤིང་གཡང་ལྷ་མཛོད༔ རྟེན་ལ་བཞུགས་ཤིང་ཕུག་ལྷ་མཛོད༔ རྟེན་ལ་བཞུགས་ཤིང་ཕྱུགས་ལྷ་མཛོད༔ རྟེན་ལ་བཞུགས་ཤིང་ཕྲིན་ལས་སྒྲུབས༔ རྟེན་ལ་བཞུགས་ཤིང་དགྲ་བོ་སོད༔ རྟེན་ལ་བཞུགས་ཤིང་བགེགས་དཔུང་ཐུལ༔ དེ་ལྟར་བཅོལ་བའི་ཚིག་དེ་དག༔ རྡོ་རྗེ་ཅན་དང་པད་འབྱུང་སོགས༔ རིག་འཛིན་བརྒྱུད་པའི་བླ་མ་ཡི༔ དམ་ཚིག་དང་ནི་བཀའ་གཉན་པོ༔ དཔང་དུ་བཙུགས་ཤིང་གཏའ་རུ་བཞག༔ དེ་ཕྱིར་མ་འདའ་ས་མ་ཡ༔ ཞེས་བརྗོད༔ དེ་ཡིས་ཕྲིན་ལས་ངེས་པར་འགྲུབ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མཐར་སློབ་བུ་མཁྱེན་རབ་རྒྱ་མཚོས་བསྐུལ་ངོར་དག་པར་ཕབ་པའི་ཡི་གེ་པ་ཡང་དེ་ཉིད་ཀྱིས་བགྱིས་པའོ། །དགེའོ །དགེའོ། །དགེའོ། །ལེགས་སོ།། ། ཟབ་གསང་མཁའ་འགྲོའི་སྙིང་ཐིག་ལས༔ ལྷ་ཆེན་དབང་ཕྱུག་ཆེན་པོའི་སྒྲུབ་པ་ཡིད་བཞིན་གཏེར་མཛོད་བཞུགས་སོ༔ TH1608 - 067 བདུད་འཇོམས་བཀའ་སྲུང་ལྷ་ཆེན་ཐོ།༔ རྨ་གྷ།ཐ་ཧཱ། ན་མོ་གུ་རུ་པདྨ་ཀ་ར་ཡེ༔ མ་འོངས་དུས་ཀྱི་སྙིགས་མའི་ཚེ༔ དུས་ངན་བདུད་ཀྱི་ལ་ཡོག་འདོར༔ དམག་འཁྲུགས་མཚོན་གྱི་བསྐལ་པ་དར༔ མཐའ་མི་ལྟ་ལོག་བསྟན་ལ་རྒོལ༔ མི་ཕྱུགས་ནད་རིམས་དྲག་པོས་གདུང་༔ དེ་ཚེ་དབང་ཕྱུག་ཆེན་པོ་ལས༔ དུས་ཀྱི་ཡོ་ལང་སུ་ཡིས་བཟློག༔ བསྐལ་ངན་དེ་ལ་ཐུག་པའི་ཚེ༔ ལས་ལྡན་མཆིས་ན་འདི་ལ་འབུངས༔ མཐུན་རྐྱེན་ལེགས་ཚོགས་ངེས་པར་འགྲུབ༔ དུས་འཁྲུགས་བདུད་ཀྱི་ཡོ་ལང་གནོན༔ འདོད་པའི་ཁམས་སུ་འདི་དབང་ཆེ༔ གཞན་ལས་སྟོབས་དང་དཔའ་ཟིལ་ཆེ༔ འགྲུབ་སླ་ནང་དུ་འཇམ་ཞིང་ཕྱུག༔ དེ་ལྟར་ཤེས་ནས་ཉམས་སུ་ལོངས༔ ས་མ་ཡ༔ འདི་ཡི་བཅའ་གཞིའི་རིམ་པ་ནི༔ གཏོར་མ་ནོར་བུའི་དབྱིབས་ལྡན