Tibetan
མའི་བཙན་ས་ཟིན་པར་བྱིན་གྱིས་རློབས༔ གཞོམ་བྲལ་རྡོ་རྗེ་འབར་བའི་གཞལ་ཡས་ན༔ རྡོ་རྗེ་སེམས་དཔའ་ལག་ན་རྡོ་རྗེ་ལ༔ གསོལ་བ་འདེབས་སོ་རང་བཞིན་རྣམ་དག་ཀློང་༔ རང་གྲོལ་བདེ་བ་ཆེན་པོར་བྱིན་གྱིས་རློབས༔ གཞོན་ནུ་བུམ་པ་སྐུ་ཡི་དཀྱིལ་འཁོར་ན༔ སྤྲུལ་པའི་སྐུ་མཆོག་དགའ་རབ་རྡོ་རྗེ་ལ༔ གསོལ་བ་འདེབས་སོ་ཀ་དག་ལྷུན་གྲུབ་ཀློང་༔ གཞོན་ནུ་བུམ་སྐུར་གྲོལ་བར་བྱིན་གྱིས་རློབས༔ རྔ་ཡབ་པདྨ་འོད་ཀྱི་གཞལ་ཡས་ན༔ རྒྱལ་ཀུན་སྤྱི་གཟུགས་རྡོ་རྗེ་གཤོག་རྒོད་རྩལ༔ གསོལ་བ་འདེབས་སོ་ཕྱོགས་མེད་ཐུགས་རྗེའི་ངང་༔ འགྲོ་ཀུན་བདེ་ལ་འགོད་པར་བྱིན་གྱིས་རློབས༔ རང་སྣང་རྣམ་དག་བདེ་ཆེན་གཞལ་ཡས་ན༔ སྤྲུལ་པའི་སྐྱེས་མཆོག་རྗེ་འབངས་ཉེར་ལྔ་ལ༔ གསོལ་བ་འདེབས་སོ་ཆོས་ཉིད་འོད་གསལ ཀློང་༔ རང་གྲོལ་རང་དབང་ཐོབ་པར་བྱིན་གྱིས་རློབས༔ ༈ ཟབ་གསང་རྫོགས་པ་ཆེན་པོའི་གཞལ་ཡས་ན༔ ཟབ་གཏེར་མངའ་བདག་བདུད་འཇོམས་རྡོ་རྗེ་ལ༔ གསོལ་བ་འདེབས་སོ་བློ་བྲལ་ཨ་ཏིའི་ཀློང་༔ ཚེ་གཅིག་སངས་རྒྱས་འགྲུབ་པར་བྱིན་གྱིས་རློབས༔ ཅེས་པའི་ཤྭ་ལོ་ཀ་འདི་མངྒའི་མིང་གིས་སོ།། སྤྱི་གཙུག་ཉི་ཟླ་པདྨའི་གདན་སྟེང་ན༔ རིགས་ཀུན་བདག་ཉིད་རྩ་བའི་བླ་མ་ལ༔ གསོལ་བ་འདེབས་སོ་སྐུ་གསུམ་ལྷུན་གྲུབ་ཀློང་༔ འཇའ་ལུས་ཆོས་སྐུ་འགྲུབ་པར་བྱིན་གྱིས་རློབས༔ འོག་མིན་ཆོས་དབྱིངས་གདལ་ཁྱབ་གཞལ་ཡས་ན༔ ཆོས་སྐུ་ཡུམ་ཆེན་ཀུན་ཏུ་བཟང་མོ་ལ༔ གསོལ་བ་འདེབས་སོ་གནས་ལུགས་རང་གཞིའི་ཞལ༔ སྐྱེ་མེད་ཀ་དག་རྟོགས་པར་བྱིན་གྱིས་རློབས༔ ལྷུན་གྲུབ་གསང་ཆེན་རོལ་པའི་དུར་ཁྲོད་ན༔ མཁའ་འགྲོའི་ བློཾ།༔ གཙོ་མོ་གསང་བ་ཡེ་ཤེས་ལ༔ གསོལ་བ་འདེབས་སོ་རང་གཞིར་རང་གྲོལ་གྱིས༔ རང་སྣང་ལོངས་སྐུར་འཕོ་བར་བྱིན་གྱིས་རློབས༔ རྔ་ཡབ་རིག་འཛིན མཁའ་འགྲོའི་དལ་དབུས་སུ༔ སྤྲུལ་སྐུའི་མཁའ་འགྲོ་ཡེ་ཤེས་མཚོ་རྒྱལ་ལ༔ གསོལ་བ་འདེབས་སོ་ཕྱོགས་མེད་ཐུགས་རྗེ་ཡིས༔ གང་འདུལ་འགྲོ་དོན་ནུས་པར་བྱིན་གྱིས་རློབས༔ ཤར་ཕྱོགས་མངོན་པར་དགའ་བའི་ཞིང་ཁམས་ནས༔ ཞེ་སྡང་རང་གྲོལ་རྡོ་རྗེ་མཁའ་འགྲོ་ལ༔ གསོལ་བ་འདེབས་སོ་ཞེ་སྡང་རང་གྲོལ་ངང་༔ མེ་ལོང་ཡེ་ཤེས་རྟོགས་པར་བྱིན་གྱིས་རློབས༔ ལྷོ་ཕྱོགས་དཔལ་དང་ལྡན་པའི་ཞིང་ཁམས་ནས༔ ང་རྒྱལ་རང་གྲོལ་རིན་ཆེན་མཁའ་འགྲོ་ལ༔ གསོལ་བ་འདེབས་སོ་ང་རྒྱལ་རང་གྲོལ་ངང་༔ མཉམ་ཉིད་ཡེ་ཤེས་རྟོགས་པར་བྱིན་གྱིས་རློབས༔ ནུབ་ཕྱོགས་བདེ་བ་ཅན་གྱི་ཞིང་ཁམས་ནས༔ འདོད་ཆགས་རང་གྲོལ་པདྨ་མཁའ་འགྲོ་ལ༔ གསོལ་བ་འདེབས་སོ་འདོད་ཆགས་རང་གྲོལ་ངང་༔ སོར་རྟོག་ཡེ་ཤེས་རྟོགས་པར་བྱིན་གྱིས་རློབས༔ བྱང་ཕྱོགས་ལས་རབ་རྫོགས་པའི་ཞིང་ཁམས་ནས༔ ཕྲག་དོག་རང་གྲོལ་ཀརྨ་མཁའ་འགྲོ་ལ༔ གསོལ་བ་འདེབས་སོ་ཕྲག་དོག་རང་གྲོལ་ངང་༔ བྱ་གྲུབ་ཡེ་ཤེས་རྟོགས་པར་བྱིན་གྱིས་རློབས༔ སྒོ་བཞིར་ཕྲིན་ལས་ལྷུན་གྲུབ་འོད་ཀློང་དུ༔ ཕྲིན་ལས་བཞི་བསྒྲུབ་ཡེ་ཤེས་སྒོ་མ་བཞིར༔ གསོལ་བ་འདེབས་སོ་ཚད་མེད་རྣམ་བཞི་ཡིས༔ འཁོར་བ་དོང་སྤྲུགས་ནུས་པར་བྱིན་གྱིས་རློབས༔ གཞན་ཡང་དུར་ཁྲོད་གནས་ཡུལ་མཁའ་སྤྱོད་དུ༔ ཡེ་ཤེས་ལས་གྲུབ་མཁའ་འགྲོ་རྒྱ་མཚོ་ལ༔ གསོལ་བ་འདེབས་སོ་ཚེ་སྒྲུབ་མཐར་སོན་ནས༔ འཕོ་ཆེན་བུམ་སྐུར་གྲོལ་བར་བྱིན་གྱིས་རློབས༔ རང་བྱུང་རྣམ་པར་དག་པའི་དཀྱིལ་འཁོར་ནས༔ སྔགས་སྲུང་རྒྱལ་མོ་ཨེ་ཀ་ཙ་ཏི་དང་༔ སྔགས་བདག་སྲིད་པའི་རྒྱལ་མོ་མ་ཚོགས་དང་༔ གནོད་སྦྱིན་ཆེན་པོ་ཤན་པ་དམར་ནག་དང་༔ ཞིང་སྐྱོང་ཀུན་དགའ་གཞོན་ནུ་ལ་སོགས་པ༔ བསྟན་བསྲུང་དམ་ཅན་རྒྱ་མཚོ་འཁོར་བཅས་ལ༔ གསོལ་བ་འདེབས་སོ་བར་ཆད་ཀུན་སེལ་ཞིང་༔ བསྟན་དགྲ་མ་ལུས་འཇོམས་པར་བྱིན་གྱིས་རློབས༔ དེ་ལྟར་གསོལ་བ་བཏབ་པའི་བྱིན་རླབས་ཀྱིས༔ ཕྱི་ནང་གསང་བའི་བར་ཆད་ཞི་བ་དང་༔ སྐྱེ་འཆི་བསྒྲེས་རྒུད་བྲལ་བར་བྱིན་གྱིས་རློབས༔ ཉོན་མོངས་ཡེ་ཤེས་ངང་དུ་གྲོལ་བ་དང་༔ ཀ་དག་དགོངས་ཀློང་གྲོལ་བར་བྱིན་གྱིས་རློབས༔ སྒོ་གསུམ་མི་དགེའི་ལས་སྒྲིབ་ཀུན་དག་ནས༔ ཚེ་འདིར་འཇའ་ལུས་འགྲུབ་པར་བྱིན་གྱིས་རློབས༔ ཝྃ།༔ ཚེ་དང་སྒྲུབ་པ་མཐའ་རུ་ཕྱིན་ནས་ཀྱང་༔ རང་རིག་ཆོས་སྐུར་སྨིན་པར་སྦྱིན་གྱིས་རློབས༔ སྒྲུབ་དང་དཀྱིལ་འཁོར་ཀུན་ལ་དབང་འབྱོར་ཏེ༔ རང་ཉིད་ཡི་དམ་ལྷ་སྐུར་སྨིན་གྲོལ་ཤོག༔ རང་སྣང་དབང་བསྡུས་གཞན་སྣང་ཟིལ་གནོན་ཅིང་༔ སྡེ་བརྒྱད་བྲན་དུ་འཁོར་བར་བྱིན་གྱིས་རློབས༔ ཚེ་འདིར་མཆོག་གི་དངོས་གྲུབ་ཀུན་ཐོབ་ཅིང་༔ དོན་གཉིས་ལྷུན གྲུབ་མཐུ་ལ་དབང་ཐོབ་སྟེ༔ ཀུན་བཟང་དགོངས་ཀློང་གྲོལ་བར་བྱིན་གྱིས་རློབས༔ ས་མ་ཡ༔ རྒྱ་རྒྱ་རྒྱ༔ འདི་ལྟར་མོས་གུས་གསོལ་བ་བཏབ་པའི་མཐར༔ བརྩོན་འགྲུས་དྲག་པོས་བསྒྲུབ་ལ་འབུང་བ་ཡིས༔ གང་ཟག་འདི་ནི་ཚེ་འདིར་འདིས་གྲོལ་གྱུར༔ བཀའ་འདི་མ་མོ་སྔགས་སྲུང་རྒྱ་མཚོ་དང་༔ གནོད་སྦྱིན་ཤན་པ་དམར་ནག་འཁོར་དང་བཅས༔ ཞིང་སྐྱོང་ཀུན་དགའ་གཞོན་ནུ་ལ་སོགས་པའི༔ བཀའ་སྲུང་དམ་ཅན་རྒྱ་མཚོའི་ཚོགས་ལ་གཏད༔ ཐུབ་པར་སྲུངས་ཤིག་བཀའ་དང་ཐ་ཚིག རྒྱ༔ ལྟ་ལོག་ངན་སྨྲ་མཁན་གྱི་སྲོག་རྩ་ཆོད༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ གསང་རྒྱ༔ ཟབ་རྒྱ༔ ཞེས་པ་འདི་ཡང་མ་ནུས་སྤྲང་འཁྱམས་གླིང་པ་བདུད་འཇོམས་རྡོ་རྗེས་གསེར་སྨད་རྔ་རོལ་སྟག་རྩེའི་གཡས་ལོགས་རྡོ་རྗེ་བྲག་ནས་བཏོན་ཏེ་མི་ལོ་གསུམ་གྱི་བར་དུ་བཀའ་རྒྱས་བཏབ་ནས་མཐར་སྨར་སྟོད་དབེན་པའི་གནས་མཆོག་མཁའ་འགྲོའི་འདུ་གནས་འབྲོས་ཕུག་ཏུ་དག་པར་ཕབ་པའི་ཡི་གེ་པ་ནི་ཧོར་གྱི་བནྡེ་ཕུན་ཚོགས་བཀྲ་ཤིས་སོ། །དགེའོ །སརྦ་མངྒ་ལཾ།། ། 199 T11607 - 204 ལ་རྒྷཾ།༔ ཟབ་གསང་མཁའ་འགྲོའི་སྙིང་ཐིག་ལས༔ ཐུགས་སྒྲུབ་ཡེ་ཤེས་ཉི་མའི་སྐོར༔ བྱིན་འབེབས་ཚངས་པའི་སྒྲ་དབྱངས༔ འོད་གསལ་ཆོས་ཉིད་སྤྲིན་དཔུང་ཞེས་བྱ་བ་བཞུགས་སོ༔ T11607 - 205 ཟླཾ།༔ སརྦརྦ།ཊཀྐ།རྨ།མཉགཡཨརྦྷ་ཧྭ།༔ ན་མོ་གུ་རུ་དྷེ་ཝ་ཌཱ་ཀི་ནཱི༔ བདག་འདྲ་རིག་འཛིན་པདྨ་འབྱུང་གནས་ངས༔ མ་འོངས་ལས་ཅན་བུ་ཡི་དོན་ཆེད་དུ༔ བྱིན་ཆེན་འབེབས་པ་ཚངས་པའི་སྒྲ་དབྱངས་ཉིད༔ འོད་གསལ་ཆོས་ཉིད་སྤྲིན་དཔུང་བསྟན་པར་བྱ༔ འདི་ཉིད་ལག་ཏུ་ལེན་པའི་རིམ་པ་ནི༔ སྤོས་བསྲེགས་རོལ་མོ་སྣ་ཚོགས་དཀྲོལ་བྱས་ཏེ༔ སྣང་སྲིད་ལྷ་ཡི་དཀྱིལ་འཁོར་གཞལ་ཡས་སུ༔ མོས་ཤིང་དང་བའི་ངང་ནས་འདི་སྐད་དོ༔ ཧཱུྃ་ཧྲཱིཿ བྱིན་ཆེན་ངོ་མཚར་མཆོག་གི་གནས༔ འོག་མིན་ཆོས་དབྱིངས་ཕོ་བྲང་ནས༔ སྐྱེ་མེད་དོན་གྱི་དངོས་གྲུབ་བརྙེས༔ ཀུན་བཟང་ཡབ་ཡུམ་བྱིན་ཕོབ་ཅིག༔ བྱིན་ཆེན་ངོ་མཚར་མཆོག་གི་T11607 - 206 མ་ཕྲྃ།༔ གནས༔ བདེ་བ་ཆེན་པོའི་གཞལ་ཡས་ནས༔ སྐྱེ་འཆི་མེད་པའི་དངོས་གྲུབ་བརྙེས༔ འོད་དཔག་མེད་མགོན་བྱིན་ཕོབ་ཅིག༔ བྱིན་ཆེན་ངོ་མཚར་མཆོག་གི་གནས༔ མངོན་པར་དགའ་བའི་ཞིང་ཁམས་ནས༔ སྐུ་དང་ཡེ་ཤེས་དངོས་གྲུབ་བརྙེས༔ རྡོ་རྗེ་སེམས་དཔས༴ བྱིན་ཆེན་ངོ་མཚར་མཆོག་གི་གནས༔ རི་བོ་ཏ་ལའི་གནས་མཆོག་ནས༔ བྱམས་དང་སྙིང་རྗེའི་དངོས་གྲུབ་བརྙེས༔ ཐུགས་རྗེ་ཆེན་པོས་བྱིན༴ བྱིན་ཆེན་ངོ་མཚར་མཆོག་གི་གནས༔ ལྕང་ལོ་ཅན་གྱི་ཕོ་བྲང་ནས༔ མཐུ་སྟོབས་རྨད་བྱུང་དངོས་གྲུབ་བརྙེས༔ ཕྱག་ན་རྡོ་TI1607 - 207 རྗེས་བྱིན་ཆེན་ངོ་མཚར་མཆོག་གི་གནས༔ རྫོགས་པ་ཆེན་པོའི་གཞལ་ཡས་ནས༔ འཕོ་བ་ཆེན་པོའི་དངོས་གྲུབ་བརྙེས༔ དགའ་རབ་རྡོ་རྗེསཿ བྱིན་ཆེན་ངོ་མཚར་མཆོག་གི་གནས༔ འོད་གསལ་བདེ་ཆེན་གཞལ་ཡས་ན༔ འཇའ་ལུས་ཆོས་སྐུའི་དངོས་གྲུབ་བརྙེས༔ ཤྲཱི་སིང་ཧསཿ བྱིན་ཆེན་ངོ་མཚར་མཆོག་གི་གནས༔ པདྨ་འོད་ཀྱི་གཞལ་ཡས་སུ༔ འཆི་མེད་འགྲོ་འདུལ་དངོས་གྲུབ་བརྙེས༔ པདྨ་འབྱུང་གནས་བྱིན་བྱིན་ཆེན་ངོ་མཚར་མཆོག་གི་གནས༔ བདེ་སྟོང་ཡེ་ཤེས་གཞལ་ཡས་སུ༔ མཆོག་དང་ཐུན་མོང་དངོས་གྲུབ་བརྙེས༔ ཡེ་ཤེས་མཚོ་རྒྱལ བྱིན་ཆེན་ངོ་མཚར་མཆོག་གི་གནས༔ རྡོ་རྗེ་ཐེག་པའིགཞལ་ཡས་ནས༔ གྲུབ་པ་མངོན་གྱུར་དངོས་གྲུབ་བརྙེས༔ འབྲོག་བན་ལོ་ཙཱསཿ ༈ བྱིན་ཆེན་ངོ་མཚར་མཆོག་གི་གནས༔ ཟབ་མོའི་གཏེར་མཛོད་གཞལ་ཡས་ནས༔ འགྲོ་བ་འདུལ་བའི་དངོས་གྲུབ་བརྙེས༔ བདུད་འཇོམས་རྡོ་རྗེས་བྱིན༴ ཅེས་པའི་ཤྭ་ལོ་ཀ་འདི་མངྒ་ལས་སོ།། བྱིན་ཆེན་ངོ་མཚར་མཆོག་གི་གནས༔ སྤྱི་གཙུག་ཉི་ཟླའི་གདན་སྟེང་ནས༔ གང་ལ་གང་འདུལ་དངོས་གྲུབ་བརྙེས༔ དྲིན་ཆེན་བླ་མས་བྱིན་ཕོབ་ཅིག༔ ཧཱུྃ་ཧྲཱིཿ རང་ལུས་རྩ་ཁམས་དག་པའི་ཞིང་༔ ལ་ཕྲྃ།༔ རྒྱལ་བ་ཞི་ཁྲོ་ཡབ་ཡུམ་དང་༔ རྩ་གནས་དཔའ་བོ་མཁའ་འགྲོའི་ཚོགས༔ གནས་འདིར་དབང་དང་བྱིན་ཕོབ་ཅིག༔ མཐའ་བྲལ་བརྡལ་ཁྱབ་གཞལ་ཡས་ནས་༔ གཞོམ་བྲལ་རྡོ་རྗེའི་སྐུར་སྟོན་ཅིང་༔ སྒྱུ་འཕྲུལ་འཁོར་ལོའི་དཀྱིལ་འཁོར་ངོམས༔ བཀའ་བརྒྱད་ལྷ་ཚོགས་བྱིན་ཕོབ་ཅིག༔ སྣང་སྲིད་གཞིར་བཞེངས་དཀྱིལ་འཁོར་ནས༔ བདེ་གཤེགས་རྒྱལ་བའི་དཀྱིལ་འཁོར་ལྷ༔ གང་འདུལ་ཐབས་ཀྱིས་རོལ་གར་བསྒྱུར༔ གནས་འདིར་དབང་དང་བྱིན་ཕོབ་ཅིག༔ ཧཱུྃ་ཧྲཱིཿ མ་བཅོས་ཆོས་དབྱིངས་ཞིང་ཁམས་སུ༔ སྐྱེ་མེད་ཆོས་སྐུའི་གཞལ་ཡས་ནས༔ ཆོས་སྐུ་ཡུམ་ཆེན་ཀུན་བཟང་མོ༔ ཆོས་སྐུའི་མཁའ་འགྲོའི་ཚོགས་ཀྱིས་བསྐོར༔ གནས་འདིར་དབང་དང་བྱིན་ཆེན་ཕོབ༔ མཐིང་གསལ་འོད་ཕུང་ལམས་སེ་ལམ༔ རལ་པའི་ཐོར་ཅོག་ལྡེམས་སེ་ལྡེམ༔ ལྕང་ལོའི་ཟུར་ཕུད་ཏ་ལ་ལ༔ དར་སྣའི་ཅོད་པན་པུ་རུ་རུ༔ རུས་པའི་རྒྱན་ཆ་ཁྲོ་ལོ་ལོ༔ དྲིལ་བུ་གཡེར་ཁ་སི་ལི་ལི༔ བྱིན་རླབས་ན་བུན་ཐུ་ལུ་ལུ༔ དངོས་གྲུབ་སྦྲང་ཆར་ཤ་ར་ར༔ མཁའ་འགྲོ་འབུམ་སྡེ་ཉི་ལི་ལི༔ སྙན་པའི་གླུ་ལེན་ཀྱུ་རུ་རུ༔ གར་གྱི་རོལ་རྩེད་ཤིགས་སེ་ཤིག༔ དད་གུས་གདུང་ཤུགས་དྲག པོ་ཡིས༔ མ་དང་མཁའ་འགྲོ་འདིར་འབོད་དོ༔ དམ་ཚིག་ཐུགས་རྗེའི་རྒྱུད་བསྐུལ་ལོ༔ མ་དོར་འགྲོ་བ་སྙིང་རྗེའི་གནས༔ ཐུགས་རྗེས་བརྩེ་བར་དགོངས་ནས་ཀྱང་༔ གནས་འདིར་དབང་དང་བྱིན་ཆེན་ཕོབ༔ ལྷུན་གྲུབ་བདེ་ཆེན་དག་པའི་ཞིང་༔ ཡེ་ཤེས་ལྔ་རྫོགས་གཞལ་ཡས་ནས༔ གསང་བ་ཡེ་ཤེས་མཁའ་འགྲོ་མ༔ ལོངས་སྐུའི་མཁའ་འགྲོའི་ཚོགས་དང་བཅས༔ གནས་འདིར་དབང་དང་བྱིན་ཆེན་ཕོབ༔ དམར་གསལ་འོད་ཕུང་ལམས་སེ་ལམ༔ རལ་པའི་ཐོར་ཅོག ལྕང་ལོའི་ཟུར་ཕུདཿ དར་སྣའི་ཅོད་པནཿ རུས་པའིརྒྱན་ཆ༔ དྲིལ་བུ་གཡེར་ཁཿ བྱིན་རླབས་ན་བུན༴ དངོས་གྲུབ་སྦྲང་ཆར= མཁའ་འགྲོ་འབུམ་སྡེ༴ སྙན་པའི་གླུ་ལེན༴ གར་གྱི་རོལ་རྩེད༔ དད་གུས་གདུང་ཤུགས་མ་དང་མཁའ་འགྲོ༔ དམ་ཚིག་ཐུགས་རྗེའི༴ མ་དོར་འགྲོ་བ༴ ཐུགས་རྗེས་བརྩེ་བར༴ གནས་འདིར་དབང་དང་བྱིན་ཆེན་ཕོབ༔ དཔལ་རི་པདྨ་འོད་ཀྱི་ཞིང་༔ མཁའ་སྤྱོད་དག་པའི་གཞལ་ཡས་ནས༔ བདེ་ཆེན་ཡེ་ཤེས་མཚོ་རྒྱལ་མ༔ སྤྲུལ་སྐུའི་མཁའ་འགྲོའི་ཚོགས་དང་བཅས༔ གནས་འདིར་དབང་དང་བྱིན་ཆེན་ཕོབ༔ དཀར་དམར་འོད་ཕུང་ལམས་སེ་ལམ༔ རལ་པའི༴ ལྕང་ ་ཕྲྃ།༔ ལོའི༴ དར་སྣའིཿ རུས་པའི༴ དྲིལ་བུཿ བྱིན་རླབསཿ དངོས་གྲུབ༴ མཁའ་འགྲོའི སྙན་པའི༴ གར་གྱི དད་གུས་མ་དང་དམ་ཚིག མ་དོརཿ ཐུགས་རྗེས་གནས་འདིར་དབང་དང་བྱིན་ཆེན་ཕོབ༔ ཧཱུྃ༔ དབུས་ཕྱོགས་སྟུག་པོ་བཀོད་པའི་ཞིང་༔ གཏུམ་དྲག་རོལ་པའི་དུར་ཁྲོད་ནས༔ སངས་རྒྱས་མཁའ་འགྲོའི་མ་ཚོགས་ཀྱི༔ གནས་འདིར་དབང་དང་ཿ དཀར་གསལ་འོད་ཕུང་༔ རལ་པའི: ལྕང་ལོའི༔ དར་སྣའི རུས་པའི༴ དྲིལ་བུཿ བྱིན་རླབས༔ དངོས་གྲུབ༔ མཁའ་འགྲོ༔ སྙན་པའི༴ གར་གྱི དད་གུས་མ་དང་ཿ དམ་ཚིག མ་དོརཿ ཐུགས་རྗེས་བརྩེ་བར གནས་འདིར༔ ཤར་ཕྱོགས་མངོན་པར་དགའ་བའི་ཞིང་༔ རབ་འཇིགས་རྔམས་བརྗིད་དུར་ཁྲོད་ནས༔ རྡོ་རྗེ་མཁའ་འགྲོ་མ་ཚོགས་ཀྱིས༔ གནས་འདིར་དབང་དང་བྱིན