Tibetan
མར་གཤེ༔ དམ་ཚིག་མི་སྲུང་ སྔགས་པར་ཁས་འཆེ་ཡང་༔ འབྲས་བུ་བསྒྱུར་མི་བཏུབ་པ་ཆུ་བཤིགས་མར༔ དེས་ན་དམ་ཚིག་ལྡན་པའི་རྣལ་འབྱོར་རེ༔ ཉིན་སྐར་ཙམ་ཞིག་མཆིས་ན་འདི་ལྟར་སྒྲུབ༔ རྡོ་རྗེའི་བླ་མ་དཔྲལ་བའི་མིག་བཞིན་བསྟེན༔ དམ་ཚིག་སྡོམ་པ་སྲོག་གི་གཏའ་རུ་ཟུངས༔ ཚེ་གཅིག་དབེན་པའི་རི་ལ་བསྒྲུབ་ཚུགས་ཟུངས༔ བསྐྱེད་རྫོགས་དབྱེར་མེད་དོན་ལ་མཉམ་པར་ཞོག༔ གང་ཤར་གང་སྣང་ཆོས་ཉིད་རོལ་པར་བལྟ༔ གཏད་མེད་ངང་ནས་ཧཱུྃ་གི་སྣང་གླུ་ལེན༔ མ་བཅོས་རྒྱལ་པོ་སྙེམས་ཁྲལ་དོན་ལ་བསླབ༔ འཁོར་འདས་དབྱེར་མེད་རྫོགས་པའི་ལྟ་ཕུག་ཟུངས༔ གསལ་སྟོང་དབྱེར་མེད་བསྒོམ་པའི་ངང་ལ་ཞོག༔ རེ་དོགས་ཀུན་བྲལ་སྤྱོད་པའི་ངང་ལ་གནས༔ འཛིན་ཞེན་འཁྲུལ་སྣང་ཆོས་སྐུར་མ་དག་བར༔ ནག་ཆང་སྤྱོད་དང་བག་མེད་སྤྱོད་པ་སྤོངས༔ བསྐྱེད་རྫོགས་གདིང་མེད་གསང་སྔགས་བོན་མ་གྱེར༔ གྲུབ་མཐའ་ཕྱོགས་རིས་རང་གི་རྒྱུད་མ་བཅིངས༔ ལོག་འཚོའི་ཟས་ལ་སྲེད་པའི་ཞེན་ཐག་ཆོད༔ ཆོས་བརྒྱད་ཇག་པའི་དབང་དུ་ཡང་མི་བཏང་༔ གཏམ་སྙན་ངོ་བསྟོད་ཚིག་གི་རྗེས་མ་འབྲངས༔ འདུ་ལོང་ཟང་ཟིང་རྙེད་འཚོལ་ཆགས་སྡང་སྤོངས༔ རང་བསྟོད་གཞན་སྨད་མི་དགེའི་ལས་མ་གསོགས༔ ཚུལ་ཆོས་ཟོལ་ཟོག་སྙིགས་མའི་འགྲོ་མ་བསླུ༔ རྣམ་སྨིན་དཀར་ནག་ལས་ཀྱི་རྗེས་སུ་འབྲང་༔ བྱ་བྱེད་མང་པོ་འདི་ཕྱིར་སྡུག་ལ་སྦྱོར༔ གཅིག་མ་འགྲུབ་པར་ཀུན་ལ་སྤྱོད་ཟེར་ནས༔ དངོས་གྲུབ་ཐོབ་འདོད་རེ་བ་མགོ་རེ་འཁོར༔ རྩ་རླུང་ཐིག་ལེ་གནད་དུ་མ་འབྱོངས་པར༔ གསང་སྔགས་ཡིན་ཟེར་ཆགས་སྦྱོར་ལམ་དུ་བྱེད༔ དམྱལ་བའི་རྒྱུ་བསྒྲུབ་འབྲས་བུ་སྡུག་བསྔལ་འབྱུང་༔ ཐིཾ།༔ རང་དོན་ཕུག་བཅུག་གཞན་དོན་བྱེད་ཟེར་ནས༔ མིག་ཟླུམ་ལུས་བཅོས་ངག་སྐན་ཆོས་འཆད་ཀྱང་༔ རང་རྒྱུད་མ་གྲོལ་གཞན་ལ་ཕན་མི་ཐོགས༔ ལོང་བའི་དེད་དཔོན་ལྟ་བུས་འགྲོ་མི་སྒྲོལ༔ རང་གཞན་གཉིས་ཀྱང ངན་སོང་འོབ་ཏུ་ལྟུང་༔ དེ་འདྲའི་སྤྱོད་པ་ནམ་ཡང་མི་བྱེད་པར༔ རང་དོན་ཆོས་སྐུ་མངོན་དུ་མ་གྱུར་བར༔ བསྐྱེད་རྫོགས་ཟབ་མོའི་ཉམས་ལེན་འདིར་བརྩོན་ན༔ གཞན་དོན་ཞོར་ལ་འབྱུང་ཞིང་རང་དོན་གྲུབ༔ ནམ་ཞིག་གདོད་མའི་ནང་དབྱིངས་ཆེན་པོ་རུ མངོན་སངས་རྒྱས་ཚེ་ཉི་མཁར་གནས་པའི་ཚེ༔ འོད་དང་འོད་ཟེར་རང་བཞིན་ཤུགས་འབྱུང་ལྟར༔ འབད་པ་མེད་པར་སྤྲུལ་པ་རྣམ་བཞི་ཡིས༔ ཁམས་གསུམ་འཁོར་བ་དོང་ནས་མ་སྤྲུག་བར༔ འགྲོ་བའི་དོན་ཀུན་མཛད་པ་ཉེ་བར་སྟོན༔ ཚེ་དང་སྒྲུབ་པ་མཉམ་མཛོད་རྗེས་འཇུག་རྣམས༔ ངས་ནི་ཚེ་གཅིག་སྒྲུབ་པ་ལྷུར་བླངས་ནས༔ བསྐྱེད་རྫོགས་ཟབ་མོའི་ཤིང་རྟ་ལ་འཛེགས་ནས༔ ཚེ་གཅིག་འཕོ་བ་ཆེན་པོའི་སྐུ་བརྙེས་པས༔ འཁོར་བ་ཅི་སྲིད་རྒྱལ་བའི་ཕྲིན་ལས་བསྒྲུབ༔ བྱང་ཆུབ་སེམས་ཀྱི་འབྲས་བུ་སྨིན་པ་ཡིན༔ ས་མ་ཡ༔ བཀའ་འདི་བཀའ་སྲུང་དྲེགས་པའི་ཚོགས་ལ་གཉེར༔ མདོ་ཁམས་ཤྭ་བྲག་རྡོ་རྗེ་ཅན་མགུལ་སྦོས༔ མ་འོངས་སྙིགས་མ་ལྔ་བདོའི་དུས་ཤར་ཚེ༔ ཨོ་རྒྱན་ཆེ་མཆོག་རྡོ་རྗེ་ཁྲོ་ལོད་དང་༔ གཉིས་མེད་རྣལ་འབྱོར་ཞིག་པོ་བདུད་འཇོམས་གླིང་༔ ངེས་མེད་སྤྱོད་པས་འགྲོ་བ་ཐབས་ཀྱིས་འདུལ༔ སྐར་ཚོགས་གྲངས་ཀྱི་གདུལ་བྱ་དཔལ་རིར་འདྲེན༔ སྐྱེས་བུ་དེ་ལ་སྤྲད་པའི་གཉེར་བྱང་གྱིས༔ ལུང་ཟིན་ཆོས་བདག་ཤར་ནས་དྷརྨའི་མཚན༔ ཤར་ལྷོ་མཁྱེན་མིང་T11606 - 087 ལྷོ་ཕྱོགས་རྒྱལ་མཚན་དང་༔ མ་ཧཱ་དང་ནི་སྣ་ཚོགས་རང་གྲོལ་མཚན༔ ནུབ་ནས་བྷ་ཏྲ་མ་ཧཱ་སུ་ཁ་དང་༔ བྱང་ནས་རྣམ་པར་རྒྱལ་དང་སངྒཱའི་མཚན༔ དེ་སོགས་ཆོས་བདག་གཙོ་བོ་ཉེར་ལྔ་དང་༔ ཕྲན་སྟོང་རིག་འཛིན་ཐོབ་པ་བཅུ་གསུམ་ཙམ༔ འབྲེལ་ཚད་དོན་ལྡན་རྣལ་འབྱོར་བརྒྱ་ཕྲག་བརྒྱད༔ ལམ་སྣ་ཟིན་པ་ལྔ་སྟོང་ཙམ་དུ་འབྱུང་༔ ཆོས་འདི་འཛམ་གླིང་ཕྱེད་ཆ་ཁྱབ་པ་ཡིས༔ རྟེན་འབྲེལ་མཐུ་དང་ལྡན་ན་ལོ་བརྒྱའི་བར༔ མཐའ་དམག་དུས་ཀྱི་འཁྲུག་པ་ཞི་བར་འགྱུར༔ དགོན་སྡེ་གང་གིས ཉམས་སུ་བླང་ན་ཡང་༔ དེ་ཕྱོགས་གྲྭ་ཚན་དམངས་རྣམས་བདེ་སྐྱིད་ལྡན༔ བདེ་ལེགས་འབྲས་བུའི་དཔལ་རྒྱས་མི་ཕྱུགས་ནད༔ ཀུན་ཞི་བསམ་པའི་དོན་རྣམས་འབད་མེད་འགྲུབ༔ སྨོན་ལོག་བཀའ་འདིའི་སྣོད་དུ་མ་གྱུར་པ༔ ཨ་བྷི་སུཪྻ་དམན་མོ་ཛ་ཏྲི་དང་༔ ངང་མོའི་ཁྱུ་ནས་དགེ་བཙུན་དྷརྨ་གཉིས༔ རལ་ནག་ཁུར་ལྕི་ཨརྠ་ས་མན་པ༔ དེ་སོགས་བདུད་པོ་ལྔ་བདུན་དག་ལ་ནི༔ རླུང་ཕྱོགས་ཙམ་དུ་མ་བསྒྲགས་ཨ་ཐམ་རྒྱ༔ ས་མ་ཡ༔ རྒྱ་རྒྱ་རྒྱ༔ སྐུའི་རྒྱ༔ གསུང་གི་རྒྱ༔ ཐུགས་ཀྱི་རྒྱ༔ དབྱིངས་རྒྱ༔ གཏད་རྒྱ༔ ཟབ་རྒྱ༔ སྦས་རྒྱ༔ རྒྱ་བདུན་གྱིས་ནི་ལེགས་པར་བཏབ་བྱས་ཏེ༔ ཕྱི་ཡི་སྲུང་མ་རྔ་རོལ་སྟག་རྩེ་དང་༔ ནང་གི་སྲུང་མ་གཡུ་ཡི་ཕྲེང་བ་ཅན༔ སྒོས་ཀྱི་སྲུང་མ་མ་བདུན་སྲིང་བཞིར་གཉེར༔ ཐུབ་པར་སྲུངས་ཤིག་བཛྲ་ས་མ་ཡ༔ ཞེས་པ་འདི་ཉིད་ཤིང་མོ་ལུག་ལོར་གསེར་སྨད་རྔ་རོལ་སྟག་རྩེའི་གཡས་ལོགས་རྡོ་རྗེ་བྲག་ནས་བཏོན་པའི་ཚེ། ནམ་མཁའ་ནས་རྔ་གླིང་རོལ་མོའི་སྒྲ་ལྡིར་དྲི་བཟང་གིས་ལུང་པ་ཁྱབ། གླ་བ་རྙིས་ཟིན་པ་བཀྲོལ་བ་སོགས་རྟེན་འབྲེལ་ཕུན་སུམ་ཚོགས་ ཐོ།།༔ པའི་དུས་ཚིགས་དང་བསྟུན་ཏེ་སྤྱན་དྲངས་ཏེ་མཐར་སྨོན་ལམ་ལས་ཀྱིས་འབྲེལ་བའི་སྐྱེས་བུ་དམ་པ་ཆོས་ཀྱི་བདག་པོ་སྤྲུལ་པའི་སྐུ་སྣ་ཚོགས་རང་གྲོལ་གྱིས་གསེར་དངུལ་གཡུ་བྱུར་ལྷ་གོས་བཅས་ལན་གྲངས་དུ་མར་བསྐུལ་བ་དང་། མཁྱེན་རབ་རྒྱ་མཚོས་ཀྱང་ཤིན་ཏུ་དགོས་གལ་གྱིས་ནན་ཆེར་བསྐུལ་བ་ལ་བརྟེན་ནས་རཱུ་ཏྲའི་སྙིང་ལྤགས་ཤོག་སེར་བྱ་ཁྲའི་གཟུགས་ཅན་གྱི་ངོས་ནས་ཨོ་རྒྱན་གྱི་ཕྱག་བྲིས་རྒྱ་སྐད་ལྟར་བྲིས་པ་ལས་ལྷག་ཆད་མེད་པར་རང་བཞིན་རྫོགས་པ་ཆེན་པོའི་རྣལ་འབྱོར་པ་གར་དབང་བདུད་འཇོམས་གླིང་པས་བསྒྱུར་བའོ། །དགེའོ །དགེའོ། །དགེའོ། །ལེགས་སོ། །སརྦ་མངྒ་ལཾ།། 8 བསྐྱེད T1606 - 089 T11606 - 090 ཐོ།༔ ཟབ་གསང་མཁའ་འགྲོའི་སྙིང་ཐིག་ལས༔ བདེ་གཤེགས་གསང་བ་འདུས་པའི་སྨན་རཀ་གཏོར་གསུམ་གྱི་མཆོད་པ་དངོས་གྲུབ་ཀུན་འབྱུང་བཞུགས༔ ན་མོ་གུ་རུ་པདྨ་ཀ་ར་ཡེ༔ ཤཤཤ༔ སྣང་སྲིད་སྣོད་བཅུད་ཐམས་ཅད་ཀུན༔ ཡེ་ཤེས་བདུད་རྩིར་བྱིན་རླབས་ཏེ༔ བདེ་གཤེགས་རྒྱལ་བ་ཐམས་ཅད་ལ༔ རང་ལས་སྤྲུལ་པའི་ལྷ་མོའི་ཚོགས༔ མཐེབ་སྲིན་ཉི་ཟླ་ཁ་སྦྱར་ནས༔ ཡོངས་མཆོད་དགྱེས་པ་ཆེན་པོར་བསམ༔ ཨོཾ་ཨཱཿ ཧཱུྃ༔ ཆོས་སྐུ་ཀུན་བཟང་ཡབ་ཡུམ་ཞལ་དུ་སརྦ་པཉྩ་ཨ་མྲྀ་ཏ་རཀྟ་བ་ལིངྟ་ཁ་རཾ་ཁཱ་ཧི༔ ལོངས་སྐུ་རྒྱལ་བ་རིགས་ལྔའི་ཞལ་དུ་སརྦ་པཉྩཿ སྤྲུལ་སྐུ་རྡོ་རྗེ་སེམས་དཔའི་ཞལ་དུ་སརྦཿ ཡང་སྤྲུལ་དགའ་རབ་རྡོ་རྗེའི་ཞལ་དུ་སརྦཿ རྡོ་རྗེ་ཆོས་དང་ལས་ཀྱི་དབང་མོའི་ཞལ་དུ་སརྦཿ གྲུབ་ཆེན་ཧཱུྃ་ཆེན་ཀཱ་རའི་ཞལ་དུ་སརྦཿ སློབ་དཔོན་འཇམ་དཔལ་བཤེས་གཉེན་ཞལ་དུ་སརྦཿ གུ་རུ་ཤྲཱི་སིངྷའི་ཞལ་དུ་སརྦཿ པཎ་ཆེན་བི་མ་མི་དྲའི་ཞལ་དུ་སརྦཿ སློབ་དཔོན་པདྨ་འབྱུང་གནས་ཞལ་དུ་སརྦཿ ཆོས་རྒྱལ་ཁྲི་སྲོང་ལྡེའུ་བཙན་ཞལ་དུ་སརྦཿ མཁའ་འགྲོ་ཡེ་ཤེས་མཚོ་རྒྱལ་ཞལ་དུ་སརྦ་སྤྲུལ་པའི་རྗེ་འབངས་ཉེར་ལྔའི་ཞལ་དུ་སརྦཿ གཏེར་སྟོན་བརྒྱ་དང་རྩ་བརྒྱད་ཞལ་དུ་སརྦཿ ཁྲག་འཐུང་བདུད་འཇོམས་རྡོ་རྗེའི་ཞལ་དུ་སརྦཿ དྲིན་ཆེན་རྩ་བའི་བླ་མའི་ ཞལ་དུ་སརྦཿ སྤྱི་དཔལ་ཆེ་མཆོག་ཧེ་རུ་ཀའི་ཞལ་དུ་སརྦཿ ཡུམ་མཆོག་གནམ་ཞལ་དབྱིངས་ཕྱུག་མའི་ཞལ་དུ་སརྦཿ ཁྲག་འཐུང་རིགས་བཞི་ཡབ་ཡུམ་ཞལ་དུ་སརྦཿ ཡེ་ཤེས་ཁྲོ་བོ་བཅུ་ཡི་ཞལ་དུ་སརྦཿ ཏ་ཀྲྀཏ་སྒོ་བ་བཞི་ཡི་ཞལ་དུ་སརྦཿ ཡང་དག་ཐུགས་ཀྱི་ལྷ་ཚོགས་རྣམས་ཀྱི་ཞལ་དུ་སརྦཿ འཇམ་དཔལ་སྐུ་ཡི་ལྷ་ཚོགས་རྣམས་ཀྱི་ཞལ་དུ་སརྦཿ པདྨ་གསུང་གི་ལྷ་ཚོགས་རྣམས་ཀྱི་ཞལ་དུ་སརྦཿ ཕུར་པ་ཕྲིན་ལས་ཀྱི་ལྷ་ཚོགས་རྣམས་ཀྱི་ཞལ་དུ་སརྦཿ མ་མོ་རྦོད་གཏོང་གི་ལྷ་ཚོགས་རྣམས་ཀྱི་ཞལ་དུ་སརྦཿ རིག་འཛིན་བླ་མའི་ལྷ་ཚོགས་རྣམས་ཀྱི ཞལ་དུ་སརྦཿ འཇིག་རྟེན་མཆོད་བསྟོད་ཀྱི་ལྷ་ཚོགས་རྣམས་ཀྱི་ཞལ་དུ་སརྦཿ དམོད་པ་དྲག་སྔགས་ཀྱི་ལྷ་ཚོགས་རྣམས་ཀྱི་ཞལ་དུ་སརྦཿ དཔལ་གྱི་བཀའ་སྡོད་ཀྱི་ལྷ་ཚོགས་རྣམས་ཀྱི ཞལ་དུ་སརྦ་པཉྩ་ཨ་མྲྀ་ཏ་རཀྟ་བ་ལིངྟ་ཁ་རཾ་ཁཱ་ཧི༔ སྐུ་གསུང་ཐུགས་ཀྱི་རྒྱུད་མཉེས་ཤིང་ཚིམ་ནས་བདག་ཅག་སྒྲུབ་པ་པོ་རྣམས་ལ་མཆོག་ཐུན་མོང་གི་དངོས་གྲུབ་མ་ལུས་པ་བདག་ལ་སྩལ་དུ་གསོལ༔ རྩ་སྔགས་ཀཱ་ཡ་སིདྡྷི་ཨོཾ༔ ཝཱཀ་སིདྡྷི་ཨཱཿ ཙིཏྟ་སིདྡྷི་ཧཱུྃ༔ སརྦ་སིདྡྷི་ཧྲཱིཿ དེ་ལྟར་བདུད་རྩི་སྨན་མཆོད་ཀྱིས༔ དཀྱིལ་འཁོར་ལྷ་ཚོགས་མཉེས་ཤིང་ཚིམ༔ མཆོག་དང་ཐུན་མོང་ ཐོ།༔ དངོས་གྲུབ་ཐོབ༔ ས་མ་ཡ༔ རྒྱ་རྒྱ་རྒྱ༔ ༔ ཞེས་པ་འདི་ཉིད་གར་དབང་བདུད་འཇོམས་རྡོ་རྗེས་ཤོག་སེར་ལས་གཏན་ལ་ཕབ་པའོ། །དགེའོ །དགེའོ །དགེའོ།། 0 8། སྨན་རཀ་89གཉིས་སོ། གཏོར་མཆོད་TI1606 - 093 TI1606 - 093 T11606 - 094 81 ཝྃ།ཿ ཟབ་གསང་མཁའ་འགྲོའི་སྙིང་ཐིག་ལས༔ བདེ་གཤེགས་གསང་བ་འདུས་པའི་ཚོགས་མཆོད་འདོད་རྒུའི་དཔལ་སྟེར་བཞུགས༔ ཚོགས་གཅིག་T1606 - 095 ཝྃ།༔ ཧཱ།ཀཤྨགགླ།རྞྞཊརྐརྦ།བྶཧྱད ན་མོ་གུ་རུ་དྷེ་ཝ་ཌཱ་ཀི་ནཱི༔ བདེ་གཤེགས་གསང་ཆེན་དཀྱིལ་འཁོར་དུ༔ འཇུག་ཅིང་བསྒྲུབ་པ་ལྷུར་ལེན་པས༔ རྣལ་འབྱོར་ཉམས་ཆག་བསྐང་བ་དང་༔ ཚོགས་རྫོགས་དངོས་གྲུབ་མྱུར་ཐོབ་ཕྱིར༔ ཚོགས་ཀྱི་འཁོར་ལོའི་ཆོ་ག་ལ༔ ཤ་ཆང་ཟས་སྣ་སྤོད་ཀྱི་རིགས༔ བཤམས་ཏེ་བྱིན་གྱིས་བརླབས་པ་ལ༔ ཧཱུྃ༔ རང་ཉིད་ལྷ་ཡི་ཐུགས་ཀ་ནས༔ རཾ་ཡཾ་ཁཾ་གི་ཡི་གེ་འཕྲོས༔ རཾ་ལས་མེ་བྱུང་དངོས་འཛིན་བསྲེག༔ ཡཾ་ལས་རླུང་བྱུང་བག་ཆགས་གཏོར༔ ཁཾ་ལས་ཆུ་བྱུང་དྲི་མ་སྦྱངས༔ སྟོང་ཆེན་དབྱིངས་ཀྱི་ཀ་པཱ་ལར༔ རྡོ་རྗེ་སྙིང་པོ་འབྲུ་གསུམ་ཞུ༔ སྐུ་གསུང་ཐུགས་ཀྱི་བྱིན T11606 - 096 ཤུ ༡ ཝྃ།༔ བརླབས་པས༔ མྱོང་གྲོལ་ཡེ་ཤེས་བདུད་རྩི་ལས༔ འདོད་ཡོན་ནམ་མཁའ་མཛོད་དུ་སྤེལ༔ ཨོཾ་ཨཱཿ ཧཱུྃ༔ ལན་གསུམ༔ དེ་ནས་སྤྱན་འདྲེན་ལ༔ ཧཱུྃ༔ འོག་མིན་ཆོས་ཀྱི་དབྱིངས་ཀྱི་ཕོ་བྲང་ནས༔ རིག་འཛིན་སློབ་དཔོན་དཀྱིལ་འཁོར་ལྷ་ཚོགས་ལ༔ བདེ་གཤེགས་སྤྱི་དཔལ་ཆེན་པོ་འཁོར་དང་བཅས༔ གནས་འདིར་ཚོགས་ལ་སྤྱན་འདྲེན་གཤེགས་སུ་གསོལ༔ རང་བྱུང་ལྷུན་གྲུབ་བདེ་ཆེན་དཀྱིལ་འཁོར་ནས༔ འཇམ་དཔལ་སྐུ་ཡི་ལྷ་ཚོགས་གཤེགས་སུ་གསོལ༔ བདེ་ཆེན་དབང་དྲག་རོལ་པའི་དཀྱིལ་འཁོར་ནས༔ པདྨ་གསུང་གི་ལྷ་Tl1606 - 097 ཚོགས་གཤེགས་སུ་གསོལ༔ ཐུགས་མཆོག་འགྱུར་བ་མེད་པའི་དཀྱིལ་འཁོར་ནས༔ ཡང་དག་ཐུགས་ཀྱི་ལྷ་ཚོགས་གཤེགས་སུ་གསོལ༔ ཡོན་ཏན་ལྷུན་གྱིས་གྲུབ་པའི་དཀྱིལ་འཁོར ནས༔ རྦོད་གཏོང་མ་མོའི་ལྷ་ཚོགས་གཤེགས་སུ་གསོལ༔ ཕྲིན་ལས་མངོན་སྤྱོད་རོལ་པའི་དཀྱིལ་འཁོར་ནས༔ ཕུར་པ་ཕྲིན་ལས་ལྷ་ཚོགས་གཤེགས་སུ་གསོལ༔ སྣང་སྲིད་དག་སྦྱོར་རོལ་པའི་དཀྱིལ་འཁོར་ནས༔ འཇིག་རྟེན་མཆོད་བསྟོད་ལྷ་ཚོགས་གཤེགས་སུ་གསོལ༔ དྲེགས་ཚོགས་དབང་དུ་སྡུད་པའི་དཀྱིལ་འཁོར་ནས༔ དམོད་པ་དྲག་སྔགས་ལྷ་ཚོགས་གཤེགས སུ་གསོལ༔ ཞིང་བཅུའི་དགྲ་བགེགས་འདུལ་བའི་དཀྱིལ་འཁོར་ནས༔ དཔལ་གྱི་བཀའ་སྡོད་ལྷ་ཚོགས་གཤེགས་སུ་གསོལ༔ གཞན་ཡང་གནས་ཡུལ་དུར་ཁྲོད་དབང་མཛད་པའི༔ དཔའ་བོ་མཁའ་འགྲོ་རྒྱ་མཚོ་གཤེགས་སུ་གསོལ༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ༔ བཛྲ་ས་མ་ཡ་ཛ་ཛཿ དེ་ནས་ཚོགས་ཕུད་འབུལ་བ་ལ༔ ཧཱུྃ༔ བདེ་གཤེགས་སྤྱི་དཔལ་ཆེན་པོ་ལ་སོགས་པའི༔ སྒྲུབ་སྡེ་བརྒྱད་ཀྱི་ལྷ་ཚོགས་འཁོར་བཅས་ལ༔ བདེ་སྟོང་ཟག་པ་མེད་པའི་བདུད་རྩི་དང་༔ ཞལ་ཟས་ཚོགས་ཀྱི་མཆོད་པ་དམ་པ་འབུལ༔ གུ་རུ་དྷེ་ཝ་ཌཱ་ཀི་ནཱི་སརྦ་ས་པ་རི་ཝཱ་ར་པཉྩ་ཨ་མྲྀ ཝྃ།༔ ཏ་མ་ཧཱ་གྷ་ཎ་ཙཀྲ་པཱུ་ཙ་ཁ་རཾ་ཁཱ་ཧི༔ དེ་ནས་བཤགས་པ་བྱ་བ་ལ༔ ཧོཿ བདེ་གཤེགས་ཡོངས་རྫོགས་དགོངས་སུ་གསོལ༔ རྒྱལ་བའི་བཀའ་དང་བླ་མའི་ལུང་༔ ཚུལ་བཞིན་མ་སྤྱད་དམ་ཉམས་ཀུན༔ ཞལ་ཟས་ཚོགས་ཀྱིས་བསྐང་ཞིང་བཤགས༔ གྷ་ཎ་ཙཀྲ་སཏྭ་ས་མ་ཡ་སོགས ཨཱཿ དེ་ནས་བསྒྲལ་ལས་བྱ་བ་ལ༔ ཧཱུྃ་ཛཿ ཆོས་ཀྱི་དབྱིངས་ལས་རང་བྱུང་སྤྲུལ་པའི་ལྷ༔ མངོན་སྤྱོད་རོལ་པའི་དཀྱིལ་འཁོར་ཆེན་པོ་ནས༔ ཆེ་མཆོག་དཔལ་དགུའི་ལྷ་ཚོགས་དབྱིངས་ནས་བཞེངས༔ ཐུགས་དམ་དུས་ལ་བབ་པོ་ས་མ་ཡ༔ ཞིང་བཅུ་ཉམས་པ་བདུན་ལྡན་དགྲ་དང་བགེགས༔ མ་ལུས་མི་འགྱང་མྱུར་དུ་ཁུག་ལ་ཤོག༔ ཉོན་མོངས་བརྒྱད་ཁྲིའི་འཁྲུལ་འཁོར་དབྱིངས་སུ་ཤིགས༔ རྣམ་པར་ཤེས་པ་ཆོས་ཀྱི་དབྱིངས་སུ་དྲོངས༔ ལས་དང་རྣམ་སྨིན་དབང་དུ་མ་བཏང་བར༔ འཁྲུལ་མི་ཤེས་པའི་དབྱིངས་སུ་ཀློང་རྒྱས་ཐོབ༔ ཨོཾ་བཛྲ་མ་ཧཱ་ཀྲོ་ཏ་པདྨ་ཀྲོ་ཏི་སོགས་ནས་རཱུ་ཏྲ་ཧ་ལ་པཉྩ་མཱ་ར་ཡ་རྡུལ་ཕྲན་རྡུལ་ཕྲན་ཕྱེ་མ་ཕྱེ་མ་ཏ་ཐ་ཡ་ཏ་ཐ་ཡ་ཐུམ་རི་ལི་ལི་ཧུར་ཐུམ་རྦད་སོད༔ དེ་ནས་ཞལ་དུ་བསྟབ་པ་ལ༔ ཧཱུྃ༔ དྲག་པོ་ཆེན་པོ་དྲག་ཤུལ་ཅན༔ དཔལ་དགུའི་རྔམས་པའི་ཞལ་ཕྱེས་ཤིག༔ ཞིང་བཅུ་བསྒྲལ་བའི་ཤ་ ཁྲག་རུས༔ ཞལ་དུ་བསྟབ་བོ་ལྷག་མེད་རོལ༔ མ་ཧཱ་མཱཾ་ས་རཀྟ་ཙིཏྟ་ཀི་ནི་རི་ཏི་བ་སུ་ཏ་ལ་ཁཱ་ཧི༔ དེ་ནས་ལྷག་མ་འབུལ་བ་ནི༔ ཧཱུྃ་བྷྱོ༔ དཔལ་གྱི་བཀའ་སྡོད་དྲེགས་པ་ཅན༔ དཀྱིལ་འཁོར་མཐའ་སྐྱོང་དངོས་གྲུབ་བསྲུང་༔ བར་ཆད་སེལ་ཞིང་ཕྲིན་ལས་བསྒྲུབ༔ དབང་ཕྱུག་ཉི་ཤུ་རྩ་བརྒྱད་སོགས༔ ལྷག་ལ་དབང་བའི་ཚོགས་རྣམས་ཀྱིས༔ འདོད་དོན་ལྷག་མའི་ལོངས་སྤྱོད་རོལ༔ ཇི་ལྟར་ཁས་བླང་དམ་བཅས་བཞིན༔ རབ་འབྱམས་ཕྲིན་ལས་ཡོངས་འགྲུབ་མཛོད༔ ས་མ་ཡ༔ མ་བྷྱོ་ཛ་ཧྲཱི་སརྦ་དྷརྨ་པཱ་ལ་ཀྵེ་ཏྲ་པཱ་ལ་ལོ་ཀ་པཱ་ལ་ཨུཙྪིཥྚ་བ་ལིངྟ་ཁཱ ཧི༔ དེ་ནས་ཆད་ཐོ་བཏང་བ་ལ༔ ཧཱུྃ་བྷྱོ༔ སྔོན་གྱི་བསྐལ་པའི་དང་པོ་ལ༔ རི་བོ་གནམ་ལྕགས་འབར་བའི་རྩེར༔ བཅོམ་ལྡན་རྡོ་རྗེ་འཆང་དབང་གིས༔ གསང་སྔགས་ཆོས་འཁོར་བསྐོར་བའི་ཚེ༔ བྲན་དང་འབངས་སུ་ཁས་བླངས་པའི༔ དྲེགས་པ་ཅན་གྱི་འཁོར་ཚོགས་རྣམས༔ འདིར་གཤེགས་བཀའ་ཡི་གཏོར་མ་ལོངས༔ ཇི་ལྟར་ཁས་བླངས་དམ་བཅས་བཞིན༔ རབ་འབྱམས་ཕྲིན་ལས་ཡོངས་འགྲུབ་མཛོད༔ དེ་འོག་བར་གྱི་བསྐལ་པ་ལ༔ སློབ་དཔོན་པདྨ་ཐོད་ཕྲེང་གིས༔ གསང་སྔགས་ཆོས་འཁོར་བསྐོར་བའི་ཚེ༔ བཀའ་བསྒོ་དབང་བསྐུར ཐོ།༔ གཉེར་གཏད་པའི༔ བཀའ་སྲུང་དྲེགས་པའི་སྡེ་ཚོགས་རྣམས༔ འདིར་གཤེགས་བཀའ་ཡི་གཏོར་མ་ལོངས༔ ཇི་ལྟར་ཁས་བླང་དམ་བཅས་བཞིན༔ རབ་འབྱམས་ཕྲིན་ལས་ཡོངས་འགྲུབ་མཛོད༔ དེ་འོག་བསྐལ་པའི་དུས་ཚིག་ཏུ༔ རིག་འཛིན་བརྒྱུད་པའི་བླ་མ་ཡིས༔ སྒྲུབ་པའི་དཀྱིལ་འཁོར་ཞལ་ཕྱེས་ཚེ༔ བཀའ་དམ་ལ་གནས་སྲུང་མའི་ཚོགས༔ འདིར་གཤེགས་དམར་གྱི་གཏོར་མ་ལོངས༔ ཕྲིན་ལས་བསྒྲུབ་ལ་བར་ཆད་སོལ༔ བསམ་པའི་དོན་ཀུན་ཡོངས་འགྲུབ་མཛོད༔ དེ་འོག་དུས་ཀྱི་སྙིགས་མ་ལ༔ ཁྲག་འཐུང་ཆོས་ཉིད་ཀློང་རྡོལ་གྱིས༔ འཁོར་འདས་དག་མཉམ་རོལ་པའི་ཚེ༔ རང་རྩལ་བཀའ་སྡོད་དྲེགས་པ་ཅན༔ གཉིས་མེད་རོལ་པའི་ཀློང་རྒྱས་བཏབ༔ དམ་ཚིག་གཉན་པོའི་ཆིངས་རྒྱས བསྡམས༔ ཇི་ལྟར་ཁས་བླངས་དམ་བཅས་བཞིན༔ ཆད་ཐོ་དམར་གྱི་གཏོར་མ་ལོངས༔ སྒྲུབ་པའི་བར་ཆད་རྐྱེན་བཟློག་ཅིང་༔ རབ་འབྱམས་ཕྲིན་ལས་ཡོངས་འགྲུབ་མཛོད༔ སརྦ་ས་མ་ཡ་མ་ཧཱ་བ་ལིངྟ་ཁཱ་ཧི༔ དེ་ནས་བརྟན་མ་སྐྱོང་བ་ལ༔ བཤལ་ཆུའི་གཏོར་མ་བཏང་བ་ནི༔ ཧཱུྃ་ཛཿ སྔོན་ཚེ་པདྨ་ཐོད་ཕྲེང་གིས༔ དམ་བཏགས་དབང་བསྐུར་གཉེར་གཏད་པའི༔ བརྟན་མ་ཆེན་མོ བཅུ་གཉིས་དང་༔ དེ་འཁོར་ཡང་འཁོར་བྲན་དང་འབངས༔ སྐད་ཅིག་གནས་འདིར་གཤེགས་སུ་གསོལ༔ བཤལ་ཆུའི་གཏོར་མ་འདི་རོལ་ལ༔ རྣལ་འབྱོར་བདག་གི་ཕྲིན་ལས་སྒྲུབས༔ མཐའ་དམག་དུས་འཁྲུགས་གཡུལ་འགྱེད་དང་༔ ནད་ཡམས་མུ་གེའི་བསྐལ་པ་བཟློག༔ བསྟན་དང་བསྟན་འཛིན་སྡེ་རིས་འབངས༔ བཤད་སྒྲུབ་བསྟན་པ་རྒྱས་པར་མཛོད༔ བསྐལ་ངན་གཡོ་འཁྲུགས་དབྱིངས་སུ་བསྡུས༔ རྒྱལ་ཁམས་བདེ་ལ་འགོད་པར་མཛོད༔ དམ་ལ་མ་འདའ་ས་མ་ཡ༔ མ་མ་ཧྲཱི་ཧྲཱི་ཨེ་དཾ་བ་ལིངྟ་ཁཱ་ཧི༔ དེ་ནས་རྟ་བྲོ་བརྡུང་བ་ནི༔ ཧཱུྃ༔ བྲོ་ནི་ཡེ་ཤེས་ལྔ་ཡི་བྲོ༔ བརྡུང་ནི་གཟུང་འཛིན་ཡུལ་དུ་བརྡུང་༔ དུག་གསུམ་མགོ་ལ་ཆེམས་སེ་ཆེམ༔ དུག་ལྔའི་མགོ་ལ་ནེམས་སེ་ནེམ༔ གཉིས་སྣང་རཱུ་ཏྲ་བདུད་ཀྱི་སྡེ༔ བདག་མེད་སྟོང་པའི་དབྱིངས་སུ་བྲུབ༔ འཁྲུལ་མེད་བདེ་བ་ཆེན་པོའི་ངང་༔ མནན་ནོ་བྲུབ་བོ་མ་ཤོར་རྒྱ༔ ཆོས་ཉིད་རྣམ་དག་བདེན་པ་དང་༔ རྟེན་འབྲེལ་ཟབ་མོའི་རྒྱས་བཏབ་བོ༔ སརྦ་ཤ་ཏྲུཾ་མཱ་ར་ཡ སྟྭཾ་བྷ་ཡ་ནན༔ དེ་ནས་དངོས་གྲུབ་བླང་བ་ལ༔ ཧཱུྃ༔ དཔལ་ཆེན་བཀའ་འདུས་ལྷ་ཚོགས་ཀྱི༔ གསང་གསུམ་རྡོ་རྗེའི་དཀྱིལ་འཁོར་ནས༔ དབང་དང་བྱིན་རླབས་དངོས་གྲུབ་གཏེར༔ དུས་ ཐོ།༔ ལས་མ་གཡེལ་དེང་འདིར་སྩོལ༔ རྩ་སྔགས་མཐར༔ ཀཱ་ཡ་ཝཱཀ་ཙིཏྟ་ཨ་ཡུ་པུཎྱེ་པྲཛྙཱ་ཛྙཱ་ན་སིདྡྷི་ཕ་ལ་ཨ་ལ་ལ་ཧོཿ དེ་ནས་བཤགས་པ་བྱ་བ་ལ༔ ཧོཿ གསོན་ཅིག་དུས་གསུམ་རྒྱལ་བ་རྣམས༔ དགོངས་ཤིག་བསྒྲུབ་པ་བཀའ་བརྒྱད་ལྷ༔ བདག་ནི་མ་རིག་དབང་གྱུར་ཏེ༔ ཉེས་བྱས་ཉམས་ཆག་ཅི་མཆིས་པ༔ གནོང་འགྱོད་དྲག་པོས་མཐོལ་ཞིང་བཤགས༔ དག་ཚངས་མཆོག་གི་དངོས་གྲུབ་སྩོལ༔ ཡིག་བརྒྱ་དབྱངས་གསལ་རྟེན་སྙིང་བརྗོད༔ དེ་ནས་བསྔོ་སྨོན་བྱ་བ་ལ༔ ཧོཿ འདི་དང་དུས་གསུམ་བསགས་པའི་དགེ༔ འགྲོ་ཀུན་སངས་རྒྱས་ཐོབ་ཕྱིར་བསྔོ༔ ཁམས་གསུམ་སྲིད་པའི་སྐྱེ་འགྲོ་ཀུན༔ ཚོམ་བུ་གཅིག་ཏུ་སངས་རྒྱས་ཤོག༔ དེ་ནས་རྟག་མཐའ་བསལ་བ་ལ༔ ཧོཿ རྟེན་དང་བརྟེན་པའི་དཀྱིལ་འཁོར་ལྷ༔ སྒྱུ་མའི་འཁྲུལ འཁོར་ཞིག་པ་བཞིན༔ མ་ལུས་རང་ཉིད་ལ་བསྡུས་ཏེ༔ རང་ཡང་སྔགས་དང་སྲོག་ཏུ་བསྡུ༔ སྲོག་ཀྱང་ཐིག་ལེ་ནཱ་ད་ནས༔ ཡུལ་མེད་ཟང་ཐལ་ཆེན་པོར་ཨཱཿ དེ་ནས་ཆད་མཐའ་བསལ་བ་ལ༔ ཧཱུྃ༔ མཁའ་ལས་འཇའ་ཚོན་ཇི་བཞིན་དུ༔ རང་ཉིད་སྤྱི་དཔལ་ཆེན་པོར་ཤར༔ མཐིང་ནག་རྡོ་རྗེ་དུང་ཁྲག་བསྣམས༔ མི་ཤིགས་རྡོ་རྗེའི་གོ་ཁྲབ་བགོ༔ སྒྱུ་མ་ལྟ་བུའི་ཏིང་འཛིན་གྱིས༔ གང་འདུལ་ཐབས་ཀྱི་སྤྱོད་ལ་འཇུག༔ རྩ་སྔགས་བཟླས་མཐར༔ བཛྲ་རཀྵ་རཀྵ་ཧཱུྃ་_UNK་སྭཱ་ཧཱ༔ དེ་ནས་བཀྲ་ཤིས་བྱ་བ་ལ༔ ཧོཿ ཆོས་དབྱིངས་རྣམ་དག་ནམ་མཁའ་ལ༔ ལྷུན་གྲུབ་བདེ་ཆེན་བཀོད་པ་ངོམས༔ གང་འདུལ་ཐབས་ཀྱིས་འགྲོ་བ་འདུལ༔ སྐུ་གསུམ་ལྷུན་གྲུབ་བཀྲ་ཤིས་ཤོག༔ འཁོར་འདས་དག་མཉམ་ཆེན་པོའི་མཁར༔ སྐུ་དང་ཡེ་ཤེས་ཉི་གཞོན་ཤར༔ མངོན་གྱུར་ཆེན་པོའི་གདིང་ཐོབ་ནས༔ རང་ཐོག་རང་གྲོལ་བཀྲ་ཤིས་ཤོག༔ མངོན་སུམ་ལྟ་བའི་གདིང་ཐོབ་ཅིང་༔ ཉམས་རྟོགས་ཡོན་ཏན་གོང་འཕེལ་རྒྱས༔ གཞིར་གནས་རིག་པ་ཚད་ཕེབས་ཏེ༔ ཆོས་ཀུན་མཉམ་ཉིད་ཆེན་པོར་ཟད༔ འཇའ་ལུས་འཕོ་ཆེན་བཀྲ་ཤིས་ཤོག༔ བསྐྱེད་དང་རྫོགས་པའི་གནད་ལྡན་ཅིང་༔ རྩེ་གཅིག་སྒྲུབ་ལ་བརྩོན་པའི་མི༔ ཟླ་བ་དགུ་ལས་མི་འགྱང་བར༔ རྣམ་པར་སྨིན་པའི་རིག་འཛིན་འཐོབ༔ རི་ཁྲོད་དབེན་པ་ལ་བརྟེན་ཅིང་༔ གནས་མི་འཕོ་ཞིང་སྨྲ་བཅད་ཀྱི༔ གནད་དང་ལྡན་པ་མཆོག་ཏུ་གལ༔ ལོ་གསུམ་ཟླ་གསུམ་ཞག་གསུམ་དུ༔ རྩེ་གཅིག་སྒྲུབ་ལ་བརྩོན་ནུས་ན༔ མངོན་སངས་རྒྱས་པའི་འབྲས་བུ་རུ༔ གྲོལ་གྱུར་