Tibetan
༈ ཨོ་རྒྱན་སྨིན་གྲོལ་གླིང་གི་ཁྲི་རིག་འཛིན་རིན་ཆེན་རྣམ་རྒྱལ་ལ་ཕུལ་བ། ༈ ཨོ་རྒྱན་སྨིན་གྲོལ་གླིང་གི་ཁྲི་རིག་འཛིན་རིན་ཆེན་རྣམ་རྒྱལ་ལ་ཕུལ་བ། དུས་གསུམ་རྒྱལ་བའི་སྤྱི་དཔལ་འཕུར་འགྲོའི་རྒྱལ་པོ་ཐོར་ཅོག་ཅན། །གང་གི་རིང་ལུགས་དྲི་མེད་ཐེག་རྒྱལ་རྩེ་དགུའི་རྫོགས་པ་ཆེ། །འཛིན་སྐྱང་སྤེལ་ལ་འཇིགས་མེད་རྒྱལ་བའི་སྲས་པོ་རྡོ་རྗེ་འཛིན། །སྔ་འགྱུར་བསྟན་པའི་གསལ་བྱེད་ཐིག་ལེར་གྱུར་པ་དེའི་ཞབས་དྲུང་། །དམ་པ་མགོན་གྱིས་རྗེས་བཟང་དལ་འབྱོར་རྟེན། །ཅུང་ཟད་དོན་ལྡན་རྣམ་དཔྱོད་མ་སྨད་ཅིང་། །ངེས་དོན་སྙིང་པོའི་དོན་བསྒོམ་རྒྱལ་ཁམས་པ། །བྱ་བྲལ་རིག་པ་འཛིན་དེས་ཞུ་བའི་མཆིད། །དེང་སང་ཐུབ་བསྟན་ཆེས་སྙིགས་ཁྱད་པར་དུ། །སྔ་འགྱུར་རླུང་འཚུབ་མར་མེ་ཚོང་འདུས་འོ། །ཇི་བཞིན་གྱུར་ཅིང་རྡོ་རྗེ་ཐེག་པ་ཡིས། །ཐོས་བསམ་བསྒོམ་པའི་སྲོལ་ཀ་ཉམས་དམས་ཡང་། །གྲངས་མེད་སྔོན་ནས་ཐུགས་བསྐྱེད་སྨོན་ལམ་གྱི། །འཇིག་རྟེན་མིག་གྱུར་རྣམ་པར་སྣང་མཛད་བསྲུང་། །གང་གི་སྤྲུལ་པའི་ཟློས་གར་འགྲོ་བའི་མགོན། །གཏེར་ཆེན་བླ་མ་འགྲོ་བའི་སྐྱབས་གཅིག་དེའི། །ཐུགས་བསྐྱེད་ཤར་རིའི་ཕྲག་ནས་སྙིང་བསྟན་གྱིས། །འོད་དཀར་གསར་དུ་ཤར་བས་གདུལ་བྱ་ཡིས། །བློ་མུན་སྲིད་མཐར་གཞིལ་ཞིང་སྐལ་ལྡན་གྱིས། །ཨུཏྤལ་དཀར་པོ་རྒྱལ་བྱས་རྨད་དུ་གྱུར། །དེ་ལྟ་ནའང་འགྲོ་འདིའི་བསོད་དབང་གིས། །མ་ཤོང་བ་ཡི་རྡོ་རྗེ་སྙིང་པོ་ཡི། །བསྟན་པའི་དགྲ་བོ་ནག་པོའི་རྩ་ལག་ཅན། །དེ་ཡི་རེ་ཞིག་རྒུད་པར་གྱུར་ན་ཡང་། །དཔག་མེད་བསོད་ནམས་མཐུ་ཡི་ལུགས་གཉིས་ཀྱི། །མངོན་མཐོ་ངེས་ལེགས་ཡོངས་འཆང་སྤྱི་དཔལ་ཆེ། །གང་གི་ཐུགས་རྗེ་མཐུ་ལས་སླར་ཡང་ནི། །གསང་ཆེན་སྙིང་པོའི་རྒུད་པ་སེལ་བྱེད་ནི། །དམ་པ་རྒྱལ་བའི་སྲས་གྱུར་ཁྱོད་ཉིད་ཀྱི། །དྲིན་ལས་སྔ་འགྱུར་ཆོས་ཀྱི་ལང་ཚོ་དཔལ། །ལེགས་པར་སྟོན་པའི་དགའ་སྟོན་བཟང་པོ་འདི། །བདག་སོགས་དཔྱོད་ལྡན་ཡོངས་ཀྱི་སྤྱི་ནོར་གྱུར། །དེས་ན་མགོན་ཁྱེད་སྐལ་བཟང་གདུལ་བྱའི་ངོར། །གཟུགས་སྐུའི་སྣང་བརྙན་ནམ་ཡང་འགོག་མེད་པར། །བསྐལ་པ་རྒྱ་མཚོའི་བར་དུ་འཆི་མེད་མགོན། །དགའ་སྟོན་རྒྱས་པར་མཛོད་ཀྱི་རྒྱལ་བའི་སྲས། །ཚུལ་འདི་ཁ་དཔག་ཅམ་བུ་ཙམ་མིན་གྱིས། །སྙིང་ནས་སྨོན་པའི་རྟེན་འབྲེལ་ཇི་བཞིན་ཤོག །འདིར་གནས་རྫོགས་ཆེན་པར་རློམ་རྒྱལ་ཁམས་པ། །བདག་ཀྱང་ལྔ་འདུས་སོ་སོར་མ་གྱུར་བཞིན། །རྒྱལ་བའི་བསྟན་ལ་སྙིང་ནས་ལྷག་བསམ་ངང་། །པདྨའི་ལུང་བཞིན་འགྲོ་དོན་བསྒྲུབ་ཁུལ་མཆིས། །མཚམས་ཀྱི་ཞུ་ཁོལ་བོད་ཆེན་མངའ་རིས་ནས། །བླ་མའི་གོ་ས་འཛིན་པ་ཟུང་གཅིག་ཀྱང་། །སྔ་འགྱུར་རྒྱུད་སྡེའི་བཤད་བཀའ་བསྒྲུབ་ཆེན་གྱིས། །ཕྱག་ལེན་བསླབ་ཕྱིར་ཆེད་གནེར་དེར་བརྫང་པས། །ད་ལམ་ཕྱག་རྟེན་དངོས་པོ་ཕྲ་འདུག་ཀྱང་། །སྔར་གྱི་མནའ་གཞུང་ཕྱི་ཐག་ལ་དགོངས་ནས། །ལུགས་གཉིས་བདག་རྐྱེན་ཁྱད་འཕགས་གནང་འོས