Tibetan
ཡུམ་ཀའི་གསང་སྒྲུབ་སེང་གེའི་གདོང་ཅན་ལསཿ སྲུང་ཟློག་བྱད་མ་སྟོབས་འཇོམས། ཡུམ་ཀའི་གསང་སྒྲུབ་སེང་གེའི་གདོང་ཅན་ལསཿ སྲུང་ཟློག་བྱད་མ་སྟོབས་འཇོམས། འུྃཿ ཡུམ་ཀའི་གསང་སྒྲུབ་སེང་གེའི་གདོང་ཅན་ལསཿ སྲུང་ཟློག་བྱད་མ་སྟོབས་འཇོམས་བཞུགསཿ བདུད་འདུལ་སེང་གེའི་ཞལ་ལ་འདུདཿ སྲུང་བཟློག་རྒྱུན་གྱི་རྣལ་འབྱོར་ལཿ གཉིས་ལས་དང་པོ་བསྲུང་བ་ནིཿ མངོན་རྟོགས་གཞུངས་བཞིན་བསྒོམས་པའི་མཐརཿ བདག་ཉིད་མཁའ་འགྲོ་བདུད་འདུལ་མའིཿ ཐུགས་མཆོག་འོད་ཀྱི་དྲྭ་བའི་ཀློངཿ པདྨ་ཉི་ཟླའི་གདན་སྟེངས་སུཿ ཕ་ལམ་ལས་གྲུབ་རྡོ་རྗེ་སེརཿ རྩེ་ལྔའི་ལྟེ་བར་ཉི་གདན་དབུསཿ ཧཱུྃཿཡིག་མཐིང་གའི་ཀླད་ཀོར་ནངཿ བླ་མ་ཁོག་པར་བསྲུང་བྱ་དངཿ ཞབས་སུ་ཡུལ་མཁར་རྟ་ཕྱུགས་ལཿ མཐའ་སྐོར་སྔགས་ཕྲེང་འཁོར་བ་ཡིཿའོད་ཀྱི་རྒྱལ་བ་སྲས་བཅས་མཆོདཿ བྱིན་རླབས་དངོས་གྲུབ་གསེར་བཙོ་མའིཿའོད་ཀྱི་རྣམ་པར་འདུས་པར་འདུས་པ་ཡངཿ ཕྲ་རབ་རྡོ་རྗེའི་རྡུལ་གྱུར་ནསཿ དམིགས་བྱའི་ལུས་ངག་ཡིད་གསུམ་དངཿ ཕྱི་རོལ་རྡོ་རྗེའི་རྭ་གུར་ལཿ འདྲེས་པས་ཅིས་ཀྱང་མི་ཤིགས་གྱུརཿ སྔགས་ཡིག་འབྲུ་བཅུ་བཞིའི་ཤམཿ ཨོཾ་ཧྲཱིཿབཛྲ་ཛྭ་ལ་སརྦ་ཀརྨཱ་རཀྵ་རཀྵ་ཧཱུྃཿབཟླས་རྗེས་མི་དམིགས་ངང་ལ་བཞགཿ གཉིས་པ་བཟློག་པའི་རིམ་པ་ནིཿ ཧཱུྃཿསྲུང་འཁོར་གསལ་བརྟན་འབར་བ་ཡིཿཐུགས་ཀའི་ཧཱུྃ་ལས་ཧཱུྃ་འཕྲོས་པསཿ སྟོང་གསུམ་འཇིག་རྟེན་ཧཱུྃ་གིས་གངཿ བྱད་གདོན་སྟོངས་ཤིང་ཟད་པར་བསྒྲལཿ སླར་འདུས་རྡོ་རྗེ་རྭ་བའི་ཕྱིརཿ ཡེ་ཤེས་མེ་དང་གཉིས་མེད་ཀློངཿ ཡོངས་གྱུར་ གནམ་ལྕགས་འཁོར་ལོ་ནིཿ རྩིབས་སྟོང་འབར་བའི་རྣོ་དབལ་ལཿ བྱད་ཕུར་ཐོད་གཏོང་སྲི་གེག་དངཿ གནོད་བྱེད་དགྲ་གདོན་ལོག་འདྲེན་ཚོགསཿ སོ་སོའི་གཟུགས་དང་བྱད་དབྱིབས་ལྟརཿ རང་དབང་མེད་པར་བཀུག་བྱས་ནསཿ སྤུ་གྲི་རེག་གཅོད་འཐོར་རླུང་གིསཿ འཁོར་ལོ་གཡོན་དུ་བསྐོར་བ་ཡིསཿ གཟུགས་ཕུང་ཐལ་བའི་རྡུལ་དུ་བརླགཿ སྔགས་ཕྲེང་ལས་བྱུང་མེ་སྟག་གིསཿ ལྷག་མ་རྗེས་ཤུལ་མེད་པར་བསྲེགསཿ རྣམ་ཤེས་ཆོས་ཀྱི་དབྱིངས་སུ་ཕཊཿརྩ་སྔགས་ཤམཿ ཙཀྲ་ཛྭ་ལ་སརྦ་དུཥྚན་ཧ་ན་ཧ་ན་ཧཱུྃ་ཧཱུྃ་ཕཊཿཕཊཿབྷྱོ་བྷྱོ་ཟློག་ཟློགཿ ཅེས་བཟླས་བདེན་སྟོབས་བརྗོད་པ་ནིཿ སངས་རྒྱས་ཀྱིས་ནི་བདུད་ཕམ་མཛདཿ ཆོས་མ་ཡིན་པ་ཆོས་ཀྱི་སོཿདགེ་འདུན་གྱིས་ནི་མུ་སྟེགས་ཕམཿ དབང་པོས་ལྷ་མིན་ཕམ་པར་གྱུརཿ ལྷ་མིན་རྣམས་ཀྱིས་ཟླ་བ་ཕམཿ ནམ་མཁའ་ལྡིང་གིས་རྒྱ་མཚོ་ཡིཿཀླུ་རྣམས་རབ་ཏུ་ཕམ་པར་གྱུརཿ མེ་ཡིས་བུད་ཤིང་སྲེག་པ་དངཿ རླུང་གིས་སྤྲིན་རྣམས་གཏོར་བ་དངཿ རྡོ་རྗེ་རིན་ཆེན་ཕུག་པ་དངཿ ལྷ་རྣམས་བདེན་པ་རབ་ཏུ་གནསཿ བདེན་པ་འདི་དག་ཐམས་ཅད་ཀྱིསཿ དེང་འདིར་བདེན་པ་འགྲུབ་གྱུར་ཅིགཿ ཅེས་ཐལ་བརྡེབ་ལན་གསུམ་བྱཿམཐར་ནི་བསྲུང་བྱ་སྲུང་བྱེད་དངཿ བཟློག་བྱ་ཟློག་པར་བྱེད་པའི་ཆོསཿ མི་དམིགས་ངང་བཞག་དགེ་བ་བསྔོཿསྤྲོས་མེད་སྲུང་བཟློག་ཟབ་མོ་འདིཿརྡོ་རྗེའི་མཁར་དུ་ཚུད་དང་འདྲཿས་མ་ཡཿརྒྱ་རྒྱ་རྒྱཿ ཡུམ་ཀའི་གསང་སྒྲུབ་སེང་གེའི་གདོང་ཅན་ལསཿ སྲུང་ཟློག་བྱད་མ་སྟོབས་འཇོམས།
Chinese
从佛母秘密修法狮面母中，防护、遣除、降伏诅咒。
English
From the secret practice of Yumka, the Lion-faced One, protection, repulsion, and subjugation of curses.
Chinese
燃燒檀香木，風摧毀雲朵，金剛珍寶洞穴，諸神安住於真實。以此等一切真實，願今日成就真實！如是拍掌三次。最後，所守護者與守護之法，所遣除者與遣除之法，不作意而安住，迴向善根。此無戲論之守護遣除深奧法，猶如進入金剛之城堡。三昧耶。印印印。 從佛母之秘密修法獅面母中，守護遣除，降伏詛咒。
English
Burning sandalwood, the wind destroys the clouds, the vajra precious cave, the gods abide in truth. By all these truths, may truth be accomplished today! Thus clap hands three times. Finally, the object to be protected and the means of protection, the object to be averted and the means of aversion, abide without intention, dedicate the merit. This profound protection and aversion without elaboration is like entering a vajra fortress. Samaya. Seal, seal, seal. From the secret practice of the Mother, Lion-faced Mother, protection and aversion, subduing curses.