Tibetan
གསུམ་སྣང་ཞིང་སྲིད་པའི་ཚོགས༔ ཕྱི་ནང་གསང་མཆོད་སྤྲིན་དུ་ཤར༔ ཡེ་ཤེས་རོལ་པའི་ལྷ་ལ་འབུལ༔ འཁོར་འདས་དག་མཉམ་ཆེན་པོར་རོལ༔ མ་ཧཱ་སརྦ་པཉྩ་པཱུ་ཙ་གྷ་ཎ་ཙཀྲ་པཱུ་ཛ་ཧོཿ དེ་ནས་བསྟོད་པ་བྱ་བ་ལ༔ ཧཱུྃ༔ དུས་གསུམ་བདེ་བར་གཤེགས་པ་ཆོས་ཀྱི་སྐུ༔ ལྷུན་གྲུབ་ལོངས་སྤྱོད་རྫོགས་སྐུའི་བཀོད་པ་ངོམས༔ གདུལ་དཀའ་འདུལ་མཛད་ཐབས་ཀྱིས་གཟུགས་སྐུར་སྟོན༔ རྩ་གསུམ་རྒྱལ་བ་རྒྱ་མཚོའི་ཚོགས་ལ་བསྟོད༔ དེ་ནས་བཤགས་པ་བྱ་བ་ལ༔ ཧོཿ རྩ་གསུམ་རྒྱལ་བ་རྒྱ་མཚོའི་སྤྱན་སྔ་རུ༔ བདག་གི་སྒོ་གསུམ་མ་རིག་དབང་གྱུར་པས༔ མི་དགེ་སྡིག་པའི་ལས་རྣམས་ཅི་བགྱིས་པ༔ མི་འཆབ་མི་སྦེད་གནོང་འགྱོད་སེམས་ཀྱིས་བཤགས༔ ཡི་གེ་བརྒྱ་པ་ཅི་འགྲུབ་བརྗོད༔ དེ་ནས་བསྙེན་པ་བཟླ་བ་ལ༔ ཧཱུྃ༔ སྒོ་གསུམ་རྡོ་རྗེ་གསུམ་གྱི་རོལ་པ་རུ༔ གསལ་བའི་ཐུགས་ཀར་དྭངས་མའི་ཐིག་ལེའི་ཀློང་༔ རིག་པ་ཧཱུྃ་ལ་སྔགས་ཀྱི་ཕྲེང་བས་བསྐོར༔ འོད་ཀྱིས་ཡེ་ཤེས་ ཝྃ།༔ དཔག་མེད་སྤྱན་དྲངས་བསྟིམས༔ ཨོཾ་ཨཱཿ ཧཱུྃ་བཛྲ་གུ་རུ་དྷེ་ཝ་ཌཱ་ཀི་ནཱི་སརྦ་སིདྡྷི་ཕ་ལ་ཧཱུྃ༔ དེ་ནས་སྒྲུབ་པ་བྱ་བ་ལ༔ ཧཱུྃ༔ དུས་གསུམ་རྒྱལ་བ་སྲས་བཅས་ཀྱི༔ ཡེ་ཤེས་ཡོན་ཏན་དབང་བྱིན་རླབས༔ དངོས་གྲུབ་མ་ལུས་ཇི་སྙེད་པ༔ འོད་ལྔའི་རྣམ་པར་བསྡུས་ཏེ་བསྟིམ༔ ཨོཾ་ཨཱཿ ཧཱུྃ་གུ་རུ་དྷེ་ཝ་ཌཱ་ཀི་ནཱི་སརྦ་སིདྡྷི་ཕ་ལ་ཧཱུྃ༔ དེ་ནས་ལས་སྦྱོར་བྱ་བ་ལ༔ རང་ཉིད་གདན་གསུམ་ཚང་བའི་ལྷའི༔ ཐུགས་ཀའི་སྔགས་ལས་འོད་འཕྲོས་པས༔ སེམས་ཅན་ཀུན་གྱི་སྒྲིབ་པ་སྦྱངས༔ འཁོར་འདས་གཟི་བྱིན་བདག་ལ་བསྡུས༔ ཚེ་བསོད་དཔལ་འབྱོར་རབ་རྒྱས་ཏེ༔ ཁམས་གསུམ་དཔལ་ཡོན་དབང་དུ་བསྡུས༔ དགྲ་བགེགས་གནོད་བྱེད་མ་ལུས་པ༔ སྦུར་མ་མེ་ལ་བསྲེགས་བཞིན་བསྒོམ༔ ཨོ་ཨཱཿ ཧཱུྃ་བཛྲ་གུ་རུ་དྷེ་ཝ་ཌཱ་ཀི་ནཱི་སརྦ་སིདྡྷི་ཕ་ལ་ཧཱུྃ༔ ཤཱནྟིཾ་པུཥྚི་པཱ་ཤཾ་མཱ་ར་ཡ་ཕཊ༔ སྨྲ་བཅད་གྲངས་བསྙེན་བྱེ་བ་བཅུ༔ སྒྲུབ་སྔགས་བྱེ་བ་གཅིག་དང་ནི༔ ལས་སྦྱོར་འབུམ་གྱིས་འགྲུབ་འགྱུར་རོ༔ རྟགས་ཀྱི་རིམ་པ་འདི་ལྟ་སྟེ༔ ནམ་མཁའ་སྤྲིན་དང་བྲལ་བ་དང་༔ ཉི་ཟླ་ཤར་དང་ལོ་ཏོག་དང་༔ མེ་ཏོག་པད་ཚལ་རྒྱས་པ་དང་༔ མཁའ་ལ་འཕུར་དང་རི་རྩེར་འཛེག༔ བདུད་རྩི་བྷན་ཆང་རོལ་བ་དང་༔ ཉམས་རྟོགས་གསར་དུ་སྐྱེ་བ་རྣམས༔ འགྲུབ་པའི་ལྟས་སུ་ཤེས་པར་བྱ༔ བསྒོམ་དང་བཟླས་པའི་གནད་ལྡན་ན༔ ཚེ་འདིར་གྲོལ་བ་ངེས་པར་ཐོབ༔ བཀའ་སྲུང་གནོད་སྦྱིན་ཆེན་པོས་སྲུངས༔ དམ་ཉམས་ལག་ཏུ་ཤོར་ར་རེ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ གུ་ཧྱ༔ ཨ་ཐམ་རྒྱ༔ ཞེས་པ་འདི་ཉིད་ཁྲག་འཐུང་བདུད་འཇོམས་རྡོ་རྗེས་གསེར་སྨད་རྔ་ལ་སྟག་རྩེའི་གཡས་ལོགས་ཤྭ་བྲག་རྡོ་རྗེ་ནས་གཏེར་ནས་བཏོན་ཏེ་མི་ལོ་སུམ་ཅུ་རྩ་བདུན་བར་དུ་བཀའ་རྒྱ་བྱས་མཐར་སློབ་བུ་འཇམ་དཔལ་གྱིས་ནན་དུ་བསྐུལ་ངོར་ལི་སྟོད་སྐལ་བཟང་དགོན་དུ་གཏན་ལ་ཕབ་པའི་ཡི་གེ་པ་ནི་རྣལ་འབྱོར་སེམས་ཉིད་རྡོ་རྗེའོ། །དགེའོ །དགེའོ། །དགེའོ། །ལེགས་སོ། །སརྦ་མངྒ་ལཾ།། །། TI1601 - 610 ཐོ།༔ ཟབ་གསང་མཁའ་འགྲོའི་སྙིང་ཐིག་ལས༔ རྩ་གསུམ་དྲིལ་སྒྲུབ་དངོས་གྲུབ་གཏེར་མཛོད་ལས༔ ཚོགས་མཆོད་འདོད་རྒུ་ཆར་འབེབས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཤན་ཏཀྵཊ྄༔ རྣལ་འབྱོར་ཉམས་ཆག་བསྐང་བ་དང་༔ ཚོགས་རྫོགས་སྒྲིབ་པ་སྦྱང་བའི་ཕྱིར༔ ཚོགས་ཀྱི་འཁོར་ལོའི་རིམ་པ་ལ༔ འབྱོར་ཚོགས་ཟས་སྣ་ཅི་རིགས་བཤམས༔ རཾ་ཡཾ་ཁཾ་གིས་དྲི་མ་སྦྱངས༔ ཨོཾ་ཨཱཿ ཧཱུྃ་གིས་འདོད་རྒུར་བསྒྱུར༔ རཾ་ཡཾ་ཁཾ༔ ཨོཾ་ཨཱཿ ཧཱུྃ༔ ཏིང་འཛིན་ནམ་མཁའ་མཛོད་ཀྱི་སྒྱུ་འཕྲུལ་ལས༔ ཚོགས་མཆོད་འདོད་རྒུ་དཔལ་ཡོན་མི་ཟད་གཏེར༔ དཔག་ཡས་ནམ་མཁའི་ཁྱོན་ཀུན་ཡོངས་གང་སྟེ༔ རབ་འབྱམས་རྒྱལ་བའི་དཀྱིལ་འཁོར་མཉེས་གྱུར་ཅིག༔ ཨོཾ་ཨཱཿཧཱུྃ༔ ལན་གསུམ་དེ་ནས་སྤྱན་འདྲེན་པ་ནི༔ ཧཱུྃ་ཧྲཱིཿ རང་སྣང་དོན་གྱི་འོག་མིན་ཆེན་པོ་ནས༔ བརྒྱུད་གསུམ་བླ་མ་རིག་འཛིན་རྒྱ་མཚོ་དང་༔ ཡི་དམ་དཔའ་བོ་མཁའ་འགྲོ་ཆོས་སྐྱོང་ཚོགས༔ ཆོས་ཀྱི་དབྱིངས་ལས་གཟུགས་ཀྱི་སྐུར་བཞེངས་ལ༔ ཞལ་ཟས་ཚོགས་ལ་སྤྱན་འདྲེན་གཤེགས་སུ་གསོལ༔ གུ་རུ་ངྷེ་ཝ་ཌཱ་ཀི་ནཱི་བཛྲ་ས་མ་ཡ་ཛ་ཛཿ དེ་ནས་ཚོགས་མཆོད་འབུལ་བ་ལ༔ ཨོཾ་ཨཱཿཧཱུྃ༔ རོ་བརྒྱ་ནུས་པ་སྟོང་དང་ལྡན་པ་ཡི༔ ཟག་མེད་བདུད་རྩི་ཞལ་ཟས་ཚོགས་མཆོད་འདི༔ རྩ་གསུམ་རྒྱལ་བའི་དཀྱིལ་འཁོར་ ཡོངས་ལ་འབུལ༔ དགྱེས་པར་དགོངས་ལ་བཞེས་པ་ཆེན་པོར་རོལ༔ གུ་རུ་དྷེ་ཝ་ཌཱ་ཀི་ནཱི་སརྦ་གྷ་ཎ་ཙཀྲ་ལ་ཁཱ་ཧི༔ དེ་ནས་བཤགས་པ་འབུལ་བ་ནི༔ ཧོཿ རྩ་གསུམ་ཆོས་སྐྱོང་སྲུང་མ དགོངས་སུ་གསོལ༔ ཚེ་རབས་ཐོག་མེད་དུས་ནས་ད་ལྟའི་བར༔ མ་རིག་དབང་གྱུར་ཉེས་བྱས་ཉམས་ཆག་ཀུན༔ ཞལ་ཟས་ཚོགས་ཀྱིས་བསྐང་ཞིང་བཤགས་བགྱིའོ༔ གྷ་ཎ་ཙཀྲ་སཏྭ་ས་མ་ཡ་སོགས༔ དེ་ནས་བསྒྲལ་མཆོད་ལ༔ ཧཱུྃ༔ མ་རིག་གཟུང་འཛིན་རཱུ་ཏྲ་ཀུན༔ བདག་མེད་བརྟུལ་བཞུགས་ཆེན་པོས་བསྒྲལ༔ ཤ་ཁྲག་དོན་སྙིང་ནང་རོལ་བཅས༔ རྩ་གསུམ་སྲུང་མའི་ཞལ་དུ་བསྟབ༔ མ་ཧཱ་མཱཾ་ས་རཀྟ་ཙིཏྟ་ལ་ཁཱ་ཧི༔ དེ་ནས་ལྷག་མ་འབུལ་བ་ལ༔ ཨོཾ་ཨཱཿ ཧཱུྃ༔ བྷྱོ༔ ལྷག་ལ་དབང་བའི་ལྷག་སྐྱོང་ཚོགས༔ འདིར་གཤེགས་ལྷག་མའི་ལོངས་སྤྱོད་བཞེས༔ གཡར་དམ་གཉན་པོ་དྲན་གྱིས་ལ༔ རབ་འབྱམས་ཕྲིན་ལས་ཡོངས་གྲུབ་མཛོད༔ མ་བྷྱོ་ཛ་ཧྲཱི་ཨུཙྪིཥྚ་བ་ལིཾ་ཏ་ཁཱ་ཧི༔ དེ་ནས་ཆད་མདོ་བརྟན་སྐྱོང་ལ༔ ཧཱུྃ་བྷྱོ༔ ཆད་མདོ་དམ་ཅན་སྲུང་མའི་ཚོགས༔ བརྟན་མ་སྐྱོང་མཛད་མ་སྲིང་སྡེ༔ འདིར་གཤེགས་འདོད་ཡོན་གཏོར་མ་ལོངས༔ སྒྲུབ་ལ་བར་ཆད་དགྲ་བགེགས་ཐུལ༔ ཆད་དོན་ཇི་བཞིན་ཕྲིན་ལས་སྒྲུབས༔ སྐྱེ་འགྲོ་བདེ་ལ་ ཐོ།༔ འགོད་པར་མཛོད༔ སརྦ་ས་མ་ཡ་བ་ལིཾ་ཏ་ཁཱ་ཧི༔ དེ་ནས་བྲོ་མནན་བྱ་བ་ལ༔ ཧཱུྃ༔ བདག་རྟོག་འཁོར་བའི་འདྲེ་བོ་ཆེ༔ བདག་མེད་རོལ་པའི་དབྱིངས་སུ་མནན༔ ལྡང་མེད་རྡོ་རྗེས་བྲོ་བརྡུང་བས༔ མ་ཤོར་ཐེག་པ་རིམ་དགུས་རྒྱ༔ སྟྭཾ་བྷ་ཡ་ནན༔ དེ་ནས་དངོས་གྲུབ་བླང་བ་ལ༔ ཧཱུྃ༔ བདེ་སྟོང་རྒྱལ་བའི་དཀྱིལ་འཁོར་ལྷའི༔ གསང་གསུམ་རྡོ་རྗེའི་དབང་དངོས་གྲུབ༔ མ་ལུས་བདག་ལ་ད་སྩོལ་ཅིག༔ རྩ་སྔགས་མཐར༔ ཀཱ་ཡ་ཝཱཀ་ཙིཏྟ་སརྦ་སིདྡྷི་ཕ་ལ་ཧོཿ དེ་ནས་བསྔོ་བ་སྨོན་ལམ་ནི༔ ཧོཿ དུས་གསུམ་བསགས་པའི་དགེ་ཚོགས་ཀུན༔ མཁའ་མཉམ་སེམས་ཅན་ཡོངས་ལ་བསྔོ༔ དུག་གསུམ་རྒྱུད་འཁྲུལ་སེམས་ཅན་ཀུན༔ འབྲས་བུ་སྐུ་གསུམ་ཐོབ་པར་ཤོག༔ དེ་ནས་རྟག་ཆད་མཐའ་བསལ་ལ༔ བསྐྱེད་རིམ་ལྷར་གསལ་སྒྱུ་མ་དང་༔༷ རྨི་ལམ་སད་བཞིན་དབྱིངས་སུ་ཨཱཿ སླར་ཡང་མཁའ་ལས་འཇའ་ཚོན་བཞིན༔ ཡེ་ཤེས་སྒྱུ་མའི་ལྷ་སྐུར་ལྡང་༔ རྩ་སྔགས་བརྗོད༔ ཧཱུྃ༔ ཆོས་སྐུ་ནམ་མཁའ་ལྟ་བུ་ལས༔ ལྷུན་གྲུབ་ལོངས་སྐུའི་བཀོད་པ་ངོམས༔ ཐུགས་རྗེ་རང་གདངས་སྤྲུལ་སྐུར་ཤར༔ རྫོགས་པ་ཆེན་པོའི་བཀྲ་ཤིས་ཤོག༔ འདི་བཞིན་ཉམས་ལེན་ལ་བརྩོན་ན༔ ཉམས་ཆག་ཉེས་ལྟུང་ཀུན་བྱང་ནས༔ བསྒྲུབ་པའི་ འབྲས་བུ་མངོན་དུ་འགྱུར༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གུ་ཧྱ༔ ཞེས་པ་འདི་སློབ་བུ་འཇམ་དཔལ་དང་སེམས་ཉིད་རྡོ་རྗེ་གཉིས་ཀྱིས་བསྐུལ་བ་དོན་ཡོད་པའི་ཕྱིར། བདུད་འཇོམས་རྡོ་རྗེས་གཏན་ལ་ཕབ་པའོ། །སརྦ་མངྒ་ལཾ།། །། ༄ དུད་འཇོམས་རྩ་གསུམ་དུད་འཇོམས་རྩ་གསུམ་T11601 - 614 ཚོགས་ཀྱི་བསྐང་བ་འདོད་ཡོན་ཀུན་ཁྱབ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ རྩ་གསུམ་ཐུགས་དམ་བསྐང་བ་ལ༔ ཚོགས་ཀྱི་ལོངས་སྤྱོད་ཕུད་དུ་བཤམས༔ ཨོཾ་ཨཱཿ ཧཱུྃ་གིས་བདུད་རྩིར་བསྒྱུར༔ ཧ་ཧོ་ཧྲཱིཿ ཡིས་འདོད་རྒུར་སྤེལ༔ དེ་ནས་བསྐང་མཆོད་རིམ་པ་ལ༔ ཧཱུྃ་ཧྲཱིཿ ཆོས་དབྱིངས་སྤྲོས་པ་བྲལ་བའི་གཞལ་ཡས་ནས༔ ཆོས་སྐུའི་དཀྱིལ་འཁོར་རྒྱ་མཚོའི་ཐུགས་དམ་བསྐང་༔ གཞི་དང་སྙིང་པོ་མེ་ཏོག་བརྒྱན་ཞིང་ནས༔ ལོངས་སྐུའི་དཀྱིལ་འཁོར་རྒྱ་མཚོའི་ཐུགས་དམ་བསྐང་༔ སྟོང་གསུམ་མི་མཇེད་སྤྲུལ་པའི་ཞིང་ཁམས་ནས༔ སྤྲུལ་སྐུའི་དཀྱིལ་འཁོར་ཡོངས་ཀྱི་ཐུགས་དམ་བསྐང་༔ སྐུ་དང་ཡེ་ཤེས་རབ་རྫོགས་གཞལ་ཡས་ནས༔ དུས་གསུམ་སངས་རྒྱས་རྣམས་ཀྱི་ཐུགས་དམ་བསྐང་༔ མ་དག་སྣང་བ་དག་དབྱིངས་དྭངས་མ་རུ༔ སྦྱོང་མཛད་དམ་པའི་ཆོས་ཀྱི་ཐུགས་དམ་བསྐང་༔ ལུང་དང་རྟོགས་པའི་ཡོན་ཏན་གྱིས་བརྒྱན་པའི༔ འཕགས་པའི་དགེ་འདུན་རྣམས་ཀྱི་ཐུགས་དམ་བསྐང་༔ རང་སྣང་དོན་གྱི་འོག་མིན་གཞལ་ཡས་ནས༔ བརྒྱུད་གསུམ་རིག་འཛིན་བླ་མའི་ཐུགས་དམ་བསྐང་༔ བདག་ལྟའི་རཱུ་ཏྲ་བསྒྲལ་བའི་དུར་ཁྲོད་ནས༔ ཡི་དམ་རྒྱལ་བའི་དཀྱིལ་འཁོར་ཐུགས་དམ་བསྐང་༔ གནས་མཆོག ཨང་ ཉེར་བཞི་ཡུལ་ཆེན་སོ་གཉིས་དང་༔ ཧེ་རུའི་གནས་བཅུ་དུར་ཁྲོད་གནས་བརྒྱད་ན༔ བཞུགས་པའི་དཔའ་བོ་དང་ནི་རྣལ་འབྱོར་མ༔ ཆོས་སྐྱོང་ཞིང་སྐྱོང་རྒྱ་མཚོའི་ཐུགས་དམ་བསྐང་༔ ཡེ་ཤེས་དབྱིངས་དང་དབྱིངས་སུ་བཞུགས་པ་ཡི༔ སྔགས་སྲུང་དབྱིངས་ཀྱི་རྗེ་མོ་ཨེ་ཀ་ཛཿ སྤྲུལ་པ་ཡང་སྤྲུལ་བཅས་པའི་ཐུགས་དམ་བསྐང་༔ དཔལ་ལྡན་སྔགས་ཀྱི་བདག་མོ་རེ་མ་ཏཱི༔ སྲིད་པ་མ་མོའི་ཚོགས་ཀྱི་ཐུགས་དམ་བསྐང་༔ ཡེ་ཤེས་འཇིག་རྟེན་བཀའ་སྲུང་དྲེགས་པ་ཅན༔ ནོར་ལྷ་གཏེར་བདག་རྣམས་ཀྱི་ཐུགས་དམ་བསྐང་༔ སྣང་སྲིད་ཁམས་ལ་དབང་མཛད་ཆོ་འཕྲུལ་བདག༔ སྟོང་གསུམ་ཡུལ་ལྷ་གཞི་བདག་ཐུགས་དམ་བསྐང་༔ ཚེ་རབས་ལས་དང་ད་ལྟ་སྐྱོབ་པའི་ལྷ༔ བསྒྲུབ་དང་རང་འཁོར་སྲུང་མའི་ཐུགས་དམ་བསྐང་༔ འགྲོ་བ་རིགས དྲུག་སྣང་སྲིད་ལྷ་འདྲེ་དང་༔ ལན་ཆགས་བདག་པོ་བདག་མོའི་ཐུགས་དམ་བསྐང་༔ ཀུན་ཀྱང་ཞལ་ཟས་རོ་བརྒྱའི་ཚོགས་ལ་རོལ༔ ཟག་མེད་བདེ་སྟོང་བདུད་རྩིའི་ཚོགས་ལ་རོལ༔ ཤ་ཁྲག་དམར་གྱིས་བརྒྱན་པའི་ཚོགས་ལ་རོལ༔ དཀར་གསུམ་མངར་གསུམ་བདུད་རྩིའི་ཚོགས་ལ་རོལ༔ ཡིད་བཞིན་འདོད་པ་འཇོ་བའི་ཚོགས་མཆོད་འདིས༔ འཁོར་འདས་ཡོངས་ཀྱི་ ག དགྱེས་པ་བསྐང་གྱུར་ཅིག༔ ཡེ་ཤེས་འཇིག་རྟེན་བཀའ་སྲུང་དམ་ཅན་རྣམས༔ དམ་རྫས་བདུད་རྩིའི་ཚོགསམཆོད་འདི་བཞེས་ལ༔ སྒྲུབ་ལ་བར་དུ་གཅོད་པའི་0 དགྲ་འདྲེ་དང་༔ སྔོན་ལས་འཕྲལ་རྐྱེན་ལས་བྱུང་གནོད་བྱེད་ཀུན༔ མ་ལུས་ཐལ་བའི་རྡུལ་བཞིན་བརླག་པར་མཛོད༔ གང་བསམ་འདོད་དོན་འབད་མེད་ལྷུན་གྲུབ་ཅིང་༔ ཚེ་སྒྲུབ་མཐར་ཕྱིན་ཡང་དག་ས་རུ་སྐྱོལ༔ བཀའ་དང་དམ་ཚིག་གཉན་ལ་མ་འདའ་བར༔ བཅོལ་བའི་ཕྲིན་ལས་མྱུར་དུ་འགྲུབ་པར་མཛོད༔ ཅེས་གཙང་ཕུད་ཕྱི་རོལ་དུ་དོར༔ ས་མ་ཡ༔ ཨྠི༔ ཞེས་པ་འདི་ཡང་བདུད་འཇོམས་རྡོ་རྗེས་ནམ་མཁའ་མཛོད་ལས་བསྒྱུར་བའོ། །། ས 613 T11601 - 617 T1601 - 618 ཟབ་གསང་མཁའ་འགྲོའི་སྙིང་ཐིག་ལས༔ དཔལ་དགུ་གཅིག་དྲིལ་གྱི་ངོ་བོ་ནག་པོ་ཏི་པ་ར་ཛ་ལ་བརྟེན་ནས་འཆི་བ་བསླུ་བའི་མན་ངག་གཤིན་རྗེའི་ཞགས་པ་གཅོད་པའི་སྤུ་གྲི་བཞུགས་སོ༔ T11601 - 619 ཝྃ༔ ན་མོ་གུ་རུ་པདྨ་ཀ་ར་ཡེ༔ ཎྱཱནྱརྦཏོ་དྷབྷ།༔ འཆི་བ་བསླུ་བའི་མན་ངག་ལ༔ དུག་ཁྲག་བག་ཟན་ཁམ་ས་རྣམས༔ བསྲེས་པའི་སྡིག་པ་ར་ཙ་ནི༔ མགོ་དགུ་རྭ་ནི་བཅོ་བརྒྱད་པ༔ ལུས་པོ་མིག་གིས་གང་བ་བཅའ༔ འབུལ་རྫས་ཕོ་ཏང་མོ་ཏང་དང་༔ མདའ་འཕང་ཆངས་གླུད་ཤ་དུམ་སོགས༔ འབྲས་ཆན་དར་ཟབ་མང་དུ་བསགས༔ དེ་ནས་བདག་མདུན་ཡི་དམ་ལྷ༔ རྟེན་དང་བརྟེན་པ་ཡོངས་རྫོགས་སུ༔ བསྐྱེད་ཅིང་བསྒོམ་པའི་གནད་ལྡན་ཏེ༔ སྐད་ཅིག་གིས་མདུན་གྱི་སྡིག་གཟུགས་མི དམིགས་པ་སྟོང་པ་ཉིད་དུ་གྱུར༔ སྟོང་པའི་ངང་ལས་བདག་མདུན་གྱི་དཀྱིལ་འཁོར་ལྷ་ཚོགས་ཐམས་ཅད་ཀྱི་ཐུགས་ཀ་ནས་འོད་ཕུང་ཁ་དོག་ལྔ་T11601 - 620 མཝྃ༔ ལྡན་འཇའ་སྤྲིན་འཐིབས་པ་ལྟ་བུའི་རྣམ་པར་བྱུང་ནས་མདུན་དུ་འདུས་པར་བསམ༔ ཁམས་གསུམ་སྣོད་བཅུད་ཐམས་ཅད་ཀྱི་ངོ་བོ་ཧཱུྃ་མཐིང་གཅིག་ཏུ་དྲིལ་ཏེ་མདུན་གྱི་འོད་ཕུང་དང་འདྲེས་པ་ལས་ལྕགས་ཀྱི་སྡིག་པ་ནག་པོ་ཁ་དགུ་མགོ་དགུ་རྭ་བཅོ་བརྒྱད་ཡོད་པ་མགོ་ལུས་མེད་པར་མིག་དང་གཉེར་མས་གང་བ་ཁམས་གསུམ་ཧུབ་ཀྱིས་འདེབས་ཤིང་སྲིད་གསུམ་ཟས་སུ་ཟ་བ་འཆི་བདག་གཤིན་རྗེ་ལ་སོགས་པ་སྣང་ཞིང་སྲིད་པའི་ལྷ་འདྲེ་ཐམས་ཅད་ཀྱི་སྲོག་སྙིང་ནུས་མཐུ་ཐམས་ཅད་ཀྱི་ངོ་བོ་གཅིག་ཏུ་དྲིལ་བའི་བདག་ཉིད་དུ་བསྐྱེད་དོ༔ དེ་ལས་འོད་དང་འོད་ཕུང་T11601 - 621 དཔག་ཏུ་མེད་པ་འཕྲོས་པས་དུས་གསུམ་གྱི་རྒྱལ་བ་ཞི་ཁྲོ་རབ་འབྱམས་ཐམས་ཅད་དང་༔ ཡེ་ཤེས་དང་འཇིག་རྟེན་གྱི་བཀའ་སྲུང་དམ་ཅན་རྒྱ་མཚོ་མ་ལུས་ཤིང་ལུས་པ་མེད་པའི་ཕྲིན་ལས་མཐུ་སྟོབས་ནུས་པ་ཐམས་ཅད་འོད་ཕུང་གི་རྣམ་པར་བསྡུས་ཏེ་སྡིག་པ་ལ་ཐིམ༔ ཡང་འོད་འཕྲོས་པས་འཆི་བདག་ལས་ཀྱི་གཤིན་རྗེ་ལ་སོགས་པའི་སྣང་ཞིང་སྲིད་པའི་ལྷ་འདྲེ་ཐམས་ཅད་ཀྱི་སྲོག་སྙིང་ནུས་མཐུ་ཐམས་ཅད་བསྡུས་ཏེ་ཐིམ་པར་གྱུར༔ དེ་ནས་སྤྱན་འདྲེན་པ་ནི༔ ཧཱུྃ༔ སྔོན་གྱི་བསྐལ་པ་དང་པོ་ལ༔ ཀུན་ཏུ་གསལ་བའི་ཉིན་སྣང་ལས༔ མུན་པ་ནག་པོའི་བསྐལ་པ་བྱུང་༔ དཀར་ནག་འཐབ་པའི་ཆོ་འཕྲུལ་ལས༔ དག་དང་མ་དག་སྣ་ཚོགས་པའི༔ སྣ་ཚོགས་སྣང་བ་ཅིར་ཡང་སྣང་༔ མ་རིག་འཁོར་བའི་སྡུག་བསྔལ་དང་༔ འཁྲུལ་སྣང་དབྱིངས་སུ་གཞིག་པའི་ཕྱིར༔ ཡེ་ཤེས་སྒྱུ་འཕྲུལ་དྲྭ་བ་ཡི༔ རྟེན་དང་བརྟེན་པའི་འཁོར་ལོར་ཤར༔ དེ་འོག་བར་གྱི་བསྐལ་པ་ལ༔ མ་རིག་གསུམ་དང་ཉོན་མོངས་ལྔ༔ འཁྲུལ་པའི་སྣང་སྲིད་ལྷ་འདྲེ་སྲིད༔ འདུལ་ཕྱིར་དྲག་པོ་རིགས་ལྔ་དང་༔ སྒྲུབ་སྡེ་བརྒྱད་ཀྱི་དཀྱིལ་འཁོར་ཤར༔ དེ་འོག་བསྐལ་པའི་ཐ་མ་ལ༔ ཡེ་ཤེས་དབྱིངས་ཀྱི་སྒྱུ་འཕྲུལ་ལྷའི༔ སྤྲུལ་པ་འགོང་པོ་སྤུན་དགུའི་སྡེ༔ ཝྃ༔ དབང་བསྒྱུར་འཇོམས་ཤིང་འདུལ་བྱེད་པ༔ ཟ་བྱེད་ལྕགས་སྡིག་ནག་པོ་ཡི༔ ཕྲིན་ལས་མངོན་སྤྱོད་དཀྱིལ་འཁོར་ཤར༔ བཞེངས་ཤིག་བཞེངས་ཤིག་སྐུ བཞེངས་ཤིག༔ དབྱིངས་ནས་སྐུར་བཞེངས་དུས་ལ་བབ༔ ཕྲིན་ལས་མཛད་པའི་དུས་ལ་བབ༔ ཁམས་གསུམ་དབང་དུ་བསྒྱུར་བ་དང་༔ ཐོགས་མེད་ཕྲིན་ལས་རྩལ་ཤུགས་སྐྱེད༔ གདུག་པའི་དགྲ་བགེགས་གནོད་བྱེད་ཀྱི༔ བློ་ཡིད་སེམས་གསུམ་དབང་བསྒྱུར་ལ༔ བར་ཆད་དབང་གྱུར་སེམས་ཅན་འདི༔ འཆི་བདག་ཁ་ནས་འཕྲོག་པ་དང་༔ གཤེད་མའི་ལག་ནས་བསླུ་བར་མཛོད༔ མ་གཡེལ་མ་འགྱངས་སྐུ་བཞེངས་ཤིག༔ མ་ཐོགས་མྱུར་དུ་གཤེགས་སུ་གསོལ༔ སརྦ་མ་ཧཱ་གུ་རུ་དྷེ་ཝ་ཌཱ་ཀི་ནཱི་ཛྙཱ་ན་དྷཱ་ཏུ་ནག་པོ་ཏི་པ་ར་ཙ་ས་མ་ཡ་ཛ་ཛཿ དེ་ནས་བཞུགས་སུ་གསོལ་བ་ནི༔ ཧཱུྃ༔ དུས་གསུམ་རྒྱལ་བའི་ཕྲིན་ལས་བདག༔ ཁམས་གསུམ་འཁོར་བའི་དབང་ཕྱུག་ཆེ༔ སྣང་སྲིད་ལྷ་འདྲེ་ཡོངས་ཀྱི་བླ༔ འདིར་གཤེགས་འདིར་བཞུགས གསན་ཅིང་དགོངས༔ བདག་ཅག་སྔགས་འཆང་རྣལ་འབྱོར་གྱིས༔ མཆོད་སྦྱིན་བཞེས་ལ་བསྒོ་བའི་བཀའ༔ ཉན་ཅིང་ཅི་བཞིན་སྒྲུབ་པར་གྱིས༔ དེ་ནས་གླུད་དུ་འབུལ་བ་ནི༔ ཧཱུྃ༔ ཞི་ཁྲོ་ སྤྲུལ་པའི་ཕོ་ཉ་གསོན༔ བཀའ་སྲུང་ཡོངས་ཀྱི་རྒྱལ་པོ་ཉོན༔ སྡེ་བརྒྱད་ཡོངས་ཀྱི་དབང་ཕྱུག་ཉོན༔ སྣང་སྲིད་ལྷ་འདྲེའི་སྤྱི་དཔལ་ཉོན༔ མཐོང་ལྡན་ཀུན་གྱི་མིག་གིས་ལྟོས༔ ཀུན་གྱིས་མ་རིག་མ་སྨྲ་ཞིག༔ ཐོས་ལྡན་རྣ་བའི་དབང་པོས་ཉོན༔ ཀུན་གྱིས་མ་ཚོར་མ་སྨྲ་ཞིག༔ ཕམ་རྒྱལ་འཐབ་རྩོད་མེད་པར་ལོངས༔ སུས་ཀྱང་མ་ཐོབ་མ་སྨྲ་ཞིག༔ ༔ ང་ནི་ཀུན་ཏུ་བཟང་པོ་སྟེ༔ ང་ནི་སྤྱི་དཔལ་ཆེན་པོའི་མཆོག༔ ང་ནི་པདྨ་དྲག་པོ་རྩལ༔ འཁོར་འདས་ཡོངས་ཀྱི་ཆེ་བཙན་མཆོག༔ འཁོར་འདས་ཡོངས་ཀྱི་དབང་ཕྱུག་ལགས༔ མི་གནས་ཆོས་ཀྱི་དབྱིངས་ནས་བཞེངས༔ མི་འགྱུར་ནམ་མཁའི་རྡོ་རྗེ་སྟེ༔ ཆོས་ཀྱི་དབྱིངས་ནས་བཞེངས་པའི་དོན༔ གང་དང་ཅི་ཡི་དོན་ཕྱིར་ན༔ རྒྱུ་སྦྱོར་སྦྱིན་པའི་བདག་པོ་དང་༔ སྣང་ཞིང་སྲིད་པའི་ལྷ་འདྲེ་རྣམས༔ འཁོན་དང་རྩོད་པ་འཐབ་འཁྲུགས་རྣམས༔ བསྡུམ་དང་དབྱེ་དང་བྱེ་བྲལ་གྱི༔ ཐབས་སུ་བུ་ལོན་འཇལ་བ་དང་༔ ལན་ཆགས་གསོད་ཅིང་མཁོན་པ་བསྡུམ༔ ཕན་ཚུན་བྱམས་བརྩེ་མཐུན་པར་བཅོས༔ དེ་ཕྱིར་ཀུན་ཀྱང་དམ་ལ་འདུས༔ ཀུན་ཀྱང་བཀའ་ལ་ཉན་པར་གྱིས༔ ཀྱེེ༔ འཆི་བདག་ལས་ཀྱི་གཤིན་རྗེ་སོགས༔ སྣང་ཞིང་སྲིད་པའི་ལྷ་འདྲེ་ ཛོཾ།༔ ལ༔ འདོད་རྒུའི་དཔལ་ཡོན་ནམ་མཁའ་མཛོད༔ མི་ཟད་རྒྱན་གྱི་འཁོར་ལོར་འབུལ༔ ཅེས་འབུལ་རྫས་རྣམས་བྲན་ཏེ༔ ཨོཾ་སྭ་བྷཱ་ཝ་སོགས་གླུད་རྫས་རྣམས་སྟོང་པ་ཉིད་དུ་གྱུར༔ སྟོང་པའི་ངང་ལས་རིན་པོ་ཆེའི་སྣོད་ཡངས་ཤིང་རྒྱ་ཁྱོན་དཔག་ཏུ་མེད་པའི་སྣོད་དུ་ཨོཾ་ཨཱཿ ཧཱུྃ་གསུམ་འོད་དུ་ཞུ་བ་ལས་བྱུང་བའི་སྣང་ཞིང་སྲིད་པའི་ལྷ་འདྲེ་ལན་ཆགས་བདག་པོ་བདག་མོ་ཐམས་ཅད་ཀྱི་དབང་པོ་སོ་སོའི་སྤྱོད་ཡུལ་དུ་གཟུགས་མཛེས་ཤིང་ཡིད་དུ་འོང་བ༔ སྒྲ་སྙན་པ་སྣ་ཚོགས་ཀྱིས་ཡིད་འཕྲོག་པ༔ དྲི་ཞིམ་པ་སྣ་ཚོགས་ཀྱིས་རྨུག་པ་དྭངས་ཤིང་༔ འཐུམ་བརྒྱལ་སངས་པ༔ རོ་བརྒྱ་ནུས་པ་སྟོང་དང་ལྡན་པའི་ཁ་ཟས་ཕུན་སུམ་ཚོགས་པས་བློ་ཡིད་ཚིམ་ཞིང་ཟག་མེད་ཀྱི་བདེ་བའི་རོས་རྟག་ཏུ་མྱོས་པར་བྱེད་པ༔ མདོར་ན་ཡིད་ལ་གང་ཤར་ཞིང་སེམས་ལ་གང་བསམ་པ་ཐམས་ཅད་སྐད་ཅིག་གིས་འབྱུང་ཞིང་རྒྱས་པར་བྱེད་པའི་བདག་ཉིད་ཅན་དུ་གྱུར༔ ཨོཾ་ཨ་ཀཱ་རོ་སོགས་ལན་གསུམ་དང་ནམ་མཁའ་མཛོད་སྔགས་ལན་བདུན༔ ཀྱེེ༔ ཚེ་རབས་འཁོར་བ་ཐོག་མེད་ནས༔ ལས་ཀྱིས་འབྲེལ་བའི་ཕ་དང་མར༔ སྣང་ཞིང་སྲིད་པའི་ལྷ་འདྲེ་ལ༔ སྦྱིན་བདག་མི་ནོར་འཁོར་བཅས་ཀྱི༔ ཤ་ཡི་རིན་དང་ཁྲག་གི་ཚབས༔ བླ་ཡི་གླུད་དང་སྲོག་གི་ཚབས༔ ཕུང་ཁམས་སྐྱེ་མཆེད་དབང་པོ་ཡི༔ རིན་དང་ཚབས་སུ་འབུལ་བ་ནི༔ ཕོ་ཏང་དཔའ་བོའི་འགྱིང་སྟབས་ཅན༔ སྐྱེས་པ་ཕོ་ཡི་གླུད་དུ་འབུལ༔ མོ་ཏང་མཛེས་སྡུག་ལྡེམ་པ་འདི༔ ཟ་མ་མོ་ཡི་གླུད་དུ་འབུལ༔ ཉག་ཕྲན་མདའ་དར་མཛེས་ལྡན་འདི༔ བྱིས་པ་ཆུང་ངུའི་གླུད་དུ་འབུལ༔ འཕང་ཕྲན་གྲུ་གུས་བརྒྱན་པ་འདི༔ བུད་མེད་དར་མའི་གླུད་དུ་འབུལ༔ གོས་ཕྲུག་དར་ཟབ་སྟག་གཟིག་རས༔ ལོངས་སྤྱོད་ནོར་གྱི་གླུད་དུ་འབུལ༔ རྒྱུ་སྦྱོར་སྦྱིན་པའི་བདག་པོ་འདི༔ འཆི་བདག་གཤིན་རྗེའི་ལག་ནས་བསླུ༔ སྣང་སྲིད་ལྷ་འདྲེའི་ལག་ནས་བསླུ༔ བཟུང་བ་ཐོངས་ལ་བཅིངས་པ་ཁྲོལ༔ བསྡམ་པ་ཀློད་ལ་མནན་པ་ཐེག༔ དགའ་མགུ་ཡི་རང་ཚིམས་གྱུར་ཅིག༔ མཚན་བཞིའི་སྔགས་དང་བཅས་པས་ཅི་མང་ཕུལ་མཐར༔ ན་མོ༔ དཀོན་མཆོག་གསུམ་དང་རྩ་གསུམ་ཆོས་སྐྱོང་སྲུང་མའི་བདེན་པ་དང་༔ དོན་དམ་ཆོས་ཉིད་ངོ་བོ་གདོད་ནས་དག་ཅིང་༔ ཀུན་རྫོབ་རྟེན་འབྲེལ་བསླུ་བ་མེད་པ་རྒྱུ་འབྲས་ཟབ་མོའི་བདེན་པའི་མཐུ་བྱིན་གྱིས་བདག་ཅག་དཔོན་སློབ་མི་ནོར་འཁོར་དང་བཅས་པ་རྣམས་ལ་གནོད་ཅིང་འཚེ་བར་བྱེད་པའི་ཕོ་གདོན་མོ་གདོན་ཀླུ་གདོན་གཤིན་རྗེའི་བྱད་ཁ་ཆག་ཆེ་ཉམ་ང་༔ ཉིན་གྱི་ ཛོཾ།༔ ལྟས་ངན་པ༔ མཚན་གྱི་རྨི་ལམ་ངན་པ༔ མོ་དང་རྩིས་ངན་པ༔ སྔོན་གྱི་ལས་ངན་པ་དང་༔ འཕྲལ་གྱི་རྐྱེན་ངན་པ་དང་༔ མདོར་ན་མི་མཐུན་པའི་ཕྱོགས དང་མི་འདོད་པའི་ཉེ་བར་འཚེ་བ་ཐམས་ཅད་ཞི་བར་གྱུར་ཅིག༔ དུས་མ་ཡིན་པའི་འཆི་བ་དང་