Tibetan
ཁྲོས༔ མངོན་སྤྱོད་མཛད་པའི་དུས༴ ཧཱུྃ༔ ལས་རབ་རྫོགས་པའི་ཞིང་ཁམས་སུ༔ བྱ་གྲུབ་ཡེ་ཤེས་གཞལ་ཡས་ནས༔ ཀརྨ་རིགས་ཀྱི་སེང་གདོང་མ༔ དྲག་ཁྲོས་རྔམས་པའི་སྐུར་བཞེངས་ཤིག༔ མངོན་སྤྱོད་མཛད་པའི་དུས་ལ་བབ༔ བྷྱོ༔ ཤར་ཕྱོགས་རབ་འཇིགས་དུར་ཁྲོད་ནས༔ དཀར་མོ་ཁྱུང་གདོང་སྐུར་བཞེངས་ཤིག༔ བཞེངས་ཤིག་ཆོས་ཀྱི་དབྱིངས་ནས་བཞེངས༔ བསྐུལ་ལོ་ཐུགས་དམ་གནད་ནས་བསྐུལ༔ མངོན་སྤྱོད་མཛད་པའི་དུས་ལ་བབ༔ བྷྱོ༔ ལྷོ་ཕྱོགས་གད་རྒྱངས་དུར་ཁྲོད་ནས༔ མཁའ་འགྲོ་སེར་མོ་སྡིག པའི་གདོང་༔ བཞེངས་ཤིག བསྐུལ་ལོ༔ མངོན་སྤྱོད༴ བྷྱོ༔ ནུབ་ཕྱོགས་པད་འཁྱིལ་དུར་ཁྲོད་ནས༔ མཁའ་འགྲོ་དམར་མོ་འཕར་གདོང་མ༔ བཞེངས་ཤིག༔ བསྐུལ་ལོ༔ མངོན་སྤྱོད་བྷྱོ༔ བྱང་ཕྱོགས་གཏུམ་དྲག་དུར་ཁྲོད་ནས༔ མཁའ་འགྲོ་ལྗང་མོ་ཁྱི་གདོང་མ༔ བཞེངས་ཤིག བསྐུལ་ལོ༔ མངོན་སྤྱོད་བྷྱོ༔ ཤར་ལྷོ་མེ་འབར་དུར་ཁྲོད་ནས༔ ཇོཾ།༔ དམ་ཚིག་མཁའ་འགྲོ་ཀུན་གཙོ་མོ༔ འུག་གདོང་དམར་ནག་སྐུར་བཞེངས་ཤིག༔ བཞེངས་ཤིག༔ བསྐུལ་ལོ༔ མངོན་སྤྱོད༴ བྷྱོ༔ ལྷོ་ནུབ་རི་བསྙིལ དུར་ཁྲོད་ནས༔ ཐམས་ཅད་མཁའ་འགྲོ་ཀུན་གཙོ་མོ༔ ཁྭ་གདོང་སེར་ནག་སྐུར་བཞེངས་ཤིག༔ བསྐུལ་ལོ༔ མངོན་སྤྱོད་བྷྱོ༔ ནུབ་བྱང་ཁྲག་མཚོ་དུར་ཁྲོད་ནས༔ ཤ་ཟ་མཁའ་འགྲོ་ཀུན་གཙོ་མོ༔ དུར་བྱའི་གདོང་ཅན་སྐུརཿ བཞེངས་ཤིག༔ བསྐུལ་ལོ༔ མངོན་སྤྱོད༴ བྷྱོ༔ བྱང་ཤར་རླུང་གཡོས་དུར་ཁྲོད་ནས༔ འཇིག་རྟེན་མཁའ་འགྲོ་ཀུན་གཙོ་མོ༔ མཐིང་ནག་སྦྲུལ་གདོང་སྐུར བཞེངས་ཤིག༔ བསྐུལ་ལོ༔ མངོན་སྤྱོད༴ ཛཿ དཀར་གསལ་འོད་ཐིག་ཟླུམ་འཁྱིལ་དབུས༔ སྙིང་རྗེ་ཚད་མེད་ཞི་བའི་སྐུ༔ ཤར་སྒོིར་མཁའ་འགྲོ་ལྕགས་ཀྱུ་མ༔ དྲག་ཁྲོས་རྔམས་པའི་སྐུར་མངོན་སྤྱོད༴ ཧཱུྃ༔ སེར་གསལ་འོད་ཐིག་གྲུ་བཞིའི་དབུས༔ བྱམས་པ་ཚད་མེད་རྒྱས་པའི་སྐུ༔ ལྷོ་སྒོར་མཁའ་འགྲོ་ཞགས་པ་མ༔ དྲག་ཁྲོས་རྔམས་པའི་སྐུར་མངོན་སྤྱོད་བ༔ དམར་གསལ་འོད་ཐིག་ཟླ་གམ་དབུས༔ དགའ་བ་ཚད་མེད་དབང་གི་སྐུ༔ ནུབ་སྒོར་མཁའ་འགྲོ་ལྕགས་སྒྲོག་མ༔ དྲག་ཁྲོས་རྔམས་ པའི་སྐུར མངོན་སྤྱོད༴ ཧོཿ ལྗང་གསལ་འོད་ཐིག་གྲུ་གསུམ་དབུས༔ བཏང་སྙོམས་ཚད་མེད་དྲག་མོའི་སྐུ༔ བྱང་སྒོར་མཁའ་འགྲོ་དྲིལ་བུ་མ༔ དྲག་ཁྲོས་རྔམས་པའི་སྐུར་བཞེངས་ཤིག༔ མངོན་སྤྱོད་མཛད་པའི་དུས་ལ་བབ༔ བྷྱོ༔ ཁྱབ་གདལ་ཆོས་དབྱིངས་མཁའ་འགྲོ་མ༔ ཀུན་ཏུ་བཟང་མོའི་རོལ་པ་ལས༔ མཁའ་སྤྱོད་དུར་ཁྲོད་གནས་ཡུལ་དང་༔ ཧེ་རུ་ཀ་ཡི་གནས་བཅུ་ནས༔ མ་ངེས་གཟུགས་ངོམས་ཆོ་འཕྲུལ་སྟོན༔ འཇིག་རྟེན་འདས་ཀྱང་འཇིག་རྟེན་ཚུལ༔ རབ་འབྱམས་མ་མོ་མཁའ་གྲོའི་ཚོགས༔ དབྱིངས་ནས་བཞེངས་ཤིག་ཐུགས་དམ་བསྐུལ༔ དོ་ནུབ་བརྣག་པའི་ལས་ལ་བསྐུལ༔ དོ་ནུབ་རྣལ་འབྱོར་དཔུང་ལ་བསྐུལ༔ དོ་ནུབ་གསོད་བྱེད་ཕོ་ཉར་བསྐུལ༔ དོ་ནུབ་རྣོ་བའི་མཚོན་ཆར་བསྐུལ༔ སྙིགས་མའི་སྙིགས་མ་ལྔ་བརྒྱའི་དུས༔ ད་དུས་བསྐལ་པའི་མར་གཤམ་འདིརཿ སྐྱབས་བྲལ་སེམས་ཅན་སུ་ལ་རེ༔ ཐུགས་རྗེས་ཡལ་བར་དོར་མི་འཚལ༔ ཐུགས་རྗེས་ཡལ་བར་དོར་བ་ན༔ ཐུགས་བསྐྱེད་རྣམ་དག་གང་ན་བཞུགས༔ མ་གཡེལ་མ་གཡེལ་མཁའ་འགྲོའི་ཚོགས༔ དོ་ནུབ་བུ་ལ་བརྩེ་བས་དགོངས༔ མ་རིག་རྐྱེན་ལས་བྱུང་བ་ཡི༔ བདུད་བཞི་དབྱིངས་སུ་གཅོད་ ཐོ།༔ པ་དང་༔༷ འཁྲུལ་པ་དབྱིངས་སྒྲོལ་ཕྲིན་ལས་མཛོད༔ ཉོན་མོངས་དུག་ལྔ་དུག་གསུམ་དང་༔ ལོག་པར་གང་ལྟ་དབྱིངས་སུ་སྒྲོལ༔ ང་བདག་གཟུང་འཛིན ཀུན་བསླངས་པའི༔ བསླུ་བྱེད་བདུད་བགེགས་རྡུལ་དུ་རློག༔ གནོད་བྱེད་བྱད་མ་རྦོད་གཏོང་ཚོགས༔ ངན་སྔགས་ཧོམ་ཟོར་ལས་སྦྱོར་མཁན༔ ལྷ་སྲུང་དང་བཅས་རྡུལ་དུ་རློག༔ མཐའ་དམག་དུས་འཁྲུགས་ནད་མཚོན་སོགས༔ མི་མཐུན་ཉེ་བར་འཚེ་བ་རྣམས༔ ཐལ་བའི་རྡུལ་དུ་བརླག་པ་དང་༔ རྗེས་ཤུལ་མིང་ཙམ་མེད་པར་མཛོད༔ རང་དམ་གཉན་པོ་དཔང་དུ་བཙུགས༔ མ་འདའ་བཛྲ་ས་མ་ཡ༔ ཧོཿ མ་ཚོགས་ཡེ་ཤེས་མཁའ་འགྲོའི་ཚོགས་རྣམས་ཀྱིས་དགྲ་བགེགས་ཀྱི་ཤ་ཁྲག་ལ་རོལ་ཅིག༔ སླར་ཡང་ཐུགས་རྗེས་ཡལ་བར་མི་དོར་བར་འཚལ༔ མ་བྷྱོཿ ཛཿ ཧྲཱི་ཌཱ་ཀི་ནཱི་ས་མ་ཏི་དུས་ལ་བབ་བོ༔ བརྣག་པ་དེ་ཁོ་ནའོ༔ བཛྲ་ས་མ་ཡ༔ ས་མ་ཡ༔ སྣང་སྲིད་མཁའ་འགྲོའི་ཚང་ཁང་འཁྲིགས༔ དགྲ་བགེགས་ཤ་ཁྲག་ལ་རོལ་ཅིག༔ དགྲ་བགེགས་གང་ལ་གཤེད་དུ་སྤྲུལ༔ མིང་ཙམ་མེད་པར་བརླག་པར་བསམ༔ ས་མ་ཡ༔ རྒྱ་རྒྱ་རྒྱ༔ འདི་ཡིས་བརྣག་པའི་ལས་ཀུན་ཐོགས་མེད་འགྲུབ༔ ཕྱི་ནང་བར་ཆད་ཀུན་ཞི་དཔལ་ཡོན་ཐོབ༔ ཚེ་འདིར་མཆོག་གི་དངོས་གྲུབ་འགྲུབ་པར་འགྱུར༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཀློང་ཆེན་ཨ་ཏིའི་རྣལ་འབྱོར་གར་དབང་བདུད་འཇོམས་གླིང་པས་གསེར་སྨད་རྔ་ལ་སྟག་རྩེའི་གཡས་ལོགས་རྡོ་རྗེ་བྲག་གི་མགུལ་ནས་སྤྱན་དྲངས་ཏེ མི་ལོ་བཞི་བཅུ་རྩ་གསུམ་བར་དུ་བཀའ་རྒྱས་བཏབ་སྟེ་མཐར། རྟེན་འབྲེལ་དུས་ལ་བབ་ཚེ་རང་སློབ་ཀློང་ཆེན་ངག་དབང་ཕྲིན་ལས་གཉིས་ཀྱིས་བསྐུལ་ངོར་དག་པར་ཕབ་པའི་ཡི་གེ་པ་ནི་ངག་དབང་ཕྲིན་ལས་ཀྱིས་བགྱིས་པ་དགེ་བས་མཐའ་དམག་དུས་ཀྱི་ཡོ་ལང་གཞོམ་པའི་མཚོན་ཆ་རུ་འགྱུར་བར་ཤོག་ཅིག །དགེའོ། །དགེའོ། །དགེའོ། ། །། T11607 - 490 ཐོ།༔ ཟབ་གསང་མཁའ་འགྲོའི་སྙིང་ཐིག་ལས༔ མཁའ་འགྲོའི་འབུམ་བསྐུལ༔ དྲག་པོའི་གད་རྒྱངས་བཅུ་གསུམ༔ ལོག་རྟོག་དཔུང་འཇོམས་ལེའུ་འོ༔ གརྦྦརྨཧསྭཏྟཧ།སཧཿ དཔལ་ཆེན་ཁྲོ་རྒྱལ་ཆེན་པོ་དམར་ནག་མེ་ཡི་ཕྲེང་བ་ཅན་ལ་ཕྱག་འཚལ་ལོ༔ བདག་འདྲ་པདྨ་ཐོད་ཕྲེང་ངས༔ མ་འོངས་ལས་ཅན་དོན་ཆེད་དུ༔ གད་རྒྱངས་ལོག་རྟོག་དཔུང་འཇོམས་བསྟན༔ རང་ཉིད་ཁྲོ་མོའི་ང་རྒྱལ་གྱིས༔ གད་རྒྱངས་བསྐུལ་འབོད་འདི་བརྗོད་བྱ༔ ཧཱུྃ་ཧཱུྃ༔ བཞེངས་ཤིག་བཞེངས་ཤིག་ཀུན་བཟང་མོ༔ འོག་མིན་ཆོས་ཀྱི་དབྱིངས་ནས་བཞེངས༔ གནས་འདིར་སྐད་ཅིག་གཤེགས་སུ་གསོལ༔ དྲག་པོའི་ཕྲིན་ལས་དུས་ལ་བབ༔ བཛྲ་ས་མ་ཡ་ཛ་ཛཿ ཧ་ཧ༔ བཞེངས་ཤིག་སྤྱི་དཔལ་སེང་གདོང་མ༔ དུར་ཁྲོད་གསང་ཆེན་གནས་ནས་བཞེངས༔ གནས་འདིར་གཤེགས་ལ་གར་བསྒྱུར་གྱི༔ དྲག་པོའི་ཕྲིན་ལས་དུས་ལ་བབ༔ བཛྲ་ས་མ་ཡ་ཛ་ཛ ཧེ་ཧེ༔ བཞེངས་ཤིག་ཡེ་ཤེས་མཚོ་རྒྱལ་མ༔ དཔལ་རི་མཁའ་འགྲོའི་གླིང་ནས་བཞེངས༔ གནས་འདིར་གཤེགས་ལ་གང་འདུལ་གྱི༔ དྲག་པོའི་ཕྲིན་ལས་དུས་ལ་བབ༔ བཛྲ་ས་མ་ཡ་ཛ་ཛཿ ཧི་ཧི༔ བཞེངས་ཤིག་ཡེ་ཤེས་མཁའ་འགྲོ་ལྔ༔ འོད་གསལ་ཀློང་ནས་སྐུར་བཞེངས་ཤིག༔ གནས་འདིར་ གཤེགས་ལ་གར་བསྒྱུར་གྱི༔ དྲག་པོའི་ཕྲིན་ལས་ད་ལྟ་མཛོད༔ བཛྲ་ས་མ་ཡ་ཛ་ཛཿ ༥ ཕེཿ ཕྱོགས་བཞི་མཚམས་བརྒྱད་དུར་ཁྲོད་ནས༔ ལས་བྱེད་འབུམ་ཕྲག་མཁའ་འགྲོ་མ༔ བཞེངས་ཤིག་མི་མངོན་དབྱིངས་ནས་བཞེངས༔ མངོན་སྤྱོད་ཕྲིན་ལས་དུས་ལ་བབ༔ བཛྲ་ས་མ་ཡ་ཛ་ཛཿ ཧོ་ཧོཿ བཞེངས་ཤིག་ལས་བཞིའི་མཁའ་འགྲོ་མ༔ ཚད་མེད་རྣམ་བཞིའི་ངང་ནས་བཞེངས༔ གང་འདུལ་མ་ངེས་ཆོ་རོལ་གྱི༔ དྲག་པོའི་མངོན་སྤྱོད་དུས་ལ་བབ༔ བཛྲ་ས་མ་ཡ་ཛ་ཛ༔ བྷྱོ་བྷྱོ༔ བཞེངས་ཤིག་དབང་མོ་ཉེར་བརྒྱད་ཚོགས༔ དབྱིངས་ལས་སྐུར་བཞེངས་འདིར་གཤེགས་ལ༔ དྲག་པོའི་ཕྲིན་ལས་དུས་ལ་བབ༔ བཛྲ་ས་མ་ཡ་ཛ་ཛཿ ཧ་ཧེ་ཧོ་ཧི་ཧཱུྃ་དང་བྷྱོ༔ ཕཊ་ཀྱི་གད་རྒྱངས་སྒྲ་ཡིས་འབོད༔ བསྟན་པ་གཉན་ལ་དགྲ་དར་བས༔ དོ་ནུབ་རྣལ་འབྱོར་དཔུང་ལ་འབོད༔ དྲག་པོའི་སྐུར་བཞེངས་མཐུ་རྩལ་ཕྱུང་༔ བཅོལ་བའི་ལས་མཛོད་ས་མ་ཡ༔ བདག་ནི་རྣལ་འབྱོར་སྒྲུབ་པ་པོའི༔ ལས་ཀ་འདི་ལས་གཞན མིན་ཕྱིར༔ དྲག་པོ་མཐུ་ལ་འབད་དོན་དེ༔ ཁྱེད་ཅག་མ་དང་མཁའ་འགྲོ་ལ༔ འགྲོ་བའི་དོན་ལས་ལས་མེད་ན༔ རྣལ་འབྱོར་བདག་གི་མཐུ་དཔུང་མཛོད༔ ལ་ལ་ནམ་མཁའི་ཀློང་ནས་ ཐོ།༔ གཤེགས༔ གཟུགས་མེད་གཡོ་འཁྲུགས་འདུལ་བར་ཤོག༔ ལ་ལ་བར་སྣང་ཁམས་ནས་གཤེགས༔ གཟུགས་ཁམས་གཡོ་འཁྲུགས་འདུལ་བར་ཤོག༔ ལ་ལ་དབང་ཆེན་གཞི་ནས་གཤེགས༔ འདོད་ཁམས་གཡོ་འཁྲུགས་འདུལ་བར་ཤོག༔ ཁམས་གསུམ་དབང་དུ་བསྡུས་ལ་ཤོག༔ སྲིད་གསུམ་ཟིལ་གྱིས་གནོན་པར་གྱིས༔ གང་ལ་དམིགས་བྱའི་དགྲ་དང་བགེགས༔ མཐུ་རྩལ་དྲག་པོས་སྒྲོལ་ལ་ཤོག༔ འགུགས་བསྒྲལ་མནན་བསྲེགས་ལས་འདི་ལ༔ མཐུ་མ་ཆུང་ལ་རྩལ་མ་ཞན༔ བཟློག་བསྒྱུར་དྲག་པོའི་ལས་འདི ལ༔ མ་གཡེལ་མ་འགྱངས་ས་མ་ཡ༔ ཁྱེད་ཅག་རྣམས་ལ་བཅོལ་བའི་ལས༔ འདི་ལྟར་གསོན་དགོངས་བསྒྲུབ་ལ་ཆོས༔ ས་མ་ཡ༔ རྒྱ་རྒྱ་རྒྱ༔ དེ་ནས་བསྐུལ་བཟློག་གཞུང་དུ་འཇུག དཔུང་འབོད་བཅོལ་ཡུལ་མོས་པའི་ཞིང་༔ འདི་ལྟར་བགྱིས་པས་ལས་གང་ལ༔ ཐོགས་པ་མེད་པར་འགྲུབ་འགྱུར་རོ༔ ཀུན་མཁྱེན་རྒྱལ་པོའི་བཀའ་བཞིན་དུ༔ མཚོ་རྒྱལ་བདག་གིས་ཡི་གེར་བཀོད༔ མ་མོ་སྲིད་པའི་རྒྱལ་མོས་སྲུངས༔ དམ་ཉམས་ལག་ཏུ་ཤོར་ར་རེ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ བརྡ་ཐིམ༔ ཞེས་པ་འདི་ཡང་གསེར་སྨད་རྔ་ལ་སྟག་རྩེའི་གཡས་ལོགས་ནས་གླིང་པ་བདུད་འཇོམས་རྡོ་རྗེས་བཏོན་ཏེ་མི་ལོ་བཞི་བཅུ་རྩ་བཞིའི་བར་དུ་བཀའ་རྒྱས་བཏབ་ མཐར་རྣལ་འབྱོར་ངག་དབང་ཕྲིན་ལས་ཀྱིས་བསྐུལ་ངོར་གཏན་ལ་ཕབ་པའི་ཡི་གེ་པ་ཡང་དེ་ཉིད་ཀྱིས་བགྱིས་པའི་དགེ་བས་མངོན་སྤྱོད་ཀྱི་ལས་རྣམས་མྱུར་དུ་འགྲུབ་པའི་རྒྱུར་གྱུར་ཅིག །དགེའོ། །ལེགས་སོ། །སརྦ་མངྒ་ལཾ།། །། ན