Tibetan
多罗那他大师教言集JT293གསུར་གྱི་ལག་ལེན་ཞེས་བྱ་བ་བཞུགས་སོ།། 14-222 ༄༅། །གསུར་གྱི་ལག་ལེན་ཞེས་བྱ་བ་བཞུགས་སོ།། ༄༅། །བསུར་གྱི་ལག་ལེན་ཞེས་བྱ་བ་བཞུགས་སོ། ། ༄༅། །ༀ་སྭཱ་སྟི། དཀོན་མཆོག་གསུམ་ལ་ཕྱག་འཚལ་ལོ། །བསུར་གྱི་ལག་ལེན་འདོད་པས། སྐྱབས་སེམས་སྔོན་དུ་བཏང་ནས། ༀ་སྭ་བྷཱ་ཝ་ཤུདྡྷ་སརྦ་དྷརྨ་སྭ་བྷཱ་ཝ་ཤུདྡྷོ྅ཧཾ། གིས་སྟོང་པར་སྦྱངས། སྟོང་ པའི་ངང་ལས་བྷྲཱུཾ་ལས་བྱུང་བའི་བསུར་སྣོད་ཡངས་ཤིང་རྒྱ་ཆེ་བའི་ནང་དུ་ༀ་ལས་བྱུང་བའི་ བསུར་ལྷ་རྫས་ལས་གྲུབ་པ། ཁ་དོག་དྲི་རོ་རེག་བྱ་ཕུན་སུམ་ཚོགས་པ་དང་ལྡན་པར་གྱུར། ༀ་ ཨཱཿཧཱུཾ། གསུམ་བརྗོད་ལ། ༀ་ཨ་ས་པྲ་ཏི་སུ་ར་ཕུག་པ་སྭཱཧཱ། ཞེས་ལན་བདུན། ན་མཿསརྦ་ཏ་ཐཱ་ག་ཏ་ཨཱ་ ཝ་ལོ་ཀི་ཏེ། ༀ་སམྦྷ་ར་སམྦྷ་ར་ཧཱུཾ། ཞེས་བརྗོད་ནས། དེ་བཞིན་གཤེགས་པ་རྒྱལ་བ་རིན་ཆེན་མང་ ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་མཛེས་དམ་པ་ལ་ཕྱག་འཚལ་ལོ། །དེ་ བཞིན་གཤེགས་པ་སྐུ་འབྱམས་ཀླས་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་ ཐམས་ཅད་དང་ཡོངས་སུ་བྲལ་བ་ལ་ཕྱག་འཚལ་ལོ། །བརྗོད་ལ། བསུར་འདོད་པའི་ཡོན་ཏན་ ལྔ་དང་ལྡན་པ་འདི་ཉིད། དྲི་ཟའི་རྒྱལ་པོ་རབ་དགའ་དང་། ནམ་མཁའ་ལྡིང་དང་། མིའམ་ ཅིའི་རྒྱལ་པོ་ལྗོན་པ་རྟ་མགོ་ཅན། དྲི་ཟའི་རྒྱལ་པོ་ཟུར་ཕུད་ལྔ་པ་ལ་སོགས་པ་དྲི་ཟ་ཞིང་དྲི་ ལ་ལོངས་སྤྱོད་པའི་རིགས་སུ་གཏོགས་པ་རྣམས་ལ་འབུལ་ལོ། །དྲིའི་འདོད་པས་ཚིམ་ནས་ གནོད་འཚེ་མེད་ཅིང་གཞན་ཕན་བྱང་ཆུབ་ཀྱི་སེམས་དང་ལྡན་པར་གྱུར་ཅིག །གཞན་ཡང་ སེམས་ཅན་མདང་ད་ནང་ཤི་བ་བསད་པ། ལྕེབས་པ་སྲིད་པ་བར་དོ་ན་གནས་པ། ལུས་སྔ་ ལུས་བོར་ནས། ཕྱི་ལུས་མ་ལོན་པ་རིག་པ་གཏད་མེད་དུ་འཁྱམས་པ། བར་དོའི་སྡུག་བསྔལ་ གྱིས་གཟིར་བ་རྣམས་ལ་བསྔོའོ། །བར་དོར་བཟའ་བཏུང་ལོངས་སྤྱོད་ཆར་བཞིན་བབས་ནས་ ལུས་གཟུགས་སྐུ་རྣམ་གཉིས་དང་། སེམས་ཆོས་སྐུར་མངོན་པར་རྫོགས་པར་སངས་རྒྱ་བར་ 14-223 གྱུར་ཅིག །སེམས་ཅན་ཐམས་ཅད་མངོན་པར་རྫོགས་པར་སངས་རྒྱ་བར་གྱུར་ཅིག །ངན་ སོང་སྡུག་བསྔལ་མ་མྱོང་ཞིང་། །དཀའ་བ་སྤྱད་པ་མེད་པ་ཡང་། །ལྷ་བས་ལྷག་པའི་ལུས་ཀྱིས་ ནི། །དེ་ཡི་སངས་རྒྱས་མྱུར་ཐོབ་ཤོག །སྐྱེ་ཞིང་སྐྱེ་བ་དག་ནི་སོགས་བརྗོད་ཅེས་པའང་ཏཱ་ར་ནཱ་ཐས་སྨྲས་ པའོ།། །།དགེ་ལེགས་འཕེལ། ཞུས་དག 目录 གསུར་གྱི་ལག་ལེན་ཞེས་བྱ་བ་བཞུགས་སོ།།
Chinese
嗡 斯瓦斯帝！顶礼三宝！名为朵玛食子供养之行法。
English
Om Svasti! Homage to the Three Jewels! Herein lies the practice of offering Torma.