Tibetan
དབྱིངས་ནས་དབང་པོའི་སྒོ་རུ་ ༄༅། །མངོན་སུམ་དུ་སྣང་བའི་ལྷ་བསྒྲུབ་པའི་རྒྱུ་རང་ལ་ཡོད་པས་དོན་གྱི་འགྲུབ་པ་ཡིན། རང་ལ་ཡོད་པར་མི་ཤེས་པར་གཞན་ཕ་རོལ་ཞིག་ན་ལྷ་རང་རྒྱུད་པ་ཞིག་ཏུ་བཟུང་ནས་བསྒྲུབ་པ་ནི། དཔེར་ན་གཡག་རྭའི་ནང་དུ་ཕུ་བཏབ་པ་དང་། ལུང་སྟོང་དུ་ཀྭི་བཏབ་པ་ཁྱད་པར་སྤུ་རྩེ་ཙམ་ཡང་མེད། དེའི་ཕྱིར་ན་ལྷ་གང་བསྒྲུབ་ཀྱང་རང་གི་ཤེས་པ་གོ་མ་འགགས་པ་གཅིག་པུ་དེས་བསྒྲུབ་ན་སེམས་རྟོག་ཁོ་ནས་འགྲུབ་པ་ཡིན་གསུངས། གནོད་བྱེད་ཀྱི་འདྲེ་ཡང་༴སོགས། སྟོན་ཏོ། །དེ་བཞིན་དུ་གནོད་བྱེད་ཀྱི་འདྲེ་ཞེས་བྱ་བ་དེ་ཡང་དང་པོ་བྱུང་ས་བར་དུ་གནས་ས་ཐ་མ་འགྲོ་ས་གསུམ་ལ་བརྟགས་པས་ཡུལ་མེད་པ་ཞིག་ཡིན།དབང་པོའི་ཡུལ་དུ་འདྲེ་ཞེས་སྣང་བ་ཡིན་ན འདྲེའི་གཟུགས་སྒྲ་དྲི་རོ་རེག་བྱ་འདི་ཡིན་ཟེར་རྒྱུ་ཞིག་ཡོད་དགོས་ཀྱང་། དེ་ནི་བདེན་གྲུབ་ཅན་དུ་མ་གྲུབ་པ་ཞིག་ཡིན། འབྱུང་བ་སྣོད་བཅུད་ཀྱི་ཁམས་ནས་བྱུང་བ་ཡིན་བསམ་ན འབྱུང་བ་ས་ལྟ་བུ་ལ་མཚོན་ན་ས་དེ་རྡུལ་དུ་ཕབ རྡུལ་རྡུལ་ཕྲན་དང་། རྡུལ་ཕྲན་ཆ་མེད་དུ་བཏང་ན་ཡང་ས་ཟེར་བ་ལས། འདྲེ་ཞེས་འདིའི་ཁུང་ནས་འབྱུང་ཚུལ་གཏན་ནས་ཡོད་པ་མ་ཡིན། དེ་བཞིན་དུ་འབྱུང་བ་རང་རང་གི་མིང་བརྗོད་པ་མ་གཏོགས་འདྲེ་ ཞེས་བརྗོད་པ་མེད། མི་ཞིག་ལ་གནས་བསམ་ན་མི་དེའི་མགོའི་སྐྲ་རྩེ་མན་ཆོད་རྐང་གི་སེན་རྩེ་ཡན་ཆོད་ཀྱི་བར་ལ་བརྟགས་ཤིང་དཔྱད་ན་གནས་པའི་ཡུལ་གཏན་ནས་མི་རྙེད། རྣམ་ཤེས་འདྲེ་ཡིན་བསམ་ན་མི་གཅིག་ལ་རྣམ་ཤེས་གཉིས་ཡོད་ཚུལ་མེད། ང་ལ་ནད་གཞི་ཡོད་པ་འདི་འདྲེ་ཡིན་བསམ་ན་འདྲེ་དེས་ནད་སྤར་ཆིང་བྱས་ནས་ཁྱོད་ཀྱི་ཁོག་པའི་ནང་དུ་བླུགས་པ་ཡིན་ནམ ཡང་ན་མདའ་མདུང་ལ་སོགས་བརྒྱབ་པ་ཡིན་ན་ཁྱོད་ཀྱི་ལན་བྱས་ན་ལོས་ཆོག་དང་དེ་ནི་ཡོད་པ་མིན། མདང་རྨི་ལམ་ན་བན་རྒན་གསེར་ཞྭ་ཅན་ཞིག་རྨིས་པ་དེ་རྒྱལ་པོ་ཡིན་བསམ་ན། དེ་རིང་ཉིན་མོའི་སྐབས་ཀྱི་བླ་རྒན་གསེར་ཞྭ་ཅན་ཐམས་ཅད་རྒྱལ་པོ་ཡིན་དགོས་ཀྱང་དེ་མ་ཡིན། རྨི་ལམ་ན་རྒན་མོ་ཞིག་རྨིས་པས་དེ་འདྲེ་མོ་ཡིན་བསམ་ན། དེ་རིང་ཉིན་མོའི་སྐབས་ཀྱི་རྒན་མོ་ཡོད་ཚད་པོ་འདྲེ་མོ་ཡིན་དགོས་ཀྱང་དེ་ནི་མ་ཡིན