བདུད་འཇོམས་མཁའ་འགྲོ་སེང་གདོང་T11607 - 494 T11607 - 494 ཝྃ་༔ ཟབ་གསང་མཁའ་འགྲོའི་སྙིང་ཐིག་ལས༔ ཐུགས་སྒྲུབ་གསང་བ་ཡེ་ཤེས་ཀྱི༔ ནང་སྒྲུབ་མཁའ་འགྲོ་སེང་གདོང་མའི༔ བསྐུལ་བ་རྣལ་འབྱོར་དཔུང་འབོད་པ༔ སྟོང་གསུམ་གཡོ་བྱེད་ཐོག་མདའ་བཞུགས་སོ༔ T11607 - 495 བདུད་འཇོམས་མཁའ་འགྲོ་སེང་གདོང་ཟོཾ།༔ ཨཏྭརྞསཤྲཟླཐརྣ་ཐཐཐཾ་ཐབླབབླཤཤ༔ ན་མོ་གུ་རུ་མཱུ་ཁྱོ་པདྨ་ཀ་ར་ཡེ༔ བདག་འདྲ་འཇིགས་བྱེད་ཐོད་ཕྲེང་ངས༔ མ་འོངས་ལས་ཅན་བུ་ཡི་དོན་ཆེད་དུ༔ མཁའ་འགྲོའི་དཔུང་བསྐུལ་སྟོང་གསུམ་གཡོ་བྱེད་བསྟན༔ འདི་ཉིད་ལག་ཏུ་ལེན་པའི་རིམ་པ་ནི༔ སྐྱེམས་ཕུད་སྐྱེམས་བྲན་དམར་གཏོར་རཀྟས་བྲན༔ དགྲ་བགེགས་ཤ་ཁྲག་རུས་པའི་ཕུང་པོར་དམིགས༔ སྣང་སྲིད་ཐམས་ཅད་མ་མོ་མཁའ་འགྲོའི་དལ༔ ཁམས་གསུམ་སྲིད་པའི་ཁམས་རྣམས་མ་ལུས་པ༔ མ་དང་མཁའ་འགྲོས་ན་བུན འཐིབ་བཞིན་ཁེང་༔ དགྲ་བགེགས་ཤ་ཁྲག་ཕུང་པོ་ལ་རོལ་ཞིང་༔ གང་བཅོལ་ལས་ཀུན་ཐོགས་མེད་བསྒྲུབ་བཞེད་བསམ༔ བཤུག་པ་རྔ་ཆེན་ཐོད་རྔ་རྐང་གླིང་དང་༔ གཡང་གཞིས་གཡབ་ཅིང་T11607 - 496 ༡ཝྃ།༔ དད་དང་གདུང་བ་ཡིས༔ མ་དང་མཁའ་འགྲོའི་དྲག་བསྐུལ་འདི་བརྗོད་བྱ༔ ཧཱུྃ་བྷྱོ༔ ང་ནི་ཡེ་སངས་རྒྱས་པ་ཀུན་བཟང་མོ༔ ང་ནི་འཁོར་འདས་ཡོངས་ཀྱི་བདག་མོ་ཆེ༔ ང་ནི་རྒྱལ་བ་ཐམས་ཅད་བསྐྱེད་པའི་ཡུམ༔ ང་ནི་ཆོས་སྐུའི་མཁའ་འགྲོ་ཀུན་གཙོ་མོ༔ ང་ནི་མཁའ་འགྲོ་ལས་ཀྱི་དབང་མོ་ཆེ༔ ང་ནི་རྒྱལ་ཡུམ་མཁའ་འགྲོ་སེང་གདོང་མ༔ ལོངས་སྤྱོད་རྫོགས་སྐུའི་མཁའ་འགྲོ་ཀུན་གཙོ་མོ༔ ང་ནི་མཁའ་འགྲོ་བདེ ཆེན་རྒྱལ་མོ་སྟེ༔ ང་ནི་རྒྱལ་ཡུམ་ཡེ་ཤེས་མཚོ་རྒྱལ་མ༔ སྤྲུལ་སྐུའི་མཁའ་འགྲོ་ཀུན་གྱི་སྤྱི་རྗེ་མོ༔ ང་ནི་ཁྱབ་བདག་ཡེ་ཤེས་མཁའ་འགྲོ་མ༔ TI1607 - 497 འཁོར་འདས་མ་ལུས་ཐམས་ཅད་ང་ཡིས་དབང་༔ ཧཱུྃ་ཧཱུྃ་ཧཱུྃ་ཛཿ གསོན་ཅིག་གཤེགས་ཤིག་ཡེ་ཤེས་མཁའ་གྲོའི་ཚོགས༔ ཆོས་དབྱིངས་ཀུན་ཏུ་བཟང་མོ་དམ་ལ་འདུས༔ ལོངས་སྐུ་མཁའ་འགྲོ་སེང་གདོང་དམ་ལ་འདུས༔ སྤྲུལ་སྐུ་ཡེ་ཤེས་མཚོ་རྒྱལ་དམཿ ཤར་ཕྱོགས་རྡོ་རྗེའི་སེང་གདོང་དམ༴ ལྷོ་ཕྱོགས་རིན་ཆེན་སེང་གདོང་དམཿ ནུབ་ཕྱོགས་པདྨ་བྱང་ཕྱོགས ལས་ཀྱིཿ ལས་བྱེད་རིགས་བཞིའི་སེང་གདོང་ཡེ་ཤེས་མཁའ་འགྲོ་མ་ལུས