Tibetan
ལོག་པའི་ལམ་ཞུགས་ཏེ༔ གཟུང་འཛིན་འཁྲུལ་པའི་ཉེས་བྱས་གང་༔ ཆོས་ཉིད་ ཕྲྃ།༔ རོལ་པའི་ངང་དུ་བཤགས༔ སྨིན་གྲོལ་ལམ་གྱི་སྒོར་ཞུགས་ཏེ༔ ཁས་བླངས་སྡོམ་བཟུང་དམ་བཅས་པ༔ ཚོར་དང་མ་ཚོར་རྐྱེན་དབང་གིས༔ རྩ་བ་ཡན་ལག་དམ་ཚིག་ཀུན༔ ཉམས་ཆག་འགལ་འཁྲུལ་གྱུར་པ་རྣམས༔ སྐུ་གསུམ་མཁའ་འགྲོའི་ཚོགས་ལ་བཤགས༔ སྒྲུབ་དང་དཀྱིལ་འཁོར་སྒོར་ཞུགས་ནས༔ སྣང་བ་ལྷ་ཡི་དཀྱིལ་འཁོར་དང་༔༷ སྒྲ་གྲགས་སྔགས་ཀྱི་དཀྱིལ་འཁོར་དང་༔ དྲན་རྟོག་ཐུགས་ཀྱི་དཀྱིལ་འཁོར་དུ༔ མ་རྟོགས་འཁྲུལ་པའི་ཉམས་ཆག་ཀུན༔ སྐུ་གསུམ་མཁའ་འགྲོའི་ཚོགས་ལ་བཤགས༔ ངོ་བོ་སྟོང་པ་གཞལ་ཡས་ཁང་༔ རང་རིག་ཀུན་བཟང་ཆོས་ཀྱི་སྐུ༔ རྟོག་ཚོགས་འཁོར་གྱི་རོལ་པར་གནས༔ མ་རྟོགས་སྣང་བ་དངོས་པོར་བཟུང་༔ ཡུལ་ལ་གཉིས་སུ་འཛིན་པ་ཡིས༔ ལམ་ལོག་ལམ་སྟོར་འཁོར་བར་འཁྲུལ༔ ཉེས་བྱས་ཉམས་ཆག་འཁྲུལ་རྟོག་ཀུན༔ སྐུ་གསུམ་མཁའ་འགྲོའི་ཚོགས་ལ་བཤགས༔ ཚངས་པ་མཆོག་གི་དངོས་གྲུབ་སྩོལ༔ ཡི་གེ་བརྒྱ་པ་བརྗོད༔ T11607 - 274 ཝྃ།༔ ཟབ་གསང་མཁའ་འགྲོའི་སྙིང་ཐིག་ལས༔ མཁའ་འགྲོ་གསང་བ་ཡེ་ཤེས་ཀྱི༔ བསྐང་བསྡུས་དངོས་གྲུབ་ཀུན་འབྱུང་བཞུགས༔ ན་མོ་གུ་རུ་པདྨ་ཀ་ར་ཡེ༔ ཨགགྷ།༔ འདོད་རྒུའི་དངོས་གྲུབ་ཀུན་བསགས་ཏེ༔ ཡེ་ཤེས་ཏིང་ངེ་འཛིན་གྱིས་འཕྲུལ༔ མི་ཟད་རྒྱན་གྱི་འཁོར་ལོར་སྤེལ༔ སྐུ་གསུང་ཐུགས་ཀྱི་བདུད་རྩིར་བརླབས༔ ཧཱུྃ་ཧྲཱིཿ གཞི་དབྱིངས་སྐྱེ་བ་མེད་པའི་ཕོ་བྲང་ནས༔ བླ་མ་ཆོས་ཀྱི་སྐུ་ཡི་ཐུགས་དམ་བསྐང་༔ གཞི་སྣང་ལྷུན་གྲུབ་བདེ་ཆེན་རོལ་པ་ནས༔ བླ་མ་ལོངས་སྤྱོད་རྫོགས་སྐུའི་ཐུགས་དམ་བསྐང་༔ གཞི་རྩལ་ཀུན་ཁྱབ་ཡེ་ཤེས་ཆེན་པོ་ནས༔ བླ་མ་སྤྲུལ་པའི་སྐུ་ཡི་ཐུགས དམ་བསྐང་༔༷ གདོད་ནས་རྣམ་དག་བདེ་ཆེན་ཀུན་བཟང་མོ༔ འགྱུར་མེད་མཐའ་བྲལ་རྡོ་རྗེ་ཕག་མོའི་སྐུ༔ ཟུང་འཇུག་མཉམ་ཉིད་ཡེ་ཤེས་མཚོ་རྒྱལ་མའི༔ ཐུགས་དམ་བསྐང་ངོ་མཆོག་ཐུན་དངོས་གྲུབ་སྩོལ༔ ཆོས་དབྱིངས་ཡེ་ཤེས་སངས་རྒྱས་མཁའ་འགྲོ་དང་༔ མེ་ལོང་ཡེ་ཤེས་རྡོ་རྗེ་ཌཱ་ཀི་མ༔ མཉམ་ཉིད་ཡེ་ཤེས་རིན་ཆེན་མཁའ་འགྲོའི་གཙོ༔ སོར་རྟོག་ཡེ་ཤེས་པདྨ་ཌཱ་ཀིའི་སྡེ༔ བྱ་གྲུབ་ཡེ་ཤེས་ལས་ཀྱི་མཁའ་འགྲོ་སོགས༔ རིགས་ལྔའི་སྒྱུ་འཕྲུལ་མཁའ་འགྲོའི་ཐུགས་དམ་བསྐང་༔ ཉམས་ཆག་ཀུན་འཆགས་མཆོག་ཐུན་དངོས་གྲུབ་སྩོལ༔ ཚད་མེད་རྣམ་བཞིའི་རང་ མདངས་འགགས་མེད་པ༔ ལས་བཞི་ལྷུན་གྲུབ་མཁའ་འགྲོའིཿ ཕྲིན་ལས་བཞི་བསྒྲུབ་ལས་བཞི་སྒོ་མ་བཞི༔ འབུམ་ཕྲག་ཡངས་པའི་མཁའ་འགྲོའི: ཉམས་ཆག་ཀུན་འཆགས་མཆོག་ཐུན་དངོས་གྲུབ་སྩོལ༔ དཀྱིལ་འཁོར་མཐའ་སྐྱོང་ཕུར་སྲུང་རྒྱ་མཚོའི་ཚོགས༔ མདོར་ན་འཁོར་འདས་དབང་མོའི་སྒྱུ་འཕྲུལ་གར༔ དཀྱིལ་འཁོར་ལྷ་ཚོགས་རྣམས་ཀྱིཿ ཉམས་ཆག་ཀུན་འཆགས་ཚངས་པའི་དངོས་གྲུབ་སྩོལ༔ གདོད་ནས་འཁོར་འདས་མེད་པ་ཆེན་པོ་ལ༔ གཟུང་འཛིན་ཡུལ་འཛིན་རྒྱུད་གོལ་མཐོལ་ལོ་བཤགས༔ ཐམས་ཅད་ཆོས་ཉིད་གཅིག་པུར་མཉམ་བརྡལ་བ༔ མ་རྟོགས་ཐ་དད་བཟུང་བ་མཐོལ་ཞིང་བཤགས༔ སྟོང་པའི་རང་བཞིན་ཕྱལ་བ་ཆེན་པོ་ལ༔ ཉོན་མོངས་འཁྲུལ་འཁོར་འཐས་པ་མཐོལ་ལོ་བཤགས༔ གཞི་དབྱིངས་ཀུན་ཁྱབ་སྐུ་གསུམ་ལྷུན་གྲུབ་ལ༔ སངས་རྒྱས་ཡུལ་གོལ་གཞན་བཟུང་མཐོལ་ལོ་བཤགས༔ དག་ཚངས་མཆོག་གི་དངོས་གྲུབ་མྱུར་དུ་སྩོལ༔ ཚེ་འདིར་འཇའ་ལུས་འཕོ་བ་ཆེན་པོའི་གྲོང་༔ གཞོན་ནུ་བུམ་སྐུའི་དབྱིངས་སུ་བྱང་ཆུབ་ཤོག༔ དེ་ལྟར་རྟག་ཏུ་བསྐང་བ་འདིར་བརྩོན་ན༔ ཉམས་ཆག་ཀུན་བྱང་རྫོགས་སངས་རྒྱས་འགྱུར་རོ༔ ས་མ་ཡ༔ རྒྱ་རྒྱ་རྒྱ༔ ཨྠི༔ ཞེས་པ་འདི་ཉིད་ཆོས་ཀྱི་བདག་པོ་ཚུལ་ཁྲིམས་ཀྱིས་བཞེད་ངོར་ཀློང་ཆེན་དགྱེས་པའི་རྡོ་རྗེས་སོ།། །། ཝྃ།༔ ཟབ་གསང་མཁའ་འགྲོའི་སྙིང་ཐིག་ལས༔ མཁའ་འགྲོ་གསང་བ་ཡེ་ཤེས་ཀྱི་རྩ་སྒྲུབ་ཐུགས་ཀྱི་སྒྲོམ་བུ་བཞུགས༔ ན་མོ་གུ་རུ་པདྨ་ཀ་ར་ཡེ༔ ཤཤ།རྣ།རྣ།༔ མ་འོངས་དུས་ཀྱི་ཐ་མ་ལ༔ ཟབ་ལམ་བསྒོམ་པའི་སྐྱེས་བུ་རྣམས༔ མ་དག་སྒོ་གསུམ་འཁོར་བའི་ལམ༔ སྐུ་གསུམ་དབྱིངས་སུ་རབ་འཕོས་ནས༔ རྡོ་རྗེ་གསུམ་གྱི་གྲོང་འཇུག་གནད༔ གང་ལ་བརྟེན་པས་ངེས་པར་གྲོལ༔ དེ་ཕྱིར་འདི་ནི་བླ་ན་མེད༔ དཀྱིལ་འཁོར་གཏོར་མ་མི་དགོས་སོ༔ གདན་གསུམ་རྫོགས་པའི་དཀྱིལ་འཁོར་ལྷ༔ ཡེ་ཡིན་ངོ་ཤེས་ཙམ་གྱིས་ཆོག༔ དེ་ཕྱིར་མཁའ་འགྲོ་ལས་དབང་མོའི༔ བསྒོམ་བཟླས་འདི་ལ་བརྩོན་མཛོད་ཅིག༔ དང་པོ་སྐྱབས་སུ་འགྲོ་བ་ནི༔ ན་མོ༔ རང་རིག་དོན་གྱི་བླ་མ་ལ༔ འདུ་འབྲལ་མེད་པར་སྐྱབས་སུ་མཆི༔ ཡུལ་མེད་ཟང་ཐལ་ཆོས་ཀྱི་དབྱིངས༔ འཁོར་གསུམ་དག་པའི་བྱང་སེམས་བསྐྱེད༔ དེ་ནས་བགེགས་བསྐྲད་སྲུང་འཁོར་ནི༔ ཧཱུྃ༔ བདག་རྟོག་ཁམས་གསུམ་འཁོར་བའི་འདྲེ༔ བདག་མེད་སྟོང་ཉིད་ཆེན་པོར་ཕཊ༔ སྣང་སྲིད་ཆོས་སྐུའི་ཡོ་ལངས་ལ༔ བསྲུང་བྱ་སྲུང་བྱེད་ཡེ་སངས་རྒྱས༔ དེ་ནས་བྱིན་ཆེན་འབེབས་པ་ལ༔ ཧཱུྃ༔ གདན་གསུམ་དཀྱིལ་འཁོར་མངོན་གྱུར་དུ༔ ཡེ་ཤེས་མཁའ་འགྲོའི་བྱིན་ཆེན་ཕོབ༔ དེ་ནས་མཆོད་རྫས་བྱིན་བརླབ་ནི༔ ཨོཾ་ཨཱཿཧཱུྃ༔ ཡུལ་དྲུག་འདོད་ཡོན་མི་ཟད་གཏེར༔ རང་བྱུང་ མཆོད་པའི་སྤྲིན་དུ་ཤར༔ དེ་ནས་ལྷ་བསྐྱེད་པ་ནི༔ ཧཱུྃ༔ སྣང་ཞིང་སྲིད་པའི་ཆོས་རྣམས་ཀུན༔ སྒྱུ་མའི་འཁྲུལ་འཁོར་ཞིག་པ་ལྟར༔ ཆོས་ཉིད་དག་མཉམ་ཆེན་པོར་སངས༔ གདལ་ཁྱབ་དབང་གི་གཞལ་ཡས་སུ༔ མ་ཆགས་སྐྱོན་བྲལ་པད་ཉིའི་སྟེང་༔ རང་རིག་གསང་བ་ཡེ་ཤེས་མ༔ ཐབས་ཤེས་མཚོན་བྱེད་ཕྱག་གཉིས་ན༔ སྣང་བ་དབང་སྡུད་གྲི་གུག་དང་༔ ཁམས་གསུམ་ཁྲག་རོལ་དུང་ཁྲག་བསྣམས༔ མཐའ་གཉིས་ལས་འདས་ཞབས་གཉིས་ཀྱིས༔ གར་ཐབས་མཛད་ཅིང་རཱུ་ཏྲ་གནོན༔ དཔའ་བོ་ཡབ་མཚོན་ཁ་ཊྭཱྃ་ཀ༔ འཁོར་འདས་དབང་སྡུད་ཁ་དོག་དམར༔ སྐུ་གསུམ་ལྷུན་གྲུབ་སྤྱན་གསུམ་ལྡན༔ སྲིད་ལས་རབ་དབེན་ཞལ་འཛུམ་མདངས༔ དོན་གཉིས་མཚོན་པའི་ཤངས་བུག་དང་༔ བདེན་གཉིས་ཟུང་འཇུག་སྙན་གཉིས་ལྡན༔ རྟོག་ཚོགས་རང་གྲོལ་དབུ་སྐྲ་མཐིང་༔ སྐྱོན་བྲལ་མཛེས་སྡུག་གཞོན་ནུའི་ཚུལ༔ བདེ་དང་སྟོང་པའི་ཡེ་ཤེས་འབར༔ ཕུང་ལྔ་རིགས་ལྔ་ཁམས་ལྔ་ཡུམ༔ དབང་པོ་སེམས་དཔའ་ཡུལ་སེམས་མ༔ ཡན་ལག་སྒོ་སྐྱོང་ཡབ་ཡུམ་དང་༔ རྩ་ཐིག་རླུང་གི་རོལ་པ་ལ༔ རྒྱུད་སྡེ་རྒྱ་མཚོའི་དཀྱིལ་འཁོར་རྫོགས༔ དེ་ནས་སྤྱན་འདྲེན་པ་ནི༔ ཧཱུྃ༔ ཆོས་ཉིད་ནམ་མཁའི་ཀློང་ ཝྃ།༔ མཛོད་ནས༔ ཡེ་རྫོགས་དཀྱིལ་འཁོར་ཆེན་པོར་གཤེགས༔ དེ་ནས་བཞུགས་སུ་གསོལ་བ་ནི༔ མ་འགགས་སྐུ་དང་ཡེ་ཤེས་ཆེ༔ མངོན་གྱུར་ཆེན་པོར་བཞུགས་སུ་གསོལ༔ དེ་ནས་ཕྱག་འཚལ་བ་ནི༔ ན་མོ༔ བདེ་གཤེགས་སྙིང་པོ་སངས་རྒྱས་དཔལ༔ མཁའ་འགྲོའི་དབྱིངས་ལ་ཕྱག་འཚལ་ལོ༔ དེ་ནས་མཆོད་པ་འབུལ་བ་ནི༔ ཧཱུྃ༔ སྣང་སྲིད་སྣང་བའི་གཏེར་ཆེན་པོ༔ ཕྱི་ནང་གསང་མཆོད་མཆོག་ཏུ་འབུལ༔ མ་ཧཱ་པཉྩ་པཱུ་ཙ་ཧོཿ དེ་ནས་བསྟོད་པ་ནི༔ ཨཱཿ གནས་ལུགས་ཆོས་སྐུའི་མཁའ་འགྲོ་མ༔ ལྷུན་གྲུབ་ལོངས་སྐུ་རྒྱན་དུ་ངོམས༔ རང་གྲོལ་སྤྲུལ་སྐུ་རྩལ་དུ་ཤར༔ གསང་བ་ཡེ་ཤེས་ཆེན་པོར་བསྟོད༔ དེ་ནས་འཛབ་དམིགས་ནི༔ དེ་ཡི་ཐུགས་ཀར་ཀུན་བཟང་མོའི༔ ཐུགས་གསང་ཧྲཱིཿ ལ་སྔགས་ཀྱིས་བསྐོར༔ བཟླས་པས་རྒྱལ་བ་སྲས་དང་བཅས༔ ཡེ་ཤེས་གཅིག་ཏུ་དྲིལ་ཏེ་བསྒྲུབ༔ ཨོཾ་གུ་ཧྱ་ཛྙཱ་ན་ཌཱ་ཀི་ནཱི་བཾ་ཧ་རི་ནི་ས་སིདྡྷི་ཧཱུྃ༔ འདི་ལྟར་བསྒོམ་བཟླས་བྱེད་པའི་མི༔ ཚེ་འདིར་རིག་འཛིན་ས་ཐོབ་འགྱུར༔ བྱི་རུ་དང་ནི་རཱ་ག་ཡི༔ ཕྲེང་བ་རྙེད་དང་མེ་ཏོག་འཐུ༔ མཁའ་ལ་འཕུར་དང་རི་རྩེར་དབེན༔ འདི་དག་གྲུབ་པའི་མཚན་མ་ཡིན༔ ཉམས་རྟོགས་ཡོན་ཏན་གློ་བུར་འཕེལ༔ ཆོས་ཉིད་བདེན་པ་མཐོང་གྱུར་ན༔ མཆོག་གི་གྲུབ་རྟགས་བླ་ན་མེད༔ བསྒྲུབ་དུས་སྒོ་གསུམ་ ཡེ་ཤེས་ལྷའི༔ སྐུ་གསུང་ཐུགས་སུ་གསལ་བ་དང་༔ སྔགས་སྒྲ་གཏམ་གྱིས་མ་ཆོད་གནད༔ འདི་ནི་སྔར་མ་གྲགས་པའི་ཆོས༔ ཟབ་ཁྱད་སྲོག་གི་ཡང་ཐིག་ཡིན༔ སྔགས་སྲུང་ཨེ་ཀ་ཛ་ཊཱིས་སྲུངས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ བརྡ་ཐིམ༔ ཞེས་པ་འདི་ནི་སྔགས་བཙུན་མ་ཆོས་ཀྱི་སྒྲོན་མས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་མཁའ་འགྲོའི་བརྡ་རིས་ལས་དག་པར་ཕབ་པའི་ཡི་གེ་པ་ནི་བློ་བཟང་རྡོ་རྗེས་སོ། །དགེའོ །དགེའོ །དགེའོ།། མས་མཁའ་འགྲོ་གསང་ཡེ་276 མས་མཁའ་འགྲོ་གསང་ཡེ་T11607 - 280 ཁྲོཾ།༔ ཚོགས་རྫས་བྱིན་བརླབ་ནི༔ ཧཱུྃ༔ སྣང་ཞིང་སྲིད་པའི་ཆོས་ཀུན་ཕྱི་ཡི་ཚོགས༔ འབྱོར་ཚོགས་ཡོ་བྱད་བཤམས་པ་ནང་གི་ཚོགས༔ ཡིད་སྤྲུལ་འདོད་རྒུའི་དཔལ་ཡོན་གསང་བའི་ཚོགས༔ ཡེ་ཤེས་རོལ་པའི་མྱང་གྲོལ་བདུད་རྩིར་བསྒྱུར༔ རཾ་ཡཾ་ཝཾ༔ དེ་ནས་སྤྱན་འདྲེན་པ་ནི༔ ཧཱུྃ༔ རང་སྣང་དོན་གྱི་འོག་མིན་ནས༔ གསང་བ་ཡེ་ཤེས་མཁའ་འགྲོ་མ༔ འབུམ་ཕྲག་མཁའ་འགྲོའི་ཚོགས་དང་བཅས༔ ཚོགས་ལ་སྤྱན་འདྲེན་གཤེགས་སུ་གསོལ༔ བཛྲ་ས་མ་ཡ་ཛ་ཛཿ དེ་ནས་ཚོགས་ཕུད་འབུལ་བ་ནི༔ ཧཱུྃ༔ བཅུད་ལྡན་དཔལ་གྱི་ཞལ་ཟས་དང་༔ ཛ་གད་དཔའ་བོའི་བདུད་རྩི་འདི༔ གསང་བ་ཡེ་ཤེས་མཁའ་འགྲོ་དང་༔ འབུམ་ཕྲག་ཡངས་པའི་མཁའ་འགྲོར་འབུལ༔ མ་ཧཱ་ག་ཎ་ཙཀྲ་ལ་ཁཱ་ཧི༔ དེ་ནས་བཤགས་པ་བྱ་བ་ནི༔ ཧོཿ མཁའ་འགྲོ་གསང་བ་ཡེ་ཤེས་དང་༔ རྩ་གསུམ་དམ་ཅན་རྒྱ་མཚོ་དགོངས༔ བདག་གི་ཉམས་ཆག་སྡིག་སྒྲིབ་ཀུན༔ ཞལ་ཟས་ཚོགས་ཀྱིས་བསྐང་ཞིང་བཤགས༔ ཨོཾ་བཛྲ་སཏྭ ས་མ་ཡ༔ སོགས༔ དེ་ནས་དགྲ་བགེགས་བསྒྲལ་བ་ལ༔ ཧཱུྃ༔ འཁོར་འདས་ཡོངས་ཀྱི་དབང་ཕྱུག་མོ༔ གསང་བ་ཡེ་ཤེས་སྐུར་བཞེངས་ཤིག༔ ལོག་པར་འདྲེན་པའི་དགྲ་དང་བགེགས༔ འཁྲུལ་མི་ཤེས་པའི་དབྱིངས་སུ་སྒྲོལ༔ དེ་ནས་བསྟབ་པ་ནི༔ ཧཱུྃ༔ ཞིང་བཅུ་ཚང་བའི་དགྲ་དང་བགེགས༔ བསད་ཅིང་བསྒྲལ་བའི་ཤ་རུས་ཁྲག༔ རྩ་གསུམ་སྲུང་མའི་ཞལ་དུ་བསྟབས༔ ལྷག་མ་མེད་པར་བཞེས་ཏེ་རོལ༔ རཱུ་ཏྲ་ཨ་མུ་ཀ་མཱ་ར་ཡ་ཁཱ་ཧི༔ དེ་ནས་ལྷག་མ་འབུལ་བ་ནི༔ ཧཱུྃ༔ རྒྱལ་བའི་བཀའ་ཉན་ཕྲིན་ལས་བདག༔ ལྷག་ལ་དབང་བའི་ལྷག་སྐྱོང་ཚོགས༔ འདོད་ཡོན་ལྷག་མ་འདི་བཞེས་ལ༔ ཕྲིན་ལས་རབ་འབྱམས་ཡོངས་གྲུབ་མཛོད༔ ས་མ་ཡ་ཨུཙྪིཥྚ་བ་ལིཾ་ཏ་ཁཱ་ཧི༔ དེ་ནས་ཆད་མདོ་བཏང་བ་ནི༔ ཧཱུྃ༔ སྔོན་གྱི་བསྐལ་པ་དང་པོ་ལ༔ བསྟན་པ་བསྲུང་བར་ཞལ་བཞེས་པའི༔ ཆད་མདོ་དམ་ཅན་སྲུང་མའི་ཚོགས༔ གཏོར་མ་བཞེས་ལ་འདོད་དོན་སྒྲུབས༔ དེ་ནས་བརྟན་མ་ལ༔ ཧཱུྃ༔ མ་སྲིང་བརྟན་མ་བཅུ་གཉིས་དང་༔ དེ་འཁོར་ཡང་འཁོར་བྲན་དང་གཡོག༔ འདིར་གཤེགས་བཤལ་ཆུའི་གཏོར་མ་ལོངས༔ བསམ་པའི་དོན་ཀུན་ཡོངས་གྲུབ་མཛོད༔ མ་མ་བཛྲ་ས་མ་ཡ༔ དེ་ནས་རྟ་བྲོ་བརྡུང་བ་ནི༔ ཧཱུྃ༔ ཡེ་ཤེས་རོལ་པའི་ཆོ་འཕྲུལ་ལས༔ མཉམ་པ་ཉིད་ཀྱི་བྲོ་བརྡུང་བས༔ མ་རིག་གཉིས་སྣང་འཁྲུལ་པའི་བགེགས༔ བདག་མེད་རྟོགས་པའི་མཁའ་རུ་བྲུབ༔ མཱ་ར་ཡ་སྟྭཾ་བྷ་ཡ་ནན༔ བྱྃ།༔ དེ་ནས་དངོས་གྲུབ་བླང་བ་ནི༔ ཧཱུྃ༔ མཁའ་འགྲོ་གསང་བ་ཡེ་ཤེས་དང་༔ འབུམ་ཕྲག་མཁའ་འགྲོའི་ཚོགས་དང་བཅས༔ མཁྱེན་བརྩེ་ནུས་པའི་གཟི་བྱིན་དབང་༔༷ མཆོག་དང་ཐུན་མོང་དངོས་གྲུབ་སྩོལ༔ ཨ་ལ་ལ་སིདྡྷི་ཕ་ལ་ཧཱུྃ༔ དེ་ནས་བཤགས་པ་བྱ་བ་ནི༔ ཧཱུྃ༔ སྐུ་གསུམ་ཡེ་ཤེས་མཁའ་འགྲོ་དང་༔ ཞི་ཁྲོ་སྒྱུ་འཕྲུལ་འཁོར་ལོ་དགོངས༔ བདག་ནི་མ་རིག་འཁྲུལ་དབང་གིས༔ ཉེས་བྱས་ཉམས་ཆག་ཅི་མཆིས་བཤགས༔ ཡི་གེ་བརྒྱ་པ་བརྗོད༔ དེ་ནས་བསྔོ་བ་སྨོན་ལམ་ནི༔ ཧཱུྃ༔ བདག་གིས་དུས་གསུམ་དགེ་བསགས་པ༔ འགྲོ་ཀུན་སངས་རྒྱས་ཐོབ་ཕྱིར་བསྔོ༔ མར་གྱུར་འགྲོ་བ་སེམས་ཅན་རྣམས༔ ཕྱམ་གཅིག་རྫོགས་སངས་རྒྱས་གྱུར་ཅིག༔ དེ་ནས་བཀྲ་ཤིས་བྱ་བ་ལ༔ ཧཱུྃ༔ སངས་རྒྱས་བསྟན་པ་དར་བ་དང་༔༷ འགྲོ་ལ་ཕན་བདེ་འབྱུང་བ་དང་༔ སྒྲུབ་ལ་བར་ཆད་མེད་པ་དང་༔ དངོས་གྲུབ་ཀུན་འབྱུང་བཀྲ་ཤིས་ཤོག༔ དེ་ནས་རྟག་ཆད་མཐའ་བསལ་ནི༔ ཧཱུྃ༔ མཚན་བཅས་ཆོས་ཀུན་སྟོང་པར་ཞིག༔ སྐད་ཅིག་སྟོང་གསལ་ཆེན་པོའི་མཁར༔ མཁའ་ལ་འཇའ་ཚོན་ཤར་བ་ལྟར༔ རང་རིག་ཡེ་ཤེས་མཁའ་འགྲོར་ཤར༔ ཨོཾ་གུ་རུ་ཛྙཱ་ན་ཌཱ་ཀི་ནཱི་ཧ་རི་ནི་ས་སིདྡྷི་ཧཱུྃ༔ དེ་ལྟར་བསྒོམ་ བཟླས་གནད་ལྡན་ན༔ རྣམ་སྨིན་རིག་འཛིན་ཉེར་ཐོབ་འགྱུར༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་ཆོས་ཀྱི་སྒྲོན་མའི་ངོར་བདུད་འཇོམས་རྡོ་རྗེས་ནམ་མཁའི་ཀློང་མཛོད་ལས་བསྒྱུར་བའོ། །དགེའོ། །ལེགས་སོ། །སརྦ་མངྒ་ལཾ།། །། 08 བདུད་འཇོམས་མཁའ་འགྲོ་གསང་ཡེ T11607 - 284 T11607 - 284 བློཾ།༔ ཟབ་གསང་མཁའ་འགྲོའི་སྙིང་ཐིག་ལས༔ མཁའ་འགྲོའི་ཐུགས་སྒྲུབ་ཡེ་ཤེས་ཉི་མ་ལས༔ བསྐུལ་བ་རྡོ་རྗེའི་སྒྲ་དབྱངས་བཞུགས་སོ༔ རྡོ་རྗེ་གཤོག་རྒོད་རྩལ་ལ་ཕྱག་འཚལ་ལོ༔ ཧཱུཾ།ཤ_UNKསཤ༔ བདག་འདྲ་པདྨ་བདུད་འདུལ་དྲག་རྩལ་ངས༔ མ་འོངས་བརྒྱུད་འཛིན་རྣམས་ཀྱི་ཉམས་ལེན་སྐལ༔ བསྐུལ་བ་རྡོ་རྗེ་སྒྲ་དབྱངས་ཞེས་བྱ་བསྟན༔ འདི་ཉིད་ལག་ཏུ་ལེན་པའི་རིམ་པ་ནི༔ གསེར་སྐྱེམས་དང་ནི་དམར་གཏོར་བཤམས༔ དེ་ལ་རཀྟས་རབ་ཏུ་བྲན༔ ཧཱུྃ་ཧྲཱིཿ ཞིང་གི་མཆོག་གྱུར་འོག་མིན་ཞིང་༔ ཆོས་དབྱིངས་སྐྱེ་མེད་ཕོ་བྲང་ནས༔ ཆོས་སྐུ་ཡུམ་ཆེན་ཀུན་བཟང་མོ༔ བཞེངས་ཤིག་ཐུགས་དམ དབྱིངས་ནས་བསྐུལ༔ གནས་ཀྱི་མཆོག་གྱུར་མཁའ་སྤྱོད་གནས༔ གསང་ལམ་བསྣོལ་བའི་དུར་ཁྲོད་ནས༔ ལོངས་སྐུ་གསང་བ་ཡེ་ཤེས་མ༔ བཞེངས་ཤིག་ཐུགས་དམ་དབྱིངས་ནས་བསྐུལ༔ གླིང་གི་མཆོག་གྱུར་རྔ་ཡབ་གླིང་༔ དཔལ་རི་མཁའ་འགྲོའི་འདུ་གླིང་ནས༔ སྤྲུལ་སྐུ་ཡེ་ཤེས་མཚོ་རྒྱལ་མ༔ བཞེངས་ཤིག་ཐུགས་དམ་དབྱིངས་ནས་བསྐུལ༔ མངོན་པར་དགའ་བའི་ཞིང་ཁམས་སུ༔ མེ་ལོང་ཡེ་ཤེས་གཞལ་ཡས་ནས༔ ཤར་ཕྱོགས་རྡོ་རྗེ་མཁའ་འགྲོ་མ༔ བཞེངས་ཤིག་ཐུགས་དམ་དབྱིངས་ནས་བསྐུལ༔ དཔལ་དང་ལྡན་པའི་ཞིང་ཁམས སུ༔ མཉམ་ཉིད་ཡེ་ཤེས་གཞལ་ཡས་ནས༔ ལྷོ་ཕྱོགས་རིན་ཆེན་མཁའ་འགྲོ་མ༔ བཞེངས་ཤིག་ཐུགས་དམ༴ བདེ་བ་ཆེན་པོའི་ཞིང་ཁམས་སུ༔ སོར་རྟོག་ཡེ་ཤེས་གཞལ་ཡས་ནས༔ ནུབ་ཕྱོགས་པདྨ་མཁའ་འགྲོ་མ༔ བཞེངས་ཤིག་ཐུགས་དམ༴ ལས་རབ་རྫོགས་པའི་ཞིང་ཁམས་སུ༔ བྱ་གྲུབ་ཡེ་ཤེས་གཞལ་ཡས་ནས༔ བྱང་ཕྱོགས་ལས་ཀྱི་མཁའ་འགྲོ་མ༔ བཞེངས་ཤིག་ཐུགས་དམ༴ དཀར་གསལ་འོད་ཐིག་ཟླུམ་འཁྱིལ་དབུས༔ སྙིང་རྗེ་ཚད་མེད་ཞི་བའི་སྐུ༔ ཤར་སྒོར་མཁའ་འགྲོ་ལྕགས་ཀྱུ་མ༔ བཞེངས་ཤིག་ཐུགས་དམཿ སེར་གསལ་འོད་ཐིག་གྲུ་བཞིའི་དབུས༔ བྱམས་པ་ཚད་མེད་རྒྱས་པའི་སྐུ༔ ལྷོ་སྒོར་མཁའ་འགྲོ་ཞགས་པ་མ༔ བཞེངས་ཤིག་ཐུགས་དམཿ དམར་གསལ་འོད་ཐིག་ཟླ་གམ་དབུས༔ དགའ་བ་ཚད་མེད་དབང་གི་སྐུ༔ ནུབ་སྒོར་མཁའ་འགྲོ་ལྕགས་སྒྲོག་མ༔ བཞེངས་ཤིག་ཐུགས་དམ༴ ལྗང་གསལ་འོད་ཐིག་གྲུ་གསུམ་དབུས༔ བཏང་སྙོམས་ཚད་མེད་དྲག་པོའི་སྐུ༔ བྱང་སྒོར་མཁའ་འགྲོ་དྲིལ་བུ་མ༔ བཞེངས་ཤིག་ཐུགས་དམ༴ ཁྱབ་གདལ་ཆོས་དབྱིངས་མཁའ་འགྲོ་མ༔ ཀུན་ཏུ་བཟང་མོའི་རོལ་པ་ལས༔ མཁའ་སྤྱོད་དུར་ཁྲོད་གནས་ཡུལ་དུ༔ མ་ངེས་ བློཾ།༔ གཟུགས་ངོམས་ཆོ་འཕྲུལ་སྟོན༔ འཇིག་རྟེན་འདས་ཀྱང་འཇིག་རྟེན་ཚུལ༔ རབ་འབྱམས་མ་མོ་མཁའ་འགྲོའི་ཚོགས༔ དབྱིངས་ནས་བཞེངས་ཤིག་ཐུགས དམ་བསྐུལ༔ དོ་ནུབ་བརྣག་པའི་ལས་ལ་བསྐུལ༔ དོ་ནུབ་རྣལ་འབྱོར་དཔུང་ལ་བསྐུལ༔ དོ་ནུབ་གསོད་བྱེད་ཕོ་ཉར་བསྐུལ༔ དོ་ནུབ་རྣོ་བའི་མཚོན་ཆར་བསྐུལ༔ སྙིགས་མའི་སྙིགས་མ ལྔ་བརྒྱའི་དུས༔ ད་དུས་བསྐལ་པའི་མར་གཤམ་འདིར༔ སྐྱབས་བྲལ་སེམས་ཅན་སུ་ལ་རེ༔ ཐུགས་རྗེས་ཡལ་བར་འདོར་མི་འཚལ༔ ཐུགས་རྗེས་ཡལ་བར་འདོར་བ་ན༔ ཐུགས་བསྐྱེད་རྣམ་དག་གང་ན་བཞུགས༔ མ་གཡེལ་མ་གཡེལ་མཁའ་འགྲོའི་ཚོགས༔ དོ་ནུབ་བུ་ལ་བརྩེ་བས་དགོངས༔ མ་རིག་རྐྱེན་ལས་བྱུང་བ་ཡི༔ བདུད་བཞི་དབྱིངས་སུ་གཅོད་པ་དང་༔ འཁྲུལ་པ་དབྱིངས་སྒྲོལ་ཕྲིན་ལས་མཛོད༔ ཉོན་མོངས་དུག་ལྔ་དུག་གསུམ་དང་༔ ལོག་པར་གང་ལྟ་དབྱིངས་སུ་སྒྲོལ༔ ང་བདག་གཟུང་འཛིན་ཀུན་བསླང་པས༔ བསླུ་བྱེད་བདུད་བགེགས་རྡུལ་དུ་རློག༔ མཐའ་དམག་དུས་འཁྲུགས་ནད་མཚོན་སོགས༔ མི་མཐུན་ཉེ་བར་འཚེ་བ་རྣམས༔ ཐལ་བའི་རྡུལ་དུ་བརླག་པ་དང་༔ རྗེས་ཤུལ་མིང་ཙམ་མེད་པར་མཛོད༔ ཧོཿ མ་ཚོགས་ཡེ་ཤེས་མཁའ་འགྲོའི་ཚོགས་རྣམས་ཀྱིས༔ དགྲ་བགེགས་ཀྱི་ཤ་ཁྲག་ལ་རོལ་ཅིག༔ སླར་ཡང་ཐུགས་རྗེས་ཡལ་བར་མི་དོར་བར་འཚལ༔ མ་མ་ཌཱ་ཀི་ནཱི་ས་མ་ཏི་དུས ལ་བབ་བོ༔ བརྣག་པ་དེ་ཁོ་ནའོ༔ བཛྲ་ས་མ་ཡ༔ སྣང་སྲིད་མཁའ་འགྲོའི་ཚོགས་ཁང་འཁྲིགས༔ དགྲ་བགེགས་ཤ་ཁྲག་ལ་རོལ་ཅིག༔ དགྲ་བགེགས་གང་ལ་གཤེད་དུ་སྤྲུལ༔ མིང་ཙམ་མེད་པར་བརླག་པར་བསམ༔ ས་མ་ཡ༔ རྒྱ་རྒྱ་རྒྱ༔ འདི་ཡིས་བརྣག་པའི་ལས་ཀུན་ཐོགས་མེད་འགྲུབ༔ ཕྱི་ནང་བར་ཆད་ཀུན་ཞི་དཔལ་ཡོན་ཐོབ༔ ཚེ་འདིར་མཆོག་གི་དངོས་གྲུབ་ཐོབ་པར་འགྱུར༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཀློང་ཆེན་ཨ་ཏིའི་རྣལ་འབྱོར་གར་དབང་བདུད་འཇོམས་གླིང་པས་གསེར་སྨད་རྔ་རོལ་སྟག་རྩེའི་གཡས་ལོགས་རྡོ་རྗེ་བྲག་ནས་བཏོན་པའོ། །མི་ལོ་གསུམ་དུ་བཀའ་རྒྱས་བཏབ་སྟེ་མཐར་དབེན་གནས་མཁའ་འགྲོའི་འདུ་གླིང་འབྲོས་ཕུག་ནས་དག་པར་ཕབ་པའི་ཡི་གེ་པ་ནི་ཧོར་གྱི་བནྡེ་ཕུན་ཚོགས་བཀྲ་ཤིས་སོ། །དགེའོ །ལེགས་སོ། ། །། T11607 - 288 ཟབ་གསང་མཁའ་འགྲོའི་སྙིང་ཐིག་ལས༔ ཐུགས་སྒྲུབ་ཡེ་ཤེས་ཉི་མའི་སྐོར༔ མཁའ་འགྲོའི་བསྐུལ་བ་རྣལ་འབྱོར་དཔུང་འབོད༔ སྟོང་གསུམ་གཡོ་བྱེད་བཞུགས་སོ༔ TI1607 - 289 ཟླཾ།༔ ཨབྷཱརྟྟརྟསརྦརྴཛཾཛཐཾཤླརླཤཐ༔ ན་མོ་གུ་རུ་མཱུ་ཁྱོ་པདྨ་ཀ་ར་ཡེ༔ བདག་འདྲ་འཇིགས་བྱེད་རྡོ་རྗེ་ཐོད་ཕྲེང་ངས༔ མ་འོངས་ལས་ཅན་བུ་ཡི་དོན་ཆེད་དུ༔ མཁའ་འགྲོའི་དཔུང་བསྐུལ་སྟོང་གསུམ་གཡོ་བྱེད་བསྟན༔ འདི་ཉིད་ལག་ཏུ་ལེན་པའི་རིམ་པ་ནི༔ སྐྱེམས་ཕུད་སྐྱེམས་བྲན་དམར་གཏོར་རཀྟས་བྲན༔ དགྲ་བགེགས་ཤ་ཁྲག་རུས་པའི་ཕུང་པོར་དམིགས༔ སྣང་སྲིད་ཐམས་ཅད་མ་མོ་མཁའ་འགྲོའི་དལ༔ ཁམས་གསུམ་སྲིད་པའི་ཁམས་རྣམས་མ་ལུས་པ༔ མ་དང་མཁའ་འགྲོས་ན་བུན་འཐིབ་བཞིན་ཁེངས༔ དགྲ་བགེགས་ཤ་ཁྲག་ཕུང་པོ་ལ་རོལ་ཞིང་༔ གང་བཅོལ་ལས་ཀུན་ཐོགས་མེད་བསྒྲུབ་བཞེད་བསམ༔ བཤུག་པ་རྔ་ཆེན་ཐོད་རྔ་རྐང་གླིང་དང་༔ གཡང་གཞིས་གཡབ་T11607 - 290 རྟ་བསྐུལ་ཁྲོཾ།༔ ཅིང་དད་དང་གདུང་བ་ཡིས༔ མ་དང་མཁའ་འགྲོའི་དྲག་བསྐུལ་འདི་བརྗོད་བྱ༔ ཧཱུྃ་ཧྲཱིཿ ང་ནི་ཡེ་སངས་རྒྱས་པ་ཀུན་བཟང་མོ༔ ང་ནི་འཁོར་འདས་ཡོངས་ཀྱི་བདག་མོ་ཆེ༔ ང་ནི་རྒྱལ་བ་ཐམས་ཅད་བསྐྱེད་པའི་ཡུམ༔ ང་ནི་ཆོས་སྐུའི་མཁའ་འགྲོ་ཀུན་གཙོ་མོ༔ ང་ནི་མཁའ་འགྲོ་ལས་ཀྱི་དབང་མོ་ཆེ༔ ང་ནི་རྒྱལ་ཡུམ་གསང་བ་ཡེ་ཤེས་མ༔ ལོངས་སྤྱོད་རྫོགས་སྐུའི་མཁའ་འགྲོ་ཀུན་གཙོ་མོ༔ ང་ནི་མཁའ་འགྲོ་བདེ ཆེན་རྒྱལ་མོ་སྟེ༔ ང་ནི་རྒྱལ་ཡུམ་ཡེ་ཤེས་མཚོ་རྒྱལ་མ༔ སྤྲུལ་སྐུའི་མཁའ་འགྲོ་