Tibetan
ཀུན་གྱི་སྤྱི་རྗེ་མོ༔ ང་ནི་ཁྱབ་བདག་ཡེ་ཤེས་མཁའ་འགྲོ་མ༔ TI1607 - 291 འཁོར་འདས་མ་ལུས་ཐམས་ཅད་ང་ཡི་དབང་༔ ཧཱུྃ་ཧཱུྃ་ཧཱུྃ་ཛཿ གསོན་ཅིག་གཤེགས་ཤིག་ཡེ་ཤེས་མཁའ་འགྲོའི་ཚོགས༔ ཆོས་དབྱིངས་ཀུན་ཏུ་བཟང་མོ་དམ་ལ་འདུས༔ ལོངས་སྐུ་གསང་བ་ཡེ་ཤེས་དམ་ལ་འདུས༔ སྤྲུལ་སྐུ་ཡེ་ཤེས་མཚོ་རྒྱལ་དམ་ལ་འདུས༔ ཤར་ཕྱོགས་རྡོ་རྗེ་མཁའ་འགྲོ་དམ༴ ལྷོ་ཕྱོགས་རིན་ཆེན་མཁའ་འགྲོ་དམ༴ ནུབ་ཕྱོགས་པདྨ་མཁའ་འགྲོ དམ༴ བྱང་ཕྱོགས་ལས་ཀྱི་མཁའ་འགྲོ་དམ༴ ཡེ་ཤེས་མཁའ་འགྲོ་མ་ལུས་དམ༔ སྒོ་མ་ལྕགས་ཀྱུ་དཀར་མོ་ལ་སོགས་པའི༔ ཞི་བའི་མཁའ་འགྲོ་མ་ཚོགས་དམ༴ སྒོ་མ་ཞགས་པ་སེར་མོ་ལ་སོགས་པའི༔ རྒྱས་པའི་མཁའ་འགྲོ་མ་ཚོགས་དམ༴ སྒོ་མ་ལྕགས་སྒྲོག་དམར་མོ་ལ་སོགས་པའི༔ དབང་གི་མཁའ་འགྲོ་མ་ཚོགས་དམ༴ སྒོ་མ་དྲིལ་བུ་མ་ལ་སོགས་པ་ཡི༔ དྲག་པོའི་མཁའ་འགྲོ་མ་ཚོགས་དམཿ དུར་ཁྲོད་མཁའ་འགྲོ་མ་ཚོགས་དམ༴ སྣང་སྲིད་མ་མོ་དམ་ཅན་དམ༴ ཤ་ཟ་མཁའ་འགྲོ་མ་ཚོགས་དམཿ མཁའ་འགྲོ་ཤུགས་འགྲོ་མ་ཚོགས འཇིག་རྟེན་མཁའ་འགྲོ་མ་ཚོགས་དམ༴ ལས་བྱེད་མཁའ་འགྲོ་མ་ཚོགས་དམ༴ དབང་ཕྱུག་ཉི་ཤུ་རྩ་བརྒྱད་དམ་ལ་འདུས༔ ཧཱུྃ་ཛཿ རྣལ་འབྱོར་བདག་གི་དད་པའི་ཤུགས་ཀྱིས་བསྐུལ༔ བློཾ།༔ བརྩེ་བའི་ཐུགས་ཀྱིས་བདག་ལ་མི་དགོངས་ན༔ ཐུགས་བསྐྱེད་རྣམ་པར་དག་པ་གང་ན་བཞུགས༔ ཐུགས་བསྐྱེད་མངའ་བ་དུས་འདིར་མཆིས་རེ་རན༔ རྣལ་འབྱོར་བདག་གིས་གུས་ཤིང་གདུང་བས་བསྐུལ༔ མ་ཚོགས་རྒྱ་མཚོའི་ཐུགས་རྗེས་མི་གཟིགས་ན༔ འགྲོ་བ་གང་འདུལ་མཛད་ཕྲིན་གང་ན་བཞུགས༔ འགྲོ་བའི་མོས་ངོར་སྟོན་པའི་སྟོབས་མངའ་ན༔ དེང་འདིར་གདུལ་དཀའ་འདུལ་བའི་དུས་ལ་བབ༔ རྣལ་འབྱོར་བདག་གི་དམ་ཚིག་གཉན་གྱིས་བསྐུལ༔ དམ་ཚིག་འདི་ལ་ད་ལྟ་མི་དགོངས་ན༔ དམ་ཚིག་གཉན པོའི་བདེན་པ་གང་ན་བཞུགས༔ དམ་ཚིག་འདི་ལ་བདེན་པའི་སྟོབས་མངའ་ན༔ རྣལ་འབྱོར་བརྣག་པའི་ལས་ཀྱང་འགྲུབ་རེ་རན༔ བདག་གི་ཡེ་ཤེས་མཁའ་འགྲོ་བསྒྲུབ་བསྒྲུབས་ནས༔ སྒྲུབ་ལ་བར་ཆད་དགྲ་བགེགས་བྱུང་བ་འདི༔ ད་ལྟ་ཉིད་དུ་སྟོབས་ཀྱིས་མི་བསྒྲལ་ན༔ ལེགས་ཉེས་ཤན་འབྱེད་གཟུ་དཔང་གང་ན་བཞུགས༔ ལེགས་ཉེས་ཤན་འབྱེད་བདེན་ཚིག་མཆིས་གྱུར་ན༔ དམ་ཉམས་དགྲ་བགེགས་འདི་ཉིད་གསོད་རེ་རན༔ མ་ཚོགས་མཁའ་འགྲོ་རྒྱ་མཚོ་སྒྲུབ་པའི་བུར༔ ད་ལྟ་ཉིད་དུ་ཐུགས་རྗེ་མི་གཟིགས་ན༔ མ་དང་མཁའ་འགྲོ་རྒྱ་མཚོ་མེད་ དམ་ཅི༔ མ་དང་མཁའ་འགྲོ་རྒྱ་མཚོ་མཆིས་གྱུར་ན༔ སྒྲུབ་པོ་བདག་ལ་ཐུགས་རྗེས་ཅིས་མི་དགོངས༔ བདག་ཉིད་སྒྲུབ་པའི་སྒོར་ཞུགས་རྩེ་གཅིག་ཏུ༔ མ་དང་མཁའ་འགྲོ་རྟག་ཏུ་བསྒྲུབ་བསྒྲུབས་ཀྱང་༔ དངོས་གྲུབ་གྲུབ་པའི་རྟགས་མཚན་མི་འབྱུང་ན༔ མ་དང་མཁའ་འགྲོའི་ནུས་སྟོབས་གང་ན་བཞུགས༔ རྣལ་འབྱོར་བདག་གི་དུས་ལ་བབ་པ་ཡི༔ དོན་ཆེན་འགགས་ལ་ཐུག་པའི་གནད་བསྐུལ་འདི༔ མཐུ་སྟོབས་ནུས་པའི་རྩལ་ཤུགས་མི་འབྱུང་ན༔ མ་དང་མཁའ་འགྲོའི་མཐུ་རྩལ་གང་ན་བཞུགས༔ རྣལ་འབྱོར་བདག་གི་སྲོག་ལ་བབས་ཉེ་བའི༔ གལ་ཆེན་ནག་ལ་ཐུག་པའི་དཔུང་བསྐུལ་འདིར༔ མ་དང་མཁའ་འགྲོས་དཔུང་གྲོགས་མི་བྱེད་ན༔ ཐུགས་རྗེས་བརྩེ་དགོངས་བྱམས་པ་གང་ན་བཞུགས༔ རྣལ་འབྱོར་བདག་གི་དམ་ལ་བབས་ཉེ་བས༔ རེ་ས་གཞན་མ་མཆིས་པའི་དུས་འདི་ལ༔ མ་དང་མཁའ་འགྲོའི་དཔུང་ཚོགས་མི་བྱོན་ན༔ དམ་ཚིག་ཐུགས་རྗེའི་ནུས་པ་གང་ན་བཞུགས༔ རྣལ་འབྱོར་བདག་གི དཀོར་ལ་བབས་ཉེ་བས༔ སྐྱབས་མཆོག་ལྷ་ལ་སྐྱབས་སུ་མཆིས་དུས་འདིར༔ ཕ་རོལ་དཔུང་ཚོགས་སྟོབས་ཀྱིས་མི་བསྒྲལ་ན༔ སྐྱབས་ཡུལ་ལྷ་ཡི་སྐྱོབ་པ་གང་ན་བཞུགས༔ རྣལ་ ཕྲྃ།༔ འབྱོར་བདག་གི་སྒྲུབ་ལ་བར་ཆོད་པའི༔ དམ་ཉམས་དགྲ་བོ་བདུད་བགེགས་སྒྲོལ་རེ་རན༔ བཀའ་ལོག་བསྟན་བཤིག་དམ་ཉམས་གཤེ་སྐུར་མཁན༔ མ་ཉེས་ཁ་ཡོག་གླེང་འདེབས་ཇག་ཆོམ་རྐུན༔ བསམ་པ་གནག་ལ་སྦྱོར་བ་རྩུབ་པ་དང་༔ བདག་གི་ལུས་སྲོག་དཀོར་ལ་ཟ་རྔམ་པའི༔ དམ་ཉམས་དགྲ་བགེགས་གནོད་བྱེད་མ་ལུས་པ༔ ལོ་དང་ཟླ་བར་བཞག་པའི་ལོང་མེད་པས༔ ད་ལྟ་ཉིད་དུ་བསད་ཅིང་ཤུལ་མེད་ཐོང་༔ རྣམ་ཤེས་རྣམ་སྨིན་ལས་རྗེས་མ་བཏང་བར༔ མནར་མེད་བྱ་རྩོལ་བསམ་བྲལ་ཀློང་དུ་སོད༔ དུས་ལ་བབ་བོ་བཛྲ་ས་མ་ཡ༔ ད་གཟིགས་ད་དགོངས་ད་བྱོན་ཐུགས་དམ་ཅན༔ བདག་ཉིད་དོན་ཆེན་འགགས་ལ་མ་ཐུག་ན༔ མ་དང་མཁའ་འགྲོའི་ཐུགས་དམ་ཅི་ལ་བསྐུལ༔ རྣལ་འབྱོར་བདག་གི་ལུས་ལ་མ་བབས་ན༔ མི་རུང་ངན་ཚིག་དམོད་པ་ཅི་ལ་བོར༔ བདག་གི་རིན་ཆེན་སྲོག་ལ་མ་བབས་ན༔ གཏན་གྱི་མགོན་ལ་འོ་དོད་ཅི་ལ་འབོད༔ བདག་གི་བསྙེན་སྒྲུབ བརླག་ལ་མ་ཆས་ན༔ ཡེ་ཤེས་མཁའ་འགྲོའི་ཐུགས་དམ་ཅི་ལ་བསྐུལ༔ བདག་གི་དགེ་འབྲས་འཇོམས་པར་མ་ཆས་ན༔ ཕུང་བརླག་དྲག་པོའི་ལས་ལ་ཅི་ཕྱིར་འབད༔ བདག་གི་གཅེས བསྲེལ་ནོར་ལ་མ་བབས་ན༔ དེ་རིང་དཔུང་རོགས་དམག་འབོད་ཅི་ལ་བྱེད༔ བདག་གི་འཁོར་ཚོགས་གྲོགས་ལ་མ་བབས་ན༔ དེ་རིང་མ་དང་མཁའ་འགྲོ་ཅི་ལ་བསྐུལ༔ བདག་ཉིད་ཕུང་བརླག་རྒོལ་བས་མ་ཟིན་ན༔ ཡི་དམ་ལྷ་ལ་ཞེ་ཁྲེལ་ཅི་ལ་འདོགས༔ བྱོན་ཅིག་དགོངས་ཤིག་གསོན་ཅིག་ཡི་དམ་ལྷ༔ མཐུ་རྩལ་རྫུ་འཕྲུལ་བྱུང་བའི་དུས་ལ་བབས༔ ད་ལྟ་ཉིད་དུ་མཐུ་རྩལ་མི་བྱུང་ན༔ བདག་གིས་བསྙེན་སྒྲུབ་ལས་ལ་འབད་དོན་གང་༔ འདི་ལྟར་རྩེ་གཅིག་བསྙེན་བསྒྲུབ་མཆོད་བསྟོད་ན༔ འཁྲུལ་པ་ཉིང་འཁྲུལ་བགེགས་རིགས་གདོན་གྱིས་ཀྱང་༔ ཕ་བས་བརྩེ་ཞིང་མ་བས་གདུང་སེམས་ཆེ༔ རྩེ་གཅིག་སྒྲུབ་ཅིང་ཡང་ཡང་བསྙེན་གྱུར་ན༔ དུག་ལྔའི་སྟོབས་བཙན་གདོང་དམར་སྲིན་པོས་ཀྱང་༔ ཕ་ལྟར་བྱམས་ཤིང་མ་ལྟར་བརྩེ་བས་སྐྱོངས༔ མ་ཟད་ལངྐ་ཤོད་ཀྱི་སྲིན་མོས་ཀྱང་༔ བརྩེ་གདུང་རྨངས་པོའི་བུ་སྡུག་ལས་ཀྱང་ཆེ༔ བསྟན་འགྲོའི་དོན་ལ་མཉམ་པར་དགོངས་བརྩེ་ན༔ རྣལ་འབྱོར་བདག་གི་དཔུང་ལ་བྱོན་རེ་རན༔ སངས་རྒྱས་བསྟན་པ་གཉན་ལ་དགྲ་དར་བས༔ བསྟན་བཤིག་ལག་དམར་བསྒྲལ་བའི་དུས་ལ་བབ༔ དམ་ཆོས་རྒྱུད་སྡེའི་འོ་མཚོ་ནུབ་ཉེ་བས༔ དམ་ཉམས་བཀའ་ལོག་ བློཾ།༔ བསྒྲལ་བའི་དུས་ལ་བབ༔ དགེ་འདུན་རྒྱལ་བའི་བརྒྱུད་འཛིན་སྡུག་ཏ་རེ༔ དམ་ཉམས་བདུད་ཀྱི་ཕོ་ཉ་ད་ལྟ་སོད༔ སྐྱེ་འགྲོའི་བདེ་སྐྱིད་གཡུལ་འགྱེད་མཚོན གྱིས་བསྣུབས༔ གཡུལ་འགྱེད་མཚོན་འཁྲུགས་ཁ་དཔོན་ད་ལྟ་སོད༔ མདོ་སྔགས་བསྟན་ལ་དམ་ཉམས་ལྟ་ལོག་རྒོལ༔ ཆོས་ཁྲིམས་བཤིགས་པའི་ལྟ་ལོག་གྲུབ་མཐའ་ནི༔ འཛིན་མི་དེར་ཕྱོགས་དེར་འཁོར་ཆོས་ལོག་བཅས༔ མ་འགྱངས་ད་ལྟ་ཉིད་དུ་སྟོབས་ཀྱིས་སྒྲོལ༔ བསྟན་འཛིན་སྐྱེས་བུ་བསྟན་པའི་ཁུར་འཛིན་ལ༔ ཉམས་སད་བྱེད་ཅིང་དམའ་ལ་འཕེན་རྩོལ་དང་༔ སྐུ་སྲོག་ལ་བསྡོ་གཤེ་སྐུར་ལོག་ལྟ་བའི༔ དམ་སྲི་རྒྱལ་འགོང་བདུད་བགེགས་ནག་ཕྱོགས་རིགས༔ དམ་ཉམས་དགྲ་བོ་ལས་ངན་སྡིག་ཅན་ལ༔ ད་ལྟ་ཉིད་དུ་བཀའ་ཡི་ཆད་པ་ཐོབས༔ སྲོག་གི་མར་མེ་དབང་པོའི་མེ་བཀྲ་བསྣབ༔ དུས་ལ་བབ་པོ་བཛྲ་ས་མ་ཡ༔ ཧོཿ བརྒྱུད་གསུམ་རིག་འཛིན་བླ་མ་དུས་ལ་བབ༔ ཡི་དམ་རྒྱུད་སྡེའི་ལྷ་ཚོགས་དུས་ལ་བབ༔ མ་ཚོགས་ཡེ་ཤེས་མཁའ་འགྲོའི་དུས་ལ་བབ༔ དམ་ཚིག་ཤ་ཟ་ཤུགས་འགྲོ་འཇིག་རྟེན་གྱི༔ མ་དང་མཁའ་འགྲོ་རྒྱ་མཚོའི་དུས་ལ་བབ༔ ལེགས་ཉེས་སྟངས་འཛིན་དམ་ཚིག་རྗེས་གཅོད་ པའི༔ བསྟན་སྲུང་དམ་ཅན་རྒྱ་མཚོའི་དུས་ལ་བབ༔ བརྣག་པའི་དགྲ་ལ་དྲག་པོའི་ཕྲིན་ལས་མཛོད༔ རྒོལ་འཇབ་བགེགས་ཀྱི་དཔུང་ཚོགས་སྟོབས་ཀྱིས་སྒྲོལ༔ ཧཱུྃ་ཛཿ ཆོས་དབྱིངས་སྐྱེ་བ་མེད་པའི་ཀློང་དཀྱིལ་ནས༔ སྐྱེ་བའི་ཆོ་འཕྲུལ་འབར་བའི་སྐུར་སྟོན་པ༔ ཆོས་སྐུའི་ཀློང་དུ་ཆོས་སྐུའི་མཁའ་འགྲོའི་གཙོ༔ རྒྱལ་ཀུན་བསྐྱེད་ཡུམ་ཀུན་ཏུ་བཟང་མོ་ཉིད༔ བསྐུལ་ལོ་ཁྱེད་ཀྱི་ཐུགས་དམ་གནད་ནས་བསྐུལ༔ གནོད་བྱེད་དགྲ་བགེགས་བསྒྲལ་བའི་དུས་ལ་བབ༔ སྤྲུལ་པ་གར་བསྒྱུར་ཕྲིན་ལས་དུས་ལ་བབ༔ སྐྱེ་མེད་ཆོས་དབྱིངས་ངང་ལས་མ་གཡོས་ཀྱང་༔ ཐབས་ཀྱིས་གདུག་པ་མ་ལུས་འདུལ་བའི་ཕྱིར༔ ཁྲོ་གཏུམ་རྔམས་བརྗིད་དྲག་པོའི་སྐུར་བཞེངས་ཤིག༔ དུས་མཐའི་བདུད་བགེགས་རྒྱལ་བསེན་འདུལ་བ་དང་༔ བདག་གི་ཡིད་ལ་བརྣག པའི་དགྲ་དང་བགེགས༔ མྱུར་དུ་ཁུག་ལ་བསྒྲལ་བའི་ལས་མཛོད་ཅིག༔ ཧཱུྃ་ཛཿ དམར་ནག་འབར་བ་ཟླ་གམ་དབང་གི་དལ༔ འགགས་མེད་རོལ་པ་ཆེན་པོའི་གཞལ་ཡས་ནས༔ ལོངས་སྤྱོད་རྫོགས་སྐུ་ལོངས་སྐུའི་མཁའ་འགྲོའི་གཙོ༔ ལས་ཀྱི་དབང་མོ་གསང་བ་ཡེ་ཤེས་མ༔ བསྐུལ་ལོ་ཁྱེད་ཀྱི་ཐུགས་དམ་གནད་ནས་བསྐུལ༔ ཞི་ཉིད་སྤྲོས་བྲལ་ངང་ལས་མ ཕྲྃ།༔ གཡོས་ཀྱང་༔ ཐབས་ཀྱིས་གདུག་པ་མ་ལུས་འདུལ་བའི་ཕྱིར༔ ཁྲོ་གཏུམ་རྔམས་པ་དྲག་པོའི་སྐུར་བཞེངས་ཤིག༔ སྐུ་ཡི་བཀོད་པ་རབ་འབྱམས་ངོམས་པ ཡིས༔ སྒྲུབ་སྡེ་བརྒྱད་ཀྱི་དཀྱིལ་འཁོར་རབ་བཀྲ་མཛོད༔ ལོངས་སྐུའི་མཁའ་འགྲོའི་མ་ཚོགས་འཁོར་དང་བཅས༔ དྲག་པོའི་ཕྲིན་ལས་མངོན་བྱེད་དུས་ལ་བབ༔ ཁྱེད་ཀྱི་མཐུ་སྟོབས་གར་བསྒྱུར་ཤུགས་ཕྱུང་ལ༔ དུས་མཐའི་བདུད་བགེགས་རྒྱལ་བསེན་འདུལ་བ་དང་༔ བདག་གི་ཡིད་ལ་བརྣག་པའི་དགྲ་དང་བགེགས༔ མྱུར་དུ་ཁུག་ལ་བསྒྲལ་བའི་ལས་མཛོད་ཅིག༔ བདེ་ཆེན་པདྨ་འོད་འཁྱིལ་གཞལ་ཡས་ནས༔ སྤྲུལ་པའི་སྐུར་སྟོན་སྤྲུལ་སྐུའི་མཁའ་འགྲོའི་གཙོ༔ བདེ་ཆེན་རྒྱལ་མོ་ཡེ་ཤེས་མཚོ་རྒྱལ་མ༔ བསྐུལ་ལོ་ཁྱེད་ཀྱི་ཐུགས་དམ་གནད་ནས་བསྐུལ༔ ཆོས་ཉིད་སྐྱེ་མེད་ངང་ལས་མ་གཡོས་ཀྱང་༔ ཐབས་ཀྱིས་གདུག་པ་མ་ལུས་འདུལ་བའི་ཕྱིར༔ ཁྲོ་གཏུམ་རྔམས་པ་དྲག་པོའི་སྐུར་བཞེངས་ཤིག༔ སྤྲུལ་སྐུའི་མཁའ་འགྲོ་མ་ཚོགས་འཁོར་དང་བཅས༔ དྲག་པོའི་ཕྲིན་ལས་མངོན་མཛད་དུས་ལ་བབ༔ ཁྱེད་ཀྱི་མཐུ་རྩལ་སྟོབས་ཀྱི་ཤུགས་བྱུང་ལ༔ དུས་མཐའི་བདུད་བགེགས་རྒྱལ་བསེནཿ བདག་གི་ཡིད་ལ བརྣག་པའི༴ མྱུར་དུ་ཁུག་ལ་བསྒྲལ་བའིཿ ཤར་ཕྱོགས་གཏུམ་དྲག་རྔམས་པའི་དུར་ཁྲོད་ནས༔ མི་བཟད་རབ་འཇིགས་ཁྲོ་གཏུམ་སྐུར་སྟོན་ཞིང་༔ ཞེ་སྡང་ཚུལ་གྱིས་ཞེ་སྡང་འཇོམས་མཛད་མ༔ རྡོ་རྗེ་མཁའ་འགྲོ་མཁའ་འགྲོ་འབུམ་དང་བཅས༔ བསྐུལ་ལོ་བསྐུལ་ལོ་ཐུགས་དམ་གནད་ནས་བསྐུལ༔ ཁྱེད་ཅག་མཐུ་རྩལ་སྟོབས་ཀྱིཿ དུས་མཐའི་བདུད་བགེགས༴ བདག་གི་ཡིད་ལ༴ མྱུར་དུ་ཁུག་ལ་བསྒྲལ་བའི༴ ལྷོ་ཕྱོགས་གད་རྒྱངས་སྒྲོགས་པའི་དུར་ཁྲོད་ནས༔ མི་བཟད་རབ་འཇིགས་ཁྲོ་གཏུམ་སྐུར་སྟོན་ཞིང་༔ ང་རྒྱལ་ཚུལ་གྱིས་ང་རྒྱལ རིན་ཆེན་མཁའ་འགྲོ་མཁའ་འགྲོ་འབུམ་སྡེར་བཅས༔ བསྐུལ་ལོ་བསྐུལ་ལོ་ཐུགས་དམ་གནད་ནས་བསྐུལ༔ ཁྱེད་ཅག༴ དུས་མཐའི་བདག་གི༴ མྱུར་དུ ནུབ་ཕྱོགས་པདྨ་འཁྱིལ་བའི་དུར་ཁྲོད་ནས༔ མི་བཟད་རབ་འཇིགས༴ འདོད་ཆགས་ཚུལ་གྱིས་འདོད་ཆགསཿ པདྨ་མཁའ་འགྲོ་མཁའ་འགྲོ་འབུམ༴ བསྐུལ་ལོ༔ ཁྱེད་ཅག༴ དུས་མཐའི་བདག་གི༴ མྱུར་དུ་བྱང་ཕྱོགས་ཀཱི་ལ་ཡ་ཡི་དུར་ཁྲོད་ནས༔ མི་བཟད༴ ཕྲག་དོག་ཚུལ་གྱིས་ཕྲག་དོགཿ ལས་ཀྱི་མཁའ་འགྲོ་མཁའ་འགྲོཿ བསྐུལ་ལོ༔ ཁྱེད་ཅག༈ དུས་མཐའི༔ བདག་ བྲཾ།༔ གི མྱུར་དུ་དཀར་གསལ་ཟླུམ་ལ་འཁྱིལ་བའི་དུར་ཁྲོད་ནས༔ མི་བཟད༴ ཞི་བའི་ལས་མཛད་སྒོ་མ་ལྕགས་ཀྱུ་མ༔ ཞི་བའི་མཁའ་འགྲོ་འབུམ་སྡེ་དང་བཅས་པ༔ བསྐུལ་ལོ༔ ཁྱེད་ཅག་དུས་མཐའི་བདག་གི༴ མྱུར་དུ༔ སེར་གསལ་གྲུ་བཞི་གདེངས་པའི་དུར་ཁྲོད་ནས༔ མི་བཟད༴ རྒྱས་པའི་ལས་མཛད་སྒོ་མ་ཞགས་པ་མ༔ རྒྱས་པའི་མཁའ་འགྲོ་མ་ཚོགས་འབུམ་སྡེར་བཅས༔ བསྐུལ་ལོ༔ ཁྱེད་ཅག་དུས་མཐའི་བདག་གི༴ མྱུར་དུ་དམར་ནག་ཟླ་གམ་གདེངས་པའི་དུར་ཁྲོད་ནས༔ མི་བཟད༴ དབང་གི་ལས་མཛད་སྒོ་མ་ལྕགས་སྒྲོག་མ༔ དབང་གི་མཁའ་འགྲོ་མ་ཚོགས་འབུམ་སྡེར་བཅས༔ བསྐུལ་ལོ༔ ཁྱེད་ཅག༈ དུས་མཐའི་བདག་གི༴ མྱུར་དུ་ལྗང་ནག་གྲུ་གསུམ་འབར་བའི་དུར་ཁྲོད་ནས༔ མི་བཟད༴ དྲག་པོའི་ལས་མཛད་སྒོ་མ་དྲིལ་བུ་མ༔ དྲག་པོའི་མཁའ་འགྲོ་མ་ཚོགས་འབུམ་སྡེར་བཅས༔ བསྐུལ་ལོ༔ ཁྱེད་ཅག་དུས་མཐའི་བདག་གི༴ མྱུར་དུ་ཧཱུྃ་ཛཿ སྨུག་ནག་གྲུ་གསུམ་འབར་བའི་གཞལ་ཡས་ནས༔ སྔགས་སྲུང་གཙོ་མོ་ཨེ་ཀ་ཛ་ཊཱི་མ༔ བསྐལ་པའི་ཞིང་གི་རྡུལ་སྙེད་འཁོར་དང་བཅས༔ བསྐུལ་ལོ༔ ཁྱེད་ཅག༴ དུས་མཐའི༴ བདག་གི༴ མྱུར་དུ་ཧཱུྃ་ཛཿ བྱང་ཤར་མུ་ལེ་གཏིང་གི་ཁྲག་མཚོ་རུ༔ དཔལ་ལྡན་ལྷ་མོ་རང་བྱུང་རྒྱལ་མོ་ཆེ༔ ཁྱེད་ཀྱི་འཁོར་ཚོགས་མ་མོ་མཁའ་འགྲོའི སྡེ༔ བསྐུལ་ལོ༔ ཁྱེད་ཅག༔ དུས་མཐའི་བདག་གིཿ མྱུར་དུ་ཧཱུྃ་ཛཿ དཀྱིལ་འཁོར་ཀུན་གྱི་མཐའ་འཛིན་ཕྲིན་ལས་བསྒྲུབ༔ དབང་ཕྱུག་ཉི་ཤུ་རྩ་བརྒྱད་འཁོར་དང་བཅས༔ བསྐུལ་ལོ༔ ཁྱེད་ཅག དུས་མཐའི་བདག་གི་མྱུར་དུ་ཧཱུྃ་ཛཿ ཧེ་ཆེན་དྷ་ནའི་དུར་ཁྲོད་ཆེན་པོ་ནས༔ གནོད་སྦྱིན་ཆེན་པོ་ཤན་པ་དམར་ནག་དང་༔ སྲས་འཁོར་སྤྲུལ་པ་ཡང་སྤྲུལ་བཀའ་སྡོད་ཚོགས༔ བསྐུལ་ལོ༔ ཁྱེད་ཅག༔ དུས་མཐའི་བདག་གི་མྱུར་དུ་ཧཱུྃ་ཛཿ ཕོ་བྲང་མཁའ་སྤྱོད་ཙ་རིའི་གཞལ་ཡས་ནས༔ བདུད་མགོན་སེང་གདོང་ཡབ་ཡུམ་སྲས་འཁོར་བཅས༔ བསྐུལ་ལོ༔ ཁྱེད་ཅགཿ དུས་མཐའི་བདག་གིཿ མྱུར་དུ ཧཱུྃ་ཛཿ སྔོན་ཚེ་རིག་འཛིན་རྡོ་རྗེ་གཤོག་རྒོད་ཀྱིས༔ བཀའ་དང་དམ་ལ་གནས་པའི་བསྟན་སྲུང་ཚོགས༔ བསྐུལ་ལོ་བསྐུལ་ལོ་ཐུགས་དམ་གནད་ནས་བསྐུལ༔ ཁྱེད་ཅག་མཐུ་རྩལ་སྟོབས་ཀྱིཤུགས་བྱུང་ལ༔ དུས་མཐའི་བདུད་བགེགས་རྒྱལ་བསེན་འདུལ་བ་དང་༔ བདག་གི བློཾ།༔ ཡིད་ལ་བརྣག་པའི་དགྲ་དང་བགེགས༔ མྱུར་དུ་ཁུག་ལ་བསྒྲལ་བའི་ལས་མཛོད་ཅིག༔ གསོན་ཅིག་དགོངས་ཤིག་དཀྱིལ་འཁོར་ལྷ་ཚོགས་རྣམས༔ རྣལ་འབྱོར་བདག་ནི་མ་ཉེས་མ་ཡོའོ༔ དམ་ཉམས་དགྲ་བགེགས་ལོག་འདྲེན་འདི་རྣམས་ཀྱིས༔ བདག་ལ་དོ་བསྡོས་ཕོད་བཙུགས་ཡ་བཟུང་ཞིང་༔ ཚེ་ལ་རྐུ་ཞིང་སྲོག་ལ་འཇབ་པ་དང་༔ དཀོར་ལ་རྔམས་ཤིང་བསྒྲུབ་ལ་བར་ཆད་བརྩམ༔ མ་ཉེས་འདུག་ཀྱང་འདུག་པའི་དབང་མེད་བྱས༔ བྲོས་ཀྱང་འདས་བྱུང་གབ་ཀྱང་དེར་སླེབ་བྱུང་༔ ལན་ཆགས་འཇལ་ཀྱང་འཕྲོག་བཅོམ་བྱེད་དུ་ཆས༔ ཞི་བ་བྱས་ཀྱང་དྲག་པོའི་ལས་བཙུགས་བྱུང་༔ བདེན་པར་སྨྲས་ཀྱང་རྫུན་གྱིས་ཟོབ་བཅུག་བྱས༔ ལེགས་པར་བསྒྲུབས་ཀྱང་ཉེས་པས་སྔོན་རྒྱུག་བྱས༔ དེ་ལྟར་བདག་ལ སྡང་བའི་དགྲ་བགེགས་འདིས༔ ཚེ་རབས་ཐོག་མ་མེད་པའི་དུས་དག་ནས༔ ད་ལྟའི་བར་དུ་སྡུག་བསྔལ་མྱོང་དུ་བཅུག༔ ལོག་ལམ་མི་དགེའི་ཉེས་ལམ་འདི་ཡིས་བསྟན༔ ལེགས་ལམ་དགེ་བའི་ལས་ཀྱང་འདིས་འཕྲོག་བསྒྲིབས༔ བདེན་པའི་ཚིག་ཀྱང་འདི་ཡིས་རྫུན་དུ་གཟད༔ དགེ་བའི་ལས་ཀྱང་འདི་ཡིས་མི་དགེར་བསྒྱུར༔ བདེ་བའི་འབྲས་བུ་འདི་ཡིས་སྡུག་ལ བཙོངས༔ ཉེས་མེད་སེམས་ཅན་རྣམས་ལ་འདི་ཡིས་འཚེ༔ སངས་རྒྱས་བསྟན་བཤིགས་དཀོན་མཆོག་དབུ་འཕང་སྨད༔ སྐྱེ་འགྲོའི་བདེ་བཅོམ་བསྟན་པའི་ཆོས་ཁྲིམས་བཤིགས༔ ཉེས་ཅན་འདི་ལ་བཀའ་ཡིས་ཆད་པ་ཆོད༔ རི་བོའི་རྩེ་ཁོངས་རྒྱ་མཚོའི་ཁ་གཏིང་དང་༔ ཉི་ཟླའི་གོ་བར་སྤྲིན་ཀློང་བྲག་རིའི་ནང་༔ དཀོན་མཆོག་སྐྱབས་ཞབས་སྔགས་པའི་སྲུང་འཁོར་སོགས༔ གང་ན་ཡོད་ཀྱང་མ་བཏང་མ་ཤོར་བར༔ གཟུགས་བྱང་རཱུ་པ་འདི་ལ་མྱུར་དུ་ཁུག༔ བསྐུལ་ལོ་བསྐུལ་ལོ་མ་དང་མཁའ་འགྲོ་རྣམས༔ དད་གུས་གདུང་བས་མ་དང་མཁའ་འགྲོ་བསྐུལ༔ རེ་སའི་སྐྱབས་གནས་མ་དང་མཁའ་འགྲོར་འབོད༔ མ་གཡེལ་མ་གཡེལ་ཐུགས་རྗེའི་སྟོབས་རྩལ་ཅན༔ ཁྱེད་ཅག་ཐུགས་དམ་གཉན་པོའི་དུས་ལ་བབ༔ བསྟན་སྲུང་རྒྱ་མཚོ་དམ་ཚིག་གཉན་གྱིས་བསྐུལ༔ ཕྲིན་ལས་སྒྲུབས་ཤིག་བཛྲ་ས་མ་ཡ༔ ཨོཾ་མ་ཧཱ་ཀྲོ་ཏི་གུ་ཧྱ་ཛྙཱ་ན་ཧྲཱིཿ མ་ཧ་རི་ནི་ས་བཛྲ་ས་མ་ཡ་སརྦ་དྷརྨ་པཱ་ལ་སརྦ་ཀྵེ་ཊ་པཱ་ལ་བཛྲ་ས་མ་ཡ་ཛ་ཛཿ དགྲ་བགེགས་ཆེ་གེ་མོ་དང་༔ གནོད་བྱེད་སརྦ་ཁུག་ཛ་མཱ་ར་ཡ་རྦད་རྦད་བྷྱོ་ནན་ཛ་ཁུག་སྟྭཾ༔ ས་མ་ཡ༔ རྒྱ་རྒྱ་རྒྱ༔ གལ་ཆེན་དགྲ་བགེགས་བྱུང་བའི་ཚེ༔ མཁའ་འགྲོའི་དྲག་བསྐུལ་འདི་ལ་བརྩོན༔ ལྟ་བའི་གདིང་ བློཾ།༔ གིས་བསྐུལ་བ་ན༔ རི་རབ་གླིང་བཞི་ཡིན་ཡང་བརླག༔ གང་རུང་བ་ལ་མི་བྱའོ༔ ས་མ་ཡ༔ མ་མོ་སྲིད་པའི་རྒྱལ་མོ་དང་༔ ཞིང་སྐྱོང་ཀུན་དགའ་གཞོན་ནུ་དང་༔ གནོད་སྦྱིན་ཤན་པ་དམར་ནག་དང་༔ ཤཱ བཙན་དམར་སྲོག་གི་སྤུ་གྲིས་སྲུངས༔ དམ་ཉམས་ལག་ཏུ་ཤོར་ར་རེ༔ ས་མ་ཡ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ རྒྱ་རྒྱ་རྒྱ༔ བརྡ་ཐིམ༔ མཁའ་འགྲོའི་དྲག་བསྐུལ་ཟབ་མོ་འདི། །གར་དབང་བདུད་འཇོམས