Tibetan
ཚིག་གིས་ལུང་བསྟན་ལགས། དགྲ་འདུལ་གཉེན་སྐྱོང་མི་དགེའི་སྤྱོད་པ་དང་།འགྲོ་འདུག་བྱེད་རྩོལ་ལུང་མ་བསྟན་གྱི་ལས། །ཡི་གེར་འབྲི་བའི་ངལ་བ་ལྷུར་ལེན་ལ །རྣམ་ཐར་སྒྲོ་བཏགས་ཕལ་དང་འདི་མི་མཚུངས།། བགྲང་ཡས་ལྷག་པའི་ལྷ་ཡིས་རྗེས་སུ་བཟུང་། །སྒོམ་བྱུང་རྟོགས་པའི་ཀློང་ཆེན་ཤུགས་ཀྱིས་བརྡོལ། །ཟབ་གཏེར་ཆོས་ཀྱི་བདུད་རྩི་རིས་མེད་སྤེལ། །སྣ་ཚོགས་ཐབས་མཁས་མཛད་ཚུལ་བརྗོད་པར་སྟོན། །གང་དག་ཡིད་སྲུབ་བྲན་དུ་མ་གྱུར་ཅིང་། །ཕྱོགས་ཙམ་ཞིག་ཀྱང་གཟུ་བོར་གནས་པ་ཡི །རྣམ་ཐར་དཔྱོད་བློ་ཅུང་ཟད་མཆིས་ན་ཡང་། །བསྔགས་འོས་ངོ་མཚར་གནས་སུ་ཅིས་མི་མཐོང་། །ངེས་པའི་དོན་དུ་ཐོག་མའི་རྒྱལ་བ་ཡི། །ཐུགས་རྗེའི་ཡེ་སྤྲུལ་ཡོན་ཏན་བཀོད་པ་ཡང་། །རྒྱལ་ཀུན་གསང་བ་གསུམ་དང་རོ་མཉམ་དུ། །གྱུར་པ་ཐམས་ཅད་གཟིགས པ་ཁོ་ནའི་ཡུལ། །དེ་སླད་ཡི་གེར་བཀོད་ཟིན་འདི་དག་ཀྱང་། །རྒྱ་མཚོ་ཆེ་ལས་ཆུ་ཡི་ཐིག་པ་བཞིན །ཆ་ཤས་ཙམ་ཞིག་ད་ལྟའི་ཐུན་མོང་གི། །གདུལ་བྱའི་བློ་དང་འཚམས་པར་བསྩལ་པ ལགས། །ཕྲག་དོག་རླུང་གིས་ཡིད་ནི་ཆེར་བསྐྱོད་ཅིང་། །བློ་མིག་ཕྱོགས་འཛིན་རབ་རིབ་ཀྱིས་བསྒྲིབས་པའི། །མཁས་རློམ་རྣམས་ཀྱི་སྙིང་གི་ཟུག་རྔུ་རུ། །འགྱུར་ཡང་རང་གི་ལས་ཀྱིས་ནོངས་པ་ཡིན །གང་ལྟར་བརྗོད་པ་ཚུར་མཐོང་སྒོ་གསུམ་ལས། །མ་ལགས་ཁྱད་འཕགས་ཡོན་ཏན་མང་མཆིས་ཏེ །རྗོད་བྱེད་ཚིག་ཀྱང་རྟོག་བཟོའི་སྒྲ་དོན་རྒྱན།།ཙམ་མིན་སོ་སོ་རང་རིག་སྟོབས་ལས་བྱུང་། །རབ་འབྱམས་ཕྱོགས་བཅུའི་ཞིང་བཞུགས་རྒྱལ་དེ་སྲས། །གནས་གསུམ་དཔའ་བོ་ཌཱ་ཀིའི་ཚོགས་རྣམས་དང་། །ལྷ་དང་གྲུབ་པ་རིག་འཛིན་རྒྱ་མཚོ་ཡིས། དགྱེས་པའི་འཛུམ་ཞལ་སྟོན་ལ་སུ་ཞིག་བསྙོན །ཤིན་ཏུ་གསང་བའི་རྣམ་པར་ཐར་པ་འདི། །སྐལ་མེད་ལོག་ལྟ་ཅན་ལ་སྦ་བ་དང་། །སྐལ་ལྡན་སྐྱེ་བོའི་ཚོགས་ལ་དར་རྒྱས་སུ། །འགྱུར་བའི་གཉེར་ཁ་བསྟན་སྲུང་རྒྱ་མཚོས་མཛོད། །འདི་ལས་བྱུང་བའི་ལེགས་ཚོགས་ཅི་མཆིས་པས། །ཡངས་པའི་ས་ཆེན་ཀུན་ཏུ་ནད་མུག་དང་། །འཁྲུག་རྩོད་ལ་སོགས་དུས་ཀྱི་རྒུད་པ་ཞི། ༄༅། །བདེ་སྐྱིད་དཔལ་གྱིས་རྟག་ཏུ་འཚོ་བར་ཤོག །རིག་འཛིན་བླ་མ་མཆོག་དེའི་ཐུགས་བསྐྱེད་མཐུ །རང་གཞན་ཀུན་ལ་གེགས་མེད་འབྱོར་པ་དང་། །རྒྱལ་བསྟན་སྤྱི་དང་གསང་ཆེན་ཟབ་མོའི་ཆོས། །ཕྱོགས་དུས་ཀུན་ཏུ་དར་ཞིང་རྒྱས་གྱུར་ཅིག །བྱ་རྩོལ་བློ་ལས་འདས་པའི་ཐེག་མཆོག་གིས། །ཡིད་ཅན་མ་ལུས་གདོད་མའི་མགོན་པོ་ཡི། །གོ་འཕང་མཆོག་ལ་མྱུར་དུ་རེག་གྱུར་ནས། །འཁྲུལ་སྣང་འཁོར་བའི་གྲོང་ཁྱེར་སྟོང་གྱུར་ཅིག །དེ་ལྟར་རྒྱལ་ཀུན་འདུས་པའི་སྤྱི་གཟུགས་གཏེར་ཆེན་ཆོས་ཀྱི་རྒྱལ་པོ་མཚན་བརྗོད་པར་དཀའ་བ་དོན་གྱི་སླད་དུ་ན་རིག་འཛིན་བདུད་འཇོམས་རྡོ་རྗེ་གྲོ་ལོད་རྩལ་གྱིས་ཞལ་སྔ་ནས་རྣམ་པར་ཐར་པ་དགུང་གྲངས་དྲུག་ཅུ་རེ་གཉིས་ལ་ཕེབས་པ་ཚུན་ཞལ་རྩོམ་དུ་གནང་བ་ལ། མཇུག་རྩོམ་གྱི་ཚུལ་འདི་ཡང་གང་གི་བཀས་གནང་བ་ཐོབ་ཅིང་དམ་ལྡན་རྡོ་རྗེའི་མཆེད་པོ་མཁྱེན་རབ་རྒྱ་མཚོས་ཀྱང་བསྐུལ་ངོར། གཏེར་ཆེན་རིན་པོ་ཆེ་དེ་ཉིད་ཀྱིས་ཐུགས་བརྩེ་བ་ཆེན་པོས་རྗེས་སུ་བཟུང་ཞིང་རྒྱུ མཚན་ཤེས་ཏེ་མི་ཕྱེད་པའི་དད་པ་བརྟན་པོའི་སྒོ་ནས་ཞབས་རྡུལ་སྤྱི་བོས་ལེན་པ་གསར་རྙིང་རིས་མེད་ཀྱི་གཞུང་ལ་ཅུང་ཟད་སྦྱངས་པ་བྱས་རློམས་ཀྱི་སྐྱེས་མིང་འདུ་ཤེས་གསུམ་པ་པདྨ་ལུང་ རྟོགས་རྒྱ་མཚོའམ་མིང་གཞན་བློ་བཟང་བསྟན་པའི་རྒྱལ་མཚན་དུ་འབོད་པས་བྲིས་པ་ཀུན་ནས་དགེ་བར་གྱུར་ཅིག། །། ༈ ཨོཾ་སྭསྟི་སིདྡྷཾ། མཐའ་ཡས་དབང་པོ་པདྨ་བདེ་བ ཆེ། །གདུལ་དཀའི་གཤེད་དུ་འཆོལ་བའི་གྲོ་བོ་ལོད། །སླར་ཡང་བསམ་བཞིན་གཏེར་འབྱིན་རྫུར་ཞུགས་ནས། །མི་སྲུན་བདུད་སྡེ་འཇོམས་དེར་ཡིད་རབ་དད། ༡ །གང་གི་རྟོགས་བརྗོད ངོ་མཚར་སྒྱུ་མའི་ཚུལ། །རྒྱ་ཆེ་གཏིང་ཟབ་བྱིས་བློས་གཞལ་མི་སྤྱོད །བརྩེ་ཆེན་ཐུགས་ཀྱིས་ཆ་ཙམ་ལས་ཅན་ངོར། །རྡོ་རྗེའི་མགུར་གྱི་བུམ་བཟང་ལས་ཕྱུངས་པས ༈ །ངེས་གསང་གནས་སྟོན་སྲིད་ཞིའི་བདེན་འཛིན་བཤིག །འཇིགས་མེད་སེངྒེའི་སྒྲ་ཆེན་ཡོངས་བསྒྲགས་སླད། །བློ་དམན་དཔའ་བཀོང་དབང་རྣོན་རབ་དགའི་གནས །རྩོད་དུས་ཀུན་བཟང་ཐུགས་ཀྱི་བསྟན་བཙས་སུ། ༣ །རྣམ་པར་དགོངས་ནས་གང་གི་དེ་མ་ཐག །མཆོག་གི་སྤྲུལ་སྐུ་ཡེ་ཤེས་རྡོ་རྗེ་ཡིས། །ཞུས་ཤིང་བྱིས་དོར་གཙང་བྱས་ཆོས་སྦྱིན་སྤར། །རིས་མེད་གདུལ་བྱའི་དཔལ་དུ་ལེགས་པར་བསྐྲུན། ༤ །འདི་དགེས་དཔལ་ལྡན་བླ་མ་སྲས་བཅས་ཀྱི །ཞབས་པད་རྟག་བརྟན་ཕྲིན་ལས་མཁའ་མཐར་བརྡལ། །རིམ་དགུའི་རྩེ་རྒྱལ་ཨ་ཏིའི་རྫོགས་པ་ཆེའི །རིང་ ༄༅། །ལུགས་དྲི་མེད་ཕྱོགས་ཀྱི་ཐ་གྲུར་ཁྱབ། ༥ །རྣམ་ཐར་འདི་མཐོང་ཐོས་དང་དྲན་པ་ཀུན། །གཟུང་འཛིན་རང་གྲོལ་ནམ་མཁའི་རྣལ་འབྱོར་ལམ། ཚེ་གཅིག་བཙན་ཆོད་ཟག་ཕུང་འཇའ་སྐུར་དེངས། །འཁོར་བ་གཏིང་སྤྲུགས་བཀྲ་ཤིས་དཔལ་འབར་ཤོག ༦ །ཅེས་པའང་ལེགས་བྱས་ཀྱི་འབྲེལ་ཐོགས་རྣམ་རྒྱལ་དཔལ་མོ་སོགས་སྦྱིན་པའི་བདག་པོ་རྣམས་ཀྱི་བསམ་པ་རྫོགས་པའི་སླད་དུ་འཁོར་ལོའི་དབང་ཕྱུག་འཇིགས་བྲལ་ཡེ་ཤེས་རྡོ་རྗེའི་བཀའ་སྩལ་རིན་པོ་ཆེ་སྤྱི་བོས་མཆོད་དེ། ཀུ་ས་ལི་སངས་རྒྱས་རྡོ་རྗེས་འདུན་སྨོན དུ་བྲིས་པ་སིདྡྷི་རསྟུ།། 69ཐར་ T11619 - 274 གསང་བའི་གཅིག་རྣམ་ཐར་དག་སྣང་ཡེ་ཤེས་དྲྭ་བ་ལས༔ གསང་ཆེན་ཉམས་བྱུང་གི་རྟོགས་བརྗོད་གསལ་བའི་མེ་ལོང་ཞེས་བྱ་བ་བཞུགས་སོ༔ TI1619 - 275 ཨོཾ༔ ཨེ་མ་ཧོཿ ཀ་དག་ཆོས་སྐུ་སྤྲོས་པའི་མཐའ་དང་བྲལ༔ ལྷུན་གྲུབ་སྐུ་དང་ཡེ་ཤེས་ལོངས་སྤྱོད་རྫོགས༔ ཐུགས་རྗེའི་རང་གདངས་འགྲོ་འདུལ་སྤྲུལ་པའི་སྐུ༔ སྐུ་གསུམ་ལྷུན་གྲུབ་པདྨ་རྒྱལ་པོས་སྐྱོངས༔ སྔོན་ཚེ་རྣལ་འབྱོར་ནུས་ལྡན་རྡོ་རྗེ་ཡིས༔ བསྐལ་བཟང་སངས་རྒྱས་སྟོང་གི་བསྟན་པ་ལ༔ ང་ཡི་སྤྲུལ་པ་བྱེ་བ་ཕྲག་བརྒྱ་ཡིས༔ རྒྱུན་མི་ཆད་པར་འདུལ་བྱ་སྐྱོང་བར་ཤོག༔ ཅེས་གསུངས་ཐུགས་བསྐྱེད་སྨོན་ལམ་རྣམ་དག་མཐུས༔ བྱེ་བྲག་སྤྲུལ་པའི་ཆ་རུ་ཤར་བ་བདག༔ ལོ་གྲངས་བཞི་བཅུ་ཐམ་པར་བབ་པ་ཡི༔ ཁྱི་ལོ་དབྱར་ཟླ་ར T11619 - 276 #&ཨོཾ༔ བའི་ཉེར་ལྔའི་ནུབ༔ གཉིད་དང་འོད་གསལ་འདྲེས་པའི་སྣང་ཆ་ལ༔ བརྡལ་ཁྱབ་ནམ་མཁའ་ཡངས་པའི་མཁའ་ཀློང་ནས༔ འཇའ་ཚོན་འོད་ཀྱི་གུར་ཁང་འཁྲིགས་པའི་ཀློང་༔ དབྱིངས་ཀྱི་རྗེ་མོ་ཨེ་ཀ་ཙ་ཏི་མས༔ གཟི་བརྗིད་ཉི་ལྟར་འབར་བའི་ཞལ་ངོམས་ནས༔ ཤིན་ཏུ་བརྩེ་ཞིང་གདུང་བས་འདི་སྐད་གསུངས༔ ཀྱེ་ཧོ་སྐྱེས་མཆོག་བདུད་འཇོམས་གླིང་༔ མི་ཚེ་འདི་ཡི་སྔོན་རོལ་དུ༔ ཁྱེད་ཀྱི་སྐྱེ་བརྒྱུད་ཇི་ལྟར་ལགས༔ དྲན་ན་གླུ་རུ་འདོམས་ཤིག་དང་༔ ང་ལ་དགོས་པ་ཆེན་པོ་གདའ༔ ཞེས་གསུངས་གུས་ཚུལ་མཛད་ཅིང་བཞུགས་པའི་ངོར༔ TI1619 - 277 བདག་གིས་སྔོན་གྱི་སྐྱེ་བ་དྲན་བཞིན་དུ༔ ཀྱེ་ཧོཿ ཡེ་ཤེས་མཁའ་འགྲོ་ཚུར་གསོན་དང་༔ སྔོན་ཚེ་རྣལ་འབྱོར་ནུས་ལྡན་པས༔ སྐལ་པ་བཟང་པོའི་སངས་རྒྱས་ལ༔ དབང་བསྐུར་མཚན་གསོལ་ལུང་ཡང་བསྟན༔ དེ་ཚེ་རྡོ་རྗེ་འཆང་ཆེན་དངོས༔ དེ་ཡིས་ཐུགས་བསྐྱེད་སྨོན་ལམ་མཐུས༔ རིམ་བཞིན་ཐོག་མཐའ་བར་གསུམ་དུ༔ སྤྲུལ་པ་བརྒྱ་ཕྲག་རྒྱུན་མི་ཆད༔ ཐུབ་པའི་སྤྱན་སྔར་ཤཱ་རིའི་བུ༔ ཉན་ཐོས་ཚུལ་འཆང་གདུལ་བྱ་བསྐྱངས༔ འབྲེལ་ཚད་ཐར་པའི་ལམ་ལ་བཀོད༔ དེ་འོག་བྲག་དམར་བྱ་སྐྱིབ་ཚལ༔ ང་ནི་ཧཱུྃ་ཆེན་ཀཱ་ར་ལགས༔ གསང་སྔགས་བསྟན་པའི་བ་T11619 - 278 གསང་བའི་གསུམ་ཨོཾཿ དན་བསྒྲེངས༔ གདུལ་བྱ་བོད་ཀྱི་ཡུལ་དུ་དགོངས༔ འབྲོག་བན་ཁྱེའུ་ཆུང་ལོ་ཙཱར་སྤྲུལ༔ འབྲེལ་ཚད་གཏན་བདེའི་ས་ལ་བཀོད༔ སླར་ཡང་འགྲོ་དོན་དུས་བབ་ནས༔ གྲུམ་གྱི་གྲུབ་ཐོབ་མཁར་ནག་ཅེས༔ ཟབ་གཏེར་སྒོ་ཕྱེས་གདུལ་བྱ་བསྐྱངས༔ འབྲེལ་ཚད ཐར་པའི་ལམ་དུ་བཀོད༔ སླར་ཡང་འགྲོ་དོན་དང་ལེན་ཕྱིར༔ ཧེ་པ་ཆོས་ཀྱི་འབྱུང་གནས་གྲགས༔ གདུལ་བྱར་ཐར་པའི་ལམ་སྟོན་ཅིང་༔ གསང་ཆེན་བསྟན་པའི་སྒྲོན་མེ་སྦར༔ སླར་ཡང་ཁྲག་འཐུང་བདུད་འདུལ་གླིང་༔ མ་ངེས་སྤྱོད་པས་གདུལ་བྱ་བསྐྱངས༔ རྒྱལ་ཁབ་གནས་རིས TI1619 - 279 མང་པོ་འགྲིམས༔ གསང་སྔགས་བསྟན་པའི་འོད་སྟོང་བཀྱེས༔ སླར་ཡང་བདུད་འདུལ་ཡང་སྤྲུལ་བྱུང་༔ ཀློ་མོན་རྒྱལ་ཁབ་དཀར་པོར་བསྒྱུར༔ མི་སྲུན་གདུག་པའི་ལྷ་འདྲེ་བཏུལ༔ གཞན་དོན་རླབས་ཆེན་ལྷུར་ལེན་མཛད༔ གཞན་ཡང་སྐྱེ་བ་དུ་མ་རུ༔ འགྲོ་འདུལ་གཏེར་སྟོན་ཚུལ་འཛིན་དང་༔ རྣལ་འབྱོར་གྲོང་བསྟེན་བསྟན་འཛིན་ཚུལ༔ རྒྱས་པར་བཤད་ན་དཔག་ཏུ མེད༔ སླར་ཡང་ཨོ་རྒྱན་ཆེན་པོ་ཡིས༔ ལྡོག་མེད་བཀའ་བཙན་འདི་སྐད་ཕེབས༔ ཀྱེ་ཧོཿ གསོན་ཅིག་སྐལ་བཟང་སྐྱེས་བུ་མཆོག༔ དེང་དུས་ལྔ་བརྒྱ་སྙིགས་དུས་འདིར༔ རྫོགས་ཆེན་ཉི་མ་ནུབ་ཏུ་ཕྱོགས༔ གསང་ཆེན་བསྟན་པ་མུན་དགུང་མཚམས༔ དུས་འདིར་སྐྱེ་འགྲོ་དམུ་རྒོད་ཅིང་༔ ཀླ་ཀློའི་རྫས་སྔགས་གྲིབ་ཀྱིས་བསླུས༔ གདུལ་བྱ་ཤིན་ཏུ་འདུལ་དཀའ་ཡང་༔ སྨོན་ལམ་ལས་ཅན་སྐལ་བཟང་ཚོགས༔ ངེས་གསང་ལམ་དུ་གཟུད་པའི་ཕྱིར༔ ཁྱེད་ཀྱི་གདུལ་བྱ་དུས་ལ་བབ༔ མ་ངེས་སྤྱོད་པ་སྣ་ཚོགས་ཀྱིས༔ གང་འདུལ་གདུལ་བྱ་སྐྱོང་བའི་ཕྱིར༔ གཟུགས་ཀྱི་སྐུ་རུ་ད་བཞེངས་ཤིག༔ ཅེས་གསུངས་ལན་དུ་ངས་འདི་སྨྲས༔ ཀྱེེ༔ དུས་གསུམ་རྒྱལ་བའི་སྤྱི་གཟུགས་མཆོག༔ གཏན་གྱི་སྐྱབས་མཆོག་རིན་པོ་ཆེ༔ ཨོཾཿ ཐུགས་བརྩེ་ཐུགས་རྗེ་ཆེན་པོ་ཡིས༔ བདག་ལ་གསན་ཅིང་གནང་བར་སྩོལ༔ སྔོན་ཆད་སྐྱེ་བ་མང་པོ་རུ༔ གང་འདུལ་ཐབས་དང་ཕྲིན་ལས་ཀྱིས༔ གཞན་དོན་ལྷུར་བླངས་གདུལ་བྱ་བསྐྱངས༔ དེང་སང་བསྐལ་པའི་མར་གཤམ་འདིར༔ སྙིགས་མའི་སེམས་ཅན་འདུལ་བར་དཀའ༔ སྨོན་ལོག་བདུད་ཀྱི་བསྟན་པ་དར༔ མཐའ་མི་དབུས་རྡིབ ཡུལ་ས་འཛིན༔ ཀླ་ཀློའི་རྫས་སྔགས་སྦྱོར་བ་ཡིས༔ སྣང་སྲིད་ལྷ་འདྲེ་དབང་བསྡུས་ཏེ༔ བསམ་དང་སྦྱོར་བ་ནག་པོར་བསྒྱུར༔ མི་ཕྱུགས་དལ་ཡམས་སྣ་ཚོགས་དང་༔ སད་སེར་འབུ་སྲིན་ལོ་ནད་གཏོང་༔ སྡུག་བསྔལ་སྣ་ཚོགས་ཡོ་ལངས་འགྱེད༔ དམུ་རྒོད་སེམས་ཅན་སྡིག་ལ་སྤྱོད༔ དེ་འདྲའི་སྐལ་བ་དམན་པའི་དུས༔ བདག་འདྲས་གདུལ་བྱ་འདུལ་དཀའ་བས༔ སེམས་ཅན་ལུས་བླངས་དོན་མ་མཆིས༔ དེ་ཕྱིར་གུ་རུས་གནང་བ་སྩོལ༔ ཞེས་ཞུས་སླར་ཡང་བཀའ་སྩལ་པ༔ ཉོན་ཅིག་བདུད་འདུལ་དྲག་པོ་རྩལ༔ སྙིགས་མའི་སེམས་ཅན་འདུལ་དཀའ་ཡང་༔ སྔོན་ཚེ་སྨོན་ལམ་ལས་འབྲེལ་གྱིས༔ སྐལ་ལྡན་སྐྱེས་བུ་སྟོང་ཕྲག་གསུམ༔ ཁྱོད་ཀྱི་གདུལ་བྱའི་ཡུལ་དུ་མཆིས༔ ཚེ་འདིར་གྲོལ་བ་ཐོབ་པ་ཡི༔ སྐྱེས་མཆོག་ལྔ་བརྒྱ་ ལྷག་ཙམ་མཆིས༔ ཁྱོད་ཀྱི་ཕྲིན་ལས་ཕོ་ཉ་རུ༔ རྗེ་འབངས་སྤྲུལ་པ་ཉེར་ལྔ་འབྱུང་༔ གཞན་ཡང་འགྲོ་བའི་དོན་བྱེད་པའི༔ སྤྲུལ་པའི་གཏེར་སྟོན་བཅུ་ཕྲག་འབྱུང་༔ གསང་སྔགས་སྟོན པའི་མཆོག་བདུན་གྱི༔ སྤྲུལ་པ་ཁྱོད་ཀྱི་བུ་ཚར་སྤྲུལ༔ འགྲོ་དོན་འབྱུང་འགྱུར་གདོན་མི་ཟ༔ དེ་ཕྱིར་རིག་འཛིན་རྒྱལ་པོ་ཁྱོད༔ རྡོ་རྗེ་ཁྲོ་ལོད་སྐུར་བཞེངས་ཏེ༔ བཀའ་སྲུང་གཉན་པོའི གྲོགས་དང་འགྲོགས༔ སྔོན་ལས་འབྲེལ་བའི་ཕ་མ་ཡི༔ བུ་རུ་བཞེངས་མཛོད་ངའི་ཕྲིན་ལས༔ དུས་ལ་བབ་ཀྱི་ད་གཤེགས་ཤིག༔ ཅེས་གསུངས་བཀའ་བཞིན་མི་ལུས་བླངས༔ ཤིང་མོ་གཡང་དཀར་ཁྱིམ་ཕུབ་ནས༔ ནམ་མཁའ་ལྡིང་གིས་ཁྱིམ་བདག་པོའི༔ དམག་མི་བཅུ་ཕྲག་ལ་བབ་དུས༔ རྟ་བདུན་ཟེར་མདངས་ངོམས་པའི་དུས༔ འཇའ་དང་འོད་ཀྱི་དྲྭ་བ་འཁྲིགས༔ སྦྲ་ཁྱིམ་དབང་གཞུས་འཁྱུད་པ་མངོན༔ རོལ་མོ་མང་པོའི་སྒྲ་འུར་སྣང་༔ དེ་ཚེ་མ་ཡི་མངལ་ལས་བཙས༔ ལོ་གྲངས་བཞི་ལ་བབ་པའི་དུས༔ ཚེར་མ་ཅན་གྱི་ནགས་ཚལ ནས༔ བྱེ་ཆུང་འཇོལ་མོ་ཞིག་ན་རེ༔ སྙན་པའི་གླུ་འདི་ལེན་པ་ཐོས༔ ༔ ཚུར་གསོན་དང་སྐལ་ལྡན་རིགས་ཀྱི་བུ༔ ང་ཡེ་ཤེས་ཌཱ་ཀི་ཨེ་ཀ་ཛ༔ ལྷོ་མོན་ཡུལ་ཤིང་ལོའི་ཚལ་ནས ཨོཾཿ འོང་༔ ལྷ་འོད་མཐའ་ཡས་ཀྱི་ཕོ་ཉ་ཡིན༔ ཁྱོད་སྐྱེ་བ་དུ་མའི་སྦྱངས་སྟོབས་ཅན༔ དཔལ་ནུས་ལྡན་བདུད་འདུལ་རྡོ་རྗེ་ལགས༔ གནས་པདྨ་འོད་ནས་གཟུགས་སྐུར་བཞེངས༔ ལུས་བྱིས་པའི་ཚུལ་བཟུང་རྩེད་མོར་དགའ༔ ཐུགས་ཆོས་ཉིད་དབྱིངས་ལས་འཁྲུལ་མི་ཤེས༔ གཞིའི་འོད་གསལ་ནམ་མཁའ་དྭངས་པའི་མཁར༔ དོན་མངོན་བྱེད་ཤེས་པའི་ཉི་གཞོན་ཤར༔ འདི་འཆུག་མེད་རིག་པ་རྡོ་རྗེའི་ཆིངས༔ ཁྱོད་སྲོག་གི་གཏའ་རུ་ཟུངས་ཤིག་བུ༔ བདུད་ནག་ཕྱོགས་བར་ཆད་གྲངས་མང་བས༔ འདི་བཙན་པོའི་གོ་ཁྲབ མཆོག་ཏུ་ཟུངས༔ ད་མི་ལོ་ལྔ་ཕྲག་ཚུན་ཆད་དུ༔ ང་ཁྱོད་ཀྱི་དྲུང་དུ་སླར་ཡང་འབྱུང་༔ ཅེས་ཟེར་ཞིང་ནགས་ཚལ་ཀློང་དུ་ཐལ༔ དེ་ལྟར་ཕ་མར་སྨྲས་པ་དང་༔ རྫུན་ནམ་ཡང་ན་ཐན་ཡིན་ཟེར༔ ལོ་ཁྱིམ་དེ་ཡི་སྨད་ཆ་ན༔ ནུབ་གཅིག་རྨི་ལམ་འདི་འདྲ་བྱུང་༔ བུད་མེད་གཞོན་ནུ་མ་ཞིག་གིས༔ ངེད་མ་བུ་ཤར་གྱི་ཕྱོགས་སུ་འགྲོ༔ ཤར་དུང་གི་རི་ལ་མཇལ་དུ་འགྲོ༔ ཞེས་ཟེར་ཞིང་འགྲོ་བའི་སྣང་བ་བྱུང་༔ རྒྱ་མ་བོད་ཀྱི་ས་མཚམས་ན༔ རི་བོ་དཀར་པོ་རབ་མཐོར་སླེབས༔ རིགས་གསུམ་མགོན་པོ་ཡིན་ཅེས་སྐད༔ དགེ་སློང་གཞོན་ནུ་གསུམ་བཞུགས་ པའི༔ ཕོ་བྲང་ལྕགས་གསུམ་བཀོད་ལེགས་མཐོང་༔ སྟེང་མར་བཞུགས་པའི་དགེ་སློང་དེས༔ ཀྱེ་ཧོ་གསོན་ཅིག་རིགས་ཀྱི་བུ༔ ང་ནི་འཇམ་དཔལ་གཞོན་ནུ་ཡིན༔ རི་ནི་དུང་རི་དཀར་པོ་ཡིན༔ དབང་འདི་བུམ་པ་སྐུ་ཡི་དབང་༔ བདུད་འདུལ་དྲག་པོ་ཁྱོད་ལ་བསྐུར༔ དོན་ལ་བདེ་ཆེན་འཁོར་ལོ་ཡིན༔ ཡུལ་རི་གཞན་དུ་བསྒྲོད་པ་མེད༔ གསུངས་ནས་བུམ་ཆུ་སྤྱི་བོར་བླུགས༔ བར་ཁང་ནང་བཞུགས་དགེ་སློང་དེས༔ ལག་ན་བྷནྡྷ་བདུད་རྩི་ཐོགས༔ ཉོན་ཅིག་སྐལ་ལྡན་རིགས་ཀྱི་བུ༔ རི་འདི་དུང་རིའི་བང་རིམ་ལགས༔ ང་ནི་ཐུགས་རྗེ་ཆེན་པོ ཡིན༔ དབང་འདི་གསང་བ་མཆོག་གི་དབང་༔ བདུད་འདུལ་དྲག་པོ་ཁྱོད་ལ་བསྐུར༔ དོན་དམ་ལོངས་སྤྱོད་འཁོར་ལོ་ཡིན༔ ས་ཡུལ་གཞན་ལ་བསྒྲོད་དུ་མེད༔ ཅེས་ཟེར་བདུད་རྩི་ལྕེ ལ་བཞག༔ འོག་ཁང་ནང་སླེབས་དགེ་སློང་དེས༔ ལག་ན་རྡོ་རྗེ་སྔོན་པོ་ཐོགས༔ ཀྱེ་ཧོ་སྐལ་ལྡན་རིགས་ཀྱི་བུ༔ རི་འདི་དུང་རིའི་འོག་རིམ་སྟེ༔ ང་ནི་ཕྱག་ན་རྡོ་རྗེ་ཡིན༔ དབང་འདི་ཤེས་རབ་ཡེ་ཤེས་དབང་༔ བདུད་འདུལ་དྲག་པོ་ཁྱོད་ལ་བསྐུར༔ དོན་ལ་ཆོས་ཀྱི་འཁོར་ལོ་སྟེ༔ རིང་བའི་ཡུལ་ལ་བསྒྲོད་དུ་མེད༔ ཅེས་ཟེར་སྒྲ་ཡིས་གཉིད་ལས་སད༔ ཕ་མ་གཉིས ཨོཾ༔ ལ་དེ་ལྟར་སྨྲས༔ རྒྱལ་འགོང་མོ་འདྲེ་ལོས་ཡིན་ཟེར༔ ལོ་གྲངས་ལྔ་ལ་བབ་པའི་དུས༔ ཧོར་ཟླ་བཞི་པའི་ཚེས་བཅུའི་ཉིན༔ བྲག་རིའི་ཚལ་དུ་ཤུག་པ མཐོང་༔ དེ་རུ་འོང་བའི་ཤུག་རྩ་རུ༔ གསེར་སྦྲང་སེར་པོས་འཕུར་ལྡིང་བྱེད༔ དེ་ཡིས་གླུ་འདི་ལེན་པ་ཐོས༔ ཨེ་ཨེ༔ དུས་མི་རྟག་འདས་དང་མ་འོངས་ཏེ༔ ལོ་མི་རྟག་དབྱར་དགུན་སྟོན་དང་དཔྱིད༔ ཟླ་མི་རྟག་དཀར་ནག་གཉིས་སུ་སྣང་༔ ཞག་མི་རྟག་ཉིན་མཚན་གཉིས་ཀྱིས་འགྱུར༔ མི་མི་རྟག་བྱིས་གཞོན་དར་རྒུད་འཆི༔ ཕྱུགས་ལོངས་སྤྱོད་མི་རྟག་སྒྱུ་མར་འགྲན༔ བུ་འཆི་བ་ཨེ་དྲན་བསམ་མནོ་ཐོངས༔ ཁྱོད་སྔོན་ཆད་ལྷོ་མོན་ཡུལ་ཁམས་སུ༔ དཔལ་ནུས་ལྡན་བདུད་འདུལ་དཔའ་བོ་འབོད༔ དུས་བར་དུ་པདྨ་འོད་དུ་མཆིས༔ མཐར་མི་ཡུལ་འདི་རུ་མི་ལ་བརྫུ༔ ང་དང་པོ་རྒྱ་ཟ་ཀོང་ཇོ་ཞེས༔ བོད་རྒྱལ་པོའི་དགྱེས་སྐོང་བཙུན་མོ་ལགས༔ དུས་བར་དུ་པོ་ཊ་ལ་རུ་མཆིས༔ ད་དུད་འགྲོ་སྦྲང་ཆུང་གླུ་ལ་མཁས༔ གླུ་སྙན་པའི་ངག་ལ་ཚུར་གསོན་དང་༔ ལྷོ་མོན་གྱི་ཡུལ་ནས་ངང་ཁྱུ་ཞིག༔ བྱང་ན་མཚོ་ཆེན་པོའི་ཚལ་དུ་སླེབས༔ ལྷོ་མོན་དང་སྤུ་ཀོང་དབུས་ཕྱོགས་ནས༔ བྱ་རྒོད་པོས་གནམ་འཕང་བཅད་ ནས་སུ༔ བྱང་ལྷོ་བྲག་དམར་པོའི་ཚལ་དུ་འཁོར༔ གནས་མཁའ་སྤྱོད་གླིང་དང་པདྨ་འོད༔ ལྷ་དཔའ་བོ་མཁའ་འགྲོའི་ཚོགས་གྲལ་ནས༔ ཐུགས་བརྩེ་བས་འགྲོ་དོན་ལྷུར་ལེན་པའི༔ དཔལ་རིག་འཛིན་བྱང་ཆུབ་སེམས་དཔའི་སྡེ༔ ང་བུང་བ་བཅུད་ལ་འཁོར་བ་བཞིན༔ ལྷ་རིག་འཛིན་རྒྱལ་པོའི་དྲུང་དུ་འཁོར༔ ཅེས་ཟེར་ཞིང་ནམ་མཁའི་མཐོངས་ལ་ཡལ༔ ལོ་གྲངས་ལྔ་ཡི་དུས་བར་དུ༔ ཡེ་ཤེས་མཁའ་འགྲོ་མཚོ་རྒྱལ་མས༔ འབྲལ་བ་མེད་པར་མ་ལྟར་བསྐྱངས༔ ལོ་ཁྱིམ་བདུན་ལ་བབ་པའི་ཚེ༔ བྱིས་པ་ཟུང་དང་བསྡེབས་ནས་སུ༔ ཅུང་ཟད་རིང་བའི་ས་རུ་སོང་༔ ཆུ་ཀླུང་ཆེན་པོ་འཁྲུགས་པའི་དཀྱིལ༔ ཕ་ཝང་མགོ་བོ་མཐོང་བའི་མོད༔ དེ་སྟེང་ཕྱིན་ན་བདེའམ་སྙམ༔ དེ་མ་ཐག་པར་དེ་ཐོག་ཏུ༔ མ་བསྒྲོད་རྨི་ལམ་སད་བཞིན་སྡོད༔ དེ་ཚེ་མཁའ་འགྲོ་མང་པོ་ཡིས༔ མཐའ་བསྐོར་གླུ་འདི་གྱེར་བ་ཐོས༔ ཨ་ཧོཿ ཤར་གངས་རི་དཀར་པོ་དགུང་ལ་སྙེགས༔ རིའི་རྩེ་མོར་ཤེལ་གྱི་མཆོད་རྟེན་གདའ༔ དེའི་བུམ་ནང་རྡོ་རྗེའི་རྩེ་མོ་ཞེས༔ ལྷ་བཞད་ལ་མངོན་པར་དགའ་བ་ཡོད༔ དེར་འོད་བརྒྱའི་ཟེར་མདངས་ཕོག་ལ་རེ༔ མདངས་འཛམ་གླིང་ཁྱབ་ན་གསལ་ཞིང་མཛེས༔ གངས་རྩ་བར་དུག་སྦྲུལ་བྲག་ལ ཨོཾ༔ འཁྲི༔ དུག་ནག་པོའི་ཁ་ཕྲུ་མཚོ་རུ་བརྫུ༔ དེའི་རྦ་རླབས་མཐོང་ན་གློ་སྙིང་འདར༔ རྩི་མ་གི་ཏ་ཡི་ནུས་པ་ལས༔ རྫས་གཞན་གྱི་ནུས་པ་འདི་ལ་རྡུགས༔ ལྷོ་རྒྱང་ཐག་རིང་པོའི་ཡུལ་ས་ལ༔ མཚོ་ཆེན་པོ་གཡུ་ཐང་ཡངས་པ་འདྲའི༔ དབུས་རིན་ཆེན་གསེར་གྱི་རི་བོ་ཡོད༔ རིའི་རྩེ་མོ་དགུང་ལ་སྙེགས་པ་མཐོང་༔ དེར་གསེར་གྱི་མཆོད་རྟེན་འབར་འོད་འབྱུང་༔ བུམ་ནང་དུ་རིན་ཆེན་རྒྱལ་པོ་ཞེས༔ ལྷ་ལེགས་པའི་དཔལ་ལྡན་འཕྲུལ་ལ་དབང་༔ ཤར་རྟ་བདུན་དབང་པོ་དང་བསྡེབ་ན༔ ལྷོ་འཛམ་བུའི་གླིང་གི་མུན་པ་སེལ༔ རིའི་རྩ་བར་ཉ་དང་སྦལ་པ་འཛིངས༔ ཤུགས་ཆེར་བསྐྱེད་འཛམ་གླིང་འཇིག་ལ་ཉེ༔ དེར་ལན་ཚྭ་རྣམ་གསུམ་མ་གཏོགས་པ༔ རྫས་གཞན་གྱིས་གསོད་པ་ག་ལ་སྲིད༔ ནུབ་རྫ་བྲག་དམར་པོའི་རྩེ་མོ་ན༔ འོད་རབ་འབར་རཱ་གའི་མཆོད་རྟེན་ཡོད༔ དེའི་བུམ་པར་དབང་སྡུད་པདྨ་འོད༔ སྐུའི་འོད་ཀྱིས་ས་གསུམ་འགེངས་ལ་ལྟོས༔ རིའི་རྩ་བར་སེང་དཀར་མ་བུ་རྩེ༔ སེང་རྩལ་ཆེན་མཐོང་བས་སྤྲེའུ་ཚོགས་མྱོས༔ དེ་འཚོ་བྱེད་སྨན་དང་མ་འཕྲད་ན༔ སེམས་དྲན་པའི་དབང་པོ་ག་ལ་རྙེད༔ བྱང་ནགས་རིའི་རྩེ་རྒྱལ་དགུང་ལ་སྙེགས༔ རིའི་རྩེ་མོར་གཡུ་ཡི་ མཆོད་རྟེན་མངོན༔ དེའི་བུམ་ནང་ཕྲིན་ལས་ཡོངས་གྲུབ་ཅེས༔ སྐུའི་སྤྲུལ་པས་འཇིག་རྟེན་ཁྱབ་ན་ཡང་༔ དེའི་ཕན་གནོད་པད་ཚལ་རྒྱས་པ་ཙམ༔ རིའི་རྩ་བར་རྒྱ་སྟག་རྩལ་ཆེན་འགྲན༔ དེའི་ངར་སྒྲས་ཕྱོགས་ཀྱི་གཅན་ཚོགས་བསླང་༔ ཀུན་ཤ་ལ་རྔམས་ཤིང་གཟན་ལ་ཆས༔ དེར་སེངྒེ་དཀར་མོ་མ་གཏོགས་པ༔ གཞན་དག་གིས་ཟིལ་གྱིས་ག་ལ་ནོན༔ དབུས་དཔག་བསམ་ཤིང་གི་རྩེ་མོ་ན༔ ཁྱུང་ཆེན་པོའི་གཤོག་རྩལ་འགྲན་ན་ཡང་༔ མཐའི་གདུག་པ་ཐུལ་བར་ལྟ་ཅི་དང་༔ སྟེང་ཉི་ཟླ་བསྒྲིབ་ན་ཅི་དགེ་བྱ༔ གཟའ་སྐར་མའི་ལམ་ཆད་དུག་ཆེན་གཡོ༔ འདི་ལྷ་བདུད་གཉིས་ཀྱི་བརྡ་ལྟས་ཡིན༔ ཆོས་སྲིད་པ་གཉིས་ཀྱི་བརྡ་དཔེ་ཡིན༔ བརྡ་གོའམ་ཟེར་ཞིང་མཁའ་ལ་ཡལ༔ དེ་ནས་མི་གཉིས་དེ་རུ་བྱུང་༔ ཆུ་ལ་རྐྱལ་བཞིན་བདག་འདྲེན་བྱུང་༔ བསྡིགས་ཤིང་