Tibetan
སྤྱི༔ ཁྱད་པར་དབང་མོ་ཉི་ཤུ་རྩ་བརྒྱད་དང་༔ འབར་མ་བརྒྱད་དང་མ་བདུན་སྲིང་མོ་བཞི༔ རིགས་ལྔའི་རིགས་འཆང་ཕོ་ཉ་དྲུག་ཅུ་གཉིས༔ ས་བདག་སོ་གཉིས་མཁའ་འགྲོ་མ་ཡི་ཚོགས༔ འབུམ་ཕྲག་ཡངས་པ་གྲངས་མེད་བརྗོད་ལས་འདས༔ མ་ལུས་འཁོར་དང་བཅས་པ་ཐམསཅད་ཀུན༔ དྲག་ཁྲོས་རྔམས་པ་ཆེན པོའི་སྐུར་བཞེངས་ཤིག༔ ཤ་ཁྲག་དམར་གྱི་གཏོར་མ་འདི་བཞེས་ལ༔ གནོད་བྱེད་དགྲ་བགེགས་ཟློག་པའི་ཕྲིན་ལས་མཛོད༔ དཀོན་མཆོག་རིན་ཆེན་གསུམ་གྱི་བདེན་པ་དང་༔ རྩ་གསུམ་ཆོས་སྐྱོང་སྲུང་མའི་མཐུ་སྟོབས་དང་༔ ལྷ་སྔགས་ཏིང་ངེ་འཛིན་གྱི་ནུས་པའི་མཐུས༔ གཟུགས་ཅན་གཟུགས་མེད་དགྲ་གདོན་གནོད་བྱེད་ཟློག༔ བྱད་ཕུར་རྦོད་གཏོང་ཆག་ཆེ་ཉམ་ང་ཟློག༔ འཇིགས་པ་ཆེན་པོ་བརྒྱད་དང་བཅུ་དྲུག་ཟློག༔ མི་ནད་ནོར་གྱི་གོད་ཁ་དགྲ་ལ་ཟློག༔ མཛེ་གྲུམ་ཀླུ་གཉན་ནད་རྣམས་དགྲཿ སྟེང་ནས་ཐོག་སེར་འབེབས་པ་དགྲཿ བར་ནས་སྡེ་བརྒྱད་གཡོས་པ་དགྲཿ འོག་ནས་ས་བདག་འཁྲུགས་པ་དགྲཿ ནད་རིགས་བཞི་བརྒྱ་རྩ་བཞི་དགྲཿ བགེགས་རིགས་སྟོང་ཕྲག་བརྒྱད་ཅུ་དགྲཿ ལྟས་ངན་བརྒྱད་ཅུ་རྩ་གཅིག་དགྲཿ ཇོཾ།༔ ཡེ་འདྲོག་སུམ་བརྒྱ་དྲུག་ཅུ་དགྲཿ གློ་བུར་དགུ་བཅུ་རྩ་གཅིག་དགྲཿ དུས་མིན་འཆི་བ་བཅོ་བརྒྱད་དགྲཿ ལྷ་འདྲེ་མི་གསུམ་བྱད་ཁ་དགྲཿ དུས་འཁྲུགས་མཚོན་གྱི་ཡོ་ལང་དགྲཿ སྔོན་ལས་འཕྲལ་རྐྱེན་ངན་པ་དགྲཿ བཀྲ་མི་ཤིས་པ་ཐམས་ཅད་དགྲཿ མཐའ་ཁོབ་ཀླ་ཀློས་མཐུ་སྦྱོར་དགྲཿ རྗེས་ཤུལ་མིང་ཙམ་མེད་པར་རྡུལ་དུ་རློག༔ སྡང་བར་བྱེད་པའི་དགྲ་བོའི་སྟེང་དུ་ཟློག༔ གནོད་པར་བྱེད་པའི་བགེགས་ཀྱི་སྟེང་༔ ཟ་བར་བྱེད་པའི་འདྲེ་ཡི་སྟེང་༔ ཕུང་བར་བྱེད་པའི་སྲི་ཡི་སྟེང་བསླབ་པའི་སློབ་བུ་དམ་ལོག་སྟེང་༔ བྲན་གཡོག་ངོ་ལོག་རྒྱབ་བརྟེན་སྟེང་༔ བསམ་ངན་སྦྱོར་རྩུབ་བྱེད་པའི་སྟེང་༔ དྲག་པོ་དམར་གྱི་གཏོར་མ་འདི་ཡིས་ཟློག༔ སྒྲུབ་པ་བཀའ་བརྒྱད་ལྷ་ཡི་བདེན་པས་ཟློག༔ གསང་སྔགས་ཟབ་མོའི་རྟེན་འབྲེལ་མཐུ་ཡིས་ཟློག༔ ཟ་བྱེད་རྩང་གི་འཁྲུལ་འཁོར་འདི་ཡིས་ཟློག༔ ཨོཾ་བཛྲ་མ་ཧཱ་ཀྲོ་ཏ་པདྨ་ཀྲོ་ཏི་ཤྭ་རི་བཛྲ་ཀཱི་ལི་ཀཱི་ལ་ཡ་མ་ཧཱ་ཡཀྴ་ཀཱ་ལ་རཱུ་པ་ཀརྨ་རཾ་རཾ་ཛྭ་ལ་རཾ་ཧཱུྃ་ཕཊ༔ དགྲ་གདོན་བགེགས་ཚོགས་བྱད་ཕུར་རྦོད་གཏོང་ཆག་ཆེ་ཉམ་ང་ཐམས་ཅད་མཱ་ར་ཡ་བྷྱོ་ཟློག༔ དེ་ལྟར་དམིགས་གནད་ལྡན་པ་ཡིས༔ བཟློག་ལམ་ཟབ་མོ་འདིར་བརྩོན་ན༔ ཕྱི་ནང་བར་ཆད་རྐྱེན་ངན་བྱང་༔ དགྲ་བགེགས་ གདུག་པའི་མཐུ་དཔུང་འཇོམས༔ བདེ་གཤེགས་རྒྱལ་བའི་མཐུ་ནུས་འབར༔ བཟློག་པ་ཀུན་གྱི་ཡང་ཟབ་མཆོག༔ རྗེས་འཇུག་རྣམས་ཀྱི་མཚོན་ཆ་ཡིན༔ ཀལ་ཚིགས་མ་བྱེད་སྙིང་ལ་འཆོང་༔ རང་མཚོན་གཞན་ལ་མ་འཆོར་ཅིག༔ སྙིང་དང་འདྲ་བའི་མན་ངག་འདི༔ གཅིག་རྒྱུད་བྱས་ན་ཤིན་ཏུ་མྱུར༔ འཆལ་ན་མཁའ་འགྲོའི་བཀའ་ཆད་འོང་༔ རྒྱལ་དབང་པདྨ་ཐོད་ཕྲེང་ངས༔ བཀའ་བརྒྱད་སྒྲུབ་ཐབས་བརྒྱ་རྩ་བརྒྱད༔ མ་འོངས་རྗེས་འཇུག་དོན་དུ་སྦས༔ བཀའ་སྲུང་གནོད་སྦྱིན་ཆེན་པོ་དང་༔ གཟའ་དང་སྔགས་སྲུང་རྡོར་ལེགས་སོགས༔ བདེ་གཤེགས་སྤྱི་ཡི་སྲུང་མར་གཉེར༔ ཐུབ་པར་སྲུངས་ཤིག་ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ༔ ཞེས་པ་འདི་ཉིད་ས་མོ་ལུག་གི་ལོར་ཧོར་ཟླ་བཅུ་གཅིག་པའི་ཚེས་བཅུའི་ཉིན་གསེར་སྨད་རྔ་རོལ་སྟག་རྩེའི་གཡས་ལོགས་ཤྭ་བྲག་རྡོ་རྗེ་ཅན་ནས་སྤྱན་དྲངས་ཏེ་མཐར་རང་སློབ་དམ་པ་སྤྲུལ་སྐུ་སྣ་ཚོགས་རང་གྲོལ་དང་མཁྱེན་རབ་རྒྱ་མཚོ་ཀློང་ཆེན་རྡོ་རྗེ་རྣམས་ཀྱིས་ནན་དུ་བསྐུལ་ངོར་གར་དབང་ཁྲག་འཐུང་བདུད་འཇོམས་རྡོ་རྗེས་ཤོག་གསེར་ལས་ཞལ་བཤུས་ཏེ་དག་པར་ཕབ་པའོ། །དགེའོ །དགེའོ། །དགེའོ། །ལེགས་སོ།། ྋ ཐོ།༔ བདག་ཉིད་ལྷ་ཡི་ཐུགས་ཀ་ནས༔ འོད་འཕྲོས་རྒྱལ་བ་སྲས་བཅས་དང་༔ ཡི་དམ་རྒྱུད་སྡེ་བཞི་དྲུག་ལྷ༔ གནས་གསུམ་དཔའ་བོ་མཁའ་འགྲོ་དང་༔ བཀའ་སྡོད་རྒྱ་མཚོའི་ཐུགས་རྒྱུད་བསྐུལ༔ མཐུ་སྟོབས་ནུས་བྱིན་འོད་དུ་འདུས༔ ཐུན་ཟོར་ནུས་སྟོབས་རབ་ཏུ་འབར༔ ཕྱི་ནི་ཐུན་མཚོན་འབར་བ་ལ༔ ནང་ནི་ཟ་གསོད་ཕོ་ཉ་སྟེ༔ གསང་བ་ཡེ་ཤེས་རོལ་པའི་རྩལ༔ དགྲ་གདོན་བགེགས་ཚོགས་མ་ལུས་པ༔ རང་གཤེད་འབེབས་པའི་མཚོན་དུ་གྱུར༔ ཨོཾ་བཛྲ་གུ་རུ་ཁྲོ་བོ་ལོད་ལྷ་གང་ཡིན་གྱི་རྩ་སྔགས་སུ་ཁ་བསྒྱུར་བྱ། མཆན། ལོ་ཀ་སརྦ་སིདྡྷི་ཧཱུྃ་ཧཱུྃ༔ ཨོཾ་བཛྲ་སརྦ་དུཥྚན་ཏ་ཀ་ཧ་ན་ད་ཧ་པ་ཙ་ཧཱུྃ་ཕཊ༔ དྲག་སྔགས་སོ་ལྔ་དང་རྟེན་འབྲེལ་སྙིང་པོས་རབ་གནས་བྱ༔ ལག་ཏུ་ཐོགས་ནས་འཕང་ཙམ་གྱིས༔ དགྲ་བགེགས་བྱད་མ་ལྷ་སྲུང་རྣམས༔ མེ་སྟག་ཆུ་ཡིས་བསད་པ་ལྟར༔ བརླག་པར་བྱེད་པའི་དབང་ཐོབ་ཤོག༔ ལས་འབྲེལ་པས་བྲིས་པ་དགེ༔ T11606 - 545 T11606 - 546 