T1608 - 068 ལཐོ།༔ པ༔ ཆེ་བརྗིད་རྒྱན་དང་ལྡན་པ་བཤམས༔ དེའི་མདུན་ལྷ་ཡི་བཤོས་བུ་བཞག༔ ཕྱོགས་བཞིར་ལྷ་བཤོས་དྲངས་མཛེས་བཞག༔ དེ་མཐར་གཏོར་ཆུང་བདུན་ཅུས་བསྐོར༔ སྟེང་དུ་དར་དམར་ལྡིང་གུར་ཕུབ༔ འབུལ་རྫས་སྨན་སྣ་ཟས་སྣ་དང་༔ སྐྱེམས་ཀྱི་རིགས་དང་གཏོར་མ་བཤམས༔ རང་ཉིད་ཡི་དམ་ལྷར་གསལ་ངང་༔ ལྷ་བསྐྱེད་རིམ་པ་འདི་ལྟ་སྟེ༔ རང་ཉིད་ཡི་དམ་ཧེ་རུ་ཀའི་མདུན་དུ་ཿལས་རིན་པོ་ཆེ་སྣ་ཚོགས་ལས་གྲུབ་པའི་གཞལ་ཡས་ཁང་རྒྱ་ཆེ་ལ་ཁྱོན་ཡངས་པ༔ དབྱིབས་ཟླ་གམ་སྒོ་གཅིག་ནུབ་ཏུ་བསྟན་པ༔ དབང་གི་ཁ་ཏོག་འབར་ཞིང་བྱིན་ཆགས་པ་མཐོང་ངམ་ཐོས་སམ་དྲན་པ་ཙམ་གྱིས་སྐྱེ་འགྲོ་ཕོ་མོའི་བློ་ཡིད་འཕྲོག་T11608 - 069 པའི་ནུས་པ་དང་ལྡན་པར་བསྐྱེད༔ ཕོ་བྲང་དེའི་དབུས་སུ་པདྨ་རཱ་གའི་ཁྲི་རྒྱ་ཆེ་ལ་དཔངས་མཐོ་བའི་སྟེང་དུ་ཟླ་ཕྱེད་ཀྱི་གདན་ལ་ཧྲཱིཿཡིག་དམར་པོ་གསལ་བ་ལས་འོད་འཕྲོས་པས་ཁམས་གསུམ་གྱི་ལྷ་གནས་མལ་དང་བཅས་པ་ཐམས་ཅད་བསྡུས་ནས་ཧྲཱིཿ ལ་ཐིམ༔ ཁྱད་པར་དུ་སྐུ་གསང་ཚོགས་ཀྱི་བདག་པོ༔ གསུང་གསང་འདོད་པའི་རྒྱལ་པོ༔ ཐུགས་གསང་དབང་ཕྱུག ཆེན་པོ་འཁོར་དང་བཅས་པ་ཐམས་ཅད་ཧྲཱིཿ ལ་ཐིམ་པར་བསམ༔ དེ་ཡོངས་སུ་གྱུར་པ་ལས་ལྷ་ཆེན་དབང་ཕྱུག་ཆེན་པོ་སྐུ་མདོག་དམར་གསལ་ཞལ་གཅིག་ཕྱག་གཉིས་ཞི་མ་ཁྲོ་འཛུམ་གྱི་ཉམས་དང་ལྡན་ཞིང་གཟི་བརྗིད་འོད་ཕུང་རབ་ཏུ་འབར་བ་ཕྱག་གཡས་ལྕགས་ཀྱུ་རྣོན་པོས་ཁམས་གསུམ་གྱི་བློ་ཡིད་ཐམས་ཅད་འགུག་ཅིང་གཡོན་པས་ཉི་ཟེར་གྱི་ཞགས་པས་སྣང་སྲིད་བྲན་དུ་སྡོམ་པ༔ ཞབས་གཉིས་དོར་སྟབས་སུ་བཞེངས་ནས་གསང་བའི་རྡོ་རྗེ་བསྒྲེང་བ་བག་དྲོ་ཞིང་ལྷུན་ཆགས་པ༔ གཅེར་བུ་ཡིད་བཞིན་གྱི་ནོར་བུ་བསམ་འཕེལ་སེར་པོ་དང་༔ དབང་རྒྱལ་དམར་པོ་དང་༔ ཕ་རོལ་དཔུང་འཇོམས་ལྗང་སྔོན་རྣམས་ཀྱི་ཕྲེང་བས་བརྒྱན་པ༔ རལ་པ་མཐིང་ནག་ས་ལ་ཕབ་ཅིང་ལྷའི་བུ་ཟླ་བ་ཐོད་དུ་བཅིངས་ཏེ༔ ཉི་མ་ལྟེ་བར་ངོམས་པའོ༔ ཁྲོཾ།༔ ངན་སོང་གསུམ་པོ་ཞབས་ཀྱིས་བསྒྱུར་ཞིང་༔ མཐོ་རིས་རྣམ་གསུམ་ལ་ལག་པས་དབང་མཛད་པའོ༔ ཕྱེད་ཀ་ཡེ་ཤེས་ཀྱི་ངོ་བོར་གནས་པ་ལ་འཕགས་པ འཇིག་རྟེན་དབང་ཕྱུག༔ ཕྱེད་ཀ་འཇིག་རྟེན་ལ་དབང་མཛད་པའི་ལྷ་ཆེན་དབང་ཕྱུག་ཆེན་པོའོ༔ དེའི་གཡོན་དུ་ལྷ་མོ་ཨུ་མ་དེ་ཝི་དམར་མོ་གཡས་ནོར་བུ་དང་གཡོན་པས་གཏེར་བུམ་བསྣམས་ནས་ཡབ་ལ་ཟུར་མིག་ལྟ་ཞིང་དགྱེས་ཆགས་བཞད་པའི་རྣམ་འགྱུར་ངོམ་ཞིང་གཅེར་བུ་པདྨའི་ཕྲེང་བ་ཐོད་དུ་བཅིངས་པ་དབུ་སྐྲ་ལྗང་སྔོན་ས་ལ་སླེབས་པའོ༔ ཡབ་ཡུམ་གཉིས་ཀ་འདོད་པའི་རོ་ལ་གདུང་ཞིང་ཆགས་པའི་ཟིལ་པ་འཁྲིགས་པ་དབང་གི་འོད་ཁྱིམ་གཡོ་བར་བསྐྱེད་དོ༔ ཤར་དུ་ཐུགས་ཀྱི་ལྷ་མོ་འགུགས་བྱེད་མ་དམར་མོ་གཡས་ལྕགས་ཀྱུ་དང་གཡོན་པས་པད་དཀར་བསྣམས་པ༔ ལྷོ་རུ་ཡོན་ཏན་གྱི་ལྷ་མོ་འཆིང་བྱེད་མ་དམར་མོ་གཡས་ཞགས་པ་དང་གཡོན་པས་པདྨ་སེར་པོ་བསྣམས་པ༔ ནུབ་ཏུ་གསུང་གི་ལྷ་མོ་སྡོམ་བྱེད་མ་དམར་མོ་གཡས་པས་ལྕགས་སྒྲོག་དང་གཡོན་པས་པདྨ་དམར་པོ་བསྣམས་པ༔ བྱང་དུ་ཕྲིན་ལས་ཀྱི་ལྷ་མོ་མྱོས་བྱེད་མ་དམར་མོ་གཡས་པས་དྲིལ་བུ་དང་གཡོན་པས་པདྨ་ལྗང་གུ་བསྣམས་པ༔ ཀུན་ཀྱང་དར་དང་ རིན་ཆེན་པོ་ཆེའི་སྣ་ཚོགས་ཀྱིས་སྤྲས་པ་མཛེས་སྡུག་ལྟ་བའི་ཆོག་མི་ཤེས་པར་བསྐྱེད་དོ༔ དེའི་ཕྱི་རིམ་དུ་མཆོད་པའི་ལྷ་མོ་བསམ་ཡས་པས་མཆོད་བསྟོད་དང་བཀུར་བསྟི་བྱེད་པ་འདོད་ཡོན་ཐམས་ཅད་རང་བྱུང་དུ་ཤར་བ་རྒྱུན་མི་ཆད་པར་བསྒོམ༔ སྐྱེ་མཆེད་རིགས་བཞིས་དབྱིངས་ནས་འདུད༔ གཟུགས་དང་འདོད་ལྷས་མདུན་ནས་འདུད༔ མི་དང་ལྷ་མིན་གཡས་ནས་འདུད༔ སྡེ་བརྒྱད་ལྷ་སྲིན་རྒྱབ་ནས་འདུད༔ འཇིགས་བྱེད་ནོར་སྲུང་གཡོན་ནས་འདུད༔ ངན་སོང་གསུམ་པོ་འོག་ནས་འདུད༔ མདོར་ན་སྣང་སྲིད་བརྟན་གཡོ་ཀུན༔ དབང་ཆེན་སྟོབས་ཀྱི་བདག་པོའི་འཕྲུལ༔ དེ་ལྟར་གསལ་བའི་གནས་གསུམ་ལས༔ འོད་འཕྲོས་དབང་ཕྱུག་འདོད་རྒྱལ་དང་༔ ཚོགས་ཀྱི་བདག་པོ་སྤྱན་དྲངས་བསྟིམ༔ དེ་ནས་སྤྱན་འདྲེན་པ་ནི༔ ཧཱུྃ་ཧྲཱིཿ ཀུན་ཁྱབ་ཐུགས་རྗེའི་གཏེར་ཆེན་པོ༔ འཇིག་རྟེན་དབང་ཕྱུག་གཤེགས་སུ་གསོལ༔ སྐྱེ་མཆེད་རིགས་བཞིའི་ལྷ་གནས་སུ༔ ཏིང་འཛིན་དབང་ཕྱུག་གཤེགས་སུ་གསོལ༔ གཟུགས་ཁམས་གནས་རིགས་བཅུ་བདུན་ནས༔ དགའ་བདེའི་དབང་ཕྱུག་གཤེགས་སུ་གསོལ༔ འདོད་པ་ཁམས་ཀྱི་གནས་དྲུག་ཏུ༔ འདོད་ཡོན་འཕྲུལ་དབང་གཤེགས་སུ་གསོལ༔ སུམ་ཅུ་རྩ་གསུམ་ལྷ་ ༧ཐོ།༔ གནས་སུ༔ སྐུ་གསང་ཚོགས་ཀྱི་བདག་པོ་དང་༔ འཕྲུལ་དགའ་ལྷ་ཡི་གནས་མཆོག་ཏུ༔ གསུང་གསང་འདོད་པའི་རྒྱལ་པོ་ཆེ༔ གཞན་འཕྲུལ་དབང་བྱེད ལྷ་གནས་སུ༔ ཐུགས་གསང་དབང་ཕྱུག་ཆེན་པོ་ཉིད༔ འཁོར་དང་བཅས་པ་གཤེགས་སུ་གསོལ༔ དད་དང་དམ་ཚིག་གཉན་གྱིས་འབོད༔ མ་ཐོགས་མྱུར་དུ་གཤེགས་སུ་གསོལ༔ སྒྲུབ་པའི་རྣལ་འབྱོར་བདག་ཉིད་ལ༔ དགྱེས་པའི་ཞལ་དང་འགྲུབ་རྟགས་སྟོན༔ ཨོཾ་མ་ཧཱ་དཱེ་ཝ་ལོ་ཀི་ཤྭ་ར་སརྦ་ས་པ་རི་ཝཱ་ར་བཛྲ་ས་མ་ཡ་ཛ་ཛཿ དེ་ནས་སྙན་གསན་དབབ་པ་ནི༔ ཧཱུྃ་ཧྲཱིཿ དབང་ཕྱུག་ཆེན་པོ་དགོངས་སུ་གསོལ༔ འདོད་པའི་རྒྱལ་པོ་དགོངས་སུ་གསོལ༔ ཚོགས་ཀྱི་བདག་པོ་དགོངས་སུ་གསོལ༔ ཡ་ཀི་ཀུན་བཟང་མན་ཆད་ནས༔ མ་ཀི་དམྱལ་ཁམས་ཡན ཆད་ཀུན༔ ཐམས་ཅད་ཆོས་དབྱིངས་ངང་དུ་གཅིག༔ ཐམས་ཅད་ཀུན་ཏུ་བཟང་མོའི་ཀློང་༔ ཐམས་ཅད་སྤྲོས་པའི་མཐའ་དང་བྲལ༔ ཐམས་ཅད་གནས་ལུགས་ཀ་དག་དབྱིངས༔ མ་རིག་དབང་གིས་སོ་སོར་གྱེས༔ མ་རིག་དབང་གིས་ཐ་དད་ཤར༔ མ་རིག་ཉིད་ལས་གཞན་མ་ཡིན༔ མ་རིག་འཕྲུལ་བྱེད་རིགས་ཆེན་ཁྱོད༔ ཁམས་གསུམ་འདི་ན་ཁྱོད་ཉིད་གཅིག༔ ཁམས་གསུམ་དབང་ཕྱུག་མཆོག་ཁྱོད་དེ༔ ཁམས་གསུམ་བདེ་བྱེད་དམ་པའི་ཆོས༔ ཁམས་གསུམ་ལས་འདས་རྒྱལ་བའི་བསྟན༔ ཕྱི་རོལ་ལྟ་ལོག་རྒོལ་བས་བསྣུབས༔ སྐྱེ་འགྲོ་བདེ་སྐྱིད་ལོངས་སྤྱོད་དཔལ༔ དུས་འཁྲུགས་མཚོན་གྱི་བསྐལ་པས་བསྣུབས༔ འདོད་ཡོན་ལོངས་སྤྱོད་དཔལ་ཁ་ལ༔ འགོང་འདྲེ་བསེ་རག་མི་སྲུན་རྒོལ༔ ཆོས་བཞིན་སྤྱོད་པའི་རྣལ་འབྱོར་ལ༔ ཆོས་མིན་ལོག་ལྟ་བདུད་ཀྱིས་རྒོལ༔ དེ་འདྲའི་མི་བཟད་ཉེས་ཚོགས་ལ༔ དངངས་ཤིང་བྲེད་པའི་གདུང་སེམས་ཀྱིས༔ སྐྱོབ་བྱེད་དབང་པོ་ཁྱོད་ཉིད་བསྒྲུབས༔ སྐྱོབ་བྱེད་དབང་པོ་ཁྱོད་ཉིད་བསྟེན༔ ང་ཡི་བསྟན་པ་ཁྱོད་ལ་གཏད༔ བསྟན་ལ་རྒོལ་བའི་ལྟ་ལོག་སྒྲོལ༔ ང་ཡི་ཡུལ་ཁམས་ཁྱོད་ལ་གཏད༔ དམག་འཁྲུགས་མཚོན་གྱི་ཡོ་ལང་བཟློག༔ ང་ཡི་གནས་འཁོར་ཁྱོད་ལ་གཏད༔ ནག་ཕྱོགས་གདུག་པའི་གཞི་བདག་ཐུལ༔ ང་ཡི་ཡུལ་མི་ཁྱོད༴ མི་བདེའི་སྡུག་བསྔལ་ཀུན་ལས་སྐྱོབས༔ ང་ཡི་ལོངས་སྤྱོད་ཁྱོད༴ དགའ་ལྡན་འཕྲུལ་དགའི དཔལ་ལྟར་བསྐྱེད༔ ང་ཡི་རྒྱལ་ཁབ་ཁྱོད་རྣམ་ཐོས་བུ་བཞིན་ཕྱུག་པར་མཛོད༔ ཉེ་འཁོར་རྩ་ལག་ཁྱོད་བརྒྱ་བྱིན་ལྟ་བུར་བཙན་པར་མཛོད༔ ང་ཡི་བུ་ཚ་ཁྱོད་ཁྱོད་བཞིན་དབང་ ཁྲོཾ།༔ གི་ཕྱུག་པར་མཛོད༔ ང་ཡི་འབངས་འཁོར་ཁྱོད༴ བཙན་ཕྱུག་འཕན་དར་ཕུན་ཚོགས་མཛོད༔ ང་ཡི་གྲྭ་སློབ་ཁྱོད་ཚེ་སྒྲུབ་མཐའ་རུ་ཕྱིན་པར་མཛོད༔ ང་ཡི་ཆུང་མ་ཁྱོད་ཞི་ཚུལ་ལང་ཚོའི་དཔལ་རྒྱས་མཛོད༔ ང་ཡི་བློ་སྙིང་ཁྱོད༴ ཚེ་འདིར་སངས་རྒྱས་ས་རུ་སྐྱོལ༔ མདོར་ན་བདག་གནས་ས་ཕྱོགས་འདིར༔ མི་ལ་ནད་ཡམས་འཁྲུགས་རྩོད་དང་༔ ཕྱུགས་ལ་གོད་ཁ་ཕུང་བརླག་དང་༔ ཞིང་ལ་བཙའ་སད་སེར་གསུམ་སོགས༔ མི་མཐུན་ཕྱོགས་ངན་མ་བཏང་ཞིག༔ མི་འདོད་ཉེར་འཚེ་ཐམས་ཅད་ཟློག༔ སྡང་བའི་དགྲ་དང་གནོད་པའི་བགེགས༔ ལྷ་ཡང་རུང་སྟེ་བདུད་ཀྱང་རུང་༔ མ་ལུས་ཐལ་བའི་རྡུལ་དུ་རློག༔ བཀའ་བསྒོ་ཡིན་ནོ་བཀའ་མ་བཅག༔ དམ་ཚིག་ཡིན་ནོ་དམ་མ་ཉམས༔ བསྒྲུབ་ཅིང་བརྟེན་ནོ་ད་ཚུར་བྱོན༔ ཧྲཱི་ཧྲཱི་བཛྲ་ས་མ་ཡ༔ དེ་ནས་བཞུགས་སུ་གསོལ་བ་ནི༔ ཧཱུྃ་ཧྲཱིཿ ཏིང་འཛིན་འཕྲུལ་གྱི་གནས་མཆོག་འདིར༔ གསལ་སྣང་བདེ་ཆེན་འགྱུར་མེད་ཀློང་༔ འཕགས་པ་མཐོ་བའི་གདན་ཁྲི་ལ༔ དབང་ཕྱུག་ཆེན་པོ་བཞུགས་སུ་གསོལ༔ འདོད་པའི་རྒྱལ་པོ་བཞུགས༴ ཚོགས་ཀྱི་བདག་པོ་བཞུགསཿ འཁོར་དང་བཅས་པ་བཞུགས༴ འདོད་ ཡོན་ལོངས་སྤྱོད་དཔལ་བསྐྱེད་ལ༔ གཞན་སྣང་དབང་དུ་སྡུད་པར་མཛོད༔ ས་མ་ཡ་ཕེཾ༔ ས་མ་ཡ་སྟྭཾ༔ ས་མ་ཡ་ཏིཥྛ་ལྷན༔ དེ་ནས་ཕྱག་འཚལ་བ་ནི༔ ཧཱུྃ་ཧྲཱིཿ དྲང་སྲོང་ལྷ་ཡི་བླ་མ་ཆེ༔ དབང་ཕྱུག་འདོད་རྒྱལ་ཚོགས་ཀྱི་བདག༔ འཁོར་དང་བཅས་པ་ཐམས་ཅད་ལ༔ བསྟན་པ་བསྲུང་ཕྱིར་ཕྱག་འཚལ་ལོ༔ ན་མོ་མ་ཧཱ་དཱེ་ཝ་ཡེ༔ དེ་ནས་མཆོད་པ་འབུལ་བ་ནི༔ ཧཱུྃ་ཧྲཱིཿ མཆོད་ཡོན་ཞབས་བསིལ་མེ་ཏོག་དང་༔ བདུག་སྤོས་སྣང་གསལ་དྲི་ཆབ་དང་༔ ཞལ་ཟས་རོལ་མོ་ལ་སོགས་པའི༔ ཉེར་སྤྱོད་བདུན་གྱི་མཆོད་པ་འབུལ༔ དགྱེས་པར་དགོངས་ལ་བཞེས་པར་མཛོད༔ བདག་གི་འདོད་དོན་བསྒྲུབ་ཏུ་གསོལ༔ ཨོཾ་བཛྲ་ཨརྒྷཾ་སོགས༔ ཤབྡ་པཱུ་ཛ་ཧོཿ གཟུགས་མཛེས་སྒྲ་སྙན་དྲི་ཞིམ་དང་༔ རོ་མངར་རེག་བྱ་འཇམ་ལ་སོགས༔ འདོད་ཡོན་ལྔ་ཡི་མཆོད་པ་འབུལ༔ དགྱེས་པར་དགོངས་ལ་བཞེས་པར་མཛོད༔ བདག་གི་འདོད་དོན་ཡོངས་གྲུབ་ཅིང་༔ གཞན་སྣང་དབང་དུ་འདུ་བར་མཛོད༔ ཨོཾ་ཨཱཿ ཧཱུྃ་རཱུ་པ་ཤབྡ སོགས་སྤཪྴ་པྲ་ཏཱིཙྪ་པཱུ་ཛ་ཧོཿ ཧཱུྃ་ཧྲཱིཿ བདུད་རྩི་སྨན་དང་བ་ལི་ཏ༔ འབྱུང་བའི་དྭངས་བཅུད་རཀྟར་བཅས༔ དད་དང་མོས་པའི་ཤུགས་ཀྱིས་འབུལ༔ དགྱེས་པར་དགོངས་ལ་བཞེས་ ཁྲོཾ།༔ པར་མཛོད༔ བདག་གི་འདོད་དོན་ཡོངས་འགྲུབ་ཅིང་༔ གཞན་སྣང་དབང་དུ་འདུ་བར་མཛོད༔ མ་ཧཱ་ཨ་མྲྀ་ཏ་བ་ལིཾ་ཏ་རཀྟ་པཱུ་ཛ་ཧོཿ འདོད་ཡོན་དུ་མའི་མཆོད་འབུལ་ཞིང་༔ བཀུར་སྟི་བྱེད་ཅིང་བདེ་སྟོབ་པའི༔ སྤྲུལ་པའི་ལྷ་མོ་མཆོག་ཏུ་འབུལ༔ རིན་ཆེན་རིགས་དང་གོས་དར་རིགས༔ གཅན་གཟན་རིགས་དང་རི་དྭགས་རིགས༔ དཀོར་རྫས་མཐུན་རྫས་སྨན་སྤོད་རིགས༔ མདོར་ན་མཐུན་རྫས་ལོངས་སྤྱོད་ཚོགས༔ མ་ཚང་མེད་པར་སྤྲུལ་ཏེ་འབུལ༔ དགྱེས་པར་དགོངས་ཤིང་བཞེས་སུ་གསོལ༔ བདག་གི་བསམ་དོན་ཡོངས་གྲུབ་ཅིང་༔ གཞན་སྣང་དབང་དུ་འདུ་བར་མཛོད༔ སརྦ་ག་ཎ་པཱུ་ཛ་ཧོཿ དེ་ནས་ཕྲིན་ལས་བཅོལ་བ་ནི༔ ཧཱུྃ༔ ལྷ་ཆེན་དབང་ཕྱུག་ཆེན་པོ་ཁྱོད༔ མ་གཡེལ་མ་འགྱངས་དམ་ལ་འདུས༔ ཕྲིན་ལས་གཉན་པོ་བཅོལ་བ་ནི༔ དཀོན་མཆོག་གསུམ་གྱི་བསྟན་པ་སྐྱོངས༔ ཕྱི་དགྲ་ཀླ་ཀློ་ལྟ་ལོག་དང་༔ མུ་སྟེགས་ལ་སོགས་རིགས་ངན་ཐུལ༔ ནང་དགྲ་ཕྲག་དོག་ཕན་ཚུན་རྩོད༔ བན་དགྲ་ནང་འཁྲུགས་གཡུལ་འགྱེད་ཐུལ༔ གསང་དགྲ་སྒྲུབ་ལ་བར་གཅོད་རིགས༔ དམ་སྲི་སྒབ་འདྲེ་ལོག་འདྲེན་ཐུལ༔ མཐའ་དབུས་དམག་ཚོགས་འཐབ་རྩོད་ཀྱི༔ འཇིགས་དང་སྡུག་བསྔལ་ཐམས་ཅད་ཟློག༔ ཁྱད་པར་བདག་གི་གནས་ཡུལ་འདིར༔ ལོ་ལེགས་འབྲུ་རྒྱས་ཕྱུགས་རྣམས་སྤེལ༔ ཚེ་རིང་ནད་མེད་ཕན་ཚུན་མཐུན༔ བཙན་ཕྱུག་འཕན་དར་རྒྱས་པར་མཛོད༔ དགྲ་ཇག་ཆོམ་རྐུན་གཅན་གཟན་དང་༔ འབྱུང་ལྔའི་གཡོ་འཁྲུགས་འཇིགས་ཚོགས་དང་༔ མི་མཐུན་ཕྱོགས་ཀུན་མེད་པར་མཛོད༔ བདག་དང་བདག་གི་ཉེ་འཁོར་བཅས༔ བཀྲ་ཤིས་བདེ་ལེགས་ཕུན་ཚོགས་ཤིང་༔ ཁྱོད་ཀྱིས་སྲུང་ཞིང་སྐྱོབ་མཛོད་ལ༔ དགྲ་གེགས་གནོད་བྱེད་རྡུལ་དུ་རློག༔ འཇིག་རྟེན་དབང་ཕྱུག་སྟོབས་པོ་ཆེ༔ ཁྱོད་ཞལ་མྱུར་དུ་བདག་ལ་སྟོན༔ ཡང་ན་སྐྱེས་པ་བུད་མེད་ཀྱི༔ གཟུགས་སུ་བརྫུས་ཏེ་རྨི་ལམ་ན༔ ལུང་བསྟན་ལེགས་ཉེས་སྨྲ་བར་མཛོད༔ དམ་ལས་མ་འདའ་ས་མ་ཡ༔ དེ་ནས་བསྟོད་པ་བྱ་བ་ནི༔ ཧཱུྃ་ཧྲཱིཿ ཐུགས་རྗེའི་གཏེར་ཆེན་འགྲོ་བ་ཡོངས་ཀྱི་མགོན༔ གང་ལ་གང་འདུལ་ཐབས་ཀྱིས་འགྲོ་དོན་མཛད༔ ཞུམ་པ་མེད་པའི་དཔའ་སྟོབས་ནུས་པ་ལྡན༔ མགོན་པོ་ཐུགས་རྗེ་ཆེ་ལ་ཕྱག འཚལ་བསྟོད༔ སྟོང་ཉིད་ནམ་མཁའ་ལྟ་བུའི་ཀློང་ཡངས་པར༔ ཏིང་འཛིན་ཞགས་པས་དགའ་བདེར་འཆིང་མཛད་པ༔ ལྷ་ཆེན་སྙོམས་འཇུག་དབང་པོ་ཁྱོད་དྲན་གྱི༔ གཟུགས་མེད་ ཟོཾ།༔ ཁམས་ཀྱི་དབང་ཕྱུག་ཁྱོད་ལ་བསྟོད༔ གསལ་སྣང་མི་ཟད་འཕྲུལ་གྱི་ལོངས་སྤྱོད་ལ༔ དགྱེས་ཆགས་དགའ་བདེའི་རོ་ཡིས་མྱོས་བྱེད་པའི༔ གསལ་བྱེད་དབང་པོ་མ་འགགས་འོད་ལུས་ཅན༔ གཟུགས་ཁམས་དབང་ཕྱུག་ཁྱོད་ཉིད་དྲན་ཅིང་བསྟོད༔ འདོད་པའི་ཁམས་ན་ལེགས་ཉེས་སྟངས་འཛིན་ཅིང་༔ བདེ་དང་སྡུག་བསྔལ་གར་གྱི་རྣམ་འགྱུར་ངོམས༔ ལྷ་དབང་ལྷ་ཡི་བླ་མ་ལྷ་ཡི་ལྷ༔ དབང་ཕྱུག་མ་ཧཱ་དཱེ་ཝ་ཁྱོད་ལ་བསྟོད༔ ཁམས་