Tibetan
གདམས་ངག་མཛོད་པོད་བཅུ་པ། ཁྲོ་ཕུ་བཀའ་བརྒྱུད་ལས་བྱུང་བའི་ཕྱག་རྒྱ་ཆེན་པོ་ལྔ་ལྡན་གྱི་ཁྲིད་ཡིག གདམས་ངག་མཛོད་པོད་བཅུ་པ། ཁྲོ་ཕུ་བཀའ་བརྒྱུད་ལས་བྱུང་བའི་ཕྱག་རྒྱ་ཆེན་པོ་ལྔ་ལྡན་གྱི་ཁྲིད་ཡིག ཁྲོ་ཕུ་བཀའ་བརྒྱུད་ལས་བྱུང་བའི་ཕྱག་རྒྱ་ཆེན་པོ་ལྔ་ལྡན་གྱི་ཁྲིད་ཡིག་བཞུགས་སོ། ། བླ་མ་དམ་པ་རྣམས་ལ་ཕྱག་འཚལ་ལོ། །བླ་མ་ཆེན་པོ་ནཱ་རོ་པའི་ཐུགས་ཀྱི་སྙིང་པོ་ཕྱག་རྒྱ་ཆེན་པོ་ལྔ་ལྡན་གྱི་ངོ་སྤྲོད་ནི། དང་པོ་བྱང་ཆུབ་མཆོག་ཏུ་སེམས་བསྐྱེད། གཉིས་པ་བླ་མའི་རྣལ་འབྱོར་བསྒོམ། གསུམ་པ་ཡི་དམ་ལྷ་ཡི་ང་རྒྱལ་བསྒོམ། བཞི་པ་སེམས་ཉིད་སངས་རྒྱས་སུ་ངོ་སྤྲོད། ལྔ་པ་དགེ་བའི་རྩ་བ་རྫོགས་པའི་བྱང་ཆུབ་ཏུ་བསྔོ་བའོ། །དང་པོ་ནི། བྱམས་སྙིང་རྗེ་དྲག་པོས་སྨོན་འཇུག་གཉིས་ཀྱི་བྱང་སེམས་སྙིང་ཐག་པ་ནས་ལན་གསུམ་གྱི་བར་དུ་བསྒོམ་མོ། །གཉིས་པ་ནི། ཉིན་སྤྱི་བོ་དང་། མཚན་མོ་སྙིང་གར་སེང་ཁྲི་པད་ཟླ་གསུམ་བརྩེགས་ཀྱི་གདན་ལ་རང་གི་རྩ་བའི་བླ་མ་མཉམ་བཞག་གི་ཕྱག་རྒྱ་ཅན་གསལ་བར་བསྒོམས་ལ་སངས་རྒྱས་ཀྱི་འདུ་ཤེས་བསྐྱེད། གསོལ་བ་དྲག་ཏུ་གདབ་བོ། །གསུམ་པ་ནི། རང་གི་ལུས་རྩ་བའི་དཀྱིལ་འཁོར་ཡི་དམ་ལྷའི་ང་རྒྱལ་བསྐྱེད། བཟླས་པ་བརྒྱ་རྩ་བརྒྱད་ཙམ་བྱའོ། །བཞི་པ་ནི། མ་བཅོས་གཉུག་མར་ངོ་སྤྲད་པ་དང་། རྣམ་རྟོག་འོད་གསལ་དུ་ངོ་སྤྲད་པ་གཉིས་ལས། དང་པོ་ནི། བསམ་གཏན་གྱི་ཕྱག་རྒྱ་བཅས་ལ་རང་སེམས་འདི་བཅས་བཅོས་མི་བྱ་བར་ལྷོད་ཀྱིས་གློད། ལྷན་གྱིས་བཞག །ཕྱམས་ཀྱིས་བཏང་ངོ་། ཤོར་ས་བཞི་དང་། གོལ་བ་གསུམ་གྱི་བར་ཆད་བསལ། བྱིང་རྒོད་བློས་བྱས་གསུམ་གྱི་གེགས་བསལ་ལོ། །གཉིས་པ་ནི། དེའི་ངང་ལས་རྣམ་རྟོག་གང་བྱུང་ཡང་། བྱུང་བ་དེ་ཉིད་ལ་ཅེར་གྱིས་བལྟས་པས་བལྟ་རྒྱུ་མེད་དེ་རང་གྲོལ་དུ་འགྱུར་བས་རྟོག་པ་དེ་ཉིད་ཡུལ་སྣ་ཚོགས་ཀྱི་རྐྱེན་གྱིས་སྣང་བར་ཤར་དུ་བཅུག་པ་ནི། གཟུགས་སྒྲའི་རྐྱེན་གྱིས་ཡེ་ཤེས་རང་སད་པ་བྱ་བ་ཡིན། ཅེར་གྱིས་བལྟས་པས་བལྟ་རྒྱུ་མ་རྙེད་པ་ནི། ཡེ་ཤེས་ལ་ཡེ་ཤེས་སུ་རང་ངོ་རང་གིས་ཤེས་པར་བྱ་བ་ཡིན་ནོ། ། ལྔ་པ་ནི། སྔོན་འགྲོ་གསུམ་པོ་བསོད་ནམས་ཀྱི་ཚོགས་སོ། །བཞི་པ་དངོས་གཞི་ཡེ་ཤེས་ཀྱི་ཚོགས་ཡིན་པས་ཚོགས་གཉིས་ལས་འབྲས་བུ་སངས་པ་དང་རྒྱས་པ་གཉིས་འབྱུང་བས་ཇི་ལྟར་འབྱུང་བ་བཞིན་དུ་བསྔོ་སྟེ། །བདག་གི་དགེ་བའི་རྩ་བ་འདི་དག་གིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ཅེས་ལན་གསུམ་བརྗོད་དོ། །རྗེ
Chinese
窍诀宝藏第十函。 出自楚布噶举的五支大手印引导文。
English
Damngak Dzö, Volume 10. Instructions on the Five-Fold Mahamudra Originating from the Trophu Kagyu.
Tibetan
་བཙུན་དྭགས་པོ་རིན་པོ་ཆེའི་ཞལ་གདམས་རྫོགས་སོ། །ཞེས་ཁྲོ་ཕུ་ལོ་ཙཱ་བ་གནུབས་བྱམས་པའི་དཔལ་གྱི་གསུང་རབ་མན་ངག་བརྒྱ་རྩ་ལས་བྱུང་བའོ།། །།། གདམས་ངག་མཛོད་པོད་བཅུ་པ། ཁྲོ་ཕུ་བཀའ་བརྒྱུད་ལས་བྱུང་བའི་ཕྱག་རྒྱ་ཆེན་པོ་ལྔ་ལྡན་གྱི་ཁྲིད་ཡིག
Chinese
尊者达波仁波切之口诀圆满。这是出自克若普译师努·绛巴贝之圣言一百零八教言。 །།། 教言宝藏第十函。出自克若普噶举之大手印五具之引导文。
English
The oral instructions of Venerable Gampopa Rinpoche are complete. This comes from the one hundred and eight instructions of the sacred words of Khrophu Lotsawa Nup Jampa Pel. །།། The tenth volume of the Treasury of Instructions. A guide to the Five-fold Mahamudra from the Khrophu Kagyu.