Tibetan
བདེ་སྡུག་ཉེར་ལེན་མཁན༔ གང་ལྟར་གྲུབ་པའི་མཐའ་ལ་མི་གནས་པའི༔ མི་གནས་ཡེ་ཤེས་ཆེན་པོར་ལྷུན་གྲུབ་རྫོགས༔ སྔོན་འདས་འཁྲུལ་པའི་རྣམ་རྟོག་རྗེས་མི་གཅོད༔ མ་འོངས་རྣམ་པར་རྟོག་པའི་སྒོ་མི་དགག༔ འགོག་སེམས་ཙམ་ནས་ཤོར་བའི་མཚང་ཨི་གོ༔ བསྒོམ་ཞེས་གྲོལ་བ་ཐོབ་སྙམ་ཐོབ་སེམས་ཅན༔ ཡོངས་སུ་དོགས་པའི་འཛིན་ཆགས་དམ་འཆིང་ཅན༔ རྣམ་རྟོག་རྗེས་དཔྱོད་ཤོར་ཕང་ཕྱི་མ་འགྱོད༔ མི་གཅིག་ཚེ་གཅིག་སྡུག་ལ་ཟད་པར་ཐལ༔ ངེས་གསང་ཡང་དག་མཆོག་གི་ལམ་ཞུགས་རྣམས༔ དང་པོ་བརྟག་དཔྱད་ས་ལམ་མིག་ཏུ་གནད༔ བར་དུ་ཉམས་ཚད་རྫོགས་པ་ས་ལམ་རྒྱན༔ ཐ་མ་གྲོལ་བ་ཐོབ་པ་ས་ལམ་དངོས༔ ས་ལམ་མེད་པའི་ས་ལམ་གཅིག་རྫོགས་པ༔ རང་རིག་རང་ངོར་སངས་པ་དེ་ཀའོ༔ སངས་རྒྱས་ཐམས་ཅད་ཡེ་ཤེས་ཀློང་དུ་གཅིག༔ རང་རིག་རང་ངོར་སངས་པ་སངས་རྒྱས་ཡིན༔ འཁོར་བ་འདས་པར་སྦྱོར་བའི་བརྟུལ་ཞུགས་ཀྱང་༔ སེམས་ཉིད་རང་གཞིའི་ལྷུམས་སུ་ཞུགས་པ་ཉིད༔ མ་བཙལ་ལྷུན་གྲུབ་རྫོགས་པའི་སངས་རྒྱས་ཀྱང་༔ ཡེ་གཞི་ཀ་དག་སྐྱོན་ལས་འདས་པ་ཉིད༔ འཛིན་པའི་ཆིངས་ཀྱིས་མི་འཆིང་ཞིང་༔ རེ་དོགས་མདུད་རྒྱས་མི་གདབ་སྟེ༔ རྣམ་རྟོག་རྐུན་བུར་མི་ཤོར་བ༔ གོལ་སྒྲིབ་མལ་དུ་མི་འཛོལ་བའི༔ འོད་གསལ་རྒྱུན་ཆགས་ལམ་གྱི་མཆོག༔ རིག་པ་རང་ངོར་སངས་པ་ཡི༔ འཁོར་འདས་རིག་པ་རྗེན་པར་ཤར༔ ཐ་མལ་གཟུང་འཛིན་དྲྭ་བ་ཞིག༔ སླད་ཀྱིས་འཁོར་བར་མི་འཇུག་པའི༔ ཉོན་མོངས་གནས་སུ་ དག་པ་ཡི༔ ཡེ་ཤེས་ལས་ནི་མི་ལྡོག་པའི༔ གདིང་ནི་གྲོལ་བ་ཐོབ་པ་དངོས༔ འདི་ལས་གཞན་དུ་འགྱུར་ན་འཁྲུལ༔ ཕྱི་ཡི་འོད་གསལ་དབྱིངས་དང་ཐིག༔ ནང་གི་འོད་གསལ་བྱང་ཆུབ་སེམས༔ བར་དུ་གཉིས་མེད་ཡེ་ཤེས་གབ༔ དངོས་པོ་རྒྱུ་རྐྱེན་རྟེན་འབྲེལ་ཚུལ༔ བར་དུ་འཕེལ་ཞིང་རབ་ཏུ་སྨིན༔ ཐ་མ་ཟད་ཅིང་འཁོར་བ་འདས༔ ཆོས་ཉིད་ཆོས་སྐུའི་ཀློང་དུ་ཐིམ༔ ས་མ་ཡ༔ ཤེས་རབ་ཡུམ་ཆེན་མཁའ་འགྲོ་མཚོ་རྒྱལ་མ༔ སྙིང་གི་ཐིག་ལེ་སྒྱུ་མའི་བརྡ་རུ་བསྒྱུར༔ ཆོས་ཉིད་འོད་གསལ་ཀློང་དུ་སྦས་རྒྱར་ཐོབས༔ ཕུར་སྲུང་དམ་ཅན་རྒྱ་མཚོར་གཉེར་གཏད་དོ༔ ལྟ་ལོག་ངན་སྨྲ་མཁན་གྱི་དབང་པོ་སྣུབ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ གསང་རྒྱ༔ བརྡ་ཐིམ༔ དྷརྨ་པཱ་ལ་རཀྵ༔ ༈ ཕ་གཅིག་ཨོ་རྒྱན་ཆེན་པོའི་སྙིང་ཐིག་མཆོག །རྒྱལ་ཀུན་གསང་བཅུད་འདུས་པ་བདུད་རྩིའི་ཐིག །བུ་གཅིག་བདུད་འཇོམས་རྡོ་རྗེ་བདག་གིས་སྤྱོད། །མཁས་རློམས་ཆོས་ལ་རྐུན་ཇག་བྱེད་དུ་མེད། །ཟོག་པོས་ཆེ་དྲག་འདོད་མཚོ་གཡོ་མིན་ཀྱང་། །ཆེ་དྲག་ཐོབ་དབང་མི་ལ་སྨྲ་དོན་མེད། །བཙན་སའི་བྲག་སྐྱིབ་འཕྱང་ཧྲུལ་གོས་སུ་ཀླུབ། །མི་ཚེ་ཡུད་ཙམ་ཅི་བདེ་བློ་བདེར་གནས། །སུ་མ་མགུ་ཡང་མགུ་བཏེགས་བྱེད་དོན་མེད། །ཐོས་བསམ་མིག་ཟུམ་མཁས་ཁྱད་གཟུགས་མི་མཐོང་། །རྫོགས་སངས་རྒྱས་ཀྱིས་འགྲོ་ཁམས་མི་སྟོངས་ན། །མེ་ཁྱེར་བདག་འདྲས་གཞན་དོན་འབྱུང་སྙམ་མེད། །བསམ་ཞིང་ཅི་དགར་ཉལ་ཡང་མཁའ་འགྲོས་བསྐུལ། །དམ་ཚིག་གཉན་པོའི་བཀའ་ཁྲིམས་བསླུ་མ་སྤོབས །སྙིང་ཐིག་རྒྱ་ཆེ་ཚང་བར་བསྒྱུར་མ་ནུས །གཅེས་བསྡུས་མདོ་ཙམ ཐོ།༔ བསྒྱུར་ཏེ་ཡི་གེར་བཀོད། །བསྐལ་པ་མ་སྟོང་བར་དུ་འགྲོ་ཀུན་གྱིས། །གསང་སྔགས་འདིར་སྤྱོད་འཁོར་བ་དོང་སྤྲུགས་ཤོག །ཅེས་པ་འདི་ཡང་གླིང་པ་བདུད་འཇོམས་རྡོ་རྗེ་གར་གྱི་དབང་ཕྱུག་རྩལ་གྱིས་གསེར་2 ཤོད་རྡོ་རྗེའི་མིང་གི་ཤྭ་བྲག་ནས་བཏོན་ཏེ་མི་ལོ་བརྒྱད་ལ་བཀའ་རྒྱས་བཏབ་ནས་མཐར་སྨར་སྟོད་འབྲོས་ཕུག་དབེན་པའི་གནས་སུ་ཞལ་བཤུས་ཏེ་དག་པར་ཕབ་པའི་དུས་སུ་སྒྲ་དང་ས་གཡོ་ལ་སོགས་ནག་ཕྱོགས་ཐུལ་བའི་རྟགས་མང་པོ་བྱུང་བ་རྟེན་འབྲེལ་མཆོག་ཏུ་གྱུར་པ་ཤིང་མོ་ཀྲོ་ཏིའི་ཁྱིམས་སུ་ཡི་གེ་རིས་བྱེད་ལས་སྨོན་གྱི་དབང་གིས་སྐྱེ་ཕྲེང་བདུན་དུ་འགྲོགས་པའི་གྲོགས་པོ་ཕུན་ཚོགས་བཀྲ་ཤིས་པས་བགྱིས་པའོ། །དགེའོ། །སརྦ་མངྒ་ལཾ།། 1 བཅུ་གཉིས་སོ། 9 T11605 - 121 Tl1605 - 122 ཟོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ ཐུགས་སྒྲུབ་གསང་བའི་རྒྱ་ཅན་དཔལ་ཆེན་ཕྲིན་ལས་ཀྱི་སྒྲུབ་སྐོར་ལས༔ བསྐང་བ་དངོས་གྲུབ་ཆར་འབེབས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཨོཾ་ཀམཾ་ཤྭརྟ་_UNKས།མངྷ།བྷརྣཐཱབྷ་ཐགགཨཾཟླ རྣལ་འབྱོར་ཉམས་ཆག་བསྐང་བ་དང་༔ ཚོགས་རྫོགས་སྒྲིབ་པ་སྦྱང་བའི་ཐབས༔ ཚོགས་ཀྱི་འཁོར་ལོ་ལ་བརྟེན་ནས༔ དཀྱིལ་འཁོར་གཙོ་མཆོག་བླ་མ་དང་༔ དབྱེར་མེད་ཡི་དམ་ལྷ་མཆོག་གི༔ བསྐང་བ་འདི་ཉིད་ཉམས་སུ་ལོངས༔ སྭ་བྷཱ་ཝ་ཡིས་སྟོང་པར་སྦྱངས༔ སྟོང་པ་ཉིད་དུ་གྱུར༔ སྟོང་པའི་ངང་ལས་ནམ་མཁའ་ལ་འཇའ་ཚོན་ཤར་བ་བཞིན་དུ་སྐད་ཅིག་གི་མཐུན་རྫས་མཆོད་རྫས་སྐོང་རྫས་བརྟེན་རྫས་སྒྲུབ་རྫས་རྣམ་པ་སྣ་ཚོགས་མ་ཚང་བ་མེད་པ་འཕགས་པ་ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བའི་མཆོད་པའི་སྤྲིན་རྒྱ་མཚོས་འཁོར་འདས་ཡོངས་ལ་ཁྱབ་པར་གྱུར་ཅིག༔ ན་མཿསརྦ་ཏ་ཐཱ་ག་ཏ་བྷྱོ་སོགས་ནམ་མཁའ་མཛོད་ཀྱི་སྔགས་ལན་གསུམ་བརྗོད༔ ཧཱུྃ༔ ཆོས་དབྱིངས་སྤྲོས་མཐའ་བྲལ་བའི་དབྱིངས་རུམ་ནས༔ ཆོས་སྐུ་ཐིག་ལེ་ཉག་གཅིག་སྐུ་བཞེངས་ལ༔ བསྐང་བའི་གནས་འདིར་སྤྱན་འདྲེན་གཤེགས་སུ་གསོལ༔ ལྷུན་གྲུབ་བདེ་བ་ཆེན་པོའི་གཞལ་ཡས་ནས༔ ལོངས་སྐུ་རྡོ་རྗེ་གཞོན་ནུ་འཁོར་དང་བཅས༔ བསྐང་བའི་གནས འདིར་སྤྱན་འདྲེན་གཤེགས་སུ་གསོལ༔ ཐུགས་རྗེ་ཀུན་ཁྱབ་བརྡལ་བའི་ཀློང་དཀྱིལ་ནས༔ སྲིད་པའི་རྡོ་རྗེ་ཕུར་བུ་སྐུ་བཞེངས་ནས༔ བསྐང་བའི་གནས་འདིར་སྤྱན་འདྲེན་གཤེགས་སུ གསོལ༔ ཆོས་ཉིད་སྒྱུ་མར་རོལ་པའི་དུར་ཁྲོད་ནས༔ ཀཱི་ལ་རིགས་བཞི་ཁྲོ་བཅུ་ཡབ་ཡུམ་དང་༔ ཟ་གསོད་སྒོ་བ་སྒོ་མ་སྐུ་བཞེངས་ཤིག༔ བསྐང་བའི་གནས་འདིར་སྤྱན་འདྲེན་གཤེགས སུ་གསོལ༔ བཀའ་དང་དམ་ཚིག་གཉན་པོའི་ཕོ་བྲང་ནས༔ ཕུར་སྲུང་དམ་ཅན་རྒྱ་མཚོ་འཁོར་དང་བཅས༔ བསྐང་བའི་གནས་འདིར་སྤྱན་འདྲེན་གཤེགས་སུ་གསོལ༔ བཛྲ་ས་མ་ཡ་ཛ་ཛཿ ཛཿ ཧཱུྃ་བཾ་ཧོཿ དེ་ནས་ཐུགས་དམ་བསྐང་བ་ནི༔ ཧཱུྃ༔ རང་སྣང་རྣམ་དག་དོན་གྱི་འོག་མིན་ནས༔ དྲིན་ཆེན་རྩ་བརྒྱུད་བླ་མའི་ཐུགས་དམ་བསྐང་༔ ཀ་དག་སྤྲོས་མཐའ་བྲལ་བའི་ཕོ་བྲང་ནས༔ ཆོས་སྐུ་ཐིག་ལེ་ཉག་གཅིག་ཐུགས་དམ་བསྐང་༔ ལྷུན་གྲུབ་སྐུ་དང་ཡེ་ཤེས་གཞལ་ཡས་ནས༔ དཔལ་ཆེན་རྡོ་རྗེ་གཞོན་ནུའི་ཐུགས་དམ་བསྐང་༔ ཐུགས་རྗེ་ཀུན་ཁྱབ་གདལ་བའི་དཀྱིལ་འཁོར་ནས༔ བདུད་འདུལ་རྡོ་རྗེ་ཕུར་པའི་ཐུགས་དམ་བསྐང་༔ ཐབས་ཤེས་གཉིས་མེད་སྦྱོར་བའི་ཡུམ་ཆེན་མོ༔ འཁོར་ལོ་རྒྱས་འདེབས་མ་ཡི་ཐུགས་དམ་བསྐང་༔ ཁམས་ ཐོ།༔ གསུམ་འཁོར་བ་གཞི་རུ་སྒྲོལ་བའི་ཡུམ༔ རྗེ་མོ་ཨེ་ཀ་ཛ་ཊཱིའི་ཐུགས་དམ་བསྐང་༔ ཤར་ཕྱོགས་ཞི་བ་ལྷུན་གྲུབ་དཀྱིལ་འཁོར་ནས༔ བཛྲ་ཀཱི་ལ་ཡ་ཡི་ཐུགས དམ་བསྐང་༔༷ ལྷོ་ཕྱོགས་རྒྱས་པའི་ཕྲིན་ལས་ལྷུན་གྲུབ་པའི༔ སྲས་མཆོག་རཏྣ་ཀཱི་ལའི་ཐུགས་དམ་བསྐང་༔ ནུབ་ཕྱོགས་དབང་གི་ཕྲིན་ལས་ལྷུན་གྲུབ་པའི༔ སྲས་མཆོག་པདྨ་ཀཱི་ལའི ཐུགས་དམ་བསྐང་༔ བྱང་ཕྱོགས་དྲག་པོའི་ཕྲིན་ལས་ལྷུན་གྲུབ་པའི༔ སྲས་མཆོག་ཀརྨ་ཀཱི་ལའི་ཐུགས་དམ་བསྐང་༔ སྟེང་ཕྱོགས་ལྷ་གདོན་ཟིལ་གནོན་ཁྲོ་བོའི་རྒྱལ༔ ཧཱུྃ་ཆེན་ཀཱ་ར་ཡབ ཡུམ་ཐུགས་དམ་བསྐང་༔ ཤར་ཕྱོགས་དྲི་ཟ་ཟིལ་གནོན་ཁྲོ་བོའི་རྒྱལ༔ རྣམ་པར་རྒྱལ་བ་ཡབ་ཡུམ་ཐུགས་དམ་བསྐང་༔ ཤར་ལྷོ་མེ་ལྷ་ཟིལ་གནོན་ཁྲོ་བོའི་རྒྱལ༔ དབྱུག་པ་སྔོན་པོ་ཡབ་ཡུམ་ཐུགས་དམ་བསྐང་༔ ལྷོ་ཕྱོགས་གཤིན་རྗེ་ཟིལ་གནོན་ཁྲོ་བོའི་རྒྱལ༔ གཤིན་རྗེ་གཤེད་པོ་ཡབ་ཡུམ་ཐུགས་དམ་བསྐང་༔ ལྷོ་ནུབ་སྲིན་པོ་ཟིལ་གནོན་ཁྲོ་བོའི་རྒྱལ༔ མི་གཡོ་མགོན་པོ་ཡབ་ཡུམ་ཐུགས་དམ་བསྐང་༔ ནུབ་ཕྱོགས་ཀླུ་གདོན་ཟིལ་གནོན་ཁྲོ་བོའི་རྒྱལ༔ རྟ་མགྲིན་རྒྱལ་པོ་ཡབ་ཡུམ་ཐུགས་དམ་བསྐང་༔ ནུབ་བྱང་རླུང་ལྷ་ཟིལ་གནོན་ཁྲོ་བོའི་རྒྱལ༔ འདོད་པའི་རྒྱལ་པོ་ཡབ་ཡུམ་ཐུགས་དམ་བསྐང་༔ བྱང་ཕྱོགས་གནོད་སྦྱིན་ཟིལ་གནོན་ཁྲོ་བོའི་རྒྱལ༔ བདུད་རྩི་འཁྱིལ་བ་ཡབ་ཡུམ་ཐུགས་དམ་བསྐང་༔ བྱང་ཤར་དབང་ལྡན་ཟིལ་གནོན ཁྲོ་བོའི་རྒྱལ༔ ཁམས་གསུམ་རྣམ་རྒྱལ་ཡབ་ཡུམ་ཐུགས་དམ་བསྐང་༔ འོག་ཕྱོགས་ས་བདག་ཟིལ་གནོན་ཁྲོ་བོའི་རྒྱལ༔ ཁྲོ་རྒྱལ་སྟོབས་ཆེན་ཡབ་ཡུམ་ཐུགས་དམ་བསྐང་༔ ཕྱོགས་བཅུའི་གདོན་ཚོགས་ཟ་ཞིང་གསོད་བྱེད་པའི༔ སྤྲུལ་པ་ཟ་གསོད་ཉི་ཤུའི་ཐུགས་དམ་བསྐང་༔ རྣམ་བཞིའི་ཕྲིན་ལས་ཐོགས་མེད་སྒྲབ་པ་ཡི༔ ཡེ་ཤེས་སྒོ་མ་བཞི་ཡི་ཐུགས་དམ་བསྐང་༔ ཕྱོགས་བཞིའི་དགྲ་བགེགས་མ་ལུས་འདུལ་མཛད་པ༔ ཕུར་སྲུང་ཆེན་པོ་བཅུ་དྲུག་ཐུགས་དམ་བསྐང་༔ ལེགས་ཉེས་སྟངས་འཛིན་དམ་ཚིག་རྗེས་གཅོད་པའི༔ བཀའ་སྡོད་དམ་ཅན་རྒྱ་མཚོའི་ཐུགས་དམ་བསྐང་༔ ཕྱི་མཆོད་ཉེར་སྤྱོད་བདུན་གྱིས་ཐུགས་དམ་བསྐང་༔ ནང་མཆོད་འདོད་ཡོན་ལྔ་ཡིས་ཐུགས་དམ་བསྐང་༔ གསང་མཆོད་སྨན་གཏོར་རཀྟས་ཐུགས་དམ་བསྐང་༔ ཁྱད་པར་ཏ་ན་ག་ནའི་ཚོགས་ཀྱིས་བསྐང་༔ ལོངས་སྤྱོད་ཚོགས་ཀྱི་འཁོར་ལོས་ཐུགས་དམ་བསྐང་༔ སྣང་སྲིད་རང་བྱུང་མཆོད་པས་ཐུགས་དམ་བསྐང་༔ འཁོར་འདས་དག་ ཐ།༔ མཉམ་རོལ་པས་ཐུགས་དམ་བསྐང་༔ ཐུགས་དམ་བསྐང་ངོ་དབང་དང་དངོས་གྲུབ་སྩོལ༔ དེ་ལྟར་ཐུགས་དམ་བསྐང་བའི་བསོད་ནམས་ཀྱིས༔ སྒྲིབ་གཉིས་བག་ཆགས་མ་ལུས་བྱང་གྱུར་ཅིག༔ སྡོམ་དང་བསླབ་པ་དམ་ཉམས་དག་གྱུར་ཅིག༔ བསོད་ནམས་ཡེ་ཤེས་ཚོགས་གཉིས་རྫོགས་གྱུར་ཅིག༔ དོན་གཉིས་མཐར་ཕྱིན་སྐུ་གཉིས་ཐོབ་པར་ཤོག༔ ཅེས་ཡི་གེ་བརྒྱ་པ་བརྗོད༔ དེ་ལྟར་གཉེན་པོ་སྟོབས་བཞིའི་གནད་ལྡན་པས༔ ཉམས་ཆག་ཉེས་ལྟུང་མ་ལུས་ཀུན་བྱང་ནས༔ བསོད་ནམས་ཡེ་ཤེས་ཚོགས་ཆེན་རབ་རྫོགས་ནས༔ ཚེ་འདིར་རྣམ་པར་གྲོལ་བའི་ལམ་དུ་འཛུད༔ བཀའ་འདི་དབང་ཕྱུག་མ་ཧཱ་དཱེ་ཝར་གཏད༔ ཐུབ་པར་སྲུངས་ཤིག་བཀའ་དམ་གཉན་པོའི་རྒྱ༔ བསྟན་འཛིན་སྐྱེས་བུ་རྣམས་ཀྱི་ཕྲིན་ལས་སྒྲུབས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ ཞེས་པ་འདིའང་ཁྲག་འཐུང་བདུད་འཇོམས་རྡོ་རྗེས་གསེར་སྨད་རྔ་ལ་སྟག་རྩེའི་གཡས་ལོགས་རྡོ་རྗེ་བྲག་ནས་སྤྱན་དྲངས་ཏེ་མི་ལོ་སུམ་ཅུ་རྩ་གསུམ་བར་དུ་བཀའ་རྒྱས་བཏབ་སྟེ་མཐར་རིགས་སྲས་མཁྱེན་བརྩེའི་མྱུ་གུས་ནན་དུ་བསྐུལ་ངོར་སྐལ་བཟང་དགོན་ནས་གཏན་ལ་ཕབ་པའོ། །དགེའོ །ལེགས་སོ། །སརྦ་མངྒ་ལཾ། ཤུ་བྷཾ། སྤྲི༔ T11605 - 128 ཐོ།༔ ཟབ་གསང་མཁའ་འགྲོའི་སྙིང་ཐིག་ལས༔ ཐུགས་སྒྲུབ་གསང་བའི་རྒྱ་ཅན་གྱི་སྐོར༔ དཔལ་ཆེན་རྡོ་རྗེ་གཞོན་ནུའི་བསྐང་བ་དཔག་བསམ་ལྗོན་ཤིང་རྒྱས་པ་བཞུགས་སོ༔ ན་མོ་གུ་རུ་ཝེ༔ གྷདྷཤམཤཐབྷྲ ཕུར་པ་བསྒྲུབ་པའི་རིག་འཛིན་ལ༔ བསྐང་བཤགས་དཔག་བསམ་ལྗོང་ཤིང་གཅེས༔ བསྒྲུབ་པའི་དུས་དང་སྨིན་གྲོལ་འཆད༔ དེ་དུས་དངོས་སུ་འབྱོར་ཚོགས་བཤམ༔ སྨན་ཆབ་བྱིན་རླབས་བདུད་རྩིས་བྲན༔ རྣམ་རྟོག་འཁོར་བའི་བག་ཆགས་སྦྱངས༔ ཇི་སྲིད་འཁོར་བ་མ་སྟོང་བར༔ སངས་རྒྱས་ཞིང་ཁམས་ཐམས་ཅད་དུ༔ མཆོད་སྤྲིན་རྒྱུན་མི་འཆད་པ་རུ༔ སྤྲོ་བའི་རང་བཞིན་ཅན་དུ་དམིགས༔ ཨོཾ་ཨཱཿ ཧཱུྃ༔ སྣང་སྲིད་སྒྱུ་མར་བཀྲ་བའི་མིག་འཕྲུལ་ཅན༔ ངོ་བོ་སྐྱེ་བ་མེད་པའི་ངང་དུ་འདུས༔ སླར་ཡང་རང་བཞིན་སྒྱུ་མའི་ཆོ་རོལ་དུ༔ སྣ་ཚོགས་བཀྲ་བའི་དགའ་སྟོན་ཚོགས་སུ་ཤར༔ ཨོཾ་ཨཱཿཧཱུྃ༔ སྣང་སྟོང་སྦྱོར་བའི་བདེ་སྟོང་བདུད་རྩིའི་རྒྱུན༔ ཁྱབ་གདལ་ཡངས་པའི་དུང་ཆེན་སྣོད་དུ་བསྐྱིལ༔ འདོད་ཡོན་ལྷ་མོའི་གར་གྱི་རྣམ་འགྱུར་གྱིས༔ ལྷ་ཚོགས་དགྱེས་མཛད་མཆོད་སྤྲིན་རབ་ཏུ་གཏིབས༔ འོད་ཟེར་སྦུ་གུའི་ལྗགས་ཀྱིས འདྲེན་རོལ་ནས༔ བདེ་སྟོང་ཡེ་ཤེས་རོ་ཡིས་མཉེས་གྱུར་ཅིག༔ ཨོཾ་ཨཱཿཧཱུྃ༔ སྣང་བ་ཐབས་ཀྱི་རང་བཞིན་ཧེ་རུ་ཀ༔ སྟོང་པ་ཤེས་རབ་རང་བཞིན་ཡུམ་གྱི་ཚུལ༔ ཞལ་ཕྱག་མཚན་མ་ བྲལ་བའི་ཆོས་སྐུ་ལས༔ མཚན་མའི་རྟོག་པ་རྣམ་སྒྲོལ་གར་བསྒྱུར་བ༔ རྡོ་རྗེ་གཞོན་ནུ་ཡབ་ཡུམ་ཐུགས་དམ་བསྐང་༔ ཕུང་ཁམས་སྐྱེ་མཆེད་གནས་སུ་དག་པ་ལས༔ ཡེ་ཤེས་རྩལ་ཆེན་འབར་བའི་སྒྱུ་འཕྲུལ་གྱིས༔ འཁོར་བ་ཡོངས་སུ་སྒྲོལ་ཕྱིར་སྐུར་སྣང་བ༔ སྲས་མཆོག་ཀཱི་ལ་རིགས་བཞིའི་ཐུགས་དམ་བསྐང་༔ སྐྱེ་མེད་དབྱིངས་ལས་འགགས་མེད་རོལ་པའི་རྩལ༔ ཅིར་ཡང་མ་ངེས་སྣ་ཚོགས་བསྒྱུར་བའི་གར༔ ལོག་རྟོག་རཱུ་དྲ་འདུལ་བའི་སྟོབས་མངའ་བ༔ ཡེ་ཤེས་ཁྲོ་བཅུ་ཡབ་ཡུམ་ཐུགས་དམ་བསྐང་༔ སྐྱེ་མེད་ཆོས་སྐུ་ཀ་དག་ཀློང་ཆེན་ལས༔ མི་སྡུག་སྲིན་པོའི་དཔལ་ཟིལ་རབ་ངོམས་ཤིང་༔ ཕྲིན་ལས་རྣམ་བཞིའི་ཐབས་ཀྱིས་གདུག་པ་འདུལ༔ སྲས་འཁོར་བཀའ་སྡོད་ཡོངས་ཀྱི་ཐུགས་དམ་བསྐང་༔ བསྐང་དུ་མེད་དེ་སྐྱེ་མེད་དབྱིངས་སུ་བསྐང་༔ སྦྱོར་དུ་མེད་དེ་ཟུང་འཇུག་ཆེན་པོར་སྦྱོར༔ སྒྲོལ་དུ་མེད་དེ་མཉམ་ཉིད་རོ་གཅིག་ངང་༔ ཡེ་སྦྱོར་ཡེ་སྒྲོལ་ཆེན་པོའི་ཐུགས་དམ་བསྐང་༔ ཧོཿ མཆོག་གསུམ་སྐུ གསུམ་རྩ་གསུམ་རྒྱ་མཚོ་དང་༔ རིག་འཛིན་གྲུབ་ཐོབ་རྒྱལ་བ་རྒྱ་མཚོའི་ཚོགས༔ ཐུགས་རྗེ་བརྩེ་བ་ཆེན་པོས་དགྱེས་དགོངས་འཚལ༔ ནོངས་པ་འཆགས་སོ་མི་སྒྲིབ་ཚངས་པར་སྩོལ༔ ཐོ།༔ ན་མོ་གུ་རུ་བྷྱ༔ བདེ་གཤེགས་ཡོངས་རྫོགས་དགོངས་སུ་གསོལ༔ བདག་ནི་མ་རིག་དབང་གྱུར་ཏེ༔ རྒྱལ་བའི་བཀའ་དང་བླ་མའི་ལུང་༔ ཇི་བཞིན་མ་སྤྱད སློབ་དཔོན་སྨད༔ རྡོ་རྗེ་སློབ་དཔོན་མཆེད་ལྕམ་ལ༔ ལྟ་ལོག་ངན་སེམས་ངག་ཏུ་སྨྲས༔ བརྡེག་བཙོགས་གནོད་པ་དངོས་སུ་སྤྱད༔ ལྷ་དང་དཀྱིལ་འཁོར་ཉམས་མ་གསལ༔ འཛབ་བཟླས་མ་དག་ཟུར་ཆག་ཉམས༔ གསང་བར་འོས་དང་གཉེར་གཏད་སྨྲས༔ གསང་བཅུ་བསྒྲགས་ཤིང་བླ་མ་བསླུས༔ རྩ་བའི་དམ་ཉམས་མཐོལ་ཞིང་བཤགས༔ སྤྱད་པར་བྱ་བའི་དམ་ཚིག་ལྔ༔ ཤེས་བྱ་ལྔ་དང་བསྒྲུབ་བྱ་ལྔ༔ མི་སྤང་ལྔ་དང་དང་ལེན་ལྔ༔ ཡན་ལག་དམ་ཉམས་མཐོལ་ཞིང་བཤགས༔ བསྙེན་སྒྲུབ་ཏིང་འཛིན་དམ་གཡེལ་ཞིང་༔ ཉ་སྟོང་དུས་དྲུག་དུས་མཆོད་ཆག༔ ལེ་ལོ་གསོག་འཇོག་ཚོགས་སྤྱང་བྱས༔ ཕུད་ལྷག་ཉམས་ཤིང་ཁ་ཚར་ཤོར༔ ཚོར་དང་མ་ཚོར་རྐྱེན་དབང་གིས༔ སྒོ་གསུམ་བག་མེད་དམ་ཉམས་བཤགས༔ ཡིད་ཀྱི་དམ་ཉམས་ལྟ་བས་བཤགས༔ དེ་ཡང་ཀུན་གཞི་བྱང་ཆུབ་སེམས༔ ཡིན་པ་མེད་པས་ལྟ་བ་རྟོགས༔ མིན་པ་མེད་པས་དགོངས་ཉམས་ལོན༔ ཡིན་མིན་མེད་པའི་སྤྱོད་པ་རྟོགས༔ རེ་དོགས་མེད་པའི་བྱང་ཆུབ་སེམས༔ རྩ་བ་ཡན་ལག་དམ་ཚིག་ཀུན༔ ཆག་ཉམས་མ་བྱུང་མ་སྐྱེས་པ༔ བཤགས་བྱ་བཤགས་བྱེད་གཉིས་མེད་དུ༔ ཀ་དག་ཀློང་ཆེན་ཡངས་པར་གྲོལ༔ ས་མ་ཡ༔ རྒྱ་རྒྱ་རྒྱ༔ མ་འོངས་དུས་ཀྱི་གང་ཟག་རྣམས༔ བསྐང་བཤགས་འདི་ལ་རྟག་ཏུ་བརྩོན༔ ཚེ་འདིར་མཆོག་ཐུན་དངོས་གྲུབ་འགྲུབ༔ རྐྱེན་སྒྲིབ་ཉམས་ཆག་འདིས་གྲོལ་འགྱུར༔ མ་མོ་སྲིད་པའི་རྒྱལ་མོ་དང་༔ གནོད་སྦྱིན་ཤན་དམར་འཁོར་བཅས་ཀྱིས༔ དམ་ཉམས་ལྟ་ལོག་ཅན་ལ་གསང་རྒྱས་ཐོབ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ པདྨ་འོད་དུ་ཨ་ཐམ་རྒྱ༔ བརྡ་ཐིམ༔ ཞེས་པའང་སྔགས་པ་བདུད་འཇོམས་རྡོ་རྗེས་གཏེར་ནས་སྤྱན་དྲངས་ཏེ་དག་པར་ཕབ་པའི་ཡི་གེའི་རིས་བྱེད་ཕུན་ཚོགས་བཀྲ་ཤིས་སོ། །དགེའོ། །སརྦ་མངྒ་ལཾ།། ། TI1605 - 132 ཟབ་གསང་མཁའ་འགྲོའི་སྙིང་ཐིག་ལས༔ ཐུགས་སྒྲུབ་གསང་བའི་རྒྱ་ཅན་གྱི་སྐོར༔ དཔལ་ཆེན་རྡོ་རྗེ་གཞོན་ནུའི་བསྐུལ་བ་ཚངས་པའི་སྒྲ་དབྱངས་བཞུགས་སོ༔ TI1605 - 133 ཝྃ།༔ ན་མོ་གུ་རུ་དྷེ་ཝ་ཝེ༔ སྐ་ཨོཾ་དྷ།ཐཐ༔ ཕུར་པ་བསྒྲུབ་པའི་རིག་འཛིན་ལ༔ བསྐུལ་བ་ཚངས་པའི་སྒྲ་དབྱངས་གཅེས༔ དམར་གཏོར་ཁྲག་སྐྱེམས་བྲན་བྱས་ཏེ༔ ཧཱུྃ་ཧཱུྃ༔ གྲུ་གསུམ་མཐིང་ནག་འབར་བའི་དཀྱིལ་འཁོར་ནས༔ དཔལ་ཆེན་རྡོ་རྗེ་གཞོན་ནུ་སྐུ་བཞེངས་ཤིག༔ སྐྱེ་མེད་རྣམ་དག་ཆོས་ཀྱི་དབྱིངས་ཉིད་ལས༔ ཡུམ་མཆོག་འཁོར་ལོ་རྒྱས་འདེབས་སྐུ་བཞེངས་ཤིག༔ ཡེ་ཤེས་མེ་རི་འབར་བའི་ཀློང་དཀྱིལ་ནས༔ ཁྲོ་རྒྱལ་ཀཱི་ལ་རིགས་ལྔ་སྐུ་བཞེངས་ཤིག༔ གནམ་ལྕགས་འཁོར་ལོ་འབར་བའི་རྩིབས་སྟེང་ནས༔ ཡེ་ཤེས་ཁྲོ་བཅུ་ཡབ་ཡུམ་སྐུ་བཞེངས་ཤིག༔ TI1605 - 134 ༦ གཉིས་ཝྃ།༔ གྲུ་གསུམ་ཟླ་གམ་དམར་པོའི་ཨེ་སྟེང་ནས༔ སྲས་མཆོག་ཁྲ་ཐབས་ཉེར་གཅིག་སྐུ་བཞེངས་ཤིག༔ ཕྲིན་ལས་ལྷུན གྲུབ་ཕྱོགས་བཞིའི་སྒོ་བཞི་ནས༔ ཡེ་ཤེས་སྒོ་མ་རྣམ་བཞི་སྐུ་བཞེངས་ཤིག༔ བཀའ་དང་དམ་ཚིག་གཉན་པོའི་ཕོ་བྲང་ནས༔ ཕུར་སྲུང་དམ་ཅན་རྒྱ་མཚོ་སྐུ་བཞེངས་ཤིག༔ མ་གཡེལ་མ་གཡེལ་དམ་ཚིག་གཉན་གྱིས་བསྐུལ༔ ཤ་ཁྲག་དམར་གྱི་ཨརྒྷཾ་འདི་བཞེས་ལ༔ ནག་ཕྱོགས་རྗེ་བོ་དམག་འཁྲུགས་གཡུལ་འགྱེད་མཁན༔ སྡོང་ཟླ་བདུད་དམག་འགོང་ནག་དྲག་རྔམས་ཅན༔ མཐའ་ཁོབ་ཀླ་ཀློས་ཆོས་ཁྲིམས་འཇིག་ཆས་སོགས༔ Tl1605 - 135 སངས་རྒྱས་བསྟན་བཤིག་སྐྱེ་འགྲོའི་བདེ་བཅོམ་པའི༔ གཟུགས་ཅན་དགྲ་དང་གཟུགས་མེད་མི་མིན་ཚོགས༔ ལོངས་ཡོད་ལོ་ཟླར་འགྱངས་སུ་མ་ཤོར་བར༔ ནམ་མཁའི་གློག་ཞགས འཕེན་སྡུད་ལས་མྱུར་བར༔ སྲོག་གི་མེ་སོད་སྙིང་གི་ཁྲག་དྲོངས་ཤིག༔ རླུང་གི་རྒྱུ་འགྲུལ་གློ་བའི་མདོ་ནས་ཆོད༔ དཔུང་ཚོགས་སྔོན་རྒྱུག་རྗེས་འབྲངས་སྐྱོབ་གྲོགས་བཅས༔ ལྷ་ཡང་རུང་སྟེ་ཐལ་བའི་རྡུལ་དུ་རློག༔ དམ་ལས་མ་འདའ་བཛྲ་ས་མ་ཡ༔ དམ་ཚིག་དབང་གིས་མཐའ་དམག་དུས་འཁྲུགས་ཟློག༔ བདག་ཅག་སྐུ་རྗེ་བོད་ཀྱི་རྒྱལ་ཁམས་སུ༔ ལོ་ལེགས་འབྲུ་འཕེལ་སངས་རྒྱས་བསྟན་པ་དར༔ དགེ་ལེགས་ཡར་འཕེལ་འདོད་རྒུ་རབ་རྒྱས་ནས༔ འཁྲུགས་དང་འཐབ་དང་རྩོད་པ་མེད་པར་མཛོད༔ དམོད་བྱང་འཆི་བདག་ནག་པོའི་ཧུབ་སྒྲ་ནི༔ ཧོཿ དགོངས་སུ་གསོལ་ལོ༔ ཧོཿ དགོངས་སུ་གསོལ་ལོ༔ ཧོཿ དགོངས་སུ་གསོལ་ལོ༔ བཀའ་བརྒྱུད་རིག་འཛིན་བླ་མ༔ ཡི་དམ་རྒྱུད་སྡེའི་ལྷ་ཚོགས༔ མ་སྲིང་མཁའ་འགྲོ་རྒྱ མཚོ༔ བསྟན་སྲུང་དམ་ཅན་རྒྱ་མཚོའི་ཚོགས་མ་ལུས་པ་བདག་ལ་དགོངས་སུ་གསོལ་ལོ༔ ཁྱེད་རྣམས་ལ་ཐུགས་རྗེ་མཐུ་སྟོབས་ནུས་རྩལ་མངའ་འམ༔ མངའ་ཞེས་བདེན་པར་ངེས་སྲིད་ ཐོ།༔ དམ༔ སྲིད་ན་ད་དུས་འདི་ལ་ཐུགས་རྗེའི་ཤུགས་ཕྱུང་༔ མཐུ་དང་རྩལ་བསྐྱེད༔ ནུས་པའི་སྟོབས་བསྐྱེད༔ དམ་ཚིག་ལ་དགོངས་འཚལ་ལོ༔ དམ་ཚིག་དང་སྤྲུལ་པ་ཆེན་པོའི་དུས་ལ་བབ་བོ༔ ཕྲིན་ལས་སུ་བཅོལ་བ་ནི་ཉི་མ་ཕྱོགས་བཞི་མཚམས་བརྒྱད་སྟེང་འོག་ནས༔ སངས་རྒྱས་ཀྱི་བསྟན་པ་བཤིག་པའི་ལག་དམར༔ དཀོན་མཆོག་དབུ འཕང་སྨད་པའི་བསྟན་བཤིག༔ སྐྱེ་འགྲོའི་བདེ་བ་བཅོམ་པའི་བདུད་པོ༔ དམག་འཁྲུགས་གཡུལ་མཚོན་འགྱེད་པའི་སྡིག་རྗེ༔ ཡུལ་སྡེ་དགོན་གནས་འཇིག་པའི་ནག་ཕྱོགས༔ བསྟན་པའི་ཆོས་ཁྲིམས་བཤིག་པའི་རཱུ་དྲ༔ ཕྱོགས་བཞིའི་བདུད་སྤྲུལ་དམ་ལོག་གསང་སྔགས་རྡོ་རྗེ་ཐེག་པ་ལ་ལོག་པར་ལྟ་བ་དེ་དག་ཐམས་ཅད༔ དབང་ཕྱུག་ཆེན་པོའི་སྐྱབས་འོག་མན་ཆད༔ ཨ་བ་གླང་མགོའི་བཙོན་ར་ཡན་ཆད༔ འབྱུང་བ་ཟད་པའི་ཕ་མཐའ་ཚུན་ཆད་གང་ན་གནས་ཀྱང་༔ ལོ་དང་ཟླ་ཞག་ཏུ་མ་