རྨི་ལམ་ན་བྱིས་པ་གོས་ངན་ཅན་ཞིག་རྨིས་པས་དེ་བསེ་རག་ཡིན་བསམ་ན། དེ་རིང་ཉིན་མོའི་སྐབས་ཀྱི་བྱིས་པ་ཐམས་ཅད་པོ་བསེ་རག་ཡིན་དགོས་ཀྱང་དེ་ནི་མ་ཡིན། དེའི་ན་ནད་ཞིག་བྱུང་ཚད་པོ་འདྲེ་ཡིན་བསམ་ན ཤ་ཟ་དུས་ལག་པ་གྲིས་བཅད་པ་དེ་ཡང་འདྲེ་ཡིན་དགོས དེ་བཞིན་དུ་ཟས་ཀྱིས་བརྒྱག་ཆེས་ན་དེ་ ༄༅། །ཡང་འདྲེ་ཡིན་དགོས། ཉི་མའི་ནང་ལ་བསྡད་ན་དང་པོ་ཕན་སྣང་སྐྱེས་ཀྱང་རྗེས་སུ་ཚ་བས་མ་བཟོད་ན་དེ་ཡང་འདྲེ་ཡིན་དགོས་ཀྱང་དེ་ནི་མ་ཡིན། དེ་བཞིན་དུ་བདེ་བ་དང་སྡུག་བསྔལ་ཐམས་ཅད་སེམས་ཀྱི་སྣང་ཉམས་རྨི་ལམ་ལྟ་བུ་ལས་ལྷས་ཕན་བཏགས་པ་དང་། འདྲེས་གནོད་བྱས་པ་གཉིས་གདགས་གཞིའི་སྟེང་ནས་ཅི་ཡང་མ་གྲུབ་ཅིང་། ཡུལ་མེད་དུ་སྟོང་པ་ལས་མེད་པར་མཐོང་བ་ཡིན དེ་བཞིན་དུ་མི་རྣམས་འཁྲུལ་པའི་དབང་གིས་ལུས་ཀྱི་སྟོད་སྨད་གཉིས་ལ་ཡང་བཟང་ངན་དུ་འཛིན་ཅིང་ཞྭ་གཙང་མར་འཛིན་ཅིང་ཁྱིམ་སྟོད་ལ་བཞག །ལྷམ་ངན་པར་བཟུང་ནས་ཁྱིམ་སྨད་དུ་བཞག །ཁྱིམ་སྟོད་ལྷ་རུ་བཟུང་ནས་བཟང་པོ་དང་། ཁྱིམ་སྨད་འདྲེ་རུ་བཟུང་ནས་ངན་པ་རུ་འཛིན་ཞིང་དཔེར་ན་གཞན་གྱི་རྫས་ལྟ་བུ་ལ་མཚོན་ན། སྐྱེ་བོ་ནག་པོ་ཞིག་འོང་ན་ཁྱིམ་ཚང་ཁོང་རྩོག་ཞིག་ཡིན དེ་ཡང་ཁྱིམ་སྟོད་ལ་མ་བཞག་གདོན་ནོ་སྨད་ན་ཞོག་ཟེར་བ་ཡིན། ཁྱིམ་སྟོད་ལྷ་རུ་བཟུང་བའི་ལྷ་དེ་སྣོད་ཁུག་ཐམས་ཅད་དུ་བཙལ་ཀྱང་ལྷ་ཚང་མི་རྙེད ཁྱིམ་སྨད་འདྲེ་རུ་བཟུང་བའི་འདྲེ་དེ་བཙལ་ཀྱང་འདྲེ་ཚང་མི་རྙེད། དེའི་ཕྱིར་ན་ལྷ་འདྲེ་ཞེས་པ་ཡེ་ནས་གྲུབ་མ་མྱོང་ཀྱང་མེད་ལ་ཡོད་པར་སྣང་བ་རང་གི་ འཁྲུལ་པའི་སྣང་བ་ཙམ་མ་གཏོགས། བདེན་གྲུབ་ཅན་དུ་རྡུལ་ཙམ་ཡང་མེད། དེའི་ན་བཟང་པོ་ལྷ་རུ་འཛིན་པའི་རེ་བ། ངན་པ་འདྲེ་རུ་འཛིན་པའི་དོགས་པ་རྒྱུན་མི་ཆད་པར་འབྱུང་ཡང་། རང་གི་བདག་འཛིན་གྱི་འཆིང་བ་དམ་པོའི་སྟོབས་ཀྱིས་བདེ་སྡུག་གི་ཉམས་རྒྱུན་མི་ཆད་པར་འབྱུང་བ་ཐམས་ཅད་འཁོར་བའི་གཤིས་ཉམས་ཁོ་ན་ལས་གཞན་དུ་གྲུབ་པ་རྡུལ་ཙམ་ཡང་ཡོད་པ་མ་ཡིན། དེའི་ན་རྨི་ལམ་ཁོ་ནས་ཀྱང་སྟོན་ཏོ། །འདིའི་གནད་དོན༴སོགས