Tibetan
གར་སྒྱུ་མའི་འཆར་སྣང་མི་བསྐྱོད་རྡོ་རྗེའོ། །དགེའོ། །དགེའོ། །དགེའོ། །སརྦ་མངྒ་ལཾ།། ས ཐོ།༔ ཟབ་གསང་མཁའ་འགྲོའི་སྙིང་ཐིག་ལས༔ དྲང་སྲོང་གཟའ་བདུད་རླུང་ཞོན་ནག་པོའི་རྦད་པ་གནམ་ལྕགས་ཐོག་མདའ་བཞུགས་སོ༔ ན་མོ་གུ་རུ་བཛྲ་པ་ཎི་ཡེ༔ བྷ།ནབྲ་སརྠ༔ རང་ཉིད་ལྷ་ཡི་ང་རྒྱལ་དང་ལྡན་པས༔ རྦད་པ་གནམ་ལྕགས་ཐོག་མདའ་འདི་བརྗོད་བྱ༔ ཧཱུྃ་ཀྵ༔ ནམ་མཁའ་ཡངས་པའི་ཀློང་དཀྱིལ་ནས༔ རླུང་གི་འཁོར་ལོའི་རྩིབས་བརྒྱད་སྟེང་༔ ཕྱག་ན་རྡོ་རྗེའི་བཀའ་ཉན་ཅིང་༔ གསང་ཆེན་བསྟན་པའི་བྱ་ར་བ༔ མཐུ་སྟོབས་མངའ་བདག་རཱ་ཧུ་ལ༔ ཁྱེད་ཀྱི་དམ་ཚིག་དུས་ལ་བབ༔ རྦད་དོ་བསྟན་པའི་དགྲ་ལ་རྦད༔ ཆོས་ཤིག་སྡང་བའི་དགྲ་ལ་ཆོས༔ དགྲ་ཡུལ་ཐན་གྱིས་གང་བར་གྱིས༔ ཛཿ རྩུབ་འགྱུར་ཚལ་གྱི་དུར་ཁྲོད་དུ༔ ཨེ་ཀ་ཛ་ཏིའི་བཀའ་ཉན་ཅིང་༔ རྫོགས་ཆེན་བསྟན་པའི་སྲུང་མ་ཆེ༔ སྡེ་བརྒྱད་འདུས་པའི་དྲག་རྩལ་ཅན༔ རྦད་དོ་དམ་ཚིག་གཉན་གྱིས་རྦད༔ མཐུ་རྩལ་དྲག་པོའི་སྟོབས་ཤུགས་བསྐྱེད༔ ཆོས་ཤིག་བརྣག་པའི་དགྲ་ལ་ཆོས༔ ལྟས་ངན་ཕུང་འགྱེད་དགྲ་ལ་ཐོངས༔ ཛཿ ཁྲག་ཞག་རྦ་ཀློང་འཁྲུགས་པ་ཡི༔ དུག་གི་རྒྱ་མཚོ་ཆེན་པོའི་ཀློང་༔ པདྨ་འབྱུང་གནས་བཀའ་ཉན་ཅིང་༔ ཟབ་གསང་གཉན་གྱི་སྲུང་མ་ཆེ༔ གཟའ་བདུད་དུག་གི་སྤུ་གྲི་ཁྱོད༔ ལྷ་སྲིན་དྲེགས་པའི་སྡེ་ ཚོགས་དང་༔ སྣང་སྲིད་ལྷ་འདྲེའི་དཔུང་དང་བཅས༔ རྦད་དོ་དམ་ཚིག་གཉན་གྱིས་རྦད༔ ཆོས་ཆོས་སྡང་བའི་དགྲ་ལ་ཆོས༔ ཡིད་ལ་བརྣག་པའི་དགྲ་བོ་ལ༔ མི་སྡུག་རྟགས་དང་ཆོ་འཕྲུལ་སྟོན༔ བདག་ནི་རྣལ་འབྱོར་སྒྲུབ་པ་པོས༔ གསང་སྔགས་ཟབ་མོ་ལྷུར་ལེན་ཅིང་༔ དམ་ཚིག་གཉན་པོ་དཔང་བཙུག་ནས༔ གྲོགས་སུ་བསྟན་སྲུང་ཁྱོད་བསྟེན་གྱིས༔ རྦད་པའི་ལས་ལ་རྩལ་མ་ཞན༔ དོ་ནུབ་བརྣག་པའི་དགྲ་བོ་ལ༔ མངོན་སྤྱོད་དྲག་པོའི་ལས་མཛོད་ཅིག༔ ཧཱུྃ་ཛཿ གཟའ་བདུད་འཁོར་བཅས་དགོངས་སུ་གསོལ༔ དམ་ཚིག་གཉན་པོ་དྲན་མཛོད ཅིག༔ དང་པོ་སྤྱི་དཔལ་ཆེན་པོའི་བཀའ༔ བར་དུ་ཕྱག་ན་རྡོ་རྗེའི་དམ༔ ཐ་མ་རིག་འཛིན་བརྒྱུད་པའི་ཚིག༔ རྣལ་འབྱོར་བདག་གི་དཔང་དུ་བཙུག༔ བསྟན་སྲུང་གཉན་པོ་བསྒྲུབ་པའི གཏའ༔ མ་འདའ་མ་གཡེལ་མ་འགྱང་བར༔ མྱུར་མགྱོགས་མཐུ་དང་རྩལ་ཤུགས་ཕྱུངས༔ སྡང་བའི་དགྲ་ལ་དྲག་ཏུ་རྒྱུག༔ ཛཿ གཟའ་མཆོག་ཆེན་པོ་དགྲ་ལ་རྦད༔ ཁ་རླངས་དུག་གི་སྤུ་གྲིས་ཐོབས༔ ཟོར་སྲིན་དཀར་མོ་དགྲ་ལ་རྦད༔ བམ་སྲིན་ནག་མོ་དགྲ་ལ་རྦད༔ ཀོང་སྲིན་ཆེན་མོ་དགྲ་ལ་རྦད༔ འབྲོག་སྲིན་རྒྱལ་མོ་དགྲ་ལ་རྦད༔ སྤྲུལ་པའི་གཟའ་བརྒྱད་དགྲ ཏུ། ཐོ།༔ ལ་རྦད༔ རྒྱུ་སྐར་ཉེར་བརྒྱད་དགྲ་ལ་རྦད༔ ལྷ་སྲིན་སྡེ་བརྒྱད་དགྲ་ལ་རྦད༔ སྣང་སྲིད་ལྷ་འདྲེ་དགྲ་ལ་རྦད༔ ནད་མུག་མཚོན་འཁྲུགས་སྣ་ཚོགས་ཐོངས༔ ནང་འཁྲུགས་ཕུང་འགྱེད་བྱེད་དུ་ཆུག༔ འབྱུང་བ་བཞི་ཡིས་འཇིགས་པ་ཕོབས༔ ཐན་དང་ལྟས་ངན་ཡེ་འདྲོག་སོགས༔ མི་སྡུག་རྟགས་དང་ཆོ་འཕྲུལ་སྟོན༔ བཟླས་པ་སྔགས་ཀྱིས་དྲག ཏུ་རྦད༔༷ ཆོས་ཉིད་བདེན་པ་མ་བསླུ་ཞིག༔ རྒྱུ་འབྲས་ཟབ་མོ་ཆུད་མ་ཟ༔ རྣལ་འབྱོར་བདག་ཀྱང་ཡི་མ་བཅད༔ དམ་ཅན་སྲུང་མ་དམ་ལ་འདུས༔ མ་གཡེལ་མ་འགྱངས་མཐུ་རྩལ་ཕྱུངས༔ བཅོལ་བའི་ཕྲིན་ལས་མྱུར་འགྲུབ་མཛོད༔ ཨོཾ་ནཱ་ག་རཀྵ་རཱ་ཧུ་ལ་ཏྲི་དུ་མ་བྷྱོ༔ ས་མ་ཡ་དགྲ་ལ་རྦད༔ འདི་ནི་གནད་ཀྱི་ཡང་ཞུན་དམ་པ་ཡིན༔ མི་ཚིག་དག་གིས་བར་མ་ཆོད་པ་དང་༔ སྟན་གྱི་དྲོད་མི་ཉམས་པར་བཟླ་བར་བྱ༔ རྦད་རྟགས་མ་བྱུང་བར་དུ་དེ་ཁོ་ནའོཿ བཀའ་སྲུང་ཁྱབ་འཇུག་ཆེན་པོས་སྲུངས༔ དམ་ཉམས་ལག་ཏུ་ཤོར་ར་རེ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ནི་ཁྲག་འཐུང་རྡོ་རྗེ་གྲོ་ལོད་རྩལ་གྱིས་གཏེར་ནས་བཏོན་ཏེ་གཏན་ལ་ཕབ་པའི་ཡི་གེ་པ་ནི་མི་བསྐྱོད་ནམ་མཁའི་རྡོ་རྗེའོ། །དགེའོ །དགེའོ། །དགེའོ། །སརྦ་མངྒ་ལཾ།། །། TI1609 - 041 T11609 - 042 ཐ།༔ ཟབ་གསང་མཁའ་འགྲོའི་སྙིང་ཐིག་ལས༔ གཟའ་བདུད་ནག་པོའི་ལས་རྦད་རེག་ཕུང་གནམ་ལྕགས་འཁོར་ལོ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ར།བྷ་བླརྣ།གག་བཾཤཤ༔ བསྐལ་པ་རྩུབ་འགྱུར་ཡང་མཐའི་དུས༔ པདྨའི་བརྒྱུད་འཛིན་སྐྱེས་བུ་ལ༔ མི་སྲུན་སྨོན་ལོག་དགྲ་བྱུང་ཚེ༔ རེག་ཕུང་གནམ་ལྕགས་འཁོར་ལོ་འདི༔ ལག་ཏུ་བླངས་པས་དགྲ་སྡེའི་དཔུང་༔ འབྲུ་དྲུག་སེར་བས་བཅོམ་བཞིན་བརླག༔ དེ་ཕྱིར་དུག་ཁྲག་བྲི་རྫས་བསགས༔ དུག་ཤོག་ངོས་འཇམ་བཞིན་དཀར་ལ༔ མུ་ཁྱུད་རིམ་པ་བཞི་རུ་བསྐོར༔ དབུས་ཀྱི་ལྟེ་བ་ཁྱོན་ཡངས་པར༔ གཟའ་བདུད་ནག་པོའི་སྐུ་བྲིས་ལ༔ ཐུགས་ཀར་ཀླུཿ དང་ར་ཡིག་བྲིས༔ དེ་ཡི་ཕྱི་རིམ་མུ་ཁྱུད་ལ༔ ཧྲཱིཿ ཤག་རུ་རག་རཾ་ནཱ་གེ་ཙིཏྟ་ཏྲཾ་མ་མ་ཡཾ་ཟ་འགྲམ་ཧ་ཧེ་ཡོ་གི་ཤ་ལ་ཛ་ཛཿ རཱ་ཧུ་ལ་ར་ཙ་དགྲ་ལ་རྒྱུག་རྒྱུག༔ དེ་ཡི་ཕྱི་རིམ་མུ་ཁྱུད་ལ༔ ཧེ་ཏྲི་ས་ལ་རཱ་ཧུ་ལ་པྲ་མ་རཀྴ་དགྲ་ལ་ཛ་ཛཿ རྒྱུག་རྒྱུག༔ མ་ཧཱ་དུ་ན་རཀྴ་དགྲ་ལ་ཛ་ཛཿ རྒྱུག་རྒྱུག༔ པྲ་མ་རཀྵ་དགྲ་ལ་ཛ་ཛཿ རྒྱུག་རྒྱུག༔ སྲིང་སྲིང་རཱ་ཧུ་ལ་དྲིག་དྲིག་དགྲ་བོའི་སྲོག་སྙིང་ཁྱེར་ལ་ཤོག༔ དེ་ཡི་ཕྱི་རིམ་འཁོར་ལོ་རྩིབས་བརྒྱད་ལ་གཟའ་བརྒྱད་ཀྱི་གཟུགས་བྲིས་པའི་སྙིང་གར་རིམ་པ་བཞིན་འདི་བྲི༔ མ་རག་མོ་པི་ཧཱུྃ་དགྲ་བོ་ཆེ་གེ་མཱ་ར་ཡ་སོད་སོད༔ རྩ་སེར་པ་ལ་ཧཱུྃ་དགྲ་བོ་ཆེ་གེ་མཱ་ར་ཡ་སོད་སོད༔ དུ་རཾ་ཧཱུྃ་དགྲ་བོ་སོགས༔ རཀྴ་ཏྲི་པ་ཧཱུྃ་དགྲ T11609 - 043 བོ་སོགས༔ ཨ་ཏྲི་ར་ཏྲི་ཧཱུྃ་དགྲ་བོ་སོགས༔ ཡུ་མ་སན་མཾ་ཧཱུྃ་དགྲ་བོ་སོགས༔ ནཱ་ག་ཤྀ་རི་ཧཱུྃ་དགྲ་བོ་སོགས༔ ཤ་ཨ་སན་ཏྲི་ཧཱུྃ་དགྲ་བོ་ཆེ་གེ་མཱ་ར་ཡ་སོད་སོད༔ རྩིབས་མཆན་བརྒྱད་ལ༔ ཛཿབརྒྱད་བཀོད༔ དེ་ཡི་ཕྱི་རིམ་མུ་ཁྱུད་ལ༔ གཟའ་བདུད་དུག་གི་སྤུ་གྲི་སྤྲུལ་པའི་གཟའ་ཆེན་རྣམ་བརྒྱད་འཁོར་དང་བཅས་པས་དགྲ་བོ་ཆེ་གེ་མོའི་བུ་ཕོ་རྒྱུད་བུ་མོ་མོ་རྒྱུད་མཐའ་རྩ་སྐྱེ་རྒྱུད་དང་བཅས་པ་ཐམས་ཅད་མེ་སྟག་ཆུ་ཡིས་བསད་པ་བཞིན་དུ་ཐོངས་ཤིག༔ ནཱ་ག་རཀྵ་རཱ་ཧུ་ལ་ས་མ་ཡ་ཆོ་ཆོ་རྒྱུག་རྒྱུག༔ བྷྱོ་བྷྱོ༔ ཡུམ་འཁོར་ལ། ཡུམ་གནམ་སྨན་རྒྱལ་མོ་སྤྲུལ་པ་གདོང་མོ་བཞི་ཡང་སྤྲུལ་མ་བདུད་བྱེ་བ་འབུམ་སྡེ་དང་བཅས་པའི་སོགས། མཆན། ནཱ་ག་རཀྵ་རཱ་ཧུ་ལ་ས་མ་ཡ་ཆོ་ཆོ་རྒྱུག་རྒྱག༔ བྷྱོ་བྷྱོ༔ ཞེས་བྲིས་ཡབ་འཁོར་ཡིག་མགོ་ནང་བསྟན་སྦུབས༔ ༈ ཡུམ་འཁོར་ལའང་རྩིབས་མུ་ཁྱུད༔ གོང་དང་མཚུངས་བྱས་ལྟེ་བ་རུ༔ མ་མོ་གདོང་མོ་བཞི་ཞགས་པ་དང་༔ ནད་རྐྱལ་འཛིན་པ་ལྟེ་བར་བྲིས༔ སྙིང་གར་མ་བྷྱོ་ཛ་ཏྲི་བྲིས༔ མུ་ཁྱུད་དང་པོར་གོང་བཞིན་རྦད་སྔགས་དང་༔ གཉིས་པར་གཉིས་བརྒྱད་སྤྱི་སྔགས་ཤམ་ཅན་བྲིས༔ རྩིབས་ལ་སྡེ་བརྒྱད་གཟུགས་བྲིས་སྙིང་གར་རིམ་པ་བཞིན༔ ཨཿམ་ཧཱ་དེ༷་ཝ་དགྲ་ལ་རྦད༔ ཡཿཡ་མ་ར་ཙ་དགྲ་ལ་རྦད༔ མཿརེ་མ་ཏཱི་དགྲ་ལ་རྦད༔ དུཿཔྲ་མ་ནི་དགྲ་ལ་རྦདཿ རུཿནཱ་ག་ཙནྟི་དགྲ་ལ་རྦད༔ ཐ།༔ ཙཿ ར་ཙ་ཀི་ཀ་ར་དགྲ་ལ་རྦད༔ ཤཿ ཀཱ་ལ་ཡཀྴ་དགྲ་ལ་རྦད༔ ནཿ ནཱ་ག་ར་ཙ་དགྲ་ལ་རྦད༔ རྩིབས་མཆན་བརྒྱད་ལ་བྷྱོཿ བརྒྱད་བཀོད༔ ཡུམ་འཁོར་ཡིག་མགོ་ཕྱིར་བསྟན་བྲིས༔ བར་དུ་ཟ་སྐལ་གཏད་པ་ལ༔ རྩིབས་ལ་མུ་ཁྱུད་གོང་དང་མཚུངས༔ དབུས་སུ་ལིདྒ་མིང་རུས་བྲིའོ༔ ཕྱི་རིམ་མུ་ཁྱུད་དང་པོ་ལ༔ ནཱ་ག་རཀྵ་རཱ་ཧུ་ལ༔ མཐར་བླ་འགུགས་སྔགས་བྲིས༔ གཉིས་པ་ལ་མིང་རུས་ལོ་གང་ཤེས་བྲིས་མཐར༔ བླ་ཚེ་རྣམ་པར་ཤེས་པ་ཁུག་ཛཿ བྲིས༔ རྩིབས་བརྒྱད་ལ་ལིངྒ་མིང་རུས་སྲོག་ཚང་བརྒྱད༔ མཆན་ལ་རྦད་སོད༔ ཅེས་བྲིས༔ ཕྱི་རིམ་དམོད་པ་གང་དྲན་བྲིས༔ ངོས་གཉིས་ལ་ནི་དེ་བཞིན་དུ༔ ཡིག་མགོ་ཕྱི་དང་ནང་དུ་བསྟན༔ སྟེང་དུ་གནམ་འཁོར་མུ་ཁྱུད་བཞིའི༔ དབུས་སུ་ཧཱུྃ་ཡིག་བྲིས་པ་དང་༔ མུ་ཁྱུད་རིམ་པ་གསུམ་པོ་ལ༔ བདེ་གཤེགས་འདུས་པའི་སྔགས་གསུམ་བཀོད༔ ཕྱི་རིམ་འཁོར་ལོ་རྩིབས་བརྒྱད་བཀོད༔ རྩིབས་ལ་རྦད་བྷྱོ་བྲིས༔ མཆན་ལ་དགྲ་བོ་ཧུར་ཐུམ་སོད༔ ཅེས་བྲིས༔ འོག་ཏུ་ཡང་ན་མུ་ཁྱུད་གྲངས༔ གོང་བཞིན་བཀོད་ནས་ལྟེ་བ་རུ༔ སུཾཿ ཡིག་བྲིས་མཐར་རླུང་རིས་བསྐོར༔ དེ་ཡི་ཕྱི་རིམ་མུ་ཁྱུད་ལ༔ ཨཿཡཿམ དུཿ རུཿ ཙཿ ཤཿནཿ ས་མ་ཡ་དགྲ་བོ་ཆེ་གེ མོའི་བླ་ཚེ་སྲོག་གསུམ་མཱ་ར་ཡ་རྦད་རྦད་ཧུར་ཐུམ་རྦད༔ དེ་ཡི་ཕྱི་རིམ་མུ་ཁྱུད་གཉིས་པ་ལ་གཟའ་བདུད་ནག་པོའི་འབོད་རྦད་བསད་སྔགས་བྲིས༔ ཕྱི་རིམ་འདབ་བརྒྱད་ལ༔ ནཱ་ག་ར་ཙ་དགྲ་བོ་ཧུར་ཐུམ་སོད༔ བྲི༔ མཆན་བརྒྱད་ལ༔ རྦད་བྷྱོ་ཕཊ༔ བྲི༔ དེ་དག་རྩིབས་དང་མུ་ཁྱུད་གཅིག་ཐོག་ཏུ་གཅིག་སོང་བར་བྱ་བ་གནད་དོ༔ གཟའ་འཁོར་སྒྲུབ་རྟེན་དུ་བཙུག༔ ལིངྒ་ལ་བདེན་བརྗོད་ཀྱི་འགུགས་གཞུག་དང་བླ་འགུགས་སྔགས་ཅི་མང་བརྗོད་དོ༔ འཛུག་ཚེ་རྦད་བསྐུལ་དྲག་པོ་བྱ༔ རླུང་གི་ལྷ་ལ་ལས་ཀྱང་བཅོལ༔ དེ་ཡིས་དགྲ་ནི་གང་ཡིན་ཀྱང་༔ རིང་པོར་མི་ཐོགས་མྱུར་དུ་བརླག༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་རང་སློབ་དམ་པ་དགེ་ལེགས་དཔལ་བཟང་པོས་ནན་དུ་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ། །དགེའོ། །དགེའོ། །སརྦ་མངྒ་ལཾ།། ༅ = T11609 - 046 ཐོ།༔ ཟབ་གསང་མཁའ་འགྲོའི་སྙིང་ཐིག་ལས༔ གཟའ་བདུད་ནག་པོའི་སྲོག་འཁོར་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཤུགདྡྷདྷྱཧྱཾ༔ གཟའ་བདུད་ནག་པོ་སྒྲུབ་པའི་བུས༔ མི་འབྲལ་གྲིབ་བཞིན་འགྲོགས་པའི་ཕྱིར༔ བླ་རྡོ་སྲོག་གི་འཁོར་ལོ་བཅང་༔ འདི་ཡི་ལག་ལེན་རིམ་པ་ནི༔ རྒྱ་ཤོག་དཀར་པོ་དྲི་མེད་ལ༔ མུ་ཁྱུད་རིམ་པ་བཞི་རུ་བསྐོར༔ དབུས་ཀྱི་ལྟེ་བ་ཁྱོན་ཡངས་པར༔ གཟའ་བདུད་ནག་པོ་གཞུང་བཞིན་བྲིས༔ དེ་ལ་མཐིང་གི་ཁུ་བ་བྱུག༔ ནམ་མཁའི་བྱ་རོག་ནག་པོའི་མཆུ༔ བར་སྣང་ར་ཡི་མཆིན་པ་དང་༔ ས་འོག་དུག་སྦྲུལ་མཇུག་མ་རྣམས༔ སྟོད་སྨད་སྐེད་ཆར་རིམ་བཞིན་བྱུག༔ དེའི་ཕྱི་རིམ་མུ་ཁྱུད་ལ༔ ནཱ་ག་རཀྵ་རཱ་ཧུ་ལ་ཧཱུྃ་ཛཿ ནཱ་ག་རཀྵ་རཱ་ཧུ་ལ་ས་མ་ཡ༔ གཟའ་བདུད་ནག་པོའི་སྲོག་ཆགས་པར་གྱུར་ཅིག༔ བླ་གནས་པར་གྱུར་ཅིག༔ སརྦ་ས་མ་ཡ་སྟྭཾ༔ དེ་ཡི་ཕྱི་རིམ་པདྨ་འདབ་བཞི་ལ༔ མ་བྷྱོ་ཛ་ཧྲཱི༔ དེ་ཡི་ཕྱི་རིམ་འཁོར་ལོ་རྩིབས་བརྒྱད་ལ༔ ཨེ་རཾ་བཾ་ཁཾ་ཡྃ་སུཾ་སུ༔ དེ་མཐར་ཐིག་ལེ་ཉེར་བརྒྱད་བྲིས༔ མཚམས་བཞིར་མིག་བརྒྱད་བྲི་བར་བྱ༔ དེ་ཡི་ཕྱི་རིམ་མུ་ཁྱུད་ལ༔ ནཱ་ག་རཀྵ་རཱ་ཧུ་ལ་ཧ་ལ་ཧ་ལ་དགྲ་ལ་རྦད༔ ནཱ་ག་རཀྴ་རཱ་ཧུ་ལ་ཧ་ལ་ཧ་ལ་དགྲ་བོ་ཧུར་ཐུམ་སོད༔ མ་མ་རཀློ་ཐུན་ཐུན་བྷྱོ༔ ཨཿ ཡཿ མཿ དུཿ རུཿ ཙཿ ཤཿ ནཿ དགྲ་བོའི་སྲོག་ལ་ཧུར་ཐུམ་རྦད༔ སརྦ་ངྷརྨ་པཱ་ལ་སརྦ་ཀྵེ་ཊ་པཱ་ལ་སརྦ་ལོ་ཀ་པཱ T11609 - 047 ལ༔ སརྦ་ས་མ་ཡ༔ འཆང་བ་པོ་ལ་སྐད་ཅིག་འབྲལ་བ་མེད་པར་སྲུང་བ་དང་བསྐྱབ་པ་དང་སྦ་བར་མཛད་དུ་གསོལ༔ ཅེས་བྲིས༔ དེ་མཐར་ཤར་དུ་ཆུ་རིས་བྲིས༔ ལྷོ་རུ་རི་རབ་བྲིས༔ ནུབ་ཏུ་མེ་རི་བྲིས༔ བྱང་དུ་རླུང་རིས་བྲིས༔ རྫས་ནི་རིན་ཆེན་རྣམ་བཞི་དང་༔ བདུད་རྩི་སྨན་གྱི་ཕྱེ་མ་བྱུགས༔ ལས་གཞུང་བསྲང་ཞིང་རྩ་སྔགས་ཀྱིས༔ ཡང་ཡང་འགུགས་བསྟིམ་རབ་གནས་བྱ༔ གཟུགས་མི་བཅག་པར་ལྟེབ་བྱས་ནས༔ དར་ནག་གིས་དྲིལ་རྟེན་དུ་བཙུགས༔ རྟག་ཏུ་མི་འབྲལ་བཅང་བར་བྱ༔ འདི་འཆང་སྒྲུབ་པའི་སྐལ་ལྡན་ལ༔ ལུས་དང་གྲིབ་བཞིན་འབྲལ་མེད་འཁོར༔ ཕྲིན་ལས་རབ་འབྱམས་ཐོགས་མེད་བསྒྲུབ༔ བཀའ་སྲུང་ཁྱབ་འཇུག་ཆེན་པོས་སྲུངས༔ དམ་ཉམས་ལག་ཏུ་ཤོར་ར་རེ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་རིག་འཛིན་ཀུན་བཟང་བདེ་ཆེན་རྡོ་རྗེས་བསྐུལ་ངོར་ཁྲག་འཐུང་རྡོ་རྗེ་ཁྲོ་ལོད་རྩལ་གྱིས་ཡེ་ཤེས་མཁའ་འགྲོའི་བརྡ་རིས་ལས་དག་པར་ཕབ་པའོ། །དགེའོ །དགེའོ །དགེའོ། །ལེགས་སོ། །སརྦ་མངྒ་ལཾ།། །། ༄༅། །ཟབ་གསང་མཁའ་འགྲོའི་སྙིང་ཐིག་ལས༔ དྲང་སྲོང་གཟའ་མཆོག་ཆེན་པོའི་བརྟན་བཞུགས་ནི༔ ན་མོ་གུ་རུ་ཝེ༔ ར་ཐ༔ ཆོས་སྐྱོང་བསྒྲུབ་པ་ནམ་བྱས་དུས༔ རྟེན་ལ་རྟེན་དབབ་གལ་ཆེ་སྟེ༔ དེ་ཕྱིར་འདི་ལ་གཅེས་པར་ཟུངས༔ ས་མ་ཡ༔ ཀྱེེ༔ གསང་སྔགས་བཀའ་ཡི་སྲུང་མ་ཆེ༔ དྲང་སྲོང་གཟའ་མཆོག་རཱ་ཧུ་ལ༔ དེ་རིང་བདག་གིས་སྲུང་མར་གསོལ༔ དད་དང་དམ་ཚིག་གཉན གྱིས་འབོད༔ མ་ཐོགས་གནས་འདིར་གཤེགས་ནས་ཀྱང་༔ འདོད་ཡོན་ལྔ་ཡི་མཆོད་པ་འབུལ༔ ནམ་ཡང་མི་འདའ་ཕོ་ཉར་བཞུགས༔ བླ་རྡོ་སྲོག་འཁོར་འདི་ཉིད་ལ༔ གཉིས་སུ་མེད་པར་བཞུགས་སུ་གསོལ༔ དར་དང་བྲིས་སྐུ་འབུར་གཟུགས་སོགས༔ རྟེན་ལ་འཁོར་ཞིང་བརྟན་པར་བཞུགས༔ འཁུ་ལྡོག་གདུག་རྩུབ་མ་མཛད་ཅིག༔ བུ་གཅིག་མ་བཞིན་བརྩེ་བར་མཛོད༔ བདག་ལ་སྡང་བའི་དགྲ་བོ་དང་༔ བསྒྲལ་བའི་ཞིང་དུ་གྱུར་པ་རྣམས༔ འབངས་སྡེ་འཁོར་གཡོག་ཡིན་ཡང་རུང་༔ ལོ་ཟླར་མ་བཞག་ཧུར་ཐུམ་སོད༔ མེ་སྟག་ཆུ་ཡིས་བསད བཞིན་ཐོངས༔ མ་གཡེལ་མ་འགྱང་ས་མ་ཡ༔ བདུད་འཇོམས་པས་སོ།། ། T1609 - 050 ཐ།༔ ཟབ་གསང་མཁའ་འགྲོའི་སྙིང་ཐིག་ལས༔ གཟའ་རྒོད་སྒྲུབ་པའི་ཆ་ལག་རང་སྲུང་རྡོ་རྗེའི་གོ་ཁྲབ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ གཟའ་བདུད་ནག་པོ་སྒྲུབ་པའི་ཚེ༔ རང་སྲུང་ཟབ་མོ་འདི་མེད་ན༔ འདི་ནི་ཤིན་ཏུ་མི་སྲུན་པ༔ གྲིབ་དང་ཟིལ་གྱིས་གནོད་འབྱུང་སྲིད༔ དེ་ཕྱིར་འདི་ལ་བརྩོན་པར་མཛོད༔ རང་ཉིད་ཡི་དམ་གནས་སུ་གྱུར་པ་ལས་དཔལ་གསང་བའི་བདག་པོ་ཕྱག་ན་རྡོ་རྗེ་སྐུ་མདོག་མཐིང་ནག་ཞལ་གཅིག་ཕྱག་གཉིས་གཡས་པ་གནམ་ལྕགས་ཀྱི་རྡོ་རྗེ་གསོར་ཞིང་གཡོན་པས་སྦྲུལ་གྱི་ཞགས་པ་བསྣམས་ཤིང་ཞབས་གཉིས་སྡེ་བརྒྱད་ཕོ་མོའི་གདན་ལ་འགྱིང་བ་ཁྲོ་གཏུམ་རྔམས་བརྗིད་འབར་བའི་ཉམས་དང་ལྡན་པའི་ཐུགས་ཀར་རྡོ་རྗེ་སྔོན་པོའི་ལྟེ་བར་ཉི་ཟླའི་གྭའུ་ཁ་སྦྱོར་བའི་ནང་དུ་ཧཱུྃ་མཐིང་ནག་ལ་སྔགས་ཀྱིས་བསྐོར་བར་བསྒོམ༔ ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ༔ ཅེས་གསལ་བའི་ངང་ནས་བརྒྱ་རྩ་བརྗོད་མཐར༔ དཔལ་གསང་བའི་བདག་པོ་གནས་སུ་གྱུར་པ་ལས་རང་ཉིད་ཡེ་ཤེས་པའི་གཟའ་བདུད་ནག་པོ་སྐུ་མདོག་མཐིང་ག་དབུ་དགུའི་སྟེང་དུ་བྱ་རོག་གི་གདོང་ནག་པོས་ཤ་སྐད་སྒྲོགས་པ༔ དབུ་རེ་རེ་ལ་སྤྱན་གསུམ་གསུམ་ཡོད་པ༔ ཞལ་གདངས་ཤིང་ལྗགས་འདྲིལ་བ་རྣོ་དབལ་གྱི་མཆེ་བ་གཙིགས་པ༔ སྨ་ར་ལས་མེ་ཡི་ཚྭ་ཚྭ་འཕྲོ་ཞིང་སྨིན་མར་གློག་འཁྱུག པ༔ དབུ་སྐྲ་དམར་སེར་སྲིད་པའི་རྩེ་རུ་མེ་ལྟར་དུ་འབར་བ་སྐུ་སྨད་སྦྲུལ་དུ་འཁྱིལ་བ་ཕྱག་བཞི་གཡས་ཀྱི་དང་པོ་ན་རལ་གྲི་མེ་འབར་བ་བསྣམས་ཤིང་དགྲ་བགེགས་གདུག་པ་ཅན་གྱི་མགོ་བོ་ཚལ་པ་བརྒྱ་རུ་འགེམ་ཞིང་ལུས་དུམ་བུར་གཏུབས་པ༔ གཡོན་གྱི་དང་པོ་ན་ཆུ་སྲིན་གྱི་རྒྱལ་མཚན་དང་སྦྲུལ་ཞགས་བསྣམས་པ་ཐ་མ་གཉིས་ཀྱིས་མདའ་གཞུ་འགེང་ཞིང་ཡན་ལག་ལ་སྦྲུལ་གྱི་ཆུན་པོས་བརྒྱན་པ༔ མགོ་ལུས་མེད་པར་མིག་གིས་གང་ཞིང་དུག་རླངས་འཕྲོས་པས་དགྲ་བགེགས་གནོད་བྱེད་ཐམས་ཅད་ཧུར་ཐུམ་དུ་གསོད་པའི་ནུས་པ་དང་ལྡན་པར་བསྒོམ༔ ཐུགས་ཀར་དུས་གསུམ་གྱི་རྒྱལ་བ་ཐམས་ཅད་ཀྱི་སྲོག་གི་ངོ་བོ་ཧཱུྃ་མཐིང་ནག་ལ་སྔགས་ཀྱིས་བསྐོར་བར་བསྒོམ༔ ཨོཾ་ཤྲཱི་མ་ཧཱ་ཀཱ་ལ་རཀྵ་རཱ་ཧུ་ལ་ཧཱུྃ་ཕཊ༔ ཅེས་བརྗོད་པ་ཙམ་གྱིས་འཁོར་འདས་ཡོངས་ཀྱི་ནུས་བྱིན་ཐམས་ཅད་རྫོགས་པར་བསམ༔ དེ་བརྒྱ་རྩ་བརྗོད་མཐར་མདུན་བསྐྱེད་ལ་འཇུག་གོ༔ དེ་ཡིས་རང་སྲུང་མཆོག་ཏུ་གྱུར༔ བཀའ་སྲུང་གཟའ་མཆོག་རྒྱལ་པོས་སྲུངས༔ དམ་ཉམས་ལག་ཏུ་མ་བཏང་ཞིག༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱཿ གཏད་རྒྱ༔ ཟབ་རྒྱ༔ བརྡ་ཐིམ༔ ཞེས་པ་འདི་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མཐར་རང་སློབ་དགེ་འདུན་རྒྱ་མཚོས་བསྐུལ་བའི་ངོར་གཏན་ལ་ཕབ་པའོ། །དགེའོ།། ། ཁྲོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ དྲང་སྲོང་གཟའ་བདུད་ནག་པོའི་གསོལ་མཆོད་བདུད་རྩིའི་བུམ་བཟང་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཤཛྙརྟ༔ གཟའ་མཆོག་རྒྱལ་པོའི་གསོལ་མཆོད་འདི༔ ལག་ཏུ་ལེན་པའི་རིམ་པ་ནི༔ དམར་གཏོར་ཤ་ཁྲག་འབྲུ་སྣ་དང་༔ ཇ་ཆང་སྐྱེམས་སོགས་འབྱོར་ཚད་བཤམས༔ ཨོཾ་ཨཱཿཧཱུྃ༔ ནམ་མཁའ་མཛོད་ཀྱི་སྔགས་རྒྱས་བརླབས༔ ཧ་ཧོ་ཧྲཱིཿ ཡིས་བྱིན་གྱིས་བརླབ༔ རོལ་མོ་སྣ་ཚོགས་སྒྲ་ལྡན་པས༔ གདུང་བའི་དབྱངས་ཀྱིས་འདི་སྐད་དོ༔ ཧཱུྃ་ཛཿ ང་ནི་དཔལ་ཆེན་ཧེ་རུ་ཀ༔ གསང་བདག་ཕྱག་ན་རྡོ་རྗེ་ཡི༔ ཕྲིན་ལས་ལས་ཀྱི་ཕོ་ཉ་ཡིན༔ ཛཿ ནམ་མཁའི་ཁམས ལ་དབང་ཡང་མཛད༔ བར་སྣང་སྡེ་བརྒྱད་བྲན་དུ་བཀོལ༔ ས་གཞིར་ལྷ་འདྲེའི་རྒྱལ་པོ་མཛད༔ དྲེགས་པའི་རྒྱལ་པོ་རཱ་ཧུ་ལ༔ ཡུམ་བཞི་སྤྲུལ་པའི་གཟའ་ཆེན་བརྒྱད༔ རྒྱུ་སྐར་ཉེར་བརྒྱད་སྡེ་བརྒྱད་ཚོགས༔ མ་ལུས་འཁོར་དང་ཡང་གཡོག་བཅས༔ གསང་བདག་ཕྱག་ན་རྡོ་རྗེ་དང་༔ སློབ་དཔོན་པདྨ་ཐོད་ཕྲེང་གི༔ བཀའ་དང་དམ་ཚིག་གཉན་པོ་ཡིས༔ འབོད་དོ་གནས་འདིར་གཤེགས་སུ་གསོལ༔ སྒྲུབ་པའི་གནས་འདིར་བརྟན་བཞུགས་ནས༔ བདག་དང་དབྱེར་མེད་གྲོགས་མཛོད་ཅིག༔ ཉེར་སྤྱོད་བདུན་དང་འདོད་ཡོན་ལྔ༔ སྨན་གཏོར་རཀྟ གསང་བའི་རྫས༔ ཤ་ཁྲག་དམར་གཏོར་བདུད་རྩི་སྐྱེམས༔ བཟའ་བཏུང་རོ་ལྡན་སྣ་ཚོགས་དང་༔ དར་ནག་རུ་མཚོན་ཕྱར་བ་དང་༔ ར་ཡི་རྒྱལ་མཚན་དར་སྣ་ཚོགས༔ གོ་ཁྲབ་མདའ་མདུང་རལ་གྲི་སོགས༔ མཐུན་རྫས་རྣམ་པ་སྣ་ཚོགས་ཀྱིས༔ དྲང་སྲོང་གཟའ་མཆོག་ཆེན་པོ་མཆོད༔ སྲིན་པོ་རཀྴ་སྟོབས་ལྡན་མཆོད༔ ཀླུ་མོ་ནཱ་ག་མདངས་ལྡན་མཆོད༔ སྡོང་ཟླ་གདོང་མོ་མཆེད་བཞི་མཆོད༔ སྤྲུལ་པའི་གཟའ་ཆེན་རྣམ་བརྒྱད་མཆོད༔ འཁོར་གྱི་རྒྱུ་སྐར་ཉེར་བརྒྱད་མཆོད༔ བྲན་གཡོག་ལྷ་སྲིན་སྡེ་བརྒྱད་མཆོད༔ ཡང་གཡོག་ལྷ་འདྲེའི་དཔུང་ཚོགས་མཆོད༔ གསོལ་ལོ་མཆོད་དོ་ཐུགས་དམ་བསྐང་༔ དབྱེར་མེད་གྲོགས་མཛོད་བསམ་དོན་སྒྲུབས༔ བདག་གི་དཀོར་ནོར་ལོངས་སྤྱོད་སྐྱོངས༔ ཕྱི་ནང་གསང་བའི་བར་ཆད་ཟློག༔ དགྲ་ཇག་ཆོམ་རྐུན་རྒོལ་བ་ཟློག༔ བརྣག་པའི་དགྲ་བོ་རྡུལ་དུ་རློགས༔ བཅོལ་བའི་ཕྲིན་ལས་གྲུབ་པར་མཛོད༔ དམ་ལ་མ་འདའ་ས་མ་ཡ༔ དེ་ཡིས་གཟའ་བདུད་བྲན་འཁོལ་འགྱུར༔ ཡང་ན་འདིས་ཀྱང་བསམ་དོན་འགྲུབ༔ ནམ་མཁའ་མཛོད་ཀྱི་སྔགས་རྒྱས་མཐར༔ ཛཿ ཆེ་མཆོག་ཕྱག་རྡོར་པད་འབྱུང་སོགས༔ རིག་འཛིན་བརྒྱུད་པའི་ཐ་ཚིག་གིས༔ འབོད་དོ་གཟའ་བདུད་ཡུམ་སྤྲུལ་འཁོར༔ ཐ༹ཾ།༔ འདིར་བྱོན་སྐྱེམས་གཏོར་མཐུན་རྫས་རོལ༔ འཁོར་དང་བཅས་པའི་ཐུགས་དམ་བསྐང་༔ རྟེན་འདིར་རྟེན་ཆོས་གྲོགས་མཛོད་ལ༔ བདག་སྲུང་ཕྲིན་ལས་རབ་འབྱམས་སྒྲུབས༔ དགྲ་བགེགས་སྒྲོལ་ཅིག་ས་མ་ཡ༔ གྲངས་ལྡན་ཕུད་སྐོང་དུས་སུ་བྱ༔ ཡང་ན་འདིས་ཀྱང་ཕྲིན་ལས་འགྲུབ༔ ནམ་མཁའ་མཛོད་ཀྱི་སྔགས་རྒྱས་མཐར༔ ཧོཿདགོངས་སུ་གསོལ་ལོ༔ དྲང་སྲོང་གཟའ་བདུད་ནག་པོ༔ སྡོང་ཟླ་གདོང་མོ་མཆེད་བཞི༔ སྤྲུལ་པའི་གཟའ་ཆེན་བརྒྱད༔ རྒྱུ་སྐར་ཉེར་བརྒྱད༔ ལྷ་སྲིན་སྡེ་བརྒྱད༔ སྤྲུལ་འཁོར་བཀའ་སྡོད་དང་བཅས་པ་ཐམས་ཅད་དམ་