Tibetan
ནྲྀཿ ཆེ་གེ་སོད་སོད་རྦད༔ རྨ་རུ་རྩེ་ཆེ་གེའི་སྲོག་ལ་མཱ་ར་ཡ་རྦད་སོད༔ འདི་ཞག་གསུམ་ལ་བཟླས་ཤིང་༔ བདག་དང་གནོད་སྦྱིན་ཆེན་པོས་དགྲ་བོའི་ཚེ་སྲོག་བསོད་ནམས་བཀྲག་མདངས་དང་བཅས་པ་ཧུབ་ཀྱིས་འདེབས་པས་འུབ་ཀྱིས་རྔུབ་པར་ཡང་ཡང་བསམ་མོ༔ ཡང་བར་སྐབས་སུ༔ གནོད་སྦྱིན་ཤན་པ་ཆེན་པོའི་གྲི་གུག་གིས་དགྲ་བོའི་སྙིང་བཤག་པའི་ནང་ནས་སྲོག་གི་ངོ་བོ་རླུང་ཁྲག་ནྲྀཿཡིག་ཐམས་ཅད་ལྷག་མ་ཙམ་ཡང་མ་ལུས་པར་འུབ་ཀྱིས་རྔུབ་ཤིང་མྱག་མྱག་གསོལ་བར་བསམ༔ བསད་པ་ལ་མ་ཁུག་པའི་སྔ་ཐོག་ཏུ་ལྷ་དབྱེ་བའི་རྫས་རྣམས་ཀྱིས་བདུག་ཅིང་༔ འདི་ལྟར་ལྷ་དབྱེ་བྱ༔ ཧཱུྃ༔ ཕྱོགས་བཅུའི་དུས་གསུམ་བདེ་གཤེགས་རྣམས༔ བདག་གི་མགོན་སྐྱབས་དཔུང་ལ་བསྐུལ༔ ཡིད་ལ་བརྣག་པའི་དགྲ་བོ་འདི༔ མགོན་སྐྱབས་བྱེད་པའི་ལྷ་དང་ཕྲོལ༔ ཧཱུྃ༔ དབང་དྲག་འབར་བའི་དཀྱིལ་འཁོར་ནས༔ གནོད་སྦྲིན་ཆེན་པོའི་དུས་ལ་བབ༔ དམ་ཉམས་སྡང་བའི་དགྲ་བོ་འདི༔ མགོན་སྐྱབས་བྱེད་པའི་ལྷ་དང་ཕྲོལ༔ ལས་མཁན་སྤྲུལ་པའི་འཁོར་བརྒྱད་པོ༔ ཁྱེད་ཅག་ཐུགས་དམ་དུས་ལ་བབ༔ ཡིད་ལ་བརྣག་པའི་དགྲ་བོ་འདི༔ མགོན་སྐྱབས་བྱེད་པའི་ལྷ་དང་ཕྲོལ༔ བཀའ་འཁོར་ལྷ་སྲིན་སྡེ་བརྒྱད་ཚོགས༔ ཁྱེད་ཅག་དམ་ཚིག་དུས་ལ་བབ༔ ཡིད་ལ་བརྣག་པའི་དགྲ་བོ་འདི༔ མགོན་སྐྱབས་བྱེད་པའི་ལྷ་དང་ཕྲོལ༔ ཕུང་བར་བྱེད་པའི་སྲི་དང་སྤྲོད༔ ཟ་བར་བྱེད་པའི་འདྲེ་དང་སྤྲོད༔ ཀྱེེ༔ དགྲ་བོའི་ལྷ་དང་སྲུང་མ་རྣམས༔ མ་ལུས་བདག་གི་བཀའ་ལ་ཉོན༔ དམ་ཉམས་སྡིག་ཅན་དགྲ་བོ་འདིས༔ སངས་རྒྱས་བསྟན་པ་གཉན་པོ་བཤིག༔ དཀོན་མཆོག་གསུམ་གྱི་དབུ་འཕང་སྨད༔ རྣལ་འབྱོར་བདག་ལ་དོ་བསྡོ་བྱས༔ འདི་ནི་བསྒྲལ་བའི་ཞིང་ཡིན་པས༔ མགོན་དང་དཔུང་གཉེན་མ་བྱེད་ཅིག༔ སྐྱབས་དང་དཔུང་གྲོགས་མ་བྱེད་ཅིག༔ རྡོ་རྗེ་འཛིན་དང་པདྨ་འབྱུང་༔ རིག་འཛིན་བརྒྱུད་པའི་བཀའ་ཡིན་གྱིས༔ དགྲ་བོ་འདི་ཡི་སྲོག་རྩ་ཆོད༔ ད་ནི་མགོན་སྐྱབས་མ་བྱེད་ཅིག༔ གལ་ཏེ་སྐྱབས་མགོན་དཔུང་བྱེད་ན༔ རྡོ་རྗེ་འཛིན་ནས་བརྒྱུད་པ་ཡི༔ བླ་མ་རྣམས་ཀྱི་བཀའ་ཆད་ཀྱིས༔ ཁྱོད་ཀྱི་མགོ་འགས་སྙིང་བསྲེགས་ཏེ༔ རྡོ་རྗེ་དམྱལ་བའི་གནས་སུ་ལྟུང་༔ དེ་བས་བཀའ་ལས་མ་འདའ་བར༔ དགྲ་འདི་ང་ཡི་དབང་གྱིས་ལ༔ ཁྱོད་ཅག་མ་འདུག་ཕྱིར་དེངས་ཤིག༔ ཨོ་ཨཱཿ ཧཱུྃ༔ གུ་རུ་ངྷེ་ཝ་ཌཱ་ཀི་ནཱི་ཨེ་ཧེ་དམའ་རུ་རྩེ་གུ་ཎ་ཧྲཱིཿཏྲི ཐོ།༔ ཨཿ ཡཿ མཿ དུཿ རུཿ ཙཿ ཤཿ ནཿ ས་མ་ཡ༔ དགྲ་བོ་ལྷ་དང་ཕྱེས་ཕྱེས༔ ཨ་ནྲྀ་ཏྲག་རཀྵ་མཱ་ར་ཡ་ཕྱེས་ཕྱེས༔ མ་མ་ཏྲག་རཱུ་ཏྲ་མཱ་ར་ཡ་ཕྱེས་ཕྱེས༔ དགྲ་བོའི་འགོ་བའི་ལྷ་སྲུང་ཐམས་ཅད་ཨུ་ཙ་ཏ་ཡ་ཕཊ༔ ཅེས་བཟླས༔ གཏོར་མ་འབྲུ་ཟན་འཆང་རྗེས་ཐུན་གྱིས་བྲབ་པས་དགྲ་བོའི་སྐྱོབ་བྱེད་ཀྱི་ལྷ་སྲུང་ཐམས་ཅད་ཀྱིས་དགྲ་བོ་དེ་བོར་ནས་རང་རང་གི་གནས་སུ་སོང་བར་བསམ་མོ༔ དེ་ནས་རྦད་བསད་ཀྱི་དུས་རྣམས་སུ༔ དགྲ་བོ་འགུགས་པའི་ལས་བྱེད་པ་ནི༔ ཧཱུྃ༔ རབ་འཇིགས་རྔམས་པའི་དུར་ཁྲོད་ནས༔ གནོད་སྦྱིན་ཤན་པ་ཆེན་པོ་ཡི༔ སྤྲུལ་པའི་ལས་མཁན་ཕོ་ཉར་འགྱེད༔ ལྷ་སྲིན་སྡེ་བརྒྱད་བྲན་དུ་བཀོལ༔ སྣང་སྲིད་ལྷ་འདྲེ་འབངས་སུ་སྡུད༔ ཁྱོད་ཀྱི་དམ་ཚིག་དུས་ལ་བབ༔ ཡིད་ལ་བརྣག་པའི་དགྲ་བོ་འདི༔ སྣང་སྲིད་ཁམས་འདིར་གར་གནས་ཀྱང་༔ བྱིའུ་ཆུང་ཁྲ་ཡིས་དེད་པ་བཞིན༔ ནམ་མཁའི་ཁམས་ནས་ཁུག་ལ་ཤོག༔ ཤོག་སྐྱ་རླུང་གིས་བསྐྱོད་པ་ལྟར༔ བར་སྣང་ཁམས་ནས་ཁུག་ལ་ཤོག༔ ཤ་ཁྱིས་རི་དྭགས་དེད་པ་བཞིན༔ ས་གཞིའི་ཁམས་ནས་ཁུག་ལ་ཤོག༔ ལོ་དང་ཟླ་བར་མ་འགྱང་བར༔ ད་ལྟ་ཉིད་དུ་ཁུག་ལ་ཤོག༔ གཟུགས་མིང་རཱུ་པ་འདི་ལ་ཁུག༔ གཉིས་སུ་མེད་པར་ཐིམ་པར་མཛོད༔ ཨེ་ཧེ་ དམའ་རུ་རྩེ་གུ་ཎ་ཧྲཱིཿ ཏྲི་ཨཿ ཡཿ མཿ དུཿ རུཿ ཙཿ ཤཿ ནཿ ས་མ་ཡ༔ དགྲ་བོའི་བླ་ཚེ་སྲོག་གསུམ་ཁུག་ཛཿ ཁུག་ཛ་ནན༔ ནྲྀ་ཨཾ་ཀུ་ཤ་ཡ་ཛ་ཛཿ ཐུན་དང་པོ་ལ་དེ་ལན་གསུམ༔ གཉིས་པ་ལ༔ ཧཱུྃ༔ དྲག་པོ་ཆེན་པོ་དྲག་ཤུལ་ཅན༔ གནོད་སྦྱིན་ཤན་པ་དམར་ནག་ཁྱོད༔ དམ་ཚིག་ཐུགས་དམ་དུས་ལ་བབ༔ བརྣག་པའི་དགྲ་བོ་བྱད་དུ་ཆུགས༔ སྤྲུལ་པ་ལས་ཀྱི་ཕོ་ཉ་ནི༔ ཕྱོགས་བཅུའི་སྡེ་དཔོན་ཆེན་པོ་དང་༔ འཁོར་ཚོགས་བྱེ་བ་འབུམ་སྡེའི་ཚོགས༔ དམ་ཚིག་ཐུགས་དམ་དུས་ལ་བབ༔ བརྣག་པའི་དགྲ་བོ་བྱད་དུ་ཆུགས༔ བཀའ་སྡོད་ལྷ་སྲིན་སྡེ་བརྒྱད་ཚོགས༔ འཁོར་དང་ཡང་འཁོར་གཡོག་ཡང་གཡོག༔ དམ་ཚིག་ཐུགས་དམ་དུས་ལ་བབ༔ བརྣག་པའི་དགྲ་བོ་བྱད་དུ་ཆུགས༔ མ་འགྱང་མ་བུལ་ལས་མ་གཡེལ༔ དུས་ལ་བབ་པོ་ས་མ་ཡ༔ ཨེ་ཧེ་དམའ་རུ་རྩེ་གུ་ཎ་ཧྲཱིཿ ཏྲི་ཨཿ ཡཿ མཿ དུཿ རུཿ ཙཿ ཤཿ ནཿ ས་མ་ཡ་དགྲ་བོ་མྱོག་མྱོག་རྨུག་རྨུག་ཐུམ་རི་ལི་ལི་མཱ་ར་ཡ་ཧུར་ཐུམ་རྦད༔ དེ་ནས་གསུམ་པ་ལ༔ ཧཱུྃ༔ དམར་ནག་རབ་འཇིགས་མི་སྲུན་པ༔ གནོད་སྦྱིན་དྲག་པོ་མཐུ་རྩལ་ཅན༔ ཁྱོད་ཀྱི་དམ་ཚིག་དུས་ལ་བབ༔ ཡིད་ལ་བརྣག་པའི་དགྲ་བོ་འདི༔ སྨྱོ་ཞིང་བརྒྱལ་ནས་རེངས་སུ་ཆུགས༔ ཐོ།༔ ཧཱུྃ༔ གནོད་སྦྱིན་ཤན་པ་དམར་ནག་གི༔ སྤྲུལ་པའི་ལས་མཁན་ཆེན་པོ་བརྒྱད༔ འཁོར་ཚོགས་བྱེ་བ་འབུམ་དང་བཅས༔ དམ་ཚིག་ཐུགས་དམ་དུས་ལ་བབ༔ ཡིད་ལ་བརྣག་པའི་དགྲ་བོ་འདི༔ སྨྱོ་འབོགས་བརྒྱལ་ནད་དྲག་པོས་ཐོབས༔ ཧཱུྃ༔ གནོད་སྦྱིན་ཤན་པ་ཆེན་པོ་ཡི༔ བཀའ་སྡོད་ལྷ་སྲིན་སྡེ་བརྒྱད་ཚོགས༔ དམ་ཚིག་ཐུགས་དམ་དུས་ལ་བབ༔ ཡིད་ལ་བརྣག་པའི་དགྲ་བོ་འདི༔ སྨྱོ་ཞིང་འབོག་བརྒྱལ་རེངས་སུ་ཆུགས༔ དམ་ལ་མ་འདའ་ས་མ་ཡ༔ ཨེ་ཧེ་དམའ་རུ་རྩེ་གུ་ཎ་ཧྲཱིཿ ཏྲི་ཨཿ ཡཿ ཡཿ དུཿ རུཿ ཙཿ ཤཿ ནཿ དགྲ་བོ་ཛྭ་ལ་པ་ཡ་ཛྭ་ལ་པ་ཡ་མཱ་ར་ཡ་རྦད་རྦད་སོད༔ ཐུན་བཞི་པ་ལ༔ ཧཱུྃ༔ དྲག་པོ་མི་སྲུན་སྲོག་ལེན་པ༔ གནོད་སྦྱིན་ཆེན་པོའི་དུས་ལ་བབ༔ ཡིད་ལ་བརྣག་པའི་དགྲ་བོ་འདི༔ ཐལ་བའི་རྡུལ་ཕྲན་བཞིན་དུ་རློགས༔ ཧཱུྃ༔ ལས་མཁན་སྤྲུལ་པའི་འཁོར་བརྒྱད་དང་༔ ཕྱོགས་བཅུའི་འབངས་འཁོར་བཅས་པ་རྣམས༔ དམ་ཚིག་ཐུགས་དམ་དུས་ལ་བབ༔ ཡིད་ལ་བརྣག་པའི་དགྲ་བོ་འདི༔ ཐལ་བའི་རྡུལ་དུ་བརླག་པར་མཛོད༔ བཀའ་སྡོད་དྲེགས་པ་སྡེ་བརྒྱད་ཚོགས༔ སྤྲུལ་འཁོར་ཡང་འཁོར་དུས་ལ་བབ༔ དམ་ཚིག་གཉན་པོའི་དུས་ལ་བབ༔ མངོན་སྤྱོད་དྲག་པོའི་ཕྲིན་ལས་ཀྱིས༔ ཡིད་ལ་བརྣག་པའི་དགྲ་བོ་འདི༔ དྲག་པོ་ཐུན་མཚོན་འཁྲུལ་འཁོར་གྱིས༔ རྡུལ་ཕྲན་བཞིན་དུ་ཕྱེ་མར་ཐུལ༔ ཨེ་ཧེ་དམའ་རུ་རྩེ་གུ་ཎ་ཧྲཱིཿ ཏྲི་ཨཿ ཡཿ མཿ དུཿ རུཿ ཙཿ ཤཿ ནཿས་མ་ཡ་ཨ་མུ་ཀ་མཱ་ར་ཡ་ཐུལ་ཐུལ་རྦད་རྦད་སོད་སོད་ཏ་ཐ་ཡ་ཏ་ཐ་ཡ་ཧཱུྃ་ཕཊ༔ བསད་པའི་སྐབས་སུ་དུས་བཞི་རུ༔ འདི་དག་སྦྱར་ནས་འབད་པ་ཡིན༔ འདི་ཉིད་ཉམས་སུ་ལེན་པའི་མི༔ དྲག་པོ་དམོད་པའི་ལས་འདི་ལ༔ བརྩོན་ནས་གནད་དུ་བསྣུན་གྱུར་ན༔ དགྲ་དཔུང་རྡོ་རྗེ་ཡིན་ཡང་འཇིག༔ མཐུ་ཡི་གྲགས་པས་ས་སྟེང་ཁྱབ༔ ཆེ་ཞིང་དྲེགས་པའི་དཔལ་ཡོན་ཐོབ༔ ཕྱོགས་རྣམས་ཀུན་ལས་ངེས་པར་རྒྱལ༔ འདི་ནི་ཤིན་ཏུ་ཟབ་ཅིང་གཉན༔ རབ་ཏུ་གཅེས་པའི་མན་ངག་བཅུད༔ བཀའ་སྲུང་ཁྱབ་འཇུག་ཆེན་པོས་སྲུངས༔ དམ་ལྡན་བརྒྱུད་འཛིན་བུ་སློབ་སྐྱོངས༔ དམ་ཉམས་ལོག་ལྟའི་དབང་པོ་སྣུབས༔ བཀའ་དང་ཐ་ཚིག་གཉན་པོའི་རྒྱ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཁྲག་འཐུང་རྡོ་རྗེ་ཁྲོ་ལོད་ཀྱིས། །གསེར་སྨད་སྲིན་ལྗོངས་བྲག་རྡོ་རྗེ། །རྟ་མགྲིན་ཐུགས་ཀྱི་གནས་མཆོག་ནས། །གསང་གཏེར་གཉན་པོའི་སྒོ་ཕྱེས་ཚེ། །མན་ངག་ཡང་ཟབ་འདི་ཉིད་གཅེས།།ཤིན་ཏུ་གཉན་པས་ལོ་ཉི་ཤུར།། བཀའ་རྒྱས་བཏབ་ཅིང་མཐར་རྟེན་འབྲེལ། །དུས་བབ་ས་ཕོ་སྟག་གི་ལོར། །མ་མོ་དཔལ་ལྡན་རེ་མ་ཏཱིས། །ཡང་ཡང་བསྐུལ་བས་དེ་ཕྱིར་ཕབ། །ཡི་གེ་རིག་པའི་རྡོ་རྗེས་བྲིས། །དགེའོ། མངྒ་ལཾ།། །། ཿ TI1608 - 534 དགྲ་སྲོག་གཅིག་འཁོར་ལོ་ཐོ།༔ ཟབ་གསང་མཁའ་འགྲོའི་སྙིང་ཐིག་ལས༔ གནོད་སྦྱིན་ཤན་པ་དམར་ནག་གི་སྐུ་འཁོར་དགྲ་བོའི་སྲོག་ལེན་བཞུགས་སོ༔ T11608 - 535 ཐོ།༔ ན་མོ་གུ་རུ་པདྨ་ཀ་ར་ཡེ༔ འཇུག།༔ གནོད་སྦྱིན་ཤན་པ་དམར་ནག་གི༔ སྐུ་འཁོར་དགྲ་བོའི་སྲོག་ལེན་འདིར༔ མུ་ཁྱུད་རིམ་པ་བཞི་རུ་བསྐོར༔ ལྟེ་བར་གནོད་སྦྱིན་སྐུ་གཟུགས་བྲིས༔ དེ་ཡི་ཐུགས་ཀར་ཀྵཿ ཧྲཱིཿ བྲིས༔ དེ་ཡི་ཕྱི་རིམ་མུ་ཁྱུད་ལ༔ ཨེ་ཧེ་རྨ་རུ་རྩེ་གུ་ཎ་ཧྲཱིཿ ཏྲི་གྷྲྃ་བྷྱོ༔ ཤ་རཾ་བྷྱོ༔ པུ་རུ་ཛ༔ གྷྲིག་ཧ་ལ༔ གྷན་ཏ་ཡ་ཛ་ཛཿ སྲོག་གི་སྙིང་པོ་ནི༔ ཨེ་ཧཾ་ཤཾ་ཏྲི་ཏཾ་རྩལ་ཏྲི་རག་གི་ས་མ་ཡ་ཛ་ཛཿ ནཱ་ག་རཱ་ཛ་ཀྲོ་ཏ་ནི༔ ཏྲི་ཁ་ཐུན་ཏྲི་ལ་ཐུན་ཨ་བྷི་ཤུ་ནཱ་ག་རཱ་ཛ་ཛ་ཛཿ ཏྲི་ཁ་ཐུན་བྷྱོཿ ཆེ་གེ་མཱ་ར་ཡ་རྦད༔ ཅེས་བྲིས༔ དེ་ཡི་ཕྱི་རིམ་མུ་ཁྱུད་ལ༔ ཨེ་ཧེ་རྨ་རུ་རྩེ་གུ་ཎ་ཧྲཱིཿ ཏྲི་གྷྲྃ་བྷྱོ༔ T11608 - 536 ༣ དགྲ་སྲོག་འཁོར་ལོ་ཁྲོཾ།༔ ཤ་རཾ་བྷྱོ༔ པུ་རུ་ཛ༔ གིག་ཧ་ལ༔ གྷན་ཏ་ཡ༔ གྱིན་ཏ་ཡ་རྦད་སོད༔ པུ་རུ་སྙིང་རྩེ༔ ཨ་པ་ལཾ་ཆེ་གེ་མཱ་ར་ཡ་སོད༔ རང་རྒྱག་སྲོག་ལ་རྒྱུག༔ ཤ་ལ་རྔམས༔ དབུགས་ལ་རྔུབས༔ ཁྲག་ལ་འཇིབ༔ ཙིག་ཙིག༔ ཆེ་གེའི་སྲོག་ལ་ཡཾ་ཡཾ༔ ཞེས་བྲིའོ༔ ཕྱི་རིམ་འཁོར་ལོ་རྩིབས་བརྒྱད་ལ༔ ཤར་དུ༔ རྒྱལ་པོ་སྟག་གདོང་དགྲ་ལ་རྦད༔ ལྷོ་རུ༔ གཤིན་རྗེ་གཟིག་གདོང་དགྲ་ལ་རྦད༔ ནུབ་ཏུ༔ བཙན་རྒྱལ་དོམ་མགོ་དགྲ་ལ་རྦད༔ བྱང་དུ༔ བདུད་རྒྱལ་འབྲོང་མགོ་དགྲ་ལ་རྦད༔ ཤར་ལྷོའི་རྩིབས་ལ༔ ནེ་ཙོའི་གདོང་ཅན་དགྲ་ལ་རྦད༔ ལྷོ་ནུབ་ཏུ༔ རྨ་བྱའི་T11608 - 537 གདོང་ཅན་དགྲ་ལ་རྦད༔ ནུབ་བྱང་དུ༔ ཤང་ཤང་གདོང་ཅན་དགྲ་ལ་རྦད༔ བྱང་ཤར་དུ༔ ཉ་མོའི་གདོང་ཅན་དགྲ་ལ་རྦད༔ ཤར་འོག་ཏུ༔ དྲི་ཟའི་དམག་ཚོགས་དགྲ་ལ་རྦད༔ ལྷོར༔ གཤིན་རྗེའི་དམག་ཚོགས་དགྲ་ལ་རྦད༔ ནུབ་ཏུ༔ ཀླུ་བདུད་དམག་ཚོགས་དགྲ་ལ་རྦད༔ བྱང་དུ༔ གནོད་སྦྱིན་དམག་ཚོགས་དགྲ་ལ་རྦད༔ ཤར་ལྷོར༔ མེ་ལྷའི་དམག་ཚོགས་དགྲ་ལ་རྦད༔ ལྷོ་ནུབ་ཏུ༔ སྲིན་པོའི་དམག་ཚོགས་དགྲ་ལ་རྦད༔ ནུབ་བྱང་དུ༔ རླུང་ལྷའི་དམག་ཚོགས་དགྲ་ལ་རྦད༔ བྱང་ཤར་དུ༔ དབང་ལྡན་དམག་ཚོགས་དགྲ་ལ་རྦད༔ ཕྱོགས་མཚམས་བརྒྱད་ལ༔ ཤར་ནས༔ ར་ཛཿ ཡ་མཿ རུ་ཙཿ དུ་པ༔ མཚམས་བཞིར༔ ཧུ་ལུ༔ མ་བྷྱོ༔ བྷུ་ར༔ ནཱ་ག༔ ཅེས་བྲིས༔ རྩིབས་མཆན་ལ༔ དགྲ་བོའི་ཤ་ལ་མྱག་མྱག་རོལ༔ དགྲ་བོའི་ཁྲག་ལ་ཧུབ་ཧུབ་རོལ༔ དགྲ་བོའི་སྲོག་ལ་ཧུར་ཐུམ་རོལ༔ དགྲ་བོའི་དབུགས་ལ་རྦད་རྦད་རོལ༔ དགྲ་བོའི་ཕོ་རྒྱུད་ཧུར་ཐུམ་སོད༔ དགྲ་བོའི་མོ་རྒྱུད་ཧུར་ཐུམ་སོད༔ དགྲ་བོའི་ཉེ་འབྲེལ་ཧུར་ཐུམ་སོད༔ དགྲ་བོའི་འཁོར་འབངས་ཧུར་ཐུམ་སོད༔ དེ་ཡི་ཕྱི་རིམ་མུ་ཁྱུད་ལ༔ དམོད་སྔགས་ལས་བཅོལ་བྲི་བར་བྱ༔ དེ་ནི་ཡབ་ཀྱི་འཁོར་ལོ་ཡིན༔ གཉིས་པ་ཡུམ་གྱི་འཁོར་ལོ་ལ༔ མུ་ཁྱུད་གོང་དང་མཚུངས་པ་ལ༔ ལྟེ་བར་གསོད་བྱེད་ ཇོཾ།༔ དམར་མོ་བྲིས༔ སྙིང་གར་བྷྱོཿ བྲིས་ཕྱི་རིམ་དུ༔ མ་མ་རཀྴ་ཀྲོ་ཏི་བྷྱོ༔ མ་མ་ཨེ་ཀ་ཙ་ཏི་བྷྱོ༔ མ་མ་ཏྲག་རཀྴ་རུ་ལུ་རུ་ལུ་རེ་མ་ཏཱི་བྷྱོ་ཛཿ བཾ་ཧ་རི་ནི་ས་ཀྲོ་ཏི་ཧྲཱི་ཧྲཱི་ཛཿ དགྲ་བོའི་སྲོག་ལ་རྦད་རྦད་བྷྱོ༔ དེ་ཡི་ཕྱི་རིམ་མུ་ཁྱུད་ལ༔ མ་མ་རཀཱ་རཀྨ་བྷྱོ༔ མ་མ་ཨེ་ཀ་ཙ་ར་བྷྱ༔ མ་མ་རེ་ཏཱི་རེ་ཛུ་རེ་མ་ཛུ་བྷྱོ་ཛཿ སརྦ་མ་བྷྱོ༔ ཛཿ༷ ཧྲཱི་ས་མ་ཡ༔ དགྲ་བོ་ཆེ་གེའི་སྲོག དབུགས་ཧུར་ཐུམ་སོད༔ ཅེས་བྲིས༔ དེ་ནས་རྩིབས་བརྒྱད་ལ༔ ཨཿ ཡཿ མཿ དུཿ རུཿ ཙཿ ཤཿ ནཿ ཤར་རྩིབས༔ མ་ཧཱ་དེ་ཝ་དགྲ་ལ་རྦད༔ ལྷོ་རྩིབས༔ ཡ་མ་ར་ཙ་དགྲ་ལ་རྦད༔ ནུབ་རྩིབས༔ རེ་མ་ཏཱི་དགྲ་ལ༴ བྱང་རྩིབས༔ དུ་ཏྲི་ཀཱ་ལ༴ ཤར་ལྷོར༔ ནཱ་ག་ཙིཏྟ་དགྲ་ལ༴ ལྷོ་ནུབ༔ ར་ཙ་ཀི་ཀ་ར་དགྲཿ ནུབ་བྱང་༔ ཀཱ་ལ་ཡཀྵ་དགྲ་ལ་རྦད༔ བྱང་ཤར༔ ནཱ་ག་རཱ་ཙ་དགྲ་ལ་རྦད༔ རྩིབས་མཆན་དུ༔ དགྲ་བོའི་ཁྲག་ལ་རོལ༔ དགྲ་བོའི་ཤ་ལ་རོལ༔ དགྲ་བོའི་སྲོག་ལ་རོལ༔ དགྲ་བོའི་དབུགས་ལ་རོལ༔ དགྲ་བོའི་བླ་ལ་རོལ༔ དགྲ་བོའི་ཚེ་ལ་རོལ༔ དགྲ་བོའི་ཕྱུགས ལ་རོལ༔ དགྲ་བོའི་དཀོར་ལ་རོལ༔ དེ་ཡི་ཕྱི་རིམ་མུ་ཁྱུད་ལ༔ དམོད་བཅོལ་རྦད་ཚིག་བྲིས༔ ལིང་ག་གཟུགས་ཚང་ལ༔ སྙིང་གར་ཏྲིཿ ལ་ཛ་ཡིས་བསྐོར༔ དེ་མཐར་མིང་རུས་མཁན་གསུམ་མཐར་ཁུག་ཛ༔ སྤྱི་བོར་ནན་བྲི་རྐང་ མཐིལ་ཡཾ༔ མིག་ལ་ལོང་ལོང་སྣ་ལ་འཚུབ༔ ཁ་ལ་ལྐུག་དང་མགྲིན་པར་ཆིངས༔ ཚིག་བཞིར་ཛཿ ཧཱུྃ་བཾ་ཧོཿབྲིསཿ ལྷུ་བཞིར་ཞ་ཆག་འདོམས་སུ་ཕཊ༔ རྐང་ལག་ལྕགས་གཟེར་གྱིས་བསྡམ་བྱས༔ དེ་མཐར་འགུག་པའི་སྔགས་གསུམ་བཀོད༔ སྟེང་ཞབས་ཀུན་ཏུ་དེ་བཞིན་བྱ༔ རྐང་ལག་དཀར་ཁྱིམ་གང་ཡོད་ལ༔ ནྲྀ་ཛ་བྲིས་ལ་ཛ་ཁྲམ་བསྐོར༔ དེ་ནི་ཡབ་ཡུམ་མཚམས་སུ་བཞག༔ གནམ་འཁོར་མུ་ཁྱུད་རིམ་བཞི་ལ༔ ནང་རིམ་ལྟེ་བར་ཨེ་ཡིག་བྲིས༔ མཐའ་མར་བདེ་གཤེགས་འདུས་པ་ཡི༔ བསྙེན་དང་གཉིས་པར་སྒྲུབ་པའི་སྔགས༔ གསུམ་པར་ལས་སྦྱོར་ཤམ་བུ་ཅན༔ བཞི་པར་འཁོར་ལོ་རྩིབས་བརྒྱད་ལ༔ ཡང་དག་ལྷ་ཚོགས་དགྲ་ལ་རྦད༔ གཤིན་རྗེའི་ལྷ་ཚོགས་དགྲ་ལ་རྦད༔ རྟ་མགྲིན་ལྷ་ཚོགས་དགྲ་ལ་རྦད༔ ཕུར་པའི་ལྷ་ཚོགས་དགྲ་ལ་རྦད༔ མཚམས་བཞིར༔ མ་མོ་རྦོད་གཏོང་དགྲ་ལ་རྦད༔ བླ་མ་རིག་འཛིན་དགྲ་ལ་རྦད༔ འཇིག་རྟེན་མཆོད་བསྟོད་དགྲ་ལ་རྦད༔ དམོད་པ་དྲག་སྔགས་དགྲ་ལ་རྦད༔ རྩིབས་མཆན་ལ༔ དགྲ་བོའི་ཆུ་ཁམས་རང་གཤེད་ཕོབ༔ དགྲ་བོའི་ས་ཁམས་རང་གཤེད་ཕོབ༔ དགྲ་བོའི་མེ་ཁམས་རང་གཤེད་ཕོབ༔ དགྲ་བོའི་རླུང་ཁམས་རང་གཤེད་ཕོབ༔ མཚམས་སུ༔ དགྲ་བོའི་ཕ་ལྷ་རང་གཤེད་ཕོབ༔ དགྲ་བོའི་མ་ལྷ་རང་གཤེད་ཕོབ༔ དགྲ་བོའི་ཞིང་ལྷ་རང་གཤེད་ཕོབ༔ དགྲ་བོའི་ཕྲག་ལྷ་རང་ ཐ།༔ གཤེད་ཕོབ༔ རྩིབས་རྣམས་སྔོ་ལ་རྩིབས་མཆན་དམར༔ ཕྱི་རིམ་སྔགས་ལ་དམོད་ཤམ་སྦྱར༔ དེ་ནི་གནམ་འཁོར་རོ༔ ས་འཁོར་མུ་ཁྱུད་རིམ་བཞི་ལ༔ ནང་རིམ་ལྟེ་བར་ཛཿ ཡིག་བྲི༔ མཐའ་མར་གཤིན་རྗེ་གཤེད་པོ་ཡི༔ བསྙེན་དང་གཉིས་པར་བསྒྲུབ་པའི་སྔགས༔ གསུམ་པར་ལས་སྦྱོར་ཤམ་བུ་ཅན༔ བཞི་པར་པདྨ་འདབ་བརྒྱད་ལ༔ ནང་རིམ་འཁོར་ལོའི་རྩིབས་སུ་བྱ༔ ཤར་ནས་རིམ་པར་གཡས་བསྐོར་དུ༔ བྷྱོ༔ རྡོ་རྗེ་བདུད་འདུལ་དགྲ་ལ་རྦད༔ བྷྱོ༔ ཡཀྵ་མེ་དབལ་དགྲ་ལ་རྦད༔ བྷྱོ༔ ཀླུ་བདུད་རྡོ་རྗེ་དགྲ་ལ་རྦད༔ བྷྱོ༔ ཚེ་བདག་ནག་པོ་དགྲ་ལ་རྦད༔ མཚམས་བཞིར་ཤར་ལྷོ་ནས་བརྩམས་ཏེ༔ བྷྱོ༔ ཀི་ཀང་དམར་ནག་དགྲ་ལ་རྦད༔ བྷྱོ༔ མགྱོགས་པ་སྡེ་བརྒྱད་དགྲ་ལ་རྦད༔ བྷྱོ༔ སྟོང་གསུམ་གཞི་བདག་དགྲ་ལ་རྦད༔ བྷྱོ༔ སྣང་སྲིད་ལྷ་འདྲེ་དགྲ་ལ་རྦད༔ དེ་ནས་ཕྱོགས་བཞིའི་རྩིབས་མཆན་ལ༔ དགྲ་བོའི་ཆུ་ཁམས་རང་གཤེད་ཕོབ༔ དགྲ་བོའི་ས་ཁམས་རང་གཤེད་ཕོབ༔ དགྲ་བོའི་མེ་ཁམས་རང་གཤེད་ཕོབ༔ དགྲ་བོའི་རླུང་ཁམས་རང་གཤེད་ཕོབ༔ མཚམས་ཀྱི་རྩིབས་མཆན་བཞི་པོ་ལ༔ དགྲ་བོའི་ཕ་ལྷ་རང་གཤེད་ཕོབ༔ དགྲ་བོའི་མ་ལྷ་རང་གཤེད་ཕོབ༔ དགྲ་བོའི་ཞིང་ལྷ་རང་གཤེད་ཕོབ༔ དགྲ་བོའི་ཕྲག་ལྷ་རང་གཤེད་ཕོབ༔ ཕྱི་རིམ་གོང་བཞིན་དམོད་ཤམ་སྦྱར༔ དེ་ནས་རྫས་ཀྱི་རིམ་ པ་ནི༔ རྩ་སྔགས་ནག་པོ་དགུ་སྦྱོར་བྱུགས༔ རྦད་བསད་དགྲ་ལིང་གྲི་ཁྲག་དང་༔ རེ་ལྕགས་བོང་བ་ཕུང་ཤིག་རྫས༔ ལེགས་བྱུགས་བསྒྲུབ་པའི་རྟེན་དུ་བཙུགས༔ རྟེན་སྙིང་དྲག་སྔགས་ཁྲི་བརྗོད་ལ༔ ཡུངས་དཀར་བསྔགས་ཏེ་རབ་གནས་སུ༔ ལིང་ག་བདེན་བརྗོད་འགུགས་གཞུག་དང་༔ བླ་འགུགས་སྔགས་མང་བརྗོད་པ་གནད༔ ལས་ལ་འཇུག་ཚེ་རྦད་བསྐུལ་དང་༔ ཕུད་རྒོད་དམར་གཏོར་སྔགས་ཀྱིས་ཕུལ༔ རླུང་གི་ལྷ་ལ་ཕྲིན་ལས་བཅོལ༔ དེ་ལྟར་ལས་ལ་སྦྱོར་བ་ཡིས༔ གང་ལ་རྦད་པའི་ཡུལ་དེ་ཉིད༔ མིང་ཙམ་མེད་པར་བརླག་འགྱུར་རོ༔ བཀའ་སྲུང་གཟའ་བདུད་རྒྱལ་པོས་སྲུངས༔ དམ་ཉམས་ལག་ཏུ་ཤོར་ར་རེ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ༔ ཞེས་པ་འདི་ཡང་རང་སློབ་དམ་པ་དགེ་ལེགས་དཔལ་བཟང་པོས་ནན་དུ་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་དག་པར་ཕབ་པའོ། །དགེའོ། །དགེའོ། །དགེའོ །བཀྲ་ཤིས་དཔལ་འབར་འཛམ་གླིང་རྒྱན་དུ་ཤོག། །། 538 T11608 - 542 སྐུ་ཐོ།༔ ཟབ་གསང་མཁའ་འགྲོའི་སྙིང་ཐིག་ལས༔ གནོད་སྦྱིན་གཏེར་གྱི་བདག་པོའི་གཏེར་བུམ་སྒྲུབ་ཐབས་དངོས་གྲུབ་ཆར་འབེབས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ །།ཤ།ཐ༔ དབུལ་ཕོངས་འབྱོར་རྒུད་སེལ་བ་དང་༔ ལོངས་སྤྱོད་གཏེར་ལ་དབང་བསྒྱུར་ཕྱིར༔ གནོད་སྦྱིན་གཏེར་བདག་ལ་བརྟེན་ནས༔ ས་བཅུད་གཏེར་བུམ་སྒྲུབ་ཐབས་བསྟན༔ ནོར་བུ་ཀུན་གྱི་མཆོག་གྱུར་པ༔ བདེ་སྐྱོང་ཡངས་པ་རབ་འབྲིང་ཐ༔ གསུམ་དུ་དབྱེ་བའི་རྣམ་གྲངས་རྣམས༔ མ་ནོར་མཚན་ཉིད་ལྡན་པ་བརྟེན༔ རྡོ་རྗེ་ནོར་བུ་པདྨའི་དབྱིབས༔ ཞི་རྒྱས་དབང་གི་ཕྲིན་ལས་འགྲུབ༔ ཁྱད་པར་ནོར་བུའི་དབྱིབས་ལྟ་བུ༔ མདུན་ཟུར་མཐོ་ལ་ལྟག་པ་དམའ༔ ལྷ་བའི་ཟམ་པ་མ་ཆད་ཅིང་ཿ རང་ས་འཐུག་ཅིང་ཕྱི་ས་སྲབ༔ ཚངས་པའི་བུ་ག་ཕྱེ་བ་དང་༔ མཆེ་རྒྱན་མ་ཉམས་ཡིད་དུ་འོང་༔ སྲོག་གི་ཀ་བ་འཇམ་ལ་རིང་༔ ནོར་གཞོང་མར་ཞག་རྗེས་དང་ལྡན༔ ཟ་ལམ་ཟབ་ཅིང་སྲིན་དོང་མེད༔ ཤིང་ལོའི་ཡུ་བ་གཡས་གཡོན་ནས༔ འདབ་དང་ཡལ་ག་སྔོན་དུ་ཕྱོགས༔ གཞོན་ནུའི་ཤིང་ལོ་རབ་ཏུ་རྒྱས༔ དེ་ཡང་འབྲས་བུ་ལྡན་པ་དགོས༔ གཅིག་པ་ཚེ་དང་གཉིས་པ་ཟས༔ གསུམ་པ་ནོར་དང་བཞི་པ་ནི༔ མ་མོའི་སྒྲུབ་པའི་རྟེན་རྫས་མཆོག༔ འདིར་ནི་དུམ་གསུམ་གཙོ་བོར་བཤད༔ བཙོས་ནས་ལྷ་བ་མ་བཏོན་ཅིང་༔ ཀླད་པའི་ཤུན་པ་མ་ཉམས་པ༔ ཤིན་ཏུ་ཡིད་འོང་རང་བྱུང་གི༔ སྣོད་དུ་མཚལ་ལམ་སྣག་ཚ་ལ༔ བཟང་པོ་དྲུག་བཏབ་ཁུ་བས་ནི༔ དབུས་སུ་པདྨ་འདབ་བཞི་བཀོད༔ ལྟེ་བར་ཧཱུྃ་དང་ཏྲིཿ ཡིག་བྲི༔ འདབ་མ་བཞི་ལ་གཡས་བསྐོར་ཚུལ༔ T1608 - 543 ཨོཾ་ཡཀྵ་རྨ་རུ་རྩེ་སརྦ་སིདྡྷི་ཧཱུྃ༔ ཨོཾ་མ་མ་ཁ་ཤི་བཾ་སྭ་ཧཱ༔ ཨོཾ་ཙིཏྟ་ནྲྀ་འགུལ་འགུལ་རྒྱུགས་རྒྱུགས་བྲེང་བྲེང་དུང་དུང་སྭཱ་ཧཱ༔ ཨོཾ་མ་མ་ཧ་རི་ནི་ས་རཏྣ་སིདྡྷི་བྷྲཾ་སྭཱ་ཧཱ༔ དེ་ཡི་ཕྱི་རིམ་མུ་ཁྱུད་ལ༔ འབོད་སྔགས་ཙིཏྟ་འགུལ་སྔགས་དང་༔ མཁའ་འགྲོ་གནད་དབབ་སྔགས་ཀྱི་མཐར༔ སརྦ་རཏྣ་སིདྡྷི་བ་སུ་སིདྡྷི་ཁ་ངྷེ་སིདྡྷི་བྷྲཾ་སྭཱ་ཧཱ༔ ལྷ་འདྲེ་མི་གསུམ་འགྲོ་བ་ཕོ་མོ་ཟས་ནོར་ལོངས་སྤྱོད་ཐམས་ཅད་ཝཱ་ཤཾ་ཀུ་རུ་ཡེ་སྭཱ་ཧཱ༔ དེའི་ཕྱི་རིམ་མུ་ཁྱུད་གསུམ་པ་ལ༔ རྟེན་སྙིང་དབྱངས་གསལ་ལས་བཞིའི་ཤམ༔ བྲི་ཞིང་མཐའ་མར་པ་ཏྲས་བསྐོར༔ ཞིང་ས་བཟང་པོ་དགུའི་ས་སྣ༔ དེ་སྟེང་ནོར་བདག་སྐུ་གཟུགས་འཇོག༔ འབྲུ་སྨན་དར་ཟབ་གཡང་ཅན་གྱི༔ སྐྲ་གོས་ཐབ་ས་ཕྱུགས་ཀྱི་སྤུ༔ རིན་ཆེན་གཡང་རྫས་སྣ་ཚོགས་ཀྱིས༔ ཕྱུར་བུར་བཀང་ཞིང་སྣ་ལྔ་ཡིས༔ ཕྱི་ནང་རིམ་པར་མ་འཆོལ་དཀྲིས༔ དཀྱིལ་འཁོར་དབུས་གཞུག་གཏེར་བདག་གི༔ ལས་གཞུང་བསྲང་ནས་འབོད་པའི་སྐབས༔ གཡང་ཅན་སྤུ་ཡི་གཟུངས་ཐག་ལ༔ བཟུང་ནས་སྤྲོས་བསྡུས་དམིགས་པར་འབད༔ དེ་ནས་དམིགས་འབྱེད་བྱེ་བྲག་ནི༔ ཨོཾ་ཡཀྵ་ཨ་པ་ར་ཙིཏྟ་ཀ་པཱ་ལ་སརྦ་སིདྡྷི་བྷྲུྃ་འདུས་སྭཱ་ཧཱ༔ དེ་ནས་ཙིཏྟ་འགུལ་སྔགས་དང་༔ མཁའ་འགྲོ་གནད་ནས་བསྐུལ་བའི་སྔགས་རྣམས་བརྗོད༔ ཐུན་མཚམས་སུ་གཡང་འགུགས་ཅི་འགྲུབ་མཐར༔ རྒྱས་གདབ་པ་ནི༔ ཧཱུྃ༔ བདེ་ཆེན་ཡེ་