Tibetan
༔ འཇིགས་པ་དང་སྡུག་བསྔལ་དང་གཤིན་རྗེའི་ཞགས་པ་དང་བདུད་ཀྱི་རྩིས་དང་བཙན་གྱི་ཤྭ་རྡེལ་དང་མ་མོའི་ནད་ཡམས་ལ་སོགས་པའི་ནད་དང་གནོད་པ་རྐྱེན་དང་བར་ཆད་འཇིགས་པ་དང་སྡུག་བསྔལ་བཀྲ་མི་ཤིས་པའི་དངོས་པོ་ཐམས་ཅད་ཞི་ཞིང་དག་པར་གྱུར་ཅིག༔ བསྒྱུར་ཞིང་བཟློག་པར་གྱུར་ཅིག༔ ལན་ཆགས་བྱང་བར་གྱུར་ཅིག༔ བུ་ལོན་སོད་པར་གྱུར་ཅིག༔ ཤ་མཁོན་དྭངས་པར་གྱུར་ཅིག༔ ཕན་ཚུན་བྱམས་བརྩེས་གནས་ལ་འཁོད་ཅིང་བདེ་ལེགས་སུ་གྱུར་ཅིག༔ ཀྱེེ༔ ཕོ་གླུད་ངར་མི་མཛེས་ལྡན་དང་༔ འབྲུ་ཆན་འབྲས་བུ་སྣ་ཚོགས་པ༔ སྦྱིན་བདག་ཕོ་ཡི་གླུད་དུ་འབུལ༔ མོ་གླུད་ངར་མི་རལ་པ་ཅན༔ མཛེས་སྡུག་ཡིད་འཕྲོག་ལྡེམས་པ་འདི༔ སྦྱིན་བདག་མོ་ཡི་གླུད་དུ་འབུལ༔ ཤ་ཡི་རིན་དུ་ཤ་དུམ་དང་༔ ཁྲག་གི་ཚབས་སུ་ཁྲག་སྐྱེམས་འབུལ༔ རྒྱུ་སྦྱོར་སྦྱིན་བདག་ཕོ་མོ་འདི༔ སྡེ་བརྒྱད་གཤིན་རྗེའི་ལག་ ནས་བསླུ༔ སྣང་སྲིད་ལྷ་འདྲེའི་ལག་ནས་བསླུ༔ བཟུང་བ་ཐོངས་ལ་སོགས་གོང་ལྟར་འགྲེའོ༔ དེ་ལྟརབརྒྱ་རྩ་ཕུལ་སྔགས་བདེན་བརྗོད་དང་བཅས་པ་རྫོགས་མཐར༔ ཀྱེེ༔ འཆི་བདག་ལས་ཀྱི་གཤིན་རྗེ་དང་༔ སྣང་སྲིད་སྡེ་བརྒྱད་ལྷ་འདྲེ་ལ༔ སྦྱིན་བདག་མི་ཕྱུགས་དཀོར་བཅས་ཀྱི༔ ཤ་ཡི་རིན་དང་ཁྲག་གི་ཚབས༔ སྲོག་དང་དབུགས་ཀྱི་སྐྱིན་བླའི་གླུད༔ ཆངས་བུ་ཤ་དུམ་འབྲས་ཆན་འབུལ༔ སྦྱིན་པའི་བདག་པོའི་མི་ཕྱུགས་དཀོར༔ ལུས་ངག་ཡིད་གསུམ་བླ་ཡིད་སེམས༔ འཆི་བདག་གཤིན་རྗེའི་ལག་ནས་བསླུ༔ སྣང་སྲིད་ལྷ་འདྲེའི་ལག་ནས་བསླུ༔ བཟུང་བ་སོགས་མཚན་བཞིའི་སྔགས་ཀྱིས་མང་དུ་ཕུལ་མཐར་བདེན་སྟོབས་བརྗོད༔ ཀྱེེ༔ འཆི་བདག་གཤིན་རྗེའི་ལག་ནས་བསླུ༔ སྣང་ཞིང་སྲིད་པའི་ལྷ་འདྲེ་ལ༔ སྦྱིན་བདག་མི་ནོར་འཁོར་བཅས་ཀྱི༔ ཚེ་སྐྱིན་བླ་གླུད་ཤ་ཁྲག་གི༔ རིན་དང་གླུད་དུ་འབུལ་བ་ནི༔ མི་ངན་ཚབས་སུ་གླུད་བཟང་འབུལ༔ བུད་མེད་གླུད་དུ་ངར་གཟུགས་བསྔོ༔ རྟ་ཡི་གླུད་དུ་རྟ་མཆོག་བསྔོ༔ ཕྱུགས་ཀྱི་གླུད་དུ་འབྲི་གཡག་མཛོ༔ བ་གླང་མཛོ་མོའི་གཟུགས་རྣམས་འབུལ༔ གསེར་དངུལ་ཟངས་ལྕགས་ལ་སོགས་པ༔ རིན་པོ་ཆེ་ཡི་རིགས་བྱེད་རྣམས༔ རིན་ཆེན་ནོར་གྱི་གླུད་བཟང་འབུལ༔ དཀར་གསུམ་ ཝྃ།༔ མངར་གསུམ་འབྲུ་སྣ་དང་༔ ཤིང་ཏོག་འབྲས་བུ་སྣ་ཚོགས་པ༔ བཟའ་བ་ཟས་ཀྱི་གླུད་བཟང་འབུལ༔ ཇ་ཆང་འོ་སྐྱེམས་བཏུང་བའི་རིགས༔ དངོས་འབྱོར་ཡིད་ཀྱིས་རྣམ་སྤྲུལ་པ༔ བཏུང་བ་སྐོམ་གྱི་གླུད་བཟང་འབུལ༔ མཁར་ཐབས་རིས་དང་རེས་བྱང་རྣམས༔ ཁང་ཁྱིམ་གནས་ཀྱི་གླུད་བཟང་འབུལ༔ བདག་དང་རྒྱུ་སྦྱོར་ཡོན་བདག་གི༔ མི་ནོར་དཀོར་དང་བཅས་པ་ལ༔ གནོད་ཅིང་འཚེ་བར་མ་བྱེད་ཅིག༔ འཁུ་ཞིང་ལྡང་བར་མ་བྱེད་ཅིག༔ སྐབས་འཚོལ་གླག་ལྟ་མ་བྱེད་ཅིག༔ ནད་རྣམས་ལྷ་འདྲེ་རང་ལ་བསྡུ༔ བཟུང་བ་བསྡམས་པ་ཕྱིན་ཆད་སྡང་བར་མ་བྱེད་ཅིག༔ མཚན་བཞི་བརྗོད་ཅིང་སྔགས་ཅི་མང་གིས་གླུད་རྣམས་འབུལ༔ དེ་ནས་རྫོང་འདེབས་པ་ནི༔ ཀྱེེ༔ གསོན་ཅིག་དགོངས་ཤིག་སྟོབས་ལྡན་རྣམས༔ པེ་ཧར་རྒྱལ་པོ་ཤིང་བྱ་ཅན༔ ཁྱོད་སྣང་སྲིད་ལྷ་འདྲེའི་དེད་དཔོན་ཏེ༔ ཁམས་གསུམ་སྲོག་གི་བདག་པོ་དང་༔ འགྲོ་བའི་དབུགས་ཀྱི་བདག་པོ་ཡིན༔ དཔལ་ཨོ་རྒྱན་ཆེན་པོའི་དཔང་བཙུགས་ཏེ༔ ཁྱོད་ལ་ཕྲིན་ལས་བཅོལ་བ་ནི༔ བདག་དང་རྒྱུ་སྦྱོར་སྦྱིན་པའི་བདག༔ མི་ནོར་དཀོར་དང་བཅས་པ་ལ༔ གནོད་ཅིང་འཚེ་བར་བྱེད་པ་ཡི༔ མི་སྲུན་གདོན་བགེགས་དྲེགས་ པ་ཅན༔ བཀའ་དང་དམ་ལ་མི་གནས་པ༔ མ་ལུས་ལུས་པ་མེད་པ་ཀུན༔ མདུན་དུ་བཀུག་ཅིང་བསྡུས་བཟུང་ལ༔ བཀའ་དམ་གཉན་པོའི་ཁྲིམས་སུ་ཆུག༔ ཡུལ་གླིང་གཞན་དུ་དེད་ཅིང་སོང་༔ ཕྱིར་མི་ལྡོག་པའི་བཀའ་ནན་ཐོབ༔ ཀྱེེ༔ ས་བདག་འཁོར་ལོའི་བསྒྱུར་རྒྱལ་ཉོན༔ ཁྱོད་ཀླུ་གཉན་ས་བདག་ཀུན་གྱི་གཙོ༔ དུས་གསུམ་རྒྱལ་བ་དཔང་གཙུགས་ཏེ༔ ཁྱོད་ལ་ཕྲིན་ལས་བཅོལ་བ་ནི༔ བདག་དང་རྒྱུ་སྦྱོར་ཡོན་བདག་ལ༔ གནོད་ཅིང་འཚེ་བར་བྱེད་པ་ཡི༔ ས་བདག་ཀླུ་གཉན་ཆེ་འབྲིང་ཆུང་༔ མ་ལུས་ལུས་པ་མེད་པ་རུ༔ མདུན་དུ་བཀུག་ཅིང་སྡུད་པར་གྱིས༔ ཁོ་ཡི་སྦྱོར་ངན་ནད་སྡུག་བསྔལ༔ ཁོ་རང་རྣམས་ལ་བསྡུ་རུ་ཆུག༔ བཟུང་བ༴ བསྡམས་པ་ས་ཡུལ་གཞན་དུ་དེད་ལ་སོང་༔ ཕྱིར་མི་ལྡོག་པའི་བཀའ་ནན་ཐོབ༔ ཀྱེེ༔ མ་མོ་སྲིད་པའི་རྒྱལ་མོ་གསོན༔ ཁྱོད་མོ་གདོན་ཀུན་གྱི་རྒྱལ་མོ་སྟེ༔ དུས་གསུམ་རྒྱལ་བ་དཔང་བཙུགས་ནས༔ ཁྱོད་ལ་ཕྲིན་ལས་བཅོལ་བ་ནི༔ བདག་དང་རྒྱ་སྦྱོར་ཡོན་བདག་གི༔ མི་ནོར་ལོངས་སྤྱོད་དཀོར་བཅས་ལ༔ གནོད་ཅིང་འཚེ་བར་བྱེད་པ་ཡི༔ མོ་སྲི་མོ་འདྲེ་མོ་གདོན་རྣམས༔ མདུན་དུ་ཁུག་ལ་མྱུར་དུ་བསྡུས༔ སྦྱོར་ངན་ནད་དང་གནོད་པ ཝྃ༔ ཀུན༔ མོ་གདོན་རང་ལ་སྡུད་དུ་ཆུག༔ བཟུང་བ་བསྡམས་པ༔ ས་ཡུལ་གཞན་དུ༔ ཕྱིར་མི༴ ཀྱེེ༔ དེད་དཔོན་ཕོ་མོ་ཁྱེད་རྣམས་ལ༔ སྟོན་པ་རྫོགས་པའི་སངས་རྒྱས་དང་༔ གསང་བའི་བདག་པོ་རྡོ་རྗེ་ཅན༔ རྗེ་བཙུན་པདྨ་ཐོད་ཕྲེང་སོགས༔ དུས་གསུམ་རྒྱལ་བ་སྲས་བཅས་ཀྱིས༔ བཀའ་དང་དམ་ཚིག་གཉན་པོ་དེ༔ གཏའ་རུ་བཞག་སྟེ་དཔང་དུ་བཙུགས༔ བདག་གིས་བཅོལ་བའི་ལས་དེ་དག༔ བཀའ་བསྒོ་ཡིན་ནོ་བཀའ་མ་བཅག༔ དམ་ཚིག་ཡིན་ནོ་དམ་མ་ཉམས༔ བཅོལ་བའི་ཕྲིན་ལས་མྱུར་འགྲུབ་མཛོད༔ ཀྱེེ༔ སོངས་ཤིག་སོངས་ཤིག་ད་སོངས་ཤིག༔ ཆོས་ཤིག་ཆོས་ཤིག་ད་ཆོས་ཤིག༔ རྒྱུག་ཅིག་རྒྱག་ཅིག་ད་རྒྱུད་ཅིག༔ ཕོ་ཏོང་སྟག་རས་བརྒྱན་པ་འདི༔ ལྷ་འདྲེ་རྣམས་ལ་རྫོངས་སུ་འདེབས༔ ཕོ་གླུད་མདའ་མཚོན་རྒྱན་ཅན་འདི༔ ལྷ་འདྲེ་རྣམས་ལ་རྫོངས་སུ་འདེབས༔ མོ་གླུད་འཕང་བཀྲ་ཐོགས་པ་འདི༔ ལྷ་འདྲེ་རྣམས་ལ་རྫོངས་སུ་འདེབས༔ རྟ་ཕྱུགས་ར་ལུགས་བོང་དྲེལ་གཟུགས༔ ལྷ་འདྲེ་རྣམས་ལ་རྫོངས་སུ་འདེབས༔ སྦྲ་ཁང་མཁར་ཐབས་གུར་ཁྱིམ་གཟུགས༔ ལྷ་འདྲེ་རྣམས་ལ་རྫོངས་སུ་འདེབས༔ ཀ་ཆ་དཀོར་ཆ་དུ་མའི་ཚོགས༔ དངོས་སུ་འབྱོར་དང་ཡིད་ཀྱིས་སྤྲུལ༔ འདོད་ཡོན་ནམ་མཁའ་མཛོད་དུ་སྤེལ༔ ལྷ་འདྲེ་རྣམས་ལ་རྫོངས་སུ་འདེབས༔ དཀར་གསུམ་མངར་གསུམ་ཤ་ཁྲག་རུས༔ འབྲུ་སྣ་ཤིང་ཏོག་ཟས་ཀྱི་རིགས༔ ལྷ་འདྲེའི་ཚོགས་ལ་རྫོངས་སུ་འདེབས༔ ཇ་ཆང་འོ་སྐྱེམས་བཏུང་བའི་རིགས༔ ལྷ་འདྲེའི་ཚོགས་ལ་རྫོངས་སུ་འདེབས༔ དར་ཟབ་བལ་ཚོན་གོས་དར་རིགས༔ ལྷ་འདྲེའི་ཚོགས་ལ་རྫོངས་སུ་འདེབས༔ གཅན་གཟན་ཆེ་མ་ཆུང་རྒུའི་རིགས༔ ལྷ་འདྲེའི་ཚོགས་ལ་རྫོངས་སུ་འདེབས༔ གསེར་དངུལ་ཟངས་ལྕགས་ནོར་གྱི་རིགས༔ ལྷ་འདྲེའི་ཚོགས་ལ་རྫོངས སུ་འདེབས༔ ཁལ་བཀོལ་ཁུར་བོར་པང་པས་ཐོབ༔ སྐད་ཅིག་ཉིད་ལ་ཕྱིར་དེངས་ཤིག༔ གལ་ཏེ་མི་འགྲོ་འདུག་གྱུར་ན༔ ཡེ་ཤེས་དབྱིངས་ལས་སྤྲུལ་པ་ཡི༔ སྟོབས་ལྡན་སྡིག་པ་ནག པོ་ཁྱོད༔ བཞེངས་ཤིག་བཞེངས་ཤིག་ད་བཞེངས་ཤིག༔ ཆོས་ཤིག་ཆོས་ཤིག་ད་ཆོས་ཤིག༔ ཁ་ནས་མེ་མདའ་འཕེན་ཞིང་སོང་༔ སྣ་ནས་ཐོག་ཆར་འབེབ་ཅིང་སོང་༔ ཁུང་ནས་འབྲུག་སྟོང་ལྡིར་ཞིང་སོང་༔ མིག་ནས་གློག་སྟོང་འཁྱུག་ཅིང་སོང་༔ བསྐལ་པའི་མེ་ལྟར་འབར་ཞིང་སོང་༔ སྤུ་གྲིའི་རླུང་ལྟར་གཡོ་ཞིང་སོང་༔ སྤྲུལ་པས་ས་སྟེང་འགེང་ཞིང་སོང་༔ ཝྃ༔ བརྒྱལ་བྱེད་དྲི་ངན་འཕྱོ་ཞིང་སོང་༔ བདག་དང་རྒྱུ་སྦྱོར་ཡོན་བདག་གི༔ ནད་རྣམས་ཧུབ་ཀྱིས་རོལ་ལ་སོང་༔ གནོད་པའི་གདོན་བགེགས་མ་ལུས་པ༔ བསད་བཅད་ཟ་ཞིང་དེད་ལ་སོང་༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ སྤྲུལ་པ་སྟོབས་ལྡན་སྡིག་པའི་ཚོགས༔ ལ་ལ་ཤར་གྱི་ཕྱོགས་སུ་ཆོས༔ དྲི་ཟའི་རིགས་གྱུར་གནོད་བྱེད་ཟློག༔ ལ་ལ་ཤར་ལྷོའི་མཚམས་སུ་ཆོས༔ མེ་ལྷའི་རིགས་གྱུར་གནོད་བྱེད་ཟློག༔ ལ་ལ་ལྷོ་ཡི་ཕྱོགས་སུ་ཆོས༔ གཤིན་རྗེའི་རིགས་གྱུར་གནོད་བྱེད་ཟློག༔ ལ་ལ་ལྷོ་ནུབ་མཚམས་སྲིན་པོའིཿ ལ་ལ་ནུབ་ཀྱི་༴ འཆི་བདག་རིགས་ལ་ལ་ནུབ་བྱང་མཚམས་རླུང་ལྷའི་རིགས་ལ་ལ་བྱང་གི༴ གནོད་སྦྱིན་རིགས༴ ལ་ལ་བྱང་ཤར་མཚམསཿ དབང་ལྡན་རིགས༴ ལ་ལ་སྟེང་གིཿ ལྷ་གདོན་རིགསཿ ལ་ལ་འོག་གི། ས་བདག་གཉན་རིགས་ལ་ལ་བར་གྱི་ཕྱོགས་སུ་རྒྱུག༔ སྡེ་བརྒྱད་མི་མིན་ལྷ་འདྲེའི་ཚོགས༔ གསོད་ཅིང་བརླག་ཅིང་ཟ་ཞིང་རྒྱུག༔ རྗེས་ཤུལ་ཙམ་ཡང་མ་བཞག་པར༔ རི་རབ་ཆེན་པོའི་ཟོམས་སུ་ཁྱེར༔ གླིང་བར་མུན་པའི་ཁྲོད་དུ་སྐྲོད༔ ཕྱིར་མི་ལྡོག་པར་མཚམས་ཆོད་ཅིག༔ ཨོཾ་ཨཱཿཧཱུྃཿཨརྩིག་ནིརྩིག་ན་མོ་བྷ་ག་ཝ་ཏེ་བུདྡྷ་བཛྲ་རཏྣ་པདྨ་ཀརྨ་སརྦ་མ་ཧཱ་གུ་རུ་ཤྲཱི་ཧེ་རུ་ཀ་ཧཱུྃ་ཕཊ༔ ཨོཾ་བཛྲ་ཀྲོ་ངྷ་ཧཱུྃ་ཀཱ་ར་ཧཱུྃ༔ བི་ཛ་ཡ་ཧཱུྃ༔ ནཱི་ལ་དཎྜ་ཧཱུྃ༔ ཡ་མཱནྟ་ཀ་ཧཱུྃ༔ ཨཱཪྻ་ཨ་ཙ་ལ་ཧཱུྃ༔ ཧྱ་གི་ཝ་ཧཱུྃ༔ ཨ་པ་རཱ་ཛི་ཏ་ཧཱུྃ༔ ཨ་མྲྀ་ཏ་ཀུཎྜ་ལཱི་༔ ཏྲེེ་ལོཀྱ་བི་ཛ་ཡ་ཧཱུྃ༔ མ་ཧཱ་བ་ལ་ཧཱུྃ༔ ཛཿ ཧཱུྃ་བྃ་ཧོཿ ནག་པོ་ཏི་པ་ར་ཙ་ས་མ་ཡ་ཀ་ལ་རཱུ་པ༔ གརྫ་གརྫ་ཧཱུྃ་ཕཊ༔ ཧ་ན་ཧ་ན་ཧཱུྃ་ཕཊ༔ ད་ཧ་ད་ཧ་ཧཱུྃ་ཕཊ༔ པ་ཙ་པ་ཙ་ཧཱུྃ་ཕཊ༔ བྷནྡྷ་བྷནྡྷ་ཧཱུྃ་ཕཊ༔ ཧུ་ལུ་ཧུ་ལུ་ཧཱུྃ་ཕཊ༔ ཏིཥྛ་ཏིཥྛ་ཧཱུྃ་ཕཊ༔ ཚིནྡྷ་ཚིཎྟ་ཧཱུྃ་ཕཊ༔ བྷིནྡྷ་བྷིནྡྷ་ཧཱུྃ་ཕཊ༔ སྥོ་ཊ་སྥོ་ཊ་ཧཱུྃ་ཕཊ༔ སྙིང་རྩ་ལ་རྦད་རྦད༔ སྲོག་རྩ་ལ་བླ་ལ་ཤ་ལ་ཁྲག་ལ་རུས་པ་ལ༔ མཱ་ར་ཡ་རྦད་རྦད་བྷྱོ་བྷྱོ༔ ཨུ་ཙ་ཏ་ཡ་ཕཊ༔ ཧཱུྃ་བཞིའི་སྔགས་བརྗོད་ཅིང་ཐུན་གྱིས་བྲབ༔ རྣམ་པར་འཇོམས་པའི་གཟུངས་བརྗོད་ཅིང་སྦྲ་ཁྱིམ་ལ་ཁྲུས་བྱ༔ སྲུང་བའི་གུར་ཁང་བསྒོམ༔ མེ་ཏོག་འཐོར་ཅིང་ཤིས་པ་བརྗོད་པས་རྫོགས་སོ༔ ས་མ་ཡ༔ བསྐྱེད་རྫོགས་གདིང་ལྡན་རྣལ་འབྱོར་གྱིས༔ དེ་ལྟར་ཚུལ་བཞིན་རྫོགས་གྱུར་ན༔ རྐྱེན་ངན་བར་ཆད་ཀུན་ཟློག་ཅིང་༔ ཕྲིན་ལས་འགྲུབ་པར་གདོན་མི་ཟ༔ བཀྲ་ཤིས་བདེ་ལེགས་དཔལ་འཕེལ་རྒྱས༔ བཀའ་སྲུང་དྲེགས་པ་སྡེ་དགུས་སྲུངས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཝྃ། གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ གུ་ཧྱ༔ ཞེས་པ་འདི་ནི་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་སུམ་ཅུ་རྩ་བདུན་བར་དུ་བཀའ་རྒྱས་བཏབ་སྟེ་མཐར་ཡེ་ཤེས་ཉི་མ་མཐའ་རྒྱས་པས་བསྐུལ་ངོར་བརྡར་ཚང་སྐལ་བཟང་དགོན་དུ་གཏན་ལ་ཕབ་པའོ། །དགེའོ། །ལེགས་སོ། །སརྦ་མངྒ་ལཾ།། 631དགུ་བྱོན། དགུ་བྱོན། T11601 - 635 T11601 - 636 བདེན་བརྗོད་གཅིག་སྨོན་ལམ་ཟབ་གསང་མཁའ་འགྲོའི་སྙིང་ཐིག་ལས༔ རྣལ་འབྱོར་འདོད་དོན་འགྲུབ་ཅིང་བསྐྱེད་རྫོགས་མཐའ་རུ་ཕྱིན་པའི་ཆེད་དུ་སྨོན་ལམ་ཆེན་པོའི་སྟོབས་བསྐྱེད་བཞུགས་སོ༔ T1601 - 637 ཝྃ༔ ན་མོ་གུ་རུ་པདྨ་ཀ་ར་ཡེ༔ ཤརྴདྷབྷཛཥ༔ ཉིན་མཚན་ལན་གསུམ་ཆགས་མེད་དུ༔ རང་གི་མདུན་གྱི་ནམ་མཁར་སངས་རྒྱས་བྱང་སེམས་བླ་མ་རིག་འཛིན་རྒྱལ་བ་རྒྱ་མཚོའི་ཚོགས་དང་བཅས་པ་ཐམས་ཅད་བཀྲ་དཔུང་ངེ་འོད་ཐིབས་སེ་བཞུགས་ཤིང་༔ བདག་ལ་ཞལ་གྱིས་ཕྱོགས༔ སྤྱན་གྱིས་གཟིགས༔ ཐུགས་བརྩེ་ཐུགས་རྗེ་དང་ལྡན་པའི་ངང་ནས༔ སྨོན་ལམ་འགྲུབ་པའི་དཔང་པོ་རུ་དགོངས་པར་གྱུར༔ ན་མོ༔ དཀོན་མཆོག་གསུམ་དང་རྩ་གསུམ་སྐུ་གསུམ་རྒྱལ་བ་རྒྱ་མཚོའི་བདེན་པ་དང་༔ དོན་དམ་ཆོས་ཉིད་རྣམ་པར་དག་ཅིང་ཀུན་རྫོབ་TI1601 - 638 #&ཝྃ༔ བསླུ་བ་མེད་པ་རྒྱུ་འབྲས་ཟབ་མོའི་བདེན་པའི་མཐུ་སྟོབས་བྱིན་རླབས་ཀྱིས༔ མི་བདག་གི་ནད་གདོན་སྡིག་སྒྲིབ་བག ཆགས་འཇིགས་དང་སྡུག་བསྔལ་སྔོན་ལས་འཕྲལ་རྐྱེན་ངན་པ་ཐམས་ཅད་རྗེས་ཤུལ་ལྷག་མ་ཙམ་ཡང་མ་ལུས་པར་བྱང་ཞིང་དག་པར་གྱུར་ཅིག༔ སླན་ཆད་ཀྱང་མི་མཐུན་པའི་ཕྱོགས་རིས་ངན་པ་ཐམས་ཅད་མི་འབྱུང་བར་གྱུར་ཅིག༔ ཞི་བར་གྱུར་ཅིག༔ ཤཱནྟི་ཀུ་རུ་ཡེ་སྭཱ་ཧཱ༔ དཔལ་ཨོ་རྒྱན་མཚོ་སྐྱེས་རྡོ་རྗེ་ལ་སོགས་པའི་རིག་འཛིན་བླ་མ་རྒྱལ་བ་རྒྱ་མཚོ་ཐམས་ཅད་དང་༔ ཡི་དམ་རྒྱུད་སྡེ་བཞི་དྲུག་བདེ་གཤེགས་སྒྲུབ་པ་བཀའ་བརྒྱད་ཀྱི TI1601 - 639 དཀྱིལ་འཁོར་གྱི་ལྷ་ཚོགས་མ་ལུས་ཤིང་ལུས་པ་མེད་པ་རྣམས་ཀྱི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་ཐམས་ཅད་བདག་གི་རྒྱུད་ལ་སྐད་ཅིག་འདི་ཉིད་དུ་ཐིམ་པར་གྱུར་ཅིག༔ འཕོ་བར་གྱུར་ཅིག༔ གཉིས་སུ་མེད་པར་ཡོངས་སུ་རྫོགས་པར་གྱུར་ཅིག༔ ཡེ་ཤེས་དང་འཇིག་རྟེན་གྱི་བཀའ་སྲུང་དམ་ཅན་རྒྱ་མཚོ་ཐམས་ཅད་སྐད་ཅིག་གི་གཡེལ་བ་མེད་པའི་གྲོགས་སུ་འགྲུབ་པར་གྱུར་ཅིག༔ འབངས་དང་འཁོར་དང་ལས་ལ་འཁོར་བར་གྱུར་ཅིག༔ དགྲ་དཔུང་རྡུལ་དུ་བརླག་ཅིང་བགེགས་དཔུང་ཚར་གཅོད་པའི་མཐུ་ནུས་པ་དང་བདག་ལྡན་ནས་མཐུ་ཡི་གྲགས་པས་ས་སྟེང་ཡོངས་སུ་ཁྱབ་པར་གྱུར་ཅིག༔ བདག་འཁོར་དང་བཅས་པའི་ཚེ་བསོད་དཔལ་འབྱོར་མངའ་ཐང་རླུང་རྟ་བླ་གཟའ་སྙན་གྲགས་ཡེ་ཤེས་ཡོན་ཏན་ཐམས་ཅད་ཟླ་བ་ཡར་གྱི་ངོ་བཞིན་དུ་གོང་ནས་གོང་དུ་འཕེལ་ཞིང་རྒྱས་པར་གྱུར་ཅིག༔ ནུབ་པ་མེད་པར་རབ་ཏུ་གནས་ཤིང་བརྟན་པར་གྱུར་ཅིག༔ སརྦ་པུཥྚིཾ་ཀུ་རུ་ཡེ་སྭཱ་ཧཱ༔ ཁམས་གསུམ་སྲིད་གསུམ་གྱི་སྐྱེ་འགྲོ་ཕོ་མོ་གང་ཟག་བཟང་རྒུ་ཆེ་བཙན་མཁས་བཙུན་བུ་སློབ་ལྷ་འདྲེ་མི་གསུམ་འགྲོ་བ་ཕོ་མོ་ཐམས་ཅད་བདག་གིས་དབང་དུ་འདུ་བར་གྱུར་ཅིག༔ བྲན་དུ་ཁོལ་བར་གྱུར་ཅིག༔ ཝྃ།༔ འབངས་དང་ལས་སུ་འཁོར་ནས་འདོད་དོན་ཐམས་ཅད་ཡིད་བཞིན་དུ་འགྲུབ་པར་གྱུར་ཅིག༔ ཟས་ནོར་ལོངས་སྤྱོད་འདོད་རྒུ་ཡིད་བཞིན་གྱི་བྱེ་བྲག་རྒྱུན་མི་འཆད པར་ཆར་ལྟར་འབེབས་ཤིང་མཚོ་ལྟར་འཁྱིལ་ཏེ་རི་ལྟར་བརྟན་པར་གྱུ་ཅིག༔ བདག་གིས་རང་སྣང་དབང་དུ་སྡུད་ཅིང་གཞན་སྣང་ཟིལ་གྱིས་གནོན་ཏེ་གསང་སྔགས་རྡོ་རྗེ་ཐེག་པའི་བསྟན་པ་ཕྱོགས་དང་དུས་ཐམས་ཅད་དུ་རྒྱས་པར་བྱས་ནས་གདུལ་བྱ་འབྲེལ་ཐོགས་ཐམས་ཅད་སངས་རྒྱས་ཀྱི་ས་ལ་འདྲེན་ནུས་པར་གྱུར་ཅིག༔ ཁམས་གསུམ་དབང་དུ་སྡུད་ཅིང་སྲིད་གསུམ་ཟིལ་གྱིས་གནོན་པར་གྱུར་ཅིག༔ སྣང་སྲིད་འཁོར་འདས་ཐམས་ཅད་པཱ་ཤཾ་ཀུ་རུ་ཡེ་སྭཱ་ཧཱ༔ དུས་དང་རྣམ་པ་ཐམས་ཅད་དུ་བདག་ལ་ཕོད་བཙུགས་པ༔ དོ་བསྡོ་བ༔ ཡ་བཟུང་བ༔ འགྲས་བཙལ་བ༔ རྐུ་འཕྲོག་བརྙས་བཙུག་བྱེད་པའི་བསྟན་དགྲ་སྡེ་དང་བཅས་པ་ཐམས་ཅད་རྗེས་ཤུལ་ལྷག་མ་ཙམ་ཡང་མ་ལུས་པར་ཡེ་ཤེས་དང་འཇིག་རྟེན་གྱི་བཀའ་སྲུང་སྡེ་བརྒྱད་ལྷ་འདྲེའི་ཚོགས་ཐམས་ཅད་ཀྱིས་གཞོམ་པར་གྱུར་ཅིག༔ སྐད་ཅིག་ཉིད་དུ་རྡུལ་དུ་བརླག་པར་གྱུར་ཅིག༔ ནུབ་པར་གྱུར་ཅིག༔ ཡལ་བར་གྱུར་ཅིག༔ སླན་ཆད་ཀྱང་མི་འབྱུང་བར་གྱུར་ཅིག༔ བདུད་བགེགས་རྒྱལ་བསེན་དམ་སྲི་སྐབས་ལྟ་གླག་ཚོལ་བྱེད་པའི་ལྷ་འདྲེ་མི་མ་ཡིན་ལ་སོགས་མདོར་ན་བདག་ལ་གནོད་པར་བྱེད་པའི་གདོན་བགེགས་ཐམས་ཅད་སྐད་ཅིག་ཉིད་དུ་བརླག་པར་གྱུར་ཅིག༔ བླ་མ་ཡི་དམ་མཁའ་འགྲོ་ཆོས་སྐྱོང་སྲུང་མ་རྣམས་ཀྱིས་འཇོམས་པར་གྱུར་ཅིག༔ བསྒྲལ་བར་གྱུར་ཅིག༔ བཟློག་པར་གྱུར་ཅིག༔ མེད་པར་གྱུར་ཅིག༔ མི་འབྱུང་བར་གྱུར་ཅིག༔ སྐྱེ་བ་འདི་ནས་ཚེ་རབས་ཐམས་ཅད་དུ་བདག་སྔོན་ལས་འཕྲལ་རྐྱེན་ངན་པ་ཐམས་ཅད་ཀྱི་དབང་དུ་སྐད་ཅིག་ཙམ་ཡང་མི་འབྱུང་བར་ཤོག་ཅིག༔ སརྦ་ཤ་ཏྲུཾ་མཱ་ར་ཡ་ཕཊ་སྭ ཧཱ༔ བྱ་བ་དང་བྱེད་པ་ཐམས་ཅད་དམ་པའི་ཆོས་ཡང་དག་ཏུ་འགྱུར་ཏེ་རང་སྣང་ཡེ་ཤེས་ཀྱི་དཀྱིལ་འཁོར་ལ་ལོངས་སྤྱོད་ཅིང་གཞན་སྣང་དགེ་བ་ལ་བསྒྱུར་ནུས་པར་གྱུར་ཅིག༔ བདག་གིས གསང་སྔགས་དང་རིག་སྔགས་དང་གཟུངས་སྔགས་དང་སྙིང་པོ་ཐམས་ཅད་བཟླས་པ་ཙམ་གྱིས་སྐད་ཅིག་ཉིད་དུ་འགྲུབ་པར་གྱུར་ཅིག༔ མུ་སྟེགས་དང་ཀླ་ཀློ་བདུད་སྡེ་ཐམས་ཅད་བདག གིས་ཆམ་ལ་ཕབས་ནས་བརླག་པར་གྱུར་ཅིག༔ བདུད་སྡེ་དང་མུ་སྟེགས་ཀླ་ཀློ་ལ་སོགས་པའི་ནག་ཕྱོགས་གདུག་པ་ཅན་ཐམས་ཅད་ཀྱིས་བདག་ལ་ཚེ་རབས་ཐམས་ཅད་དུ་གླག་མི་རྙེད་པར་ ཝྃ།༔ གྱུར་ཅིག༔ དེ་དག་ཐམས་ཅད་ལས་བདག་རྣམ་པར་རྒྱལ་བར་གྱུར་ཅིག༔ སྐྱེ་བ་དང་ཚེ་རབས་ཐམས་ཅད་དུ་བདག་འོད་གསལ་རྫོགས་པ་ཆེན་པོའི་ལྟ་སྒོམ་ཕྱིན་ཅི་མ་ལོག་པའི་གནད་དོན་དང་ལྡན་ནས་ཁམས་གསུམ་འཁོར་བ་དོང་ནས་སྤྲུགས་ནུས་པར་ཤོག་ཅིག༔ དུས་དང་རྣམ་པ་ཐམས་ཅད་དུ་བདག་མི་མཐུན་པའི་ཕྱོགས་ངན་པ་ཐམས་ཅད་ལས་རྣམ་པར་རྒྱལ་ཏེ་སྙན་གྲགས་ཀྱིས་ས་སྟེང་ཐམས་ཅད་ཁྱབ་ནས་བཀྲ་ཤིས་ཕུན་སུམ་ཚོགས་པ་དང་ལྡན་པར་གྱུར་ཅིག༔ མཐར་འབྲེལ་བ་ཐོགས་པའི་སྐྱེ་འགྲོའི་ཚོགས་ཐམས་ཅད་དང་བཅས་ཏེ་ཀ་དག་གཞོན་ནུ་བུམ་སྐུའི་དགོངས་ཀློང་དུ་སངས་རྒྱས་པར་གྱུར་ཅིག༔ ཅེས་བདེན་པའི་སྟོབས་བརྗོད༔ ན་མོ་མཆོག་གསུམ་སྐུ་གསུམ་རྒྱ་མཚོའི་བདེན་པ་དང་༔ དོན་དམ་ཆོས་ཉིད་ངོ་བོ་གདོད་ནས་རྣམ་པར་དག་ཅིང་༔ ཀུན་རྫོབ་བསླུ་བ་མེད་པ་རྒྱུ་འབྲས་ཟབ་མོའི་བདེན་པའི་མཐུ་སྟོབས་ཀྱིས༔ སྨོན་ལམ་བཏབ་པ་དེ་རྣམས་ད་ལྟ་ཉིད་དུ་འགྲུབ་པར་གྱུར་ཅགི༔ ལན་བདུན་མཐར༔ བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་སྣང་མཛད་འོད་ཀྱི་རྒྱལ་པོ་ལ་ཕྱག་འཚལ་ལོ༔ བྱང་ཆུབ་སེམས་དཔའ་ཆེན་པོ་TI1601 - 643 ཀུན་ཏུ་བཟང་པོ་ལ་ཕྱག་འཚལ་ལོ༔ ཏདྱ་ཐཱ༔ པཉྩ་གྲི་ཡ་ཨ་ཝ་བོ་དྷ་ན་ཡེ་སྭཱ་ཧཱ༔ ལན་བདུན་བརྗོད༔ དཀོན་མཆོག་གསུམ་གྱི་བདེན་པ་དང་༔ འཇམ་པའི་དབྱངས་ཀྱི་ཤེས་རབ་དང་༔ སྤྱན་རས་གཟིགས་ཀྱི་ཐུགས་རྗེ་དང་༔ ཕྱག་ན་རྡོ་རྗེའི་མཐུ་སྟོབས་དང་༔ སངས་རྒྱས་སྟོང་གི་ཐུགས་བསྐྱེད་ཀྱིས༔ སྨོན་ལམ་བཏབ་པ་དེ་རྣམས་འགྲུབ་གྱུར་ཅིག༔ ལན་བདུན་བརྗོད༔ གཞན་ཡང་སྨོན་ལམ་འགྲུབ་པའི་བདེན་ཚིག་ཅི་མང་བརྗོད༔ འདི་ནི་རྟག་ཏུ་མ་ཆགས་པར༔ བརྗོད་པའི་སྐྱེས་བུ་ལས་ཅན་ཀུན༔ སྐྱེ་བ་ཚེ་རབས་ཐམས་ཅད་དུ༔ འགྲོ་བ་འདྲེན་པའི་དཔལ་ཐོབ་སྟེ༔ མཐར་ཐུག་རྣམ་མཁྱེན་སངས་རྒྱས་ཐོབ༔ འདི་བརྗོད་ཚང་བར་མ་རྫོགས་བར༔ མི་ཚིག་གཅིག་ཀྱང་བརྗོད་མི་བྱ༔ ཨོ་རྒྱན་པདྨ་ཐོད་ཕྲེང་ངས༔ ཟབ་གསང་མཁའ་འགྲོའི་སྙིང་ཐིག་རྣམས༔ ཉམས་སུ་ལེན་པའི་བརྒྱུད་འཛིན་ལ༔ གཅེས་ནོར་མཆོག་ཏུ་བཀོད་ནས་བཞག༔ རིག་འཛིན་དགོངས་པའི་རྒྱས་གདབ་ཡོད༔ འགྲུབ་པར་འགྱུར་བར་གདོན་མི་ཟ༔ བཀའ་སྲུང་མ་མོ་ནག་མོས་སྲུངས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མཐར་རང་སློབ་ཆོས་བདག་རྣམས་ཀྱི་དོན་དུ་གཏན་ལ་ཕབ་སྟེ་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ །དགེའོ། །དགེའོ།། ། T11601 - 644 ༄༅། །ཨོཾ་སྭསྟི། སྤྲུལ་པའི་གཏེར་ཆེན་བདུད་འཇོམས་གླིང་པའི་ཟབ་གཏེར་ཟབ་གསང་མཁའ་འགྲོའི་སྙིང་ཐིག་གི་ཆོས་སྡེ་ལས། གླེགས་བམ་ཀ༽ པ་འདིར། ཐོག་མར། ཟབ་གསང་མཁའ་འགྲོའི་སྙིང་ཐིག་གི་ཁ་བྱང་གསལ་བའི་ཨ་དརྴ་ལྡེབ ༡༢ སྙིང་གཏམ་བདུད་རྩིའི་ཐིག་པ་ལྡེབ་༧ ཨོ་རྒྱན་རིན་པོ་ཆེའི་རྣམ་ཐར་མཐོང་བ་རང་གྲོལ་ལྡེབ་༤༠ ཨོ་རྒྱན་ཆེ་མཆོག་པདྨ་རྒྱལ་པོ་ལ་གསོལ་འདེབས་ཐུགས་དམ་རྒྱུད་བསྐུལ་ལྡེབ ༣ བླ་བརྒྱུད་གསོལ་འདེབས་བྱིན་རླབས་ཆར་འབེབས་