Tibetan
ད མ་༄༅།། གཏེར་ཆེན་ཁྲག་འཐུང་བདུད་འཇོམས་གླིང་པའི་ཟབ་གཏེར་ཆོས་མཛོད་ཡོངས་རྫོགས་ཀྱི་དཀར་ཆག་པདྨ་རཱ་གའི་དོ་ཤལ་ཞེས་བྱ་བ་བཞུགས་སོ།། བདུད་འཇོམས་ཟབ་གཏེར་༄༅། །གདོད་ནས་ཀུན་ཁྱབ་གདལ་བ་ཆེན་པོ་སྤྲོས་པའི་མཚན་མ་ཡོངས་ཡེ་མི་མངའ་སྟོང་པ་ཆེན་པོ་ཆོས་ཀྱི་སྐུ། །རང་བཞིན་ལྷུན་གྲུབ་འགགས་མེད་རང་གསལ་ཞི་ཆགས་ཁྲོ་བོའི་སྒྱུ་འཕྲུལ་གར་བརྒྱ་ཁ་སྦྱོར་བདུན་ལྡན་ལོངས་སྤྱོད་རྫོགས། །རྨད་བྱུང་ཐུགས་རྗེ་རྟོག་པ་མེད་བཞིན་མཐའ་དག་གདུལ་བྱའི་ཁམས་དབང་དང་མཚུངས་ཅིར་ཡང་འཆར་བ་སྤྲུལ་པའི་སྐུ། །སྐུ་གསུམ་དབྱེར་མེད་དོན་གྱི་བླ་མ་སྙིང་དབུས་མི་ཤིགས་དྭངས་མའི་བཅུད་དུ་དུས་གསུམ་དུས་མེད་ཆེན་པོར་རོལ །གཞན་ཕན་སྙིང་རྗེའི་ནོར་འཛིན་ཡངས་པར་བྱང་ཆུབ་སེམས་བསྐྱེད་རྩ་བ་བརྟན། །གྲངས་མེད་T11622 - 002 ༄༅། བསྐལ་བར་ཚོགས་ཟུང་རྐང་འཐུང་བྱང་ཆུབ་ཆོས་ཕྱོགས་ཡལ་འདབ་རྒྱས། །བྱང་ཆེན་འབྲས་སྨིན་བརྒྱད་ཁྲིའི་ཆོས་ཆར་འགྲོ་བློའི་ཡོལ་གོར་གང་བར་འབབ། །ཐུབ་དབང་ཕན་བདེའི་དཔག་བསམ་ལྗོན་པ་མཆོག་ལ་གུས་པས་ཕྱག་འཚལ་ལོ། །རྣམ་དག་ཞི་བའི་དབྱིངས་ལས་མ་གཡོས་གཡོ་བ་ཡོངས་བྲལ་ཀུན་ཏུ་བཟང་། །རང་གདངས་མ་འགགས་འགག་མེད་ཡེ་ཤེས་ངེས་པ་ལྔ་ལྡན་རྡོ་རྗེ་སེམས། །སྣ་ཚོགས་འགྲོ་འདུལ གདུལ་ཞིང་འདི་ན་ཐེག་མཆོག་སྟོན་པ་དགའ་རབ་སོགས། །དགོངས་བརྡ་སྙན་བརྒྱུད་བརྒྱུད་པའི་བླ་མར་བྱང་ཆུབ་བར་དུ་དད་ཕྱག་བརྩེགས། །བརྒྱུད་T11622 - 003 བདུད་འཇོམས་ཟབ་གཏེར་གསུམ་ཀུན་འདུས་པདྨ་འབྱུང་གནས་ཐུགས་བསྐྱེད་ལུང་བསྟན་དུས་སུ་བབས། །སྨོན་ལམ་ལས་འཕྲོ་མངོན་དུ་སད་པས་མཁའ་འགྲོ་གཏད་རྒྱའི་ཕ་ཕོག་བརྡོལ། །གྲོལ་བ་དྲུག་ལྡན་ཕྲིན་ལས་དཔལ་གྱིས་ཚེ་གཅིག་སངས་རྒྱས་ལ་སྦྱོར་བའི། །གཏེར་སྟོན་རིག་འཛིན་རྒྱལ་པོ་ལྔ་དང་གླིང་པ་བརྒྱད་སོགས་ཕྱག གི་ཡུལ། །ཐུབ་པའི་བསྟན་ལ་ཐུབ་དབང་གཉིས་པ་དང་། །གངས་ལྗོངས་མུན་སེལ་སྒྲོན་མེ་དང་པོ་སྟེ། །གསང་འཛིན་གསང་བའི་བདག་པོ་རྡོ་རྗེ་ཅན། སྡོམ་བརྩོན་ཚུལ་བཟུང་རྨད་བྱུང་མཁན་ཆེན་རྒྱལ། །རྒྱལ་བ་འོད་མཚན་སྟོང་འབར་ཐུགས་སྲོག་ལས། །སིནྡྷུའི་པད་མཚོར་བརྫུས་སྐྱེས་སྤྲུལ་པའི་སྐུ། T11622 - 004 