Tibetan
ཁུག་ལ་སྒྲོལ༔ གཟུགས་མིང་དམིགས་རྟེན་འདི་ལ་ཁུག༔ ལུས་ངག་ཡིད་གསུམ་རྡུལ་དུ་རློགས༔ ཛཿ ཛཿ ཡེ་ཤེས་དབྱིངས་ཀྱི་ལྷ་རྣམས་བསྐུལ༔ དྲག་པོའི་ཕྲིན་ལས་དུས་ལ་བབ༔ འཁོར་འདས་གཉིས་སྐྱོང་སྲུང་མ་བསྐུལ༔ དམ་ཚིག་TI1603 - 234 སྤྲ ཛོཾ།༔ ཐུགས་དམ་དུས་ལ་བབ༔ དྲག་པོའི་ཕྲིན་ལས་དུས་ལ་བབ༔ འཇིག་རྟེན་སྲུང་མ་དམ་ཅན་བསྐུལ༔ དེ་ཡང་དམ་ཚིག་གཉན་གྱིས་བསྐུལ༔ དྲག་པོའི་ཕྲིན་ལས་དུས་ལ་བབ༔ སྡང་བའི་དགྲ་བགེགས་སྡིག་ཅན་འདི༔ རི་བོའི་རྩེ་དང་རྒྱ་མཚོའི་གཏིང་༔ ཉི་ཟླའི་གོ་བར་སྤྲིན་གྱི་ཀློང་༔ དཀོན་མཆོག་སྐྱབས་འོག་སྔགས་པའི་ཁྱིམ༔ ས་འོག་ས སྟེང་ས་བླ་དང་༔ སྡེ་བརྒྱད་མི་མིན་སུའི་སྐྱབས་འོག༔ གང་ན་ཡོད་ཀྱང་ཁུག་ལ་སྒྲོལ༔ སྲུང་གུར་རྡོ་རྗེའི་མཚོན་གྱིས་ཤིགས༔ ལྷ་དང་སྲུང་མ་བདུད་དུ་ཕོབས༔ སྐྱབས་དང་དཔུང་གཉེན་གཤེད་དུ་ཕོབས༔ ཀུན་བཟང་པདྨའི་ཐུགས་དམ་བསྐུལ༔ རྟ་མགྲིན་ཡང་ཁྲོས་ནག་པོ་བསྐུལ༔ རིགས་བཞིའི་ཧྱ་ཧྲཱི་ཝཿ ཡེ་ཤེས་ཁྲོས་མ་སྡེ་ལྔ ཨེ་ཀ་ཛ་ཊཱི་སྤུན་དྲུག། སྤྲུལ་པའི་ཁྱུང་ཆེན་རིགས་ལྔཿ སྒོ་སྐྱོང་ལས་ཀྱི་མ་མོཿ གནོད་སྦྱིན་ཤན་པ་དམར་ནགཿ དྲེགས་པ་ལྷ་སྲིན་སྡེ་བརྒྱད༴ དྲེགས་ཆེན་གཟའ་བདུད་རྒྱལ་པོཿ ངས་ནི་དད་པ་དྲག་པོས་བསྐུལ༔ ཚིག་ནི་རང་དམ་དཔང་དུ་བཙུགས༔ བསྐུལ་ཡང་རྡོ་རྗེའི་ཚིག་གིས་བསྐུལ༔ དམ་ཚིག་དབང་གིས་སྐུར་བཞེངས་ལ༔ སྡང་བའི་དགྲ་བགེགས་སྟོབས་ཀྱིས་སྒྲོལ༔ ཛ་ཛཿབཛྲ་ས་མ་ཡ༔ སངས་རྒྱས་བསྟན་པ་བཤིག་པ་དང་༔ དཀོན་མཆོག་དབུ་འཕང་སྨད་པ་དང་༔ མཚན་ལྡན་བླ་མའི་སྐུ་དགྲ་དང་༔ ལྟ་བ་ལོག་པའི་བསྟན་དགྲ་དང་༔ སྨོན་ལམ་ལོག་པའི་བདུད་རིགས་དང་༔ བར་ཆད་བྱེད་པའི་གདོན་བགེགས་དང་༔ རང་རྒྱུད་གོལ་འཁྲུལ་རྒྱལ་བསེན་ཚོགས༔ མ་ལུས་འགུགས་སྒྲོལ་ཕྲིན་ལས་མཛོད༔ མ་ཤོར་གཟུགས་མིང་ལིང་གར་ཕོབས༔ ང་ཡི་དབང་དུ་གྱུར་ནས་ནི༔ མཐུ་དང་ནུས་སྟོབས་མེད་པར་མཛོད༔ མངོན་སྤྱོད་ཕྲིན་ལས་དུས་ལ་བབཿ མ་གཡེལ་ལྷ་དང་སྲུང་མ་རྣམས༔ བཅོལ་བའི་ཕྲིན་ལས མྱུར་དུ་སྒྲུབས༔ ས་མ་ཡ༔ རྒྱ་རྒྱ་རྒྱ༔ འདི་ཡིས་དགྲ་བགེགས་མ་ལུས་འཇོམསཿ ཉམས་ལེན་སྔོན་དུ་མཐར་ཕྱིན་པའི༔ སྐལ་ལྡན་སྐྱེས་བུ་དམ་ལྡན་གྱིས༔ འདིར་བརྩོན་ཕྲིན་ལས་ཐོགས་མེད་འགྲུབ༔ མཐུ་དང་དྲག་རྩལ་སྙན་གྲགས་ཐོབ༔ དོན་གཉིས་འགྲུབ་པའི་གནད་ཡང་ཡོད༔ བསྟན་པའི་ཆོས་སྡེར་ཕན་ཆེད་བཞག༔ པདྨ་ང་དང་སྐལ་བ་མཉམ༔ ཁ་ལྟ་སྟོང་སྐད་མ་ཡིན་ཏེ༔ དོན་གྱི་རྣལ་འབྱོར་དམ་པ་མཛོད༔ གངས་ཅན་བོད་ཀྱི་ལྗོངས་འདི་རུ༔ རྟ་མགྲིན་སྒྲུབ་ཐབས་མང་སྦས ཀྱང་༔ འདི་ཉིད་སྙིང་པོའི་ཡང་ཞུན་ཏེ༔ ཉམས་སུ་ལེན་ཀུན་ངེས་གྲོལ་བྱེད༔ ཡེ་ཤེས་མཁའ་འགྲོ་མཚོ་རྒྱལ་ཁྱོད༔ གདམས་ངག་བརྡ་ཡི་རིས་སུ་ཐོབས༔ ཁམས་ཀྱི་དབྱར་རྔ་བྲག་ལ་སྦོས༔ བཀའ་སྲུང་གནོད་སྦྱིན་གཟའ་ཡིས་སྲུངས༔ ཛོཾ།༔ དམ་ཉམས་སྨོན་ལོག་སྲོག་རྩ་ཆོད༔ ང་ཡི་བུ་མཆོག་དམ་པ་ནི༔ རྡོ་རྗེ་ཁྲོ་ལོད་རྩལ་ལ་སྤྲོད༔ བཀའ་དང་ཐ་ཚིག་གཉན་པོའི་རྒྱ༔ དེ་ལྟར་བཀའ་བསྒོ་བྱེད་པའི་ཚེ༔ མངའ་བདག་ཁྲི་སྲོང་ལྡེའུ་བཙན་གྱིས༔ ཀྱེེ་ཧོཿ དུས་གསུམ་སངས་རྒྱས་བླ་མ་རྗེ༔ སྙིང་ཐིག་ཟབ་མོ་འདི་ཉིད་ནི༔ འབྱིན་དུས་གདུལ་བྱ་ནམ་ཞིག་ཡིན༔ བཏོན་པའི་གྲུབ་ཆེན་སུ་ཞིག་མཆི༔ དུས་ཚོད་རྟགས་ཚད་ཇི་ལྟར་གདའ༔ མ་ཧཱ་གུ་རུས་བསྟན་དུ་གསོལ༔ ཞེས་ཞུས་གུ་རུའི་ཞལ་སྔ་ནས་༔ ཉོན་ཅིག་མངའ་བདག་ཆོས་ཀྱི་རྒྱལ༔ སྙིང་ཐིག་འདི་ཉིད་འབྱིན་པའི་དུས༔ སུམ་ཅུ་ཁ་རལ་ཉི་ཤུར་ཉེ༔ གདུལ་བྱ་སྙིགས་མའི་དུས་སུ་མཆི༔ ད་ལྟའི་འབྲོག་བན་ཁྱེའུ་ཆུང་༔ སྐྱེ་ཕྲེང་བཅུ་གསུམ་བརྒྱུད་པའི་མཐར༔ ཁམས་ཀྱི་གསེར་ལྡན་ལུང་པ་རུ༔ སྦས་པའི་རྣལ་འབྱོར་རིག་འཛིན་མཆོག༔ རྡོ་རྗེ་མིང་འཛིན་ཆེན་པོ་འབྱུང་༔ མངའ་བདག་ཡབ་སྲས་ལ་སོགས་པའི༔ ངའི་སློབ་རྗེ་འབངས་བརྒྱད་ཀྱིས་བསྐོར༔ ང་དང་ད་ལྟར་དངོས་འབྲེལ་གྱི༔ སྐལ་ལྡན་སྐྱེས་མཆོག་སུམ་ཅུའི་འཁོར༔ སྨོན་ལོག་བདུད་སྤྲུལ་བདུན་གྱིས་སྡང་༔ དེ་བཟློག་གནོད་སྦྱིན་དམར་ནག་བྲན༔ དུས་ཚོད་དུས་ཀྱི་དམར་གཤམ་དུས༔ སྐྱབས་གནས་ཟོག་ལ་བྱེད་ཅིང་བཀུར༔ མཆོག་ཏུ་ཁུར་དང་དུག་ཏུ་སྤྱོད༔ ལྕི་དང་ཧ་ལ་ཟས་སུ་བསྟེན༔ རྣལ་འབྱོར་ཅན་ལ་བཀྱོན་ཕབ་གཤེ༔ རྟགས་ནི་ཡུལ་འདིའི་ས་སྲིན་ལང་༔ དམ་སྲི་ནག་པོས་རྩེ་འཇོ་རོལ༔ དེ་དུས་ས་ཐེལ་སྤྲུལ་པ་ཡིས༔ རྗེ་བྱེད་གཙུག་ཏུ་བྱ་སྤུས་བརྒྱན༔ དེ་ཡིས་སྡིག་པའི་རླུང་སྤྲིན་གཏིབས༔ སེར་པོའི་གོང་བཟང་འཆང་བའི་རིགས༔ མཚོན་གྱི་ ཆོ་ག་བྱེད་པ་དང་༔ ཡོན་ཏན་མཆོག་ཏུ་སྡིག་པ་ཁུར༔ ཡང་ཡང་ཐུབ་སྟན་པུཥྤེ་གྲོངས༔ ལྕགས་ཀྱི་སེར་རླུང་འཚུབས་མས་བཅོམ༔ དཀར་པོའི་ཁ་དོག་ཕྱི་རུ་བཀྲ༔ ནག་པོའི་གཏིང་བསྒྱུར་གནས་སུ་མཆི༔ ཁམས་གསུམ་སེ་ཕུང་ནག་པོ་ཡི༔ སྤྲུལ་པའི་སྨོན་ལོག་དྲུག་འབྱུང་ནས༔ དམག་འཁྲུགས་མཚོན་གྱི་ཡོ་ལང་འགྱེད༔ མི་ཕྱུགས་གོད་ཡམས་མ་མོས་སྦྱིན༔ གནམ་ལ་དུ་བ་མཇུག་རིང་ཤར༔ བར་སྣང་ཆུ་འཛིན་ཁྲག་མདོག་འཆར༔ ས་གཞིར་བཙའ་སད་སེར་གསུམ་འབྱུང་༔ དེ་དུས་འདི་འབྱིན་དུས་ཚིགས་ཡིན༔ མངའ་བདག་རྒྱལ་པོ་དགྱེས་པར་འགྱུར༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གཉན་རྒྱ༔ བརྡ་ཐིམ༔ ཞེས་པ་འདི་ས་མོ་ལུག་གི་ལོ་ཧོར་ཟླ་བཅུ་གཅིག་པའི་ཁྱིམ་དུ་གསེར་སྨད་རྔ་ལ་སྟག་རྩེའི་གཡས་ལོགས་ཤྭ་བྲག་རྡོ་རྗེ་ནས་སྤྲང་པོ་བདུད་འཇོམས་རྡོ་རྗེས་བཏོན་ཏེ་མི་ལོ་བཅུ་གསུམ་ལ་བཀའ་རྒྱ་བྱས་ཏེ་མཐར་སྨར་མདོ་བཀྲ་ཤིས་དགའ་འཁྱིལ་ནས་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ །སརྦ་མངྒ་ལཾ།། ཨོཾཿ རྟ་མགྲིན་ཡང་ཁྲོས་ནག་པོའི་འགུགས་པ་བཞུགས་སོ༔ ཤ།༔ ན་མོ་གུ་རུ་པདྨ་ཀ་རཡེ༔ བྲུབ་ཁུང་དུ་དགྲ་བོའི་རཱུ་པ་དབང་ཚང་བཞག་ནས་རང་ཉིད་ཡི་དམ་ལྷའི་ང་རྒྱལ་དང་ལྡན་པའི་ངང་ནས༔ ན་མོ༔ དྲིན་ཆེན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་༔ སངས་རྒྱས་ཀྱི་བཀའ་བདེན་པ་དང་༔ ཆོས་ཀྱི་བཀའ་བདེན་པ་དང་༔ དགེ་འདུན་གྱི་བཀའ་བདེན་པ་དང་༔ བཅོམ་ལྡན་འདས་དཔལ་རྟ་མགྲིན་ཡང་ཁྲོས་ནག་པོ་ཁྲག་འཐུང་རིགས་བཞི་སྒོ་སྐྱོང་མ་བཞི་གསང་གསུམ་སྒྱུ་འཕྲུལ་འཁོར་ལོ་བཀའ་སྲུང་དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱི་བཀའ་བདེན་པ་དང་༔ དོན་དམ་ཆོས་ཉིད་ངོ་བོ་གདོད་ནས་དག་པ་དང་༔ ཀུན་རྫོབ་བསླུ་བ་མེད་པ་རྒྱུ་འབྲས་ཟབ་མོའི་བདེན་པའི་མཐུས༔ སྤྱིར་སངས་རྒྱས་ཀྱི་བསྟན་དགྲ༔ དཀོན་མཆོག་གསུམ་གྱི་སྤྱི་དགྲ༔ ཁྱད་པར་དུ་རྣལ་འབྱོར་པ་བདག་ཅག་དཔོན་སློབ་ཡོན་མཆོད་འཁོར་དང་བཅས་པ་རྣམས་ལ་གནོད་ཅིང་འཚེ་བར་བྱེད་པའི་གཟུགས་ཅན་གཟུགས་མེད་དགྲ་གདོན་བགེགས་ཚོགས་གང་གནོད་ཐམས་ཅད་ཀྱི་བླ་སྲོག་རྣམ་པར་ཤེས་པ་གཟུགས་ལིངྒ་འདི་ལ་ཁུག་ཅིག༔ བསྟིམ་ཅིག༔ ཛཿ ཧཱུྃ་བྃ་ཧོཿ རྟགས་དང་བསྟུན་ ཏེ་གྲངས་ཚད་སྦྱར༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་སྡོང་གི་བནྡེ་ཚོགས་མཆོག་གིས་བསྐུལ་ངོར་རིག་འཛིན་བདུད་འཇོམས་རྡོ་རྗེས་ཆོས་ཉིད་ནམ་མཁའི་ཀློང་མཛོད་ལས་དག་པར་ཕབ་པའོ།། །། ༈ སྦྱིན་བསྲེག་གི་ཚེ། གོད་སྲི་གོད་འདྲེ་སོགས་དང་། ཡང་ན། ནད་རིམས་ཡམས་བདག་སོགས་ཁ་བསྒྱུར་གང་འོས་སུ་སྦྱར། ༈ ན་མོ་དཀོན་མཆོག་གསུམ་དང་རྩ་གསུམ་ཆོས་སྐྱོང་སྲུང་མའི་བདེན་པས་གནོད་བྱེད་དགྲ་བགེགས་ཐམས་ཅད་གཟུགས་ལིངྒ་འདི་ལ་ཁུག་ཅིག༔ བསྟིམ་ཅིག༔ གཉིས་སུ་མེད་པར་གྱུར་ཅིག༔ འཇོམས་རྟ་མགྲིན་ཡང་ཁྲོས་འཇོམས་རྟ་མགྲིན་ཡང་ཁྲོས་T11603 - 240 ཟབ་གསང་མཁའ་འགྲོའི་སྙིང་ཐིག་ལས༔ རྟ་མགྲིན་ཡང་ཁྲོས་ནག་པོའི་བསྒྲལ་ལས་གནམ་ལྕགས་རྡོ་རྗེའི་ཐོ་ལུམ་བཞུགས་སོ༔ T11603 - 241 བདུད་འཇོམས་རྟ་མགྲིན་ཡང་ཁྲོས་རོ།༔ ལ་སྨ།རྟརྒྷཾ༔ ན་མོ་གུ་རུ་པདྨ་ཀ་ར་ཡེ༔ མ་འོངས་ང་ཡི་བརྒྱུད་འཛིན་རྣམས༔ སྙིང་པོའི་སྒྲུབ་ལ་གཞོལ་བའི་ཚེ༔ དགྲ་འདྲེའི་གནོད་པ་རྒོལ་བྱུང་ན༔ མངོན་སྤྱོད་ལས་ཀྱི་བསྒྲལ་ལས་བརྩོན༔ དེ་ལ་གྲུ་གསུམ་ལྕགས་ཁང་དུ༔ ལིངྐ་གཟུགས་མིང་རུས་ཚང་བྲི༔ རང་ཉིད་ཡི་དམ་ལྷའི་ང་རྒྱལ༔ འབྲལ་མེད་ཏིང་འཛིན རང་སྲུང་གནད༔ དེ་ནས་བྲུབ་ཁུང་བསྐྱེད་པ་ནི༔ རྩ་སྔགས་ཀྱི་མཐར༔ མདུན་དུ་ཨེ་ལས་གནམ་ལྕགས་ལས་གྲུབ་པའི་བྲུབ་ཁུང་དམར་ནག་འཇིགས་སུ་རུང་བའི་ནང་དུ་ནྲྀ་ལས་དགྲ༔ ཏྲི་ལས་བདུད་བགེགས་རྒྱལ་བསེན་གནོད་བྱེད་འདུས་པའི་ངོ་བོ་ཤ་སྔོ་བ་ཧམ་པ་སྐྱ་ལ་རིད་པ་ཁ་ངུ་བ༔ མིག་ཤི་མིག༔ T11603 - 242 ཇོོཾ།༔ ལག་པ་མྱ་ངན་གྱི་ཕྱག་རྒྱ་ཅན༔ མིག་ནས་ཁྲག་འབབ་ཅིང་ཁ་ནས་མྱ་ངན་གྱི་འོ་དོད་ཙི་རི་རི་འབོད་པ༔ བྱང་སེམས་དཀར་དམར་ཐུར་དུ་འབབ་པ༔ རྐང་ལག་ལྕགས་སྒྲོག་གིས་བསྡམ་པ༔ ཉམ་ཐག་དབུགས་དང་བྲལ་ལ་ཁད་འདར་ཕྲི་ལི་ལི་བྱེད་པར་གྱུར༔ ཨོཾ་ཧ་ལ་པཉྩ་རྦད་ནན་ཡ་ཕཊ༔ ཤར་དུ་ཤལ་མ་ལིའི་སྡོང་པོ༔ ལྷོ་རུ་ཐལ་ཚན་གྱི་ཆུ་བོ་རབ་མེད༔ ནུབ་ཏུ་རོ་མྱག་ཕྱི་སའི་འདམ༔ བྱང་དུ་སྤུ་གྲིས་གཏམས་པའི་ཐང་སོགས་ཉེ་འཁོར་ལྷག་པ་བཅུ་དྲུག་གིས་མཐའ་ནས་བསྐོར་ཏེ་གང་དུའང་བྲོས་ཤིང་ཐར་པའི་གོ་སྐབས་མེད་པར་གྱུར༔ TI1603 - 243 ཅེས་བསྐྱེད་ལ་འགུགས་གཞུག་ནན་དུ་བྱའོ༔ དེ་ནས་འགུགས་པ་ནི༔ ཧཱུྃ༔ བཅོམ་ལྡན་དཔལ་ཆེན་རྟ་མགྲིན་རྒྱལ་པོ་དང་༔ སྤྲུལ་འཁོར་ཡོངས་རྫོགས་དྲག་པོའི་དུས་ལ་བབ༔ ཡིད་ལ་བརྣག་པའི་དགྲ བགེགས་གནོད་བྱེད་རྣམས༔ རྣམ་ཤེས་བླ་སྲོག་གཟུགས་ལ་མྱུར་དུ་ཁུག༔ ཨོཾ་བཛྲ་ཀྲོ་ངྷ་ཧྱ་གྲཱི་ཝ་ཧཱུྃ་ཕཊ༔ དགྲ་བགེགས་གནོད་བྱེད་སརྦ་ཤ་ཏྲུཾ་མཱ་ར་ཡ་ཨཾ་ཀུ་ཤ་ཡ་ཛཿ ཛཿ ཧཱུྃ་བཾ་ཧོཿ དེ་ནས་འཆིང་བར་བྱེད་པ་ནི༔ ཧཱུྃ༔ བཅོམ་ལྡན་དཔལ་ཆེན་རྟ་མགྲིན་རྒྱལ་པོ་དང་༔ སྤྲུལ་འཁོར་ཡོངས་རྫོགས་དྲག་པོའི་དུས་ལ་བབ༔ ཡིད་ལ་བརྣག་པའི་དགྲ་བགེགས་གནོད་བྱེད་རྣམས༔ ལུས་ངག་ཡིད་གསུམ་གྲུ་གུ་ཐུལ་དུ་ཆིངས༔ ཨོཾ་བཛྲ་ཀྲོ་ངྷ་ཧྱ་གྲཱི་ཝ་ཧུ་ལུ་ཧུ་ལུ་ཧཱུྃ་ཕཊ༔ དགྲ་བགེགས་གནོད་བྱེད་སརྦ་ཤ་ཏྲུཾ་མཱ་ར་ཡ་ནྲྀ་ཏྲི་ཆིངས་ཆིངས་རྦད་ནན༔ དེ་ནས་སྨྱོ་རུ་གཞུག་པ་ནི༔ ཧཱུྃ༔ བཅོམ་ལྡན་དཔལ་ཆེན་རྟ་མགྲིན་ནག་པོ་དང་༔ སྤྲུལ་འཁོར་ཡོངས་རྫོགས་ཐུགས་དམ་དུས་ལ་བབ༔ ཡིད་ལ་བརྣག་པའི་དགྲ་བགེགས་གནོད་བྱེད་ཀུན༔ ལུས་ངག་ཡིད་གསུམ་སྨྱོ་བརྒྱལ་རེངས་སུ་ཆུགས༔ ཨོཾ་བཛྲ་ཀྲོ་དྷ་ཧྱ་གྲཱི་ཝ་ཧཱུྃ་ཕཊ༔ དགྲ་བགེགས་ནྲྀ་ཏྲི་སརྦ་ཤ་ཏྲུཾ་མཱ་ར་ཡ་ཛྭ་ལ་པ་ཡ་ཛྭ་ལ་པ་ཡ་ཐུམ་རི་ལི་ལི་ཧུར་ཐུམ་རྦད་སོད༔ དེ་ནས་ལྷ་དང་དབྱེ་བ་ནི༔ ཧཱུྃ༔ ཛོཾ།༔ བཅོམ་ལྡན་དཔལ་ཆེན་རྟ་མགྲིན་ནག་པོ་དང་༔ རིགས་བཞི་སྒོ་སྐྱོང་བཀའ་སྡོད་དུས་ལ་བབ༔ ཡིད་ལ་བརྣག་པའི་དགྲ་བགེགས་གནོད་བྱེད་རྣམས༔ མགོན་སྐྱོབ་བྱེད་པའི་ལྷ་སྲུང་ཀུན་དང་ཕྲོལ༔ ཨོཾ་བཛྲ་ཀྲོ་དྷ་ཧྱ་གྲཱི་ཝ་ཧུ་ལུ་ཧུ་ལུ་ཧཱུྃ་ཕཊ༔ ཨ་ནྲྀ་ཏྲི་ཏྲག་རཀྴ་མཱ་ར་ཡ་ཕྱེས་ཕྱེས་སྭ་ཧཱ༔ དེ་ནས་གཏུན་དུ་བརྡུང་བ་ནི༔ ཧཱུྃ༔ བཅོམ་ལྡན་དཔལ་ཆེན་རྟ མགྲིན་ནག་པོ་དང་༔ རིགས་བཞི་སྒོ་སྐྱོང་བཀའ་སྡོད་དང་བཅས་རྣམས༔ མ་གཡེལ་དམ་ཚིག་ཐུགས་དམ་དུས་ལ་བབ༔ ཡིད་ལ་བརྣག་པའི་དགྲ་བགེགས་གནོད་བྱེད་རྣམས༔ རྡོ་རྗེ་ཐོ་བས་གཏུན་དུ་ཕྱེ་མར་ཐུལ༔ རྗེས་ཤུལ་ལྷག་མ་ཙམ་ཡང་མེད་པར་རློགས༔ ཨོཾ་བཛྲ་ཀྲོ་དྷ་ཧྱ་གྲཱི་ཝ་ཧུ་ལུ་ཧུ་ལུ་ཧཱུྃ་ཕཊ༔ དགྲ་བགེགས་ནྲྀ་ཏྲི་ཏ་ཐ་ཡ་ཏ་ཐ་ཡ་ཧཱུྃ་ཕཊ༔ དེ་ནས་མཚོན་ཆའི་ཚོགས་རྣམས་གདབ་པ་ནི༔ ཧཱུྃ༔ དབང་དྲག་རོལ་པའི་དུར་ཁྲོད་ནས༔ ཁྲོ་གཏུམ་རྔམས་པའི་སྐུར་སྟོན་པ༔ རྟ་མགྲིན་ནག་པོའི་དུས་ལ་བབ༔ བདེ་དང་སྟོང་པའི་རྒྱས་འདེབས་མ༔ ཁྲོས་མ་ནག མོའི་དུས་ལ་བབ༔ ཞེ་སྡང་འཇོམས་མཛད་ཞི་བའི་སྐུ༔ རྡོ་རྗེ་ཁྲོ་ཆེན་དུས་ལ་བབ༔ ང་རྒྱལ་འཇོམས་མཛད་རྒྱས་པའི་སྐུ༔ རཏྣ་ཁྲོ་རྒྱལ་དུས་ལ་བབ༔ འདོད་ཆགས་འཇོམས་མཛད་TI1603 - 245 དབང་གི་སྐུ༔ པདྨ་ཁྲོ་རྒྱལ་དུས་ལ་བབ༔ ཕྲག་དོག་འཇོམས་མཛད་ཁྲོ་གཏུམ་རོལ༔ ཀརྨ་ཁྲོ་རྒྱལ་དུས་ལ་བབ༔ སྙིང་རྗེས་ཁམས་གསུམ་འགུགས་མཛད་མ༔ ལྕགས་ཀྱུ་དཀར་མོའི་དུས་ལ་བབ༔ བྱམས་པས་ལོག་རྟོག་འཆིང་བྱེད་མ༔ ཞགས་པ་སེར་མོའི་དུས་ལ་བབ༔ དགའ་བས་ཉོན་མོངས་དབྱིངས་སུ་སྡོམ༔ ལྕགས་སྒྲོག་དམར་མོའི་དུས་ལ་བབ༔ བཏང་སྙོམས་འཁོར་བ་དབྱིངས་སྒྲོལ་མ༔ དྲིལ་བུ་ལྗང་མོའི་དུས་ལ་བབ༔ སྡང་བའི་དགྲ་བགེགས་སྡིག་ཅན་ལ༔ རྡོ་རྗེ་མཚོན་གྱི་ཆར་ཆེན་ཕོབས༔ ལུས་ངག་ཡིད་གསུམ་རྡུལ་དུ་རློགས༔ རྣམ་ཤེས་ཆོས་ཀྱི་དབྱིངས་སུ་སྤོར༔ ཨོཾ་བཛྲ་ཀྲོ་དྷ་ཧྱ་གྲཱི་ཝ་ཧུ་ལུ་ཧུ་ལུ་ཧཱུྃ་ཕཊ༔ ནྲྀ་ཏྲི་སརྦ་ཤ་ཏྲུཾ་མཱ་ར་ཡ་རྦད་ནན༔ དེ་ནས་ཐུན་རྫས་སྣ་ཚོགས་གདབ་པ་ནི༔ ཧཱུྃ༔ རྟ་མགྲིན་ཡང་ཁྲོས་ནག་པོ་དང་༔ རིགས་བཞི་ཁྲག་འཐུང་ཁྲོས་མ་ལྔ༔ སྒོ་མ་བཞི་དང་བཀའ་སྡོད་སྡེ༔ ཕོ་ཉ་ལས་མཁན་དྲེགས་པའི་ཚོགས༔ ཀུན་ཀྱང་ཐུགས་དམ་དུས་ལ་བབ༔ ཁྱེད་ཅག་དམ་ཚིག་དུས་ལ་བབ༔ ཡིད་ལ་བརྣག་པའི་དགྲ་བགེགས་ལ༔ སྣ་ཚོགས་མཚོན་ཐུན་ནད་མུག་ཐོབས༔ རྗེས་ཤུལ་ཙམ་ཡང་མེད་པར་མཛོད༔ རྣམ་པར་ཤེས་པ་ཆོས་སྐུར་སྒྲོལ༔ ཨོཾ་བཛྲ་ཀྲོ་ངྷྲ་ཧྱ་ཧྲཱི་ཝ་ ཛོཾ།༔ ཧུ་ལུ་ཧུ་ལུ་ཧཱུྃ་ཕཊ༔ ནྲྀ་ཏྲི་སརྦ་ཤ་ཏྲུཾ་མཱ་ར་ཡ་རྦད་རྦད་ནན༔ དེ་ནས་དུམ་བུར་གཏུབ་པ་ནི༔ ཧཱུྃ༔ ང་ནི་བཛྲ་ཧེ་རུ་ཀ༔ ང་ནི་ཁྲོ་གཏུམ་རོལ་པའི་དཔལ༔ ང་ནི་ཡང་ཁྲོས་ནག་པོའི་སྐུ༔ སྲས་དང་སྤྲུལ་པ་དཔག་ཡས་འགྱེད༔ བཀའ་སྡོད་ལས་མཁན་གློག་ལྟར་འཁྱུགས༔ གཡས་པའི་ཕྱག་ན་གྲི་གུག་དང་༔ གཡོན་གྱི་ཕྱག་ན་ཕུར་པ་ཐོགས༔ དགྲ་བགེགས་གནོད་བྱེད་ཐམས་ཅད་ཀུན༔ རང་དབང་མེད་པར་དབང་དུ་བསྡུས༔ གྲི་གུག་འབར་བས་དུམ་བུར་གཏུབས༔ གནམ་ལྕགས་ཕུར་པས་ཕྱེ་མར་བརླག༔ རྣམ་ཤེས་ཆོས་དབྱིངས་ཀློང་དུ་སྤོར༔ འཁྲུལ་པ་མེད་པར་རྒྱས་ཐོབ་ཅིག༔ ཨོཾ་བུདྡྷ་བཛྲ་རཏྣ་པདྨ་ཀརྨ་ཧྱ་གྲཱི་ཝ་ཧུ་ལུ་ཧུ་ལུ་ཧཱུྃ་ཕཊ༔ དགྲ་བགེགས་སརྦ་ཤ་ཏྲུཾ་མཱ་ར་ཡ་རྦད་སོད༔ དེ་ནས་ཞལ་དུ་བསྟབ་པ་ནི༔ ཧཱུྃ༔ ཡང་ཁྲོས་ནག་པོ་ཞལ་ཕྱེས་ཤིག༔ རིགས་བཞི་ཁྲག་འཐུང་ཞལ་ཕྱེས་ཤིག༔ ཧེ་རུ་ཀ་དཔལ་ཞལ་ཕྱེས་ཤིག༔ དགྲ་བགེགས་དུག་ལྔ་དུག་གསུམ་གདོན༔ བསྒྲལ་བའི་ཕུང་ཁམས་སྐྱེ་མཆེད་ཚོགས༔ ལྷག་མ་མེད་པར་ཞལ་དུ་བསྟབ༔ རྗེས་ཤུལ་མེད་པར་ཧབ་ཐོབ་རོལ༔ ཨོཾ་བཛྲ་ཀྲོ་ངྷ་ཧྱ་གྲཱི་ཝ་སརྦ་ས་མ་ཡ་དགྲ་བགེགས་ཀྱི་མ་ཧཱ་མཱཾ་ས་རཀྟ་ཙིཏྟ་ཀིཾ་ནི་རི་ཏི་ལ་ ཁ་རཾ་ཁཱ་ཧི༔ ས་མ་ཡ༔ མ་འོངས་ང་ཡི་རྗེས་འཇུག་རྣམས༔ ལས་ཀ་འདི་ལ་བརྩོན་ནས་སུ༔ ཞིང་བཅུའི་རཱུ་ཏྲ་ནག་པོ་ཐུལ༔ དམ་ཚིག་ངོ་ལྐོག་མེད་པར་སྲུངས༔ ཕྲིན་ལས་གང་བརྩམ་དེས་འགྲུབ་བྱེད༔ དམ་ཚིག་ངོ་ལྐོག་བྱེད་ནས་སུ༔ ལྷ་ལ་མཐུ་མེད་ཟེར་ནས་སྨད༔ ཡི་ཆད་སྡུག་ཡུས་འདོན་པའི་མི༔ དེ་དག་ཟབ་དོན་སྐལ་བ་ཆད༔ ལྔ་བརྒྱའི་དུས་སུ་དེ་འདྲ་མང་༔ ཚུལ་ལྡན་ལས་ཅན་རྣལ་འབྱོར་གྱིས༔ ཡང་ཁྲོས་སྒྲུབ་པ་མཐར་ཕྱིན་ནས༔ དྲག་པོ་མངོན་སྤྱོད་ལས་ཀུན་འགྲུབ༔ མཐུ་རྩལ་ཐོག་ལས་ཆེ་བ་དང་༔ གྲགས་པས་ས་སྟེང་ཁྱབ་འགྱུར་རོ༔ བཀའ་འདི་གཟའ་བདུད་རྒྱལ་པོས་སྲུངས༔ ཐུབ་པར་སྲུངས་ཤིག་ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ བརྡ་ཐིམ༔ ཞེས་པ་འདི་ཡང་གསེར་སྨད་རྔ་ལ་སྟག་རྩེའི་གཡས་ལོགས་རྡོ་རྗེ་བྲག་ནས་ཁྲག་འཐུང་རྡོ་རྗེ་ཁྲོ་ལོད་རྩལ་གྱིས་བཏོན་ཏེ་མི་ལོ་བཅུ་གསུམ་དུ་བཀའ་རྒྱས་བཏབ་སྟེ། མཐར་རང་སློབ་ཚེས་བཅུའི་ངོར་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་ཀྱིས་བགྱིས་པའོ། །དགེའོ། །དགེའོ། །དགེའོ། །སརྦ་མངྒ་ལཾ།། །༔ཟབ་གསང་མཁའ་འགྲོའི་སྙིང་ཐིག་ལས༔ རྟ་མགྲིན་ཡང་ཁྲོས་མ་ཧཱ་ཀཱ་ལ་ཡི༔ ཟུར་རྒྱན་དགྲ་བགེགས་དཔུང་འཇོམས་ཞེས་བྱ་བཞུགས་སོ༔ TI1603 - 249 བདུད་འཇོམས་རྟ་མགྲིན་ཡང་ཁྲོས་ཐོ།༔ ཧེ་རུ་ཀ་ལ་བརྟེན་ནས་སུ༔ དྲག་པོ་མངོན་སྤྱོད་ལས་བརྩོན་ཚེ༔ ཉེར་མཁོའི་ཆ་ལག་འདིར་བཀོད་བྱ༔ དང་པོ་མཁྱེན་དཔང་བྱ་བ་ལ༔ རང་ཉིད་ཡི་དམ་ལྷ མཆོག་གི༔ ང་རྒྱལ་གདིང་དང་འགྲོགས་ནས་སུ༔ ཧོཿ དགོངས་སུ་གསོལ་ལོ༔ ལན་གསུམ༔ བརྒྱུད་གསུམ་རིག་འཛིན་གྱི་བླ་མ༔ ཡི་དམ་རྟ་མགྲིན་རོལ་པའི་ལྷ་ཚོགས༔ མ་ཚོགས་མཁའ་འགྲོ་རྒྱ་མཚོ༔ བསྟན་སྲུང་དམ་ཅན་རྒྱ་མཚོའི་ཚོགས་མ་ལུས་པ་ཐམས་ཅད་བདག་ལ་དགོངས་སུ་གསོལ༔ གུ་རུ་ངྷེ་ཝ་ཌཱ་ཀི་ནཱི་བཛྲ་ས་མ་ཡ་ཛ་ཛཿ ཨེ་ཨ་རལླི་ཕེ་ཛཿ ཏིཥྛ་བཛྲ་ལྷན༔ དམ་ཉམས་པའི་དགྲ་བོ་དང་བདུད་བགེགས་གནོད་བྱེད T11603 - 250 ༡རོ།༔ འདི་རྣམས་ཀྱིས་བདག་ལ་ཕོད་བཙུགས་ཤིང་དོ་བསྡོས་ཡ་བཟུང་༔ ད་ལྟ་བདག་དང་ཡོན་གྱི་བདག་པོའི་སྲོག་ལ རྔམས་ཤིང་སྡུག་བསྔལ་དྲག་པོའི་གདུང་བ་ཐོག་ཏུ་ཕབ་པ་ཡིན་པས༔ དུས་ད་ལྟ་ཉིད་དུ་བསྒྲལ་བའི་དུས་ལ་བབ་ཡོད་པས་སྐབས་འདིར་དགྲ་བགེགས་ལས་ངན་འདི་རྣམས་བསྒྲལ་མནན་དྲག་པོ་མངོན་སྤྱོད་ཕྲིན་ལས་ལ་བསྐུལ་ལོ༔ དེ་དག་གི་ཐུགས་རྗེས་ཡལ་བར་མི་དོར་བར་དཔུང་གྲོགས་མགོན་སྐྱབས་ལ་ཞུ་འཚལ༔ ཨོཾ་བཛྲ་ས་མ་ཡ་རུ་ལུ་རུ་ལུ་ཧཱུྃ༔ ཨ་བྷི་ཙརྻའི་དུས་ལ་བབ་བོ༔ བརྣག་པ་དེ་ཁོ་ན་ལའོ༔ ཀྱེེ༔ གསོན་TI1603 - 251 ཅིག་དགོངས་ཤིག་རྒྱལ་བ་ཐུགས་དམ་ཅན༔ བརྒྱུད་གསུམ་བླ་མ་རིག་འཛིན་དམ་ལ་དགོངས༔ ཡི་དམ་དྲག་པོའི་ལྷ་ཚོགས་དམ་ལ་དགོངས༔ མཁའ་འགྲོ་མ་མོ་ཤུགས་འགྲོ་དམ་ལ་དགོངས༔ བསྟན་སྲུང་དམ་ཅན་རྒྱ་མཚོ་དམ་ལ་དགོངས༔ ཡུལ་ལྷ་གཞི་བདག་ཕོ་མོ་དམ་ལ་འདུས༔ མ་ཉེས་རང་སར་འདུག་པའི་རྣལ་འབྱོར་ལ༔ རང་དབང་མེད་པར་ཡང་ཡང་རྐྱེན གྱིས་བཅོམ༔ ད་ནི་འདུག་པའི་དབང་མི་ལྡན་པར་བྱས༔ ང་ནི་མ་ཉེས་མ་ཡོ་མཁྱེན་ལྡན་རྣམས༔ བསྐལ་པ་དཔག་ཏུ་མེད་པའི་སྔོན་རོལ་ནས༔ བསླུ་བ་མཁན་གྱིས་འཁོར་བའི་གཡང་སར་བསླུས༔ མཐོ་རིས་ཐར་པའི་ལམ་ལས་རིང་དུ་བཀར༔ སྡུག་བསྔལ་མེད་ལ་སྡུག་བསྔལ་ཁུར་ཆེན་བཀལ༔ ད་ལྟ་སྐད་ཅིག་དལ་ཐོབ་སྐབས་འདིར་ཡང་༔ ལྷ་ཆོས་དོན་གཉེར་སྡིག པ་སྤངས་པའི་མོད༔ ཉེས་བྱེད་དགྲ་བགེགས་ཕོ་མོ་དགྲ་རུ་ལངས༔ ནག་ཕྱོགས་བདུད་ཀྱིས་བསླུ་མི་འཚུབས་བྱུང་ནས༔ དམ་ཆོས་སྒྲུབ་ལ་བར་ཆད་བརྩམ་ནས་བྱུང་༔ མཁྱེན་ལྡན རྣམས་ཀྱིས་མཁྱེན་པས་དགོངས་མཛོད་ཅིག༔ མི་འདོར་མཁྱེན་བརྩེ་མངའ་རྣམས་མཁྱེན་རེ་རན༔ རྟག་ཏུ་དམ་ལྡན་དཔུང་ལ་ཡོད་སྲིད་ན༔ ད་ལྟ་བདག་གི་དཔུང་ལ་བྱོན་རེ་རན༔ ཛོཾ།༔ བཀའ་ཡི་སྲུང་མར་དམ་ཚིག་གནས་གྱུར་ན༔ དམ་ཉམས་དགྲ་བགེགས་ད་ལྟ་གསོད་རེ་རན༔ ཆོས་བཞིན་སྤྱོད་ལ་ནུས་མཐུ་ཡོད་སྲིད་ན༔ ད་ལྟ་བརྣག་པའི་དགྲ་བགེགས་གསོད་རེ་རན༔ དཀོན་མཆོག་གསུམ་ལ་བདེན་པ་ཡོད་སྲིད་ན༔ བསླུ་བྱེད་ནག་ཕྱོགས་བདུད་བགེགས་བསྒྲལ་རེ་རན༔ མཁྱེན་ལྡན་སྲིད་ན་མཁྱེན་བརྩེས་དགོངས་རེ་རན༔ མཁྱེན་བརྩེའི་ཐུགས་ཀྱིས་བདག་ལ་ད་དགོངས་ཤིག༔ མི་གནོང་ཡེ་ཤེས་ལྷ་ལ་