Tibetan
སུ་བཟུང་དུ་གསོལ༔ ཉམས་པ་སོར་ཆུད་འགལ་བ་འདུམ་པ་དང་༔ འཁྲུལ་པ་ལས་གྲོལ་དག་པའི་ས་ལ་སྐྱོལ༔ མཆོག་དང་ཐུན་མོང་དངོས་གྲུབ 2༄ མྱུར་སྩོལ་ཞིང་༔ འཇའ་ལུས་འཕོ་བ་ཆེན་པོར་དབུགས་འབྱིན་མཛོད༔ སྣང་སེམས་འཁྲུལ་པའི་འཁོར་ལོའི་འཕྱངས་པ་ཀུན༔ ཀ་དག་ཆོས་སྐུའི་དགོངས་པར་འུབ་ཆུབ་རོལ༔ ཡི་གེ་བརྒྱ་པ་ཚང་བར་བརྗོད༔ དེ་ཡིས་ཉམས་ཆག་ཀུན་བསྐང་ནས༔ རྣམ་མཁྱེན་ཡང་དག་ས་ལ་སྦྱོར༔ འདི་ནི་གནད་ཀྱི་ཡང་ཞུན་ཏེ༔ ལྷ་ཆེན་ཚོགས་ཀྱི་བདག་པོ་དང་༔ གནོད་སྦྱིན་ཤན་པ་ཆེན་པོས་སྲུངས༔ ས་མ་ཡ༔ རྒྱ་རྒྱ་རྒྱཿ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་རྡོ་རྗེ་གྲོ་ལོད་ཀྱིས་གཏེར་ནས་བཏོན་ཏེ་གཏན་ལ་ཕབ་པའི་ཡི་གེ་པ་ནི་ཀ་དག་རྫོགས་པ་ཆེན་པོའི་རྣལ་འབྱོར་པ་ཆོས་ཉིད་ནམ་མཁའི་རྡོ་རྗེས་སོ། །དགེའོ །དགེའོ། །དགེའོ།། །། སྲ 275གསུམ་མོ། TI1601 - 279 T11601 - 280 ཝྃ།༔ ཟབ་གསང་མཁའ་འགྲོའི་སྙིང་ཐིག་ལས༔ བླ་མ་དྲག་པོ་བདེ་ཆེན་རྒྱལ་པོའི་བསྐུལ་བ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ སརྨ།༔ དྲག་པོའི་དམར་གཏོར་སྐྱེམས་ཕུད བཤམས༔ ན་མོ༔ བདེན་པ་གཉིས་དང་དཀོན་མཆོག་རྩ་གསུམ་ཆོས་སྐྱོང་སྲུང་མའི་བདེན་པས་གནོད་བྱེད་དགྲ་བགེགས་ཐམས་ཅད་དྲག་པོ་དམར་གྱི་གཏོར་མ་འདི་ལ་ཁུག་ཅིག༔ ལན་གསུམ་མཐར༔ བདག་མདུན་དྲག་པོའི་ལྷ་ཚོགས་རྣམས་ཀྱིས་མངོན་སྤྱོད་ལས་ཀྱི་མཚོན་ཐུན་འགྱེད་པས་དགྲ་བོའི་རྣམ་པར་ཤེས་པ་ཆོས་ཀྱི་དབྱིངས་སུ་བསྒྲལ༔ ཤ་ཁྲག་འདོད་ཡོན་རྒྱ་མཚོ་ཟག མེད་བདུད་རྩིའི་རོལ་པར་གྱུར༔ བདག་ཉིད་ཡི་དམ་ལྷའི་ཐུགས་ཀའི་འོད་ཟེར་གྱིས་ཕྱོགས་བཅུའི་རྒྱལ་དང་དེ་སྲས་སྲུང་མར་བཅས་པ་ཐམས་ཅད་མཁའ་ཁྱབ་ཀྱི་འཁོར་ལོར་སད་པར་གྱུར༔ ཧཱུྃ་ཧྲཱིཿ ལྷོ་ནུབ་ཟ་བྱེད་རྔམས་པ་སྲིན་པོའི་གྲོང་༔ གྲུ་གསུམ་ཐོད་མཁར་འབར་བའི་གཞལ་ཡས་ནས༔ ཟླ་གམ་དམར་ནག་གདེངས་པའི་དཀྱིལ་འཁོར་དུཿ བདག་རྟོག་དབྱིངས་བསྒྲལ་མི་རོའི་ཁྲི་སྟེང་ནས༔ གཏུམ་དྲག་དམར་ནག་འབར་བའི་སྐུར་སྟོན་པ༔ ཆེ་མཆོག་བདེ་ཆེན་རྒྱལ་པོ་སྐུ་བཞེངས་ཤིག༔ བདེ་སྟོང་འཕོ་འགྱུར་མེད་པར་སྦྱོར་བའི་ཡུམ༔ རྡོ་རྗེ་རྣལ་འབྱོར་ཆེན་མོ་སྐུ་བཞེངས་ཤིག༔ ཁམས་གསུམ་འཁོར་བ་སྐུ་གསུམ་དབྱིངས་སྒྲོལ་མ༔ སྒྲོལ་ཡུམ་རྡོ་རྗེ་ཕག་མོ་སྐུ་བཞེངས་ཤིག༔ དུག་ལྔ་ཡེ་ཤེས་ལྔ་རུ་སྒྲོལ་མཛད་དཔལ༔ གསང་ཆེན་སྒྱུ་འཕྲུལ་ལྷ་ལྔ་སྐུ་བཞེངས་ཤིག༔ གཟུང་འཛིན་འཁྲུལ་འཁོར་དབྱིངས་སུ་གཞོམ་མཛད་དཔལ༔ ཆེ་མཆོག་དྲག་པོ་རིགས་ལྔ་སྐུ་བཞེངས་ཤིག༔ མ་རིག་ལོག་རྟོག་རཱུ་དྲ ཡོངས་སྒྲོལ་བའི༔ གྲུབ་པའི་རིག་འཛིན་རྣམ་བརྒྱད་སྐུ་བཞེངས་ཤིག༔ མི་སྲུན་ཞིང་བཅུའི་དཔུང་འཇོམས་ཆེ་བའི་མཆོག༔ ཡེ་ཤེས་ཁྲོ་བཅུ་ཡབ་ཡུམ་སྐུ་བཞེངས་ཤིག༔ འགུགས་འཆིང་སྡོམ་མྱོས་ལས་ཀྱི་གར་མཁན་མོ༔ ཡེ་ཤེས་སྒོ་མ་ཆེན་མོ་སྐུ་བཞེངས་ཤིག༔ ལེགས་ཉེས་སྟངས་འཛིན་དམ་ཚིག་རྗེས་གཅོད་པའི༔ བཀའ་སྲུང་དམ་ཅན་རྒྱ་མཚོ་སྐུ་བཞེངས ཤིག༔ ཐུགས་དམ་རྒྱུད་བསྐུལ་མངོན་སྤྱོད་ཕྲིན་ལས་མཛོད༔ ཕྱི་དགྲ་ཀླ་ཀློ་བདུད་ཀྱི་རྒོལ་ངན་ཟློག༔ ནང་དགྲ་བན་བོན་འཁྲུགས་རྩོད་འཐབ་མོ་ཟློག༔ གསང་དགྲ་ཉོན་མོངས་བརྒྱད་ཁྲིའི་འཁྲུལ་འཁོར་ཟློག༔ བསླུ་བྱེད་བདུད་བཞིའི་ཆོམ་རྐུན་རྒོལ་བ་ཟློག༔ དུས་ངན་ཡོ་ལང་ནད་མུག་མཚོན་འཁྲུགས་ཟློག༔ མི་སྲུན་སྡིག་རྗེ་རྒྱལ་པོའི་རྒོལ་བ་ཟློག༔ དམ་སྲི་རྒྱལ་ ཐོ༔ འགོང་སྒབ་འདྲེའི་འཚེ་བ་ཟློག༔ མཚོན་ཐུན་དབལ་ཐོབ་བསྐལ་པའི་མེ་རུ་གཞོམ༔ ཟ་བྱེད་ལས་ཀྱི་ཕོ་ཉས་རྔམས་པར་རོལ༔ སྤུ་གྲིའི་འཁྲུལ་འཁོར་རྡོ་རྗེའི་རླུང་གིས་གཏོར༔ རྗེས་ཤུལ་ལྷག་མ་མེད་པར་རྡུལ་དུ་རློག༔ ཕྲིན་ལས་དུས་ལ་བབ་བོ་ས་མ་ཡ༔ སྣང་སྲིད་ལྷ་རུ་བསྒོམ་པའི་གདིང་ཆེན་གྱིས༔ རྡོ་རྗེའི་གད་མོ་རྔམས་པས་གླུ་དེ་བརྗོད༔ མ་རུངས་ཉེས་སྤྱོད་སྡང་བའི་དགྲ་འདྲེའི་སྡེ༔ རྡོ་རྗེའི་དམ་བཅའ་ལྡན་ཡང་བརླག་པར་ནུས༔ བཀའ་སྲུང་གཟའ་བདུད་དུག་གི་སྤུ་གྲིས་སྲུངས༔ གཤེ་སྐུར་སྒྲོ་འདོགས་མཁན་གྱི་དབང་པོ་སྣུབས༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་རྡོ་རྗེ་ཁྲོ་ལོད་རྩལ་གྱིས་གཏེར་ནས་བཏོན་ཏེ་དག་པར་ཕབ་པའི་ཡི་གེ་པ་ནི་ཆོས་ཉིད་ནམ་མཁའི་རྡོ་རྗེའོ། །དགེའོ །དགེའོ །དགེའོ།། སྲ 279280 280 TI1601 - 284 ད མ ཟབ་གསང་མཁའ་འགྲོའི་སྙིང་ཐིག་ལས༔ བླ་མ་དྲག་པོ་ལ་བརྟེན་པའི་བསྐུལ་བ་རྡོ་རྗེའི་ཐོག་མདའ་བཞུགས་སོ༔ T11601 - 285 བདུད་འཇོམས་གུ་རུ་དྲག་པོ་ཁྲོཾ།༔ ན་མོ་གུ་རུ་པདྨ་ཀ་ར་ཡེ༔ ཀྐརྨཧྭ་ཧྭ་མྭམྥཊ྄དྦྷ ཐུགས་དམ་གནད་ནས་བསྐུལ་བ་ལ༔ དམར་གཏོར་ཁྲག་སྐྱེམས་བཤམས་བྱས་ཏེ༔ འགུགས་གཞུག་ལན་གསུམ་བསྐྱར་བྱས་ནས༔ ཤ་རི་ཁྲག་གི་རྒྱ་མཚོར་དམིགས༔ རང་ཉིད་ཡི་དམ་ལྷར་གསལ་བའི་མདུན་དུ་ཐུགས་ཀའི་ཧཱུྃ་ལས་འོད་དང་འོད་ཕུང་དཔག་ཏུ་མེད་པ་འཕྲོས་པས༔ བླ་མ་དྲག་པོའི་དཀྱིལ་འཁོར་གྱི་ལྷ་ཚོགས་ཐམས་ཅད་ཆོས་ཀྱི་དབྱིངས་ལས་གཟུགས་ཀྱི་སྐུ་དྲག་ཁྲོས་རྔམས་པའི་ཆ་ལུགས་སུ་བཞེངས་ཏེ་སྣང་སྲིད་ཀྱི་ཁམས་ཐམས་ཅད་གང་ནས་དགྲ་བགེགས་བསྒྲལ་འདྲེན་གསོད་གཅོད་ཀྱི་ལས་ལ་ཆས་པར་TI1601 - 286 ཀཁྲོཾ།༔ བསྒོམ༔ དེ་ནས་རྔ་རོལ་འུར་ཆེམ་བྱས་ཏེ་འདི་སྐད་དོ༔ ཧཱུྃ་ཧྲཱིཿ བདེ་ཆེན་དབང་དྲག་རོལ་པའི་དཀྱིལ་འཁོར་ནས༔ ཆེ་བའི་ཆེ་མཆོག་བླ་མ་དྲག་པོའི་སྐུ༔ བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔ བཞེངས་ཤིག་བཞེངས་ཤིག་ཆོས་ཀྱི་དབྱིངས་ནས་བཞེངས༔ མཛོད་ཅིག་མངོན་སྤྱོད་དྲག་པོའི་ཕྲིན་ལས་ཀྱིས༔ དགྲ་བགེགས་གདུག་པ་འདུལ་བའི་དུས་ལ་བབ༔ མཁའ་སྤྱོད་བདེ་བ་ཆེན་པོའི་ཕོ་བྲང་ནས༔ སྦྱོར་བའི་ཡུམ་མཆོག་རྡོ་རྗེ་རྣལ་འབྱོར་མ༔ ཆོས་ཉིད་སྐྱེ་མེད་དབྱིངས་ལས་སྐུར་བཞེངས་ལ༔ སྤྲུལ་པ་ཡང་སྤྲུལ་ཉིང་སྤྲུལ་དཔག་མེད་ཀྱིས༔ TI1601 - 287 གནོད་བྱེད་དགྲ་བགེགས་སྒྲོལ་བའི་དུས་ལ་བབ༔ ཨོ་རྒྱན་རང་བྱུང་ཚལ་གྱི་དུར་ཁྲོད་ནས༔ སྒྲོལ་བའི་ཡུམ་ཆེན་རྡོ་རྗེ་ཕག་མོ་ཡི༔ ཐུགས་དམ་གནད་ནས་བསྐུལ་ལོ་དབྱིངས་ནས བཞེངས༔ མངོན་སྤྱོད་ཕྲིན་ལས་མཛད་པའི་དུས་ལ་བབ༔ གློག་ལྟར་མྱུར་བའི་ཐུགས་རྗེའི་ཤུགས་ཕྱུངས་ལ༔ ཞིང་བཅུའི་དགྲ་བགེགས་སྒྲོལ་བའི་ལས་མཛོད་ཅིག༔ ཧཱུྃ་བྷྱོ༔ མེ་ལོང་ཡེ་ཤེས་རོལ་པའི་དཀྱིལ་འཁོར་ནས༔ རྡོ་རྗེ་རིགས་འདུས་བཛྲ་དྲག་པོ་རྩལ༔ ཐུགས་དམ་གནད་ནས་བསྐུལ་ལོ་སྐུར་བཞེངས་ཤིག༔ གདུག་ཅིང་སྡང་བའི་དགྲ་བགེགས་ཆམ་ལ་ཕོབ༔ མཉམ་ཉིད་ཡེ་ཤེས་རོལ་པའི་དཀྱིལ་འཁོར་ནས༔ རིན་ཆེན་རིགས་འདུས་རཏྣ་དྲག་པོ་རྩལ༔ ཐུགས་དམ་གནད་ནས་བསྐུལ་ལོ་དབྱིངས་ནས་བཞེངས༔ མངོན་སྤྱོད་དྲག་པོའི་ལས་ཀྱིས་དགྲ་བགེགས་སྒྲོལ༔ སོར་རྟོག་ཡེ་ཤེས་རོལ་པའི་དཀྱིལ་འཁོར་ནས༔ པདྨ་རིགས་འདུས་པདྨ་ཐོད་ཕྲེང་རྩལ༔ ཐུགས་དམ་གནད་ནས་བསྐུལ་ལོ་དབྱིངས་ནས་བཞེངས༔ གདུག་པའི་དགྲ་བགེགས་འགུགས་སྒྲོལ་ཕྲིན་ལས་མཛོད༔ བྱ་གྲུབ་ཡེ་ཤེས་རོལ་པའི་དཀྱིལ་འཁོར་ནས༔ ལས་ཀྱི་རིགས་འདུས་ཀརྨ་དྲག་པོ་རྩལ༔ ཐུགས་དམ་གནད་ནས་བསྐུལ་ལོ་དབྱིངས་ནས ཁྲོཾ།༔ བཞེངས༔ མངོན་སྤྱོད་ལས་ཀྱིས་དགྲ་བགེགས་ཆམ་ལ་ཕོབ༔ ཐུགས་དམ་དུས་ལ་བབ་བོ་ས་མ་ཡ༔ ཧཱུྃ་བྷྱོ༔ ཤར་ནས་རིག་འཛིན་ཆེན་པོ་ཧཱུྃ་ཀཱ་ར༔ བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔ ཡང་དག་ཐུགས་ཀྱི་ཀློང་ནས་སྐུར་བཞེངས་ཤིག༔ གདུག་པའི་དགྲ་བགེགས་སྒྲོལ་བའི་ཕྲིན་ལས་མཛོད༔ ལྷོ་ནས་རིག་འཛིན་འཇམ་དཔལ་བཤེས་གཉེན་པ༔ བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔ བཞེངས་ཤིག་འཇམ་དཔལ་སྐུ་ཡི་ཀློང་ནས་བཞེངས༔ མངོན་སྤྱོད་ལས་ཀྱིས་དགྲ་བགེགས་སྒྲོལ་མཛོད་ཅིག༔ ནུབ་ནས་རིག་འཛིན་ཀླུ་སྒྲུབ་སྙིང་པོ་ཉིད༔ བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔ པདྨ་གསུང་གི་ཀློང་ནས་སྐུར་བཞེངས་ལ༔ གནོད་བྱེད་དགྲ་བགེགས་སྒྲོལ་བའི་ཕྲིན་ལས་མཛོད༔ བྱང་ནས་རིག་འཛིན་པྲ་ཆེན་ཧསྟི་རྩལ༔ བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔ ཕྲིན་ལས་ཕུར་པའི་ཀློང་ནས་སྐུར་བཞེངས་ལ༔ གནོད་བྱེད་དགྲ་བགེགས་སྒྲོལ་བའི་ཕྲིན་ལས་མཛོད༔ ཤར་ལྷོའི་རིག་འཛིན་དྷ་ན་སཾསྐྲྀ་ཏ༔ བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔ མ་མོ་རྦོད་གཏོང་དབྱིངས་ནས་སྐུར་བཞེངས་ལ༔ གནོད་གདུག་དྲག་ཤུལ་སེམས་ལྡན་དགྲ་བགེགས་སྒྲོལ༔ ལྷོ་ནུབ་རིག་འཛིན་རྒྱལ་པོ་བི་མ་ལ༔ བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔ བཞེངས་ཤིག་རིག་འཛིན་སློབ་དཔོན་དབྱིངས་ནས་བཞེངས༔ རྒོལ་ཞིང་སྡང་བའི་སེམས་ལྡན་དགྲ་བགེགས་སྒྲོལ༔ ནུབ་བྱང་རིག་འཛིན་རམ་བུ་གུ་ཧྱ་པ༔ བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔ འཇིག་རྟེན མཆོད་བསྟོད་དབྱིངས་ནས་སྐུར་བཞེངས་ལ༔ གདུག་པའི་དགྲ་བགེགས་སྒྲོལ་བའི་ལས་མཛོད་ཅིག༔ བྱང་ཤར་རིག་འཛིན་ཤཱནྟི་གརྦྷ་རྩལ༔ བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔ དམོད་པ་དྲག་སྔགས་དབྱིངས་ནས་སྐུར་བཞེངས་ལ༔ དགྲ་བགེགས་མ་ལུས་སྒྲོལ་བའི་ལས་མཛོད་ཅིག༔ ཀྱེེ་ཧོཿ གདུལ་དཀའ་ཐབས་ཀྱིས་འདུལ་བའི་ཕྱིར༔ ཡེ་ཤེས་དབྱིངས་ལས་སྤྲུལ་པའི་ལྷ༔ སྲིད་ལས་རྣམ་རྒྱལ་རིག་འཛིན་བརྒྱད༔ ཡབ་ཡུམ་སྲས་འཁོར་བཀའ་སྡོད་བཅས༔ ཆོས་ཀྱི་དབྱིངས་ནས་སྐུར་བཞེངས་ཤིག༔ མངོན་སྤྱོད་ཕྲིན་ལས་དུས་ལ་བབ༔ སྡང་བའི་དགྲ་དང་གནོད་པའི་བགེགས༔ མཁྱེན་བཞིན་མ་ཤོར་རྡུལ་དུ་རློག༔ ཧཱུྃ་བྷྱོ༔ བསྐུལ་ལོ་ཁྲོ་ཆེན་ཧཱུྃ་ཀཱར་ཡབ་ཡུམ་སྲས༔ བཞེངས་ཤིག་སྟེང་གི་དགྲ་བགེགས ཁྲོཾ འདུལ་ཞིང་སྒྲོལ༔ བསྐལ་ལོ་ཡེ་ཤེས་ཁྲོ་ཆེན་རྣམ་པར་རྒྱལ༔ བཞེངས་ཤིག་ཤར་གྱི་དགྲ་བགེགས་འགུགས་ཤིང་སྒྲོལ༔ བསྐུལ་ལོ་བཞེངས་ཤིག་ཁྲོ་ཆེན་གཤིན་རྗེ་གཤེད༔ གདུག་ཅིང་སྡང་སེམས་ལྡན་པའི་དགྲ་བགེགས་སྒྲོལ༔ བསྐུལ་ལོ་བཞེངས་ཤིག་ཁྲོ་ཆེན་རྟ་མགྲིན་རྒྱལ༔ མངོན་སྤྱོད་ལས་ཀྱི་དགྲ་བགེགས་ཆམ་ལ་ཕོབ༔ བསྐུལ་ལོ་བཞེངས་ཤིག་ཁྲོ་ཆེན་བདུད་རྩི་འཁྱིལ༔ ཕྲིན་ལས་ལས་ཀྱིས་ཉམས་པའི་དགྲ་བགེགས་སྒྲོལ༔ བསྐུལ་ལོ་རྦད་དོ་ཁྲོ་ཆེན་དབྱུག་སྔོན་ཅན༔ དགྲ་བགེགས་ཁུག་ལ་སྒྲོལ་བའི་ལས་མཛོད་ཅིག༔ ཐུགས་དམ་བསྐུལ་ལོ་ཁྲོ་ཆེན་མི་གཡོ་མགོན༔ དགྲ་བགེགས་མྱུར་དུ་ཁུག་ལ་དབྱིངས་སུ་སྒྲོལ༔ བསྐུལ་ལོ་བསྐུལ་ལོ་ཁྲོ་ཆེན་འདོད་པའི་རྒྱལ༔ དགྲ་བགེགས་མྱུར་དུ་ཁུག་ལ་རྡུལ་དུ་རློག༔ བསྐུལ་ལོ་ཁྲོ་ཆེན་ཁམས་གསུམ་རྣམ་པར་རྒྱལ༔ དབྱིངས་ནས་སྐུར་བཞེངས་དགྲ་བགེགས་སྒྲོལ་བར་མཛོད༔ ཐུགས་དམ་བསྐུལ་ལོ་ཁྲོ་ཆེན་སྟོབས་པོ་ཆེ༔ དབྱིངས་ནས་སྐུར་བཞེངས་དགྲ་བགེགས་ཆམ་ལ་ཕོབ༔ བསྐུལ་ལོ་ཡེ་ཤེས་བྱ་ཁྱུང་མཐུ་རྩལ་ཅན༔ གཏི་མུག་དགྲ་བགེགས་འདུལ་བའི་ལས་མཛོད་ཅིག༔ ཧཱུྃ་བྷྱོ༔ ཚད་མེད་ལས་ཀྱི་སྒོ་མ་ཆེན མོ་བཞི༔ ཐུགས་དམ་གནད་ནས་བསྐུལ་ལོ་དབྱིངས་ནས་བཞེངས༔ གདུག་ཅིང་སྡང་སེམས་ལྡན་པའི་དགྲ་དང་བགེགས༔ འགུགས་འཆིང་རྨོངས་མྱོས་དྲག་པོའི་ཕྲིན་ལས་མཛོད༔ ཀྱེེ༔ གསོན་ཅིག་དགོངས་ཤིག་བླ་མ་དཀོན་མཆོག་གསུམ༔ རྩ་གསུམ་དཔའ་བོ་དཔའ་མོ་ཆོས་སྐྱོང་ཚོགས༔ ཆོས་ཀྱི་དབྱིངས་ནས་གཟུགས་ཀྱི་སྐུར་བཞེངས་ཏེ༔ མངོན་སྤྱོད་ཕྲིན་ལས མཛད་པའི་དུས་ལ་བབ༔ དེང་དུས་ལྔ་བརྒྱ་སྙིགས་མའི་མར་གཤམ་འདིར༔ ལས་དང་ཉོན་མོངས་དྲག་པོའི་དབང་བཙན་པས༔ རྒྱུ་རྐྱེན་རྟེན་འབྲེལ་མི་སྲུན་དགྲ་འདྲེའི་རིགས༔ ལས་སུ་མི་དགེ་སྡིག་སྤྱོད་དང་ལེན་ཅིང་༔ བསམ་པ་གཞན་གནོད་རྐུ་འཕྲོག་རྒོལ་བའི་སེམས༔ མ་ཉེས་ཁ་ཡོག་ལན་མེད་ལ་ཡོག་འདོར༔ སངས་རྒྱས་བསྟན་པ་ཐབས་དང་ཐབས་ཀྱིས་བཤིགས༔ དམ་པའི་ཆོས་ཁྲིམས་བག་མེད་ལས་ཀྱིས་བཤིགས༔ དགེ་བཙུན་འདུལ་ཁྲིམས་དམ་སྲི་བདུད་སྡེས་འཕྲོག༔ དེ་འདྲའི་དུས་སྐལ་ངན་པ་འདི་དག་ལ༔ དུས་གསུམ་རྒྱལ་བའི་ཐུགས་ཀྱིས་མ་དགོངས་སམ༔ མཁའ་འགྲོ་དམ་ཅན་སྲུང་མས་མ་གཟིགས་སམ༔ དགོངས་བཞིན་གཟིགས་བཞིན་ཡལ་བར་འདོར་སྲིད་ན༔ སྐྱབས་མེད་སྟོབས་ཕྲའི་སེམས་ཅན་སུ་ལ ཁྲོཾ༔ རེ༔ སྙིང་ནས་གདུང་ཤུགས་དྲག་པོས་འོ་དོད་འབོད༔ བདག་སོགས་བརྒྱུད་འཛིན་སྐྱབས་མེད་སུ་ལ་རེ༔ སངས་རྒྱས་བསྟན་པ་ནུབ་པར་འགྱུར་ཏ་རེ༔ འགྲོ་བ་སེམས་ཅན་ངན་འགྲོར་ལྟུང་ལ་ཉེ༔ བརྒྱུད་འཛིན་སྡུག་བསྔལ་འདམ་དུ་ཚུད་ལ་ཉེ༔ ད་ལྟ་ཉིད་དུ་སྒྲོལ་བར་མི་བྱེད་ན༔ ཕྲིན་ལས་མངོན་སྤྱོད་མཛད་པ་གང་དུ་གདའ༔ བཟོད་མེད་སྡུག་བསྔལ་ཐོག་ཏུ་བབ་པ་ཡི༔ རྩེ་གཅིག་གདུང་བས་འོ་དོད་འབོད་ལགས་ན༔ རྒྱབ་བརྟེན་དཔུང་གཉེན་མཛད་པར་མ་གྱུར་ན༔ སྐྱོབ་པའི་ནུས་མཐུ་མངའ་ཞེས་གང་ན་བཞུགས༔ བདག་ནི་ཐོག་མཐའ་བར་གསུམ་ཐམས་ཅད་དུ༔ མ་ཉེས་མ་ལན་རང་ཁར་འདུག་པ་ལ༔ དགྲ་འདྲེའི་རྒོལ་བ་ངན་པ་ཐོག་ཏུ་ཕབ༔ ཝ་ལྟར་བྲོས་ཀྱང་ཁྱི་ལྟར་དེད་ནས་བྱུང་༔ ཉི་ལྟར་གསལ་ཀྱང་སྤྲིན་ལྟར་འཐིབ་ནས་བྱུང་༔ ཉ་ལྟར་ཉེས་མེད་སྲམ་ལྟར་རྒོལ་ནས་བྱུང་༔ བྱིའུ་བཞིན་འདུག་ཀྱང་ཁྲ་གླག་བཞིན་དུ་རྒོལ༔ མཁྱེན་ཅིག་གཟིགས་ཤིག་སྟོབས་བཅུ་མངའ་བའི་ལྷ༔ དབྱིངས་ནས་བཞེངས་ཤིག་རྡོ་རྗེ་ཐོད་ཕྲེང་རྩལ༔ མཐུ་སྟོབས་ནུས་རྩལ་ཕྱུངས་ཤིག་རིག་འཛིན་ཚོགས༔ ཁྲོ་གཏུམ་རྔམས་པར་བཞེངས་ཤིག་ཁྲག་འཐུང་ཚོགས༔ མངོན་སྤྱོད་ཕྲིན་ ལས་མཛོད་ཅིག་བཀའ་སྲུང་རྣམས༔ ཆོས་ཤིག་བསྐུལ་དང་རྦད་པའི་ལས་ལ་ཆོས༔ མཐུ་དབལ་དམོད་སྣ་ཕྱིར་ལ་ལྡོག་མ་བྱེད༔ གཞན་དུ་མ་འབྱམས་དགྲ་བོའི་སྲོག་ལ་ཕོབ༔ བླ་ཚེ་སྲོག་གསུམ་ཁ་རྗེ་དབང་ཐང་དང་༔ མཐའ་རྩ་སྐྱེ་བརྒྱུད་དུས་མཐའ་མྱུར་དུ་བསྡུས༔ ལོ་དང་ཟླ་བར་འགྱངས་སུ་མ་ཤོར་བར༔ ཞག་དང་ཟ་མར་གསོད་པའི་ལས་མཛོད་ཅིག༔ སྟེང་འོག་བར་གསུམ་ཕྱོགས་བཞི་མཚམས་བརྒྱད་ནས༔ རྒོལ་ཅིང་སྡང་བའི་སེམས་དང་ལྡན་པ་ཡི༔ སྔ་དགྲ་བྱས་ཟིན་ཕྱི་དགྲ་ཡིད་ལ་སེམས༔ ད་དགྲ་ཐད་དུ་འཛུག་པའི་དགྲ་དང་བགེགས༔ མ་ཤོར་མྱུར་དུ་སྒྲོལ་བའི་ཕྲིན་ལས་མཛོད༔ ཐུགས་དམ་དུས་ལ་བབ་བོ་ས་མ་ཡ༔ རྩ་སྔགས་མཐར༔ གུ་རུ་བཱིདྱ་ཀྲོ་དྷ་སརྦ་དྷརྨ་པཱ་ལ་ཀྵེ་ཏྲ་པཱ་ལ་ལོ་ཀ་པཱ་ལ་རྦད་བྷྱོ་ནྲྀ་ཏྲི་སརྦ་ཤ་ཏྲུཾ་མཱ་ར་ཡ༔ ཆོམ་ཆོམ༔ ཐུལ་ཐུལ༔ རྦད་རྦད་བྷྱོ་ཛཿ ས་མ་ཡ༔ དེ་ལྟར་རྦད་ཅིང་བསྐུལ་བ་ཡིས༔ དགྲ་བགེགས་གདུག་པའི་སྡེ་དང་དཔུང་༔ ལྷ་ཁམས་ཡིན་ཀྱང་འཇིག་པར་ནུས༔ དཔུང་བསྐྱེད་ཆས་དང་རྒྱུག་པ་ཡིས༔ ལས་གྲུབ་སོགས་ཀྱིས་དམིགས་པ་ཡིས༔ འདོད་པའི་དོན་དེ་ངེས་པར་འགྲུབ༔ བཀའ་སྲུང་གནོད་སྦྱིན་དམར་ནག་དང་༔ དྲང་སྲོང་ཁྱབ་འཇུག་ཆེན་པོས་སྲུངས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ ཁྲོཾ།༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་སུམ་ཅུ་སོ་བདུན་བར་དུ་བཀའ་རྒྱ་བྱས་ནས་མཐར་ཡེ་ཤེས་ཉི་མ་མཐའ་རྒྱས་ཞེས་བྱ་བས་བསྐུལ་ངོར་དག་2 པར་ཕབ་པའི་ཡི་གེ་པའང་དེ་ཉིད་དོ། །དགེའོ། །དགེའོ། །དགེའོ །སརྦ་མངྒ་ལཾ།། 291དྲུག་བྱོན།བསྐལ T11601 - 295 T1601 - 296 ཟབ་གསང་མཁའ་འགྲོའི་སྙིང་ཐིག་ལས༔ བླ་མ་དྲག་པོ་བདེ་ཆེན་རྒྱལ་པོའི་སྨད་ལས་འཁོར་བ་ཡོངས་སྒྲོལ་བཞུགས་སོ༔ TI1601 - 297 བདུད་འཇོམས་གུ་རུ་དྲག་པོ་ཐ། ན་མོ་གུ་རུ་པདྨ་ཀ་ར་ཡེ༔ ཤཤོགཞིདཀ༈ ༔ པདྨ་དྲག་པོའི་རྣལ་འབྱོར་གྱིས༔ མངོན་སྤྱོད་དྲག་པོའི་ལས་བརྩོན་ཐབས༔ གནད་འདིར་ལྟོས་ལ་ཉམས་སུ་ལོངས༔ གྲུབ་ཐོབ་གནས་དང་དབེན་པའི་སར༔ སྨྲ་བཅད་བསྙེན་པ་བྱེ་བ་དང་༔ བསྒྲུབ་སྔགས་འབུམ་ཕྲག་གཅིག་དང་ནི༔ ལས་སྦྱོར་ཁྲི་ཕྲག་ཚད་དུ་བསྐྱལ༔ རང་བསྲུང་ལྷ་ཡི་ང་རྒྱལ་བཟུང་༔ ལྟ་བའི་རྫོང་དང་སྒོམ་པའི་འཕྲང་༔ དམིགས་པ་སྲོག་གི་གནད་ཡིན་ཏེ༔ བྲུབ་ཁུང་གཤིན་རྗེའི་བཤའ་ཁང་ལ༔ ལི་དགྲ་བོའི་བླ་རྟེན་དེ༔ ནྲྀ་ཡིག་གཟུགས་ཅན་དགྲ་ཡི་སྲོག༔ བླ་དང་ཚེ་ཡི་རྟེན་གནས་ཡིན༔ ཏྲི་ཡིག་གཟུགས་མེད་བགེགས་ཀྱི་སྲོག༔ དེ་ཡང་གོང་བཞིན་ཤེས་པར་བྱ༔ ཁོ་ཡི་མགོན་སྐྱབས་དཔུང་གཉེན་གྱི༔ ལྷ་དང་སྲུང་མ་གཞི་T11601 - 298 2ཁྲོཾ།༔ བདག་ཀུན༔ འབྲུ་ཆན་དཀར་དམར་གཏོར་མས་མཆོད༔ བདག་གི་གྲོགས་དང་སྲུང་མར་བཀོལ༔ ཐམས་ཅད་ཁོ་ཡི་གཤེད་དུ་དབབ༔ བསྐུལ་ཞིང་རྦད་པ་སྔོན་སོང་ནས༔ དང་པོ་བྲུབ་ཁུང་བསྐྱེད་པ་ནི༔ ཨོཾ་སྭ་བྷཱ་ཝ་སོགས༔ སྟོང་པ་ཉིད་དུ་གྱུར༔ སྟོང་པའི་ངང་ལས་ཡི་གེ་ཨེ་ནག་པོ་གཅིག་ཡོངས་སུ་གྱུར་པ་ལས༔ གནམ་ལྕགས་ལས་གྲུབ་པའི་བྲུབ་ཁུང་གྲུ་གསུམ་དམར་ནག་འཇིགས་སུ་རུང་བ་ཁ་དོག་ལ་གཏིང་ཡངས་པ༔ ངོས་མཐོ་ཞིང་གཏིང་ཟབ་པ༔ ཞབས་ན་འདོད་ཆགས་ཀྱི་ཁྲག་མཚོ་ཁོལ་ཞིང་སྟེང་ན་གཏི་མུག་གི་མུན་པ་འཐིབ་པ༔ ཕྲག་དོག་གི་རླུང་དམར་འཚུབས་ཤིང་ང་རྒྱལ་གྱི་བྲག T11601 - 299 རི་ཉིལ་བ༔ ནད་དུག་གྲིབ་ཀྱི་ཡོ་ལང་གཡོ་ཞིང་༔ མཚོན་ཆ་སྣ་ཚོགས་ཀྱི་ཆར་པ་འབེབས་པ༔ བླ་འཛིན་གྱི་དྲྭ་བ་བྲེས་པ༔ བླ་འགུགས་ཀྱི་ཤ་ཟུངས་དང་ལྕགས་ཀྱུ་གཟེང་བ༔ ཁ་ཁྱེར་ན་ཞེ་སྡང་གི་མེ་འབར་བ༔ ཕོ་ཉ་ལས་མཁན་ཤན་པའི་ཚོགས་སྐར་ལྟར་འཁྲིགས་ཤིང་རླུང་ལྟར་འཚུབས་པ༔ འཆི་བདག་ལས་ཀྱི་གཤིན་རྗེའི་བཤན་ར༔ སྡེ་བརྒྱད་གདུག་པའི་རྒྱུ་ལམ་བདུད་ཀྱི་བཙོན་ཁང་ནག་པོ་ཕྱི་རུ་བྲོས་པའི་ཡུལ་མེད་པ༔ ནང་དུ་གབ་པའི་གནས་མེད་པ༔ ནང་དུ་ཚུད་པ་ཙམ་གྱིས་ཐར་འཆོར་གྱི་སྐབས་དང་དུས་མེད་པ་ཞིག་ཏུ་བསྒོམ༔ ལས་ཀྱི་བཙོན་ཁང་དེའི་ནང་དུ་ནྲྀ་ཏྲི་ཡོངས་སུ་གྱུར་པ་ལས་དགྲ་བགེགས་གནོད་བྱེད་ཐམས་ཅད་འདུས་པའི་ངོ་བོ་གཟུགས་མི་སྡུག་པ༔ ཁ་ངུ་བ༔ མིག་ཤི་མིག༔ ལུས་ཧམ་པ་རིད་པ་སྔོ་བ་སྐྱ་བ༔ རྐང་ལག་ལྕགས་སྒྲོག་གིས་བསྡམས་པ༔ མིག་ནས་ཁྲག་གི་མཆི་མ་འཛག་པ༔ སྣ་ནས་བྱང་སེམས་དཀར་དམར་ཐུར་དུ་འབབས་པ་ཉམ་ཐག་དབུགས་དང་བྲལ་ལ་ཁད་པ་འདར་ཕྲི་ལི་ལི་བྱེད་པ་ཞིག་ཏུ་གྱུར༔ བདག་མདུན་ལྷའི་ཐུགས་ཀ་ནས་ལས་བྱེད་སྤྲུལ་པའི་ཕོ་ཉ་ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་ཐུན་མཚོན་ཐོགས་པ་དཔག་ཏུ་མེད་པ་ཕྱོགས་མཚམས་སྟེང་འོག་ ཁྲོཾ།༔ ཐམས་ཅད་དུ་འཕྲོས་པས་གང་ལ་དམིགས་པའི་དགྲ་བགེགས་གནོད་བྱེད་ཐམས་ཅད་ནམ་མཁའ་ནས་བྱིའུ་ཆུང་ཁྲ་ཡིས་དེད་པ༔ བར་སྣང་ནས་ཤོག་སྐྱ་རླུང་གིས་བསྐྱོད་པ༔ ས་གཞི་ནས་ར་ལུག་འཕར་སྤྱང་གིས་དེད་པ་བཞིན་དུ་མ་རིག་པའི་མུན་ནག་ཆེན་པོས་སྔོན་ནས་བསུས༔ ཕོ་ཉ་དང་ལས་མཁན་ཐུན་མཚོན་སྣ་ཚོགས་ཀྱི་ཚོགས་དང་ལས་ཀྱི་རླུང་དམར་དྲག་པོས་རྒྱབ་ནས་དེད་དེ་ཆུ་ལ་ཆུ་ཐིམ་པ་བཞིན་དུ་ལིངྒ་ལ་ཐིམ་པས་གཉིས་སུ་མེད་པར་གྱུར༔ དགུག་གཞུག་ཅི་མང་ཡིད་ཆེས་པའི་བར་དུ་བརྗོད༔ དེ་ནས་འགུགས་པར་བྱ་བ་ནི༔ ཧཱུྃ་བྷྱོ༔ བླ་མ་དྲག་པོའི་ལྷ་ཚོགས་འཁོར་བཅས་རྣམས༔ མངོན་སྤྱོད་ཕྲིན་ལས་མཛད་པའི་དུས་ལ་བབ༔ ཡིད་ལ་བརྣག་པའི་དགྲ་བགེགས་མ་ལུས་པ༔ མྱུར་དུ་བཀུག་ནས་གཟུགས་ལ་ཐིམ་པར་མཛོད༔ རྩ་