Tibetan
༔ དམིགས་གསལ་གནད་དང་ལྡན་གྱུར་ན༔ སྔགས་སྲུང་ཆེན་མོ་བྲན་ཁོལ་ཞིང་༔ ཕྲིན་ལས་རབ་འབྱམས་ཐོགས་མེད་འགྲུབ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་ཟབ་གསང་མཁའ་འགྲོའི་བརྡ་རིས་ལས་བསྒྱུར་བའོ།། ༦༣ 37 T1608 - 041 T11608 - 042 རྩྭ་ཁྲོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ ལྷ་ཆེན་རྣམ་པ་གསུམ་གྱི་སྲོག་གཏད་ཡིད་བཞིན་འཁོར་ལོ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ གཧ་བླ་ཧཱ། བསྐལ་པའི་མར་གཤམ་སྙིགས་མའི་དུས༔ དམ་ལྡན་སྐྱེས་བུ་རྣམས་ཀྱི་དོན༔ ལྷ་ཆེན་གཙུག་ན་ཟླ་བ་ཡི༔ སྲོག་དབང་ཟབ་མོ་བསྟན་པར་བྱ༔ འདི་ཡི་ལག་ལེན་རིམ་པ་ལ༔ དབང་རྫས་ཐམས་ཅད་དཀྱུས་བཞིན་བཀོད༔ དང་པོ་ལས་གཞུང་བསྲང་བྱས་ནས༔ དྲང་སྲོང་ལྷ་ཡི་བླ་མ་ཡི༔ སྐུ་གསུང་ཐུགས་ཡོན་ཕྲིན་ལས་ཀུན༔ ཡོངས་འདུས་ཡོངས་རྫོགས་རྒྱ་ཡིས་བཏབ༔ དེ་ནས་སློབ་མ་གྲལ་འཁོད་ཅིང༔ ཁྲུས་བྱས་བགེགས་བསྐྲད་སྲུང་འཁོར་བསྒོམ༔ དང་པོ་ཞུ་བ་ལ༔ ཀྱེེ༔ བླ་མ་རྡོ་རྗེ་འཛིན་ཁྱོད་ཀྱིས༔ བདག་ཅག་བདེ་ལེགས་མཛད་པའི་ཕྱིར༔ དྲང་སྲོང་ལྷ་ཡི་བླ་མ་ཡི༔ སྲོག་གི་དབང་མཆོག་བསྐུར་དུ་གསོལ༔ ལན་གསུམ་མཐར༔ གཏོར་མ་ལྷ་ཆེན་དངོས་སུ་གསལ་ལ༔ དམ་ཆུ་ཐོགས་ལ༔ ཧཱུྃ༔༷ རྡོ་རྗེ་ཅན་སོགས་རྒྱལ་ཀུན་གྱི༔ དམ་ཚིག་གཉན་པོ་མནའ་ཡི་ཆུ༔ ལྷ་ཆེན་ཁྱོད་ཀྱི་ལྕེ་ལ་བཞག༔ བདག་དང་སྒྲུབ་པའི་སྐལ་ལྡན་ལ༔ ཕ་མ་བུ་ཚ་ཇི་བཞིན་སྐྱོངས༔ བཀའ་བསྒོ་ཡིན་ནོ་བཀའ་མ་བཅག༔ དམ་ཚིག་ཡིན་ནོ་དམ་མ་ཉམས༔ ས་མ་ཡ༔ ཞེས་མེ་དང་ཆུ་བྲབ་སྟེ་གཏོར་མ་ལྷ་ཆེན་དངོས་སུ་གསལ་བ་ལག་ཏུ་ཐོགས་ལ༔ ཀྱེེ༔ རྡོ་རྗེ་ཅན་སོགས་རྒྱལ་ཀུན་གྱི༔ བཀའ་དང་དམ་ཚིག་གཅིག་དྲིལ་ཏེ༔ བསྒོ་བའི་བཀའ་ཡིན་ཁྱོད་ཀྱིས་ལོངས༔ སྐལ་བཟང་སྐྱེས་བུ་འདི་ཉིད་ལ༔ ལྷ་ཆེན་འཁོར་བཅས་འགོ་བ་དང་༔ འཁོར་ཞིང་འགྲོགས་པར་མཛད་དུ་གསོལ༔ དམ་ལ་མ་འདའ་ས་མ་ཡ༔ ཞེས་བརྗོད་པས་སློབ་མ་ལ་ཐིམ་པས་སློབ་མ་ལྷ་ཆེན་དངོས་སུ་གྱུར་པར་བསམ༔ སླར་ཡང་ལྷ་ཆེན་བསྐྱེད་ཆོག་གིས་བསྐྱེད༔ སྤྱན་འདྲེན་གྱིས་བསྟིམ༔ ཏིཥྛ་བཛྲ་གྱིས་བརྟན་པར་བྱས༔ དེ་ནས་དམ་ཆུ་ཐོགས་ལ༔ ཀྱེེ༔ རྡོ་རྗེ་ཅན་སོགས་རྒྱལ་ཀུན་གྱི༔ གསང་བ་ཆེན་པོ་མནའ་ཡི་ཆུ༔ ལྷ་མི་དབྱེར་མེད་ངག་ཏུ་བླུད༔ ཡིད་ལ་དྲན་ཅིང་བསྒྲུབ་ཙམ་གྱིས༔ དེ་མ་ཐག་ཏུ་དེའི་མདུན་སར༔ ལྷ་ཆེན་འཁོར་བཅས་མཆིས་གྱུར་ཏེ༔ ཕྲིན་ལས་རབ་འབྱམས་ཡོངས་སུ་སྒྲབས༔ ས་མ་ཡ་ན་ར་ཀན༔ ཞེས་བསྐྱལ་བཅུག་གོ༔ དམ་ཚིག་གི་བདུད་རྩི་དེ་སྙིང་གར་བབ་པས་ཙིཏྟ་རིན་པོ་ཆེའི་སྦུབས་སུ་ཀུན་རྫོབ་བྱང་ཆུབ་སེམས་ཀྱི་ངོ་བོ་རྡོ་རྗེ་སྔོན་པོ་འོད་འབར་བའི་ལྟེ་བར་དོན་དམ་བྱང་ཆུབ་སེམས་ཀྱི་ངོ་བོ་འོད་ལྔའི་ཐིག་ལེ་ཧཱུྃ་གིས་མཚན་པ་ཅན་དུ་གྱུར་ནས་དམ་ཚིག་གཉན་པོའི་སྲོག་ཐོབ་པར་གྱུར༔ དེ་ནས་ལྕགས་ཀྱུ་ལག་གཡས་སུ་གཏད་ལ༔ ཧཱུྃ༔ ལྷ་ཆེན་ཆེ་གེ་ཆེན་པོ་ལ༔ དབང་གི་ལྕགས་ཀྱུ་འདི་གཏད་པས༔ ཁམས་གསུམ་དབང་དུ་སྡུད་པ་དང་༔ ཐོ།༔ ཕྲིན་ལས་རབ་འབྱམས་ཡོངས་འགྲུབ་ཤོག༔ སརྦ་ཨ་བྷི་ཥིཉྩ་ཧཱུྃ༔ དེ་ནས་ཞགས་པ་ལག་གཡོན་དུ་གཏད་ལ༔ ཧཱུྃ༔ ལྷ་ཆེན་ཆེ་གེ་ཆེན་པོ་ལ༔ དབང་གི་ཞགས་པ འདི་གཏད་པས༔ སྣང་སྲིད་མ་ལུས་དབང་སྡུད་ཅིང་༔ སྐྱེ་འགྲོ་བྲན་དུ་ཁོལ་བར་ཤོག༔ སརྦ་ཨ་བྷི་ཥིཉྩ་ཧཱུྃ༔ དེ་ནས་གཏེར་བུམ་གཏད་ལ༔ ཧཱུྃ༔ ལྷ་ཆེན་ཆེ་གེ་ཆེན་པོ་ལ༔ གཏེར་གྱི་བུམ་བཟང་འདི་གཏད་པས༔ ལོངས་སྤྱོད་བདེ་སྐྱིད་ཕུན་ཚོགས་ཀྱི༔ འཛད་མེད་གཏེར་ལ་དབང་ཐོབ་ཤོག༔ སརྦ་ཨ་བྷི་ཥིཉྩ་ཧཱུྃ༔ དེ་ནས་སྲོག་འཁོར་གཏད་ལ༔ ཧཱུྃ༔ ལྷ་ཆེན་ཆེ་གེ་ཆེན་པོ་ལ༔ སྲོག་གི་འཁོར་ལོ་འདི་གཏད་པས༔ ཡབ་ཡུམ་སྤྲུལ་འཁོར་སྡེ་དང་དཔུང་༔ མ་ལུས་བསྒྲུབས་ལ་དབང་ཐོབ་ཤོག༔ སརྦ་ཨ་བྷི་ཥིཉྩ་ཧཱུྃ༔ དེ་ནས་སྲོག་ཡིག་རྣམ་དྲུག་གཏད་ལ༔ ཧཱུྃ༔ སྲོག་གི་སྙིང་པོ་འདི་གཏད་པས༔ ལྷ་ཆེན་ཆེ་གེ་ཆེན་པོ་ཡི༔ ཡབ་ཡུམ་སྤྲུལ་འཁོར་དཔུང་བཅས་ཀྱི༔ སྲོག་ལ་དབང་བསྒྱུར་དབང་ཐོབ་ཤོག༔ སརྦ་ཨ་བྷི་ཥིཉྩ་ཧཱུྃ༔ དེ་ནས་སྐུ་གཟུགས་གཏད་ལ༔ ཧཱུྃ༔ ལྷ་ཆེན་དབང་པོའི་སྐུ་གཏད་པས༔ ལྷ་དབང་རྒྱལ་དང་དེ་ཡི་ཡུམ༔ སྤྲུལ་འཁོར་ནོར་བདག་དཔལ་མགོན་གྱི༔ སྐུ་ལ་དབང་བསྒྱུར་དབང་ཐོབ་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ ཧཱུྃ༔ དེ་ནས་བཟླས་པའི་སྔགས་གཏད་ལ༔ ཧཱུྃ༔ གསུང་གི་སྙིང་པོ་འདི་གཏད་པས༔ ལྷ་དབང་རྒྱལ་དང་དེ་ཡི་ཡུམ༔ སྤྲུལ་འཁོར་ནོར་བདག་དཔལ་མགོན་གྱི༔ གསུང་ལ་དབང་བསྒྱུར་དབང་ཐོབ་ཤོག༔ རྩ་སྔགས༔ ཝཱཀ་ཨ་བྷི་ཥིཉྩ་ཨཱཿ དེ་ནས་ལིངྒ་གཏད་ལ༔ ཧཱུྃ༔ གསང་སྙིང་ལིངྒ་འདི་གཏད་པས༔ ལྷ་དབང་རྒྱལ་དང་དེ་ཡི་ཡུམ༔ སྤྲུལ་འཁོར་ནོར་བདག་དཔལ མགོན་གྱི༔ ཐུགས་ལ་དབང་བསྒྱུར་དབང་ཐོབ་ཤོག༔ རྩ་སྔགས༔ ཙིཏྟ་ཨ་བྷི་ཥིཉྩ་ཧཱུྃ༔ དེ་ནས་མེ་ཏོག་རྣམ་ལྔ་གཏད་ལ༔ ཧཱུྃ༔ མེ་ཏོག་སྣ་ཚོགས་པདྨོ་སྦྱིན༔ ལྷ་དབང་རྒྱལ་དང་དེ་ཡི་ཡུམ༔ དགའ་བདེ་ལོངས་སྤྱོད་ཕུན་ཚོགས་ཀྱི༔ ཡོན་ཏན་དཔལ་གྱི་དབང་ཐོབ་ཤོག༔ རྩ་སྔགས༔ སརྦ་རཏྣ་ཨ་བྷི་ཥིཉྩ་ཨཱཿ དེ་ནས་ནོར་བུ་མཐིང་ནག་གཏད་ལ༔ ཧཱུྃ༔ རིན་ཆེན་ནོར་བུ་འདི་གཏད་པས༔ ལྷ་དབང་རྒྱལ་དང་དེ་ཡི་ཡུམ༔ ཕྲིན་ལས་ཐོགས་མེད་དབང་ཐོབ་ནས༔ ཕ་རོལ་དགྲ་དཔུང་གཞོམ་པར་ཤོག༔ རྩ་སྔགས༔ སརྦ་ཀརྨ་ཨ་བྷི་ཥིཉྩ་ཧཱུྃ༔ དེ་ནས་རྒྱལ་སྲིད་གཏད་ལ༔ ཧཱུྃ༔ འཁོར་ལོས་བསྒྱུར་བ་རྒྱལ་པོའི་སྲིད༔ སྐལ་ལྡན་བུ་ལ་གཏད་པ་ཡིས༔ ལྷ་ཆེན་འཁོར་ལོས་སྒྱུར་རྒྱལ་གྱི༔ དཔལ་ལ་དབང་བསྒྱུར་དབང་ཐོབ་ཤོག༔ རྩ་སྔགས༔ སརྦ་ཨ་མ་མ་ ཐོ།༔ ཎི་རཏྣ་ཨ་བྷི་ཥིཉྩ་ཧཱུྃ༔ དེ་ནས་སྨོན་ལམ་གདབ་པ་ནི༔ ཧོཿ ལྷ་ཆེན་ཆེ་གེ་མོའི་སྐུ་གསུང་ཐུགས་ཡོན་ཏན་ཕྲིན་ལས་ཐམས་ཅད་ལ་དབང་བསྒྱུར་བའི་དབང་དང་དཔལ་དང་མཐུ་ནུས་ཐམས་ཅད་སློབ་མ་འདི་ལ་ཐོབ་པར་གྱུར་ཅིག༔ སྨོན་འགྲུབ་བདེན་བརྗོད་ཀྱང་ནན་དུ་བྱ༔ ཤིས་པ་བརྗོད༔ འདི་ཐོབ་སྐལ་ལྡན་སྐྱེས་བུ་ཡིས༔ སྒྲུབ་པ་ཙམ་གྱིས་ངེས་པར་འགྲུབ༔ སྙིང་ཉེ་བརྩེ་དང་གདུང་བར་འཁོར༔ བསམ་པའི་དོན་ཀུན་ངེས་པར་འགྲུབ༔ དབང་ཕྱུག་འདོད་རྒྱལ་ཚོགས་བདག་གི༔ སྤྱི་དབང་ཟབ་མོ་འདི་ཁོ་ན༔ ཁྱབ་བདག་བླ་ན་མེད་པ་ཡིན༔ བཀའ་སྲུང་གནོད་སྦྱིན་ཆེན་པོས་སྲུངས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ནི་ཁྲག་འཐུང་བདུད་འཇོམས་རྡོ་རྗེ་ཁྲོ་ལོད་ཀྱིས་གཏེར་ནས་བཏོན་ཏེ་མི་ལོ་ཉེར་གཉིས་བར་དུ་བཀའ་རྒྱས་བཏབ་ནས་མཐར་འོད་གསལ་རྫོགས་པ་ཆེན་པོའི་རྣལ་འབྱོར་པ་བསོད་ནམས་བཀྲ་ཤིས་ཀྱིས་ནན་དུ་བསྐུལ་ངོར་གཏན་ལ་ཕབ་པའི་ཡི་གེ་པ་ནི་ཧོར་གྱི་བླ་མ་བློ་བཟང་རྡོ་རྗེའོ། །དགེའོ། །དགེའོ། །དགེའོ། །སརྦ་མངྒ་ལཾ།། T1608 - 047 T11608 - 048 །༔ ཟབ་གསང་མཁའ་འགྲོའི་སྙིང་ཐིག་ལས༔ དབང་ཕྱུག་མ་ཧཱ་དཱེ་ཝའི་སྐྱེ་རྒྱུད་གསལ་བྱེད་སྒྲོན་མེ་ཞེས་བྱ་བ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ སྣ་ཧངྷཝཤམྦྷགགསྦྲ ཨཿ དཔལ་ལྡན་སངས་རྒྱས་རྡོ་རྗེའི་ལྕེ༔ མཁའ་ཁྱབ་མཁའ་ཀློང་ཡངས་པ་རུ༔ ཡེ་ཤེས་དབང་མོ་མཉམ་བརྡལ་ཡན༔ སྲིད་ཞི་མཉམ་ཉིད་དབྱིངས་མངོན་བྱ༔ གསང་ཆེན་རོལ་པའི་དུར་ཁྲོད་ནི༔ བདག་རྟོག་རོ་ཐང་བརྡལ་ཁྲོད་ནས༔ བདག་མེད་དབྱིངས་ཀྱི་སྤྱི་རྗེ་མོ༔ གང་འདུལ་སྣ་ཚོགས་ཐབས་དུ་མས༔ འཁོར་བ་རུ་ལོག་དེ་འདས་ཀྱིཿ དབྱིངས་བསྒྱུར་མཁའ་འགྲོ་སེང་གདོང་མའི༔ ཁམས་གསུམ་དབང་སྡུད་གད་རྒྱངས་ཀྱིས༔ དྲེགས་པ་དབང་དུ་སྡུད་པའི་ཚེ༔ ཁམས་གསུམ་དབང་ཕྱུག་ཆེན་པོ་དང་༔ དེ་ཡི་དགྱེས་བདེ་ཨུ་མ་གཉིས༔ དྲེགས་པའི་འཁོར་ཚོགས་དང་བཅས་པ༔ རང་དབང་མེད་པར་མདུན་དུ་བཀུག༔ ཡེ་ཤེས་མཁའ་འགྲོའི་ཞལ་ན་རེ༔ མཁྱེན་བཞིན་ཁྱོད་ཅག་སུ་ཡིན་གསུངས༔ དབང་ཕྱུག་ཆེན་པོས་འདི་སྐད་ཞུས༔ གསོན་ཅིག་ཡེ་ཤེས་མཁའ་འགྲོ་མ༔ ང་ནི་འཇིག་རྟེན་གསུམ་གྱི་བདག༔ ཁམས་གསུམ་ལྷ་ལ་དབང་བསྒྱུར་བའི༔ དབང་ཕྱུག་མ་ཧཱ་དཱེ་ཝ་ཡིན༔ འོག་ཕྱོགས་ས་ བདག་ཀླུ་གཉན་ལ༔ མངའ་དབང་འཁོར་ལོའི་བསྒྱུར་རྒྱལ་ཏེ༔ ཤར་ཕྱོགས་སྲིད་པ་སྐྱེ་འགྲོ་ལ༔ དབང་མཛད་མ་ཧཱ་དཱེ་ཝ་དཀར༔ ཞི་བའི་ལས་ལ་མངའ་དབང་བསྒྱུར༔ ཐམས་ཅད་འགུགས་པའི་ཕྱག་རྒྱས་བསྒྱུར༔ ལྷོ་ཕྱོགས་སྲིད་པ་སྐྱེ་འགྲོའི་བདག༔ འདོད་དགུའི་དཔལ་སྟེར་དབང་ཕྱུག་སེར༔ འདོད་ཡོན་ཡུལ་དུ་ཐམས་ཅད་འཆིང་༔ ནུབ་ཕྱོགས་སྲིད་པ་སྐྱེ་འགྲོའི་བདག༔ ཁམས་གསུམ་དབང་བསྒྱུར་དམར་པོ་སྟེ༔ ཐམས་ཅད་ང་ཡི་ཀློང་དུ་བསྡོམ༔ བྱང་ཕྱོགས་སྲིད་པ་སྐྱེ་འགྲོའི་བདག༔ རབ་འབྱམས་ལས་ལ་མངའ་དབང་མཛད༔ དྲེགས་པའི་དབང་ཕྱུག་ཧེ་རུ་ཀ༔ ཐམས་ཅད་འཕྲུལ་དེ་ཐམས་ཅད་བསྒྲལ༔ དེ་བཞིན་ཤར་ལྷོའི་མཚམས་ཤེད་ན༔ ང་ནི་དགའ་བའི་དབང་པོ་ཡིན༔ ཐམས་ཅད་དགའ་བའི་ཡུལ་དུ་འགུག༔ རྣམ་པར་གཡེང་བའི་ལས་ལ་དགའ༔ ལྷོ་ནུབ་མཚམས་ཀྱི་འཇིག་རྟེན་ན༔ ང་ནི་འཕྲུལ་གྱི་དབང་ཕྱུག་ལགས༔ འདོད་ཡོན་སྣ་ཚོགས་དགའ་སྟོན་ངོམས༔ སྣང་བའི་ཡུལ་དུ་ཐམས་ཅད་འཆང་༔༷ ནུབ་བྱང་མཚམས་ཀྱི་འཇིག་རྟེན་ན༔ ང་ནི་འདོད་པའི་རྒྱལ་པོ་སྟེ༔ ཆགས་དང་ཞེན་པའི་ཡུལ་སྣང་འགྱེད༔ ཆགས་དང་བདེ་བའི་རྒྱས་འདེབས་ཤིང་༔ ཁམས་གསུམ་ ཐོཿ ཐམས་ཅད་རྨོངས་པར་བྱེད༔ བྱང་ཤར་མཚམས་ཀྱི་འཇིག་རྟེན་ན༔ ང་ནི་ལས་ཀྱི་དཔའ་བོ་སྟེ༔ སྣ་ཚོགས་ལས་བྱེད་འཕྲུལ་སྣང་སྟོན༔ ལས་ཀྱི་ལམ་ལ་ཐམས་ཅད་གཟུད༔ སྔོན་ཚེ་བསྐལ་པའི་དང་པོ་ལ༔ གདོད་མ་གཞི་ཡི་སངས་རྒྱས་ནི༔ ཀ་དག་ཀུན་བཟང་ཡབ་དང་ཡུམ༔ སྟོང་དང་གསལ་བའི་ཆ་ཉིད་ལས༔ ཀུན་ཏུ་གཟིགས་པའི་ཡེ་ཤེས་ཉིད༔ ཤེས་སྒྲིབ་ཕྲ་བས་སྦགས་པ་ལས༔ ཐུགས་རྗེ་སྤྱན་རས་གཟིགས་སུ་གྲགས༔ དེ་ཡང་དེ་ཉིད་ཅུང་བསྟན་པས༔ ང་ཉིད་འཇིག་རྟེན་དབང་པོར་ཤར༔ དེ་དག་ང་ཉིད་བསྒྲུབ་པ་ཡིས༔ གཞི་དང་བསྐྱེད་དང་དམིགས་གསལ་བའི༔ གཟུགས་མེད་གཟུགས་སུ་བཅོས་པ་དང་༔ ཡུལ་མེད་ཡུལ་ནས་འབོད་པའི་ཚུལ༔ མིང་མེད་མིང་དུ་བཟུང་ནས་སུ༔ བཟླས་བརྗོད་བྱེད་པའི་ལམ་བསྟན་པ༔ བདེན་པ་མེད་དེ་དངོས་མཚན་མེད༔ རྫུན་པ་མེད་དེ་འབྲས་བུ་སྣང་༔ ང་ལ་ཡེ་ཤེས་པ་དང་ནི༔ འཇིག་རྟེན་པ་རུ་འཛིན་བརྗོད་པ༔ གང་ཡང་མི་རྫུན་ཐམས་ཅད་བདེན༔ ཤེས་རབ་མིག་འབྲས་ཟུམ་པ་ཡིས༔ དམུས་ལོང་དག་གི་སྤྱོད་ཡུལ་དུ༔ ཀུན་ཤེས་ཀུན་ཏུ་གཟིགས་པ་ཡིས༔ ཡེ་ཤེས་སྤྱན་དང་ལྡན་པ་ལ༔ ཐམས་ཅད་རྫུན་ ཅིང་བདེན་པ་མེད༔ ང་ནི་མི་གནས་ཡེ་ཤེས་ཏེ༔ ཁས་ལེན་བརྗོད་བྱའི་ཡུལ་ལས་འདས༔ བརྗོད་པ་མེད་ལ་རྗོད་བྱེད་ཅིང༔ ཕྱོགས་མེད་ས་ལ་ཕྱོགས་འཛིན་པའི༔ མི་ཤེས་རྨོངས་ལ ཤེས་རློམ་པའི༔ སྐྱེས་བུས་བཟང་ངན་ཚིག་བརྗོད་པ༔ བརྗོད་མེད་བརྗོད་པའི་ཚིག་འཛིན་སྒྲོག༔ མི་ཤེས་སྐྱེས་བུ་སྙིང་རྗེའི་གནས༔ ང་ནི་བྱུང་དང་གནས་དང་འགྲོ༔ གཟུགས་དང་ཁ་དོག་སྐྱེ་མཆེད་ཚོགས༔ ཅི་བཞིན་གྲུབ་པའི་ཚུལ་བཤད་ན༔ སྔོན་གྱི་བསྐལ་པའི་དང་པོ་ལ༔ གཏུམ་ཆེན་མུན་པ་ཕོ་མོ་གཉིས༔ མ་འཕྲད་ངང་གིས་སྦྱོར་བ་ལས༔ བདེ་དང་དྲོད་ཀྱིས་བཞིན་འབར་བའི༔ དེ་ཡི་དྭངས་མ་དཀར་དམར་གཉིས༔ ཟུང་འཇུག་རོལ་པའི་རྟེན་འབྲེལ་ལས༔ སྣང་ཞིང་གསལ་བའི་འོད་ལུས་ལ༔ ང་རུ་ཤེས་པས་བདག་ཏུ་བཟུང་༔ བདག་ལ་ང་ཡིས་གསོས་སུ་བཏབ༔ ང་ནི་སྒྱུ་མ་མཁན་པོ་སྟེ༔ རྟེན་འབྲེལ་རྫུ་འཕྲུལ་ཅིར་ཡང་སྟོན༔ དང་པོ་མ་བྱུང་བྱུང་བ་ལས༔ ཤོ་༔ ཟབ་གསང་མཁའ་འགྲོའི་སྙིང་ཐིག་ལས༔ བཀའ་སྲུང་སྒྲུབ་རྫས་བསང་སྦྱང་བཞུགས་སོ༔ T1608 - 053 བདུད་འཇོམས་བཀའ་སྲུང་ལྷ་ཆེན་ཐོ།༔ ན་མོ་གུ་རུ་པདྨ་ཀ་ར་ཡེ༔ ཤགའགག༔ ལྷ་ཤིང་སྣ་ཚོགས་དུད་པ་བཏང༔ དེ་ལ་གཙང་མའི་ཆབ་ཀྱིས་བྲན༔ ཨོཾ་སྭ་བྷཱ་ཝ་ཤུདྡྷ་ཀྱེེ༔ བཟང་ཤིང་དྲི་བཟང་སྣ་ཚོགས་དང་༔ སྨན་སྤོས་བསྲེགས་པའི་དུ་བ་འདི༔ མཆོག་གསུམ་ཐུགས་རྗེའི་བྱིན་རླབས་དང་༔ རྟེན་འབྲེལ་ཟབ་མོའི་བདེན་སྟོབས་ཀྱིས༔ མི་གཙང་གྲིབ་དང་བག་ཆགས་ཀུན༔ བསང་ཞིང་གཙང་མར་བྱེད་པ་ཡི༔ ནུས་བྱིན་རླབས་དང་ལྡན་པར་གྱུར༔ ཨོཾ་ཨཱཿཧཱུྃ༔ ལན་གསུམ༔ དེ་ནས་ཧཱུྃ༔ དང་པོ་གྲིབ་བྱུང་གང་ནས་བྱུང་༔ དང་པོ་མ་རིག་གཉིད་ཀྱི་གྲིབ༔ བར་དུ་གྲིབ་བྱུང T11608 - 054 ལབསང་ཝྃ།༔ གང་ནས་བྱུང་༔ བར་དུ་གཟུང་དང་འཛིན་པའི་གྲིབ༔ ཐ་མ་གྲིབ་བྱུང་གང་ནས་བྱུང་༔ བག་ཆགས་འཐས་པའི་གྲིབ་ཏུ་བྱུང་༔ ཡེ་ཤེས་འཕྲུལ་གྱི་བསང་དུད་འདིས༔ མི་གཙང་འབག་རྩོག་སངས་གྱུར་ཅིག༔ ཀྱེེ༔ མ་རིག་སྣང་སེམས་ཆོ་འཕྲུལ་ལས༔ སྡིག་ཅན་དམེ་བོ་མགར་བ་དང་༔ གྲི་བོ་མཛེ་བོ་བང་ནལ་ཡུག༔ ཁྱད་པར་དམ་ཉམས་སྡོམ་ཉམས་གྲིབ༔ སེར་སྣ་འཇུར་གེགས་མི་གཙང་གྲིབ༔ འདི་དག་ལྷ་དང་སྲུང་མའི་དུག༔ དུག་དེ་གང་ལ་ཕོག་སྲིད་ཀྱང་༔ བསང་དུད་འདི་ཡིས་སངས་གྱུར་ཅིག༔ དཀོན་མཆོག་གསུམ་ལ་དུག་ཕོག་T1608 - 055 ན༔ བསང་དུད་འདི་ཡིས་སངས་གྱུར་ཅིག༔ བཀའ་སྲུང་གཉན་ལ་དུག་ཕོག་ན༔ བསང་དུད་འདི་ཡིས་སངས་གྱུར་ཅིག༔ ཆོས་སྐྱོང་གཉན་པོར་དུག་ཕོག་ན༔ བསང་དུད་འདི་ཡིས སངས་གྱུར་ཅིག༔ དམ་ཅན་རྣམས་ལ་དུག་ཕོག་ན༔ བསང་དུད་འདི་ཡིས་སངས་གྱུར་ཅིག༔ ལྷ་སྲིན་དྲེགས་པར་དུག་ཕོག་ན༔ བསང་དུད་འདི་ཡིས་སངས་གྱུར་ཅིག༔ གཞི་བདག་རྣམས་ལ་དུག་ཕོག་ན༔ བསང་དུད་འདི་ཡིས་སངས་གྱུར་ཅིག༔ འགོ་བའི་ལྷ་ལ་གྲིབ་ཕོག་ན༔ བསང་དུད་འདི་ཡིས་སངས་གྱུར་ཅིག༔ སྐྱོབ་པའི་ལྷ་ལ་གྲིབ་ཕོག་ན༔ བསང་དུད་འདི་ཡིས་སངས་གྱུར་ཅིག༔ དགྲ་ལྷ་གཉན་པོར་གྲིབ་ཕོག་ན༔ བསང་དུད་འདི་ཡིས་སངས་གྱུར་ཅིག༔ ལྷ་རྟེན་རྣམས་ལ་གྲིབ་ཕོག་ན༔ བསང་དུད་འདི་ཡིས་སངས་གྱུར་ཅིག༔ མཆོད་པའི་རྫས་ལ་གྲིབ་ཕོག་ན༔ བསང་དུད་འདི་ཡིས་སངས་གྱུར་ཅིག༔ སྒྲུབ་པའི་རྫས་ལ་གྲིབ་ཕོག་ན༔ བསང་དུད་འདི་ཡིས་སངས་གྱུར་ཅིག༔ བརྟེན་པའི་རྫས་ལ་གྲིབ་ཕོག་ན༔ བསང་དུད་འདི་ཡིས་སངས་གྱུར་ཅིག༔ བསྐང་བའི་རྫས་ལ་གྲིབ་ཕོག་ན༔ བསང་དུད་འདི་ཡིས་སངས་གྱུར་ཅིག༔ མཐུན་པའི་རྫས་ལ་གྲིབ་ཕོག་ན༔ བསང་དུད་འདི་ཡིས་སངས་གྱུར ཁྲོཾ།༔ ཅིག༔ སྒྲུབ་ཁང་འདི་ལ་གྲིབ་ཕོག་ན༔ བསང་དུད་འདི་ཡིས་སངས་གྱུར་ཅིག༔ སྒྲུབ་མཆོག་རྣམས་ལ་གྲིབ་ཕོག་ན༔ བསང་དུད་འདི་ཡིས་སངས་གྱུར་ཅིག༔ རོལ་མོ་རྣམས་ལ་གྲིབ་ཕོག་ན༔ བསང་དུད་འདི་ཡིས་སངས་གྱུར་ཅིག༔ མདོར་ན་ལྷ་སྲུང་སྒྲུབ་པ་ལ༔ གནོད་པའི་རྒྱུ་རྐྱེན་རྟེན་འབྲེལ་ཀུན༔ མ་ལུས་བསང་གིས་སངས་གྱུར ཅིག༔ ཕྱིན་ཆད་གྲིབ་ཀྱིས་གོས་མ་གྱུར༔ སང་སང་ས་ལེ་ཡེ་སྭཱ་ཧཱ༔ དེ་ནས་ཆུ་གཙང་ལ༔ ཨོཾ་ཨ་མྲྀ་ཏེ་སྭ་ཧཱ༔ ལན་གསུམ་བརྗོད་ནས༔ དག་བྱེད་ཁྲུས་ཀྱི་ལྷ་བདུད་རྩི་འཁྱིལ་བ་ཐིམ་པས་དག་བྱེད་ཀྱི་ནུས་པ་དང་ལྡན་པར་བསྒོམ༔ ཨོཾ་ཨ་མྲྀ་ཏེ་སྭཱ་ཧཱ༔ བརྒྱ་བརྗོད་མཐར༔ དཀོན་མཆོག་གསུམ་གྱི་བདེན་པ་དང་༔ རྟེན་འབྲེལ་རྒྱུ་འབྲས་ཟབ་མོའི་མཐུས༔ མ་རིག་བག་ཆགས་འཁོར་བའི་གྲིབ༔ མི་གཙང་འབག་རྩོག་ཐམས་ཅད་ཀུན༔ སྦྱོང་བྱེད་ཆུ་འདིས་དག་གྱུར་ཅིག༔ ཀྱེེ༔ ལྷ་དང་སྲུང་མ་སྒྲུབ་མཆོད་རྫས༔ མི་མཐུན་གྲིབ་ཀྱིས་གོས་པ་ན༔ གཙང་མ་ཆབ་ཀྱིས་དག་གྱུར་ཅིག༔ སྡིག་ཅན་དམེ་ཡུག་ནལ་སྤྱོད་དང་༔ མགར་བ་གྲི་བོ་མཛེ་བོ་དང་༔ དམ་སྡོམ་ཉམས་པའི་གྲིབ་འབག་རྩོག༔ སྒྲུབ་མཆོག་རྫས་ཀྱི་དུག་ཡིན་ཕྱིར༔ མཆོག་ གསུམ་བདེན་པས་དག་གྱུར་ཅིག༔ དག་བྱེད་བདུད་རྩིའི་ཁྲུས་ཆབ་འདིས༔ དཀོན་མཆོག་གསུམ་ལ་སྐུ་ཁྲུས་གསོལ༔ མི་གཙང་བག་ཆགས་དག་གྱུར་ཅིག༔ རྩ་བ་གསུམ་ལ་སྐུ་ཁྲུས གསོལ༔ མི་གཙང་བག་ཆགས་དག་གྱུར་ཅིག༔ བཀའ་སྲུང་ཡོངས་ལ་སྐུ་ཁྲུས་གསོལ༔ མི་གཙང་བག་ཆགས་དག་གྱུར་ཅིག༔ ཆོས་སྐྱོང་སྲུང་མར་སྐུ་ཁྲུས་གསོལ༔ མི་གཙང་བག ཆགས་དག་གྱུར་ཅིག༔ དམ་ཅན་ཡོངས་ལ་སྐུ་ཁྲུས་གསོལ༔ མི་གཙང་བག་ཆགས་དག་གྱུར་ཅིག༔ འགོ་བའི་ལྷ་ལ་སྐུ་ཁྲུས་གསོལ༔ མི་གཙང་བག་ཆགས་དག་གྱུར་ཅིག༔ སྐྱོབ་པའི་ལྷ་ལ་སྐུ་ཁྲུས་གསོལ༔ མི་གཙང་བག་ཆགས་དག་གྱུར་ཅིག༔ ཡུལ་ལྷ་གཉན་ལ་སྐུ་ཁྲུས་གསོལ༔ མི་གཙང་བག་ཆགས་དག་གྱུར་ཅིག༔ ལྷ་རྟེན་རྫས་ལ་ཁྲུས་གསོལ་ལོ༔ མི་གཙང་བག་ཆགས་དག་གྱུར་ཅིག༔ མཆོད་རྫས་རྣམས་ལ་ཁྲུས་གསོལ་ལོ༔ མི་གཙང་བག་ཆགས་དག་གྱུར་ཅིག༔ བསྐང་རྫས་རྣམས་ལ་ཁྲུས་གསོལ་ལོ༔ མི་གཙང་བག་ཆགས་དག་གྱུར་ཅིག༔ སྒྲུབ་རྫས་རྣམས་ལ་ཁྲུས་གསོལ་ལོ༔ མི་གཙང་བག་ཆགས་དག་གྱུར་ཅིག༔ མཐུན་རྫས་རྣམས་ལ་ཁྲུས་གསོལ་ལོ༔ མི་གཙང་བག་ཆགས་དག་གྱུར་ཅིག༔ ཡོ་བྱད་ ཁྲོཾ།༔ རྣམས་ལ་ཁྲུས་གསོལ་ལོ༔ མི་གཙང་བག་ཆགས་དག་གྱུར་ཅིག༔ རོལ་མོའི་ཚོགས་ལ་ཁྲུས་གསོལ་ལོ༔ མི་གཙང་བག་ཆགས་དག་གྱུར་ཅིག༔ སྒྲུབ་མི་རྣམས་ལ་ཁྲུས་གསོལ་ལོ༔ མི་གཙང་བག་ཆགས་དག་གྱུར་ཅིག༔ སྒྲུབ་ཁང་འདི་ལ་ཁྲུས་གསོལ་ལོ༔ མི་གཙང་བག་ཆགས་དག་གྱུར་ཅིག༔ སྒྲུབ་པའི་གནས་ལ་ཁྲུས་གསོལ་ལོ༔ མི་གཙང་བག་ཆགས་དག་གྱུར་ཅིག༔ ཉོན་མོངས་འབག་རྩོག་དག་གྱུར་ཅིག༔ ཉོན་མོངས་པ་རྣམས་བྱང་གྱུར་ཅིག༔ ལས་རྐྱེན་ངན་པ་དག་གྱུར་ཅིག༔ ཨོཾ་ཨ་མྲྀ་ཏེ་ཧཱུྃ་ཕཊ༔ ཨོཾ་ཨེ་ཧོ་ཤུདྡྷེ་ཤུདྡྷེ་སྭཱ་ཧཱ༔ ལ་ཧོ་ཤུདྡྷེ་ཤུདྡྷེ་སྭཱ་ཧཱ༔ བཾ་ཧོ་ཤུདྡྷེ་ཤུདྡྷེ་སྭཱ་ཧཱ༔ རཾ་ཧོ་ཤུདྡྷེ་ཤུདྡྷེ་སྭཱ་ཧཱ༔ ཡཾ་ཧོ་ཤུདྡྷེ་ཤུདྡྷེ་སྭཱ་ཧཱ༔ ཧ་ལ་པཉྩ་སརྦ་ཤུདྡྷེ་ཤུདྡྷེ་ཡེ་སྭཱ་ཧཱ༔ དེ་ཡིས་མི་གཙང་འབག་རྩོག་དག༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མཐར་སློབ་བུ་མཁྱེན་རབ་རྒྱ་མཚོས་བསྐུལ་ངོར་གཏན་ལ་ཕབ་པའི་ཡི་གེ་པ་ཡང་དེ་ T11608 - 060 ཐོ།༔ ཟབ་གསང་མཁའ་འགྲོའི་སྙིང་ཐིག་ལས༔ བཀའ་སྲུང་གཉན་པོ་རྟེན་དབབ་ནི༔ ན་མོ་གུ་རུ་པདྨ་ཀ་ར་ཡེ༔ སྡརྦདྷཧ།༔ པདྨ་བདག་གི་བརྒྱུད་འཛིན་རྣམས༔ བཀའ་སྲུང་གཉན་པོ་བསྒྲུབ་པའི་ཚེ༔ དུས་གསུམ་དུ་ནི་འདི་བརྗོད་བྱ༔ ན་མོ༔ དཀོན་མཆོག་གསུམ་དང་རྩ་གསུམ་སྐུ་གསུམ་རྒྱལ་བ་སྲས་དང་བཅས་པའི་བཀའ་བདེན་པ་དང་༔ དོན་དམ་ཆོས་ཉིད་ངོ་བོ་གདོད་ནས རྣམ་པར་དག་པའི་བདེན་པ་དང་༔ ཀུན་རྫོབ་རྟེན་འབྲེལ་བསླུ་བ་མེད་པ་རྒྱུ་འབྲས་ཟབ་མོའི་བདེན་པའི་མཐུ་སྟོབས་ཀྱིས་བཀའ་སྲུང་ཆེ་གེ་མོ་ཡབ་ཡུམ་སྤྲུལ་འཁོར་བཀའ་སྡོད་དང་བཅས་པ་སྒྲུབ་ཐབས་བསྐྱེད་ཆོག་ཇི་ལྟ་བ་བཞིན་དུ་བདག་གི་མདུན་སར་མི་དང་མི་འགྲོགས་པ་བཞིན་དུ་མངོན་གསུམ་དབང་པོའི་ཡུལ་དུ་སྣང་ཞིང་མི་འབྲལ་བའི་གྲོགས་སུ་འགྲུབ་པར་གྱུར་ཅིག༔ རྟག་ཏུ་གཏམ་གྱི་ལབ་གྲོགས་སུ་མཆིས་པར་གྱུར་ཅིག༔ དབང་དུ་འདུ་ཞིང་བྲན་དུ་ཁོལ་བར་གྱུར་ཅིག༔ འབངས་སུ་འགྱུར་ཞིང་ལས་ལ་འཆུན་པར་གྱུར་ཅིག༔ འགྲུབ་པའི་ལྟས་མཚན་མངོན་དུ་གྱུར་ཅིང་ཕྲིན་ལས་རབ་འབྱམས་ཐམས་ཅད་ཐོགས་