Tibetan
གླིང་དགུ་ནས༔ བདུད་པོ་སྲོག་ལེན་ནག་པོ་ཆེ༔ འཁོར་དང་བཅས་པ་གཤེགས་སུ་གསོལ༔ དགྲ་བོའི་བླ་ཁུག་ལིང་TI1608 - 173 གར་ཕོབས༔ དུས་ལ་བབ་པོ་ས་མ་ཡ༔ མ་གཡེལ་མ་འགྱངས་དམ་ཚིག་ཅན༔ ཛཿ རབ་འཇིགས་དྲག་པོའི་གཞལ་ཡས་ནས༔ བཀའ་ཡི་ལྷ་སྲིན་སྡེ་བརྒྱད་ཚོགས༔ འཁོར་དང་བཅས་པ་གཤེགས་སུ་གསོལ༔ དགྲ་བོའི་བླ་ཁུག་ལིང་གར་ཕོབས༔ དུས་ལ་བབ་པོ་ས་མ་ཡ༔ མ་གཡེལ་མ་འགྱངས་དམ་ཚིག་ཅན༔ ཛཿ སྣོད་བཅུད་སྣང་སྲིད་འཇིག་རྟེན་ན༔ དབང་ཕྱུག་ཆེན་པོའི་འཁོར་སྤྲུལ་པའི༔ སྡེ་བརྒྱད་ལྷ་འདྲེ་དྲེགས་པའི་ཚོགས༔ མ་ལུས་འཁོར་བཅས་གཤེགས་སུ་གསོལ༔ དགྲ་བོའི་བླ་ཁུག་ལིང་གར་ཕོབས༔ སྐྱོབ་བྱེད་ལྷ་སྲུང་བདུད་དུ་ཕོབས༔ ལས་བྱེད་ཤན་པས་མཐའ་ནས་སྐོར༔ ཐར་མེད་མུན་པར་བཙོན་དུ་ཟུངས༔ ཤོར་མེད་རྡོ་རྗེའི་ཞགས་པས་ཆིངས༔ འབྲོས་མེད་དུག་དང་གྲིབ་ཀྱིས་མྱོས༔ མི་ནོར་ལོངས་སྤྱོད་འཁོར་དང་བཅས༔ མ་ལུས་མིང་གཟུགས་ལིང་གར་ཕོབས༔ དུས་ལ་བབ་པོ་ས་མ་ཡ༔ ཨོཾ་མ་ཧཱ་དཱེ་ཝ་ཀྲོ་ཏ་ཀཱ་ལ་ཧྲཱིཿ ཧྲཱིཿ ཧཱུྃ་ཛཿ ཞེས་བར་མ་ཆད་པར་ཆུ་བོའི་གཞུང་བཞིན་བཟླས༔ ལྷ་དེ་རྣམས་ཐིབ་ཀྱིས་བྱོན་ནས༔ བསྐྱེད་པའི་ལྷ་ལ་ཐིམ་པར་ཡང་ཡང་བསམ་ཞིང་ཡིད་ལ་གསལ་བའི་ངང་དང་མ་བྲལ་བའི་ངང་ནས་བཟླ་བ་གནད་ཀྱི་དམ་པ་ཡིན་པས་ཤེས་པར་མཛོད༔ བཀའ་འདི་གནོད་སྦྱིན་ཤན་པ་ཆེན་པོར་གཉེར༔ ལྟ་ལོག་ངན་སྨྲ་ ཁྲོཾ།༔ མཁན་གྱི་དབང་པོ་སྣུབས༔ མ་གཡེལ་བཀའ་དང་ཐ་ཚིག་གཉན་པོའི་རྒྱ༔ བརྒྱུད་འཛིན་བུ་ཡི་ཚེ་སྒྲུབ་མཐའ་རུ་སྐྱོལ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ 22 ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེ་ཁྲོ་ལོད་ཀྱིས་ཤྭ་བྲག་རྡོ་རྗེའི་ངོས་ནས་བཏོན་ཏེ་མཐར་སྨོན་ལམ་ལས་ཀྱིས་འབྲེལ་བའི་སློབ་བུ་མཁྱེན་རབ་རྒྱ་མཚོས་ནན་དུ་བསྐུལ་ངོར་གཏན་ལ་ཕབ་པའི་ཡི་གེ་པ་ཡང་དེ་ཉིད་དོ། །དགེའོ། །ལེགས་སོ། །སརྦ་མངྒ་ལཾ།། ས 1 T11608 - 175 9[Ⅰ- 809IL ཀུཟོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ ལྷ་ཆེན་མ་ཧཱ་དཱེ་ཝའི་རྦད་པ་རྡོ་རྗེའི་ཐོགས་མདའ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཙདྷདྷངྒ།རྒྱ ལྷ་ཆེན་སྒྲུབ་པའི་སྐྱེས་བུ་ཡི༔ དད་དང་དམ་ཚིག་གནད་ལྡན་པའི༔ རྦད་ཚེ་དུས་དྲུག་འདི་བཞིན་དུ༔ ཚིག་དོན་ཡིད་ལ་དྲན་བྱས་ནས༔ གནད་འདིར་འབད་པ་ཤིན་ཏུ་གལ༔ ཧཱུྃ་ཧཱུྃ་ཧཱུྃ༔ ཧྲཱིཿ དུས་གསུམ་རྒྱལ་དང་རྒྱལ་སྲས་ཚོགས༔ བདག་གི་མགོན་དང་དཔུང་ལ་དགོངས༔ དད་དང་དམ་ཚིག་དཔང་དུ་བཙུག༔ བདག་ནི་ཉམ་ཐག་སེམས་ཅན་ཏེ༔ ལྷ་སྲུང་འགྲུབ་པའི་ནུས་མེད་ཀྱང་༔ དཀོན་མཆོག་གསུམ་གྱི་ཐུགས་རྗེ་དང་༔ དད་པ་དམ་ཚིག་གནད་བསྟུན་ནས༔ ལྷ་སྲུང་སྒྲུབ་བོ་སྒྲུབ་པར་མཛོད༔ འབོད་རྦད་བསད་དང་གསུམ་གྱི་རྟགས༔ རིམ་བཞིན་རྟགས་ཡིག་ལྟར་དུ་སྟོན༔ ཛཿ སྟེང་ཕྱོགས་གཟུགས་མེད་ཁམས་ཡངས་པར༔ ཏིང་འཛིན་མི་གཡོའི་བདག་ཉིད་དཔལ༔ ལྷ་ཆེན་ཁྱབ་འཇུག་དགྲ་ལ་རྦད༔ ཁྱབ་འཇུག་དམག་དཔུང་ཆོ་ཆོ་རྒྱུག༔ གཟུགས་ཁམས་གནས་རིགས་བཅུ་བདུན་ནས༔ དགའ་བདེ་འཕྲུལ་གྱི་དབང་ཕྱུག་ཆེ༔ ལྷ་བདུད་དགའ་རབ་དགྲ་ལ་རྦད༔ ལྷ་བརྒྱད་དམག་བཅས་ཆོ་ཆོ་རྒྱུག༔ གཞན་འཕྲུལ་དབང་བྱེད་ལྷ་གནས་སུ༔ ཁམས་གསུམ་འཁོར་ ལོས་སྒྱུར་བའི་རྒྱལ༔ དབང་ཕྱུག་ཆེན་པོ་དགྲ་ལ་རྦད༔ དཔལ་མགོན་དམག་བཅས་ཆོ་ཆོ་རྒྱུག༔ སུམ་ཅུ་རྩ་གསུམ་ལྷ་གནས་སུ༔ འདོད་པའི་ཁམས་ལ་དབང་མཛད་དཔལ༔ ཚོགས་ཀྱི་བདག་པོ་དགྲ་ལ་རྦད༔ ལྷ་མགོན་ལྷ་མོ་ཆོ་ཆོ་རྒྱུག༔ ངན་སྔགས་རྫས་སྦྱོར་རིག་སྔགས་བདག༔ དབང་ཕྱུག་ཐལ་སྐྱ་དགྲ་ལ་རྦད༔ དུར་བདག་དུར་འདྲེ་ཆོ་ཆོ་རྒྱུག༔ སྣང་སྲིད་དུར་ཁྲོད་གཞལ་ཡས་ནས༔ དབང་ཕྱུག་ནག་པོ་དགྲ་ལ་རྦད༔ སྡེ་བརྒྱད་དམག་ཚོགས་ཆོ་ཆོ་རྒྱུག༔ འཇིགས་བྱེད་དྲག་པོའི་དཀྱིལ་འཁོར་ནས༔ མ་ཧཱ་དེ་ཝ་དགྲ་ལ་རྦད༔ བཀའ་སྲུང་ཆོས་སྐྱོང་ཆོ་ཆོ་རྒྱུག༔ དམོད་པ་དྲག་སྔགས་དཀྱིལ་འཁོར་ནས༔ དྲེགས་པའི་གཙོ་བོ་དགྲ་ལ་རྦད༔ དྲག་སྔགས་ལྷ་ཚོགས་ཆོ་ཆོ་རྒྱུག༔ འཇིག་རྟེན་མཆོད་བསྟོད་དཀྱིལ་འཁོར་ནས༔ འཇིག་རྟེན་དབང་ཕྱུག་དགྲ་ལ་རྦད༔ མཆོད་བསྟོད་ལྷ་ཚོགས་ཆོ་ཆོ་རྒྱུག༔ དགྲ་བོ་ཕོ་མོ་བུ་ཆུང་མ༔ མཐའ་རྩ་སྐྱེ་རྒྱུད་དང་བཅས་ཀྱི༔ སྲོག་དང་དོན་སྙིང་བཅས་པ་རྣམས༔ བྱིའུ་ཆུང་ཁྲ་ཡིས་དེད་པ་བཞིན༔ ནམ་མཁའི་ཁམས་ནས་དེད་ལ་ཤོག༔ ཤོག་སྐྱ་རླུང་གིས་ཁྱེར་བ་བཞིན༔ བར་སྣང་ཁམས་ནས་དེད་ལ་ཤོག༔ ཤ་ཁྱིས་རི་དྭགས་དེད་པ་ ཁྲོཾ།༔ བཞིན༔ ས་གཞིའི་ཁམས་ནས་དེད་ལ་ཤོག༔ བྱི་ལས་བྱི་རོ་ཁྱེར་བ་བཞིན༔ མ་ཤོར་དམ་དུ་ཟུངས་ལ་ཤོག༔ ཁྲ་གླག་གཟན་ལ་ཁྱེར་བ་བཞིན༔ མ་ཤོར་སྤར་གྱིས་ཐོབ་ལ་ཤོག༔ རྒྱ་སྟག་མི་རོ་ཁྱེར་བ་བཞིན༔ སུ་ལ་མ་ཤོར་ཁྱེར་ལ་ཤོག༔ ལན་ཚྭ་ཆུ་ལ་བསྲེས་པ་བཞིན༔ ལས་ཀྱི་ལིང་ག་འདི་ལ་ཕོབས༔ ག་བུར་རླུང་དང་བསྲེས་པ་བཞིན༔ ལས་ཀྱི་ལིང་ག་འདི་ལ་ཕོབས༔ སྲུང་བྱེད་ལས་མཁན་དམར་ནག་གིས༔ མཐའ་ནས་བསྐོར་ལ་ཕྱིར་མ་ཤོར༔ གྲི་ནད་མུན་པའི་སྟེང་ནས་སྦུབས༔ མྱོས་ཤིང་བརྒྱལ་བའི་ཕྲིན་ལས་མཛོད༔ སྲུང་བཟློག་བྱེད་པའི་བླ་མཆོད་ཀྱི༔ ལུས་ངག་ཡིད་ཀྱི་བསམ་སྤྱོད་ཀུན༔ དགྲ་བོའི་སྲོག་གི་གཤེད་དུ་ཕོབས༔ དཀོན་མཆོག་གསུམ་དང་རྩ་གསུམ་ལྷའི༔ བདེན་པས སྨོས་པའི་ཚིག་དེ་དག༔ ཆུད་མི་ཟ་བར་འགྲུབ་གྱུར་ཅིག༔ ཨོཾ་མ་ཧཱ་དཱེ་ཝ་ཀྲོ་ཏ་ཀཱ་ལ་ཧྲཱིཿ ཧྲཱིཿ ཡཿརཿ ཏྲིཿ དུཿ ཙཿ ནཿས་མ་ཡ༔ དགྲ་བོའི་སྲོག་ལ་རྦད་རྦད་བྷྱོ༔ ཞེས་བར་མ་ཆད་པར་ཆུ་རྒྱུན་བཞིན་དུ་བཟླ༔ རྦད་རྟགས་མ་བྱུང་བར་དུ་བརྗོད་པར་བྱའོ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་ཉེར་ བཞིའི་བར་དུ་བཀའ་རྒྱ་བྱས་མཐར་རྟེན་འབྲེལ་དུས་ལ་བབ་ཚེ་ལུང་ཟིན་མཁྱེན་རབ་རྒྱ་མཚོས་ནན་དུ་བསྐུལ་ངོར་ལྷ་ལུང་བདེ་ཆེན་གླིང་དུ་དག་པར་ཕབ་པའི་ཡི་གེ་པའང་དེ་ཉིད་དོ། །དགེའོ། །ལེགས་སོ། །སརྦ་མངྒ་ལཾ།། །། བདུད་འཇོམས་བཀའ་སྲུང་ལྷ་ཆེན་176 T11608 - 180 T11608 - 180 ཟོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ ལྷ་ཆེན་དབང་ཕྱུག་ཆེན་པོའི་བསད་པ་སྤུ་གྲིའི་འཁོར་ལོ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཐབཤཤཤཏཐ༔ དེ་ནས་ཐུན་རྫས་སྣ་ཚོགས་དང་དུག་ཁྲག་རྣམས་ཀྱིས་བར་བར་དུ་བྲབ༔ མི་བསད་མཚོན་རྩེས་གཟེར་ཞིང་འདི་ལྟར་བརྗོད༔ ཛ་བྷྱོ༔ ཁམས་གསུམ་སྲོག་གི་བདག་པོ་སྟེ༔ དབང་ཕྱུག་ཆེན་པོའི་དུས་ལ་བབ༔ དགྲ་བོའི་མི་ཕྱུགས་སྐྱེ་རྒྱུད་བཅས༔ མར་མེ་རླུང་གིས་བསད་བཞིན་སོད༔ སྐྱེ་འགྲོའི་དབུགས་ཀྱི་བདག་པོ་སྟེ༔ དབང་ཕྱུག་ཁྱབ་འཇུག་དུས་ལ་བབ༔ དགྲ་བོ་མི་ནོར་སྐྱེ་རྒྱུད་བཅས༔ མེ་སྟག་ཆུ་ཡིས་བསད བཞིན་སོད༔ འདོད་ཁམས་ཡོངས་ཀྱི་མངའ་བདག་པོ༔ ཚོགས་བདག་འཁོར་བཅས་དུས་ལ་བབ༔ དགྲ་བོའི་མི་ཕྱུགས་སྐྱེ་རྒྱུད་བཅས༔ ཆུ་ཐིག་ཧུབ་ཀྱིས་བཏབ་བཞིན་སོད༔ མོ་རྒྱུད་ཡོངས་ཀྱི་སྤྲུལ་གཞི་མོ༔ ཨུ་མ་ཡང་ཁྲོས་ཁྲག་རལ་མ༔ ནག་མོ་ཁྲོས་མ་གྲངས་མེད་བཅས༔ དུས་ལ་བབ་པོ་ཕྲིན་ལས་མཛོད༔ དགྲ་ལ་ཁྲག་ནད་དལ་ཡམས་ཕོབས༔ རྩྭ་ཕུང་མེ་མཆེད་བཞིན་དུ་སོད༔ འཆི་བདག་ལས་ཀྱི་གཤིན་རྗེ་ཡི༔ སྤྲུལ་འཁོར་བཀའ་སྡོད་དུས་ལ་བབ༔ དམ་ཉམས་དགྲ་བོའི་མི་ནོར་དཀོར༔ འབྲུ་དྲུག་སེར་བས་བཅོམ་བཞིན་སོད༔ དྲང་སྲོང་གཟའ་བདུད་རཱ་ཧུ་ལ༔ འཁོར་དང་བཅས་པའི་དུས་ལ་བབ༔ དགྲ་བོའི་མི་ནོར་འཁོར་དང་བཅས༔ ཁ་རླངས་དུག་གི་སྤུ་གྲིས་སོད༔ དམ་ཅན་རྡོ་རྗེ་ལེགས་པ་སྐྱོང་༔ འཁོར་དང་བཅས་པའི་དུས་ལ་བབ༔ དགྲ་བོའི་མི་ནོར་ལོངས་སྤྱོད་བཅས༔ ས་མཁར་སྒྱོགས་རྡོས་བཤིག་བཞིན་རློག༔ བཙན་རྒོད་སྲོག་ལེན་དམར་པོ་ཡི༔ འཁོར་དང་བཅས་པའི་དུས་ལ་བབ༔ ཡིད་ལ་བརྣག་པའི་དགྲ་བོ་འདི༔ ཧུར་ཐུམ་དྲག་པོའི་ནད་ཀྱིས་སོད༔ བདུད་པོ་ཚེ་ལེན་སྲོག་བདུད་ཁྱོད༔ འཁོར་དང་བཅས་པའི་དུས་ལ་བབ༔ ཡིད་ལ་བརྣག་པའི་དགྲ་བོ་འདི༔ ཐོག་རྒོད་མཚོན་གྱིས་གྲི་རུ་སོད༔ ཀླུ་བདུད་འཆི་བདག་མགོ་དགུ་ཁྱོད༔ འཁོར་དང་བཅས་པའི་དུས་ལ་བབ༔ ཡིད་ལ་བརྣག་པའི་དགྲ་བོ་འདི༔ མཛེ་ལྷོག་ཧྲེང་ལྐུག་ནད་ཀྱིས སོད༔ གཞན་ཡང་དབང་ཕྱུག་ཆེན་པོ་ཡི༔ བཀའ་སྡོད་སྤྲུལ་པའི་ཆོས་སྐྱོང་དང་༔ སྡེ་བརྒྱད་སྣང་སྲིད་དྲེགས་པ་ཅན༔ མ་ལུས་འཁོར་དང་བཅས་པ་རྣམས༔ དམ་ཚིག་ཐུགས་རྗེ་དུས་ལ་བབ༔ མ་གཡེལ་མ་འགྱངས་ལས་ལ་ཆོས༔ མངོན་སྤྱོད་དྲག་པོའི་ཕྲིན་ལས་མཛོད༔ དགྲ་བོ་ཉིད་དང་བུ་ཆུང་མ༔ དཀོར་དང་ལོངས་སྤྱོད་ཉེ་འཁོར་བཅས༔ མཐུ་རྩལ་དྲག་པོས་ ཛོཾ།༔ སོད་ལ་ཤོག༔ སྙིང་ཁྲག་ཁ་རུ་སྐྱུགས་སུ་ཆུགས༔ རང་སྲོག་རང་གིས་གཅོད་དུ་ཆུགས༔ ཁ་ཟས་དུག་ཏུ་བསྒྱུར་ལ་སོད༔ རྦབ་གཡང་འགགས་མཚོན་གྲི་རུ་སོད༔ འཇིགས་པ་ཆེན་པོ་བརྒྱད་ལ་སོགས༔ གློ་བུར་རྐྱེན་ངན་ཐོག་ཏུ་ཕོབས༔ བསད་ཁྲག་དྲོན་མོ་ཧུབ་ཀྱིས་རོལ༔ བསད་རྟགས་དོན་སྙིང་ཁྱེར་ལ་ཤོག༔ སྙིང་ཁྲག་བྲུབ་དོང་ཁ་རུ་ཕོས༔ བླ་ཡིས་འོ་དོད་འབོད་དུ་ཆུགས༔ བླ་མཁུན་བཤུད་སྒྲ་འདོན་དུ་ཆུགས༔ ལོ་ཟླར་འགྱངས་པའི་ལོང་མེད་ཀྱིས༔ དོ་ནུབ་ཉིད་དུ་དགྲ་བོ་སོད༔ དཀོན་མཆོག་གསུམ་གྱི་བདེན་སྟོབས་ཀྱིས༔ སྨོས་བཞིན་དམོད་པའི་ཚིག་དེ་དག༔ ཆུད་མི་ཟ་བར་དུས་མྱུར་དུ༔ བཀའ་སྲུང་གཉན་པོས་བསྒྲུབ་གྱུར་ཅིག༔ ཨོཾ་མ་ཧཱ་དཱེ་ཝ་ཀྲོ་ངྷ་ཀཱ་ལ་ཧྲཱི་ཧྲཱི༔ ཡཿ རཿ ཏྲིཿ དུཿ ཙཿ ནཿ ས་མ་ཡ༔ ཆེ་གེ་མོའི་བླ་སོད༔ སྲོག་སོད༔ དབུགས་སོད༔ མཱ་ར་ཡ་ཧུར་ཐུམ་རྦད༔ བསད་རྟགས་མ་བྱུང་བར་དུ་མི་ཚིག་གིས་བར་མ་ཆོད་སྟན་གྱི་དྲོད་མ་ཡལ་བར་བཟླའོ༔ འབོད་རྦད་བསད་གསུམ་གང་དུས་སུ༔ ལྷ་དང་ཤེས་པ་དབྱེར་མེད་ངང་༔ བསྒྲུབ་ན་རིང་པོར་ཐོགས་མ་ཡིན༔ འདི་ནི་གནད་ཀྱི་དམ་པ་ཡིན༔ རྫས་དང་ཡོ་བྱད་མཛེས་ལེགས་ཀྱང་༔ གནད་དེ་མེད་ན་ཤིན་ཏུ་བུལ༔ རྫས་དང་ཡོ་བྱད་འབྱོར་ཆུང་ཡང་༔ གནད་དེ་ལྡན་ན་མྱུར་དུ་ འགྲུབ༔ བཀའ་སྲུང་གནོད་སྦྱིན་ཆེན་པོས་སྲུངས༔ དམ་ཉམས་ལག་ཏུ་མ་བཏང་ཞིག༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེ་ཁྲོ་ལོད རྩལ་གྱིས་གཏེར་ནས་བཏོན་ཏེ་མི་ལོ་ཉེར་བཞིའི་བར་དུ་བཀའ་རྒྱ་བྱས་མཐར་མཁྱེན་རབ་རྒྱ་མཚོས་བསྐུལ་ངོར་དག་པར་ཕབ་པའི་ཡི་གེ་པ་ཡང་དེ་ཉིད་ཀྱིས་བགྱིས་པའོ། །དགེའོ། །ལེགས་སོ། །སརྦ་མངྒ་ལཾ།། ། 8 འཇོམས་བཀའ་སྲུང་ལྷ་ཆེན འཇོམས་བཀའ་སྲུང་ལྷ་ཆེན T1608 - 184 ཟོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ ལྷ་ཆེན་དབང་ཕྱུག་ཆེན་པོའི་ལས་ཚོགས་ལས༔ དགྲ་བོ་བྲོས་ཤོར་གྱི་སྒོ་འདན་པ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ རྦཏཱ྅ཊ྄༔ རང་ཉིད་ཡི་དམ་ལྷར་གསལ་ངང་༔ བཀའ་སྲུང་གཉན་པོ་མདུན་དུ་བསྒོམ༔ དེ་ལ་ལས་བཅོལ་འདི་སྐད་བྱ༔ ཛཿ ལྷ་ཆེན་དབང་ཕྱུག་ཆེན་པོ་ཁྱོད༔ ཁམས་གསུམ་ཡོངས་ཀྱི་མངའ་བདག་ཡིན༔ ཆེ་བཙན་འཇིག་རྟེན་གསུམ་ན་འཕགས༔ ཁམས་གསུམ་ལེགས་ཉེས་ཁྱོད་ཀྱིས་དབང་ཿ དཀོན་མཆོག་གསུམ་གྱི་སྲུང་མ་ལགས༔ ཁྱོད་ལ་བདག་གི་བློ་གཏད་སྒྲུབས༔ དོ་ནུབ་ལས་ཀྱི་ཕོ་ཉར་བསྐུལ༔ ཧཱུྃ༔ དབང་ཕྱུག་སྐུ་ཡི་དབྱིངས་བསྐུལ་ལོ༔ སྐུ་ཡི་སྤྲུལ་པའི་དུས་ལ་བབ༔ ལྷ་བདུད་དགའ་རབ་དབང་ཕྱུག་གིས༔ མུ་སྟེགས་ཡོངས་ལ་མངའ་དབང་མཛད༔ དོ་ནུབ་ང་ཡི་ཕོ་ཉར་བསྐུལ༔ དམ་ཉམས་དགྲ་བོ་ལས་ངན་འདི༔ མུ་སྟེགས་སྲུང་བཟློག་དང་ཕྲོལ་ལ༔ ཕྱི་པའི་དབང་དུ་མ་བཏང་ཞིག༔ ༔ དབང་ཕྱུག་གསུང་གི་སྤྲུལ་པ་ལས༔ ལྷ་ཆེན་སྟག་ལྷ་མེ་འབར་བ༔ གཡུང་དྲུང་བོན་ལ་མངའ་དབང་མཛད༔ དོ་ནུབ་ང་ཡི་ཕོ་ཉར་བསྐུལ༔ དམ་ཉམས་དགྲ་བོ་སྡིག་ཅན་འདི༔ བོན་གྱི་སྲུང་བཟློག་དང་ཕྲོལ་ལ༔ བོན་གྱི་དབང་དུ་མ་བཏང་ ཞིག༔ དམ་ཚིག་གཉན་པོ་གཏའ་རུ་བཙུག༔ མ་འདའ་བཛྲ་ས་མ་ཡ༔ ཧཱུྃ༔ དབང་ཕྱུག་ཐུགས་ཀྱི་སྤྲུལ་པ་ལས༔ ལྷ་མགོན་མ་ཧཱ་ཀཱ་ལ་ཆེ༔ ནང་པའི་བསྟན་འགྲོར་མངའ་དབང་མཛད༔ དོ་ནུབ་ལས་ཀྱི་ཕོ་ཉར་བསྐུལ༔ དམ་ཉམས་དགྲ་བོ་སྡིག་ཅན་འདི༔ བན་སྔགས་སྲུང་བཟློག་དང་ཕྲོལ་ལ༔ ནང་པའི་དབང་དུ་མ་བཏང་ཞིག༔ གློ་བུར་ཧུར་ཐུམ་དྲག་པོར་སོད༔ དམ་ཚིག་གཉན་པོ་གཏའ་རུ་བཙུག༔ མ་འདའ་བཛྲ་ས་མ་ཡ༔ ཧཱུྃ༔ དབང་ཕྱུག་ཡོན་ཏན་སྤྲུལ་པ་ནི༔ ཚོགས་བདག་གླང་སྣ་དམར་པོ་སྟེ༔ འདོད་ལྷ་ཡོངས་ལ་མངའ་དབང་མཛད༔ དོ་ནུབ་ལས་ཀྱི་ཕོ་ཉར་བསྐུལ༔ དམ་ཉམས་དགྲ་བོ་སྡིག་ཅན་འདི༔ ལྷ་ཡི་སྲུང་མ་དང་ཕྲོལ་ལ༔ འདོད་ལྷའི་དབང་དུ་མ་བཏང་ཞིག༔ གློ་བུར་ཧུར་ཐུམ་དྲག་པོར་སོད༔ དམ་ཚིག་གཉན་པོ་གཏའ་རུ་བཙུག༔ མ་འདའ་བཛྲ་ས་མ་ཡ༔ ཧཱུྃ༔ ལྷ་ཆེན་ཕྲིན་ལས་སྤྲུལ་པ་ནི༔ བཀའ་ཡི་ལྷ་སྲིན་དྲེགས་པ་ཅན༔ སྐྱེ་འགྲོ་ཡོངས་ལ་མངའ་དབང་མཛད༔ དོ་ནུབ་ལས་ཀྱི་ཕོ་ཉར་བསྐུལ༔ དམ་ཉམས་དགྲ་བོ་སྡིག་ཅན་འདི༔ སྐྱེ་འགྲོའི་སྲུང་བཟློག་དང་ཕྲོལ་ལ༔ སེམས་ཅན་ཡོངས་ལ་མ་ཤོར་ཅིག༔ གློ་བུར་ཧུར་ཐུམ་དྲག་པོར་སོད༔ ཟོཾ།༔ དམ་ཚིག་གཉན་པོ་གཏའ་རུ་བཙུག༔ མ་འདའ་བཛྲ་ས་མ་ཡ༔ དབང་ཕྱུག་སྤྲུལ་པ་ཡང་སྤྲུལ་གྱིས༔ སྲིད་པ་གསུམ་ལ་མངའ་དབང་བསྒྱུར༔ སྲིད་གསུམ་བདག་པོ་མངའ་དབང་མཛད༔ དོ་ནུབ་ང་ཡི་ཕོ་ཉར་བསྐུལ༔ དམ་ཉམས་དགྲ་བོ་སྡིག་ཅན་འདི༔ གཞི་བདག་སྲུང་མ་དང་ཕྲོལ་ལ༔ ཡུལ་ལྷའི་དབང་དུ་མ་བཏང་ཞིག༔ གློ་བུར་ཧུར་ཐུམ་དྲག་པོར་སོད༔ དམ་ཚིག་གཉན་པོ་གཏའ་རུ་བཙུག༔ མ་འདའ་བཛྲ་ས་མ་ཡ༔ ཡིད་ལ་བརྣག་པའི་དགྲ་བོ་འདི༔ འགོ་བར་བྱེད་པའི་ལྷ་དང་ཕྲོལ༔ སྐྱོབ་པར་བྱེད་པའི་ལྷ་དང་ཕྲོལ༔ ཚེ་རབས་ལས་ཀྱི་ལྷ་དང་ཕྲོལ༔ ད་ལྟ་བསྒྲུབ་མཆོད་ལྷ་དང་ཕྲོལ༔ སྟེང་གི་ལྷ་དང་སྲུང་མར་ཕྲོལ༔ བར་གྱི་གཉན་དང་ཡུལ་ལྷར་ཕྱེས༔ འོག་གི་ཀླུ་དང་སྲུང་མར་ཕྱེས༔ སྡང་བར་བྱེད་པའི་དགྲ་དང་སྤྲོད༔ གནོད་པར་བྱེད་པའི་བགེགས་དང་སྤྲོད༔ ཟ་བར་བྱེད་པའི་འདྲེ་དང་སྤྲོད༔ ཕུང་བར་བྱེད་པའི་སྲི་དང་སྤྲོད༔ ལོ་ཟླར་འགྱངས་སུ་མ་ཤོར་བར༔ ཞག་དང་ཟ་མར་མྱུར་དུ་སོད༔ ཨོཾ་བཛྲ་ས་མ་ཡ༔ ཨཱཿབཛྲ་ས་མ་ཡ༔ ཧཱུྃ་བཛྲ་ས་མ་ཡ༔ ཞེས་བརྗོད་གསེར་སྐྱེམས་གཏོར་མ་དོར༔ དེ་ཡིས་དགྲ་བོའི་བྲོས་ལམ་ཆོད༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མཐར་མཁྱེན་རབ་རྒྱ་མཚོས་བསྐུལ་ངོར་གཏན་ལ་ཕབ་པའི་ཡི་གེ་རིས་བྱེད་ཀྱང་དེ་ཉིད་དོ། །དགེའོ །སརྦ་མངྒ་ལཾ།། །། 8 བདུད་འཇོམས་བཀའ་སྲུང་ལྷ་ཆེན་T11608- 188 བདུད་འཇོམས་བཀའ་སྲུང་ལྷ་ཆེན་T11608- 188 ཟོཾ༔ TI1608 - 189 བདུད་འཇོམས་བཀའ་སྲུང་ལྷ་ཆེན་ཁྲོཾ།༔ ན་མོ་གུ་རུ་པདྨ་ཀ་ར་ཡེ༔ དྡྷཱཧྱ།རྨྨཛྙ་ཧཱ་ཧཱ།༔ ལྷ་ཆེན་སྒྲུབ་པའི་རྣལ་འབྱོར་གྱིས༔ དྲག་པོ་མངོན་སྤྱོད་ལས་བརྩོན་ཐབས༔ འདི་བརྩོན་དགྲ་སྡེ་ཐལ་བར་བརླག༔ མི་མཐུན་ཕྱོགས་ལས་རྣམ་པར་རྒྱལ༔ དེ་ལ་དང་པོ་བྲུབ་ཁུང་དུ༔ ལིང་ག་མིང་རུས་ཚང་བར་བཀོད༔ གཞན་ཡང་དགྲ་གཟུགས་བཞིའམ་བརྒྱད༔ ཕྱོགས་མཚམས་བརྒྱད་ནས་ནང་བསྐོར་བཞག༔ གཞན་ཡང་ཤ་དུམ་ཁྲག་བྲན་བཞག༔ དེ་ནས་མཁྱེན་དཔང་གཟུ་དཔང་བཙུགས༔ མཐར་ནི་ལས་ཀྱི་ཆོ་ག་ལ༔ འཇུག་པར་བྱ་བ་འདི་ལྟ་སྟེ༔ བདག་གི་ཁ་རླངས་དང་དྲི་མ་སོང་བ་ཐམས་ཅད་འབྱུང་བའི་ལྷ་མོ་མ་མཱ་ཀི་ཡིས་བཀྲུ་ཞིང་དག་པར་མཛད་དུ་གསོལ༔ བཛྲ་མ་མཱ་ཀི་ཏྲཾཿ ཁཿ བཾཿ T11608 - 190 2ཝྃ།༔ ཤུདྡྷེ་ཤུདྡྷེ་ཡེ་སྭཱ་ཧཱ༔ ཞེས་ཆབ་བྲན༔ དགྲ་བོའི་ཟག་རྫས་ཐམས་ཅད་འབྱུང་བའི་ལྷ་མོ་དམ་ཚིག་སྒྲོལ་མས་བསྡུས་ནས་རཱུ་པ་ལ་ཐིམ་པར་མཛད་དུ་གསོལ༔ ས༔ ཏཱ་རེ་ཏྲཱཾ་སྭ་ཧཱ༔ བཛྲ་ཨ་བེ་ཤ་ཡ་ཨཱཿ དགྲ་བོ་གསོད་པའི་དུག་ཁྲག་ཐུན་རྫས་ཐམས་ཅད་འབྱུང་བའི་ལྷ་མོ་སངས་རྒྱས་སྤྱན་མས་བསྡུས་ནས་དགྲ་བོ་ལ་འབེབས་པའི་ཐུན་མཚོན་གྱི་རྫས་རྣམས་ལ་ཐིམ་པར་མཛོད༔ སུཾཿ བཛྲ་ཌཱ་ཀི་ནཱི་ས་མ་ཡ་ཨ་མུ་ཀ་འདུས་སྟྭཾ་ཛཿ དེ་ནས་བྲུབ་ཁུང་བསྐྱེད་པ་ལ༔ རང་ཉིད་ཡི་དམ་དྲག་པོ་ཧེ་རུ་ཀའི་ཕ་མཐར༔ མདུན་བསྐྱེད་སྲུང་མ་དབང་ཕྱུག་ཆེན་པོའི་ཚུར T11608 - 191 མཐའ་དེ་རུ་ཡི་གེ་ཨེཿ ནག་པོ་གཅིག་གནས་པ་ལས་འོད་འཕྲོས་པས་ཁམས་གསུམ་སེམས་ཅན་ཐམས་ཅད་ཀྱི་རྒྱུད་ཉོན་མོངས་དུག་ལྔ་དུག་གསུམ་གྱི་ལས་ཉོན་བག་ཆགས་ཐམས་ཅད་འོད་ཁམ་ནག་གི་རྣམ་པར་བསྡུས་ཏེ་ཨེཿ ལ་ཐིམ༔ སི ཡིག་ཡོངས་སུ་གྱུར་པ་ལས་གནམ་ལྕགས་ལས་གྲུབ་པའི་གྲུ་གསུམ་མུན་ཁང་ནག་པོ་ཁ་དོག་ལ་གཏིང་ཡངས་པ༔ གཏི་མུག་གི་མུན པ་འཐིབས་པ༔ ཞེ་སྡང་གི་མེ་དཔུང་འབར་བ༔ ང་རྒྱལ་གྱི་བྲག་རི་རྙིལ་བ༔ འདོད་ཆགས་ཀྱི་ཁྲག་མཚོ་ཁོལ་བ༔ ཕྲག་དོག་གི་དུག་རླངས་འཚུབས་པ༔ བླ་འཛིན་གྱི་དྲྭ་བ་བྲེས་པ༔ བླ་འགུག་གི་ལྕགས་ཀྱུ་འཕྲོ་བ༔ བླ་འཆིང་བའི་ཞགས་པ་འཕེན་པ༔ བླ་སྡོམ་པའི་ལྕགས་སྒྲོག་ཐོགས་པ༔ བླ་མྱོས་པའི་དྲིལ་བུ་བསིལ་བ༔ བླ་གསོད་པའི་མཚོན་ཐུན་འདྲིལ་བ༔ རྣམ་པར་ཤེས་པ་རྨུགས་ཤིང་འཐིབས་པར་བྱེད་པའི་ནད་མུག་དུག་རླངས་ཀྱི་ན་བུན་འཐུལ་བ༔ ཕོ་ཉ་སྐར་ལྟར་འཁྲིགས་ཤིང་ལས་མཁན་གློག་ལྟར་འཁྱུགས་པ༔ ཟ་བྱེད་ཤ་ཟ་དང་ཁྲག་འཐུང་རྣམས་ཀྱི་རྐན་སྒྲ་སྡེབ་ཅིང་སོ་སྒྲ་འདོན་པ༔ ནང་དུ་བཀུག་པ་ཙམ་གྱིས་མཐུ་ནུས་སྟོབས་རྩལ་ཐམས་ཅད་མེ་སྟག་ཆུ་ཡིས་བསད་པ་ལྟར་བརླག་པར་བྱེད་པའི་རང་བཞིན་ཅན་དུ་གྱུར༔ ཁྲོཾ།༔ ཐར་མེད་ལས་ཀྱི་བཙོན་ཁང་དེའི་ནང་དུ་ནྲྀཿ ཡིག་སྔོ་སྐྱ་ལས་འོད་འཕྲོས་པས་ཕྱོགས་བཞི་མཚམས་བརྒྱད་སྟེང་འོག་ནས་བསྟན་ལ་རྒོལ་བའི་བདུད་སྡེ་འབངས་འཁོར་རྫས་སྔགས་འཕྲུལ་རྩལ་སྟོབས་ནུས་དང་བཅས་པ་ཐམས་ཅད་དངུལ་ཆུས་ས་སྙིང་བསྡུས་པ་བཞིན་དུ་བསྡུས་ཏེ་ནྲྀཿཡིག་ལ་ཐིམ་པས། དེ་ཡོངས་སུ་གྱུར་པ་ལས་དམ་ཉམས་པའི་དགྲ་བོ་དེའི་གཟུགས་ཁམས་སྐྱེ་མཆེད་ཚང་བ་ཤ་སྔོ་ལ་ཧམ་ཞིང་རིད་པ༔ ཁ་ངུ་བ་མིག་ཤི་མིག་ལག་པ་མྱ་ངན་གྱི་ཕྱག་རྒྱ་ཅན་རྐང་ལག་ལྕགས་སྒྲོག་གིས་བསྡམས་པ་བུ་ག་དགུ་ནས་ཁྲག་འཛག་པ་ཕྱི་དབུགས་དང་བྲལ་ཞིང་ནང་དབུགས་མ་ཆད་ཙམ་པ་མགོན་མེད་སྐྱབས་དང་བྲལ་བ་ཞིག་ཏུ་གྱུར༔ བཙོན་ཁང་དེའི་ཕྱི་རིམ་ཕྱོགས་མཚམས་རྣམས་སུ་ཚ་བའི་དམྱལ་ཁམས་བརྒྱད་ཀྱིས་བསྐོར་ཏེ༔ ཕྱི་རུ་བྲོས་ཤིང་ཐར་བའི་ཡུལ་མེད་པར་གྱུར༔ ཕོ་ཉའི་དམིགས་པ་བཏང་བ་ལ༔ རང་ཉིད་ཡི་དམ་ལྷར་གསལ་བའི་ཐུགས་ཀ་ནས་འོད་ཟེར་འཕྲོས་པས་ལྷ་ཆེན་དབང་ཕྱུག་ཆེན་པོ་འཁོར་དང་བཅས་པའི་ཐུགས་ཀར་ཕོག་པས་སྔོན་གྱི་དམ་ཚིག་གཉན་པོའི་ཐུགས་རྒྱུད་བསྐུལ་ཏེ་སྐད་ཅིག་གིས་དྲག་ཁྲོས་མཐིང་ནག་འབར་བའི་སྐུར་བཞེངས་པར་བསམ༔ བདག་མདུན་ གཉིས་སུ་མེད་པའི་ཐུགས་ཀ་ནས་