Tibetan
སྤྲིན་ཕུང་བཞུགས༔ ༈ བདུད་འཇོམས་མཁའ་འགྲོ་སེང་གདོང་ཝྃ།༔ སརྦགགསྐ་ནམཁཾགཡརྨབྷསཧྭ།༔ ན་མོ་གུ་རུ་དྷེ་ཝ་ཌཱ་ཀི་ནཱི༔ བདག་འདྲ་རིག་འཛིན་པདྨ་འབྱུང་གནས་ངས༔ མ་འོངས་ལས་ཅན་བུ་ཡི་དོན་ཆེད་དུ༔ བྱིན་ཆེན་འབེབས་པ་ཚངས་པའི་སྒྲ་དབྱངས་ཉིད༔ འོད་གསལ་ཆོས་ཉིད་སྤྲིན་དཔུང་བསྟན་པར་བྱ༔ འདི་ཉིད་ལག་ཏུ་ལེན་པའི་རིམ་པ་ནི༔ སྤོས་བསྲེགས་རོལ་མོ་སྣ་ཚོགས་དཀྲོལ་བྱས་ཏེ༔ སྣང་སྲིད་ལྷ་ཡི་དཀྱིལ་འཁོར་གཞལ་ཡས་སུ༔ མོས་ཤིང་དང་བའི་ངང་ནས་འདི་སྐད་དོ༔ ཧཱུྃ་ཧྲཱིཿ བྱིན་ཆེན་ངོ་མཚར་མཆོག་གི་གནས༔ འོག་མིན་ཆོས་དབྱིངས་ཕོ་བྲང་ནས༔ སྐྱེ་མེད་དོན་གྱི་དངོས་གྲུབ་བརྙེས༔ ཀུན་བཟང་ཡབ་ཡུམ་བྱིན་ཕོབ་ཅིག༔ བྱིན་ཆེན་ངོ་མཚར་མཆོག་གི་T11607 - 412 མ་ཝྃ།༔ གནས༔ བདེ་བ་ཆེན་པོའི་གཞལ་ཡས་ནས༔ སྐྱེ་འཆི་མེད་པའི་དངོས་གྲུབ་བརྙེས༔ འོད་དཔག་མེད་མགོན་བྱིན ཕོབ་ཅིག༔ བྱིན་ཆེན་ངོ་མཚར་མཆོག་གི་གནས༔ མངོན་པར་དགའ་བའི་ཞིང་ཁམས་ནས༔ སྐུ་དང་ཡེ་ཤེས་དངོས་རྡོ་རྗེ་སེམས་དཔས བྱིན༔ བྱིན་ཆེན་ངོ་མཚར རི་བོ་ཏ་ལའི་གནས་མཆོག་ནས༔ བྱམས་དང་སྙིང་རྗེའི་དངོས༴ ཐུགས་རྗེ་ཆེན་པོས་བྱིན བྱིན་ཆེན་ངོ་མཚར ལྕང་ལོ་ཅན་གྱི་ཕོ་བྲང་ནས༔ མཐུ་སྟོབས་རྨད་བྱུང་དངོས༴ ཕྱག་ན་རྡོ་རྗེས་བྱིན བྱིན་ཆེན་ངོ་མཚར རྫོགས་པ་ཆེན་པོའི་གཞལ་ཡས་ནས༔ TI1607 - 413 འཕོ་བ་ཆེན་པོའི་དངོས༴ དགའ་རབ་རྡོ་རྗེས་བྱིནཿ བྱིན་ཆེན་ངོ་མཚར འོད་གསལ་བདེ་ཆེན་གཞལ་ཡས་ནས༔ འཇའ་ལུས་ཆོས་སྐུའི་དངོས༴ ཤྲཱི་སིངྷས་བྱིན༔ བྱིན་ཆེན་ངོ་མཚར པདྨ་འོད་ཀྱི་གཞལ་ཡས་ནས༔ འཆི་མེད་འགྲོ་འདུལ་དངོསཿ པདྨ་འབྱུང་གནས་བྱིན༴ བྱིན་ཆེན་ངོ་མཚར བདེ་སྟོང་ཡེ་ཤེས་གཞལ་ཡས་ནས༔ མཆོག་དང་ཐུན་མོང་དངོས་ཡེ་ཤེས་མཚོ་རྒྱལ་བྱིན བྱིན་ཆེན་ངོ་མཚར རྡོ་རྗེ་ཐེག་པའི་གཞལ་ཡས་ནས༔ གྲུབ་པ་མངོན་གྱུར་དངོསཿ འབྲོག་བན་ལོ་ཙཱས་བྱིནཿ ༈ བྱིན་ཆེན་ངོ་མཚར ཟབ་མོའི་གཏེར་མཛོད་གཞལ་ཡས་ནས༔ འགྲོ་བ་འདུལ་བའི་དངོས༴ བདུད་འཇོམས་རྡོ་རྗེས་བྱིན༴ ཤློ་ཀ་འདི་མངྒའི་མིང་གིས་སོ།། བྱིན་ཆེན་ངོ་མཚར སྤྱི་གཙུག་ཉི་ཟླའི་གདན་སྟེང་ནས༔ གང་ལ་གང་འདུལ་དངོས་གྲུབ༴ དྲིན་ཆེན་བླ་མས་བྱིན་ཕོབ་ཅིག༔ ཧཱུྃ་ཧྲཱིཿ རང་ལུས་རྩ་ཁམས་དག་པའི་ཞིང་༔ རྒྱལ་བ་ཞི་ཁྲོ་ཡབ་ཡུམ་དང་༔ རྩ་གནས་དཔའ་བོ་མཁའ་འགྲོའི་ཚོགས༔ གནས་འདིར་དབང་དང་བྱིན་ཕོབ་ཅིག༔ མཐའ་བྲལ་བརྡལ་ཁྱབ་གཞལ་ཡས་ནས༔ གཞོམ་བྲལ་རྡོ་རྗེའི་སྐུར་སྟོན་པ༔ སྒྱུ་འཕྲུལ་འཁོར་ལོའི་དཀྱིལ་འཁོར་ངོམས༔ བཀའ་ ཐོ།༔ བརྒྱད་ལྷ་ཚོགས་བྱིན་ཕོབ་ཅིག༔ སྣང་སྲིད་གཞིར་བཞེངས་དཀྱིལ་འཁོར་ནས༔ བདེ་ཆེན་རྒྱལ་བའི་དཀྱིལ་འཁོར་ལྷ༔ གང་འདུལ་ཐབས་ཀྱི་རོལ་གར བསྒྱུར༔ གནས་འདིར་དབང་དང་བྱིན་ཕོབ་ཅིག༔ ཧཱུྃ་ཧྲཱིཿ མ་བཅོས་ཆོས་དབྱིངས་ཞིང་ཁམས་སུ༔ སྐྱེ་མེད་ཆོས་སྐུའི་གཞལ་ཡས་ནས༔ ཆོས་སྐུའི་ཡུམ་ཆེན་ཀུན་བཟང་མོ༔ ཆོས་སྐུའི་མཁའ་འགྲོའི་ཚོགས་ཀྱིས་བསྐོར༔ གནས་འདིར་དབང་དང་བྱིན་ཆེན་ཕོབ༔ མཐིང་གསལ་འོད་ཕུང་ལམས་སེ་ལམ༔ རལ་པའི་ཐོར་ཅོག་ལྡེམས་སེ་ལྡེམ༔ ལྕང་ལོའི་ཟུར་ཕུད་ཏ་ལ་ལ༔ དར་སྣའི་ཅོད་པན་པུ་རུ་རུ༔ རུས་པའི་རྒྱན་ཆ་ཁྲོ་ལོ་ལོ༔ དྲིལ་བུ་གཡེར་ཁ་སི་ལི་ལི༔ བྱིན་རླབས་ན་བུན་ཐུ་ལུ་ལུ༔ དངོས་གྲུབ་སྦྲང་ཆར་ཤ་ར་ར༔ མཁའ་འགྲོ་འབུམ་སྡེ་ཉི་ལི་ལི༔ སྙན་པའི་གླུ་ལེན་ཀྱུ་རུ་རུ༔ གར་གྱི་རོལ་རྩེདཤིགས་སེ་ཤིག༔ དད་གུས་གདུང་ཤུགས་དྲག་པོ་ཡིས༔ མ་དང་མཁའ་འགྲོ་འདིར་འབོད་དོ༔ དམ་ཚིག་ཐུགས་རྗེའི་རྒྱུད་བསྐུལ་ལོ༔ མ་དོར་འགྲོ་བ་སྙིང་རྗེའི་གནས༔ ཐུགས་རྗེས་བརྩེ་བར་དགོངས་ནས་ཀྱང་༔ གནས་འདིར་དབང་དང་བྱིན་ཆེན་ཕོབ༔ ཧཱུྃ་ཧྲཱིཿ ལྷུན་གྲུབ་བདེ་ཆེན་དག་པའི་ཞིང་༔ ཡེ་ཤེས་ལྔ་རྫོགས་གཞལ་ཡས་ནས༔ ཡེ་ཤེས་མཁའ་འགྲོ་སེང་གེའི་གདོང་༔ ལོངས་སྐུའི་མཁའ་འགྲོའི་ཚོགས་དང་བཅས༔ གནས་འདིར་དབང་དང་བྱིན་ཆེན་ཕོབ༔ ལྗང་གསལ་འོད་ཕུང་ལམས་སེ་ལམ༔ རལ་པའི་སོགས༔ ཧཱུྃ་ཧྲཱིཿ དཔལ་རི་པདྨ་འོད་ཀྱི་ཞིང་༔ མཁའ་སྤྱོད་དག་པའི་གཞལ་ཡས་ནས༔ བདེ་ཆེན་མཚོ་རྒྱལ་མནྡྷ་ར༔ སྤྲུལ་སྐུའི་མཁའ་འགྲོའི ཚོགས་དང་བཅས༔ གནས་འདིར་དབང་དང་བྱིན་ཆེན་ཕོབ༔ དཀར་དམར་འོད་ཕུང་ལམས་སེ་ལམ༔ རལ་པའི་སོགས༔ ཧཱུྃ༔ དབུས་ཕྱོགས་སྟུག་པོ་བཀོད་པའི་ཞིང་༔ གཏུམ་དྲག་རོལ་པའི་དུར་ཁྲོད་ནས༔ སངས་རྒྱས་མཁའ་འགྲོ་སེང་གེའི་གདོང་༔ རང་འདྲའི་འབུམ་ཕྲག་མཁའ་འགྲོར་བཅས༔ གནས་འདིར་དབང་དང་བྱིན་ཆེན་ཕོབ༔ མཐིང་གསལ་འོད་ཕུང་སོགས༔ ཧཱུྃ༔ ཤར་ཕྱོགས་མངོན་པར་དགའ་བའི་ཞིང་༔ རབ་འཇིགས་རྔམས་བརྗིད་དུར་ཁྲོད་ནས༔ རྡོ་རྗེའི་རིགས་ཀྱི་སེང་གདོང་མ༔ རང་འདྲའི་འབུམ་ཕྲག་མཁའ་འགྲོར་བཅས༔ གནས་འདིར་དབང་དང་བྱིན་ཆེནཿ དཀར་གསལ་འོད་ཕུང་སོགས༔ ཧཱུྃ༔ ལྷོ་ཕྱོགས་དཔལ་དང་ལྡན་པའི་ཞིང་༔ གད་རྒྱངས་སྒྲོགས་པའི་དུར་ཁྲོད་ནས༔ རིན་ཆེན་རིགས་ཀྱི་སེང་ ཐོ།༔ གདོང་མ༔ རང་འདྲའི་འབུམ་ཕྲག་མཁའ་འགྲོར་བཅས༔ གནས་འདིར་དབང་དང་བྱིན་ཆེནཿ སེར་གསལ་འོད་ཕུང་སོགས༔ ཧཱུྃ༔ ནུབ་ཕྱོགས་བདེ་ཆེན་དག་པའི་ཞིང་༔ པདྨ་འཁྱིལ་བའི་དུར་ཁྲོད་ནས༔ པདྨ་རིགས་ཀྱི་སེང་གདོང་མ༔ རང་འདྲའི་འབུམ་ཕྲག་མཁའ་འགྲོ་འགྱེད༔ གནས་འདིར་དབང་དང་བྱིན༴ དམར་གསལ་འོད་ཕུང་སོགས༔ ཧཱུྃ༔ བྱང་ཕྱོགས་ལས་རབ་རྫོགས་པའི་ཞིང་༔ ཀཱི་ལ་ཡ་ཡི་དུར་ཁྲོད་ནས༔ ལས་ཀྱི་རིགས་ཀྱི་སེང་གདོང་མ༔ རང་འདྲའི་འབུམ་ཕྲག་མཁའ་འགྲོ་འགྱེད༔ གནས་འདིར་དབང་དང་བྱིན་ལྗང་གསལ་འོད་ཕུང་སོགས༔ ཧཱུྃ༔ ཞི་རྒྱས་དབང་དྲག་མངོན་སྤྱོད་ལས༔ ཡོངས་གྲུབ་མཁའ་འགྲོ་གདོང་ཅན་བཞི༔ རང་འདྲ་བྱེ་བ་འབུམ་དང་བཅས༔ གནས་འདིར་དབང་དང་བྱིན༴ འོད་ཕུང་སྣ་ཚོགས་ལམས་སེ་ལམ༔ རལ་པའི་སོགས༔ ཧཱུྃ༔ དམ་ཚིག་རྗེས་གཅོད་མཁའ་འགྲོ་དང་༔ ཉམས་པའི་ཤ་ཁྲག་ཟ་བ་མོ༔ འཇིག་རྟེན་འདས་ཀྱང་འཇིག་རྟེན་ཚུལ༔ སྒྱུ་མ་མཁན་དང་སྒྱུ་འཕྲུལ་བཞིན༔ སྣ་ཚོགས་བསྒྱུར་བའི་ཆོ་འཕྲུལ་ཅན༔ མཁའ་འགྲོ་དང་ནི་མཁའ་འགྲོ་མ༔ དེ་འཁོར་ཡང་འཁོར་སྤྲུལ་འཁོར་བཅས༔ གནས་ འདིར་དབང་དང་བྱིན༴ འོད་ཕུང་སྣ་ཚོགས་ལམས་སོགས༔ ཛཿ ཕྲིན་ལས་རྣམ་བཞི་ལྷུན་གྲུབ་པའི༔ སྒོ་བཞི་ལས་ཀྱི་དཀྱིལ་འཁོར་ན༔ ལྕགས་ཀྱུ་ཞགས་པ་ལྕགས་སྒྲོག་དྲིལ༔ འབུམ་ཕྲག་མཁའ་འགྲོའི་ཚོགས་དང་བཅས༔ གནས་འདིར་དབང་དང་བྱིན་ཆེན་ཕོབ༔ དཀར་སེར་དམར་ལྗང་ཁ་ཏོག་ཅན༔ གསལ་འཚེར་འོད་ཕུང་ལམས་སོགས༔ ཧོཿ རང་བཞིན་རྣམ་པར་དག་པའི་དབྱིངས༔ བཀའ་དང་ཐ་ཚིག་གཞལ་ཡས་ནས༔ ལེགས་ཉེས་སྟངས་འཛིན་བསྟན་ལ་གདུངས༔ ཡེ་ཤེས་མཁའ་འགྲོ་སེང་གདོང་མའི༔ བཀའ་ཉན་ལས་བྱེད་དྲེགས པའི་སྡེ༔ མ་མོ་མཁའ་འགྲོ་ཐམས་ཅད་དང་༔ ཆོས་སྐྱོང་བཀའ་སྲུང་ཐམས་ཅད་ཀྱིས༔ བསྒྲུབ་པའི་དཀྱིལ་འཁོར་ཆེན་པོ་འདིར༔ དབང་དང་དངོས་གྲུབ་བྱིན་ཕོབ་ཅིག༔ རྟགས་དང་མཚན་མ་བསྟན་པ་དང་༔ རྣལ་འབྱོར་བུ་བཞིན་སྐྱོང་བ་དང་༔ རབ་འབྱམས་ཕྲིན་ལས་མངོན་གྱུར་པའི༔ དབང་དང་དངོས་གྲུབ་བྱིན་ཆེན་ཕོབ༔ ཨོཾ་ཨཱཿ ཧཱུྃ་བཛྲ་གུ་རུ་བཱིདྱ་ངྷེ་ཝ་ཌཱ་ཀི་ནཱི་སེངྷ་མུ་ཁ་སརྦ་དྷརྨ་པཱ་ལ་སརྦ་ཀྵེ་ཊ་པཱ་ལ་སརྦ་ས་མ་ཡ་ཛ་ཛཿ ཨ་ཝེ་ཤ་ཡ་ཨ་ཨ༔ ས་མ་ཡ༔ རྒྱ་རྒྱ་རྒྱ༔ མ་འོངས་ལས་ཅན་སྐལ་ལྡན་རྣམས༔ སྒྲུབ་རྒྱུན་བཟུང་ལ་ཆོས་བརྒྱད་སྤོངས༔ འཁོར་བའི་ཆོས་ལ་ ༄ ཐོ།༔ ཟིན་དུས་མེད༔ ཚེ་དང་སྒྲུབ་པ་མཉམ་པར་གྱིས༔ ས་མ་ཡ༔ བདག་འདྲ་བུད་མེད་ཡེ་ཤེས་མཚོ་རྒྱལ་ངས༔ གུ་རུའི་བཀའ་བཞིན་མ་ནོར་ཡི་གེར་བྲིས༔ བཀའ་འདི་མ་མགོན་ཤན་པ་བཙན་གྱིས་སྲུངས༔ དམ་ཉམས་ལྟ་ལོག་ལག་ཏུ་ཤོར་ར་རེ༔ མ་འོངས་ལས་ཅན་བུ་དང་འཕྲད་པར་ཤོག༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་ཡང་མ་ནུས་སྤྲང་ཟོབ་སྔགས་ནག་བདུད་འཇོམས་རྡོ་རྗེས་གསེར་སྨད་རྔ་ལ་སྟག་རྩེའི་གཡས་ལོགས་རྡོ་རྗེ་བྲག་ནས་སྤྱན་དྲངས་ཏེ་མི་ལོ་བཞི་བཅུ་རྩ་བཞི་བར་དུ་བཀའ་རྒྱས་བཏབ་མཐར་རང་སློབ་དམ་པ་ཀློང་ཆེན་དང་ངག་དབང་ཕྲིན་ལས་གཉིས་ཀྱིས་ནན་དུ་བསྐུལ་ངོར་གཏན་ལ་ཕབ་པའི་ཡི་གེ་པ་ནི་ངག་དབང་ཕྲིན་ལས་ཀྱིས་བགྱིས་པའི་དགེ་བས་དབང་བྱིན་དངོས་གྲུབ་རྒྱ་ཆེན་འབྱུང་བའི་གནས་སུ་གྱུར་ཅིག །སརྦ་མངྒ་ལཾ།། ས T1607 - 420 ཟབ་གསང་མཁའ་འགྲོའི་སྙིང་ཐིག་ལས༔ མཁའ་འགྲོ་གསང་བ་ཡེ་ཤེས་མའི་ནང་སྒྲུབ་སེང་གེའི་གདོང་ཅན་གྱི་ཕྱག་རྒྱ འཁོར་བའི་གཡུལ་ཟློག་རྡོ་རྗེའི་རྒྱ་ཅན་བཞུགས་སོ༔ T11607 - 421 ཁྲོཾ།༔ ན་མོ་གུ་རུ་མཱུ་ཁྱོ་པདྨ་ཀ་ར་ཡེ༔ ་ཀྐསཛྙེ་མ་བཏྟ་ཟླམ།ན་གྷཱ་རྒྱསྤྲུ བདུད་འདུལ་པདྨ་འབྱུང་གནས་ངས༔ གང་ལ་གང་འདུལ་ཐབས་དུ་མས༔ མ་ངེས་སྣ་ཚོགས་སྤྱོད་པ་སྤྱོད༔ ལྔ་བརྒྱ་སྙིགས་མ་ལྔ་བདོའི་དུས༔ ནག་ཕྱོགས་དབུ་འཕང་མཐོ་བ་དང་༔ དཀར་ཕྱོགས་དཔའ་བཀོང་དམངས་སུ་འབེབས༔ མཐའ་ཡི་བདུད་བསྟན་དབུས་སུ་རྡིབ༔ མི་བཟློག་སྡེ་ལྔ་བྱུང་བའི་ཚེ༔ གདུལ་བྱའི་ལྷག་མ་སྐྱོང་བའི་ཕྱིར༔ གདམས་ངག་སྙིང་གི་ཡང་ཐིག་འདི༔ ལས་འཕྲོ་ཅན་གྱི་དཔལ་དུ་བཞག༔ ས་མ་ཡ༔ མཁའ་འགྲོ་མ་ཡི་དཀྱིལ་འཁོར་ནི༔ རབ་མཛེས་བཀོད་ལེགས་ཡིད་འོང་ཞིང་༔ མེ་ཏོག་སྣ་ཚོགས་ཀྱིས་བརྒྱན་ཏེ༔ དར་གྱི་ལྷབ་ལྷུབ་སྣ་ཚོགས་དང་༔ རིན་ཆེན་ཕྲེང་བས་ལེགས་པར TI1607 - 422 ཝྃ།༔ བརྒྱན༔ དཀར་གསུམ་མངར་གསུམ་ལ་སོགས་ཀྱི༔ འབྲུ་ཟན་དང་སྦྲེལ་གཏོར་མ་ལ༔ གཏོར་ཕྲན་བཞི་ཡིས་བསྐོར་བའི་མཐར༔ གཏོར་ཕྲན་བརྒྱད་དང་སྒོ་བཞི་བཅས༔ མཛེས་ཤིང་རྒྱན་ལྡན་ཡིད་འོང་བ༔ ཤ་ཁྲག་ལ་སོགས་ཟས་སྣའི་ཚོགས༔ མཆོད་རྫས་ཅི་རིགས་པ་རུ་བཤམས༔ དེ་དག་བཅའ་གཞིའི་རིམ་པའོ༔ དེ་ནས་བསྒྲུབ་པའི་སྔོན་འགྲོ་ཡི༔ ཐོག་མར་སྐྱབས་སུ་འགྲོ་བ་ལ༔ མདུན་གྱི་ནམ་མཁར་བླ་མ་དང་གཉིས་སུ་མེད་པའི་ཡེ་ཤེས་མཁའ་འགྲོའི་དཀྱིལ་འཁོར་སྐད་ཅིག་གིས་བཀྲ་ལམ་གྱི་གསལ་ཏེ༔ ན་མོ༔ བདག་དང་མཐའ་ཡས་སེམས་ཅན་ཀུན༔ བྱང་ཆུབ་སྙིང་པོར་མཆིས་ཀྱི་བར༔ མཁའ་འགྲོ་མ་ཡི་དཀྱིལ་འཁོར་ལ༔ རྣམ་གསུམ་དད་པས་སྐྱབས་སུ་T11607 - 423 མཆི༔ ལན་གསུམ༔ དེ་ནས་སེམས་བསྐྱེད་པ་ལ༔ ཧོཿ མ་གྱུར་མཁའ་མཉམ་སེམས་ཅན་རྣམས༔ རྣམ་གྲོལ་སྐུ་གསུམ་སར་འགོད་ཕྱིར༔ ཡེ་ཤེས་མཁའ་འགྲོ་ཁྱེད་བསྒྲུབ་ནས༔ དོན་གཉིས་འགྲུབ་ཕྱིར་སེམས་བསྐྱེད་དོ༔ ལན་གསུམ་གྱིས་བྱང་ཆུབ་མཆོག་ཏུ་སེམས་བསྐྱེད་དོ༔ དེ་ནས་རང་ཉིད་སྐད་ཅིག་གིས༔ དྲན་རྫོགས་ཙམ་གྱི་རིག་སྐུ་ཡིས༔ ལོག་རྟོག་བགེགས་ལ་བཀའ་བསྒོ་ནི༔ ཧཱུྃ་ཧྲཱིཿ ང་ནི་སྤྱི་དཔལ་སེང་གདོང་མ༔ གསང་བ་ཡེ་ཤེས་དྲག་མོའི་སྐུ༔ ཁམས་གསུམ་མ་ལུས་དབང་དུ་སྡུད༔ སྲིད་གསུམ་མ་ལུས་ཟིལ་གྱིས་གནོན༔ རབ་འབྱམས་རྒྱལ་བ་བསྐྱེད་པའི་ཡུམ༔ སྤྲུལ་པའི་མཁའ་འགྲོས་ནམ་མཁའ་གང་༔ ལས་བྱེད་མཁའ་འགྲོས་བར་སྣང་གང་༔ སྒྲོལ་བྱེད་མཁའ་འགྲོས་ས་གཞི་གང་༔ ཧཱུྃ༔༷ ཉོན་ཅིག་བགེགས་དང་ལོག་འདྲེན་ཚོགས༔ ཤ་མཁོན་བུ་ལོན་ལན་ཆགས་རྣམས༔ གླུད་ཀྱི་གཏོར་མ་འདིས་འཇལ་གྱིས༔ མགུ་བར་གྱིས་ལ་རང་གནས་སུ༔ ད་ལྟ་ཉིད་དུ་འགྲོ་བར་གྱིས༔ གནས་འདིར་གསང་ཆེན་མཁའ་འགྲོའི་དལ༔ ད་ལྟ་ཉིད་དུ་འདེབས་འཚལ་བས༔ བཀའ་འདས་ལུས་སེམས་རྡུལ་དུ་བརླག༔ དེ་བས་ད་ལྟ་ཕྱིར་དེངས་ཤིག༔ རྩ་སྔགས་དང་ཧཱུྃ་བཞིའི་སྔགས་ཀྱིས་བསྐྲད་དོ༔ དེ་ནས་མཚམས་གཅོད་པ་ནི༔ ཐ།༔ སྟེང་འོག་བར་གསུམ་ཐམས་ཅད་ཡེ་ཤེས་ལྔའི་རང་རྩལ་རྡོ་རྗེ་སྲུང་བའི་གུར་ཁང་གཞོམ་གཞིག་དང་བྲལ་བ་རིམ་དགུར་གསལ་ཏེ༔ ཧཱུྃ་ཧྲཱིཿ བདག་ཉིད་ཡེ་ཤེས་མཁའ་འགྲོ་མའི༔ ཐུགས་ལས་སྤྲོས་པའི་འོད་ཟེར་གྱིས༔ སྟེང་འོག་ཕྱོགས་མཚམས་ཐམས་ཅད་ཀུན༔ རྡོ་རྗེ་སྲུང་བའི་འཁོར་ལོར་བསྒོམ༔ ཨོཾ་བུདྡྷ་བཛྲ་རཏྣ་པདྨ་ཀརྨ་ཛྙཱ་ན་རཾ་རཀྵ་རཀྵ་སྭ་ཧཱ༔ དེ་ནས་བརྡ་སྒོ་དབྱེ་བ་ནི༔ ཧཱུྃ་ཧྲཱིཿ རང་རིག་གདོད་ནས་ཡེ་ཤེས་མཁའ་འགྲོའི་དལ༔ མ་རིག་དབང་གིས་ཆོས་ཉིད་འཆར་སྒོ་འགགས༔ ད་ནི་རང་རིག་ཡེ་ཤེས་རྟོགས་པའི་ལྷ༔ རང་ངོ་མཇལ་ཕྱིར་ཡེ་ཤེས འཆར་སྒོ་ཕྱེས༔ ཨོཾ་བཛྲ་པྲ་ཝེ་ཤ་ཡ་ཕཊ༔ དེ་ནས་བརྡ་ཕྱག་འཚལ་བ་ནི༔ ཧཱུྃ་ཨཱཿ གཟུང་འཛིན་གཉིས་མེད་ཡེ་ཤེས་ཀློང་༔ གདོད་ནས་རང་རིག་ཡུམ་ཆེན་མོ༔ རྟོག་ཚོགས་གནས་དག མཁའ་འགྲོའི་གར༔ རང་ཞལ་མཇལ་ཕྱིར་གུས་ཕྱག་འཚལ༔ ན་མོ་པུ་རུ་ཤ་ཡ་ཧོཿ དེ་ནས་བྱིན་ཆེན་འབེབས་པ་ནི༔ ཧཱུཾ༔ ལྷུན་གྲུབ་བདེ་བ་ཆེན་པོའི་གནས༔ རང་སྣང་རྣམ་དག་གཞལ་ཡས་ནས༔ ཆོས་སྐུ་ཡུམ་ཆེན་ཀུན་བཟང་མོ༔ ལོངས་སྐུ་མཁའ་འགྲོ་སེང་གེའི་གདོང་༔ སྤྲུལ་སྐུ་ཡེ་ཤེས་མཚོ་རྒྱལ་སོགས༔ རབ་འབྱམས་ཡེ་ཤེས་མཁའ་འགྲོའི་ཚོགས༔ ཆོས་ཀྱི་ དབྱིངས་ནས་སྐུར་བཞེངས་ལ༔ དམ་ཚིག་དབང་གིས་གནས་འདིར་བྱོན༔ སྒྲུབ་མཆོག་རྣལ་འབྱོར་མཆེད་ལྕམ་དང་༔ ལྷུན་གྲུབ་གསང་ཆེན་དཀྱིལ་འཁོར་ལ༔ བྱིན་རླབས་ཡེ་ཤེས་བྱིན ཕོབ་ཅིག༔ གསང་བ་གསུམ་གྱིས་དབང་བསྐུར་ཅིག༔ མཁའ་སྤྱོད་ཞིང་དུ་བྱིན་གྱིས་རློབས༔ ཨོཾ་ཨཱཿ ཧཱུྃ་ཀརྨ་ཌཱ་ཀི་ནཱི་ཧྲཱིཿ མ་ཧ་རི་ནི་ས་ར་ཙ་ཧྲཱིཿ ཡ་ཙིཏྟ་ཧྲཱི་ཧྲཱི་ཛ་ཛཿ ཨ་ཝེ་ཤ་ཡ་ཨ ཨ༔ དེ་ནས་མཆོད་རྫས་བྱིན་བརླབ་ལ༔ ཨོཾ་ཨཱཿ ཧཱུྃ༔ གཟུང་དང་འཛིན་པས་བསྡུས་པ་ཡི༔ ཆོས་ཀུན་རྣམ་དག་དྲི་མ་མེད༔ ཕྱི་ནང་གསང་བའི་མཆོད་སྤྲིན་དུ༔ ཡེ་ནས་རང་བྱུང་ལྷུན་གྲུབ བོ༔ ཨོཾ་བཛྲ་ཨརྒྷཾ་ཨཱཿ ཧཱུྃ༔ དེ་བཞིན་དུ་ཤཔྟའི་བར་དང་༔ ཨོཾ་བཛྲ་རཱུ་པ་ཤཔྡ་གནྡྷེ་རཱ་ས་སྤཪྻེ་པྲ་ཏཱིཙྪ་ཡེ་སྭཱ་ཧཱ༔ ཨོ་ཨཱཿ ཧཱུྃ་མ་ཧཱ་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿ ལན་གསུམ༔ ཨོ་ཨཱཿ ཧཱུྃ་མ ཧཱ་རཀྟ་ཛྭ་ལ་མཎྜ་ལ་ཧཱུྃ་ཧྲཱིཿ ཏཱ༔ ལན་གསུམ༔ ཨོཾ་ཨཱཿ ཧཱུྃ་མ་ཧཱ་བ་ལིཾ་ཏ་བྷ་ལ་བྷ་ཏི་གུ་ཧྱ་ཧྲཱིཿ ཤྭ་ས་མ་ཡ་ཧཱུཾ་ཧྲཱིཿ ཏཱ༔ ལན་གསུམ༔ ཨོ་ཨཱཿཧཱུྃ་བོ་དྷི་ཙིཏྟ་ཏ་ན་ག་ན་གུ་ཧྱ་སརྦ་ག་ཎ་པཉྩ་ཨ་མྲྀ་ཏ་སརྦ་སྭཱ་ཧཱ༔ དེ་ཡིས་སྔོན་འགྲོའི་རིམ་པ་རྫོགས་པའོ༔ དེ་ནས་དངོས་གཞི་བསྐྱེད་རིམ་ལ༔ དང་པོ་དེ་བཞིན་ཉིད་ཀྱི་ཏིང་ངེ་འཛིན་ནི༔ ཨཱཿ སྣང་ཞིང་སྲིད་པའི་ཆོས་རྣམས་ཀུན༔ སྒྱུ་མའི་འཁྲུལ་འཁོར་ཞིག ཐོ།༔ པ་བཞིན༔ རྣམ་ཐར་གསུམ་ལྡན་བཙུན་མོའི་མཁའ༔ བརྡལ་ཁྱབ་སྤྲོས་མཐའ་བྲལ་བའི་ངང་༔ སརྦ་ངྷརྨ་ག་ག་ན་ཧཱུྃ་ཨཱཿ དེ་ནས་ཀུན་ཏུ་སྣང་བའི་ཏིང་ངེ་འཛིན་ལ༔ ཧཱུྃ༔ འདི་ལྟར་མ་རྟོགས་སེམས་ཅན་ལ༔ དམིགས་མེད་སྙིང་རྗེ་ཆེན་པོར་བརྡལ༔ ཕྱོགས་རིས་བྲལ་བའི་བྱང་ཆུབ་སེམས༔ མངོན་གྱུར་ཆེན་པོར་རིག་པར་བྱ༔ མ་ཧཱ་སརྦ་ངྷརྨ་པྲཛྙཱ་ཛྙཱ་ན་ཧཱུྃ་ཨཱཿ དེ་ནས་རྒྱུ་ཡི་ཏིང་ངེ་འཛིན་ལ༔ ཧཱུྃ༔ བརྡལ་ཁྱབ་གསང་བའི་ནམ་མཁའ་ལས༔ མཁའ་ལ་འཇའ་ཚོན་ཤར་བ་བཞིན༔ ཡེ་ཤེས་ཐུགས་ཀྱི་སྒྱུ་འཕྲུལ་ནི༔ རྒྱུ་ཡི་ཡི་གེ་ཧཱུྃ་ལྗང་གསལ༔ ཧཱུྃ་ཙིཏྟ་བཛྲ་ས་མ་ཡ་ཧཱུྃ༔ དེ་ནས་རྟེན་དང་བརྟེན་པ་ལ༔ ཧཱུྃ་ལས་འབྱུང་ལྔའི་ས་བོན་ནི༔ ཨེ་ཡ་རཾ་སུཾ་ཀེ་རཾ་འཕྲོས༔ ཨེ་ལས་སྟོང་ཆེན་ནམ་མཁའ་མཐིང་༔ ཡཾ་ལས་རླུང་གི དཀྱིལ་འཁོར་ལྗང་༔ ར་ལས་རཀྟའི་རྒྱ་མཚོར་འཁྱིལ༔ སུཾ་ལས་དྲག་པོའི་ས་གཞི་ལྗང་༔ ཀེ་ལས་རུས་པའི་རི་རབ་སྟེང་༔ རཾ་ལས་བསྐལ་པའི་མེ་དཔུང་འབར༔ དེའི་དབུས་སུ་ཕྱི་ལྟར་ན་ས་གཞི་ཞིང་ལྤགས་བརྒྱངས་པ་ལྟ་བུ་ལ༔ རི་བོ་ཐམས་ཅད་ཀེང་རུས་དཀར་པོ་དང་༔ རྩི་ཤིང་ཐམས་ཅད་མདའ་མདུང་རལ་གྲི༔ ཆུ་འབབས་ཐམས་ཅད་ཁྲག་དང་རྣག་གི་རང་ བཞིན༔ གཟུགས་སྣང་ཐམས་ཅད་གསོད་གཅོད་ལས་ཀྱི་ཕོ་ཉ༔ སྒྲ་གྲགས་ཐམས་ཅད་ཕཊ་ཕེཾ་སོད་རྒྱོབ་བྷྱོ་ཟློག་གི་སྒྲ་འབྲུག་སྟོང་དུས་གཅིག་ཏུ་བསྒྲགས་པ་ལྟ་བུས་འཆི་བདག་གཤིན་རྗེའི་དཔུང་ཚོགས་ཀྱང་དཔའ་བཀོང་བ༔ འཇིགས་བྱེད་ཁྲོ་བོ་བཅུ་པོའང་རྒྱ་བར་མི་ནུས་ཤིང་༔ མི་འཇིགས་འཇིགས་མེད་རྡོ་རྗེ་ཅན་ཡང་འཇིགས་པའི་གནས༔ ཐུན་མཚོན་དང་མཚོན་ཆ་སྣ་ཚོགས་སྐྱི་སེར་ལྟ་བུར་འཚུབས་པ༔ འཇིག་རྟེན་ལས་ཀྱི་ཕོ་ཉ་རྦད་འདྲེ་གདུག་པ་ཅན་ཐམས་ཅད་ཐལ་བར་བརླག་ཅིང་དུམ་བུར་གཏུབས་པ༔ ཡེ་ཤེས་མཁའ་འགྲོའི་སྤྲུལ་པའི་དུར་བྱ་ཤ ཟན་གྱི་ཚོགས་དང་གཅན་གཟན་གྱི་ཚོགས་རྣམས་ཀྱིས་དགྲ་གདོན་བྱད་མ་རྦོད་གཏོང་ལྷ་དང་བཅས་པའི་དབུགས་ལ་ཧབ་ལེན་བྱེད་ཅིང་ཤ་ལ་རྔམས་ཟས་བྱེད་པ༔ མི་རོ་དང་རྟ་རོ་ལ་སོགས་པའི་རོ་རུལ་བ་དང་བམ་པ་དང་ཧམ་པ་སྣ་ཚོགས་གཅལ་དུ་བཀྲམ་པ༔ ཁྲག་མཚོ་དམར་ནག་རྦ་རླབས་དྲག་ཏུ་འཁྲུགས་ཤིང་ཁྲག་ལྦུ་རབ་ཏུ་བརྡོལ་བའི་ཀློང་དུ་མི་རོ་རྟ་རོ་འཕྱོ་བའོ༔ ནང་ལྟར་ན་ཡེ་ཤེས་མཁའ་འགྲོ་རང་རང་གི་སྤྱོད་ཡུལ་དུ་ཞིང་ཁམས་ཁ་དོག་ལྔ་ལྡན་དབུས་མཐིང་ནག་བེེ་ཌཱུཪྻའི་ཁ་དོག་ལྟ་བུ༔ ཤར་དཀར་པོ་དུང་གི་ཁ་དོག་ལྟ་བུ༔ ལྷོ་སེར་པོ་གསེར་ ཐོ།༔ གྱི་ཁ་དོག་ལྟ་བུ༔ ནུབ་དམར་པོ་པདྨ་རཱ་གའི་ཁ་དོག་ལྟ་བུ༔ བྱང་ལྗང་གུ་ཨིནྡྲ་ནཱི་ལའི་ཁ་དོག་ལྟ་བུ་ལས་རང་མདོག་གི་འོད་དང་འོད་ཟེར་ནམ་མཁར་འཕགས་པ་རྒྱ་ཆེ་ལ་ཁྱོན་ཡངས་པ༔ སྣ་ཚོགས་པདྨ་དང་སྨན་གྱི་སྤང་རི་མཛེས་ཤིང་ཡིད་དུ་འོང་བའོ༔ གསང་བ་ལྟར་ན་གནས་ཨོ་རྒྱན་རང་བྱུང་གི་དུར་ཁྲོད་དང་ཨུ་ཙ་ལ་དང་གསང་ཆེན་རོལ་པ་རྣམས་གཅིག་དྲིལ་གཅིག་རྫོགས་ཀྱི་ངོ་བོའོ༔ སྲུང་བའི་འཁོར་ལོ་རིམ་དགུའི་དབུས༔ ཕྱི་ནི་ཐོད་པ་རིམ་གསུམ་ལ༔ དམར་ཆེན་ཁྲག་གི་ཞམ་ཆུ་འབེབས༔ ནང་ནི་ཡེ་ཤེས་འོད་ལྔ་ལས༔ གྲུབ་པའི་གཞལ་ཡས་ཁང་དབུས་སུ༔ གྲུ་ཆད་ལྗང་གུ་དཔངས་མཐོ་བའི༔ གློ་འབུར་རིགས་བཞིའི་ཁ་དོག་འཆར༔ དེ་དབུས་པད་ཟླ་ཉི་མའི་སྟེང་༔ བྱད་མ་ལོག་ལྟ་བདུད་དཔུང་དང་༔ ལྟ་ལོག་རཱུ་ཏྲ་ཕོ་མོའི་ཚོགས༔ བསྣོལ་ཞིང་བརྩེགས་པའི་ཁྲི་ཡི་ཁར༔ རང་རིག་ཡི་གེ་ཧཱུྃ་ལྗང་བབས༔ འོད་ཟེར་ཡར་འཕྲོས་རྒྱལ་ཀུན་མཆོད༔ སྲས་བཅས་ཞིང་ཁམས་གཞལ་ཡས་ལྷ༔ འོད་ཕུང་རྣམ་པར་ཚུར་འདུས་ཏེ༔ རིག་པ་ཧཱུྃ་གི་ཡི་གེར་བསྡུ༔ མར་འཕྲོས་འཁོར་བ་ཆོས་སྐུར་བསྒྲལ༔ སྣང་སྲིད་དཔལ་ཡོན་ཚེ་བསོད་བཅུད༔ ཚུར་འདུས་རིག པ་ཧཱུྃ་ལ་བསྟིམ༔ ཧཱུྃ་ལས་རང་ཉིད་སྐད་ཅིག་གིས༔ གསང་བ་ཡེ་ཤེས་མཁའ་འགྲོ་མ༔ འཁོར་འདས་ཡོངས་ཀྱི་དབང་ཕྱུག་མོ༔ ཡེ་ཤེས་མཁའ་འགྲོ་སེང་གེའི་གདོང་༔ ལྗང་གསལ་རལ་པ་དམར་སེར་བརྫེས༔ ཞལ་གདངས་ལྗགས་འདྲིལ་མཆེ་བ་གཙིགས༔ སྤྱན་གསུམ་སྡང་མིག་གཡོ་ཞིང་འཁྲུགས༔ ཐོད་སྐམ་ལྔ་ཡིས་དབུ་རྒྱན་དང་༔ ཉི་ཟླའི་སྙན་རྒྱན་འོད་དུ་འབར༔ ཕྱག་གཡས་རྒྱ་གྲམ་གྱིས་ཡུ་བ༔ བྱས་པའི་གྲི་གུག་ནམ་མཁར་ཕྱར༔ གཡོན་པས་ཐོད་ཁྲག་ཐུགས་ཀར་བསྣམས༔ ཧེ་རུ་ཀ་དཔལ་སྦས་པའི་ཚུལ༔ ཁ་ཊྭཱྃ་རྩེ་གསུམ་མཆན དུ་བཀལ༔ ཞབས་གཉིས་གཡས་བསྐུམ་གསང་བར་གཏད༔ གཡོན་པས་རཱུ་ཏྲ་ཕོ་མོ་མནན༔ ཐོད་ཚར་གསུམ་གྱིས་དོ་ཤལ་བྱས༔ རུས་པའི་རྒྱན་དྲུག་ཕྲེང་བ་སྤྲས༔ ཡེ་ཤེས་བསྐལ པའི་མེ་ལྟ་བུར༔ འབར་བའི་ཀློང་ནས་རང་འདྲ་བའི༔ མཁའ་འགྲོ་བྱེ་བ་འབུམ་སྡེ་འགྱེད༔ སྤྱི་བོར་འཇའ་གུར་འོད་ལྔའི་ཀློང་༔ རིག་བདག་ཀུན་ཏུ་བཟང་མོ་མཐིང་༔ གཅེར་བུ་