Tibetan
ནི༔ ཧཱུྃ་ཧྲཱིཿ བླ་མ་དྲག་པོ་ཡབ་ཡུམ་སྤྲུལ་འཁོར་དང་༔ བཀའ་སྡོད་ལས་མཁན་རྒྱ་མཚོའི་ཚོགས་བཅས་ལ༔ ཞལ་ཟས་ཚོགས་ཀྱི་མཆོད་པ་དམ་པ་འབུལ༔ གཟི་བྱིན་དབང་དང་དངོས་གྲུབ་སྩལ་དུ་གསོལ༔ གུ་རུ་དྷེ་ཝ་ཌཱ་ཀི་ནཱི་གྷ་ཎ་ཙཀྲ་པཱུ་ཛ་ལ་ཁཱ་ཧི༔ དེ་ནས་བཤགས་པ་བྱ་བ་ནི༔ ཧོཿ བླ་མ་དྲག་པོའི་ལྷ་ཚོགས་དགོངས་སུ་གསོལ༔ གསང་སྔགས་བླ་མེད་རྡོ་རྗེ་ཐེག་པ་ཡི༔ དམ་ཚིག་གཉན་པོ་དང་འགལ་ཉམས་ཆག་ཀུན༔ འདོད་ཡོན་ཚོགས་ཀྱི་མཆོད་པས་བསྐང་ཞིང་བཤགས༔ ཨོཾ་གྷ་ཎ་ཙཀྲ་སཏྭ་སོགས༔ དེ་ནས་བསྒྲལ་བ་ནི༔ ཧཱུྃ༔ འཁོར་འདས་དབང་བསྒྱུར་དྲག་པོའི་དཀྱིལ་འཁོར་ནས༔ བདེ་ཆེན་རྒྱལ་པོའི་ལྷ་ཚོགས་དབྱིངས་ནས་བཞེངས༔ མངོན་སྤྱོད་ཕྲིན་ལས རོལ་པའི་བརྟུལ་ཞུགས་ཀྱིས༔ ལོག་འདྲེན་དགྲ་བགེགས་ཁུག་ལ་རྡུལ་དུ་རློག༔ རྩ་སྔགས་མཐར༔ ཨཿ ཡཿ མཿ དུཿ རུཿ ཙཿ ཤཿ ནཿ ས་མ་ཡ་ནྲྀ་ཏྲི་ཤ་ཏྲུཾ་མཱ་ར་ཡ་ཧུར་ཐུམ་ཛཿརྦད་སོད༔ དེ་ནས་ཞལ་དུ་སྟོབ་པ་ནི༔ ཧཱུྃ༔ དབང་དྲག་རོལ་པའི་དཀྱིལ་འཁོར་ཆེན་པོ་ནས༔ བླ་མ་དྲག་པོའི་ལྷ་ཚོགས་ཞལ་ཕྱེས་ཤིག༔ གཟུང་འཛིན་རཱུ་དྲ་བསྒྲལ་བའི་ཕུང་པོ་འདི༔ རྗེས་ཤུལ་ལྷག་མ་མེད་པར་ཞལ་དུ་བསྟབ༔ མ་ཧཱ་མཱཾ་ས་རཀྟ་ཙིཏྟ་ལ་ཁཱ་ཧི༔ དེ་ནས་ལྷག་མ་བཏང་བ་ནི༔ ཧཱུྃ་བྷྱོ༔ ཀ་དག་ཡེ་གྲོལ་གདོད་མའི་མགོན་པོ་ཡི༔ ལྷུན་གྲུབ་རོལ་པ་ཆེན་པོའི་སྒྱུ་འཕྲུལ་ལས༔ གདུལ་བྱ་ཐབས་ཀྱིས་འདུལ་ཕྱིར་ཕྱག་རྒྱར་ངོམས༔ སེམས་སྣང་སྲིད་པའི་ལྷ་སྲིན་དམ་རྒྱས་བཅིང་༔ གསང་སྔགས་ཟབ་མོའི་ཀློང་དུ་རྒྱས་བཏབ་ནས༔ མི་འདའ་རིག་པའི་རྡོ་རྗེས་དབང་དུ་བཀོལ༔ བཀའ་སྡོད་རང་རྩལ་དྲེགས་པ་ཕོ་མོའི་ཚོགས༔ རྟེན་འབྲེལ་ཟབ་མོའི་ཆོ་གའི་ཕ་འབབ་ཏུ༔ རྣམ་པར་ཤེས་པའི་སྤྱོད་ཡུལ་འདོད་འཇོའི་དཔལ༔ མི་ཟད་རྒྱན་འཁོར་ལྷག་མའི་ ཁྲོཾ༔ ལོངས་སྤྱོད་འབུལ༔ བཞེས་ནས་རང་གྲོལ་བདེ་ཆེན་ས་ལ་སྐྱོལ༔ ཕྱི་ནང་གསང་བའི་བར་ཆད་དབྱིངས་སུ་སྒྲོལ༔ ཕྲིན་ལས་རབ་འབྱམས་ཐོགས་མེད་སྒྲུབ པར་མཛོད༔ ས་མ་ཡ་ཨུཙྪིཥྚ་བ་ལིཾ་ཏ་ཁཱ་ཧི༔ དེ་ནས་ཆད་མདོ་བཏང་བ་ནི༔ ཧཱུྃ་བྷྱོ༔ དུས་གསུམ་ཀ་དག་མཉམ་པ་ཉིད་ཀྱི་དུས༔ ཁྱབ་བདག་སྤྱི་དཔལ་རྒྱལ་པོ་ཧེ་རུ་ཀས༔ གཟུང་འཛིན་རཱུ་དྲ་གཞི་རུ་བསྒྲལ་བའི་ཚེ༔ རྟོག་ཚོགས་སྲིད་པའི་དྲེགས་པ་ལྕམ་དྲལ་གྱིས༔ མི་འདའ་རྡོ་རྗེའི་དམ་ཚིག་སྲོག་ཏུ་བསྲེས༔ དོར་མེད་བྱང་ཆུབ་སེམས་ཀྱིས་གཉེར་བཟུང་སྟེ༔ ཟག་མེད་ནམ་མཁའ་མཛོད་ཀྱི་བརྔན་བླངས་བཞིན༔ ཆད་དོན་དམར་གྱི་གཏོར་མ་འདི་ལོངས་ལ༔ འཁྲུལ་པའི་འཁོར་ལོ་གཞི་རུ་མ་སངས་བར༔ ཕྲིན་ལས་རབ་འབྱམས་བསྒྲུབ་པའི་ཕོ་ཉ་མཛོད༔ དེ་འོག་བར་གྱི་དུས་ཚིགས་གཉིས་པ་ལ༔ ཡེ་གྲོལ་རྒྱལ་པོ་པདྨ་འབྱུང་གནས་ཀྱིས༔ རྐྱེན་སྣང་སྲིད་པའི་ལྷ་སྲིན་དམ་རྒྱས་བསྡམ༔ གསང་སྔགས་ཟབ་མོ་བཀའ་ཡི་གཉེར་དུ་བསྐོས༔ འདོད་ཡོན་དམར་གྱི་གཏོར་མའི་ཕ་ཕོག་གཏད༔ སྒྲུབ་པའི་རྣལ་འབྱོར་བསྲུང་བའི་བཀའ་ཁྲིམས་བསྡམ༔ ཆད་དོན་དམར་གྱི་གཏོར་མ་འདི་ལོངས་ལ༔ ཕྲིན་ལས་རབ་འབྱམས་བསྒྲུབ པའི་ཕོ་ཉ་མཛོད༔ དེ་འོག་དུས་ཚིགས་གསུམ་གྱི་ཐ་མ་ལ༔ ཆོས་ཉིད་སྒྱུ་མར་རོལ་པའི་གནས་མཆོག་ཏུ༔ གདོད་མའི་མགོན་པོ་པདྨ་འབྱུང་གནས་ཀྱིས༔ གཉིས་མེད་ཟློས་གར་རོལ་པའི་རིག་འཛིན་ལ༔ ཟབ་གསང་གཉན་པོའི་གཏད་རྒྱ་བཀྲོལ་བའི་ཚེ༔ རང་རྩལ་སྣང་སྲིད་ལྷ་འདྲེ་དམ་རྒྱས་བསྡམ༔ ཕྲིན་ལས་བསྒྲུབ་པའི་ཕོ་ཉར་བཀའ་ཁྲིམས་བསྡམ༔ བཀའ་ཡི་ཕ་འབབ་གཏོར་མ་ཕོག་ཏུ་བཞག༔ ཆད་དོན་དམར་གྱི་གཏོར་མ་འདི་ལོངས་ལ༔ ཕྲིན་ལས་རབ་འབྱམས་བསྒྲུབ་པའི་ཕོ་ཉ་མཛོད༔ ད་ལྟ་སྒྲུབ་པའི་རིག་འཛིན་མཆེད་ལྕམ་གྱིས༔ རང་སྣང་བཀོད་པ་རབ་རྫོགས་གཞལ་ཡས་འདིར༔ ཡེ་གྲུབ་རིག་པའི་རྡོ་རྗེའི་གྲོང་ཞུགས་ནས༔ གཉིས་སྣང་དྲེགས་པའི་ལྷ་སྲིན་སྡེ་བརྒྱད་དང་༔ སེམས་བྱུང་སྣང་སྲིད་ལྷ་འདྲེའི་སྡེ་ཚོགས་ལ༔ ཆད་དོན་དམར་གྱི་གཏོར་མ་འདི་འབུལ་གྱིས༔ ཟབ་གསང་གཉན་པོའི་བསྟན་དང་བསྟན་འཛིན་སྐྱོངས་༔ ཕྱི་ནང་གསང་བའི་བར་ཆད་དགྲ་བགེགས་ཟློག༔ དམ་ཚིག་གཉན་ལས་མ་འདའ་ས་མ་ཡ༔ དེ་ནས་བརྟན་མ་སྐྱོང་བ་ནི༔ ཧཱུྃ་བྷྱོ༔ སྔོན་ཚེ་སློབ་དཔོན་པདྨ་ཐོད་ཕྲེང་གིས༔ བཀའ་བསྒོས་དམ་བཞག་དབང་བསྐུར་གཉེར་གཏད་པའི༔ བརྟན་མ་ཆེན་མོ་བཅུ་གཉིས་འཁོར་དང་ ཁྲོཾ༔ བཅས༔ འདིར་གཤེགས་ཆད་དོན་གཏོར་མའི་བཤལ་ཆུ་བཞེས༔ ཟབ་གསང་བསྟན་པ་ཕྱོགས་མཐར་རྒྱས་པ་དང་༔ བསྟན་དགྲ་རྡུལ་དུ་བརླག་པའི་ཕྲིན་ལས མཛོད༔ བཀའ་དང་དམ་ལས་མ་འདའ་ས་མ་ཡ༔ མ་མ་ཧྲཱི་ཧྲཱི་བ་ལིངྟ་ཁཱ་ཧི༔ དེ་ནས་རྟ་བྲོ་བརྡུང་བ་ནི༔ ཧཱུྃ་ཧཱུྃ༔ དབང་དྲག་རོལ་པའི་དཀྱིལ་འཁོར་ཆེན་པོ་ནས༔ གཞི་ཡི་ཆོས་སྐུ་བདེ ཆེན་རྒྱལ་པོ་ཡི༔ སྐུ་ལྔ་ཡེ་ཤེས་རོལ་པའི་བརྟུལ་ཞུགས་ཀྱིས༔ ཉོན་མོངས་འཁྲུལ་སྣང་དབྱིངས་སྒྲོལ་བྲོ་ར་བཙུགས༔ ལོག་རྟོག་རཱུ་དྲའི་མགོ་ལ་ཆེམས་སེ་ཆེམ༔ རིམ་དགུ་ས་ཡི་འོག་ཏུ་མཱ་ར་ཡ༔ མ་ཤོར་རྟེན་འབྲེལ་ཟབ་མོས་དམ་རྒྱའོ༔ ཨོཾ་ལཾ༔ ཨཱཿལཾ༔ ཧཱུྃ་ལཾ༔ སུཾ་ལཾ༔ སྟྭམ་བྷ་ཡ་ནན༔ དེ་ནས་དངོས་གྲུབ་བླང་བ་ནི༔ ཧཱུྃ་ཧྲཱིཿ བླ་མ་དྲག་པོའི་ལྷ་ཚོགས དགོངས་སུ་གསོལ༔ སྒྲུབ་པའི་རིག་འཛིན་རྣལ་འབྱོར་བདག་ཅག་གིས༔ བསྙེན་སྒྲུབ་ལས་སྦྱོར་དུས་འདིར་མཐའ་རུ་སོན༔ ད་ལྟ་ཉིད་དུ་མཆོག་ཐུན་དངོས་གྲུབ་སྩོལ༔ རྩ་སྔགས་མཐར༔ ཀཱ་ཡ་ཝཱ་ཀ་ཙིཏྟ་སརྦ་སིདྡྷི་ཕ་ལ་ཧཱུྃ་ཨཱཿ དེ་ནས་བཤགས་པ་ནི༔ ཧོཿ རྩ་གསུམ་རྒྱལ་བ་རྒྱ་མཚོའི་སྤྱན་སྔ་རུ༔ ཚེ་རབས་ལས་ཉོན་བག་ཆགས་མི་དགེའི་ཚོགས༔ མཐོལ་ལོ་བཤགས་སོ་ སླན་ཆད་སྡོམ་པར་བགྱི༔ མི་སྒྲིབ་ཚངས་པ་མཆོག་གི་དངོས་གྲུབ་སྩོལ༔ ཡི་གེ་བརྒྱ་པ་བཟླ༔ དེ་ནས་བསྔོ་བ་སྨོན་ལམ་ནི༔ ཧཱུྃ༔ དུས་གསུམ་བསགས་པའི་དགེ་རྩ་ཐམས་ཅད་ཀུན༔ བླ་མེད་བྱང་ཆུབ་མཆོག་གི་རྒྱུ་རུ་བསྔོ༔ ཁམས་གསུམ་འཁོར་བའི་སེམས་ཅན་མ་ལུས་པ༔ ཕྱམ་གཅིག་རྫོགས་པའི་སངས་རྒྱས་ས་ཐོབ་ཤོག༔ དེ་ནས་རྟག་མཐའ་བསལ་བ་ནི༔ ཧཱུྃ༔ སྣང་བ་ཐམས་ཅད་ལྷ་སྐུའི་དབྱིངས་སུ་བསྡུ༔ ལྷ་དང་དཀྱིལ་འཁོར་གཉིས་མེད་སྔགས་སུ་བསྡུ༔ སྔགས་ཕྲེང་ཧཱུྃ་དང་ཟླ་ཚེས་ཐིག་ལེ་ལ༔ ཐིག་ལེ་ཆོས་ཀྱི་དབྱིངས་སུ་འབྱམས་ཀླས་སོ༔ ཨ་ཨ་ཨ༔ དེ་ནས་ཆད་མཐའ་བསལ་བ་ནི༔ ཧཱུྃ་ཧཱུྃ་ཧཱུྃ༔ ཆོས་ཀྱི་དབྱིངས་ལས་ལྷུན་གྲུབ་ངང་མདངས་ཤར༔ ལྷུན་གྲུབ་གདངས་ལས་ཐུགས་རྗེའི་རྩལ་ཤུགས་ཀྱིས༔ སྣང་གྲགས་རིག་གསུམ་ལྷ་སྔགས ཆོས་ཉིད་ཀྱི༔ འཁོར་ལོ་གསུམ་གྱི་རོལ་པར་འབྱམས་ཀླས་སོ༔ ཕཊ་ཕཊ་ཕཊ༔ དེ་ནས་བཀྲ་ཤིས་བྱ་བ་ནི༔ ཧཱུྃ༔ ཆོས་ཉིད་རྣམ་དག་ནམ་མཁའ་ལ༔ སྐུ་དང་ཡེ་ཤེས་གཟའ་སྐར་ཤར༔ ཐུགས་རྗེས་འགྲོ་བ་ཡོངས་སྒྲོལ་བྱེད༔ སྐུ་གསུམ་ལྷུན་གྲུབ་བཀྲ་ཤིས་ཤོག༔ སྣང་བ་མཐའ་ཡས་གཟུགས་ཀྱི་སྐུར་སྣང་བ༔ འགྲོ་བའི་མགོན་པོ་པདྨ་འབྱུང་གནས་ཉིད༔ གདུལ་དཀའ་ ཁྲོཾ༔ འདུལ་མཛད་ཁྲོ་བོའི་སྐུར་སྟོན་པ༔ དབང་དྲག་བདེ་ཆེན་རྒྱལ་པོའི་བཀྲ་ཤིས་ཤོག༔ རྡོ་རྗེ་ཐེག་པའི་ཉི་གཞོན་སྤྲིན་བྲལ་གྱིས༔ འགྲོ་ཁམས་རྒྱ་མཚོ་ཡོངས་ལ་ཁྱབ་པ་ཡིས༔ སྐྱེ་འགྲོའི་སྒྲིབ་གཉིས་མུན་ཁམས་སེལ་བྱས་ནས༔ ཇི་ལྟ་ཇི་སྙེད་ཡེ་ཤེས་མངོན་གྱུར་ཏེ༔ རྣམ་གྲོལ་རྫོགས་སངས་རྒྱས་པའི་བཀྲ་ཤིས་ཤོག༔ ས་མ་ཡ༔ དུས་གསུམ་རྒྱལ་བ་རྒྱ་མཚོའི་སྲོག་གི་ཏིག༔ བཅུད་དུ་དྲིལ་བའི་གདམས་པ་ཟབ་མོ་འདི༔ པདྨའི་བརྒྱུད་འཛིན་རྣམས་ལ་གཏད་རྒྱ་བཀྲོལ༔ གདམས་ངག་ཆུད་ཟོས་མ་གཏོང་སྙིང་གི་བུ༔ སྨོན་ལམ་ལས་ཀྱིས་འབྲེལ་བའི་སྐལ་ལྡན་ལས༔ འདི་དང་འཕྲད་པ་ཨུ་དུམ་ཝ་ར་ཙམ༔ པདྨ་བདག་གི་སྙིང་ཐིག་ཟབ་མོ་འདིར༔ རིག་འཛིན་འབུམ་གྱི་དགོངས་པས་རྒྱས་བཏབ་ཅིང་༔ འབུམ་ཕྲག་ཡངས་པའི་མཁའ་འགྲོའི་ཀློང་རྒྱས་བཏབ༔ དཔག་ཡས་རྒྱལ་བའི་བྱིན་རླབས་རྒྱས་ཡང་བཏབ༔ བྱིན་རླབས་རྣོ་ནུས་གཞན་ལས་ཁྱད་པར་འཕགས༔ འབྲེལ་ཚད་རྣམ་པར་གྲོལ་བའི་ཟབ་ཁྱད་ཡོད༔ བཀའ་སྲུང་གཟའ་བདུད་དུག་གི་སྤུ་གྲིར་བཅོལ༔ ཐུབ་པར་སྲུངས་ཤིག་བཀའ་དང་ཐ་ཚིག་རྒྱ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ནི་ཁྲག་འཐུང་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་གསེར་སྨད་རྔ་ལ་སྟག་རྩེའི་གཡས་ལོགས་རྡོ་རྗེའི་བྲག་ནས་བཏོན་ཏེ་མི་ལོ་བཅོ་བརྒྱད་བར་དུ་བཀའ་རྒྱས་བཏབ་ནས་མཐར་རང་སློབ་དམ་པ་ཡེ་ཤེས་ཉི་མ་མཐའ་རྒྱས་ཞེས་བྱ་བས་ནན་དུ་བསྐུལ་ངོར་སྨར་མདོ་བཀྲ་ཤིས་དགའ་འཁྱིལ་དུ་དག་པར་ཕབ་པའི་ཡི་གེ་པ་ནི་བེེ་རོའི་ཟློས་གར་ཆོས་ཀྱི་རྡོ་རྗེའོ། །དགེའོ། །དགེའོ། །དགེའོ།། ། T1601 - 270 ཇོཾ༔ ཟབ་གསང་མཁའ་འགྲོའི་སྙིང་ཐིག་ལས༔ བླ་མ་དྲག་པོ་བདེ་ཆེན་རྒྱལ་པོའི་གསང་སྒྲུབ་ཀུན་ཁྱབ་ཡེ་ཤེས་བཞུགས་སོ༔ རྦྦ གཎྜས༔ ན་མོ་གུ་རུ་པདྨ་ཀ་ར་ཡེ༔ མ་འོངས་ལྔ་བརྒྱའི་སྙིགས་མ་ལ༔ པདྨའི་བརྒྱུད་འཛིན་ལས་ཅན་གྱི༔ ཡང་དག་སྙིང་པོ་ལྷུར་ལེན་ཚེ༔ ཕྱི་ནང་བར་ཆད་གེགས་སྒྲོལ་ཞིང་༔ སྡེ་བརྒྱད་དྲེགས་པ་བྲན་ཁོལ་ཕྱིར༔ རྟག་ཏུ་འདི་ལ་བརྩོན་པར་གྱིས༔ ལག་ཏུ་ལེན་པའི་རིམ་པ་ནི༔ སྐྱབས་སེམས་སྔོན་སོང་བགེགས་ཀྱང་བསྐྲད༔ རྡོ་རྗེའི་སྲུང་བའི་གུར་ཁང་བསྒོམ༔ དེ་ནས་གཞལ་ཡས་ལྷ་བསྐྱེད་ནི༔ ཧཱུྃ་ཧཱུྃ་ཧཱུྃ༔ འཁོར་འདས་དག་མཉམ་ཆོས་ཀྱི་དབྱིངས༔ སྣང་བ་ལྷུན་གྲུབ་བདེ་ཆེན་ཞིང་༔ བཀོད་པ་འཕྲུལ་གྱི་གཞལ་ཡས་དབུས༔ པད་ཉི་རྒྱལ་བསེན་སྡེ་བརྒྱད་སྟེང་༔ བདག་ཉིད་བདེ་གཤེགས་ཡོངས་འདུས་དཔལ༔ དབང་དྲག་བདེ་ཆེན་རྒྱལ་པོའི་སྐུ༔ དམར་ནག་ཞལ་གཅིག་ཕྱག་གཉིས་པ༔ ཕྱག་གཡས་གནམ་ལྕགས་རྡོ་རྗེ་ཕྱར༔ གཡོན་པས་ལྕགས་སྡིག་མགོ་དགུ་འཛིན༔ ཞལ་གདངས་ལྗགས་འདྲིལ་མཆེ་བ་གཙིགས༔ དམར་ཟླུམ་སྤྱན་གསུམ་སྡང་མིག་གཡོ༔ སྨ་ར་སྨིན་མར་མེ་ཞགས་འཕྲོ༔ དབུ་སྐྲ་དམར་སེར་སྲིད་རྩེར་འབར༔ ཐོད་སྐམ་ལྔ་ཡིས་དབུ་ལ་བརྒྱན༔ ཐོད་ཕྲེང་ཚར་གསུམ་སྦྲུལ་ཆུན་བརྒྱན༔ གླང་ཆེན་མི་ལྤགས་སྟོད་གཡོགས་དང་༔ སྟག་ལྤགས་ཤམ་ཐབས་གོས་སུ་ཀླུབ༔ ཐལ་ཚོམ་ཁྲག་ཐིག་ཞག་གིས་བྱུག༔ ཞབས་གཉིས་གྱད་ཀྱི་འདོར་སྟབས་བགྲད༔ ཅོད་པན་སྙན་ཆ་སྦྲུལ་གདུབ་གསོལ༔ ཡེ་ཤེས་མེ་དཔུང་ཀློང་དུ་བསྐྱེད༔ རབ་འབྱམས་རྒྱལ་བའི་དཀྱིལ་འཁོར་ལྷ༔ ཏིལ་གྱི་གོང་བུ་ཕྱུར་བ་བཞིན༔ དྲག་པོའི་སྐུ་ཡི་ཀློང་དུ་རྫོགས༔ གནས་གསུམ་རྡོ་རྗེ་སྙིང་པོ་ལས༔ འོད་འཕྲོས་དབྱིངས་ནས སྤྱན་དྲངས་བསྟིམས༔ དེ་ནས་སྤྱན་འདྲེན་པ་ནི༔ ཧཱུྃ༔ ཆོས་ཉིད་གདལ་ཁྱབ་མཁའ་ཀློང་ལས༔ ལྷུན་གྲུབ་བདེ་ཆེན་རྒྱལ་པོ་བཞེངས༔ ལྷན་སྐྱེས་ཡེ་ཤེས་ཆེན་པོར་བཞུགས༔ གཉིས་མེད་རྟོགས་པས་བརྡ་ཕྱག་འཚལ༔ བཛྲ་ས་མ་ཡ་ཛ་ཛཿ སྟྭཾ༔ ན་མོ་པུ་རུ་ཤ་ཡ་ཧོཿ དེ་ནས་མཆོད་འབུལ་ནི༔ ཧཱུྃ༔ སྣང་བ་སྣ་ཚོགས་མཆོད་པའི་སྤྲིན་༔ བདག་མེད་རྟོགས་པའི་ཤུགས་ཀྱིས་བརླན༔ ཡེ་ཤེས་བདུད་རྩི་བླ་ན་མེད༔ རང་རིག་ཡེ་ཤེས་ལྷ་ལ་འབུལ༔ མ་ཧཱ་ཛྙཱ་ན་པཉྩ་ཨ་མྲྀ་ཏ་སརྦ་གྷ་ཎ་པཱུ་ཛ་ཧོཿ དེ་ནས་བསྟོད་པ་བྱ་བ་ནི༔ ཧཱུྃ༔ སྤྲོས་བྲལ་བདེ་ཆེན་རྒྱལ་པོ་ཡི༔ བདག་མེད་ཤེས་རབ་རྣོ་མཚོན་གྱིས༔ བདག་རྟོག་རཱུ་དྲ་ཤུགས་ཀྱིས་སྒྲོལ༔ མཉམ་ཉིད་ཆེན་པོར་དག་མཉམ་རོལ༔ གཞན་གྱིས་མི་ཐུབ་དྲག་ཤུལ་ལྡན༔ ཁྱབ་བདག་ཆེན་པོ་ཁྱོད་ལ་ ཁྲོཾ༔ བསྟོད༔ ཛཔ་དམིགས་ནི༔ རང་ཉིད་དྲག་པོ་བདེ་ཆེན་རྒྱལ་པོར་གསལ་བའི་ཐུགས་ཀར་ཨོ་རྒྱན་མཚོ་སྐྱེས་རྡོ་རྗེ་སྐུ་མདོག་མཐིང་ནག་རྡོ་རྗེ་དང་དྲིལ་བུ་ཐུགས་ཀར་བསྣོལ་སྟབས་སུ་འཛིན་ཅིང་ཞབས་རྡོ་རྗེ་སྐྱིལ་ཀྲུང་གིས་བཞུགས་པའི་ཐུགས་ཀར་ཉི་མའི་གདན་ལ་རྡོ་རྗེ་རྩེ་ལྔ་པའི་ལྟེ་བར་ཧཱུྃ་དམར་ནག་གི་མཐར་སྔགས་ཀྱི་ཕྲེང་བས་བསྐོར་བར་བསྒོམ༔ ཨོཾ་ཨརྩིག་ནིརྩིག་ན་མོ་བྷ་ག་ཝ་ཏེ་ཧཱུྃ་ཧཱུྃ་ཕཊ༔ ཨཱཿ ཧཱུྃ་ཧཱུྃ་ཕཊ༔ དེ་ནས་སྒྲུབ་པ་ལ༔ རང་ཡི་དམ་གྱི་ཐུགས་ཀའི་སྔགས་ཕྲེང་ཉེ་བར་འཁོར་བ་ལས་འོད་འཕྲོས་རྒྱལ་བ་ཐམས་ཅད་མཆོད༔ སེམས་ཅན་ཐམས་ཅད་གདོད་མའི་གཞི་དབྱིངས་སུ་བསྒྲལ༔ དེ་དག་གི་དབང་བྱིན་ཚེ་བསོད་དཔལ་ཡོན་ཐམས་ཅད་བསྡུས་ཏེ་སྔགས་ཕྲེང་ལ་ཐིམ༔ སྣང་སྲིད་དག་པ་རབ་འབྱམས་ཀྱི་རོལ་པར་སངས་རྒྱས་པར་བསྒོམ༔ ཨོཾ་ཨཱཿ ཧཱུྃ་ཨརྩིག་སོགས༔ དེ་ནས་ལས་སྦྱོར་བྱ་བ་ལ༔ རང་ཉིད་དྲག་པོ་བདེ་ཆེན་རྒྱལ་པོའི་ཐུགས་ཀའི་སྔགས་ཕྲེང་དང་སྐུའི་ཆ་ཐམས་ཅད་ནས་ཁྲོ་ཆུང་ལྕགས་སྡིག་མཚོན་ཐུན་མེ་རླུང་སྣ་ཚོགས་སེར་རླུང་ལྟར་འཕྲོས་པས་དགྲ་བགེགས་གདུག་པ་ཅན་ཐམས་ཅད་བསྲེགས་གཏུབ་བྱས་ནས་རྔམས་རོལ་བྱེད་པར་བསྒོམ༔ ཨོཾ་ཨརྩིག་ནིརྩིག་ན་མོ་བྷ་ག་ ཝ་ཏེ་ཧཱུྃ་ཧཱུྃ་ཕཊ༔ ཨཿ ཡཿ མཿ དུཿ རུཿ ཙཿ ཤཿ ནཿམཱ་ར་ཡ་ཧཱུྃ་ཕཊཿ བཀའ་ཡི་ལྷ་སྲིན་སྡེ་བརྒྱད་སྣང་སྲིད་དྲེགས་པ་ལྷ་འདྲེ་ཐམས་ཅད་དབང་དུ་བསྡུས༔ ནུས་པས་གཟིར༔ བྲན་དུ་བཀོལ༔ འབངས་སུ་ཁས་བླངས༔ སྲོག་སྙིང་དམར་ཙར་གྱིས་སྐྱགས་ཏེ་བདག་གི་ཐུགས་ཀའི་ཧཱུྃ་གི་ཞབས་ཀྱུ་ལ་ཐིམ་པས་ཁོ་ཡི་སྲོག་སྙིང་བདག་ལ་ཐོབ་ནས་དམ་ཚིག་ལས་འདའ་བའི་གནས་མེད་པར་བསམ༔ ཨོཾ་ཨརྩིག་ནིརྩིག་ན་མོ་བྷ་ག་ཝ་ཏེ་ཧཱུྃ་ཧཱུྃ་ཕཊ༔ ཨཿ ཡཿ མཿ དུཿ རུཿ ཙཿ ཤཿ ནཿ མཱ་ར་ཡ་ཧཱུྃ་ཕཊ༔ ཁྱབ་བརྡལ་ནམ་མཁའི་ཁོར་ཡུག་ཀུན༔ རང་རིག་བདེ་ཆེན་རྒྱལ་པོར་གཅིག༔ བསྐྱེད་དུ་མེད་དེ་ཡེ་ནས་ཡིན༔ བསྐྱེད་རིམ་ཀུན་གྱི་གསང་ཆེན་ཏེ༔ འཁོར་འདས་ཡོངས་ཀྱི་སྲོག་དབང་བསྒྱུར༔ འདི་ནི་བླ་མེད་ཐེག་པའི་རྩེ༔ གང་གིས་ཉམས་སུ་ལེན་པའི་བུས༔ སྣང་སྲིད་སྐྱེ་འགྲོ་དབང་བསྒྱུར་ཞིང་༔ ལྷ་འདྲེ་མི་གསུམ་བྲན་དུ་ཁོལ༔ རྡོ་རྗེ་འཆང་གི་ས་ཐོབ་འགྱུར༔ འདི་ནི་སྙིང་གི་ཡང་ཏིག་སྟེ༔ བཀའ་སྲུང་གནོད་སྦྱིན་ཆེན་པོས་སྲུངས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་རྡོ་རྗེ་གྲོ་ལོད་རྩལ་གྱིས་གཏེར་ནས་བཏོན་ཏེ་མི་ལོ་ཉེར་གཅིག་བར་དུ་བཀའ་རྒྱ་བྱས་མཐར་ཨ་སྤོ་སྡོང་གི་བནྡེ་ཀུན་བཟང་བསྟན་འཛིན་གྱིས་བསྐུལ་ངོར་གཏན་ལ་ཕབ་པའོ། །དགེའོ །དགེའོ །དགེའོ།། །། ཁྲོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ བླ་མ་དྲག་པོ་བདེ་ཆེན་རྒྱལ་པོའི་བསྐང་བ་ཚངས་པའི་སྒྲ་དབྱངས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཤས་ངྒཿཿ གསང་སྔགས་ཟབ་མོ་ཉམས་ལེན་པའི༔ སྒྲུབ་མཆོག་རྣལ་འབྱོར་མཆེད་ལྕམ་གྱི༔ དམ་ཚིག་ཉམས་ཆག་བསྐང་བའི་ཕྱིར༔ ལོངས་སྤྱོད་ཚོགས་ཀྱི་འཁོར་ལོ་ལ༔ བརྟེན་ནས་བསྐང་བཤགས་འདིར་བརྩོན་བྱ༔ ཨོཾ་ཨཱཿ ཧཱུྃ༔ ན་མཿསརྦ་ཏ་ཐཱ་ག་ཏ་བྷྱོ་སོགས༔ ཁཾ་སྭ་ཧཱ༔ ལན་གསུམ་ཚང་བར་བརྗོད་མཐར༔ ཨོཾ་ཨཱཿཧཱུྃ༔ མི་མཇེད་འཇིག་རྟེན་བྱེ་བ་ཕྲག་བརྒྱ་རུ༔ སྣོད་བཅུད་འདོད་ཡོན་ལོངས་སྤྱོད་ཐམས་ཅད་ཀུན༔ བློ་ཡིས་བླངས་ཏེ་མཆོད་པའི་སྤྲིན་དུ་དམིགས༔ རྩ་གསུམ་རྒྱ་མཚོའི་ཐུགས་དམ་བསྐང་ཕྱིར་འབུལ༔ རྡོ་རྗེ་ཕུང་པོའི་གྲོང་ཁྱེར་ཆེན་པོ་རུ༔ སེམས་དང་སེམས་བྱུང་རྒྱུ་འབྲས་འཐས་པ་ལས༔ འབྱུང་བའི་ཚོགས ཡུལ་འདོད་ཡོན་རང་བྱུང་བ༔ རྩ་གསུམ་ལྷ་ཚོགས་ཐུགས་དམ་བསྐང་ཕྱིར་འབུལ༔ ཧཱུྃ་ཧྲཱིཿ འོག་མིན་བརྡལ་ཁྱབ་ཆེན་པོའི་ཕོ་བྲང་ནས༔ ཆོས་སྐུ་ཀུན་བཟང་ཡབ་ཡུམ་ཐུགས་དམ་༡ བསྐང་༔ ལྷུན་གྲུབ་བཀོད་པ་རབ་རྫོགས་གཞལ་ཡས་ནས༔ ལོངས་སྐུ་རྡོ་རྗེ་སེམས་དཔའི་ཐུགས་དམ་བསྐང་༔ གཞོན་ནུ་བུམ་པ་སྐུ་ཡི་དཀྱིལ་འཁོར་ནས༔ སྤྲུལ་སྐུ་དགའ་རབ་རྡོ་རྗེའི ཐུགས་དམ་བསྐང་༔ ཆོས་ཉིད་བདེ་ཆེན་རོལ་པའི་དཀྱིལ་འཁོར་ནས༔ རིག་འཛིན་ཤྲཱི་སེང་ཧའི་ཐུགས་དམ་བསྐང་༔ རྔ་ཡབ་པདྨ་འོད་ཀྱི་གཞལ་ཡས་ནས༔ རིག་འཛིན་པདྨ་འབྱུང་གནས་ཐུགས་དམ་བསྐང་༔ མཁའ་དབྱིངས་བདེ་བ་ཆེན་པོའི་ཕོ་བྲང་ནས༔ མ་གཅིག་ཡེ་ཤེས་མཚོ་རྒྱལ་ཐུགས་དམ་བསྐང་༔ སྒྲུབ་པའི་གནས་མཆོག་གསང་ཆེན་དཀྱིལ་འཁོར་དུ༔ གྲུབ་ཆེན་རྗེ་འབངས་ཉེར་ལྔའི་ཐུགས་དམ་བསྐང་༔ རང་སྣང་རྣམ་པར་དག་པའི་ཕོ་བྲང་ནས༔ དྲིན་ཆེན་རྩ་བའི་བླ་མའི་ཐུགས་དམ་བསྐང་༔ ཧཱུྃ་ཧྲཱིཿ འཁོར་འདས་དག་མཉམ་ཆེན་པོའི་གཞལ་ཡས་ནས༔ དྲག་པོ་བདེ་ཆེན་རྒྱལ་པོའི་ཐུགས་དམ་བསྐང་༔ ནམ་མཁའ་རྣམ་པར་དག་པའི་མཁའ་དབྱིངས་སུཿ སྦྱོར་སྒྲོལ་ཡུམ་ཆེན་མཁའ་འགྲོའི་ཐུགས་དམ་བསྐང་༔ དྲག་པོ་སྐུ་ཡི་དཀྱིལ་འཁོར་ཆེན་པོ་ནས༔ སྒྱུ་འཕྲུལ་གསང་ཆེན་ལྷ་ལྔའི་ཐུགས་དམ་བསྐང་༔ ཞེ་སྡང་གཟུགས་ཀྱིས་ཞེ་སྡང་འཇོམས་མཛད་དཔལ༔ རྡོ་རྗེ་དྲག་རྩལ་འཁོར་བཅས་ཐུགས་དམ་བསྐང་༔༷ ང་རྒྱལ་གཟུགས་ཀྱིས་ང་རྒྱལ་འཇོམས་མཛད་དཔལ༔ རཏྣ་དྲག་རྩལ་འཁོར་བཅས་ཐུགས་དམ་བསྐང་༔ འདོད་ཆགས་གཟུགས་ཀྱིས་འདོད་ཆགས་འཇོམས་མཛད་དཔལ༔ ཁྲོཾ༔ པདྨ་དྲག་རྩལ་འཁོར་བཅས་ཐུགས་དམ་བསྐང་༔ ཕྲག་དོག་གཟུགས་ཀྱིས་ཕྲག་དོག་འཇོམས་མཛད་དཔལ༔ ཀརྨ་དྲག་རྩལ་འཁོར་བཅས་ཐུགས་དམ་བསྐང་༔ ཡང་དག་ཐུགས་ཀྱི་དཀྱིལ་འཁོར་ཆེན་པོ་ནས༔ རིག་འཛིན་ཧཱུྃ་ཆེན་ཀཱ་རའི་ཐུགས་དམ་བསྐང་༔ འཇམ་དཔལ་སྐུ་ཡི་དཀྱིལ་འཁོར་ཆེན་པོ་ནས༔ རིག་འཛིན་མཉྫུ་མི་ཏྲའི་ཐུགས་དམ བསྐང་༔ པདྨ་གསུང་གི་དཀྱིལ་འཁོར་ཆེན་པོ་ནས༔ རིག་འཛིན་ནཱ་གརྫུ་ནའི་ཐུགས་དམ་བསྐང་༔ ཕུར་པ་ཕྲིན་ལས་དཀྱིལ་འཁོར་ཆེན་པོ་ནས༔ རིག་འཛིན་པྲ་ཆེན་ཧསྟིའི་ཐུགས་དམ་བསྐང་༔ མ་མོ་རྦོད་གཏོང་དཀྱིལ་འཁོར་ཆེན་པོ་ནས༔ རིག་འཛིན་ངྷ་ན་སཾ_UNKའི་ཐུགས་དམ་བསྐང་༔ བླ་མ་རིག་འཛིན་འདུས་པའི་དཀྱིལ་འཁོར་ནས༔ བི་མ་མི་ཏྲ་ཡབ་ཡུམ་ཐུགས་དམ་བསྐང་༔ མཆོད་བསྟོད་རོལ་པའི་དཀྱིལ་འཁོར་ཆེན་པོ་ནས༔ རིག་འཛིན་རམ་བུ་གུ་ཧྱའི་ཐུགས་དམ་བསྐང་༔ མངོན་སྤྱོད་རོལ་པའི་དཀྱིལ་འཁོར་ཆེན་པོ་ནས༔ རིག་འཛིན་ཤཱནྟིཾ་གརྦྷའི་ཐུགས་དམ་བསྐང་༔ ཕྲིན་ལས་ལྷུན་གྱིས་གྲུབ་པའི་དཀྱིལ་འཁོར་ནས༔ དབང་ཕྱུག་ཉེར་བརྒྱད་འཁོར་བཅས་ཐུགས་དམ་བསྐང་༔ ཚད་མེད་རྣམ་བཞིས་འགྲོ་བ་གནས་ནས་འདྲེན༔ ཡེ་ཤེས་སྒོ་མ་བཞི་ཡི་ཐུགས་དམ་བསྐང་༔ གཞལ་ཡས་ཆེན་པོའི་ཕྱི་རིམ་ཁོར་ཡུག་ཏུ༔ བཀའ་སྐྱོང་དྲེགས་པ་རྒྱ་མཚོའི་ཐུགས་དམ་བསྐང་༔ ཐུགས་དམ་གཉན་པོ་བསྐང་བའི་དམ་རྫས ནི༔ ཕྱི་མཆོད་ཉེར་སྤྱོད་བདུན་གྱིས་ཐུགས་དམ་བསྐང་༔ གཟུགས་སྒྲ་དྲི་རོ་རེག་བྱས་ཐུགས་དམ་བསྐང་༔ ནང་མཆོད་སྨན་གཏོར་རཀྟས་ཐུགས་དམ་བསྐང་༔ སྦྱོར་སྒྲོལ་ཏ་ན་ག་ནས ཐུགས་དམ་བསྐང་༔ འདོད་ཡོན་ལོངས་སྤྱོད་ཚོགས་ཀྱིས་ཐུགས་དམ་བསྐང་༔ བསྐང་གྱུར་དབང་དང་དངོས་གྲུབ་སྩལ་དུ་གསོལ༔ ཧོཿ གསོན་ཅིག་དགོངས་ཤིག་རྩ་གསུམ་དམ་ཅན་རྣམས༔ བདག་ནི་མ་རིག་འཁྲུལ་པའི་དབང་གྱུར་ཏེ༔ སོ་ཐར་བྱང་སེམས་གསང་སྔགས་ཟབ་མོ་ཡི༔ སྡོམ་དང་བསླབ་པ་དམ་ཚིག་ཐམས་ཅད་དང་༔ ཉམས་ཆག་འགལ་འཁྲུལ་ནོངས་པ་ཅི་མཆིས་ཀུན༔ འགྱོད་སེམས་དྲག་པོའི་ཤུགས་ཀྱིས་དྲན་བྱས་ཏེ༔ མི་འཆབ་མི་སྦེད་སྙིང་ནས་བཤགས་པར་བགྱི༔ ལུས་དང་ལོངས་སྤྱོད་དགེ་རྩ་ཐམས་ཅད་ཀུན༔ མ་ལུས་ལུས་པ་མེད་པར་འབུལ་ཏེ་བཤགས༔ ཕྱིན་ཆད་སྲོག་གི་ཕྱིར་ཡང་མི་འགལ་སྡོམ༔ གསང་སྔགས་ཟབ་མོའི་རྟེན་འབྲེལ་གནད་དུ་བསྣུན༔ དེ་ཕྱིར་ཚེ་རབས་སྐྱེ་བའི་ཕྲེང་བ་ཀུན༔ ལྷ་མཆོག་ཁྱོད་ ཇོཾ༔ ཀྱིས་རྗེས་