སྒོ་མ་ལྕགས་ཀྱུ་དཀར་མོ་ལ་སོགས་པའི༔ ཞི་བའི་མཁའ་འགྲོ་མ་ཚོགས༴ སྒོ་མ་ཞགས་པ་སེར་མོ་ལ་རྒྱས་པའི་མཁའ་འགྲོ་མ་ཚོགས༔ སྒོ་མ་ལྕགས་སྒྲོག་དམར་མོ་ལཿ དབང་གི་མཁའ་འགྲོ་མ་ཚོགསཿ སྒོ་མ་དྲིལ་བུ་མ་ལ་སོགས་པ་ཡི༔ དྲག་པོའི་མཁའ་འགྲོ་མ་ཚོགས དམ་ལ་འདུས༔ དུར་ཁྲོད་མཁའ་འགྲོ་མ་ཚོགས་དམ༔ སྣང་སྲིད་མ་མོ་དམ་ཅན་དམཿ དམ་ཚིག་མཁའ་འགྲོ་མ་ཚོགས་དམཿ ཤ་ཟ་མཁའ་འགྲོ་མ་ཚོགས་དམཿ ཐམས་ཅད་མཁའ་འགྲོ་མ་ཚོགས་དམ༴ མཁའ་འགྲོ་ཤུགས་འགྲོ་མ་ཚོགས་དམ༴ འཇིག་རྟེན་མཁའ་འགྲོ་མ་ཚོགས་དམཿ ལས་བྱེད་མཁའ་འགྲོ་མ་ཚོགས་དམ༴ དབང་ཕྱུག་ཉི་ཤུ་རྩ་བརྒྱད་དམ་ལ ཐོ།༔ འདུས༔ ཧཱུྃ་ཛཿ རྣལ་འབྱོར་བདག་གི་དད་པའི་ཤུགས་ཀྱིས་བསྐུལ༔ བརྩེ་བའི་ཐུགས་ཀྱིས་བདག་ལ་མི་དགོངས་ན༔ ཐུགས་བསྐྱེད་རྣམ་པར་དག་པ་གང་ན་བཞུགས༔ ཐུགས་བསྐྱེད་མངའ་བ་དུས་འདིར་མཆིས་རེ་རན༔ རྣལ་འབྱོར་བདག་གིས་གུས་ཤིང་གདུང་བས་བསྐུལ༔ མ་ཚོགས་རྒྱ་མཚོའི་ཐུགས་རྗེས་མི་གཟིགས་ན༔ འགྲོ་བ་གང་འདུལ་མཛད་ཕྲིན་གང་ན་བཞུགས༔ འགྲོ་བའི་མོས་ངོར་དེར་སྟོན་སྟོབས་མངའ་ན༔ དེང་འདིར་གདུལ་དཀའ་འདུལ་བའི་དུས་ལ་བབ༔ རྣལ་འབྱོར་བདག་གི་དམ་ཚིག་གཉན་གྱིས བསྐུལ༔ དམ་ཚིག་འདི་ལ་ད་ལྟ་མི་དགོངས་ན༔ དམ་ཚིག་གཉན་པོའི་བདེན་པ་གང་ན་བཞུགས༔ དམ་ཚིག་འདི་ལ་བདེན་པའི་སྟོབས་མངའ་ན༔ རྣལ་འབྱོར་བརྣག་པའི་ལས་ཀྱང་འགྲུབ་རེ་རན༔ བདག་གིས་ཡེ་ཤེས་མཁའ་འགྲོ་བསྒྲུབས་བསྒྲུབས་ནས༔ བསྒྲུབ་ལ་བར་ཆད་དགྲ་བགེགས་བྱུང་བ་འདི༔ ད་ལྟ་ཉིད་དུ་སྟོབས་ཀྱིས་མི་བསྒྲལ་ན༔ ལེགས་ཉེས་ཤན་འབྱེད་གཟུ་དཔང་གང་ན་བཞུགས༔ ལེགས་ཉེས་ཤན་འབྱེད་བདེན་ཚིག་མཆིས་གྱུར་ན༔ དམ་ཉམས་དགྲ་བགེགས་འདི་ཉིད་གསོད་རེ་རན༔ མ་ཚོགས་མཁའ་འགྲོ་རྒྱ་མཚོ་སྒྲུབ་པའི་ བུར༔ ད་ལྟ་ཉིད་དུ་ཐུགས་རྗེས་མི་གཟིགས་ན༔ མ་དང་མཁའ་འགྲོ་རྒྱ་མཚོ་མེད་དམ་ཅི༔ མ་དང་མཁའ་འགྲོ་རྒྱ་མཚོ་མཆིས་གྱུར་ན༔ སྒྲུབ་པོ་བདག་ལ་ཐུགས་རྗེས་ཅིས་མི་དགོངས༔ བདག་ཉིད་སྒྲུབ་པའི་སྒོར་ཞུགས་ཚེ་གཅིག་ཏུ༔ མ་དང་མཁའ་འགྲོ་རྟག་ཏུ་བསྒྲུབ་བསྒྲུབ་ཀྱང་༔ དངོས་གྲུབ་གྲུབ་པའི་རྟགས་མཚན་མི་འབྱུང་ན༔ མ་དང་མཁའ་འགྲོའི་ནུས་སྟོབས་གང་ན་བཞུགས༔ རྣལ་འབྱོར་བདག་གི་ལུས་ལ་བབས་པ་ཡི༔ དོན་ཆེན་འགགས་ལ་ཐུག་པས་གནད་བསྐུལ་འདིར༔ མཐུ་སྟོབས་ནུས་པའི་རྩལ་ཤུགས་མི་བྱུང་ན༔ མ་དང་མཁའ་འགྲོའི་མཐུ་རྩལ་གང་ན་བཞུགས༔ རྣལ་འབྱོར་བདག་གི་སྲོག་ལ་བབ་ཉེ་བའི༔ གལ་ཆེན་ནག་ལ་ཐུག་པའི་དཔུང་བསྐུལ་འདིར༔ མ་དང་མཁའ་འགྲོས་དཔུང་གྲོགས་མི་བྱེད་ན༔ ཐུགས་རྗེའི་བརྩེ་དགོངས་བྱམས་པ་གང་ན་བཞུགས༔ རྣལ་འབྱོར་བདག་གི་དམ་ལས་བབ་ཉེ་བས༔ རེ་ས་གཞན་མ་མཆིས་པའི་དུས་འདི་ལ༔ མ་དང་མཁའ་འགྲོའི་དཔུང་ཚོགས་མི་བྱོན་ན༔ དམ་ཚིག་ཐུགས་རྗེའི་ནུས་པ་གང་ན་བཞུགས༔ རྣལ་འབྱོར་བདག་གི་དཀོར་ལ་བབ་ཉེ་བས༔ སྐྱབས་མཆོག་ལྷ་ལ་སྐྱབས་སུ་མཆིས་དུས་འདིར༔ ཕ་རོལ་དཔུང་ཚོགས་སྟོབས་ཀྱིས་མི ཐོ།༔ བསྒྲལ་ན༔ སྐྱབས་ཡུལ་ལྷ་ཡིས་སྐྱོབ་པ་གང་ན་བཞུགས༔ རྣལ་འབྱོར་བདག་གི་སྒྲུབ་ལ་བར་ཆོད་པའི༔ དམ་ཉམས་དགྲ་བོ་བདུད་བགེགས་སྒྲོལ་རེ་རན༔ བཀའ་ལོག་བསྟན་བཤིག་དམ་ཉམས་གཤེ་སྐུར་མཁན༔ མ་ཉེས་ཁ་ཡོག་གླེང་འདེབས་ཇག་ཆོམ་རྐུན༔ བསམ་པ་གནག་ལ་སྦྱོར་བ་རྩུབ་པ་དང་༔ བདག་གི་ལུས་སྲོག་དཀོར་ལ་ཟ་རྔམས པའི༔ དམ་ཉམས་དགྲ་བགེགས་གནོད་བྱེད་མ་ལུས་པ༔ ལོ་དང་ཟླ་བར་བཞག་པའི་ལོང་མེད་ཀྱིས༔ ད་ལྟ་ཉིད་དུ་བསད་ཅིང་ཤུལ་མེད་ཐོངས༔ རྣམ་ཤེས་རྣམ་སྨིན་ལས་རྗེས་མ་བཏང་བར༔ མནར་མེད་བྱ་རྩོལ་བསམ་བྲལ་ཀློང་དུ་སོད༔ དུས་ལ་བབ་བོ་བཛྲ་ས་མ་ཡ༔ ད་གཟིགས་ད་བྱོན་ད་དགོངས་ཐུགས་དམ་ཅན༔ བདག་གི་དོན་ཆེན་འགགས་ལ་མ་ཐུག་ན༔ མ་དང་མཁའ་འགྲོའི་ཐུགས་དམ་ཅི་ལ་བསྐུལ༔ རྣལ་འབྱོར་བདག་གི་ལུས་ལ་མ་བབ་ན༔ མི་རུང་ངན་ཚིག་དམོད་པ་ཅི་ལ་བོར༔ བདག་གི་རིན་ཆེན་སྲོག་ལ་མ་བབ་ན༔ གཏན་གྱི་མགོན་ལ་འོ་དོད་ཅི་ལ་འབོད༔ བདག་གི་བསྙེན་སྒྲུབ་བརླག་ལ་མ་ཆས་ན༔ ཡེ་ཤེས་མཁའ་འགྲོའི་ཐུགས་དམ་ཅི་ལ་བསྐུལ༔ བདག་གི་དགེ་འབྲས་འཇོམས་པར་མ་ཆས་ན༔ ཕུང་ བརླག་དྲག་པོའི་ལས་ལ་ཅིའི་ཕྱིར་འབད༔ བདག་གི་གཅེས་སྤྲས་ནོར་ལ་མ་བབ་ན༔ དེ་རིང་དཔུང་རོགས་དམག་འབོད་ཅི་ལ་བྱེད༔ བདག་གི་འཁོར་ཚོགས་གྲོགས་ལ་མ་བབ་ན༔ དེ་རིང་མ་དང་མཁའ་འགྲོ་ཅི་ལ་བསྐུལ༔ བདག་ཉིད་ཕུང་བརླག་རྒོལ་བས་མ་ཟིན་ན༔ ཡི་དམ་ལྷ་ལ་ཞེ་ཁྲེལ་ཅི་ལ་འདོགས༔ བྱོན་ཅིག་དགོངས་ཤིག་གསོན་ཅིག་ཡི་དམ་ལྷ༔ མཐུ་རྩལ་རྫུ་འཕྲུལ་ཕྱུང་བའི་དུས་ལ་བབ༔ ད་ལྟ་ཉིད་དུ་མཐུ་རྩལ་མི་ཕྱུང་ན༔ བདག་གིས་བསྙེན་སྒྲུབ་ལས་ལ་འབད་དོན་གང་༔ འདི་ལྟར་རྩེ་གཅིག་བསྙེན་སྒྲུབ་མཆོད་བསྟོད་ན༔ འཁྲུལ་པ་ཉིང་འཁྲུལ་བགེགས་རིགས་གདོན་གྱིས་ཀྱང་༔ ཕ་བས་བརྩེ་ཞིང་མ་བས་གདུང་སེམས་ཆེ༔ རྩེ་གཅིག་བསྒྲུབ་ཅིང་ཡང་ཡང་བསྙེན་གྱུར་ན༔ དུག་ལྔའི་སྟོབས་བཙན་གདོང་དམར་སྲིན པོས་ཀྱང་༔ ཕ་ལྟར་བརྩེ་ཞིང་མ་ལྟར་བྱམས་པས་སྐྱོང་༔ མ་ཟད་ལངྐ་ཤོད་ཀྱི་སྲིན་མོས་ཀྱང་༔ བརྩེ་གདུང་རྨངས་པོའི་བུ་སྡུག་ལས་ཀྱང་ཆེ༔ བསྟན་འགྲོའི་དོན་ལ་མཉམ་པར་དགོངས་བརྩེ་ན༔ རྣལ་འབྱོར་བདག་གི་དཔུང་ལ་བྱོན་རེ་རན༔ སངས་རྒྱས་བསྟན་པ་གཉན་ལ་དགྲ་དར་བས༔ བསྟན་བཤིགས་ལག་དམར་བསྒྲལ་བའི་དུས་ལ་བབ༔ དམ་ཆོས་རྒྱུད་སྡེའི་འོ་ ཐོ།༔ མཚོ་ནུབ་ཉེ་བས༔ དམ་ཉམས་བཀའ་ལོག་བསྒྲལ་བའི་དུས་ལ་བབ༔ དགེ་འདུན་རྒྱལ་བའི་བརྒྱུད་འཛིན་སྡུག་ཏ་རེ༔ དམ་ཉམས་བདུད་ཀྱི་ཕོ་ཉ་ད་ལྟ་སོད༔ སྐྱེ་འགྲོའི་བདེ་སྐྱིད་གཡུལ་འགྱེད་མཚོན་གྱིས་སྣུབས༔ གཡུལ་འགྱེད་མཚོན་འཁྲུགས་ཁ་དཔོན་ད་ལྟ་སོད༔ མདོ་སྔགས་བསྟན་ལ་དམ་ཉམས་ལྟ་ལོག་རྒོལ༔ ཆོས་ཁྲིམས་བཤིག་པའི་ལྟ་ལོག་གྲུབ་མཐའ་ནི༔ འཛིན་མི་དེར་ཕྱོགས་དེར་འཁོར་ཆོས་ལོག་བཅས༔ མ་འགྱང་ད་ལྟ་ཉིད་དུ་སྟོབས་ཀྱིས་སྒྲོལ༔ བསྟན་འཛིན་སྐྱེས་བུ་བསྟན་པའི་ཁུར་འཛིན་ལ༔ ཉམས་ཚད་བྱེད་ཅིང་དམའ་ལ་འཕེན་རྩོལ་དང་༔ སྐུ་སྲོག་ལ་བསྡོ་གཤེ་སྐུར་ལོག་ལྟ་བའི༔ དམ་སྲི་རྒྱལ་འགོང་བདུད་བགེགས་ནག་ཕྱོགས་རིགས༔ དམ་ཉམས་དགྲ་བོ་ལས་ངན་སྡིག་ཅན་ལ༔ ད་ལྟ་ཉིད་དུ་བཀའ་ཡི་ཆད་པ་ཐོབས༔ སྲོག་གི་མར་མེ་དབང་པོའི་མེ་བཀྲ་སྣུབས༔ དུས་ལ་བབ་པོ་བཛྲ་ས་མ་ཡ༔ ཧོཿ བརྒྱུད་གསུམ་རིག་འཛིན་བླ་མའི་དུས་ལ་བབ༔ ཡི་དམ་རྒྱུད་སྡེའི་ལྷ་ཚོགས་དུས་ལ་བབ༔ མ་ཚོགས་ཡེ་ཤེས་མཁའ་འགྲོའིཿ དམ་ཚིག་ཤ་ཟ་ཤུགས་འགྲོ་འཇིག་རྟེན་གྱི༔ མ་དང་མཁའ་འགྲོ་རྒྱ་མཚོའི་དུས༔ ལེགས་ཉེས་སྟངས་འཛིན་དམ་ཚིག རྗེས་གཅོད་པའི༔ བསྟན་སྲུང་དམ་ཅན་རྒྱ་མཚོའིཿ བརྣག་པའི་དགྲ་ལ་དྲག་པོའི་ཕྲིན་ལས་མཛོད༔ རྒོལ་འཇབ་བགེགས་ཀྱི་དཔུང་ཚོགས་སྟོབས་ཀྱིས་སྒྲོལ༔ ཧཱུྃ་ཛཿ ཆོས་དབྱིངས་སྐྱེ་བ་མེད་པའི་ཀློང་དཀྱིལ་ནས༔ སྐྱེ་བའི་ཆོ་འཕྲུལ་འབར་བའི་སྐུར་སྟོན་