Tibetan
རྟགས༔ ཕྱག་གཡས་ལྕགས་ཀྱུས་ཁམས་གསུམ་འགུགས༔ དེ་བཞིན་བདག་གིས་མངའ་གསོལ་ལོ༔ ལྷ་ཆེན་དབང་ཕྱུག་ཆེན་པོ་ལ༔ བཀའ་སྲུང་ཡོངས་ཀྱིས་མངའ་ ཁྲོཾ།༔ གསོལ་རྟགས༔ གཡོན་པས་ཉི་ཟེར་ཞགས་པ་བསྣམས༔ དེ་བཞིན་བདག་གིས་མངའ་གསོལ་ལོ༔ ལྷ་ཆེན་དབང་ཕྱུག་ཆེན་པོ་ལ༔ སྲིད་ཞི་གཉིས་ཀྱིས མངའ་གསོལ་རྟགས༔ ཞབས་གཉིས་འདོར་སྟབས་ཚུལ་དུ་འགྱིང་༔ དེ་བཞིན་བདག་གིས་མངའ་གསོལ་ལོ༔ ལྷ་ཆེན་དབང་ཕྱུག་ཆེན་པོ་ལ༔ འདོད་ཁམས་ཡོངས་ཀྱིས་མངའ་གསོལ རྟགས༔ གསང་བའི་རྡོ་རྗེ་གྱེན་དུ་བསྒྲེངས༔ དེ་བཞིན་བདག་གིས་མངའ་གསོལ་ལོ༔ ལྷ་ཆེན་དབང་ཕྱུག་ཆེན་པོ་ལ༔ གཟུགས་ཁམས་ཡོངས་ཀྱིས་མངའ་གསོལ་རྟགས༔ སྐུ་མདོག་དམར་གསལ་མཛེས་པར་ངོམས༔ དེ་བཞིན་བདག་གིས་མངའ་གསོལ་ལོ༔ ལྷ་ཆེན་དབང་ཕྱུག་ཆེན་པོ་ལ༔ གཟུགས་མེད་ཁམས་ཀྱིས་མངའ་གསོལ་རྟགས༔ སྣང་ལ་རང་བཞིན་མེད པའི་སྐུ༔ དེ་བཞིན་བདག་གིས་མངའ་གསོལ་ལོ༔ ལྷ་ཆེན་དབང་ཕྱུག་ཆེན་པོ་ལ༔ སྡེ་བརྒྱད་ཡོངས་ཀྱིས་མངའ་གསོལ་རྟགས༔ འོད་ལྡན་ཟླ་ཕྱེད་གདན་ལ་བརྫིས༔ དེ་བཞིན་བདག གིས་མངའ་གསོལ་ལོ༔ ལྷ་ཆེན་དབང་ཕྱུག་ཆེན་པོ་ལ༔ སྣང་སྲིད་ལྷ་འདྲེས་མངའ་གསོལ་རྟགས༔ འདོད་ཡོན་སྣ་ཚོགས་འོད་ཀྱི་སྤྲིན༔ དེ་བཞིན་བདག་གིས་མངའ་གསོལ་ལོ༔ ལྷ་ཆེན་དབང་ཕྱུག་ཆེན་པོ་ལ༔ འཇིག་རྟེན་ཁམས་ཀྱིས་མངའ་གསོལ་རྟགས༔ རབ་མཐོ་རིན་ཆེན་ཁྲི་ལ་འགྱིང་༔ དེ་བཞིན་བདག་གིས་མངའ་གསོལ་ལོ༔ ལྷ་ཆེན་དབང་ཕྱུག་ཆེན་པོ ཁྱོད༔ བདག་གི་སྲུང་མར་མངའ་གསོལ་ལོ༔ ཆོས་སྐྱོང་ཆེན་པོར་མངའ་གསོལ་ལོ༔ དཀོར་གྱི་སྲུང་མར་མངའ་གསོལ་ལོ༔ ནོར་གྱི་ལྷ་རུ་མངའ་གསོལ་ལོ༔ ཕྱུགས་ཀྱི་གཡང་དུ་མངའ་གསོལ་ལོ༔ དབང་སྡུད་རྒྱལ་པོར་མངའ་གསོལ་ལོ༔ མི་ཡི་དགྲ་བླར་མངའ་གསོལ་ལོ༔ བྱིས་པའི་ཚེ་ལྷར་མངའ་གསོལ་ལོ༔ དཔག་བསམ་ལྟ་བུར་མངའ་གསོལ་ལོ༔ ཡིད་བཞིན་ནོར་ལྟར་མངའ་གསོལ་ལོ༔ འདོད་འཇོའི་གཏེར་དུ་མངའ་གསོལ་ལོ༔ དགྲ་ཡི་གཤེད་དུ་མངའ་གསོལ་ལོ༔ བགེགས་ཀྱི་གཉེན་པོར་མངའ་གསོལ་ལོ༔ དེ་ལྟར་མངའ་གསོལ་བྱས་པའི་མཐུས༔ བདག་ཅག་སྒྲུབ་མཆོག་འཁོར་བཅས་ཀྱི༔ བསམ་པ་སྒྲུབ་ལ་རེ་བ་སྐོངས༔ དཔལ་དང་ཡོན་ཏན་བཀྲ་ཤིས་དགེ༔ ཕྲིན་ལས་རབ་འབྱམས་ཡོངས་འགྲུབ་མཛོད༔ དམ་ལས་མ་འདའ་ས་མ་ཡ༔ བསྒྲུབ་དུས་ལྷ་ཡི་རྒྱན་ཆའི་ཚོགས༔ རིམ་པར་དྲན་ནས་མངའ་གསོལ་ན༔ མི་དེའི་སྲུང་མར་ངེས་པར་འགྱུར༔ བཀའ་སྲུང་ཁྱབ་འཇུག་ཆེན་པོས་སྲུངས༔ དམ་ཉམས་ལག་ཏུ་མ་བཏང་ཞིག༔ ཐོ།༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་རང་སློབ་དམ་པ་འཇིགས་མེད་བློ་གྲོས་དང་བསོད་ནམས་བཀྲ་ཤིས་བློ་རྡོར་རྣམས་ཀྱིས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་གཏན་ལ་ཕབ་པའོ། །དགེའོ །དགེའོ། །དགེའོ།། ། ཨ མངའ་གསུམ་མོ། གསོལ་T1608 - 119 T1608 - 120 སྲ མ ཟབ་གསང་མཁའ་འགྲོའི་སྙིང་ཐིག་ལས༔ ལྷ་ཆེན་དབང་ཕྱུག་ཆེན་པོའི་ལས་གཞུང་ཡིད་བཞིན་འཁོར་ལོ་བཞུགས་སོ༔ TI1608 - 121 བདུད་འཇོམས་བཀའ་སྲུང་ལྷ་ཆེན་ཁྲོཾ།༔ ན་མོ་གུ་རུ་པདྨ་ཀ་ར་ཡེ༔ གགཐཐཱསམནྟརྨྨཿ ལྷ་ཆེན་དགྱེས་པ་བསྐང་བའི་ཕྱིར༔ འདོད་ཡོན་ཚོགས་ཀྱི་ལོངས་སྤྱོད བཤམས༔ རཾ་ཡཾ་ཁཾ་གིས་དྲི་མ་སྦྱངས༔ ཨོཾ་ཨཱཿ ཧཱུྃ་གིས་བདུད་རྩིར་བསྒྱུར༔ འདོད་ཡོན་ནམ་མཁའ་མཛོད་དུ་སྤེལ༔ སྦྱང་བ་ལ༔ རཾ༔ རཾ་ལས་ཡེ་ཤེས་མེ་བྱུང་བས༔ མ་དག་འབག་རྩོག་ཐམས་ཅད་བསྲེགས༔ ཡ༔ ཡཾ་ལས་བྱིན་རླབས་རླུང་བྱུང་བས༔ རྣམ་པར་རྟོག་པའི་སྒྲིབ་ཚོགས་གཏོར༔ ཁ༔ ཁཾ་ལས་དག་བྱེད་ཆུ་རྒྱུན་བྱུང་༔ བག་ཆགས་རྣམ་རྟོག་དྲི་མ་སྦྱངས༔ རཾ་ཡ་ཁ༔ དེ་ནས་བསྒྱུར་བ་ནི༔ ཨོཾ༔ ཨོཾ་ལས་འོད་ཟེར་དཀར་པོ་འཕྲོས༔ T11608 - 122 ཝྃ།༔ སྐུ་ཡི་བྱིན་རླབས་བདུད་རྩི་དཀར༔ ཨཱཿ ཨཱཿལས་འོད་ཟེར་དམར་པོ་བྱུང་༔ གསུང་གི་བྱིན་རླབས་བདུད་རྩི་དམར༔༷ ཧཱུྃ༔ ཧཱུྃ་ལས་འོད་ཕུང་མཐིང་ནག་བྱུང་༔ ཐུགས་ཀྱི་བྱིན་རླབས་བདུད་རྩི་མཐིང་༔ མྱོང་གྲོལ་ཟག་མེད་བདུད་རྩི་གྱུར༔ ཨཱཿཧཱུྃ༔ ལན་གསུམ༔ ཧཱུྃ༔ སླར་ཡང་འབྲུ་གསུམ་འོད་ཞུ་ཐིམ༔ ཕྱི་ནང་གསང་མཆོད་འདོད་ཡོན་སྤྲིན༔ མི་ཟད་རྒྱན་གྱི་འཁོར་ལོ་ཡི༔ ལོངས་སྤྱོད་ནམ་མཁའ་མཛོད་དུ་སྤེལ༔ ནམ་མཁའ་མཛོད་སྔགས་ལན་བདུན་བརྗོད༔ དེ་ནས་སྤྱན་འདྲེན་པ་ནི༔ ཧཱུྃ་ཧྲཱིཿ འོག་མིན་བདེ་བ་ཆེན་པོ་ནས༔ ༣༽ TI1608 - 123 ཁྱབ་བདག་ཀུན་ཏུ་བཟང་པོ་ལ༔ རིག་འཛིན་བླ་མའི་ཚོགས་ཀྱིས་བསྐོར༔ ཚོགས་ལ་སྤྱན་འདྲེན་གཤེགས་སུ་གསོལ༔ དག་པ་རབ་འབྱམས་མཁའ་ཀློང་ནས༔ བདེ་གཤེགས་སྤྱི་དཔལ་ཆེན་པོ་ལ༔ ཡི་དམ་རྒྱལ་བའི་ཚོགས༴ ཚོགས་ཀྱི་འདུ་བར་གཤེགས་ཆོས་ཉིད་ཆགས་བྲལ་མཁའ་ཀློང་ནས༔ ཡུམ་ཆེན་ཀུན་ཏུ་བཟང་མོ་ལ༔ འབུམ་ཕྲག་མཁའ་འགྲོའི་ཚོགསཿ ཚོགས་ཀྱི་འདུ་བར་གཤེགསཿ ཁམས་གསུམ་དབང་སྡུད་དཀྱིལ་འཁོར་ནས༔ ལྷ་ཆེན་མ་ཧཱ་དཱི་ཝ་ལ༔ བཀའ་སྲུང་དྲེགས་པའི་ཚོགས༴ ཚོགས་ལ་སྤྱན་འདྲེན་གཤེགས་སུམ་ཅུ་རྩ་གསུམ་ལྷ་གནས་སུ༔ དབང་ཕྱུག་ཚོགས་ཀྱི་བདག་པོ་ལ༔ འཇིག་རྟེན་དྲེགས་པའི་ཚོགས༴ ཚོགས་ལ་སྤྱན་འདྲེན་གཤེགས་སུ་གསོལ༔ བཛྲ་ས་མ་ཡ་ཛ་ཛཿ ཛཿ ཧཱུྃ་བཾ་ཧོཿ དེ་ནས་ཚོགས་ཕུད་འབུལ་བ་ནི༔ ཧཱུྃ་ཧྲཱིཿ རྩ་གསུམ་རྒྱལ་བའི་དཀྱིལ་འཁོར་ལ༔ འདོད་ཡོན་ལོངས་སྤྱོད་ཚོགས་མཆོད་འབུལ༔ ལྷ་ཆེན་དབང་ཕྱུག་ཡབ་ཡུམ་ལ༔ འདོད་ཡོན་ལོངས་སྤྱོད༴ དབང་ཆེན་ག་ཎ་པ་ཏི་ལ༔ འདོད་ཡོན་ལོངས་སྤྱོད༴ སྣང་སྲིད་དྲེགས་པ་འཁོར་བཅས་ལ༔ འདོད་ཡོན་ལོངས་སྤྱོད དངོས་གྲུབ་མ་ལུས་བདག་ལ་སྩོལ༔ གུ་རུ་དྷེ་ཝ་ཌཱ་ཀི་ནཱི་སརྦ་མ ཐོ།༔ ཧཱ་དཱེ་ཝ་ག་ཎ་ཙཀྲ་ལ་ཁཱ་ཧི༔ ཨུ་མ་དཱེ་ཝི་ག་ཎ་ཙཀྲ་ལ་ཁཱ་ཧི༔ ག་ཎ་པ་ཏི་ག་ཎ་ཙཀྲ་ལ་ཁཱ་ཧི༔ སརྦ་ས་པ་རི་ཝཱ་ར་ག་ཎ་ཙཀྲ་ལ་ཁཱ་ཧི༔ དེ་ནས་བཤགས་པ་བྱ་བ་ལ༔ ཧོཿ རྩ་གསུམ་རྒྱལ་བའི་དཀྱིལ་འཁོར་དང་༔ ལྷ་ཆེན་འཁོར་བཅས་དགོངས་སུ་གསོལ༔ བདག་ཅག་མ་རིག་དབང་གྱུར་པས༔ ལས་ཉོན་བག་ཆགས་བསམ་སྤྱོད་ཀུན༔ འདོད་ཡོན་ཚོགས་ཀྱི་མཆོད་པས་བཤགས༔ དག་ཅིང་མཆོག་ཐུན་དངོས་གྲུབ་སྩོལ༔ ཨོཾ་བཛྲ་སཏྭ་ས་མ་ཡ་སོགས༔ དེ་ནས་བསྒྲལ་བ་ནི༔ དང་པོ་འགུགས་གཞུག་མཐར༔ ཧཱུྃ༔ རྩ་གསུམ་ཆོས་སྐྱོང་དབྱིངས་ནས་བཞེངས༔ དྲག་པོ་ཆེན་པོའི་དྲག་ཤུལ་གྱིས༔ གཟུགས་ཅན་དགྲ་དང་གཟུགས་མེད་བགེགས༔ མྱུར་དུ་ཁུག་ལ་རྡུལ་དུ་རློག༔ རྣམ་ཤེས་ཆོས་ཀྱི་དབྱིངས་སུ་སྤོར༔ གུ་རུ་དྷེ་ཝ་ཌཱ་ཀི་ནཱི་དྷརྨ་པཱ་ལ་ས་མ་ཡ༔ སརྦ་ཤ་ཏྲུཾ་མཱ་ར་ཡ་རྦད་རྦད་ཕཊ༔ དེ་ནས་ཞལ་དུ་བསྟབ་པ་ནི༔ ཧཱུྃ༔ བསྟན་དགྲ་བསྒྲལ་བའི་གཟུགས་ཕུང་ཁམས༔ རྩ་གསུམ་ལྷ་ཡི་ཞལ་དུ་བསྟབས༔ དབང་ཕྱུག་ཆེན་པོའི་ཞལཿ ཨུ་མ་དེ་ཝིའི་ཞལཿ ཚོགས་ཀྱི་བདག་པོའི་ཞལཿ བཀའ་སྲུང་དྲེགས་པའི་ཞལ་དུ་བསྟབས༔ གུ་རུ་དྷེ་ཝ་ཌཱ་ཀི་ནཱི་ཤ་ཏྲུཾ་ཨ་མུ་ཀ་སརྦ་མཱ་ར་ཡ ཁ་ཁ་ཁཱ་ཧི༔ སརྦ་ངྷརྨ་པཱ་ལ་དགྲ་བགེགས་ཀྱི་མཱཾ་ས་རཀྟ་ཙིཏྟ་ལ་ཁཱ་ཧི༔ དེ་ནས་ལྷག་མ་ཕུལ་བ་ནི༔ བྷྱོ༔ སྔོན་གྱི་བསྐལ་པ་དང་པོ་ལ༔ དཔལ་གྱི་སྤྱན་སྔར་ཁས་བླངས་པའི༔ ལྷག་ལ་དབང་བའི་ལྷག་སྐྱོང་ཚོགས༔ འདོད་ཡོན་ལྷག་མའི་བཤལ་ཆུ་ལོངས༔ ཕྲིན་ལས་རབ་འབྱམས་ཡོངས་འགྲུབ་ཅིང་༔ སྒྲུབ་པའི་འབྲས་བུ་མཆིས་པར་མཛོད༔ ས་མ་ཡ་ཨུཙྪིཥྞ་བ་ལི་ཏ་ཁཱ་ཧི༔ དེ་ནས་ཆད་མདོ་བཏང་བ་ནི༔ ཧཱུྃ་བྷྱོ༔ སྔོན་གྱི་བསྐལ་པ་དང་པོ་ལ༔ རི་བོ་གནམ་ལྕགས་འབར་བའི་རྩེར༔ བཅོམ་ལྡན་སྤྱི་དཔལ་ཧེ་རུ་ཀས༔ འཁོར་འདས་སྲོག་ལ་དབང་བསྒྱུར་ཚེ༔ བཀའ་བསྒོས་དམ་བཞག་བྲན་འབངས་སྡེ༔ མ་ལུས་འདིར་གཤེགས་གཏོར་མ་ལོངས༔ ཕྲིན་ལས་རབ་འབྱམས་ཐོགས་མེད་སྒྲུབས༔ དེ་འོག་བར་གྱི་བསྐལ་པ་ལ༔ གསང་བདག་རྡོ་རྗེ་འཆང་ཆེན་གྱིས༔ གསང་སྔགས་ཆོས་འཁོར་བསྐོར་བའི་ཚེ༔ བྲན་ཁས་བླངས་པའི་སྲུང་མ་རྣམས༔ འདིར་གཤེགས་དམར་གྱི་གཏོར་མ་ལོངས༔ ཕྲིན་ལས་རབ་འབྱམས་ཐོགས་མེད་སྒྲུབས༔ དེ་འོག་བསྐལ་པའི་ཐ་མ་ལ༔ རྒྱ་བལ་བོད་ཀྱི་གནས་ཡུལ་དུ༔ སློབ་དཔོན་པདྨ་ཐོད་ཕྲེང་གིས༔ དམ་བཏགས་དབང་བསྐུར་བྱིན་རླབས་པའི༔ བཀའ་སྲུང་དམ་ ཛོཾ།༔ ཅན་ཕོ་ཉའི་ཚོགས༔ འདིར་གཤེགས་བཤལ་ཆུའི་གཏོར་མ་ལོངས༔ ཕྲིན་ལས་རབ་འབྱམས་ཡོངས་འགྲུབ་ཅིང་༔ སྒྲུབ་པའི་གྲོགས་མཛོད་ས་མ་ཡ༔ དེ་འོག་བསྐལ་པའི་ཡང་མཐའ་ལ༔ རིག་འཛིན་ཆོས་ཉིད་ཀློང་རྡོལ་གྱིས༔ འཁོར་འདས་འུབ་ཆུབ་རོལ་པའི་ཚེ༔ སེམས་དང་སེམས་བྱུང་ལྷ་འདྲེ་རྣམས༔ གཉིས་མེད་རོལ་པའི་རྒྱས བཏབ་ཚེ༔ བཀའ་སྡོད་སྟོབས་ལྡན་དྲེགས་པའི་ཚོགས༔ འདིར་གཤེགས་བཤལ་ཆུའི་གཏོར་མ་ལོངས༔ ཕྲིན་ལས་རབ་འབྱམས་ཡོངས་འགྲུབ་ཅིང་༔ ཟབ་ཆོས་བསྟན་པའི་མངའ་ཐང་སྤེལ༔ ད་ལྟ་གསང་ཆེན་དཀྱིལ་འཁོར་འདིར༔ རྣལ་འབྱོར་བདག་ཅག་སྒྲུབ་པ་པོའི༔ རིག་རྩལ་རོལ་པའི་ལྷ་སྣང་བཀོད༔ སྣང་སྲིད་དཀྱིལ་འཁོར་གསུམ་དུ་བསྒྲུབ༔ རྟོག་ཚོགས་འཕྲུལ་གྱིས་དྲེགས་པ་ཅན༔ མ་ལུས་བཀའ་ཡི་གཏོར་མ་ལོངས༔ ཕྲིན་ལས་རབ་འབྱམས་ཡོངས་འགྲུབ་ཅིང་༔ སྒྲུབ་ལ་བར་ཆད་མེད་པར་མཛོད༔ བཛྲ་ས་མ་ཡ༔ དེ་ནས་རྟ་བྲོ་བརྡུང་བ་ནི༔ ༔ བདག་རྟོག་མ་ཏྲཾ་རཱུ་ཏྲ་ལ༔ བདག་མེད་ཆོས་ཉིད་བྲོ་ཞིག་བརྡུངས༔ སྣོད་བཅུད་བརྟན་གཡོ་སྣང་བ་ལ༔ སྟོང་པ་ཉིད་ཀྱི་བྲོ་ཞིག་བརྡུངས༔ མ་རིག་ཁམས་གསུམ་འཁོར་བ་ལ༔ རིག་པ་སྐུ་གསུམ་བྲོ་རྒྱས་བཏབ༔ ལོག་ལམ་རྒྱུད་ལྔའི་འཁྲུལ་པ་ལ༔ ཐེག་པ་རིམ་དགུའི་བྲོ་རྒྱས་བཏབ༔ བྱང་ཆུབ་བར་དུ་མ་ལྡང་ཞིག༔ སྟྭཾ་བྷ་ཡ་ནན༔ མཱ་ར་ཡ་ནན༔ དེ་ནས་དངོས་གྲུབ་བླང་བ་ནི༔ ཧྲཱིཿ ལྷ་ཆེན་མ་ཧཱ་དཱེ་ཝ་ཡིས༔ བསོད་ནམས་ནོར་དང་དབང་ཐང་བུ༔ དབང་སྡུད་ཟིལ་གནོན་སྙན་གྲགས་ཀྱི༔ དངོས་གྲུབ་མ་ལུས་མྱུར་དུ་སྩོལ༔ རྩ་སྔགས་མཐར་སརྦ་རཏྣ་སིདྡྷི་ཕ་ལ་ཧཱུྃ༔ དེ་ནས་བསྔོ་བ་སྨོན་ལམ་ནི༔ ཧཱུྃ༔ བསོད་ནམས་ཚོགས་གཉིས་ཆོས་སྐུར་བསྔོ༔ དམ་པ་སྐུ་གཉིས་ཐོབ་གྱུར་ཅིག༔ དེ་ནས་བརྟན་བཞུགས་གསོལ་བ་ལ༔ ཧྲཱིཿ དྲང་སྲོང་ལྷ་ཡི་བླ་མ་ཁྱོད༔ བསྙེན་བསྒྲུབ་མཆོད་རྟེན་གནས་འདིར་བཞུགས༔ སྐད་ཅིག་མི་འབྲལ་གཏན་གྲོགས་གྱིས༔ བསམ་པའི་དོན་ཀུན་ཡོངས་འགྲུབ་མཛོད༔ ཏིཥྛ་བཛྲ་ས་མ་ཡ་ལྷན༔ དེ་ནས་བཀྲ་ཤིས་བྱ་བ་ནི༔ ༔ ཁམས་གསུམ་སྐུ་གསུང་ཐུགས་སུ་ཆུབ༔ སྲིད་པའི་ལེགས་ཉེས་རྣམ་འགྱུར་ངོམས༔ བཀའ་སྲུང་ཡོངས་ཀྱི་སྤྲུལ་གཞིར་གནས༔ དབང་ཕྱུག་ཆེན་པོའི་བཀྲ་ཤིས་ཤོག༔ མཆོག་གསུམ་བསྟན་པ་དར་བ་དང་༔ སྐྱེ་འགྲོའི་བདེ་སྐྱིད་དཔལ་རྒྱས་ཤིང་༔ དཀར་ཕྱོགས་དབུ་འཕང་མཐོ་ཞིང་བཙན༔ བདེ་སྐྱིད་ཕུན་ཚོགས་བཀྲ་ཤིས་ཤོག༔ ས་མ་ཡ༔ T11608 - 128 ཀ ཁྲོཾ།༔ དེ་ལྟར་བསྒྲུབ་མཆོད་ལ་བརྩོན་པས༔ ཉམས་ཆག་སྐོང་ནས་དངོས་གྲུབ་ཐོབ༔ ཕྱི་ནང་བར་ཆད་བགེགས་སྒྲོལ་ཅིང་༔ ལྷ་ཆེན་འཁོར་བཅས་བྲན་ཁོལ་འགྱུར༔ དབང་སྡུད་ཟིལ་གནོན་དང་ལྡན་ཞིང་༔ བསོད་ད ནམས་ལོངས་སྤྱོད་དཔལ་འབར་བསྐྱེད༔ མཐུ་དང་གྲགས་པས་ཕྱུག་པར་འགྱུར༔ བཀའ་སྲུང་ཁྱབ་འཇུག་ཆེན་པོས་སྲུངས༔ སྣོད་མིན་ལོག་ལྟའི་དབང་པོ་སྣུབས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ནི་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་ཉེར་བཞིའི་བར་དུ་བཀའ་རྒྱ་བྱས་མཐར་རང་སློབ་མཁྱེན་རབ་དབང་པོས་ནན་དུ་བསྐུལ་ངོར་ལྷ་ལུང་ནོར་བུའི་གླིང་དུ་གཏན་ལ་ཕབ་པའི་ཡི་གེ་པ་ནི་བསྐུལ་པ་པོ་དེ་ཉིད་ཀྱིས་བགྱིས་པའོ། །དགེའོ། དགེའོ། །དགེའོ། །ལེགས་སོ། །སརྦ་མངྒ་ལཾ། ། 125 ད TI1608 - 130 ཨོཾཿ ཆོས་ཉིད་ནམ་མཁའི་ཀློང་མཛོད་ལས༔ དབང་ཆེན་མ་ཧཱ་དཱེ་ཝའི་ཚོགས་མཆོད་བསྡུས་པ་ཀུན་བཟང་མཆོད་སྤྲིན་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཤ་ཆང་ལ་སོགས་བཟང་བཏུང་རིགས༔ ཅི་འབྱོར་བཤམས་ལ་དཔག་མེད་སྤེལ༔ རཾ་ཡཾ་ཁཾ༔ ཨོཾ་ཨཱཿ ཧཱུྃ༔ ཆོས་ཉིད་སྒྱུ་མ་ལྟ་བུའི་ཏིང་འཛིན་གྱིས༔ འདོད་ཡོན་ནམ་མཁའ་མཛོད་དུ་མངའ་དབང་བསྒྱུར༔ སྐུ་གསུམ་བརྒྱུད་གསུམ་རིག་འཛིན་བླ་མའི་ཚོགས༔ དཀོན་མཆོག་རིན་ཆེན་གསུམ་དང་རྩ་བ་གསུམ༔ དབང་ཕྱུག་མ་ཧཱ་དཱེ་ཝ་ལྕམ་དྲལ་ཚོགས༔ འདིར་གཤེགས་ཞལ་ཟས་ཚོགས་ཀྱི་མཆོད་པ་འབུལ༔ རྩ་གསུམ་དམ་ཅན་རྒྱ་མཚོ་ཐུགས་དམ་བསྐང་༔ སྡོམ་དང་བསླབ་པ་དམ་ཚིག་ཉམས་ཆག་བཤགས༔ གཉིས་སྣང་རཱུ་ཏྲ་ཆོས་ཉིད་ཆེན་པོར་སྒྲོལ༔ ཕུང་ཁམས་སྐྱེ་མཆེད་ཚོགས་ཀྱི་འཁོར་ལོར་རོལ༔ ལྷག་སྐྱོང་ཕོ་མོ་འདིར་གཤེགས་ལྷག་ལ་རོལ༔ ཕྲིན་ལས་ཡོངས་སྒྲུབ་ཕྱི་ནང་བར་ཆད་བཟློག༔ དགེ་རྩ་འདིས་མཐུས་ཚོགས་གཉིས་རབ་རྫོགས་ཏེ༔ འབྲས་བུ་དམ་པ་སྐུ་གཉིས་ཐོབ་པར་ཤོག༔ དེ་ལྟར་གྲངས་ལྡན་བསྐྱར་གྱུར་ན༔ བསོད་ནམས་ཚོགས་གཉིས་མྱུར་རྫོགས་ནས༔ ཚེ་འདིར་རྣམ་པར་གྲོལ་ཐོབ་འགྱུར༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་སློབ་བུ་བསོད་ནམས་རྣམ་པར་རྒྱལ་བས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ། །ལེགས་སོ། །སརྦ་མངྒ་ལཾ།། ། T11608 - 132 དཟབ་གསང་མཁའ་འགྲོའི་སྙིང་ཐིག་ལས༔ ལྷ་ཆེན་དབང་ཕྱུག་ཆེན་པོའི་དྲག་སྒྲུབ་དུག་གི་རྒྱ་མཚོ་བཞུགས་སོ༔ TI1608 - 133 བདུད་འཇོམས་བཀའ་སྲུང་ལྷ་ཆེན་ཟོཾ།༔ ན་མོ་གུ་རུ་པདྨ་ཀ་ར་ཡེ༔ ཐབྷྱ།བྷ།དྷ༔ ལྷ་ཆེན་དབང་ཕྱུག་ཆེན་པོ་ཡི༔ དྲག་སྒྲུབ་དུག་གི་རྒྱ་མཚོ་ལ༔ མདུན་དུ་དཀྱིལ འཁོར་ཟླ་གམ་པ༔ ཕྱི་རིམ་དམར་ནག་ཟླ་གམ་གྱིས༔ ནང་རིམ་མཐིང་ནག་ཡང་ཟླ་གམ༔ ལྟེ་བར་ཕུང་ས་སྣ་ཚོགས་ཀྱིས༔ བྲུབ་དོང་ནག་པོ་རིམ་གསུམ་བྱ༔ བང་རིམ་ངོས་ལ་རིམ་པ་བཞིན༔ སྟེང་མར་ལྷ་དབྱེའི་རྫས་རྣམས་བྱུགས༔ བར་པའི་ངོས་ལ་ཕུང་ཤུལ་དང་༔ བརྒྱ་ལམ་གཡུལ་ཆེན་ས་རྣམས་བྱུགས༔ འོག་མར་དུག་ཁྲག་སྣ་ཚོགས་བྱུགས༔ ནང་དུ་དགྲ་བོའི་རཱུ་པ་ལ༔ རབ་ན་རྒྱུ་རྐྱེན་གསོད་པའི་རྫས༔ མི་རྒོད་གྲི་ལ་ཤི་བ་དང་༔ དྲེའུ་རྒོད་དུག་གིས་ཤི་བ་དང་༔ ཁྱི་རྒོད་སྨྲོས་ནས་ཤི་བ་ཡི༔ ཁྲག་གསུམ་ལ་ནི་ཡུག་ས་དགུའི༔ ཁོག་དྲེག་བསྲེས་པའི་སྣག་ཚ་ལ༔ TⅠ1608 - 