Tibetan
འདེབས་མདོར་བསྡུས་བྱིན་རླབས་འོད་ཕུང་ལྡེབ་༈ བཅས་སོ། ། ༈ གསུམ་པ་ཞར་བྱུང་ཁ་སྐོང་གི་སྐོར་ལ། ༈ པོད་༼ཝ༽ པར། ༄༅། །གསང་ཆེན་ཐེག་པའི་ཡང་ཞུན་གཅོད་ཀྱི་གདམས་པ་གྲུབ་མཆོག་ས་ར་ཧ་པའི་སྙིང་ཐིག་ཟབ་མོའི་འགྲེལ་པ་ལེགས་བཤད་བདུད་རྩིའི་རོལ་མཚོ་ཞེས་བྱ་བ་ཆོས་བདག་པདྨ་ལུང་རྟོགས་རྒྱ་མཚོས་མཛད་པ་ལྡེབ ༣༧༡ བཞུགས་སོ། ། ༈ པོད་ཨ༽ པར། ཁྲིད་ཀྱི་སྔོན་འགྲོ་བཤད་བྱའི་ཡན་ལག་བཤད་པ་ལྡེབ ྋ དང་། རང་བཞིན་རྫོགས་པ་ཆེན་པོ་མ་བསྒོམ་སངས་རྒྱས་ཀྱི་ཟིན་བྲིས སྣང་སྦྱང་འགྲེལ་པ་དཔལ་ལྡན་བླ་མའི་ཞལ་རྒྱུན་ནག་འགྲོས་སུ་བཀོད་པ་ཚིག་དོན་རབ་གསལ་སྐལ་ལྡན་དགྱེས་པའི་མགུལ་རྒྱན་བཅས་ཌཱ་ཀི་བདེ་བའི་རྡོ་རྗེའམ། ཀུན་བཟང་བདེ་སྐྱོང་དབང་མོའི་གསུང་ལྡེབ ༡༦༠ ཤེས་རིག་རྡོ་རྗེ་རྣོན་པོའི་རྒྱུད་འགྲེལ་དོན་གསལ་སྙིང་པོ་ཆོས་བདག་པདྨ་བཀྲ་ཤིས་ཀྱི་གསུང་ལྡེབ་༦༣ མྱུར་ལམ་འཕོ་བ་ཆེན་པོའི་གདམས་པ་མ་བསྒོམ་སངས་རྒྱས་ཀྱི་དོན་འགྲེལ་དཔལ་ལྡན་བླ་མའི་ཞལ་ལུང་ཌཱ་ཀི་བདེ་བའི་རྡོ་རྗེའི་གསུང་ལྡེབ་༨༨ བཅས་ལེགས་པར་བཞུགས་སོ། །རྩ་བའི་ས་བཅད་གསུམ་པ་དེ་ལྟར་གླེགས་བམ་ཉི་ཤུ་རྩ་གཅིག་པོ་འདི་དག་དད་འབྱོར་གཏོང་ཕོད་ཅན་གྱི་སྦྱིན་བདག་ཐའི་ཝན་ནས་དེང་ནེ་ཆུས་གཙོས་བླ་མ་ཡན་ཕི་ལིབ་ཌཀ་ཊར་ཇེན་ནེན་སུ་ནེ་ཟན་རྣམས་ཀྱིས་ཡོན་སྦྱོར་གྱི་གྲོགས་དན་ལ་བརྟེན་ནས་འཕྲུལ་པར་དུ་བསྐྲུན་པའོ། མཆན། བགྱིས་པའི་དགོས་པ་དང་ཕན་ཡོན་གྱི་སྒོ་ནས་མཇུག་བསྡུ་ཞིང་བསྔོ་སྨོན་ཤིས་བརྗོད་ཀྱིས་མཐའ་བརྒྱན་པ་ནི། གནས་སྐབས་མཐར་ཐུག་གི་ཕན་བདེ་མ་ལུས་པའི་འབྱུང་གནས་རྒྱལ་བའི་ལུང་རྟོགས་ཀྱི་བསྟན་པ་རིན་པོ་ཆེ་འདི་ཉིད་འཇིག་རྟེན་གྱི་ཁམས་ཀུན་ཏུ་ཡུན་རིང་དུ་གནས་པའི་ཐབས་ནི་ལུང་སྡེ་སྣོད་གསུམ་ལ་འཆད་ཉན་དང་། ལམ་བསླབ་པ་གསུམ་ལ་ཉམས་ལེན་གྱིས་འཛིན་དགོས་ཤིང་། དེའི་གཞི