Tibetan
བསྙེན་བསྒྲུབ་གྲངས་ཐེམས་ལས་སྦྱོར་འདོད་དོན་གསོལ་བ་རས་པ་གསལ་སྟོབས་ཀྱིས་མཛད་པ། བསྙེན་བསྒྲུབ་གྲངས་ཐེམས་ལས་སྦྱོར་འདོད་དོན་གསོལ་བ་རས་པ་གསལ་སྟོབས་ཀྱིས་མཛད་པ། བསྙེན་བསྒྲུབ་གྲངས་ཐེམས་ལས་སྦྱོར་འདོད་དོན་གསོལ་བ་ནི༔ ཧཱུྃ་ཧྲཱིཿ རྡོ་རྗེ་ཕག་མོའི་རྣམ་རོལ་གཟུགས་ཀྱི་སྐུ༔ རྒྱལ་བའི་བསྟན་སྲུང་རྡོ་རྗེ་གཡུ་ཡི་སྒྲོན༔ མཚན་གྱིས་བསྔགས་པའི་ལྷ་མོ་གཙོ་དང་འཁོར༔ ཁྱེད་དང་མཐུན་པའི་འདོད་རྫས་དངོས་སུ་བཤམས༔ བསྒྲུབ་གནས་ཡིད་འོང་སྒྲུབ་ཚུལ་སྙིང་རུས་ཀྱིས༔ དང་པོ་བསྙེན་ཅིང་བར་དུ་ལེགས་པར་བསྒྲུབ༔ ལས་སྦྱོར་གནད་བསྟུན་དངོས་གྲུབ་ཐོབ་ལ་ཉེ༔ འབོད་དོ་བསྐུལ་ལོ་མཐིང་གི་ཞལ་བཟང་མ༔ དགོངས་ཤིག་གསོན་ཅིག་རྡོ་རྗེ་གཡུ་སྒྲོན་མ༔ དངོས་སུ་སྒྲུབ་པའི་འདོད་དོན་གསོལ་བ་ནི༔ ཞལ་གཟིགས་ལུང་སྟོན་དབུགས་དབྱུང་མཆོག་གི་དངོས༔ ཁ་སྦྱོར་བདུན་ལྡན་འཇའ་ལུས་དངོས་གྲུབ་སྩོལ༔ ཐུན་མོང་དངོས་གྲུབ་ལས་བཞི་ལྷུན་གྱིས་གྲུབ༔ སྣང་སྲིད་གསལ་བའི་མེ་ལོང་དངོས་གྲུབ་སྩོལ༔ མ་འགྱང་མ་གཡེལ་རྡོ་རྗེ་གཡུ་སྒྲོན་མ༔ དངོས་གྲུབ་མི་སྟེར་བསྒྲུབ་ལ་རྟགས་མེད་ན༔ རྒྱུ་འབྲས་འཆོལ་བ་དམ་ཚིག་ཉམས་ཏ་རེ༔ དམ་ལས་མ་འདའ་རེ་འབྲས་མཆིས་པར་མཛོད༔ སྔོན་ཚེ་རིག་འཛིན་བརྒྱུད་པའི་སྤྱན་སྔ་རུ༔ ཇི་ལྟར་ཁས་བླངས་ཐ་ཚིག་ཡོད་པ་བཞིན༔ ཟབ་ཆོས་བསྟན་པ་ཕྱོགས་བཅུར་སྤེལ་བ་དང༔ དེ་འཛིན་སྐྱེས་བུའི་འདོད་དོན་ལེགས་ཚོགས་སྒྲུབ༔ བསྟན་པའི་བདག་པོའི་ཚེ་ཆོས་སྲིད་ནོར་འཚོས༔ སྔགས་འཆང་སྒྲུབ་པོ་གར་འདུག་གར་གནས་ཀྱང༔ དམ་ཅན་སྤྱི་དང་ཁྱད་པར་གཡུ་སྒྲོན་མས༔ སྔུན་བསུ་རྒྱབ་སྐྱོར་ལེགས་པའི་བྱ་བ་སྤྲོད༔ ནད་གདོན་ཉེར་འཚེ་བྱད་མ་དམ་སྲི་ཐུལ༔ མི་མཐུན་རྐྱེན་སོལ་རླུང་རྟའི་དཔལ་ཁ་བསྐྱེད༔ མི་སྙན་ཕྲུ་མའི་གཡུལ་འཇོམས་སྙན་སྒྲ་སྒྲོགས༔ དུས་རྣམས་མི་གཡེལ་ལུས་དང་གྲིབ་མ་བཞིན༔ འགྲོགས་ནས་ཅི་བཅོལ་ལས་རྣམས་འགྲུབ་པར་མཛོད༔ ཅེས་པའི་འདོད་གསོལ་སྨོན་ཚིག་འདི་ཉིད་ཆོས་དབང་ཐ་ཤལ་རས་མིང་པས་བྲིས་པའོ༔ བསྙེན་བསྒྲུབ་གྲངས་ཐེམས་ལས་སྦྱོར་འདོད་དོན་གསོལ་བ་རས་པ་གསལ་སྟོབས་ཀྱིས་མཛད་པ།
Chinese
念修数量次第事业所愿祈请文，惹巴·色多所著。
English
A Prayer for Fulfilling Desires in the Practice of Approaching and Accomplishing with Numerical Progression, composed by Repa Seltok.