Tibetan
ཡིས༔ སྣང་སྲིད་ལྷ་འདྲེ་དམ་བཏགས་མཛད༔ བར་དུ་རྒྱ་བལ་བོད་ཡུལ་དུ༔ སློབ་དཔོན་པདྨ་འབྱུང་གནས་ཀྱིས༔ བཀའ་ཡི་ལྷ་སྲིན་སྡེ་བརྒྱད་དང་༔ སྣང་ཞིང་སྲིད་པའི་ལྷ་འདྲེ་ཀུན༔ དམ་བཏགས་དབང་བསྐུར་གཉེར་གཏད་མཛད༔ ཐ་མ་རང་བཞིན་སྤྲུལ་པའི་ཞིང་༔ དོན་གྱི་འོག་མིན་ཆེན་པོ་རུ༔ དཔལ་ཆེན་པདྨ་ཐོད་ཕྲེང་གིས༔ འུབ་ཆུབ་རོལ་པའི་རྣལ་འབྱོར་ལ༔ སྙིང་ཐིག་གཉན་པོའི་དབང་གཏད་ཚེ༔ གཉིས་འཛིན་ལྷ་འདྲེ་སྡེ་བརྒྱད་ཀྱིས༔ འབངས་ཁས་བླངས་ཤིང་སྲོག་སྙིང་ཕུལ༔ ད་ལྟར་རྣལ་འབྱོར་བདག་ཅག་གིས༔ རང་སྣང་དག་པའི་གཞལ་ཡས་སུ༔ རིག་པ་སྐུ་གསུམ་དཀྱིལ་འཁོར་བསྒྲུབ༔ རྒྱུ་ནི་ཉོན་མོངས་གཉིས་འཛིན་བསྒྲལ༔ རྐྱེན་སྣང་ལྷ་འདྲེ་རང་གྲོལ་མཛད༔ དེ་ལྟར་དུས་གསུམ་རྒྱལ་བ་ཡིས༔ བཀའ་བསྒོས་དམ་བཞག་གཉེར་གཏད་པའི༔ བཀའ་སྲུང་སྡེ་བརྒྱད་ལྷ་འདྲེ་རྣམས༔ ཤ་ཁྲག་དམར་གྱི་གཏོར་མ་ལོངས༔ རྣལ་འབྱོར་སྒྲུབ་པའི་བར་ཆད་སོལ༔ ཕྲིན་ལས་གང་བརྩམ་ཐོགས་མེད་སྒྲུབས༔ སྦྱིན་བདག་བར་ཆད་རྐྱེན་བཟློག་ཅིག༔ ཆད་དོན་ ཛོཾ།༔ བཀའ་དང་དམ་ཚིག་གོ༔ མ་འདའ་བཛྲ་ས་མ་ཡ༔ དེ་ནས་བརྟན་མ་སྐྱོང་བ་ལ༔ ཆད་མདོ་བཤལ་ཆུའི་གཏོར་མ་བཤམས༔ ཧཱུྃ་ཛཿ དཔལ་ཆེན་པདྨ་ཐོད་ཕྲེང་གིས༔ བཀའ་བསྒོས་དམ་བཞག་དབང་བསྐུར་བའི༔ བརྟན་མ་ཆེན་མོ་བཅུ་གཉིས་དང་༔ སྨན་མོ་གཡོག་མོ་སྨན་སྡེ་འབུམ༔ མ་ལུས་སྐད་ཅིག་ཉིད་དུ་ནི༔ དམ་ཚིག་དབང་གིས་འདིར་གཤེགས་ཤིག༔ བཤལ་ཆུ་དམར་གྱི་གཏོར་མ་ལོངས༔ ཕྲིན་ལས་སྒྲུབ་ལ་རོགས་ལྡན་མཛོད༔ མཐའ་མི་དབུས་སུ་མ་བཏང་བར༔ བདུད་སྡེ་དཔུང་བཅས་བརླག་པར་མཛོད༔ བདག་ཅག་ཡོན་མཆོད་འཁོར་བཅས་ཀྱི༔ བསམ་དོན་ཡིད་བཞིན་འགྲུབ་པ་དང་༔ བར་ཆད་དགྲ་བགེགས་རྡུལ་དུ་རློག༔ དམ་ལས་མ་འདའ་ས་མ་ཡ༔ དེ་ནས་རྟ་བྲོ་བརྡུང་བ་ནི༔ ཧཱུྃ༔ ཉོན་མོངས་དུག་ལྔ་དུག་གསུམ་དང་༔ བརྒྱད་ཁྲི་བཞི་སྟོང་བདུད་བགེགས་གདོན༔ མ་ལུས་མཉམ་ཉིད་ཧོམ་དུ་བྲུབ༔ ཡེ་ཤེས་རོལ་པའི་བྲོ་རྒྱས་བཏབ༔ སྐུ་གསུམ་ལྷུན་གྲུབ་དལ་འོག་མནན༔ ནམ་ཡང་ལྡང་བར་མ་བྱེད་ཅིག༔ སྟྭཾ་བྷ་ཡ་ནན་ན་ཤ་ཡ་ནན༔ དམ་སྲི་རཱུ་དྲ་མཱ་ར་ཡ་རྦད་ནན༔ དེ་ནས་དངོས་གྲུབ་བླང་བ་ནི༔ ཧཱུྃ༔ དུས་གསུམ་སངས་རྒྱས་འདུས་པའི་དཔལ༔ TI1603 - 547 གསང་བདག་རྡོ་རྗེ་གཏུམ་པོ་ཡི༔ སྐུ་གསུང་ཐུགས་ཡོན་ཕྲིན་ལས་ཀྱི༔ དབང་དང་བྱིན་རླབས་དངོས་གྲུབ་གཏེར༔ མི་ཟད་རྒྱན་གྱི་འཁོར་ལོ་ཀུན༔ ད་ལྟ་ཉིད་དུ་བདག་ལ་སྩོལ༔ ཀཱ་ཡ་སིདྡྷི་ཨོཾ༔ ཝཱཀ་སིདྡྷི་ཨཱཿ ཙིཏྟ་སིདྡྷི་ཧཱུྃ༔ སརྦ་སིདྡྷི་ཧྲཱིཿ དེ་ནས་ཉམས་ཆག་བཤགས་པ་ནི༔ ཧོཿ བླ་མ་ཡི་དམ་མཁའ་འགྲོ་དང་༔ སྲུང་མ་དམ་ཅན་དགོངས་སུ་གསོལ༔ བདག་ཅག་རྣལ་འབྱོར་མཆེད་ལྕམ་གྱིས༔ སྒོ་གསུམ་མ་རིག་དབང་གྱུར་ཏེ༔ ཉམས་ཆག་འགལ་འཁྲུལ་ཉེས་ལྟུང་སྡིག༔ མི་འཆབ་མི་སྦེད་མཐོལ་ཞིང་བཤགས༔ ཚངས་པ་མཆོག་གི་དངོས་གྲུབ་སྩོལ༔ ཡི་གེ་བརྒྱ་པ་དབྱངས་གསལ་བརྗོད༔ དེ་ནས་བསྔོ་བ་བྱ་བ་ལ༔ ཧོཿ འདི་དང་དུས་གསུམ་དགེ་རྩ་ཀུན༔ བསྡུས་ཏེ་མ་གྱུར་འགྲོ་བ་རྣམས༔ རྣམ་མཁྱེན་རྫོགས་པའི་སངས་རྒྱས་ཀྱི༔ གོ་འཕང་མཆོག་ཏུ་འགོད་ཕྱིར་བསྔོ༔ དེ་ནས་སྨོན་ལམ་བཏབ་པ་ནི༔ ཧོཿ དཀོན་མཆོག་གསུམ་གྱི་མཐུ་སྟོབས་དང་༔ བདེན་པ་གཉིས་ཀྱི་བདེན་སྟོབས་ཀྱིས༔ སྒྲུབ་པའི་རྣལ འབྱོར་མཆེད་ལྕམ་དྲལ༔ སྐད་ཅིག་ཉིད་དུ་སངས་རྒྱས་ཤོག༔ དེ་ནས་བསྡུ་བའི་རིམ་པ་ནི༔ ཧོཿ སྣང་སྲིད་སྣོད་བཅུད་སྤྲུལ་པའི་ཞིང་༔ སྒྱུ་མའི་འཁྲུལ་འཁོར་ཞིག་པ་བཞིན༔ བདག་ཉིད་TI1603 - 548 ཛོཾ།༔ རྡོ་རྗེ་གཏུམ་པོར་བསྡུ༔ དེ་ཡང་ཡེ་ཤེས་སེམས་དཔའ་ཧཱུྃ༔ ཞབས་ཀྱུ་ཧ་དང་ཟླ་ཚེས་ལ༔ དེ་ནི་ཐིག་ལེར་ཆོས་དབྱིངས་ངང་༔ ཨ་ཨ་ཨཱཿ དེ་ནས་ཆད་མཐའ་བསལ་བ་ནི༔ ཧཱུྃ་ཧཱུྃ་ཧཱུྃ༔ སྐད་ཅིག་ཆོས་དབྱིངས་ཆེན་པོའི་ངང་༔ ཆུ་ལས་ཆུ་ལྦུར་རྡོལ་བ་བཞིན༔ དོན་གྱི་འོག་མིན་ཆེན་པོའི་མཁར༔ རིག་པ་རྡོ་རྗེ་གཏུམ་པོར་བཞེངས༔ ཕཊ་ཕཊ་ཕཊ༔ དེ་ནས་བཀྲ་ཤིས་བརྗོད་པ་ནི༔ ཨོཾ༔ ཀ་དག་ཁྱབ་བརྡལ་མཐའ་བྲལ་ཆོས་ཀྱི་སྐུ༔ ལྷུན་གྲུབ་མ་འགགས་བདེ་ཆེན་ལོངས་སྤྱོད་རྫོགས༔ ཐུགས་རྗེ་རང་གྲོལ་ཕྱོགས་མེད་སྤྲུལ་པའི་སྐུ༔ སྐུ་གསུམ་ཡོངས་རྫོགས་རྡོ་རྗེ་འཛིན་པའི་ངང་༔ གསང་སྔགས་ཡོངས་ཀྱི་ཁྱབ་བདག་ཆེན་པོ་ཡི༔ སྐུ་གསུང་ཐུགས་ཡོན་ཕྲིན་ལས་བཀྲ་ཤིས་གང་༔ དམ་པ་དེས་ཀྱང་དེང་འདིར་བདེ་ལེགས་ཤོག༔ ཨཱཿ བྱང་ཆུབ་ཆེན་པོ་གཞི་ཡི་བཀྲ་ཤིས་ཤོག༔ མ་བཅོས་ངང་གནས་ལམ་གྱི་བཀྲ་ཤིས་ཤོག༔ རང་ཀློང་རང་གྲོལ་འབྲས་བུའི་བཀྲ་ཤིས་ཤོག༔ ཧཱུྃ༔ འཁོར་འདས་འུབ་ཆུབ་ལྟ་བའི་བཀྲ་ཤིས་ཤོག༔ རང་བྱུང་ཡེ་ཤེས་སྒོམ་པའི་བཀྲ་ཤིས་ཤོག༔ མཉམ་ཉིད་རོལ་པ་སྤྱོད་པའི་བཀྲ་ཤིས་ཤོག༔ སེམས་སྣང་ངོ་བོར་སངས་པའི་ཀློང་ཆེན་དུ༔ ཁམས་གསུམ་འཁོར་བ་མཉམ་སྒྲོལ་བཀྲ་ཤིས་ཤོག༔ ས་མ་ཡ༔ མ་འོངས་དུས་ཀྱི་སྐལ་ལྡན་རྣམས༔ གསང་སྔགས་ཟབ་མོའི་སྒོར་ཞུགས་ཚེ༔ ཉམས་ཆག་རྟོག་སྒྲིབ་ཡོངས་བྱང་ནས༔ ཡང་དག་ལམ་དུ་འཛུད་པའི་ཕྱིར༔ འདི་ལ་རྟག་ཏུ་བརྩོན་པར་གྱིས༔ ཉམས་ཆག་མ་ལུས་ཀུན་བྱང་ནས༔ ཚོགས་རྫོགས་སྒྲིབ་པ་ཀུན་ཟད་དེ༔ བྱང་ཆུབ་ལམ་དུ་ཡང་དག་འཛུད༔ མི་བསླུ་ངེས་པ་པདྨའི་བཀའ༔ ཐེ་ཚོམ་ཡིད་གཉིས་མེད་པར་གྱིས༔ བཀའ་སྲུང་གནོད་སྦྱིན་དམར་ནག་དང་༔ དབང་ཕྱུག་མ་ཧཱ་དཱི་ཝས་སྲུངས༔ བཀའ་དང་ཐ་ཚིག་གཉན་པོའི་རྒྱ༔ ཁྲག་འཐུང་རྡོ་རྗེ་ཁྲོ་ལོད་ལ༔ སྤྲོད་ཅིག་བཛྲ་ས་མ་ཡ༔ ཆོས་བདག་སྐྱེས་བུའི་འདོད་དོན་སྒྲུབས༔ ལོག་པར་ལྟ་བའི་དབང་པོ་སྣུབས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ ཞེས་པ་འདི་ཡང་ཁྲག་འཐུང་རྡོ་རྗེ་ཁྲོ་ལོད་བདུད་འཇོམས་རོལ་པ་རྩལ་གྱིས་གསེར་སྨད་རྔ་ལ་སྟག་རྩེའི་གཡས་ལོགས་རྡོ་རྗེ་བྲག་ནས་གདན་དྲངས་ཏེ་མི་ལོ་བཅུ་དྲུག་བར་དུ་བཀའ་རྒྱས་བཏབ་སྟེ་མཐར་སློབ་མའི་མཆོག་གྱུར་བདེ་ཆེན་ཆོས་ཀྱི་རྡོ་རྗེས་བསྐུལ་ངོར་སྨར་མདོ་བཀྲ་ཤིས་དགའ་འཁྱིལ་དུ་ཤོག་སེར་ལས་ཞལ་བཤུས་ཏེ་དག་པར་ཕབ་པའི་ཡི་གེ་པ་ནི་ཡོངས་གྲུབ་རིག་པའི་རྡོ་རྗེའོ། །དགེའོ །དགེའོ དགེའོ།། ། མ #ཛོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ གསང་བདག་རྡོ་རྗེ་གཏུམ་པོའི་བསྐང་བ་ཚངས་པའི་སྒྲ་དབྱངས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཐ།གཥ༔ མ་འོངས་དུས་ཀྱི་སྐལ་ལྡན་རྣམས༔ གསང་སྔགས་ཟབ་མོའི་སྒོར་ཞུགས་ཚེ༔ ཉམས་ཆག་བསྐང་བའི་ཐབས་འདིར་བརྩོན༔ མོས་གུས་གདུང་བས་གསང་སྔགས་ཀྱི༔ བླ་མ་མཆོག་དེ་དྲན་བྱས་ནས༔ འདི་ཉིད་ཉམས་སུ་ལེན་པར་གྱིས༔ ལུས་དང་ལོངས་སྤྱོད་ཐམས་ཅད་ཀུན༔ བློ་ཡིས་བླངས་ཏེ་མཆོད་སྤྲིན་འབུལ༔ ཨོཾ་ཨཱཿ ༔ ཕྱི་སྣོད་འཇིག་རྟེན་ཡེ་ཤེས་ཀ་པཱ་ལར༔ སྲིད་པ་ཐམས་ཅད་ཡེ་ཤེས་བདུད་རྩིར་བཤམས༔ ཡེ་གཞི་ཆོས་དབྱིངས་མཐའ་བྲལ་བྷནྡྷ་རུ༔ སྣང་སེམས་རང་ཤར་མཆོད་པའི་མཆོག་ཏུ་བཤམས༔ བཤམས་པའི་དངོས་པོ་ཡེ་ཤེས་བདུད་རྩིར་བསྒྱུར༔ དབང་པོའི་ཡུལ་དུ་མཐུན་པའི་འདོད་ཡོན་འཇོ༔ གཅེས་པའི་མཆོག་གྱུར་ལུས་དང་དབང་པོ་བཀྲག༔ ལོངས་སྤྱོད་མི་ཟད་རྒྱན་གྱི་འཁོར་ལོའི་ཚོགས༔ དམ་ཚིག་ཉམས་ཆག་བསྐང་བའི་རྫས་སུ་འབུལ༔ ཨོཾ་ཨཱཿ ཧཱུྃ༔ ལན་གསུམ་བརྗོད༔ ཆོས་སྐུ་ཀུན་བཟང་ཡབ་ཡུམ་ལ་སོགས་པའི༔ ཆོས་སྐུའི་དཀྱིལ་འཁོར་ཡོངས་རྫོགས་ཐུགས་དམ་བསྐང་༔ ལོངས་སྐུ་རིགས་ལྔ་གངས་ཆེན་མཚོ་ལ་སོགས༔ ལོངས་སྐུའི་དཀྱིལ་འཁོར་ཡོངས་ཀྱི་ཐུགས་དམ བསྐང་༔ ཞིང་ལྔར་སྤྲུལ་པའི་སྟོན་པ་ལ་སོགས་པའི༔ སྤྲུལ་སྐུའི་དཀྱིལ་འཁོར་ཡོངས་ཀྱི་ཐུགས་དམ་བསྐང་༔ རྡོར་སེམས་གསང་བདག་དགའ་རབ་ལ་སོགས་པའི༔ རྒྱལ་བ་དགོངས་བརྒྱུད་བླ་མའི་ཐུགས་ཤྲཱི་སེང་པདྨ་ཀ་ར་ལ་སོགས་པའི༔ རིག་འཛིན་བརྡ་བརྒྱུད་བླ་མའི༴ མཚོ་རྒྱལ་ཁྲི་སྲོང་བཻ་རོ་འབྲོག་བན་སོགས༔ གང་ཟག་སྙན་བརྒྱུད་བླ་མའི གཏེར་གྱི་དབང་ཕྱུག་རྩ་བའི་བླ་མ་སོགས༔ ཤོག་སེར་ཚིག་བརྒྱུད་བླ་མའི། ཉམས་ཆག་རྟོག་སྒྲིབ་ཐམས་ཅད་མཐོལ་ལོ་བཤགས༔ དབང་དང་དངོས་གྲུབ་ཐམས་ཅད་སྩལ་དུ་གསོལ༔ ཁམས་གསུམ་འཁོར་བ་མྱང་འདས་ཐོབ་པར་ཤོག༔ ཧཱུྃ༔ རང་སྣང་དོན་གྱི་འོག་མིན་ཆེན་པོ་ནས༔ གསང་བདག་ཕྱག་ན་རྡོ་རྗེའི་ཐུགས་དམ་བསྐང་༔ ཡེ་ཤེས་རིགས་ལྔའི་གསང་ཆེན་དཀྱིལ་འཁོར་ནས༔ བཅོམ་ལྡན་ཁྲག་འཐུང་རིགས་ལྔའི༴ སྟེང་ཕྱོགས་ཡེ་ཤེས་མེ་འབར་དཀྱིལ་འཁོར་ནས༔ ཧཱུྃ་ཆེན་ཀཱ་ར་ཡབ་ཡུམ་ཤར་ཕྱོགས་ཞི་བ་ལྷུན་གྲུབ་དཀྱིལ་འཁོར་ནས༔ རྣམ་པར་རྒྱལ་བ་ཡབ་ཡུམ༴ ལྷོ་ཕྱོགས་རྒྱས་པ་ལྷུན་གྲུབ་དཀྱིལ་འཁོར་ནས༔ གཤིན་རྗེ་གཤེད་པོ་ཡབ་ཡུམ༴ ནུབ་ཕྱོགས་དབང་སྡུད་ལྷུན་གྲུབ་དཀྱིལ་འཁོར་ནས༔ རྟ་མགྲིན་རྒྱལ་པོ་ བསྐང་ཛོཾ།༔ ཡབ་ཡུམ་བྱང་ཕྱོགས་མངོན་སྤྱོད་ལྷུན་གྲུབ་དཀྱིལ་འཁོར་ནས༔ བདུད་རྩི་འཁྱིལ་བ་ཡབ་ཡུམཿ འོག་ཕྱོགས་ཆོས་དབྱིངས་ལྷུན་གྲུབ་དཀྱིལ་འཁོར་ནས༔ མ་ཧཱ་བ་ལ་ཡབ་ཡུམ༴ ཤར་ལྷོ་མེ་ལོང་ཡེ་ཤེས་དཀྱིལ་འཁོར་ནས༔ དབྱུག་པ་སྔོན་པོ་ཡབ་ཡུམ༴ ལྷོ་ནུབ་མཉམ་ཉིད་ཡེ་ཤེས་དཀྱིལ་འཁོར་ནས༔ མི་གཡོ་མགོན་པོ་ཡབ་ཡུམཿ ནུབ་བྱང་སོར་རྟོག་ཡེ་ཤེས་དཀྱིལ་འཁོར་ནས༔ འདོད་པའི་རྒྱལ་པོ་ཡབ་ཡུམ༴ བྱང་ཤར་བྱ་གྲུབ་ཡེ་ཤེས་དཀྱིལ་འཁོར་ནས༔ ཁམས་གསུམ་རྣམ་རྒྱལ་ཡབ་ཡུམ༴ གཏི་མུག་དུག་འཇོམས་སྨན་གྱི་སྡོང་པོ་ནས༔ ཡེ་ཤེས་བྱ་ཁྱུང་རྒྱལ་པོའི་ཐུགས་དམ་བསྐང་༔ སྒོ་བཞི་ཚད་མེད་རྣམ་བཞིའི་མཁའ་ཀློང་ནས༔ ཡེ་ཤེས་སྒོ་མ་བཞི་ཡིཿ ཁམས་གསུམ་དབང་སྡུད་དྲག་པོའི་དཀྱིལ་འཁོར་ནས༔ གནོད་སྦྱིན་ཤན་པ་དམར་ནག རིན་ཆེན་ཟངས་གསེར་འདྲེས་པའི་བྲག་རི་ནས༔ ལྷ་ཆེན་དབང་ཕྱུག་ཆེན་པོའིཿ བཀའ་དང་དམ་ཚིག་གཉན་པོའི་གཞལ་ཡས ནས༔ བཀའ་སྲུང་དམ་ཅན་རྒྱ་མཚོའི༔ བླ་མ་ཡི་དམ་མཁའ་འགྲོ་དང་༔ བཀའ་སྲུང་དམ་ཅན་རྒྱ་མཚོ་ཡི༔ སྐུ་གསུང་ཐུགས་ཡོན་ཕྲིན་ལས་ལ༔ འགལ་བའི་ཉེས་བྱས་ཉམས་ཆག དང་༔ རྟོག་སྒྲིབ་བག་ཆགས་ཐམས་ཅད་ཀུན༔ མི་གསང་མི་སྦེད་མཐོལ་ལོ་བཤགས༔ དག་ཚངས་མཆོག་གི་དངོས་གྲུབ་སྩོལ༔ ཨོཾ་བཛྲ་སཏྭ་ས་མ་ཡ་སོགས་ཡི་གེ་བརྒྱ་པ་བརྗོད༔ དེས་ནི་ཉམས་ཆག་སྡིག་སྒྲིབ་ཀུན༔ དག་ནས་མཆོག་གི་དངོས་གྲུབ་ཐོབ༔ བཀའ་སྲུང་གནོད་སྦྱིན་ཆེན་པོས་སྲུངས༔ བཀའ་དང་དམ་ཚིག་གཉན་པོའི་རྒྱ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཆོས་ཀྱི་རྡོ་རྗེས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཤོག་སེར་ལས་ཞལ་བཤུས་ཏེ་དག་པར་ཕབ་པའི་ཡི་གེ་པ་ནི་ཡོངས་གྲུབ་རིག་པའི་རྡོ་རྗེའོ། །དགེའོ། །དགེའོ། །དགེའོ།། །། ཿམ་TI1603 - 554 ཛོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ གསང་བདག་ཕྱག་ན་རྡོ་རྗེའི་རྩ་སྒྲུབ་ཆོས་ཉིད་སྤྲིན་ཕུང་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ །རྴ།༔ གསང་བདག་ཕྱག་ན་རྡོ་རྗེ་ཡི༔ གསང་གསུམ་རྡོ་རྗེའི་ལྷུམས་འཇུག་པའི༔ ཐབས་འདི་པདྨ་ཐོད་ཕྲེང་ངས༔ མ་འོངས་བརྒྱུད་འཛིན་རྗེས་བཟུང་ཕྱིར༔ བཀོད་དེ་སྲ་བའི་སྒྲོམ་དུ་བཙུད༔ རྡོ་རྗེ་བྲག་གི་ལྷུམས་སུ་སྦྲས༔ ཉམས་སུ་ལོངས་དང་ཕྱི་རབས་རྣམས༔ སྒོམ་བཟླས་གནད་དང་ལྡན་གྱུར་ན༔ རྣམ་སྨིན་རིག་འཛིན་ཉེར་འཐོབ་འགྱུར༔ ས་མ་ཡ༔ ཧཱུྃ་ཧཱུྃ་ཧཱུྃ༔ རང་སྣང་བདེ་ཆེན་འོག་མིན་གནས༔ མེ་རི་འབར་བའི་དུར་ཁྲོད་དབུས༔ དྲག་པོའི་གཞལ་ཡས་ཡངས་པའི་ནང་༔ རིག་པ་ཧཱུྃ་མཐིང་འཕྲོ་འདུ་ལས༔ པདྨ་ཉི་མའི་གདན་སྟེང་དུ༔ གཟའ་ཀླུ་སྡེ་བརྒྱད་བསྣོལ་བའི་སྟེང་༔ རང་ཉིད་སྐད་ཅིག་དྲན་རྫོགས་སུ༔ གསང་བདག་རྡོ་རྗེ་གཏུམ་པོའི་སྐུ༔ ཞལ་གཅིག་ཕྱག་གཉིས་སྐུ་མདོག་མཐིང་༔ ཞལ་གདངས་ལྗགས་འདྲིལ་མཆེ་བ་གཙིགས༔ ཕྱག་གཡས་གནམ་ལྕགས་རྡོ་རྗེ་གསོར༔ གཡོན་པས་སྡིགས་མཛུབ་སྦྲུལ་ཞགས་བསྣམས༔ ཞབས་གཉིས་གྱད་ཀྱི་འདོར་སྟབས་བགྲད༔ སྤྱན་གསུམ་སྡང་མིག་མཁའ་ལ་གཟིགས༔ དབུ་སྐྲ་དམར་སེར་སྲིད་རྩེར་བརྫེས༔ ཐོད་སྐམ་ལྔ་ཡིས་དབུ་ལ་བརྒྱན༔ ཐོད་རློན་ཕྲེང་བས་དོ་ ཤལ་མཛད༔ སྦྲུལ་རིགས་ལྔ་ཡིས་ཡན་ལག་བརྒྱན༔ གླང་ཆེན་མི་ལྤགས་སྟོད་གཡོགས་དང་༔ སྟག་ཤམ་སྦྲུལ་ཆུན་ཐལ་ཚོམ་དང་༔ ཁྲག་ཐིག་ཞག་གི་ཟོ་རིས་བརྒྱན༔ ཡེ་ཤེས་མེ་དཔུང་འབར་བའི་ཀློང་༔ རང་བྱུང་ལྷུན་གྲུབ་ཆེན་པོར་བསྒོམ༔ དབུ་གཙུག་བླ་མ་རྡོ་རྗེ་སེམས༔ དཀར་གསལ་ལོངས་སྤྱོད་རྫོགས་པའི་ཆས༔ ཕྱག་གཉིས་རྡོ་རྗེ་དྲིལ་བུ་བསྣམས༔ ཡེ་ཤེས་འཇའ་ཐིག་ཀློང་དུ་གསལ༔ བདག་ཉིད་དྲག་པོའི་གནས་ལྔ་རུ༔ ཁྲག་འཐུང་རིགས་ལྔའི་དཀྱིལ་འཁོར་རྫོགས༔ གཞི་དབྱིངས་ཀ་དག་ཆོས་སྐུའི་མཁར༔ ལྷུན་གྲུབ་བདེ་ཆེན་ལོངས་སྤྱོད་རྫོགས༔ མ་ལུས་རང་སྣང་ལས་འཕོས་ཏེ༔ སྣང་བ་སྐུ་དང་ཡེ་ཤེས་ཀྱི༔ རང་བཞིན་ཉིད་དུ་རྫོགས་སངས་རྒྱས༔ ས་མ་ཡ༔ སྤྱི་བོ་མགྲིན་པ་སྙིང་ཁ་རུ༔ ཨོཾ་དཀར་ཨཱཿདམར་ཧཱུྃ་མཐིང་གསལ༔ རྒྱལ་བ་རྒྱ་མཚོའི་གསང་བ་གསུམ༔ རང་བྱུང་ལྷུན་གྲུབ་ངང་རྫོགས་བསམ༔ ས་མ་ཡ༔ རང་ཉིད་གསང་བའི་བདག་པོ་ཡི༔ ཐུགས་ཀར་པདྨ་ཉི་མའི་སྟེང་༔ ཡེ་ཤེས་སེམས་དཔའ་རང་འདྲ་བའི༔ སྙིང་དབུས་ཉི་སྟེང་རྡོ་རྗེའི་ལྟེར༔ ཧཱུྃ་ལ་སྔགས་ཀྱི་ཕྲེང་བས་བསྐོར༔ སྣང་བ་ལྷ་དང་གཞལ་ཡས་ཁང་༔ སྒྲ་གྲགས་དག་པ་སྔགས་ཀྱི་ མ ཛོཾ།༔ སྒྲ༔ དྲན་རྟོག་ཆོས་ཉིད་རོལ་པའི་ངང་༔ ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ༔ སྒོམ་བཟླས་གནད་དང་ལྡན་པའི་ངང་༔ འབུམ་ཕྲག་བརྒྱ་ཡི་གྲངས་རྫོགས་ན༔ རྣམ་པར་སྨིན་པའི་རིག་འཛིན་འཐོབ༔ ཐེ་ཚོམ་མེད་དོ་པདྨའི་བཀའ༔ ཉམས་སུ་ལོངས་ཤིག་སྐལ་ལྡན་རྣམས༔ བཀའ་སྲུང་གནོད་སྦྱིན་ཆེན་པོས་སྲུངས༔ བཀའ་དང་དམ་ཚིག་གཉན་པོའི་རྒྱ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཨྠི༔ ཞེས་པ་འདི་ཡང་འོད་གསལ་རྫོགས་པ་ཆེན་པོ་འཁོར་འདས་འུབ་ཆུབ་རོལ་པའི་རྣལ་འབྱོར་པ་བདུད་འཇོམས་རྡོ་རྗེས་གཏེར་ནས་བཏོན་ཏེ་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ། །དགེའོ། །དགེའོ།། །། 3 གཉིས་སོ། 554 TI1603 - 557 TI1603 - 557 T11603 - 558 ཛོཾ༔ ཟབ་གསང་མཁའ་འགྲོའི་སྙིང་ཐིག་ལས༔ གསང་བདག་ཕྱག་ན་རྡོ་རྗེའི་དྲག་བསྐུལ་རྡོ་རྗེའི་ཐོག་མདའ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ག་གྟ།ཧཱུཾ༔ དྲག་བསྐུལ་རྡོ་རྗེའི་ཐོག་མདའ་འདི༔ ལག་ཏུ་ལེན་པའི་རིམ་པ་ནི༔ ཤ་ཁྲག་དམར་གཏོར་བཤམས་ནས་སུ༔ རང་ཉིད་ལྷ་ཡི་ང་རྒྱལ་གྱིས༔ དབྱིངས་བཞུགས་ཡེ་ཤེས་ལྷ་རྣམས་ཀུན༔ ཆོས་ཀྱི་དབྱིངས་ནས་གཟུགས་ཀྱི་སྐུར༔ བཞེངས་ཏེ་སྣང་སྲིད་ཡོངས་ཁེང་ནས༔ མངོན་སྤྱོད་ལས་ལ་བརྩོན་པར་བསྒོམ༔ རིག་པའི་ངར་བསྐྱེད་འདི་སྐད་དོ༔ ཧཱུྃ་ཧཱུྃ་ཧཱུྃ༔ བརྡལ་ཁྱབ་ཆོས་དབྱིངས་ཡངས་པའི་མཁའ་ཀློང་དུ༔ ཡེ་ཤེས་མེ་རི་འབར་བའི་ཞིང་ཁམས་སུ༔ མཐིང་ནག་གྲུ གསུམ་དྲག་པོའི་དཀྱིལ་འཁོར་ནས༔ དུས་གསུམ་རྒྱལ་བ་མ་ལུས་ཐམས་ཅད་ཀྱི༔ ཐུགས་ཀྱི་བདག་ཉིད་གསང་བདག་རྡོ་རྗེ་འཆང་༔ རྒྱུད་སྡེ་རྒྱ་མཚོའི་དཀྱིལ་འཁོར་ལྷ་ཚོགས་བཅས༔ ཐུགས་དམ་གནད་ནས་བསྐུལ་ལོ་དབྱིངས་ནས་བཞེངས༔ དྲག་པོའི་ཕྲིན་ལས་མཛད་པའི་དུས་ལ་བབ༔ ཛཿ སྟེང་གི་ལྷ་གདོན་ཟིལ་གནོན་ཁྲོ་བོའི་རྒྱལ༔ _UNK་ཆེན་ཀཱ་ར་ཡབ་ཡུམ་སྐུ་བཞེངས་ཤིག༔ ཁྱེད་ཀྱི་ཐུགས་དམ་གཉན་པོ་གནད་ནས་བསྐུལ༔ མངོན་སྤྱོད་དྲག་པོའི་ཕྲིན་ལས་དུས་ལ་བབ༔ ཛཿ ཤར་ཕྱོགས་དྲི་ཟ་ཟིལ་གནོན་ཁྲོ་བོའི་རྒྱལ༔ རྣམ་པར་རྒྱལ་བ་ ཡབ་ཡུམ་སྐུ་བཞེངས་ཤིག༔ ཁྱེད་ཀྱི་ཐུགས་དམ་གཉན་པོ་གནད་ནས་བསྐུལ༔ མངོན་སྤྱོད་དྲག་པོའི་ཕྲིན་ལས་དུས་ལ་བབ༔ ཛཿ ལྷོ་ཕྱོགས་གཤིན་རྗེ་ཟིལ་གནོན་ཁྲོ་བོའི་རྒྱལ༔ གཤིན་རྗེ་གཤེད་པོ་ཡབ་ཡུམ་སྐུ་བཞེངས་ཤིག༔ ཁྱེད་ཀྱི་ཐུགས་དམ་གཉན་པོ་གནད་ནས་བསྐུལ༔ མངོན་སྤྱོད་དྲག་པོའི་ཕྲིན་ལས་དུས་ལ་བབ༔ ཛཿ ནུབ་ཕྱོགས་ཀླུ་གཉན་ཟིལ་གནོན ཁྲོ་བོའི་རྒྱལ༔ རྟ་མགྲིན་རྒྱལ་པོ་ཡབ་ཡུམ་སྐུ་བཞེངས་ཤིག༔ ཁྱེད་ཀྱི་ཐུགས་དམ་གཉན་པོ་གནད་ནས་བསྐུལ༔ མངོན་སྤྱོད་དྲག་པོའི་ཕྲིན་ལས་དུས་ལ་བབ༔ ཛཿ བྱང་ཕྱོགས་གནོད་སྦྱིན་ཟིལ་གནོན་ཁྲོ་བོའི་རྒྱལ༔ བདུད་རྩི་འཁྱིལ་བ་ཡབ་ཡུམ་སྐུ་བཞེངས་ཤིག༔ ཁྱེད་ཀྱི་ཐུགས་དམ་གཉན་པོ་གནད་ནས་བསྐུལ༔ མངོན་སྤྱོད་དྲག་པོའི་ཕྲིན་ལས་དུས་ལ་བབ༔ ཛཿ ཤར་ལྷོ་མེ་ལྷ་ཟིལ་གནོན་ཁྲོ་བོའི་རྒྱལ༔ དབྱུག་པ་སྔོན་པོ་ཡབ་ཡུམ་སྐུ་བཞེངས་ཤིག༔ ཁྱེད་ཀྱི་ཐུགས་དམ་གཉན་པོ་གནད་ནས་བསྐུལ༔ མངོན་སྤྱོད་དྲག་པོའི་ཕྲིན་ལས་དུས་ལ་བབ༔ ཛཿ ལྷོ་ནུབ་སྲིན་པོ་ཟིལ་གནོན་ཁྲོ་བོའི་རྒྱལ༔ མི་གཡོ་མགོན་པོ་ཡབ་ཡུམ་སྐུ་བཞེངས་ཤིག༔ ཁྱེད་ཀྱི་ཐུགས་དམ་གཉན་པོ་གནད་ནས་བསྐུལ༔ མངོན་སྤྱོད་དྲག་པོའི་ཕྲིན་ལས་དུས་ལ་ ཛོཾ།༔ བབ༔ ཛཿ ནུབ་བྱང་རླུང་ལྷ་ཟིལ་གནོན་ཁྲོ་བོའི་རྒྱལ༔ འདོད་པའི་རྒྱལ་པོ་ཡབ་ཡུམ་སྐུ་བཞེངས་ཤིག༔ ཁྱེད་ཀྱི་ཐུགས་དམ་གཉན་པོ་གནད་ནས་བསྐུལ༔ མངོན་སྤྱོད་དྲག་པོའི་ཕྲིན་ལས་དུས་ལ་བབ༔ ཛཿ བྱང་ཤར་དབང་ལྡན་ཟིལ་གནོན་ཁྲོ་བོའི་རྒྱལ༔ ཁམས་གསུམ་རྣམ་རྒྱལ་ཡབ་ཡུམ་སྐུ་བཞེངས་ཤིག༔ ཁྱེད་ཀྱི་ཐུགས་དམ་གཉན་པོ་གནད་ནས་བསྐུལ༔ མངོན་སྤྱོད་དྲག་པོའི་ཕྲིན་ལས་དུས་ལ་བབ༔ ཛཿ འོག་ཕྱོགས་ས་བདག་ཟིལ་གནོན་ཁྲོ་བོའི་རྒྱལ༔ མ་ཧཱ་བཱ་ལ་ཡབ་ཡུམ་སྐུ་བཞེངས་ཤིག༔ ཁྱེད་ཀྱི་ཐུགས་དམ་གཉན་པོ་གནད་ནས་བསྐུལ༔ མངོན་སྤྱོད་དྲག་པོའི་ཕྲིན་ལས་དུས་ལ་བབ༔ ཛཿ བར་སྣང་སྡེ་བརྒྱད་ཟིལ་གནོན་ཁྲོ་བོའི་རྒྱལ༔ ཡེ་ཤེས་བྱ་ཁྱུང་རིགས་ལྔ་སྐུ་བཞེངས་ཤིག༔ ཁྱེད་ཀྱི་ཐུགས་དམ་གཉན་པོ་གནད་ནས་བསྐུལ༔ མངོན་སྤྱོད་དྲག་པོའི་ཕྲིན་ལས་དུས་ལ་བབ༔ ཛཿ ཉོན་མོངས་རྒྱུ་རྐྱེན་དབྱིངས་སྒྲོལ་ཁྲོ་བོའི་རྒྱལ༔ ཁྲག་འཐུང་རིགས་ལྔ་ཡབ་ཡུམ་སྐུ བཞེངས་ཤིག༔ ཁྱེད་ཀྱི་ཐུགས་དམ་གཉན་པོ་གནས་ནས་བསྐུལ༔ མངོན་སྤྱོད་དྲག་པོའི་ཕྲིན་ལས་དུས་ལ་བབ༔ ཛཿ གནས་ཡུལ་ཉེར་བཞི་དུར་ཁྲོད་བརྒྱད་སོགས་ནས༔ དཔའ་བོ་ མཁའ་འགྲོ་བཀའ་སྲུང་དམ་ཚིག་ཅན༔ བསྐུལ་ལོ་བསྐུལ་ལོ་ཐུགས་དམ་གནད་ནས་བསྐུལ༔ དྲག་པོ་མངོན་སྤྱོད་ལས་ལ་ད་ཆོས་ཞིག༔ དགོངས་སུ་གསོལ་ལོ་རྩ་གསུམ་སྲུང་མའི་ཚོགས༔ ད་ལྟ་དུས་ངན་སྙིགས་མའི་མར་གཤམ་འདིར༔ སེམས་ཅན་བསོད་ནམས་དམན་པའི་ལས་དབང་གིས༔ ནད་མུག་མཚོན་འཁྲུགས་སྣ་ཚོགས་རླུང་ལྟར་འཚུབས༔ མཐའ་འཁོབ་ཀླ་ཀློས་བསྟན་པའི་ཆོས་ཁྲིམས་བཤིགས༔ དམ་ལོག་སློབ་མས་རྡོ་རྗེ་སློབ་དཔོན་བསླུས༔ ནག་ཕྱོགས་བདུད་སྡེས་སྐྱེ་འགྲོའི་ཤེས་རྒྱུད་བསླུས༔ བསྟན་འཛིན་སྐྱེས་བུ་རྣམས་ལ་བར་ཆད་བརྩམས༔ རྣལ་འབྱོར་སྒྲུབ་པ་པོ་ཡི་བདུད་དུ་བབ༔ ངེས་མེད་འགྲིམ་པའི་རྣལ་འབྱོར་ཟོག་པོར་གྱེར༔ བསླུ་མཁན་ཟོག་པོ་སྤྱི་བོའི་གཙུག་ཏུ་ཁུར༔ དེ་འདྲའི་ལས་ངན་སྐལ་པ་ངན་པ་ལ༔ ལྷ་དང་སྲུང་མ་རྣམས་ཀྱིས་མ་གཟིགས་སམ༔ རྩེ་གཅིག་རེ་ལྟོས་བགྱིས་པའི་རྣལ་འབྱོར་བདག༔ བསླུའམ་མི་བསླུ་སྐྱབས་གནས་དཀོན་མཆོག་གསུམ༔ བདག་