Tibetan
རྒྱ༔ ཟབ་རྒྱ༔ གསང་རྒྱ༔ གུ་ཧྱ༔ ཞེས་པ་འདི་ཡང་གཏེར་སྟོན་བདུད་འཇོམས་རྡོ་རྗེས་གསེར་སྨད་རྔ་ལ་སྟག་རྩེའི་གཡས་ལོགས་རྡོ་རྗེ་བྲག་ནས་གདན་དྲངས་ཏེ་མི་ལོ་སུམ་ཅུའི་བར་དུ་བཀའ་རྒྱས་བཏབ་སྟེ་མཐར་རྟེན་འབྲེལ་དུས་ལ་བབས་ཚེ་ཆོས་ཀྱི་བདག་པོ་ཀུན་བཟང་ཆོས་གྲགས་དང་། དགེ་འདུན་རྒྱ་མཚོ་གཉིས་ཀྱིས་ནན་དུ་བསྐུལ་ངོར་གསེར་ཤོད་བླ་མ་རོང་དུ་དག་པར་ཕབ་པའི་ཡི་གེ་པ་ནི་ཀུན་བཟང་ངོ་། །དགེའོ། །དགེའོ། དགེའོ།། །། ༅ གསུམ་མོ། 52 ཀ ༅ གསུམ་མོ། T1602 - 055 T11602 - 056 ཝྃ།༔ འཇམ་དཔལ་གསང་བ་འདུས་པའི་གསོལ་འདེབས་ཤིན་ཏུ་བསྡུས་པ་བཞུགས༔ ན་མོ་གུ་རུ་པདྨ་ཀ་ར་ཡེ༔ ཨེ་མ་ཧོཿ གདོད་མའི་མགོན་པོ་ཆོས་སྐུ་ཀུན་ཏུ་བཟང་༔ ལྷུན་གྲུབ་ལོངས སྐུ་རིགས་ལྔ་གངས་ཆེན་མཚོ༔ སྤྲུལ་པའི་སྐུ་མཆོག་རིགས་གསུམ་འགྲོ་བའི་མགོན༔ གསོལ་བ་འདེབས་སོ་བདག་རྒྱུད་བྱིན་གྱིས་རློབས༔ དགའ་རབ་ཤྲི་སེང་འཇམ་དཔལ་བཤེས་གཉེན་དང་༔ པདྨ་འབྱུང་གནས་མཁར་ཆེན་མཚོ་རྒྱལ་དང་༔ རྗེ་འབངས་ཉི་ཤུ་རྩ་ལྔ་དང་བཅས་ལ༔ གསོལ་བ་འདེབས་སོ་བདག་རྒྱུད་བྱིན་གྱིས་རློབས༔ རིགས་ཀྱི་ཁྱབ་བདག་རྩ་བའི་བླ་མ་དང་༔༷ འཇམ་དཔལ་རིགས་ལྔ་དབྱངས་ཅན་ལྷ་མོ་བཞི༔ ནོར་རྒྱུན་མ་དང་གཤིན་རྗེ་རིགས་བཞི་སོགས༔ རྩ་གསུམ་དཔའ་བོ་མཁའ་འགྲོ་ཆོས་སྐྱོང་ལ༔ གསོལ་བ་འདེབས་སོ་བདག་རྒྱུད་བྱིན་གྱིས་རློབས༔ མཁྱེན་གཟིགས་ཡེ་ཤེས་མངོན་གྱུར་དངོས་གྲུབ་སྩོལ༔ དེ་ལྟར་གསོལ་བ་བཏབ་པའི་མཐུ་བྱིན་གྱིས༔ བདག་དང་མཐའ་ཡས་འགྲོ་བ་མ་ལུས་པའི༔ སྒྲིབ་གཉིས་བག་ཆགས་དྲི་མ་ཀུན་དག་ནས༔ གཞོན་ནུ་བུམ་སྐུར་ཡང་དག་སངས་རྒྱས་ཤོག༔ ཁྱད་པར་འཇམ་དཔལ་གསང་འདུས་སྒྱུ་འཕྲུལ་ལྷ༔ བསྒྲུབ་པ་ཙམ་གྱིས་འབྲས་བུ་མངོན གྱུར་ཏེ༔ སྒོ་གསུམ་རྡོ་རྗེ་གསུམ་གྱི་རོལ་པ་རུ༔ སྨིན་ཅིང་གྲོལ་ནས་ཡེ་ཤེས་སྒྱུ་མའི་སྐུ༔ འཇམ་དཔལ་དཔའ་བོའི་གོ་འཕང་མྱུར་ཐོབ་ཤོག༔ ཅེས་གཞུང་ལས་བསྡུས་ཏེ་ཉེར་མཁོའི་ཆེད་དུ་བདུད འཇོམས་རྡོ་རྗེས་བྲིས་པ་འདི་ཡང་སློབ་བུ་བློ་གྲོས་ཀྱིས་བསྐུལ་ངོར་དོན་ཡོད་པའི་ཕྱིར་རོ། །དགེའོ དགེའོ། །དགེའོ།། ཤ བདུད་འཇོམས་འཇམ་དཔལ་ཞི་བ བདུད་འཇོམས་འཇམ་དཔལ་ཞི་བ TI1602 - 058 ཟབ་གསང་མཁའ་འགྲོའི་སྙིང་ཐིག་ལས༔ འཇམ་དཔལ་གསང་བ་འདུས་པ་ཡི༔ སྒྲུབ་པ་ཡིད་བཞིན་དབང་རྒྱལ་ཞེས་བྱ་བ་བཞུགས་སོ༔ TI1602 - 059 བདུད་འཇོམས་འཇམ་དཔལ་ཞི་བ་ཝྃ༔ ན་མོ་གུ་རུ་པདྨ་ཀ་ར་ཡེ༔ ག་རྨོ་བ།ཐམ།ཉགཀ་དྭ་བྷ་ཤར་ཨཾལཤྭ་སྤྲུ བདག་འདྲ་པད་འབྱུང་རྡོ་རྗེ་གཤོག་རྒོད་ངས༔ ལྔ་བདོའི་འགྲོ་བ་རྗེས་བཟུང་ཕྱིར༔ འཇམ་དཔལ་གསང་བ་འདུས་པ་ཡི༔ སྒྲུབ་པ་དཔག་བསམ་རྒྱས་པ་བསྟན༔ སྒྲུབ་པའི་གནས་མཆོག་རབ་དབེན་ཚལ༔ བསྒྲུབ་པའི་མཐུན་རྐྱེན་ཡོ་བྱད་ཚོགས༔ བསགས་ནས་ཐམས་ཅད་ཚང་བར་བྱ༔ གནས་ནི་གྲོང་དང་དགོན་ཆེན་སྤངས༔ སྣང་དང་མི་སྣང་ས་བདག་ལ༔ ཡོན་འབུལ་ས་བསླང་སྟ་གོན་བྱ༔ དེ་ནས་ལྟོ་ཆས་ཟས་ཀ་ཆ༔ བུད་ཤིང་ལ་སོགས་བསགས་བྱས་ཏེ༔ སྣོད་རྣམས་གས་སེར་མེད་པ་ཡང་༔ རྟེན་འབྲེལ་ཡིན་ཏེ་འབྱོར་དགོས་སོ༔ གྲོགས་ཀྱང་དམ་སེལ་མེད་པ་གཙོ༔ རང་ཡང་སྒྲུབ་པ་བྱེད་པའི་སྔོན༔ T1602 - 060 ཤོ༔ རྡོ་རྗེ་སེམས་དཔའ་སྤྱི་བོར་བསྒོམ༔ གཉེན་པོ་སྟོབས་བཞིའི་གནད་ལྡན་པས༔ ཞག་བདུན་བཤགས་སྦྱང་དག་ལ་འབད༔ དེ་ནས་ཚོགས་བསྐང་བཟང་པོ་བཏང་༔ སྡེ་བརྒྱད་འབྱུང་པོར་སྐྱེམས་མཆོད་བྱ༔ བརྒྱ་བཞི་འམ་ནི་འབར་མ་རྫོངས༔ དེ་ནས་སྒྲུབ་པའི་གནས་ཁང་ལ༔ ཁྲུས་བྱ་རྟེན་སྙིང་སྔགས་བཏབ་པའི༔ ཆུ་ཡིས་ནན་དུ་བྲན་ཅིང་བྱུག༔ ལྷ་ས་བསམ་ཡས་ཁྲ་འབྲུག་སོགས༔ བཀྲ་ཤིས་བྱིན་ཆགས་ས་སྣ་བསྡུས༔ ཆུ་རུ་བཏབ་སྟེ་དེས་སྦྲུས་པའི༔ ས་སྟེགས་གྲུ་བཞི་མདའ་གང་བའི༔ སྟེང་དུ་དྲི་སྨན་ཆུ་དང་ནི༔ རྟེན་སྙིང་སྔགས་ཆུས་རབ་ཏུ་བྱུག༔ དེ་ནས་མུ་ཁྱུད་དབུས་མ་རུ༔ པདྨ་འདབ་བཞི་མཛེས་པར་བྲི༔ དེ་མཐར་འཇའ་རིས་ལེགས་པར་བྲིས༔ ཕྱི་རིམ་གཞལ་ཡས་སྒོ་གྲུ་སོགས༔ སྤྱི་དང་མཐུན་པར་ཚོན་གྱིས་T11602 - 061 བཏབ༔ མཐར་ཡང་རྡོ་ར་མེ་རིས་བསྐོར༔ ཡང་ན་ཚོམ་བུ་དག་ལ་བརྟེན༔ ཡང་ན་གཏོར་མ་ལ་བརྟེན་རུང་༔ སྒྲུབ་རྟེན་བླ་རྡོ་ཙཀྲ་དང་༔ རིལ་བུ་བུམ་པ་དང་བཅས་བཞག༔ སྐུ་རྟེན་ཕྱག་རྒྱ་གསུང་ཡི་གེ༔ ཐུགས་རྟེན་རལ་གྲི་ལ་སོགས་པ༔ འབྲལ་བ་མེད་པའི་རྟེན་གསུམ་བཀོད༔ དར་ཚོན་སྣ་ལྔའི་ལྡིང་གུར་ཕུབས༔ རྩ་གསུམ་གཏོར་མ་སྤྱི་ལྟར་བཤམ༔ མཆོད་རྫས་སྨན་གཏོར་རཀྟ་དང་༔ ཉེར་སྤྱོད་འདོད་ཡོན་འབྱོར་ཚོགས་ཀུན༔ རིམ་བཞིན་མཛེས་པར་བཤམས་ནས་ཀྱང་༔ བདུད་རྩི་འཁྱིལ་བ་བསྐྱེད་བསྟིམས་པའི༔ ཆབ་ཀྱིས་ནན་དུ་བྲན་པ་ནི༔ བགེགས་ཀྱིས་རྒོལ་བ་མི་འབྱུང་གནད༔ བསྒྲུབ་དུས་ལྷ་སྔགས་གསང་རྒྱས་བཏབ༔ དཀྱིལ་འཁོར་དང་ནི་སྒྲུབ་པའི་རྫས༔ གཞན་ལ་སྦ་ཞིང་གསང་བར་བྱ༔ སླར་ཡང་སྒྲུབ་པའི་སྔོན་འགྲོ་ལ༔ དཀར་ཕྱོགས་སྐྱོང་T1602 - 062 ཝྃ༔ ལ་དཀར་གཏོར་དང་༔ ནག་ཕྱོགས་རིགས་ལ་དམར་མཆོད་བསྔོས༔ བར་ཆད་བཟློག་པའི་ཕྲིན་ལས་བཅོལ༔ དེ་ནས་བགེགས་ལ་ཆངས་གླུད་དང་༔ འབྲས་ཆན་ཟན་དུམ་ཤ་ཁྲག་སོགས༔ འདོད་ཡོན་ནམ་མཁའ་མཛོད་དུ་སྤེལ༔ སྔགས་དང་ཏིང་འཛིན་བྱིན་གྱིས་བརླབ༔ སོ་སོར་གང་ལ་ཅི་འདོད་ཀྱི༔ ལོངས་སྤྱོད་ཐོབ་ནས་ཕྱིར་བསྐྲད་བྱ༔ དང་པོ་སྐྱབས་སུ་འགྲོ་བ་ལ༔ ཨོཾ་ཨཱཿ ཧཱུྃ༔ ཞེས་བརྗོད་པ་ཙམ་གྱིས་ནམ་མཁའ་ལ་འཇའ་ཚོན་འཕྲལ་དུ་ཤར་བ་བཞིན་དུ༔ རང་གི་མདུན་གྱི་ནམ་མཁར་མཆོག་གསུམ་རྩ་གསུམ་སྐུ་གསུམ་ཡོངས་འདུས་ཀྱི་ངོ་བོ་འཇམ་དཔལ་ཡེ་ཤེས་སེམས་དཔའ་སྐུ་མདོག་དམར་སེར་གཟི་བརྗིད་ཉི་མ་འབུམ་ལས་ལྷག་པའི་འོད་དང་T11602 - 063 འོད་ཟེར་འབར་བ༔ མཚན་དང་དཔེ་བྱད་ཀྱིས་བརྒྱན་ཅིང་འཇའ་ཚོན་འོད་ཀྱི་ཀློང་ནས་ཡེ་ཤེས་སྒྱུ་མའི་སྐུར་བཞེངས་ཏེ་གཡས་རལ་གྲི་ཕྱར་ཞིང་གཡོན་གླེགས་བམ་བསྣམས་པ༔ ཞབས་རྡོ་རྗེ་སྐྱིལ་མོ་ཀྲུང་གིས་པད་ཟླའི་གདན་ལ་བཞུགས་པའི་སྐུ་དབྱིངས་དྭངས་གསལ་མེ་ལོང་ལྟ་བུའི་ཀློང་དུ་གཟུགས་བརྙན་སྣང་བ་ལྟར་སངས་རྒྱས་ཀྱི་ཞིང་ཁམས་གཞལ་ཡས་ཁང་ལྷ་དང་བཅས་པ་ཐམས་ཅད་འཇམ་དཔལ་སྒྱུ་འཕྲུལ་རོལ་པའི་རྣམ་པར་ཡོངས་སུ་རྫོགས་པར་བསྒོམ་ལ༔ ན་མོ༔ སངས་རྒྱས་ཆོས་དང་དགེ་འདུན་དང་༔ བླ་མ་ཡི་དམ་མཁའ་འགྲོ་དངོས༔ སྐུ་བཞིའི་བདག་ཉིད་འཇམ་དབྱངས་ལ༔ བྱང་ཆུབ་བར་དུ་སྐྱབས་སུ་མཆིའོ༔ ལན་གསུམ༔ དེ་ནས་སེམས་བསྐྱེད་པ་ནི༔ སྐྱབས་ཡུལ་གྱི་ལྷ་རྣམས་དཔང་དུ་བཙུགས་ཏེ༔ དེ་དག་གི་སྤྱན་སྔར་དམ་བཅའ་བ་ལ༔ བདག་གིས་སྲིད་པ་མཐའ་མེད་ཀྱི་འཁོར་ལོར་བཟོད་མེད་སྡུག་བསྔལ་ཆེན་པོས་གདུང་བའི་སེམས་ཅན་ཐམས་ཅད་བདག་གིས་ཐར་པ་དང་རྣམ་མཁྱེན་ལ་འགོད་པར་བྱའོ༔ དེའི་ནུས་པ་ད་ལྟ་བདག་ལ་མི་འདུག་པས་བདག་གིས་འཇམ་དཔལ་སྒྱུ་འཕྲུལ་རོལ་པའི་གོ་འཕང་ཐོབ་པར་བྱས་ཏེ་སེམས་ཅན་ཐམས་ཅད་རྫོགས་པའི་སངས་རྒྱས་ཀྱི་ས་ལ་འགོད་པར་བྱའོ་བསམ་ཞིང་དམ་བཅའ་བཟུང་བ་སྨོན་སེམས་དང་༔ མཁའ་ཁྱབ་ཀྱི་སེམས་ཅན་གྱི་དོན་དུ་བསྒྲུབ་པ་ལ་ཞུགས་ཏེ་བཙོན་པ་ལྷུར་ལེན་པར་དམ་བཅའ་བ་ནི་འཇུག་སེམས་ ཝྃ།༔ ཏེ༔ བྱང་ཆུབ་ཀྱི་སེམས་རྣམ་པ་གཉིས་བསྐྱེད་པར་བྱའོ༔ ཧོཿ དེང་བཟུང་བྱང་ཆུབ་མ་ཐོབ་བར༔ མགོན་པོ་མཆོག་ཁྱོད་ངས་བསྒྲུབ་ཅིང་༔ གང་འདུལ་ཕྲིན་ལས་ཐབས དུ་མས༔ འགྲོ་ཀུན་བསྒྲལ་བར་དམ་བཅའོ༔ ལན་གསུམ་མཐར༔ སྐྱབས་ཡུལ་རྣམས་འོད་དུ་ཞུ་ནས་རང་ལ་ཐིམ་པའི་རྐྱེན་གྱིས་རང་ཉིད་སྐད་ཅིག་གིས་ཀླུ་འབུམ་གཉན་ཁྲི་ས་བདག་སྟོང་གི་ཁྲི་ཁར་པདྨ་ཉི་མའི་གདན་ལ་རྒྱལ་བསེན་ཕོ་མོ་བསྣོལ་བའི་སྟེང་དུ་གཤིན་རྗེའི་གཤེད་པོ་རལ་གྲི་དང་ཞགས་པ་བསྣམས་ཤིང་ཞབས་གཉིས་གྱད་ཀྱི་འདོར་སྟབས་སུ་བགྲད་པ་བསྐལ་པའི་མེ་དཔུང་འབར་བའི་ཀློང་ན་ཧཱུྃ་ཕཊ་ཀྱི་སྒྲ་བསྒྲགས་པས་སྣང་སྲིད་ཀྱི་ཁམས་ཐམས་ཅད་ཤིག་ཤིག་ཡོམ་ཡོམ་འགུལ་ཞིང་གཡོ་བ༔ ཁྲོ་བོ་དང་ཁྲོ་མོ་མེ་དཔུང་དང་ཐུན་ཚོན་སྣ་ཚོགས་སེར་རླུང་ལྟར་འགྱེད་ཅིང་འཕྲོས་པས་གདོན་བགེགས་འབྱུང་པོ་ཐམས་ཅད་ཐལ་བའི་རྡུལ་ཕྲན་བཞིན་དུ་བརླག་བྱེད་ཀྱི་མཐུ་ནུས་དང་ལྡན་པར་བསྐྱེད་དོ༔ དེ་ནས་བགེགས་བསྐྲད་པ་ལ༔ ཧཱུྃ་ཧཱུྃ་ཧཱུྃ༔ ང་ནི་ལས་ཀྱི་ཆེ་མཆོག་གཤིན་རྗེའི་གཤེད༔ ཉོན་ཅིག་མ་རིག་འཁྲུལ་པའི་གདོན་བགེགས་ཚོགས༔ འདོད་ཡོན་ལྔ་ལྡན་གླུད་གཏོར་འདི་ལོངས་ལ༔ སོ་སོ་རང་རང་གནས་སུ་འགྲོ་བར་ གྱིས༔ གལ་ཏེ་མི་འགྲོ་བཀའ་ལས་འདའ་བྱེད་ན༔ ཡེ་ཤེས་རོལ་རྩལ་རྡོ་རྗེ་འབར་བ་ཡིས༔ མགོ་བོ་ཚལ་པ་བརྒྱ་རུ་འགེམས་གྱུར་ཏེ༔ བགེགས་རྣམས་བརླག་པར་འགྱུར་བར་གདོན་མི ཟ༔ རྩ་སྔགས་དང་ཧཱུྃ་བཞིའི་སྔགས་བརྗོད་ཅིང་ཐུན་གྱིས་བྲབ༔ ཅེས་བགེགས་དང་ལོག་པར་འདྲེན་པ་ཐམས་ཅད་མཐའ་ཡི་ལྕགས་རི་ནག་པོའི་རྒྱབ་གླིང་བར་མུན་པ་ཅན་གྱི་སྨག་རུམ་དུ་བསྐྲད་ནས་མགོ་འཁོར་ཞིང་འཐུམ༔ མེ་ཆུ་རླུང་གི་ར བས་མཚམས་བཅད་དེ་སྤྲུལ་པ་ལས་ཀྱི་འཁྲུལ་འཁོར་ཐམས་ཅད་ཚུར་འདུས་པས་ཡེ་ཤེས་ལྔ་དང་སྐུ་ལྔ་ལྷུན་གྱིས་གྲུབ་པའི་ངོ་བོ་ལ་རྣམ་པ་མཚོན་ཆ་ལྔ་དང་ཁྲོ་བོ་ཁྲོ་མོ་མེ་རླུང་ཆུ་ཡི་ར་གུར་དང་ར་བ་ལྷུན་གྱིས་གྲུབ་པར་བསྒོམ༔ ཧཱུྃ༔ འཁོར་འདས་དག་མཉམ་ཆེན་པོ་ལ༔ བགེགས་དང་ལོག་འདྲེན་མིང་ཡང་མེད༔ དེ་ལྟར་མ་རྟོགས་འཁྲུལ་པ་ལས༔ སྣོད་བཅུད་དངོས་པོར་འཛིན་པའི་བགེགས༔ བདག་མེད་སྟོང་ཉིད་ཆེན་པོར་བཤིགས༔ ཡུལ་མེད་ཟང་ཐལ་ངང་དུ་བསྐྲད༔ བཛྲ་རཏྣ་པདྨ་ཀརྨ་ཙཀྲ་ཧཱུྃ་_UNK་རཾ་ཡཾ་ཁཾ་རཀྵ་རཀྵ་ཀུ་རུ་ཡེ་སྭཱ་ཧཱ༔ དེ་ནས་བརྡ་སྒོ་དབྱེ་བ་ནི༔ འཁོར་འདས་སྟོང་ཉིད་ཆེན་པོར་རོ་གཅིག་པའི་ངང་ཚུལ་མ་རིག་གཟུང་འཛིན་གྱིས་སྒྲིབ་པའི་རྐྱེན་གྱིས་རང་ཞལ་སྒྲིབ་པ་ལ༔ བདག་མེད་རྟོགས་པའི་ཤེས་རབ་ཀྱི་རང་ཞལ་མངོན་དུ་བྱ་བའོ༔ དེས་ཡེ་ཤེས་ཡོན་ཏན་གྱི་འཆར་སྒོ་བྱེད་དོ༔ ཧཱུྃ༔ གདོད་ནས་རང་རིག་ཆོས་སྐུའི་རོལ་པ་ལ༔ ཝྃ།༔ མ་རིག་དབང་གིས་གཉིས་འཛིན་དྲི་མས་སྒྲིབ༔ ད་ནི་མཁྱེན་གཉིས་ཡེ་ཤེས་སྟོབས་ཤུགས་ཀྱིས༔ སྐུ་གསུམ་ལྷུན་གྲུབ་མངོན་བྱེད་འཆར་སྒོ་ཕྱེས༔ ཨོཾ་བཛྲ་པྲ་བེ་ཤ་ཡ་ཕཊ༔ དེ་ནས་བརྡ་ཕྱག་འཚལ་བ་ནི༔ གདོད་ནས་འཁོར་འདས་དག་མཉམ་སྐུ་གསུམ་ལྷུན་གྲུབ་གྱི་རོལ་པར་སངས་རྒྱས་ཀྱང་མ་རིག་པའི་དབང་གིས་སྒྲིབ་པ་ལ༔ འཕྲལ་དུ་རང་ངོ་རང་ཞལ་མཇལ་བ་ལ་ཤིན་ཏུ་ངོ་མཚར་བ་ནི་ལྟ་བ་མཇལ་བའི་ཕྱག་ཅེས་བྱའོ༔ ཧཱུྃ༔ འཁོར་འདས་དག་མཉམ་གདོད་མའི་མགོན་པོའི་དབྱིངས༔ ལྷུན་གྲུབ་རོལ་པ་ལོངས་སྤྱོད་རྫོགས་པའི་སྐུ༔ ཐུགས་རྗེའི་རོལ་རྩལ་རང་གྲོལ་ཡེ་ཤེས་ཀྱིས༔ རང་ངོ་རང་ཞལ་མཇལ་ཕྱིར་བརྡ་ཕྱག་འཚལ༔ ན་མོ་ན་མ་ཧོཿ དེ་ནས་བྱིན་ཆེན་དབབ་པ་ལ༔ རང་རང་རྣམས་ཀྱི་དད་པ་དང་མོས་གུས་དྲག་པོས་གདུང་ཤུགས་བསྐྱེད་པའི་མཐུ་ལས་གྱུར་པའི་འོད་ཟེར་ཁ་དོག་ལྔ་དང་ལྡན་པ་དཔག་ཏུ་མེད་པ་འཕྲོས་པས་ཕྱོགས་བཅུ་དུས་གསུམ་གྱི་རྒྱལ་དང་རྒྱལ་སྲས་ཞིང་ཁམས་གཞལ་ཡས་ཁང་ལྷ་དང་བཅས་པ་ཐམས་ཅད་དམ་ཚིག་གིས་དབང་གིས་སྤྱན་དྲངས་ནས་སྐུ་ཕྱག་རྒྱ་ཕྲ་མོ༔ གསུང་ཡིག་འབྲུ་སྣ་ཚོགས༔ ཐུགས་ཕྱག་མཚན་སྣ་ཚོགས༔ འཇའ་འོད་དང་ཐིག་ལེའི་རྣམ་པར་མཚོ་ཆེན་པོ་ལ་ཁ་ཆར་བབ་པ་བཞིན་དུ་རང་དང་བསྒྲུབ་རྫས་རྣམས་ལ་སིབ་སིབ་ཏུ་ཐིམ་ནས༔ ཞིང་ཁམས་གནས་ལ་ཐིམ་པས་གནས་ཞིང་ཁམས་རྣམ་པར་དག་པ་དང་༔ གཞལ་ཡས་ཁང་གནས་ཁང་ ལ་ཐིམ་པས་ལྷུན་གྲུབ་བདེ་བ་ཆེན་པོའི་གཞལ་ཡས་ཁང་དུ་གྱུར་པ་དང་༔ སྐུ་གསུང་ཐུགས་རང་ལ་ཐིམ་པས་སྒོ་གསུམ་རྡོ་རྗེ་གསུམ་གྱི་རོལ་པར་སངས་རྒྱས་པ་དང་༔ དབང་བྱིན་དངོས་གྲུབ་ཐམས་ཅད་བསྒྲུབ་པའི་རྫས་ལ་ཐིམ་པས་སྐུ་གསུང་ཐུགས་ཡོན