ད༄༅། །སྲིད་པ་གསུམ་ན་ཆེ་བའི་རིག་སྔགས་འཆང་།པདྨ་འབྱུང་གནས་བྱང་ཆུབ་བར་དུ་བསྙེན། །མི་བསྲུན་གདོང་དམར་བྷྱོ་ཊའི་ལྗོངས་མཐའ་དག །བླ་མེད་མཆོག་གསུམ་སྣང་བའི་བ་དན་དང་།རབ་བརྗིད་ལུགས་གཉིས་ཁྲིམས་ཀྱི་གདུགས་དཀར་འོག །ངལ་བསོ་སྦྱིན་མཛད་ཁྲི་སྲོང་ཞབས་ལ་འདུད། །ཀུན་ཏུ་བཟང་མོ་ཤེས་རབ་ཕ་རོལ་ཕྱིན། །ཁ་བའི་ལྗོངས་ན་མི་མོའི་རྣམ་སྤྲུལ་གྱིས །གུ་རུའི་གསང་འཛིན་བཀའ་ཡི སྡུད་པ་པོ། །དབྱིངས་ཕྱུག་ཡེ་ཤེས་མཚོ་རྒྱལ་མ་ལ་འདུད། །མཁྱེན་རབ་ཕུལ་བྱུང་གྲུབ་པའི་ཉམས་མྱོང་གི །རྟོགས་པའི་གདིང་ལྡན་ཡི་དམ་རབ T11622 - 005 འབྱམས་ལྷའི། །དག་གཟིགས་འབྱམས་ཀླས་མཚོ་སྐྱེས་རྒྱལ་བ་དངོས། །འབྲོག་བན་ཁྱེའུ་ཆུང་ལོ་ཙཱའི་ཞབས་ལ་འདུད། །དྲི་མེད་བཅུ་ཕྲག་རིག་པའི་འོད་ཟེར༵་གྱིས། །གངས་ལྗོངས་རྒྱལ་བསྟན པད་ཚལ་སྐྱོང་མཛད་ཕུལ །བསམ་ཡས་མཁས་དང་གྲུབ་པའི་གཙུག་གི་རྒྱན། །ཀུན་མཁྱེན་ཆོས་ཀྱི་རྒྱལ་པོ་ལ་ཕྱག་འཚལ། །དུས་གསུམ་རྒྱལ་བའི་ཕྲིན་ལས་ཕོ་ཉ་དབང་དྲག་དཀྱིལ་འཁོར་རྒྱ་མཚོའི་སྤྱི་དཔལ་འཆོལ་བའི་ཁྲོ་རྒྱལ་ཁྲོ་བོ་ལོད། །སྲིད་གསུམ་ལོག་འདྲེན་སྙིང་ཁྲག་རྫིང་བུ་ཆོས་དབྱིངས་ལྟོ་བར་ཧུབ་ཀྱིས་འཐུང༵་བའི་བདུད༵་སྡེའི་དཔུང་འཇོམས་ཧེ་རུ་ཀཿ །སྐུ་གསུམ་སྟོན་པས རྒྱ་ཆེར་གསུངས་པའི་ཟབ་གསལ་གཉིས་མེད་རྡོ་རྗེ་ཐེག་པའི་སྙིང་གི་ཡང་ཞུན་གདམས་ཟབ་རྣམས། །ཁམས་གསུམ་འགྲོ་ལ་ཡོངས་སུ་སྤེལ་མཛད་གཏེར་ཆེན་བླ་མ་རྔ་ཡབ་གླིང་པ༵ས་བྱང་ཆུབ་བར་དུ་འབྲལ་མེད་སྐྱོངས། །ཤེས་བྱ་རིག་པའི་གནས་ཀུན་མཁྱེན །འགྱུར་མེད་ཆོས་ཉིད་མངོན་སུམ་གཟིགས །ངེས་དོ༵ན་མཁས་གྲུབ་དབང་པོ་ཆེ། །རྫ་ཡུལ་ཕུག་ཁུང་མཆོག་སྤྲུལ་རྒྱལ། སྔ་འགྱུར་བཀའ་གཏེར་མན་ངག་གི། །སྲོག་རྩ་མཐུད་ཕྱིར་མཚོ་འཁྲུངས་རྒྱལ། །མི་ཡི་སྒྱུ་འཕྲུལ་ལ་ཆགས་པ། །འཇི༵གས་བྲལ༵་ཡེ༵༵་ཤེ༵ས་རྡོ༵་རྗེར༵་འདུད། །གྲུབ་མཆོག་གྲུབ་པའི་གདུང་ལས་ ༄༅། །འཁྲུངས། །སྲས༵་བཅས་རྒྱལ་བའི་ཡེ་ཤེས་མཛོད། །འོད་གསལ་སྙིང་པོའི་བསྟན་པའི་བདག །ཕྲིན་ལས་ནོར༵་བུའི་ཞབས་ལ་འདུད། །གསང་ཆེན་འོད་གསལ སྙིང་པོའི་བསྟན། །ཆེས་ཆེར་གསལ་ཕྱིར་ཀུན་མཁྱེན་རྗེ །བསམ་བཞིན་སྒྱུ་འཕྲུལ་རྡོ་རྗེའི་གར། །འཇ༵མ་དབྱང༵ས་རྡོ༵་རྗེ༵འི་ཞབས་ལ་འདུད། །པདྨའི་རྒྱལ་ཚབ་འབྲོག་བན་ལོ་ཙཱ་དང་། །མཁའ་འགྲོའི་གསང་མཛོད་དབང་སྒྱུར་བདུད་འཇོམས་གླིང་། །སྙིགས་དུས་བཀའ་གཏེར་སྲོག་མཐུད་འགྲོ་འདུལ་གླིང་། །ཡབ་སྲས་བརྒྱུད་པར་བཅས་པ་ཕྱག་གི་ཡུལ། །འཇིགས་གཟུགས་རྔམ་པ་འབར་བའི་སྐུར་བསྟན་ནས། །མཐུ་སྟོབས་ཐོགས་པ་མེད་པའི་རྫུ་འཕྲུལ་གྱིས །དགྲ་བགེགས་ལོག་པར་འདྲེན་པ་སྒྲོལ་མཛད་པ །བསྟན་སྲུང་ཤན་པའི་ཕྲིན་ལས་དུས་ལ་བབས། །པདྨའི་ལུང་གིས་ཡང་ཡང་བསྔགས་པའི་པདྨའི་ཕོ་ཉ་བདུད་འཇོམས་གླིང་། །པདྨའི་ཐུགས་བཅུད་ཟབ་གཏེར་རྒྱ་མཚོ་འོད་གསལ་དགོངས་པའི་ཀློང་ནས་འཕྱུངས། །ཚེ་གཅིག་ཟུང་འཇུག་འཇའ་ལུས་སར་གཤེགས་བཅུ་ཕྲག་གཅིག་དང་ཉག་མ་གསུམ། །མཆོག་གི་ས་བརྙེས་བརྒྱ་ཕྲག་གཅིག་དང་ཐུན་མོང་རིག་འཛིན་གྲངས་མེད་བསྐྲུན། །ཟབ་ལས་ཆེས་ཟབ་ཟབ་གཏེར་གསང་བའི་མཛོད། །མཁའ་འགྲོའི་སྙིང་ ཐིག་ས་གཏེར་དགོངས་གཏེར་དང་། །དག་སྣང་ཡེ་ཤེས་དྲྭ་བའི་ཆོས་ཚན་རྣམས། །ཕྲ་ཞིབ་གསལ་བའི་དཀར་ཆག་སྤོ་ལ་འཇུག །ཞེས་མཆོད་པར་བརྗོད་པ་ཉུང་ངུའི་ངག་གིས་མདུན་བསུས་ཏེ། དེ་ལ་གང་ཞིག་གླེང་བར་བྱ་བ་ཁམས་གསུམ་ཆོས་ཀྱི་རྒྱལ་པོ་གཏེར་ཆེན་ཁྲག་འཐུང་བདུད་འཇོམས་གླིང་པའི་ཟབ་གཏེར་ཆོས་ཚུལ་རྒྱ་མཚོའི་དཀར་ཆག་འགོད་པ་ལ་གསུམ། གང་ལས་བྱུང་བའི་ལོ་རྒྱུས་ཀྱི་ཁུངས་བརྗོད་པ་དང་། དེ་ལས་བྱུང་བ་ཆོས་ཀྱི་རྣམ་གྲངས་གསལ་བ། མཇུག་ཡོངས་སུ་རྫོགས་པའི་བྱ་བ་བསྔོ་སྨོན་ཤིས་བརྗོད་ཀྱིས་མཐའ་བརྒྱན་པའོ།།དང་པོ་ལ་སྤྲིར་འཇིག་རྟེན་དུ བསྟན་པ་དམ་པའི་ཆོས་རིན་པོ་ཆེ་ཇི་ལྟར་དར་བ་དང་། བྱེ་བྲག་ཟབ་གཏེར་གྱི་ཆོས་མཛོད་ཆེན་པོ་འདི་ཉིད་ཀྱི་བྱུང་བ་བརྗོད་པ་གཉིས་ལས། དང་པོ་ནི། དེའང་འཇིག་རྟེན་དུ་སངས་རྒྱས་ཀྱི་བསྟན་པ་རིན་པོ་ཆེ་ཇི་ལྟར་བྱོན་པའི་ཚུལ་མདོ་ཙམ་སྨོས་པ་ལ། ཐོག་མར་འཕགས་ཡུལ་དུ་ཇི་ལྟར་བྱོན་པའི་ཚུལ་ནི། འོ་སྐོལ་གྱི་སྟོན་པ་མཉམ་མེད་ཤཱཀྱའི་རྒྱལ་པོ་འདི་ཉིད་ངེས་དོན་ཡིན་ལུགས་ཀྱི་དབང་དུ་བྱས་ན། ཐོག་མ་མེད་པའི་དུས་ནས་མངོན་པར་རྫོགས་པར་སངས་རྒྱས་ཏེ་ཆོས་ཉིད་འོད་གསལ་གྱི་ཞིང་ཁམས་སུ་སྐུ་དང་ཡེ་ཤེས་འདུ་འབྲལ་མེད་པའི་ངང་ལ་དུས་གསུམ་གྱི་སངས་རྒྱས་ཐམས་ ༄༅། །ཅད་དང་དགོངས་པ་རོ་གཅིག་ཏུ་བཞུགས་པ་ལས་མ་གཡོས་བཞིན་དུ་སེམས་ཅན་རྣམས་ཀྱི་དོན་དུ་དེ་བཞིན་གཤེགས་པའི་སྤྲུལ་པའི་སྐུའི་རྣམ་རོལ་བསམ་གྱིས་མི་ཁྱབ་པར་བསྟན་ཏེ་གདུལ་བྱའི་དོན་མཛད་པ་ཡིན་ལ། ཐ་སྙད་རྣམ་འཇོག་གི་དབང་དུ་བྱས་ན། སྟོན་པ་འདི་སྔོན་རྫ་མཁན་གྱི་ཁྱེའུ་སྣང་བྱེད་དུ་གྱུར་པ་ན་ཤཱཀྱ་ཐུབ་པ་ཆེན་པོའི་དྲུང་དུ་དང་པོ་བྱང་ཆུབ་མཆོག་ཏུ་ཐུགས་བསྐྱེད། བར་དུ་བསྐལ་པ་གྲངས་མེད་གསུམ་དུ་བསོད་ནམས་དང་ཡེ་ཤེས་ཀྱི་ཚོགས་རྨད་དུ་བྱུང་བ་བསགས། མཐར་མ་ག་དྷ་རྡོ་རྗེ་གདན་གྱི་སྤོར་ཡིད་བཞིན་གྱི་ནོར་བུ་འདྲ་བའི་ཤིང་ཨ་ཤྭརྴའི་དྲུང་དུ་མངོན་པར་རྫོགས་པར་སངས་རྒྱས་ཏེ། ཝ་ར་ཎཱ་སཱི བྱ་རྒོད་ཕུང་པོའི་རི་བོ་ལ་སོགས་པའི་གནས་རྣམས་སུ་ཆོས་ཀྱི་འཁོར་ལོ་རིམ་པ་གསུམ་དུ་བསྐོར་ནས། ཐུན་མོང་གི གདུལ་བྱ་རྣམས་རང་རང་གི་དབང་པོ་དང་འཚམས་པར་ཐེག་པ་གསུམ་གྱི་ལམ་རྣམ་པར་དག་པ་ལ་བཀོད། གདུལ་བྱ་ཐུན་མོང་མ་ཡིན་པ་རྣམས་ཀྱི་སྣང་ངོར། འོག་མིན་གཞན་འཕྲུལ་དབང་བྱེད ཀྱི་གནས་དང་། རི་རབ་ཀྱི་རྩེ་མོ། མིའི་གནས་འཇིག་རྟེན་དཔལ་ལྡན་འབྲས་སྤུངས་དང་ས་ཧོ་ར། ཨོ་ཌཱི་ཡ་ན། རི་བོ་བྱ་རྐང་ཅན། བསིལ་བའི་ཚལ་ལ་སོགས་པ་གནས་དང་དུས་དང་ འཁོར་རྣམས་མཐའ་གཅིག་ཏུ་མ་ངེས་པ་ལ་དཀྱིལ་འཁོར་སྤྲུལ་བཤད་ལ་སོགས་པའི་སྒོ་ནས་སྔགས་ཀྱི་རྒྱུད་སྡེ་མཐའ་ཡས་པ་གསུངས། ཐུབ་དབང་ཆོས་ཀྱི་དབྱིངས་སུ་མཛད་པ་བརྟུལ་བའི་རྗེས་སུ གནས་བརྟན་འོད་སྲུང་ཆེན་པོ་དང་། འཕགས་པ་ཀུན་དགའ་བོ་ལ་སོགས་པ་བསྟན་པའི་གཏད་རབས་སངས་རྒྱས་དང་འདྲ་བའི་ཉན་ཐོས་ཆེན་པོ་བདུན་ནམ་ཉི་མ་གུང་པ་བསྣན་པས་བརྒྱད་དང་། གཞན་ཡང་བླ་མ་གྲགས་པ་དང་།བསོད་བྱིན་སོགས་བསྟན་པ་སྐྱོང་བའི་དགྲ་བཅོམ་པའི་སྡེ་དང་། བླ་མ་འོད་སྲུང་ཡང་སྟོན་སོགས་བཙུན་པའི་སྡེ་དང་། རྒྱལ་བ་ལེགས་རྒྱལ་དགེ་བ་སོགས་བསྟན་པ་ལ་བྱ་བ་བྱས་པའི་བྲམ་ཟེ་ཆེན་པོའི་སྡེ་ལ་སོགས་པ་རྣམས་ཀྱིས་བསྟན་པ་ཡུན་རིང་དུ་བསྐྱངས་ཤིང་། དེ་རྗེས་འཕགས་པ་ཀླུ་སྒྲུབ ཐོགས་མེད། ཕྱོགས་གླང་། ཨཱཪྻ་དེ་ཝ། དབྱིག་གཉེན། ཆོས་ཀྱི་གྲགས་པ་སྟེ་ཛམ་གླིང་མཛེས་པར་བྱེད་པའི་རྒྱན་དྲུག །སློབ་དཔོན་དཔའ་བོ། སྒྲ་གཅན་འཛིན། ཡོན་ཏན་འོད། ཆོས་སྐྱོང་སྟེ་ཆེན་པོ་བཞི། ཞི་བ་ལྷ་དང་། ཙནྡྲ་གོ་མི་སྟེ་རྨད་བྱུང་གི་སློབ་དཔོན་གཉིས་སོགས་རྒྱལ་བའི་གསུང་རབ་ཀྱི་དོན་ལ་དབང་འབྱོར་བའི་སློབ་དཔོན་མཐའ་ཡས་པ་རྣམས་ཀྱིས་གཙོ་བོར་རྒྱུ་མཚན་ཉིད་ཀྱི་ཐེག་པ་ཕ་རོལ་ཏུ་ཕྱིན་པའི་བསྟན་པ་གསལ་བར་ ༄༅། །མཛད། རྒྱ་གར་ཤར་ཕྱོགས་སུ་རྒྱལ་པོ་ཛཿཡབ་སྲས སྒེག་པ་རྡོ་རྗེ། སངས་རྒྱས་གསང་བ། སྠི་ར་མ་ཏི། བདེ་བ་གསལ་མཛད་ལ་སོགས་པ་རྣམས་ཀྱིས འབྲས་བུ་རྡོ་རྗེ་ཐེག་པ་བླ་ན་མེད་པའི་རྒྱུད་མ་ཧཱ་ཡོ་ག་དང་། ཨ་ནུ་ཡོ་བ། །རྒྱ་གར་ནུབ་ཕྱོགས་སུ་སློབ་དཔོན་ཆེན་པོ་དགའ་རབ་རྡོ་རྗེ། འཇམ་དཔལ་བཤེས་གཉེན། ཤྲཱི་སིངྷ་སོགས་ཀྱིས་མན་ངག རྫོགས་པ་ཆེན་པོ་ཨ་ཏི་ཡོ་བ། །གྲུབ་པ་བརྙེས་པའི་སློབ་དཔོན་ཆེན་པོ་བརྒྱད་དང་། སངས་རྒྱས་གཉིས་པ་པདྨ་འབྱུང་གནས་ལ་སོགས་པས་སྒྲུབ་པ་ཆེན་པོ་སྡེ་བརྒྱད་དང་། གཞན་ཡང་ཡེ་ཤེས་ཞབས་སོགས་རྣམ་གནོན་ཚུལ་གྱིས་བསྔགས་པའི་སློབ་དཔོན་བཅུ་གཉིས། གྲུབ་ཐོབ་བརྒྱད་ཅུ་རྩ་བཞི། མཁས་པ་སྒོ་དྲུག །དུས་འཁོར་ཞབས་པ་ཆེ་ཆུང་སོགས་གྲུབ་པའི་དབང་ཕྱུག་རྣམས་ཀྱིས་ཐེག་ཆེན་གསང་སྔགས་ཀྱི་སྒོ་ནས་སྐལ་ལྡན་དཔག་ཏུ་མེད་པ་སྨིན་གྲོལ་ལ་བཀོད། དེ་ནས་བོད་དུ་བསྟན་པ་ཇི་ལྟར་བྱོན་ཚུལ་ནི འཕགས་པ་སྤྱན་རས་གཟིགས་ཀྱི་ཞིང་ཁམས་གངས་ཅན་བོད་ཀྱི་ལྗོངས་སུ་རྒྱལ་བའི་ཕྲིན་ལས་ཀྱི་སྒོ་འཕར་འཇུག་པའི་རྟེན་འབྲེལ་དུ་བོད་སྤྱི་ལ་དབང་བའི་རྒྱལ་པོ་མི་རྗེ་ལྷས་མཛད་པ་ལ་སྔ་བཤཱཀྱ་ལི་ཙཱ་བིའི་རིགས་ལས་དམག་བརྒྱ་པའི་སྲས་ཡ་མཚན་ཅན་མི་ལས་ འདས་པ་ཞིག་བཙས་པ་ལྷ་འདྲེའི་སྤྲུལ་པར་དོགས་ནས་སྤྱུགས་པ་ཡུལ་ཡར་ལུང་གི་ལྷ་རི་རོལ་པའི་སྟེང་ནས་ལྷ་སྐས་ལ་རྒྱུད་བཙན་ཐང་སྒོ་བཞིར་བབས་པ་ཕྱོགས་དེའི་སྐྱེ་བོ་རྣམས་ཀྱིས་གཉའ་བར་ཁྲི་བྱས་ཏེ་གདན་དྲངས་པས་གཉའ་ཁྲི་བཙན་པོར་གྲགས་པ་ནས་བཟུང་། གནམ་ལ་ཁྲི་བདུན། སྟོད་ཀྱི་སྟེངས་གཉིས། སའི་ལེགས་དྲུག །བར་ལ་ལྡེ་བརྒྱད་སོགས་རིམ་པར་བྱོན་པ་ལས། རྒྱལ་རབས་ཉེར་བདུན་པ་ལྷ་ཐོ་ཐོ་རི་གཉན་བཙན་གྱི་དུས་སུ་མདོ་སྡེ་ཟ་མ་ཏོག་དང་ཡི་གེ་དྲུག་མ་སོགས་ཁང་སྟེང་དུ་བབས་ཏེ་དམ་པའི་ཆོས་ཀྱི་དབུ་བརྙེས། དེ་ནས་རྒྱལ་རབས་ལྔའི་ཐ་མ་གནམ་རི་སྲོང་བཙན་གྱི་སྲས་ཆོས་རྒྱལ་སྲོང་བཙན་སྒམ་པོའི་དུས་སུ་ཇོ་ཤཱཀ་རྣམ་གཉིས་བཙུན་མོ་གཉིས་ཀྱི་བརྫོངས་སུ་སྤྱན་དྲངས་ཤིང་། ར་ས་འཕྲུལ་སྣང་གཙུག་ལག་ཁང་གི་གཙོས་མཐའ་འདུལ་དང་ཡང་འདུལ་གྱི་ལྷ་ཁང་སོགས་བཞེངས