ཟབ་གསང་མཁའ་འགྲོའི་སྙིང་ཐིག་ལས༔ བདེ་གཤེགས་སྒྲུབ་སྡེ་བརྒྱད་ཀྱི་དཀྱིལ་འཁོར་ལ་བརྟེན་ནས༔ ལྟས་ངན་བཟློག་པ་རྡོ་རྗེའི་མེ་རླུང་བཞུགས་སོ༔ TI1606 - 547 ཐོ།༔ ན་མོ་གུ་རུ་པདྨ་ཀ་ར་ཡེ༔ གཧྭ།།༔ དམིགས་མེད་ལྟ་བའི་ངང་ལྡན་པས༔ གཏོར་མ་ཡེ་ཤེས་བདུད་རྩིར་བསྒྱུར༔ དཀྱིལ་འཁོར་ལྷ་ཚོགས་ཞལ་དུ་འབུལ༔ ཡེ་ཤེས་ལྷ་ཡི་ནུས་པ་བྱུང་༔ གནས་སྐབས་མ་རིག་རྒྱུ་རྐྱེན་ལས༔ བྱུང་བའི་ལྟས་ངན་མི་མཐུན་ཕྱོགས༔ བཟློག་བསྒྱུར་ཕྲིན་ལས་མཛད་པར་བསམ༔ ཧཱུྃ་བྷྱོ༔ ངང་ཉིད་ཆོས་ཀྱི་དབྱིངས་ལས་མ་གཡོས་ཀྱང་༔ ཐུགས་རྗེ་གང་འདུལ་སྒྱུ་མའི་སྐུར་བཞེངས་པ༔ ཕུང་ཁམས་སྐྱེ་མཆེད་གདན་གསུམ་ཚང་བའི་ལྷ༔ བདེ་གཤེགས་ཞི་བའི་ལྷ་ཚོགས་བཞི་བཅུ་གཉིས༔ ཐུགས་དམ་གནད་ནས་བསྐུལ་ལོ་ས་མ་ཡ༔ དམ་རྫས་བདུད་རྩིའི་མཆོད་པ་འདི་བཞེས་TI1606 - 548 ཐན་ཐོ།༔ ལ༔ མ་རིག་གཟུང་འཛིན་རྐྱེན་སྣང་ལས་བྱུང་བའི༔ ལྟས་ངན་བརྒྱད་ཅུ་རྩ་གཅིག་ཉོན་མོངས་བདུད༔ ཀུན་རྟོག་བར་ཆད་རྐྱེན་སྣང་ལྷའི་བུའི་བདུད༔ ན་ཚ་བདེ་སྡུག་ཚོར་བ་ཕུང་པོའི་བདུད༔ སྐྱེ་འཆིའི་འཁོར་ལོ་ཁ་བརྒྱུད་འཆི་བདག་བདུད༔ རྟེན་འབྲེལ་ལོག་པའི་ལམ་གྱུར་མི་མཐུན་ཕྱོགས༔ མ་ལུས་ཞི་ཞིང་བཟློག་པའི་ཕྲིན་ལས་མཛོད༔ ཧཱུྃ་བྷྱོ༔ རང་བྱུང་ཡེ་ཤེས་འབར་བའི་རང་རྩལ་ལས༔ མ་རུངས་གདུག་པ་འདུལ་མཛད་ཧེ་རུ་ཀ༔ ངོ་བོ་གཅིག་ལ་སྤྲུལ་པ་ཅིར་ཡང་སྟོན༔ ཞིང་བཅུའི་ལོག་རྟོག་རཱུ་ཏྲ་གཞོམ་མཛད་དཔལ༔ ཉོན་T11606 - 549 མོངས་ཚུལ་གྱིས་ཉོན་མོངས་གནས་སུ་སྦྱོར༔ འབར་བ་ཁྲག་འཐུང་ལྔ་བཅུ་རྩ་བརྒྱད་རྣམས༔ ཐུགས་དམ་གནད་ནས་བསྐུལ་ལོ་ས་མ་ཡ༔ དམ་རྫས་སོགས་ཕྲིན་ལས་མཛོད༔ ཧཱུྃ་བྷྱོ༔ འཁོར་འདས་སྤྱི་དཔལ་བདེ་ཆེན་ཀུན་ཏུ་བཟང་༔ ཡི་དམ་རྒྱ་མཚོའི་ངོ་བོར་ཡོངས་བཞེངས་པ༔ ཆེ་མཆོག་ཧེ་རུ་གནམ་ཞལ་དབྱིངས་ཕྱུག་ཡུམ༔ རིགས་ལྔའི་ཁྲག་འཐུང་ཡབ་ཡུམ་བཅུ་དང་ནི༔ ཕྱོགས་སྐྱོང་ཁྲོ་བཅུ་ཏ་ཀྲྀཏ་སྒོ་བ་བཞི༔ བཀའ་ཉན་ལས་བྱེད་ལྕེ་སྤྱང་མ་མོ་བརྒྱད༔ ཡོན་ཏན་ལྷ་ཚོགས་སུམ་ཅུ་རྩ་དྲུག་རྣམས༔ ཐུགས་དམ་གནད་ནས་བསྐུལ་ལོ་ས་མ་ཡ༔ དམ་རྫས་སོགས ཕྲིན་ལས་མཛོད༔ ཧཱུྃ་བྷྱོ༔ ཐུགས་ཀྱི་ལྷ་མཆོག་ཡང་དག་ཁྲོས་པ་ཆེ༔ རྡོ་རྗེ་ཟ་བྱེད་ཡུམ་དང་གཉིས་མེད་སྦྱོར༔ སྐུ་གསུང་ཐུགས་ཡོན་ཕྲིན་ལས་སྤྲུལ་པ་ལས༔ ཁྲག་འཐུང་ཡབ་ཡུམ་བཅུ་དང་ཀོའུ་རི་བརྒྱད༔ སེང་ཧ་མ་བརྒྱད་དབང་ཕྱུག་ཉེར་བརྒྱད་སོགས༔ ཐུགས་ཀྱི་ལྷ་ཚོགས་ལྔ་བཅུ་རྩ་བརྒྱད་རྣམས༔ ཐུགས་དམ་གནད་ནས་བསྐུལ་ལོ་ས་མ་ཡ༔ དམ་རྫས་སོགས་ཕྲིན་ལས་མཛོད༔ ཧཱུྃ་བྷྱོ༔ སྐུ་ཡི་ལྷ་མཆོག་འཇམ་དཔལ་གཤིན་རྗེ་གཤེད༔ བེ་ཏ་ནག་མོ་ཡུམ་དང་གཉིས་མེད་སྦྱོར༔ སྒྲོལ་བའི་ཡུམ་ཆེན་ཨེ་ཀ་ཙ་ཏི ཐ།༔ དང་༔༷ གཤེད་ཆེན་བཅུ་གཉིས་ཟླ་ཞག་གུད་ཉེར་བཞི༔ གདོང་མོ་རྣམ་བཞི་གིང་བཞི་བདུད་བཞི་དང་༔ རྩིས་བཞི་སྲོག་གཅོད་ཤན་པ་བཞི་ལ་སོགས༔ སྐུ་ཡི་ལྷ་ཚོགས་ལྔ་བཅུ་རྩ་དགུ་རྣམས༔ ཐུགས་དམ་གནད་ནས་བསྐུལ་ལོ་ས་མ་ཡ༔ དམ་རྫས་སོགས་ཕྲིན་ལས་མཛོད༔ ཧཱུྃ་བྷྱོ༔ གསུང་གི་ལྷ་མཆོག་དབང་ཆེན་ཧྱ་ཧྲཱི༔ པདྨ་གཟི ལྡན་ཡུམ་དང་གཉིས་མེད་སྦྱོར༔ བཀའ་ཉན་སྤྲུལ་པ་བྱི་ལ་པུ་ཤུད་མགོ༔ ཟིལ་གནོན་ཡེ་ཤེས་ཁྲོ་བཅུ་སྒོ་བ་བཞི༔ ཁམས་བརྒྱ་མ་དྲུག་དམུས་ལོང་རྒྱབ་འབྲེལ་དྲུག༔ འདབ་བཞི་མེ་རླུང ཆུ་དང་སྣ་ཚོགས་འབྲུག༔ ཁྱི་བརྒྱད་སྤྱང་བརྒྱད་ལས་བྱེད་བསམ་ཡས་འགྱེད༔ གསུང་གི་ལྷ་ཚོགས་ལྔ་བཅུ་རྩ་བརྒྱད་རྣམས༔ ཐུགས་དམ་གནད་ནས་བསྐུལ་ལོ་ས་མ་ཡ༔ དམ་རྫས་སོགས་ཕྲིན་ལས་མཛོད༔ ཧཱུྃ་བྷྱོ༔ རྒྱལ་ཀུན་ཕྲིན་ལས་མངའ་བདག་ཁྲོ་བོའི་རྒྱལ༔ རྡོ་རྗེ་གཞོན་ནུ་འཁོར་ལོ་རྒྱས་འདེབས་ཡུམ༔ སྒྲོལ་ཡུམ་ཨེ་ཀ་སྲས་མཆོག་རིགས་ལྔ་དང་༔ ཁྲོ་བཅུ་ཡབ་ཡུམ་སྤྲུལ་པ་ཟ་གསོད་ཚོགས༔ ཁྲ་ཐབས་ཉེར་གཅིག་ཕུར་སྲུང་བཅུ་དྲུག་དང་༔ སྒོ་མ་བཞི་དང་དབང་ཕྱུག་ཉེར་བརྒྱད་སོགས༔ ཕྲིན་ལས་ལྷ་ཚོགས་བདུན་ཅུ་རྩ་གཉིས རྣམས༔ ཐུགས་དམ་གནད་ནས་བསྐུལ་ལོ་ས་མ་ཡ༔ དམ་རྫས་སོགས་ཕྲིན་ལས་མཛོད༔ ཧཱུྃ་བྷྱོ༔ ཟིལ་གནོན་ཡེ་ཤེས་བླ་མེད་ཧེ་རུ་ཀ༔ ཉིད་ཞི་མུ་ཁ་ལེ་དང་གཉིས་མེད་སྦྱོར༔ དབྱིངས་ཡུམ་མ་ལྔ་རྗེ་མོ་བཅུ་གཉིས་དང་༔ སྨན་མོ་ལྔ་བཅུ་རྩ་གཅིག་ལ་སོགས་པ༔ མ་མོ་རྦོད་གཏོང་ལྷ་ཚོགས་བདུན་ཅུ་རྣམས༔ ཐུགས་དམ་གནད་ནས་བསྐུལ་ལོ་ས་མ་ཡ༔ དམ་རྫས་སོགས་ཕྲིན་ལས་མཛོད༔ ཧཱུྃ་བྷྱོ༔ རྒྱལ་ཀུན་བྱིན་རླབས་དབང་བསྒྱུར་རྡོ་རྗེ་ཆོས༔ རྡོ་རྗེ་ཕག་མོ་ཡུམ་དང་གཉིས་མེད་སྦྱོར༔ རིག་འཛིན་རྣམ་བཞི་གིང་བཞི་མཁའ་འགྲོ་བཞི༔ རང་རང་སྒྱུ་འཕྲུལ་སྤྲུལ་པ་བསམ་ཡས་འགྱེད༔ བླ་མ་རིག་འཛིན་ལྷ་ཚོགས་འཁོར་བཅས་རྣམས༔ ཐུགས་དམ་གནད་ནས་བསྐུལ་ལོ་ས་མ་ཡ༔ དམ་རྫས་སོགས ཕྲིན་ལས་མཛོད༔ ཧཱུྃ་བྷྱོ༔ མཐུ་སྟོབས་ནུས་པའི་མངའ་བདག་རྡོ་རྗེ་འཛིན༔ སྲིད་པ་སྤྱི་འདུལ་ཡུམ་དང་གཉིས་མེད་སྦྱོར༔ དྲེགས་པའི་སྡེ་དཔོན་སུམ་ཅུ་ལས་ལ་འགྱེད༔ དྲེགས་འདུལ་ལྷ་ཚོགས་སུམ་ཅུ་རྩ་གཉིས་རྣམས༔ ཐུགས་དམ་གནད་ནས་བསྐུལ་ལོ་ས་མ་ཡ༔ དམ་རྫས་སོགས་ཕྲིན་ལས་མཛོད༔ ཧཱུྃ་བྷྱོ༔ དྲག་སྔགས་ནུས་པའི་མངའ་བདག་སྟོབས་པོ་ཆེ༔ འབྱུང་ལྔའི་བདག་མོ་ ཐོ།༔ ཡུམ་དང་གཉིས་མེད་སྦྱོར༔ དྲེགས་ཆེན་བཅོ་བརྒྱད་ཡེ་ཤེས་འཇིག་རྟེན་གྱི༔ བསྟན་སྲུང་རྒྱ་མཚོའི་ཚོགས་རྣམས་བྲན་དུ་འགྱེད༔ དམོད་པ་དྲག་སྔགས་ལྷ ཚོགས་ཉི་ཤུ་པོ༔ ཐུགས་དམ་གནད་ནས་བསྐུལ་ལོ་ས་མ་ཡ༔ དམ་རྫས་སོགས ཕྲིན་ལས་མཛོད༔ ཧཱུྃ་བྷྱོ༔ དཔལ་གྱི་དཀྱིལ་འཁོར་མུ་རན་སྐྱོང་མཛད་པ༔ དབང་ཕྱུག་ཉེར་བརྒྱད གིང་ཆེན་བཅོ་བརྒྱད་དང་༔ ལང་ཀ་རྣམ་བཞི་མ་བདུན་སྲིང་མོ་བཞི༔ མཁའ་འགྲོ་སོ་གཉིས་རིགས་ལྔའི་མཁའ་འགྲོ་འབུམ༔ ཕོ་ཉ་སུམ་བརྒྱ་ས་བདག་སུམ་ཅུ་གཉིས༔ བརྟན་མ་བཅུ་གཉིས་ལ་སོགས་བཀའ་སྡོད་རྣམས༔ ཐུགས་དམ་གནད་ནས་བསྐུལ་ལོ་ས་མ་ཡ༔ དམ་རྫས་བདུད་རྩི་འབར་བ་འདི་བཞེས་ལ༔ མ་རིག་གཟུང་འཛིན་རྐྱེན་སྣང་ལས་བྱུང་བའི༔ ལྟས་ངན་བརྒྱད་ཅུ་རྩ་གཅིག་ཉོན་མོངས་བདུད༔ ཀུན་རྟོག་བར་ཆད་རྐྱེན་སྣང་ལས་བྱུང་བའི༔ ན་ཚ་བདེ་སྡུག་ཚོར་བ་ཕུང་པོའི་བདུད༔ སྐྱེ་འཆིའི་འཁོར་ལོར་ཁ་བརྒྱུད་འཆི་བདག་བདུད༔ རྟེན་འབྲེལ་ལོག་པའི་ལམ་གྱུར་མི་མཐུན་ཕྱོགས༔ མ་ལུས་ཞི་ཞིང་བཟློག་པའི་ཕྲིན་ལས་མཛོད༔ ཧཱུྃ་བྷྱོ༔ དཔལ་ཆེན་ཡོངས་འདུས་ཚོམ་བུ་དགུ་ཡི་ལྷ༔ བཀའ་ཉན་ཕོ་ཉའི་ཚོགས་དང་ བཅས་རྣམས་ཀྱིས༔ བརྔན་པའི་མཆོད་གཏོར་དམ་པ་འདི་བཞེས་ལ༔ ལྟས་ངན་ཡོ་ལངས་འཁྲུག་པ་བཟློག་ཏུ་གསོལ༔ རྒྱལ་བཙན་སྡེ་བཞིའི་ཆོ་འཕྲུལ་གཡོ་བ་ལས༔ ལྟས་ངན་བྱོལ་བཞི་སྟོན་པ་བཟློག་ཏུ་གསོལ༔ མཐའ་ཡི་རླངས་པས་དབུས་ཀྱི་ལང་ཚོ་འཕྲོག༔ གསེར་མདོག་གཡའ་ཡིས་འཁྱུད་པ་བཟློག་ཏུ་གསོལ༔ ཆོ་འཕྲུལ་ངན་པས་གདོང་ལྔ་འདམ་ཁྲོད་ལྟུང་༔ མི་བཟོད་མཁའ་འགྲོའི་བཀའ་ཆད་བཟློག༔ སྡིང་ཚང་འཁྲུག་པས་ད་ལ་དམར་གྱིས་བརྒྱན༔ གསོད་གཅོད་གཟེངས་སུ་བསྟོད་པ་བཟློག ཀུ་ཀུའི་ཚོགས་ཀྱིས་གངས་སེང་དཔའ་སྐད་སྒྲོགས༔ དམན་པའི་མགོ་འཕང་མཐོ་བ་བཟློགཿ བྱིས་པའི་ཚོགས་ཀྱིས་མཁའ་དབྱིངས་སྨ་ཕབ་བྱེད༔ རང་འཁྲུལ་དམན་པའི་བསྲེ་བསླད་བཟློགཿ བྱ་རོག་འགྲོས་ཀྱིས་མཁའ་དབྱིངས་གཅོད་སྙམ་པའི༔ བློ་ཆུང་དཔའ་སྐད་མཐོ་བ་བཟློག མདའ་ལྔ་ཡེ་ཤེས་ཆེན་པོར་རློམས་པ་ལས༔ སྡང་ཞེན་ཐ་མལ་སྤྱོད་པ་བཟློགཿ དཔག་ཚད་བྲལ་བའི་མཁའ་དབྱིངས་ལ་གནས་ཏེ༔ མདོ་འབྱམས་ནག་པོས་འཆོལ་སྒྲོགས་བཟློག༔ གསལ་བྱེད་རྟ་བདུན་འོད་ལ་བརྟེན་བཅས་ཏེ༔ རིགས་བྱེད་རྟོག་གེས་གཞལ་བ་བཟློགཿ དབྱིངས་གསུམ་བར་མེད་ཟང་ཐལ་ཆེན་པོ་ལ༔ ཇོཾ།༔ ཨ་འཐས་མདུད་པས་བཅིང་བ་བཟློག སྲ་བརྟན་འགྱུར་མེད་རི་སུལ་འགྲིམས་བཞིན་དུ༔ སྤྱོད་ངན་གསེར་མིག་ཧ་སྒྲ་བཟློག དག་ཆེན་ཤེལ་གྱི་གཞི་ལ་གནས་བཅས་ཏེ༔ གླང་ནག་རྒྱལ་ཁམས་བགྲོད་པ་བཟློགཿ འཇིགས་མེད་རྡོ་རྗེའི་ཕ་ལམ་བགོ་བཞིན་དུ༔ གྲོལ་ཡུལ་དམར་ཚོགས་བྱེད་པ་བཟློག རྒྱ་སྟག་འཛུམ་པས་ནགས་ཁྲོད་འཛིན་བཞིན་དུ༔ རྔམས་པས་སྲོག་གཅོད་བྱེད་པ་བཟློགཿ ནང་དུ་ཤེས་རབ་མེ་འབར་སྐད་པ་ལ༔ ཕྱི་ནས་ཞེ་སྡང་སྦྲལ་དཀྲིས་བཟློགཿ སྐྱེ་དམན་སྲེ་མོང་གར་གྱི་ལང་ཚོ་ལས༔ ཕུང་དགུ་ངན་གཏོང་རྩེར་དགུ་བཟློག བཅོ་བརྒྱད་ལྡན་པའི་ཚུལ་དུ་སྟོན་ན་ཡང་༔ སྡིག་ཅན་སྲིན་འདྲར་གྱུར་པ་བཟློག མི་ནག་སྡིག་པོ་ཆེ་ཡི་གྲོང་དགུ་ཁྲོད༔ གསང་ཆེན་ཁྲོམ་དུ་བསྒྲགས་པ་བཟློག སྐྱེ་འགྲོ་ཡོངས་ཀྱི་སྤྱོད་པ་སྡིག་དང་འདྲེས༔ ཁ་སྐད་ནེ་ཙོས་ཆོས་གཏམ་བཟློགཿ མཁའ་དབྱིངས་གྲང་ལྷག་ངད་པས་གཟིར་བ་ལས༔ དབུལ་བྱེད་སད་སེར་འཁྲུག པ་བཟློགཿ སྨོན་ལོག་དམ་ཉམས་མཐའ་རུ་སྟོར་བ་ལས༔ དམག་འཁྲུག་དབུས་སུ་འཚུབས་པ་བཟློགཿ དུས་ཀྱི་དུ་རུ་ངན་པའི་ཕུང་འགྱེད་ཀྱིས༔ མི་འཚམས་མཚོན་ཆས་གཟེངས་པ་ བཟློག༔ འཇིག་རྟེན་བྱ་ལས་མི་གཙང་སྦྱོར་བ་ཡིས༔ ནད་ཡམས་ཟུག་རྔུ་སློང་བ་བཟློགཿ གསོད་གཅོད་སྡིག་པའི་ཉོ་ཚོང་བྱས་པ་ཡིས༔ དཀར་ཕྱོགས་ཡུལ་བུད་གྱུར་པ་བཟློག གདོལ་པ་ཀླ་ཀློའི་བསམ་སྤྱོད་བཞིན་བསྒྲུབ་པའི༔ ནག་ཕྱོགས་གོ་འཕང་མཐོ་བ་བཟློགཿ རྫས་ངན་དུ་རུའི་ལས་ལ་ཀུན་སྤྱོད་པས༔ ངན་སོང་འཕེལ་ཁ་ཆེ་བ་བཟློགཿ མི་འགྱུ་དགུ་དྲན་སྤྱོད་པ་བརྟེན་པ་ལས༔ སྣང་བ་ཆོ་འཕྲུལ་འཚུབས་མ་བཟློག ཀུན་གཞིའི་ཀློང་དུ་ཀུན་རྟོག་བསགས་རྒྱ་བསྐྱེད༔ ཀུན་རྨོངས་ཕྲེང་ཐག་སྲ་བ་བཟློག། འཁོར་བའི་རྩ་བ་མ་རིག་བག ཆགས་བསགས༔ ཕྱི་ནང་མདུད་དམ་ལྕི་བ་བཟློག སེང་གེ་གངས་གནས་རོ་རུལ་ཟས་ལ་སྤྱོད༔ མི་འཚང་སྡུག་བསྔལ་བསྒྲུབ་པ་བཟློགཿ གསོ་བྱེད་བདུད་རྩིའི་རྫིང་ལ་ཀུན་སྤྱོད་ཅིང་༔ རྗེས་སུ་རེག་ཕུང་ཚོལ་བ་བཟློགཿ དབྱིངས་གསུམ་ཌཱ་ཀིའི་ཞལ་རླངས་བདུད་རྩི་ཡིས༔ སབྟའི་སྙིང་བསླང་སྒྲོ་སྐུར་བཟློགཿ མདོར་ན་གཉིས་སུ་སྣང་བའི་ལ་ཡོག་གིས༔ མི་འདོད་ཕུང་བྱེད་རྐྱེན་གྱི་སྒོ་བསླང་ནས༔ ཆགས་སྡང་འཁྲུལ་པའི་བྱ་སྤྱོད་ཐན་ལྟས་ཏེ༔ གཞོམ་མེད་རྩ་བྲལ་རིག་སྟོང་ཡེ་ཤེས་ལྷས༔ ཆོས་ཉིད་སྤྲོས་མཐའ་བྲལ་བའི་ངང་དུ་བཟློག༔ དོན་དམ་ ཐོ།༔ འགྱུར་བ་མེད་པའི་ས་ཟིན་ཏེ༔ འཁྲུལ་བྲལ་ཡེ་ཤེས་རྡོ་རྗེ་མངོན་གྱུར་ཤོག༔ དེ་ལྟར་རྣལ་འབྱོར་ལྟ་གདིང་ཐོབ་པ་ཡིས༔ གཟུང་འཛིན་གཉིས་སྣང་བར་ཆད་འཆིང་བྱེད་བདུད༔ ཞི་བ་ཆོས་ཉིད་ཆེན་པོར་བཟློག་པའི་མཐུས༔ འགྱུར་མེད་རྡོ་རྗེའི་ས་ཟིན་རྣམ་པར་རྒྱལ༔ ཐེ་ཚོམ་མེད་དོ་རྡོ་རྗེ་པདྨའི་བཀའ༔ ཤིན་ཏུ་ཟབ་པ་ཡང་སྙིང་བླ་མེད་བཅུད༔ འབྲོག་མི་ལོ་ཙཱ་ཆོས་མཛོད་འཛིན་ལ་གཏད༔ ད་དུང་མ་སྤེལ་བརྡར་ཐོབ་གཏེར་དུ་སྦོས༔ མ་འོངས་སྙིགས་མ་ལྔ་ཡི་དུས་སྐབས་སུ༔ ཁྲག་འཐུང་བདུད་འཇོམས་རྡོ་རྗེའི་དཔལ་དུ་ཤར༔ ཀློང་ཆེན་རྡོ་རྗེ་གཟི་བརྗིད་དབྱིངས་ལ་བསྟིམས༔ འགྱུར་མེད་སཱུརྻའི་སྙིང་གི་པདྨོར་སད༔ བསྟན་དང་འགྲོ་བའི་དཔལ་དུ་ཨེ་མ་ཧོཿ བཀའ་གསང་ཐུབ་པར་སྲུངས་ཤིག་སྲོག་བདག་ལྔ༔ སྐལ་མེད་ལག་ཏུ་མ་ཤོར་ཙིཏྟར་རྒྱ༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ བརྡ་ཐིམ༔ སྤྲི ཞེས་པ་འདིའང་ཁྲག་འཐུང་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་གསེར་སྨད་རྔ་རོལ་སྟག་རྩེའི་གཡས་ལོགས་ཤྭ་བྲག་རྡོ་རྗེ་ཅན་ནས་གདན་དྲངས་ཏེ་མི་ལོ་ཕྲག་བརྒྱད་བར་དུ་བཀའ་རྒྱས་བཏབ་མཐར་རང་སློབ་ཆོས་ཀྱི་བདག་པོ་ཕུན་ཚོགས་བཀྲ་ཤིས་ཀྱིས་བསྐུལ་ངོར་ཤོག་སེར་ལས་ཞལ་བཤུས་ཏེ་དག་པར་ཕབ་པའི་ཡི་གེ་པ་ནི་ཡོངས་གྲུབ་རིག་2 པའི་རྡོ་རྗེའོ། །དགེའོ། །དགེའོ། །དགེའོ། །ལེགས་སོ། །སརྦ་མངྒ་ལཾ།། ། ཐན་ T11606 - 558 ཟབ་གསང་མཁའ་འགྲོའི་སྙིང་ཐིག་ལས༔ བདེ་གཤེགས་བཀའ་བརྒྱད་གསང་བ་འདུས་པའི་སྲེག་བླུགས་ཡེ་ཤེས་མེ་ལྕེ བཞུགས་སོ༔ T1606 - 559 ཛོཾ། དཔལ་ཧེ་རུ་ཀ་ལ་ཕྱག་འཚལ་ལོ༔ ཤཤརྦ་སཱབྷཱསྭ བདག་ཉིད་ཆེན་པོ་པདྨ་ཐོད་ཕྲེང་ངས༔ མ་འོངས་ལས་ཅན རྣམས་ཀྱི་དོན་ཆེད་དུ༔ བདེ་གཤེགས་བཀའ་བརྒྱད་གསང་བ་འདུས་པ་ཡི༔ སྲེག་བླུགས་ཡེ་ཤེས་མེ་ལྕེ་ཞེས་བྱ་བསྟན༔ འདི་ཉིད་ལག་ཏུ་ལེན་པའི་རིམ་པ་ནི༔ དཀྱིལ་འཁོར་མདའ་གང་གྲུ་བཞིར་བཅོས་པ་ཡི༔ གཞི་ནག་ལིང་ཚེ་དགུ་ཡི་ཐིག་བཏབ་ནས༔ བརྩིགས་ཤིང་སོར་ནི་བཅུ་གཉིས་ཚད་ཙམ་བྱ༔ གྲུ་གསུམ་ཚུལ་བརྩིགས་ཤར་དུ་མེ་ཚང་དང་༔ ཤར་ལྷོར་མེ་དར་ལྷོ་ནུབ་རླུང་གཡབ་འཇུག༔ མཆོད་དཀྱིལ་རྫས་དཀྱིལ་གཉིས་སུ་བྱས་པ་ཡི༔ མཆོད་དཀྱིལ་སྟེང་དུ་ཁྲུས་བུམ་ཉེར་ལྔས་གཏམས༔ མདུན་དུ་རྣམ་ལྔས་ལེགས་བསྐོར་འཇིག་འདས་ཀྱི༔ གཏོར་མ་གཉིས་དང་00 T11606 - 560 ༣ཐོ།༔ སྨན་རཀ་སོགས་ཀྱང་བཤམས༔ རྫས་དཀྱིལ་སྟེང་དུ་རྫས་ཆེན་བཅུ་གསུམ་པོ༔ མེ་ལྷ་གཡོན་བཤམས་བསྲེགས་ལྷ་གཡས་བསྐོར་བཤམས༔ ཤར་དུ་ཉེར་སྤྱོད་ལྷོ་རུ་འདོད་ཡོན་དང་༔ ནུབ་ཏུ་སྨན་དང་རཀྟ་གཏོར་མ་དང་༔ བྱང་དུ་བྱང་སེམས་དཀར་དམར་སོ་རྩི་གོས༔ གོ་རིམ་མ་འཆོལ་ལེགས་པར་བཤམས་བྱས་ནས༔ རང་ཉིད་ལྷ་ཡི་ང་རྒྱལ་ལྡན་པའི་ངང་༔ ཨོཾ་སྭ་བྷཱ་ཝ་སོགས༔ ལས་ཀྱི་བུམ་པ་མི་དམིགས་པ་སྟོང་པ་ཉིད་དུ་གྱུར༔ སྟོང་པའི་ངང་ལས་པདྨ་དང་ཉི་མའི་གདན་གྱི་སྟེང་དུ༔ ལས་ཐམས་ཅད་གྲུབ་པའི་བུམ་པ་རྒྱ་ཆེ་ལ་ཁྱོན་ཡངས་པ༔ ཕྱི་བུམ་པའི་དབྱིབས་ལ་ནང་ལྷུན་གྲུབ་བདེ་བ་ཆེན་པོའི་གཞལ་ཡས་ཁང་གི་བཀོད་པ་TI1606 - 561 ཕུན་སུམ་ཚོགས་པའི་ནང་དུ་བུམ་བཅུད་བདུད་རྩིའི་རྒྱ་མཚོ་འཁྱིལ་བའི་ཀློང་དུ་སྣ་ཚོགས་པདྨ་དང་ཉི་ཟླའི་གདན་ལ༔ ཁྲོ་རྒྱལ་བདུད་རྩི་འཁྱིལ་བ་སྐུ་མདོག་ལྗང་ནག་གཡས་རྒྱ་གྲམ་དང་༔ གཡོན་པས་དྲིལ་བུ་དཀུར་བརྟེན་པ་ཤིན་ཏུ་ཁྲོ་ཞིང་གཏུམ་པ་དུར་ཁྲོད་ཀྱི་ཆས་ཐམས་ཅད་རྫོགས་ཤིང་ཡེ་ཤེས་ཀྱི་མེ་དཔུང་རབ་ཏུ་འབར་བའི་ཀློང་ན་བཞུགས་པའི་ཐུགས་ཀར་ཉི་མའི་གདན་ལ༔ ཧཱུྃ་ཡིག་མཐིང་ནག་གི་མཐར་སྔགས་ཀྱི་ཕྲེང་བས་བསྐོར་བ་ལས་འོད་ཟེར་འཕྲོ་འདུས་དོན་གཉིས་མཛད༔ སྐུ་ཡི་ཆ་ཐམས་ཅད་ནས་དག་བྱེད་ཡེ་ཤེས་ཀྱི་བདུད་རྩིའི་རྒྱུན་བབ་པས་བུམ་པ་གང་བར་དམིགས༔ ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ བརྒྱ་རྩ་བརྗོད་མཐར༔ ཨརྒྷཾ་སོགས་ཀྱིས་མཆོད༔ དེ་ནས་བསྟོད་པ་ནི༔ ཧཱུྃ༔ ཆོས་ཉིད་ཞི་ལས་མ་གཡོས་ཀྱང་༔ འབར་བ་ཁྲག་