ངེས་པའོ། །འདིའི་གནད་དོན་དང་ཡིན་ལུགས་ཤེས་པ་ནི་སྒོམ་པ་ཐམས་ཅད་ཀྱི་གེགས་སེལ་ཡིན་ཏེ། གང་གི་གེགས་སེལ་དགོས་ན་སྒོམ་པ་ལ་ཡིད་མི་ཆེས་པ་དང་བློ་མི་གཏོད་པའི་གེགས་སེལ་བ་ཡིན། དེའི་ན་ཆོས་ཉིད་ཀྱི་དོན་ལ་ཡིད་ཆེས་ཤིང་ཐེ་མི་ཚོམ་པའི་སྒོམ་པ་ཉམས་སུ་ལེན་པ་དང་། སྒོམ་པ་ཉམས་སུ་ལེན་པའི་མཐུས་གདིང་ཐོབ་པར་འགྱུར་བ་དང་། གདིང་ཐོབ་པའི་སྟོབས་ཀྱིས་མ་རིག་པའི་སྒྲིབ་པ་དང་བྲལ་ནས་རིག་པའི་ཡོ་ལང་ཆེན་པོར་དབང་བསྒྱུར་བའི་གདིང་ཐོབ་ནས་གྲོལ་བ་ཐོབ་པར་འགྱུར་རོ། །དེའི་ན་ཞི་བྱེད་བདུད་གཅོད་ཟབ་མོའི་རྩབ་ཡིན་ཏེ རང་རིག་ལས་གཞན་ན་ལྷ་རང་རྒྱུད་པ་མེད་པ་དང་། རྣམ་རྟོག་ལས་གཞན་ན་འདྲེ་རང་རྒྱུད་པ་མེད ༄༅། །པར་ཐག་ཆོད་ན་བདུད་བཞི་དབྱིངས་སུ་གཅོད་པར་འགྱུར་བ་ཡིན། སྒྲུབ་པ་གཏོ་ཡས་པ་དག་ལ་ཡང་འདི་མེད་ཐབས་མེད་པ་ཡིན་ཏེ། ཆོས་ཐམས་ཅད་སྒྱུ་མ ཙམ་དུ་རྟོགས་པར་གྱུར་ན་སྒྱུ་མ་ལྟ་བུའི་བསྒྲལ་འདྲེན་གྱིས་སྒྱུ་མ་ལྟ་བུའི་འགྲོ་བ་རྣམས་གནས་ངན་ལས་བསྒྲལ་ནས་འདྲེན་པར་ནུས་པའི་སྒྱུ་མའི་རྣལ་འབྱོར་དུ་འགྱུར་བ་ཡིན། མིའི་གདན་ཐོག ནས་རང་གི་ཚོགས་རྫོགས་ཟེར་བའི་དཔེ་བཞིན་དུ། རང་གཞན་གྱི་དོན་གཉིས་རྒྱ་ཆེན་པོ་འགྲུབ་པ་ཡིན དེ་ལྟར་མ་ཡིན་པར་ཉོན་མོངས་རང་ཁར་སྤྱོད་ནས་ཟན་སྒོང་ལ་ཕུར་པ་འདེབས་པའི་སྡང་ཞེན་ཙམ་གྱིས་ནི་འདྲེ་གདོན་འདུལ་བ་ལྟ་ཞོག །གཞི་བསམ་སྦྱོར་བ་མཐར་ཐུག་གསུམ་གྱིས་སྡིག་པའི་ལས་རྫོགས་མ་རག་པར་གྱུར་ནས་ངན་སོང་གི་འབྲས་བུ་བསྐྱེད་པར་འགྱུར་བ་ཡིན་གསུངས་སོ། །ཀྱེེ་ཞེས་བོས་ནས་སེམས་མེད་རིག་པའི་ཁྱེའུ་ཆུང་ཁྱོད་ཀྱིས་གདུལ་བྱ་རྣམས་ལ་སྟོན་དང་གསང་ཆེན་ཐེག་པ་ཆེན་པོའི་རྣལ་འབྱོར་པ་ཤ་སྟག་འབྱུང་སྲིད་དོ། །ཅེས་གསུངས་ཤིང་མི་གནང་བར་གྱུར་ཏོ། །བཞི་པ་རེ་དོགས་ཀྱི་རྫུན་ཕུག་གཏིབ་པ་ནི ཡང་འོད་གསལ་དག་པའི༴སོགས བདག་ཏུ་ལྟ་བ་ལས་མ་འདས། ཡང་འོད་གསལ་དག་པ་ཆོས་ཉིད་ཀྱི་སྣང་ངོར་ རིག་སྐུ་དཔལ་ཆེན་ཕྱག་ན་རྡོ་རྗེ་དང་དངོས་སུ་ཞལ་མཇལ་བའི་ཚེ་ན་བདག་གིས་འདི་སྐད་ཞུས། ཀྱེེ་ཞེས་བོས་ཏེ་རྒྱལ་བ་རྡོ་རྗེ་འཆང་ཆེན་པོ་ལགས། སངས་རྒྱས་ཞེས་བྱ་བ་རང་གཞི་ཀུན་ཏུ བཟང་པོ་རང་ཐོག་ཏུ་རང་སངས་རྒྱས་པ་ཡིན་ནམ ཡང་ན་གཞན་ཞིག་གི་ཡུལ་ནས་ཡུལ་དུ་ཁ་བརྒྱུད་ནས་འགྲོ་རྒྱུ་ཡིན་ནམ་དེ་གཉིས་གང་གི་ཕྱོགས་སུ་ངེས་པ་ཡིན་ཞུས་ཚེ། དེ་ཉིད་ཀྱི་ཞལ་ནས། ཀྱེེ་ཧོ་སྐལ་ལྡན་རིགས་ཀྱི་བུ། ཡུལ་ཡངས་པ་ཆེན་པོ་ཞིག་ཏུ་མི་རྗེ་རྒྱལ་པོ་གཟུགས་བཟང་ཞིང་ཡིད་དུ་འོང་བ་མཐོང་ན་མི་མཐུན་པ་མེད་པ། རྣམ་རྟོག་ཞི་བས་ཞི་བ། ཉོན་མོངས་པའི་ཚ་གདུང་ཐམས་ཅད་དང་བྲལ་བས་བསིལ་བ་དྭངས་པ་རྙོག་པ་དང་བྲལ་བ། བཞིན་ལེགས་མཛེས་སྡུག་བལྟ་བས་ཆོག་མི་ཤེས་པ་ཞིག་ཡོད་པར་སེམས་ན་སངས་རྒྱས་དེའི་ཕ་མ་སུ་ཡིན། ཕ་མ་ལས་སྐྱེས་པ་ཞིག་ཡིན་ན་སྐྱེ་བའི་མཐའ་ཅན་ཡིན། འདི་ན་གནས་ནས་བཞུགས་ཡོད་བསམ་ན་རྟག་པའི་མཐའ་ཅན་ཡིན། རྟག་པའི་ཐ་མ་ཡང་དགག་པ་དང་བཅས་པ་ཞིག་ཡིན དེ་ལྟར་སྐྱེ་འགག་གནས་གསུམ་དང་བཅས་པའི་སྐྱོན་དེ་གསུམ་གྱིས་བཅིང་ནས་བཟུང་སྟེ་སེམས་ཅན་དུ་ངེས་པར་གདོན་མི་ཟ་བ་ཡིན། དེ་བཞིན་དུ་ཞིང་ཁམས་ཞེས་ཡུལ་ཡངས་པ་ཆེན་པོ ༄༅། །སྣོད་ཀྱི་འཇིག་རྟེན་རྒྱ་ཆེ་བ། བཅུད་ཀྱི་སེམས་ཅན་གྲངས་མང་བ་ལ་མཚན་གཞི་བྱས་ན དེའི་ཡུལ་ཆོས་ཀྱི་བདག་འཛིན་ཞེས་བརྗོད། ལུས་ཅན་གྱི་སངས རྒྱས་ཀྱི་ལུས་དེ་གང་ཟག་གི་བདག་ཡིན་ཏེ།བདག་འཛིན་གཉིས་ཀ་ལས་མ་འདས་ན་སེམས་ཅན་དུ་གདོན་མི་ཟ་བར་འགྱུར་བ་ཡིན། སངས་རྒྱས་ལ་མིག་ཡོད་པར༴སོགས ཞེས་བྱའོ།། དེ་ལྟ་བུའི་སངས་རྒྱས་རང་མཚན་པ་དེ་ལ་མིག་ཡོད་པར་བསམ་ན། མིག་གི་རྣམ་པར་ཤེས་པ་ཡང་ཡོད་དགོས།མིག་མིག མིག་གི་དབང་པོ་མཆན། རྣམ་པར་ཤེས་པ་དང་བཅས་པ་གྲུབ པ་ཞིག་ཡོད་ན། དེའི་གཟུགས་སུ་སྣང་བ་མི་མཆེད་པའི་ཐབས་ཡོད་པ་མ་ཡིན། གཟུགས་སུ་སྣང་བ་མཆེད་ནས་བཟུང་སྟེ། དེ་མིག་གི་གཟུང་བ་ཡུལ་ཡིན། ཡུལ་དེ་གྲུབ་ཕན་ཆད གཟུགས་དེ་ཉེ་བར་ལེན་པའི་སེམས་རྟོག་ཕྲ་མོ་ཞིག་མི་འབྱུང་བའི་ཐབས་མེད དེ་ནི་མིག་གི་འཛིན་པ་སེམས་ཡིན། སེམས་གང་ལ་ཡོད་པ་དེ་ལ་སེམས་ཅན་ཞེས་བརྗོད། དེ་ལྟ་བུའི་སངས་རྒྱས་རང་མཚན་པ་དེ་ལ་རྣ་བ་ཡོད་པར་བསམ་ན། རྣ་བའི་རྣམ་པར་ཤེས་པ་ཡང་ཡོད་དགོས། རྣ་རྣ་བའི་རྣམ་པར་ཤེས་པ་དང་བཅས་པ་གྲུབ་པ་ཞིག་ཡོད་ན། སྒྲ་རུ་སྣང་བ་མི་མཆེད་པའི་ ཐབས་མེད། སྒྲ་རུ་སྣང་བ་མཆེད་ནས་བཟུང་སྟེ། དེ་རྣ་བའི་གཟུང་བ་ཡུལ་ཡིན ཡུལ་དེ་གྲུབ་ཕན་ཆད་སྒྲ་དེ་ཉེ་བར་ལེན་པའི་སེམས་རྟོག་ཕྲ་མོ་ཞིག་མི་འབྱུང་བའི་ཐབས་མེད། དེ་ནི་རྣ བའི་འཛིན་པ་སེམས་ཡིན། སེམས་གང་ལ་ཡོད་པ་དེ་ལ་སེམས་ཅན་ཞེས་བརྗོད། དེ་ལྟ་བུའི་སངས་རྒྱས་རང་མཚན་པ་དེ་ལ་སྣ་ཡོད་པར་བསམ་ན། སྣའི་རྣམ་པར་ཤེས་པ་ཡང་ཡོད་དགོས། སྣ་སྣ་ཡི་རྣམ་པར་ཤེས་པ་དང་བཅས་པ་གྲུབ་པ་ཞིག་ཡོད་ན། དྲི་རུ་སྣང་བ་མི་མཆེད་པའི་ཐབས་མེད དྲི་རུ་སྣང་བ་མཆེད་ནས་བཟུང་སྟེ། དེ་སྣའི་གཟུང་བ་ཡུལ་ཡིན། ཡུལ་དེ་གྲུབ་ཕན་ཆད་དྲི་དེ་ཉེ་བར་ལེན་པའི་སེམས་རྟོག་ཕྲ་མོ་ཞིག་མི་འབྱུང་བའི་ཐབས་མེད། དེ་ནི་སྣའི་འཛིན་པ་སེམས་ཡིན། སེམས་གང་ལ་ཡོད་པ་དེ་ལ་སེམས་ཅན་ཞེས་བརྗོད། དེ་ལྟ་བུའི་སངས་རྒྱས་རང་མཚན་པ་དེ་ལ་ལྕེ་ཡོད་པར་བསམ་ན། ལྕེའི་རྣམ་པར་ཤེས་པ་ཡང་ཡོད་དགོས ལྕེ་ལྕེ་ཡི་རྣམ་པར་ཤེས་པ་དང་བཅས་པ་གྲུབ་པ་ཞིག་ཡོད་ན རོ་རུ་སྣང་བ་མི་མཆེད་པའི་ཐབས་མེད། རོ་རུ་སྣང་བ་མཆེད་ནས་བཟུང་སྟེ། དེ་ལྕེའི་གཟུང་བ་ཡུལ་ཡིན། ཡུལ་དེ་གྲུབ་ཕན་ཆད་རོ་རུ་ཉེ་བར་ལེན་པའི་སེམས་རྟོག་ཕྲ་མོ་ཞིག་མི་འབྱུང་བའི་ཐབས་མེད། ༄༅། །དེ་ནི་ལྕེའི་འཛིན་པ་སེམས་ཡིན། སེམས་གང་ལ་ཡོད་པ་དེ་ལ་སེམས་ཅན་ཞེས་བརྗོད། དེ་ལྟ་བུའི་སངས་རྒྱས་རང་མཚན་པ་དེ་ལ་ལུས་ཡོད་པར་བསམ་ན ལུས་ཀྱི་རྣམ་པར་ཤེས་པ་ཡང་ཡོད་དགོས། ལུས་ལུས་ཀྱི་རྣམ་པར་ཤེས་པ་དང་བཅས་པ་གྲུབ་པ་ཞིག་ཡོད་ན། རེག་བྱའི་སྣང་བ་མི་མཆེད་པའི་ཐབས་མེད། རེག་བྱའི་སྣང་བ་མཆེད་ནས བཟུང་སྟེ། དེ་ལུས་ཀྱི་གཟུང་བ་ཡུལ་ཡིན། ཡུལ་དེ་གྲུབ་ཕན་ཆད་རེག་བྱ་ཉེ་བར་ལེན་པའི་སེམས་རྟོག་ཕྲ་མོ་ཞིག་མི་འབྱུང་བའི་ཐབས་མེད།དེ་ནི་ལུས་ཀྱི་འཛིན་པ་སེམས་ཡིན སེམས་གང་ལ་ཡོད་པ་དེ་ལ་སེམས་ཅན་ཞེས་བརྗོད། སངས་རྒྱས་ཞེས་གཟུང་འཛིན༴སོགས།སེམས་ཅན་ནོ། །དེའི་ན་སངས་རྒྱས་ནི་གཟུང་འཛིན་ལས་འདས་པའི་བདག་ཉིད་ཅན་ཞིག་དགོས་མ་གཏོགས། གཞན་སངས་རྒྱས་རང་རྒྱུད་པ་ཞིག་ཡོད་པར་སྲིད་ན་དེའི་ཡོན་ཏན་སེམས་ཅན་ལ་འཇུག་པ་ཡང་མི་དང་མི་ལྟ་བུའོ། །སངས་རྒྱས་དེའི་ཡོན་ཏན་སེམས་ཅན་གྱི་རྒྱུད་ལ་འཇུག ཚུལ་མེད། སངས་རྒྱས་དེ་གཞན་ལ་ཆོས་སྟོན་པ་པོ་ཞིག་ཡིན་པས་སངས་རྒྱས་བཏགས་པ་ཡིན་བསམ་ན། སྟོན་པ་པོ་བདག་དང་སྟོན་བྱའི་ཆོས་དང་སྟོན་ཡུལ་སེམས་ཅན་དུ་སྣང་སེམས་ འཛིན་པ་ཡོད་ན། དེའི་སངས་རྒྱས་དེ་ནི་སེམས་ཅན་ལས་འཕགས་པའི་ཁྱད་ཆོས་ཏིལ་འབྲུ་ཙམ་ཡང་མེད་པས་ཐམས་ཅད་སེམས་ཅན་ཡིན་ནོ། །སངས་རྒྱས་དེ་ཡུལ་ས་བདེ་བ་གཟུགས མཛེས་པ། མཛའ་གྲོགས་ལེགས་པ ལོངས་སྤྱོད་དང་བདེ་སྐྱིད་ཆེ་བ། ཁྲོ་བ་དང་ཆགས་པ་མེད་པ་ཞིག་ཡིན་ཏེ། དེ་སངས་རྒྱས་ཀྱི་ཁྱད་ཆོས་ཡིན་བསམ་ན། གཟུགས་ཁམས་ཀྱི་ལྷ་ལས་མི་འཕགས་པས།དེའི་སངས་རྒྱས་དེ་ཡང་སེམས་ཅན་ལས་མ་འདས་པ་ཞིག་ཡིན ངེས་པའི་དོན་དུ་རང་གི་གཞི་ཀུན་ཏུ༴སོགས། རྟོགས་ཤིག །དེའི་ན་སངས་རྒྱས་ཞེས་བྱ་བ་ནི རང་གི་གཞི་ཀུན་ཏུ་བཟང་པོ་འདས་པའི་དུས་ན་འཁྲུལ་མ་མྱོང་། ད་ལྟའི་དུས་སུ་འཁྲུལ་པ་ལ་མི་གནས། མ་འོངས་པའི་དུས་ན་འཁྲུལ་དུ་མི་སྲིད་པའི་དུས་གསུམ་གྱི་བདེ་བར་གཤེགས་པ འདི་ནི་སངས་རྒྱས་ཞེས་བརྗོད་པ་ཡིན། ཡུལ་གཞན་ཞིག་ནས་སངས་རྒྱས་རང་རྒྱུད་པ་ཞིག་འཇིག་རྟེན་ཁམས་སུ་བྱོན་མ་མྱོང་བ་དང་། དེས་ཆོས་སྟོན་མ་མྱོང་བ་རྒྱུད་ལུང་མན་ངག་མང་པོར་གསུངས་ཏེ། རྡོ་རྗེ་གཅོད་པ་ལས། གང་དག་ང་ལ་གཟུགས་སུ་མཐོང་། །གང་དག་ང་ལ་སྒྲར་ཤེས་པ། །ལོག་པའི་ལམ་དུ་ཞུགས་ལགས་པས། །སྐྱེ་བོ་དེ་དག་ང་མི་མཐོང་།། ༄༅། །ཞེས་གསུངས་པ་བཞིན གདུལ་བྱ་རང་སྣང་གི་སྟོན་པ་རང་ལ་ཤར་བ་ལས་ཡུལ་གཞན་ཞིག་ཏུ་སངས་རྒྱས་རང་རྒྱུད་པ་ཞིག་མེད་པའི་ཚུལ་ལ་ལྟོས་ཤིག་རྟོགས་ཤིག་གསུངས་སོ། །དོགས་ཡུལ་འཁོར་བ་གཏན་ལ་ཕབ་པ་དེ་ལ ཡང་འཁོར་བའི་གནས་རིགས༴སོགས། འཁྲུལ་པ་ཡིན། འཁོར་བ་ཞེས་པ་ནི་དཔེར་ན་བུམ་པའི་ནང་དུ་བུང་བ་བཅུག་པ བཞིན་དུ་ལན་རེ་བུམ་པའི་སྟོད་དུ་འཕུར། ལན་རེ་བུམ་པའི་སྨད་དུ་འཕུར། ལན་རེ་བུམ་པའི་སྐེད་དུ་འཕུར་བས་བུམ་པ་ལས་མ་འདས་པ་ཞིག་ཡིན། དེ་བཞིན་དུ་ཁམས་གསུམ་པོ་འདི་འཁོར་བ་ལས་མ་འདས་ཤིང་ཁམས་གསུམ་གྱི་གནས་སུ་རིགས་དྲུག་གི་ཡུལ་དང་སེམས་ཅན་དུ་གྲུབ་པ་ཡོད་ཅིང་། སེམས་ཅན་མང་པོ་གནས་ཡུལ་དེ་དག་རྣམས་སུ་སོང་ཞིང་གཅིག་ནས་གཅིག་ཏུ་ཡུལ་ཁ་བརྒྱུད་ནས་བདེ་བ་དང་སྡུག་བསྔལ་ངེས་པར་མྱོང་བར་སེམས་ན་དེ་ནི་ཤིན་ཏུ་མི་རིགས་ཏེ། སྔ་མའི་ལུས་རྟེན་ཤུལ་དུ་བོར་བ་ཡིན་ན་བར་སྲིད་ཀྱི་ལུས་དེ་གང་ནས་ལོན། བར་སྲིད་ཀྱི་ལུས་འདི་ཤུལ་དུ་བོར་བ་ཡིན་ན