Tibetan
༔ ཁྱོད་ཀྱིས་མི་མཁྱེན་གང་ཡང་མེད༔ སྐད་ཅིག་ཉིད་དུ་བརླག་པར་མཛོད༔ སྒྲུབ་པའི་རྣལ་འབྱོར་བདག་ཉིད་ཀྱིས༔ ཕྲིན་ལས་རབ་འབྱམས་གང་བརྩམ་པ༔ ཐོགས་པ་མེད་པར་འགྲུབ་པ་དང་༔ བཀྲ་ཤིས་བདེ་ལེགས་དཔལ་རྒྱས་མཛོད༔ བཀའ་དམ་དཔང་བཙུག་བཅོལ་ལས་དེ༔ སྒྲུབ་མཛོད་བཛྲ་ས་མ་ཡ༔ དེ་ལྟར་བསྐང་བཤགས་ཟབ་མོའི་དོན༔ ཡིད་ལ་བསམ་ཞིང་ངག་ཏུ་བརྗོད༔ དེས་ནི་འདོད་དོན་ཡིད་བཞིན་འགྲུབ༔ ནང་དུ་བྱམས་ཤིང་བརྩེ་གདུང་ལྡན༔ འཁུ་ལྡོག་གདུག་རྩུབ་འབྱུང་མི་སྲིད༔ དགེ་ལེགས་ཡོན་ཏན་དཔལ་གྱིས་ཕྱུག༔ ཕྱོགས་ལས་རྣམ་པར་རྒྱལ་འགྱུར་རོ༔ བཀའ་སྲུང་ཁྱབ་འཇུག་ཆེན་པོས་སྲུངས༔ དམ་ཉམས་ལག་ཏུ་ཤོར་ར་རེ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ །ལེགས་སོ། །སརྦ་མངྒ་ལཾ།། །། T11608 - 489 T1608 - 490 ཁྲོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ གནོད་སྦྱིན་ཤན་པ་དམར་ནག་སྲོག་བདག་མི་སྲུན་དྲག་པོ་རྩལ་གྱི་གསོལ་མཆོད་ཕ་རོལ་དཔུང་འཇོམས་བཞུགས་སོ༔ །ཛྙཱ་དཀར་དམར་སྐྱེམས་དང་ཚོགས་མཆོད་སོགས༔ མཆོད་རྫས་སྣ་ཚོགས་བཤམས་པ་ལ༔ སྔགས་དང་ཏིང་ངེ་འཛིན་གྱིས་སྤེལ༔ རང་ཉིད་ཡི་དམ་ལྷར་གསལ་ངང་༔ ཀ༔ དུར་ཁྲོད་ཧེ་ཆེན་བརྡལ་བ་ནས༔ གནོད་སྦྱིན་ཤན་པ་འཁོར་དང་བཅས༔ དད་དང་དམ་ཚིག་གཉན་གྱིས་འབོད༔ མ་ཐོགས་མྱུར་དུ་གཤེགས་སུ་གསོལ༔ བསྒྲུབ་ཅིང་བརྟེན་པའི་གནས་འདིར་བཞུགས༔ ཉེར་སྤྱོད་འདོད་ཡོན་སྨན་གཏོར་རཀ༔ རིན་ཆེན་སྣ་ལྔ་དར་ཟབ་དཀོར༔ དགྲ་བགེགས་ཤ་ཁྲག་སྲོག་དབུགས་རུས༔ མཐུན་རྫས་སྤྱན་གཟིགས་སྣ་ཚོགས་ཀྱིས༔ གནོད་སྦྱིན་ཤན་པ་དམར་ནག་མཆོད༔ ཡུམ་མཆོག་གསོད་བྱེད་དམར་མོ་མཆོད༔ ལས་མཁན་སྤྲུལ་པའི་འཁོར་བརྒྱད་མཆོད༔ ཡང་སྤྲུལ་ལྷ་སྲིན་སྡེ་བརྒྱད་མཆོད༔ འཁོར་ཚོགས་བྱེ་བ་འབུམ་སྡེ་མཆོད༔ གསོལ་ལོ་མཆོད་དོ་ཐུགས་དམ་བསྐང་༔ རྟག་ཏུ་བྱམས་བརྩེས་བདག་སྐྱོངས་ཤིག༔ ཞི་རྒྱས་དབང་དང་དྲག་པོའི་ལས༔ ཕྲིན་ལས་རབ་འབྱམས་ལྷུན་གྲུབ་མཛོད༔ མ་གཡེལ་མ་འགྱང་ས་མ་ཡ༔ དེ་ལྟར་གསོལ་མཆོད་བྱས་པ་ཡིས༔ ལུས་དང་ གྲིབ་བཞིན་དབྱེར་མེད་འགྲོགས༔ ཕྲིན་ལས་རྣམ་བཞི་འབད་མེད་འགྲུབ༔ འཕྲལ་ཕུག་ཀུན་ཏུ་དགེ་ལེགས་རྒྱས༔ ས་མ་ཡ༔ རྒྱ་རྒྱ་རྒྱ༔ ཞེས་རིག་འཛིན་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་ཤོག་སེར་ལས་ཞལ་བཤུས་ཏེ་དག་པར་ཕབ་པའི་ཡི་གེ་པ་ནི་ལུང་ཟིན་དམ་པ་ཡོངས་གྲུབ་རིག་པའི་རྡོ་རྗེའོ། །དགེའོ།། ་འཇོམས་བཀའ་སྲུང་ཤན་པ་488 ་འཇོམས་བཀའ་སྲུང་ཤན་པ་T11608 - 492 ག༔ ཟབ་གསང་མཁའ་འགྲོའི་སྙིང་ཐིག་ལས༔ གནོད་སྦྱིན་ཆེན་པོའི་བསྐང་བསྡུས་མངོན་སྤྱོད་ལྷུན་གྲུབ་བཞུགས༔ ན་མོ་གུ་རུ་པདྨ་ཀ་ར་ཡེ༔ གཾགབྷ་རྨ༅ཨཧྲ།༔ གནོད་སྦྱིན་ཆེན་པོ་བསྒྲུབ་པའི་བུས༔ ཕྲིན་ལས་མངོན་སྤྱོད་ལྷུན་གྲུབ་ཕྱིར༔ དངོས་སུ་འབྱོར་བའི་མཆོད་པ་ལ༔ སྔགས་དང་ཏིང་འཛིན་ནུས་པས་སྤེལ༔ ཤ་ཆེན་གསུར་དང་སྦྱར་སྤོས་བསྲེགས༔ བདག་མདུན་ལྷར་གསལ་ངང་གནས་ཀྱིས༔ ཀ༔ སྔོན་གྱི་བཀའ་དམ་དཔང་བཙུགས་ཏེ༔ གནོད་སྦྱིན་ཤན་པ་སྤྱན་འདྲེན་གཤེགས༔ ཐབས་ཤེས་རྒྱུ་འབྲས་རྟེན་འབྲེལ་མཐུས༔ བདག་གི་སྲུང་མར་མཆིས་གྱུར་ཅིག༔ དངོས་འབྱོར་ཡིད་སྤྲུལ་མཆོད་སྤྲིན་འདིས༔ གནོད་སྦྱིན་དམར་ནག་ཐུགས་དམ་བསྐང་༔ ཡུམ་དང་སྤྲུལ་འཁོར་ཐུགས་དམ་བསྐང་༔ བཀའ་སྔོད་ཕོ་ཉའི་ཐུགས་དམ་བསྐང་༔ ཉམས་ཆག་འགལ་འདས་ནོར་འཁྲུལ་བཤགས༔ ལེགས་ཡོན་ཀུན་སྒྲུབས་ཉེས་ཚོགས་བཟློག༔ བརྣག་ཅིང་དམིགས་པའི་དགྲ་དང་བགེགས༔ ལོ་ཟླར་མ་འགྱང་མ་ཤོར་བར༔ མྱུར་མགྱོགས་མངོན་སྤྱོད་སྟོབས་ཤུགས་ཀྱིས༔ བཀུག་བསྒྲལ་མནན་གཟིར་ཕྲིན་ལས་མཛོད༔ བཀའ་དམ་དཔང་བཙུག་ལས་བཅོལ་དེ༔ མ་བུལ་མ་འགྱང་ས་མ་ཡ༔ དེ་ལྟར་རྟག་ཏུ་བསྐང་གསོལ་ན༔ ཕྲིན་ལས་རབ་འབྱམས་ཐོགས་མེད་འགྲུབ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་རང་སློབ་ཕུན་ཚོགས་བཀྲ་ཤིས་ཀྱིས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་བཀོད་པའོ། །དགེའོ། །དགེའོ། །དགེའོ། །མངྒ་ལཾ། །། ན བདུད་འཇོམས་བཀའ་སྲུང་ཤན་པ་T11608 - 494 བདུད་འཇོམས་བཀའ་སྲུང་ཤན་པ་T11608 - 494 ཁྲོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ གནོད་སྦྱིན་ཤན་པ་དམར་ནག་གི་བསྐང་བ་འདོད་རྒུའི་དཔལ་སྟེར་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ མཆོད་རྫས་འབྱོར་ཚོགས་གང་འོས་བཤམས༔ ཤ་ཆེན་གསུར་བཏང་བསང་སྦྱངས་བྱས༔ སྔགས་དང་ཏིང་འཛིན་སྟོབས་ཀྱིས་སྤེལ༔ ཀ༔ གསང་ཆེན་བསྟན་པའི་བྱ་ར་བ༔ གནོད་སྦྱིན་ཤན་པ་འཁོར་དང་བཅས༔ དད་དང་དམ་ཚིག་གཉན་གྱིས་འབོད༔ འདིར་གཤེགས་བདག་གི་སྲུང་མར་བཞུགས༔ དངོས་འབྱོར་ཡིད་ཀྱིས་རྣམ་འཕྲུལ་པའི༔ ཕྱི་ནང་གསང་མཆོད་སྣ་ཚོགས་ཀྱིས༔ གནོད་སྦྱིན་ཆེན་པོའི་ཐུགས་དམ་བསྐང་༔ ཡུམ་དང་སྤྲུལ་འཁོར་ཐུགས་དམ་བསྐང་ཿ བཀའ་སྡོད་ཕོ་ཉའི་ཐུགས་དམ་བསྐང་༔ ཐུགས་དང་འགལ་གྱུར་ཉེས་བྱས་བཤགས༔ འདི་ཕྱིའི་དགེ་ལེགས་དངོས་གྲུབ་སྩོལ༔ མི་མཐུན་ཕྱོགས་ཀུན་དགྲ་ལ་བཟློག༔ གཟུགས་ཅན་གཟུགས་མེད་དགྲ་དང་བགེགས༔ ལོ་ཟླར་མ་འགྱངས་མྱུར་དུ་སོད༔ བཀའ་བསྒོ་དམ་ཚིག་དེ་ཡིན་གྱི༔ མ་འདའ་བསམ་དོན་ཡོངས་འགྲུབ་མཛོད༔ དེ་ལྟར་གྲངས་ཁ་བསྐྱར་བ་ནི༔ ལུས་དང་གྲིབ་མ་བཞིན་དུ་འཁོར༔ ཕྱི་ནང་གསང་བའི་བར་ཆད་བཟློག༔ ཕྲིན་ལས་རབ་འབྱམས་ཐོགས་མེད་འགྲུབ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་པའོ། །དགེའོ། །དགེའོ། །དགེའོ།། །། T11608 - 496 ཐོ།༔ ཟབ་གསང་མཁའ་འགྲོའི་སྙིང་ཐིག་ལས༔ གནོད་སྦྱིན་ཤན་པ་དམར་ནག་ལ་གཉེར་བཅོལ་ཡིད་བཞིན་འཁོར་ལོ་བཞུགས་སོ༔ ་ཥཏྱཐ༔ ན་མོ་གུ་རུ་པདྨ་ཀ་ར་ཡེ༔ གནོད་སྦྱིན་ཆེན་པོ་བསྒྲུབ་པའི་ཚེ༔ ཤིན་ཏུ་སྙིང་ཉེ་བྱམས་བརྩེའི་ཕྱིར༔ གཉེར་གཏད་འདི་ནི་མཆོག་ཏུ་གཅེས༔ ལག་ཏུ་ལེན་པའི་རིམ་པ་ནི༔ ཟངས་སྣོད་གཙང་མར་གཏོར་མ་དགུ༔ གཙོ་དང་འཁོར་གྱི་ཚུལ་དུ་བཀོད༔ བ་ལི་ཟན་དུམ་འབྲུ་སྣ་སྤུངས༔ ཇ་ཆང་འོ་སྐྱེམས་གཙང་མར་བཤམས༔ འདོད་ཡོན་ནམ་མཁའ་མཛོད་དུ་སྤེལ༔ སྔགས་ཀྱང་དེ་བརྗོད་རང་མདུན་དུ༔ གནོད་སྦྱིན་འཁོར་བཅས་བསྐྱེད་བྱས་ཏེ༔ ལས་གཞུང་བསྲང་མཐར་འདི་བརྗོད་བྱ༔ ཀྱེེ༔ གནོད་སྦྲིན་ཆེན་པོ་དགོངས་སུ་གསོལ༔ ཡུམ་ཆེན་མ་མོ་དགོངས་སུ་གསོལ༔ སྤྲུལ་པའི་འཁོར་བརྒྱད་དགོངས་སུ་གསོལ༔ ལྷ་སྲིན་སྡེ་བརྒྱད་དགོངས་སུ་གསོལ༔ འཁོར་དང་དཔུང་བཅས་གསན་ཅིང་དགོངས༔ བདག་ནི་རྒྱལ་བའི་བརྒྱུད་འཛིན་ཏེ༔ ཁྱོད་ཀྱང་རྒྱལ་བསྟན་སྲུང་མ་ལགས༔ བཀའ་དམ་གཉན་པོ་ཁྲིམས་དུ་ལོངས༔ བདག་གིས་དཀའ་བ་དང་བླང་ནས༔ རྩེ་གཅིག་ལྷ་ཁྱོད་མི་བསྒྲུབ རྒྱུ༔ ཡར་ཕྱེད་ཚེ་འདིའི་དོན་ཕྱིར་ཏེ༔ ཚེ་བསོད་དཔལ་ཡོན་ཕྲིན་ལས་དང་༔ ལོངས་སྤྱོད་མཐུ་དབང་རྒྱས་པ་དང་༔ དགྲ་བགེགས་གནོད་བྱེད་བསྒྲལ་བའི་ཚེ༔ མར་ཕྱེད་ཕྱི་མའི་དོན་ ཕྱིར་ཏེ༔ བསྒོམ་སྒྲུབ་ཟབ་མོ་མཐར་ཕྱིན་ནས༔ ཚེ་གཅིག་སངས་རྒྱས་འགྲུབ་ཕྱིར་རོ༔ དོན་དེ་ཁྱོད་ཀྱིས་འགྲུབ་པར་མཛོད༔ བཅོལ་བའི་ཕྲིན་ལས་གཉེར་བ་ནི༔ བདག་གི་མི་ནོར་ལོངས་སྤྱོད་དཀོར༔ ཕྱུགས་དང་འབངས་འཁོར་བཅས་པ་རྣམས༔ བཅོལ་ལོ་གཉེར་རོ་ཁྱོད་ལ་གཏད༔ བསྲུང་སྐྱོབ་རྟག་ཏུ་མ་གཡེལ་ཅིག༔ མི་རྣམས་སྲུང་བའི་སྲུང་མ་མཛོད༔ ཟས་ནོར་སྲུང་བའི༴ རྟ་ཕྱུགས་སྲུང་བའི༴ ཡུལ་མཁར་སྲུང་བའི་མི་རྒྱུད་སྲུང་བའི༴ གཙུག་ལག་སྲུང་བའི། དགོན་གནས་སྲུང་བའིཿ རྣལ་འབྱོར་སྲུང་བའི ཆོས་འཁོར་སྲུང་བའི༴ དབེན་གནས་སྲུང་བའི༔ བུ་སློབ་སྲུང་བའི ཞིང་ཁང་སྲུང་བའི་འཁོར་འབངས་སྲུང་བའི་སྲུང་མ་མཛོད༔ མི་ཡི་ནད་གདོན་བར་ཆད་རྐྱེན༔ ནོར་ཕྱུགས་གོད་ཡམས་མི་མཐུན་ཕྱོགས༔ མ་ལུས་ཞི་ཞིང་བཟློག་པར་མཛོད༔ ཚེ་བསོད་དཔལ་འབྱོར་མངའ་ཐང་དང་༔ སྲོག་ལུས་དབང་ཐང་རླུང་རྟ་དང་༔ བླ་གཟའ་སྙན་གྲགས་རྒྱས་པར་མཛོད༔ སྣང་སྲིད་སྐྱེ་འགྲོ་བུ་སློབ་དང་༔ ཟས་ནོར་ལོངས་སྤྱོད་འདོད་རྒུའི་དཔལ༔ ལྷ་འདྲེ་མི་གསུམ་དབང་སྡུས་ཤིག༔ དགྲ་བགེགས་ལོག་འདྲེན་གནོད་བྱེད་ཀུན༔ རྗེས་ཤུལ་ལྷག་མ་མ་ལུས་པར༔ T11608 - 498 ཐོ།༔ མྱུར་མགྱོགས་མཐུ་དང་སྟོབས་ཤུགས་ཀྱིས༔ ཐལ་བའི་རྡུལ་ཕྲན་བཞིན་དུ་རློག༔ བསྒྲུབ་ཚེ་གཡེལ་དང་འགྱང་མ་བྱེད༔ བརྟེན་ཚེ་འཁུ་དང་ལྡོག་མ་བྱེད༔ རྦད་ཚེ་མཐུ་དང་རྩལ་མ་ཞན༔ ང་ཡི་ཡིད་ལ་འདོད་དོན་ཀུན༔ དུས་རྣམས་ཀུན་ཏུ་མྱུར་འགྲུབ་མཛོད༔ སྡང་བའི་དགྲ་ལ་རྦད་པའི་ཚེ༔ མདའ་འཕངས་སླར་ལ་མི་ལྡོག་བཞིན༔ མཐུ་བྱད་དམོད་དབལ་ཕྱིར་མ་ལྡོག༔ བརྩེ་བའི་གྲོགས་དང་བྱམས་པའི་གཉེན༔ རྒྱབ་བརྟེན་དཔུང་གྲོགས་ཁྱོད་བརྟེན་ནོ༔ ནང་དུ་བྱམས་བརྩེ་གདུང་སེམས་ཆེ༔ རྟག་ཏུ་སྲུང་སྐྱོབ་མ་གཡེལ་ཅིག༔ ཉིན་གྱི་དུས་སུ་བྱ་ར་མཛོད༔ མཚན་གྱི་དུས་སུ་མེལ་རྩེ་མཛོད༔ ཕར་ལ་འགྲོ་བའི་སྐྱེལ་མ་མཛོད༔ ཚུར་ལ་འོང་བའི་བསུ་མ་མཛོད༔ གཞི་ལ་འདུག་པའི་ཁ་འཛིན་མཛོད༔ ཕུག་ལྷ་ནོར་ལྷ་ཕྱུགས་ལྷ་དང་༔ གྲོགས་ལྷ་མགྲོན་ལྷ་ལམ་ལྷ་དང་༔ ཚོང་ལྷ་ཐབ་ལྷ་ཞིང་ལྷ་དང་༔ ཕ་ལྷ་མ་ལྷ་ཕྲག་ལྷ་དང་༔ དགྲ་ལྷ་ཡུལ་ལྷ་ཐམས་ཅད་ཀུན༔ བཀའ་སྲུང་གཉན་པོ་ཁྱོད་ཀྱིས་མཛོད༔ བདག་ལ་སྡང་བའི་དགྲ་བོ་ལ༔ བརྩེ་མ་ཤོར་ལ་བྱམས་མ་བྱེད༔ ཕྲག་དོག་གདུག་རྩུབ་དྲག་པོ་དང་༔ ཞེ་སྡང་གཏུམ་རྔམས་ཡུས་ཆེན་གྱིས༔ ཕྱོགས་ མཚམས་མཐོ་དམན་ཉེ་རིང་དང་༔ ཕྱི་ནང་གར་གནས་ཁྱོད་ཀྱིས་ཤེས༔ ལོ་ཟླར་འགྱངས་སུ་མ་ཤོར་བར༔ གློ་བུར་ཧུར་ཐུམ་གཟེར་ནད་རིགས༔ གྲི་ཐབས་དྲག་པོ་ལ་སོགས་པས༔ གསོད་གཅོད་བརླག་པའི་ལས་མཛོད་ཅིག༔ ང་ཡིས་ཡིད་ལ་བརྣག་ཙམ་གྱིས༔ དགྲ་བགེགས་ལྷ་ཡང་རུང་སྟེ་སོད༔ དེ་ལྟར་བཅོལ་བའི་ལས་དེ་དག༔ རྡོ་རྗེ་འཛིན་རྒྱལ་པད་འབྱུང་སོགས༔ མཆོག་གསུམ་རྩ་གསུམ་རྒྱལ་རྣམས་ཀྱིས༔ བཀའ་བསྒོ་ཡིན་ནོ་བཀའ་མ་བཅག༔ དམ་ཚིག་ཡིན་ནོ་དམ་མ་ཉམས༔ ཁྲིམས་གཉན་ཡིན་ནོ་ཁྲིམས་མ་བཤིག༔ ངས་ནི་རིག འཛིན་བརྒྱུད་པ་རྣམས༔ དཔང་བཞག་གཙུག་ཏུ་ཁུར་བྱས་ནས༔ ཁྱོད་ལ་ཕྲིན་ལས་དེ་བཅོལ་ལོ༔ དམ་ཅན་ཁྱོད་ཀྱིས་དེ་བཞིན་མཛོད༔ ངས་ཀྱང་རྟག་ཏུ་ཁྱེད་བསྟེན་ནོ༔ བདག་ཅག་ལྷ་མི་འཁོར་བཅས་ཀུན༔ རྫོགས་ལྡན་དུས་ཀྱི་བསྐལ་པ་བཞིན༔ དགེ་ཞིང་ཚེ་རིང་བདེ་སྤྱོད་ཅིང་༔ ལེགས་པའི་ཡོན་ཏན་ཕུན་ཚོགས་ཤོག༔ མུ་གེ་ནད་རིམས་འཇིགས་པ་སོགས༔ སྡུག་བསྔལ་ཟུག་རྔུ་དང་བྲལ་ཤོག༔ དབང་སྡུད་ཆེ་ཞིང་ཟིལ་གནོན་ལྡན༔ ཚིག་བཙན་མཐུ་ཆེ་སྙན་གྲགས་རྒྱས༔ བཀྲ་ཤིས་ཕུན་སུམ་ཚོགས་པར་ཤོག༔ དཀོན་མཆོག་གསུམ་དང་ ཐོ༔ བདེན་གཉིས་ཀྱི༔ མཐུ་ཡིས་གེགས་མེད་འགྲུབ་གྱུར་ཅིག༔ འདི་ཡིས་གཉེར་བཅོལ་བྱེད་གྱུར་ན༔ ནང་དུ་འཇམ་ཞིང་དགྲ་ལ་རྣོ༔ རྦད་མི་དགོས་ཏེ་དགྲ་བོ་ཐུབ༔ བསོད་ནམས་དཔལ་འབྱོར་རྒྱས་པར་འགྱུར༔ དེ་ཕྱིར་རྟག་ཏུ་འདིར་བརྩོན་བྱ༔ བཀའ་སྲུང་ཁྱབ་འཇུག་ཆེན་པོས་སྲུངས༔ དམ་ཉམས་ལག་ཏུ་མ་བཏང་ཞིག༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ནི་ཁྲག་འཐུང་རྡོ་རྗེ་ཁྲོ་ལོད་རྩལ་གྱིས་གཏེར་ནས་བཏོན་ཏེ་མི་ལོ་ཉི་ཤུ་བར་དུ་བཀའ་རྒྱ་བྱས་མཐར་རྟེན་འབྲེལ་དུས་ལ་བབ་པ་ས་ཕོ་སྟག་གི་ལོར་སྨར་མདོ་ནས་གཏན་ལ་ཕབ་པའི་ཡི་གེ་པ་ནི་དབང་ཆེན་གསུང་གི་རྡོ་རྗེ་པདྨ་ངོ་མཚར་གྱིས་བགྱིས་པའོ།། དགེའོ། །ལེགས་སོ། །སརྦ་མངྒ་ལཾ། །། ལ་T1608 - 501 T11608 - 502 ཕྲ་ཐོ༔ ཟབ་གསང་མཁའ་འགྲོའི་སྙིང་ཐིག་ལས༔ གནོད་སྦྱིན་ཤན་པ་དམར་ནག་གི་བླ་རྡོ་སྲོག་གི་འཁོར་ལོ་བཞུགས༔ ན་མོ་གུ་རུ་པདྨ་ཀ་ར་ཡེ༔ ཐཾརྦསྟརྣཧྱཐཐྱ༔ ལྔ་བརྒྱ་དུས་ཀྱི་སྙིགས་མའི་ཚེ༔ པདྨའི་བརྒྱུད་འཛིན་རྣལ་འབྱོར་གྱིས༔ སྲོག་བདག་མི་སྲུན་དམར་པོ་ནི༔ སྒྲུབ་ཚེ་མི་འབྲལ་འགྲོགས་པའི་ཕྱིར༔ བླ་རྡོ་སྲོག་གི་གནད་དུ་ཆེ༔ དེ་ཕྱིར་འདི་ཉིད་གཅེས་པར་ཟུངས༔ ལག་ལེན་འདེབས་པའི་རིམ་པ་ནི༔ རྒྱ་ཤོག་དཀར་པོ་དྲི་བྲལ་ལ༔ མུ་ཁྱུད་བཞི་བསྐོར་ལྟེ་བ་ཁྱོན་ཡངས་དབུས༔ གནོད་སྦྱིན་སྐུ་གཟུགས་བསྐྱེད་ཆོག་ཇི་བཞིན་བྲིས༔ ཐུགས་ཀར་ཀྵཿ ཧཱུྃ་ཧྲཱིཿ གསུམ་བྲི་ཞིང་༔ དེའི་ཕྱི་རིམ་མུ་ཁྱུད་དང་པོ་ལ༔ ཨེ་ཧེ་དམའ་རུ་རྩེ་གུ་ཎ་ཧྲཱིཿ ཏྲི་ཧཱུྃ་ཛཿ ཨེ་ཧེ་དམའ་རུ་རྩེ་གུ་ཎ་ཧྲཱིཿ ཏྲི་ས་མ་ཡ་ཨ་ནྲྀཿ ཨ་ཀརྵ་ཡ་ཛ་ཛཿ སརྦ་པཱ་ཤཾ་ཀུ་རུ་ཡེ་སྭཱ་ཧཱ༔ ཨོ་བེེ་ཤྲ་མ་ཎ་ཡེ་སྭཱ་ཧཱ༔ ཞེས་བྲིས༔ མུ་ཁྱུད་གཉིས་པ་ལ༔ འཁོར་ལོ་རྩིབས་བརྒྱད་རྩིབས་རྣམས་སུ༔ ཕྱོགས་བཞིར༔ བེེཿ ཡཿ ཙཿ དུཿ མཚམས་བཞིར༔ རུཿ མཿ རཿ ནཿ རྩིབས་མཆན་ཕྱོགས་བཞིར༔ ཨཿ ཡཿ མཿ དུཿ མཚམས་བཞིར༔ རུཿ ཙཿ ཤཿ ནཿ དེ་ཡི་ཕྱི་རིམ་མུ་ཁྱུད་གསུམ་པ་ལ༔ ཨེ་ཧེ་དམའ་རུ་རྩེ་གུ་ཎ་ཧྲཱིཿ ཏྲི་གྷྲྃ་བྷྱོ༔ ཤ་ར་བྷྱོ༔ པུ་རུ་ཛ༔ གིག་ཧ་ལ༔ གྷྲིན་ཏ་ཡ༔ གྱིན་ཏ་ཡ་རྦད་སོད༔ པུ་རུ་སྙིང་རྩེ༔ ཨ་པ་ལ་མཱ་ར་ཡ་སོད༔ རང་རྒྱུག་སྲོག་ལ་རྒྱུག༔ ཤ་ལ་རྔམས༔ དབུགས་ལ་འུབ༔ ཁྲག་ལ་འཇིབ༔ ཅིག་ཙིག༔ དགྲ་བོའི་སྲོག་ལ་ཡཾ་ཡཾ༔ ཨོཾ་ཙིཏྟ་ཡཀྴ་ཁུག་དུང་དུང་ཤོག༔ ཙིཏྟ་ཁ་ལ་ཡ༔ སྙིང་ལ་བྲེང་བྲེང་དུང་དུང་མི་སྙིང་སྒལ་སྒུལ་སྭཱ་ཧཱ༔ ཙིཏྟ་ནྲྀ་འགུལ་འགུལ་རྒྱུག་རྒྱུག༔ བྲེང་བྲེང་དུང་དུང་སྭ་ཧཱ༔ ཨོཾ་ཧ་རི་ནི་ས་མ་མ་ཁ་ཤི་བཾ་སྭ་ཧཱ༔ དེ་ཡི་ཕྱི་རིམ་མུ་ཁྱུད་བཞི་པ་ལ༔ ཨ་ལི་ཀ་ལི་རྟེན་སྙིང་གི་མཐར་འདི༔ ནད་གདོན་འཇིགས་བརྒྱད་དང་སྡུག་བསྔལ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ༔ ཚེ་བསོད་དཔལ་འབྱོར་མངའ་ཐང་ཡོན་ཏན་ཐམས་ཅད་པུཥྚིཾ་ཀུ་རུ་ཡེ་སྭཱ་ཧཱ༔ ཁམས་གསུམ་སྲིད་གསུམ་གྱི་སྐྱེ་འགྲོ་ཕོ་མོ་ཟས་ནོར་འདོད་རྒུའི་དཔལ་ཡོན་ཐམས་ཅད་པཱ་ཤཾ་ཀུ་རུ་ཡེ་སྭཱ་ཧཱ༔ གནོད་བྱེད་དགྲ་བགེགས་ལོག་འདྲེན་ཐམས་ཅད་མཱ་ར་ཡ་ཕཊ༔ དེ་མཐར་ལྕགས་ཀྱུ་ཞགས་པ་ལྕགས་སྒྲོག་དྲིལ༔ མཚམས་བཞིར་འཁོར་ལོ་ནོར་བུ་བསམ་འཕེལ་དང་༔ དབང་རྒྱལ་ཕ་རོལ་དཔུང་འཇོམས་རྣམས་བྲིས་ནས༔ དེ་མཐར་མེ་ཆུ་རླུང་གི་ར་བས་བསྐོར༔ གཟུགས་ལ་ཅོག་ལ་དམར་པོའི་ཁུ་བས་བྱུག༔ རྫས་ནི་མཚལ་ཆེན་ལི་ཁྲི་ཙན་དན་དང་༔ རིན་ཆེན་སྣ་ལྔ་བཟང་པོ་དྲུག་དང་སྦྱར༔ སྲོག་རྟེན་ཕ་བོང་ལོང་བུ་མ་ཉམས་པར༔ ཀྵཿ ཧྲཱིཿ ཧཱུྃ༔གསུམ་མཚལ་གྱིས་བྲིས་ནས་སུ༔ ཚོན་སྐུད་སྣ་ལྔས་རབ་དཀྲིས་དབུས་སུ་གཞུག༔ དེ་ནས་རབ་གནས་བྱེད་པའི་ཚུལ་འདི་སྟེ༔ དར་དམར་སྟེང་བཞག་ཡི་དམ་ལྷ་ཉིད་ཀྱི༔ ཐོ༔ བསྒོམ་བཟླས་མཐར་ནི་སྲོག་གི་འཁོར་ལོ་དེ༔ རང་གཞུང་བསྐྱེད་ཆོག་དེ་ཡིས་ལྷར་གསལ་ཞིང་༔ སྤྱན་འདྲེན་ལ་སོགས་ལས་གཞུང་རྫོགས་པའི་མཐར༔ རང་ཉིད་ཡི་དམ་ལྷར་གསལ་བའི་ཐུགས་ཀ ནས་འོད་ཟེར་དཔག་ཏུ་མེད་པ་འཕྲོས་པས་གནོད་སྦྱིན་ཆེན་པོ་ཤན་པ་དམར་ནག་སྤྲུལ་འཁོར་བཀའ་སྡོད་དང་བཅས་པ་ཐམས་ཅད་དམ་ཚིག་གི་དབང་གིས་སྤྱན་དྲངས་ནས་ཐིམ་པར་བསམ་ལ༔ ཨེ་ཧེ་དམའ་རུ་རྩེ་གུ་ཎ་ཧྲཱིཿ ཏྲི་ཧཱུྃ་ཛཿ སླར་ཡང་འོད་ཟེར་དཔག་ཏུ་མེད་པ་འཕྲོས་ནས་ཡེ་ཤེས་དང་འཇིག་རྟེན་གྱི་ཕོ་རྒྱུད་མོ་རྒྱུད་བསྟན་སྲུང་གཉན་པོ་ཐམས་ཅད་མ་ལུས་ཤིང་ལུས་པ་མེད་པ་ཐམས་ཅད་གནོད་སྦྱིན་ཤན་པ་དམར་ནག་གི་རྣམ་པར་སྐད་ཅིག་ཉིད་ལ་སྤྱན་དྲངས་ནས་སྲོག་འཁོར་ལ་ཐིམ་པས་གཉིས་སུ་མེད་པར་གྱུར་ཏེ་ཁམས་གསུམ་སྲིད་གསུམ་གྱི་བློ་ཡིད་སེམས་གསུམ་ལ་དབང་བསྒྱུར་བའི་དབང་པོར་གྱུར་པར་ཡང་ཡང་བསམ་ལ༔ སྔགས་དེ་ཁྲི་བརྗོད་མཐར༔ དཀོན་མཆོག་གསུམ་དང་རྩ་གསུམ་རྒྱལ་བ་སྲས་དང་བཅས་པའི་ཐུགས་རྗེ་བྱིན་རླབས་ནུས་སྟོབས་བདེན་པའི་མཐུ་ཡིས་གནོད་སྦྱིན་ཤན་པ་དམར་ནག་འཁོར་དང་བཅས་པའི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་ཐམས་ཅད་བླ་རྡོ་སྲོག་འཁོར་འདི་ལ་གཉིས་སུ་མེད་ པར་ཐིམ་པར་གྱུར་ཅིག༔ སྲོག་ཆགས་པར་གྱུར་ཅིག༔ བླ་གནས་པར་གྱུར་ཅིག༔ རབ་ཏུ་གནས་ཤིང་རབ་ཏུ་བརྟན་པར་གྱུར་ཅིག༔ ཅེས་བརྗོད་མཐར་དེ་འགྲུབ་པའི་བདེན་ཚིག་རྣམས་བརྗོད༔ དེ་ནས་སྐུ་མི་བཅག་པར་ལྟེབ་ཅིང་དར་དམར་པོ་ལེ་བརྒན་གྱིས་བསྟུམ་སྟེ་སྒྲུབ་རྟེན་དུ་འཇོག་ཅིང་མི་འབྲལ་བའི་རྟེན་དུ་བཅངས་པས་ཕྲིན་ལས་བསྒྲུབ་ཅིང་བཀའ་ཉན་པར་གདོན་མི་ཟའོ༔ ཨེ་མ༔ མ་འོངས་བསྐལ་པ་སྙིགས་མའི་དུས་མཐའ་རུ༔ པདྨའི་བརྒྱུད་འཛིན་དབུ་འཕང་དམའ་བའི་དུས༔ བཀའ་སྲུང་སྒྲུབ་ཀྱང་སྲོག་འཁོར་གནད་མེད་ན༔ འབྲལ་མེད་གྲོགས་སུ་འཁོར་བར་མི་འགྱུར་གྱི༔ དེ་ཕྱིར་བླ་རྡོ་བཅང་བ་གནད་ཀྱི་མཆོག༔ བཀའ་འདི་གཟའ་བདུད་དུག་གི་སྤུ་གྲིས་སྲུངས༔ དམ་ཉམས་ལྟ་ལོག་སྲོག་ལ་ཧུར་ཐུམ་རྦད༔ དམ་ལྡན་བུ་ལ་འབྲལ་མེད་གྲོགས་མཛོད་ཅིག༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱཿ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་ཉི་ཤུའི་བར་དུ་བཀའ་རྒྱ་བྱས་ཏེ་མཐར་རིག་འཛིན་ཀུན་བཟང་བདེ་ཆེན་རྡོ་རྗེས་ནན་དུ་བསྐུལ་ངོར་ཟླ་རྒྱལ་རྡོ་རྗེ་འཕན་པོའི་ཉེ་འདབས་སུ་དག་པར་ཕབ་པའོ། །དགེའོ །དགེའོ །དགེའོ།། ། ཐོ།༔ ཟབ་གསང་མཁའ་འགྲོའི་སྙིང་ཐིག་ལས༔ གནོད་སྦྱིན་ཡུམ་གྱི་སྲོག་འཁོར་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ །ཤདྷཱཊ྄ཌཱ པདྨའི་བརྒྱུད་འཛིན་སྐྱེས་མཆོག་གིས༔ མི་སྲུན་སྲོག་བདག་སྒྲུབ་པའི་ཚེ༔ ཡབ་འཁོར་ལ་བསྡེབ་ཡུམ་འཁོར་ནི༔ ཤོག་དཀར་དྲི་མ་མེད་པ་ལ༔ མུ་ཁྱུད་རིམ་པ་བཞི་བསྐོར་བའི༔ དབུས་སུ་ཡུམ་གྱི་སྐུ་གཟུགས་བྲིས༔ ཐུགས་ཀར་བྷྱོཿ ཡི་ཡི་གེ་དགོད༔ མཐའ་མར་སྔགས་མགོ་ཕྱིར་བསྟན་ཏེ༔ བྷྱོ་མ་མོ་རཀློ་ཀྲོ་ཏ་གྷྲྃ་བྷྱོ༔ ཤ་ར་བྷྱོ༔ མ་མོ་གསོད་བྱེད་ཆེན་མོའི་བླ་གནས་པར་གྱུར་ཅིག༔ སྲོག་ཆགས་པར་གྱུར་ཅིག༔ བཛྲ་ས་མ་ཡ༔ ཞེས་བྲིས༔ དེ་ཡི་ཕྱི་རིམ་པདྨ་འདབ་བཞི་ལ༔ མ་བྷྱོ༔ ཞེས་བྲིས༔ མཚམས་བཞིར༔ ཛ་ཧྲཱིཿ ཞེས་བྲིས༔ དེའི་ཕྱི་རིམ་ནོར་བུ་དམར་པོ་བརྒྱད་བྲིས༔ དེའི་ཕྱི་རིམ་མུ་ཁྱུད་ལ་མིག་བརྒྱད་བྲི༔ མཐར་ཕྱོགས་བཞིར་ལྕགས་ཀྱུ་དང་༔ མཚམས་བཞིར་ཞགས་པ་རེ་བྲིས༔ བར་མཚམས་སུ་མེ་རིས་བསྐོར་རོ༔ ཡབ་ཡུམ་ཁ་སྦྱོར་དུ་བསྡེབ་པའི་མཚམས་སུ་རྩ་སྔགས་ལ་ལས་བཞིའི་ཤམ་བུ་བཏགས་ལ་བཞག༔ ཡབ་ཀྱི་སྲོག་རྟེན་ཕ་བོང་ལོང་བུ་དང་ཙན་དན་དཀར་པོའི་ཕུར་པ༔ ཡུམ་གྱི་སྲོག་རྟེན་བྱུ་རུ་དང་ཙན་དན་དམར་པོའི་ཕུར་པ་རྣམས་དར་སྣས་དྲིལ་ཏེ་གཞུག༔ བཟང་པོ་དྲུག་སྦྱོར་སྨན་གྱིས་ནན་དུ་བྱུག༔ རབ་གནས་བྱ་ཞིང་འབྲལ་མེད་རྟེན་དུ་འཆང༔ དེས་ནི་སྙིང་ཉེ་ཕྲིན་ལས་ཐོགས་མེད་འགྲུབ༔ བཀའ་སྲུང་དྲེགས་པ་སྡེ་བརྒྱད་ཚོགས་ལ་གཉེར༔ ཐུབ་པར་སྲུངས་ཤིག་བཛྲ་ས་མ་ཡ༔ ས་མ་ཡ༔ རྒྱ་རྒྱ་