ཏན་ཕྲིན་ལས་མི་ཟད་པ་རྒྱན་གྱི་འཁོར་ལོའི་རོལ་པ་ཡོངས་སུ་རྫོགས་པའི་རང་བཞིན་ཅན་དུ་གྱུར་པར་བསྒོམ༔ ཨོཾ་ཨཱཿཧཱུྃ༔ ཀུན་བཟང་རྡོར་སེམས་དགའ་རབ་ཤྲཱི་སེང་༔ རིག་འཛིན་བརྒྱད་དང་གྲུབ་ཆེན་བརྒྱད་ཅུ དང་༔༷ པད་འབྱུང་སྐུ་ལྔ་མཚན་བརྒྱད་རྗེ་འབངས་སོགས༔ དགོངས་བརྡ་སྙན་བརྒྱུད་བླ་མས་བྱིན་ཆེན་ཕོབ༔ འཇམ་དཔལ་རིགས་ལྔ་དབྱིངས་ཀྱི་ཡུམ་ཆེན་ལྔ༔ ཕྱོགས་བཅུ་དུས་བཞིའི་རྒྱལ་བ་སྲས་བཅས་དང་༔ བཀའ་སྡོད་ཆོས་སྐྱོང་སྲུང་མས་བྱིན་ཆེན་ཕོབ༔ གནས་འདི་རྣམ་དག་ཞིང་ཁམས་དམ་པ་རུ༔ སྐད་ཅིག་ཉིད་དུ་བྱིན་གྱིས་བརླབ་ཏུ་གསོལ༔ ལྷུན་གྲུབ་བཀོད་པ་རབ་རྫོགས་གཞལ་ཡས་སུ༔ སྒྲུབ་པའི་གནས་ཁང་བྱིན་གྱིས་བརླབ་ཏུ་གསོལ༔ ལྷུན་གྱིས་གྲུབ་པའི་རིག་འཛིན་ཤ་སྟག་ཏུ༔ སྒྲུབ་མཆོག་རྣལ་འབྱོར་ཕོ་མོ་བྱིན་གྱིས་རློབས༔ དུས་གསུམ་རྒྱལ་བ་སྒྱུ་འཕྲུལ་ཞི་ཁྲོ་ཡི༔ དབང་དང་བྱིན་རླབས་དངོས་གྲུབ་མ་ལུས་པས༔ བསྒྲུབ་པའི་དཀྱིལ་འཁོར་འདི་ལ་བྱིན་ཆེན་ཕོབ༔ མཆོག་དང་ཐུན་མོང་དངོས་གྲུབ་འདིར་སྩོལ ཝྃ།༔ ཅིག༔ ཨོཾ་ཨཱཿ ཧཱུྃ་སྭཱ་ཧཱ༔ པྲཛྙཱ་ཛྙཱ་ན་མཉྫུ་ཤྲཱི་ཀུ་མ་རཱ་སརྦ་བུདྡྷ་བོ་དྷི་སཏྭ་ས་མ་ཡ་ཛ་ཛཿ ཕེཾ་ཕེཾ༔ ཨ་བེ་ཤ་ཡ་ཨ་ཨ༔ དེ་ནས་མཆོད་རྫས་བྱིན་བརླབ་ལ༔ འདི་ལྟར་མཆོད་རྫས་བཤམ་པའི་དངོས་པོ་རྣམས་དང་ཆབ་གཅིག་ཏུ་ཁམས་གསུམ་སྣོད་བཅུད་ཐམས་ཅད་འཇའ་ཚོན་ནམ་མཁའ་ལ་ཡལ་བ་བཞིན་དུ་སྟོང་པའི་དབྱིངས་སུ་ཞིག་པར་བསམ༔ རྒྱུ་དེས་སྟོང་པའི་དབྱིངས་ལས་སྒྱུ་མའི་སྤྲུལ་པ་བཞིན་དུ་ཕྱི་ཉེར སྤྱོད་བདུན་དང་༔ ནང་འདོད་ཡོན་ལྔ་དང་༔ གསང་བ་སྨན་གཏོར་རཀྟ་གཞན་ཡང་རིན་པོ་ཆེ་སྣ་བདུན་དང་བཀྲ་ཤིས་རྫས་རྟགས་དང་རྒྱལ་སྲིད་སྣ་བདུན་ལ་སོགས་པའི་མཆོད་པའི་ཡོ་བྱད་རྣམ་པ་སྣ་ཚོགས་པས་ནམ་མཁས་གར་ཁྱབ་ཐམས་ཅད་དུ་རྒྱུན་མི་འཆད་པར་སྤྲོས་ཏེ་ཁྱབ་པར་ཡིད་ལ་བྱའོ༔ ཨོཾ་ཨཱཿཧཱུྃ༔ སྣང་ཞིང་སྲིད་པའི་འཇིག་རྟེན་ཐམས་ཅད་ཀུན༔ བཤམས་པའི་དངོས་པོ་དང་བཅས་སྟོང་པར་གྱུར༔ སྟོང་པའི་ངང་ལས་སྒྱུ་མའི་ཆོ་འཕྲུལ་བཞིན༔ མཆོད་སྤྲིན་མི་ཟད་ནམ་མཁའ་མཛོད་དུ་ཤར༔ ཨོཾ་བཛྲ་ཨརྒྷཾ་པཱདྱཾ་སོགས་ནས་ཤཔྡ་པྲ་ཏཱིཙྪ་ཡེ་སྭཱ་ཧཱ༔ རཱུ་པ་ཤཔྡ་གནྡྷེ་རཱ་ས་སྤཪྴ་པྲ་ཏཱིཙྪ་ཡེ་སྭ་ཧཱ༔ མ་ཧཱ་སརྦ་པཉྩ་ཨ་མྲ་ཏ་ཡེ་སྭཱ་ཧཱ༔ མ་ཧཱ་བ་ལིཾ་ཏ་ཡེ་སྭཱ་ཧཱ༔ མ་ཧཱ་རཀྟ་ཡེ་སྭ་ཧཱ༔ དེ་ནས་དེ་བཞིན་ཉིད་ཀྱི་ཏིང་ངེ་འཛིན་ལ༔ མ་དག་པ་ལས་ཀྱི་བསྐལ་པ་དབྱིངས་སུ་བཤིགས་ཏེ་ཆོས་ཉིད་དེ་བཞིན་ཉིད་ཀྱི་ངང་མངོན་དུ་བྱེད་པ་ནི༔ ཨ༔ གཟུང་དང་འཛིན་པས་བསྡུས་པའི་ཆོས་རྣམས་ཀུན༔ སྒྱུ་མའི་འཁྲུལ་འཁོར་དབྱིངས་སུ་ཞིག་པ་བཞིན༔ ཆོས་ཉིད་སྤྲོས་མཐའ་བྲལ་བའི་ངང་དུ་ཞིག༔ འཁོར་འདས་སྟོང་ཉིད་ཆེན་པོར་འབྱམས་ཀླས་སོ༔ ཨོཾ་མ་ཧཱ་ཤུ་ནྱ་ཏཱ་ཛྙ་ན་བཛྲ་སྭ་བྷཱ་ཝ་ཨཏྨ་ཀོ྅་ཧཾ༔ དེ་ནས་ཀུན་ཏུ་སྣང་བའི་ཏིང་ངེ་འཛིན་བསྒོམ་པ་ལ༔ བདེ་བར་གཤེགས་པའི་སྙིང་པོ་དྭངས་གསལ་རྙོག་མ་དང་བྲལ་བ་ཁྱབ་བྱེད་ཀུན་གཟིགས་ཀྱི་ཡེ་ཤེས་ཆེན་པོ་མངོན་དུ་བྱེད་པ་ནི༔ ཨ༔ ཆོས་ཉིད་ཇི་ལྟ་མཁྱེན་པའི་ཡེ་ཤེས་ཀྱི༔ གནས་ལུགས་ཡིན་ལུགས་འདྲེས་ཏེ་རང་དབང་བསྒྱུར༔ ཇི་སྙེད་གཟིགས་པའི་ཡེ་ཤེས་རྩལ་དུ་ཤར༔ ཡེ་གྲོལ་ཀ་དག་ཆེན་པོ་མངོན་དུ་གྱུར༔ ངྷརྨ་དྷཱ་ཏུ་པྲཛྙཱ་ཛྙཱ་ན་ས་མ་ཏི་ཨ༔ དེ་ནས་རྒྱུ་ཡི་ཏིང་ངེ་འཛིན་བསྒོམ་པ་ལ༔ ཆོས་དབྱིངས་སྤྲོས་པ་དང་བྲལ་བའི་ནམ་མཁའ་རྣམ་པར་དག་པའི་དབྱིངས་ལས་མཁའ་ལ་འཇའ་ཚོན་འཕྲལ་དུ་ཤར་བ་བཞིན་དུ་རང་གི་རིག་པ་དྷཱིཿ ཡིག་སེར་པོ་སྟོང་ཉིད་རྟེན་མེད་ཀྱི་དབྱིངས་སུ་འཆར་བར་བྱས་ཏེ༔ ཧཱུྃ༔ ཆོས་དབྱིངས་སྤྲོས་མཐའ་བྲལ་བའི་མཁའ་དབྱིངས་སུ༔ ཡེ་ཤེས་སྒྱུ་འཕྲུལ་རོལ་པའི་རང་རྩལ་ལས༔ དྭངས་གསལ་མཚོ་ལ་ཆུ་ཟླ་ཤར་བ་ལྟར༔ རང་རིག་_UNKཿཡིག་སེར་གསལ་རྒྱུ་རུ་ཤར༔ ཨོཾ་བཛྲ་ཛྙཱ་ན་ཙིཏྟ་ཧཱུྃ་ཨཱཿ རྟེན་ཞིང་ཁམས་དང་གཞལ་ཡས་ཁང་བསྒོམ་པ་ལ༔ རང་གི་རིག་པ་དྷཱིཿ ཡིག་སེར་པོ་ལས རྟཝྃ༔ ཨེ་ཡིག་མཐིང་ནག་གཅིག་འཕྲོས་པས་ཁྱབ་བརྡལ་ནམ་མཁའ་རྣམ་པར་དག་པའི་རང་བཞིན་དུ་བསྒོམ༔ ཡཾ་ཡིག་ལྗང་ནག་གཅིག་འོག་ཏུ་འཕྲོས་པ་ལས་འོག་གཞི་རླུང་གི་དཀྱིལ་འཁོར་རྡོ་རྗེ་རྒྱ་གྲམ་གྱི་དབྱིབས་སུ་གྱུར༔ བཾ་ཡིག་དཀར་པོ་འཕྲོས་པས་ཞི་བ་གསལ་དག་གི་རྒྱ་མཚོ་དྭངས་གསལ་རྙོག་མ་དང་བྲལ་བ་ཟླུམ་ལ་འཁྱིལ་བར་གྱུར༔ ལཾ་ཡིག་སེར་པོ་འཕྲོས་པས་དབང་ཆེན་གསེར་གྱི་ས་གཞི་གྲུ་བཞི་པའི་རྣམ་པར་གྱུར༔ རཾ་ཡིག་དམར་པོ་གཅིག་འཕྲོས་པས འབྱུང་བཞིའི་གཤིས་སུ་ཡེ་ཤེས་མེ་ཡི་དྲོད་ཀྱིས་རྒྱས་ཐེབས་པར་བསམ༔ སླར་ཡང་འོད་ཕུང་སེར་པོ་འཕྲོས་པས་ས་གཞིའི་སྟེང་དུ་འོད་ཀྱི་ས་གཞི་རྒྱ་ཆེ་ལ་ཁྱོན་ཡངས་པ་ཁྱབ་བརྡལ་ནམ་མཁའི་ཁྱོན་ལ་བསྙེགས་པ་ཞིང་ཁམས་རྣམ་པར་དག་པ་རྒྱ་ཡོངས་སུ་མ་ཆད་པར་བསྐོར་བའི་དབུས་སུ་ས་གཞི་རྩུབ་རེག་ཐམས་ཅད་དང་བྲལ་བ་ངོས་འཇམ་ཞིང་ཁོད་སྙོམས་པའི་ངོས་ལ་སྨན་གྱི་སྤངས་རི་ལ་དྲི་བཟང་གི་ན་བུན་འཐུལ་བ༔ ཁ་དོག་སྣ་ཚོགས་འབར་བའི་མེ་ཏོག་པདྨོ་བཞད་པས་ཡོངས་སུ་ཁེབས་པ༔ འཇའ་ཚོན་འོད་ཀྱི་དྲྭ་མིག་རིས་སུ་བྲིས་པ༔ ནམ་མཁའ་བར་སྣང་ས་གཞིའི་ཁམས་ཐམས་ཅད་དཔའ་བོ་དང་དཔའ་མོ་མང་པོས་གླུ་གར་བྱེད་ཅིང་༔ སྤྲུལ་པའི་ལྷ་མོ་བསམ་གྱིས་མི་ཁྱབ་པས་མཆོད་པའི་སྤྲིན་རྒྱ་མཚོས་རྟག་ཏུ་མཆོད་པར་བྱེད་པའི་དབུས་སུ་དྷཱིཿ ཡིག་ལས་ཡི་གེ་བྷྲུྃ་གཅིག་ཆད་དེ་བབས་པ་ལས་ཡེ་ཤེས་ལྔ་དང་སྐུ་ལྔ་ལྷུན་གྱིས་གྲུབ་པའི་ངོ་བོ་ལ༔ རྣམ་པ་གཞལ་ཡས་ཁང་རྒྱ་ཆེ་ལ་ཁྱོན་ཡངས་པ་དབྱིབས་མཛེས་ཤིང་བཀོད་ལེགས་པ་གྲུ་བཞི་སྒོ་བཞི་དང་ལྡན་པའི་ཤར་གྱི་ངོས་ལོགས་ཐམས་ ཅད་དཀར་པོ་ཤེལ་ལྟར་གསལ་ཞིང་དྭངས་ལ༔ དེ་བཞིན་དུ་ལྷོ་གསེར་ལྟར་སེར་ཞིང་གསེར་གྱི་ཁ་དོག་འབར་བ༔ ནུབ་པདྨ་རཱ་ག་ལྟར་དམར་ཞིང་རཱ་གའི་རྣམ་པར་གསལ་བ༔ བྱང་ཨིནྡྲ་ནཱི་ལ་ལྟར་ལྗང་ལ་ཨིནྡྲ་ནཱི་ལའི་རྣམ་པར་དྭངས་ཤིང་གསལ་བ༔ དབུས་ཀྱི་ཡ་ཕུབ་ཐམས་ཅད་མཐིང་ག་བེེ་ཌཱུརྻའི་ཁ་དོག་ལྟར་གསལ་ཞིང་བེེ་ཌཱུརྻའི་རྣམ་པ་ཅན་དེ་དག་ཐམས་ཅད་ཡེ་ཤེས་ལྔ་ཡི་ངོ་བོ་ལ་རྣམ་པ་གཞལ་ཡས་ཁང་དུ་སྣང་བའོ༔ ཤར་སྒོ་ཟླུམ་པོ༔ ལྷོ་སྒོ་གྲུ་བཞི༔ ནུབ་སྒོ་ཟླ་གམ༔ བྱང་སྒོ་གྲུ་གསུམ་པ་དེ་དག་ནི་ཕྲིན་ལས་རྣམ་པ་བཞི་དང་ཚད་མེད་པ་བཞི་མཚོན་བྱེད་དུ་ཤེས་པར་བྱའོ༔ གཞན་ཡང་རིན་པོ་ཆེ་རྣམ་པ་སྣ་ཚོགས་ཀྱི་ཕྲེང་བའི་དྲྭ་བ་དང་དྲྭ་ཕྱེད་འཕྱང་བ༔ དྲིལ་བུ་དང་གཡེར་ཁ་ལས་ཆོས་ཀྱི་སྒྲ་འབྱུང་བ༔ ནང་གི་གཞི་ཐམས་ཅད་རིན་པོ་ཆེ་འཇའ་ཤེལ་གྱི་རང་བཞིན་ཅན་ཏེ༔ ཕྱོགས་བཞིར་ཉི་མ་དང་ཟླ་བའི་སྐར་ཁུང་བྱས་པས་འོད་ཕུང་འཇའ་ཤེལ་གྱི་ས་གཞི་ལ་ཕོག་པས་ཉིན་མོ་འཇའ་འཁྲིགས་ཤིང་མཚན་མོ་འོད་འབར་བ༔ སྒོ་བཞི་རུ་རྒྱུ་དང་འབྲས་བུའི་རྟ་བབ་བང་རིམ་བཞི་བཞིས་མཛེས་པ༔ སྟེང་དུ་རི་རབ་བང་རིམ་གསུམ་གྱི་འོག་མ་སེར་པོ༔ བར་མ་དཀར་པོ༔ སྟེང་མ་ལྗང་གུའི་