Tibetan
རྗེ་བཙུན་མི་ལ་རས་པའི་བྱིན་རླབས་དབང་གི་རིམ་པ་དོན་དམ་བདུད་རྩིའི་བུམ་བཟང་། རྗེ་བཙུན་མི་ལ་རས་པའི་བྱིན་རླབས་དབང་གི་རིམ་པ་དོན་དམ་བདུད་རྩིའི་བུམ་བཟང་། ༄༅ཿ ཿརྗེ་བཙུན་མི་ལ་རས་པའི་བྱིན་རླབས་དབང་གི་རིམ་པ་དོན་དམ་བདུད་རྩིའི་བུམ་བཟང་ཞེས་བྱ་བ་བཞུགས་སོཿ ན་མོ་གུ་ར་བེཿ དབང་བཞིའི་ཆུ་བོའི་མངའ་བདག་མཆོགཿ རྗེ་བཙུན་མི་ལ་རས་པ་ལཿ བཏུད་ནས་བྱིན་རླབས་དབང་གི་རྒྱུནཿ སྐུལ་བཟང་དད་པའི་ཞིང་སར་འབེབསཿ དེ་ལ་འདིར་རྗེ་བཙུན་ཆེན་པོའི་སྐུ་གསུང་ཐུགས་ཡོན་ཏན་འཕྲིན་ལས་ཀྱི་བྱིན་རླབས་དབང་བསྐུར་གྱི་རིམ་པ་ལསཿ ཐོག་མར་དལ་དུ་བུམ་པ་ཆས་ལྷན་དྲི་བཟང་དང་ཉེར་ལྔས་བལྟམས་པཿ ཐོད་ཆིང་རིགས་ཙཀ་ཟས་སྣ། རླུང་ཆས་སོགས་འདོན་ཚིག་ལྟར་གཡས་བསྐོར་དུ་བཀོད་ལཿ ཆོ་ག་གཅིག་གིས་བདག་མདུན་བུམ་གསུམ་ཆིག་དྲིལ་དུ་བསྒྲུབས་ནས་བཟླས་པས་སྐབསཿ བདག་བསྐྱེད་ཀྱི་བཟླས་པའི་རྗེས་སུ་འཛབ་ཁང་དབྱེ་སྟེཿ བུམ་པ་ལ་དམིགས་པའི་བཟླས་པ་གང་མང་གི་མཐར་མཆོད་བསྟོད་འོད་ཞུ་བདག་འཇུག་བླངས་པ་རྣམས་བྱས་རྗེསཿ སློབ་མ་རྣམས་ཁྲུས་ནས་བྱུང་ཿ བགེགས་བསྐྲད་སྲུང་འཁོར་རྣམས་གྲུབ་ནསཿ མཎྜལ་ཕུལ་ནས་གསོལ་བ་འདེབས་པ་ནིཿ ཨེ་མ་སྔོན་ཚེ་མི་ལ་རྗེསཿ ལས་ཅན་བུ་སློབ་སྨིན་མཛད་ལྟརཿ རྗེ་བཙུན་བླ་མའི་ཐུགས་རྗེ་ཡིསཿ བདག་ཅག་སྨིན་པར་མཛད་དུ་གསོལཿ ལན་གསུམཿ དེ་ནས་དམ་ཆུ་བླུད་པ་ནིཿ ཧོཿ སྔུགས་ཀྱི་སྲོག་ནི་དམ་ཚིག་ཡིནཿ བསྲུངས་ན་དངོས་གྲུབ་རྣམ་གཉིས་ཐོབཿ ཉམས་ན་རྡོ་རྗེའི་ན་རག་མྱོང་ཿ དེ་ཕྱིར་དམ་ཚིག་སྲོག་ལྟར་སྲུངསཿ ས་མ་ཡཱ་ན་ར་ཀནཿ དེ་ནས་སྐྱབས་སེམས་ཡན་ལག་བདུན་པ་རྣམསཿ ཆོ་ག་ལྟར་བླངས་ཤིང་རྒྱུད་སྦྱངས་ལཿ སྡོམ་གསུམ་སྟབས་གཅིག་ཏུ་བླང་བར་མོས་པསཿ ཧོཿ ཡང་དག་དོན་གྱི་དགེ་སློང་མཆོགཿ ཧེ་རུ་ཀ་དཔལ་བླ་མའི་དྲུང་ཿ སོ་སོར་ཐར་དང་བྱང་ཆུབ་སེམསཿ རིག་འཛིན་སྔགས་ཀྱི་དམ་ཚིག་རྣམསཿ ངོ་བོ་གནས་འགྱུར་གོང་འཕེལ་དང་ཿ ཡོན་ཏན་ཡར་ལྡན་ཚུལ་གྱིས་བླངསཿ བསྲུང་བྱ་སྲུང་བྱེད་རང་གྲོལ་ནསཿ ཆོས་དབྱིངས་དྲི་མེད་ལ་གནས་ཤོགཿ ལན་གསུམཿ ཡེ་ཤེས་དབབ་པ་ནིཿ ཧོཿ ཁྱེད་ཅག་མ་རིག་མཐུས་ནོན་ཏེཿ རང་རིག་རང་བྱུང་རྗེ་བཙུན་དང་ཿ ཞལ་མ་མཇལ་བའི་སྒྲིབ་དག་ཕྱིརཿ བཞད་པ་རྡོ་རྗེའི་ཡེ་ཤེས་འབེབཿ དེ་ནས་སློབ་མ་རྣམས་ལ་ཆོ་ག་ལྟར་རྗེ་བཙུན་གྱི་བསྐྱེད་རིམ་འབོགཿ སྤྱན་འདྲེན་ དང་བརྟན་བཞུགས་བྱས་ལཿ བུམ་དབང་བསྐུར་བ་ནིཿ ཨཱཿ སྐྱེ་མེད་བུམ་པའི་གཞལ་ཡས་སུཿ
Chinese
至尊米拉日巴加持灌顶次第，实义甘露妙瓶。
English
The Sequence of Blessings and Empowerment of Jetsun Milarepa: The Excellent Vase of True Nectar.