Tibetan
པོའི་ཐུགས་ཀའི་ཀུན་བཟང་ཡབ་ཡུམ་དང་བཅས་པར་འབྲེལ་བ༔ སློབ་དཔོན་སྟོན་པ་རྫོགས་པའི་སངས་རྒྱས་སུ་གསལ་བའི་ཞལ་གྱི་པདྨོ་ནས་ཆོས་ཀྱི་ཆར་ཆེན་པོ་བབས་ནས་དབྱངས་ཅན་གྱི་ཐུགས་བརྒྱུད་དེ་ཐུགས་ཀའི་འཇམ་དཔལ་གྱི་སྐུ་ལ་ཐིམ་པས་དོན་རབ་གསལ་བའི་ཤེས་རབ་ཀྱི་སྒོ་ཕྱེས་ཏེ་ཀུན་བཟང་ཡབ་ཡུམ་གྱི་ཐུགས་ཀར་ཐིམ་པས་མི་བརྗེད་པའི་གཟུངས་ཆེན་པོ་ཐོབ་པར་བསྒོམ༔ དེ་ལྟར་བསྐྱེད་རིམ་གཟེར་བཞིའི་གནད་ལྡན་པའི༔ བར་མེད་ ལོ་གསུམ་ཟླ་གསུམ་ཞག་གསུམ་དུ༔ བསྒྲུབ་ལ་གཞོལ་བའི་སྐྱེས་བུ་གང་སུ་དག༔ མཁས་པའི་དབང་པོ་བི་མ་ལ་དང་མཉམ༔ བསྐྱེད་པའི་གནད་མེད་བསྒོམ་པའི་འཆིང་མེད་པར༔ ངག་གིས་བཟླས་པ་ལོ་བརྒྱར་བཟླས་གྱུར་ཀྱང་༔ གྲུབ་པའི་རྟགས་མཚན་དངོས་གྲུབ་རྡུལ་ཕྲན་ཙམ༔ འབྱུང་དུས་མི་སྲིད་ལྷ་ལ་ཡི་ཆད་ཅིང་༔ གདམས་ངག་བློས་དོར་སྨད་ཚིག་འཆོལ་སྒྲོགས་བྱེད༔ དེ་འདྲའི་མགོ་རྨོངས་དམུས་ལོང་ཐམས་ཅད་ཀུན༔ རང་གི་ཐར་པའི་ས་བོན་བསྲེགས་མ་བྱེད༔ བསྒྲུབ་པའི་སྙིང་པོ་བསྐྱེད་རིམ་བསྒོམ་དམིགས་ཡིན༔ ཚུལ་བཞིན་གནད་དང་ལྡན་པས་ཉམས་སུ་ལོངས༔ སྣང་སེམས་ཐམས་ཅད་ཡེ་ཤེས་རོལ་པའི་ལྷ༔ རྟེན་དང་བརྟེན་པའི་འཁོར་ལོར་འཕོ་བ་ཡིན༔ གདམས་པ་འདི་ནི་ལོ་གསུམ་གནད་དུ་བསྣུན༔ དེ་ནས་དུས་ཀུན་ཡི་དམ་ལྷ་རུ་ཟུངས༔ ཚེ་འདིར་གྲོལ་བ་ཐོབ་བོ་སྐལ་ལྡན་རྣམས༔ ཚེ་རབས་མང་པོར་བསོད་ནམས་བསགས་པ་དང་༔ སྨོན་ལམ་བཟང་པོའི་སྟོབས་ཤུགས་བསྐྱེད་པ་ཡི༔ སྐལ་བཟང་སྐྱེས་བུ་དམ་པ་མ་གཏོགས་པ༔ གདམས་པ་འདི་དང་ཤིན་ཏུ་འཕྲད་པར་དཀའ༔ གདམས་པ་འདི་འཕྲད་ཉམས་ལེན་བྱེད་པ་ཡི༔ སྐལ་པ་བཟང་པོའི་སྐྱེས་བུ་གང་སུ་དག༔ ཚེ་འདིར་མཁྱེན་གཉིས་ཡེ་ཤེས་མངོན་གྱུར་ཏེ༔ རྣམ་མཁྱེན་རྫོགས་པའི་སངས་རྒྱས་སར་འགོད་འགྱུར༔ སྙིང་ཕྱུང་ལག་མཐིལ་བཀྲམ་འདྲའི་གདམས་པ་འདི༔ ལྔ་བརྒྱའི་སེམས་ཅན་དམུས་ལོང་བླུན་པོའི་རིགས༔ བསྐྱེད་དམིགས་ཟུར་ཙམ་དགོས་པར་མ་ཐོས་ཤིང་༔ ཐོས་ཀྱང་མི་ཤེས་བསྟན་ཀྱང་མི་གོ་བའི༔ དམུ་རྒོད་རྣམས་ཀྱི་དོན་དུ་འདི་བཞག་སྟེ༔ འདི་ཙམ་མི་ཤེས་བསྒྲུབ་པ་བྱས ཝྃ།༔ སྙམ་རྣམས༔ བསྒྲུབ་པའི་ཐ་སྙད་ཙམ་ཡང་ཡོད་མ་ཡིན༔ དེ་ཕྱིར་འདི་ཙམ་བསྐྱེད་བསྒོམ་དམིགས་པའི་གནད༔ ཤེས་ནས་ཉམས་སུ་ལེན་པའི་སྐྱེས་བུ་ལ༔ བསྒྲུབ་པའི་འབྲས་བུ་དངོས་གྲུབ་ངེས་པར་འབྱུང་༔ རྒྱ་ཆེ་གྲངས་མང་རྒྱུད་ལུང་མན་ངག་ཚོགས༔ ཤེས་པའི་ཤེས་རབ་བརྟན་པ་ཤིན་ཏུ་དཀོན༔ ཤེས་ཀྱང་ཤེས་པ་ལུང་མ་བསྟན་སོང་ལས༔ ཤེས་བཞིན་ཉམས་ལེན་བྱེད་པ་ཤིན་ཏུ་དཀོན༔ དེ་ཕྱིར་ཁ་ཙམ་མིན་པར་རྒྱུད་ལུང་གི༔ ཉེ་དུས་བརྒྱུད་ཕྱིར་འདི་ཙམ་བསྟན་པ་ཡིན༔ དེ་ཕྱིར་མ་ནོར་ཉམས་སུ་ལེན་པ་རྣམས༔ ཚེ་འདིར་གྲོལ་བ་མངོན་དུ་མ་གྱུར་ན༔ པདྨ་བདག་གིས་བརྒྱུད་འཛིན་བསླུས་པ་ཡིན༔ དེ་དོན་སོམས་ལ་གནད་དང་ལྡན་པ་ཡིས༔ ངེས་པར་ཉམས་སུ་ལོངས་ཤིག་ཕྱི་རབས་རྣམས༔ འཇམ་དཔལ་གསང་འདུས་སྒྱུ་འཕྲུལ་རོལ་པ་ཡི༔ བསྒྲུབ་པ་འདི་ནི་རྒྱལ་ཀུན་སྲོག་ཏིག་སྟེ༔ རིག་འཛིན་བླ་མ་རྣམས་ཀྱི་ཏིང་འཛིན་དང་༔ དུས་གསུམ་རྒྱལ་བ་ཀུན་གྱི་དགོངས་པ་དང་༔ མ་དང་མཁའ་འགྲོ་རྒྱ་མཚོའི་ཡེ་ཤེས་དང་༔ བཀའ་སྲུང་དྲེགས་པ་ཡོངས་ཀྱི་མཐུ་ནུས་ཀྱིས༔ བྱིན་གྱིས་བརླབས་ཤིང་སྙིང་པོའི་བཅུད་དྲིལ་བའི༔ རྣོ་ནུས་བྱིན་རླབས་དངོས་གྲུབ་ཤིན་ཏུ་མྱུར༔ འབྲེལ་ཚད་རྣམ་པར་གྲོལ་བའི་གདམས་པ་ཡིན༔ བཀའ་སྲུང་དྲེགས་པ་དབང་ཕྱུག་ཆེན་པོ་དང་༔ གནོད་སྦྱིན་ཤན་པ་དབང་དྲག་རོལ་པ་རྩལ༔ ཆོས་འདིས་སྣང་སྲིད་ཁྱབ་པའི་བྱེད་པོ་གྱིས༔ བརྒྱུད་འཛིན་སྐྱེས་བུའི་དབང་གི་ལས་སྒྲུབས་ཤིག༔ སྙན་དང་གྲགས་པའི་བ་དན་ཕྱོགས་བརྒྱར་སྤེལ༔ གཟའ་བདུད་རྒྱལ་པོ་འཇིགས་པའི་དྲག་ཤུལ་བདག༔ ཁྱོད་ལ་བཀའ་འདི་གཏད་ཀྱིས་བསྟན་པ་སྲུངས༔ བསྟན་དགྲ་དམ་ཉམས་ཐམས་ཅད་ཆམ་ལ་ཕོབ༔ ལྟ་ལོག་བདུད་སྡེའི་སྙིང་ཁྲག་ཧུབ་ཀྱིས་འཐུང༔ གཤེ་སྐུར་སྒྲོ་འདོགས་མཁན་ལ་ཆད་པ་ཆོད༔ བཀའ་སྲུང་དྲེགས་པ་སྡེ་གསུམ་འཁོར་བཅས་ཀྱི༔ སྒྲུབ་ལ་བར་ཆད་དམ་སྲི་བདུད་བགེགས་ཀུན༔ རྗེས་ལྷག་མེད་པར་ཆམ་ལ་ཕབ་པ་དང་༔ བྲན་དུ་ཁོལ་ལ་བསྟན་པའི་སྲུང་མར་བཀོལ༔ བཀའ་ནན་གྱིས་ཤིག་ཁྲིམས་ཀྱི་འོག་ཏུ་ཆུགས༔ བཀའ་དང་དམ་ལ་མ་འདའ་ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ནི་ས་མོ་ལུག་གི་ལོ་ཧོར་ཟླ་བཅུ་གཅིག་པའི་ཚེས་བཅུའི་ཉིན་གསེར་སྨད་རྔ་ལ་སྟག་རྩེའི་གཡས་ལོགས་རྡོ་རྗེ་བྲག་ཅེས་བྱ་བ་ནས་གདན་དྲངས་པའི་ཚེ་ནམ་མཁའ་བར་སྣང་ས་གཞི་ཐམས་ཅད་ལ་འཇའ་ཚོན་འོད་ལྔས་ཁྱབ་ནས་དྲི་བཟང་གི་ན་བུན་ཐུལ། རི་དྭགས་རྙི་ལས་བཏོན། རོལ་མོའི་རང་སྒྲ་ལྡིར་བ་ལ་སོགས་པའི་དགེ་ལེགས་ཡ་མཚན་ཅན་གྱི་ལྟས་བཟང་དཔག་ཏུ་མེད་པ་བྱུང་ནས་རྟེན་འབྲེལ་ཁྱད་པར་ཅན་འགྲིགས་པ་དང་། བརྒྱུད་འཛིན་གྱི་སྐྱེས་བུ་ཐམས་ཅད་རི་དྭགས་རྒྱ་ནང་ནས་བཏོན་པ་ལྟར་སྲིད་པ་སྡུག་བསྔལ་གྱི་རྒྱ་མཚོ་ལས་གྲོལ་བའི་ལྟས་བཟང་མངོན་དུ་གྱུར་པ་འདི་ཉིད། ཁྲག་འཐུང་བདུད་འཇོམས་རྡོ་རྗེའི་གཏེར་གྱི་ཡང་བཅུད་དམ་པ་འབྲེལ་ཚད་རྣམ་པར་གྲོལ་བའི་དམ་ཆོས་མཆོག་གྱུར་འདི་ནི་མི་ལོ་སུམ་ཅུའི་བར་དུ་བཀའ་རྒྱ་བྱས་མཐར་རྟེན་འབྲེལ་དུས་ལ་བབས་ཚེ་ཆོས་ཀྱི་བདག་པོ་ཀུན་བཟང་ཆོས་ཀྱི་གྲགས་པ་དང་། རེ་སྐོང་ཕྱོགས་ཀྱི་སྐྱེས་བུ་དགེ་འདུན་རྒྱ་མཚོ་གཉིས་ཀྱིས་ནན ༒། དུ་བསྐུལ་ངོར་གཏན་ལ་ཕབ་སྟེ་མཐར་ཆོས་ཀྱི་བདག་པོ་བཅུ་གསུམ་གྱིས་དང་དུ་བླངས་ཏེ་འཛིན་སྐྱོང་སྤེལ་གསུམ་བྱས་ནས་གདུལ་བྱ་མང་པོ་ཐར་པ་དང་རྣམ་མཁྱེན་གྱི་གོ་འཕང་དུ་འཕེན་པར་འགྱུར་བའོ།།དགེའོ། ་དགེའོ། །དགེའོ །ལེགས་སོ། །སརྦ་མངྒ་ལཾ།། །། ང ཉི་ཤུ་བྱོན།དགོངས་T11602 - 155 T1602 - 156 མ ཇོཾ། ཟབ་གསང་མཁའ་འགྲོའི་སྙིང་ཐིག་ལས༔ འཇམ་དཔལ་གསང་བ་འདུས་པའི་སྒྲུབ་པ་རྣམ་མཁྱེན་ཡེ་ཤེས་བཞུགས་སོ༔ ད སྒྲུབ་TI1602 - 157 ཝྃ།༔ ན་མོ་གུ་རུ་དྷེ་ཝ་ཌཱ་ཀི་ནཱི༔ བྷ།ཏྲ།བྷ།ཟ།ཨོཾ།ཧཱུཾཧཱ།༔ འཇམ་དཔལ་གསང་བ་འདུས་པའི་ཐུགས་སྒྲུབ་འདི༔ སྐལ་བཟང་གདུལ་བྱའི་སྤྱོད་ཡུལ་དམ་པ་རུ༔ མཐའ་ཡས་དབང་པོ་པད་འབྱུང་བདག་གིས་བཀོད༔ སློབ་དཔོན་ཆེན་པོ་མཉྫུ་མི་དྲ་ལ༔ ཡེ་ཤེས་རྡོ་རྗེ་འཇམ་དཔལ་དཔའ་བོ་ཡིས༔ ཆོས་ཉིད་སྒྱུ་མའི་ཕྱག་རྒྱ་ངོམས་ནས་སུ༔ ཀྱེ་ཧོཿ མཁས་ཤིང་གྲུབ་པའི་དབང་པོ་དམ་པ་ཁྱོད༔ བསྟོད་ཅིང་བསྔགས་པ་བརྗོད་དང་མཆོད་འབུལ་སོགས༔ ང་ལ་བསོད་ནམས་བསགས་པ་གྲངས་མང་ཡང་༔ འཁོར་བའི་གནས་ལས་འདྲོངས་པའི་ཐབས་མེད་ཅིང་༔ ང་ཡི་ཡེ་ཤེས་ཡོན་ཏན་འགྲུབ་མི་སྲིད༔ དེ་ཕྱིར་མ་དག་འཁོར་བའི་སྒོ་གསུམ་པོ༔ ང་ཡི་རྡོ་རྗེ་གསུམ་གྱི་གྲོང་འཇུག་པའི༔ ལམ་འདིས་སྲིད་པ་ཐམས་ཅད T11602 - 158 ཝྃ༔ དག་སྦྱོར་བྱེད༔ དེ་ཕྱིར་རབ་དབེན་སྐྱེད་མོའི་ཚལ་གནས་སུ༔ དཀྱིལ་འཁོར་བཀོད་ལེགས་མཛེས་ལྡན་དབྱིབས་གྲུ་བཞིར༔ གཞལ་ཡས་ཁང་པ་མཚན་ལྡན་རྡུལ་ཚོན་རྣམས༔ རས་སུ་བྲིས་པ་བཀོད་པ་སྤྲོས་བཅས་དང་༔ ཡང་ན་ཚོམ་བུ་བཀོད་ཅིང་མཆོད་རྫས་བཤམས༔ ཡང་ན་སྐུ་གཟུགས་བཤམས་དང་མཆོད་རྫས་བཀོད༔ རྩ་གསུམ་གཏོར་མ མཛེས་ཤིང་རྒྱན་ལྡན་བཤམས༔ ཉེར་སྤྱོད་འདོད་ཡོན་སྨན་གཏོར་རཀྟ་སོགས༔ སྤྱན་གཟིགས་འབྱོར་ཚོགས་བྱེ་བྲག་ཐམས་ཅད་བཤམས༔ དཀར་གཏོར་སྲིད་པའི་ལྷ་ཚོགས་དཀར་གྱིས་མཆོད༔ ནག་ཕྱོགས་གདུག་པའི་སྡེ་ལ་དམར་གྱིས་མཆོད༔ ལན་ཆགས་མགྲོན་ལ་ཆངས་གླུད་འབྲས་ཆན་དང་༔ ཤ་ཁྲག་ལ་སོགས་མཁོ་རྒུ་འབྱོར་ཚོགས་སྦྱིན༔ དེ་ནས་སྐྱབས་སུ་འགྲོ་བ་ནི༔ TI1602 - 159 ན་མོ༔ བྱིན་རླབས་རྩ་བ་བླ་མེད་བླ་མ་དང་༔ དངོས་གྲུབ་རྩ་བ་ཡི་དམ་ཞི་ཁྲོའི་ལྷ༔ ཕྲིན་ལས་རྩ་བ་མཁའ་འགྲོ་ཆོས་སྐྱོང་སོགས༔ སྐྱབས་གནས་དཀོན་མཆོག་གསུམ་ལ་སྐྱབས་སུ མཆི༔ དེ་ནས་སེམས་བསྐྱེད་པ་ནི༔ ཀྱེེ༔ མ་རིག་མུན་པའི་ཁྲི་མུན་དུ༔ སྡུག་བསྔལ་གསུམ་གྱིས་བཅིང་བ་ཡི༔ ཁམས་གསུམ་རྒྱུད་འཁྲུལ་སེམས་ཅན་ཀུན༔ སྐུ་གསུམ་ཐོབ་པར་སེམས་བསྐྱེད་དོ༔ དེ་ནས་བཀའ་བསྒོ་བ་ནི༔ ཧཱུྃ༔ བདག་མེད་རྟོགས་པའི་ཤེས་རབ་ལས༔ རིག་སྟོང་ཞེ་སྡང་རྡོ་རྗེ་བཞེངས༔ གཟུང་དང་འཛིན་པའི་རྣམ་རྟོག་བགེགས༔ ཡུལ་མེད་ཟང་ཐལ་ཆེན པོར་བསྐྲད༔ ཧཱུྃ་བཞིའི་སྔགས་བརྗོད་ཅིང་ཐུན་གྱིས་བྲབ༔ དེ་ནས་མཚམས་གཅོད་པ་ནི༔ ཧཱུྃ༔ འཁོར་འདས་དག་མཉམ་བྱང་ཆུབ་སེམས༔ བགེགས་དང་བར་ཆད་མིང་ཡང་མེད༔ དེ་ལྟར་མ་རྟོགས འཁྲུལ་པའི་བགེགས༔ བདག་མེད་ཆེན་པོར་མཚམས་བཅད་དོ༔ བཛྲ་རཀྵ་རཀྵ་ཧཱུྃ་_UNK་སྭཱ་ཧཱ༔ དེ་ནས་བྱིན་ཆེན་དབབ་པ་ལ༔ ཧཱུྃ༔ ཀ་དག་སྤྲོས་བྲལ་གཞལ་ཡས་ནས༔ ཀུན་བཟང་ཡབ་ཡུམ་བྱིན་ཆེན་ཕོབ༔ ལྷུན་གྲུབ་བདེ་ཆེན་གཞལ་ཡས་ནས༔ རིགས་ལྔ་གངས་ཆེན་བྱིན་ཕོབ་ཅིག༔ ཇི་ལྟ་ཇི་སྙེད་ཤེས་རབ་གཟུགས༔ འཇམ་དཔལ་རིགས་ལྔའི་བྱིན་ཆེན་ཕོབ༔ ༡༣༣ ཝྃ།༔ གནས་དང་སྒྲུབ་ཁང་སྒྲུབ་པ་པོ༔ ཞིང་དང་གཞལ་ཡས་ཡེ་ཤེས་ལྷའི༔ རོལ་པ་ཆེན་པོར་བྱིན་ཕོབ་ཅིག༔ སརྦ་དྷརྨ་ཀཱ་ཡ༔ སཾ་བྷོ་ཀཱ་ཡ༔ ནིརྨཱ་ཀཱ་ཡ༔ པྲཛྙཱ་ཛྙཱ་ན་གུ་ཎ་བཛྲ་ས་མ་ཡ་ཛ་ཛཿ ཨ་བེ་ཤ་ཡ་ཨ་ཨ༔ དེ་ནས་མཆོད་རྫས་བྱིན་བརླབ་ནི༔ ཧཱུྃ༔ དབང་པོ་ཡུལ་གྱི་གསལ་སྒོ་རུ༔ འདོད་ཡོན་སྣང་བ་རྒྱན་དུ་ཤར༔ ཡེ་ཤེས་ཆེན་པོའི་སྒྱུ་འཕྲུལ་ལས༔ མཆོད་སྤྲིན་ནམ་མཁའ་མཛོད་དུ་སྤེལ༔ ཨོཾ་ཨཱཿ ཧཱུྃ་མ་ཧཱ་སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་ཧཱུྃ་ཧྲཱི་ཝཱཿ ཨོཾ་ཨཱཿ ཧཱུྃ༔ བཛྲ་ཨརྒྷཾ་པཱདྱཾ་པུཥྤེ་སོགས་༄ཤཔྡ་རཱུ་པ་ཤཔྡ་གནྡྷེ་རཱ་ས སྤཪྴ་སརྦ་པཱུ་ཛ་ཧོཿ དེ་ནས་རྟེན་ཞིང་ཁམས་དང་གཞལ་ཡས་ཁང་བསྒོམ་པ་ལ༔ ཧཱུྃ༔ སྣང་སྲིད་ཐམས་ཅད་སྟོང་པར་ཞི༔ ཀུན་མཁྱེན་ཀུན་གཟིགས་ཀུན་ཏུ་སྣང་༔ རང་རིག་ཡི་གེ་དྷཱིཿ སེར་ལས༔ འོད་འཕྲོས་ནམ་མཁའི་མཐར་སྙེགས་པའི༔ རྣམ་དག་དགའ་བ་བརྒྱད་ལྡན་ཞིང་༔ དེ་དབུས་ལྷུན་གྲུབ་རང་གདངས་ལས༔ ཡེ་ཤེས་ལྔ་ལྡན་གཞལ་ཡས་དབུས༔ པདྨ་ཉི་ཟླའི་གདན སྟེང་དུ༔ དྷཱིཿ ཡིག་འོད་ཀྱི་རང་བཞིན་བབས༔ འོད་འཕྲོས་རྒྱལ་བ་སྲས་བཅས་མཆོད༔ རྟེན་དང་བརྟེན་པ་སྤྱན་དྲངས་བསྟིམ༔ མར་འཕྲོས་འཁོར་བ་དོང་ནས་སྤྲུགས༔ སྣང་སྲིད དྭངས་བཅུད་ཚེ་བསོད་བསྡུས༔ རིག་པ་དྷཱིཿ ཡིག་གནས་གྱུར་ཏེ༔ རང་ཉིད་མགོན་པོ་འཇམ་པའི་དབྱངས༔ ཞི་འཛུམ་མཚན་དང་དཔེ་བྱད་རྫོགས༔ རབ་མཛེས་གཞོན་ནུ་གུར་གུམ་མདོག༔ ལོངས་སྤྱོད་རྒྱན་རྫོགས་སྐྱིལ་ཀྲུང་བཞུགས༔ ཕྱག་གཡས་ཤེས་རབ་རལ་གྲི་ཕྱར༔ གཡོན་པས་ཨུཏྤལ་གླེགས་བམ་བསྣམས༔ འཇའ་ཚོན་འོད་ལྔའི་ཀློང་དུ་གསལ༔ སྐུ་ལས་འོད་ཟེར་སྟོང་འབར་རྩེར༔ རྣམ་འདྲེན་སངས་རྒྱས་སྟོང་ཕྲག་ཤར༔ གནས་ལྔར་ཡེ་ཤེས་འོད་ཀློང་དུ༔ བདེ་གཤེགས་རིགས་ལྔ་སྲས་དང་བཅས༔ མེ་ལོང་ནང་གི་གཟུགས་བརྙན་ལྟར༔ རང་བྱུང་རང་ཤར་ཆེན་པོར་བསྒོམ༔ གནས་གསུམ་རྡོ་རྗེ་སྙིང་པོ་ལས༔ འོད་དང་འོད་ཟེར་རབ་འཕྲོས་པས༔ ཕྱོགས་བཅུའི་རྒྱལ་བ་སྲས་དང་བཅས༔ མ་ལུས་སྤྱན་དྲངས་གཉིས་མེད་བསྟིམ༔ དེ་ནས་སྤྱན་འདྲེན་དང་བཞུགས་གསོལ་ཕྱག་འཚལ་ལ༔ ཧཱུྃ༔ འོག་མིན་རྣམ་པར་མཛེས་པའི་ཞིང་ཁམས་ནས༔ འཇམ་དཔལ་རིགས་ལྔ་རྟེན་དང་བརྟེན་པའི་དཔལ༔ སྐད་ཅིག་གནས་འདིར་སྤྱན་འདྲེན་གཤེགས་སུ་གསོལ༔ གཤེགས་ནས་དམ་ཡེ་དབྱེར་མེད་ངོ་བོར་བཞུགས༔ རང་རིག་རང་ཞལ་མཇལ་བའི་བརྡ་ཕྱག་འཚལ༔ ན་མོ་མཉྫུ་ཤྲཱི་ཀུ་མ་ར༔ ཝྃ།༔ ཨ་ཏི་པུ་ཧོཿ པྲ་ཏཱིཙྪ་ཧོཿ དེ་ནས་མཆོད་པ་འབུལ་བ་ལ༔ ཧཱུྃ༔ ཆོས་ཉིད་ནམ་མཁའ་མཛོད་ཀྱི་སྒྱུ་འཕྲུལ་ལས༔ བྱུང་བའི་ཕྱི་ནང་གསང་མཆོད་དཔག་ཏུ་མེད༔ རང་བྱུང་ཡེ་ཤེས་དཀྱིལ་འཁོར་ཆེན་པོ་རུ༔ གུས་པས་འབུལ་ལོ་མཆོག་ཐུན་དངོས་གྲུབ་སྩོལ༔ ཨོཾ་བཛྲ་ཨརྒྷཾ་སོགས་ནས་སྔགས་མཆོད་རྣམས་ཚང་བར་བརྗོད༔ དེ་ནས་བསྟོད་པ་ལ༔ ཧཱུྃ༔ དུས་གསུམ་རྒྱལ་བ་ཀུན་གྱི་ཡེ་ཤེས་སྐུ༔ གསུང་དབྱངས་ཡན་ལག་དྲུག་ཅུས་གདུལ་བྱ་འདུལ༔ ཐུགས་གསང་སྒྱུ་འཕྲུལ་དྲྭ་བའི་འཁོར་ལོར་རྫོགས༔ མགོན་པོ་འཇམ་དཔལ་དབྱངས་ལ་ཕྱག་འཚལ་བསྟོད༔ དེ་ནས་ཛཔ་དམིགས་ལ༔ རང་ཉིད་མཁྱེན་རབ་དབང་པོར་གསལ་བ་ཡི༔ ཐུགས་ཀར་ཉི་ཟླའི་གྭའུ་ཁ་སྦྱོར་ནང་༔ གསེར་གྱི་རལ་གྲི་མཚོན་གང་མེ་འབར་བའི༔ ནང་ཁོང་དྷཱིཿ ཡིག་མཐའ་མར་སྔགས་ཀྱིས་བསྐོར༔ དེ་ལས་འོད་འཕྲོས་སངས་རྒྱས་བྱང་སེམས་དང་༔ འཇམ་དཔལ་སྒྱུ་འཕྲུལ་རོལ་པའི་དཀྱིལ་འཁོར་ལྷ༔ མ་ལུས་ཡང་ཡང་སྤྱན་དྲངས་རང་ལ་བསྟིམས༔ ཨོཾ་ཨ་ར་པ་ཙ་ན་དྷཱིཿ ཞེས་བར་མ་ཆད་པར་ཆུ་བོའི་རྒྱུན་གཞུང་ལྟར་བཟླའོ༔ ས་མ་ཡ༔ ལྷ་ས་བསམ་ཡས་ཁྲ་འབྲུག་སོགས༔ གནས་བཟང་བཀྲ་ཤིས་བྱིན་ཆགས་པ༔ མང་བསྡུས་བྱིན་ལྡན་སེལ་མེད་པའི༔ དམ་རྫས་མང་པོར་གཞི་བྱས་ཏེ༔ བསྒྲུབ་རྫས་ཤེས་རབ་རིལ་བུ་ལ༔ རྒྱལ་བློན་འབངས་གསུམ་འཚོགས་པར་བྱ༔ རྒྱལ་པོ་ཨ་བར་སྐྱུར་གསུམ་ལ༔ བློན་ནི་ཁ་ཆེ་གྷི་ཝཾ་དང་༔ ཤུ་དག་དཀར་པོ་ཙནྡན་དཀར༔ གཅུ་གང་མོ་ཅོང་སྦལ་རྒྱབ་དཀར༔ འབངས་ནི་རུ་རྟ་སྔོ་དྷེ་ཝ༔ རྒྱལ་པོ་རེ་རལ་བཙུན་མོ་རལ༔ གླ་སྒང་སྤང་རྒྱན་དཀར་པོ་དང་༔ ཤིང་མངར་ཨ་གར་སྤྱི་ཞུར་དང་༔ སྒྲོན་མ་ཤིང་དང་མཁན་དཀར་དང་༔ ཧ་ལོའི་མེ་ཏོག་མཚེ་དཀར་པོ༔ ཐང་ལ་ཤུག་གམ་ཤུག་ཚེར་དང་༔ འོམ་བུ་རྒྱ་སྲན་དཀར་པོ་དང་༔ ཞོ་ཤ་དཀར་པོ་སྤོས་དཀར་དང་༔ འབྲས་དང་ཡུང་དཀར་གྲོ་དང་ནི༔ དབང་ལག་ཀ་ར་དང་བཅས་སྦྱར༔ རྒྱལ་པོའིགསུམ་འགྱུར་བློན་ལ་བཏང་༔ བློན་གྱི་དགུ་འགྱུར་འབངས་ལ་བཏང་༔ རིང་བསྲེལ་བདུད་རྩི་ཆོས་སྨན་དང་༔ བདུད་རྩི་ཆེན་པོ་དང་བཅས་སྦྱོར༔ རྟེན་འབྲེལ་སྙིང་པོ་འབུམ་ཕྲག་དང་༔ འཇམ་དཔལ་ཡབ་ཡུམ་སྔགས་བཏབ་པའི༔ ཆུས་སྦྲུས་རིལ་བུ་སྦལ་མིག་ཙམ༔ དྲིལ་ཏེ་བདུད་རྩི་འཁྱིལ་བ་དང་༔ རྡོ་རྗེ་སེམས་དཔའི་ཆུ་བསྒྲུབ་པས༔ ལྷ་ཁྲུས་ནན་དུ་བྱས་ནས་མཐར༔ བུམ་པར་བླུགས་ཏེ་དར་སྣ་ལྔའི༔ ཁ་ཁེབས་བྱས་ཏེ་རྒྱ་ཆིངས་གདབ༔ དཀྱིལ་འཁོར་དབུས་སུ་བཞག་ནས་སུ༔ བསྐྱེད་རིམ་གནད་དང་ལྡན་པས་བསྒྲུབ༔ མང་དུ་འཕེལ་ཚེ་ཟོས་ཚད་མི༔ ཕལ་ཆེར་མཁས་པའི་མཆོག་ཏུ་གྲགས༔ ས་མ་ཡ༔ སྒྲུབ་རྟེན་བླ་རྡོ་ཙཀྲ་བྱ་བ་ལ༔ དར་རམ་ཤོག་གུ་དཀར་པོ་ལ༔ མུ་ཁྱུད་རིམ་པ་ལྔ་རུ་བསྐོར༔ དབུས་ཀྱི་ལྟེ་བར་འཇམ་དཔལ་དམར་སེར་གྱི༔ སྐུ་བྲིས་ཐུགས་ཀར་དྷཱིཿ ཡི་ཡི་གེ་བྲིས༔ ཚོན་གྱིས་ལེགས་བྱུགས་ ཝྃ། ཡུམ་དང་འཁྲིལ་བར་བྱ༔ དེ་ཡི་ཕྱི་རིམ་མུ་ཁྱུད་དང་པོ་ལ༔ ཨོཾ་ཨ་ར་པ་ཙ་ན་དྷིཿ པྲཛྙཱ་ཛྙཱ་ན་པུཎྱེ་སརྦ་སིདྡྷི་ཕ་ལ་ཧཱུྃ་ཨ༔ འཆང་བ་པོ་ལ་སྲུངས་ཤིག་སྐྱོབས་ཤིག༔ མཆོག་ཐུན་མོང་གཉིས་ཀྱི་དངོས་གྲུབ་ཐམས་ཅད་སྩལ་དུ་གསོལ༔ དེ་ཡི་ཕྱི་རིམ་པདྨ་འདབ་བརྒྱད་ལ༔ མདུན་ནས་རིམ་བཞིན་ཤར་འདབ་ལ༔ ཨོཾ་ཝ་ཀྱཻ་དཾ་ན་མཿ ལྷོ་ཡི་འདབ་མ་ལ༔ ཨོཾ་ཝཱ་གཱི་ཤྭ་རི་མུཾཿ ནུབ་ཀྱི་འདབ་མ་ལ༔ ཨོཾ་ཧྲཱིཿ དྷཱི་མ་མེ་དྷི་བཾ་མཉྫུ་ཤྲཱི་མཱུཾ་ཧྲཱིཿཔྲཛྙཱ་ཝརྡྷ་ནི་ཧྲཱིཿ དྷཱིཿ སྭཱ་ཧཱ༔ བྱང་གི་འདབ་མ་ལ༔ ཨོཾ་ཕེ་ལང་ཧཱུྃ༔ མཉྫུ་ཤཱི་ཀཱ་ལ་ཀྲོ་ཏ་ཧཱུྃ་ཕཊ༔ ཤར་ལྷོ་མཚམས་ཀྱི་འདབ་མ་ལ༔ ཨོཾ་བཛྲ་ཀྲོ་ཏ་ཡ་མཱནྟ་ཀ་ཧཱུྃ་ཕཊ༔ ལྷོ་ནུབ་མཚམས་ཀྱི་འདབ་མ་ལ༔ ཨོཾ་རཏྣ་ཀྲོ་ཏ་ཡ་མཱནྟ་ཀ་ཧཱུྃ་ཕཊ༔ ནུབ་བྱང་མཚམས་ཀྱི་འདབ་མ་ལ༔ ཨོཾ་པདྨ་ཀྲོ་ཏ་ཡ་མཱནྟ་ཀ་ཧཱུྃ་ཕཊ༔ བྱང་ཤར་མཚམས་ཀྱི་འདབ་མ་ལ༔ ཨོཾ་ཀརྨ་ཀྲོ་ཏ་ཡ་མཱནྟ་ཀ་ཧཱུྃ་ཕཊ༔ ཅེས་བྲིས་སོ༔ དེ་དག་ཐམས་ཅད་ཡིག་མགོ་ཕྱིར་བསྟན་ནོ༔ དེ་ཕྱིར་ཕྱི་རིམ་མུ་ཁྱུད་གསུམ་པ་ལ༔ པདྨ་འདབ་མ་ལྔ་ལ་ཧྲཱིཿ ལྔ་བྲིས༔ པད་མཚམས་རྣམས་སུ་ཨཱཿ ཡིག་རེ་རེ་བྲིས༔ ཧྲཱིཿ ཡིག་འོག་ཏུ་འདི་དག་བྲི་བར་བྱ༔ སརྦ་པྲཛྙཱ་ཛྙཱ་ན་སིདྡྷི་ཕ་ལ་ཧཱུྃ་ཨ༔ དེ་ཡི་ཕྱི་རིམ་མུ་ཁྱུད་བཞི་པ་ལ༔ ཨོཾ་བཛྲ་ཀྲོ་ཏ་ཡ་མཱནྟ་ཀ་ཧཱུྃ་ཕཊ༔ ནད་གདོན་སྡིག་སྒྲིབ་ལས་ཉོན་བག་ཆགས་ཐམས་ཅད་ཤཱནྟི་ཀུ་རུ བ་༠་གངཤི༩་ ཡེ་སྭཱ་ཧཱ༔ ཨོཾ་རཏྣ་ཀྲོ་ངྷ་ཡ་མཱནྟ་ཀ་ཧཱུྃ་ཕཊ༔ ཚེ་བསོད་དཔལ་འབྱོར་མངའ་ཐང་ཡེ་ཤེས་ཡོན་ཏན་ཐམས་ཅད་པུཥྚིཾ་ཀུ་རུ་སྭཱ་ཧཱ༔ ཨོཾ་པདྨ་ཀྲོ་ཏ་ཡ་མཱནྟ་ཀ་ཧཱུྃ་ཕཊ༔ ཁམས་གསུམ་སྲིད གསུམ་གྱི་སྐྱེ་འགྲོ་ཕོ་མོ་གང་ཟག་བཟང་རྒུ་ཆེ་བཙན་མཁས་བཙུན་བུ་སློབ་ལྷ་འདྲེ་མི་གསུམ་འགྲོ་བ་ཕོ་མོ་ཟས་ནོར་ལོངས་སྤྱོད་འདོད་རྒུ་ཡིད་བཞིན་གྱི་བྱེ་བྲག་ཐམས་ཅད་འཆང་བ་པོའི་དབང་དུ་འདུ་བར་གྱུར་ཅིག༔ ལོངས་སྤྱོད་དུ་དབང་འབྱོར་བར་མཛད་དུ་གསོལ༔ སརྦ་པཱ་ཤཾ་ཀུ་རུ་ཡེ་སྭཱ་ཧཱ༔ ཨོཾ་ཀརྨ་ཀྲོ་ཏ་ཡ་མཱནྟ་ཀ་ཧཱུྃ་ཕཊ༔ ཨོཾ་ཡ་མ་ར་ཙ་ཀཱ་ལ་རཱུ་པ་ཙ་མུནྟྲི་ཧཱུྃ་ཛཿ ཉོན་མོངས་དུག་ལྔ་དུག་གསུམ་གྱི་ཀུན་ནས་བསླང་བའི་དགྲ་འདྲེ་གནོད་བྱེད་ཐམས་ཅད་བརླག་པར་གྱུར་ཅིག༔ མེད་པར་མཛད་དུ་གསོལ༔ ནྲྀ་ཏྲི་སརྦ་ཤ་ཏྲུཾ་མཱ་ར་ཡ་ཕཊ༔ ཅེས་བྲིས༔ དེ་མཐར་དབྱངས་གསལ་རྟེན་སྙིང་བྲིས་པའི་མཐར༔ ཡབ་འཇམ་དཔལ་རིགས་ལྔ་ཡུམ་དབྱངས་ཅན་མ་ལྔ་སྤྲུལ་པ་གཤིན་རྗེའི་གཤེད་བཞི་ལས་མཁན་གཤིན་རྗེ་ཡབ་ཡུམ་དང་བཅས་པའི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་ཐམས་ཅད་འདིར་རབ་ཏུ་གནས་ཤིང་བརྟན་པར་གྱུར་ཅིག༔ བླ་གནས་པར་གྱུར་ཅིག༔ སྲོག་ཆགས་པར་གྱུར་ཅིག༔ འཆང་བ་པོའི་སྒོ་ ཝྃ།༔ གསུམ་རྡོ་རྗེ་གསུམ་གྱི་རོལ་པ་རུ་བྱིན་གྱིས་རླབས་ནས་འཕོ་མེད་ཕྱག་རྒྱ་ཆེན་པོ་མཆོག་གི་དངོས་གྲུབ་ཚེ་འདི་ཉིད་ལ་ཐོབ་པར་མཛད་དུ་གསོལ༔ ཀཱ་ཡ་ཝཱཀ་ཙིཏྟ་ཉྩ སརྦ་སིདྡྷི་ཕ་ལ་ཧཱུྃ་ཨཱཿ དེ་མཐར་འཇའ་རིས་བཀྲ་ཤིས་རྫས་རྟགས་དང་༔ རྒྱལ་སྲིད་སྣ་བདུན་རྣམས་ཀྱིས་བསྐོར་བར་བྱ༔ རྫས་ལ་སེལ་མེད་དམ་རྫས་བྱིན་ལྡན་དང་༔ བཟང་དྲུག་བྱང་སེམས་དཀར་དམར་བྱུག་པར་བྱ༔ སྒྲུབ་རྟེན་ལ་བཙུག རབ་གནས་ནན་དུ་བྱ༔ འབྲལ་མེད་ལུས་ལ་བཅངས་པས་འདི་ཕྱི་ཡི༔ དགེ་ལེགས་ཡོན་ཏན་ཐམས་ཅད་གོང་འཕེལ་བྱེད༔ ཕྱི་ནང་གསང་བའི་བར་ཆད་གཡུལ་ལས་རྒྱལ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ད 163 T11602 - 167 T1602 - 168 ཝྃ༔ རང་ཉིད་འཇམ་དཔལ་སྒྱུ་འཕྲུལ་རོལ་པ་རྟེན་དང་བརྟེན་པའི་དཀྱིལ་འཁོར་དུ་གསལ་བའི་ཡབ་རྣམས་ཀྱི་ཐུགས་ཀར་པདྨ་དང་ཉི་ཟླའི་གདན་ལ་རལ་གྲི་དྷཱིཿ ཡིག་གིས་མཚན་པ་ཅན་གྱི་མཐའ་སྐོར་དུ་རང་རང་གི་སྔགས་ཀྱིས་བསྐོར་བར་བསྒོམ༔ ཡུམ་རྣམས་ཀྱི་ཐུགས་ཀར་ཧྲཱིཿཡིག་རང་མདོག་གི་མཐར་འོད་ཟེར་གྱི་འཁོར་ལོ་གཡོན་དུ་འཁོར་བར་བསྒོམ༔ དེ་དག་ལས་འོད་ཟེར་དཔག་ཏུ་མེད་པ་འཕྲོས་པས་རྒྱལ་བ་སྲས་དང་བཅས་པ་ཐམས་ཅད་དང་འཇམ་དཔལ་རིགས་ལྔའི་རྟེན་དང་བརྟེན་པའི་དཀྱིལ་འཁོར་ཐམས་ཅད་མ་ལུས་ཤིང་ལུས་པ་མེད་པ་འོད་ཕུང་ཁ་དོག་ལྔ་ལྡན་གྱི་རྣམ་པར་བསྡུས་ཏེ་ཐུགས་སྲོག་དང་སྔགས་ཕྲེང་ལ་ཐིམ་པས་ཤེས་རབ་ཡེ་ཤེས་ཆེན་པོའི་ངང་རྒྱས་ཤིང་རྩལ་འབར་བར་བསྒོམ༔ ཨོཾ་ཨ་ར་པ་ཙ་ན་དྷཱིཿ ཧྲཱིཿ ཨོཾ་ཝ་ཀྱཻ་དཾ་ན་མཿ ཨོཾ་ཝཱ་གཱི་ཤྭ་རི་མུཾཿ ཨོཾ་ཧྲཱིཿ དྷཱིཿ མ་