Tibetan
འཐོན་རྩེས་འདྲེན་ཞིང་༔ མས་དེད་འཁོར་ལོ་ཡར་འདྲེན་འགྲམ༔ དབང་དང་དགའ་བཞི་རིམ་ཐོབ་བསྐྱེད༔ འཛིན་པ་གཞི་ལ་ལྔ་ཐིག་འདུས༔ མས་རིམ་ཚོགས་བསགས་སྒྲིབ་སྦྱངས་ལམ༔ ཡས་རིམ་དབང་དགའ་སྒྲུབ་རྒྱུན་ལམ༔ རྩ་ཁམས་ཡེ་ཤེས་མེས་ཁྱབ་དང་༔ རླུང་གི་ཡང་ཟབ་རླུང་གི་མཆོག༔ མི་འཛིན་འཛིན་པའི་རླུང་བུམ་ཅན༔ རིག་པ་དང་ནི་དབྱེར་མེད་འགྲོགས༔ རྒྱུན་དུ་མ་སྤངས་མི་འདོར་བར༔ རྣལ་འབྱོར་ལམ་གྱི་དམ་པ་ཡིན༔ མངོན་སུམ་རང་ཐོག་མི་ཕོབ་ན༔ ཐབས་ཀྱི་ལམ་ལ་བརྟེན་པས་གྲོལ༔ ལམ་འདིས་རྩ་མདུད་གྲོལ་གྱུར་ནས༔ གྲོལ་མ་ཐག་ཏུ་ས་ལམ་རྫོགས༔ དེས་ན་ཐབས་ཀྱི་ལམ་ཞེས་བྱ༔ ཟས་སྐོམ་རྩ་མི་འགགས་ཙམ་ལས༔ མ་བརྟེན་པས་ནི་རླུང་སེམས་གཉིས༔ གནད་དུ་ཆུན་དེ་མྱུར་བའི་ལམ༔ བཅུད་ལེན་པ་ལ་དོན་བཞི་སྟེ༔ རིལ་བུ་སྣོད་དུ་བཞག་བྱས་ནས༔ རང་གི་འོད་ཀྱིས་རྒྱལ་ཀུན་བསྐུལ༔ རྒྱལ་བའི་ཐུགས་རྗེའི་ལྩགས་ཀྱུ་ཡིས༔ སྣོད་བཅུད་སྣང་སྲིད་འབྱུང་བཞིའི་བཅུད༔ བསྡུས་བསྟིམ་ལུས་ལྷར་ཚོགས་སུ་ རོལ༔ རླུང་དང་རིག་པ་དབྱེར་མེད་དོ༔ དེ་ནི་ཕྱི་ཡི་བཅུད་ལེན་ནོ༔ རིག་པ་བཟང་མོའི་ཨཱཿ དཀར་ལ༔ ཡེ་ཤེས་ལྔ་ཡི་རླུང་བཅུད་བསྟིམ༔ འདི་ནི་ནང་གི་བཅུད་ལེན་ནོ༔ བདེ་སྟོང་བདུད་རྩི་གཏུམ་མོའི་མེ༔ བྱིན་རླབས་ཡེ་ཤེས་རླུང་གསུམ་གྱིས༔ རྩ་ཁམས་གསང་བའི་དཀྱིལ་འཁོར་མཆོད༔ དབང་དགའ་ལེན་པ་གསང་བ་སྟེ༔ མི་འཛིན་འཛིན་པ་ཆེན་པོའི་རླུང་༔ མི་སྒོམ་སྒོམ་དང་འདྲེས་པ་ནི༔ ཡང་གསང་མཆོག་གི་བཅུད་ལེན་ནོ༔ འཚོ་བ་གཏན་ནས་སྤངས་པ་ན༔ རྩ་ཡི་ལམ་ཆད་ནུས་པ་མེད༔ དེ་ཕྱིར་ཅུང་ཟད་ཙམ་ལ་བརྟེན༔ འཚོ་བ་ཆུང་ངུ་ལ་བརྟེན་ན༔ རླུང་རིག་དབྱེར་མེད་བརྟན་ཐོབ་འགྱུར༔ བརྩོན་འགྲུས་མི་བརྩོན་ངང་ནས་ཆེ༔ འཚོ་བ་ཆེན་པོ་ལ་བརྟེན་ན༔ འདི་ལ་བརྩོན་འདོད་བརྩོན་འགྲུས་ཞན༔ ནུས་པ་མངོན་དུ་གྱུར་ཉིན་མེད༔ ངག་གི་སྨྲ་བརྗོད་མང་བས་ན༔ རྣམ་རྟོག་རག་སྟེ་གནད་དོན་འཆོར༔ དེས་ན་སྨྲ་བ་བཅད་པར་བྱ༔ འདི་ལ་ལམ་རྟགས་ཡོན་ཏན་ནི༔ བསམ་གྱིས་མི་ཁྱབ་མངོན་པར་འབྱུང་༔ ནམ་མཁའི་དབྱིངས་སུ་འཕུར་བ་དང་༔ ས་འོག་ཟང་ཐལ་འཛུལ་ཡང་ནུས༔ སྤྱན་དང་མངོན་ཤེས་ལ་སོགས་པ༔ ཐུན་མོང་ཡོན་ཏན་དཔག་མེད་འབྱུང་༔ དྲི་ཆེན་དྲི་མེད་དྲི་ཆུ་ བློཾ།༔ བསུང་༔ དེ་ལ་གཉིས་སུ་འཛིན་པ་དང་༔ མངོན་ཞེན་སྐྱེས་ན་བསླུ་བར་འཆོལ༔ སངས་རྒྱས་དང་ནི་སེམས་ཅན་གཉིས༔ འཛིན་མེད་གཟུང་འཛིན་གཉིས་ཀྱིས་ཁྱད༔ གང་ཡང་ཁྱབ་གདལ་ངང་ལ་བཞག༔ དེས་ནི་གྲོལ་བ་མངོན་འཐོབ་བོ༔ གཟུང་འཛིན་ལ་ནི་མངོན་ཞེན་ཚད༔ ཐམས་ཅད་འཁྲུལ་པའི་དུཿ ཁར་འཁྱོལ༔ ཐབས་ལམ་ལ་བརྟེན་ངེས་དོན་དུ༔ གྲོལ་བར་གྱུར་པ་ལམ་གྱི་གནད༔ ཟབ་གསང་ཨ་ཏི་ཡོ་གའི་ཀློང་༔ གྲོལ་ན་ཐམས་ཅད་འདི་ལ་གྲོལ༔ འདིར་མ་ལྟོས་པའི་གྲོལ་བ་འགགས༔ རེ་རློམ་དགའ་བྲོད་ང་རྒྱལ་དང་༔ ཁེངས་སེམས་མངོན་ཞེན་མེད་པ་རུ༔ འཁོར་འདས་རིག་པ་རྗེན་པར་རྫོགས༔ སྣང་ཚད་བདག་མེད་ཆོས་སྐུར་རྟོགས༔ འཁྲུལ་རྟོག་ཁྱབ་གདལ་གཞི་རུ་བཤིག༔ འཛིན་འཆིང་འཛིན་མེད་ངང་དུ་བཤིག༔ གཟུང་ཡུལ་སྒྱུ་མ་ཟང་ཐལ་ངང་༔ འཛིན་པ་གཞི་མེད་རྩ་བྲལ་ངང་༔ གང་ཤར་ཤར་གྲོལ་དུས་མཉམ་ངང་༔ ཀློང་ཤར་ཀློང་ཐིམ་ཀློང་གྲོལ་ངང་༔༷ འགྱུ་དྲན་རང་ཤར་རང་གྲོལ་ངང་༔ རེ་ཡུལ་རང་སེམས་ཆོས་སྐུའི་ངང་༔ དོགས་ཡུལ་རང་རྩལ་རིག་པའི་ངང་༔ མ་ཡེངས་མི་བསྒོམ་ཁྱབ་གདལ་ངང་༔ མ་བཅོས་རིག་པ རང་ངོར་སངས༔ མ་བསླབ་ཤེས་བྱ་ཀློང་ནས་རྒྱས༔ ས་མ་ཡ༔ རྒྱ་རྒྱ་རྒྱ༔ བདག་འདྲ་ཡེ་ཤེས་མཚོ་རྒྱལ་ངས༔ ཕ་ཅིག་པདྨའི་བཀའ་བཞིན་དུ༔ སྙིང་གི་ཡང་ཏིག་ཡི གེར་བྲིས༔ དཔལ་ལྡན་རང་བྱུང་རྒྱལ་མོ་དང་༔ གནོད་སྦྱིན་ཤན་པ་དམར་ནག་དང་༔ ཞིང་སྐྱོང་ཀུན་དགའ་གཞོན་ནུ་སོགས༔ སྔགས་སྲུང་མ་མོ་ཡོངས་ལ་གཉེར༔ ཐུབ་པར་སྲུངས་ཤིག་ས་མ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཟབ་གསང་རྫོགས་པ་ཆེན་པོ་ཀློང་ཡངས་ནམ་མཁའི་རྣལ་འབྱོར་པ། གླིང་པ་བདུད་འཇོམས་རྡོ་རྗེས་གསེར་སྨད་རྔ་ལ་སྟག་རྩེའི་གཡས་ལོགས་རྡོ་རྗེ་བྲག་ནས་བཏོན་ཏེ་མཐར་ཡང་ངེས་དོན་རྫོགས་པ་ཆེན་པོའི་རྣལ་འབྱོར་མ་ཅིག་སྤྲུལ་སྐུའི་སྲས་ཀྱི་ཐུ་བོ་འགྱུར་མེད་བསྟན་འཛིན་གྱིས་བསྐུལ་ངོར་རཱུ་ཊའི་སྙིང་ལྤགས་ཤོག་སེར་ལས་ཞལ་བཤུས་ཏེ་དག་པར་ཕབ་པའི་ཡེ་གེ་པ་ནི་སྔགས་བཙུན་ཕུན་ཚོགས་བཀྲ་ཤིས་སོ།། །། བློཾ།༔ ཟབ་གསང་མཁའ་འགྲོའི་སྙིང་ཐིག་ལས༔ ཐུགས་སྒྲུབ་ཡེ་ཤེས་ཉི་མའི་སྐོར༔ བཅུད་ལེན་སྡོམ་བཟུང་ལེའུའོ༔ ཧཤཤཤན་གརྐཧ་བླཿབླ་རྣབདྷརྣ༔ ངེས་གསང་སྙིང་པོའི་ཀློང་གི་མཛོད༔ ཆོས་ཉིད་སྒྱུ་མར་རོལ་ལ་འདུད༔ རྣལ་འབྱོར་གཏུམ་མོར་འཇུག་འདོད་ན༔ དང་པོ་མལ་ནས་ལངས་མ་ཐག༔ ལས་རླུང་ལན་གསུམ་ཕྱི་ལ་འབུད༔ དེ་ནས་མདུན་གྱི་ནམ་མཁའ་རུ༔ པདྨ་ཉི་ཟླའི་གདན་སྟེངས་སུ༔ སྐུ་གསུམ་ལྷུན་གྲུབ་པདྨ་འབྱུང་༔ དཀར་དམར་མདངས་ལྡན་ཞི་མ་ཁྲོ༔ ཕྱག་གཉིས་རྡོ་རྗེ་བྷནྡྷ་འཛིན༔ ཞབས་གཉིས་རྒྱལ་པོ་རོལ་པའི་སྟབས༔ པད་ཞྭ་ཟ་བེར་ཆོས་གོས་གསོལ༔ མཆན་ཁུང་གཡོན་ན་ཁ་ཊྭཱྃ་མཛེས༔ སྤྱི་གཙུག་ཀུན་བཟང་སྣང་མཐའ་ཡས༔ དམར་གསལ་མཉམ་བཞག་སྐྱིལ་ཀྲུང་ཅན༔ སངས་རྒྱས་བྱང་སེམས་རིག་འཛིན་ཚོགས༔ སྤྲིན་ཕུང་གཏིབས་པ་བཞིན་དུ་གསལ༔ གནས་གསུམ་འོད་འཕྲོས་ཡེ་ཤེས་པ༔ དཔག་མེད་སྤྱན་དྲངས་གཉིས་མེད་བསྟིམས༔ ཨོཾ་བཛྲ་ས་མ་ཡ་ཛ་ཛཿ ཡན་ལག་བདུན་པ་འབུལ་བའི་མཐར༔ ཀྱེེ་ཧོཿ སྟོན་པ་བླ་མེད་སངས་རྒྱས་དང་༔ ཆོས་དང་ཚོགས་མཆོག་དགེ་འདུན་དང་༔ བླ་མ་ཡི་དམ་མཁའ་འགྲོའི་ཚོགས༔ སྐུ་གསུམ་ཡོངས་འདུས་པདྨ་འབྱུང་༔ མཁྱེན་བརྩེའི་བཅུད་ལེན་ ཐུགས་ཀྱིས་བདག་ལ་དགོངས༔ བདག་ནི་འདི་ནས་བྱང་ཆུབ་བར༔ ཁྱེད་རྣམས་ལ་ནི་སྐྱབས་སུ་མཆི༔ ལུས་དང་ལོངས་སྤྱོད་དགེ་རྩ་བཅས༔ རྗེས་ལྷག་མི་འཛིན་ཁྱེད་ལ་འབུལ༔ སྡུག་བསྔལ་འདམ་དུ་བྱིང་བ་ཡི༔ ཕ་མ་སྐྱེ་འགྲོ་སེམས་ཅན་རྣམས༔ སྲིད་པའི་འཆིང་བ་ལས་གྲོལ་ནས༔ རྣམ་མཁྱེན་སངས་རྒྱས་སར་འགོད་ཕྱིར༔ བདག་གི་དཀའ་བ་དང་ལེན་ཞིང་༔ རྡོ་རྗེ་ཐེག་པའི་ལམ་གྱི་མཆོག༔ ཐབས་མཆོག་མྱུར་ལམ་སྙིང་པོར་འཇུག༔ རྡོ་རྗེའི་དམ་ཚིག་ལས་མི་འདའ༔ འོད་གསལ་ཆེན་པོའི་ཉམས་ལེན་ལས༔ བྱང་ཆུབ་བར་དུ་མི་འདའ་འོ༔ དགའ་བཞིའི་ཡེ་ཤེས་ཆེན་པོ་ནི༔ ད་ལྟ་ཉིད་དུ་བདག་རྒྱུད་ལ༔ སྤོར་ཅིག་བསྐྱེད་ཅིག་བདེ་གཤེགས་རྣམས༔ རྩ་ཁམས་དང་ནི་རླུང་གི་ཁམས༔ ཐིག་ལེ་གནས་སུ་དག་པ་ཡི༔ དག་པ་རབ་འབྱམས་བྱིན་ཕོབ་ཅིག༔ ཟབ་ལམ་རྩ་མཆོག་ཀུན་དར་མའི༔ འཁོར་ལོ་ལྔ་ཡི་རྩ་མདུད་རྣམས༔ འོད་གསལ་ཆེན་པོའི་ཐོད་རྒལ་གྱི༔ ལམ་དུ་གྲོལ་བར་བྱིན་གྱིས་རློབས༔ བདེ་ཆེན་འཁོར་ལོའི་ཧཾ་ཡིག་གིས༔ བདེ་སྟོང་ཡེ་ཤེས་བདུད་རྩིའི་རྒྱུན༔ སྤེལ་བའི་རྩ་ཁམས་དཔའ་བོ་དང་༔ ཌཱ་ཀིའི་ཚོགས་ལ་མཉེས་མཆོད་ཅིང་༔ ཉམས་ཆག་ཀུན་སྐོངས་ཚོགས བློཾ།༔ གཉིས་རྫོགས༔ སྒྲིབ་གཉིས་དྲི་མ་ཀུན་དག་ནས༔ དབང་བཞི་ངང་གིས་རྫོགས་ཐོབ་ཅིང་༔ དགའ་བཞིའི་ཡེ་ཤེས་ཉམས་མྱོང་སྟེ༔ རྡོ་རྗེ་ཐེག་པའི་ལམ་གྲོལ་ནས༔ འཕོ་ཆེན་བུམ་སྐུ་འགྲུབ་པ་རུ༔ ད་ལྟ་ཉིད་དུ་བྱིན་གྱིས་རློབས༔ མྱུར་བ་ཉིད་དུ་བྱིན་གྱིས་རློབས༔ བདག་གིས་མ་གྱུར་སེམས་ཅན་ཀུན༔ སྲིད་པའི་མཚོ་ལས་སྒྲོལ་གྱུར་ཅིག༔ འདི་ནས་ཚེ་རབས་ཐམས་ཅད་དུ༔ བྱང་ཆུབ་སེམས་དང་མི་འབྲལ་ཞིང་༔ གང་ལ་གང་འདུལ་ཐབས་མང་གི༔ སྤྲུལ་པས་འགྲོ་བ་འདྲེན་གྱུར་ཅིག༔ དཀོན་མཆོག་གསུམ་དང་རྩ་བ་གསུམ༔ སྐུ་གསུམ་བདེན་པའི་བྱིན་རླབས་ཀྱིས༔ བདག་གིས་སྨོན་པའི་ཚིག་འདི་དག༔ མ་ལུས་བདེན་པར་འགྲུབ་གྱུར་ཅིག༔ འདི་བརྗོད་དུས་སུ་སྐྱབས་ཡུལ་གྱི༔ ཞབས་ལ་མགོ་བོས་རབ་བཏུད་ནས༔ མོས་གུས་གདུང་བས་ལན་གསུམ་བརྗོད༔ དེ་ཚེ་རྒྱལ་བ་སྲས་བཅས་ཀྱིས༔ ཆུད་མི་ཟ་བར་འགྲུབ་གྱུར་ཅིག༔ གསུངས་པར་བསམ་ལ་དགའ་བ་བསྒོམ༔ དེ་ནས་སྐྱབས་ཡུལ་ལྷ་རྣམས་ཀྱིས༔ མངོན་སངས་རྒྱས་པར་ལུང་བསྟན་ཞིང་༔ རང་ལ་གཉིས་མེད་མཉམ་སྦྱོར་རོ༔ ཞག་ནི་བདུན་ནམ་ཉེར་གཅིག་སོགས༔ དང་པོ་ཉུང་ལ་ཇེ་མང་བསླབས༔ མི་སུན་ཚོད་ཀྱིས་བསླབ་པར་བྱ༔ ས་མ་ཡ༔ རྒྱ་རྒྱ་རྒྱ༔ མ་མོ་སྲིད་པའི་རྒྱལ་མོས་སྲུངས༔ དམ་ཉམས་ལྟ་ལོག་དབང་པོ་ སྣུབས༔ ཉམས་སུ་ལེན་ལ་བུ་ལྟར་སྐྱོངས༔ གཡུ་ཡི་ཕྲེང་བ་ཅན་གྱིས་སྲུངས༔ པད་འབྱུང་ཐུགས་ཀྱི་སྲས་ལ་སྤྲོད༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་གླིང་པ བདུད་འཇོམས་རྡོ་རྗེ་ལྷ་བཙུན་འོད་གསལ་སྙིང་པོས་གཏེར་ནས་བཏོན་ཏེ་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ། །སརྦ་མངྒ་ལཾ།། །། ཇོམས་མཁའ་འགྲོ་གསང་ཡེ་152 ཇོམས་མཁའ་འགྲོ་གསང་ཡེ་T1607 - 156 བློཾ།༔ ཟབ་གསང་མཁའ་འགྲོའི་སྙིང་ཐིག་ལས༔ ཐུགས་སྒྲུབ་ཡེ་ཤེས་ཉི་མའི་སྐོར༔ བཅུད་ལེན་འོད་གསལ་སྙིང་པོ་ཡི༔ རྩ་རླུང་བྱིན་རླབས་ཆོས་ཉིད་སྤྲིན་ཕུང་བཞུགས་སོ༔ སརྦརྦདྡྷག༔ རྡོ་རྗེ་ཐེག་པའི་མཛོད་མངའ་བ༔ པདྨ་འབྱུང་གནས་ཞབས་ལ་འདུད༔ རྣལ་འབྱོར་ལམ་འདིར་འཇུག་འདོད་ན༔ ཐོ་རངས་ཐུན་གྱི་དང་པོ་ལ༔ བླ་མར་དབང་བཞི་བླངས་བྱས་ནས༔ སྐྱབས་འགྲོ་སེམས་བསྐྱེད་ལ་འཇུག་ཅིང་༔ བཅུད་ལེན་སྡོམ་བཟུང་བརྗོད་པའི་མཐར༔ ཨཱཿ ཕུང་ཁམས་སྐྱེ་མཆེད་ཉོན་མོངས་ལྔ༔ ཚོགས་ཡུལ་ཨ་འཐས་མོས་འདོད་ཞེན༔ མ་ལུས་སྙིང་དབུས་རིག་པ་ལས༔ རྩལ་ཆེན་འབར་བའི་ཡེ་ཤེས་མེས༔ སྒྱུ་མའི་ངང་དུ་བཞུས་པ་ཡི༔ ཞུ་ལས་འོད་གསལ་མཁའ་འགྲོ་མ༔ དབང་གི་རྟགས་སུ་དམར་ལ་འཚེར༔ འཁོར་འདས་མཉམ་སྦྱོར་ཞི་མ་ཁྲོ༔ སྐུ་གསུམ་ལྷུན་གྲུབ་སྤྱན་གསུམ་ལ༔ སྣང་བ་དབང་སྡུད་གྲི་གུག་གཡས༔ ཁམས་གསུམ་ཁྲག་རོལ་ཐོད་ཁྲག་གཡོན༔ མ་ངེས་གང་འདུལ་གར་གྱི་སྟབས༔ མ་ཆགས་གེ་སར་བཞད་པའི་ཁར༔ སྐྱོན་བྲལ་ཐབས་ཤེས་ཉི ཟླའི་སྟེང་༔ བདག་འཛིན་རཱུ་ཏྲའི་སྙིང་ག་ལ༔ སྲིད་གསུམ་ཟིལ་གནོན་གཡོན་མཐིལ་གཏོད༔ དཔའ་བོའི་རྟགས་སུ་ཁ་ཊྭཱྃ་ཀ༔ དངོས་གྲུབ་ཆར་འབེབས་ནུ་མཚན་རྒྱས༔ ཚོགས་དྲུག སྦྱར་བ་ལྔ་ལྡན་བརྡར༔ རུས་རྒྱན་པད་དཀར་ཕྲེང་བས་སྤྲས༔ སྐུ་དབུས་ཟབ་ལམ་ཀུན་དར་མ༔ ངོ་བོ་སྐུ་གསུམ་མཉམ་སྦྱོར་རྟགས༔ ཕྱི་ནང་བར་གསུམ་དཀར་དམར་སྔོ༔ མ་བཅོས་ཡེ་གྲུབ་སྐུ་བཞིའི་མཚོན༔ དྲང་སྲབ་སྣུམ་གསལ་མཚན་ཉིད་ལྡན༔ རང་བཞིན་ལོངས་སྐུ་གཡས་རོ་མ༔ ཐུགས་རྗེ་སྤྲུལ་སྐུ་གཡོན་རྐྱང་མ༔ ངོ་རང་ཐུགས་རྗེ་དབྱེར་མེད་མཚོན༔ ལྟེ་བའི་འོག་ཏུ་རོ་གཅིག་འདྲེས༔ གང་འདུལ་སྒྱུ་འཕྲུལ་ངོམས་པའི་ཕྱིར༔ ཡར་སྣ་རྣ་ལྟག་གཉིས་ནས་གུག༔ སྣ་བུག་གཉིས་སུ་ཧད་པོར་ཟུག༔ ལས་རླུང་བག་ཆགས་རྩར་འཛག་པ༔ ནད་དང་སྡུག་བསྔལ་མ་ལུས་བཅས༔ རོ་རྐྱང་ལམ་ནས་ན་བུན་ཐོན༔ དབྱིངས་ཀྱི་མཁའ་ལ་ཡལ་བ་ཡི༔ རྩ་རྣམས་སྐྱོན་དང་བྲལ་བསམ་ཞིང་༔ རླུང་རོ་ལན་དགུ་ཕྱི་ལ་འབུད༔ དེ་ནས་རླུང་གི་བཅུད་ལེན་ནི༔ ཨཱཿ སྙིང་དབུས་གེ་སར་བཞད་པའི་ཁར༔ གདལ་ཁྱབ་ཆོས་སྐུའི་མཁའ་འགྲོ་མ༔ མཐིང་ནག་གཅེར་བུ་རྡོར་སྐྱིལ་ཅན༔ མཉམ་བཞག་མཛད་པ་ཚོན་གང་བའི༔ ཐུགས་ཀར་སྲན་མའི་ཚད་ཙམ་ཐིག༔ དེ་དབུས་རང་རིག་ཨཱཿ དཀར་པོ༔ སྤུ་ཡིས་བྲིས་པ་ཙམ་དུ་གསལ༔ སྐུ་གསུམ་རྒྱལ་བ་རྒྱ་མཚོ་ཡི༔ བྱིན་རླབས་ཡེ་ཤེས་རླུང་གི་ཚུལ༔ བློཾ།༔ འཇའ་ཡི་སྐུད་པ་བརྐྱངས་པ་ལྟར༔ སྣ་ཡི་སྒོ་རུ་ཟུག་པ་ནི༔ རྔུབ་པས་རོ་རྐྱང་ལམ་ནས་བརྒྱུད༔ དྭངས་མ་རིག་པ་ཨཱཿ དཀར་ལ༔ ལྷག་མ་སྤྲུལ་པའི་འཁོར་ལོར་འཛག༔ བརྒྱ་སོགས་ཚད་འཛིན་མཁས་པར་བྱ༔ དེ་ནས་ཡེ་ཤེས་གསུམ་སྦྱོར་ནས༔ དབང་གི་ལམ་ལ་འཇུག་པ་ནི༔ ཨཱཿ བདེ་ཆེན་ཚངས་པའི་བུ་ག་རུ༔ ཁྱབ་བདག་མགོན་པོ་འོད་མི་འགྱུར༔ དེ་ནས་སྙིང་ག་ཡན་ཆད་དུ༔ བརྒྱུད་པའི་བླ་མ་རིམ་བཞིན་གསལ༔ རིམ་ཞུ་སྙིང་གི་བླ་མར་འདུས༔ བླ་མ་ཐིག་ལེ་དཀར་དམར་དུ༔ ཞུ་ནས་དཀར་ཆ་ཚངས་པའི་སྒོར༔ ཧཾ་ཡིག་དཀར་གསལ་འོད་འབར་ལ༔ དམར་ཆ་བདེ་སྐྱོང་འཁོར་ལོ་རུ༔ ཨ་ཤད་དམར་གསལ་འོད་དུ་ཤར༔ ཧཾ་ཡིག་འོད་ཀྱིས་རྒྱལ་ཀུན་མཆོད༔ མ་ལུས་སྤྱན་དྲངས་ཧཾ་ལ་བསྟིམས༔ མདངས་ཀྱིས་སྣོད་བཅུད་འབྱུང་བའི་བཅུད༔ ཧཾ་ཡིག་ལ་འདུས་འོད་དུ་འབར༔ བྱིན་རླབས་ཡེ་ཤེས་རླུང་ལྔ་ཡིས༔ ཨ་ཤད་བསྐུལ་བའི་རྒྱུ་རྐྱེན་གྱི༔ རྟེན་འབྲེལ་ཚུལ་དུ་ཤེས་རབ་དང་༔ ཡེ་ཤེས་མེ་ལྕེ་ལྷབ་ཀྱིས་འབར༔ འཁོར་ལོ་རིམ་བཞིན་ཡར་ཁྱབ་མཆོད༔ ཧཾ་ཡིག་ལ་ཕོག་བདེ་སྟོང་གི༔ ཡེ་ཤེས་དཔག་མེད་སྐྱེ་བར་བསམ༔ ཐིག་ལེ་ལས་ནི་ཐིག་པ་བྲན༔ སུམ་ཅུ་རྩ་གཉིས་ བབ་པ་ལས༔ བདེ་ཆེན་འཁོར་ལོའི་རྩ་འདབ་ཁྱབ༔ སངས་རྒྱས་རིགས་མཆོད་ཉམས་ཆག་སྐོངས༔ ཚོགས་གཉིས་རྫོགས་ཤིང་སྒྲིབ་གཉིས་སྦྱངས༔ བཅུ་དྲུག་གཞི་འཛིན་བཅུ་དྲུག་ནི༔ ལོངས་སྤྱོད་འཁོར་བབ་རྩ་འདབ་ཁྱབ༔ པདྨའི་རིགས་མཆོད ཉམས་ཆག་སྐོངས༔ ཚོགས་རྫོགས་སྒྲིབ་པ་མ་ལུས་སྦྱངས༔ བཅུ་དྲུག་ཕྱེད་ནི་གཞི་འཛིན་ལཿ ཕྱེད་ནི་ཆོས་ཀྱི་འཁོར་ལོ་བབས༔ རྡོ་རྗེའི་རིགས་མཆོད་ཉམས་ཆག་སྐོངས༔ ཚོགས་རྫོགས་སྒྲིབ་པ་མ་ལུས་དག༔ ཕྱེད་ཕྱེད་གཞི་འཛིན་ཕྱེད་ཕྱེད་ནི༔ སྤྲུལ་པའི་འཁོར་ལོར་བབ་ཁྱབ་ནས༔ རིན་ཆེན་རིགས་མཆོད་ཉམས་ཆག་སྐོངས༔ ཚོགས་རྫོགས་སྒྲིབ་པ་མ་ལུས་དག༔ གཉིས་ནི་གཞི་འཛིན་དེར་གནས་ཤིང་༔ གཉིས་ནི་བདེ་སྐྱོང་འཁོར་ལོར་བབས༔ ལས་ཀྱི་རིགས་མཆོད་ཉམས་ཆག་སྐོངས༔ ཚོགས་རྫོགས་སྒྲིབ་པ་མ་ལུས་དག༔ གཅིག་ནི་གཞི་འཛིན་ལ་གནས་ཤིང་༔ གཅིག་ནི་མེ་ཡི་གསོས་སུ་བབ༔ མེ་རླུང་བདུད་རྩི་དབྱེར་མེད་འབར༔ བདེ་སྐྱོང་འཁོར་ལོའི་རྩ་རྣམས་ཁྱབ༔ རིག་རྩལ་དབང་ཐོབ་མཉམ་སྦྱོར་གྱི༔ ཡེ་ཤེས་ཉམས་སུ་མྱོང་བར་བསམ༔ ལྟེ་བར་ཚིག་དབང་ལྷན་སྐྱེས་དགའ༔ སྙིང་གར་ཤེར་དབང་ཁྱད་དགའ་དང་༔ མགྲིན་པར་གསང་དབང་མཆོག་ཏུ་དགའ༔ སྤྱི་བོར་བུམ་དབང་དགའ་བ་ཡི༔ ཡེ་ཤེས་ཉམས་སུ་མྱོང་བར་བསམ༔ རིམ་བཞིན་རླུང་གི་ཁུག་པས་བཀྱག༔ མཆོད་པས་མི་མཐུན་ཕྱོགས་ཀུན་བསྲེག༔ ཕྲར་བསྡུས་སྤྲོས་བྲལ་ཆེན་པོའི་ངང་༔ མ་འོངས་ང་ཡི་རྗེས་འཇུག་རྣམས༔ དུས་དང་བསྟུན་པའི་ཁྱད་ཆོས་འདི༔ རྩ་རླུང་ཀུན་གྱི་ཡང་བཅུད་ཡིན༔ ཚུལ་བཞིན་ཉམས་ལེན་རྣལ་འབྱོར་ནི༔ ཚེ་འདིར་གྲོལ་བ་ ཟ།༔ མ་ཐོབ་ན༔ པདྨ་བདག་གིས་ཕྱི་རབས་བསླུས༔ མི་ཡེངས་ངང་ནས་འདིར་སྤྱོད་ན༔ ཚེ་དང་སྒྲུབ་པ་མཐའ་རུ་ཕྱིན༔ གནོད་སྦྱིན་ཤན་པ་དམར་ནག་དང་༔ ཞིང་སྐྱོང་ཀུན་དགའ་གཞོན་ནུ་དང་༔ བཙན་དམར་སྲོག་གི་སྤུ་གྲིས་སྲུངས༔ དམ་ཉམས་ལག་ཏུ་མ་བཏང་ཞིག༔ སྣོད་མིན་རྣམས་ལ་གསང་རྒྱ་ཐོབ༔ སྐུ་ཡི་རྒྱ༔ གསུང་གི་རྒྱ༔ ཐུགས་ཀྱི་རྒྱ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་གར་དབང་བདུད་འཇོམས་རྡོ་རྗེ་ཁྲག་འཐུང་རོལ་པ་རྩལ་ལྷ་བཙུན་འོད་གསལ་སྙིང་པོ་སྔགས་ནག་ཧཱུྃ་ཆེན་ཀཱ་ར་གླིང་པ་མཁའ་འགྲོའི་གཙོ་མཆོག་ཀློང་ཆེན་མི་འགྱུར་རྡོ་རྗེ་ལ་སོགས་དཔའ་བོ་མཁའ་འགྲོའི་གླིང་དུ་མིང་གི་ཐ་སྙད་གྲགས་པ་དོན་ལ་ཀུན་གྱི་སྐུར་འདེབས་དང་གླེང་མོ་ཐ་སྙད་ཀྱི་གནས་མ་ནུས་སྤྲང་སྨྱོན་ཟོབ་རྫུན་མཁན་དེས་ས་མོ་ལུག་གི་ལོར་ཧོར་ཟླ་བཅུ་གཅིག་པའི་ཚེས་བཅུའི་ཉིན་གསེར་སྨད་རྔ་ལ་སྟག་རྩེའི་གཡས་ལོགས་བྲག་རྡོ་རྗེ་ཞེས་གྲགས་པའི་བྲག་དཀར་སེང་གེ་འདྲ་བའི་མགུལ་ནས་བཏོན་ཏེ་མི་ལོ་བཞི་ལ་བཀའ་རྒྱས་བཏབ་ནས་མཐར་སྨར་སྟོད་འབྲོས་ཕུག་ཅེས་པའི་དབེན་པའི་ཁྲོད་དུ་དཔལ་ལྡན་རང་བྱུང་རྒྱལ་མོས་བསྐུལ་བའི་ངོར་ཤོག་སེར་ལས་ཞལ་བཤུས་ཏེ་དག་པར་ཕབ་པའི་ཡི་གེའི་མཐུན་རྐྱེན་ཕུན་ཚོགས་བཀྲ་ཤིས་ཀྱིས་བགྱིས་པ་དགེའོ། །སརྦ་མངྒ་ལཾ།། ། 158 TI1607 - 162 ཟབ་གསང་མཁའ་འགྲོའི་སྙིང་ཐིག་ལས༔ ཐུགས་སྒྲུབ་ཡེ་ཤེས་ཉི་མའི་སྐོར༔ ནད་སེལ་ལུས་ཀྱི་སྦྱིན་པ༔ འཛིན་པ་རང་གྲོལ ཞེས་བྱ་བ་བཞུགས་སོ༔ T11607 - 163 ཝྃ།༔ སྨྲ༔གཀཊགག༔སྨྲ༔ ན་མོ་གུ་རུ་དྷེ་ཝ་ཌཱ་ཀི་ནཱི༔ མ་འོངས་དུས་ཀྱི་རྣལ་འབྱོར་རྣམས༔ གཞན་དག་ནད་ལས་གྲོལ་བའི ཐབས༔ འཛིན་པ་རང་གྲོལ་ཉམས་སུ་ལོངས༔ གཞི་མར་ལ་ནི་སུམ་ཡིག་བྲི༔ དེ་སྟེང་བམ་རོ་གཅིག་བཞག་སྟེ༔ གཏུབ་པའི་མཚོན་ཆ་རལ་གྲི་བཞག༔ ལན་ཆགས་དམར་གཏོར་བཅུ་རེ བཞག༔ ཕཊཿཀྱིས་རིག་པ་དབྱིངས་སུ་སྤར། མཆན། རང་ཉིད་གསང་བ་ཡེ་ཤེས་ཀྱི་མཁའ་འགྲོ་མ་དམར་མོ་སྐུ་ཆེ་ཞིང་དཔའ་གཏུམ་རྔམས་ཤིང་བརྗིད་པ་ཕྱག་གཡས་མི་ལྤགས་ཀྱི་གཡང་གཞི་ལན་གསུམ་བརྡབས་པས་ཁམས་གསུམ་དབང་དུ་འདུ་བ༔ གཡོན་པས་མི་རྐང་གི་གླིང་བུ་ལན་གསུམ TI1607 - 164 ༦ཀ_UNK།༔ འབུད་པས་སྲིད་གསུམ་ཟིལ་གྱིས་གནོན་པར་བསྒོམ༔ ཕཊ་ཕཊ་ཕཊ༔ དང་པོས་དབྱིངས་ནས་བཞེངས། གཉིས་པས་རྒྱན་དང་ཆ་ལུགས་གསལ། གསུམ་པས་མ་འདྲེས་ཅི་བཞིན་བསྐྱེད་པའོ། །མཆན། དེ་ནས་དབང་སྡུད་ཟིལ་གནོན་མཐར༔ ཕཊཿཀྱིས་རང་དང་དམིགས་བྱའི་སྙིང་དབུས་དྭངས་མའི་ཐིག་ལེ་བསྐྱེད། མཆན། རང་དང་དམིགས་བྱ་དབྱེར་མེད་པའི༔ སྙིང་དབུས་དྭངས་མའི་ཐིག་ལེ་ནི༔ ནམ་མཁའི་སྐར་མདའ་ཆད་པ་ལྟར༔ ཁྱབ་གདལ་དབྱིངས་ཀྱི་མཁའ་ལ་འཕོས༔ ཕཊ༔ དང་པོས་འཕོས་ཕཊ༔ གཉིས་པས་བཞེངས་ཕཊ༔ གསུམ་པས་རྫོགས་པར་གསལ། མཆན། དབྱིངས་ནས་རང་བྱུང་TI1607 - 165 མཁའ་འགྲོ་མ༔ དམར་གསལ་གྲི་ཐོད་ཁ་ཊྭཱྃ་ཀ༔ སྣང་སྲིད་ཁྱབ་པའི་སྐུར་བསྒོམ་མོ༔ ལས་བྱེད་སྤྲུལ་པས་ཁམས་གསུམ་ཁྱབ༔ ཕཊ་ཕཊ་ཕཊ༔ དང་པོས་བམ་གཟུགས་དང་འདྲེས་གཉིས་པས་འདྲེས་གསུམ་པས་དབྱེར་མེད་པར་བསམ། མཆན། ཅེས་བམ་རོ་དང་ཕུང་པོ་དབྱེར་མེད་དུ་འདྲེས་པར་བསམ་ལ༔ ཕཊ་ཕཊ་ཕཊ༔ དང་པོས་མགྲོན་རྣམས་ཀྱིས་ཐོས་གཉིས་པས་འོང་གསུམ་པས་འདུས་པར་བསམ། མཆན། མཐོ་སྲིད་པའི་རྩེ་མོ་མན་ཆད༔ དམའ་ན་རཀ་དམྱལ་ཁམས་ཡན་ཆད༔ བར་སྟོང་གསུམ་རབ་འབྱམས་རྒྱ་མཚོའི་འཇིག་རྟེན་ཐམས་ཅད་ཁྱབ་པའི་མི་རོ་ཆེ་ལ་སྣམ་ཞིང་བཅུད་རོ་བརྒྱ་ནུས་པ་སྟོང་དང་ལྡན་པར་གྱུར༔ ཕཊ་ཕཊ་ཕཊ༔ དང་པོས་སྤེལ གཉིས་པས་བསྒྱུར་གསུམ་པས་བརླབས། མཆན། མཐོང་བས་ཚིམ་པ༔ ཐོས་པས་འགྲང་བ༔ དྲན་པས་བདེ་བ༔ རེག་ཅིང་མྱོང་བས་གྲོལ་བ༔ འདོད་ཡོན་ལོངས་སྤྱོད་གང་ལ་གང་མཁོ་བའི་མཐུན་རྫས་སྣ་ཚོགས་རྒྱུན་མི་ཆད་པར་འཕྲོ་བའི་རང་བཞིན་ཅན་དུ་གྱུར༔ ཕཊ་ཕཊ་ཕཊ༔ དང་པོས་ལྟ་བའི་གདིང་བསྐྱེད་གཉིས་པས་མངོན་འགྱུར་དུ་འཇོག་གསུམ་པས་རྗེས་ཤེས་ཆོས་ཉིད་ཀྱི་རོལ་པར་བལྟའོ། །མཆན། ཅེས་མགྲོན་འབོད་མཐར༔ ཕཊ༔ ཁྱབ་གདལ་ཆོས་སྐུའི་རྣལ་འབྱོར་ངས༔ གཅེས་པར་འཛིན་པའི་ལྷན་སྐྱེས་