མ་མདོ་རྒྱུད་མིང་ཚིག་ཡི་གེའི་ངོ་བོ་གླེགས་བམ་དུ་གནས་པ་འདི་མེད་ན་དེ་ལ་བརྟེན་པའི་ཀློག་པ་དང་ཁ་ཏོན་ལ་སོགས་ཐོས་བསམ་བྱེད་པའི་ཡུལ་མེད་པས་སྒོམ་པའི་ཉམས་ལེན་ཀྱང་འབྱུང་དཀའ་བས། བདེ་བར་གཤེགས་པའི་བསྟན་པ་དམ་པའི་ཆོས་མི་ནུབ་ཅིང་ཡོངས་སུ་འཛིན་པར་བྱེད་པ་ལ་ཆོས་ཀྱི་གླེགས་བམ་བཞེངས་ཤིང་འཛིན་པ་ཁོ་ན་ལ་བརྟེན་དགོས་ཏེ། སྒོ་མཐའ་ཡས་པའི་གཟུངས་ལས། ཡི་གེ་བྲིས་དང་གཟུངས་དང་བཀླགས་པ་ཡིས། །བསོད་ནམས་ཆུ་བོ་ཇི་ཙམ་བསྐྱེད་པ་ནི །སེམས་ཅན་ཀུན་གྱིས་ཤེས་པར་ཡོངས་མི་ནུས །དེ་ནི་ཚེ་རབས་ཀུན་ཏུ་རྒྱལ་བ་མཐོང་། །དེ་དག་ལ་ཡང་དད་པ་བསམ་ཡས་རྙེད། །མདོ་སྡེ་ཟབ་མོའི་ཚུལ་ཡང་ཤེས་པར་འགྱུར། །དེ་ནི་མྱུར་དུ་བྱང་ཆུབ་མཆོག་འཚང་རྒྱ། །ཞེས་དང་། ནམ་མཁའི་མཐའ་དང་མཉམ་པའི་རྒྱུད་ལས རིན་ཆེན་སྣ་བདུན་ལ་སོགས ༄༅། །པས། །རྒྱལ་བ་ཀུན་གྱི་རང་བཞིན་ཅན། །མ་ལུས་བསྡུས་པའི་ངོ་བོ་ཉིད། །སྐུ་གསུང་ཐུགས་ཉིད་བྲིས་པ་ཡིན། །དེ་བས་རྒྱལ་བ་ཀུན་གྱིས་པའི །ཆེ་བའི་ཡོན་ཏན་བསམ་མི་ཁྱབ། །ཅེས་དང་། བཟུང་བའི་ཕན་ཡོན་ཀྱང་དེ་ཉིད་ལས གྲོ་ག་ཤིང་ཤུན་ལ་སོགས་ལ། །གསང་བའི་རྒྱུད་འདི་རབ་བྲིས་ནས། །རིན་ཆེན་ཁྲི་ལ་ལེགས་བཞག་སྟེ། །གུས་པས་མཆོད་ཅིང་རབ་བཟུང་ན། །ཇི་སྲིད་གནས་པར་བསམ་པ་ཡིས། །དགའ་བའི་བསམ་པས་འཛིན་བྱེད་པར། །སངས་རྒྱས་ཐམས་ཅད་བཟུང་བ་ཡིན། །ཞེས་སོ། །ཁྱད་པར་སྔགས་ཀྱི་སྡེ་སྣོད་གླེགས་བམ་དུ་བྲིས ཤིང་བཀླགས་པ་དང་བཅངས་པའི་ཕན་ཡོན་ནི་དེ་ལས་ཀྱང་ཁྱད་པར་འཕགས་ཏེ། རིན་ཆེན་སྤུངས་པའི་རྒྱུད་ལས དེ་ཡི་ཕྱིར་ན་གསང་བའི་རྒྱུད །འདི་ཉིད་འཛིན་པའི་སྐྱེས་བུ་ནི། །རང་རིག་རྣམས་ཀྱི་དབང་ཐོབ་སྟེ། །རྒྱུད་འདི་བཅངས་པ་ཙམ་གྱིས་ནི། །རྡོ་རྗེ་འཆང་གི་སྤྲུལ་པར་འགྱུར། །རྒྱུད་འདི་སུ་ཡི་བཀླགས་པའི་མི། །ལྟ་བའི་དོན་ཀུན་སེམས་ལ་འཆར། །འདི་ཉིད་སུ་ཡིས་བྲིས་པའི་མི། སངས་རྒྱས་ཀུན་གྱི་གསུང་ལ་རོལ། །ཞེས་པ་ལ་སོགས་མདོ་རྒྱུད་རྣམས་ལས་ཕན་ཡོན་རྒྱ་ཆེར་གསུངས་པ་ལ་བློ་ཡོངས་སུ་ཕྱོགས་ཏེ་རྗེས་སུ་ཡི་རང་དང་བཅས་འདིར་འབད་དགེ་བའི་དངོས་པོ་རྐྱེན་གྱིས་མི་ འཛད་པར་སྤེལ་བ་དང་ཡང་དག་པའི་ལམ་དུ་བསྒྱུར་བའི་ཕྱིར་བསྔོ་བ་ལ་འཇུག་པར་བྱ་སྟེ ཇི་སྐད་དུ། བསྔོ་བ་མི་ཟད་ལམ་ཡིན་ཏེ། །སྤེལ་དང་བསྒྱུར་བའི་ཆོས་ཅན་ཡིན། །འདི་ནི་སྟོན་པ་གཞན་ལ་མེད་པའི་ཁྱད་ཆོས་ཏེ། ཁྱད་པར་འཕགས་བསྟོད་ལས། བསོད་ནམས་བྱ་བའི་ཚོགས་དག་ནི །སེམས་ཅན་རྣམས་ལ་ཡོངས་བསྔོ་བ། །བཅོམ་ལྡན་ཁྱེད་ཀྱིས་གང་གསུངས་པ། །དེ་གཞན་བསྟན་བཅོས་ལས་མ་བཤད། །ཅེས་སོ། །དགོས་པ་ནི། བློ་གྲོས་རྒྱ་མཚོས་ཞུས་པའི་མདོ་ལས ཇི་ལྟར་ཆུ་ཐིགས་རྒྱ་མཚོ་ཆེ་ནང་ལྷུང་། །རྒྱ་མཚོ་མ་སྐམ་བར་དུ་དེ་མི་ཟད།།དེ་བཞིན་བྱང་ཆུབ་ཡོངས་བསྔོ་དགེ་བ་ཡང་། །བྱང་ཆུབ་མ་ཐོབ་བར་དུ་དེ་མི་འཛད། །ཅེས་དང་། ནམ་མཁའ་མཛོད་ཀྱི་མདོ་ལས། ཐ་དད་ཕྱོགས་ནས་ཆུ་ཀླུང་མང་པོ་དག །རྒྱ་མཚོ་ཆེར་འབབ་རོ་གཅིག་འགྱུར་བ་ལྟར།།ཐ་དད་ཕྱོགས་ནས་དགེ་བ་བསགས་བྱས་པ། །བྱང་ཆུབ་བསྔོས་པ་རྣམས་ཀྱང་རོ་གཅིག་འགྱུར། །ཅེས་སོ། །དེ་ལྟར་བསྔོ་བ་དེའང་འཁོར་གསུམ་རྣམ་པར་རྟོག་པའི་མཚན་འཛིན་དང་བྲལ་དགོས་པ་ནི་མངོན་རྟོགས་རྒྱན་ལས། དེ་ནི་དམིགས་མེད་རྣམ་པ་ཅན། །ཕྱིན་ཅི་མ་ལོག་མཚན་ཉིད་དོ། །ཞེས་དང་། ཡོངས་སུ་བསྔོས་པའི་ཕན་ཡོན་ནི མདོ་ཕལ་པོ་ཆེ་ལས། ཕྱོགས་བཅུའི་འཇིག་རྟེན་དག་ན་གང་ཡོད་པའི། ༄༅། །དགེ་བ་དེ་དག་ཡང་ཡང་བསྒྲུབ་པས་ན། །འགྲོ་བ་ཀུན་ལ་ཕན་དང་བདེ་སེམས་ཀྱིས །ཡེ་ཤེས་མཁས་པ་དེ་དག་ཡོངས་སུ་བསྔོ། །ཞེས་གསུངས་པ་སོགས་ཀྱིས་མཚོན་ནོ། །སླར་སྨྲས་པ། རྨད་བྱུང་སྟོན་པའི་ཞལ་སྐྱིན་པདྨ་འབྱུང་། །རྨད་བྱུང་ཐུགས་བསྐྱེད་དུས་བབས་ཟབ་གཏེར་གྱི །ཕུལ་བྱུང་ཟབ་གསང་མན་ངག་བདུད་རྩིའི་དབྱིག །ཕུལ་བྱུང་གཏེར་ཆེན་བླ་མའི་དཔལ་དུ་ཤར། །འཁོར་འདས་མཉམ་ཉིད་ཡང་དག་རྟོགས་པའི་ཐབས། །དགོངས་བརྒྱུད་བྱིན་རླབས་དྲོད་ཀྱིས་ཉེར་དྲངས་ཏེ །སྐལ་ལྡན་ཚེ་གཅིག་འོད་སྐུར་ལ་སྦྱོར་བའི། །སྔོན་མེད་གདམས་ཟབ་སྣང་བའི་མཛོད་ཁང་འདི། །གསང་སྔགས་དོན་གྱི་སྙིང་པོའི་ཉམས་ལེན་གནད། །མ་ལུས་ཡོངས་སུ་རྫོགས་པའི་ངེས་ཤེས་ཀྱིས། །གླེགས་བམ་བསྐྲུན་པའི་ལྷག་བསམ་གོ་ཆ་ཅན། སློབ་དཔོན་མཆོག་གིས་བསྐུལ་བ་དོན་ཡོད་བྱས། །བདེ་སྐྱིད་སྣང་བར་བྲིད་པའི་སློབ་གཉེར་དང་།མི་ཁྱུར་མ་ཚུད་དོགས་པའི་ཚུལ་འཆོས་དང་། །རྒས་ཁར་ལྟོག་གིས་དོགས་པའི་དཀོར་བསྡུད་སོགས། འདུ་འཛིའི་གཡེང་བས་མི་ཚེ་བྲེལ་བ་བདག །གཞུང་ལུགས་ཐོས་བསམ་ནོར་གྱིས་རབ་དབུལ་ཞིང་། །གོམས་པའི་ཉམས་མྱོང་ཆ་ཙམ་མི་ལྡན་པས། །སྨྲ་འདི་གཞན་དག་མགུ་དང་ཕན་ནུས་བྲལ།། རང་ཉིད་ཡི་གེས་ངལ་བ་ཙམ་དུ་ཟད། །འོན་ཏང་བསྐུལ་བའི་ཞལ་ངོ་མི་གཅོག་དང་། །གཏེར་ཆེན་བླ་མའི་ཐུགས་རྗེའི་འོད་སྣང་ལ། །ཚེ་རབས་ཕྲེང་བར་ལྟོས་པའི་སྐལ་བཟང་གི །གྲལ་ཐ་འཛིན་པའི རྟེན་འབྲེལ་བཙས་སུ་བྲིས། །ནོར་འཁྲུལ་ཀུན་བཤགས་རྣམ་དཀར་དགེ་བ་གང་མཆིས་དེས། །རྒྱལ་བསྟན་དྲི་མེད་གདུལ་བྱའི་སྒྲོན་མེར་རྟག་གསལ་ནས །ཡིད་ཅན་མ་ལུས་རྣམ་མཁྱེན་གདོད་མའི་ས་ལ་རེག །བཀྲ་ཤིས་སྣང་བས་དུས་ཀུན་ཕྱོགས་མཐར་ཁྱབ་གྱུར་ཅིག །བཀྲ་ཤིས་སྐུ་དང་ཡེ་ཤེས་འབྱུང་བའི་གནས། །བཀྲ་ཤིས་དཀོན་མཆོག་རིན་ཆེན་རྣམ་གསུམ་གྱིས། །བཀྲ་ཤིས་མཆོག་དང་ཐུན་མོང་དངོས་གྲུབ་དང་། །བཀྲ་ཤིས་སྣང་བའི་དཔལ་ཀུན་དེང་འདིར་སྩོལ །བཀྲ་ཤིས་མི་འགྱུར་གཞི་ཡི་གནས་ལུགས་ལ།།བཀྲ་ཤིས་ཐབས་ཤེས་ལམ་གྱི་རྣལ་འབྱོར་གྱིས །བཀྲ་ཤིས་ས་ལམ་བགྲོད་པ མཐར་སོན་ཏེ། །བཀྲ་ཤིས་ཆོས་སྐུའི་གཏན་སྲིད་ཟིན་པར་ཤོག །ཅེས་པ་འདིའང་མཁྱེན་བརྩེའི་དབང་ཕྱུག་སློབ་དཔོན་ཀུན་བཟང་དབང་འདུས་སམ་མཚམས་པ་སྙིང་ཁུ་ལགས་ནས་ཕྲན་ལ་བོང་བ་གསེར་གཟིགས་ཀྱིས་བསྐུལ་མ་གནང་བ་ལ་བརྟེན་རང་ངོས་ནས་མཁས་པའི་རྣམ་དཔྱོད་གྲུབ་པའི་ཉམས་མྱོང་སྐྱེས་སྦྱང་གི་ཤེས་རབ་གང་གི་ཆ་ནས་ཞབས་ཞུ་སྒྲུབ་པའི་འཇོན་ནུས་བྲལ་ཡང་རྟེན་འབྲེལ་གྱི་སརྒ་མ་ ༄༅། །སྟོངས་ཙམ་གྱི་མཚོན་རྟེན་དུ་༧སྐྱབས་རྗེ་ཡབ་སྲས་ཀྱི་གསུང་ལ་གཞི་བྱས་ཏེ་མངའ་རིས་པ་ཡེ་ཤེས་བཟང་པོས་ཤིང་སྤྲེལ་ཆོ་འཕྲུལ་ཟླ་བའི་ཚེས་བཅོ་ལྔ་ལ་བསྒྲུབས་པར་བགྱིས་པ་འདིས་ཀྱང་གསང་ཆེན་འོད་གསལ་སྙིང་པོའི་བསྟན་པ་རིན་པོ་ཆེ་ཕྱོགས་དུས་གནས་སྐབས་ཀུན་ཏུ་དར་ཞིང་རྒྱས་ལ་ཡུན་རིང་དུ་གནས་པའི་རྒྱུར་གྱུར་ཅིག། །། ༈ གོང་གསལ་ཆོས་ཚན་གོང་འོག་རྣམས་༧སྐྱབས་མཆོག་མཚུངས་མེད་བདུད་འཇོམས་འཇིགས་བྲལ་ཡེ་ཤེས་རྡོ་རྗེའི་ཞབས་ཀྱི་གསན་ཡིག་ལྟར་བསྒྲིགས་ཁུལ་ལགས་ནའང་། ཁ་ཤས་གསན་ཡིག་ཏུ་མ་འཁོད་པ་རྣམས་ཀྱང་གོང་འོག་བརྗེ་སོར་བྱས་པ་དེ་དག་དང་། གཙོ་བོར་ཕྲན་ལ་སྐྱེས་སྦྱངས་ཀྱི་ཡོན་ཏན་ཤིན་ཏུ་དཀོན་ཅིང་། ལས་ཉོན་ཤུགས་ཆེ་བའི་དབང་གིས་ཡིག་ནོར་དང་ཆད་ལྷག་ཚད་མེད་ཡོད་ངེས་པས། དེས་ཚེ་འདིའི་རྐྱེན་དང་ཕྱི་མའི་སྒྲིབ་པར་མི་འགྱུར་བར་བླ་མ་ལྷ་དང་སྲུང་མ་རྣམས་ལ་གསོལ་བ་འདེབས་ན་བཟོད་པར་བཞེས་ཏེ་ཚངས་པར་སྩལ་དུ་གསོལ། །ཅེས་པའང་ཙིཏྟས་སོ། །། ༈ པདྨའི་རིང་ལུགས་སྔ་འགྱུར་རྫོགས་པ་ཆེ། །ངེས་དོན་སྙིང་པོའི་ཤིང་རྟ་བདུད་འཇོམས་གླིང་། །གང་གི་ཟབ་གཏེར་བསྟན་པ་སྲིད་མཐའི་བར། །མི་ནུབ་བཤད་དང་སྒྲུབ་པས་འཛིན་གྱུར་ཅིག །སརྦ་མངྒ་ལཾ།