དམྱལ་བ་ཚ་གྲང་མྱོང་བྱེད་ཀྱི་ལུས་དེ་གང་ནས་ལོན། དཔེར་ན་དམྱལ་བ་ཡང་སོས་ལྟ་བུར་སྐྱེས་ཚེ། ས་གཞི་ཐམས་ཅད་ལྕགས་སྲེག་གི་ས གཞི། རི་བོ་ཐམས་ཅད་ལྕགས་སྲེག་གི་འཁོར་ཡུག །ལས་རྣམས་ཐམས་ཅད་གཤིན་རྗེའི་ཕོ་ཉ་སོད་སོད་དང་ཆོད་ཆོད་ཀྱི་སྒྲ་སྒྲོགས་པ་ཞིག་ཏུ། དམྱལ་བའི་སེམས་ཅན་གྲངས་མང་པོ ཚོགས་ནས་གཅིག་གིས་གཅིག་མཐོང་བའི་ཚེ་ན་དགྲ་མི་ཤ་བོ་མཐོང་བ་ལྟར་གྲ་གཅོད་གསོད་པར་བྱས་ཚེ། ཡང་སྔར་བཞིན་ནམ་མཁའ་ནས་སོས་པར་གྱུར་ཅིག །ཅེས་པའི་སྒྲ་དེ་གྲགས་མ་ཐག་ཏུ་སོས་པར་འགྱུར་བ་ཡིན་ན དེ་དག་རྒྱུ་རྐྱེན་གང་ལས་བྱུང་སྣང་ཙམ་ལས་བདེན་གྲུབ་ཏུ་མེད་དེ། རྒྱལ་སྲས་ཞི་བ་ལྷས ལྕགས་སྲེག་ས་གཞི་སུ་ཡིས་བྱས །མེ་ཚོགས་དེ་དག་ཅི་ལས་བྱུང་། །དེ་འདྲ་དེ་དག་ཐམས་ཅད་ཀུན། །སྡིག་སེམས་ཡིན་པར་ཐུབ་པས་གསུངས། །ཞེས་གསུངས་པ་བཞིན་ཡིན་ནོ །ད་དུང་དམྱལ་བའི་གནས་སོགས་དང་སྡུག་བསྔལ རང་རྒྱུད་པར་འདོད་ན། དཔེར་ན་དམྱལ་བ་ཚ་གྲང་མྱོང་བྱེད་ཀྱི་ལུས་གྲུབ་ནས་བཙོ་བསྲེགས་དང་གྲ་གཅོད་བྱས་པས་མི་འཆི་བ་ཆོས་ཅན། དེང་སང་གི་སེམས་ཅན་རྣམས་ལ་རྨ་དང་རྐང་ལག་ཚིག་པ་ཙམ་གྱི་འཆི་རྐྱེན་རང་ངོས་ནས་གྲུབ་ཡོད་ན། དམྱལ་བའི་གནས་སུ་བསྐལ་པའི་བར་དུ་བཙོ་བསྲེགས་དང་གྲ་གཅོད་བྱས་པས་མི་འཆི་བ་ཅིའི་ཕྱིར་རེད། དེ་བཞིན་དུ་དགུན་ཉིན་ ༄༅། །ཞག་རེ་ཙམ་གྱི་གྲང་ལྷག་གིས་འཆི་བ་བྱུང་ན་གྲང་དམྱལ་དུ་སྐྱེས་ནས་གྲང་བའི་སྡུག་བསྔལ་བསྐལ་པའི་བར་དུ་མྱོང་བས་མི་འཆི་བ་ཅིའི་ཕྱིར། ཟླ་ཤས་བདུན་ཤས་ཙམ་གྱིས་དེང་སང་གི་སེམས་ཅན་མུ་གེས་འཆི་སྲིད་ན། ཡི་དྭགས་ཀྱི་སེམས་ཅན་རྣམས་བཀྲེས་སྐོམ་གྱིས་གདུང་བ་བསྐལ་པའི་བར་དུ་མྱོང་ན་དེ་མི་འཆི་བ་ཅིའི་ཕྱིར། དེ་གཉིས་འགལ བ་དང་བཅས་པ་ཐལ་བར་གྱུར་གྱིས དེའི་ཕྱིར་ན་འགྲོ་བ་རིགས་དྲུག་གི་སེམས་ཅན་བར་སྲིད་དང་བཅས་པ་ཐམས་ཅད་ཀྱང་མདང་གསུམ་རྨི་ལམ་གྱི་སྣང་བ་མཆེད་པ་དང་ཤར་བ་ལྟ་བུར་སྣང་ཙམ་ཉིད་ནས་མེད་པ་དང་མ་གྲུབ་པ་ལ་སྣང་ཙམ་གྱིས་སྟོང་པ་ཡུལ་མེད་པ་ལ་བདེན་ཞེན་སྐྱེས་ནས་འཁྲུལ་པ་ཡིན། དེ་ལྟར་འཁྲུལ་སྣང་༴སོགས། ཐོབ་པ་ཡིན་ནོ། །དེ་ལྟར་འཁྲུལ་སྣང་འཁྲུལ་འཛིན་དང་བཅས་པ་ཐམས་ཅད་བདེན་པར་མ་གྲུབ་ཅིང་། སྟོང་ཉིད་ཆེན་པོ་གཅིག་གི་རང་བཞིན