Tibetan
འཁོར་དང་བཅས་པའི་སྲོག་གི་སྙིང་པོ་ཡི་གེ་རཿནག་པོར་གྱུར༔ དེ་ལས་འོད་ཟེར་དཔག་ཏུ་མེད་པ་འཕྲོས་པས་དྲང་སྲོང་གཟའ་མཆོག་ཆེན་པོ་སྤྲུལ་འཁོར་བཀའ་སྡོད་དང་བཅས་པ་ཐམས་ཅད་སྣང་སྲིད་གར་བཞུགས་པའི་གནས་ནས་དམ་ཚིག་གི་དབང་གིས་སྤྱན་དྲངས་ཏེ་དགྲ་བོ་འཁོར་དང་བཅས་པ་བྱིའུ་ཆུང་ཁྲས་དེད་པ་ལྟར་བསྡུས་ཏེ་ལིང་ག་ལ་བསྟིམ༔ གཟའ་བདུད་འཁོར་དང་བཅས་པ་རང་རང་གི་སྐུར་གསལ་བ་ལ་ཐིམ་པར་བསམ༔ ཧཱུྃ་ཛཿ དད་པ་དང་ནི་དམ་ཚིག་གིས༔ ཚུར་བྱོན་གཟའ་བདུད་རཱ་ཧུ་ལ༔ སྔོན་གྱི་བསྐལ་པའི་དང་པོ་ལ༔ རི་བོ་མ་ལ་ཡ་ཡི་རྩེར༔ གསང་བདག་ཕྱག་ན་རྡོ་རྗེ་ཡིས༔ བཀའ་དང་དམ་བཞག་དབང་བསྐུར་མཛད༔ དྲེགས་པའི་གཙོ་བོ་རཱ་ཧུ་ལ༔ དམ་ཚིག་དབང་གིས་སྤྱན་འདྲེན་ནོ༔ དགྲ་བགེགས་འགུག་ཅིང་གཤེགས་སུ་གསོལ༔ ཡར་ལུང་ཤེལ་གྱི་བྲག་ཕུག་ཏུ༔ སློབ་དཔོན་པདྨ་ཐོད་ཕྲེང་གིས༔ དམ་བཏགས་དབང་བསྐུར་བཀའ་བསྒོས་པས༔ དམ་ཅན་གཙོ་བོ་རཱ་ཧུ་ལ༔ ཡབ་ཡུབ་སྤྲུལ་འཁོར་བཅས་པ་རྣམས༔ དམ་ཚིག་གཉན་དེས་སྤྱན་འདྲེན་ནོ༔ དགྲ་བོ་ འགུག་ཅིང་འདིར་གཤེགས་ཤིག༔ ཧོཿ དྲང་སྲོང་ཆེན་པོ་དམ་ཚིག་ཅན༔ བདག་ནི་གསང་བདག་པད་འབྱུང་གི༔ བརྒྱུད་འཛིན་ཡིན་པས་ཁྱོད་བསྒྲུབ་བོ༔ བདག་ལ་སྡང་བའི་དགྲ་བོ འདི༔ སྟོང་གསུམ་གང་ན་གནས་གྱུར་ཀྱང་༔ སྐད་ཅིག་ཉིད་དུ་ཁུག་ལ་ཤོག༔ མ་གཡེལ་མ་འགྱངས་དམ་ཚིག་གོ༔ དྲང་སྲོང་ཆེན་པོ་གཤེགས་སུ་གསོལ༔ དགྲ་བོ་ཁུག་ལ་འདིར་གཤེགས་ཤིག༔ གཟའ་མཆོག་ཆེན་པོ་གཤེགས་སུ་གསོལ༔ དགྲ་བོ་ཁུག་ལ་འདིར་གཤེགས་ཤིག༔ གདོང་མོ་མཆེད་བཞི་གཤེགས་སུ་གསོལ༔ དགྲ་བོ་ཁུག་ལ་འདིར་གཤེགས་ཤིག༔ སྤྲུལ་པའི་གཟའ་བརྒྱད་གཤེགས་སུ་གསོལ༔ དགྲ་བོ་ཁུག་ལ་འདིར་གཤེགས་ཤིག༔ རྒྱུ་སྐར་ཉེར་བརྒྱད་གཤེགས་སུ་གསོལ༔ དགྲ་བོ་ཁུག་ལ་འདིར་གཤེགས་ཤིག༔ ལྷ་སྲིན་སྡེ་བརྒྱད་གཤེགས་སུ་གསོལ༔ དགྲ་བོ་ཁུག་ལ་འདིར་གཤེགས་ཤིག༔ དམ་ཉམས་དགྲ་བོ་ཆེ་གེ་མོས༔ སངས་རྒྱས་བསྟན་པ་གཉན་པོ་བཤིག༔ དཀོན་མཆོག་གསུམ་གྱི་དབུ་འཕང་སྨད༔ རྣལ་འབྱོར་བདག་ལ་བརྙས་བཙུགས་ཀྱི༔ དེ་ཕྱིར་སྲུང་མ་ཁྱོད་འབོད་དོ༔ དགྲ་བོའི་གཤེད་དུ་ཁྱོད་བསྒྲུབ་བོ༔ རྒྱང་ངེ་རིང་ངེ་མ་མཛད་པར༔ སྐད་ཅིག་ཉིད་དུ་དགྲ་བོ་ཁུག༔ ལས་ཀྱི་ ཐོ།༔ ལིང་ག་འདི་ལ་ཕོབས༔ ཁ་རླངས་དུག་གི་སྤུ་གྲིས་སོད༔ སྒྲུབ་པའི་དཀྱིལ་འཁོར་འདིར་བཞུགས་ནས༔ བདག་གི་ཕྲིན་ལས་རྟག་ཏུ་སྒྲུབས༔ བྷུ་ནཱ་ག་རཀྵ་རཱ་ཧུ་ལ་སརྦ་ས་པ་རི་ཝཱ་ར་བཛྲ་ས་མ་ཡ་ཛ་ཛཿ དེ་ནས་བཞུགས་སུ་གསོལ་བ་ནི༔ མ༔ གཟའ་བདུད་རྒྱལ་པོ་རཱ་ཧུ་ལ༔ སྒྲུབ་པའི་དཀྱིལ་འཁོར་འདིར་བཞུགས་ནས༔ བདག་གི་ཕྲིན་ལས་ཐོགས་མེད་སྒྲུབས༔ དགྲ་བོ་མི་ནོར་ལོངས་སྤྱོད་འཁོར༔ བཀའ་སྲུང་ཁྱེད་ལ་ཟ་སྐལ་གཏད༔ མ་གཡེལ་བཀའ་དང་ཐ་ཚིག་ཅན༔ བཛྲ་ས་མ་ཡ་ཏིཥྛ་ལྷན༔ དེ་ནས་ཕྱག་འཚལ་བ་ནི༔ ཧཱུྃ༔ འཇིགས་བྱེད་དྲེགས་པ་རཱ་ཧུ་ལ༔ བསྟན་པ་བསྲུང་བའི་དམ་ཚིག་ཅན༔ སངས་རྒྱས་བསྟན་པ་བསྲུང་བ་དང་༔ དགྲ་བོ་བསྒྲལ་ཕྱིར་ཕྱག་འཚལ་ལོ༔ ན་མོ་པུ་རུ་ཤ་ཡ་ཧོཿ དེ་ནས་མཆོད་པ་འབུལ་བ་ནི༔ ཧོཿ དྲེགས་པའི་གཙོ་བོ་རཱ་ཧུ་ལ༔ སྡེ་བརྒྱད་ཡོངས་ཀྱི་སྤྱི་རྗེ་ལ༔ སངས་རྒྱས་བསྟན་པ་བསྲུང་བ་དང་༔ བདག་གི་ཕྲིན་ལས་བསྒྲུབ་པ་དང་༔ དགྲ་བགེགས་གདུག་པ་ཚར་གཅོད་ཕྱིར༔ མཉེས་པའི་མཆོད་པ་འབུལ་བ་ནི༔ མཆོད་ཡོན་ཞབས་བསིལ་མེ་ཏོག་དང་༔ བདུག་སྤོས་མར་མེ་དྲི་ཆབ་དང་༔ ཞལ་ཟས་རོལ་མོ་ལ་སོགས་པའི༔ ཉེར་སྤྱོད་བདུན་གྱི་མཆོད་པ་འབུལ༔ གཟུགས་སྒྲ་དྲི་རོ་རེག་བྱ་སོགས༔ འདོད་ཡོན་ལྔ་ཡི་མཆོད་པ་འབུལ༔ དམ་ཉམས་དགྲ་བོ་བསྒྲལ་བ་ཡི༔ དམར་ཆེན་ཁྲག་གི་ཨརྒྷཾ་དང་༔ དབང་ལྔའི་མེ་ཏོག་ཤ་ཆེན་སྤོས༔ ཞུན་ཆེན་མར་མེ་མཁྲིས་པའི་དྲི༔ ཤ་རུས་ཞལ་ཟས་ཐོད་རྔའི་སྒྲ༔ དྲང་སྲོང་ཆེན་པོ་དགྱེས་ཕྱིར་འབུལ༔ ར་ཡི་རྒྱལ་མཚན་ཤ་ཁྲག་དང་༔ ཤ་སྣ་སྙིང་སྣ་ཁྲག་སྣ་དང་༔ དར་ནག་རུ་མཚོན་གོ་མཚོན་རིགས༔ སྲོག་གི་འཁོར་ལོ་རྟེན་དུ་འབུལ༔ ཤ་ཁྲག་དམར་གྱི་གཏོར་མ་དང་༔ དགྲ་བོའི་མི་ནོར་ལོངས་སྤྱོད་འཁོར༔ གཟའ་བདུད་ཁྱོད་ལ་ཟ་སྐལ་གཏད༔ རྗེས་ཤུལ་ལྷག་མ་མེད་པར་མཛོད༔ བྷུ་ནཱ་ག་རཀྵ་རཱ་ཧུ་ལ་སརྦ་ས་པ་རི་ཝཱ་ར་ཨརྒྷཾ་སོགས་རཱུ་པ་ཤཔྡ་སོགས་སརྦ་པཉྩ་ཨ་མྲྀ་ཏ་རཀྟ་བ་ལིང་ཏ་ཁཱ་ཧི༔ སརྦ་ག་ཎ་ཙཀྲ་པཱུ་ཛ་ཁཱ་ཧི༔ ས་མ་ཡ༔ དགྲ་བོ་སརྦ་མཱ་ར་ཡ་ཁཱ་ཧི༔ དེ་ནས་ལས་བཅོལ་བ་ནི༔ ཀ༔ གཟའ་བདུད་ནག་པོ་དགོངས་སུ་གསོལ༔ ཁྱོད་ལ་ལས་ཀ་བཅོལ་བ་ནི༔ རྟག་ཏུ་སངས་རྒྱས་བསྟན་པ་སྲུངས༔ བདག་གི་མི་ནོར་ལོངས་སྤྱོད་འཁོར༔ མ་ལུས་བསྲུང་ཞིང་སྐྱོང་བ་དང་༔ མི་མཐུན་གནོད་པའི་རྐྱེན་རྣམས་ཀུན༔ སྡང་དགྲ་དམ་ཉམས་སྟེང་དུ་བསྒྱུར༔ བདག་དང་ ཐོ།༔ བདག་གི་དཀོར་ནོར་དང་༔ བྲན་དང་སྒོ་ཁྱི་རྟ་ཕྱུགས་སོགས༔ མདོར་ན་བདག་གིས་བདག་བཟུང་བའི༔ དཀོར་དང་ལོངས་སྤྱོད་ཐམས་ཅད་ཀུན༔ བསྲུང་ཞིང་རྟག་ཏུ་སྐྱོང་བར་མཛོད༔ ཉིན་རྫི་མཚན་གྱི་མེལ་རྩེ་མཛོད༔ སྡང་བར་བྱེད་པའི་དགྲ་བོ་དང་༔ གནོད་པར་བྱེད་པའི་བདུད་བགེགས་རྣམས༔ ཕྲིན་ལས་དྲག་པོས་ཚར་གཅོད་མཛོད༔ དེ་ནས་དྲག་པོའི་ལས་བཅོལ་བ་ནི༔ མ༔ དྲང་སྲོང་གཟའ་བདུད་ནག་པོ་ཁྱོད༔ སྐྱེ་འགྲོའི་སྲོག་ལ་དབང་མཛད་ཅིང་༔ བསྟན་པ་བསྲུང་བའི་མཐུ་རྩལ་ཅན༔ དཔལ་ཆེན་ཕྱག་ན་རྡོ་རྗེ་དང་༔ རིག་འཛིན་པདྨ་ཐོད་ཕྲེང་གི༔ བཀའ་ཉན་དམ་ཅན་ཡིན་པའི་ཕྱིར༔ ང་ཡི་གྲོགས་སུ་ཁྱོད་ལེགས་པས༔ ད་ནི་མི་འབྲལ་དམ་བཅའ་འོ༔ མནའ་ཐོ་བྱས་སོ་མནའ་མ་ཟ༔ དམ་ཚིག་ཡིན་ནོ་དམ་མ་ཉམས༔ དྲག་པོའི་ལས་ཀྱི་གཉེར་གཏད་དོ༔ བདག་ལ་སྡང་བའི་དགྲ་བྱུང་ཡང་༔ སྐད་ཅིག་ཉིད་ལ་ཚར་གཅོད་ཅིག༔ ཁྱད་པར་དགྲ་བོ་ཆེ་གེ་མོའི༔ མི་ནོར་འཁོར་དང་སྒོ་ཁྱིར་བཅས༔ གློ་བུར་ཧུར་ཐུམ་ནད་ཀྱིས་སོད༔ རྗེས་ཤུལ་ཙམ་ཡང་མ་བཞག་ཅིག༔ བཀའ་དང་དམ་ཚིག་དཔང་གཙུགས་ནས༔ བཅོལ་བ་དེ་ཀ་མ་གཡེལ་ཞིག༔ དེ་ནས་སྐབས་འདིར་ འགུགས་པ་ཅི་མང་བརྗོད་དེ༔ དགྲ་བོ་རྗེས་ཤུལ་ཙམ་ཡང་མེད་པར་ལིང་ག་ལ་ཐིམ་ནས་གཟའ་བདུད་ནག་པོའི་ཟིལ་གྱིས་མནན་པར་བསམ་ལ༔ དེ་ནས་བསྟོད་བཅོལ་ནི༔ དྲང་སྲོང་བདེན་ཚིག་མཐུ་བཙན་པས༔ ཞེ་སྡང་རཀྴ་སྲིན་པོ་དང་༔ གཏི་མུག་ནཱ་ག་ཀླུ་མོ་གཉིས༔ འདོད་ཆགས་འཁྲིགས་པའི་རྒྱུ་རྐྱེན་ལས༔ བསྐྱེད་པའིསྲས་མཆོག་རཱ་ཧུ་ལ༔ སྐུ་མདོག་ནག་པོ་ཆར་སྤྲིན་མདོག༔ སྐུ་སྟོད་སྲིན་པོ་ཕ་ཡི་ལུས༔ སྐུ་སྨད་གདུག་པ་སྦྲུལ་དུ་འཁྱིལ༔ མགོ་དགུ་ཁྭ་ཡི་གདོང་དང་བཅུ༔ མགོ་ལུས་མེད་པར་མིག་གིས་གང་༔ ལྟོ་བར་རབ་འཇིགས་ཞལ་ཧོམ་གདངས༔ སྣང་སྲིད་ཐམས་ཅད་སྐུ་ཡིས་ཁྱབ༔ ཁྱབ་འཇུག་ཆེན་པོ་ཁྱོད་ལ་བསྟོད༔ ནམ་མཁའི་ཁམས་སུ་ཁྲག་སྤྲིན་འགྱེད༔ བར་སྣང་ཁམས་སུ་འབྲུག་སྒྲ་སྒྲོགས༔ སྣང་སྲིད་གློག་གི་ཕྲེང་བ་རྡེབ༔ ས་གཞིར་ཐོག་སེར་དྲག་པོ་འབེབས༔ སྐྱེ་འགྲོའི་ལེགས་ཉེས་དབང་འཛིན་མ༔ གདོང་མོ་ཆེན་མོ་བཞི་ལ་བསྟོད༔ སྣང་སྲིད་ཐམས་ཅད་དབང་བསྒྱུར་ཞིང་༔ ལོ་ཟླ་ཞག་གི་གཉེར་ཡང་འཛིན༔ སྐྱེ་འགྲོའི་བདེ་སྡུག་གཉེར་ཁ་འཛིན༔ གཟའ་བརྒྱད་རྒྱུ་སྐར་བཅས་ལ་བསྟོད༔ སྣང་སྲིད་ཁམས་ལ་དབང་བསྒྱུར་མཛད༔ ལེགས་ཉེས་གཉིས་ཀྱི་སྟངས་འཛིན་ཏེ༔ ཐ།༔ དམ་ཚིག་གཉན་པོའི་རྗེས་གཅོད་པ༔ སྡེ་བརྒྱད་དྲེགས་པའི་ཚོགས་ལ་བསྟོད༔ ས་མ་ཡ༔ ཧོཿ གཟའ་མཆོག་ཆེན་པོའི་གཙོར་བྱས་པའི༔ བཀའ་སྲུང་དྲེགས་པའི་སྡེ་ཚོགས་རྣམས༔ འབོད་པའི་དུས་སུ་སྙན་མ་སྲ༔ སྒྲུབ་པའི་དུས་སུ་སྙིང་མ་རིང་༔ བསྐུལ་བའི་ཚེ་ན་བང་མ་བུལ༔ རྦད་པའི་དུས་སུ་མཐུ་མ་ཆུང་༔ བཅོལ་བའི་ལས་ལ་རྩལ་མ་ཞན༔ བརྟེན་པའི་ཚེ་ན་རྒྱང་མ་རིང་༔ ཁྱེད་ཅག་སྔོན་གྱི་ཐ་ཚིག་ཅན༔ འབོད་པའི་གནས་འདིར་མྱུར་དུ་བྱོན༔ སྒྲུབ་པའི་གནས་འདིར་རྟེན་ཆོས་ཤིག༔ བརྟེན་ནོ་དབྱེར་མེད་གྲོགས་མཛོད་ཅིག༔ རྦད་དོ་དགྲ་བོའི་སྟེང་དུ་རྒྱུག༔ བཅོལ་ལོ་ལས་ཀྱི་གཉེར་ཀ་ནི༔ སྡང་བའི་དགྲ་བོ་ཆེ་གེ་མོ༔ ད་ལྟ་བསྒྲལ་བའི་ཕྲིན་ལས་མཛོད༔ སྣང་སྲིད་ཁྱོད་ཀྱིས་ཁྱབ་པ་ལ༔ གཤེགས་བྱོན་མེད་དེ་བརྣག་པས་སྒྲོལ༔ ཁྱོད་ཀྱི་མཚན་བཟུང་སྔགས་བཟླས་པས༔ ལོ་དང་ཟླ་བར་མ་འགྱང་བར༔ ཞག་དང་ཟ་མར་དགྲ་བོ་སྒྲོལ༔ དགྲ་བོ་དར་མ་གྲི་རུ་སོད༔ གཞོན་པ་ཧུར་ཐུམ་ནད་ཀྱིས་སོད༔ རྒན་པ་བྲང་བརྡུང་བྱེད་དུ་ཆུགས༔ རྗེས་ཤུལ་མེད་པར་མྱུར་དུ་སོད༔ མི་ནོར་རྟ་ཕྱུགས་ཟས་དང་བཅས༔ ལྷག་མ་མེད་པར་ཧུབ་ཀྱིས་རོལ༔ དགྲ་ཡི་ཕྱོགས་ནས་ནོར་ལ་སོགས༔ བདག་ཅག་རྣམས་ལ་སྟེར་ཕུལ་ན༔ དེ་དང་མཉམ་དུ་དགྲ་བོ་ཡི༔ མི་ནོར་ཟས་དང་ལོངས་སྤྱོད་བཅས༔ མི་ཟད་བར་དུ་ཟ་ངུ་གྱིས༔ བདག་གི ཕྱོགས་ནས་བྱིན་རླབས་དང་༔ སྲུང་བའི་དམ་ཚིག་རྟེན་གསུམ་སོགས༔ དགྲ་བོའི་ཕྱོགས་སུ་སླེབ་ཙམ་ནས༔ དགྲ་བོའི་ཚེ་བསོད་བླ་སྲོག་ནོར༔ མེ་འབར་ཆུ་ཡིས་བསད་བཞིན་ཐོངས༔ དུས་དང་རྣམ་པ་ཐམས་ཅད་དུ༔ བདག་ཅག་དཔོན་སློབ་འཁོར་བཅས་ཀྱི༔ བསམ་པ་སྒྲུབ་ལ་རེ་བ་སྐོངས༔ དབྱེར་མེད་གྲོགས་མཛོད་ཕྲིན་ལས་སྒྲུབ༔ སྒྲུབ་དུས་རྟགས་མཚན་གཞུང་བཞིན་སྟོན༔ དང་པོ་ཕྱག་ན་རྡོ་རྗེའི་བཀའ༔ བར་དུ་ཨོ་རྒྱན་ཆེན་པོའི་དམ༔ ཐ་མ་རིག་འཛིན་བརྒྱུད་པའི་ཚིག༔ ཡིན་ཏེ་དེ་ལྟར་བསྒྲུབ་པར་མཛོད༔ དེ་ནས་དྲག་པོའི་ལས་འགྲུབ་པའི་ཕྱིར་འདི་ལྟར་བྱའོ༔ རང་ཉིད་གསང་བའི་བདག་པོ་གནས་འགྱུར་ནས་ཡེ་ཤེས་ཀྱི་གཟའ་མཆོག་ནག་པོ་རོ་སྟོད་མི་རུ་ཡོད་ཅིང་རོ་སྨད་སྦྲུལ་དུ་འཁྱིལ་བ་མགོ་ལུས་ཐམས་ཅད་མིག་གིས་གང་བ༔ རབ་ཏུ་འཇིགས་པའི་ཁྲོ་ཞལ་དགུའི་སྟེང་དུ་བྱ་རོག་མགོ་བོས་ངར་སྐད་སྒྲོགས་པ༔ ཕྱག་བཞིའི་དང་པོ་གཉིས་ན་རལ་གྲི་དང་ཆུ་སྲིན་གྱི་རྒྱལ་མཚན་ཕྱར་བ༔ འོག་མ་གཉིས་ཀྱིས་རྭ་ཡི་མདའ་གཞུ་ ཐོ།༔ འགེང་པ༔ ཡེ་ཤེས་ཀྱི་མེ་དཔུང་འུ་རུ་རུ་འབར་བའི་ཀློང་དུ་བཞུགས་ཤིང་འཁོར་འདས་ཡོངས་ཀྱི་དབང་ཕྱུག་ཏུ་གསལ་བར་གྱུར༔ སྐབས་འདིར་ལས་ཚོགས་སྲོག་འཁོར་ཡང་ཐིག་སྦྱར༔ སྔགས་དང་བཟླས་པ་ཆུ་བོའི་རྒྱུན་བཞིན་དུ༔ མི་ཚིག་གིས་བར་མི་བཅད༔ སྟན་གྱི་དྲོད་མི་ཡལ་བར་བཟླ༔ ཐུན་སྐབས་སུ་བླ་འགུགས་བརྒྱ་ཕྲག་རེ་བྱ༔ གསོལ་མཆོད་གཏོར་མ་ཅི་མང་བྱ༔ མཐར་ཚོགས་རྫས་འབྱོར་ཚོགས་སྣ་ཚོགས་བཤམས་ནས་འབུལ་བ་ལ༔ མ་དག་པའི་དྲི་མ་དང་འབག་རྩོག་ཏུ་གྱུར་པའི་ཉེས་པ་ཐམས་ཅད་བསྲེགས་གཏོར་སྦྱངས་པར་གྱུར༔ རཾ་ཡ་ཁ༔ དག་པ་ཡེ་ཤེས་ཀྱི་བདུད་རྩིའི་ངོ་བོ་ལ༔ རྣམ་པ་གཟུགས་སྒྲ་དྲི་རོ་རེག་བྱ་ཕུན་སུམ་ཚོགས་པར་གྱུར༔ ཨོཾ་ཨཱཿཧཱུྃ༔ ལན་གསུམ་བརྗོད་མཐར༔ མ༔ སྟེང་ཕྱོགས་ནམ་མཁའི་དཀྱིལ་ཡངས་ནས༔ གཟའ་བདུད་འཁོར་བཅས གཤེགས་སུ་གསོལ༔ དུར་ཁྲོད་རྩུབ་འགྱུར་ཁྲག་མཚོའི་ཀློང་༔ གཟའ་མཆོག་འཁོར་བཅས་གཤེགས་སུ་གསོལ༔ གདོང་མོ་ཆེན་པོ་གཤེགས་སུ་གསོལ༔ གཟའ་བརྒྱད་འཁོར་བཅས་གཤེགས་སུ་གསོལ༔ རྒྱུ་སྐར་ཉེར་བརྒྱད་གཤེགས་སུ་གསོལ༔ ལྷ་སྲིན་སྡེ་བརྒྱད་གཤེགས་སུ་གསོལ༔ སྤྲུལ་འཁོར་བཀའ་སྡོད་བྲན་དང་བཅས༔ མ་ལུས་སྤྱན་འདྲེན་གཤེགས་སུ་ གསོལ༔ དམ་ཚིག་གཉན་པོས་འབོད་སྒྲུབ་ཀྱི༔ སྒྲུབ་པའི་གནས་འདིར་བྱོན་བཞུགས་མཛོད༔ བཛྲ་ས་མ་ཡ་ཛ་ཛཿ ཕེཾ་ཕེཾ་ཏིཥྛ་ལྷན༔ ཧཱུྃ༔ གསང་བདག་པད་འབྱུང་བཀའ་ཉན་པའི༔ དམ་ཅན་གཟའ་བདུད་རྒྱལ་པོ་ལ༔ ཉེར་སྤྱོད་བདུན་གྱི་མཆོད་པ་འབུལ༔ འདོད་ཡོན་ལྔ་ཡི་མཆོད་པ་འབུལ༔ སྨན་གཏོར་རཀྟའི་མཆོད་པ་འབུལ༔ ག་ཎ་ཙཀྲའི་མཆོད་པ་འབུལ༔ ཤ་སྣ་སྙིང་སྣ་ར་མཆིན་དང་༔ ར་ཡི་རྒྱལ་མཚན་དར་ནག་སོགས༔ གཟའ་བདུད་འཁོར་དང་བཅས་ལ་འབུལ༔ བཞེས་ནས་མངོན་སྤྱོད་ཕྲིན་ལས་སྒྲུབས༔ བཛྲ་ས་མ་ཡ་ག་ཎ་ཙཀྲ་པཱུ་ཛ་ལ་ཁཱ་ཧི༔ དེ་ནས་སྐྱེམས་གཏོར་བཤམས་ལ༔ འགུགས་གཞུག་བྱ༔ ཛཿ ཤ་ཁྲག་དམར་གཏོར་སྐྱེམས་དང་བཅས༔ གཟའ་མཆོག་ཆེན་པོ་ཁྱོད་ལ་འབུལ༔ བདག་ནི་མ་རིག་དབང་གྱུར་པས༔ དམ་ཅན་ཐུགས་དང་འགལ་མཆིས་ན༔ བཤགས་སོ་ཚངས་པར་སྩལ་དུ་གསོལ༔ ཨོཾ་བཛྲ་སཏྭ་ས་མ་ཡ༔ སོགས་ཡི་གེ་བརྒྱ་པ་ཚང་བར་བརྗོད༔ ཡང་ཚོགས་ཀྱི་དུམ་བུ་དང་རཱུ་པ་གཅིག་བཤམས་ལ༔ འགུགས་གཞུག་བྱས་མཐར༔ ཛཿ གཟའ་བདུད་ཆེན་པོའི་དུས་ལ་བབ༔ དམ་ཚིག་ཆེན་པོའི་དུས་ལ་བབ༔ སྡང་བའི་དགྲ་བོ་དམ་ཉམས་འདི༔ ཐལ་བའི་རྡུལ་དུ་བརླག་པར་མཛོད༔ ཐོ།༔ ནཱ་ག་རཀྵ་རཱ་ཧུ་ལ་ནག་པོ་ཆེན་པོ་ས་མ་ཡ༔ དགྲ་བོ་མཱ་ར་ཡ་རྦད་ཐུམ་རི་ལི་ལི་ཧུར་ཐུམ་སོད༔ དེ་ནས་ཞལ་དུ་བསྟབས་པ་ནི༔ ཧོཿ དགྲ་བོ་བསྒྲལ་བའི་ཤ་རུས་ཁྲག༔ དྲང་སྲོང་ཆེན་པོའི་ཞལ་དུ་བསྟབས༔ གཟའ་བདུད་ནག་པོའི་ཞལ་དུ་བསྟབས༔ ཡུམ་འཁོར་སྤྲུལ་པའི་ཞལ་དུ་བསྟབས༔ མ་ཧཱ་མཱཾ་ས་རཀྟ་ཙིཏྟ་ལ་ཁཱ་ཧི༔ མཐར་ཚོགས་ལྷག་བསྡུས་ནས༔ ཨོཾ ཨཱཿ ཧཱུྃ༔ ཚོགས་ལྷག་འདོད་ཡོན་མི་ཟད་གཏེར༔ གང་ལ་གང་འདོད་ཡིད་བཞིན་འདི༔ ཕྱི་འཁོར་དབང་ཆུང་བྲན་རིགས་དང་༔ སྣང་སྲིད་ལྷ་འདྲེའི་ཚོགས་ལ་འབུལ༔ བཞེས་ནས་དགྲ་བོ་བསྒྲལ་དུ་གསོལ༔ དམ་ལ་མ་འདའ་ས་མ་ཡ༔ འདི་ནི་དྲག་པོའི་སྒྲུབ་པ་སྟེ༔ མངོན་སྤྱོད་ལས་ལ་བསྔགས་པ་ཡིན༔ མ་འོངས་བསྟན་འཛིན་སྐྱེས་བུ་རྣམས༔ བསྟན་དགྲ་ཆོམ་ལ་འབེབས་པའི་ཕྱིར༔ ལས་ཀ་འདི་ལ་བརྩོན་པར་གྱིས༔ མཐུ་ཡི་གྲགས་པས་ས་སྟེང་ཁྱབ༔ དགྲ་ཇག་ཆོམ་རྐུན་འཇིགས་ལས་གྲོལ༔ བཀའ་སྲུང་གནོད་སྦྱིན་དམར་ནག་དང་༔ ལྷ་ཆེན་ཚོགས་ཀྱི་བདག་པོས་སྲུངས༔ དམ་ཅན་སྐྱེས་བུའི་འདོད་དོན་སྒྲུབས༔ དམ་ཉམས་བཀའ་ལོག་སྲོག་རྩ་ཆོད༔ སྣོད་མེད་ལག་ཏུ་མ་བཏང་རྒྱ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཥྚྱི༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་བཅུ་བདུན་བར་དུ་བཀའ་རྒྱས་བཏབ་ནས་མཐར་རང་སློབ་ཆོས་ཀྱི་རྡོ་རྗེས་བསྐུལ་ངོར་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ།། །། T11609 - 034 ཐ།༔ ཟབ་གསང་མཁའ་འགྲོའི་སྙིང་ཐིག་ལས༔ དྲང་སྲོང་གཟའ་བདུད་རླུང་ཞོན་ནག་པོའི་འབོད་པ་ལྕགས་ཀྱུས་སྙིང་འདྲེན་བཞུགས་སོ༔ ན་མོ་གུ་རུ་བཛྲ་པ་ཎི་ཡེ༔ གཟའ་བདུད་ནག་པོ་བསྒྲུབ་པ་ལ༔ འབོད་པ་ལྕགས་ཀྱུས་སྙིང་འདྲེན་དགོས༔ དད་དམ་ལྡན་པའི་རྣལ་འབྱོར་གྱིས༔ བསྐྱེད་རིམ་གནད་དང་ལྡན་པ་ཡིས༔ དུས་དྲུག་རྣམས་སུ་འདིར་བརྩོན་བྱ༔ ཧཱུྃ་ཛཿ དད་པ་དང་ནི་དམ་ཚིག་གཉན་པོ་ཡིས༔ འབོད་དོ་དྲང་སྲོང་གཟའ་བདུད་རཱ་ཧུ་ལ༔ མ་གཡེལ་མ་འགྱངས་སྒྲུབ་པའི་དཀྱིལ་འཁོར་འདིར༔ མ་ཐོགས་སྐད་ཅིག་ཉིད་དུ་གཤེགས་སུ་གསོལ༔ སྟེང་ཕྱོགས་ནམ་མཁའ་ཡངས་པའི་ཀློང་དཀྱིལ་ནས༔ ཁྱབ་འཇུག་དྲེགས་པའི་གཙོ་བོ་རཱ་ཧུ་ལ༔ དད་དང་དམ་ཚིག་གཉན་པོ་དཔང་བཙུགས་ཏེ༔ འབོད་དོ་མ་ཐོགས་མྱུར་དུ་གཤེགས་སུ་གསོལ༔ སྟོང་གསུམ་མི་མཇེད་དཔག་ཡས་འཇིག་རྟེན་ན༔ སྐྱེ་འགྲོའི་སྲོག་གི་རྒྱལ་པོ་རཱ་ཧུ་ལ༔ དད་དང་དམ་ཚིག་གཉན་པོ་དཔང་བཙུགས་ཏེ༔ འབོད་དོ་མ་ཐོགས་མྱུར་དུ་འདིར་གཤེགས་ཤིག༔ རབ་འཇིགས་དུར་ཁྲོད་བརྒྱད་ཀྱི་གནས་མཆོག་ནས༔ མི་སྲུན་དུར་ཁྲོད་བདག་པོ་རཱ་ཧུ་ལ༔ དད་དང་དམ་ཚིག་གཉན་པོ་དཔང་བཙུགས་ཏེ༔ འབོད་དོ་མ་ཐོགས་མྱུར་དུ་འདིར་གཤེགས་ཤིག༔ ཆོས་འཁོར་གཙུག་ལག་ སྒྲུབ་དང་དབེན་གནས་སུ༔ ཆོས་སྐྱོང་རྒྱལ་པོ་ཆེན་པོ་རཱ་ཧུ་ལ༔ དད་དང་དམ་ཚིག་གཉན་པོ་དཔང་བཙུགས་ཏེ༔ འབོད་དོ་མ་ཐོགས་མྱུར་དུ་འདིར་གཤེགས་ཤིག༔ བཀའ་དང་དམ་ཚིག གཉན་པོའི་ཕོ་བྲང་ནས༔ གསང་ཆེན་ཐེག་པའི་གཉེར་འཛིན་རཱ་ཧུ་ལ༔ དད་དང་དམ་ཚིག་གཉན་པོ་དཔང་དུ་བཙུགས༔ ལེགས་ཉེས་སྟངས་འཛིན་བསྟན་པའི་བྱ་ར་བ༔ ཞིང་བཅུའི་སྲོག བདུད་ནག་པོ་རཱ་ཧུ་ལ༔ དད་དང་དམ་ཚིག་གཉན་པོ་དཔང་བཙུགས་ཏེ༔ འབོད་དོ་མ་ཐོགས་མྱུར་དུ་འདིར་གཤེགས་ཤིག༔ ཛཿ ནམ་མཁའི་ཁམས་ནས་དམར་ནག་གློག་ཕྲེང་རྡེབ༔ བར་སྣང་ཁམས་ནས་རབ་འཇིགས་འབྲུག་སྒྲ་སྒྲོགས༔ བསྟན་པའི་དགྲ་ལ་གནམ་ལྕགས་ཐོག་མདའ་འཕེན༔ ས་གཞི་རླུང་དམར་གཡོ་ཞིང་སེར་ཆེན་འབེབས༔ སྡོང་ཟླ་གདོང་མོ་མཆེད་བཞི་འདིར་གཤེགས་ཤིག༔ ཛཿ ཞེ་སྡང་མེ་ལྟར་འབར་བའི་ཀློང་དཀྱིལ་ནས༔ ཡབ་རྗེ་རཀྴ་སྲིན་པོ་གཤེགས་སུ་གསོལ༔ འདོད་ཆགས་ཆུ་ལྟར་འཁྲིགས་པའི་ཀློང་དཀྱིལ་ནས༔ ཡུམ་མཆོག་ཀླུ་ལྕམ་ནག་མོ་འདིར་གཤེགས་ཤིག༔ ཕྱོགས་མཚམས་སྐྱོང་ཞིང་འབྱུང་བ་དབང་མཛད་པའི༔ སྤྲུལ་པའི་གཟའ་བརྒྱད་འཁོར་བཅས་འདིར་གཤེགས་ཤིག༔ ལེགས་ཉེས་ ཐ།༔ སྟངས་འཛིན་ཞག་དུས་མངའ་དབང་མཛད༔ འཁོར་གྱི་རྒྱུ་སྐར་ཉེར་བརྒྱད་འདིར་གཤེགས་ཤིག༔ ཕྲིན་ལས་ཐོགས་མེད་བསྒྲུབ་པའི་ཕོ་ཉ་བ༔ བཀའ་འཁོར་ལྷ་སྲིན་སྡེ་བརྒྱད་འདིར་གཤེགས་ཤིག༔ ཛཿ སྔོན་ཚེ་རི་བོ་མ་ལ་ཡ་ཡི་རྩེར༔ བདུད་པོ་མ་ཏྲ་རཱུ་ཏྲ་བསྒྲལ་བའི་ཚེ༔ སྤྱི་དཔལ་ཆེན་པོ་ཀུན་བཟང་ཧེ་རུ་ཀས༔ བཀའ་དང་དམ་ཚིག གཉན་པོའི་སྲོག་གཏད་པའི༔ ཐ་ཚིག་དཔང་དུ་བཞག་ནས་ཁྱོད་འབོད་དོ༔ བར་དུ་གསང་བདག་ཕྱག་ན་རྡོ་རྗེ་ཡིས༔ དམ་བཏགས་དབང་བསྐུར་ལྕེ་ལ་བདུད་རྩི་བཞག༔ དམ་ཚིག་གཉན པོ་དེ་ཉིད་དཔང་བཙུགས་ནས༔ འབོད་དོ་མ་ཐོགས་མྱུར་དུ་འདིར་གཤེགས་ཤིག༔ ཐ་མ་རིག་འཛིན་པདྨ་ཐོད་ཕྲེང་གིས༔ བཀའ་བསྒོས་དམ་བཞག་དབང་བསྐུར་གཉེར་གཏད་པའི༔ དམ་ཚིག་གཉན་པོ་དཔང་དུ་བཙུགས་ཏེ་འབོད༔ མ་ཐོགས་སྐད་ཅིག་ཉིད་དུ་འདིར་གཤེགས་ཤིག༔ ད་ལྟ་སྒྲུབ་པའི་རིག་འཛིན་བདག་ཉིད་ཀྱིས༔ གསང་སྔགས་ཟབ་མོའི་སྒྲུབ་པ་ལྷུར་ལེན་ཅིང་༔ གྲོགས་སུ་གཟའ་བདུད་རྒྱལ་པོ་ཁྱོད་འབོད་ཀྱིས༔ འདིར་གཤེགས་སྒྲུབ་པའི་རྟེན་འདིར་བརྟེན་ཆོས་ལ༔ སྐད་ཅིག་འབྲལ་བ་མེད་པའི་གྲོགས་མཛོད་ཅིག༔ དགྱེས་པའི་ཞལ་སྟོན་ སྒྲུབ་པའི་རྟགས་ཕྱུངས་ཤིག༔ འདོད་དོན་ཕྲིན་ལས་འབད་མེད་ལྷུན་གྲུབ་ཏུ༔ ཐོགས་པ་མེད་པར་སྒྲུབ་པའི་ཕོ་ཉ་མཛོད༔ འཁུ་དང་ལྡོག་དང་གདུག་རྩུབ་མ་བྱེད་པར༔ བརྩེ་ཞིང་གདུང་བའི་སེམས་ཀྱིས་སྲུང་སྐྱོབ་ཅིང་༔ མངོན་སྤྱོད་ཕྲིན་ལས་ཐོགས་མེད་འགྲུབ་པར་མཛོད༔ བཀའ་དང་དམ་ལ་མ་འདའ་ས་མ་ཡ༔ ཞེས་འབོད་ཅིང་གཙོ་འཁོར་ཐམས་ཅད་ཀྱི་སྲོག་སྔགས་རོ་གཅིག་ཏུ་གསལ་བའི་ངང་ནས་སྔགས་བཟླས་པ་དང་༔ རིག་པ་གཞན་དུ་མི་ཡེངས་པར་ལྷར་གསལ་བའི་གཟེར་གནད་དང་ལྡན་པའི་ངང་ནས་རྟགས་མ་འབྱུང་བར་དུ་སྔགས་འདི་བཟླའོ༔ ཨོཾ་ནཱ་ག་རཀྴ་རཱ་ཧུ་ལ་ཧཱུྃ་ཕེ་ཛཿ ས་མ་ཡ༔ སྐབས་སུ་བསྐང་གསོལ་དག་ལ་འབད༔ ས་མ་ཡ༔ རྒྱ་རྒྱ་རྒྱ༔ བྷ།ན།གརྒུ༔ གཏེར་རྒྱ༔ སྦས་རྒྱ༔ གཏད་རྒྱ༔ བརྡ་ཐིམ༔ ཨྠི ཞེས་པ་འདི་ནི་ཁྲག་འཐུང་རྡོ་རྗེ་གྲོ་ལོད་རྩལ་གྱིས་གཏེར་ནས་བཏོན་ཏེ་མི་ལོ་བཅོ་བརྒྱད་བར་དུ་བཀའ་རྒྱ་བྱས་ནས་མཐར་གཏན་ལ་ཕབ་པའི་ཡི་གེ་པ་ནི་སློབ་དཔོན་གཡུ་སྒྲ་སྙིང་པོའི་ཟློས་