མཐིང་གསལ་འོད་ཕུངཿ རལ་པའི༴ ལྕང་ལོའི༔ དར་སྣའིཿ རུས་པའི༴ དྲིལ་བུ༔ བྱིན་རླབས་དངོས་གྲུབ: མཁའ་འགྲོ༔ སྙན་པའིཿ གར་གྱི་དད་གུས་མ་དང་༔ དམ་ཚིགཿ མ་དོར་ཐུགས་རྗེས་གནས་འདིར་དབང་དང་༴ ལྷོ་ཕྱོགས་དཔལ་ལྡན་ཞིང་ ཁམས་ནས༔ གད་རྒྱངས་སྒྲོགས་པའི་དུར་ཁྲོད་ནས༔ རིན་ཆེན་མཁའ་འགྲོ་མ་ཚོགས་ཀྱིས༔ གནས་འདིར སེར་གསལ་རལ་པའི༴ ལྕང་ལོའི དར་སྣའི རུས་པའི༴ དྲིལ་བུ༔ བྱིན་རླབས་དངོས་གྲུབ༴ མཁའ་འགྲོ༔ སྙན་པའི༴ བང་དད་གུས་མ་དང་༔ དམ་ཚིག མ་དོརཿ ཐུགས་རྗེས་བརྩེ་བར༔ གནས་འདིར་དབང་དང་ཿ ནུབ་ཕྱོགས་བདེ་ཆེན་དག་པའི་ཞིང་༔ པདྨ་འཁྱིལ་བའི་དུར་ཁྲོད་ནས༔ པདྨ་མཁའ་འགྲོ་མ་ཚོགས་ཀྱིས༔ གནས་འདིར་དབང་དང་ཿ དམར་གསལ རལ་པའི༴ ལྕང་ལོའིཿ དར་སྣའི་རུས་པའི༴ དྲིལ་བུཿ བྱིན་རླབསཿ དངོས་གྲུབ༴ མཁའ་འགྲོ༔ སྙན་པའི༴ བར་གྱི་དད་གུས་མ་དང་༔ དམ་ཚིག མ་དོརཿ ཐུགས་རྗེས་བརྩེ་བར་གནས་འདིར་དབང་དང་བྱང་ཕྱོགས་ལས་རབ་རྫོགས་པའི་ཞིང་༔ ཀཱི་ལ་ཡ་ཡི་དུར་ཁྲོད་ནས༔ ལས་ཀྱི་མཁའ་འགྲོ་མ་ཚོགས་ཀྱིས༔ གནས་འདིར་དབང་དངཿ ལྗང་གསལ་འོད་ཕུང་༔ རལ་པའི༴ ལྕང་ལོའི༔ དར་སྣའི༔ རུས་པའི༴ དྲིལ་བུ༔ བྱིན་རླབས་དངོས་གྲུབ༴ མཁའ་འགྲོ༔ སྙན་པའི༴ གར་གྱི་དད་གུས་མ་དང་༔ དམ་ཚིག བློཾ།༔ མ་དོརཿ ཐུགས་རྗེས་བརྩེ་བར་གནས་འདིར་དབང་དང་ཿ ཕྲིན་ལས་རྣམ་བཞི་ལྷུན་གྲུབ་པའི༔ སྒོ་བཞི་ལས་ཀྱི་དཀྱིལ་འཁོར་ནས༔ ལྕགས་ཀྱུ་ཞགས་པ་ལྕགས་སྒྲོག་དྲིལ༔ འབུམ་ཕྲག་མཁའ་འགྲོའི་ཚོགས་དང་བཅས༔ གནས་འདིར་དབང་དང་དཀར་སེར་དམར་ལྗང་ཁ་དོག་ཅན༔ གསལ་འཚེར་འོད་ཕུང་ལམས་སེ་ལམ༔ རལ་པའི༴ ལྕང་ལོའིཿ དར་སྣའི རུས་པའི: དྲིལ་བུ༔ བྱིན་རླབས༴ དངོས་གྲུབ༴ མཁའ་འགྲོ༔ སྙན་པའིཿ གར་གྱི དད་གུས་མ་དང་༔ དམ་ཚིག མ་དོརཿ ཐུགས་རྗེས༴ གནས་འདིར་དབང་དང་ཿ རང་བཞིན་རྣམ་པར་དག་པའི་དབྱིངས༔ བཀའ་དང་ཐ་ཚིག་གཞལ་ཡས་ནས༔ ལེགས་ཉེས་སྟངས་འཛིན་བསྟན་ལ་གདུང་༔ མ་མོ་མཁའ་འགྲོ་ཐམས་ཅད་དང་༔ ཆོས་སྐྱོང་བཀའ་སྲུང་ཐམས་ཅད་ཀྱིས༔ བསྒྲུབ་པའི་དཀྱིལ་འཁོར་ཆེན་པོ་འདིར༔ དབང་དང་དངོས་གྲུབ་བྱིན་ཕོབ་ཅིག༔ རྟགས་དང་མཚན་མ་བསྟན་པ་དང་༔ རྣལ་འབྱོར་བུ་བཞིན་སྐྱོང་བ་དང་༔ རབ་འབྱམས་ཕྲིན་ལས་མངོན་གྱུར་པའི༔ དབང་དང་དངོས་གྲུབ་བྱིན་ཆེན་ཕོབ༔ ཨོཾ་ཨཱཿ ཧཱུྃ་བཛྲ་གུ་རུ་བཱིདྱ་ངྷེ་ཝ་སརྦ་ངྷཱ་ཀི་ནཱི་སརྦ་ངྷརྨ་པཱ་ལ་སརྦ་ཀྵེ ཊ་པཱ་ལ་སརྦ་ས་མ་ཡ་ཛ་ཛཿ ཨ་ཝེ་ཤ་ཡ་ཨ་ཨ༔ ས་མ་ཡ༔ རྒྱ་རྒྱ་རྒྱ༔ མ་འོངས་ལས་ཅན་སྐལ་ལྡན་རྣམས༔ སྒྲུབ་རྒྱུན་བཟུང་ལ་ཆོས་བརྒྱད་སྤོངས༔ འཁོར་བའི་ཆོས་ལ་ཟིན་དུས་མེད༔ ཚེ་དང་སྒྲུབ་པ་མཉམ་པར གྱིས༔ ས་མ་ཡ༔ བདག་འདྲ་བུད་མེད་ཡེ་ཤེས་མཚོ་རྒྱལ་ངས༔ གུ་རུའི་བཀའ་བཞིན་མ་ནོར་ཡི་གེར་བྲིས༔ བཀའ་འདི་མ་མགོན་ཤན་པ་བཙན་གྱིས་སྲུངས༔ དམ་ཉམས་ལྟ་ལོག་ལག་ཏུ་ཤོར་ར་རེ༔ མ་འོངས་ལས་ཅན་བུ་དང་འཕྲད་པར་ཤོག༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་མ་ནུས་སྤྲང་ཟོབ་སྔགས་ནག་བདུད་འཇོམས་གླིང་པས་གསེར་སྨད་རྔ་ལ་སྟག་རྩེའི་གཡས་ལོགས་རྡོ་རྗེ་བྲག་ནས་སྤྱན་དྲངས་ཏེ་འབྲོས་ཕུག་མཁའ་འགྲོའི་འདུ་ཁང་དུ་དག་པར་ཕབ་པའི་ཡི་གེ་པ་ནི་ཧོར་གྱི་བནྡེ་ཕུན་ཚོགས་བཀྲ་ཤིས་སོ། །དགེའོ། །དགེའོ། །དགེའོ །སརྦ་མངྒ་ལཾ།། ཁྲོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ ཡུམ་ཆེན་གསང་བ་ཡེ་ཤེས་ཀྱི་ཐུགས་སྒྲུབ་ཡེ་ཤེས་ཉི་མ་བཞུགས་སོ༔ T1607 - 215 ཟ།༔ རྡོ་རྗེ་གཤོག་རྒོད་རྩལ་ལ་ཕྱག་འཚལ་ལོ༔ བདག་འདྲ་པདྨ་འབྱུང་གནས་ངས༔ མ་འོངས་སེམས་ཅན་ཐམས་ཅད་ལ༔ འདུལ་བྱེད་རྣམ་སྤྲུལ་ཆུ་ཟླའི་གར༔ ཕྱོགས་མེད་ཐུགས་རྗེ་ཉི་ལྟར་ཁྱབ༔ འགྲན་མེད་འཁོར་གྱི་སྐར་ཚོགས་འདུ༔ ལྔ་གསུམ་མངོན་ཤེས་སྤྱན་ལྔ་ཡིས༔ གསུམ་དུ་གཟིགས་ནས་བསྟན་འགྲོའི་དོན༔ རྣམ་རོལ་མ་ངེས་བསམ་ཡས་ཀྱི༔ འཁོར་བ་དྲུག་ཏུ་རང་གཟུགས་སུ༔ རྒྱུད་བསྟུན་ཐབས་ཀྱི་ཆོས་བསྟན་མཛད༔ སྐལ་བཟང་བདེ་གཤེགས་སྟོང་ཕྲག་གིས༔ བསྟན་པའི་རཱུ་ཏྲ་ངེས་གྲོལ་ཕྱིར༔ ཚེ་དཔག མེད་དུ་དབང་ཡང་བསྐུར༔ རྡོ་རྗེ་གསུམ་གྱི་དངོས་གྲུབ་བདོག༔ རྣམ་བཞིའི་ཕྲིན་ལས་རང་དབང་བསྒྱུར༔ རྣམ་གཉིས་དངོས་གྲུབ་ཀུན་ལ་སྟེར༔ འཇིག་རྟེན་འཁོར་བའི་འཁོར་ལོ་ལ༔ T11607 - 216 རྟབློཾ།༔ སྡུག་བསྔལ་རྒྱུན་མཐོང་སྙིང་རླུང་གིས༔ ལྡོག་པ་བཞི་ཡིས་བློ་བཏུལ་ནས༔ བརྩོན་འགྲུས་སྙིང་སྟོབས་བསྒྲིལ་བའི་བུ༔ རིག་པའི་རྣོ་མྱུར་དབང་འབྱོར་བའི༔ ལུས་ཀྱི་གྲུར་ཞོན་སྲིད་མཚོའི་བར༔ བསྒྲོད་འདོད་གང་ཟག་ལས་ཅན་ལ༔ འཚོ་བའི་མཆོག་གྱུར་ཟབ་རྒྱའི་བཅུད༔ བདུད་རྩི་ཡན་ལག་བརྒྱད་ལྡན་འདི༔ རོལ་བའི་སྐལ་ལྡན་ལས་ཅན་ཀྱང་༔ ཤེས་རབ་ལམ་དུ་འཛུད་དཀའ་བས༔ ཐབས་ལ་བསྟུན་པའི་བསྐྱེད་རིམ་གྱིས༔ རང་རིག་རང་ངོ་གསལ་བར་འགྱུར༔ ཡང་གསང་མཁའ་འགྲོའི་ཐུགས་ཐིག་འདི༔ མ་འོངས་ལྔ་བརྒྱའི་ཐ་མ་ལ༔ རྐང་བཞི་འཇོམས་པའི་གོད་ཡམས་ཀྱིས༔ དབུལ་ཕྱུག་གོ་ལོག་བཅུ་གཉིས་མཐར༔ ས་འཕངས་སྙིང་རླུང་གློ་བུར་ལང་༔ བཅུ་དྲུག་རང་མགོ་གཞན་གྱིས་གཅོད༔ དེ་དུས་ཆོས་སྤྱིའི་བྱིན་T1607 - 217 རླབས་ཉམས༔ བསྟན་འགྲོ་གསོ་བའི་བདུད་རྩི་འདི༔ དེ་ཕྱིར་རིན་ཆེན་སྦས་རྒྱར་རྒྱ༔ བརྡ་ཐིམ་བརྡ་ཐིམ་བཛྲ་རྒྱ༔ ཤཧྱ།ལ།༔ ཆོས་བརྒྱད་ལས་དབེན་གནས་བཟང་དུ༔ དཀྱིལ་འཁོར་མཛེས་ལྡན་མཚན་རྫོགས་དབུས༔ རྩ་གསུམ་གཏོར་མ་བརྗིད་ལྡན་ལ༔ ཕྱི་ནང་གསང་མཆོད་བྱེ་བྲག་བཤམས༔ དཀར་ནག་མགྲོན་ལ་དཀར་དམར་བསྔོ༔ བསངས་སྦྱངས་མཆོད་རྫས་ཡིད་ཀྱིས་སྤེལ༔ ཤ་མཁོན་མགྲོན་ལ་ལན་ཆགས་བསྔོ༔ དྲན་རྫོགས་ཙམ་གྱི་རིག་སྐུ་ཡིས༔ ལོག་རྟོག་བགེགས་ལ་བཀའ་བསྒོ་ནི༔ ཧཱུྃ་ཧྲཱིཿ ང་ནི་ཡེ་ཤེས་མཁའ་འགྲོ་མ༔ གསང་བ་ཡེ་ཤེས་དྲག་མོའི་སྐུ༔ ཁམས་གསུམ་མ་ལུས་དབང་དུ་བསྡུས༔ སྲིད་གསུམ་མ་ལུས་ཟིལ་གྱིས་གནོན༔ རབ་འབྱམས་རྒྱལ་བ་བསྐྱེད་པའི་ཡུམ༔ སྤྲུལ་པའི་མཁའ་འགྲོས་ནམ་མཁའ་གང་༔ ལས་བྱེད་མཁའ་འགྲོས་བར་སྣང་གང་༔ སྒྲོལ་བྱེད་མཁའ་འགྲོས་ས་གཞི་གང་༔ ཧཱུཾ༔ ཉོན་ཅིག་བགེགས་དང་ལོག་འདྲེན་ཚོགས༔ ཤ་མཁོན་བུ་ལོན་ལན་ཆགས་རྣམས༔ གླུད་ཀྱི་གཏོར་མ་འདིས་འཇལ་གྱིས༔ མགུ་བར་གྱིས་ལ་རང་གནས་སུ༔ ད་ལྟ་ཉིད་དུ་འགྲོ་བར་གྱིས༔ གནས་འདིར་གསང་ཆེན་མཁའ་འགྲོའི་དལ༔ ད་ལྟ་ཉིད་དུ་འདེབས་འཚལ་བས༔ བཀའ་འདས་ལུས་སེམས་རྡུལ་དུ་བརླག༔ དེ་བས་ད་ལྟ་ཕྱིར་དེངས་ཤིག༔ རྩ་སྔགས་དང་ བློཾ།༔ ཧཱུྃ་བཞིའི་སྔགས་བརྗོད༔ དེ་ནས་སྟེང་འོག་བར་གསུམ་ཀུན༔ ཡེ་ཤེས་ལྔ་ལས་གྲུབ་པ་ཡི༔ རྡོ་རྗེ་བསྲུང་བའི་གུར་ཁང་ནི༔ གཞོམ་གཞིག་བྲལ་བའི་འཁོར་ལོ་བསྒོམ༔ ཧཱུྃ་ཧྲཱིཿ བདག་ཉིད་ཡེ་ཤེས་མཁའ་འགྲོ་མའི༔ ཐུགས་ལས་སྤྲོས་པའི་འོད་ཟེར་གྱིས༔ སྟེང་འོག་ཕྱོགས་མཚམས་ཐམས་ཅད་ཀུན༔ རྡོ་རྗེ་བསྲུང་བའི་འཁོར་ལོར་བསྒོམ༔ ཨོཾ་བཛྲ་རཏྣ་པདྨ་ཀརྨ་ཛྙ་ན་རཀྵ་སྭཱ་ཧཱ༔ དེ་ནས་རང་སེམས་རྣམ་དག་ཉིད༔ གདོད་ནས་ཡེ་ཤེས་