Tibetan
ཁྱོད་ལ་གཏད་པ་ཡིས༔ མངོན་སུམ་སྣང་བ་གོང་འཕེལ་ནས༔ ཚད་ཕེབས་ཆོས་ཟད་ཆེན་པོར་ཞིག༔ གཞོན་ནུ་བུམ་སྐུའི་ནང་དབྱིངས་སུ༔ འཕོ་བ་ཆེན་པོར་དབང་ཐོབ་ཤོག༔ རྩ་སྔགས་མཐར༔ སརྦ་ཨ་བྷི་ཥིཉྩ་ཨཱཿ དེ་ནས་རིག་པའི་རྩལ་དབང་ལ༔ ཐིག་ལེ་འོད་ལྔའི་མུ་ཁྱུད་ཅན་གཏད་ལ༔ ཧཱུྃ༔ གདོད་མའི་དབྱིངས་རིག་ཐིག་ལེ་འདིས༔ སྐལ་ལྡན་ཁྱོད་ལ་དབང་བསྐུར་རོ༔ སྣང་བ་འཁྲུལ་པའི་འཁོར་ལོ་འདི༔ སྐད་ཅིག་ཆོས་སྐུའི་དབྱིངས་སུ་སངས༔ རིག་པ་རྩལ་གྱི་དབང་ཐོབ་ཤོག༔ ཨ་ཨ་ཨ་ཕཊ༔ དེ་ནས་གཏོར་མ་གཏད་ལ༔ ཧཱུྃ༔ རིགས་དང་དཀྱིལ་འཁོར་ཡོངས རྫོགས་པའི༔ བཅུད་ལྡན་དཔལ་གྱི་གཏོར་མ་འདི༔ སྐལ་ལྡན་ཁྱོད་ལ་གཏད་པ་ཡིས༔ སྒྲུབ་དང་དཀྱིལ་འཁོར་ཐམས་ཅད་ལ༔ དབང་བསྒྱུར་དབང་མཆོག་ཐོབ་ནས་ཀྱང་༔ ལྷུན་གྲུབ་རིག་འཛིན་ཉེར་ཐོབ་ཅིང་༔ ངོ་བོ་ཉིད་སྐུར་སངས་རྒྱས་ཤོག༔ མཎྜ་ལ་སརྦ་བ་ལིངྟཨ་བྷི་ཥིཉྩ་ཧཱུྃ༔ དེ་ནས་པོ་ཏིའི་ལུང་དབང་ནི༔ གླེགས་བམ་གཏད་ལ༔ ཧཱུྃ༔ ཤེས་རབ་རིག་པའི་པོ་ཏི་འདི༔ དུས་གསུམ་རྒྱལ་བའི་ལུང་རྟོགས་ཆོས༔ བཅུད་དུ་དྲིལ་བའི་ཡང་སྙིང་སྟེ༔ སྐལ་ལྡན་ཁྱོད་ལ་དབང་བསྐུར་རོ༔ མདོ་སྔགས་རྒྱུད་སྡེ་རྒྱ་མཚོ་ཡིས༔ གླེགས་བམ་ཡི་གེ་ཐམས་ཅད་ཀུན༔ འབྲི་ཀློག་འཆང་སྟོན་འཆད་རྩོད་ཀྱི༔ དབང་རྣམས་ཡོངས་སུ་རྫོགས་ཐོབ་ཤོག༔ སརྦ་ཨ་བྷི་ཥིཉྩ་ཨཱཿ དེ་ནས་བཀྲ་ཤིས་རྟགས་བརྒྱད་གཏད་ལ༔ ཧཱུྃ༔ བཀྲ་ཤིས་རྟགས་བརྒྱད་འདི་གཏད་པས༔ སྒོ་༔ རྒྱལ་བའི་ཡོན་ཏན་མངོན་རྫོགས་ཏེ༔ སྤྲུལ་སྐུའི་གདུལ་བྱ་མཆོག་ཐོབ་ནས༔ མཚན་དཔེས་སྤྲོས་པའི་སྐུ་ཐོབ་ཤོག༔ མངྒ་ལཾ་ཨ་བྷི་ཥིཉྩ་ཨཱཿ དེ་ནས་བཀྲ་ཤིས་རྫས་བརྒྱད་གཏད་ལ༔ ཧཱུྃ༔ བཀྲ་ཤིས་རྫས་མཆོག་རྣམ་པ་བརྒྱད༔ སྐལ་ལྡན་ཁྱོད་ཀྱི་ལག་ཏུ་གཏད༔ རྣམ་མཁྱེན་རྫོགས་པའི་སངས་རྒྱས་ཀྱི༔ ལོངས་སྤྱོད་ཀུན་རྫོགས་དབང་ཐོབ་ཤོག༔ ཨཥྚ་མདྒ་ལཾ་ཨ་བྷི་ཥིཉྩ་ཨཱཿ དེ་ནས་རྒྱལ་སྲིད་སྣ་བདུན་གཏད་ལ༔ ཧཱུྃ༔ རྒྱལ་སྲིད་སྣ་བདུན་འདི་གཏད་པས༔ རང་རིག་ཆོས་སྐུའི་རྒྱལ་ས་རུ༔ རང་གྲོལ་རང་དབང་ཐོབ་གྱུར་ནས༔ ཐུགས་རྗེས་འགྲོ་ཁམས་སྒྲོལ་ནུས་ཤོག༔ ཨོཾ་མ་ཎི་རཏྣ་ཨ་བྷི་ཥིཉྩ་སྭཱ་ཧཱ༔ དེ་ནས་ཤིས་བརྗོད་བསྔོ་སྨོན་བྱ༔ གཏང་རག་ཚོགས་ཀྱི་འཁོར་ལོ་བསྐོར༔ འདི་ནི་ཤིན་ཏུ་ཟབ་ཅིང་གཉན༔ དམ་ལྡན་དག་ལས་བསྐུར་མི་རུང་༔ མཁའ་འགྲོའི་སྙིང་གི་དྭངས་མའི་ཁྲག༔ ཟགས་སུ་དོར་ན་ཆད་པས་གཅོད༔ དེ་ཕྱིར་དམ་ལྡན་གནད་དུ་ཆེ༔ དབང་འདི་ཐོབ་ནས་གདམས་པ་ལ༔ མ་རྨོངས་བསླབ་ཅིང་ཉམས་བླངས་ནས༔ ཚེ་འདིར་རིག་འཛིན་མ་ཐོབ་ན༔ པདྨས་བསླུས་སོ་ཕྱི་རབས་རྣམས༔ མ་འོངས་ལྔ་བརྒྱའི་ཐ་མ་ལ༔ མ་ཧཱའི་བསྟན་པ་ཉམས་པའི་ལྟས༔ གསང་སྔགས་ཆོལ་སྒྲོགས་ཁྲོམ་དབང་བྱེད༔ ཨ་ནུའི་བསྟན་པ་ཉམས་པའི་ལྟས༔ རྩ་རླུང་ལྟས་མོའི་གནས་སུ་མངོན༔ ཨ་ཏིའི་བསྟན་པ་ཉམས་པའི་ལྟས༔ ལྟ་སྒོམ་ཁྲོམ་ལབ་རྩོད་ལ་འཆོལ༔ ཐོད་རྒལ་ལམ་གྱི་སྲང་ མདོར་འཆད༔ འདི་དུས་ཡོ་ག་རྣམ་གསུམ་ནི༔ ཉམས་པ་རི་མོའི་ལོངས་སྤྱོད་ལྟར༔ གང་ལའང་ཕན་གནོད་མེད་པ་ཡིན༔ དེ་དུས་པད་འབྱུང་ང་ཉིད་ནི༔ སྦས་པའི་རྣལ་འབྱོར་ཞིག་པོའི་ཚུལ༔ བདུད་འཇོམས་རྡོ་རྗེ་ཁྲོ་ལོད་རྩལ༔ མཁའ་འགྲོའི་གསང་མཛོད་བདག་པོར་སྤྲུལ༔ སྨོན་ལམ་གདུལ་བྱ་རྣམ་གྲོལ་བྱེད༔ ད་ལྟའི་རྗེ་འབངས་ཉེར་ལྔ་དང་༔ གྲུབ་པའི་རིག་འཛིན་སུམ་ཅུ་རྣམས༔ སྟོན་འཁོར་ཚུལ་དུ་སྤྲུལ་ནས་འོང་༔ སྙིང་ཐིག་ཆོས་ཀྱི་ཉི་གཞོན་འབར༔ བརྒྱུད་འཛིན་དབང་གི་སྐལ་པར་འཇོག༔ དེ་དུས་སྨོན་ལམ་ལོག་པ་ཡི༔ བདུད་བློན་ལྔ་ཡིས་བར་ཆད་བརྩམ༔ གཤེ་སྐུར་ལོག་ལྟ་ག་ཞ་དང་༔ ངན་སྨྲ་དགྲ་གྱོད་འཁོན་དུ་ལང་༔ དེས་ཀྱང་ཟབ་ཆོས་བསྣུབ་མི་ནུས༔ ཉི་ཟླ་གཏན་སྒྲིབ་སྤྲིན་གྱིས་མིན༔ བུད་མེད་ཡེ་ཤེས་མཚོ་རྒྱལ་ཁྱོད༔ བཀའ་འདི་བརྡ་ཡི་རིས་སུ་ཐོབས༔ ཁམས་ཀྱི་སྲིན་མོ་བྲག་ལ་སྦོས༔ བཀའ་སྲུང་དབང་ཕྱུག་ཆེན་པོ་དང་༔ མ་མོ་གཟའ་བཙན་ལེགས་པས་སྲུངས༔ བརྒྱུད་འཛིན་བུ་ལ་སྡོང་གྲོགས་མཛོད༔ གཤེ་སྐུར་མཁན་གྱི་དབང་པོ་སྣུབས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ནི་ཁྲག་འཐུང་རྡོ་རྗེ་ཁྲོ་ལོད་རྩལ་གྱིས་གསེར་སྨད་རྔ་ལ་སྟག་རྩེའི་གཡས་ལོགས་རྡོ་རྗེ་བྲག་ཅེས་བྱ་བ་ནས་གདན་དྲངས་ཏེ་མི་ལོ་བཅོ་བརྒྱད་བར་དུ་བཀའ་རྒྱ་བྱས་ནས་མཐར་རྟེན་འབྲེལ་དུས་ལ་བབས་ཚེ་རང་སློབ་ཡེ་ཤེས་ཉི་མས་ནན་དུ་བསྐུལ་ངོར་སྨར་མདོ་བཀྲ་ཤིས་དགའ་འཁྱིལ་དུ་གཏན་ལ་ཕབ་པའི་ཡི་གེ་པ་ནི་ཤེས་རབ་འོད་ཟེར་གྱི་རྣམ་སྤྲུལ་སློབ་མའི་མཆོག་གྱུར་ཆོས་ཀྱི་རྡོ་རྗེའོ། །དགེའོ །དགེའོ། །དགེའོ། །ཇི་སྲིད་བསྐལ་པ་འཇིག་རྟེན་མ་སྟོང་བར། །དེ་སྲིད་སྙིང་པོའི་བསྟན་འདི་མ་རྫོགས་སོ།། ། ཝྃ།༔ ཟབ་གསང་མཁའ་འགྲོའི་སྙིང་ཐིག་ལས༔ བླ་མ་དྲག་པོ་བདེ་ཆེན་རྒྱལ་པོའི་སྒྲུབ་སྐོར་ལས་བརྒྱུད་པའི་གསོལ་འདེབས་དངོས་གྲུབ་བུམ་བཟང་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ གགབྷྱ།༔ བླ་མ་རྒྱལ་བ་སྲས་དང་བཅས༔ རྩེ་གཅིག་ཡིད་ལ་དྲན་བྱས་ནས༔ མོས་གུས་དྲག་པོའི་གདུང་ཤུགས་ཀྱིས༔ གསོལ་བ་འདེབས་པའི་ཚིག་འདི་བརྗོད༔ ཨོཾ་ཨཱཿཧཱུྃ༔ ཆོས་སྐུའི་སྟོན་པ་ཀུན་བཟང་ཡབ་ཡུམ་ལ༔ གསོལ་བ་འདེབས་སོ་མཆོག་གི་དངོས་གྲུབ་སྩོལ༔ ལོངས་སྤྱོད་རྫོགས་སྐུ་རིགས་ལྔ་གངས་ཆེན་ལ༔ གསོལ་བ་འདེབས་སོ་མཆོག་གི་དངོས་གྲུབ་སྩོལ༔ སྤྲུལ་པའི་སྐུ་མཆོག་དགའ་རབ་རྡོ་རྗེ་ལ༔ གསོལ་བ་འདེབས་སོ་མཆོག་གི་དངོས་གྲུབ་སྩོལ༔ རིག་འཛིན་ཆེན་པོ་ཤྲཱི་སེང་ཧ་ལ༔ གསོལ་བ་འདེབས་སོ་མཆོག་གི་དངོས་གྲུབ་སྩོལ༔ སྣང་སྲིད་ཟིལ་གནོན་པདྨ་འབྱུང་གནས ལ གསོལ་བ་འདེབས་སོ་མཆོག་གི་དངོས་གྲུབ་སྩོལ༔ མ་གཅིག་དྷ་ཀི་ཡེ་ཤེས་མཚོ་རྒྱལ་ལ༔ གསོལ་བ་འདེབས་སོ་མཆོག་གི་དངོས་གྲུབ་སྩོལ༔ གྲུབ་པའི་རིག་འཛིན་རྗེ་འབངས་ཉེར་ལྔ་ལ༔ གསོལ་བ་འདེབས་སོ་མཆོག་གི་དངོས་གྲུབ་སྩོལ༔ དཀྱིལ་འཁོར་ཡོངས་ཀྱི་ཁྱབ་བདག་བླ་མ་ལ༔ གསོལ་བ་འདེབས་སོ་མཆོག་གི་དངོས་གྲུབ་སྩོལ༔ སྒོ་གསུམ་རྡོ་རྗེ་ གསུམ་གྱི་རོལ་པ་རུ༔ གནས་དག་སྨིན་གྲོལ་བྱིན་གྱིས་བརླབ་ཏུ་གསོལ༔ ཧེ་རུ་ཀ་དཔལ་བདེ་ཆེན་རྒྱལ་པོ་དང་༔ སྦྱོར་སྒྲོལ་བདེ་སྟོབ་གསང་བའི་ཡུམ་མཆོག་ལ༔ གསོལ་བ་འདེབས་སོ་མཆོག་གི་དངོས་གྲུབ་སྩོལ༔ རིགས་ཀྱི་བདག་པོ་སྣང་བ་མཐའ་ཡས་དང་༔ ལོངས་སྤྱོད་རྫོགས་སྐུ་ཐུགས་རྗེའི་གཏེར་ཆེན་པོར༔ གསོལ་བ་འདེབས་སོ་མཆོག་གི་དངོས་གྲུབ་སྩོལ༔ དུག་ལྔ་དབྱིངས་སྒྲོལ་ཁྲག་འཐུང་རིགས་ལྔ་དང་༔ གྲུབ་པའི་ཧེ་རུ་ཀ་པ་རིག་འཛིན་བརྒྱད༔ གསོལ་བ་འདེབས་སོ་མཆོག་གི་དངོས་གྲུབ་སྩོལ༔ ཡེ་ཤེས་ཁྲོ་བཅུ་ཡབ་ཡུམ་ཟ་གསོད་སྲས༔ དབང་ཕྱུག་ཉེར་བརྒྱད་ཕྲིན་ལས་སྒོ་སྐྱོང་བཅས༔ གསོལ་བ་འདེབས་སོ་མཆོག་གི་དངོས་གྲུབ་སྩོལ༔ གཞན་ཡང་རིག་འཛིན་རྡོ་རྗེ་ཐོད་ཕྲེང་གིས༔ བཀའ་བསྒོས་དམ་བཞག དམ་ཅན་རྒྱ་མཚོ་ལ༔ གསོལ་བ་འདེབས་སོ་མཆོག་གི་དངོས་གྲུབ་སྩོལ༔ དེ་ལྟར་གསོལ་བ་བཏབ་པའི་མཐུ་བྱིན་གྱིས༔ བདག་ཅག་སྒྲུབ་མཆོག་མཆེད་ལྕམ་ཕོ་མོའི་ཚོགས༔ ཡང་གསང་བླ་མེད་སྒྲུབ་པའི་དཀྱིལ་འཁོར་འདིར༔ བརྟེན་ནས་ཡེ་ཤེས་སྒྱུ་མའི་སྐུ་བརྙེས་ཤིང་༔ སྣང་སེམས་འཁྲུལ་འཁོར་རྨི་ལམ་ལས་སད་ལྟར༔ ཆོས་ཉིད་དེ་བཞིན་ཉིད་དུ་བྱང་ཆུབ་ཤོག༔ ག༔ ས་མ་ཡ༔ སྒྲུབ་ཚེ་དུས་གསུམ་འདིར་བརྩོན་ན༔ ཕྱི་ནང་བར་ཆད་ཀུན་ལས་གྲོལ༔ ཡང་དག་ལམ་དུ་འཇུག་འགྱུར་རོ༔ བཀའ་སྲུང་ཁྱབ་འཇུག་ཆེན་པོས་སྲུངས༔ དམ་ཉམས་ལག་ཏུ་ཤོར་ར་རེ༔ ས་མ་ཡ༔ མ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ནི་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་དག་པར་ཕབ་པའི་ཡི་གེ་པ་ནི་ཆོས་ཉིད་ནམ་མཁའི་རྡོ་རྗེའོ། །དགེའོ། །དགེའོ །དགེའོ།། ། & 231 Tl1601 - 235 TI1601 - 236 ཐེོཾ༔ ཟབ་གསང་མཁའ་འགྲོའི་སྙིང་ཐིག་ལས༔ བླ་མ་དྲག་པོ་བདེ་ཆེན་རྒྱལ་པོའི་བྱིན་འབེབས་དངོས་གྲུབ་བང་མཛོད་བཞུགས་སོ༔ ན་མོ་གུ་རུ་དྷེ་ཝ་ཌཱ་ཀི་ནཱི་ཡེ༔ གཐྱགཟ_UNK།༔ སྒྲུབ་ལ་རྩེ་གཅིག་གཞོལ་བའི་དུས༔ དད་གུས་མོས་པའི་གདུང་ཤུགས་བསྐྱེད༔ རང་གི་སྙིང་གའི་འོད་ཟེར་གྱིས༔ དབྱིངས་ལས་དབྱིངས་བཞུགས་ཡེ་ཤེས་པ༔ དམ་ཚིག་ཐུགས་རྗེའི་རྒྱུད་བསྐུལ་ནས༔ གསང་གསུམ་རྡོ་རྗེའི་ངོ་བོ་ལ༔ ཕྱག་རྒྱ་དང་ནི་ཡིག་འབྲུ་དང་ཿ འོད་ཕུང་འཇའ་ཐིག་རྣམ་པ་རུ༔ རང་དང་སྒྲུབ་པའི་དཀྱིལ་འཁོར་ལ༔ མཚོ་ལ་ཁ་ཆར་བབས་པ་ལྟར༔ གཉིས་སུ་མེད་པར་ཐིམ་པ་ཡིས༔ ཞིང་དང་གཞལ་ཡས་ཡེ་ཤེས་ལྷའི༔ རོལ་པ་ཆེན་པོར་གྱུར་བསམ་སྟེ༔ ཧཱུྃ་ཧྲཱིཿ ཀ་དག་ཁྱབ་བརྡལ་སྤྲོས་པའི་མཐའ་དང་བྲལ༔ ཆོས་སྐུ་གདོད་མའི་མགོན་པོས་བྱིན་ཆེན་ཕོབ༔ ལྷུན་གྲུབ་འགགས་མེད་རོལ་པ་ཅིར་ཡང་སྣང་༔ ལོངས་སྐུ་རིགས་ལྔ་གངས་ཆེན་བྱིན ཆེན་ཕོབ༔ སྣ་ཚོགས་གར་གྱིས་གདུལ་དཀའ་མ་ལུས་འདུལ༔ འགྲོ་འདུལ་སྤྲུལ་པའི་སྐུ་ཡིས་བྱིན་ཆེན་ཕོབ༔ མཚན་ཐོས་ཙམ་གྱིས་འགྲོ་ཀུན་སྲིད་ལས་སྒྲོལ༔ མགོན་པོ་འོད་དཔག མེད་པས་བྱིན་ཆེན་ཕོབ༔ མཁྱེན་བརྩེའི་ནུས་པའི་རྩལ་གྱིས་འགྲོ་བ་འདུལ༔ འགྲོ་འདུལ་རིགས་གསུམ་མགོན་པོས་བྱིན་ཆེན་ཕོབ༔ གདུལ་བྱའི་དཔལ་དུ་རང་སྣང་སྟོན་པར་ཤར༔ TI1601 - 237 བརྒྱུད་གསུམ་རིག་འཛིན་བླ་མས་བྱིན་ཆེན་ཕོབ༔ དཔལ་རི་པདྨ་འོད་ཀྱི་གཞལ་ཡས་ནས༔ རྗེ་བཙུན་པད་འབྱུང་སྟོན་འཁོར་བྱིན་ཆེན་ཕོབ༔ བདེ་ཆེན་དབང་དྲག་རོལ་པའི་དཀྱིལ་འཁོར་ནས༔ བླ་མ་དྲག་པོ་བདེ་ཆེན་རྒྱལ་པོ་དང་༔ སྤྲུལ་པ་ཁྲག་འཐུང་རིགས་བཞིས་བྱིན་ཆེན་ཕོབ༔ སྒྲུབ་སྡེ་བརྒྱད་ཀྱི་གྲུབ་པ་མངོན་གྱུར་པའི༔ སྤྱི་དཔལ་རིག་འཛིན་བརྒྱད་ཀྱིས་བྱིན་ཆེན་ཕོབ༔ ཕྱོགས་བཅུའི་ཕྱོགས་སྐྱོང་ཕོ་མོ་ཟིལ་གནོན་པའི༔ ཡེ་ཤེས་ཁྲོ་བོ་བཅུ་ཡིས་བྱིན་ཆེན་ཕོབ༔ ཕྲིན་ལས་རྣམ་བཞིས་འགྲོ་ཀུན་གནས་ནས་འདྲེན༔ ཡེ་ཤེས་སྒོ་མ་བཞི་ཡིས་བྱིན་ཆེན་ཕོབ༔ འགལ་རྐྱེན་ཟློག་ཅིང་སྒྲུབ་མཆོག་བུ་བཞིན་སྐྱོངས༔ བཀའ་སྲུང་དྲེགས་པ་ཕོ་མོས་བྱིན་ཆེན་ཕོབ༔ རྩ་གསུམ་དཔའ་བོ་མཁའ་འགྲོ་སྲུང་མར་བཅས༔ ཆོས་ཀྱི་དབྱིངས་ལས་གཟུགས་ཀྱི་སྐུར་བཞེངས་ལ རྣལ་འབྱོར་ལུས་ངག་ཡིད་གསུམ་བྱིན་གྱིས་རློབས༔ སྒྲུབ་རྫས་དཀྱིལ་འཁོར་འདི་ལ་བྱིན་ཆེན་ཕོབ༔ ཨོཾ་ཨཱཿ ཧཱུྃ༔ བཛྲ་གུ་རུ་ངྷེ་ཝ་ཌཱ་ཀི་ནཱི་སརྦ་ངྷརྨ་པཱ་ལ སརྦ་ས་པ་རི་ཝཱ་ར་བཛྲ་ས་མ་ཡ་ཛ་ཛཿ ཨ་ཝེ་ཤ་ཡ་ཨ་ཨ༔ ཞེས་སྤོས་བསྲེག་རོལ་མོ་སྣ་ཚོགས་དཀྲོལ་ལ༔ གདུང་བའི་དབྱངས་ཀྱིས་དུས་བཞིར་འདི་ལ་ནན་དུ་བརྩོན་ཅིང་བསྐྱར་བར་བྱའོ༔ ས་མ་ཡ༔ རྒྱ་རྒྱ་རྒྱ༔ ཝྃ།༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་རིག་འཛིན་བདུད་འཇོམས་རྡོ་རྗེས་གཏེར་ནས་བཏོན་ཏེ་དག་པར་ཕབ་པའི་ཡི་གེ་པ་ནི་ཡེ་ཤེས་ཉི་མ་༄ མཐའ་རྒྱས་སོ། །དགེའོ། །ལེགས་སོ། །སརྦ་མངྒ་ལཾ། ། བྱིན་235གཉིས་སོ།འབེབས་TI1601 - 239 TI1601 - 240 ༔ཟབ་གསང་མཁའ་འགྲོའི་སྙིང་ཐིག་ལས༔ བླ་མ་དྲག་པོ་བདེ་ཆེན་རྒྱལ་པོའི་སྒྲུབ་པ་ཡང་དག་སྙིང་པོ་བཞུགས་སོ༔ TI1601 - 241 བདུད་འཇོམས་གུ་རུ་དྲག་པོ་ཁྲོཾ།༔ ན་མོ་གུ་རུ་པདྨ་ཀ་ར་ཡེ༔ ཐ་ཐ།རྟ།༔ བདག་འདྲ་རྗེ་བཙུན་པདྨ་ཐོད་ཕྲེང་ངས༔ མ་འོངས་བརྒྱུད་འཛིན་རྣམས་ཀྱི་དོན་ཆེད་དུ༔ བླ་མ་དྲག་པོ་བདེ་ཆེན་རྒྱལ་པོ་ཡི༔ སྒྲུབ་པ་ཡང་དག་སྙིང་པོ་ཞེས་བྱ་བསྟན༔ མ་འོངས་ལྔ་བརྒྱ་དུས་ཀྱི་ཐ་མ་ལ༔ པདྨ་ང་དང་ལས་འབྲེལ་ལྡན་པ་རྣམས༔ གསང་སྔགས་ཟབ་མོའི་སྒོ་དང་འཕྲད་པའི་ཚེ༔ ཚེ་རབས་གཏན་གྱི་ཟ་མ་ལན་གཅིག་ཡིན༔ ཕུང་འཚེང་ཅི་བྱེད་གང་ཟག་ཁྱོད་ལ་རག༔ ལེ་ལོ་རྣམ་གཡེང་འདུ་འཛི་འདོད་སྲེད་རྣམས༔ དམ་པའི་ཆོས་ཀྱི་ཆོམ་རྐུན་ཆེན་པོ་ཡིན༔ སྙོམས་ལས་ཕྱི་བཤོལ་བདུད་ཀྱི་རྐུན་པོ་ཡིན༔ རྙེད་བཀུར་སྙན་གྲགས་བདུད་ཀྱི་ཇག་པ་ཡིན༔ མདོར་ན་དུས་དང་རྣམ་པ་ཐམས་ཅད་དུ༔ དམན་པའི་ས་བཟུང་ཧྲུལ་པོའི་གོས་གྱོན་ལ༔ རང་ཉིད་TI1601 - 242 ཁྲོཾ།༔ གཅིག་པུར་སྡོད་པ་ལག་ལེན་གནད༔ ལོ་སྒྲུབ་ཟླ་སྒྲུབ་ཙམ་ལ་ཡུས་མ་འདྲེན༔ ཚེ་གཅིག་སྙིང་པོའི་སྒྲུབ་པ་ལ་དྲིལ་མཛོད༔ མི་ཚེ་སྤྲིན་བར་ཉི་ཞུར་ཙམ་ཞིག་ལ༔ དགོས་དགོས་མཁོ་མཁོའི་འདོད་སྲེད་མ་ཆེ་བར༔ གཅེས་རྒུ་ཅོག་བཞག་བྱེད་པ་ལག་ལེན་གནད༔ ནངས་པར་འཆི་ཡང་བློ་ལྷག་མེད་པ་ན༔ བྱ་བཏང་དོན་གྱི་རྣལ་འབྱོར་དམ་པ་ཡིན༔ ན་དགའ་ཤི་སྐྱིད་བློ་བདེའི་གདིང་ལྡན་ན༔ ཕ་རྗེས་བུ་ཡིས་ཟིན་པའི་སྐྱེས་བུ་ཡིན༔ གནད་དེ་དཔེ་རུ་མ་བཞག་ལག་ཏུ་ལོངས༔ པདྨས་རྗེས་སུ་འཛིན་ནོ་སྐལ་ལྡན་རྣམས༔ ས་མ་ཡ༔ གངས་རྫ་ནགས་ཁྲོད་རི་བྲག་རབ་དབེན་གནས༔ འཁོར་བའི་ཆོས་ལས་དབེན་པ་དག་པའི་ཞིང་༔ ཡ་རབ་ལས་སྨོན་ལྡན་པའི་སྐྱེས་བུ་ཡི༔ བཞུགས་པའི་གནས་མཆོག་དམ་པ་ཁྱད་དུ་འཕགས༔ ས་མ་ཡ༔ TI1601 - 243 དུས་བཟང་ཡར་ཚེས་ཁྱད་པར་ཚེས་བཅུའི་དུས༔ སྒྲུབ་པའི་དལ་ཞལ་ཕྱེས་ནས་གཞུང་དུ་འཇུག༔ དཀྱིལ་འཁོར་རྒྱན་བཀོད་མཚན་རྫོགས་སྤྲོས་བཅས་ལུགས༔ གཏོར་མ་རྟེན་གསུམ་བཀྲམ་པ་མཚན་མའི་རྟེན༔ གདན་གསུམ་དཀྱིལ་འཁོར་ལ་བརྟེན་སྤྲོས་མེད་ལུགས༔ འབྱོར་ཚོགས་འདོད་ཡོན་མཆོད་པའི་རྫས་སུ་བཀོད༔ སྔོན་འགྲོ་སྟ་གོན་རིམ་པ་སྤྱི་ལྟར་ཤེས༔ ས་མ་ཡ༔ བླ་མ་དྲག་པོ་བསྒྲུབ་པའི་སྐྱེས་བུ་རྣམས༔ བསྐྱེད་རྫོགས་ཟབ་མོའི་གནད་དང་ལྡན་པ་དང་༔ གཞན་དུ་མ་ཡེངས་མི་ཚིག་ལབ་མི་སྤོངས༔ དམ་བཅའ་མི་ཉམས་སྲུང་མཚམས་མི་རལ་བས༔ སྙིང་པོ་དོན་གྱི་སྒྲུབ་པ་ཟབ་མོའི་གནད༔ པདྨའི་སྙིང་གཏམ་ཟུངས་ཤིག་སྙིང་གི་བུ༔ ས་མ་ཡ༔ ད་ནི་ཡང་དག་སྙིང་པོའི་སྒྲུབ་པ་ཡི༔ སྒོ་རུ་འཇུག་པའི་རིམ་པ་འདི་ལྟ་སྟེ༔ དང་པོ་སྐྱབས་སུ་འགྲོ་བ་ནི༔ ན་མོ༔ བདག་དང་མཐའ་ཡས་སེམས་ཅན་རྣམས༔ དེང་བཟུང་བྱང་ཆུབ་མ་ཐོབ་བར༔ བླ་མ་དྲག་པོའི་དཀྱིལ་འཁོར་ལ༔ སྒོ་གསུམ་དད་པས་སྐྱབས་སུ་མཆི༔ ལན་གསུམ་མཐར༔ སེམས་བསྐྱེད་པ་ནི༔ ན་མོ༔ དཀོན་མཆོག་གསུམ་པོ་དགོངས་སུ་གསོལ༔ བདག་གིས་བྱང་ཆུབ་ངེས་བསྒྲུབ་ཅིང་༔ བླ་མ་དྲག་པོའི་སྒོར་ཞུགས་ནས༔ འགྲོ་ཀུན་བསྒྲལ་བར་དམ་བཅའོ༔ དེ་ནས་བཀའ་བསྒོ་བ་ནི༔ ཧཱུྃ་ཧཱུྃ་ཧཱུྃ༔ ང་ནི་ཆེ་མཆོག་པདྨ་དྲག་པོ་རྩལ༔ གཏུམ་དྲག་དམར་ནག་མེ་ཡི་ཕྲེང་བ་ཅན༔ རྒྱལ་བའི་དཀྱིལ་འཁོར་མ་ལུས་སྐུ་ལ་རྫོགས༔ ཁྲོཾ༔ སྤྲུལ་པའི་ལྕགས་སྡིག་མཚོན་ཐུན་ཁྲ་ཐབས་འགྱེད༔ དེ་ནས་བགེགས་བསྐྲད་པ་ནི༔ ཧཱུྃ་ཧཱུྃ་ཧཱུྃ༔ ཉོན་ཅིག་བགེགས་དང་ལོག་པར་འདྲེན་པའི་ཚོགས༔ འདོད་ཡོན་ལྔ་ལྡན་གླུད་གཏོར་འདི་ཁྱེར་ལ༔ མཐའ་ཡི་ལྕགས་རི་ནག་པོའི་རྒྱབ་ཏུ་སོང་༔ གལ་ཏེ་མི་འགྲོ་བཀའ་ལས་འདའ་བྱེད་ན༔ ཡེ་ཤེས་མཚོན་ཐུན་མེ་རླུང་རབ་འབར་བས༔ ལུས་ངག་ཡིད གསུམ་རྡུལ་དུ་བརླག་ནས་ཀྱང་༔ བསྐལ་པར་སྡུག་བསྔལ་རབ་ཏུ་མྱོང་བར་འགྱུར༔ དེ་བས་ད་ལྟ་ཉིད་དུ་ཕྱིར་དེངས་ཤིག༔ རྩ་སྔགས་མཐར༔ ཨོཾ་སུམྦྷ་ནི་བརྗོད་ཅིང་ཐུན་གྱིས་བྲབ༔ དེ་ནས་མཚམས་བཅད་པ་ནི༔ ཧཱུྃ་ཧཱུྃ་ཧཱུྃ༔ བདག་ཉིད་དྲག་པོའི་ཕྲིན་ལས་སྤྲུལ་པ་ཡི༔ མེ་དཔུང་མཚོན་ཐུན་ཁྲ་ཐབས་དཔག་མེད་པ༔ ཚུར་འདུས་སྲུང་བའི་འཁོར་ལོར་ལྷུན་གྱིས་གྲུབ༔ མི་ཤིགས་དོན་གྱི་རྡོ་རྗེའི་རྒྱས་གདབ་བོ༔ བཛྲ་རཀྵ་རཀྵ་ཧཱུྃ་_UNK༔ དེ་ནས་བརྡ་སྒོ་དབྱེ་བ་ནི༔ ཧཱུྃ༔ གདོད་མའི་གཞི་དབྱིངས་ཡེ་ཤེས་རོལ་པའི་ངང་༔ སྐུ་དང་ཡོན་ཏན་རབ་རྫོགས་ཡེ་ཤེས་ལྷ༔ མ་རིག་རྐྱེན་གྱི་སྒྲིབ་གཡོགས་དང་བྲལ་ནས༔ སྐད་ཅིག་མངོན་བྱེད་ཤེས་རབ་འཆར་སྒོ་ཕྱེས༔ བཛྲ་པྲ་ཝེ་ཤ་ཡ་ཕཊ༔ དེ་ནས་བརྡ་ཕྱག་འཚལ་བ་ནི༔ ༔ ཐོག་མེད་དུས་ནས་ལྷན་སྐྱེས་ཡེ་ཤེས་ལྷ༔ མ་བཅོས་རང་བྱུང་ཆེན་པོར་ལྷུན་གྱིས་གྲུབ༔ གཟུང་འཛིན་བག་ཆགས་འཐས་པའི་རྐྱེན་གྱིས་བསྒྲིབས༔ ད་ནི་རང་ཞལ་མཇལ་ཕྱིར་ཕྱག་འཚལ་ལོ༔ ན་མོ་ན་མ་ཧོཿ དེ་ནས་བཤགས་པ་བྱ་བ་ནི༔ ཧཱུྃ༔ བདེ་གཤེགས་སྙིང་པོ་རང་སངས་ཆོས་ཀྱི་སྐུ༔ སྐུ་དང་ཡེ་ཤེས་རོལ་པར་ལྷུན་གྱིས་གྲུབ༔ མ་རིག་བདག་རྟོག་འཁྲུལ་པའི་ནོངས་པ་ཀུན༔ རིག་པ་ཡེ་ཤེས་ཆེན་པོའི་སྟོབས ཀྱིས་བཤགས༔ བཛྲ་ས་མ་ཡ་ཨཱཿ དེ་ནས་བྱིན་ཆེན་དབབ་པ་ནི༔ ཧཱུྃ་ཧཱུྃ་ཛཿ ཀ་དག་ཕྱོགས་ཡན་སྤྲོས་པའི་མཐའ་དང་བྲལ༔ སྐྱེ་མེད་ཆོས་སྐུའི་བླ་མས་བྱིན་ཆེན་ཕོབ༔ ལྷུན་གྲུབ་རོལ་པ་བདེ་ཆེན་ལོངས་སྤྱོད་རྫོགས༔ འགགས་མེད་ལོངས་སྐུའི་བླ་མས་བྱིན་ཆེན་ཕོབ༔ རང་གྲོལ་རོལ་པ་མ་བཅོས་རྩལ་རྫོགས་པའི༔ ཀུན་ཁྱབ་སྤྲུལ་སྐུའི་བླ་མས་བྱིན་ཆེན་ཕོབ༔ ལྷན་སྐྱེས་ཡེ་ཤེས་མ་བཅོས་ལྷུན་རྫོགས་ལྷ༔ རྡོ་རྗེ་གསུམ་གྱི་རོལ་པར་ཐབས་ཀྱིས་བཞེངས༔ ཁམས་གསུམ་འཁྲུལ་པའི་འཁོར་ལོ་དབྱིངས་སུ་བཤིག༔ ཡི་དམ་དཀྱིལ་འཁོར་ལྷ་ཡིས་བྱིན་ཆེན