མི་ཆོས་གཙང་མ་བཅུ་དྲུག་དང་ལྷ་ཆོས་དགེ་བ་བཅུའི་ཁྲིམས་ཕོགས་ཤིང་བོད་ཡི་གེ་མེད་པ་ལ་ཡི་གེའི་བརྡ་དག་ཕྱེས་ཏེ་སྤྱན་རས་གཟིགས་ཀྱི་མདོ་རྒྱུད་བོད་སྐད་དུ་བསྒྱུར་བ་སོགས་བསྟན་པའི་སྲོལ་གཏོད། དེ་ནས་རྒྱལ་རབས་ལྔ་པ་ཁྲི་ལྡེ་གཙུག་བརྟན་མེས་ཨག་ཚོམ་གྱི་སྲས་ཆོས་རྒྱལ་ཁྲི་སྲོང་ལྡེའུ་བཙན་གྱི་དུས་སུ་དཔལ་བསམ་ཡས་མི་འགྱུར་ལྷུན་ ༄༅། །གྱིས་གྲུབ་པའི་གཙུག་ལག་ཁང་སོགས་བཞེངས། དབུའི་མཆོད་གནས་སུ་དཀའ་བ་དུ་མས་སྤྱན་དྲངས་པ་ཨོ་རྒྱན་གྱི་སློབ་དཔོན་ཆེན་པོ་པདྨ་འབྱུང་གནས། ཟ་ཧོར་གྱི་མཁན་ཆེན་བྱང་ཆུབ་སེམས་དཔའ་ཞི་བ་འཚོ། པཎ་ཆེན་བི་མ་ལ་མི་ཏྲ། སློབ་དཔོན་ཀཱ་མ་ལ་ཤཱི་ལ། འདུལ་འཛིན་ཛི་ན་མི་ཏྲ། ཤཱནྟིཾ་གརྦྷ། དྷརྨ་ཀིརྟི། དཱ་ན་ཤཱི་ལ། སརྦ་ཛྙཱ་དེ་བ། ཤྲཱི་ལེནྡྲ་བོ་དྷི། སཱུ་ཏྲ་བོ་དྷི་སོགས་རྒྱ་གར་གྱི་པཎ་གྲུབ་ཆེས་མཆོག་ཏུ་གྱུར་པ་བརྒྱ་རྩ་བརྒྱད་དུ་གྲགས་པ་དང་། སྤྲུལ་པའི་ལོ་ཙཱ་བ་ཆེན་པོ་བེེ་རོ་ཙ་ན། རྨ་རིན་ཆེན་མཆོག །གཉགས་ཡེ་ཤེས་གཞོན་ནུ། སྐ་ཅོག་ཞང་གསུམ་སོགས་ལོ་ཙཱ་བ་ཆེན་པོ་བརྒྱ་རྩ་བརྒྱད་དུ་གྲགས་པ་རྣམས་ཀྱིས་གསུང་རབ་རིན་པོ་ཆེ་མཐའ་དག་བསྒྱུར་བཤད་ལག་ལེན་གྱི་སྒོ་ནས་གཏན་ལ་ཕབ་སྟེ་བོད་ཡུལ་མུན་པའི་གླིང་དུ་རྒྱལ་བསྟན་སྣང་བའི་སྒྲོན་མེ་གཞིར་བཞེངས་སུ་སྤར།སད་མི་མི་བདུན་སོགས་རབ་ཏུ་བྱུང་སྟེ་དགེ་འདུན་གྱི་སྡེ་བཙུག །ཀློག་པའི་ཆོས་གྲྭ་ཆེན་པོ་བཅུ་གཉིས། སྒྲུབ་གྲྭ་ལ་མཆིམས་ཕུའི་གྲུབ་ཆེན་ཉེར་ལྔ། ཡང་རྫོང་གི་རྟོགས་ལྡན་ང་ལྔ། ཤེལ་བྲག་གི་སྔགས་པ་སུམ་ཅུ། ཡེར་པ་དང་ཆུ་བོ་རིའི་སྒོམ་ཆེན་བརྒྱ་རྩ་བརྒྱད། འོད་སྐུར་གཤེགས་པའི་མཁའ་འགྲོ་ཉེར་ལྔ་སོགས་གངས་ཅན་གྱི་ ལྗོངས་ཐམས་ཅད་བསྟན་འཛིན་གྱི་སྐྱེས་བུས་མཛེས་པར་བྱས། ཁྱད་པར་གསང་སྔགས་བླ་ན་མེད་པའི་རྒྱུད་སྡེ་ཐུན་མོང་མ་ཡིན་པ་མདོ་སྒྱུ་སེམས་གསུམ་དང་། སྒྲུབ་སྡེ་སྤྱི་དང་བྱེ་བྲག་གི་རྒྱུད་ཟབ ཅིང་རྒྱ་ཆེ་བ་མཐའ་ཡས་པ་ཞིག་བབས་སོ་བདུན་གྱི་སྒོ་ནས་སྤྱན་དྲངས་ཏེ་སེམས་ཅན་དཔག་ཏུ་མེད་པ་སྨིན་གྲོལ་གྱི་ལམ་ལ་བཀོད་པར་མཛད་པ་སྟེ། ཕྱིས་ཇོ་བོ་རྗེས་བསམ་ཡས་ཀྱི་རྒྱ་དཔེ་རྣམས་གཟིགས་པ་ན་སྔར་མ་གསན་པའི་རྒྱུད་དུ་མ་གཟིགས་པས