134 ཀཁྲོཾ།༔ དུག་གི་ཕ་ནི་རེ་ལྕགས་ལ༔ མ་ནི་ཐར་ནུ་བུ་ཐང་ཕྲོམ༔ བསྡེབ་པའི་ཁུ་བ་བསྲེས་པས་བྲིས༔ ཤ་སྐམ་རོ་གཟུགས་ཉམ་ཐག་ཅིང་༔ ཁ་ནི་ངུ་ལ་ཤི་བའི་མིག༔ སྣ་ཞོམ་སྐྲ་གཟེང་རྐང་ལག་བཞི༔ ལྕགས་གཟེར་གྱིས་བསྡམ་སྤྱི་བོ་རུ༔ རུས་སམ་ཡང་ན་མ་ཤེས་ཛཿ མིག་ལ་ལོང་ལོང་སྣ་ལ་འཚུབས༔ རྣ་བར་འོན་འོན་ཁ་ལ་ལྐུགས༔ ཚིག་བཞིར་ཛཿ ཧཱུཾ་བཾ་ཧོཿ དང་༔ ལྷ་བཞིར་ཞ་ཞ་ཆག་ཆག་བྲིས༔ མཚན་མར་ཕཊཿ དང་བརླ་གཉིས་ལ༔ བླ་ཁུག་རྐང་མཐིལ་ཆིང་ཆིང་བྲིས༔ ལག་མཐིལ་སྡོམ་སྡོམ་སྟེང་ཕྱོགས་སུ༔ ནན་ནན་ཕྲག་གཡས་སོད་སོད་དང་༔ ཕྲག་པ་གཡོན་དུ་རྦད་རྦད་བྲིས༔ སྙིང་གར་ནྲྀཿལ་ཛ་བཞིས་བསྐོར༔ དེ་མཐར་མིང་རུས་མཁན་གསུམ་མཐར༔ ཁུག་ཛ་མཱ་ར་ཡ་ཐུམ་རི་ལི་ལི་རྦད༔ ཧུར་ཐུམ་རྦད༔ བཛྲ་ཨཾ་གུ་T11608 - 135 ཤ་ཛཿ ཛྭ་ལ་པ་ཡ༔ ཛྭ་ལ་པ་ཡ་རྦད༔ ཆིང་ཆིང་མྱོས་མྱོས་རྦད༔ རྨུག་རྨུག་འཐིབ་ཐིབ་སོད༔ ཏ་ཐ་ཡ་ཏ་ཐ་ཡ་རྦད་སོད་ནན༔ རཱུ་པའི་གཡས་གཡོན་སྦྲུལ་ནག་གཉིས་འཁྱུད་ཅིང་༔ རྩེའུ་གཉིས་ལ་སོ་བཏབ་པས་ཟ་བར་བྱས༔ དེ་ལ་དུག་གསུམ་བྱུག་ཅིང་དེའི་ཕྱི་རིམ༔ ཛ་ཁྲམ་གྱིས་བསྐོར་མཚོན་ཆ་མང་པོ་ཡི༔ རྩེ་མོ་ནང་བསྟན་བྲིས་ལ་ཆག་གྲུམ་གྱིས༔ སྣོད་དུ་བཞག་ནས་འགུགས་གཞུག་གྲངས་མང་དང་༔ ནམ་གྱི་སྲོད་ལ་བླ་འགུགས་སྔགས་མང་བརྗོད༔ དེ་ནས་ཤི་ལྤགས་ལྟར་གྲིལ་བྲུབ་ཁུང་དུ༔༷ འཕང་ནས་སྟེང་དུ་མཉྫིའི་ཁྲི་ཡི་ཁར༔ གཏོར་མ་སྔགས་ཀྱི་སྙིང་པོ་ཅན་གཅིག་བཞག༔ ཕྱོགས་བཞིར་གཏོར་མ་ཆུང་བ་བཞིས་བསྐོར་བཞག༔ བྲུབ་དོང་མཐའ་མར་གཏོར་མ་བརྒྱད་བཞག་ལ༔ སྤྲོ་ན་སྡེ་བརྒྱད་སྐུ་གཟུགས་རིས་བྲིས་གཟུག༔ འཛིན་གཏོར་ལ་ནི་སྲོག་གི་འཁོར་ལོ་བསྟེན༔ སྟེང་དུ་བསྲུང་བའི་ལྷ་གསུམ་སྣང་བརྙན་བཙུག༔ ཕྱི་རིམ་མཚོན་ཆ་སྣ་ཚོགས་ཟངས་ལྕགས་སམ༔ ཡང་ན་དུག་ཤིང་ངམ་ནི་དུག་ཤོག་ལ༔ བྲིས་ནས་ཚོན་གྱིས་སྦག་ལ་བཙུག་ཀྱང་རུང་༔ ཕྱོགས་བཞིར་དགྲ་བོའི་མིང་རུས་བྲིས་པ་ཡི༔ ཤོག་གུས་དཀྲིས་པའི་སྡོང་བུ་རིང་མོ་བརྒྱད༔ གཟུག་ཅིང་དེ་གསོད་དུག་ཁྲག་བསྲེས་པ་བཞག༔ མི་བསད་མཚོན་དང་རྦབ་རྡོའི་ཕྱེ་རྣམས་དང་༔ ཉུང་དཀར་ནག་དང་ཏིལ་གཉིས་ཀེ་ཤངས་མཚེ༔ འབྲུ་ནག་ཟངས་ལྕགས་མཁར་གོང་ཕྱེ་སོགས་པའི༔ དུག་ཐུན་དུག་སྣ་བསགས་པ་གསོད་པའི་རྫས༔ དེའི་མདུན་མཆོད་པའི་ཡོ་བྱད་འབྱོར་ཚད་བཤམས༔ དང་པོ་རང་ཉིད་ཡི་དམ་ལྷར་བསྒོམ་ནས༔ བསྙེན་བསྒྲུབ་མཆོད་བསྟོད་ཐམས་ཅད་གྲུབ་པའི་མཐར༔ ཟོཾ།༔ ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅་ཧཾ༔ སྐད་ཅིག་དེ་ཉིད་དུ་ཡེ་ཤེས་རང་སྣང་ལས་གྲུབ་པའི་གཞལ་ཡས་ཁང་རྒྱ་ཆེ་ཞིང་བཀོད་ལེགས་པ་ལྷུན་གྲུབ་བདེ་བ་ཆེན་པོའི་བཀོད་པ་རབ་ཏུ་རྫོགས་པའི་དབུས་སུ༔ རང་ཉིད་ལྷ་ཆེན་དབང་ཕྱུག་ཆེན་པོ་སྐུ་མདོག་མཐིང་ནག་ཞལ་གཅིག་ཕྱག་གཉིས་གཡས་པས་ཏྲི་ཤུལ་རྩེ་གསུམ་ཀླད་ལ་བསྐོར་ཞིང་དགྲ་བགེགས་གདུག་པ་ཅན་རྣམས་ཀྱི་མགོ་བོ་ཚལ་པ་བརྒྱ་རུ་འགེམས་ཤིང་ལུས་པོ་དུམ་བུ་སྟོང་དུ་གཏོར་བར་བྱེད་པ༔ གཡོན་པས་ལྕགས་ཀྱུ་འབར་བས་ཁམས་གསུམ་དབང་དུ་སྡུད་པ་ཡེ་ཤེས་ཀྱི་མེ་དཔུང་རབ་ཏུ་འབར་བའི་ཀློང་དུ་དུར་ཁྲོད་ཆས་བརྒྱད་ཀྱིས་བརྒྱན་པར་བསྐྱེད་དོ༔ སྐུ་ཡི་སྟོད་ཀྱི་ཆ་ལ་བཀའ་བརྒྱུད་བླ་མ༔ སྐེད་པ་བར་གྱི་ཆ་ལ་ཡི་དམ་ལྷ་ཚོགས༔ སྐུ་སྨད་ཀྱི་ཆ་ལ་མ་རྒྱུད་མཁའ་འགྲོ༔ མཐའ་བསྐོར་དུ་བསྟན་སྲུང་དམ་ཅན་རྒྱ་མཚོའི་ཚོགས་མ་ལུས་ཤིང་ལུས་པ་མེད་པས་བསྐོར་བར་བསམ༔ མདུན་དུ་དུར་ཁྲོད་རབ་འཇིགས་མེ་རླུང་འཚུབས མའི་དབུས་སུ་གནམ་ལྕགས་ལས་གྲུབ་པའི་གྲུ་གསུམ་མུན་ཁང་ནག་པོ་རིམ་པ་གསུམ་གྱི་འོག་མར་གཏི་མུག་གི་མུན་པ་འཐིབས་པ༔ བར་ན་ང་རྒྱལ་གྱི་བྲག་རི་རྙིལ་བ༔ སྟེང་རིམ་ན་ཞེ་ སྡང་གི་མེ་དཔུང་འབར་བ༔ ནང་གི་འཁོར་ཡུག་ཏུ་ནད་མུག་དུག་མཚོན་གྱི་ན་བུན་སྔོ་དམར་དུ་འཁྲིགས་པ༔ ཕྱི་རིམ་འཁོར་ཡུག་ཏུ་ཕྲག་དོག་གི་རླུང་དམར་འཚུབས་ཤིང་གཡོ་བ༔ ཕྱི་ནང་བར་མཚམས་ཐམས་ཅད་དུ་བླ་འཛིན་གྱི་དྲྭ་བ་བྲེས་ཤིང་བླ་འགུག་གི་ལྕགས་ཀྱུ་འཕྲོ་བ༔ ཕོ་ཉ་སྐར་ལྟར་འཁྲིགས་ཤིང་ལས་མཁན་རླུང་ལྟར་གཡོ་བ༔ ཤན་པ་དང་ལག་དམར་སེར་ལྟར་རྒྱུ་ཞིང་ཐོག་ལྟར་འབེབས་པ༔ ཟ་བྱེད་ཤ་ཟ་དང་ཁྲག་འཐུང་གི་ཚོགས་རྣམས་ཀྱི་གླལ་སྒྲ་ལྡིར་ཞིང་སྡང་མིག་གཡོ་བར་བསྐྱེད་དོ༔ ཐར་མེད་ལས་ཀྱི་བཙོན་ཁང་ནག་པོ་དེའི་ནང་དུ་དགྲ བོའི་མི་ནོར་འཁོར་དང་བཅས་པའི་སྲོག་འདུས་པའི་ངོ་བོ་ནྲྀ་ཡིག་ལྗང་སྔོན་ལས་འོད་འཕྲོས་པས་དགྲ་བོའི་བླ་ཚེ་སྲོག་གསུམ་ཐམས་ཅད་འུབ་ཏུ་འདུས་ཤིང་ཐིམ་པ་ལས་གནས་སུ་