Tibetan
ནོར་དཀོར་མཛོད་དང་༔ ཁང་ཁྱིམ་བསྲུང་ལ་དགྲ་བགེགས་སྒྲོལ༔ ནཱ་ག་ཙནྡྲི་ས་མ་ཡ་བདག་གི་མི་ནོར་ལོངས་སྤྱོད་དཀོར་ལ་རཀྵ་རཀྵ༔ དེ་ལ་བརྟེན་པའི་བསང་མཆོད་ནི༔ ཀྱེེ༔ རྡོ་རྗེ་འཛིན་རྒྱལ་ཐོད་ཕྲེང་གི༔ བཀའ་ཡི་སྲུང་མ་མཐུ་རྩལ་ཅན༔ བཙན་རྒྱལ་ཤན་པ་སྐྱ་གཅིག་ལ༔ བཟང་ཤིང་ཕྱེ་མར་སྣ ་ཁྲོཾ།༔ ཚོགས་དང་༔ འཆི་མེད་བདུད་རྩིའི་བསང་དུད་ཀྱིས༔ བསང་ངོ་བརྔན་ནོ་མཆོད་པ་འབུལ༔ མཐུན་རྐྱེན་ཟས་ནོར་དངོས་གྲུབ་སྩོལ༔ དགྲ་ཇག་ཆོམ་རྐུན གཅན་གཟན་སོགས༔ འཇིགས་པ་ཐམས་ཅད་བཟློག་པ་དང་༔ བསམ་པའི་དོན་ཀུན་འགྲུབ་པར་མཛོད༔ ནཱ་ག་ཙནྡྲི་ས་མ་ཡ་ཨ་མྲྀ་ཏ་དྷུ་པེ་པྲ་ཏཱིཙྪ་ཡེ་སྭ་ཧཱ༔ དེ་ལ་བརྟེན་པའི་གྲོགས་ཆོས་ནི༔ ཀྱེེ༔ བཙན་རྒྱལ་ཤན་པ་སྐྱ་གཅིག་ཁྱོད༔ བདག་གི་གྲོགས་སུ་བརྟེན་འཚལ་ལོ༔ མདའ་གང་ཕན་ལ་རྒྱང་མ་རིང་༔ འདོམ་གང་ཙམ་ལས་ཡར་མ་རིང་༔ གཡེལ་མེད་གྲོགས་མཛོད་ས་མ་ཡ༔ བསྒྲུབ་བོ་བརྟེན་ནོ་གྲོགས་མཛོད་ཅིག༔ དེ་ལ་བརྟེན་པའི་དམོད་བསྐུལ་ནི༔ ཀྱེེ༔ བཙན་རྒྱལ་ཆེན་པོའི་ཐུགས་དམ་བསྐུལ༔ ཤན་པ་ཆེན་པོའི་དུས་ལ་བབ༔ སྲོག་གི་སྤུ་གྲིའི་དུས་ལ་བབ༔ རོལ་པ་ཆེན་པོའི་དུས་ལ་བབ༔ གནོད་སྦྱིན་སྐྱ་གཅིག་དུས་ལ་བབ༔ ཁྱེད་ཀྱི་དམ་ཚིག་དུས་ལ་བབ༔ མ་ཉེས་བདག་ལ་རྒོལ་བའི་དགྲ༔ ད་ལྟ་ཉིད་དུ་སོད་ལ་ཤོག༔ དགྲ་ལ་ཐན་སྣ་སྣ་ཚོགས་ཀུན༔ མ་འགྱང་དོ་ནུབ་ཉིད་ལ་ཐོང་༔ བཙན་རྒོད་ཤན་པ་ཀུས་འདེབས་ཁྱོད༔ བཀའ་དང་ཐ་ཚིག་གཉན་གྱིས་བསྐུལ༔ འདའ་ན་དམ་ཉམས་བསྐུལ་དོན་ཆུང་༔ སྔོན་ཚེ་པདྨའི་སྤྱན་སྔ་རུ༔ རྣལ་འབྱོར་གྲོགས་མཛོད་མ་ཆད་དམ༔ ཕྲིན་ལས་བསྒྲུབ་པར་མ་ཆད་དམ༔ དགྲ་བགེགས་བསྒྲལ་བར་མ་ཆད་དམ༔ མནའ་ཐོ་ཉམས་ན་མནའ་ཡང་ཟོས༔ དམ་བཅའ་ཉམས་ན་དམ་ཉམས་ཏེ༔ ཁྲིམས་ལ་འགལ་ན་རྫུན་མ་སྟེ༔ བསྒྲུབ་ཚེ་ང་ཡིས་དཀའ་སྤྱད་བསྒྲུབ༔ མཆོད་ཚེ་དཀའ་བ་བཙལ་ཞིང་མཆོད༔ ད་ནི་བསྐུལ་ཚེ་ཁྱོད་ལ་རག༔ མནའ་ཐོ་ཆད་དོན་ཁྲིམས་རྣམས་དང་༔ དམ་བཅའ་དམ་ཚིག་ཉམས་སམ་བསྲུང་༔ དམ་ཅན་ཁྱོད་ལ་རག་ལས་སོ༔ བསྐུལ་ནི་དམ་ཚིག་གཉན་གྱིས་བསྐུལ༔ རྒྱལ་བའི་ཐ་ཚིག་དཔང་ལ་ཡོད༔ ཆོས་ཉིད་བདེན་པ་མི་འགྱུར་བས༔ དགེ་འདུན་བདག་གིས་གནད་ནས་བསྐུལ༔ དཀོན་མཆོག་བདེན་པའི་མཐུ་ཡིས་བསྐུལ༔ མ་གཡེལ་མ་གཡེལ་ལས་ལ་རྒྱུག༔ དགྲ་བོ་དམ ཉམས་ལས་ངན་འདི༔ ལོ་ཟླར་བཞག་པའི་ལོང་མེད་ཀྱི༔ ད་ལྟ་ཉིད་དུ་སོད་ལ་ཤོག༔ སྲོག་རྩ་ཧུར་ཐུམ་ཆོད་ལ་ཤོག༔ གསོད་པའི་ལག་དམར་ཁྱོད་ཀྱིས་མཛོད༔ བསད་རྟགས་དོན་སྙིང་ཁྱེར་ལ་ཤོག༔ བདག་ནི་མ་ཉེས་མ་ཡོའོ༔ ཕར་ལ་བསྐུལ་བའི་དམོད་པའི་ཚིག༔ དམོད་མཁན་བདག་ལ་ཚུར་མ་ལྡོག༔ ཟས་ཟོས་དུག་ཏུ་མ་འགྱུར་ཅིག༔ ཉེས་བྱེད་དགྲ་རུ་མ་ ཁྲོཾ།༔ སྡང་ཅིག༔ མདའ་མོ་དགྲ་ལ་འཕེན་པའི་ཚེ༔ མདེའུ་དབལ་ཚུར་ལ་མ་ལྟ་ཅིག༔ འདི་ཡང་རྡོ་རྗེའི་དམ་ཚིག་གོ༔ ནཱ་ག་ཙནྟི་ས་མ་ཡ༔ དགྲ་བགེགས་སརྦ་ཤ་ཏྲུཾ་མ་ར་ཡ་རྦད་སོད༔ ཅེས་ལན་བདུན་བཟླས༔ ས་མ་ཡ༔ རྒྱ་རྒྱ་རྒྱ༔ དེ་ལ་བརྟེན་པའི་བཟློག་པ་ནི༔ ཧོཿ རྡོ་རྗེ་འཛིན་རྒྱལ་པད་འབྱུང་གི༔ སྐུ་གསུང་ཐུགས་ཀྱི་བདེན་སྟོབས་ཀྱིས༔ བཙན་གྱིས་ཚུར་རྒོལ་དགྲ་ལ་བཟློག༔ དཀོན་མཆོག་གསུམ་གྱི་བདེན་སྟོབས་ཀྱིས༔ དམོད་བསྐུལ་ཚུར་ལ་ལྡོག་པ་བཟློག༔ རྩ་བ་གསུམ་གྱི་བྱིན་རླབས་དང་༔ རྟེན་འབྲེལ་བསླུ་བ་མེད་པའི་མཐུས༔ དམོད་བསྐུལ་ཚུར་ལ་ལྡོག་པ་བཟློག༔ བཟློག་གོ་སྡང་བའི་དགྲ་ལ་བཟློག༔ བཟློག་གོ་གནོད་པའི་བགེགས་ལ་བཟློག༔ ནཱ་ག་ཙནྟི་ས་མ་ཡ་བྷྱོ་བཟློག༔ མི་མཐུན་པའི་ཕྱོགས་ངན་པ་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ༔ ས་མ་ཡ༔ འདི་ནི་དབེན་པའི་རི་ཁྲོད་དུ༔ གཅིག་པུར་གནས་པའི་རྣལ་འབྱོར་གྱིས༔ གྲོགས་ཀྱི་སྐལ་པར་བསྔགས་པ་སྟེ༔ ཉམས་ལེན་སླ་སྟེ་འགྲུབ་ཐག་ཉེ༔ ལས་ལ་མྱུར་བ་གཞན་ལས་ལྷག༔ དེ་ཕྱིར་སྐལ་ལྡན་ཉམས་སུ་ལོངས༔ ཟབ་ཆོས་ཡེ་ཤེས་ཉི་མའི་ཆ་རྐྱེན་དུ༔ བུད་མེད་མཚོ་རྒྱལ་བདག་གིས་ཡི་གེར་བཀོད༔ བཀའ་འདི་མ་མོ་རེ་མ་ཏཱི་ལ་གཉེར༔ ཐུབ་པར་སྲུངས་ཤིག་བཛྲ་ས་མ་ཡ༔ གཏེར་རྒྱ༔ སྦས་རྒྱ༔ ཟབ་རྒྱ༔ གསང་རྒྱ༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་ཡང་སྔགས་པ་བདུད་འཇོམས་རྡོ་རྗེས་གཏེར་ནས་སྤྱན་དྲངས་ཏེ་འབྲོས་ཁུག་མཁའ་འགྲོའི་འདུ་ཁང་དུ་དག་པར་ཕབ་པའི་ཡི་གེའི་རིས་བྱེད་ཕུན་ཚོགས་བཀྲ་ཤིས་སོ།། དགེའོ། །ལེགས་སོ། །བཀྲ་ཤིས། །། ད ཛོམས་བཀའ་སྲུང་བཙན་རྒོད་སྐྱ་གཅིག ཛོམས་བཀའ་སྲུང་བཙན་རྒོད་སྐྱ་གཅིག T11609 - 278 ཁྲོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ བཙན་རྒོད་རོལ་པ་ཆེན་པོའི་གསོལ་མཆོད་བཞུགས༔ ན་མོ་གུ་རུ་པདྨ་ཀ་ར་ཡེ༔ ཐ་གཤག།ཤཤོ༔ བཙན་རྒོད་ཆེན་པོའི་གསོལ་མཆོད་ལ༔ འབྱོར་ཚོགས་གཏོར་མ་གསེར་སྐྱེམས་བཤམས༔ ནམ་མཁའ་མཛོད་ཀྱི་སྔགས་མང་བརྗོད༔ དེ་ན་གསོལ་མཆོད་བྱ་བ་ལ༔ ཛཿ དམ་ཚིག་ཆེན་པོ་དཔང་བཙུགས་ནས༔ འབོད་དོ་གཤེགས་སོ་བཙན་ཆེན་པོ༔ འཁོར་དང་བཅས་པ་གཤེགས་སུ་གསོལ༔ ནམ་མཁའི་ཁམས་ནས ཆུ་ཡི་ཁམས་ནསཿ ས་ཡི་ཁམས་ནས༴ མེ་ཡི་ཁམས་ནས༴ རླུང་གི་ཁམས་ནས འཁོར་དང་བཅས་པ་གཤེགས་སུ་གསོལ༔ ཙ་ཏྲི་ཤུ་ལ་བཛྲ་ས་མ་ཡ་ཛ་ཛཿ ཧཱུྃ༔ བཙན་རྒོད་འབར་བ་འཁོར་དང་བཅས༔ སྲོག་གི་འཁོར་ལོའི་རྟེན་ལ་བཞུགས༔ བདག་གི་སྲུང་མར་མངའ་གསོལ་ལོ༔ དམ་ཚིག་དྲན་པས་ཕྱག་འཚལ་ལོ༔ ཧཱུྃ༔ ཉེར་སྤྱོད་བདུན་དང་འདོད་ཡོན་ལྔ༔ སྨན་གཏོར་རཀྟ་ག་ཎ་ཚོགས༔ ཤ་སྣ་ཁྲག་སྣ་སྙིང་སྣ་དང་༔ འབྲུ་སྣ་སྨན་སྣ་ཟས་སྣ་ཚོགས༔ དཀར་དམར་ཇ་ཆང་སྐྱེམས་ཀྱི་རིགས༔ མདའ་དར་མདུང་དར་དམར་པོ་དང་༔ དགྲ་བོའི་ཤ་ཁྲག་གློ་སྙིང་དང་༔ དར་ཟབ་སྟག་གཟིག་གོས་ཀྱི་རིགས༔ གཡག་ལུག་ར་དང་ཁྱི་རྟ་དམར༔ གཞན་ཡང་སྲོག་ཆགས་དམར་པོ་དང་༔ གོས་རྒྱན་འདོད་ཡོན་མཆོད་འོས་རིགས༔ དངོས་འབྱོར་ཡིད་ཀྱིས་རྣམ་འཕྲུལ་ཏེ༔ བཙན་རྒོད་ཤན་པ་སྐྱ་གཅིག་མཆོད༔ གནས་ཆེན་བདུན་ལ རྒྱུ་བའི་ཚེ༔ སྤུ་རི་ཕུག་གི་བཙན་རྒོད་ལེགས༔ སྟག་མ་རུང་གི་བཙན་རྒོད་ལེགས༔ གཡུ་ལོང་གངས་ཀྱི་བཙན་རྒོད་ལེགས༔ སྤ་རིས་བཙན་རྒོད་འབར་བ་ལེགས༔ མཆིམས་ཕུ་བྲག གི་བཙན་རྒོད་ལེགས༔ གོང་མའི་གྲི་བཙན་ཆེན་པོ་ལེགས༔ བྲག་དམར་རྫོངས་ཀྱི་བཙན་རྒོད་ལེགས༔ དོན་ལ་གཉིས་མེད་ཁྱོད་ལ་འདུ༔ གནས་ཆེན་བདུན་གྱི་བདག་པོ་མཆོད༔ སྤྲུལ་པའི་འཁོར་ནི་ཀུན་ཏུ་རྒྱུ༔ ཆུ་བཙན་དཀར་པོས་ཆུ་ཁམས་ཁྱབ༔ ས་བཙན་སེར་པོས་ས་ཁམས་ཁྱབ༔ མེ་བཙན་དམར་པོས་མེ་ཁམས་ཁྱབ༔ རླུང་བཙན་ལྗང་གུས་རླུང་ཁམས ཁྱབ༔ ཤིང་བཙན་སྐྱ་བོས་ཤིང་ཁམས་ཁྱབ༔ རྡོ་བཙན་འབར་བས་རྡོ་བྲག་ཁྱབ༔ རེ་རེ་ལ་ཡང་བདུན་བདུན་འཆར༔ སྐད་ཅིག་ཙམ་གྱིས་འཛམ་གླིང་ཉུལ༔ དོན་ལ་བཙན་རྒོད་ཁྱོད་ཉིད་ལགས༔ སྣང་སྲིད་ལྷ་ཀླུ་གཉན་སྡེ་བརྒྱད༔ ལྷ་འདྲེ་གང་གི་མིང་བོས་ཀྱང་༔ ཁྱོད་ལས་མི་གཞན་ཁྱོད་ཉིད་ལགས༔ འབྱུང་བའི་མངའ་བདག་ཆེན་པོ་མཆོད༔ འགྲོ་བ་མི་དང་ལྷན་ཅིག