Tibetan
སྲུང་མ་རུ༔ མི་དེའི་སྲུང་མ་སྡེ་ཚན་དྲུག་ཏུ་བསྐོས༔ མ་འོངས་སྐྱེ་བོས་ཕོད་བཙུག་བྱེད་དུ་མེད༔ ཕོ་བཟོ་སྙིང་ཁམས་ཅན་གྱིས་རང་སྲོག་བདོ༔ རྒྱལ་པོ་ཁྱོད་ཉིད་འཇམ་དབྱངས་དངོས་སྤྲུལ་ཏེ༔ རེ་ཞིག་འཇམ་དཔལ་དབྱངས་ཀྱི་ཐུགས་སུ་བསྡུ༔ སླར་ཡང་ཀླ་ཀློའི་བསྟན་པ་མ་བྱུང་བར༔ ཁྱོད་དང་ང་གཉིས་བསྟན་འགྲོའི་མགོན་དུ་བྱོན༔ སེམས་ཅན་མཐར་ཐུག་ཟད་མཐའ་མ་མཆིས་ཀྱང་༔ སྨོན་ལམ་ལས་ཀྱིས་འབྲེལ་བའི་སྐྱེས་བུ་རྣམས༔ མི་འཇིགས་རྣམ་པར་གྲོལ་བའི་ས་ལ་སྦྱོར༔ ཞེས་གསུངས་མངའ་བདག་རྒྱལ་པོ་དགྱེས་པར་གྱུར༔ པདྨའི་རྣམ་ཐར་མཐོང་བ་རང་གྲོལ་ལས༔ རྗེ་འབངས་རྣམས་ལ་ཞལ་གདམས་དང་འབྱུང་འགྱུར་ལུང་བསྟན་གནང་བའི་ལེའུ་སྟེ་བདུན་པའི་བདག་ཉིད་ཅན་གྱིས་རྫོགས་སོ༔ ས་མ་ཡ༔ རྒྱ་རྒྱ་རྒྱ༔ ད ཞེས་པ་འདིའང་རིགས་སྲས་མཁྱེན་བརྩེའི་མྱུ་གུ་དང་། སྐྱེས་མཆོག་མཁས་གྲུབ་རྒྱ་མཚོ་དང་། དབང་ཕྱུག་དང་། ངག་དབང་ཕྲིན་ལས་སོགས་བུ་སློབ་དམ་པ་དུ་མས་ཡང་ཡང་ནན་དུ་བསྐུལ་ངོར། ཁྲག་འཐུང་བདུད་འཇོམས་རྡོ་རྗེས་ཐུགས་སྒྲུབ་གསང་རྒྱ་ཅན་ལས་ཁོལ་དུ་ཕྱུངས་ཏེ་དག་པར་ཕབ་པའི་ཡི་གེ་པ་ནི་གླིང་གི་སྔགས་སྐྱེས་འཇམ་དཔལ་རྡོ་རྗེའོ། །དགེའོ། །དགེའོ། །དགེའོ། །སརྦ་མངྒ་ལཾ། 8 འཇོམས་ཟབ་གཏེར འཇོམས་ཟབ་གཏེར T11601 - 104 ཧོྃ།༔ ཟབ་གསང་མཁའ་འགྲོའི་སྙིང་ཐིག་ལས༔ ཨོ་རྒྱན་ཆེ་མཆོག་པདྨ་རྒྱལ་པོ་ལ་གསོལ་འདེབས་ཐུགས་དམ་རྒྱུད་བསྐུལ་བཞུགས་སོ༔ ཉྃ།༔ ན་མོ་གུ་རུ་པདྨ་ཀ་ར་ཡེ༔ ཐ།ཧ།ར བསམ་ཡས་མཆིམས་ཕུ་དཔལ་གྱི་དབེན་གནས་སུ༔ རྗེ་འབངས་ཞལ་འཛོམས་ཚོགས་འཁོར་བསྐོར་བའི་ཚེ༔ མ་གཅིག་མཁའ་འགྲོ་ཡེ་ཤེས་མཚོ་རྒྱལ་མས༔ སངས་རྒྱས་གཉིས་པ་པདྨ་འབྱུང་གནས་ལ༔ གསེར་གྱི་མཎྜལ་ཕུལ་ནས་འདི་སྐད་ཞུས༔ དུས་གསུམ་རྒྱལ་བ་མ་ལུས་འདུས་པའི་ཞལ༔ འགྲོ་བའི་དཔལ་མགོན་ཆེན་པོ་དགོངས་སུ་གསོལ༔ བདག་ཅག་རྗེ་འབངས་གྲོགས་དང་བཅས་པ་ཡི༔ རྒྱུད་ལ་ཁྱོད་ཀྱི་དགོངས་པ་འཕོ་བ་དང་༔ མ་འོངས་བརྒྱུད་འཛིན་རྗེས་སུ་བཟུང་བའི་ཕྱིར༔ གསོལ་འདེབས་ཟབ་མོ་བྱིན་ལྡན་བསྟན་དུ་གསོལ༔ ཞེས་ཞུས་ཨོ་རྒྱན་ཆེན་པོའི་ཞལ་སྔ་ནས༔ ད་ལྟར་བཞུགས་དང་མ་འོངས་འབྱོན་འགྱུར་གྱི༔ སྐལ་བཟང་ལས་ཅན་ང་ལ་མོས་པ་རྣམས༔ དུས་གསུམ་རྒྱུན་ཆད་མེད་པར་མོས་གུས་ཀྱིས༔ ང་ཉིད་མདུན་མཁར་བསྒོམ་ལ་འདི་བརྗོད་མཛོད༔ ཨེ་མ་ཧོཿ དུས་གསུམ་རྒྱལ་བ་ཡོངས་འདུས་བདག་ཉིད་མཆོག༔ འགྲོ་བའི་དཔལ་མགོན་ཨོ་རྒྱན་རིན་པོ་ཆེ༔ བཟོད་མེད་གདུང་ཤུགས་དྲག་པོས་གསོལ་བ་འདེབས༔ སྐད་ཅིག་ཉིད་དུ་བདག་རྒྱུད་བྱིན་གྱིས་རློབས༔ དལ་འབྱོར་མི་ལུས་ཡིད་བཞིན་ནོར་བུ་ལྟར༔ རྙེད་དཀའ་དྲན་ནས་དོན་ལྡན་བྱེད་པ་རུ༔ གཏན་གྱི་མགོན་པོ་པདྨ་ འབྱུང་གནས་མཁྱེན༔ ད་ལྟ་ཉིད་དུ་བྱིན་གྱིས་བརླབ་ཏུ་གསོལ༔ ཚེ་འདིའི་སྣང་བ་རྨི་ལམ་སྒྱུ་མ་ལྟར༔ མི་རྟག་འཆི་བ་སྙིང་ནས་དྲན་པ་རུ༔ གཏན་གྱི་མགོན་པོ་པདྨཿ ད་ལྟ་ཉིད་དུ་བྱིན གྱིསཿ ཁམས་གསུམ་འཁོར་བ་སྡུག་བསྔལ་རྒྱ་མཚོ་རུ༔ ཤེས་ནས་ཐར་པའི་ལམ་སྣ་ཟིན་པ་རུ༔ གཏན་གྱི་མགོན་པོ་པདྨཿ ད་ལྟ་ཉིད་དུ་བྱིན་གྱིས༴ ཆོས་ཚུལ་བཞིན་དུ་རྒྱུ་འབྲས་སྤང བླང་གི༔ གནད་ལ་མཁས་ཤིང་ལག་ལེན་ཐེབས་པ་རུ༔ གཏན་གྱི་མགོན་པོ་པདྨཿ ད་ལྟ་ཉིད་དུ་བྱིན་གྱིས༴ དུས་རྣམ་ཀུན་ཏུ་ངེས་འབྱུང་སྐྱོ་ཤས་དང་༔ དད་མོས་བྱམས་དང་སྙིང་རྗེས་རྒྱུད་བརླན་པར༔ གཏན་གྱི་མགོན་པོ་པདྨཿ ད་ལྟ་ཉིད་དུ་བྱིན་གྱིས༴ བདག་དང་བདག་ལ་འབྲེལ་ཐོགས་སྐྱེ་འགྲོ་ཡི༔ བློ་སྣ་དམ་པའི་ཆོས་སུ་འགྱུར་བ་རུ༔ གཏན་གྱི་མགོན་པོ་པདྨཿ ད་ལྟ་ཉིད་དུ་བྱིན་གྱིས༴ མི་འདོད་སྡུག་བསྔལ་ནད་ཀྱིས་གདུང་བའི་ཚེ༔ ཐུགས་རྗེ་བྱིན་རླབས་ནུས་པས་སེལ་བ་རུ༔ གཏན་གྱི་མགོན་པོ་པདྨཿ ད་ལྟ་ཉིད་དུ་བྱིན་གྱིསཿ རྒྱ་སོག་མཐའ་ཧོར་དམག་གིས་ཡུལ་འཇིགས་ཚེ༔ མཐུ་རྩལ་དྲག་པོས་གཞོམ་ཞིང་ཐུལ་བ་རུ༔ གཏན་གྱི་མགོན་པོ་པདྨཿ ད་ལྟ་ཉིད་དུ་བྱིན་གྱིས༴ དབུལ་ཕོངས་འབྱོར་རྒུད་མུ་གེས་གདུང་གྱུར་ན༔ ཧོྃ།༔ འཛད་མེད་དངོས་གྲུབ་རྒྱུན་གྱིས་སྐྱོབ་པ་རུ༔ གཏན་གྱི་མགོན་པོ་པདྨཿ ད་ལྟ་ཉིད་དུ་བྱིན་གྱིས༴ མི་བཟད་འཇིགས་པ་བཅུ་དྲུག་ཐོག་འབབ་ཚེ༔ མཐུ་སྟོབས་དྲག་པོས་བཟློག་བསྒྱུར་ཕྲིན་ལས་མཛོད༔ གཏན་གྱི་མགོན་པོ་པདྨཿ ད་ལྟ་ཉིད་དུ་བྱིན་གྱིས༴ མི་ཕྱུགས་ནད་རིམས་གོད་ཡམས་ཁ་དར་ཚེ༔ ཞི་བཟློག་གཞོམ་པའི་ལས་ཀྱིས་དབྱིངས་སུ་སོལ༔ གཏན་གྱི་མགོན་པོ་པདྨཿ ད་ལྟ་ཉིད་དུ་བྱིན་གྱིས༴ སྣང་དང་སྣང་མིན་དགྲ་འདྲེའི་རྒོལ་ངན་ཀུན༔ མངོན་སྤྱོད་ལས་ཀྱིས་ཐལ་བའི་རྡུལ་དུ་རློག༔ གཏན་གྱི་མགོན་པོ་པདྨཿ ད་ལྟ་ཉིད་དུ་བྱིན་གྱིསཿ ལས་རྐྱེན་ངན་པའི་དབང་གིས་ཁས་ཉན་ཚེ༔ མཁྱེན་བརྩེ་ནུས་པས་དབུགས་ཆེན་འབྱིན་པ་རུ༔ གཏན་གྱི་མགོན་པོ་པདྨཿ ད་ལྟ་ཉིད་དུ་བྱིན་གྱིས༴ བསམ་པའི་དོན་ཀུན་འབད་མེད་ཡིད་བཞིན་དུ༔ གེགས་མེད་འགྲུབ་པར་བྱིན་གྱིས་རློབ་མཛོད་ཅིག༔ གཏན་གྱི་མགོན་པོ་པདྨཿ ད་ལྟ་ཉིད་དུ་བྱིན་གྱིས༴ ནམ་ཞིག་ཚེ་ཡི་འདུ་བྱེད་བསྟུང་བའི་ཚེ༔ མགོན་པོ་ཁྱོད་ཀྱི་ཕྲིན་ལས་ཕོ་ཉ་ཡིས༔ མངོན་སུམ་ལག་པའི་མཛུབ་མོ་ནས་བཟུང་སྟེ༔ དཔལ་རི་པདྨ་འོད་དུ་ལམ་སྣ་དྲོངས༔ གཏན་གྱི་མགོན་པོ་པདྨ་འབྱུང་གནས་མཁྱེན༔ ད་ལྟ་ཉིད་དུ་བྱིན་གྱིས་བརླབ་ཏུ་གསོལ༔ སམ་ཡ༔ པདྨའི་བརྒྱུད་འཛིན་སྐལ་ལྡན་ཕོ་མོ་རྣམས༔ དད་གུས་མོས་པའི་གདུང་ཤུགས་དྲག་པོ་ཡིས༔ ཉིན་མཚན་དུས་དྲུག་ཀུན་ཏུ་གསོལ་བ་ཐོབ༔ ང་དང་སྐད་ཅིག་མི་འབྲལ་གཏན ཚིག་གོ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ། དད་ལྡན་ཕོ་མོ་འགས་བསྐུལ་བ དོན་ཡོད་པའི་ཕྱིར་དག་པར་ཕབ་པའོ། །དགེའོ། །དགེའོ། །དགེའོ།། །། 38 T11601 - 108 ཧོྃ།༔ ཟབ་གསང་མཁའ་འགྲོའི་སྙིང་ཐིག་ལས༔ བླ་མ་བརྒྱུད་པའི་གསོལ་འདེབས་བྱིན་རླབས་ཆར་འབེབས་བཞུགས་སོ༔ ཉྃ།༔ རྒྱབྷཾཀཀ༔ ན་མོ་གུ་རུ་པདྨ་ཀ་ར་ཡེ༔ མ་འོངས་པདྨའི་བརྒྱུད འཛིན་རྣམས༔ ཕྱི་ནང་བར་ཆད་ངེས་གྲོལ་ཞིང་༔ དངོས་གྲུབ་མྱུར་དུ་འཐོབ་པའི་ཕྱིར༔ དུས་གསུམ་ཀུན་ཏུ་མོས་གུས་ཀྱིས༔ གསོལ་འདེབས་འདི་ལ་འབད་པར་གྱིས༔ ཨེ་མ་ཧོཿ ཁྱབ་བདག་ཆོས་སྐུའི་སྟོན་པ་ཀུན་ཏུ་བཟང་༔ ལྷུན་གྲུབ་ལོངས་སྐུ་རིགས་ལྔ་གངས་ཆེན་མཚོ༔ རིགས་བརྒྱའི་ཁྱབ་བདག་བཅོམ་ལྡན་རྡོ་རྗེ་སེམས༔ གསོལ་བ་འདེབས་སོ་བདག་བརྒྱུད་སྨིན་གྲོལ་མཛོད༔ སྤྲུལ་པའི་སྐུ་མཆོག་དགའ་རབ་རྡོ་རྗེ་དང་༔ སྐུ་གཉིས་མངོན་གྱུར་མཁས་པ་ཤྲཱི་སེངྷ༔ འཇའ་ལུས་རྡོ་རྗེའི་སྐུ་བརྙེས་པདྨ་འབྱུང་༔ གསོལ་བ་འདེབས་སོ་བདག་བརྒྱུད་སྨིན་གྲོལ་མཛོད༔ ཟག་ཕུང་འོད་སྐུར་གྲོལ་བ་མཚོ་རྒྱལ་ཡུམ༔ དོན་གཉིས་མཐར་ཕྱིན་རྗེ་འབངས་ཉེར་ལྔ་དང་༔ ཆོས་ཉིད་ཀློང་རྡོལ་དོན་གྱི་རིག་འཛིན་ལ༔ གསོལ་བ་འདེབས་སོ་བདག་བརྒྱུད་སྨིན་གྲོལ་མཛོད༔ དགོངས་པ་ཆོས་ཀྱི་དབྱིངས་ལས་མ་གཡོས་ཀྱང་༔ ཐུགས་རྗེའི་རང་གཟུགས་ཆུ་ཟླའི་རོལ་གར་གྱིས༔ དབང་སྐུར་ལུང་སྟོན་བློ་སྣ་ཆོས་ལ་སྒྱུར༔ ཚེ་རབས་ཀུན་ཏུ་རྗེས་སུ་བཟུང་དུ་གསོལ༔ རིམ་ གཉིས་ཟབ་མོའི་ལམ་ལ་ཞུགས་པའི་ཚེ༔ ཕྱི་ནང་གསང་བའི་བར་ཆད་ཀུན་བསལ་ནས༔ ས་ལམ་ཡོན་ཏན་གོང་ནས་གོང་འཕེལ་ཞིང་༔ ཆོས་དབྱིངས་གདོད་མའི་མགོན་པོའི་ས་ལ་སྐྱོལ༔ དུས་དང་རྣམ་པ་ཐམས་ཅད་དུ༔ བླ་མ་བརྒྱུད་པའི་གསོལ་འདེབས་འདི༔ མོས་གུས་དྲག་པོས་བརྗོད་གྱུར་ན༔ བསམ་པའི་དོན་ཀུན་ངེས་པར་འགྲུབ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ནི་རང་སློབ་དམ་པ་གྲོལ་མཆོག་གིས་བསྐུལ་ངོར། ཁྲག་འཐུང་རྡོ་རྗེ་གྲོ་ལོད་རྩལ་གྱིས་ཤོག་སེར་ལས་ཞལ་བཤུས་ཏེ་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ །དགེའོ །དགེའོ།། །། TH1601 - 110 ་ཐོ༔ ཟབ་གསང་མཁའ་འགྲོའི་སྙིང་ཐིག་ལས༔ སྔོན་འགྲོའི་གདམས་པ་ཐར་པའི་ཤིང་རྟ་བཞུགས་སོ༔ TI1601 - 111 བདུད་འཇོམས་ཟབ་གཏེར་ཐོ༔ ན་མོ་གུ་རུ་པདྨ་ཀ་ར་ཡེ༔ རྒྱངྒདྨཛྫ༔ མ་འོངས་པདྨའི་བརྒྱུད་འཛིན་རྣམས༔ ཐར་པ་དོན་དུ་གཉེར་བ་ཡིས༔ ཟབ་ལམ་ཉམས་སུ་ལེན་པ་ལ༔ དང་པོ་སྔོན་དུ་འགྲོ་བ་ཡི༔ ཆོ་ག་ཟབ་མོ་ལག་ལེན་གནད༔ ལམ་རྣམས་ཀུན་གྱི་ས་མཁན་ཡིན༔ ཕྱི་ནང་བར་ཆད་འདིས་གྲོལ་བྱེད༔ ས་མ་ཡ༔ ན་མོ༔ དུས་གསུམ་རྒྱལ་དང་རྒྱལ་སྲས་ཐམས་ཅད་ཀྱི༔ སྤྱི་གཟུགས་མཁྱེན་བརྩེ་ནུས་པའི་བདག་ཉིད་དཔལ༔ གཏན་གྱི་སྐྱབས་གཅིག་དྲིན་ཆེན་བླླ་མ་རྗེ༔ མི་འབྲལ་སྤྱི་གཙུག་བདེ་ཆེན་འཁོར་ལོར་བཞུགས༔ གསོལ་བ་འདེབས་སོ་བླ་མ་རིན་པོ་ཆེ༔ བྱིན་གྱིས་རློབས་ཤིག་བཀའ་དྲིན་མཚུངས་མེད་རྗེ༔ T11601 - 112 ༡བློ་ཐོད དལ་འབྱོར་འདི་ནི་ཤིན་ཏུ་རྙེད་པར་དཀའ༔ མི་ལུས་དོན་ལྡན་སྙིང་པོ་ལོན་པ་ཞིག༔ གསོལ་བ་འདེབས་སོ་བླ་མ་རིན པོ་ཆེ༔ བྱིན་གྱིས་རློབས་ཤིག་བཀའ་དྲིན་མཚུངས་མེད་རྗེ༔ ཚེ་འདིའི་སྣང་བ་རྨི་ལམ་གནས་སྐབས་ཙམ༔ མི་རྟག་འཆི་བ་སྙིང་ནས་དྲན་པ ཞིག༔ གསོལ་བ་འདེབས་སོ་བླ་མ་རིན་པོ་ཆེ༔ བྱིན་གྱིས་རློབས་ཤིག་བཀའ་དྲིན་མཚུངས་མེད་རྗེ༔ ཁམས་གསུམ་འཁོར་བ་སྡུག་བསྔལ་རང་བཞིན་ལ༔ ཆགས་ཞེན་འཁྲི་བ་གཏིང་ནས་ཆོད་པ་ཞིག༔ གསོལ་བ་འདེབས་སོ་བླ་མ་རིན་པོ་ཆེ༔ བྱིན་གྱིས་རློབས་ཤིག་བཀའ་དྲིན་མཚུངས་TI1601 - 113 མེད་རྗེ༔ དགེ་སྡིག་ལས་ཀྱི་རྣམ་སྨིན་བསླུ་བ་མེད༔ བླང་དོར་གནས་ལ་མཁས་ཤིང་ཚུལ་ལྡན་ཞིག༔ གསོལ་བ་འདེབས་སོ་བླ་མ་རིན་པོ་ཆེ༔ བྱིན་གྱིས་རློབས་ཤིག་བཀའ་དྲིན་མཚུངས མེད་རྗེ༔ དེ་ནས་སྐྱབས་སུ་འགྲོ་བ་ནི༔ ན་མོ༔ བདག་དང་མཐའ་ཡས་ཕ་མ་མཁའ་མཉམ་འགྲོ༔ ཇི་སྲིད་བྱང་ཆུབ་སྙིང་པོར་མཆིས་ཀྱི་བར༔ བླ་མ་དཀོན་མཆོག་གསུམ་ལ་སྐྱབས་སུ་མཆི༔ སྐད་ཅིག་མི་འབྲལ་རྩེ་བས་རྗེས་སུ་ཟུངས༔ དེ་ནས་སེམས་བསྐྱེད་པ་ནི༔ མགོན་པོ་སྲས་དང་བཅས་པ་བདག་ལ་དགོངས༔ ཚད་མེད་རྣམ་བཞིས་འགྲོ་དོན་དང་དུ་ལེན༔ བྱང་ཆུབ་སེམས་བཟུང་ཕར་ཕྱིན་དྲུག་ལ་བསླབ༔ དོན་གཉིས་ལྷུན་གྱིས་གྲུབ་པའི་དཔལ་ཐོབ་ཤོག༔ དེ་ནས་རྡོར་སེམས་བསྒོམ་བཟླས་ནི༔ རང་གི་སྤྱི་བོར་པདྨ་ཟླ་གདན་ལ༔ བླ་མ་རྡོ་རྗེ་སེམས་དཔའ་ཤེལ་གྱི་མདོག༔ ཞི་འཛུམ་སྐྱིལ་ཀྲུང་མཚན་དཔེའི་ལང་ཚོ་འབར༔ ལོངས་སྐུའི་ཆས་རྫོགས་རྡོར་དྲིལ་བསྣོལ་སྟབས་འཛིན༔ སྙེམས་མ་ཡུམ་དང་འཁྲིལ་བའི་སྦྱོར་མཚམས་ནས༔ བདུད་རྩིའི་རྒྱུན་བབས་ནད་གདོན་སྒྲིབ་སྦྱངས་གྱུར༔ ཨོཾ་བཛྲ་སཏྭ་ས་མ་ཡ༔ སོགས་ཡི་གེ་བརྒྱ་པ་ཅི་ནུས་བཟླས་མཐར༔ སྡིག་སྒྲིབ་ཀུན་དག་ཤེལ་སྒོང་ལྟ་བུར་གྱུར༔ སླར་ཡང་འོད་དཀར་རྣམ་པར་མེར་ ཐོ༔ གྱིས་ཞུ༔ བདག་སྣང་དང་འདྲེས་རྡོར་སེམས་སྐུ་རུ་གྱུར༔ སྣང་སྲིད་དག་པ་རབ་འབྱམས་རོལ་པར་བལྟ༔ ཨོཾ་བཛྲ་སཏྭ་ཧཱུྃ༔ དེ་ནས་མཎྜལ་འབུལ་བ་ནི༔ ཨོཾ་ཨཱཿ ༔ སྟོང་གསུམ་མི་མཇེད་བཀོད་པ་མཐའ་ཡས་དཔལ༔ བདག་ལུས་ལོངས་སྤྱོད་བསོད་ནམས་དགེ་རྩར་བཅས༔ ཡོངས་རྫོགས་བཀོད་པ་མཛེས་ལྡན་མཎྜལ་འདི༔ ཚོགས་གཉིས་རྫོགས་ཕྱིར་དཀོན་མཆོག་གསུམ་ལ་འབུལ༔ དེ་ནས་བླ་མའི་རྣལ་འབྱོར་ནི༔ རང་སྣང་རྣམ་དག་དོན་གྱི་འོག་མིན་ཞིང་༔ རང་ཉིད་མཁའ་སྤྱོད་དབང་མོ་གྲི་ཐོད་ཅན༔ དམར་གསལ་དོར་སྟབས་མཚན་དཔེའི་ལང་ཚོས་མཛེས༔ རིངས་པའི་ཚུལ་གྱིས་སྟེང་གི་ནམ་མཁར་གཟིགས༔ སྣ་ཚོགས་དར་དང་རདྣ་རུས་པས་བརྒྱན༔ མདུན་གྱི་ནམ་མཁར་འཇའ་འོད་འཁྲིགས་པའི ཀློང་༔ མ་ཆགས་པདྨ་ཉི་ཟླའི་གདན་སྟེང་དུ༔ བླ་མའི་ངོ་བོ་པདྨ་འབྱུང་གནས་སྐུ༔ དཀར་དམར་མདངས་ལྡན་གཟི་བརྗིད་འོད་ཕུང་འབར༔ གཞོན་ཚུལ་མཚན་དཔེ་རབ་རྫོགས་ཞི་མ་ཁྲོ༔ པད་ཞྭ་བེར་མཐིང་ཆོས་གོས་ཐང་ཤམ་གསོལ༔ ཕྱག་གཡས་རྡོ་རྗེ་གཡོན་པས་བུམ་ཐོད་བསྣམས༔ ཞབས་གཉིས་རོལ་སྟབས་ཁ་ཊྭཱཾ་མཆན་དུ་བརྟེན༔ སྣང་སྲིད་ཟིལ་གྱིས་གནོན་ པའི་སྐུར་བསྒོམ་མོ༔ ཧཱུྃ༔ རྔ་ཡབ་གླིང་དབུས་ཟངས་མདོག་དཔལ་རིའི་རྩེར༔ བདེ་ཆེན་པདྨ་འོད་ཀྱི་གཞལ་ཡས་སུ༔ རྗེ་བཙུན་བླ་མ་ཨོ་རྒྱན་སྤྲུལ་པའི་སྐུ༔ རིག་འཛིན་དཔའ་བོ་མཁའ་འགྲོའི་ཚོགས་དང་བཅས༔ བརྒྱུད་འཛིན་བྱིན་གྱིས་བརླབ་ཕྱིར་གཤེགས་སུ་གསོལ༔ བཛྲ་གུ་རུ་པདྨ་སིདྡྷི་ཧཱུྃ༔ ཀྱེ་ཧོཿ དུས་གསུམ་སངས་རྒྱས་ཐམས་ཅད་ཀྱི༔ སྤྱི་དཔལ་བླ་མ་རིན་པོ་ཆེ༔ མཐོང་བས་མ་རིག་མུན་པ་སེལ༔ ཐོས་པས་ཐེ་ཚོམ་དྲྭ་བ་གཅོད༔ དྲན་པས་དགོངས་བརྒྱུད་རྟོགས་པ་འཕོ༔ རེག་པས་བྱིན་རླབས་དངོས་གྲུབ་སྟེར༔ བཀའ་དྲིན་བསམ་ན་བརྗོད་ལས་འདས༔ ཡོན་ཏན་ནམ་མཁའི་མཐའ་དང་མཉམ༔ བཟོད་མེད་གདུང་ཤུགས་དྲག་པོ་ཡིས༔ གསོལ་བ་འདེབས་སོ་ཐུགས་རྗེས་དགོངས༔ བདག་ལུས་ལོངས་སྤྱོད དགེ་རྩར་བཅས༔ ཆགས་ཞེན་མེད་པར་ཁྱོད་ལ་འབུལ༔ འདི་ནས་ཚེ་རབས་ཐམས་ཅད་དུ༔ སྐྱབས་དང་སྐྱེལ་མ་མགོན་དང་དཔུང་༔ གཏན་གྱི་མགོན་པོ་ཁྱོད་ལས་མེད༔ བློ་སྙིང་བྲང་གསུམ་ལིང་གིས་བཀལ༔ སྐྱིད་སྡུག་ལེགས་ཉེས་ཐམས་ཅད་དང་༔ མཐོ་དམན་གར་གཏོང་བླ་མ་མཁྱེན༔ བདག་ནི་ཚེ་རབས་ཐོག་མེད་ནས༔ མ་རིག་འཁྲུལ་པའི་དབང་གྱུར་ཏེ༔ ཐོ༔ ཁམས་གསུམ་འཁོར་བའི་བཙོན་ཁང་དུ༔ བཟོད་མེད་སྡུག་བསྔལ་གསུམ་གྱིས་གདུངས༔ ཉམས་ཐག་ཟུག་རྔུ་ཁུར་མ་བཟོད༔ སྙིང་ནས་རྗེ་བཙུན་བླ་མར་འབོད༔ བདེ་འདོད་སྡུག་བསྔལ་ལས་ལ་བརྩོན༔ སྣང་བའི་ཡུལ་དུ་བདུད་ཀྱིས་བསླུས༔ ཞེན་པས་གཉིས་འཛིན་འཁྲུལ་པར་འཕྱན༔ དེ་འདྲའི་ལས་ངན་སྐལ་ངན་ལ༔ སྐྱབས་མགོན་ཁྱོད་ལས་སྐྱོབ་པ་སུ༔ གསོལ་བ་འདེབས་སོ་བླ་མ་རྗེ༔ ཐུགས་རྗེས་ཟུངས་ཤིག་བཀའ་དྲིན་ཅན༔ བྱིན་གྱིས་རློབས་ཤིག་ནུས་མཐུ་ཅན༔ རྗེས་སུ་ཟུངས་ཤིག་སྤྱི་དཔལ་མཆོག༔ བློ་སྣ་ཆོས་ལ་བསྒྱུར་དུ་གསོལ༔ དབང་བཞི་བསྐུར་བར་མཛད་དུ་གསོལ༔ སྒྲིབ་བཞི་དག་པར་མཛད་དུ་གསོལ༔ སྐུ་བཞི་ཐོབ་པར་མཛད་དུ་གསོལ༔ དགོངས་བརྒྱུད་བྱིན་རླབས་བདག ལ་འཕོས༔ མ་རིག་མུན་པ་དྲུང་འབྱིན་ནས༔ གཟུང་འཛིན་འཁྲུལ་པའི་འཕྱངས་པ་ཁྲོལ༔ མཁྱེན་གཟིགས་ཡེ་ཤེས་མངོན་གྱུར་ཅིང་༔ ཆོས་ཟད་བློ་འདས་ཆེན་པོར་སྐྱོལ༔ ལྷུན་གྲུབ་གཞོན་ནུ་བུམ་པའི་སྐུ༔ འཇའ་ལུས་ཆེན་པོར་དབུགས་འབྱིན་མཛོད༔ དེ་ནས་དབང་བཞི་ལེན་པ་ནི༔ བླ་མའི་དཔྲལ་བར་ཨོ་དཀར་པོ་གསལ་བ་ལས་འོད་ཟེར་དཀར་པོ་སྐར་མདའ་ཆད་པ་ལྟར སྔོན་ འཕྲོས་ཏེ་རང་གི་སྤྱི་བོ་ནས་ཞུགས༔ ལུས་དང་རྩ་ཡི་སྒྲིབ་པ་སྦྱངས༔ སྐུ་བུམ་པའི་དབང་ཐོབ༔ ལུས་རྡོ་རྗེ་སྐུ་ཡི་རོལ་པར་བྱིན་གྱིས་བརླབས༔ སྤྲུལ་སྐུའི་གོ་འཕང་གི་སྐལ་བ་རྒྱུད་ལ་བཞག་པར་བསམ༔ མགྲིན་པར་ཨཱཿཡིག་དམར་པོ་གསལ་བ་ལས་འོད་ཟེར་དམར་པོ་གློག་ཞགས་འཁྱུགས་པ་ལྟ་བུར་བདག་གི་མགྲིན་པ་ནས་ཞུགས༔ ངག་དང་རླུང་གི་སྒྲིབ་པ་སྦྱངས༔ གསུང་གསང་བའི་དབང་ཐོབ༔ ངག་རྡོ་རྗེ་གསུང་གི་རོལ་པར་བྱིན་གྱིས་བརླབས༔ ལོངས་སྤྱོད་རྫོགས་སྐུའི་གོ་འཕང་གི་སྐལ་བ་རྒྱུད་ལ་བཞག་པར་བསམ༔ ཐུགས་ཀའི་ཧཱུྃ་ཡིག་མཐིང་ནག་གསལ་བ་ལས་འོད་ཟེར་མཐིང་ནག་སྤྲིན་དཔུང་འཐིབས་པ་ལྟ་བུར་བྱུང་ནས་རང་གི་སྙིང་གར་ཐིམ་པས་ཡིད་དང་ཐིག་ལེའི་སྒྲིབ་པ་སྦྱངས༔ ཐུགས་ཤེས་རབ་ཡེ་ཤེས་ཀྱི་དབང་ཐོབ༔ ཡིད་རྡོ་རྗེ་ཐུགས་ཀྱི་རོལ་པར་བྱིན་གྱིས་བརླབས༔ ཆོས་སྐུའི་གོ་འཕང་ཐོབ་པའི་སྐལ་བ་རྒྱུད་ལ་བཞག་པར་བསམ༔ སླར་ཡང་བླ་མའི་ཐུགས་རྣམ་པར་མི་རྟོག་པའི་ངོ་བོ་ཐིག་ལེ་ཁ་དོག་ལྔ་དང་ལྡན་པ་ཞིག་རང་གི་སྙིང་གར་ཐིམ་པས་སྒྲིབ་གཉིས་བག་ཆགས་ཐམས་ཅད་སངས་ཀྱིས་དག་ནས༔ ཚིག་དབང་རིན་པོ་ཆེ་ཐོབ༔ རྒྱལ་བ་ཐམས་ཅད་ཀྱི་ཡོན་ཏན་དང་ཕྲིན་ལས་མི་ཟད་པ་ ཐོ༔ རྒྱན་གྱི་འཁོར་ལོ་ཡོངས་སུ་རྫོགས་པར་བྱིན་གྱིས་བརླབས༔ ངོ་བོ་ཉིད་ཀྱི་སྐུ་མངོན་དུ་གྱུར་པའི་ས་བོན་རྒྱུད་ལ་བཞག་པར་བསམ༔ ཀཱ་ཡ་ཝཱཀ་ཙིཏྟ་སརྦ་སིདྡྷི་ཕ ལ་ཧཱུྃ་ཨཱཿ སླར་ཡང་བླ་མ་འོད་དུ་ཞུ་ནས་རང་ལ་ཐིམ་པས་གཉིས་སུ་མེད་པར་བསྒོམ༔ འདི་ནི་དབང་དང་བསྙེན་སྒྲུབ་ཐམས་ཅད་ཀྱི༔ ཡང་སྙིང་བཅུད་དུ་དྲིལ་བའི་མན་ངག་ཡིན༔ གང་གི་ཉམས་སུ་ལེན་པའི་སྐལ་ལྡན་བུ༔ ཚེ་གཅིག་རྡོ་རྗེའི་འཆང་གི་ས་ཐོབ་འགྱུར༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཅེས་པ་འདི་ནི་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་བཅོ་བརྒྱད་བར་དུ་བཀའ་རྒྱ་བྱས་ཏེ་མཐར་རང་སློབ་དམ་པ་བཞིས་བསྐུལ་ངོར་དག་པར་ཕབ་པའི་ཡི་གེ་པ་ནི་རིག་པའི་རྡོ་རྗེས་སོ། །དགེའོ། །དགེའོ། །དགེའོ། །ལེགས་སོ། །སརྦ་མངྒ་ལཾ།། ་ྋ TI1601 - 120 རྒྱོཾ༔ ཟབ་གསང་མཁའ་འགྲོའི་སྙིང་ཐིག་ལས༔ མ་བསྒོམ་སངས་རྒྱས་ཟང་ཐལ་ལམ་བཟང་བཞུགས་སོ༔ རྒྱོཾ།༔ ན་མོ་གུ་རུ་པདྨ་ཀ་ར་ཡེ༔ ཧཱུཾ།ཤར་ཧཱུྃ༔ བདག་འདྲ་རིག་འཛིན་རྡོ་རྗེ་ཐོད་ཕྲེང་ངས༔ མ་འོངས་བརྒྱུད་འཛིན་རྣམས་ཀྱི་དོན་ཕྱིར་དུ༔ མ་བསྒོམ་སངས་རྒྱས་ཟང་ཐལ་ལམ་བཟང་གདམས༔ ད་ལྟ་བཞུགས་དང་སླད་ནས་འབྱོན་འགྱུར་གྱི༔ པདྨ་ང་ཡི་བརྒྱུད་འཛིན་བུ་སློབ་རྣམས༔ ཡེ་གཞི་རང་བྱུང་སངས་རྒྱས་རང་ངོ་རུ༔ སྣང་སེམས་འཁྲུལ་པའི་རྨི་ལམ་ལས་སད་ནས༔ དབྱིངས་དང་ཡེ་ཤེས་གཉིས་མེད་རོལ་པ་རུ༔ མ་བཅོས་རང་སར་བཞག་ན་ཆོས་སྐུར་གྲོལ༔ དེ་འདྲའི་ནུས་པ་མེད་པའི་སྐྱེས་བུ་དག༔ ལམ་འདི་དུས་གསུམ་ཀུན་ཏུ་ཉམས་སུ་ལོངས༔ དུས་ལ་བབ་ཚེ་འཕོ་བའི་དགོས་པ་ཡོད༔ གནས་ཀྱི་མངོན་ཞེན་ལྡོག་པའི་ཕྱིར༔ ཨེ་མ་ཧོཿ རང་སྣང་རྣམ་དག་དོན་གྱི་འོག་མིན་ཞིང་༔ ལུས་ཀྱི་མངོན་ཞེན་ལྡོག་པའི་ཕྱིར༔ རང་ལུས་རྣལ་འབྱོར་དམར་མོ་གྲི་ཐོད་ཅན༔ ཞི་འཛུམ་འདོར་སྟབས་མཚན་དཔེའི་ལང་ཚོས་མཛེས༔ ལམ་གྱི་འདུ་ཤེས་ལ༔ སྐུ་དབུས་དབུ་མ་མདའ་སྨྱུག་འབྲིང་པོ་ཙམ༔ སྙིང་གའི་གནས་ནས་སྤྱི་བོར་ཐ་ལེར་ཟུག༔ གནས་པོའི་འདུ་ཤེས་ལ༔ རིགས་ཀྱི་བདག་པོ་སངས་རྒྱས་འོད་དཔག་མེད༔ དམར་གསལ་མཉམ་བཞག་སྐྱིལ་ཀྲུང་པད་ཟླར་བཞུགས༔ ཞི་འཛུམ་མཚན་དཔེས་རབ་མཛེས་སྤྲུལ་སྐུའི་ཆས༔ སྐུ་ལ་བཀོད་པ་རྒྱལ བའི་དཀྱིལ་འཁོར་རྫོགས༔ མགྲོན་པོའི་འདུ་ཤེས་ལ༔ སྙིང་དབུས་རིག་པ་དྭངས་མའི་ཐིག་ལེ་གསལ༔ དབུ་མའི་ལམ་ནས་སྐར་མདའ་རྒྱུག་པ་བཞིན༔ སངས་རྒྱས་འོད་དཔག་མེད་པའི་ཐུགས་ཀར་འཕོ༔ ཕཊ་ཕཊ་ཕཊ༔ གདུང་ཤུགས་དྲག་པོས་གསོལ་བ་འདེབས་པ་ནི༔ ཨོཾ་ཨཱཿ ཧཱུྃ༔ ཆོས་སྐུ་སྣང་མཐའ་ལོངས་སྐུ་སྤྱན་རས་གཟིགས༔ སྤྲུལ་སྐུ་འགྲོ་བའི་མགོན་པོ་པདྨ་འབྱུང་༔ བཟོད་མེད་གདུང་ཤུགས་དྲག་པོས་གསོལ་བ་འདེབས༔ ཟབ་ལམ་འཕོ་བ་འབྱོང་བར་བྱིན་གྱིས་རློབས༔ ཕཊ་ཕཊ་ཕཊ༔ རྟག་ཏུ་སྦྱང་ཚེ་རིགས་བདག་འོད་དུ་ཞུ༔ དབུ་མའི་ལམ་ནས་སྙིང་གར་ཐིམ་པ་ཡིས༔ འཆི་མེད་མགོན་པོའི་དཔལ་ཡོན་རྫོགས་པར་བསམ༔ ལས་