Tibetan
བ་ནི༔ ཧཱུྃ༔ ཉེར་སྤྱོད་འདོད་ཡོན་སྨན་གཏོར་རཀྟ་དང་༔ བཀྲ་ཤིས་རྫས་རྟགས་རྒྱལ་སྲིད་རིན་ཆེན་བདུན༔ རབ་འབྱམས་རྒྱ་མཚོ་ཁམས་གསུམ་ཡོངས་གང་བའི༔ ལོངས་སྤྱོད་འདོད་ ཡོན་མཆོད་པའི་བྱེ་བྲག་ཀུན༔ མ་ལུས་བསྡུས་ཏེ་ཀུན་བཟང་མཆོད་སྤྲིན་དུ༔ བསྒྱུར་ཏེ་དཀྱིལ་འཁོར་ལྷ་ལ་དབུལ་བར་བགྱི༔ བདེ་སྟོང་བདུད་རྩི་བདེ་སྐྱེད་ཆར་མཚོ་རླངས༔ མི་བདེའི་ཟུག་རྔུ་སེལ་བའི་སྨན་མཆོག་དང་༔ འཁོར་འདས་ཡོངས་ཁྱབ་བླ་མེད་མཆོད་སྤྲིན་འདི༔ རྣམ་སྲས་རིགས་ལྔ་ཡབ་ཡུམ་སྲས་འཁོར་ལ༔ དད་པས་འབུལ་གྱིས་བཞེས་ནས་བདག་ཅག ལཿ འབད་མེད་རང་བྱུང་མཆོད་དང་སྦྱིན་པའི་གྲོགས༔ ཟད་མེད་རིན་ཆེན་གཏེར་གྱི་དངོས་གྲུབ་སྩོལ༔ ཨོཾ་བཛྲ་ཨརྒྷཾ་པཱདྱཾ་པུཥྤེ་དྷུ་པེ་ཨཱ་ལོ་ཀེ་གནྡྷེ་ནཻ་ཝིདྱ་ཤཔྡ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡ་ཁཾ་སྭ་ཧཱ༔ ཨོཾ་རཱུ་པ་སོགས༔ སྤཪྴ་པྲ་ཏཱིཙྪ་པཱུ་ཛཿ ཨོཾ་མ་ཧཱ་སརྦ་པཉྩ་ཨ་མྲྀ་ཏ་ལ་ཁཱ་ཧི༔ སརྦ་སིདྡྷི་སིདྡྷི་ཧཱུྃ༔ མ་ཧཱ་རཀྟ་ལ་ཁཱ་ཧི༔ སརྦ་སིདྡྷི་སིདྡྷི་ཧཱུྃ༔ མ་ཧཱ་བ་ལིང་ཏ་ལ་ཁཱ་ཧི༔ སརྦ་སིདྡྷི་སིདྡྷི་ཧཱུྃ༔ སརྦ་གྷ་ཎ་ཙཀྲ་ཛྙཱ་ན་པཉྩ་ཨ་མྲྀ་ཏ་ཨོཾ་ཨཱཿ ཧཱུྃ་སྭ་ཧཱ༔ མ་ཧཱ་པཱུ་ཛ་སརྦ་རཏྣ་སིདྡྷི་ཕ་ལ་ཧཱུྃ་ཨཱཿ དེ་ནས་བསྟོད་པ་ནི༔ ཧཱུྃ༔ གདོད་ནས་ཡེ སངས་རྒྱས་པ་ཆོས་ཀྱི་སྐུ༔ འགྲོ་ལ་བརྩེ་དགོངས་ཐབས་ཀྱིས་འགྲོ་དོན་མཛད༔ འགྲོ་བའི་དབུལ་སེལ་འདོད་འབྱུང་ནོར་གྱི་མཛོད༔ མགོན་པོ་རྣམ་ཐོས་སྲས་ལ་ཕྱག་འཚལ་བསྟོད༔ ཐོ།༔ ཐུགས་རྗེ་ཆེན་པོས་གང་འདུལ་སྐུར་སྟོན་པ༔ དྲན་པ་ཙམ་གྱིས་འདོད་ཡོན་ཆར་ཆེན་འབེབས༔ དབུལ་དང་ཕོངས་པ་ཐམས་ཅད་རྣམ་པར་སེལ༔ རྨུག་འཛིན་དཀར་པོ་ཁྱོད་ལ་ཕྱག་འཚལ་བསྟོད༔ གསེར་གྱི་རི་ལ་ཉི་ཤར་ལྟ་བུའི་སྐུ༔ ཡེ་སངས་རྒྱས་པ་ཐབས་ཀྱིས་སྐུར་སྟོན་ཅིང་༔ བྱང་ཆུབ་སེམས་དཔའ་འགྲོ་བའི་དོན་མཛད་པ༔ འཕགས་པ་ཛམྦྷ་ལ་ལ་ཕྱག་འཚལ་བསྟོད༔ སྐུ་མདོག་པདྨ་རཱ་གའི་ལྷུན་པོ་འདྲ༔ ཁམས་གསུམ་དབང་སྡུད་འགྲོ་བའི་དབུལ་ཕོངས་སེལ༔ འཇིག་རྟེན་འདས་ཀྱང་འཁོར་བའི་ཚུལ་སྟོན་པ༔ པདྨ་ཛམྦྷ་ལ་ལ་ཕྱག་འཚལ་བསྟོད༔ སྐུ་ནི་ཨིནྡྲ་ནཱི་ལའི་ལྷུན་པོ་ལྟར༔ ཁྲོ་གཏུམ་ཚུལ་སྟོན་རྨངས་སྡུག་དབུལ་ཕོངས་འཇོམས༔ ཡེ་སངས་རྒྱས་ཀྱང་སེམས་དཔའི་ཚུལ་འཛིན་པ༔ མགོན་པོ་ཛམྦྷ་ལ་ལ་ཕྱག་འཚལ་བསྟོད༔ ཡེ་ཤེས་དབྱིངས་ལས་ཐབས་ཀྱིས་སྐུར་བཞེངས་པ༔ མ་ཆགས་ཆགས་བྲལ་ཆགས་པ་ཆེན་པོའི་ཐུགས༔ སེམས་དཔའ་སེམས་མས་འགྲོ་བའི་དོན་མཛད་པ༔ ནོར་ལྷ་གཏེར་བདག་རྣམས་ལ་ཕྱག་འཚལ་བསྟོད༔ གནོད་སྦྱིན་ཡུལ་སྐྱོང་རྒྱལ་ཆེན་རྣམ་ཐོས་སྲས༔ གཏེར་མཛོད་བདག་པོ་ཛམ་ལྷ་རིགས་བཞི་དང་༔ སྡུག་བསྔལ་ལས་སྒྲོལ་ དཔལ་མོ་ནོར་རྒྱུན་མ༔ གནོད་སྦྱིན་ནོར་ལྷའི་ཚོགས་ལ་ཕྱག་འཚལ་བསྟོད༔ བདག་ནི་མ་རིག་འཁྲུལ་པའི་དབང་གྱུར་པས༔ འགྲོ་ལ་ཕན་སེམས་ཆུང་ཞིང་གནོད་སེམས་དང་༔ གཏོང་སེམས་ཆུང་ཞིང་འཛིན་པས་འཆིང་བ་ཡིས༔ སེར་སྣའི་དབང་གྱུར་ཐུགས་དང་འགལ་བ་བཤགས༔ ཨོཾ་བཛྲ་སཏྭ་ས་མ་ཡ་སོགས༔ དེ་ནས་ཛཔ་འཁོར་དངོས་གྲུབ་འདོད་འབྱུང་ནི༔ རང་ཉིད་ཡི་དམ་ལྷ་རུ་གསལ་བའི་མདུན༔ གཞལ་ཡས་ཁང་དུ་རྒྱལ་ཆེན་འཁོར་བཅས་ཀྱི༔ ཐུགས་ཀར་ཟླ་སྟེང་རང་རང་སྲོག་ཡིག་ལ༔ སྔགས་ཀྱི་ཕྲེང་བ་གཡས་གཡོན་འཁོར་བར་བསམ༔ རང་གི་ཐུགས་ཀའི་ཧཱུྃ་ལས་འོད་ཟེར་ཕོག༔ རང་རང་ཁས་བླངས་དམ་བཅས་དྲན་ནས་སུ༔ བརྩེར་དགོངས་དགྱེས་ཤིང་བྱང་ཆུབ་སྙིང་པོའི་བར༔ དབྱེར་མེད་དངོས་གྲུབ་རྒྱུན སྟེར་ཞལ་བཞེས་བསམ༔ ཨོཾ་བེེ་ཤྲ་མ་ཎ་ཡེ་སྭཱ་ཧཱ༔ འདི་ལ་ཅི་ནུས་བཟླ༔ སླར་ཡང་རང་གི་ཐུགས་ཀའི་འོད་ཟེར་གྱིས༔ དཀྱིལ་འཁོར་ལྷ་ཚོགས་ཐུགས་དམ་རྒྱུད་བསྐུལ་ནས༔ རང་རང་སོ་སོའི་ཐུགས་སྲོག་སྔགས་འཁོར་ལས༔ འོད་འཕྲོས་སྣང་སྲིད་ཟས་ནོར་ལོངས་སྤྱོད་གཡང་༔ ཚུར་བསྡུས་སྒྲུབ་པའི་དལ་ལ་ཐིམ་པར་བསམ༔ རྣམ་ཐོས་སྲས་ཀྱི་ཐུགས་ཀར་ ཐ༹ཾ།༔ བེེ་སེར་པོ་ལ་སྔགས་ཀྱིས་བསྐོར་བའི་འོད་ཟེར་གྱིས༔ སྣང་སྲིད་ཁམས་ཀྱི་ཟས་ནོར་བཅུད་གཡང་ཐམས་ཅད་བདག་གི་དབང་དུ་བསྡུས་ཏེ་ཟས་ནོར་ལོངས་སྤྱོད་ཀྱི་ཆར་ཆེན་པོ་འབེབས་པར་བསམ་ལ༔ ཨོཾ་བེེ་ཤྲ་མ་ཎ་ཡེ་སརྦ་སིདྡྷི་ཕ་ལ་ཧཱུྃ༔ འདི་ལ་སྟོང་བཟླས་མཐར༔ ཛམྦྷ་ལ་དཀར་པོའི་ཐུགས་ཀར་ཛཾ་ཡིག་དཀར་པོ་ལ་སྔགས་ཀྱིས་བསྐོར་བའི་འོད་ཟེར་གྱིས༔ སྣང་སྲིད་ཀྱི་ཟས་ནོར་བཅུད་གཡང་ཐམས་ཅད་བདག་གི་དབང་དུ་བསྡུས་ཏེ་ཟས་ནོར་ལོངས་སྤྱོད་ཀྱི་ཆར་ཆེན་པོ་འབེབས་པར་བསམ༔ ཨོཾ་པདྨ་ཀྲོ་ངྷ་ཨཱཪྻ་ཛམྦྷ་ལ་སརྦ་རཏྣ་སིདྡྷི་ཕ་ལ་ཧཱུྃ༔ ཛམྦྷ་ལ་སེར་པོའི་ཐུགས་ཀར་ཛི་ཡིག་སེར་པོ་ལ་སྔགས་ཀྱིས་བསྐོར་བའི་འོད་ཟེར་གྱིས་སོགས་འགྲེའོ༔ འབེབས་པར་བསམ༔ ཨོཾ་ཛམྦྷ་ལ་ཛ་ལེནྡྲ་ཡེ་སརྦ་སིདྡྷི་ཕ་ལ་ཧཱུྃ༔ ཛམ་དམར་གྱི་ཐུགས་ཀར་ཛི་ཡིག་དམར་པོ་ལ་སྔགས་ཀྱིས་བསྐོར་བའི་འོད་ཟེར་གྱིས་སོགས་འགྲེ༔ ཨོཾ་ཛམྦྷ་ལ་ཛ་ལེནྡྲ་ཡེ་དྷ་ན་མེ་དྷི་ཧྲཱིཿ སརྦ་རཏྣ་སིདྡྷི་ཕ་ལ་ཧཱུྃ༔ ཛམྦྷ་ལ་ནག་པོའི་ཐུགས་ཀར་ཛི་ཡིག་ནག་པོ་ལ་སྔགས་ཀྱིས་བསྐོར་བའི་འོད་ཟེར་གྱིས་སོགས་འགྲེ༔ ཨོཾ་ཛ་ལུ་སྭཱ་ཧཱ༔ ཨོཾ་ཨིནྡྲ་ནཱི་མུ་ཁཾ་བྷྲ་མ་རི་སརྦ་རཏྣ་སིདྡྷི་ཕ་ལ་ཧཱུྃ༔ རེ་རེ་ལ་ཡང་སྟོང་རེ་བཟླ༔ གཡང་འགུགས་ཐུགས་རྗེའི་ལྕགས་ཀྱུ་བརྗོད༔ ས་མ་ཡ༔ རྒྱ་རྒྱ་རྒྱ༔ མ་འོངས་ང་ཡི་བརྒྱུད་འཛིན་རྣམས༔ འཛིན་ཆགས་བཤིག་ལ་གཏོང་བ་མཛོད༔ སེར་སྣས་འཆིངས་བཤིག མཆོད་སྦྱིན་ནི༔ འདི་ཡི་དམ་ཚིག་འདི་ཀའོ༔ འདི་འདྲའི་ནོར་སྒྲབ་ཟབ་མོ་ནི༔ སྟོང་གསུམ་ས་སྟེང་བསྐོར་ཡང་རྙེད་རེ་ཀན༔ བཀའ་འདི་མ་མོ་བཅུ་གཉིས་ཉེར་བརྒྱད་དང་༔ གནོད་སྦྱིན་ཤན་པ་ཀུན་དགའ་གཞོན་ནུ་དང་༔ བཙན་དམར་ཤན་པ་སྐྱ་གཅིག་བཅས་ལ་གཉེར༔ ཐུབ་པར་སྲུངས་ཤིག་སྐུ་གསུང་ཐུགས་ཀྱི་རྒྱ༔ དམ་ཉམས་ལྟ་ལོག་ལག་ཏུ་མ་ཤོར་ཅིག༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ བདག་འདྲ་རིག་འཛིན་པདྨ་ཐོད་ཕྲེང་ངས༔ མ་འོངས་སྐལ་ལྡན་བུ་ཡི་དོན་ཆེད་དུ༔༷ དཔལ་ཆེན་ཁྲོ་རྒྱལ་ཁམས་གསུམ་རྣམ་རྒྱལ་གྱི༔ སྲུང་བླསཤ_UNKརྣ་༔ བདག་འདྲ་རིག་འཛིན་པདྨ་ཐོད་ཕྲེང་ངས༔ མ་འོངས་ལས་ཅན་བུ་ཡི་དོན་ཆེད་དུ༔ དཔལ་ཆེན་ཁྲོ་རྒྱལ་ཁམས་གསུམ་རྣམ་རྒྱལ་གྱི༔ བྱད་སྲུང་བླབྷ།ཝབྷས༔ བདག་འདྲ་རིག་འཛིན་པདྨ་ཐོད་ཕྲེང་ངས༔ མ་འོངས་ལས་ཅན་བུ་ཡི་དོན་ཆེད་དུ༔ གཡུལ་ལས་རྣམ་རྒྱལ་ ཐ།༔ ས་རྤ་བླ།བྷཟླ༔ བདག་འདྲ་རིག་འཛིན་པདྨ་ཐོད་ཕྲེང་ངས༔ མ་འོངས་ལས་ཅན་བུ་ཡི་དོན་ཆེད་དུ༔ དཔལ་ཆེན་ཁྲོ་རྒྱལ་ཁམས་གསུམ་རྣམ རྒྱལ་གྱི༔ མཚོན་སྲུང་བྷབྲབླཐག༔ བདག་འདྲ་རིག་འཛིན་པདྨ་ཐོད་ཕྲེང་ངས༔ མ་འོངས་ལས་ཅན་བུ་ཡི་དོན་ཆེད་དུ༔ དཔལ་ཆེན་ཁྲོ་རྒྱལ་ཁམས་གསུམ་རྣམ་རྒྱལ་གྱི༔ མཚོན་སྲུང་གབདླ།ཀརྨབྷཾབ་བྷྲཱ༔ བདག་འདྲ་རིག་འཛིན་པདྨ་ཐོད་ཕྲེང་ངས༔ མ་འོངས་ལས་ཅན་བུ་ཡི་དོན་ཆེད་དུ༔ དཔལ་ཆེན་ཁྲོ་རྒྱལ་ཁམས་གསུམ་རྣམ་རྒྱལ་གྱི༔ མཚོན་སྲུང་བྷགབ(དྲུགཤཐ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ བདག་འདྲ་རྗེ་བཙུན་པདྨ་འོད་འབར་ངས༔ མ་འོངས་ལས་ཅན་རྣམས་ཀྱི་དོན་ཆེད་དུ༔ དཔལ་ཆེན་ཁྲོ་རྒྱལ་ཁམས་གསུམ་རྣམ་རྒྱལ་གྱི༔ ཐོ་ལུམ་སྟོང་གསུམ་ཕུང་འགྱེད་གཤམ།མས།ངྒ།ཐར།༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ བདག་འདྲ་རིག་འཛིན་པདྨ་འོད་འབར་ངས༔ མ་འོངས་ལས་ཅན་སྐལ་ལྡན་བུ་ཡི་དོན་ཆེད་དུ༔ དཔལ་ཆེན་ཁྲོ་རྒྱལ་ཁམས་གསུམ་རྣམ་རྒྱལ་གྱི༔ བླ་རྡོ་ཁམས་གསུམ་རྣམ་རྒྱལ་ཞེས་བྱ་བསྟན༔ འདི་ཉིད་ལག་ཏུ་ལེན པའི་རིམ་པ་ནི༔ མཚལ་ལམ་སྣག་ཚར་སྔགས་འདི་སྟོང་བཏབ་བོ༔ ངྷ་ཏྲེེ་ལོཀྱ་བི་ཛ་ཡ་བྷིནྡྷ་བྷིནྡྷ་ཧཱུྃ་ཕཊ༔ སརྦ་སིདྡྷི་རཏྣ་འདུས་བྱུག༔ མཐའ་མར་བཀྲ་ཤིས་རྫས་རྟགས་བྲག་རི་བྲི༔ རྟེན་དུ་བཙུག་ལ་རབ་གནས་བྱ༔ མགུལ་དུ་མར་རྫོགས་སངས་རྒྱས་པའི་འབྲས་བུ་འཐོབ༔ མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཨེ་ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣན་བཾ་ཧཱུྃ་ཕཊ༔ ཨོཾ་བཛྲ་ཀྲོ་འདུས་ཏིཥྛ་བཛྲ་སྭཱ་ཧཱ༔ ཨ་རུ་ར་དང་རིན་ཆེན་སྣ་ལྔ མེ་རླུང་བྲག་ཆེན་རྡོ་རྗེའི་ར་བས་བསྐོར༔ སྒྲུབ་པའི་བཏགས་པས་མི་མཐུན་ཕྱོགས་ལས་རྒྱལ༔ ཕྱི་སྔགས་སྲུང་ཨེ་ཀ་ཛ་ཊཱིས་སྲུངས་ཤིག་རྒྱ༔ ས་མངའ་བདག་ཆོས་ཀྱི་རྒྱལ་པོ་གསོན༔ མུན་TI1604 - 482 ཐ།༔ གླིང་མ་སངས་པའི་བསྐལ་པ་ཤར༔ འདི་ཡང་སྔོན་གྱི་རུང་ཁ་ཤོར་དུ༔ སྐྱེས་པ་བུ་བཞིའི་སྨོན་ལམ་མཁན་སློབ་ཆོས་གསུམ་ཉི་ཟླ་སྐར་བཞིན་ཤར༔ ནད་སེལ་སྨན་གྱི་སྡོང་པོ་འཁྲུངས༔ ལོ་འདབ་ཆར་རྒྱུན་འབབས༔ གོང་མས་འོག་མ་འོག་མས་བདུད་ཡུལ་ནག་པོ་འདིར༔ བདེ་སྐྱིད་ཕུན་སུམ་ཚོགས སྨོན་ལམ་མཐུ་ལས་བྱུང་༔ བལ་ཡུལ་མཆོད་རྟེན་བྱ རྣམ་དག་བཏབ༔ དེ་འབྲས་ད་ལྟ་མུན་པའི་གླིང་འདི་རུ༔ མཐའ་དབུས་ལོ་པཎ་སྐར་ཚོགས་ལྟ་བུ་འདུས༔ ཉོན་མོངས་ཡལ་ག་མཐའ་རུ་རྒྱས་པར་བྱས༔ དམ་ཆོས་བདུད་རྩི་སྨན་གྱི་འོག་མ་ལ༔ བྱིན་རླབས་བརྒྱུད་པའི་ཟམ་པ་ད་ནས་འཛུག༔ ད་ ལྟ་བོད་ལ་བདེ་སྐྱིད་ཉི་མ་ཤར༔ མ་འོངས་བསྐལ་པ་ངན་པའི་བར་སྐབས་སུ༔ བསོད་ནམས་ཉམས་པའི་སེམས་ཅན་སྐྱོབ་པའི་ཕྱིར༔ བདག་གི་སྙིང་ཐིག་ཟབ་མོ་གཏེར་དུ་སྦོས༔ འོད་གསལ་ཉི་མ་ལྷོ་ནུབ་མཚམས་སུ་འགྲོ༔ མུན་སེལ་ཟླ་བ་ནུབ་བྱང་མཚམས་སུ་གཤེགས༔ སྐར་ཆེན་འོད་འབར་འོག་མིན་ཞིང་དུ་གཤེགས༔ ལོ་པཎ་སྐར་ཚོགས་ཐམས་ཅད་ཕྱོགས་སུ་གྱེས༔ དེ་ཚེ་བོད་ལ་བདེ་སྐྱིད་འབྱུང་དུས་དཀོན༔ ཞེས་གསུངས་རྒྱལ་པོའི་སྤྱན་ཆབ་ལྷུང་ལྷུང་ནས༔ བོད་ཡུལ་འདྲེ་བདུད་མ་སངས་ཡུལ་འདི་ལ༔ སྐྱིད་པའི་ཉི་མ་ལན་གཅིག་ཤར་བ་ཡང་༔༷ མི་རྟག་པས་ན་ངའི་འབངས་ཨ་ཙ་མ༔ ཀྱེ་མ་ཀྱེ་ཧུད་གུ་རུ་རིན་པོ་ཆེ༔ འདི་དག་ཇི་ལྟར་སྐྱོབ་ཐབས་མཆིས་སམ་ཞུས༔ དེ་ནས་ཨོ་རྒྱན་ཆེན་པོས་འདི་སྐད་གསུངས༔ གསོན་དང་འགྲོ་བའི་མགོན་པོ་ཆོས་ཀྱི་རྒྱལ༔ སེམས་ཅན་བསོད་ནམས་དམན་པས་སྐྱོབ་ཐབས་དཀའ༔ ཡེ་སངས་རྒྱས་པ་པདྨ་འབྱུང་གནས་ངས༔ འགྲོ་བ་སྐྱབས་མེད་སྐྱོབ་པའི་ཐུགས་བསྐྱེད་ཀྱིས༔ དཀའ་བ་དང་བླངས་སླ་བ་རྒྱབ་བོར་ནས༔ ས་འོག་ཀླུ་ལ་གསང་སྔགས་ཆོས་སྟོན་མཛད༔ ཀླུ་ཡུལ་བདེར་བཀོད་མི་ཡུལ་འདུལ་བར་གཟིགས༔ སྤྲེའུ་ལོ་སྤྲེ་འུ་ཟླ་བའི་ ཐ༹ཾ༔ ཚེས་བཅུའི་ཉིན༔ རྒྱུ་རྐྱེན་ལས་འདས་རྒྱ་མཚོའི་པད་མ་ལ༔ ཕ་མེད་མ་མེད་རང་བྱུང་ངང་ལས་འཁྲུངས༔ མཚན་ཡང་གུ་རུ་མཚོ་སྐྱེས་རྡོ་རྗེར་གྲགས༔ ཨོ་རྒྱན་རྒྱལ་པོ་ཨིནྡྲ་བྷུ་ཏི་ཡིས༔ སྲས་མེད་སྲིད་ལ་རེ་བའི་སྦྱིན་གཏོང་ཕྱིར༔ འཛད་མེད་འདོད་འབྱུང་ནོར་བུ་ལེན་པ་རུ༔ རྒྱ་མཚོ་གཟིངས་ཀྱིས་བགྲོད་པའི་ལམ་ནས་རྙེད༔ སྲས་ཀྱི་སྐལ་མཛད་སྟག་ཟླའི་ཚེས་བཅུའི་ཉིན༔ རྒྱལ་སར་བཏོན་ནས་རྒྱལ་སྲིད་ཆོས་ཀྱིས་བསྐྱངས༔ མཚན་ཡང་གུ་རུ་པདྨ་རྒྱལ་པོར་གྲགས༔ རྒྱལ་སྲིད་ཐབས་ཀྱིས་སྤངས་པའི་སྤྱོད་པ་མཛད༔ བློན་འབངས་ཡོ་ལོག་སྟག་ཟླའི་ཚེས་བཅུའི་ཉིན༔ འཇིགས་རུང་དུར་ཁྲོད་བསིལ་བའི་ཚལ་དུ་སྤྲུགས༔ བམ་རོའི་ཁྲིར་བཞུགས་བམ་གྱི་སྒྲུབ་པ་མཛད༔ སྦྱོར་སྒྲོལ་དགོངས་པས་བརྟུལ ཞུགས་སྤྱོད་པ་ཡིས༔ མ་མོ་མཁའ་འགྲོ་དབང་བསྡུས་དབང་བསྒྱུར་མཛད༔ མཚན་ཡང་གུ་རུ་ཤཱནྟི་རཀྵིར་གྲགས༔ རང་གི་དུས་བཟང་འབྲུག་ཟླའི་ཚེས་བཅུ་ལ༔ སློབ་དཔོན་པྲ་ཆེན་ཧསྟིའི་དྲུང་དུ་བྱོན༔ ཡོ་ག་གསུམ་སྦྱངས་ཡོ་གའི་ལྷ་ཞལ་མཐོང་༔ སྲིད་གསུམ་འགྲན་ཟླ་བྲལ་བའི་ཡ་མཚན་སྐྱེས༔ མཚན་ཡང་གུ་རུ་བློ་ལྡན་མཆོག་སྲེད་གྲགས༔ དུས་བཟང་སྦྲུལ་གྱི་ ཟླ་བའི་ཚེས་བཅུའི་ཉིན༔ ཨ་སུ་ར་ཡི་བྲག་ཕུག་ཆེན་པོ་རུ༔ ཀུན་དགའ་བོ་ཡི་དྲུང་དུ་ཕྱིན་ནས་སུ༔ སངས་རྒྱས་བསྟན་ལ་རབ་ཏུ་བྱུང་ཚུལ་མཛད༔ དེ་ཚེ་ས་ཡི་ལྷ་མོས་ཆོས་གོས་ཕུལ༔ མཚན་ཡང་གུ་རུ་ཤཱཀྱ་སེངྒེར་གྲགས༔ རྟ་ཟླའི་ཚེས་བཅུར་ཟ་ཧོར་འདུལ་དུ་བྱོན༔ གཙུག་ལག་འཛིན་གྱིས་མེ་ལ་གསོན་བསྲེགས་བྱས༔ མེ་དཔུང་མཚོར་བསྒྱུར་པད་སྡོང་རྩེ་ལ་བཞུགས༔ རྒྱལ་པོས་གནོང་འགྱོད་དྲག་པོས་མཐོལ་བཤགས་ཏེ༔ རྒྱལ་སྲིད་ཕུལ་བྱས་རྒྱལ་སར་བཏོན་ནས་སུ༔ ཟ་ཧོར་རྒྱལ་ཁམས་ཐམས་ཅད་ཆོས་ལ་བཙུད༔ གུ་རུ་པདྨ་སམ་བྷ་ཞེས་སུ་གྲགས༔ ལུག་ཟླའི་ཚེས་བཅུར་མ་ར་ཏི་ཀར་བྱོན༔ ཡབ་ཡུམ་སྙོམས་འཇུག་ཚེ་ཡི་རིག་འཛིན་བསྒྲུབས༔ ཚེ་དཔག་མེད་མགོན་མངོན་བྱོན་དབང་བསྐུར་ནས༔ ལུང་བསྟན་ཐོབ་ཅིང་ཚེ་ཡི་རིག་འཛིན་བརྙེས༔ འགྲོ་དོན་མཐར་ཕྱིན་བསྟན་པ་མཐའ་རུ་རྒྱས༔ མཚན་ཡང་གུ་རུ་པདྨ་བཛྲ་གྲགས༔ ཁྱི་ཡི་ཟླ་བའི་ཚེས་བཅུའི་ཉིན་དུས་སུ༔ དུར་ཁྲོད་ཆེན་པོ་སྐུ་ལ་རྫོགས་སུ་བྱོན༔ མ་མོ་མཁའ་འགྲོ་དབང་བསྡུས་ཆོས་འཁོར་བསྐོར༔ དུར་ཁྲོད་ལ་གནས་འགྲོ་རྣམས་ཆོས་ལ་བཙུད༔ ཐམས་ཅད་མངོན་སངས་རྒྱས་པའི་འབྲས་བུ་ཐོབ༔ མཚན་ཡང་གུ་རུ་ཉི་མ་འོད་ཟེར་ ཐེོཾ༔ གྲགས༔ ཕག་གི་ཟླ་བའི་ཚེས་བཅུའི་ཉིན་པ་ལ༔ འོག་མིན་གནས་སུ་ཀུན་བཟང་དྲུང་དུ་བྱོན༔ ཡང་གསང་བླ་མེད་གསང་སྔགས་རྡོ་རྗེའི་ཐེག༔ ཐེག་ཀུན་ཡང་སྙིང་མ་ལུས་ཡོངས་རྫོགས་གསན༔ ཀུན་བཟང་འོད་མི་འགྱུར་བའི་དགོངས་ཉམས་ཐོབ༔ སྐུ་གསུམ་ལྷུན་གྲུབ་བདག་ཉིད་ཆེན་པོ་བརྙེས༔ མཚན་ཡང་གུ་རུ་རྡོ་རྗེ་འཆང་ཆེན གྲགས༔ བྱི་བ་ཟླ་བའི་ཚེས་བཅུའི་ཉིན་པ་ལ༔ བལ་ཡུལ་ཡང་ལེ་ཤོད་ཀྱི་བྲག་ཕུག་ཏུ༔ ཡང་དག་བདེ་གཤེགས་སྙིང་པོའི་སྒྲུབ་པ་མཛད༔ གྲུབ་པ་མངོན་གྱུར་སྡེ་བརྒྱད་བདུད་བགེགས རྣམས༔ མ་ལུས་བཏུལ་ནས་དམ་བཏགས་ཆོས་ལ་བཙུད༔ མཚན་ཡང་གུ་རུ་རྡོ་རྗེ་ཐོད་ཕྲེང་གྲགས༔ གླང་གི་ཟླ་བའི་ཚེས་བཅུའི་ཉིན་པ་ལ༔ མངའ་བདག་རྒྱལ་པོས་བོད་དུ་སྤྱན་དྲངས ནས༔ བོད་ཀྱི་གདུག་ཅན་བགེགས་འབྱུང་ཐམས་ཅད་བཏུལ༔ ལྷ་སྲིན་སྡེ་བརྒྱད་དམ་བཏགས་གཏེར་གཉེར་གཏད༔ ས་འདུལ་མཛད་ནས་དཔལ་གྱི་བསམ་ཡས་བཞེངས༔ མུན་གླིང་བོད་ཀྱི་ཡུལ་ཁམས་ཆོས་ལ་ཚུད༔ མཚན་ཡང་གུ་རུ་པདྨ་འབྱུང་གནས་གྲགས༔ སྤྲེའུ་ཟླ་བའི་ཚེས་བཅུའི་ཉིན་པ་ལ༔ སྟག་ཚང་སེངྒེ་བསམ་འགྲུབ་ཀེའུ་ཚང་དུ༔ རྡོ་རྗེ་ཕུར་པའི་དཀྱིལ་ འཁོར་ཞལ་ཕྱེས་ནས༔ སྒྲུབ་པ་མཛད་ཅིང་གྲུབ་པ་མངོན་གྱུར་ནས༔ དུས་གཅིག་སྐུ་གསུམ་སྤྲུལ་པ་བཀྱེས་ནས་སུ༔ རྒྱ་གར་རྒྱ་ནག་བོད་ཀྱི་ཡུལ་ཁམས་སུ༔ བདུད་དང་དམ་སྲི་མུ་སྟེགས་སྡེ་ཚོགས་བཏུལ༔ དེ་ནས་སྐུ་གསུམ་གཅིག་གྱུར་བོད་ཡུལ་དུ༔ གཏེར་ཁ་མང་སྦས་བསྟན་པ་མཐའ་རྒྱས་མཛད༔ མཚན་ཡང་གུ་རུ་རྡོ་རྗེ་གྲོ་ལོད་གྲགས༔ མཛད་ཚུལ་རྒྱས་པར་བཤད་ན་ཟིན་དུས་མེད༔ ལར་ནི་གླིང་མཐའ་མུན་གླིང་མ་གཏོགས་པ༔ རྒྱ་གར་རྒྱ་ནག་བོད་ཡུལ་ཐམས་ཅད་ལ༔ བདག་གི་ཞབས་ཀྱིས་མ་བཅག་ས་ལ་ནི༔ རྨིག་རྗེས་སམ་ནི་ཏིལ་མིག་ཙམ་ཡང་མེད༔ ལྷ་འདྲེ་མི་གསུམ་ཐམས་ཅད་ཆོས་ལ་བཙུད༔ བདག་ཉིད་ཡེ་སངས་རྒྱས་པ་རྡོ་རྗེའི་སྐུ༔ རྡོ་རྗེའི་སྐུ་ལ་རེག་འཛིན་མི་མངའ་ཡང་༔ གང་འདུལ་ཐབས་ཀྱིས་འགྲོ་ལ གཟུགས་སྐུར་བསྟན༔ བསྟན་པའི་བདག་པོ་སངས་རྒྱས་བཅོམ་ལྡན་འདས༔ རྡོ་རྗེའི་སྐུ་སྟེ་རྡོ་རྗེའི་སྐུ་མངའ་བ༔ གདུལ་བྱའི་མོས་ངོར་སྐུ་ལུས་བཞག་ཚུལ་བསྟན༔ དེ་བཞིན་བདག ཀྱང་རྡོ་རྗེའི་སྐུ་མངའ་ཡང་༔ ཐབས་ཀྱིས་འགྲོ་ལ་གཟུགས་སྐུར་ངོམས་པ་ཡིས༔ འགྲོ་བའི་དོན་ལ་ཇི་ལྟར་བརྩོན་བརྩོན་ཡང་༔ སེམས་ཅན་ལས་ངན་བཟློག་པའི་ཐབས་མ་མཆིས༔ ཐེོཾ།༔ མངའ་བདག་རྒྱལ་པོ་ཐུགས་བསྐྱེད་རྒྱ་ཆེ་ཡང་༔ སེམས་ཅན་ལས་ངན་ཆུད་ཟོས་གཏོང་ཐབས་མེད༔ དེ་ནས་མངའ་བདག་ཆོས་ཀྱི་རྒྱལ་པོ་ཡིས༔ ལེགས་སོ་ལེགས་སོ་ཀུན་བཟང་རྡོ་རྗེ་འཆང་༔ བདག་གི་བོད་འབངས་སྐྱོབ་ཐབས་མ་མཆིས་ན༔ གསང་བའི་ཡང་གསང་མཁའ་འགྲོའི་སྙིང་ཁྲག་འདི༔ འབྱིན་དུས་ནམ་ཡིན་གཏེར་སྟོན་གང་གི་སྐལ༔ དེ་དུས་དུས་ཀྱི་བདེ་སྡུག་གང་ལྟར་ལགས༔ དེ་འོག་དུས་དང་གང་ཟག་ཇི་ལྟར་འབྱུང་༔ ཨོ་རྒྱན་ཆེན་པོས་བདག་ལ་བསྟན་དུ་གསོལ༔ དེ་ནས་ཨོ་རྒྱན་ཆེན་པོའི་ཞལ་ན་རེ༔ ཉོན་ཅིག་བོད་ཀྱི་མངའ་བདག་ཆོས་ཀྱི་རྒྱལ༔ འདི་འབྱིན་དུས་ནི་སུམ་ཅུ་ཁ་རལ་དུས༔ དུས་དེར་གནམ་ལ་བྱ་དཀར་མཇུག་རིང་འཆར༔ བོད་དུ་དམ་ལོག་བདུད་ནག་ཕོ་མོ་བདུན༔ དུས་འཁྲུགས་མཚོན་གྱི་ཁྲག ཆར་དམར་པོ་འབེབས༔ ཕྱི་ནང་བར་གསུམ་འཁྲུགས་རྩོད་འཐབ་ར་འཆའ༔ ནད་རིམས་གོད་ཕུང་ལོ་ཉེས་སྣ་ཚོགས་འབྱུང་༔ དེ་དུས་གཏེར་འདིའི་གདུལ་བྱ་དུས་ལ་བབས༔ ཁྱད་པར་ཐུགས་སྒྲུབ་གསང་བའི་རྒྱ་ཅན་འདི༔ སྒྲུབ་ལུགས་མི་འདྲ་བཅུ་བདུན་འདུས་པ་ལས༔ ཕྱི་ལྟར་ལྷ་ཡི་མདོག་མཚན་སོ་སོ་ལ༔ གསང་བ་རྡོ་རྗེ་གཞོན་ནུའི་སྒྲུབ་པའོ༔ རྣམ་འགྱུར་མ་ངེས་སོ་སོར་ བསྒྱུར་བ་ཡིན༔ འདི་ཉིད་སྒྲུབ་རྒྱུན་འཛིན་པའི་ཡུལ་དེ་ལ༔ བདེ་ལེགས་ཀུན་བྱུང་ཕྱོགས་ལས་རྣམ་རྒྱལ་འཐོབ༔ འདི་ཉིད་དབང་སྐལ་བབས་པའི་གཏེར་སྟོན་ནི༔ འབྲོག་བན་ལོ་ཙཱའི་ཡང་སྲིད་སྦས་ཚུལ་ཅན༔ ང་ཡི་ཕྲིན་ལས་སྤྲུལ་པ་བདུད་འཇོམས་གླིང་༔ བདུད་བགེགས་རྒྱལ་བསེན་ཀུན་གྱི་ཁ་གནོན་ཡིན༔ སྐྱེས་མཆོག་དམ་པ་དེ་ལ་དབང་བའོ༔ དེ་འོག་དུས་ནི་ཉི་ཤུ་ཁ་རལ་ལ༔ ཝཾཐདྷཾ་རྨོཁཾབྷྲུཾ།༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ མ་འོངས་དུས་ཀྱི་ལས་ཅན་སྐལ་ལྡན་རྣམས༔ བདག་གི་གསང་བའི་ཡང་གསང་ཐུགས་སྒྲུབ་འདི༔ ཉམས་སུ་ལེན་པའི་གང་ཟག་ལས་འཕྲོ་ལྡན༔ ཕྱི་ནང་གསང་གསུམ་གཅིག་ཏུ་དྲིལ་ཏེ་བསྒྲུབ༔ འདི་བསྒྲུབ་སྐལ་ལྡན་ཕོ་མོ་བཅོ་ལྔ་ལ༔ རྡོ་རྗེ་ཕུར་པའི་གྲུབ་པ་མངོན་འགྱུར་ནས༔ སྣང་སྲིད་ལྷ་སྲིན་དམ་ལ་བཏགས་པ་དང་༔༷ གྲུབ་པ་བརྒྱད་ལ་ཐོགས་མེད་དབང་འབྱོར་པའི༔ ཚེ་འདིར་མཆོག་གི་རིག་འཛིན་ཐོབ་འགྱུར་ཏེ༔ དབེན་པར་བཙན་ས་འཛིན་པ་ཤ་སྟག་འབྱུང་༔ འདི་དག་སྐལ་བར་བབས་པའི་ཟབ ཆོས་སོ༔ གཞན་ཡང་རྟེན་འབྲེལ་སྣ་ཁ་མ་ལོག་ན༔ འདི་ཉིད་ཉམས་སུ་ལེན་པའི་གང་ཟག་ནི༔ སྟོང་ཕྲག་བདུན་གྱིས་རྣམ་སྨིན་རིག་འཛིན་འཐོབ༔ གྲོང་ཆོག་འཆོལ་བར་ངོམ་རྒྱུ་འདི་མ་ཡིན༔ ཐོ༔ ངེས་པར་ཉམས་སུ་ལེན་པའི་གང་ཟག་སྐལ༔ བཀའ་རྒྱ་གང་ཐུབ་གང་ལ་ནུས་པ་མྱུར༔ མན་ངག་རྫས་འཁོར་སྔགས་ཕྲེང་བསྐྱེད་རྫོགས་དབང་༔ གཅིག་བརྒྱུད་ལས་ནི་གང་ལ་སྤེལ་ཆོག་མིན༔ གཅིག་བརྒྱུད་དུས་སུ་རྣོ་ནུས་ཤིན་ཏུ་མྱུར༔ མང་དུ་སྤེལ་ཚེ་ཅུང་ཟད་འགྱང་ནས་འགྲོ༔ རྒྱལ་ཁམས་ཁྱབ་ཚེ་སུམ་ཆ་ཡལ་བའོ༔ འདི་ཡི་བྱིན་རླབས་ཉམས པའི་རྒྱུ་རྐྱེན་ནི༔ བླ་སློབ་གཉིས་འགལ་བརྒྱུད་ཟམ་ཆད་པས་ཉམས༔ དྲེད་པོ་ལོག་སྤྱོད་དག་ལ་རྒྱ་བཀྲོལ་དང་༔ བདག་བསྟོད་གཞན་སྨད་གསང་སྒོ་འཆོལ་བ་དང་༔ སྣོད་མིན་དག་ལ་སྨིན་གྲོལ་གདམས་པ་བསྟན༔ འདི་དག་བཀའ་ཡི་བྱིན་རླབས་ཉམས་རྒྱུ་རྐྱེན༔ བསྐྱེད་རྫོགས་མེད་པའི་བཟླས་བརྗོད་དངོས་གྲུབ་དཀོན༔ བྱང་ཆུབ་སེམས་མེད་སྒྲུབ་པ་རྒྱ་རེ་ཆུང་༔ དེ་ལ་སྒྲུབ་པའི་དངོས་གྲུབ་ག་ལ་ཡོད༔ ཐེ་ཚོམ་ཅན་གྱི་དངོས་གྲུབ་འབུར་འཇོམས་བྱེད༔ དེ་ལ་སྒྲུབ་པའི་འབྲས་བུ་ག་ལ་ཡོད༔ རེ་ཆགས་ཅན་གྱིས་དངོས་གྲུབ་ཞོར་ལ་འཇོམས༔ དེ་ལ་དངོས་གྲུབ་རྟགས་མཚན་ག་ལ་ཡོད༔ ང་ཡི་ཡང་གསང་སྙིང་གི་ཐིག་པ་འདི༔ གཞན་ལས་ཁྱད་འཕགས་འོ་མའི་མར་བཞིན་ནོ༔ སུ་ལ་མ་