སྟོང་ཉིད་ཆེན་པོ་གཅིག་གི་ངང་དུ་རོ་གཅིག་ཅིང་། ཡུལ་མེད་ཟང་ཐལ་ཆེན་པོ་རྟོགས་པར་གཏན་ལ་ཕབ་ན་འཁོར་བ་དོང་ནས་སྤྲུགས་པ་ཡིན། ཅིའི་ཕྱིར་ཞེ་ན་ཁམས་གསུམ་འཁོར་བར་སྣང་བ་ཐམས་ཅད་ཀྱང་སེམས་ཅན་གཅིག་གི་འཁྲུལ་རྟོག་ལས་མ་འདས་ཏེ། དཔེར་ན་རྨི་ལམ་གྱི་སྐྱེ་འགྲོ་དང་སྣང་བ་ཐ་དད་པར་ཤར་ཡང་གང་ཟག་དེ་གཉིད་ལས་སད་མ་ཐག་དེ་དག་ཐམས་ཅད་གཞི་སངས་ལ་འགྲོ་བ་བཞིན་དུ། སེམས་ཅན་གཅིག་སངས་རྒྱས་ཚེ་སེམས་ཅན་ཐམས་ཅད་སངས་རྒྱས་པར་འདོད་དགོས། དེ་ལའང་གྲུབ་མཐའི་འདོད་ཚུལ་སྤྱི་དང་རྣལ་འབྱོར་པས་རྟོགས་ཚུལ་དང་གཉིས་ལས སྔ་མ་ལྟར་ན་གང་ཟག་སྒོས་བཙན་གྱི་སྣང་བ་བློ་རང་ངོས་ནས་ལྡོག་ཀྱང་། འཁྲུལ་པ་སྤྱི་བཙན་གྱི་སྣང་ཚུལ་རྣམས་མི་འཇིག་པར་འདོད་དགོས་ཏེ། ཕྱི་ནས་འགྲོ་བའི་དོན་མཛད་པའི་གདུལ་ཞིང་མེད་པར་ཐལ་བའི་སྐྱོན་སྤོང་བའི་ཕྱིར་དྲང་དོན་ཙམ་དུ་བསྟན་པ་ཡིན། ཕྱི་མ་ལྟར་ན་འཁོར་འདས་གཉིས་ཆོས་སུ་སྣང་བ་ཐམས་ཅད་ལྷུན་གྲུབ་སྒོ་བརྒྱད་ཀྱི་ཚུལ་ལས་མ་འདས་ཏེ། སངས་རྒྱས་པའི་ཚེ་ན་སྒོ་བརྒྱད་ནང་གསལ་དུ་ཐིམ་ནས་གཞོན་ནུ་བུམ་སྐུར་བཞུགས་པ་ཡིན་ལ། དེའི་ཚེ་ཕྱི་རོལ་ན་སྣང་བ་ཐ་དད་པར་མ་གྲུབ་སྟེ གཉིད་སད་པས་རྨི་ལམ་ལྡོག་པ་བཞིན་ཡིན་ནོ །རྣལ་འབྱོར་རང་ངོས་ནས་དེ་ལྟར་འདོད་དེ། སྣང་ཚུལ་ཐ་དད་པར་རྒྱུད་གཞན་དུ་ཡོད་པར་སེམས་ན འཁོར་འདས་ཐམས་ཅད་རང་སྣང་ཉག་གཅིག་ལས་གཞན་མེད་པར་རྟོགས་པའི་མཉམ་ཉིད་ཀྱི་གནས་ལུགས་རྫུན་ ༄༅། །པར་འགྱུར་ཏེ། དག་མ་དག་གཉིས་སུ་ཡོད་པའི་ཕྱིར་རོ། །དེའི་ཕྱིར་ན་ངོ་བོ་ཆོས་ཉིད་ལ་ལྟོས་ནས་གང་དུ་སངས་མ་རྒྱས་པ་གཅིག་ཀྱང་མེད་དེ་ཐམས་ཅད་རིག་པའི་རང་སྣང་དུ་ཤེས་དགོས། རྣམ་པ་ཀུན་རྫོབ་ལ་ལྟོས་ནས་ཇི་ལྟར་བཞག་ཀྱང་རྟེན་བྲེལ་ཙམ་དུ་འགལ་བ་མེད་དོ། །དོན་ལ་འཁོར་འདས་མཉམ་ཉིད་དུ་རྟོགས་པར་འདོད་ན་སངས་རྒྱས ཞེས་ཡུལ་གཞན་ཞིག་ཏུ་ཡོད་པར་མི་སེམས་པར། རང་གི་གཞིའི་ངོ་བོ་རྣམ་པར་མི་རྟོག་པའི་ཡེ་ཤེས་ཉིད་འདས་པའི་དུས་ན་འཁྲུལ་མ་མྱོང་། ད་ལྟའི་དུས་ན་འཁྲུལ་ཕྱིར་མི་འབྲང་། མ་འོངས་པའི་དུས་ན་འཁྲུལ་དུ་མི་སྲིད་པའི་རང་གཞི་ཀུན་ཏུ་བཟང་