འདི་དག་སློབ་དཔོན་པདྨས་མཁའ་འགྲོའི་གསང་མཛོད་སོགས་ལས་བླངས་པ་ཡིན་མཆི། དེང་སང་རྒྱ་གར་ན་དཔེ་ཙམ་ཡང་མི་སྣང་། བོད་དུ་གསང་སྔགས་ཀྱི་བསྟན་པ་དར་བ་འདྲ་བ་རྒྱ་གར་དུའང་མ་བྱུང་བ་འདྲ་ཞེས་བསྔགས་པར་མཛད།ཁྲི་སྲོང་གི་རྗེས་སུ་ལྷ་སྲས་སྐུ་མཆེད་ཀྱིས་ཀྱང་བསྟན་པ་བླ་ནས་བླར་སྤེལ་ཞིང་། རྒྱལ་རབས་གསུམ་པ་ཁྲི་རལ་པ་ཅན་གྱིས་སྔོན་ཡབ་མེས་ཀྱི་དུས་སུ་བསྒྱུར་བའི་གསུང་རབ་ཕལ་ཆེར་སྐད་གསར་བཅད་ཀྱིས་གཏན་ལ་ཕབ་པ་དང་། བླ་སྒོ་དང་པོ་དགེ་འདུན་ལ་འབུལ་བ་སོགས་ཆབ སྲིད་དམ་པའི་ཆོས་སུ་བསྒྱུར དེ་ཡན་ཆད་ལ་བསྟན་པ་སྔ་དར་དུ་གྲགས དེ་ནས་ཁྲི་རལ་གྱི་གཅུང་གླང་དར་མ་ལོག་པའི་སྨོན་ལམ་གྱི་དབང་གིས་ཐུགས་ལ་གདོན་གསོལ་ཏེ་བསྟན་པ་བསྣུབས་པ་ ༄༅། །ན། གསང་སྔགས་ཀྱི་བསྟན་པ་ནི་སྔགས་པ་གོས་དཀར་ལྕང་ལོ་ཅན་རྣམས་ཀྱིས་རི་སུལ་དག་ཏུ་བཟུང་ཞིང་གནུབས་ཆེན་གྱི་ནུས་པས་རྒྱལ་པོ་སྡིག་ཅན་སྤ་བཀོང་བ་ལ་བརྟེན་ནས་བསྣབས་པར་མ་ནུས་ཀྱང་། ཀློག་པའི་ཆོས་གྲྭ་རྣམས་ཀྱི་རྒྱུན་བཅད་ཅིང་རབ་ཏུ་བྱུང་བ་རྣམས་བསད་ཅིང་ཕབ་པ་སོགས་ཀྱིས་འདུལ་བ་འཛིན་པའི་དགེ་འདུན་གྱི་སྡེ་རྩ་མེད་དུ་བསྣུབས་ནས་བར་སྐབས་བོད་ཡུལ་ཆོས་ཀྱིས་ཕོངས་པའི་མུན་བསྐལ་དུ་གྱུར། འོན་ཀྱང་རྦ་རཏྣའི་མཁན་བུ་སྨར་གཡོ་གཙང་གསུམ་གྱིས་དམ་ཆོས་འདུལ་བའི་གླེགས་བམ་དྲེལ་ཁལ་གཅིག་བཀལ་ནས་ཁམས་སུ་བྲོས་ཏེ་བཞུགས་པ་ལས། ཕྱིས་བསྟན་པའི་ཉི་མ་བླ་ཆེན་དགོངས་པ་རབ་གསལ་གྱིས་སྡོམ་པ་བླངས་ཤིང་ནུས་པ་ཅན་ཀླུ་མེས་སོགས་མི་བཅུས་བསྟན་པ་སྔ་དར་གྱི་འདུལ་བའི་སྡོམ་རྒྱུན་དང་བཤད་རྒྱུན་སྤྱན་དྲངས་ཏེ་སླར་བོད་དུ་བསྟན་པ་ཕྱི་དར་གྱི་འགོ་ཚུགས། མངོན་པ་གོང་འོག་གཉིས་ལྷ་ལུང་དཔལ་རྡོར་གྱི་སློབ་མ་ཅོག་གྲུས་སེང་བཙུན་དབང་གཞོན་ལ་བཤད་པར་འགར་དང་ཞུ་སོགས་ནས་བརྒྱུད་དེ་བྲང་ཏི་ལ་བབས་པ་དང་། ཕ་རོལ་ཏུ་ཕྱིན་པའི་བཤད་སྒྲུབ་སྐ་ཅོག་ཞང་ནས་སྦས་རྒྱལ་བ་ཡེ་ཤེས་དང་གྲུབ་གཉིས་ནས་སེང་བཙུན་དབང་གཞོན་ལ་བརྒྱུད་དེ་འབྲེ་ཆེན་ཤེས་རབ་ འབར་ལ་བཀའ་བབས་པ་སོགས་སྔ་འགྱུར་སྡེ་སྣོད་གསུམ་གྱི་བཤད་སྒྲུབ་རྒྱུན་མ་ཆད་པར་སྐྱེས་བུ་དམ་པ་རྣམས་ཀྱིས་བཟུང་བས། དེ་ལས་བརྒྱུད་ནས་གངས་ཅན་གྱི་ལྗོངས་སུ་དགེ་འདུན་གྱི་སྡེ་དཔག་ཏུ་མེད་པ་དར། སྔ་འགྱུར་སྔགས་བཀའ་མ་མདོ་སྒྱུ་སེམས་གསུམ་དང་སྒྲུབ་སྡེའི་སྐོར་རྣམས་རྡོ་རྗེ་ཐེག་པའི་བསྟན་པ་ཐོག་མར་གཉགས་ལ་བབས། བར་དུ་གནུབས་ལ་བབས། མཐའ་མ་ཟུར་ལ་བབས་ཞེས་གྲགས་པ་ལྟར་ཆུ་བོ་བཞི་འདུས་ཀྱི་སྒོ་ནས་རིམ་པར་བརྒྱུད རྫོགས་པ་ཆེན་པོ་ཐིག་ལེ་གསང་སྐོར་སྲོག་གི་དྭངས་མའི་ཚུལ་རྣམས་ཀུན་མཁྱེན་ཆོས་ཀྱི་རྒྱལ་པོ་ཀློང་ཆེན་རབ་འབྱམས་ལ་བཀའ་བབས་ཤིང་མདོ་དང་སྒྱུ་འཕྲུལ་སྒྲུབ་སྡེ་ཕལ་མོ་ཆེ་ནི་ལོ་ཆེན་བཻ་རོ་ཙ་ནའི་སྤྲུལ་པའི་སྐུ་རིག་འཛིན་གཏེར་བདག་གླིང་པ་ལ་བཀའ་བབས་པ་སོགས་ནས་རིམ་བཞིན་བརྒྱུད་དེ་བོད་དང་བོད་ཆེན་པོའི་ལྗོངས་ཀུན་ཏུ་དུས་ཀྱི་ཐ་མ་དེང་སང་གི་བར་དུ་གདུལ་བྱའི་བསོད་ནམས་ཀྱི་ཉེར་འཚོར་གསལ་བཞིན་པ་འདི་ལྟ་བུ་སྟེ། དེ་དག་ནི་བོད་དུ་དམ་ཆོས་ཐོག་མར་དར་བ་སྔ་འགྱུར་བཀའ་མའི་ལོ་རྒྱུས་ས་བོན་ཙམ་མོ། །ད་ནི་དེ་དང་འབྲེལ་བར་ཟབ་མོ་གཏེར་གྱི་ལོ་རྒྱུས་མདོ་ཙམ་བརྗོད་ན། འཕགས་པ་བསོད་ནམས་ཐམས་ཅད་སྡུད་པའི་ཏིང་ངེ་འཛིན་གྱི་མདོ་ལས དྲི་མ་མེད་ ༄༅། །པའི་གཟི་བརྗིད་ཆོས་འདོད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཆོས་ཀྱི་གཏེར་རི་དང་། རི་སུལ་དང་། ཤིང་དག་གི་ནང་དུ་བཅུག་པ་དག ཡོད་དེ། གཟུངས་དང་ཆོས་ཀྱི་སྒོ་མཐའ་ཡས་པ་གླེགས་བམ་དུ་བྱས་པ་དག་ཀྱང་ལག་ཏུ་འོང་བར་འགྱུར་རོ། །ཞེས་དང་། ཆུ་ཀླུང་རོལ་པའི་མདོ་ལས་ཀྱང་། ང་ཡི་བསྟན་པའི་ཆོས་ཀྱི་གཞུང་།། ཐུགས་ནས་ཐུགས་ཀྱི་གཏེར་དུ་སྦས། །ཡང་ན་ས་ཡི་སྙིང་པོ་བྱ། །ཅི་ཕྱིར་མུ་སྟེགས་ཅན་མགོ་རྒོད། །དེས་དོན་དཀྲུག་པར་འགྱུར་ཏ་རེ། །དེ་ཕྱིར་ཆུ་ཀླུང་རྒྱུན་མི་གཅོད། །ཅེས་སོགས་རྒྱ་ཆེར་གསུངས་པ་ལྟར། སྙིགས་མའི་དུས་སུ་བཀའ་མ་རྣམས་ཚོང་དུས་ཀྱི་འོ་མ་བཞིན་དབང་དང་གདམས་ངག་གི་བཀའ་འཆལ་ཞིང་། བརྒྱུད་པ་མང་པོས་བར་དུ་ཆོད་པས་དམ་ཚིག་གི་སེལ་དང་འདྲེས་ཁྱེར་གྱི་བསླད་ཞུགས་པ་མང་བས་བྱིན་རླབས་ཀྱི་བབས་སོ་ཉམས། དུས་ཀྱི་རྒུད་པ་མི་ཟད་པ་བདོ་བས་སྐྱེ་འགྲོ་རྣམས་སྡུག་བསྔལ་གྱི་རྦ་ལ་གཡེང་བར་མཁྱེན་ནས། གསང་སྔགས་ཀྱི་བསྟན་པ་མི ནུབ་པ་དང་། སྙིགས་