གླིང་པ་ངས། །མ་འགགས་འོད་གསལ་ཆེན་པོའི་ངང་། །པདྨའི་གསང་གཏེར་སྒོ་ཕྱེས་བཏོན། །འབྲོས་ཕུག་མཁའ་འགྲོའི་འདུ་ར་རུ། །ཞལ་བཤུས་དག་ཕབ་ཡི་གེ་པ། །ཕུན་ཚོགས་བཀྲ་ཤིས་ཞེས་བྱའོ། །དགེ་བས་བསྟན་དགྲའི་དཔུང་གཞོམ་ཤོག། དགེའོ། །དགེའོ །དགེའོ། །སརྦ་མངྒ་ལཾ། །ཤུ་བྷཾ།། །། ད ཏཱ T1607 - 305 T1607 - 306 བློཾ།༔ ཟབ་གསང་མཁའ་འགྲོའི་སྙིང་ཐིག་ལས༔ མཁའ་འགྲོའི་འབུམ་བསྐུལ༔ དྲག་པོའི་གད་རྒྱངས་བཅུ་གསུམ༔ ལོག་རྟོག་དཔུང་འཇོམས་ལེའུ་འོ༔ གརྴམ།བྷ་བྷ།ཧསཏ༔ དཔལ་ཆེན་ཁྲོ་རྒྱལ་ཆེན་པོ་དམར་ནག་མེ་ཡི་ཕྲེང་བ་ཅན་ལ་ཕྱག་འཚལ་ལོ༔ བདག་འདྲ་པདྨ་ཐོད་ཕྲེང་ངས༔ མ་འོངས་ལས་ཅན་དོན་ཆེད་དུ༔ གད་རྒྱངས་ལོག་རྟོག་དཔུང་འཇོམས་བསྟན༔ རང་ཉིད་ཁྲོ་མོའི་ང་རྒྱལ་གྱིས༔ གད་རྒྱངས་བསྐུལ་འབོད་འདི་བརྗོད་བྱ༔ ཧཱུྃ་ཧཱུྃ༔ བཞེངས་ཤིག་བཞེངས་ཤིག་ཀུན་བཟང་མོ༔ འོག་མིན་ཆོས་ཀྱི་དབྱིངས་ནས་བཞེངས༔ གནས་འདིར་སྐད་ཅིག་གཤེགས་སུ་གསོལ༔ དྲག་པོའི་ཕྲིན་ལས་དུས་ལ་བབ༔ བཛྲ་ས་མ་ཡ་ཛ་ཛཿ ཧ་ཧ༔ བཞེངས་ཤིག་གསང་བ་ཡེ་ཤེས་མ༔ དུར་ཁྲོད་གསང་ཆེན་གནས་ནས་བཞེངས༔ གནས་འདིར་གཤེགས་ལ་གར་བསྒྱུར་གྱིས༔ དྲག་པོའི་ཕྲིན་ལས་དུས་ལ་བབ༔ བཛྲ་ས་མ་ཡ་ཛ་ཛཿ ཧེ་ཧེཿ བཞེངས་ཤིག་ཡེ་ཤེས་མཚོ་རྒྱལ་མ༔ དཔལ་རི་མཁའ་འགྲོའི་གླིང་ནས་བཞེངས༔ གནས་འདིར་གཤེགས ལ་གང་འདུལ་གྱིས༔ དྲག་པོའི་ཕྲིན་ལས་དུས་ལ་བབ༔ བཛྲ་ས་མ་ཡ་ཛ་ཛཿ ཧི་ཧིཿ བཞེངས་ཤིག་ཡེ་ཤེས་མཁའ་འགྲོ་ལྔ༔ འོད་གསལ་ཀློང་ནས་སྐུར་བཞེངས་ཤིག༔ གནས་T1607 - 307 འདིར་གཤེགས་ལ་གར་བསྒྱུར་གྱིས༔ དྲག་པོའི་ཕྲིན་ལས་ད་ལྟ་མཛོད༔ ཧོ་ཧོཿ བཞེངས་ཤིག་ལས་བཞིའི་མཁའ་འགྲོ་མ༔ ཚད་མེད་རྣམ་བཞིའི་ངང་ནས་བཞེངས༔ གང་འདུལ་མ་ངེས་ཆོ་རོལ་གྱིས༔ དྲག་པཽའི་མངོན་སྤྱོད་དུས་ལ་བབ༔ བཛྲ་ས་མ་ཡ་ཛ་ཛཿ བྷྱོ་བྷྱོཿ བཞེངས་ཤིག་དབང་མོ་ཉེར་བརྒྱད་ཚོགས༔ ཡེ་ཤེས་འཇིག་རྟེན་ལས་གྲུབ་པའི༔ མ་མོ་མཁའ་འགྲོ་རྒྱ་མཚོའི་ཚོགས༔ དབྱིངས་ནས་སྐུར་བཞེངས་འདིར་གཤེགས་ལ༔ དྲག་པོའི་ཕྲིན་ལས་དུས་ལ་བབ༔ བཛྲ་ས་མ་ཡ་ཛ་ཛཿ ཧ་ཧེ་ཧོ་ཧི་ཧཱུྃ་དང་བྷྱོ༔ ཕཊ་ཀྱི་གད་རྒྱངས་སྒྲ་ཡིས་འབོད༔ བསྟན་པ་གཉན་ལ་དགྲ་དར་བས༔ དོ་ནུབ་རྣལ་འབྱོར་དཔུང་ལ་འབོད༔ དྲག་པོའི་སྐུར་བཞེངས་མཐུ་རྩལ་ཕྱུང་༔ བཅོལ་བའི་ལས་མཛོད་ས་མ་ཡ༔ བདག་ནི་རྣལ་འབྱོར་སྒྲུབ་པ་པོའི༔ ལས་ཀ་འདི་ལས་