ཕོབ༔ འཁོར་འདས་ཆོས་ཀུན་ཡེ་སྟོང་ཆེན་པོའི་ངང་༔ ཆགས་བྲལ་གསང་ཆེན་བྷ་ག་ཡངས་པའི་མཁར༔ དག་མཉམ་རོལ་པ་དབྱིངས་ཀྱི་སྤྱི་རྗེ་མོ༔ ཡེ་ཤེས་མཁའ་འགྲོ་མ་ཡིས་བྱིན་ ཁྲོཾ༔ ཆེན་ཕོབ༔ སྣང་སྲིད་སྣོད་བཅུད་གཟུང་དང་འཛིན་པའི་ཆོས༔ དག་པ་རབ་འབྱམས་བདེ་བ་ཆེན་པོ་རུ༔ རྟོགས་གྲོལ་གཉིས་མེད་བྱང་ཆུབ་མཆོག་ཐོབ་པའི༔ དབང་དང་དངོས་གྲུབ་ཆེན་པོར་བྱིན་ཕོབ་ཅིག༔ བཛྲ་ས་མ་ཡ་ཛ་ཛཿ ཨ་ཝེ་ཤ་ཡ་ཨ་ཨ༔ དེ་ནས་མཆོད་རྫས་བྱིན་བརླབ་ནི༔ ཨོཾ་ཨཱཿ ཧཱུྃ༔ སྣང་སྲིད་ཐམས་ཅད་དག་མཉམ་ཆེན་པོར་སྟོང་༔ སྣང་སྟོང་སྦྱོར་བ་གཉིས་མེད་རོལ་པའི་འཕྲུལ༔ འདོད་རྒུའི་ལོངས་སྤྱོད་དཔལ་ཡོན་ཅིར་ཡང་སྣང་༔ བདེ་སྟོང་རོ་ཡི་ནུས་སྟོབས་བཅུད་དུ་འཁྱིལ༔ སྒྱུ་འཕྲུལ་གསང་ཆེན་དོན་གྱི་དཀྱིལ་འཁོར་དུ༔ ཟག་མེད་ཡེ་ཤེས་དགའ་སྟོན་རོལ་གར་སྤེལ༔ ཨོཾ་ཨཱཿ ཧཱུྃ་མ་ཧཱ་ཨརྒྷཾ་སོགས་ངྷརྨ་པཱུ་ཛ་ཨཱཿཧཱུྃ༔ མ་ཧཱ་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿ ཥྛ༔ མ་ཧཱ་རཀྟ་ཛྭ་ལ་མཎྜ་ལ་ཧཱུྃ་ཧྲཱི་ཥྟཱ༔ མ་ཧཱ་བ་ལི་ཏ་ཏེ་ཛྭ་བ་ལི་ཏ་བ་ལ་བ་ཏི་གུ་ཧྱ་ས་མ་ཡ་ཧཱུྃ་ཧྲཱི་ཥཱ༔ བོ་དྷི་ཙིཏྟ་ཏ་ན་ག་ན་སརྦ་པཱུ་ཛ་ཧཱུྃ་སྭཱ་ཧཱ༔ དེ་ནས་དངོས་གཞི་ལྷ་བསྐྱེད་པའི་རིམ་པ་ལ༔ དང་པོ་དེ་བཞིན་ཉིད་ཀྱི་ཏིང་ངེ་འཛིན་ནི༔ ཨོཾ༔ ཆོས་ཀུན་ཆོས་ཉིད་བརྡལ་ཁྱབ་ཆེན་པོར་ཞིག༔ གདོད་ནས་མ་བཅོས་རྡོ་རྗེ་བཙུན་མོའི་མཁའ༔ སྤྲོས་པའི་མཐའ་བྲལ་རྣམ་ཐར་སྒོ་གསུམ་ལྡན༔ ཤེས་རབ་ཆེན་པོའི་ངང་མདངས་མངོན་དུ་ གྱུར༔ ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅་ཧཾ༔ ཀུན་སྣང་གི་ཏིང་ངེ་འཛིན་ནི༔ ཨཱཿ ལྷུན་གྲུབ་དབྱིངས་སྣང་མཚན་མ་དམིགས་གཏད་བྲལ༔ མཐའ་དང་ཕྱོགས་མེད་བདེ་ཆེན་རོལ་པའི་ཀློང་༔ ཡེ་ཤེས་སྤྱན་གྱིས་ཀུན་མཁྱེན་ཀུན་ཏུ་གཟིགས༔ མཉམ་ཉིད་རོལ་པ་ཆེན་པོ་བྱང་ཆུབ་སེམས་༔ ངྷརྨ་དྷཱ་ཏུ་སྭ་བྷཱ་ཝ་བི་ཤུདྡྷེ་ཧཱུྃ༔ དེ་ནས་རྒྱུ་ཡི་ཏིང་ངེ་འཛིན་ནི༔ ཧཱུྃ༔ ཆོས་སྐུ་མཚན་མ་བྲལ་བའི་དབྱིངས་ཉིད་ནི༔ ཐུགས་རྗེའི་རོལ་པ་ཆུ་ཟླ་ཇི་བཞིན་དུ༔ སྤྲུལ་པའི་བཀོད་པ་གདུལ་བྱའི་དཔལ་དུ་ངོམས༔ རྒྱུ་ཡི་ཡི་གེ་ཧཱུྃ་ཡིག་དམར་ནག་ཤར༔ ཨོཾ་བཛྲ་ཙིཏྟ་ཧཱུྃ༔ དེ་ནས་རྟེན་གཞལ་ཡས་ཁང་བསྐྱེད་པ་ནི༔ ཧཱུྃ༔ རྒྱུ་ལས་འོད་འཕྲོས་སེམས་རྟོག་