Tibetan
གི་མཚམས་སུ་དཔག་བསམ་གྱི་ལྗོན་ཤིང་དང་བདུད་རྩིའི་ཆུ་མིག་དང་༔ གསེར་གྱི་བྱེ་མ་དང་༔ གཡུ་ཡི་ནེའུ་སེང་དང་༔ མེ་ཏོག་དང་སྨན་སྣ་ཕུན་སུམ་ཚོགས་པ་འདོད་འཇོའི་བ་དང་མ་རྨོས་པའི་ལོ་ཏོག་སྣ་ཚོགས་འཁྲུངས་ཤིང་རྒྱས་པའོ༔ ཆུ་བྱ་རྣམ་པ་སྣ་ ཐོ།༔ ཚོགས་རྒྱ་མཚོ་ལ་འཁོར་ཞིང་༔ འདབ་ཆགས་ཆེ་ཆུང་བསམ་གྱིས་མི་ཁྱབ་ཅིང་བརྗོད་ཀྱིས་མི་ལོང་བ་དཔག་བསམ་གྱི་ཤིང་ལ་འབབ་ཅིང་སྙན་པའི་སྐད་སྒྲོགས་ཤིང་མཛེས་པའི་གཟུགས་ངོམ་པར་བསྐྱེད་དོ༔ དེ་འོག་བང་རིམ་དང་པོའི་སྟེང་མི་སྟོབས་པོ་ཆེ་ཆེ་བ་དང་ཆུང་བ་དང་དར་ལ་བབ་པ་མཛེས་པའི་རྒྱན་འཆང་ཞིང་བཙན་པའི་ཁྲབ་གྱོན་པ༔ རྣོ་བའི་མཚོན་ཐོགས་ཤིང་མགྱོགས་པའི་རྟ་ལ་ཞོན་པ༔ གྲངས་མང་ཞིང་རྔམས་བརྗིད་དཔའ་ཟིལ་དང་ལྡན་པ་དཔག་ཏུ་མེད་པ་བསྐྱེད་དོ༔ བང་རིམ་གཉིས་པ་ལ་རྟ་དང་གླང་པོ་མ་ཧེ་འབྲི་གཡག་འགེལ་མཛོ་བ་གླང་བོང་དྲེལ་ལ་སོགས་པའི་གཡུང་དྭགས་རྣམ་པ་སྣ་ཚོགས་གཟུགས་མཛེས་ཤིང་གྲངས་མང་བ་བསམ་གྱིས་མི་ཁྱབ་པར་བསྐྱེད་དོ༔ བང་རིམ་གསུམ་པ་ལ་སེང་གེ་དང་སྟག་དང་གཟིག་དང་དོམ་དང་དྲེད་མོ་ལ་སོགས་པའི་གཅན་གཟན་རྣམ་པ་སྣ་ཚོགས་བསམ་གྱིས་མི་ཁྱབ་ཅིང་བགྲངས་ཀྱིས་མི་ལོང་བར་བསྐྱེད་དོ༔ བང་རིམ་འོག་མ་ལ་ཆུ་རྟ་དང་ཆུ་ལུག་དང་ཆུ་མི་དང་ཆུ་གླང་ཉ་དང་སྦལ་ལྕོང་སྲམ་དང་སྦྲུལ་དང་དུང་དང་ཆུ་སྲིན་ལ་སོགས་པའི་ཆུ་གནས་རྣམ་པ་སྣ་ཚོགས་བསམ་གྱིས་མི་ཁྱབ་ཅིང་བགྲངས་ཀྱིས་མི་ལོང་བར་བསྐྱེད་དོ༔ རི་རབ་ཀྱི་ངོས་རྣམས་ལ་བཀྲ་ཤིས་པའི་རྟགས་བརྒྱད༔ འཁོར་ལོས་སྒྱུར་རྒྱལ་གྱི་རྒྱལ་སྲིད་བདུན༔ ཉེ་བར་སྤྱོད་པའི་མཆོད་པ་བདུན༔ འདོད་ཡོན་གྱི་ལྷ་མོ་ལྔ༔ གསང་བའི་ལྷ་མོ་བཅུ དྲུག་ལ་སོགས་པའི་མཆོད་པའི་ལྷ་མོ་དཔག་ཏུ་མེད་པ་འཕྲོས་ནས་ནམ་མཁའ་གང་བར་བསྒོམ༔ རི་རབ་དེ་ཡི་ཤར་དུ་མར་དང་ཐུད་ཀྱི་རི་བོ༔ འོ་མ་ཞོ་ཡི་རྒྱ་མཚོ་རྒྱ་ཆེ་ལ་གཏིང་ཟབ་པ་ཟད མི་ཤེས་པར་གྱུར༔ ལྷོ་ཕྱོགས་སུ་ཀ་ར་དང་བུ་རམ་སྦྲང་རྩི་ལ་སོགས་པའི་མངར་བའི་ཟས་སྣ་ཚོགས་རི་ལྟར་དཔངས་མཐོ་ཞིང་ས་གཞི་ལྟར་རྒྱ་ཆེ་བར་བསམ༔ ནུབ་ངོས་སུ་ནད་པ་འཚོ་བྱེད་ཀྱི་སྨན་འཆི་བ་བསླུ་བའི་བདུད་རྩིའི་རྒྱ་མཚོ་ཆེན་པོ་རྒྱ་ཆེ་ལ་གཏིང་ཟབ་པར་བསྒོམ༔ བྱང་དུ་ཤ་ཡི་རི་བོ་ཁྲག་གི་རྒྱ་མཚོ་རུས་པའི་གྲམ་ཁྲོད་རྐང་ལྷ་བ་ཚིལ་ཞུན་གྱི་བྲག་རི་རྣམས་འདོད་ཡོན་མི་ཟད་པ་ལོངས་སྤྱོད་རྒྱན་གྱི་འཁོར་ལོ་ནམ་མཁའི་མཐའ་དང་མཉམ་པར་བསྐྱེད་དོ༔ གཞན་ཡང་ནམ་མཁའ་དཀར་སེར་དམར་ལྗང་རྒྱང་བུ་འཇའ་ཡི་རིས་ཅན་ཕོ་ཏང་དང་མོ་ཏང་མདའ་འཕང་ལ་སོགས་ཕྱི་ནང་གསང་བའི་ཡོ་བྱད་སྣ་ཚོགས་མ་ཚང་བ་མེད་པ་དཔེར་ན་འཕགས་པ་ཀུན་ཏུ་བཟང་པོའི་མཆོད་སྤྲིན་ལྟ་བུར་གྱུར༔ སྔགས་དྲུག་ཕྱག་དྲུག་གིས་བྱིན་གྱིས་བརླབ་བོ༔ མདོས་ཀྱི་དུས་སུ་ ཐོ།༔ འདི་ནི་བཅའ་གཞིར་ཤེས་པར་བྱའོ༔ ཧོཿདགོངས་སུ་གསོལ་ལོ༔ ཧོཿ དགོངས་སུ་གསོལ་ལོ༔ ཧོཿ དགོངས་སུ་གསོལ་ལོ༔ ན་མོ༔ སྐྱབས་དམ་པ་རྣམས་ཀྱི་མཆོག༔ མགོན་དམ་པ་རྣམས་ཀྱི་གཙོ༔ བསོད་ནམས་ཐམས་ཅད་ཀྱི་ཞིང་ས༔ ཡོན་ཏན་ཐམས་ཅད་ཀྱི་འབྱུང་གནས༔ བླ་ན་མ་མཆིས་ཤིང་གོང་ན་མ་མཆིས་པའི་དཀོན་མཆོག་རིན་པོ་ཆེ་རྣམ་པ་གསུམ་དང་རྩ་གསུམ་རྒྱལ་བའི་དཀྱིལ་འཁོར་གྱི་ལྷ་ཚོགས་འཁོར་དང་བཅས་པ་རྣམས་ལ་གསོལ་ལོ་མཆོད་དོ་འབུལ་ལོ༔ ཨོཾ་ཨཱཿ ཧཱུྃ༔ ལན་གསུམ༔ ཧོཿ སྤྱི་དཔལ་ཧེ་རུ་ཀ ཡི་སྤྲུལ་པ༔ བཀའ་སྲུང་ཕོ་རྒྱུད་ཡོངས་ཀྱི་སྤྲུལ་གཞི༔ དཔལ་ནག་པོ་ཆེན་པོའི་སྡེ་ཚོགས༔ དུག་གསུམ་ནད་ཀྱི་སྨན་པ༔ རིག་འཛིན་ཡོངས་ཀྱི་སྲོག་ཤིང་༔ རྣལ་འབྱོར་ཀུན་གྱི་དགྲ བླ༔ མཐུ་ཆེན་ལེགས་ལྡན་ནག་པོ་ལ་གསོལ་ལོ༔ ཡུམ་མཆོག་ཨེ་ཀ་ཙ་ཏི་ལ་གསོལ་ལོ༔ ཚོགས་རྗེ་ཚོགས་ཀྱི་བདག་པོ་ལ་གསོལ་ལོ༔ དཔལ་ལྡན་མགོན་པོ་ཕྱག་བཞི་ལ་གསོལ་ལོ༔ དཔལ་ལྡན་མ་ནིང་ནག་པོ་ལ་གསོལ་ལོ༔ དཔལ་ལྡན་ཕྱག་དྲུག་མགོན་པོ་ལ་གསོལ་ལོ༔ དཔལ་ལྡན་མགོན་པོ་བེར་ནག་ལ་གསོལ་ལོ༔ དཔལ་ལྡན་གུར་གྱི་མགོན་པོ་ལ་གསོལ་ལོ༔ དཔལ་ལྡན་ཏྲག་ཤད་མགོན་པོ་ལཿ དཔལ་ལྡན་བྱ་རོག་གདོང་ཅན་ལཿ མི་འགྱུར་སྐུ་ཡི་མགོན་པོ་ལ༴ མི་འགགས་གསུང་གི་མགོན་པོ་ལཿ མི་གཡོ་ཐུགས་ཀྱི་མགོན་པོ་ལཿ མི་ཟད་ཡོན་ཏན་གྱི་མགོན་པོ་ལཿ མངོན་སྤྱོད་ཕྲིན་ལས་ཀྱི་མགོན་པོ་ལཿ ཕྱོགས་སྐྱོང་ཡེ་ཤེས་ཀྱི་མགོན་པོ་ལ༴ བཀའ་སྡོད་སྡེ་བརྒྱད་ཀྱི་མགོན་པོ་ལཿ ཡབ་རྗེ་ཐབས་ཀྱི་མགོན་པོ་ལ་གསོལ ལོ༔ ཡུམ་མཆོག་ཤེས་རབ་ཀྱི་མགོན་པོ་ལ་གསོལ་ལོ༔ གཞན་ཡང་དཔལ་ཡེ་ཤེས་ཀྱི་མགོན་པོ་འཁོར་དང་ཡང་འཁོར་གཡོག་དང་ཡང་གཡོག་ཕོ་ཉ་ལས་མཁན་དང་བཅས་པ་རྣམས་ལ་གསོལ་ལོ༔ མཆོད་དོ༔ འབུལ་ལོ༔ བསྟོད་དོ༔ སྐབས་འདིར་ཀུན་ལ་སྦྱར་བའི་འགྲེས་བྱང་ནི༔ སངས་རྒྱས་ཀྱི་བསྟན་པ་སྲུངས༔ དཀོན་མཆོག་གི་དབུ་འཕང་བསྟོད༔ དགེ་འདུན་གྱི་སྡེ་སྐྱོངས༔ བཤད་སྒྲུབ་ཀྱི་བསྟན་པ་སྤེལ༔ བདག་ཅག་འཁོར་དང་བཅས་པའི་ནད་གདོན་བར་ཆད་ཐམས་ཅད་ཞི་བར་མཛོད་ཅིག༔ ཚེ་བསོད་དཔལ་འབྱོར་མངའ་ཐང་ཡོན་ཏན་སྲོག་ལུས་དབང་ཐང་ཀླུང་རྟ་བླ་གཟའ་སྙན་གྲགས་ཐམས་ཅད་གོང་ནས་གོང་དུ་བསྐྱེད་ཅིང་རྒྱས་པར་མཛོད་ཅིག༔ ཁམས་གསུམ་སྲིད་གསུམ་གྱི་སྐྱེ་འགྲོ་ཕོ་མོ་ཟས་ནོར་ལོངས་སྤྱོད་འདོད་རྒུ་ཡིད་བཞིན་ ཐོ།༔ གྱི་བྱེ་བྲག་ཐམས་ཅད་དབང་དུ་སྡུས་ཤིག༔ ཕྱོགས་བཞི་མཚམས་བརྒྱད་སྟེང་འོག་ཐམས་ཅད་ནས་གནོད་ཅིང་འཚེ་བར་བྱེད་པའི་དགྲ་བགེགས་གདུག་པ་ཅན་སྡང་སེམས་དང་ལྡན་པ་ཐམས་ཅད་ཐལ་བའི་རྡུལ་ཕྲན་བཞིན་དུ་བརླག་པའི་ཕྲིན་ལས་མཛོད་ཅིག༔ ཨོཾ་ཨཱཿ ཧཱུྃ༔ དཔལ་ལྡན་བདུད་ཀྱི་མགོན་པོ་ཞིང་སྐྱོང་ཀུན་དགའ་གཞོན་ནུ་ལ་གསོལ ལོ༔ ཡུམ་མཆོག་སི་ན་ར་མ་ལ་གསོལ་ལོ༔ སྲས་མཆོག་བམ་རོ་ཕོ་མོ་ལ་གསོལ་ལོ༔ དུར་ཁྲོད་གིང་གི་མགོན་པོ་ལ་གསོལ་ལོ༔ ནག་པོ་སྟོང་གི་སྡེ་ཚོགས་ལ་གསོལ་ལོ༔ ཤ་ཟ་འབུམ་གྱི་སྡེ་ཚོགས་ལ༴ མ་མོ་བྱེ་བའི་སྡེ་ཚོགས་ལཿ གནོད་སྦྱིན་ཁྲི་ཡི་སྡེ་ཚོགས་ལཿ བཀའ་སྡོད་དྲེགས་པ་སྡེ་བརྒྱད་ལ་གསོལ་ལོ༔ གཞན་ཡང་བདུད་ཀྱི་མགོན་པོའི་སྡེ་ཚོགས་ལ གསོལ་ལོ་མཆོད་དོ༔ འབུལ་ལོ༔ བསྟོད་དོ༔ སངས་རྒྱས་ཀྱི་བསྟན་པ་སྲུངས༔ སོགས་འགྲེས་སོ༔ ཨོཾ་ཨཱཿ ཧཱུྃ༔ འཇིག་རྟེན་དྲེགས་པའི་གཙོ་བོ་གནོད་སྦྱིན་ཤན་པ་དམར་ནག་ལ་གསོལ་ལོ༔ ཡུམ་མཆོག་སྙིང་འབྱིན་དམར་མོ་ལ༴ སྲས་མཆོག་ཚོགས་བདག་ལྷ་ཡི་གཙོ་བོ་ལཿ སྲས་མཆོག་འཁོར་ལོས་སྒྱུར་རྒྱལ་ལཿ སྤྲུལ་པ་སྟག་གི་གདོང་ཅན་ལ༔ སྤྲུལ་པ་ གཟིག་གི་གདོང་ཅན་ལ༴ སྤྲུལ་པ་དོམ་གྱི་གདོང་ཅན་ལཿ སྤྲུལ་པ་འབྲོང་གི་གདོང་ཅན་ལ༔ སྤྲུལ་པ་ནེ་ཙོའི་གདོང་ཅན་ལ༔ སྤྲུལ་པ་རྨ་བྱའི་གདོང་ཅན་ལ༴ སྤྲུལ་པ་ཤང་ཤང་གདོང་ཅན་ལ། སྤྲུལ་པ་ཉ་མོའི་གདོང་ཅན་ལཿ འཁོར་ཚོགས་བྱེ་བ་འབུམ་སྡེ་ལཿ བཀའ་ཡི་ལྷ་སྲིན་སྡེ་བརྒྱད་ལ་གསོལ་ལོ༔ གནོད་སྦྱིན་ཤན་པའི་སྡེ་ཚོགས་འཁོར་དང་ཡང་འཁོར་གཡོག་དང་ཡང་གཡོག་བཀའ་སྡོད་དང་བཅས་པ་ལ་གསོལ་ལོ༔ མཆོད་དོ༔ འབུལ་ལོ༔ བསྟོད་དོ༔ སངས་རྒྱས་ཀྱི་བསྟན་པ་སྲུངས༔ སོགས་འགྲེས་སོ༔ ཨོཾ་ཨཱཿ ༔ སྐྱེ་འགྲོ་ཡོངས་ཀྱི་སྲོག་དབུགས་ཀྱི་བདག་པོ་གཟའ་བདུད་དུག་གི་སྤུ་གྲི་ལ་གསོལ་ལོ༔ སྡོང་ཟླ་གདོང་མོ་མཆེད་བཞི་ལ་གསོལ་ལོ༔ སྤྲུལ་པའི་གཟའ་ཆེན་ཉི་མ་དང་ཟླ་བ་ལ མིག་དམར་དང་ལག་པ་ལ༴ ཕུར་བུ་དང་པ་སངས་ལ༴ སྤེན་པ་དང་སྒྲ་གཅན་ལཿ ལོ་ལ་དབང་བསྒྱུར་བའི་གཟའི་རྒྱལ་པོ་ལ༴ ཟླ་བ་ལ་དབང་བསྒྱུར་བའི་གཟའི་བློན་པོ་ལ ཞག་དང་ཟ་མ་དུས་ཚོད་ལ་དབང་བསྒྱུར་བའི་གཟའི་དམག་ཚོགས་ལ༴ རྒྱུ་སྐར་ཆེན་པོ་ཉི་ཤུ་རྩ་བརྒྱད་ལ༔ བཀའ་ཡི་ལྷ་སྲིན་སྡེ་བརྒྱད་འཁོར་དང་བཅས་པ་ལ་གསོལ་ལོ༔ གཞན་ཡང་གཟའ་ཡི་སྡེ་ཚོགས་འཁོར་དང་ ཟོཾ།༔ཿ བཅས་པ་ཐམས་ཅད་ལ་གསོལ་ལོ༔ མཆོད་དོ༔ འབུལ་ལོ༔ བསྟོད་དོ༔ སངས་རྒྱས་ཀྱི་བསྟན་པ་སྲུངས༔ སོགས་འགྲེས་སོ༔ ཨོཾ་ཨཱཿ ༔ དཔལ་ལྡན་སྔགས་ཀྱི་སྲུང་མ་གཙོ་མོ་ཨེ་ཀ་ཙ་ཏི་སྤུན་དྲུག་ལ་གསོལ་ལོ༔ དེ་ཡི་བྲན་མོ་བཅུ་བཞི་ལ༔ གཡོག་མོ་ལྔ་བཅུ་རྩ་དྲུག་ལ། ཡང་གཡོག་འབུམ་ཁྲི་འབུམ་སྟོང་ལཿ སྣང་སྲིད་ཡོངས་ཀྱི་རྗེ མོ་དཔལ་ལྡན་རང་བྱུང་རྒྱལ་མོ་ལཿ འཁོར་གྱི་རེ་ཏཱི་མཆེད་བཞི་ལ༴ དཔལ་ལྡན་དམག་ཟོར་རྒྱལ་མོ་ལཿ འབྱུང་བ་ལྔ་ཡི་དབང་ཕྱུག་ལ༴ སྲིད་པ་དུས་བཞིའི་དབང་མོ་ལ༴ ཕྱོགས་བཅུའི་འཇིག་རྟེན་དབང་མོ་ལ༴ ཡེ་ཤེས་དབྱིངས་ཀྱི་རྗེ་མོ་ལ༴ འཁོར་འདས་གཉིས་སྐྱོང་དབང་མོ་ལ༴ འཇིག་རྟེན་སྐྱོང་བའི་མ་མོ་ལ༴ གནས་མཆོག་ཉི་ཤུ་རྩ་བཞིའི་བདག་མོ་ལཿ ཡུལ་ཆེན་སུམ་ཅུ་རྩ་གཉིས་ཀྱི་བདག་མོ་ལཿ དུར་ཁྲོད་ཆེན་པོ་གནས་བརྒྱད་ཀྱི་བདག་མོ་ལ༔ མ་ཡུམ་བརྟན་མ་བཅུ་གཉིས་འཁོར་དང་བཅས་པ་ལ་གསོལ་ལོ༔ གཞན་ཡང་སྲིད་པ་མ་མོའི་སྡེ་ཚོགས་འཁོར་དང་ཡང་འཁོར་གཡོག་དང་ཡང་གཡོག་འཁོར་དང་བཅས་པ་མ་ལུས་ཤིང་ལུས་པ་མེད་པ་ཐམས་ཅད་ལ་གསོལ་ལོ༔ མཆོད་དོ༔ འབུལ་ལོ༔ བསྟོད་དོ༔ སངས་རྒྱས་ཀྱི་བསྟན་པ་སྲུངས༔ སོགས༔ ཨོཾ་ཨཱཿ ཧཱུྃ༔ སྲོག་བདག་ཡོངས་ཀྱི་རྒྱལ་པོ་པེ་ཧར་ཆེན་པོ་ལ་གསོལ་ལོ༔ འཁོར་གྱི་རྒྱལ་ཆེན་རྣམ་བཞི་ལ༴ ཕོ་ཉ་རྒྱལ་ཆེན་བརྒྱད་པོ་ལ༴ བཀའ་སྡོད་ལས་ཀྱི་ཕོ་ཉ་ལ་༔ ཡང་འཁོར་ལྷ་སྲིན་སྡེ་བརྒྱད་ལཿ བཙན་རྒོད་རོལ་པ་སྐྱ་བདུན་ལ༴ འབངས་འཁོར་དྲེགས་པའི་དཔུང་ཚོགས་ལཿ ཡང་འཁོར་སྣང་སྲིད་ལྷ་འདྲེ་ལ གསོལ་ལོ༔ གཞན་ཡང་སྲོག་བདག་རྒྱལ་པོའི་སྡེ་རིས་འཁོར་དང་ཡང་འཁོར་གཡོག་དང་ཡང་གཡོག་མ་ལུས་པ་ཡོངས་ལ་གསོལ་ལོ༔ མཆོད་དོ༔ འབུལ་ལོ༔ བསྟོད་དོ༔ སངས་རྒྱས་ཀྱི་བསྟན་པ་སྲུངས༔ སོགས༔ ཨོཾ་ཨཱཿཧཱུྃ༔ སྲིད་པ་ལྷ་ཡི་གཙོ་བོ་དབང་ཕྱུག་ཆེན་པོ་ལ་གསོལ་ལོ༔ ཡུམ་མཆོག་ཨུ་མ་དེ་ཝི་ལཿ སྲས་མཆོག་བྷི_UNK་རཱ་ཛ་ལཿ དཔལ་མགོན་བདུན་ཅུ་རྩ་ལྔ་ལ༔ སྣང་སྲིད་དྲེགས་པའི་འཁོར་ཚོགས་ལ་གསོལ་ལོ༔ གཞན་ཡང་ལྷ་ཆེན་དབང་ཕྱུག་ཆེན་པོའི་སྡེ་ཚོགས་བཀའ་སྡོད་ཕོ་ཉ་ལས་མཁན་འཁོར་དང་ཡང་འཁོར་གཡོག་དང་ཡང་གཡོག་མ་ལུས་ཤིང་ལུས་པ་མེད་པ་ཐམས་ཅད་ལ་གསོལ་ལོ༔ མཆོད་དོ༔ འབུལ་ལོ༔ བསྟོད་དོ༔ སངས་རྒྱས་ཀྱི་བསྟན་པ་སྲུངས༔ སོགས༔ ཨོཾ་ཨཱཿཧཱུྃ༔ ཐོ།༔ གནམ་ས་གཙང་ཆབ་ཕྱེད་ཀྱི་བདག་པོ་དམ་ཅན་རྡོ་རྗེ་ལེགས་པ་ལ་གསོལ་ལོ༔ ཕ་མོན་པ་ནག་པོ་ལཿ མ་མོན་མོ་ནག་མོ་ལ༴ ཡུམ་ཀོང་བཙུན་དེ་མོ་ལ༴ ནམ་མཁའ་སེང་ཞོན་གྱི་དམག་ཚོགས་ལཿ བར་སྣང་བྱ་ཞོན་གྱི་དམག་ཚོགས་ལཿ ས་གཞི་ར་ཞོན་གྱི་དམག་ཚོགས་ལ༴ བཙན་དམག་བྱེ་བ་འབུམ་སྡེ་ལ༴ ཐེ་བྲང་སྟོང་སྡེའི་འཁོར་ཚོགས་ལ་ཀླུ་གཉན་ས་བདག་འབུམ་སྡེ་ལ་གསོལ་ལོ༔ གཞན་ཡང་དམ་ཅན་རྡོ་རྗེ་ལེགས་པའི་སྡེ་ཚོགས་འཁོར་བྲན་འབངས་ཚོགས་དང་བཅས་པ་ཐམས་ཅད་ལ་གསོལ་ལོ༔ མཆོད་དོ༔ འབུལ་ལོ༔ བསྟོད་དོ༔ སངས་རྒྱས་ཀྱི་བསྟན་པ་སྲུངས༔ སོགས༔ ཨོཾ་ཨཱཿ ཧཱུྃ༔ གནོད་སྦྱིན་ནོར་ལྷའི་རྒྱལ་པོ་ཆེན་པོ་རྣམ་ཐོས་སྲས་ལ་གསོལ་ལོ༔ གཏེར་བདག་ཛམ་དཀར་ལྷ་ལྔ་ལ་ཛམ་སེར་ཡིད་བཞིན་དབང་པོ་ལ༴ ཛམ་དམར་དབང་སྡུད་རྒྱལ་པོ་ལ༴ ཛམ་ནག་གཏུམ་དྲག་ཆེན་པོ་ལ སྤྲུལ་འཁོར་ནོར་བདག་རྣམ་བརྒྱད་ལ༴ ཕོ་ཉ་ནོར་བདག་ཉེར་གཅིག་ལ ཡང་འཁོར་འབུམ་ཁྲི་འབུམ་སྟོང་ལ༴ ནོར་བདག་ལྷ་མོ་མཆོག་བརྒྱད་ལ་གསོལ་ལོ༔ གཞན་ཡང་གནོད་སྦྱིན་ནོར་ལྷའི་སྡེ་ཚོགས་འཁོར་དང་བཅས་པ་ལ་གསོལ་ལོ༔ མཆོད་དོ༔ འབུལ་ལོ༔ བསྟོད་དོ༔ སངས་རྒྱས་ཀྱི་བསྟན་པ་སྲུངས༔ སོགས༔ ཨོཾ་ཨཱཿཧཱུྃ༔ གཞན་ཡང་འཛམ་བུའི་གླིང་གི་གཞི་བདག་ལ་གསོལ་ལོ༔ སྟོད་མངའ་རི་སྐོར གསུམ་གྱི་གཞི་བདག་དང་སྲུང་མ་རྣམས་ལ༴ བར་དབུས་གཙང་རུ་བཞི་ལ་གནས་པའི་གཞི་བདག་དང་སྲུང་མ་རྣམས་ལ༴ སྨད་མདོ་ཁམས་སྒང་དྲུག་ལ་གནས་པའི་གཞི་བདག་དང་སྲུང་མ་རྣམས་ལ༴ རྗེ་ཡི་མགུར་ལྷ་བཅུ་གསུམ་ལཿ སྲིད་པ་ཆགས་པའི་ལྷ་དགུ་ལ༔ གངས་དཀར་ཉི་ཤུ་རྩ་གཅིག་ལ༴ དགེ་བསྙེན་ཆེན་པོ་ཉེར་གཅིག་ལ་གསོལ་ལོ༔ གཞན་ཡང་བདག་ཅག་འཁོར་དང་བཅས་པའི་ཕ་ལྷ་མ་ལྷ་ཞང་ལྷ་ཕྲག་ལྷ་འགོ་བའི་ལྷ་ལྔ་སྐྱོབ་པའི་ལྷ་དགུ་ཕ་མྱེས་བརྒྱུད་ཀྱི་སྲུང་མ་བསྙེན་ཅིང་བསྒྲུབ་པའིསྲུང་མ་མ་སྒྲུབ་རང་འཁོར་གྱི་སྲུང་མ་འཁོར་དང་བཅས་པ་ལ་གསོལ་ལོ༔ མཆོད་དོ༔ འབུལ་ལོ༔ བསྟོད་དོ༔ བསྔགས་སོ༔ སངས་རྒྱས་ཀྱི་བསྟན་པ་སྲུངས༔ སོགས་ཕྲིན་ལས་མཛོད་ཅིག༔ ཧཱུྃ༔ ཡེ་ཤེས་འཇིག་རྟེན་བཀའ་སྲུང་ཁྱོད་རྣམས་ཀྱིས༔ བདག་ཅག་ཡོན་མཆོད་འཁོར་དང་བཅས་པ་ལ༔ ཁ་འཛིན་སྡོང་གྲོགས་མེལ་རྩེ་དཔུང་གཉེན་མཛོད༔ བསམ་པའི་དོན་ཀུན་ཡིད་བཞིན་འགྲུབ་པ་དང་༔ བཀྲ་ ཟོཾ།༔ ཤིས་དགེ་ལེགས་ཕུན་སུམ་ཚོགས་པར་མཛོད༔ ཞི་རྒྱས་དབང་དང་དྲག་པོ་ལ་སོགས་པའི༔ ཕྲིན་ལས་རབ་འབྱམས་ཐོགས་པ་མེད་པ་ཡིས༔ ཕྱོགས་ལས་རྣམ་པར་རྒྱལ་བའི་ཕྲིན་ལས་མཛོད༔ འདི་ལྟར་དངོས་སུ་འབྱོར་པ་ལ༔ ཡིད་ཀྱིས་ནམ་མཁའ་མཛོད་དུ་སྤེལ༔ གནད་དེ་ལྡན་ཅིང་འདིར་བརྩོན་ན༔ བསམ་པའི་དོན་ཀུན་འབད་མེད་འགྲུབ༔ སྒྲུབ་པའི་བར་ཆད་གེགས་སེལ་ཞིང་༔ རྐྱེན་དང་མི་མཐུན་ཀུན་འཇོམས་འགྱུར༔ བཀའ་སྲུང་གཟའ་བདུད་རྒྱལ་པོས་སྲུངས༔ དམ་ཉམས་ལག་ཏུ་མ་བཏང་ཞིག༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ནི་ཁྲག་འཐུང་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་གཏེར་ནས་བཏོན་ཏེ་མི་ལོ་ཉི་ཤུའི་བར་དུ་བཀའ་རྒྱ་བྱས་མཐར་སྨར་མདོ་བཀྲ་ཤིས་དགའ་འཁྱིལ་དུ་དག་པར་ཕབ་པའི་ཡི་གེ་པ་ནི་རྣལ་འབྱོར་དབང་ཕྱུག་འཇིགས་མེད་ཕུན་ཚོགས་བཀྲ་ཤིས་སོ། དགེའོ །དགེའོ། །དགེའོ།། T11609 - 387 T11609 - 388 ཝྃ།༔ ཟབ་གསང་མཁའ་འགྲོའི་སྙིང་ཐིག་ལས༔ བཀའ་སྲུང་དམ་ཅན་སྡེ་དགུའི་བསྐང་གསོལ་འདོད་འཇོའི་སྤྲིན་དཔུང་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཤླརྟརྷྱ་༔ མ་འོངས་པདྨའི་བརྒྱུད་འཛིན་རྣམས༔ སྒྲུབ་པ་ཟབ་མོ་ལྷུར་ལེན་ཚེ༔ ཕྱི་ནང་བར་ཆད་གེགས་སྒྲོལ་ཕྱིར༔ བསྐང་གསོལ་ཟབ་མོ་འདིར་བརྩོན་མཛོད༔ མཆོད་རྫས་འབྱོར་ཚོགས་གང་འོས་བསགས༔ ཡིད་ཀྱིས་ནམ་མཁའ་མཛོད་དུ་སྤེལ༔ རང་ཉིད་ཡི་དམ་ལྷར་གསལ་བའི༔ ང་རྒྱལ་བརྟན་པོས་འདི་སྐད་དོ༔ ཧཱུྃ༔ དད་པ་དང་ནི་དམ་ཚིག་གིས༔ བཀའ་སྲུང་གཉན་པོ་སྤྱན་འདྲེན་ནོ༔ བསྙེན་སྒྲུབ་གནས་འདིར་བཞུགས་སུ་གསོལ༔ ཧཱུྃ༔ བདག་རྟོག་འཁོར་བ་ཡོངས་སྒྲོལ་བའི༔ ཏིང་འཛིན་སྒྱུ་འཕྲུལ་རོལ་པའི་གར༔ མཆོད་སྤྲིན་མི་ཟད་ནམ་མཁའི་མཛོད༔ འདོད་རྒུའི་དཔལ་ཡོན་ཅིར་ཡང་སྣང་༔ ཧཱུྃ༔ ཆོས་ཉིད་གདལ་ཁྱབ་གཞལ་ཡས་ནས༔ མ་འགགས་ཐབས་ཀྱི་སྐུར་སྣང་བ༔ གདོད་ནས་མི་གནས་ཡེ་ཤེས་རྩལ༔ གཉིས་སྣང་རཱུ་ཏྲའི་གཤེད་དུ་ཤར༔ ལེགས་ལྡན་མ་ཧཱ་ཀཱ་ལ་དང་༔ ཕྱག་བཞི་ཕྱག་དྲུག་ཚོགས་ཀྱི་བདག༔ གུར་མགོན་བེར་ནག་ཏྲག་ཤད་དང་༔ ལས་མགོན་བྱ་རོག་གདོང་ཅན་སོགས༔ མགོན་པོའི་སྡེ་ཚོགས་འཁོར་བཅས་ལ༔ དངོས་འབྱོར་ཡིད་ཀྱིས་རྣམ་སྤྲུལ་པའི༔ འདོད་T11609 - 389 ཡོན་ནམ་མཁའ་མཛོད་དུ་འབུལ༔ གསོལ་ལོ་མཆོད་དོ་ཐུགས་དམ་བསྐང་༔ འདོད་དོན་ཡིད་བཞིན་འགྲུབ་པར་མཛོད༔ ཧཱུྃ༔ བདུད་མགོན་སེང་གདོང་ཡབ་ཡུམ་དང་༔ སྲས་འཁོར་བམ་རོ་ཕོ་མོ་དང་༔ ནག་པོ་སྟོང་དང་ཤ་ཟ་འབུམ༔ མ་མོ་བྱེ་བ་གནོད་སྦྱིན་ཁྲི༔ བདུད་མགོན་ནག་པོའི་སྡེ་ཚོགས་ལ༔ དངོས་འབྱོར་ཡིད་ཀྱིས་རྣམ་སྤྲུལ་པའི༔ འདོད་ཡོན་ནམ་མཁའ་མཛོད་དུ་འབུལ༔ གསོལ་ལོ་མཆོད་དོ་ཐུགས་དམ་བསྐང་༔ བསམ་པའི་དོན་ཀུན་ཡོངས་འགྲུབ་མཛོད༔ ཧཱུྃ༔ གཟའ་བདུད་ནག་པོ་ཡབ་ཡུམ་ལ༔ གཟའ་བརྒྱད་རྒྱུ་སྐར་སྡེ་བརྒྱད་འཁོར༔ མི་སྲུན་གཟའ་ཡི་སྡེ་ཚོགས་ལ༔ དངོས་འབྱོར་ཡིད་ཀྱིས་རྣམ་སྤྲུལ་པའི༔ འདོད་ཡོན་ནམ་མཁའི་མཛོད་དུ་འབུལ༔ གསོལ་ལོ་མཆོད་དོ་ཐུགས་དམ་བསྐང་༔ བསམ་པའི་དོན་ཀུན་ཡོངས་འགྲུབ་མཛོད༔ ཧཱུྃ༔ གནོད་སྦྱིན་ཤན་པ་ཡབ་ཡུམ་ལ༔ སྤྲུལ་པའི་འཁོར་དང་སྡེ་བརྒྱད་བསྐོར༔ གནོད་སྦྱིན་སྡེ་ཚོགས་འཁོར་བཅས་ལ༔ དངོས་འབྱོར་ཡིད་ཀྱིས་རྣམ སྤྲུལ་པའི༔ འདོད་ཡོན་ནམ་མཁའ་མཛོད་དུ་འབུལ༔ གསོལ་ལོ་མཆོད་དོ་ཐུགས་དམ་བསྐང་༔ བསམ་པའི་དོན་ཀུན་ཡོངས་འགྲུབ་མཛོད༔ ཧཱུྃ༔ རྗེ་མོ་ཨེ་ཀ་ཙ་ཏི་མ༔ འདོད་ ཐོ།༔ ཁམས་བདག་མོ་རེ་མ་ཏཱི༔ སྲིད་པ་མ་མོའི་སྡེ་ཚོགས་ལ༔ དངོས་འབྱོར་ཡིད་ཀྱིས་རྣམ་སྤྲུལ་པའི༔ འདོད་ཡོན་ནམ་མཁའ་མཛོད་དུ་འབུལ༔ གསོལ་ལོ་མཆོད་དོ་ཐུགས་དམ་བསྐང་༔ བསམ་པའི་དོན་ཀུན་ཡོངས་འགྲུབ་མཛོད༔ ཧཱུྃ༔ ཆོས་སྐྱོང་རྒྱལ་པོ་པེ་ཧ་ར༔ སྐུ་ལྔ་བློན་བདུན་བྱེ་བའི་འཁོར༔ སྲོག་བདག་རྒྱལ་པོའི་སྡེ་ཚོགས་ལ༔ དངོས་འབྱོར་ཡིད་ཀྱིས་རྣམ་སྤྲུལ་པའི༔ འདོད་ཡོན་ནམ་མཁའ་མཛོད་དུ་འབུལ༔ གསོལ་ལོ་མཆོད་དོ་ཐུགས་དམ་བསྐང་༔ བསམ་པའི་དོན་ཀུན་ཡོངས་འགྲུབ་མཛོད༔ ཧཱུྃ༔ ལྷ་ཆེན་དབང་ཕྱུག་ཆེན་པོ་དང་༔ འདོད་ཁམས་དྲེགས་པ་ཕོ་མོའི་འཁོར༔ དབང་ཕྱུག་ལྷ་ཡི་སྡེ་ཚོགས་ལ༔ དངོས་འབྱོར་ཡིད་ཀྱིས་རྣམ་སྤྲུལ་པའི༔ འདོད་ཡོན་ནམ་མཁའ་མཛོད་དུ་འབུལ༔ གསོལ་ལོ་མཆོད་དོ་ཐུགས་དམ་བསྐང་༔ བསམ་པའི་དོན་ཀུན་ཡོངས་འགྲུབ་མཛོད༔ ཧཱུྃ༔ སྐྱེས་མཆོག་བཛྲ་ཐིག་ལེ་རྩལ༔ མཆེད་འཁོར་སུམ་བརྒྱ་དྲུག་ཅུས་བསྐོར༔ དམ་ཅན་སྡེ་ཚོགས་འཁོར་བཅས་ལ༔ དངོས་འབྱོར་ཡིད་ཀྱིས་རྣམ་སྤྲུལ་པའི༔ འདོད་ཡོན་ནམ་མཁའ་མཛོད་དུ་འབུལ༔ གསོལ་ལོ་མཆོད་དོ་ཐུགས་དམ་བསྐང་༔ བསམ་པའི་དོན་ཀུན་ཡོངས་ འགྲུབ་མཛོད༔ ཧཱུྃ༔ གནོད་སྦྱིན་རྒྱལ་པོ་རྣམ་ཐོས་སྲས༔ ནོར་ལྷ་ཁྲི་འབུམ་བྱེ་བས་བསྐོར༔ གནོད་སྦྱིན་སྡེ་ཚོགས་འཁོར་བཅས་ལ༔ དངོས་འབྱོར་ཡིད་ཀྱིས་རྣམ་སྤྲུལ་པའི༔ འདོད་ཡོན་ནམ་མཁའ་མཛོད་དུ་འབུལ༔ གསོལ་ལོ་མཆོད་དོ་ཐུགས་དམ་བསྐང་༔ བསམ་པའི་དོན་ཀུན་ཡོངས་འགྲུབ་མཛོད༔ དམ་ཅན་བཀའ་ཡི་སྲུང་མ་རྣམས༔ ཁྱེད་ཅག་བསྙེན་བསྒྲུབ་བསྐང་གསོལ་ན༔ དམ་ཚིག་ཇི་བཞིན་ཕྲིན་ལས་མཛོད༔ འདི་ནི་གྲངས་ལྡན་བརྗོད་གྱུར་ན༔ ཕ་མ་བུ་ཚ་བཞིན་བརྩེ་ཞིང་༔ ཕྲིན་ལས་འགྲུབ་པར་ཐེ་ཚོམ་མེད༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ །སརྦ་མངྒ་ལཾ།། ། 388 T11609 - 392 ཐ།༔ ཟབ་གསང་མཁའ་འགྲོའི་སྙིང་ཐིག་ལས༔ བཀའ་སྲུང་དམ་ཅན་སྡེ་དགུའི་བསྐུལ་བ་དམག་དཔུང་འཚུབས་མ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཐཾཐཤཿ དམར་གཏོར་སྐྱེམས དང་བ་ལིང་བཤམས༔ བཀའ་སྲུང་གཉན་པོ་ཡིད་ལ་བྱ༔ ཧཱུྃ༔ ལེགས་ལྡན་མགོན་པོའི་སྡེ་ཚོགས་རྣམས༔ དམ་ཚིག་ཆེན་པོས་ཐུགས་དམ་བསྐུལ༔ མངོན་སྤྱོད་དྲག་པོའི་ཕྲིན་ལས་ཀྱིས༔ དགྲ་བགེགས་མྱུར་དུ་ཁུག་ལ་སྒྲོལ༔ བདུད་མགོན་སེང་གདོང་སྡེ་ཚོགས་རྣམས༔ དམ་ཚིག་ཆེན་པོས་ཐུགས་དམ་