Tibetan
རྡོ་རྗེ་ཡི༔ སྐུ་ཡི་ངོ་བོ་ཡོངས་རྫོགས་དཔལ༔ སངས་རྒྱས་ཁྲག་འཐུང་ཆེན་པོ་ཡི༔ ཆོས་དབྱིངས་ཡེ་ཤེས་དབང་ཐོབ་ཤོག༔ རྩ་སྔགས་ཀཱ་ཡ་ཨ་བྷི་ཥིཉྩ་ཨོ༔ རྡོ་རྗེ་ཁྲག་འཐུང་གཏད་ལ༔ ཧཱུྃ༔ ཛོཾ།།༔ གསང་བདག་ཕྱག་ན་རྡོ་རྗེ་ཡི༔ ཐུགས་ཀྱི་ངོ་བོ་ཡོངས་རྫོགས་དཔལ༔ རྡོ་རྗེ་ཁྲག་འཐུང་ཆེན་པོ་ཡི༔ མེ་ལོང་ཡེ་ཤེས་དབང་ཐོབ་ཤོག༔ རྩ་སྔགས་ཀཱ་ཡ་ཨ་བྷི་ཥིཉྩ་ཨོཾ༔ རིན་ཆེན་ཁྲག་འཐུང་གཏད་ལ༔ ཧཱུྃ༔ གསང་བདག་ཕྱག་ན་རྡོ་རྗེ་ཡི༔ ཡོན་ཏན་ངོ་བོ་ཡོངས་རྫོགས་དཔལ༔ རཏྣ་ཁྲག་འཐུང་ཆེན་པོ་ཡི༔ མཉམ་ཉིད་ཡེ་ཤེས་དབང་ཐོབ་ཤོག༔ རྩ་སྔགས་ཀཱ་ཡ་ཨ་བྷི་ཥིཉྩ་ཨོཾ༔ པདྨ་ཁྲག་འཐུང་གཏད་ལ༔ ཧཱུྃ༔ གསང་བདག་ཕྱག་ན་རྡོ་རྗེ་ཡི༔ གསུང་གི་ངོ་བོ་ཡོངས་རྫོགས་དཔལ༔ ཁྲོ་ཆེན་པདྨ་དྲག་པོ་ཡི༔ སོར་རྟོག་ཡེ་ཤེས་དབང་ཐོབ་ཤོག༔ རྩ་སྔགས་ཀཱ་ཡ་ཨ་བྷི་ཥིཉྩ་ཨོཾ༔ ཀརྨ་ཁྲག་འཐུང་གཏད་ལ༔ ཧཱུྃ༔ གསང་བདག་ཕྱག་ན་རྡོ་རྗེ་ཡི༔ ཕྲིན་ལས་ངོ་བོ་ཡོངས་རྫོགས་དཔལ༔ ཁྲོ་ཆེན་ཀརྨ་ཧེ་རུ་ཀའི༔ བྱ་གྲུབ་ཡེ་ཤེས་དབང་ཐོབ་ཤོག༔ རྩ་སྔགས་ཀརྨ་ཀྲོ་ངྷ་ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་ཧཱུྃ་བཅུ་ཐོགས་ལ༔ ཧཱུྃ༔ གསང་བདག་ཕྱག་ན་རྡོ་རྗེ་ཡི༔ ཕྲིན་ལས་ལས་ཀྱི་ཕོ་ཉ་བ༔ ཡེ་ཤེས་ཁྲོ་བོ་ཆེན་པོ་བཅུ༔ ཆགས་བྲལ་ཡི་གེ་ཧཱུྃ་དུ་ཤར༔ སྐལ་ལྡན་བུ་ལ་དབང་བསྐུར་རོ༔ འཁོར་བ་ཡོངས་སྒྲོལ་དབང་ཐོབ་ཤོག༔ རྩ་སྔགས་ཧཱུྃ་ཧཱུྃ་ཧཱུྃ༔ ཧཱུྃ་ཧཱུྃ་ཧཱུྃ༔ ཧཱུྃ་ཧཱུྃ་ཧཱུྃ༔ ཧཱུྃ༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་ཛཿ ཧཱུྃ་བྃ་ཧོཿ ཐོགས་ལ༔ ཧཱུྃ༔ གསང་བདག་ཕྱག་ན་རྡོ་རྗེ་ཡི༔ ཚད་མེད་ཕྲིན་ལས་རང་གཟུགས་ཤར༔ ཡེ་ཤེས་སྒོ་མ་ཆེན་མོ་བཞི༔ ཆགས་བྲལ་ཡི་གེ་བཞི རུ་ཤར༔ སྐལ་ལྡན་བུ་ལ་དབང་བསྐུར་རོ༔ ཕྲིན་ལས་ཐོགས་མེད་དབང་ཐོབ་ཤོག༔ རྩ་སྔགས་ཛཿ ཧཱུྃ་བྃ་ཧོཿ ཀཱ་ཡ་ཨ་བྷི་ཥིཉྩ་ཨོཾ༔ ཞེས་རྫོགས་སོ༔ ས་མ་ཡ༔ རྒྱ་རྒྱ་རྒྱ༔ དེ་ནས་གསང་དབང་ཟབ་མོ་ནི༔ དང་པོ་ཐོད་པ་བདུད་རྩི་ཐོགས་ལ༔ ཧཱུྃ༔ མཉམ་པ་ཉིད་ཀྱི་བྷནྡྷ་རུ༔ རྒྱལ་བ་རྒྱ་མཚོ་སྤྱི་དང་ནི༔ ཁྱད་པར་གསང་བའི་བདག་པོ་ཡི༔ གསུང་གི་བཅུད་འདུས་བདུད་རྩི་འཁྱིལ༔ སྐལ་ལྡན་ཁྱོད་ཀྱི་ངག་ཏུ་བླུད༔ གསང་དབང་ཡོངས་སུ་རྫོགས་ཐོབ་ཤོག༔ རྩ་སྔགས་ཝཱཀ་ཨ་བྷི་ཥིཉྩ་ཨཱཿ དེ་ནས་རྩ་སྔགས་ཐོགས་ལ༔ ཧཱུྃ༔ དུས་གསུམ་སངས་རྒྱས་ཐམས་ཅད་ཀྱི༔ ཐུགས་ཀྱི་ཡང་སྙིང་རྩ་བའི་སྔགས༔ སྐལ་ལྡན་ཁྱོད་ལ་དབང་བསྐུར་རོ༔ བཟླས་པ་སྔགས་ཀྱི་དབང་ཐོབ་ཤོག༔ རྩ་སྔགས་ཝཱཀ་ཨ་བྷི་ཥིཉྩ་ཨཱཿ དེ་ནས་ཕྲེང་བ་ཐོགས་ལ༔ ཧཱུྃ༔ ཆོས་ཕུང་ཡོངས་རྫོགས་རིན་ཆེན་ཕྲེང་༔ སྐལ་ལྡན་ཁྱོད་ལ་གཏད་པ་ཡིས༔ གསང་སྔགས་རིག་སྔགས་གཟུངས་སྔགས་དང་༔ སྙིང་པོ་སྔགས་ཀྱི་དབང་ཐོབ་ཤོག༔ རྩ་སྔགས་ཝཱཀ་ཨ་བྷི་ ཛོཾ༔ ཥིཉྩ་ཨཱཿ ཞེས་རྫོགས་སོ༔ ས་མ་ཡ༔ རྒྱ་རྒྱ་རྒྱ༔ དེ་ནས་ཤེར་དབང་བསྐུར་བ་ནི༔ གནམ་ལྕགས་རྡོ་རྗེ་ཧཱུྃ་གིས་མཚན་པ་ཅན་གཏད་ལ༔ ཧཱུྃ༔ དུས་གསུམ་སངས་རྒྱས་ཐམས་ཅད་ཀྱི༔ ཐུགས་ཀྱི་ངོ་བོ་རྡོ་རྗེའི་དབང་༔ སྐལ་ལྡན་ཁྱོད་ལ་བསྐུར་བ་ཡིས༔ ཤེས་རབ་ཡེ་ཤེས་དབང་ཐོབ་ཤོག༔ རྩ་སྔགས་ཙིཏྟ་ཨ་བྷི་ཥིཉྩ་ཧཱུྃ༔ དེ་ནས་སྦྲུལ་ཞགས་གཏད་ལ༔ ཧཱུྃ༔ གསང་སྔགས་བདག་པོ་རྡོ་རྗེ་ཅན༔ དྲག་པོ་ཆེན་པོའི་དྲག་ཤུལ་གྱིས༔ སྐལ་ལྡན་བུ་ལ་དབང་བསྐུར་རོ༔ ཉོན་མོངས་བརྒྱད་ཁྲི་གཞོམ་པར་ཤོག༔ རྩ་སྔགས་ཙིཏྟ་ཨ་བྷི་ཥིཉྩ་ཧཱུྃ༔ ཐུན་རྫས་ཐོགས་ལ༔ ཧཱུྃ༔ འཇིགས་པའི་ཧཱུྃ་སྒྲ་ངེས་སྒྲོགས་ཤིང་༔ བགེགས་རྣམས་མ་ལུས་འཇོམས་མཛད་པའི༔ དྲག་པོ་ཆེན་པོའི་མཐུ་རྩལ་གྱིས༔ སྐལ་ལྡན་བུ་ལ་དབང་བསྐུར་རོ༔ དགྲ་བགེགས་ཡོངས་སྒྲོལ་མཐུ་ཐོབ་ཤོག༔ རྩ་སྔགས་ཙིཏྟ་ཨ་བྷི་ཥིཉྩ་ཧཱུྃ༔ དེ་ནས་དྲག་པོའི་མེ་ཧོམ་ཐོགས་ལ༔ ཧཱུྃ༔ རང་རྩལ་ལྷུན་གྲུབ་ཧེ་རུ་ཀའི༔ མཉམ་ཉིད་ཞལ་གྱི་ཧོམ་ཁུང་དུ༔ དགྲ་བགེགས་༝ བསྲེག་པའི་དབང་བསྐུར་རོ༔ འཁོར་བ་ཡོངས་སྒྲོལ་དབང་ཐོབ་ཤོག༔ རྩ་སྔགས་ཙིཏྟ་ཨ་བྷི་ཥིཉྩ་ཧཱུྃ༔ རྫོགས་སོ༔ ས་མ་ཡ༔ རྒྱ་རྒྱ་རྒྱ༔ དེ་ནས་ཚིག་དབང་བསྐུར་བ་ནི༔ འཇའ་ཤེལ་གཏད་ལ༔ TI1603 - 513 ཧཱུྃ༔ དུས་གསུམ་སངས་རྒྱས་ཐམས་ཅད་ཀྱི༔ ཡེ་ཤེས་ཡོན་ཏན་ཡོངས་རྫོགས་པའི༔ ལྷུན་གྲུབ་འཇའ་ཤེལ་འདི་གཏད་པས༔ རྡོ་རྗེ་ཚིག་གི་དབང་ཐོབ་ཤོག༔ རྩ་སྔགས་སརྦ་ཨ་བྷི་ཥིཉྩ་ཧྲཱིཿ དེ་ནས་ཐིག་ལེ་སྟོང་པའི་སྒྲོན་མ་གཏད་ལ༔ ཧཱུྃ༔ རང་རིག་ཡེ་ཤེས་ངོ་བོ་ཉིད༔ རྒྱལ་ཀུན་གསང་འདུས་ཐིག་ལེའི་དབང་༔ སྐལ་ལྡན་ཁྱོད་ལ་བསྐུར་བར་བྱ༔ རིག་པའི་རྩལ་དབང་ཐོབ་པར་ཤོག༔ ཨ༔ ཕཊ༔ རྫོགས་སོ༔ ས་མ་ཡ༔ དེ་ནས་གཏོར་མ་ཐོགས་ལ༔ ཧཱུྃ༔ དཀྱིལ་འཁོར་ཡོངས་རྫོགས་གཏོར་མ་འདི༔ སྐལ་ལྡན་བུ་ལ་གཏད་པ་ཡིས༔ དཔལ་ཆེན་ཕྱག་ན་རྡོ་རྗེ་ཡི༔ དཀྱིལ་འཁོར་ཡོངས་ལ་དབང་ཐོབ་ཤོག༔ རྩ་སྔགས་བ་ལིངྟ་མཎྜ་ལ་གུ་ཧྱ་ཨ་བྷི་ཥིཉྩ༔ དེ་ནས་བཀྲ་ཤིས་རྫས་བརྒྱད་གཏད་ལ༔ ཧཱུྃ༔ བཀྲ་ཤིས་རྫས་མཆོག་རྣམ་པ་བརྒྱད༔ སྐལ་ལྡན་ཁྱོད་ལ་གཏད་པ་ཡིས༔ རྒྱལ་བ་རྒྱ་མཚོའི་ཡོན་ཏན་ལ༔ དབང་བསྒྱུར་འགྲོ་བ་འདུལ་བར་ཤོག༔ སརྦ་མངྒ་ལ་ཨ་བྷི་ཥིཉྩ༔ དེ་ནས་བཀྲ་ཤིས་རྟགས་བརྒྱད་གཏད་ལ༔ ཧཱུྃ༔ ཕུན་སུམ་ཚོགས་པའི་བཀྲ་ཤིས་རྟགས༔ སྐལ་ལྡན་བུ་ལ་གཏད་པ་ཡིས༔ འཁོར་འདས་ཡོངས་ལ་དབང་བསྒྱུར་ནས༔ ཕྲིན་ལས་མཐའ་རྒྱས་དབང་ཐོབ་ཤོག༔ ལཱཀྵོ་མངྒ་ལ་ཨབྷི་ཥིཉྩ༔ TI1603 - 514 ཛོཾ།།༔ དེ་ནས་རྒྱལ་སྲིད་སྣ་བདུན་གཏད་ལ༔ ཧཱུྃ༔ འབྱོར་པ་ཕུན་སུམ་ཚོགས་པའི་ནོར༔ རྒྱལ་སྲིད་སྣ་བདུན་དབང་བསྐུར་རོ༔ རྣམ་མཁྱེན་རྫོགས་པའི་སངས་རྒྱས་ཀྱི༔ གོ་འཕང་མཆོག་ལ་དབང་ཐོབ་ཤོག༔ མ་ཎི་རཏྣ་ཨ་བྷི་ཥིཉྩ༔ དེ་མཐར་བཀྲ་ཤིས་བསྔོ་སྨོན་བརྗོད༔ མ་འོངས་ལས་ཅན་བུ་མཆོག་རྣམས༔ དབང་འདི་ཐོབ་ནས་གསང་བདག་གི༔ སྒྲུབ་པ་ལྷུར་ལེན་བྱེད་པ་ཀུན༔ ཚེ་འདིར་རིག་འཛིན་ས་ཐོབ་འགྱུར༔ དམ་ཚིག་གཉན་པོ་བསྲུང་བ་ནི༔ གསང་སྔགས་ཀུན་གྱི་སྲོག་རྩ་ཡིན༔ བཀའ་སྲུང་རྒྱལ་ཆེན་རྣམ་ཐོས་སྲས༔ དྲང་སྲོང་གཟའ་དང་བཅས་པས་སྲུངས༔ དམ་ལོག་རཱུ་ཏྲའི་དབང་པོ་བསྣུབས༔ དམ་ལྡན་བུ་ལ་བརྩེ་གྲོགས་མཛོད༔ བཀའ་དང་དམ་ཚིག་གཉན་པོའོ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ། །དགེའོ། །དགེའོ། །སརྦ་མངྒ་ལཾ།། །། T1603 - 516 ཛོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ གསང་བདག་རྡོ་རྗེ་གཏུམ་པོའི་སྐོར་ལས་གསོལ་འདེབས་བྱིན་རླབས་བུམ་བཟང་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཐཤ།།༔ མ་འོངས་ལས་ཅན་རྣམས་ཀྱི་དོན་ཆེད་དུ༔ གསང་བདག་སྒྲུབ་པའི་བར་ཆད་ཀུན་སེལ་ཕྱིར༔ གསོལ་འདེབས་བྱིན་རླབས་བུམ་བཟང་ཉམས་སུ་ལོངས༔ ན་མོ་གུ་རུ་སརྦ་སིདྡྷི་ཧཱུྃ་ཧྲཱིཿ གདོད་མའི་མགོན་པོ་ཀུན་ཏུ་བཟང་པོ་ལ༔ གསོལ་བ་འདེབས་སོ་མཆོག་གི་དངོས་གྲུབ་སྩོལ༔ ལོངས་སྐུ་རིགས་ལྔ་ཡབ་ཡུམ་སྤྲུལ་འཁོར་བཅས༔ གསོལ་བ་འདེབས་སོ་མཆོག་གི་དངོས་གྲུབ་སྩོལ༔ སྤྲུལ་པའི་སྐུ་མཆོག་དགའ་རབ་རྡོ་རྗེ་ལ༔ གསོལ་བ་འདེབས་སོ་མཆོག་གི་དངོས་གྲུབ་སྩོལ༔ ཨོ་རྒྱན་ཆེན་པོ་པདྨ་འབྱུང་གནས་ལ༔ གསོལ་བ་འདེབས་སོ་མཆོག་གིཿ མ་ཅིག་མཁའ་འགྲོ་ཡེ་ཤེས་མཚོ་རྒྱལ་ལ༔ གསོལ་བ་འདེབས་སོ་མཆོག་གིཿ ཁྱེའུ་ཆུང་ལོ་ཙཱ་བེེ་རོ་ཁྲི་སྲོང་རྗེ༔ གསོལ་བ་འདེབས་སོ་མཆོག་གིཿ བཀའ་དྲིན་མཉམ་མེད་དཔལ་མགོན་བླ་མ་ལ༔ གསོལ་བ་འདེབས་སོ་མཆོག་གི དཔལ་ཆེན་གསང་བདག་ཕྱག་ན་རྡོ་རྗེ་ལ༔ གསོལ་བ་འདེབས་སོ་མཆོག་གི༴ ཡེ་ཤེས་ལྔ་རྫོགས་ཁྲག་འཐུང་རིགས་ལྔ་ལ༔ གསོལ་བ་འདེབས་སོ་མཆོག་གིཿ དྲེགས་པ་ཀུན་འདུལ་ཡེ་ ཤེས་ཁྲོ་བཅུ་ལ༔ གསོལ་བ་འདེབས་སོ་མཆོག་གི༔ ཕྲིན་ལས་ལྷུན་གྲུབ་སྒོ་སྐྱོང་མ་བཞི་ལ༔ གསོལ་བ་འདེབས་སོ་མཆོག་གིཿ སྤྲུལ་པ་ཡེ་ཤེས་བྱ་ཁྱུང་ཆེན་པོ་ལ༔ གསོལ་བ་འདེབས་སོ་མཆོག་གི༴ བཀའ་སྲུང་ཆེན་པོ་ཤན་པ་དམར་ནག་ལ༔ གསོལ་བ་འདེབས་སོ་ཕྱི་ནང་བར་ཆད་བཟློག༔ ལྷ་ཆེན་དབང་ཕྱུག་ཆེན་པོ་ཡབ་ཡུམ་ལ༔ གསོལ་བ་འདེབས་སོ་ཁམས་གསུམ་དབང་བསྒྱུར་མཛོད༔ བཀའ་སྲུང་དྲེགས་པ་དམ་ཅན་རྒྱ་མཚོ་ལ༔ གསོལ་བ་འདེབས་སོ་དགྲ་བགེགས་ཚར་ཆོད་ཅིག༔ གུ་རུ་ཧ་རི་ནི་ས་ས་མ་ཡ་སིདྡྷི་ཕ་ལ་ཧཱུྃ་ཨཱཿ འདི་ཡིས་བྱིན་རླབས་དངོས་གྲུབ་ཐོབ༔ ཕྱི་ནང་བར་ཆད་ཀུན་སེལ་འགྱུར༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ༔ ཞེས་པ་འདི་ཡང་ཁྲག་འཐུང་རྡོ་རྗེ་ཁྲོ་ལོད་ཀྱིས་གཏེར་ནས་བཏོན་ཏེ་མཐར་ཆོས་ཀྱི་རྡོ་རྗེས་བསྐུལ་ངོར་སྨར་མདོ་བཀྲ་ཤིས་དགའ་འཁྱིལ་དུ་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ། །དགེའོ །དགེའོ། །སརྦ་མངྒ་ལཾ།། T1603 - 518 ཛོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ གསང་བདག་སྒྲུབ་པའི་ཆ་ལག་ལས༔ བྱིན་འབེབས་དངོས་གྲུབ་ཆར་འབེབས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཤརྨ་བ་ཁ།དཎྚཀླརྟཧཱུཾ༔ གསང་བདག་སྒྲུབ་པའི་རྣལ་འབྱོར་གྱིས༔ དཀྱིལ་འཁོར་བྱིན་གྱིས་བརླབ་པའི་ཕྱིར༔ བྱིན་འབེབས་དངོས་གྲུབ་ཆར་འབེབས་འདི༔ མོས་གུས་དམིགས་གནད་ལྡན་པས་བརྗོད༔ སྤོས་བསྲེག་རོལ་མོ་སྣ་ཚོགས་བསྒྲག༔ སྙན་པའི་ངག་གིས་འདི་སྐད་དོ༔ ཧཱུྃ་ཧཱུྃ༔ བདེ་ཆེན་འོག་མིན་ཆོས་དབྱིངས་ཕོ་བྲང་ནས༔ དུས་གསུམ་སངས་རྒྱས་ཡོངས་ཀྱི་སྤྱི་མེས་མཆོག༔ ཆོས་སྐུ་གདོད་མའི་མགོན་པོ་ཡབ་ཡུམ་གྱིས༔ སྒྲུབ་པའི་དཀྱིལ འཁོར་འདི་ལ་བྱིན་ཆེན་ཕོབ༔ རང་བཞིན་རྣམ་པར་དག་པའི་ཞིང་ཁམས་ནས༔ ལོངས་སྤྱོད་རྫོགས་སྐུའི་ཁྱབ་བདག་རྡོ་རྗེ་སེམས༔ ཡབ་ཡུམ་སྤྲུལ་འཁོར་མ་ལུས་གཤེགས་སུ་གསོལ༔ སྒྲུབ་པའི་དཀྱིལ་འཁོར་འདི་ལ་བྱིན་ཆེན་ཕོབ༔ ཐུགས་རྗེ་འགྲོ་འདུལ་སྤྲུལ་པའི་ཞིང་ཁམས་ནས༔ སྤྲུལ་པའི་སྐུ་མཆོག་དགའ་རབ་རྡོ་རྗེ་ཡི༔ སྤྲུལ་འཁོར་ཡོངས་རྫོགས་རིག་འཛིན་རྒྱ་མཚོའི་ཚོགས༔ སྐད་ཅིག་ཉིད་དུ་གནས་འདིར་གཤེགས་སུ་གསོལ༔ སྒྲུབ་པའི་དཀྱིལ་འཁོར་འདི་ལ་བྱིན་ཆེན་ཕོབ༔ བདེ་ཆེན་པདྨ་འོད་ཀྱི་གཞལ་ཡས་ནས༔ ཨོ་རྒྱན་ཆེ་མཆོག་པདྨ ཐོད་ཕྲེང་རྩལ༔ རིག་འཛིན་དཔའ་བོ་མཁའ་འགྲོའི་ཚོགས་དང་བཅས༔ གནས་འདིར་སྐད་ཅིག་ཉིད་དུ་གཤེགས་སུ་གསོལ༔ སྒྲུབ་པའི་དཀྱིལ་འཁོར་འདི་ལ༴ རང་སྣང་འོད་གསལ་བདེ་ཆེན་གཞལ་ཡས་ནས༔ རྗེ་འབངས་ཉེར་ལྔ་རྒྱ་བོད་རིག་འཛིན་ཚོགས༔ གནས་འདིར་སྐད་ཅིག་ཉིད་དུ་གཤེགས་སུ་གསོལ༔ སྒྲུབ་པའི་དཀྱིལ་འཁོར་འདི་ལ༴ ༈ གཞི་སྣང་ལྷུན་རྫོགས་རིག་པའི་དཀྱིལ་འཁོར་ནས༔ ཟབ་གཏེར་མངའ་བདག་བདུད་འཇོམས་རྡོ་རྗེའི་མཚན༔ སྐད་ཅིག་ཉིད་དུ་གནས་འདིར་གཤེགས་སུ་གསོལ༔ སྒྲུབ་པའི་དཀྱིལ་འཁོར་འདི་ལ་བྱིན་ཆེན་ཕོབ༔ ཞེས་པ་ངག་གི་མིང་ཅན་གྱིས་སོ། གཙུག་ཏོར་འཁོར་ལོ་དོན་གྱི་འོག་མིན་ནས༔ བཀའ་དྲིན་མཉམ་མེད་དྲིན་ཆེན་བླ་མ་དང་༔ བརྒྱུད་གསུམ་བླ་མ་མཁའ་འགྲོ་ཆོས་སྐྱོང་བཅས༔ གནས་འདིར་བྱོན་ལ་དབང་དང་བྱིན་ཕོབ་ཅིག༔ རང་བྱུང་ལྷུན་གྱིས་གྲུབ་པའི་དཀྱིལ་འཁོར་ནས༔ ཡི་དམ་རྒྱུད་སྡེའི་དཀྱིལ་འཁོར་མ་ལུས་པ༔ སྐད་ཅིག་གནས་འདིར་སྤྱན་འདྲེན་གཤེགས་སུ གསོལ༔ སྒྲུབ་པའི་དཀྱིལ་འཁོར་འདི་ལ་བྱིན་ཕོབ་ཅིག༔ འཁོར་འདས་བརྡལ་ཁྱབ་ཀློང་ཆེན་མཁའ་དབྱིངས་ནས༔ ཡེ་ཤེས་དབྱིངས་ཀྱི་མཁའ་འགྲོ་རྒྱ་མཚོའི་ཚོགས༔ སྐད་ཅིག་ཉིད་ལ་གནས་ ཛོཾ།༔ འདིར་གཤེགས་སུ་གསོལ༔ སྒྲུབ་པའི་དཀྱིལ་འཁོར་འདི་ལ་བྱིན་ཆེན་ཕོབ༔ བཀའ་དང་དམ་ཚིག་གཉན་པོའི་དཀྱིལ་འཁོར་ནས༔ བཀའ་སྲུང་དམ་ཅན་རྒྱ་མཚོ་འཁོར་དང་བཅས༔ སྐད་ཅིག་ཉིད་དུ་གནས་འདིར་གཤེགས་སུ་གསོལ༔ སྒྲུབ་པའི་དཀྱིལ་འཁོར་འདི་ལ་བྱིན་ཆེན་ཕོབ༔ དམ་ཚིག་དབང་གི་ཐུགས་དམ་རྒྱུད་བསྐུལ་ལོ༔ དབྱིངས་ནས་སྐུར་བཞེངས་བརྒྱུད་འཛིན་རྗེས་སུ་ཟུངས༔ སྒྲུབ་པའི་དཀྱིལ་འཁོར་འདི་ལ་བྱིན་ཆེན་ཕོབ༔ དབང་ཆེན་རྣམས་ཀྱིས་དབང་མཆོག་བསྐུར་དུ་གསོལ༔ བྱིན་ཆེན་རྣམས་ཀྱིས་བྱིན་ཆེན་དབབ་ཏུ་གསོལ༔ དངོས་གྲུབ་ཅན་གྱིས་དངོས་གྲུབ་ཆར་ལྟར་ཕོབ༔ སྒྲུབ་པའི་ཚོམ་བུ་རྣམ་མཁྱེན་ས་ལ་སྦྱོར༔ ཀ་དག་མི་འགྱུར་རྡོ་རྗེའི་ཀློང་རྒྱས་ཐོབ༔ ཨོཾ་ཨཱཿ ཧཱུྃ་གུ་རུ་དྷེ་ཝ་ཌཱ་ཀི་ནཱི་བཛྲ་ས་མ་ཡ་ཛཿ ཛཿ ཨེ་ཨ་རལླི་ཕེཾ་ཕེཾ༔ སརྦ་སིདྡྷི་ཕ་ལ་ཨ་ཝེ་ཤ་ཡ་ཨ་ཨ༔ དེ་ལྟར་བྱིན་དབང་དབབ་པ་ཡི༔ དམིགས་གནད་དང་ལྡན་རྣལ་འབྱོར་ལ༔ དཀྱིལ་འཁོར་ཡོངས་ཀྱི་སྤྱི་དབང་ཐོབ༔ ཡང་དག་ལམ་མཆོག་མཐར་ཕྱིན་འགྱུར༔ བཀའ་སྲུང་གནོད་སྦྱིན་ཆེན་པོས་སྲུངས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཨྠི༔ ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ། །དགེའོ། །དགེའོ །སརྦ་མངྒ་ལཾ། །། T11603 - 522 ཟབ་གསང་མཁའ་འགྲོའི་སྙིང་ཐིག་ལས༔ གསང་བདག་རྡོ་རྗེ་གཏུམ་པོའི་ལས་བྱང་ཡིད་བཞིན་ནོར་བུ་ཕ་རོལ དཔུང་འཇོམས་བཞུགས་སོ༔ T11603 - 523 བདུད་འཇོམས་ཕྱག་རྡོར་ཛོཾ།༔ ཐཛྫགརྞཧཱུཾཥྤཾ་ཥྛ༔ རྗེ་དུས་གསུམ་སངས་རྒྱས་འདུས་པའི་དཔལ༔ འཁོར་འདས་ཡོངས་ཀྱི་དབང་ཕྱུག་ཆེ༔ པདྨ་འབྱུང་གནས་དབང་དྲག་རྒྱལ༔ སྙིང་དབུས་གེ་སར་གདན་ལ་རོལ༔ གང་ལ་གང་འདུལ་ཕྲིན་ལས་ཀྱིས༔ བརྒྱུད་འཛིན་རྗེས་སུ་བཟུང་དུ་གསོལ༔ ལྔ་བརྒྱའི་སྙིགས་མ་བདོ་བའི་དུས༔ འགྲོ་བ་རྗེས་སུ་བཟུང་བའི་ཕྱིར༔ ཨོ་རྒྱན་པདྨ་ཐོད་ཕྲེང་ངས༔ ཡང་གསང་སྙིང་པོའི་བཅུད་དྲིལ་ཏེ༔ རིན་ཆེན་བྲག་ལ་གཏེར་དུ་སྦས༔ འདི་ཡི་གདུལ་བྱའི་དུས་ཚིགས་ནི༔ སྙིགས་མའི་བདུད་སྲི་ཁ་དར་ནས་༔ སྐྱེ་བོས་མནའ་ཟ་རྐུན་ཇག་ལས༔ སྡིག་དང་ལྕི་ཟས་མཆོག་འཛིན་བྱེད༔ དགེ་བཙུན་ཆོས་འཁོར་དུག་ཏུ་སྤྲོད༔ མཚོན་ཆ་དྲག་པོས་ཡོ་ལང་འགྱེད༔ དམ་སྡོམ་འདུལ་ཁྲིམས་སད་ཀྱིས TI1603 - 524 ཛོཾ།༔ ཁྱེར༔ མཆེད་ལྕམ་ནང་གསོད་ཤན་པའི་གྲལ༔ སྐྱབས་སུ་འཛིན་པའི་དུས་ཤིག་མཆི༔ དེ་དུས་སེ་ཕུང་སྨོན་ལོག་ནས༔ སྡིག་རྒྱལ་སྐད་ཆེ་བོང་ཐུང་ལུས༔ ཕྲག་གཡས་སྡོམ་གཟུགས་རིས་དམར་བཀྲ༔ ཕྲག་གཡོན་སྦྲུལ་གཟུགས་རིས་ནག་ཤར༔ སྙིང་གར་བདུད་སྨེ་ཁམ་པ་ཡོད༔ དེ་ལ་བདུད་ཀྱི་སྡོང་ཟླ་བྱེད༔ མདོ་ཁམས་ཐམས་ཅད་ཁྲག་ཏུ་བསྐྱིལ༔ བོད་འདིར་སྨོན་ལམ་ལོག་འབྲས་ཀྱིས༔ ས་དབང་བྱང་སེམས་ཀུན་ཀྱང་ཕབ༔ བདུད་སྤྲུལ་ནག་སྤྱོད་ཁྲི་རུ་མཆོད༔ དེས་སྐྱོན་མ་མོ་དམ་ཅན་འཁྲུགས༔ དཀར་ཕྱོགས་ལྷ་སྲིན་དག ཀྱང་འཁྲུགས༔ ནད་མུག་མཚོན་གྱི་འཚུབས་མ་སློང་༔ བན་སྔགས་མཐུ་ནུས་སྡིག་པས་བཅོམ༔ ལྷ་དང་སྲུང་མར་ཡི་ཆད་བྱེད༔ ལས་ངན་བསགས་པའི་བསྐལ་ངན་ཤར༔ དེ་མི་མཐོང་ཞིང་T11603 - 525 དུས་ངན་ཟེར༔ ཆོས་བཞིན་སྤྱོད་པ་ཉམས་དམའ་ནས༔ སྡིག་སྤྱོད་ཟོག་པོ་གཙུག་ཏུ་མཆོད༔ མདོ་སྔགས་བསྟན་པའི་བཅུད་ཉམས་པས༔ གྲུབ་པ་ཐོབ་པ་ཉིན་སྐར་ཙམ༔ དེ་འདྲའི་དུས་ངན་ཤར་བའི་ཚེ༔ ཆོས་འདིའི་གདུལ་བྱའི་དུས་ཚིགས་སོ༔ སློབ་དཔོན་ཧཱུྃ་ཆེན་ཀཱ་ར་ཉིད༔ པདྨ་བདག་དང་གཉིས་མེད་སྐུ༔ བདུད་འཇོམས་རྡོ་རྗེ་ཁྲོ་ལོད་རྩལ༔ སྦས་ཚུལ་སྒྱུ་མའི་རྣལ་འབྱོར་འབྱུང་༔ དེ་ཡིས་ཆོས་འདི་སྟོན་པ་དང་༔ སྤེལ་ཚེ་བདུད་སྟོབས་འཇོམས་འགྱུར་རོ༔ བཀའ་སྲུང་དཔལ་མགོན་ནག་པོ་ཡིས༔ སྲུངས་ཤིག་བཛྲ་ས་མ་ཡ༔ དེ་ནས་ལག་ལེན་རིམ་པ་ནི༔ དང་པོ་སྒྲུབ་གནས་དབེན་པའི་སར༔ དཀྱིལ་འཁོར་མཐིང་ནག་གྲུ་གསུམ་དུ༔ གནམ་ལྕགས་འཁོར་ལོ་རྩིབས་བརྒྱད་བྲི༔ ཚོམ་བུ་སྒྲུབ་གཏོར་མཆོད་རྫས་སོགས༔ མཛེས་ཤིང་ཡིད་འོང་རྒྱན་ལྡན་བཤམས༔ དཀར་ཕྱོགས་སྐྱོང་ལ་གཏོར་མ་ཕུལ༔ ནག་ཕྱོགས་བགེགས་ལ་གླུད་འཇལ་ཞིང་༔ དང་པོ་སྐྱབས་སུ་འགྲོ་བ་ནི༔ ཧཱུྃ༔ སངས་རྒྱས་ཆོས་དང་དགེ་འདུན་དང་༔ བླ་མ་ཡི་དམ་མཁའ་འགྲོ་དང་༔༷ མཐུ་སྟོབས་མངའ་བདག་རྡོ་རྗེ་ཅན༔ ཡིད་ལ་དྲན་པས་སྐྱབས་སུ་མཆི༔ དེ་ནས་སེམས་བསྐྱེད་པ་ནི༔ ཀྱེ༔ སྡུག་བསྔལ་གསུམ་གྱི་ཁྲི་མུན་དུ༔ འཆིང་བའི་སྐྱེ་འགྲོ་སེམས་ཅན་ཀུན༔ བདག་གིས་གཏན་བདེའི་རྒྱས་འདེབས་ཕྱིར༔ རྡོ་རྗེའི་དཀྱིལ་འཁོར་ཆེན་པོར་འཇུག༔ དེ་ནས་བགེགས་བསྐྲད་པ་ནི༔ ཧཱུྃ༔ ང་ནི་ཕྱག་ན་རྡོ་རྗེའི་སྐུ༔ འཁོར་འདས་ཡོངས་ཀྱི་ཆེ་བཙན་མཆོག༔ ཛོཾ།༔ ཉོན་ཅིག་བགེགས་དང་ལོག་འདྲེན་ཚོགས༔ ལན་ཆགས་གཏོར་མ་འདི་ལོངས་ལ༔ རྒྱ་མཚོ་ཆེན་པོའི་ཕ་མཐར་དེངས༔ བཀའ་འདས་ལུས་སེམས་ཐལ་བར་བརླག༔ དེ་བས་ད་ལྟ་ཕྱིར་དེངས་ཤིག༔ རྩ་སྔགས་ཧཱུྃ་བཞིའི་སྔགས་ཀྱིས་ཐུན་བྲབ་བོ༔ དེ་ནས་སྲུང་འཁོར་བསྒོམ་པ་ནི༔ ཧཱུྃ༔ བདག་ཉིད་གསང་བདག་གཏུམ་པོའི་སྐུ༔ ཐུགས་ལས་སྤྲུལ་པའི་འོད་ཟེར་གྱིས༔ སྟེང་འོག་ཕྱོགས་མཚམས་ཐམས་ཅད་ཀུན༔ རྡོ་རྗེ་རིན་ཆེན་པདྨ་དང་༔ རྒྱ་གྲམ་འཁོར་ལོ་མེ་རླུང་ཆུ༔ ཁྲོ་ཆུང་ཁྱུང་སྡིག་འབར་བས་བསྲུང་༔ སྣང་སྲིད་དྲག་པོའི་དཀྱིལ་འཁོར་རྫོགས༔ ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ༔ བུདྡྷ་བཛྲ་རཏྣ་པདྨ་ཀརྨ་རཾ་ཡཾ་ཁཾ༔ སརྦ་རཀྵ་རཀྵ་བྷྲཾ་སྭཱ་ཧཱ༔ དེ་ནས་བྱིན་ཆེན་དབབ་པ་ནི༔ ཧཱུྃ༔ ཆོས་སྐུ་ཀུན་བཟང་ལོངས་སྐུ་རྡོ་རྗེ་ཆོས༔ སྤྲུལ་སྐུ་འགྲོ་དོན་རྫོགས་མཛད་གསང་བའི་བདག༔ སྐུ་གསུང་ཐུགས་དང་ཡོན་ཏན་ཕྲིན་ལས་ཀྱི༔ དབང་བྱིན་དངོས་གྲུབ་མ་ལུས་འདིར་ཕོབ་ཅིག༔ ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ༔ སརྦ་ཀཱ་ཡ་ཝཱཀ་ཙིཏྟ་སིདྡྷི་ས་མ་ཡ་ཛ་ཛ་ཨ་ཝེ་ཤ་ཡ་ཨ་ཨ༔ དེ་ནས་མཆོད་རྫས་བྱིན་བརླབ་ནི༔ ཨོཾ་ཨཱཿ ཧཱུྃ༔ སྣང་སྲིད་ཐམས་ཅད་སྟོང་པའི་ངང་༔ དག་པ་ཡེ་ཤེས་རོལ་པའི་རྩལ༔ རྒྱལ་བ་རྒྱ་མཚོ་མཉེས་བྱེད་པའི༔ འདོད་ཡོན་མཆོད་པའི་སྤྲིན་དུ་གྱུར༔ ཨོཾ་ཨཱཿ ཧཱུྃ་སརྦ་པཉྩ་པཱུ་ཛ་གྷ་ཎ་ཙཀྲ་ཧཱུྃ༔ དེ་ནས་དཀྱིལ་འཁོར་བསྐྱེད་པ་ནི༔ ཨཱཿ གཟུང་དང་འཛིན་པས་བསྡུས་པ་ཡི༔ ཆོས་རྣམས་ཡེ་སྟོང་ཆེན་པོའི་མཁའ༔ ཁམས་གསུམ་མ་ལུས་ཡོངས་ཁྱབ་ཀྱི༔ འུབ་ཆུབ་རོལ་པའི་སྙིང་རྗེ་བརྡལ༔ ཧཱུྃ་ལས་འོད་འཕྲོས་སྣང་སྲིད་ཁམས༔ དག་པ་ཡེ་ཤེས་རོལ་པར་འཕོས༔ ཡེ་ཤེས་ལྔ་ལྡན་ལྷུན་གྲུབ་ཀྱི༔ རོལ་པ་ཆེན་པོའི་གཞལ་ཡས་སུ༔ པདྨ་ཉི་ཟླ་གཟའ་བརྒྱད་དང་༔ ཀླུ་བརྒྱད་བསྣོལ་བའི་གདན་སྟེང་དུ༔ _UNK་ལས་རང་ཉིད་གསང་བའི་བདག༔ གཏུམ་དྲག་ནག་པོ་རྔམས་བརྗིད་སྐུ༔ མཐིང་ནག་ཞལ་གཅིག་ཕྱག་གཉིས་པ༔ ཕྱག་གཡས་གནམ་ལྕགས་རྡོ་རྗེ་གསོརཿ གཡོན་པས་དུག་སྦྲུལ་རིགས་ལྔ་བཅང་༔ སྔིགས་མཛུབ་རྩེ་ནས་བྱ་ཁྱུང་དང་༔ མེ་དུག་མཚོན་ཐུན་ཚྭ་ཚྭ་འཕྲོ༔ ཞལ་གདངས་ལྗགས་འདྲིལ་མཆེ་བ་གཙིགས༔ སྨ་ར་སྨིན་མ་མེ་ཞགས་འཕྲོ༔ དབུ་སྐྲ་དམར་སེར་གྱེན་དུ་འབར༔ སྤྱན་གསུམ་དམར་ཟླུམ་མཁའ་ལ་གཟིགས༔ ཐོད་སྐམ་དབུ་རྒྱན་ཅོད་པན་མཐིང་༔ སྙན་ཆ་རིན་ཆེན་ནོར་བུའི་མིག༔ གླང་ཆེན་ཀོ་རློན་གཡང་གཞི་དང་༔ སྟག་ཤམ་སྦྲུལ་ཆུན་ཐོད་ཕྲེང་ ཛོཾ།༔ བརྒྱན༔ ཐལ་ཆེན་ཚོམ་བུ་ཁྲག་ཐིག་དང་༔ ཞག་གི་ཟོ་རིས་རབ་ཏུ་བརྒྱན༔ ཡེ་ཤེས་མེ་དཔུང་ཀློང་དུ་འགྱིང་༔ སྤྱི་བོར་བྱ་ཁྱུང་ནག་པོ་ལྡིང་༔ བདེ་