Tibetan
མཁའ་འགྲོ་རུ༔ ཡེ་ཡིན་མ་རིག་དབང་གིས་བསྒྲིབ༔ ད་ནི་རིག་པའི་རང་ངོར་བལྟ༔ ཧཱུྃ་ཧྲཱིཿ རང་རིག་གདོད་ནས་ཡེ་ཤེས་མཁའ་འགྲོའི་དལ༔ མ་རིག་དབང་གིས་ཆོས་ཉིད་འཆར་སྒོ་འགགས༔ ད་ནི་རང་རིག་ཡེ་ཤེས་རྟོགས་པའི་ལྷ༔ རང་ངོ་མཇལ་ཕྱིར་ཡེ་ཤེས་འཆར་སྒོ་ཕྱེས༔ ཨོཾ་བཛྲ་པྲ་ཝེ་ཤ་ཡ་ཕཊ༔ ཕྱི་རུ་གཟུང་ཡུལ་རང་སར་གྲོལ༔ ནང་དུ་འཛིན པ་གནས་དག་ཅིང་༔ རང་རིག་ཡེ་ཤེས་རྟོགས་པའི་ལྷ༔ གཉིས་མེད་ཡིད་ཀྱིས་གུས་ཕྱག་འཚལ༔ ཧཱུྃ་ཨཱཿ གཟུང་འཛིན་གཉིས་མེད་ཡེ་ཤེས་ཀློང་༔ གདོད་ནས་རང་རིག་ཡུམ་ཆེན་མོ༔ རྟོག་ཚོགས་གནས་དག་མཁའ་འགྲོའི་གར༔ རང་ཞལ་མཇལ་ཕྱིར་གུས་ཕྱག་འཚལ༔ ན་མོ་པུ་རུ་ཤ་ཡ་ཧོཿ རང་བྱུང་ལྷུན་གྲུབ་ཡེ་ཤེས་ལྷ༔ རང་ངོ་རིག་པའི་ངང་ཉིད་ལས༔ རང་སྣང་རང་དབང་བསྒྱུར་བ་དང་༔ སྣོད་བཅུད་བྱིན་ རླབས་བཅུད་ཆེན་དབབ༔ ཧཱུྃ༔ ལྷུན་གྲུབ་བདེ་བ་ཆེན་པོའི་གནས༔ རང་སྣང་རྣམ་དག་གཞལ་ཡས་ནས༔ ཆོས་སྐུ་ཡུམ་ཆེན་ཀུན་བཟང་མོ༔ ལོངས་སྐུ་གསང་བ་ཡེ་ཤེས་དང་༔ སྤྲུལ་སྐུ་ཡེ་ཤེས་མཚོ་རྒྱལ་སོགས༔ རབ་འབྱམས་ཡེ་ཤེས་མཁའ་འགྲོའི་ཚོགས༔ ཆོས་ཀྱི་དབྱིངས་ནས་སྐུར་བཞེངས་ལ༔ དམ་ཚིག་དབང་གིས་གནས་འདིར་བྱོན༔ སྒྲུབ་མཆོག་གསང་ཆེན དཀྱིལ་འཁོར་ལ༔ བྱིན་རླབས་ཡེ་ཤེས་བྱིན་ཕོབ་ཅིག༔ གསང་བ་གསུམ་གྱིས་དབང་བསྐུར་ཅིག༔ མཁའ་སྤྱོད་ཞིང་དུ་བྱིན་གྱིས་རློབས༔ ཨོཾ་ཨཱཿ མ་ཧ་རི་ནི་ས་ར་ཙ་ཧྲཱིཿ༥་ཙིཏྟ་ཧྲཱི་ཧྲཱི་ཛ་ཛ་ཨ་ཝེ་ཤ་ཡ་ཨ་ཨ༔ སྣང་བ་སྣོད་ཀྱི་བྷནྡྷ་རུ༔ སྲིད་པ་བཅུད་ཀྱི་ཆོས་སོ་ཅོག༔ ངོ་བོ་བདག་མེད་སྟོང་པ་ཉིད༔ གདོད་ནས་མཆོད་པའི་སྤྲིན་དུ་ཤར༔ ཨོཾ་ཨཱཿཧཱུྃ༔ གཟུང་དང་འཛིན་པས་བསྡུས་པ་ཡི༔ ཆོས་ཀུན་རྣམ་དག་དྲི་མ་མེད༔ ཕྱི་ནང་གསང་བའི་མཆོད་སྤྲིན་དུ༔ ཡེ་ནས་རང་བྱུང་ལྷུན་གྲུབ་བོ༔ ཨོཾ་བཛྲ་ཨརྒྷཾ་ཨཱཿ ཧཱུཾ༔ ཨོཾ་བཛྲ་པཱདྱཾ་ཨཱཿཧཱུཾཿ སོགས་ཤབྡའི་བར་དང་བཛྲ་རཱུ་པ་ཤཔྡ་གནྡྷེ་རཱ་ས་སྤཪྴ་པྲ་ཏཱིཙྪ་ཡེ་སྭཱ་ཧཱ༔ ཨོ་ཨཱཿ ཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧྲཱི་ཋ༔ ཨོ་ཨཱཿ ཧཱུྃ་མ་ཧཱ་རཀྟ་ཛྭ་ལ་མཎྜ་ལ་ཧཱུྃ་ཧྲཱི་ཋ༔ ཨོཾ་ཨཱཿ ཧཱུྃ་མ་ཧཱ་བ་ལི་ཏ་བྷ་ལ་བྷ་ཏི་གུ་ཧྱ་ཧྲཱི་ཤྭ་ས་མ་ཡ་ཧཱུྃ ཨ་ བྲཾ།༔ ཧྲཱི་ཋ༔ ཨོཾ་ཨཱཿ ཧཱུྃ་བོ་དྷི་ཙིཏྟ་ཏ་ན་ག་ན་གུ་ཧྱ་སརྦ་ག་ཎ་པཉྩ་ཨ་མྲྀ་ཏ་སརྦ་སྭཱ་ཧཱ༔ དེ་བཞིན་ཉིད་ཀྱི་ཏིང་ངེ་འཛིན༔ རང་ལུས་སེམས་དང་སྣོད་བཅུད་ཀུན༔ ཡེ་ནས་ཆོས་དབྱིངས་སྟོང་པར་རིག༔ རྒྱས་འདེབས་ཆད་ལྟར་མི་བྱེད་དོ༔ ཨཱཿ གདོད་ནས་ཆོས་ཀུན་མ་བཅོས་པར༔ རྣམ་པར་དག་པའི་སྟོང་པ་ཉིད༔ གནས་ལུགས་ངོ་བོ་ཀ་ནས་དག༔ སྟོང་གསལ་མཐའ་བྲལ་དེ་བཞིན་ཉིད༔ ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོཉ་ཧཾ༔ ཀུན་ཏུ་སྣང་བའི་ཏིང་ངེ་འཛིན༔ བཅོས་བཞག་སྙིང་རྗེ་ཕྱོགས་རིས་ཅན༔ འདི་ལྟར་མ་ཡིན་ཀུན་ཁྱབ་ཀྱི༔ སྟོང་པའི་རང་མདངས་སྙིང་རྗེའི་ཆ༔ ཧཱུྃ༔ ཡེ་སྟོང་བརྡལ་ཁྱབ་ཆེན་པོའི་མདངས༔ ཕྱོགས་རིས་དེར་འཛིན་བྲལ་བ་ཡི༔ རང་བྱུང་ཁྱབ་གདལ་ཆེན་པོ་ཉིད༔ སྙིང་རྗེའི་གདལ་བ་ཀུན་ཏུ་སྣང་༔ ངྷརྨ་དྷཱ་ཏུ་སྭ་བྷཱ་ཝ་བི་ཤུདྡྷེ་ཧཱུྃ་ཨཱཿ དེ་ནས་རྒྱུ་ཡི་ཏིང་ངེ་འཛིན༔ རང་བྱུང་རྒྱུ་ཡི་ཧེ་རུ་ཀ༔ རིག་པ་ཧྲཱིཿ ཡིག་དམར་པོ་ཤར༔ རིམ་བརྩེགས་གཞལ་ཡས་ལྷ་བསྐྱེད་རྒྱུ༔ ཧཱུྃ་ཧྲཱིཿ ཁྱབ་གདལ་སྟོང་པའི་ངང་ཉིད་ལས༔ རང་བྱུང་རྒྱུ་ཡི་ཡི་གེ་ཧྲཱིཿ དམར་གསལ་ཐིག་ལེའི་ཀློང་དུ་ཤར༔ འོད་ཟེར་འཕྲོ་འདུས་ངོ་བོར་གསལ༔ ཨོཾ་བཛྲ་ཙིཏྟ་ཧཱུྃ་ཨཱཿ སྣང་བ་ལྷ་ཡི་གཞལ་ཡས་ཁང་༔ སྲིད་པ་སྒྱུ་མའི་ལྷ་རུ་གསལ༔ སྒྲ་གྲགས་དག་པ་སྔགས་ཀྱི་སྒྲ༔ ཕྱི་ཡི་ དཀྱིལ་འཁོར་རྣམ་པ་གསུམ༔ རང་ལུས་བདེ་ཆེན་གཞལ་ཡས་ཁང་༔ སེམས་ཉིད་གནས་དག་ཡེ་ཤེས་ལྷ༔ སྨྲ་བརྗོད་སྔགས་ཀྱི་རང་སྒྲ་གསུམ༔ ནང་གི་དཀྱིལ་འཁོར་རྣམ་པ་གསུམ༔ ངོ་བོ་སྟོང་པ་གཞལ་ཡས་ཁང་༔ རང་བཞིན་གསལ་བ་མཁའ་འགྲོའི་སྐུ༔ ཀུན་ཁྱབ་ཐུགས་རྗེའི་སྒྱུ་འཕྲུལ་གར༔ གསང་བའི་དཀྱིལ་འཁོར་རྣམ་པ་གསུམ༔ སྟོང་པ་འོག་མིན་གཞལ་ཡས་ཁང་༔ ངོ་བོ་ཆོས་སྐུའི་དཀྱིལ་འཁོར་ལ༔ རང་བཞིན་ལོངས་སྤྱོད་རྫོགས་སྐུའི་དལ༔ ཐུགས་རྗེ་སྤྲུལ་སྐུའི་དཀྱིལ་འཁོར་རྫོགས༔ ཡང་གསང་དཀྱིལ་འཁོར་རྣམ་གསུམ་མོ༔ ཧྲཱིཿ ལས་འོད་ཟེར་རབ་འཕྲོས་པས༔ རང་བྱུང་འབྱུང་བ་རིམ་བརྩེགས་སྟེང་༔ ཡེ་ཤེས་ལྔ་ལས་གྲུབ་པ་ཡི༔ རིམ་ལྔ་སྲུང་བའི་འཁོར་ལོའི་དབུས༔ ལྷུན་གྲུབ་མཚན་རྫོགས་གཞལ་ཡས་ཁང་༔ འོད་དང་འཇའ་ཚོན་དྲྭ་བ་འཁྲིགས༔ སྟོང་པའི་དབྱིངས་སུ་འཇའ་ལྟར་ཤར༔ _UNK་ཧཱུྃ་བྷྲཾ་བི་ཤྭ་བི་ཤུདྡྷེ་ཨེ་ཛྙཱ་ན་ཙཀྲ་མཎྜ་ལ་བྷྲཾ་ཧཱུྃ་ཨཱཿ རང་བྱུང་བདེ་ཆེན་གཞལ་ཡས་དབུས༔ མ་ཆགས་པདྨ་བཞད་པའི་ཁར༔ སྐྱོན་བྲལ་ཉི་མའི་གདན་སྟེངས་སུ༔ བདུད་བགེགས་ལོག་འདྲེན་བསྣོལ་བའི་སྟེང་༔ རང་ཉིད་གསང་བ་ཡེ་ཤེས་སྐུ༔ དམར་མོ་ཞལ་གཅིག་ཕྱག་གཉིས་པ༔ ཕྱག་གཡས་གྲི་གུག་ནམ་མཁར་ཕྱར༔ གཡོན་པས་ཐོད་ཁྲག་ཐུགས་ཀར་བསྣམས༔ ཁ་ཊྭཱཾ་རྩེ་གསུམ་མཆན་དུ་བཅུག༔ སྤྱན་གསུམ་ ཕྲྃ།༔ ནམ་མཁའི་དབྱིངས་ལ་གཟིགས༔ ཞི་མ་ཁྲོ་འཛུམ་གཟི་འོད་འབར༔ དབུ་སྐྲ་སིལ་མས་སྐུ་རྒྱབ་ཁེབས༔ གཅེར་བུ་རུས་པའི་རྒྱན་དྲུག་དང་༔ པད་དཀར་ཕྲེང་བའི་དོ་ཤལ་མཛེས༔ གཡས་བསྐུམ་རྟིང་པ་བྷ་གར་གཏད༔ གཡོན་པས་རོ་ཡི་སྙིང་གར་བརྫིས༔ མཚན་དཔེས་མཛེས་ཤིང་གཞོན་ནུའི་ཚུལ༔ ནུ་འབུར་པདྨོ་རབ་ཏུ་རྒྱས༔ འཇའ་དང་འོད་ཀྱི་ཀློང་དུ་གསལ༔ སྤྱི་བོར་འོད་ཐིག་ཟླ་དཀྱིལ་དུ༔ ཆོས་སྐུ་ཡུམ་ཆེན་ཀུན་བཟང་མོ༔ མཐིང་ནག་རྒྱན་མེད་གཅེར་བུ་ལ༔ རྡོ་རྗེ་སྐྱིལ་ཀྲུང་མཉམ་བཞག་ཅན༔ རྒྱལ་ཀུན་ཡུམ་གྱི་ངོ་བོར་བཞུགས༔ མདུན་དུ་ཡེ་ཤེས་འོད་ཀློང་དུ༔ པདྨ་ཟླ་རྒྱས་ལྟེ་བ་རུ༔ སྤྲུལ་སྐུ་ཡེ་ཤེས་མཚོ་རྒྱལ་མ༔ མདངས་ལྡན་བཅུ་དྲུག་ལོན་པའི་ཚུལ༔ དཀར་མོ་ཞི་འཛུམ་མཚན་དཔེས་བརྒྱན༔ གཅེར་བུ་རུས་པའི་རྒྱན་དྲུག་དང་༔ རིན་ཆེན་སྣ་ཚོགས་རྒྱན་གྱིས་སྤྲས༔ ཕྱག་གཉིས་གྲི་གུག་ཐོད་ཁྲག་བསྣམས༔ གར་སྟབས་ལྕང་ལོས་སྐུ་རྒྱབ་ཁེབས༔ ཕྱོགས་བཞི་པདྨ་འདབ་བཞི་ཡི༔ ཤར་ཕྱོགས་རྡོ་རྗེ་མཁའ་འགྲོ་མ༔ དཀར་མོ་གྲི་ཐོད་ཁ་ཊྭཱྃ་ཀ༔ གཅེར་བུ་གར་སྟབས་རུས་རྒྱན་ཅན༔ དཀར་མོ་བྱེ་བ་འབུམ་གྱིས་བསྐོར༔ ལྷོ་རུ་རིན་ ཆེན་མཁའ་འགྲོ་མ༔ སེར་མོ་གྲི་ཐོད་ཁ་ཊྭཱྃ་ཀ༔ གཅེར་བུ་གར་སྟབས་རུས་རྒྱན་ཅན༔ སེར་མོ་བྱེ་བ་འབུམ་གྱིས་བསྐོར༔ ནུབ་ཏུ་པདྨ་མཁའ་འགྲོ་མ༔ དམར་མོ་གྲི་ཐོད་ཁ་ཊྭཱྃ་ཀ༔ གཅེར་བུ་གར་སྟབས་རུས་རྒྱན་ཅན༔ དམར་མོ་བྱེ་བ་འབུམ་གྱིས་བསྐོར༔ བྱང་དུ་ལས་ཀྱི་མཁའ་འགྲོ་མ༔ ལྗང་མོ་གྲི་ཐོད་ཁ་ཊྭཱྃ་ཀ༔ གཅེར་བུ་གར་སྟབས་རུས་རྒྱན་ཅན༔ ལྗང་མོ་བྱེ བ་འབུམ་གྱིས་བསྐོར༔ ཀུན་ཀྱང་མཚན་དཔེས་རབ་བརྒྱན་ཅིང་༔ བཅུ་དྲུག་དགའ་མའི་ལང་ཚོ་ཅན༔ ལྗང་སྔོན་རལ་པས་སྐུ་རྒྱེབ་ཁེབས༔ ནུ་འབུར་པདྨོ་རབ་ཏུ་རྒྱས༔ སྤྱན་གསུམ་ནམ་མཁའི་དབྱིངས་སུ་གཟིགས༔ ཞལ་འཛུམ་སྙན་ཆ་རིགས་ཀྱི་མདོག༔ རིན་པོ་ཆེ་ཡི་ཝང་མིག་མཛེས༔ ཡེ་ཤེས་འོད་ལྔའི་ཀློང་དུ་གསལ༔ སྒོ་བཞིར་ལས་ཀྱི་སྒོ་མ་བཞི༔ ཤར་དུ་སྒོ་མ་ལྕགས་ཀྱུ་མ༔ དཀར་མོ་ལྕགས་ཀྱུ་ཐོད་ཁྲག་བསྣམས༔ གཅེར་བུ་གར་སྟབས་ཁ་ཊྭཱྃ་ཀ༔ ལྷོ་སྒོར་སྒོ་མ་ཞགས་པ་མ༔ སེར་མོ་ཞགས་པ་ཐོད་ཁྲག་བསྣམས༔ གཅེར་བུ་གར་སྟབས་ཁ་ཊྭཱྃ་ཀ༔ ནུབ་སྒོར་སྒོ་མ་ལྕགས་སྒྲོག་མ༔ དམར་མོ་ལྕགས་སྒྲོག་ཐོད་ཁྲག་བསྣམས༔ གཅེར་བུ་གར་སྟབས་ཁ་ཊྭཱྃ་ཀ༔ བྱང་སྒོར་སྒོ་མ་དྲིལ་བུ་མ༔ ལྗང་མོ་དྲིལ་བུ་ཐོད་ཁྲག་777- ཟོཾ།༔ བསྣམས༔ གཅེར་བུ་གར་སྟབས་ཁ་_UNK་ཀ༔ ཀུན་ཀྱང་ཁྲོ་ཚུལ་རྔམས་པའི་སྐུ༔ རུས་རྒྱན་མེ་འབར་གཏུམ་རྔམས་ཞལ༔ དམར་སེར་རལ་པ་གྱེན་དུ བརྗེས༔ རང་འདྲའི་སྤྲུལ་པ་གློག་ལྟར་འཁྱུགས༔ ཕྲིན་ལས་བཞི་ལ་ཐོགས་མེད་ཅིང་༔ བར་ཆད་དགྲ་བགེགས་ཀུན་སྒྲོལ་ཏེ༔ ཚད་མེད་རྣམ་བཞིའི་ངོ་བོར་བཞུགས༔ ཕྱི་ནང་བར་ཁྱམས་ཐམས་ཅད་དུ༔ ཡེ་ཤེས་འཇིག་རྟེན་མཁའ་འགྲོ་དང་༔ ཤ་ཟ་ཤུགས་འགྲོ་མ་མོ་དང་༔ གནས་ཡུལ་དུར་ཁྲོད་བདག་མོའི་ཚོགས༔ ཏིལ་གོང་ཁ་ཕྱེས་བཞིན་དུ་གསལ༔ གནས་གསུམ་ཡི་གེ་གསུམ་གྱིས་མཚན༔ འོད་འཕྲོས་འོག་མིན་མཁའ་སྤྱོད་ནས༔ རབ་འབྱམས་རྒྱལ་བ་ཞི་ཁྲོའི་ཚོགས༔ དམ་ཚིག་དབང་གིས་ཐུགས་རྒྱུད་བསྐུལ༔ ཁ་བ་བབས་ལྟར་སྤྱན་དྲངས་ནས༔ བདག་མདུན་རྣམས་ལ་གཉིས་མེད་དུ༔ ཆུ་ལ་ཆུ་བཞག་ཅི་བཞིན་བསྒོམ༔ ཨ་གུ་ཧྱ་ཛྙཱ་ན་ཌཱ་ཀི་ནཱི་ཧྲཱིཿ མ་ཧ་རི་ནི་ས་ར་ཙ་ཧྲཱིཿ ཡ་ཙིཏྟ་ཧྲིཾ་ཧྲིཾ་བཛྲ་ས་མ་ཡ༔ ཛ་ཛཿ ཛཿ ཧཱུྃ་བཾ་ཧོཿ དེ་ནས་རང་རིག་ལྷ་ཉིད་ཀྱང་༔ མ་རིག་དྲི་མ་བསལ་ཕྱིར་དང་༔ ལུས་སེམས་དབྱེར་མེད་ཡེ་ཤེས་ལྷའི༔ སྐུ་གསུང་ཐུགས་སུ་བསྒོམ་པ་ཡིས༔ མཐར་ཐུག་འོད་གསལ་ཆོས་སྐུར་སྨིན༔ རང་སྣང་རང་དབང་བསྐུར་བའི་ཕྱིར༔ ཡེ་ཤེས་སྤྱན་དྲངས་བསྟིམ་པར་བྱ༔ དོན་ལ་རང་རིག་ཡེ་ཤེས་ལྷ༔ ཕྱི་རུ་འཛིན་ཡུལ་ཞེན་མེད་སྟོང་༔ མིང་གིས་སོ་སོར་དབྱེ་ཙམ་ལས༔ རང་རིག་ལས་ནི་ཐ་མི་དད༔ འོན་ཀྱང་རང་རིག་ལྷར་གནས་ཀྱང་༔ ཡེ་ཤེས་ཕྱི་ནས་སྤྱན་འདྲེན་ནི༔ ངོ་བོ་ཆོས་སྐུ་མངོན་གྱུར་ཕྱིར༔ རང་སྣང་རང་དབང་བསྐུར་ཕྱིར་རོ༔ དེ་ཕྱིར་འཁོར་འདས་རབ་འབྱམས་ན༔ བཞུགས་པའི་སངས་རྒྱས་བྱང་སེམས་དང་༔ རིག་འཛིན་དཔའ་བོ་མཁའ་འགྲོའི་ཚོགས༔ ཡེ་ཤེས་མཁའ་འགྲོའི་རྣམ་རོལ་དུ༔ ཁ་བ་བབས་ལྟར་སྤྱན་དྲངས་ནས༔ བདག་དང་མདུན་བསྐྱེད་ལྷ་རྣམས་ལ༔ ཆུ་ལ་ཆུ་བཞིན་གཉིས་མེད་བསམ༔ ཧཱུྃ་ཧྲཱིཿ འོག་མིན་གནས་དང་མཁའ་སྤྱོད་ནས༔ ཆོས་སྐུ་ཡུམ་ཆེན་ཀུན་བཟང་མོ༔ ལོངས་སྐུ་གསང་བ་ཡེ་ཤེས་དང་༔ སྤྲུལ་སྐུ་ཡེ་ཤེས་མཚོ་རྒྱལ་མ༔ སྒྱུ་འཕྲུལ་དཔག་ཡས་མཁའ་འགྲོའི་གར༔ ཡེ་ཤེས་དབྱིངས་སུ་ཐ་མི་དད༔ དོན་ལ་སྐུ་གསུམ་མཁའ་འགྲོ་དང་༔ མ་ངེས་གར་བསྒྱུར་སྒྱུ་འཕྲུལ་གྱིས༔ མ་ཚོགས་མཁའ་འགྲོ་རྒྱ་མཚོར་བཅས༔ སྒྲུབ་མཆོག་བྱིན་གྱིས་བརླབས་པ་དང་༔ མཆོག་ཐུན་དངོས་གྲུབ་སྩོལ་བ་དང་༔ འཁོར་བའི་དབྱིངས་སུ་སྒྲོལ་བའི་ཕྱིར༔ གནས་འདིར་སྤྱན་འདྲེན་གཤེགས་སུ་གསོལ༔ དམ་ཚིག་དབང་གིས་སྤྱན་འདྲེན་ནོ༔ བརྩེ་བའི་ཐུགས་ཀྱིས་གཤེགས་སུ་གསོལ༔ མ་ཚོགས་མཁའ་འགྲོ་རྒྱ་མཚོའི་ཚོགས༔ ཕྲྃ།༔ ནམ་མཁར་སྐར་ཚོགས་བཞིན་འཁྲིག་ཅིང་༔ བར་སྣང་སྤྲིན་དཔུང་བཞིན་འཐིབ་སྟེ༔ ས་གཞིར་ཆར་ལྟར་འབེབས་པ་བཞིན༔ སྒྱུ་འཕྲུལ་གར་གྱིས་གཤེགས་སུ་གསོལ༔ བཛྲ་ས་མ་ཡ༔ ཛཿ ཧཱུྃ་བཾ་ཧོཿ དེ་ནས་བཞུགས་སུ་གསོལ་བ་ནི༔ རང་སྣང་ཀློང་ལས་ཡེ་ཤེས་པ༔ སྒྱུ་མའི་འཕྲུལ་བཞིན་བཞེངས་ཏེ་བསྟིམ༔ དམ་ཚིག་ཡེ་ཤེས་གཉིས་མེད་དུ༔ བསྟིམ་ལ་འགྱུར་མེད་རྡོ་རྗེའི་ངང་༔ ཧཱུྃ་ཧྲཱིཿ གདོད་ནས་རང་རིག་ཆོས་ཀྱི་སྐུ༔ དམ་ཚིག་པ་དང་ཡེ་ཤེས་པ༔ གཉིས་མེད་ལྷུན་རྫོགས་རྡོ་རྗེའི་ངང་༔ འགྱུར་མེད་ཆོས་སྐུའི་ངོ་བོར་བཞུགས༔ བཛྲ་ས་མ་ཡ་ཏིཥྛ་ལྷན༔ མེ་ཉིད་ལས་ནི་མེ་སྟག་དང་༔ ཆུ་ལས་ཆུ་ལྦུར་ཇི་བཞིན་དུ༔ རང་ལས་སྤྲུལ་པའི་རང་འདྲ་ཡིས༔ རང་རིག་ལྷ་ལ་རང་ཕྱག་འཚལ༔ ཧཱུྃ་ཧྲཱིཿ སྐྱེ་མེད་ཡེ་ཤེས་ཀུན་བཟང་མོ༔ འགགས་མེད་གསང་བ་ཡེ་ཤེས་དང་༔ ཕྱོགས་མེད་ཡེ་ཤེས་མཚོ་རྒྱལ་མ༔ སྒྱུ་འཕྲུལ་གར་གྱི་རོལ་པ་ལས༔ མཁའ་འགྲོའི་ཚོགས་ལ་ཕྱག་འཚལ་ལོ༔ ན་མོ་པུ་རུ་ཤ་ཡ་ཧོཿ སྣང་སྲིད་མཆོད་པའི་སྤྲིན་ཆེན་པོ༔ ནམ་མཁའི་ངོ་བོ་མི་ཟད་གཏེར༔ ཡེ་ནས་ལྷུན་གྲུབ་ཤེས་པ་ཉིད༔ མཆོད་པ་ཀུན་གྱི་མཆོག་ཆེན་པོ༔ ཧཱུྃ་ཧྲཱིཿ སྣང་ཞིང་སྲིད་པའི་ཁམས་འདི་ན༔ གཟུང་བ་ཡུལ་གྱི་ཆོས་སོ་ཅོག༔ མཆོད་སྤྲིན་མི་ཟད་གཏེར་དུ་ཤར༔ ཉེར་སྤྱོད་ བདུན་དང་འདོད་ཡོན་ལྔ༔ གསང་བ་ཡེ་ཤེས་དཀྱིལ་འཁོར་ལ༔ ཚོགས་གཉིས་རྫོགས་ཕྱིར་མཆོད་པ་འབུལ༔ གསང་བ་མཆོག་གི་དངོས་གྲུབ་སྩོལ༔ ཨོཾ་བཛྲ་ཨརྒྷཾ་པཱདྱཾ་པུཥྤེ་དྷུ་པེ་ཨཱ ལོ་ཀེ་གནྡྷེ་ནེེ་ཝིདྱ་ཤབྡ་པཱུ་ཛ་ཧོཿ རཱུ་པ་ཤཔྡ་གནྡྷེ་རཱ་ས་སྤཪྴ་པཱུ་ཛ་ཧོཿ ཨོཾ་ཨཱཿ ཧཱུྃ༔ ཡེ་ཤེས་བྷནྡྷ་ཡངས་པའི་ནང་༔ རྩ་བརྒྱད་སྟོང་སྦྱར་སྨན་ཆེན་པོ༔ ཡེ་ཤེས་འོད་ཟེར་རླངས་པ འཕྱུར༔ འདོད་ཡོན་མཆོད་པའི་སྤྲིན་ཕུང་འཁྲིགས༔ སྐུ་གསུམ་མཁའ་འགྲོའི་ཚོགས་ལ་འབུལ༔ བཞེས་ནས་མཆོག་ཐུན་དངོས་གྲུབ་སྩོལ༔ མ་ཧཱ་སརྦ་ཨ་མྲྀ་ཏ་ལ་ཁཱ་ཧི༔ ཧཱུྃ་ཧྲཱིཿ ཡེ་ཤེས་དབྱིངས་ཀྱི་བྷནྡྷ་རུ༔ འཁོར་བ་དབྱིངས་སྒྲོལ་རཀྟ་འཁྱིལ༔ སྐུ་གསུམ་མཁའ་འགྲོའི་ཚོགས་ལ་འབུལ༔ བཞེས་ནས་མཆོག་ཐུན་དངོས་གྲུབ་སྩོལ༔ མ་ཧཱ་རཀྟ་ཁཱ་ཧི༔ ཧཱུྃ་ཧྲཱིཿ ཕྱི་སྣོད་འཇིག་རྟེན་གཏོར་གཞོང་དུ༔ ནང་བཅུད་སེམས་ཅན་གཏོར་མར་བཤམས༔ སྐུ་གསུམ་མཁའ་འགྲོའི་ཚོགས་ལ་འབུལ༔ བཞེས་ནས་མཆོག་ཐུན་དངོས་གྲུབ་སྩོལ༔ མ་ཧཱ་བ་ལི་ཏ་ཁཱ་ཧི༔ ཧཱུྃ་ཧྲཱིཿ སྣང་བ་ཡབ་ལ་སྟོང་པ་ཡུམ༔ ཡབ་ཡུམ་སྦྱོར་བའི་བྱེད་ལས་ཀྱིས༔ བདེ་བའི་རོ་སྙོམས་མཆོད་པ་འབུལ༔ མི་བསྒྲལ་ཤུགས་ཀྱིས་སྒྲོལ་བ་ཡི༔ _UNK།༔ བྱང་སེམས་དཀར་དམར་བདེ་བའི་བཅུད༔ འཁོར་བ་དབྱིངས་སྒྲོལ་ཤ་རུས་ཁྲག༔ སྐུ་གསུམ་མཁའ་འགྲོའི་ཚོགས་ལ་འབུལ༔ བཞེས་ནས་མཆོག་ཐུན་དངོས་གྲུབ་སྩོལ༔ ཨོཾ་བོ་དྷི་ཙིཏྟ་ཏ་ན་ག་ན་གུ་ཧྱ་སརྦ་པཱུ་ཛ་ཧོཿ རང་སེམས་ཆོས་སྐུའི་ངོ་བོར་བཞུགས༔ རང་རྩལ་རྫོགས་པའི་ཡེ་ཤེས་ལྷ༔ རང་ངོ་རིག་པའི་ངོ་མཚར་གྱིས༔ གདུང་དབྱངས་གར་བསྒྱུར་རོལ་མོས་བསྟོད༔ ཧཱུྃ་ཧྲཱིཿ ཆོས་སྐུའི་ཞིང་ན་ཀུན་བཟང་མོ༔ ལོངས་སྐུ་གསང་བ་ཡེ་ཤེས་ངང་༔ སྤྲུལ་སྐུ་ཡེ་ཤེས་མཚོ་རྒྱལ་མ༔ སྤྲུལ་པ་གར་གྱི་སྒྱུ་འཕྲུལ་ངོམས༔ གསང་ཆེན་མཁའ་འགྲོའི་དཀྱིལ་འཁོར་ལ༔ གཉིས་མེད་ཡིད་ཀྱི་ཕྱག་འཚལ་བསྟོད༔ རབ་འབྱམས་རྒྱལ་བའི་ཡུམ་ཆེན་མོ༔ ལོངས་སྤྱོད་རྫོགས་པའི་སྐུར་སྟོན་པ༔ མ་ཅིག་གསང་བ་ཡེ་ཤེས་ཀྱི༔ སྐུ་ཡི་སྤྲུལ་པས་འཁོར་འདས་ཁྱབ༔ གསུང་གི་ང་རོས་ཁམས་གསུམ་དབང་༔ ཐུགས་ལས་རབ་འབྱམས་མཁའ་འགྲོ་འགྱེད༔ ཡོན་ཏན་སྤྲུལ་པས་ལོག་རྟོག་འདུལ༔ ཕྲིན་ལས་གར་གྱིས་འཁོར་བ་འཇོམས༔ རང་བྱུང་ཡེ་ཤེས་མཁའ་འགྲོ་མ༔ རང་ངོ་རིག་པས་ཕྱག་འཚལ་བསྟོད༔ ཆོས་སྐུ་ཡུམ་ཆེན་ངོ་བོ་ཉིད༔ ལོངས་སྐུའི་མཁའ་འགྲོ་ཀུན་གྱི་གཞི༔ སྤྲུལ་སྐུའི་མཁའ་འགྲོའི་སྤྱི་ རྗེ་མོ༔ རང་སེམས་ཆོས་ཉིད་རོལ་པ་རུ༔ གནས་དག་ཡེ་རིག་སྟོང་གསལ་གྱི༔ གཞི་ལས་རྡོ་རྗེ་རྣལ་འབྱོར་མ༔ རང་ཤར་རིག་པས་ཕྱག་འཚལ་བསྟོད༔ བདག་ཅག་སྒྲུབ་མཆོག འཁོར་བཅས་ལ༔ ཚེ་འདིར་མཆོག་གི་དངོས་གྲུབ་ཀུན༔ འབད་མེད་རང་བྱུང་མངོན་ཐོབ་ཅིང་༔ ཀ་དག་ཆོས་སྐུའི་ཀློང་ཡངས་སུ༔ གཞོན་ནུ་བུམ་སྐུར་དབང་འབྱོར་ཤོག༔ ས་མ་ཡ༔ རྒྱ་རྒྱ་རྒྱ༔ རང་རིག་ཀུན་བྱེད་རྒྱལ་པོ་ཉིད༔ གདོད་ནས་ཡུམ་ཆེན་ངོ་བོར་གནས༔ རྟོག་ཚོགས་ཡེ་དག་སྒྱུ་འཕྲུལ་གར༔ རང་ངོར་རྫོགས་སོ་ཕྱི་རབས་རྣམས༔ འདི་ལས་གཞན་དུ་འཚོལ་ན་འཁྲུལ༔ ས་མ་ཡ༔ རྒྱ་རྒྱ་རྒྱ༔ ཐུགས་སྒྲུབ་ཡེ་ཤེས་ཉི་མ་ཞེས༔ ཡང་གསང་མཁའ་འགྲོ་འདུས་པ་ནི༔ ཉམས་སུ་ལེན་པའི་གང་ཟག་རྣམས༔ མི་མཐུན་ཕྱོགས་ལས་རྣམ་རྒྱལ་ཞིང་༔ མཆོག་ཐུན་དངོས་གྲུབ་ཀུན་ཐོབ་ཅིང་༔ ཚེ་འདིར་རིག་འཛིན་ས་ཐོབ་འགྱུར༔ འདི་ཉིད་སྒྲུབ་པ་ཀུན་གྱི་བཅུད༔ པདྨ་བདག་གི་སྙིང་ཐིག་མཆོག༔ ཡང་གསང་ཐུགས་སྒྲུབ་གསུམ་པ་ནི༔ མ་མོ་སྨུག་ནག་རལ་གཅིག་མ༔ དཔལ་ལྡན་སྲིད་རྒྱལ་རྣམ་བཞི་དང་༔ གནོད་སྦྱིན་ཤན་པ་བཀའ་འཁོར་དང་༔ ལྷ་བཙན་ནག་པོ་ཡབ་ཡུམ་བཅས༔ སྙིང་ཐིག་སྲུང་མ་ཡོངས་ལ་གཉེར༔ སྒྲུབ་མཆོག་སྐལ་ལྡན་བུ་རྣམས་ལ༔ མ་ཡི་བུ་བཞིན་གྲོགས་མཛོད་ཅིག༔ ས་མ་ཡ༔ དམ་ཉམས་བསྟན་དགྲ་བདུད་རིགས་དང་༔ ལྟ་ལོག་ངན་སྨྲ་མཁན་པོ་དང་༔ སེ་འཕང་ནག་པོའི་དབང་པོ་སྣུབས༔ ས་མ་ཡ༔ བཀའ་འདི་སྲུང་མ་ རྟ _UNK།༔ ཁྱོད་རྣམས་ཀྱིས༔ དམ་ཉམས་ལག་ཏུ་མ་བཏང་ཞིག༔ སྐུའི་རྒྱ༔ གསུང་གི་རྒྱ༔ ཐུགས་ཀྱི་རྒྱ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ བཀའ་རྒྱ༔ དགོངས་རྒྱ༔ གཉེར་རྒྱ༔ གསང་རྒྱ༔ གཉན་རྒྱ༔ བརྡ་ཐིམ༔ ཥྤྃ།།ཀརྨསྐ་ཐ།སྡཛཐ|རྶ{ཏྨ་{ཧཱུཾདྭཱ|བྷཱ ཡང་གསང་ཐུགས་སྒྲུབ་ཡེ་ཤེས་ཉི་མ་འདི། །གར་དབང་གླིང་པ་བདུད་འཇོམས་རྡོ་རྗེ་ཡིས།། གསང་བའི་གནས་མཆོག་རྔ་རོལ་སྟག་རྩེ་ཡི། །གཡས་ལོགས་རྡོ་རྗེ་བྲག་ནས་བཏོན་པའོ། །མི་ལོ་གསུམ་གྱི་བར་དུ་བཀའ་རྒྱ་བྱས་ནས་སུ །དེ་མཐར་མཁའ་འགྲོའི་འདུ་གནས་འབྲོས་ཕུག་ཏུ། །དག་པར་ཕབ་པའི་ཡི་གེའི་རིས་བྱེད་ནི། །ཧོར་གྱི་བནྡེ་ཕུན ཚོགས་བཀྲ་ཤིས་སོ། །དགེའོ། །ལེགས་སོ། །_UNK།། 228 227བྱང་228 TI1607 - 231 T11607 - 232 བློཾ།༔ ཟབ་གསང་མཁའ་འགྲོའི་སྙིང་ཐིག་ལས༔ མཁའ་འགྲོའི་ཐུགས་སྒྲུབ་ཡེ་ཤེས་ཉི་མའི་སྐོར་ལས༔ དྲག་པོར་ཧར་བཞེངས་ལེའུའོ༔ གཤལྟ་གཧ་རྟབྷྱ༔ རྡོ་རྗེ་ཐོད་ཕྲེང་རྩལ་ལ་ཕྱག་འཚལ་ལོ༔ དོན་གཉིས་མཐར་ཕྱིན་པདྨ་འབྱུང་གནས་ངས༔ མ་འོངས་ལས་ཅན་བུ་ཡི་དོན་ཆེད་དུ༔ དྲག་པོར་ཧར་བཞེངས་ལེའུ་ཞེས་བྱ་བསྟན༔ བདག་མདུན་ལྷ་ཚོགས་དྲག་མོའི་སྐུར་བཞེངས་ནི༔ ཧཱུྃ་ཧ་ཧེ་ཨཱཿ སྐད་ཅིག་རིག་པའི་རྫོགས་རྩལ་ལས༔ བདག་མདུན་ལྷ་ཚོགས་ཀྲོ་ཏིར་བཞེངས༔ སྤྱན་གསུམ་དམར་ཟླུམ་གློག་ལྟར་འཁྱུགས༔ མཆེ་བ་ཟླ ལྟར་བཞི་གཙིགས་ཤིང་༔ གློག་དམར་འཁྱུགས་འདྲའི་ལྗགས་འདྲིལ་བ༔ དབུ་སྐྲ་དམར་སེར་གྱེན་དུ་བརྫེས༔ ཐོད་སྐམ་ལྔ་ཡིས་དབུ་ལ་བརྒྱན༔ ཐོད་རློན་ཕྲེང་བས་དོ་ཤལ་ཅན༔ ཆས་ཀུན་ཡོངས་སུ་རྫོགས་པ་ལས༔ ཞབས་གཉིས་གར་སྟབས་ལོག་རྟོག་གནོན༔ རང་འདྲའི་ཁྲོ་མོས་ནམ་མཁའ་གང་༔ སྤྲུལ་པའི་མཁའ་འགྲོས་བར་སྣང་གང་༔ ལས་བྱེད་མཁའ་འགྲོས་ས་གཞི་གང་༔༷ སྣང་བ་ཐམས་ཅད་འོད་གསལ་ཞིང་༔ སྲིད་པ་ཐམས་ཅད་མཁའ་འགྲོའི་སྐུ༔ སྒྲ་གྲགས་ཐམས་ཅད་རུ་ལུའི་སྒྲ༔ འཁོར་བའི་གནས་དང་འདས་པའི་ཞིང་༔ ཐམས་ཅད་གསང་བ་ཡེ་ ཤེས་མཁའ༔ སྣང་སྲིད་གཞིར་བཞེངས་སྐུར་བསྒོམ་མོ༔ ལྷ་བསྐྱེད་ཐབས་ཤེས་ལུས་ལ་ཞུགས༔ བུམ་དབང་ཡོངས་རྫོགས་ངང་གིས་ཐོབ༔ བཟླས་པ་སྔགས་ཀྱིས་ངག་སྒྲིབ་དག༔ གསང་དབང་བདུད་རྩི་ངག་ལ་ཞུགས༔ དྲན་རྟོག་ཆོས་ཉིད་རོལ་པར་འཕོས༔ ཤེས་རབ་ཡེ་ཤེས་དབང་རྫོགས་ཏེ༔ སྤྲུལ་པ་ཡང་སྤྲུལ་སྒྱུ་འཕྲུལ་གྱི༔ རྡོ་རྗེའི་ཚིག་གི་དབང་རྫོགས་སོ༔ ཞི་ཉིད་དྲག པོར་བཞེངས་པ་ཡི༔ འཁོར་བ་ཡོངས་སྒྲོལ་དབང་ཐོབ་བོ༔ ཨོཾ་མ་ཧཱ་ཀྲོ་ཏི་གུ་ཧྱ་ཛྙཱ་ན་ཧྲཱིཿ མ་ཧ་རི་ནི་ས་ཧྲཱི་ཛཿ ཀཱ་ཡ་ཨ་བྷི་ཥིཉྩ་ཨོཾ༔ ལན་བདུན༔ རྩ་སྔགས་ཝཱཀ་ཨ་བྷི་ཥིཉྩ་ཨཱཿ རྩ་སྔགས་ཙིཏྟ་ཨ་བྷི་ཥིཉྩ་ཧཱུྃ༔ རྩ་སྔགས་སརྦ་ཨ་བྷི་ཥིཉྩ་སྭཱ༔ རྩ་སྔགས ཀརྨ་ཨ་བྷི་ཥིཉྩ་ཧཱ༔ དབང་ནི་སོ་སོར་དམིགས་བྱས་ཏེ༔ རེ་བཞིན་བདུན་བདུན་བཟླ་བའོ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་སྔགས་པ་བདུད་འཇོམས་རྡོ་རྗེས་གཏེར་ནས་བཏོན་ཏེ་ཡི་གེ་རིས་བྱེད་ཕུན་ཚོགས་བཀྲ་ཤིས་སོ།། T11607 - 234 ཁྲོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ ཐུགས་སྒྲུབ་ཡེ་ཤེས་ཉི་མའི་སྐོར༔ མཁའ་འགྲོ་གསང་བ་ཡེ་ཤེས་ཀྱི༔ གསང་གསུམ་གར་གྱི་རྣམ་རོལ་མོའི༔ བསྟོད་ཆེན་ཚངས་པའི་གླུ་དབྱངས་བཞུགས་སོ༔ T11607 - 235 ཟླཾ།༔ བྷག་ཨམཨ་བླ་མབླལ་ཧོ།༔ ཆེ་མཆོག་དྲག་པོ་རྩལ་ལ་ཕྱག་འཚལ་འདུད༔ བདག་འདྲ་རིག་འཛིན་ཐོད་ཕྲེང་ངས༔ མ་འོངས་ལས་ཅན་དོན་ཆེད་དུ༔ ཐུགས་