Tibetan
ཐུགས་དམ་བསྐང་༔ དབྱིངས་ཀྱི་རྗེ་མོའི་ཐུགས་དམ་བསྐང་༔ སྤྲུལ་འཁོར་བཀའ་སྡོད་ཐུགས་དམ་བསྐང་༔ ཐུགས་དམ་བསྐང་ལ་ཉམས་ཆག་བཤགས༔ གསོལ་ལོ་མཆོད་དོ་དགྱེས་དགོངས་ཏེ༔ རྟག་ཏུ་བྱམས་བརྩེས་བདག་སྐྱོང་ཞིང་༔ ཞི་རྒྱས་དབང་དྲག་མངོན་སྤྱོད་ལས༔ བསམ་པ་ཙམ་གྱིས་མྱུར་འགྲུབ་མཛོད༔ ཚེ་བསྲིང་སྲོག་སྐྱོབ་དཔལ་ཡོན་བསྐྱེད༔ དམ་ལ་མ་འདའ་ས་མ་ཡ༔ བཅོལ་བའི་ཕྲིན་ལས་གྲུབ་པར་མཛོད༔ དེ་ལྟར་རྟག་ཏུ་གྲངས་མང་པོ༔ བསྐྱར་བས་ལུས་དང་གྲིབ་བཞིན་འགྲོགས༔ ལེགས་པའི་ཡོན་ཏན་ཐམས་ཅད་ཀུན༔ མ་འབད་མྱུར་དུ་འབྱུང་འགྱུར་རོ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ གུ་ཧྱ༔ ཞེས་པ་འདི་སློབ་བུ་ངག་དབང་རྡོ་རྗེས་ནན་དུ་བསྐུལ་ངོར་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ། །དགེའོ །དགེའོ། །དགེའོ།། །། ད བདུད་འཇོམས་སྲུང་མ་སྔགས་སྲུང་T11613 - 024 T11613 - 024 ཕ༔ ཆོས་ཉིད་ནམ་མཁའི་ཀློང་མཛོད་ལསཿ སྔགས་སྲུང་དབྱིངས་ཀྱི་རྗེ་མོའི་བསྐང་བ་ཕྲིན་ལས་རབ་རྒྱས་བཞུགས་སོ༔ མརྣ་ཀསཀཿ ན་མོ་གུ་རུ་པདྨ་ཀ་ར་ཡེ༔ དབྱིངས་ཀྱི་རྗེ་མོ་བསྒྲུབ་པ་པོས༔ བསྐང་བ་འདི་ལ་རྟག་ཏུ་འབད༔ འབྱོར་ཚོགས་གང་འོས་མཆོད་པར་བཤམས༔ སྔགས་དང་ཏིང་འཛིན་སྟོབས་ཀྱིས་སྤེལ༔ སྦྱར་སྤོས་དྲི་དང་དམར་གསུར་བཏང་༔ རང་ཉིད་ཡི་དམ་ལྷར་གསལ་ཏེ༔ ལུས་དང་གྲིབ་མའི་ཚུལ་བཞིན་དུ༔ མདུན་དུ་དབྱིངས་ཀྱི་རྗེ་མོ་གསལ༔ འཁོར་འདས་སྤྱི་དཔལ་ཆེན་མོར་བསྐྱེད༔ ཏྲག་རཀྴ་ཨེ་ཀ་ཙ་ཏི་མ་མ་བྷྱོ༔ བཛྲ་ས་མ་ཡ་ཛ་ཛཿ ཀྱེེ༔ དད་དང་དམ་ཚིག་ཐུགས་རྗེ་ཡིས༔ ཨེ་ཀ་ཙ་ཏི་སྤྱན་འདྲེན་གཤེགས༔ ཚེ་རབས་གཏན་གྱི་སྲུང་མར་བཞུགས༔ བྱམས་བརྩེ་ཐུགས་རྗེས་བདག་སྐྱོངས་མཛོད༔ དངོས་འབྱོར་ཡིད་སྤྲུལ་མཆོད་རྫས་ཀྱིས༔ ཨེ་ཀ་ཙ་ཏིའི་ཐུགས་དམ་བསྐང་༔ སྤྲུལ་པའི་མ་ཚོགས་ཐུགས་དམ་བསྐང་༔ བཀའ་སྡོད་འཁོར་གྱི་ཐུགས་དམ་བསྐང་༔ ཉེས་འགལ་ཉམས་ཆག་ཐམས་ཅད་བཤགས༔ མི་མཐུན་མི་འདོད་ཕྱོགས་རྣམས་བཟློག༔ བདེ་ལེགས་ཡོན་ཏན་དཔལ་འབྱོར་བསྐྱེད༔ སྡང་བའི་དགྲ་དང་གནོད་པའི་བགེགས༔ གློག་ལྟར་མྱུར་མགྱོགས་སྟོབས་ཤུགས་ཀྱིས༔ མེ་སྟག་ཆུ་ཡིས་བསད་བཞིན་ཐོངས༔ ནད་མུག་ མཚོན་འཁྲུགས་བྱད་བྱུར་གདོན༔ རྩྭ་སྦུར་མེ་ལ་བསྲེགས་བཞིན་རློགས༔ དམ་ཚིག་ཇི་བཞིན་ཕྲིན་ལས་མཛོད༔ དེ་ལྟར་བརྒྱ་སྟོང་ཁྲི་གྲངས་བསྐྱལ༔ མི་མཐུན་ཕྱོགས་ལས་རྣམ་རྒྱལ་ཞིང་༔ མ་མོས་བུ་སྡུག ལྟ་བུར་སྐྱོངས༔ ཕྲིན་ལས་རབ་འབྱམས་རྩོལ་མེད་འགྲུབ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་ལ་སྐྱབས་ཀྱི་བནྡེ་བསོད་ནམས་ལྡེའུ་བཙན་གྱིས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ།། །། །ས་སྲུང་མ་སྔག་སྲུང་།ས་སྲུང་མ་སྔག་སྲུང་T11613 - 026 རྒྱོཾ༔ ཆོས་ཉིད་ནམ་མཁའི་ཀློང་མཛོད་ལས༔ སྔགས་སྲུང་དབྱིངས་ཀྱི་རྗེ་མོའི་བསྐང་བ་དགའ་བདེའི་འབྱུང་གནས་བཞུགས་སོ༔ ན་མོ་གུ་རུ་ཝེ༔ འབྱོར་ཚོགས་བཤམས་པའི་དངོས་པོ་ལ༔ ཡིད་ཀྱིས་ནམ་མཁའ་མཛོད་དུ་སྤེལ༔ ནམ་མཁའ་མཛོད་སྔགས་དང་སྦྲགས་ལ༔ མ་མོ་ཨེ་ཀ་ཙ་ཏི་ས་མ་ཡ་ཕེ་ཛཿ བྷྱོཿ དད་དམ་རྟེན་འབྲེལ་ཐབས་ཟབ་མོས༔ འབོད་དོ་དབྱིངས་ཀྱི་སྤྱི་རྗེ་མོ༔ ཨེ་ཀ་ཙ་ཏི་གཤེགས་སུ་གསོལ༔ སྤྲུལ་དང་ཡང་སྤྲུལ་འཁོར་བཅས་པ༔ མི་འབྲལ་གྲོགས་དང་སྲུང་མར་བཞུགས༔ དངོས་གྲུབ་སྩོལ་ཕྱིར་གུས་ཕྱག་འཚལ༔ ཐེག་ཆེན་སྲུང་མར་མངའ་གསོལ ལོ༔ ཕྱི་ནང་གསང་བ་བླ་མེད་ཀྱི༔ མཆོད་རྫས་སྒྲུབ་རྫས་བསྐང་རྫས་རིགས༔ འདོད་ཡོན་མི་ཟད་གཏེར་ཆེན་པོས༔ ཨེ་ཀ་ཙ་ཏིའི་ཐུགས་དམ་བསྐང་༔ དབྱིངས་ཀྱི་རྗེ་མོའི་ཐུགས་དམ་བསྐང་༔ སྲིད་པ་མ་མོའི་ཐུགས་དམ་བསྐང་༔ འཁོར་དང་བཅས་པའི་ཐུགས་དམ་བསྐང་༔ ཉེས་འགལ་ཉམས་ཆག་ཐམས་ཅད་བཤགས༔ ཁྲོས་འཁྲུགས་གདུག་རྩུབ་ཞི་བ་དང་༔ བྱམས་བརྩེ་ཐུགས་རྗེས་བདག་སྐྱོང་ལ༔ འོད་གསལ་ཐེག་ཆེན་ས་རུ་སྐྱོལ༔ ཕྱི་ནང་གསང་བའི་བར་ཆད་བཟློག༔ ཞི་རྒྱས་དབང་དྲག་མངོན་སྤྱོད་ཀྱི༔ ཕྲིན་ལས་རབ་འབྱམས་ཡོངས འགྲུབ་མཛོད༔ མ་གཡེལ་མ་འགྱངས་ས་མ་ཡ༔ དེ་ལྟར་གྲངས་ལྡན་བསྐྱར་བ་དང་༔ ཤེས་རིག་རྡོ་རྗེ་རྩེ་མོས་སྒྲུབ༔ མ་དང་སྲིང་མོ་བཞིན་འཁོར་ཏེ༔ ཕྲིན་ལས་བསྒྲུབ་པར་ཐེ་ཚོམ་མེད༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པའང་གསང་སྔགས་པས་བསྐུལ་ངོར་བདུད་འཇོམས་རྡོ་རྗེས་བསྒྱུར་བའོ། །དགེའོ། །དགེའོ །དགེའོ། །སརྦ་མངྒ་ལཾ།། བ ད་འཇོམས་སྲུང་མ་སྔགས་སྲུང་ད་འཇོམས་སྲུང་མ་སྔགས་སྲུང་T11613 - 028 རྣཻ ཆོས་ཉིད་ནམ་མཁའི་ཀློང་མཛོད་ལས༔ སྔགས་སྲུང་དབྱིངས་ཀྱི་རྗེ་མོའི་དྲག་བསྐང་བསྟན་དགྲའི་དཔུང་འཇོམས་བཞུགས༔ ན་མོ་གུ་རུ་བྷྱ༔ ཤ་ཁྲག་དམར་གཏོར་ཁྲག་སྐྱེམས་བཤམས༔ འགུགས་གཞུག ནན་བསྐྱར་སྔགས་ཀྱིས་སྤེལ༔ ཡིད་ཀྱིས་ནམ་མཁའ་མཛོད་དུ་བསྒྱུར༔ ཛཿ དད་པ་དང་ནི་དམ་ཚིག་གིས༔ ཨེ་ཀ་ཙ་ཏི་འཁོར་དང་བཅས༔ འབོད་དོ་སྤྱན་འདྲེན་གཤེགས་སུ་གསོལ༔ ཕྱི་ནང་གསང་མཆོད་སྣ་ཚོགས་དང་༔ དགྲ་བོའི་ཤ་ཁྲག་དོན་སྙིང་གིས༔ དབྱིངས་ཀྱི་རྗེ་མོའི་ཐུགས་དམ་བསྐང་༔ སྔགས་སྲུང་གཙོ་མོའི་ཐུགས་དམ་བསྐང་༔ ཨེ་ཀ་ཙ་ཏིའིཿ འཁོར་དང་བཅས་པའི: དམ་ཚིག་ཉམས་ཆག་མཐོལ་ཞིང་བཤགས༔ གཞན་དུ་མ་འབྱམས་མཐུ་མ་རྡུག༔ དགྲ་བོའི་བླ་ཚེ་སྲོག་ལ་རྦད༔ མེ་སྟག་ཆུ་ཡིས་བསད་བཞིན་ཐོངས༔ སྔགས་མཁན་རང་ལ་སླར་མ་ལྡོག༔ དམོད་བསྐུལ་རྦད་ཟོར་སྣ་ལ་རྒྱུག༔ དགྲ་བོའི་མཐའ་རྩ་སྐྱེ་རྒྱུད་བཅས༔ རྗེས་ཤུལ་མེད་པར་རྡུལ་དུ་རློག༔ མ་ཟད་བར་དུ་ཟ་ངུ་གྱིས༔ དམ་ལ་མ་འདའ་ས་མ་ཡ༔ དེ་ལྟར་གྲངས་ལྡན་བསྐྱར་གྱུར་ན༔ དྲག་པོ་མངོན་སྤྱོད་ལས་རྣམས་ཀུན༔ མི་འགྱང་མྱུར་དུ་འགྲུབ་འགྱུར་རོ༔ བཀའ་སྲུང་ཁྱབ་འཇུག་ཆེན་པོས་སྲུངས༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཉིད་དམ་ལྡན་བུ་སློབ་རྣམས་ ཀྱིས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ། །དགེའོ། །དགེའོ།། །། ག བདུད་འཇོམས་སྲུང་མ་སྔགས་སྲུང་T11613 - 030 བདུད་འཇོམས་སྲུང་མ་སྔགས་སྲུང་T11613 - 030 ཕ༔ ཆོས་ཉིད་ནམ་མཁའི་ཀློང་མཛོད་ལས༔ མ་མོ་མཁའ་འགྲོའི་བསྐང་གསོལ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཟབ་ལམ་ཉམས་སུ་ལེན་པ་ཡིས༔ སྐལ་བཟང་ལས་ཅན་སྐྱེས་བུ་ཡིས༔ ས་ལམ་བར་ཆད་བསལ་བ་དང་༔ ཉམས་རྟོགས་ཡོན་ཏན་གོང་འཕེལ་ཕྱིར༔ མ་མོ་མཁའ་འགྲོའི་བསྐང་གསོལ་བསྟན༔ དངོས་སུ་འབྱོར་པའི་མཆོད་པ་དང་༔ ཏིང་འཛིན་འཕྲུལ་གྱིས་དཔག་མེད་སྤེལ༔ ནམ་མཁའ་མཛོད་ཀྱི་སྔགས་རྒྱས་མཐར༔ མ་བྷྱོ་ཛཿ ཧྲཱིཿ ཆོས་སྐུའི་དབྱིངས་དང་དབྱིངས་བཞུགས་ཀྱི༔ མ་མོ་མཁའ་འགྲོ་ཐམས་ཅད་ལ༔ གསོལ་ལོ་མཆོད་དོ་ཐུགས་དམ་བསྐང་༔ ལོངས་སྐུའི་དབྱིངས་དང་དབྱིངས་བཞུགས་ཀྱི༔ མ་མོ་མཁའ་འགྲོ༔ གསོལ་ལོ༔ སྤྲུལ་སྐུའི་དབྱིངས་དང་དབྱིངས་བཞུགས་ཀྱི༔ མ་མོ་མཁའ་འགྲོཿ གསོལ་ལོ༔ ལེགས་ཉེས་གཉིས་ཀྱི་སྟངས་འཛིན་ཅིང་༔ དམ་ཚིག གཉན་པོ་རྗེས་གཅོད་པའི༔ མ་མོ་མཁའ་འགྲོཿ གསོལ་ལོ༔ མཆོག་དང་ཐུན་མོང་དངོས་གྲུབ་སྩོལ༔ སྲིད་པའི་མ་མོ་མ་འཁྲུག་ཅིག༔ ཐུགས་དང་འགལ་གྱུར་ཉེས་བྱས་བཤགས༔ མི་ནད་ཕྱུགས་ནད་གཅོད་དུ་གསོལ༔ དགྲ་བགེགས་ཐལ་བའི་རྡུལ་དུ་རློག༔ མ་མ་བཛྲ་ས་མ་ཡ༔ འདི་ལྟར་རྟག་ཏུ་གསོལ་མཆོད་ན༔ མ་དང་མཁའ་འགྲོས་བུ་ལྟར་སྐྱོངས༔ ཕྱི་ནང་གསང་བའི་བར་ཆད་སེལ༔ འདོད་དོན་ཐམས་ཅད་ཡིད་བཞིན་འགྲུབ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་འོད་གསལ་སྒྱུ་འཕྲུལ་དྲྭ་བའི་དབྱིངས་ལས་བསྒྱུར་བའི་ཡི་གེ་པ་ནི་བློ་གྲོས་དབང་པོའོ། །སརྦ་མངྒ་ལཾ།། །། 8 བདུད་འཇོམས་སྲུང་མ་སྔགས་སྲུང་TI1613 - 032 TI1613 - 032 ༔ ཀྱེེ༔ དད་པ་དང་ནི་དམ་ཚིག་གིས༔ དབྱིངས་ཀྱི་རྗེ་མོ་གཤེགས་སུ་གསོལ༔ སྤྱང་ཞོན་མཆེད་གསུམ་གཤེགས་སུ་གསོལ༔ འཁོར་དང་བཅས་པ་གཤེགས་སུ་གསོལ༔ དམ་ཚིག་ཆེན་པོའི་གདན་ལ་བཞུགས༔ བསྟན་པ་བསྲུང་ཕྱིར་ཕྱག་འཚལ་ལོ༔ བདག་གི་སྲུང་མར་མངའ་གསོལ་ལོ༔ ཕྱི་ནང་གསང་བའི་མཆོད་པ་འབུལ༔ ཐུགས་དམ་བསྐང་ངོ་ཉམས་ཆག་བཤགས༔ གདུང་དབྱངས་རོལ་མོའི་སྒྲ་ཡིས་བསྟོད༔ ཕྲིན་ལས་རབ་འབྱམས་ཡོངས་གྲུབ་མཛོད༔ མ་གཡེལ་མ་འགྱངས་ས་མ་ཡ༔ བདུད་འཇོམས་པས་སོ།། ༈ མཆོད་གཏོར་ནམ་མཁའ་མཛོད་ཀྱིས་སྤེལ་ལ༔ ཀྱེེ༔ དད་པ་དང་ནི་དམ་ཚིག་གིས༔ ཨེ་ཀ་ཙ་ཏི་འཁོར་དང་བཅས༔ མ་ཐོགས་མྱུར་དུ་གཤེགས་སུ་གསོལ༔ དམ་ཚིག་ཆེན་པོའི༴ གསུམ་གུས་པས་བདག་གི༴ ཕྱི་ནང་ཐུགས་དམ་བསྐང་༔ གདུང་དབྱངས་ཕྲིན་ལས་རབ་འབྱམས༴ མ་གཡེལ་མ་འགྱངས་ས་མ་ཡ༔ བདུད་འཇོམས་པས་སོ།།དགེའོ།། ། 22 TI1613 - 033 T11613 - 034 མ ཕ༔ ཆོས་ཉིད་ནམ་མཁའི་ཀློང་མཛོད་ལས༔ སྔགས་སྲུང་དབྱིངས་ཀྱི་རྗེ་མོའི་དྲག་བསྒྲུབ་རྣོ་བའི་མདེའུ་ཐུང་བཞུགས་སོ༔ དྲག་སྒྲུབ SCO - SI9IL བདུད་འཇོམས་སྲུང་མ་སྔགས་སྲུང་ཕ༔ ༈སྣ་ཐས༔ ལྔ་བརྒྱ་དུས་ཀྱི་ཐ་མ་ལ༔ སྨོན་ལམ་ལོག་པའི་བདུད་སྡེ་རྣམས༔ བན་བཙུན་སྔགས་པའི་དགྲ་རུ་ལང་༔ དེ་ཚེ་བཀའ་སྲུང་གཞན་རྣམས་ཉམས་ཕྲ་བས༔ གང་གི་བཟློག་ཏུ་མེད་པ་ཡི༔ སྲིད་པ་མ་མོ་ལ་བརྟེན་ནས༔ དྲག་བསྒྲུབ་རྣོ་བའི་མདེའུ་ཐུང་འདི༔ ཉམས་སུ་ལོངས་ཤིག་སྐལ་ལྡན་རྣམས༔ རབ་དབེན་གནས་སུ་སྟེགས་བུ་མདའ་གང་གྲུ་གསུམ་བྱས་པའི་དབུས་སུ་བདུད་ཕོ་མ་ཏྲཾ་རཱུ་ཏྲ་གན་རྐྱལ་དུ་ཡོད་པའི་ལྟོ་བར་བྲུབ་ཁུང་མཐོ་གང་བ་ཕུང་ས་སྣ་ཚོགས་སྦྱར་བའི་ཆུ་བཏབ་ནས་འབྲུ་ནག་གི་ཕྱེ་མ་ཁྲག་ཆང་གིས་སྦག་པའི་གཏོར་མ་ཁྲུ་གང་འཁོར་བཞིས་བསྐོར་བ་ཟངས་ལྕགས་ཀྱི་སྣོད་ནང་དུ་བཀོད་ནས་ཁྲི་རྐང་གསུམ་གྱི་སྟེང་དུ་བཞག༔ དེ་ལ་སྙིང་དང་ཞིང་དབྱུག་མེ་རིས་བརྒྱན་པ་བརྗིད་ལྡན་བྱའོ༔ གཏོར་T11613 - 036 ༡ཕ༔ མ་ལ་ཁྲག་བྱུག་བྲུབ་ཁུང་ལ་དུག་ཁྲག་སྦྲག་པའི་ས་དམར་གྱིས་དམར་ནག་བྱ༔ གཏོར་མ་དང་སྟེགས་བུ་གཉིས་ཀའི་མཐར་རྩང་གི་ར་བས་བསྐོར༔ དེ་ནས་དུག་ཤོག་ངོས་ལ་གྲི་ཁྲག་གིས་དགྲ་བོའི་གཟུགས་ཚང་ཞིང་ཡན་ལག་ཐམས་ཅད་ལྕགས་སྒྲོག་གིས་སྡོམ་པ་བྲིས༔ དེའི་སྤྱི་བོར་ལ་ནན༔ དཔྲལ་བར་རུས༔ མགྲིན་པར་བརྗེད༔ མིག་ལ་ལོངས༔ སྣ་ལ་ཚུབ༔ རྣ་བར་འོན༔ ཁ་ལ་བདུད་མོ་ང་ལོངས༔ ཚིག་བཞིར་ཛ་ཧཱུྃ་བཾ་ཧོཿ དཔུང་པ་གཉིས་ལ་ཆག།༔ ངར་གདོང་ལ་ནན་ཏི་རྦད༔ བརླ་ལ་བླ་དྭགས་དང་ཆིངས༔ རྐང་འོག་ཏུ་ཡཾ་ཡ༔ འདོམས་སུ་ཕཊ༔ སྙིང་གར་ནྲྀ་ཏྲི་ཛ་ཛ་དགྲ་བོ་ཆེ་གེ་མོ་ཁུག་ཅིག་བྲི༔ དེའི་མཇུག་ཏུ་སྔགས་མགོ་ཕྱིར་བསྟན་ལ༔ TI1613 - 037 ཧཱུྃ་མ་མ་ཨེ་ཀ་ཙ་ཏི་ཏྲག་རཀྴ༔ མུ་མ་ར་ན་ཧཱུྃ་ཕཊ༔ མ་མ་ཨེ་ཀ་ཙ་ཏི་དགྲ་བོའི་སྙིང་ལོངས༔ ཤག་སོད༔ ཙ་ཙ་ཤི་ཤི༔ ཁྲག་སྙིང་འདི་ཤིག་ཤིག༔ ཨེ་ཨེ་མ་མ༔ དུང་དུང་ལམ་ལམ༔ ཏུབ་ཏུབ་ཨེ་མྱག་ཤ༔ ཀྵཾ་མ་ར་ན་ཧཱུྃ་ཛཿ ཏི་ཏི་ས་མ་ཧ་ན་ཧོར་ཐུན་ཛ་ཛཿ ཏི་ཏི༔ ལ་ལཾ་ཧིབ་བྷི༔ ཀ་ཀ་བིང་ཀ་ལ་ཙིཏྟ་ཕྱུང་ཕྱུང་མྱོག༔ ཛ་བྷྱོ༔ ཀ་མ་ཤྲི་ས་མ་ཡ་ཏིང་བྷྱོ༔ ཙ་ཧ་སམ་མྱོག་ཧུར་ཐུམ་ཛ་བྷྱོ་ཏི་ཀ་དགྲ་བོའི་སྲོག་ལོང་རྨུག་ཆོད་སོད་སོད༔ དེ་ནས་རཱུ་པའི་སྤྱི་བོ་ནས་མགོ་ནང་དུ་བསྟན་ལ་སྔགས་འདི་དག་པར་བྲི༔ ཧཱུྃ་མ་མ་ཨེ་ཀ་ཙ་ཏི་ཏྲག་རཀྴ་ས་མ་ཡ་ཙིཏྟ་ཧྲཱིང་ཧྲཱིང་ཛ ཥི་ཥི་ས་མ་ཡ་ཧ་ན་ཧུར་ཐུམ་ཛ་ཛཿ སོགས་ཚང་བར་བྲིས༔ མཐར་ཛ་ཁྲམ་གྱིས་བསྐོར༔ ཤོག་ཟུར་ཐམས་ཅད་ཉི་ཟླ་གཟས་ཟིན་པ་ལྟར་བྱ༔ མཐར་ལྟེབ་ཅིང་ཁམས་སས་རཱུ་པ་བཟོས་པའི་ལྟོ་བར་བཅུག༔ ནྲྀ་མིག་ལ་བྱད་ཐག་དམར་ནག་བཏགས་ཏེ་ཡར་དྲངས་ནས་དཔལ་གཏོར་ལ་གཏོད༔ དེ་ནས་དྲག་པོའི་དཀྱིལ་འཁོར་བསྒོམ་པ་ནི༔ ཨོཾ་སྭ་བྷཱ་ཝ་ཤུདྡྷ་སོགས སྟོང་པའི་ངང་ལས་ཁམས་གསུམ་སེམས་ཅན་ཐམས་ཅད་ཀྱི་སྡིག་སྒྲིབ་ལས་ཉོན་ཐམས་ཅད་ཡི་གེ་ཧ་ལ་ཟུང་ཁ་དོག་དམར་ནག་རྣམ་པ་ཅན་དུ་འདུག་པ་དེ་ཡོངས་སུ་གྱུར་པ་ལས་ནད་དུག་གྲིབ་ཀྱི་རྒྱ་མཚོ་དམར་ནག་རྦ་ཀློང་རབ་ཏུ་འཁྲིགས་པའི་ཀློང་དུ་ཏྲིཿལས་བདུད་ཕོ་མ་ཏྲཾ་རཱུ་ཏྲ ཕ༔ གན་རྐྱལ་དུ་གནས་པའི་རྐང་ལག་ལྕགས་སྒྲོག་གིས་བསྡམས་པ་འགུལ་བསྐྱོད་དང་བྲལ་བའི་ལྟོ་བར་ཨེ་ལས་གྲུ་གསུམ་གནམ་ལྕགས་ཀྱི་ཁང་སྒྲོམ་ནག་པོ་ནག་ལ་ཁ་རུབ་ཅིང་གཏིང་ཟབ་པ་ནང་དུ་གཏི་མུག་གི་མུན་ནག་འཐིབ་ཅིང་ང་རྒྱལ་གྱི་བྲག་རི་སྙིལ་བ་འདོད་ཆགས་ཀྱི་དུག་མཚོ་ཁོལ་བ་ཞེ་སྡང་གི་མེ་དཔུང་འབར་བ་ཁྲག་དོག་གི་རླུང་དམར་གཡོ་ཞིང་ཐུན་མཚོན་གྱི་ཆར་པ་འབེབས་པ་མཐར་རྩང་ལ་བཀའ་ཡི་ལྷ་སྲིན་སྡེ་བརྒྱད་གཡས་པ་རྣམས་ཀྱིས་འགུགས་བྱེད་ལྕགས་ཀྱུ་དང་༔ གཡོན་པ་རྣམས་ན་འཆིང་བྱེད་ཀྱི་ཞགས་པ་ཐོགས་པ་རྒྱབ་ན་བླ་འཛིན་གྱི་དྲྭ་བ་ཁུར་བ་མེ་རླུང་དྲག་པོ་འབར་ཞིང་གཡོ་འཐབ་བྱེད་པའི་རང་བཞིན་ཅན་དུ་གྱུར༔ ལས་ཀྱི་བྲུབ་ཁུང་དེའི་ནང་དུ་དམ་ཉམས་པའི་དགྲ་བོའི་བླ་ཡིད་ཚེ་བསོད་ཐམས་ཅད་འདུས་པའི་ངོ་བོ་ནྲྀ་ཡིག་ཐལ་སྐྱའི་ཁ་དོག་ལྟ་བུ་ལས་འོད་འཕྲོས་པས་དགྲ་བོ་མི་ནོར་དང་བཅས་པ་ཐམས་ཅད་ཚུར་འདུས་ནྲྀ་ལ་ཐིམ་པས་དེ་ཡོངས་སུ་གྱུར་པ་ལས་དགྲ་བོའི་རཱུ་པ་ཁ་ངུ་བ་མིག་ཤི་མིག་ལག་པ་མྱ་ངན་གྱི་ཕྱག་རྒྱ་ཅན་རྐང་ལག་ཐམས་ཅད་ལྕགས་སྒྲོག་གིས་བསྡམས་ཤིང་༔ བུ་ག་དགུ་ནས་ཁྲག་འཛག་པ་བྱང་སེམས་དཀར་དམར་ཐུར་དུ་འབེབས་པ་མདོག་སྔོ་ཞིང་ མདངས་ཉམས་པ་ཧམ་པ་སྐྱ་བ་རིད་པ་གཤིན་དྲི་ཐུ་ལུ་ལུ་འཐུལ་བ་དེའི་སྟེང་གི་ནམ་མཁར་གྲུ་གང་འཕགས་པའི་སྟེང་དུ་མེ་རླུང་འཚུབས་མ་ལས་གྲུབ་པ་གཞི་ཤིན་ཏུ་འཇིགས་ཤིང་ཡ་ང་བའི་སྟེང་དུ༔ གྲུ་གསུམ་དམར་ནག་མེ་རླུང་འཁྲུགས་པའི་དབུས༔ པདྨ་ཉི་མ་བམ་རོའི་གདན་གྱི་སྟེང་༔ བྷྱོ་ལས་དཔལ་ལྡན་སྔགས་ཀྱི་སྲུང་མ་ནི༔ སྐུ་མདོག་དམར་ནག་ཞིང་དབྱུག་ཙིཏྟ་བསྣམས༔ དཔྲལ་ན་མིག་གཅིག་ཞལ་ན་ཚེམས་གཅིག་མ༔ ཞབས་གཅིག་གར་གྱིས་དགྲ་བོའི་སྙིང་ཁར་བརྫིས༔ འཇིགས་བྱེད་ཆེན་མོ་རལ་པའི་ཐོར་གཙུག་ཅན༔ དགྲ་གདོན་བགེགས་ཀྱི་སྲོག་དབུགས་འཕྲོག་པར་བྱེད༔ སྨྲ་བཅད་མི་དང་མི་འཕྲད་པར་འབོད་སྔགས་འདི་དང་བླ་འགུགས་སྔགས་བསྒྲིལ་ལ་རྟགས་མ་བྱུང་བར་དུ་འབད༔ ཧཱུྃ་མ་མ་ཨེ་ཀ་ཙ་ཏི་ས་མ་ཡ་ཧྲཱིང་ཧྲཱིང་ཛ་ཛཿ ཞག་གསུམ་མམ་ལྔའམ་བདུན་དུ་བརྗོད་ཚེ་འཚུབས་མ་ཆེན་པོ་འཕྱོ་བ་དང་༔ སྒོ་བརྡུང་བ་དང་༔ ཐུག་ཆོམ་ཆེན་པོ་དང་༔ བུད་མེད་ཀྱི་ཚོགས་མང་པོ་འདུ་བ་དང་༔ དཔལ་གཏོར་ལ་མེ་འབར་བ་རྣམས་རབ་ལ་མངོན་སུམ་ཞལ་གཟིགས་པ་སོགས༔ མ་ངེས་པའི་ལྟས་བཟང་ཆོ་འཕྲུལ་སྣ་ཚོགས་འབྱུང་༔ མདོར་ན་རྟགས་རྣམས་རབ་ལ་དངོས༔ འབྲིང་ཉམས་སྣང་༔ ཐ་མ་ལ་རྨི་ལམ་དུ་འབྱུང་སྟེ་བཟང་ངན་གང་ལའང་རེ་དོགས་དགའ་སྡུག་འཇིགས་སྐྲག་ཡ་ང་བ་ཐམས་ཅད་རོ་སྙོམས་སུ་བཞག་པ་གནད་ཀྱི་ཡང་རྩེའོ༔ ད ཕ༔ རྟགས་བྱུང་ནས་བསྐུལ་ཞིག་རྦད་སྔགས་འདི་ལ་འབད་པར་བྱ༔ ཧཱུྃ་མ་མ་ཨེ་ཀ་ཙ་ཏི་ཏྲག་རཀྴ་ས་མ་ཡ་ཧྲིང་ཧྲཱིང་༔ རྒྱུག་རྒྱུག༔ མུ་མ་རུ་རུ་ར་ན་ཧཱུྃ་རྒྱུག་རྒྱུག༔ མ་མ་རུ་རུ་ཨེ་ཀ་ཙ་ཏི་དགྲ་བོའི་སྟེང་དུ་རྒྱུག་རྒྱུག༔ ཨེ་ཨེ་མ་མ་ཏི་ཏི་ས་མ་ཧོར་ཐུན་དམ་ཉམས་དགྲ་བགེགས་ཀྱི་སྟེང་དུ་རྒྱུག་རྒྱུག་བྷྱོ༔ ཏི་ཏི་ལཾ་ལཾ་ཧས་བྷྱི་ཡ༔ ཀ་ཀ་བིང་ཀ་ལ་ཙིཏྟ་ཕྱུངས་མྱོག ཛ་རྦད་རྦད༔ ཀ་མ་ཤྲི་ས་མ་ཡ་ཏིང་བྷྱོ་རྦད་རྦད༔ ཙ་ཧ་སམ་མྱག་ཧུར་ཐུམ་བྷྱོ་རྦད་རྦད༔ དེ་ཚེ་འཕར་སྤྱང་ལ་སོགས་པའི་དུད་འགྲོའི་རིགས་གང་ཡང་རུང་བས་གཅིག་གིས་གཅིག་དེད་ནས་འོང་བ་དང་༔ དུད་འགྲོའི་རིགས་རྒྱ་དང་རྙི་དང་ར་བར་བཙུད་པ་དང་༔ དགྲ་བོ་དངོས་སུ་ཁྲིད་པ་འབྱུང་༔ དེ་ནས་འབོད་རྦད་བསད་གསུམ་དྲིལ་སྔགས་འདི་ཞག་བདུན་ལ་ཐུན་ཆར་བབ་ནས་བཟླའོ༔ ཧཱུྃ་ཨེ་ཀ་མ་ཨེ་ཀ་ཙ་ཏི་ཏྲག་རཀྴ་དགྲ་བོའི་སྲོག་ཆོད་ལམ་རྨུག༔ མུ་མ་ར་ན་ཧཱུྃ༔ མ་མ་རུ་རུ་ཨེ་ཀ་ཙ་ཏི་བྷྱོ་དགྲ་བོ་ཤག་གཏུབ་སོད༔ ཙ་ཙ་ཤི་ཤི་དགྲ་བོའི་ཁྲག་སྙིང་འདི་ཤིག༔ ཨེ་ཨེ་མ་མ་བྷྱོ་བྷྱོ་དུང་དུང་ལམ་ལམ༔ དགྲ་བོ་གཏུབ་གཏུབ་ཨེ་མྱག་ཤ༔ ཀྵ་མ་ར་ན་ཧུ་ཛ་བྷྱོ་དགྲ་བོའི་སྲོག་ཆོད་ཆོད་ཏི་ཏི་མ་ཧཱ་ན་ཧོར་ཐུན་ཛཿ ཏི་ཏི༔ ལཾ་ལཾ་ཧས་བྷྱི་ཡ༔ ཀ་ཀ་བིང་ཀ་ལ་དགྲ་བོའི་ཙིཏྟ་ཕྱུངས་མྱོག་ཛ་ཛཿ བྷྱོ་སོད༔ ཀ་མ་ཤྲི་ ས་མ་ཡ་ཏིང་བྷྱོ་རྦད་སོད༔ ཙ་ཧ་སམ་མྱོག༔ ཧུར་ཐུམ་ཐུམ་བྷྱོ་བྷྱོ་དགྲ་བགེགས་མཱ་ར་ཡ་ཧུར་ཐུམ་རྦད་སོད་སོད༔ དེ་ཡིས་ཤིང་གཅོད་པ་དང་༔ བྲག་བཤིག་པ་དང་༔ ལིང་འགྱེད་པ་དང་༔ བཤས་བཤས་པ་དང་༔ མཁར་བཤིག་པ་དང་༔ དགྲ་བོ་དངོས་སུ་བསད་པ་དང་༔ དུད་འགྲོའི་རིགས་གང་རུང་བསད་པ་དང་༔ མགོ་དང་དོན་སྙིང་ཁྱེར་བྱུང་བ་དང་༔ ཤ་རློན་པ་བྱུང་ན་བུལ་བ་ཡིན་ཏེ་སྒྲུབ་པ་བསྐྱར༔ ཤ་བཙོས་མ་བྱུང་ན་ཅུང་ཟད་མྱུར༔ ཤ་ཙམ་དང་རུས་པ་བརྡུང་བ་དང་༔ པགས་པ་མཉེ་བ་དང་༔ དགྲ་བོའི་བླ་སྐད་ཙེ་རེ་རེ་བྱུང་ན་གང་གིས་མི་བཟློག་མྱུར་དུ་སོད་པའི་རྟགས་ཡིན༔ རྟགས་མཚན་དེ་རྣམས་རབ་ལ་དངོས་སུ་འབྱུང་༔ འབྲིང་ལ་ཉམས་སྣང་དུ་འབྱུང་༔ ཐ་མ་རྨི་ལམ་དུ་འབྱུང་སྟེ་ཤེས་པར་མཛོད༔ དེ་ཚེ་ལིང་ག་གཏུན་དུ་བརྡུང་ནས་སྐྱེར་ཚེར་གྱི་ཤིང་གི་ཧོམ་བརྩིགས་པའི་ཐབ་ཏུ་སྔགས་སྲུང་མའི་ལས་གཞུང་བསྲང་མཐར་སྔགས་འདི་བརྗོད་ནས་ཕུལ༔ ཧཱུྃ་མ་མ་ཨེ་ཀ་ཙ་ཏི་ཏྲག་རཀྴ་རུ་ལུ་རུ་ལུ་མ་མ་དགྲ་བོའི་མ་ཧཱ་མཱཾ་ས་རཀྟ་ཙིཏྟ་ལ་ཁཱ་ཧི༔ ཞེས་བརྒྱ་རྩ་བཟླས་ཏེ་ཕུལ་བའི་ཐལ་བ་རྣམས་བག་ཟན་དང་བསྲེས་ཏེ་ཉ་བོ་གཉིས་བྱས་པ་གཅིག་གཏོར་མ་ལ་བསྟབ༔ གཅིག་མནན་པ་བྱའོ༔ དེ་ཡིས་དགྲ་བོ་མི་འགྱང་མྱུར་དུ་འཆི་ངེས་པ་ཡིན༔ རིག་འཛིན་པད་འབྱུང་བདུད་འདུལ་རྡོ་རྗེ་ཡིས༔ སྣང་སྟོང་སྒྱུ་མ་ལྟ་བུའི་སྐུ་ངོམས་ནས༔ སྙིང་དང་སྲོག་ལས་གཅེས་པའི་མན་ངག་འདི༔ ང་སྤྲུལ་སྐྱེས་མཆོག་དམ་པ་ཁྱོད་ཉིད་ལ༔ བསྟན་དགྲ་སྒྲོལ་བའི་མཚོན་ཆར་ཁྱོད་ལ་གཏད༔ ཚངས་པའི་ཚེ་དང་ ཕ༔ ལྡན་ཡང་འཇིགས་པར་བྱེད༔ མན་ངག་འདི་འདྲ་སྲིད་པའི་ཁམས་ན་དཀོན༔ བདེན་རྫུན་ལག་ཏུ་ལོངས་དང་ངེས་པར་གསལ༔ མན་ངག་རྒྱབ་ཁལ་གཅིག་ལས་འདི་ལྷག་སྟེ༔ བླ་མ་རིག་འཛིན་རྒྱལ་བའི་དགོངས་པས་བརླབས༔ ཡི་དམ་མཁའ་འགྲོའི་ནུས་མཐུ་བཅུད་དུ་དྲིལ༔ བཀའ་སྲུང་དྲེགས་པ་ཡོངས་ཀྱི་སྲོག་རྩ་ཡིན༔ གཞན་ལ་མ་སྤེལ་སྙིང་ལས་གཅེས་པར་ཟུངས༔ བཀའ་འདི་གཟའ་བདུད་རྒྱལ་པོ་ཁྱོད་ལ་བཅོལ༔ ཐུབ་པར་སྲུངས་ཤིག་བཛྲ་ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་རང་གི་བུ་སློབ་དམ་པ་བློ་གྲོས་དབང་པོས་ནན་དུ་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ། །དགེའོ །