་ཞེས། །གཟུར་གནས་བློ་ཡི་གསོལ་བ་དགྱེས་ཀྱང་འཚལ། །བདག་ལའང་དུས་ཀུན་དགེ་བའི་སྐྱབས་འཇུག་ནི། །རང་གཞན་དོན་གཉིས་རྒྱ་ཆེན་ཡོངས་འགྲུབ་པ། །ཚེ་འདི་ཉིད་ལ་ཟུང་འཇུག་རྡོ་རྗེ་སེམས། །བརྙེས་པའི་ཐུགས་སྨོན་བཟང་པོ་བྱབ་ཀྱང་འཚལ། །དེ་སྐད་ཞུ་ཡིག་མ་བཅོས་ལྷུག་པར་བརྗོད་པའི་ངང་མོ་ལ། །ལྷག་བསམ་མོས་པའི་ཞེན་གྱིས་གཡེར་ཁ་རབ་འཁྲོལ་ཞིང་། །མ་ཧཱ་ཙི་ནའི་འཕྲུལ་ལག་གིས་བསྐྲུན་ལྷ་གོས་གཤོག་རྒྱང་པ། །མང་མཁར་བསམ་འགྲུབ་རྫོང་ནས་སྨིན་གྲོལ་ཆོས་ཀྱི་རྒྱལ་ཁབ་ཆེ་དེར་ཕུལ། །མངྒ་ལཾ། ༈ ཨོ་རྒྱན་སྨིན་གྲོལ་གླིང་གི་ཁྲི་རིག་འཛིན་རིན་ཆེན་རྣམ་རྒྱལ་ལ་ཕུལ་བ།
Chinese
༈ 献给邬金敏珠林寺的法座持有者仁钦南嘉。
English
༈ Offered to the throne holder Rigzin Rinchen Namgyal of Ogyen Mindrolling.
Chinese
依循教言行持利生事宜。 边陲的禀报来自大藏区阿里（Ngari）。 持有上师果位的两位。 以宁玛派续部的讲说教诫和修行。 为了学习仪轨而特意前往那里。 如今供养的物品虽微薄。 但请考虑到往昔的盟约。 祈请赐予政教两方面的殊胜助缘。 公正之心的祈请，还请欢喜。 于我而言，恒时祈求善妙的护佑。 自他二利广大圆满成办。 此生即证双运金刚心（Vajrasattva）。 祈愿您赐予美好的心愿。 如是，以未加修饰的恳切之语表达的信笺。 以赤诚的信心，热烈地摇动（笔端）。 由摩诃支那（Mahachina，指中国）的巧手制作的神圣衣物。 从芒嘎（Mangkar）桑珠（Samdrub）宗敬献给敏珠林（Mindrolling）大寺。 吉祥！ 献给邬金敏珠林（Orgyen Mindrolling）的法座持有者仁增南嘉（Rinchen Namgyal）。
English
Following the instructions, I am engaged in activities for the benefit of beings. The border's report comes from Ngari in Greater Tibet. Even the two who hold the position of Lama, With the great explanation, precepts, and practice of the Nyingma lineage's tantras, Were specially sent there to learn the practice. Although the offering is small this time, Please consider the previous covenant. Please grant excellent support for both secular and religious affairs. Please be pleased with the impartial-minded prayer. For me as well, may there always be virtuous protection, That the vast accomplishment of both self and others' benefit may be fully realized. May you bestow the good aspiration to attain the state of union, Vajrasattva, in this very life. Thus, in the manner of expressing an unadorned and sincere letter, With fervent devotion and enthusiasm, shaking (the pen) vigorously, The divine garment created by the skillful hands of Mahachina (China), Is offered from Mangkar Samdrub Dzong to the great kingdom of Mindrolling Dharma. Mangalam! Offered to the throne holder Rinchen Namgyal of Orgyen Mindrolling.