Tibetan
བརྒྱ་གྱེས་པའི་གདན་སྟེང་ན༔ སྣང་སྲིད་ཟིལ་གནོན་དྲག་པོའི་སྐུར་བཞེངས་ནས༔ དཔའ་བོ་མཁའ་འགྲོས་བཀུར་སྟི་བྱེད་པ་མཐོང་༔ རྒྱལ་བློན་གནོང་འགྱོད་བཤགས་པ་བྱས་ནས་སུ༔ རྒྱལ་སྲིད་དཀོར་དང་བཅས་པ་ཐམས་ཅད་ཕུལ༔ མུ་སྟེགས་དཔུང་ཚོགས་བཅས་པས་གུས་ཕྱག་འཚལ༔ ཁྱོད་ཀྱིས་ཅི་བསྒོས་བཀའ་ཉན་གསུང་སྡོད་ཅེས༔ ཁས་བླངས་དམ་བཅས་མནའ་བོར་བྱས་ནས་སུ༔ རྒྱལ་པོའི་ཕོ་བྲང་གདན་འདྲེན་བྱས་པ་ཡིས༔ རྒྱལ་ཁམས་དེ་ཉིད་དཀར་པོའི་ཆོས་ལ་བསྒྱུར༔ དེ་ནས་དུར་ ཁྲོད་ཀུ་ལ་རྫོགས་པར་ཕེབས༔ མཁའ་འགྲོ་དབང་སྡུད་མ་ཡིས་གྲོགས་བྱས་ཏེ༔ མ་མོ་མཁའ་འགྲོ་དུར་ཁྲོད་ལ་གནས་པའི༔ ལྷ་འདྲེ་དམ་བཏགས་ཆོས་ཀྱི་ལམ་དུ་བཙུད༔ ཕག་གི་ཟླ་བའི་ཚེས་བཅུ་ལ་བབས་ཚེ༔ འོག་མིན་གནས་སུ་ཕེབས་ནས་ཡེ་ཤེས་ལྷ༔ ཀུན་བཟང་རྡོ་རྗེ་འཆང་གི་དྲུང་དུ་ཕྱིན་༔ ཡང་གསང་བླ་མེད་རྡོ་རྗེ་ཐེག་པ་ཡི༔ ཆོས་ཀུན་མ་ལུས་ཁོང་དུ་ཆུབ་པར་ཞུས་༔ ཀུན་བཟང་ཕན་བདེའི་དབང་ཕྱུག་མཚན་དུ་གསོལ༔ བྱི་བ་ཟླ་བའི་ཚེས་བཅུ་ལ་བབས་ཚེ༔ བལ་ཡུལ་ཡང་ལེ་ཤོད་ཀྱི་བྲག་ཕུག་ཏུ༔ སླེབས་ནས་སྣང་སྲིད་ཟིལ་གནོན་ཏིང་འཛིན་ལ༔ བཞུགས་ཚེ་ནམ་གྱི་སྟོད་ལ་བབས་པའི་ཚེ༔ རྒྱལ་པོ་སྟག་གདོང་མཆེད་བདུན་དམ་ལ་བཏགས༔ སྲོད་ལ་ཧོར་མོ་སྤུན་དགུ་དམ་ལ་བཏགས༔ ཐོ་རངས་ཀླུ་གྱོང་གནོད་སྦྱིན་དམ་ལ་བཏགས༔ མ་མོ་རེ་ཏཱི་སྤུན་དགུ་དམ་ལ་བཏགས༔ བལ་ཐོག་རྒྱལ་མོ་སྲོག་ལེན་སྤུན་གསུམ་དམ་ལ་བཏགས༔ དེ་ནས་དུར་ཁྲོད་མེ་རི་འབར་བ་ན༔ སྔགས་སྲུང་དབྱིངས་ཀྱི་རྗེ་མོས་གྲོགས་བྱས་ཏེ༔ རྫུ་འཕྲུལ་དབང་གིས་སྐད་ཅིག་ཉིད་དུ་གཤེགས༔ གཞོན་ནུ་རྣམ་པར་རོལ་པའི་དབང་པོ་ལ༔ རིག་འཛིན་བླ་མའི་དབང་ལུང་གདམས་པ་ཞུས༔ ཤར་ཕྱོགས་སུ་ར་ཡ་ཡི་མཆོད་རྟེན་ཚལ༔ ཉྃ།༔ སྒྲུབ་པ་མཛད་ནས་གྲུབ་པ་མངོན་དུ་གྱུར༔ དེ་ནས་རི་བོ་ལྕང་ལོ་ཅན་དུ་གཤེགས༔ ལྷ་མོ་པྲ་མོ་ཧ་ཡིས་གྲོགས་བྱས་ཏེ༔ གསང་བའི་བདག་པོ་ཕྱག་ན་རྡོ་རྗེ་ལ༔ འཇིག་རྟེན་མཆོད་བསྟོད་དབང་ལུང་གདམས་པ་ཞུས༔ དུར་ཁྲོད་འཇིགས་བྱེད་ཚལ་དུ་སྒྲུབ་པ་མཛད༔ མཆོད་བསྟོད་དཀྱིལ་འཁོར་ཡོངས་ལ་མངའ་དབང་མཛད༔ དེ་ནས་དུར་ཁྲོད་རང་བྱུང་ཚལ་དུ་བྱོན༔ དུར་ཁྲོད་གནས་ཡུལ་ཀུན་ཏུ་རྫུ་འཕྲུལ་གྱིས༔ སྤྲུལ་པ་བརྒྱ་ཕྲག་བཀྱེས་ནས་སྒྲུབ་པ་མཛད༔ རབ་འབྱམས་དཀྱིལ་འཁོར་ཡོངས་ལ་མངའ་དབང་བསྒྱུར༔ དེ་ནས་འཇིགས རུང་རྔམས་བརྗིད་དུར་ཁྲོད་ཀྱི༔ མཁའ་འགྲོའི་གསང་ཕུག་སྟག་རྫོང་ཚལ་དུ་བྱོན༔ སླར་ཡང་རྡོ་རྗེ་ཕུར་པའི་སྒྲུབ་པ་མཛད༔ ཟླ་བ་དྲུག་ནས་ལྷ་ཚོགས་མངོན་སུམ་དུ༔ ནམ་མཁའི་མཐོང་ནས་བྱོན་ཏེ་སྐུ་ལ་ཐིམ༔ སྤྲུལ་པ་གཉིས་འགྱེད་རྫུ་འཕྲུལ་སྟོབས་ཤུགས་ཀྱིས༔ རྒྱ་ནག་སོག་ཡུལ་གཉིས་སུ་དུས་གཅིག་བྱོན༔ གདུག་པའི་ལྷ་འདྲེ་དམ་བཏགས་བྲན་དུ་བཀོལ༔ རྒྱལ་ཁམས་ཐམས་ཅད་དཀར་པོའི་ཆོས་ལ་བསྒྱུར༔ སླར་ཡང་སྟག་རྫོང་ཕུག་པར་གཅིག་ཏུ་འདུས༔ བླ་མ་ཡི་དམ་གཅིག་གྱུར་འཆོལ་བར་ཁྲོས༔ མཚན་ནི་གུ་རུ་རྡོ་རྗེ་གྲོ་ལོད་གྲགས༔ གཟའ་བཙན་སྡེ་T11601 - 075 བརྒྱད་དྲེགས་པ་དམ་ལ་བཏགས༔ དེ་ནས་བྱ་རུང་ཁ་ཤོར་མཆོད་རྟེན་ཚལ༔ སྒྲུབ་པ་མཛད་ཅིང་མཁའ་འགྲོའི་ཚོགས་ཀྱིས་བསྐུལ༔ མ་འོངས་ལྔ་བརྒྱ་སྙིགས་མ་ལ་བབས་ཚེ༔ མཐའ་མི་ཀླ་ཀློས་སངས་རྒྱས་བསྟན་པ་བསྣུབ༔ ཁྱོད་ཀྱི་རྗེས་འཇུག་སྡུག་པའི་དུས་ཤིག་མཆིས༔ དེ་ཚེ་དགོས་པའི་སྦས་ཡུལ་དྲུག་ཕྲག་གཅིག༔ རྫུ་འཕྲུལ་ཏིང་འཛིན་སྟོབས་ཀྱིས་འཕྲུལ་དུ་གསོལ༔ ཞེས་པའི་ལུང་བསྟན་གཉན་པོ་ཕེབས་པ་བཞིན༔ དེ་ནས་སེ་རུང་བྲག་གི་ཕུག་པར་བྱོན༔ ཆོས་དབྱིངས་ཡེ་ཤེས་རོལ་པའི་ཏིང་འཛིན་བསྒོམ༔ སྦས་ཡུལ་ལྷུན་གྲུབ་རྫོང་དུ་བྱིན་གྱིས་བརླབས༔ དེ་ནས་སྟག་རྫོང་ཕུག་པར་ཕེབས་ནས་སུ༔ མེ་ལོང་ཡེ་ཤེས་རོལ་པའི་ཏིང་འཛིན་བསྒོམ༔ སྦས་ཡུལ་རྡོ་རྗེ་རྫོང་དུ་བྱིན་གྱིས་བརླབས༔ ཡང་ཅིག་གཟར་ཆུང་བྲག་གི་ཕུག་པར་བྱོན༔ མཉམ་ཉིད་ཡེ་ཤེས་རོལ་པའི་ཏིང་འཛིན་བསྒོམ༔ སྦས་ཡུལ་འབྲས་མོ་ལྗོངས་སུ་བྱིན་གྱིས་བརླབས༔ དེ་ནས་ཤེལ་དཀར་བྲག་གི་ཕུག་པར་བྱོན༔ སོར་རྟོག་ཡེ་ཤེས་རོལ་པའི་ཏིང་འཛིན་བསྒོམ༔ སྦས་ཡུལ་པདྨ་ལྗོངས་སུ་བྱིན་གྱིས་བརླབས༔ དེ་ནས་དམར་ཆུང་ས་ཡི་ཕུག་ཏུ་ཕེབས༔ བྱ་གྲུབ་ཡེ་ཤེས་རོལ་པའི་ཏིང་འཛིན་བསྒོམ༔ སྦས་ཡུལ་དགའ་བའི་ཚལ་དུ་བྱིན་གྱིས་ །༔ བརླབས༔ དེ་ནས་བྱང་ལུང་རལ་པའི་ཕུག་དམར་དུ༔ བྱོན་ནས་འུབ་ཆུབ་རོལ་པའི་ཏིང་འཛིན་གྱིས༔ སྦས་ཡུལ་ཡུམ་བུ་ལུང་དུ་བྱིན་གྱིས་བརླབས༔ སླར་ཡང་རྒྱ་གར་ཡུལ་དུ་བྱོན་ནས་ནི༔ རྒྱལ་པོ་སེང་གེའི་སྟོབས་ཀྱི་མཆོད་གནས་མཛད༔ ཡུལ་དེར་མི་ལོ་བཅུ་གཉིས་འགྲོ་དོན་མཛད༔ པདྨའི་རྣམ་ཐར་མཐོང་བ་རང་གྲོལ་ལས༔ རྒྱ་གར་དང་བལ་ཡུལ་དག་པའི་ཞིང་རྣམས་སུ་རྫུ་འཕྲུལ་གྱིས་བྱོན་ནས་དོན་གཉིས་ཕུན་སུམ་ཚོགས་པར་བསྒྲུབ་པའི་ལེའུ་སྟེ་བཞི་པའོ༔ ༔དེ་ནས་མུན་གླིང་བདུད་དང་མ་སངས་ཡུལ༔ བོད་ཀྱི་རྒྱལ་པོ་ཁྲི་སྲོང་ལྡེའུ་བཙན་གྱིས༔ ཡར་ལུང་སྦ་མི་ཁྲི་གཞེར་ཞེས་བྱ་བར༔ བཀའ་བསྒོས་གསེར་ཕྱེ་བྲེ་གང་པ་ཏྲ་གཅིག༔ བསྐུར་ནས་མཚོ་སྐྱེས་རྡོ་རྗེ་སྤྱན་དྲངས་ཤོག༔ ཅེས་གསུང་བཞིན་དུ་ཕོ་ཉ་སླེབས་ནས་སུ༔ གསེར་ཕྱེ་གསེར་གྱི་པ་ཏྲ་དར་བཅས་ཕུལ༔ བདག་གིས་ཤེས་བཞིན་ཁྱོད་ཉིད་སུ་ཡིན་དྲིས༔ དེ་ལན་ཐལ་མོ་སྦྱར་ནས་འདི་སྐད་ཟེར༔ ང་ནི་སྤུར་རྒྱལ་བོད་ཀྱི་རྒྱལ་ཁམས་ནས༔ ཡར་ལུང་སྦ་མི་ཁྲི་གཞེར་བྱ་བ་ལགས༔ བོད་ཀྱི་རྒྱལ་པོ་ཁྲི་སྲོང་ལྡེའུ་བཙན་གྱིས༔ སྔོན་ཆད་དམག་ཇག་འཁྲུག་རྩོད་བྱས་པ་ཡིས༔ འཛམ་གླིང་སུམ་གཉིས་མངའ་འོག་སྡུད་པར རྣམ་ཐར་ སྐད༔ ད་ནི་ཆོས་ཀྱི་བྱ་བ་བྱེད་དགོས་དགོངས༔ བཀའ་འཕྲིན་ཡི་གེ་འདི་བཞིན་དགོངས་མཛོད་ཟེར༔ བདག་ནི་བོད་དུ་འབྱོན་དགོས་ཞུ་འཕྲིན་བྱུང་༔ དེ་ལ་བདག་གིས་འདི་སྐད་སྨྲས་ནས བཏང་༔༷ མི་ཁྱོད་གདོས་བཅས་ཤ་ཁྲག་ལུས་བཅས་ཏེ༔ སྣང་སྲིད་ལྷ་འདྲེའི་རྒོལ་བས་གསོད་ངེས་པས༔ ང་དང་ལྷན་ཅིག་འགྲོ་མི་རུང་བ་སྟེ༔ བོད་ཡུལ་འདྲེ་དང་སྲིན་པོ་བདུད་ཀྱི་ཡུལ༔ བསམ་སྦྱོར་གདུག་རྩུབ་ངན་པའི་ལ་ཡོག་འདོར༔ དེ་ལ་ང་འདྲའི་འོད་ལུས་མ་གཏོགས་པ༔ ལུས་ཅན་གཞན་གྱིས་འདུལ་དང་ཐུབ་པར་དཀའ༔ ཁྱོད་ཉིད་སྔོན་སོང་ང་ཉིད་རྗེས་ནས་འོང་༔ སྨྲས་ཤིང་རྒྱལ་པོར་བཀའ་འཕྲིན་ཤོག་དྲིལ་བསྐུར༔ བོད་ཡུལ་ལྷ་འདྲེ་མ་ལུས་ཐམས་ཅད་ཀྱིས༔ ཐོ་བརྩམ་ལུས་སྲོག་ལ་བསྡོས་ལ་ཡོག་འདོར༔ རྫུ་འཕྲུལ་སྟོབས་ཀྱིས་དམ་བཏགས་གཏེར་གཉེར་གཏད༔ སངས་རྒྱས་བསྟན་པའི་སྲུང་མར་མངའ་གསོལ་མཛད༔ མཚན་བཏགས་བཀའ་རྟགས་རྡོ་རྗེ་གཙུག་ཏུ་བཞག༔ ལག་ཏུ་རིན་ཆེན་གཏེར་གྱི་སྒྲོམ་བུ་གཏད༔ ལོངས་སྤྱོད་མི་ཟད་ནམ་མཁའ་མཛོད་དུ་འཕྲུལ༔ གསང་སྔགས་བསྟན་པ་བསྲུང་བའི་གཉེར་ཁ་གཏད༔ མ་འོངས་ཁྱོད་ཅག་འཁོར་དུ་འཁོད་པ་ཡི༔ འབངས་ཀྱི་ལྷ་འདྲེ་གདུག་པ་ཅན་རྣམས་ལ༔ བཀའ་ ཉྃ།།༔ ནན་དྲག་པོ་མཛད་ལ་ངའི་རྗེས་འཇུག༔ དམ་བསྒྲགས་བཞིན་དུ་ཕྲིན་ལས་རྣམ་པ་བཞིའི༔ ལས་ལ་འཁོལ་དགོས་བཀའ་བསྒོས་དམ་ལ་བཞག༔ དེ་ནས་བོད་ཀྱི་ཡུལ་དུ་བྱོན་པའི་ཚེ༔ རྒྱལ་བློན་འབངས་བཅས་དགའ་བའི་སེམས་སྐྱེས་བཞིན༔ བསུ་བར་བྱུང་ཚེ་བདག་གི་བསམ་པ་ལ༔ ཡིད་ཆེས་བསྐྱེད་པའི་རྫུ་འཕྲུལ་སྣ་ཚོགས་པ༔ བསྟན་ནས་རྒྱལ་བློན་བློ་ཡིད་བསྒྱུར་དགོས་སྙམ༔ གང་ལ་ཐོགས་མེད་རྫུ་འཕྲུལ་སྣ་ཚོགས་ཀྱིས༔ བོད་ཀྱི་རྒྱལ་བློན་ཀུན་གྱི་ཤེས་བརྒྱུད་བསླུས༔ ནག་པོའི་སྡིག་སེམས་སྤངས་ནས་དད་གུས་ཀྱིས༔ བདག་གི་བཀའ་ལ་ཉན་ཅིང་གསུང་སྡོད་གྱུར༔ བོད་ཀྱི་ཡུལ་འདིར་བོན་བསྟན་ཤ་སྟག་ལས༔ དམ་པ་ཆོས་ཀྱི་བསྟན་པ་མི་གནས་པས༔ དེ་ཚེ་རྒྱལ་པོ་ཁྲི་སྲོང་ལྡེའུ་བཙན་གྱིས༔ ཟ་འོག་དགུ་བརྩེགས་གདན་ལ་བདག་བཀོད་ཅིང་༔ རྒྱལ་པོ་ཆེན་པོས་གསེར་གྱི་མཎྜལ་ལ༔ གཡུ་དང་རིན་ཆེན་སྣ་ཚོགས་ཚོམ་བུ་བཀོད༔ ཕྱག་འཚལ་ཐལ་སྦྱོར་གུས་པས་འདི་སྐད་ཞུས༔ བདག་གི་རྒྱལ་ཁམས་བདུད་དང་མ་སངས་ཡུལ༔ བདག་ནི་དེང་སྔོན་སྡིག་སྤྱོད་རྒྱལ་པོ་སྟེ༔ ཆོས་ལུགས་བོན་ཏེ་དམ་ཆོས་དར་མ་མྱོང་༔ རྒྱལ་པོ་ཐོ་རི་གཉན་བཙན་སྐུ་རིང་ལ༔ གསང་བདག་ཕྱག་ན་རྣམ་ཐར་ རྡོ་རྗེའི་རྫུ་འཕྲུལ་གྱིས༔ ཐོག་མར་དམ་པ་ཆོས་ཀྱི་དབུ་འཛུག་པའི༔ རྟེན་འབྲེལ་སྐུ་གསུང་ཐུགས་ཀྱི་རྟེན་གསུམ་གནང་༔ རྒྱལ་པོ་སྲོང་བཙན་སྒམ་པོའི་སྐུ་རིང་ལ༔ འཕགས་པ་ཐུགས་རྗེ་ཆེན་པོས་རྗེས་བཟུང་སྟེ༔ བསྟན་པའི་གཞི་མ་ལྷ་ཁང་རྟེན་གསུམ་བཙུག༔ གསང་བའི་ཐབས་སུ་ཆོས་བློན་འགའ་ཞིག་ལ༔ བསྐྱེད་རྫོགས་གདམས་པ་མང་བསྟན་བདེ་ལ་བཀོད༔ དེ་ནས་རྒྱལ་པོ་ཁྲི་ལྡེ་གཙུག་བརྟན་གྱིས༔ དམ་པ་ཆོས་ཀྱི་བསྟན་གཞི་འཛུག་པར་བརྩམ༔ བོན་གྱི་མཐུ་དང་དམོད་པའི་སྟོབས་ཀྱིས་ནི༔ དགུང་ལོ་ཉེར་བརྒྱད་ལོ་ལ་དབྱིངས་སུ་གཤེགས༔ དེ་རྗེས་བདག་ནི་ལོ་གྲངས་བཅོ་ལྔ་ནས༔ ཉེར་བཞིའི་བར་དུ་དམག་དང་འཁྲུག་པ་བྱས༔ འཛམ་གླིང་སུམ་ཆ་ཙམ་ལ་མངའ་དབང་མཛད༔ དེ་ནས་བདག་གི་རྨི་ལམ་སྣང་ཆ་ལ༔ ཡེ་ཤེས་མཁའ་འགྲོ་རྡོ་རྗེ་དབྱིངས་ཕྱུག་མས༔ བཅོ་ལྔའི་ཟླ་རྒྱས་ལྟ་བུའི་ཞལ་ངོམས་ནས༔ ཀྱེ་མ༔ འཁོར་བ་མཐའ་མེད་སྡུག་བསྔལ་རྒྱུ་བསགས་པའི༔ སྡིག་པའི་ཁ་དཔོན་ལས་ངན་ཨ་ཙ་མ༔ ཁྱོད་ཀྱི་ལས་ངན་བསགས་པའི་ཐ་མ་ལ༔ ངན་སོང་མེ་འོབས་ཁྲི་མུན་ཟབ་མོའི་ནང་༔ ཐར་མེད་ཉམ་ཐག་དུས་སུ་སུ་ཡིས་སྐྱོབ༔ ཅེས་གསུངས་བདག་ལ་སྡང་མིག་བལྟ་བའི་མོད༔ བདག་གིས་ ༡. ༔ དེ་ལ་ལེགས་སོ་ཐུགས་རྗེ་ཅན༔ ང་ཡི་རྒྱལ་ཁམས་བོན་གྱི་ཆོས་ལུགས་འདི༔ ལེགས་སམ་མ་ལེགས་ཁྱོད་ཀྱིས་བསྟན་དུ་གསོལ༔ ཞེས་ཞུས་ལན་དུ་མཁའ་འགྲོ མ་ན་རེ༔ བོན་འདི་བདུད་བསྟན་ལོག་ཆོས་ཤ་སྟག་སྟེ༔ ཤི་མ་ཐག་ཏུ་འདྲེ་གདོན་དག་ཏུ་སྐྱེ༔ སེམས་ཅན་དག་གི་སྲོག་ལ་རྒོལ་ནས་མཐར༔ མནར་མེད་དམྱལ་བའི་གནས་སུ་ངེས་པར་ལྟུང་༔༷ ཞེས་ཟེར་ལན་དུ་བདག་གིས་འདི་སྐད་སྨྲས༔ ལེགས་སོ་བོན་འདི་ངན་སོང་རྒྱུ་ཡིན་ན༔ དེ་ལས་ཐར་ཐབས་གང་ན་ཅི་ཞིག་མཆིས༔ ཞུས་ཚེ་མཁའ་འགྲོ་མ་ཡིས་འདི་སྐད་ཟེར༔ རྒྱ་གར་འཕགས་པའི་ཡུལ་ཁམས་ཐམས་ཅད་ཀྱི༔ དུར་ཁྲོད་གནས་ཡུལ་ཀུན་ཏུ་དབང་བསྒྱུར་བའི༔ བཀའ་སྲུང་གཞི་བདག་སྣང་སྲིད་ལྷ་འདྲེ་ཀུན༔ དམ་བཏགས་དབང་བསྒྱུར་བྲན་དུ་བཀོལ་ནས་སུ༔ མུ་སྟེགས་ལྟ་ལོག་བསྣུབས་ནས་རྒྱལ་ཁམས་ཀུན༔ འདི་ཕྱི་ཀུན་ཏུ་བདེ་བའི་གནས་ལ་བཀོད༔ སྟོན་པ་ཤཱཀྱ་ཐུབ་པ་དངོས་བྱོན་ནས༔ ཆོས་ཀྱི་དབྱིངས་ལས་གདུལ་བྱའི་དཔལ་དུ་ད ཤར༔ མཚན་ནི་གུ་རུ་པདྨ་འབྱུང་གནས་གྲགས༔ དེ་ཉིད་སྤྱན་དྲངས་ནུས་ན་བོད་ཡུལ་གྱི༔ རྒྱལ་ཁམས་དཀར་པོའི་ཆོས་ལ་འགྱུར་བར་ངེས༔ ཞེས་ཟེར་རྨི་ལམ་བཞིན་དུ་བདག་གིས་བྱས༔ བདག་གི་རྒྱལ་ཁམས་ཆོས་ལ་བསྒྱུར་བ་ཡི༔ ཐབས་དང་ཐུགས་རྗེ་ཁྱོད་ཀྱི་ཐུགས་ཆུབ་མཛོད༔ ཅེས་ཞུའི་ལན་དུ་བདག་གིས་འདི་སྐད་གདམས༔ དང་པོ་བསྟན་གཞི་བཙུག་ལག་ཁང་ཞིག་ཏུ༔ སྐུ་གསུང་ཐུགས་ཀྱི་རྟེན་རྣམས་མང་དུ་བཞེངས༔ དེ་ནས་བོད་ཕྲུག་མང་པོར་ཡིག་རྩིས་སློབས༔ རྒྱ་གར་ཡུལ་དུ་ཆོས་རྣམས་བསྒྱུར་དུ་མངོག༔ བདག་གིས་སངས་རྒྱས་བཀའ་དང་བརྒྱུད་འཛིན་གྱིས༔ བསྟན་བཅོས་བརྩམས་པའི་ཆོས་རྣམས་ཐམས་ཅད་ཀུན༔ རྒྱ་མཚོར་ཆུ་ཕྲན་ཐམས་ཅད་འདུ་བ་བཞིན༔ ཁོང་དུ་ཆུབ་ཀྱང་སྟོན་པར་མི་སྤྲོ་སྟེ༔ འཕགས་ཡུལ་མཁས་གྲུབ་ཀུན་ནས་ཆོས་བསྒྱུར་ན༔ བརྒྱུད་འཛིན་ཀུན་གྱིས་ཡིད་ཆེས་ཁུངས་བཙུན་འགྱུར༔ སངས་རྒྱས་མི་ཡི་གཟུགས་སུ་བརྫུས་པ་ཡི༔ གདུལ་བྱ་འདུལ་བའི་ཕྲིན་ལས་དཔལ་མངའ་བ༔ མཁན་ཆེན་བོ་དྷི་སཏྭ་སྤྱན་དྲངས་ནས༔ སངས་རྒྱས་བསྟན་པའི་གཞི་མ་འཛུག་ཀྱང་དགོས༔ ཞེས་གསུངས་ལན་དུ་རྒྱལ་པོས་འདི་སྐད་ཞུས༔ མཁན་ཆེན་དེ་ཉིད་སྤྱན་དྲངས་ཨེ་ཐུབ་ལགས༔ གལ་སྲིད་ཐུབ་ན་བཀའ་འཕྲིན་སུ་ལ་བསྐུར༔ ཡུལ་འདིར་འབྱོན་པའི་སྐལ་བ་ཡོད་དམ་མེད༔ སློབ་དཔོན་ཆེན་པོས་ལུང་བསྟན་གནང་བར་ཞུ༔ ཞེས་པའི་ལན་དུ་བདག་གིས་འདི་སྐད་T1601 - 082 རྣམ་ཙྃ།༔ གདམས༔ ཀྱེ་ཧོ་གསོན་དང་མངའ་བདག་ཆོས་ཀྱི་རྒྱལ༔ སྔོན་ཚེ་སྐྱེས་པ་བུ་བཞིའི་སྨོན་ལམ་མཐུ༔ ཡོད་དེ་ད་ལྟ་འུ་ཅག་གདོང་འཛོམ་པའི༔ སྐལ་བ་ཡོད་ཀྱི བཀའ་ཡི་འཕྲིན་པ་ནི༔ ཡར་ལུང་སྦ་མི་ཁྲི་གཞེར་མངག་ན་ལེགས༔ གསུངས་བཞིན་མངག་པས་སྤྱན་དྲངས་བོད་དུ་བྱོན༔ སངས་རྒྱས་བསྟན་པའི་གཞི་བཙུག་མཐའ་རྒྱས་མཛད༔ དེ་ནས་བདག་ཉིད་པདྨ་འབྱུང་གནས་ཀྱིས༔ གནས་མཆོག་ཉེར་བཞི་ཡུལ་ནི་སོ་གཉིས་དང་༔ དུར་ཁྲོད་བརྒྱད་དང་ཧེ་རུའི་གནས་བཅུ་ནས༔ དཔའ་བོ་མཁའ་འགྲོ་ཏིང་འཛིན་སྟོབས་ཀྱིས་བཀུག༔ རྒྱལ་ཆེན་བཞི་ཡི་རིས་ཀྱི་ལྷ་རྣམས་དང་༔ བཀའ་ཡི་ལྷ་སྲིན་སྡེ་བརྒྱད་དང་བཅས་པ༔ འཁོར་འདས་འུབ་ཆུབ་རོལ་པའི་ཏིང་འཛིན་གྱིས༔ བཀུག་ནས་བཀའ་བསྒོས་ལས་ཀྱི་ཕོ་ཉར་བསྐོས༔ ཀླུ་བདུད་སྲོག་ལེན་ནག་པོ་དམ་ལ་བཏགས༔ ས་བླངས་ས་བཏུལ་དཔལ་གྱི་བསམ་ཡས་བཞེངས༔ གྲུབ་ནས་མཁན་སློབ་རབ་གནས་ནན་བྱས་ཏེ༔ དཀོར་བདག་རྒྱལ་པོ་པེ་ཧར་ཉིད་ལ་གཏད༔ བོད་ཕྲུག་མང་པོར་ཡིག་རྩིས་བསླབ་ནས་སུ༔ རྒྱ་གར་རྒྱ་ནག་ཀུན་ནས་ཆོས་ཐམས་ཅད༔ བོད་དུ་བསྒྱུར་མཐར་པཎ་གྲུབ་གྲངས་མང་པོ༔ སྤྱན་དྲངས་དམ་པའི་ཆོས་ཀྱི་སྒྲོ་འདོགས་བཅད༔ བཙུན་མོ་ཚེ་སྤོང་བཟའ་བ་དམར་རྒྱན་མ༔ དཔལ་གྱི་ལྷ་མོ་དམག་ཟོར་རྒྱལ་མོ་དངོས༔ བོན་ལ་ཕྱོགས་ཚུལ་བྱ་བྱེད་སྣ་ཚོགས་པས༔ བན་བོན་རྩོད་ཐབས་བྱས་ནས་བོན་ཕམ་སྟེ༔ མཐར་ནི་བོན་བསྟན་བསྣུབས་པའི་ལས་ཐབས་བྱུང་༔ དེ་ནས་བོད་ཀྱི་རྒྱལ་ཁམས་ཐམས་ཅད་དུ༔ གསང་སྔགས་རྡོ་རྗེ་ཐེག་པ་སྤྱི་དང་ནི༔ ཁྱད་པར་རྫོགས་པ་ཆེན་པོའི་ཆོས་བསྟན་ནས༔ ས་ཕུག་བྲག་ཕུག་ལུང་སྟོང་ཐམས་ཅད་དུ༔ ཚེ་འདི་བློས་བཏང་སྙིང་པོའི་སྒྲུབ་གཞོལ་བའི༔ རི་ལུང་ཐམས་ཅད་གྲུབ་ཐོབ་ཀྱིས་བཀང་མཐར༔ མ་འོངས་ལྔ་བརྒྱ་སྙིགས་མའི་དུས་བབ་ཚེ༔ བླ་སློབ་དམ་ཉམས་བརྒྱད་ཟམ་ཆད་པའི་རྐྱེན༔ ཆོས་སྤྱིའི་བྱིན་རླབས་སུམ་གཉིས་ཡལ་འགྲོ་སྟེ༔ ཇི་ལྟར་བསྒྲུབས་ཀྱང་གྲུབ་རྟགས་ཐོན་དུས་མེད༔ དེ་ཕྱིར་ཆོས་རྣམས་གཏེར་དུ་སྦ་བྱས་ཏེ༔ ང་ཉིད་མི་རྫུར་ཞུགས་ནས་འབྱིན་དུ་འོང་༔ གདུལ་བྱ་སྐལ་ལྡན་མང་པོར་བསྟན་ནས་སུ༔ འགྲོ་དོན་དཔག་མེད་འབྱུང་ངོ་ཞེས་གསུངས་ནས༔ བོད་ཀྱི་ས་གནས་ཐམས་ཅད་གཏེར་གྱིས་བཀང་༔ མ་འོངས་དུས་སུ་འབྱུང་འགྱུར་ལུང་ཡང་བསྟན༔ ཡེ་ཤེས་ཕུར་པ་བསྒྲུབ་པའི་ཕྱག་རྒྱ་མོ༔ མཚོ་རྒྱལ་ཁྱོད་ནི་འཁོར་ལོ་རྒྱས་འདེབས་དངོས༔ གཏེར་ལ་མི་འཇིག་མི་ཟད་རྒྱས་ཐོབས་ལ༔ T11601 - 084 ༈།༔ འབྱུང་བ་ལྔ་ཡི་ལྷུམས་སུ་སྦས་རྒྱར་ཐོབས༔ བཀའ་སྲུང་དྲེགས་པའི་ཚོགས་ལ་གཏད་རྒྱ་མཛོད༔ སྣོད་མིན་སྐལ་མེད་དག་ལ་གསང་རྒྱས་ཐོབས༔ ཟད་མེད་གཏིང་མཐའ་བྲལ་བའི་ཟབ་རྒྱས་ཐོབས༔ ཅེས་གསུངས་བཀའ་བཞིན་རྒྱ་ཡིས་བཏབ་ནས་སྦས༔ དེ་མཐར་སྐུ་ཚབ་ཉེར་ལྔ་བཞག་ནས་སུ༔ འབྱིན་པའི་གཏེར་སྟོན་དེ་ཡི་སྐུ་རིང་ལ༔ མཐའ་མི་ཀླ་ཀློའི་མགོ་འཕང་གནོན་པ་ཡི༔ སྨོན་ལམ་གདབ་ཅིང་དགོངས་པའི་རྒྱས་ཀྱང་ཐོབས༔ འདི་དག་བུད་མེད་བཞི་དང་ལ་ལར་ནི༔ མི་ནག་སྐྱེས་བུ་དགེ་བཙུན་མ་ངེས་པས༔ འབྱིན་ཏེ་ངའི་སྤྲུལ་སྐྱེས་བུ་ལ་འཕྲོད་འགྱུར༔ དེ་ནི་བདག་གི་སྨོན་ལམ་སྟོབས་ཤུགས་སོ༔ པདྨའི་རྣམ་ཐར་མཐོང་བ་རང་གྲོལ་ལས༔ བོད་ཀྱི་ཡུལ་དུ་འགྲོ་དོན་གྲུབ་ཅིང་བསྟན་པ་མཐའ རྒྱས་མཛད་པའི་ལེའུ་སྟེ་ལྔ་པའོ༔ ཥྞད་དུང་རྒྱལ་པོའི་སྐུ་ཚེ་མ་རྫོགས་བར༔ གང་འདུལ་ཐབས་རྣམ་སྣ་ཚོགས་དུ་མ་ཡིས༔ འགྲོ་དོན་མཛད་ཅིང་གཞན་དུ་གཤེགས་མིན་ཏེ༔ མངའ་བདག་རྒྱལ་པོ་མྱ་ངན་འདས་ནས་སུ༔ རྒྱལ་སྲས་སྐུ་ན་མ་རྫོགས་བར་དག་ཏུ༔ བོད་ཁམས་ཕྱོགས་བཞིའི་ས་གནས་ཐམས་ཅད་དུ༔ མ་འོངས་བརྒྱུད་འཛིན་སྐྱེས་བུ་ལས་ཅན་གྱིས༔ སྒྲུབ་པ་མཛད་ནས་སྒྲུབ་པ་ཐོབ་པ་ཡི༔ གནས་སུ་བྱིན་གྱིས་རློབ་པའི་ཚུལ་བཤད་ན༔ བསམ་ཡས་མི་ལོ་བདུན་དུ་སྒྲུབ་པ་མཛད༔ གཡའ་མ་ལུང་དུ་མི་ལོ་ལྔ་རུ་བཞུགས༔ ཡར་ལུང་ཤེལ་བྲག་མི་ལོ་བཅོ་བརྒྱད་བཞུགས༔ ཡེར་པའི་བྲག་ལ་ལོ་གསུམ་སྒྲུབ་པ་མཛད༔ ཁྲ་འབྲུག་ལོ་གཉིས་སྒྲུབ་པ་མཛད་ཅིང་བཞུགས༔ མཁར་ཆེན་བྲག་ལ་ཟླ་བ་བཅུ་གཅིག་བཞུགས༔ མོན་ཁ་ནེའུ་རིང་ཟླ་བ་བཅོ་ལྔ་བཞུགས༔ སྟག་ཚང་རོང་དུ་ཟླ་བ་གསུམ་དུ་བཞུགས༔ གཟིག་ཚང་རོང་དུ་ཟླ་བ་གསུམ་དུ་བཞུགས༔ དོམ་ཚང་རོང་དུ་ཟླ་བ་ལྔ་རུ་བཞུགས༔ ཁམ་རས་ཚལ་དུ་ལོ་གསུམ་ཟླ་གསུམ་བཞུགས༔ ཀོང་ཡུལ་དེ་མོ་ལ་རུ་ཞག་བདུན་བཞུགས༔ རོང་ཆུང་རྫ་ལ་ཟླ་བ་ལྔ་རུ་བཞུགས༔ རོང་ཆེན་ཡེ་མ་བྲག་ལ་ཟླ་བ་དགུ༔ ཏི་སྒོ་བྲག་ལ་ཟླ་བ་གསུམ་དུ་བཞུགས༔ མཐར་ནི་ཁམས་ཀྱི་ཡུལ་དུ་སླེབས་ནས་སུ༔ ཆབ་མདོར་ཞག་གསུམ་སྒྲུབ་པ་མཛད་ནས་བཞུགས༔ དེ་ནས་སྟག་རྫོང་ཞེས་བྱར་སླེབས༔ ཤ་མགོ་སྤུན་གསུམ་དམ་ལ་བཏགས༔ གཡུ་རུ་ལུང་དུ་ལོ་གཉིས་བཞུགས༔ མ་སྨད་སྤུན་དྲུག་དམ་ལ་བཏགས༔ བེ་མ་ལུང་དུ་ཞག་བདུན་བཞུགས༔ སྨིན་མར་རྒྱལ་མོ་དམ་ལ་བཏགས༔ བེ་ཡུལ་འབྲོང་དུ་ཟླ་གཅིག་བཞུགས༔ ཉྃ།།༔ བེ་ཐིལ་ནག་མོ་དམ་ལ་བཏགས༔ ཡིད་སློང་ཚེར་མ་ཅན་དུ་བཞུགས༔ སྲོག་ལེན་ནག་མོ་དམ་ལ་བཏགས༔ མ་འོངས་ང་ཡི་བསྟན་པ་ཡི༔ ཁུག་པར་བདུད་བསྟན་དར་བའི་ཚེ༔ ང་ཉིད་གེ་སར་རྒྱལ་པོར་སྤྲུལ༔ ཕྱོགས་བཞིའི་བསྟན་དགྲ་ཆམ་ལ་འབེབས༔ དེ་ཚེ་ཁྱོད་ཀྱིས་བུ་བཞིན་སྐྱོངས༔ ཞེས་སོགས་བཀའ་བསྒོ་མང་དུ་མཛད༔ དེ་ནས་ཧོར་པོའི་སེང་བྲག་ལ༔ མི་ལོ་གསུམ་དུ་སྒྲུབ་པ་མཛད༔ བྱིན་རླབས་རབ་གནས་སྨོན་ལམ་བཏབ༔ བྲག་ལ་ཀཱ་ལི་སོ་བཞི་ཤར༔ དམ་སྲི་སྤུན་དགུ་དམ་ལ་བཏགས༔ རྡོ་གཉན་བདུད་པོའི་ས་གཉེར་བླངས༔ ང་ཡིས་དགའ་མགུར་སྤྱོད་པའི་ཡུལ༔ བུད་མེད་ཞིག་གི་གནང་བ་ཞུ༔ ཞེས་ཞུས་ལན་དུ་བྲག་སྲིན་མོས༔ ང་ཉིད་ཕྱིན་ན་དེས་ཆོག་ཟེར༔ དེ་ལ་བཀའ་ཡི་གནང་བ་ཕེབས༔ རྨུག་སེང་ཕུག་པར་ཟླ་གསུམ་བཞུགས༔ སྟག་མོའི་བྲག་ལ་ཟླ་བ་ལྔ༔ ཆུ་མིག་བྱང་རིང་ལོ་གཅིག་བཞུགས༔ བསྭེ་མོ་སྤུན་བཞི་དམ་ལ་བཏགས༔ རུ་དམ་ལུང་པ་ནག་པོ་རུ༔ ལོ་གཅིག་བཞུགས་པའི་སྔ་ཐོག་ཏུ༔ ཁྱི་ཡི་ཟླ་བའི་ཚེས་དྲུག་ནུབ༔ དྲེགས་པ་ཟིལ་གནོན་ཏིང་འཛིན་གྱིས༔ ནམ་སྟོད་སྨན་མོ་བཅུ་དྲུག་བཏུལ༔ ནམ་ཕྱེད་བླ་རྐུན་བཅུ་གཉིས་བཏུལ༔ I11601 - 087 ཐོ་རངས་ཐེའུ་རང་སྤུན་དགུ་བཏུལ༔ གཏེར་ཁ་ཉི་ཤུ་རྩ་ལྔ་སྦས༔ རྫོང་ཕྲན་གསང་བ་དཔལ་རྫོང་འཕྲུལ༔ ཡུལ་དེར་དམུ་རྒྱལ་སྟག་ཐུལ་དང་༔ རྩེ་རྒྱལ་ཕྱུག་པོ་རྣམ་ལྔ་དང་༔ གཉན་ཆེན་ང་འདྲ་མཆེད་བརྒྱད་དང་༔ ལྷ་ཕྲུག་ཐོད་དཀར་དང་བཅས་པ༔ དམ་ལ་བཏགས་ཤིང་གཏེར་གཉེར་གཏད༔ ཉག་ཅིག་ཁ་བ་ལབ་རི་ལ༔ ཞག་བདུན་བཞུགས་ནས་དགོངས་པ་མཛད༔ ཆུ་སྲིན་གདོང་དང་དྲེད་གདོང་ཅན༔ འཁོར་ཚོགས་ལྔ་བརྒྱ་ལྔ་