Tibetan
མངྒ་ལཾ།། ། T11614 - 022 ཕ༔ ཆོས་ཉིད་ནམ་མཁའི་ཀློང་མཛོད་ལས༔ སྐྲ་དང་བ་སྤུའི་དག་སྦྱོར་རྡོ་རྗེའི་གྲོང་འཕོ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ བྱ།བྲ།ཤབ།༔ རྣལ་འབྱོར་རལ་པའི་ལྕང་ལོ་ལ༔ དག་སྦྱོར་རྡོ་རྗེའི་གྲོང་འཕོ་ནི༔ ཨོཾ་ཨཱཿ ཧཱུྃ༔ རང་ཉིད་པདྨ་འབྱུང་གནས་སྐུ་མདོག་པདྨ་རཱ་ག་ལྟར་དམར་ཞིང་འོད་དང་འོད་ཟེར་རབ་ཏུ་འབར་ཞིང་ཞི་མ་ཁྲོ་འཛུམ་གྱི་ཉམས་དང་ལྡན་པ༔ ཕྱག་གཡས་པས་རྡོ་རྗེ་དང་༔ གཡོན་པས་དབང་གི་ཞགས་པ་བསྣམས་པ༔ ཁམས་གསུམ་དབང་དུ་སྡུད་ཅིང་སྲིད་གསུམ་ཟིལ་གྱིས་གནོན་པ༔ ཞབས་གཉིས་རོལ་པའི་སྟབས་སུ་བཞུགས་པའི་སྐུ་སྨད་སྟག་གི་ལྤགས་པའི་ཤམ་ཐབས་གསོལ་ཞིང་༔ རིན་པོ་ཆེ་དང་ཐོད་པའི་ཕྲེང་བའི་དོ་ཤལ་དང་སེ་རལ་ཁ་བྱས་པ༔ རལ་པ་གནག་སྣུམ་གྱེན་དུ་བརྫེས་པའི་སྐྲ་ཤད་རྣམས་དཔའ་བོ་མཁའ་འགྲོ་དཀར་སེར་དམར་ལྗང་མཐིང་ནག་གྲི་ཐོད་བསྣམས་ནས་ཞབས་གཉིས་གར་སྟབས་ལིང་ལིང་བསྒྱུར་བའི་གནས་གསུམ་ལས་འོད་འཕྲོས་པས་སྐུ་གསུམ་དག་པའི་ཞིང་ནས་དཔའ་བོ་མཁའ་འགྲོ་རྟེན་དང་བརྟེན་པར་བཅས་པ་ཐམས་ཅད་སྤྱན་དྲངས་ཏེ་མཚོ་ལ་ཁ་ཆར་བབས་པ་ལྟར་དམ་ཚིག་པ་དང་གཉིས་སུ་མེད་པར་ཐིམ་པར་བསམ་ལ༔ ཨོཾ་ཨཱཿ ཧཱུྃ་བཛྲ་གུ་རུ་དྷརྨ་ཀཱ་ཡ༔ སམྦྷོ་ཀཱ་ཡ༔ ནིརྨ་ཀཱ་ཡ༔ བུདྡྷ་དྷརྨ་སངྒ་དཱེ་ཝ་ཌཱ་ཀི་ནཱི་བཾ་ཧ་རི་ནི་ས་བཛྲ་ས་མ་ཡ་ཛ་ཛཿ ཨ་ཝེ་ཤ་ཡ་ཨ་ཨཱཿ ལན་བདུན་བརྗོད༔ ཨ་ཨཱཿ ཨི་ཨཱིཿ སོགས་དབྱངས་རྣམས་ལན་བདུན་བརྗོད༔ ཀ་ཁ་ག་གྷ་ང་༔ སོགས་གསལ་བྱེད་ལན་བདུན༔ རྟེན་འབྲེལ་སྙིང་པོ་ལན་བདུན་བརྗོད་མཐར༔ ལྷ་རྣམས་འོད་དུ་ཞུ་ནས་སྐྲ་ཤད་རྣམ་པར་གྱུར་པ་འོད་དང་འོད་ཟེར་རབ་ཏུ་འབར་ཞིང་འཕྲོས་པས་སྣང་སྲིད་དག་པ་རབ་འབྱམས་ཀྱི་རོལ་པར་བསྒྱུར་བ་དང་༔ བདག་ལུས་ཕུང་ཁམས་སྐྱེ་མཆེད་ཐམས་ཅད་ལན་ཚྭ་ཆུ་རུ་ཞུ་བ་བཞིན་དུ་ཡེ་ཤེས་སྒྱུ་མའི་སྐུ་འོད་ལུས་ཆུ་ཟླ་ལྟ་བུར་གྱུར་པར་བསྒོམ་ལ༔ རྡོ་རྗེ་ཕུང་པོའི་གྲོང་ཁྱེར་གྱི༔ བ་སྤུ་དཔའ་བོ་མཁའ་འགྲོ་རུ༔ བསྒོམ་ཞིང་བསྙེན་སྔགས་བཟླ་བའི་ཚེ༔ སོ་རྣམས་ཞི་ཁྲོའི་ལྷ་རུ་གསལ༔ ལྕེ་དབང་རྒྱལ་བ་ཐམས་ཅད་ཀྱི༔ གསང་སྔགས་རིག སྔགས་གཟུངས་སྔགས་དང་༔ སྙིང་པོ་བཅུད་དྲིལ་ངོ་བོར་དམིགས༔ ཀུན་ཀྱང་བུང་བ་ཚང་ཞིག་ལྟར༔ སྔགས་སྒྲ་འུར་ཆེམ་སྒྲོགས་པར་དམིགས༔ དེ་ལྟར་གནད་དང་ལྡན་གྱུར་ན༔ དངོས་གྲུབ་རྣམ་གཉིས་འབད་མེད་འགྲུབ༔ ལྷར་གསལ་བ་ཡི་རྣལ་འབྱོར་གྱིས༔ སྐྲ་དང་བ་སྤུ་བྲེག་མི་བྱ༔ བྲེག་ན་ལྷ་ཁང་བཤིགས་དང་མཚུངས༔ བརྟུལ་ཞུགས་སྤྱོད་པའི་རྣལ་འབྱོར་གྱིས༔ དག་སྦྱོར་ལམ་ཁྱེར་ཟབ་མོ་གནད༔ བར་ཆད་རྐྱེན་ངན་ ཕ༔ ངང་གིས་གྲོལ༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་རྣལ་འབྱོར་པ་རིག་འཛིན་རྒྱ་མཚོ་དང་ངག་དབང་ཕྲིན་ལས་གཉིས་ཀྱིས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་སྨྲས་པ་ཡོངས་སུ་དགེ་བར་གྱུར་མ ཅིག །སརྦ་མངྒ་ལཾ། དགེའོ།། ། ། མ དག་གཉིས་སོ། T11614 - 025 T11614 - 026 ༔ ཆོས་ཉིད་ནམ་མཁའི་ཀློང་མཛོད་ལས༔ རྨི་ལམ་འོད་གསལ་དུ་འཆར་བའི་གསོལ་འདེབས་བྱིན་རླབས་ཆར་འབེབས་བཞུགས་སོ༔ ན་མོ་གུ་རུ་ཧ་རི་ནི་ས་སརྦ་སིདྡྷི་ཕ་ལ་ཧཱུྃ་ཨཱཿ ཧྱ།།།བླ།ཏཱཡེཿ གསོལ་བ་འདེབས་པའི་ཡུལ་གྱུར་རྣམས༔ ཡིད་ལ་གསལ་ཞིང་མོས་གུས་ཀྱིས༔ ཀྱེེ་ཧོཿ དུས་གསུམ་རྒྱལ་བའི་སྤྱི་གཟུགས་བླ་མ་དེ་མཁྱེན་ནོ༔ རྨི་ལམ་སྣང་བ་འོད་གསལ་ཆོས་ཉིད་དུ་དག་ནས༔ འཁྲུལ་མེད་ཆོས་སྐུའི་ཡོ་ལངས་འཁོར་ཡུག་ཏུ་འདྲེས་པར༔ བརྒྱུད་གསུམ་རིག་འཛིན་བླ་མས་བྱིན་གྱིས་རང་རློབས་ཤིག༔ ཀ་དག་ཡུམ་ཆེན་ཀུན་ཏུ་བཟང་མོ་དེ་མཁྱེན་ནོ༔ འཁོར་འདས་དག་མཉམ་ཆེན་པོའི་རོལ་པ་རུ་རྟོགས་ནས༔ རྨི་ལམ་སྣང་བ་འོད་གསལ་ཆོས་ཉིད་ཀྱི་རོལ་པར༔ དག་ཅིང་འཁོར་ཡུག་འདྲེས་པར་བྱིན་གྱིས་རང་རློབས་ཤིག༔ སྐུ་བཞིའི་ཀློང་མཛོད་རྡོ་རྗེ་ཕག་མོ་དེ་མཁྱེན་ནོ༔ མ་དག་སྣང་བ་དག་དབྱིངས་དྭངས་མ་རུ་འཕོས་ཏེ༔ རྨི་ལམ་སྣང་བ་འོད་གསལ་ཆོས་ཉིད་ཀྱི་རོལ་པར༔ ཤར་ནས་འཁོར་ཡུག་འདྲེས པར་བྱིན་གྱིས་རང་རློབས་ཤིག༔ དབྱིངས་ཡེ་མཉམ་བརྡལ་ཁྲོས་མ་ནག་མོ་དེ་མཁྱེན་ནོ༔ མ་རིག་མུན་པ་རིག་སྟོང་ཆེན་པོ་རུ་སངས་ནས༔ རྨི་ལམ་གནས་དག་འོད་གསལ་ཆོས་ཉིད་དུ་ ཤར་ཏེ༔ བར་མེད་འཁོར་ཡུག་འདྲེས་པར་བྱིན་གྱིས་རང་རློབས་ཤིག༔ ཆོས་དབྱིངས་ཡེ་ཤེས་སངས་རྒྱས་མཁའ་འགྲོ་དེ་མཁྱེན་ནོ༔ སྣང་མེད་སྟོང་ཉིད་ཆེན་པོའི་གནས་ལུགས་དེ་རྟོགས ཤིང་༔ རྨི་ལམ་སྣང་བ་གནས་དག་འོད་གསལ་དུ་ཤར་ཏེ༔ བར་མེད་འཁོར་ཡུག་འདྲེས་པར་བྱིན་གྱིས་རང་རློབས་ཤིག༔ མེ་ལོང་ཡེ་ཤེས་རྡོ་རྗེ་མཁའ་འགྲོ་དེ་མཁྱེན་ནོ༔ གསལ་སྟོང་གཉིས་མེད་ཡེ་ཤེས་ཆེན་པོ་ཉིད་རྟོགས་ཏེ༔ རྨི་ལམ་སྣང་བ་གནས་དག་འོད་གསལ་དུ་ཤར་ནས༔ བར་མེད་འཁོར་ཡུག་འདྲེས་པར་བྱིན་གྱིས་རང་རློབས་ཤིག༔ མཉམ་ཉིད་ཡེ་ཤེས་རིན ཆེན་མཁའ་འགྲོ་དེ་མཁྱེན་ནོ༔ གཟུང་དང་འཛིན་པའི་འཕྱང་ཐག་ཐད་ཀ་རུ་ཆད་དེ༔ རྨི་ལམ་སྣང་བ་གནས་དག་འོད་གསལ་དུ་ཤར་ནས༔ བར་མེད་འཁོར་ཡུག་འདྲེས་པར་བྱིན་གྱིས་རང་རློབས་ཤིག༔ སོར་རྟོག་ཡེ་ཤེས་པདྨ་མཁའ་འགྲོ་དེ་མཁྱེན་ནོ༔ ཇི་ལྟ་ཇི་སྙེད་མཁྱེན་གཟིགས་ཡེ་ཤེས་ལ་དབང་འབྱོར༔ རྨི་ལམ་སྣང་བ་གནས་དག་འོད་གསལ་དུ་ཤར་ཏེ༔ བར་མེད་འཁོར་ཡུག་འདྲེས་པར་བྱིན་གྱིས་རང་རློབས་ཤིག༔ བྱ་གྲུབ་ཡེ་ཤེས་ལས་ཀྱི་མཁའ་འགྲོ་དེ་མཁྱེན་ནོ༔ དག་སྒྲོལ་མཉམ་རྫོགས་རང་བྱུང་ཡེ་ཤེས་སུ་གདིང་ཐོབ༔ རྨི་ལམ་སྣང་བ་འོད ཛྃ༔ གསལ་ཆོས་ཉིད་ཀྱི་རོལ་པར༔ བར་མེད་འཁོར་ཡུག་འདྲེས་པར་བྱིན་གྱིས་རང་རློབས་ཤིག༔ མཁྱེན་ནོ་མཁྱེན་ནོ་མ་དང་མཁའ་འགྲོའི་ཚོགས་མཁྱེན་ནོ༔ ཆོས་ཉིད་བདེན་པ་མངོན་སུམ་འབད་མེད་དུ་མཐོང་ནས༔ ཉམས་སྣང་གོང་འཕེལ་འར་མ་འུར་མ་རུ་འབྱུང་ཞིང་༔ རིག་པ་བཅུད་སྨིན་ལོངས་སྐུའི་ཚོམ་བུ་རུ་ཚད་ཕེབས༔ མི་འཇིགས་གདིང་ཐོབ་ཆོས་ཟད་བློ་འདས་སུ་གྲོལ་ཏེ༔ གཞོན་ནུ་བུམ་སྐུ་འཇའ་ལུས་འཕོ་ཆེན་དེ་འགྲུབ་པར༔ བྱིན་གྱིས་རློབས་ཤིག་མ་ཅིག་ཡེ་ཤེས་ཀྱི་མཁའ་འགྲོ༔ གསོལ་བ་འདེབས་སོ་ཐུགས རྗེའི་བྱིན་རླབས་རྣམས་མ་ཆུང་༔ སྒྱུ་མའི་ལུས་འདི་ལྟོས་མེད་ཨ་མ་ལ་འབུལ་ལོ༔ ཡེ་ཤེས་སྒྱུ་མའི་སྐུ་རུ་བྱིན་གྱིས་རང་རློབས་ཤིག༔ ད་ལྟ་མྱུར་བ་ཉིད་དུ་བྱིན་གྱིས་རང་རློབས་ཤིག༔ འདུག་ས་གདན་ཐོག་འདི་རུ་བྱིན་གྱིས་རང་རློབས་ཤིག༔ འབྱུང་བ་ཐིམ་རིམ་འཆི་བའི་སྲིད་པ་ལ་མི་ལྟོས༔ ཚེ་འདིར་མཁའ་སྤྱོད་བདེ་བ་ཆེན་པོ་རུ་དྲོངས་ཤིག༔ རང་སྣང་དོན་གྱི་འོག་མིན་ཀ་དག་གི་དབྱིངས་སུ༔ སྟོན་འཁོར་དགོངས་པ་དབྱེར་མེད་རོ་གཅིག་གི་རོལ་པར༔ བྱང་ཆུབ་ཆེན་པོར་མཉམ་གྲོལ་སངས་རྒྱས་སུ་སྨོན་ནོ༔ འགྲུབ་པར་གྱུར་ཅིག་དཀོན་མཆོག་གསུམ་པོ རང་མཁྱེན་ནོ༔ དེ་ལྟར་མོས་གུས་དྲག་པོ་ཡིས༔ དུས་གསུམ་ཀུན་ཏུ་འདི་བརྗོད་པས༔ བྱིན་རླབས་རྒྱུད་ལ་འཇུག་པ་དང་༔ ཉམས་དང་རྟོགས་པའི་ཡོན་ཏན་འཕེལ༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ ཨྠི༔ ཞེས་པ་འདི་ཡང་རང་སློབ་དམ་པ་འཛམ་གླིང་རྡོ་རྗེ་ཞེས་བྱ་བས་ནན་དུ་བསྐུལ་ངོར་བདུད་འཇོམས་རྡོ་རྗེས་ཆོས་ཉིད་ནམ་མཁའི་ཀློང་མཛོད་ལས་བསྒྱུར་བ་ཡོངས་སུ་དགེ་བར་གྱུར་ཅིག །དགེའོ །དགེའོ། །དགེའོ། །སརྦ་མངྒ་ལཾ།། །། ན T1614 - 030 ཆོས་ཉིད་ནམ་མཁའི་ཀློང་མཛོད་ལས༔ གཤིན་པོ་རྗེས་འཛིན་རུས་པ་སྦྱོང་བའི་ཆོ་ག་འབྲེལ་ཚད་རྣམ་གྲོལ་བཞུགས༔ ན་མོ་གུ་རུ་ས་ར་ཧ་པ་ཡེ༔ གཤིན་པོ་རྗེས་འཛིན་རུས་སྦྱོང་ཆོ་ག་ལ༔ རྟོགས་པ་མངོན་གྱུར་ལྟ་བའི་གདིང་ལྡན་པའི༔ རུས་པ་སྐུ་གསུམ་ལྷུན་གྲུབ་རིང་བསྲེལ་ཏེ༔ གང་གིས་མ་སྒྲུབ་དད་པའི་རྟེན་དུ་ལེགས༔ དེ་མིན་ཉོན་མོངས་རང་ཁར་སྤྱོད་པ་ཡི༔ འཁྲུལ་པའི་སེམས་ཅན་སྡུག་བསྔལ་རྒྱུ་བསྒྲུབ་པའི༔ གཤིན་པོའི་རུས་པ་མཆོད་རྟེན་བྱེད་མི་རུང་༔ སྒྲིབ་པ་སྦྱོང་ཕྱིར་ངན་སོང་སྦྱོང་བའི་སྔགས༔ བཏབ་པ་གལ་ཆེ་དྲི་བཟང་ཆུ་ཡིས་བཀྲུ༔ རུས་པའི་སྟེང་དུ་བཅོ་ལྔའི་དུང་ཟླ་ལྟར་དཀར་བའི་ཨཱཿདཀར་པོ་གསལ་བ་ལ་འོད་ཟེར་འཕྲོས་པས་ཚེ འདས་ཀྱི་སྒྲིབ་གཉིས་བག་ཆགས་ཐམས་ཅད་ཤེལ་གོང་གི་རྡུལ་ཕྱིས་པ་ལྟར་སྦྱངས་པར་བསམ་ལ༔ ཨོཾ་བཛྲ་སཏྭ་ས་མ་ཡ༔ སོགས་དང་ཀཾ་ཀ་ནི་མང་དུ་བཟླས་ནས་བཏབ་པའི་ཆུས་རུས་པ་རྣམས་བཀྲུས་ཏེ་སྐམ་ཐག་ཆོད་པའི་རྗེས་སུ་དྲི་བཟང་དང་བུམ་ཆུ་འདག་པ་བཟང་པོའི་འཇིམ་པ་བསྲེས་ཏེ་ལྷ་གང་ཡིན་པ་དེ་ཡི་སྙིང་པོ་བརྗོད་བཞིན་དུ་འཇིམ་པ་རིན་པོ་ཆེའི་ཕུང་པོར་བསམ་སྟེ༔ རང་ལྷར་གསལ་བའི་ཐུགས་ཀ་ནས་འོད་ཟེར་འཕྲོས་པས་འོག་མིན་རྣམ་སྣང་གངས་ཆེན་གྱི་ཐུགས་ཀར་ཕོག་ཐུགས་དམ་གྱི་རྒྱུད་བསྐུལ་ཐུགས་ཀ་ནས་འོད་ཟེར་འཇའ་སྤྲིན་འཐིབ་པ་ལྟ་བུ་བྱུང་བས་སེམས་ཅན་ཐམས་ཅད་ཀྱི་རྒྱུད་སྦྱངས་སླར་ཡང་འོད་ འཕྲོས་འཇིམ་པ་ལ་ཐིམ་པས་དེ་བཞིན་གཤེགས་པ་ཐམས་ཅད་ཀྱི་རང་བཞིན་དུ་གྱུར་པར་བསམ༔ མཛུབ་མོ་རྣམས་རྒྱལ་བ་རིགས་ལྔ་ཡབ་ཡུམ་དུ་གསལ་ཏེ༔ ཁ་སྦྱར་བའི་བར་དུ་འཇིམ་པ་བཟུང་སྟེ༔ ཨོཾ་ན་མོ་བྷ་ག་ཝ་ཏེ་བཻ་རོ་ཙ་ན་ཡ༔ པྲ་བྷ་རཱ་ཛ་ཡ་ཏ་ཐཱ་ག་ཏ་ཡ༔ ཨརྷ་ཏེ་སམྱཀྶཾ་བུདྡྷ་ཡ༔ ཏདྱ་ཐཱ༔ ཨོཾ་སུཀྵེ་སུཀྵྨེ༔ ས་མ་ས་མ་ཡེ༔ ཤནྟ་དནྟི་ཨ་པ་ཡ་རོ་བེ༔ ཨ་ན་ལམྦྷི༔ ཏྭ་རམྦྷེ༔ ཡ་ཤོ་ཝ་ཏི༔ མ་ཧཱ་དེ་ཛཿ ནི་རཱ་ཀུ་ལེ༔ ནིརྦཱ་ཎ༔ སརྦ་བུདྡྷ་ཨ་དྷིཥྛ་ན༔ ཨ་དྷིཥྛི་ཏེ་སྭ་ཧཱ༔ ཨོཾ་ཛི་ན་ཛིཀ་སྭཱ་ཧཱ༔ ཞེས་ཉི་ཤུ་རྩ་གཅིག་བརྗོད༔ ཡི་གེ་བརྒྱ་པས་བྱིན་གྱིས་བརླབས་ཡེ་ཤེས་ལྔ་དང་སྐུ་ལྔ་ལྷུན་གྲུབ་ཀྱི་རང་བཞིན་དུ་བསམ༔ རྡོ་རྗེའི་སྲོག་ཐོབ་པར་བསམ་ལ་འཇིམ་པ་བཅད༔ ཨོཾ་བཛྲ་ཨ་ཡུ་ཥེ་སྭཱ་ཧཱ༔ ཆོས་ཕུང་བརྒྱད་ཁྲི་འདུས་པའི་ངོ་བོར་དམིགས་ལ་འབི་འབི་བྱ༔ ཨོཾ་བཛྲོད་བྷ་ཝ་ཡ་སྭཱ་ཧཱ༔ ཡེ་ཤེས་ཀྱི་ངོ་བོ་མ་རིག་པའི་རྡུལ་དང་བྲལ་བར་བསམ་ལ་སྣུམ་བྱུག༔ ཨོཾ་ཨ་ར་ཛེ་བི་ར་ཛེ་སྭཱ་ཧཱ༔ ཆོས་དབྱིངས་ཡེ་ཤེས་ཀྱི་སྙིང་པོ་རང་མལ་དུ་འཇུག་པར་བསམ་ལ་བརྐོས་ཕོར་ནང་དུ་བཅུག༔ ཨོཾ་དྷརྨ་དྷརྟུ་གརྦྷ་སྭཱ་ཧཱ༔ ལན་ལྔ་བརྡབ་པའི་ཚེ་དང་པོས་ཆོས་སྐུ༔ གཉིས་པས་ལོངས་སྐུ༔ གསུམ་པས་སྤྲུལ་སྐུ༔ བཞི་པས་ངོ་བོ་ཉིད་སྐུ༔ ལྔ་པས་མི་འགྱུར་རྡོ་རྗེའི་སྐུས་རྒྱས་གདབ་པར་གྱུར༔ ཨོཾ་བཛྲ་མུངྒ་ར་ཨ་ཀོ་ཊ་ཡ་ཧཱུྃ་ཕཊ༔ ལན་ལྔ་བརྗོད༔ དེ་བཞིན་གཤེགས་པ་ཐམས་ཅད་ཀྱི་སྐུ ༡༣ བྡཾ། གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་ཐམས་ཅད་གཟུངས་གཞུག་ལ་འདུས་པར་བསམ༔ ཚ་ཚའི་ནང་དུ་གཞུག་པ་ཙམ་གྱིས་ཚེ་འདས་ཀྱི་མ་དག་པའི་ཕུང་ཁམས་སྐྱེ་མཆེད་ཐམས་ཅད་དག་པ་རྡོ་རྗེ་གསུམ་གྱི་རོལ་པ་རུ་གོ་འཕོས་པར་བསམ་སྟེ༔ ཨོཾ་སརྦ་བིདྱ་སྭཱ་ཧཱ༔ ཡིག་བརྒྱ་རྟེན་སྙིང་གཟུངས་སུ་གཞུག༔ བརྐོས་ཕོར་ནས་ཕྱུང་བའི་དུས་སུ་ཆོས་ཀྱི་དབྱིངས་ལས་འགྲོ་བའི་དོན་དུ་གཟུགས་ཀྱི་སྐུར་བཞེངས་པར་བསམ་ལ༔ ཨོཾ་དྷརྨ ར་ཏི་སྭ་ཧཱ༔ རྒྱལ་བ་སྲས་དང་བཅས་པ་སྤྱན་དྲངས་ཏེ་ཐིམ་པར་ཡང་ཡང་བསམ་སྟེ༔ ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ༔ ཞེས་མེ་ཏོག་འཐོར་ཞིང་རབ་ཏུ་གནས་པར་བྱའོ༔ དེ་ནས་དཀྱིལ་འཁོར་གྱི་དབུས་སུ་གཞུག་སྟེ༔ ཨོཾ་མ་ཧཱ ཤུ་ནྱ་ཏཱཿ ཀོཉ་ཧཾ༔ སྟོང་པར་སྦྱངས༔ སྟོང་པའི་ངང་ལས་སྐད་ཅིག་གིས་ཕྱི་མཆོད་རྟེན་གྱི་རྣམ་པ་ལ་ནང་ཡེ་ཤེས་ལྔ་ལྡན་རང་བྱུང་ལྷུན་གྱིས་གྲུབ་པའི་གཞལ་ཡས་ཁང་ཡངས་ཤིང་རྒྱ་ཆེ་བ་གྲུ་ཆད་གློ་འབུར་དང་བཅས་པའི་དབུས་སུ་པདྨ་ཉི་ཟླའི་གདན་ལ་ལྷ་གང་ཡིན་གྱི་གཞུང་གི་ལྷ་བསྐྱེད་སྤྱན་འདྲེན་བཞུགས་གསོལ་ཕྱག་འཚལ་མཆོད་འབུལ་བསྟོད་པ་དང་བཅས་པ་རྫོགས་མཐར༔ ལྷ་དེ་དག་རང་རང་གི་ཐུགས་སྲོག་གསལ་བའི་མཐའ་བསྐོར་དུ་སྔགས་ཀྱི་ཕྲེང་བས་བསྐོར་བ་ལས་འོད་ཟེར་གྱི་ཕུང་པོ་དཔག་ཏུ་མེད་པ་འཕྲོས་པས་ཚེ་འདས་ཆེ་གེ་མོའི་སེམས་དང་སྣང་བ་ཐམས་ཅད་འུབ་ཀྱིས་བསྡུས་ཏེ་ དཀྱིལ་འཁོར་གྱི་གྲལ་མཐའ་རུ་འཁོད་ནས་ཡོད་པ་ལ་ལྷ་རྣམས་ཀྱི་ཐུགས་ཀའི་འོད་ཟེར་གྱིས་སྒྲིབ་གཉིས་བག་ཆགས་ཐམས་ཅད་བ་མོ་ལ་ཉི་ཟེར་ཕོག་པ་བཞིན་དུ་སངས་ཀྱིས་དག་ནས་སྣང་བ་སྐུ་དང་ཞིང་ཁམས་རང་ལུས་ཡེ་ཤེས་ལྷ་ཡི་སྐུ་མཚན་དང་དཔེ་བྱད་ཀྱིས་བརྒྱན་པ་ཞིག་ཏུ་གྱུར་ཏེ་སྔགས་ཀྱི་སྒྲ་དབྱངས་སྒྲོགས་བཞིན་དུ་དཀྱིལ་འཁོར་གྱི་ལྷ་ལ་དད་གུས་དང་དགའ་སྤྲོའི་སེམས་ཀྱིས་གནས་པར་གྱུར༔ ཅེས་རྩ་སྔགས་བརྗོད༔ སརྦ་པཱ་པཾ་ད་ཧ་ན་ཤཱནྟིཾ་ཀུ་རུ་ཡེ་སྭཱ་ཧཱ༔ ཞེས་བཟླས༔ སྣང་སྲིད་ཐམས་ཅད་ཡེ་ཤེས་ལྷའི་སྐུ་དང་ཞིང་ཁམས་ཀྱི་རོལ་པར་དམིགས་ཏེ་བསྒྲུབ་མཐར༔ དབྱིངས་ཀྱི་ཡུམ་ཆེན་ལྔ་གང་ཡང་རུང་བའི་མཁའ་རུ་ཐིམ་པར་བསམ༔ དེ་ཡང་བུ་རྒྱུད་ཕྱི་རབས་འདོད་པས་ཆུ་ལ་བཏབ༔ ཕྱི་རབས་ལ་ཞེན་ཆགས་མེད་པ་དག་གིས་ས་དཔལ་བཟང་པོར་འཇོག་པ་ཡིན༔ དེ་ལྟར་བསོད་ནམས་ཀྱིས་འབྱོར་བ་དག་གིས་ནི་དང་པོ་སྲོག་ཤིང་ལ་མིང་ཡིག་གིས་དཀྲིས༔ དེ་མཐར་མི་འཁྲུགས་པའི་གཟུངས་དག་གིས་དཀྲིས༔ དེ་མཐར་རྟེན་འབྲེལ་སྙིང་པོས་དཀྲིས་ཏེ༔ མི་རྒྱུད་ལ་སེམས་པས་ཆུ་ལ་བཏབ༔ མི་སེམས་པ་དག་གིས་ས་བཟང་དང་དཔལ་ཁ་འཛོམས་པ་དག་ལ་གཏད་པ་ཡིན་པས་ཤེས་པར་གྱིས་ཤིག༔ འདི་དག་ལས་ངན་སྡིག་ཅན་ཡང་༔ མཐོ་རིས་གནས་སུ་འདྲོངས་པ་ཡི༔ མན་ངག་ཟབ་མོ་མ་མཁའ་འགྲོས༔ གདམས་པའི་གནད་ཟབ་བླ་ན་མེད༔ ཚུལ་བཞིན་ལག་ལེན་གནད་ལྡན་མཛོད༔ དྲེད་པོ་གཡོ་སྒྱུའི་སེམས་ལྡན་པའི༔ བྡཾ།ཟླ ཆོམ་རྐུན་དག་ལ་ཆ་མ་མཆིས༔ ཟོལ་མེད་ངག་དབང་རྒྱ་མཚོ་ཡི༔ སྐལ་པར་གདམས་པ་དེ་ཁོ་ན༔ ས་མ་ཡ༔ པདྨ་འོད་དུ་ཨ་ཐམ་རྒྱ༔ ཞེས་པ་འདི་སློབ་བུ་ངག་དབང་རྒྱ་མཚོས་ནན་དུ་བསྐུལ་ངོར་བདུད ལ འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ། །ལེགས་སོ། །སརྦ་མངྒ་ལཾ།། ། སྨྲ རུས་གསུམ་མོ། སྨྲ གསུམ་མོ། T11614 - 035 T11614 - 036 ཆོས་ཉིད་ནམ་མཁའི་ཀློང་མཛོད་ལས༔ སྒྲུབ་པའི་ཁོག་དབུབ་རིན་ཆེན་གཏེར་གྱི་བུམ་བཟང་བཞུགས་སོ༔ o0་T11614 - 037 ཛྃ ན་མོ་གུ་རུ་པདྨ་ཀ་ར་ཡེ༔ ཙེེབླ།ཏཾ་རྴ༔ སྒྲུབ་པ་ཉམས་སུ་ལེན་པ་ཡིས༔ སྣང་བ་གཟུགས་བརྙན་ཆོས་རྣམས་ལ༔ ཁོག་དབུབ་ཆོ་ག་མེད་ཐབས་མེད༔ དོན་དམ་སྤྲོས་མེད་སྒྲུབ་པ་ལ༔ བདག་མདུན་ལྷ་རུ་གསལ་བ་ལས༔ ཆོ་ག་ལས་ཀ་ཡོད་མ་ཡིན༔ དེ་མིན་སྤྲོས་བཅས་ཆོས་རྣམས་ལ༔ འཇིག་རྟེན་ཐ་མལ་སྒོ་བསྟུན་ཏེ༔ སྣ་ཚོགས་ལས་ཀ་འདི་དག་ནི༔ མ་དང་མཁའ་འགྲོས་གཞན་རྒྱུད་དང་༔ བསྟུན་པའི་ལས་ཀ་འདི་ན་འདུ༔ མ་དག་སྲིད་པ་ལུགས་ལྡོག་སྟེ༔ དག་པ་དབྱིངས་ཀྱི་ལྷར་སྣང་བཀོད༔ ས་ལ་བདག་བཟུང་ས་བདག་ལ༔ ས་རིན་འཇལ་ཅིང་ས་བསླང་ནི༔ རང་ཉིད་སྐད་ཅིག་གིས་ལས་ཀྱི་ཁྲོ་བོ་བདུད་རྩི་འཁྱིལ་བ་ལས་བཞི་ལ་དབང་བ༔ གཡས་རྒྱ་གྲམ་དང་T11614 - 038 ཚྭ་ཛྃ གཡོན་དྲིལ་བུ་འཛིན་པའི་སྐུར་གྱུར༔ དེ་ནས་དཀར་གཏོར་བཤམས་ལ༔ ཨོཾ་སྭ་བྷཱ་ཝས་སྟོང་པར་སྦྱངས༔ སྟོང་པ་ཉིད་དུ་གྱུར༔ སྟོང་པའི་ངང་ལས་ཿལས་སོགས་ནས ས་མ་ཡ༔ དེ་ནས་ས་ལྷའི་གཏོར་མ་གོང་ལྟར་བྱིན་གྱིས་རླབས་ནས༔ རང་གི་སྙིང་ག་ནས་འོད་ཟེར་འཕྲོས་པས་སྟོང་གསུམ་ས་ཡི་ངོ་བོ་ལ༔ རྣམ་པ་ས་ཡི་ལྷ་མོ་བརྟན་མ་གསེར་བཙོ་མའི་མདོག་ལྟ་བུ་གཡས་ནོར་བུ་དང་༔ གཡོན་གསེར་གྱི་གཞོང་པ་ཐོགས་པ༔ སྐུ་སྟོད་ས་ནས་ཐོན་ཞིང་༔ སྐུ་སྨད་ས་ཡི་རང་བཞིན་དུ་སྣང་བའི་མཐར་ས་བདག་དང་༔ ཀླུ་དང་གཉན་རྣམས་ཀྱིས་བསྐོར་བ་སྤྱན་དྲངས༔ T11614 - 039 བྷཱུ་མི་པ་ཏི་སུཾཿ ཀ་ལི་ས་པ་རི་ཝཱ་ར་བཛྲ་ས་མ་ཡ་ཛ་ཛཿ ཏིཥྛ་ལྷན༔ ཧོཿ སྟོང་གསུམ་ས་ལ་དབང་མཛད་པའི༔ ས་བདག་གཉན་གྱི་བདག་མོ་ལགས༔ ཤཱཀྱ་ཐུབ་པའི་བཀའ་བཞིན་དུ༔ དངོས་སུ་འབྱོར་དང་ཡིད་སྤྲུལ་གྱི༔ འདོད་ཡོན་ནམ་མཁའ་མཛོད་དུ་འབུལ༔ བརྩེ་བ་ཆེན་པོས་བཞེས་པར་རོལ༔ ཨོཾ་བྷཱུ་མི་པ་ཏི་སུཾཿ ཀ་ལི་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཞེས་ལན་གསུམ་གྱིས་ཕུལ་མཐར༔ ཨོཾ་བྷཱུ་མི་པ་ཏི་སུཾཿ ཀ་ལི་ས་པ་རི་ཝཱ་ར་བཛྲ་ཨརྒྷཾ་སོགས་ནས་ཤཔྡ་པྲ་ཏཱིཙྪེ་ཡེ་སྭཱ་ཧཱ༔ དེ་ནས་བསྟོད་པ་ནི༔ ཧོཿ དུས་གསུམ་སངས་རྒྱས་ཐམས་ཅད་ཀྱིས༔ ས་ལ་TI1614 - 040 ཏཱ་ཛྃ དབང་བར་མངའ་གསོལ་ཞིང་༔ ས་བདག་ཀླུ་གཉན་ཐམས་ཅད་ལ༔ དབང་བསྒྱུར་དབང་བསྐུར་དབང་ཕྱུག་མོ༔ ལྷ་མོ་ཁྱེད་ལ་ཕྱག་འཚལ་བསྟོད༔ ངས་རྒྱུད་ཁྱོད་ཀྱི་མཁྱེན་བཞིན་དུ༔ ཀོ་ལོང་རུ་ང་མ་བྱེད་པར༔ ཐར་པ་ཆེན་པོའི་གྲོང་ཁྱེར་དུ༔ དག་པའི་དཀྱིལ་འཁོར་འདེབས་ལགས་ཀྱི༔ ས་འདི་བདག་ལ་སྩལ་ནས་ཀྱང་༔ བདག་གི་འདོད་དོན་བསྒྲུབ་ཏུ་གསོལ༔ བྷུ་མི་པ་ཏི་སུཾཿ ཀ་ལི་སརྦ་སིདྡྷི་ཕ་ལ་ཧོཿ ཞེས་ལྷ་མོ་འཁོར་དང་བཅས་པ་ཐུགས་དགྱེས་ཤིང་མགྲིན་གཅིག་ཏུ༔ ཧོཿ ཁྱོད་ནི་ཤཱཀྱ་ཐུབ་པའི་སྲས༔ གསང་སྔགས་དཀྱིལ་འཁོར་བཞེངས་པའི་TI1614 - 041 ས༔ ཅི་དགར་སྤྱོད་ལ་གང་འདོད་ཁྱེར༔ སྔོན་གྱི་དམ་ཚིག་ཇི་བཞིན་དུ༔ ངས་ཀྱང་གནང་བ་ལེགས་པར་སྤྲིན༔ ཅེས་གསུངས་ཤིང་ས་གཞི་ལ་ཐིམ་པར་བསམ༔ དེ་ནས་ཆུ་ལས་ཆུ་ལྦུར་རྡོལ་བ་བཞིན་དུ་འཕགས་པ་ས་ཡི་སྙིང་པོའི་ཐུགས་ཀ་ནས་གཞོན་ནུ་སེར་པོ་མཚན་དཔེས་སྤྲས་པ་ཞིག་གིས༔ གཡས་ལྕགས་འཇོར་དང་གཡོན་ནོར་བུ་ཐོགས་པ་ཞིག་སྤྲོས་ཏེ་ས་བདག་ལྟོ་ཕྱེ་ནག་པོའི་ལྟོ་བ་རིན་པོ་ཆེའི་གཏེར་མཛོད་ནས༔ རིན་ཆེན་སྣ་ཚོགས་ཀྱི་བྱེ་མ་བརྐོས་པར་བསམ་སྟེ་ས་བླང་བ་ནི༔ ཧཱུྃ༔ ང་ནི་བྱང་ཆུབ་སེམས་དཔའ་སྟེ༔ ས་བདག་རྒྱལ་པོ་ས་ཡི་ལྷ༔ བྱང་ཆུབ་སེམས་དཔའ་ས་སྙིང་སྟེ༔ ས་བདག་ཀུན་གྱི་ས་བཅུད་སྩོལ༔ ཅེས་བརྗོད་དེ་ཅི་དགར་བླང་ནས༔ མཐར་སེམས་དཔའ་ཡང་ས་ལ་ཐིམ་པར་བསམ༔ དེ་ནས་ས་བཟུང་བ་ནི༔ རང་ཉིད་སྐད་ཅིག་གིས་ཁྲོ་བོ་བགེགས་མཐར་བྱེད་གཡས་རྡོ་རྗེ་དང་གཡོན་དྲིལ་བུ་འཛིན་པའི་སྐུར་གྱུར༔ དེ་ནས་རྐང་པ་རྡོ་རྗེའི་འགྲོས་ཀྱིས་ལྟ་སྟངས་བྱ་ཞིང་ངག་ཏུ་ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ བཱི་ན་ཤ་ཀ་ར་མཱ་ར་ཡ་ཚིནྡྷ་ཚིནྡྷ་ཧཱུྃ་ཕཊ༔ ཅེས་སྡིགས་མཛུབ་ཀྱི་རྩེ་ནས་རྡོ་རྗེའི་ཆར་འབབ་པས་ས་གཞིར་གནས་པའི་གདོན་བགེགས་ཐམས་ཅད་ཐིབས་ཀྱིས་བསད་ཅིང་གནས་གཞན་དུ་འཕོ་བར་བསམ༔ དེ་ནས་ས་སྦྱང་བ་ནི༔ ཡང་སྡིགས་མཛུབ་ཀྱི་རྩེ་ནས་འོད་འཕྲོས་པས༔ ས་ལ་ལེགས་པར་མི་འོས་པའི་ཉེས་སྐྱོན་ཐམས་ཅད་བ་མོ་ལ་ཉི་ཟེར་ ཛྃ ཕོག་ལྟར་སངས་ཀྱིས་དག་ནས༔ རིན་པོ་ཆེ་སྣ་ཚོགས་ཀྱི་ཕུང་པོར་བསམ་ལ༔ བཾ་ཧོ་ཤུདྡྷེ་ཤུདྡྷེ་ཡེ་སྭཱ་ཧཱ༔ དེ་ནས་ས་བསྲུང་བ་ལ༔ རང་ཉིད་ལྷའི་ང་རྒྱལ་དང་ལྡན་པའི་ངང་ནས༔ ན་མཿ སརྦ་ཏ་ཐཱ་ག་ཏེ་བྷྱོཿ བྷ་ག་ཝ་ཏེ་བྷྱོ་ན་ཤ་ནེ་ཏྲ་ཏི་ཊཱ་ས་ཡ་བྷྲ་ཀུ་ཏྲི་ཏི་བྷེ་ཏ་ཏི་སྭཱ་ཧཱ༔ ཞེས་བརྗོད་དོ༔ དེ་ནས་ཆུ་བསླང་བ་ནི༔ འབབ་ཆུའི་གཞུང་འགྲམ་དུ་ཕྱིན་ལ་འོ་ཆབ་ཀྱིས་མཆོད་ལ༔ ཧོཿ དབྱིངས་ཀྱི་རྗེ་མོའི་