ཐོ།༔ འགྲོགས༔ མིང་དང་ཆ་ལུགས་མ་ངེས་པར༔ ཆོ་འཕྲུལ་སྣ་ཚོགས་བསྒྱུར་ཞིང་སྟོན༔ དགྲ་བླ་བཙན་རྒོད་འབར་བ་མཆོད༔ ཡུལ་ལྷ་བཙན་རྒོད་འབར་བ་མཆོད༔ བཀའ་སྲུང་བཙན་རྒོད་འབར་བ་མཆོད༔ དམ་ཅན་བཙན་རྒོད་འབར་བ་མཆོད༔ སྔོན་ཚེ་ཐུབ་པའི་དབང་པོ་དང་༔ ཕྱག་རྡོར་པད་འབྱུང་ལ་སོགས་པའི༔ རིག་འཛིན་བརྒྱད པར་བཅས་པ་ཡི༔ དམ་ཚིག་གཉན་པོས་ཁྱོད་བསྟེན་བསྒྲབ༔ སྐད་ཅིག་མི་འབྲལ་གྲོགས་མཛོད་ཅིག༔ དགྱེས་པའི་ཞལ་དང་འགྲུབ་རྟགས་སྟོན༔ རི་ཁྲོད་དབེན་པར་བདག་སྲུང་ལ༔ སྙིང་རུས་ངེས་འབྱུང་རྟེན་ཕུར་ཚུགས༔ འཚོ་བ་སྦྱོར་བའི་ཡོན་བདག་སྩོལ༔ མོས་གུས་ཅན་གྱི་བུ་སློབ་བསྡུས༔ ཚེ་དང་སྒྲུབ་པ་མཉམ་པར་མཛོད༔ བདག་ནི་གར་སོང་གང་གནས་ཀྱང་༔༷ སྦྱིན་བདག་འབངས་འཁོར་ལེགས་པའི་ཚོགས༔ རང་དབང་མེད་པར་དབང་དུ་བསྡུས༔ མཐུན་རྐྱེན་ཕུན་སུམ་ཚོགས་པར་མཛོད༔ འགལ་རྐྱེན་དགྲ་བགེགས་རྡུལ་དུ་རློག༔ དམ་ཚིག་ཡིན་ནོ་དམ་མ་ཉམས༔ བཀའ་བསྒོ་ཡིན་ནོ་བཀའ་མ་བཅག༔ མ་གཡེལ་མ་འདའ་ས་མ་ཡ༔ དེ་ཡིས་བཙན་རྒོད་བྲན་ཁོལ་གྱུར༔ ཡང་ན་བསྐང་གསོལ་འདིས་ཀྱང་འགྲུབ༔ ནམ་མཁའ་མཛོད་ཀྱི་ སྔགས་བརྗོད་མཐར༔ ཀྱེ༔ སྲིད་པའི་བཙན་རྒོད་འདིར་གཤེགས་ཤིག༔ འབྱོར་ཚོགས་མཆོད་པའི་ཡོ་བྱད་ཚོགས༔ སྔགས་དང་ཏིང་འཛིན་བྱིན་རླབས་ནས༔ བཙན་རྒྱལ་ཆེན་པོ་ཁྱོད་ལ་འབུལ༔ གསོལ་ལོ་མཆོད་དོ་ཐུགས་དམ་བསྐང་༔ རོལ་པ་སྐྱ་བདུན་ཚོགས་ལ་འབུལ༔ གསོལ་ལོ་མཆོད་དོ་ཐུགས་དམ་བསྐང་༔ སྐད་ཅིག་མི་འབྲལ་སྲུང་སྐྱོབ་མཛོད༔ བདག་གི་བློ་ཕུག་ཆོས་ལ་བསྒྱུར༔ དབེན་པའི་རི་ཁྲོད་ཟིན་པར་མཛོད༔ མཐུན་རྐྱེན་བསམ་བཞིན་འབད་མེད་སྒྲུབས༔ འགལ་རྐྱེན་དགྲ་བགེགས་རྡུལ་དུ་རློག༔ མ་གཡེལ་མ་འགྱངས་ས་མ་ཡ༔ དེ་ལྟར་བསྐང་གསོལ་ལ་བརྩོན་ན༔ མི་འབྲལ་གྲོགས་སུ་འགྲུབ་པར་ངེས༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་རྡོ་རྗེ་ཁྲོ་ལོད་རྩལ་གྱིས་གཏེར་ནས་བཏོན་ཏེ་མཐར་རང་སློབ་རྡོ་རྗེ་རྣམ་རྒྱལ་དང་ཆོས་འབྱོར་གཉིས་ཀྱིས་བསྐུལ་ངོར་གཏན་ལ་ཕབ་པའི་ཡི་གེ་པ་ནི་ཆོས་འབྱོར་རོ། །མངྒ་ལཾ།། ། ཟབ་གསང་མཁའ་འགྲོའི་སྙིང་ཐིག་ལས༔ བཙན་རྒོད་ཆེན་པོའི་བསྐང་བ་ཡིད་བཞིན་ཆར་འབེབས་བཞུགས༔ བསྐང་གཅིག་T11609 - 283 ཟོཾ།༔ ན་མོ་གུ་རུ་པདྨ་ཀ་ར་ཡེ༔ རྦ༔ གཏོར་མ་བ་ལིང་ཟན་དུམ་དང་༔ ཤ་ཁྲག་བསང་གསུར་སྐྱེམས་ཚོགས་དང་༔ ཚོགས་མཆོད་དང་ནི་འབྱོར་བའི་ཚོགས༔ བཤམ་སྟེ་ནམ་མཁའ་མཛོད་ཀྱིས་སྤེལ༔ ཨ་ཀཱ་རོ་ཡིས་བྱིན་བརླབས་ཏེ༔ ཨ་མྲྀ་ཏ་ཡིས་བདུད་རྩིར་བསྒྱུར༔ དེ་ནས་ཐུགས་དམ་བསྐང་བ་ནི༔ ཀྱེེ༔ དད་པ་དང་ནི་དམ་ཚིག་གིས༔ ཚུར་གཤེགས་ཚུར་གཤེགས་བཙན་གྱི་ཚོགས༔ སྔོན་གྱི་བསྐལ་པ་དང་པོ་ལ༔ བཅོམ་ལྡན་ཤཱཀྱ་ཐུབ་པ ཡི༔ སྤྱན་སྔར་ཁས་བླངས་སྲོག་སྙིང་ཕུལ༔ དམ་ཚིག་གཉན་པོ་དེ་ཡིས་འབོད༔ བར་དུ་ཕྱག་ན་རྡོ་རྗེ་ཡིས༔ དམ་བཏགས་དབང་བསྐུར་T11609 - 284 ཐོ།༔ བཀའ་བསྒོ་མཛོད༔ དམ་ཚིག་གཉན་པོ་དེ་ཡིས་འབོད༔ ཐ་མ་ཨོ་རྒྱན་ཆེན་པོ་ཡིས༔ དམ་བཏགས་བཀའ་བསྒོས་དབང་ཡང་བསྐུར༔ དམ་ཚིག་གཉན་པོ་དེ་ཡིས་འབོད༔ དེ་འོག་རིག་འཛིན་བླ་མ་ཡི༔ བཀའ་བསྒོས་དམ་བཞག་གཉེར་གཏད་མཛད༔ དམ་ཚིག་གཉན་པོ་དེ་ཡིས་འབོད༔ མ་ཐོགས་མྱུར་དུ་གཤེགས་སུ་གསོལ༔ སྒྲུབ་བསྟེན་བསྐང་གསོལ་གནས་འདིར་བཞུགས༔ ཀྱེེ༔ བཙན་རྒོད འབར་བ་ཆེན་པོ་ཁྱོད༔ གྲོགས་པོར་བསྟེན་ནོ་གཞུང་མ་ངན༔ མཛའ་བོར་བྱས་སོ་ཁྲེལ་མ་ཤོར༔ བྲན་ལྟར་བསྟེན་ནོ་ཕྲག་མ་དོག༔ འབངས་T11609 - 285 ལྟར་བསྟེན་ནོ་ལས་མ་འགྱངས༔ མནའ་ཐོ་བྱས་སོ་མནའ་མ་ཟ༔ དམ་བཅའ་བྱའོ་དམ་མ་ཉམས༔ བདག་དང་ཁྱོད་ཀྱི་དམ་བཅའ་འདི༔ སྲོག་ལ་བབ་ཀྱང་མི་འདའ་འོ༔ དེང་ནས་ཇི་སྲིད་འཚོ་ཡི་བར༔ བཙན་རྒོད་ཁྱོད་དང་རྣལ་འབྱོར་བདག༔ སྐད་ཅིག་ཙམ་ཡང་འབྲལ་མི་བྱ༔ ང་ཡི་མཆོད་གསོལ་བསྙེན་བསྒྲུབ་བྱ༔ ཁྱོད་ཀྱང་སྐུ་གསུང་ཐུགས་མ་གཡེལ༔ སྒྲུབ་པའི་དུས་སུ་འགྲུབ་མ་ཕྱི༔ བསྟེན་པའི་དུས་སུ་རྒྱང་མ་རིང་༔ མཆོད་གསོལ་དུས་སུ་གཡེལ་མ་བྱེད༔ འབོད་པའི་དུས་སུ་སྙན་མ་སྲ༔ རྦད་པའི་དུས་སུ་བང་མ་བུལ༔ བསད་པའི་ལས་ལ་རྩལ་མ་ཞན༔ མངགས་པའི་དུས་སུ་ལས་མ་འགྱངས༔ དམོད་བཅོལ་ལས་ཀྱི་དུས་མ་འགྱངས༔ བདག་གི་ལས་གང་བཅོལ་བའི་ཚེ༔ མ་བུལ་མ་འགྱངས་མྱུར་དུ་སྒྲུབས༔ ཀྱེེ༔ དོ་ནུབ་སྔ་མའི་གཏང་རག་གཏོང་༔ དོ་ནུབ་ཕྱི་མའི་ཞུ་དོན་འབུལ༔ དོ་ནུབ་དམ་ཚིག་གཉན་པོ་བསྲེ༔ དོ་ནུབ་ལས་ཀྱི་གཉེར་གཞི་གཏད༔ དོ་ནུབ་ཐུགས་དམ་གཉན་པོ་བསྐང་༔ འབོད་པའི་དམ་རྫས་ཡིན་པའི་ཕྱིར༔ དར་དམར་གཡབ་དར་ཐུགས་དམ་བསྐང་༔ མཐུན་པའི་དམ་རྫས༴ མདའ་མདུང་དར་གྱིས༴ བསྟེན་པའི་དམ་རྫས༴ བླ་རྡོ་རྟེན་གཏོརཿ ཐོ།༔ བསྒྲུབ་པའི་དམ་རྫས༴ འབྲལ་མེད་རྟེན་གྱིས༴ དགྱེས་པའི་དམ་རྫས༴ མཆོད་རྫས་དུ་མས། བཟའ་བའི་དམ་རྫས༴ ཤ་སྣ་སྙིང་སྣས། བཏུང་བའི་དམ་རྫས་རཀྟ་ཁྲག་སྣས་དགྱེས་སྐོང་དམ་རྫསཿ ཞལ་ཟས་ཚོགས་ཀྱིས བགོ་བའི་དམ་རྫས་ཡིན་པའི་ཕྱིར༔ གོ་ཁྲབ་ཚོགས་ཀྱིས་ཐུགས་དམ་བསྐང་༔ གཞན་ཡང་དངོས་འབྱོར་ཡིད་སྤྲུལ་གྱི༔ མཆོད་པ་རྣམ་པ་སྣ་ཚོགས་ཀྱིས༔ བཙན་རྒོད་འཁོར་བཅས་ཐུགས་དམ་བསྐང་༔ བདག་ནི་མ་རིག་རྨོངས་པ་ཡི༔ ལུས་ངག་ཡིད་ཀྱི་བསམ་སྦྱོར་གྱིས༔ ལྷ་ཁྱོད་ཐུགས་དང་འགལ་གྱུར་རྣམས༔ མཐོལ་ལོ་བཤགས་སོ་བསྐང་ལགས་སོ༔ མི་འཆབ་མི་སྦེད་གནོང་ཞིང་འགྱོད༔ སྔོན་ཆད་ཉེས་གྱུར་མཐོལ་བཤགས་བསྐང་༔ ཕྱིན་ཆད་ཉམས་པར་མི བགྱིད་དོ༔ ཁྱོད་ཀྱང་བདག་ལ་བརྩེར་དགོངས་འཚལ༔ ཕ་མ་བུ་ཚ་ཇི་བཞིན་སྐྱོངས༔ ཀྱེེ༔ བདག་དང་མི་འབྲལ་འགྲོགས་ནས་སུ༔ ཕྲིན་ལས་རབ་འབྱམས་ཡོངས་གྲུབ་ཕྱིར༔ བཙན་རྒོད་ཆེན་པོའི་ཐུགས་དམ་བསྐང་༔ ཤན་པ་ཆེན་པོའི་ཐུགས་དམ་བསྐང་༔ ཀུས་འདེབས་ཆེན་པོའི༴ ཆུ་བཙན་དཀར་པོའི༴ ས་བཙན་སེར་པོའི༔ མེ་བཙན་དམར་པོའི༴ རླུང་བཙན་ལྗང་གུའི༔ ཤིང་བཙན་ཆེན་པོའིཿ བྲག་བཙན་ཆེན་པོའི མཆིམས་ཕུའི་བྲག་བཙན། ཟངས་རི་མཁར་བཙན་ཐུགས་དམ་བསྐང་༔ གཞན་ཡང་འཛམ་གླིང་འདིར་གནས པའི༔ བཙན་རྒོད་འཁོར་བཅས་ཐུགས་དམ་བསྐང་༔ ཐུགས་དམ་བསྐང་ངོ་ཉམས་ཆག་བཤགས༔ སྐུ་དང་འགལ་བ་གང་མཆིས་བཤགས༔ སྐུ་ཡི་དབྱིངས་སུ་ཉམས་གསུང་དང་འགལ་བ་གང་མཆིསཿ གསུང་གི་དབྱིངས་སུ་ཉམས་ཐུགས་དང་འགལ་བ་གང་མཆིསཿ ཐུགས་ཀྱི་དབྱིངས་སུ་ཉམས༴ ཡོན་ཏན་དང་འགལ་གང་མཆིསཿ ཡོན་ཏན་དབྱིངས་སུ ཉམས་ཕྲིན་ལས་དང་འགལ་གང་མཆིས་བཤགས༔ ཕྲིན་ལས་དབྱིངས་སུ་ཉམས་ཆག་བཤགས༔ ཀྱེེ༔ འབྱུང་བ་ལྔ་དང་གནས་བཅུའི་བཙན༔ ཐམས་ཅད་ཤན་པ་སྐྱ་གཅིག་གི༔ སྤྲུལ་པ་ཡང་སྤྲུལ་ཉིང་སྤྲུལ་ལགས༔ ཐམས་ཅད་འདུ་ཡང་ཁྱོད་ལ་འདུ༔ ཐམས་ཅད་བྱུང་ཡང་ཁྱོད་ལས་བྱུང་༔ དེ་ཕྱིར་སྣང་སྲིད་ཁམས་འདི་ལ༔ དབང་མཛད་བཙན་རྣམས་གསོལ་མཆོད་ཕྱིར༔ ཁྱོད་ལ་མཆོད་གསོལ་བསྟོད་ཅིང་བསྔགས༔ སྣང་སྲིད་བཙན་རྣམས་ཐམས་ཅད་ཀྱི༔ ཐུགས་དམ་བསྐང་ཞིང་ཉེས་བཤགས་ཕྱིར༔ ཁྱོད་ཀྱི་ཐུགས་དམ་གཉན་པོ་བསྐང་༔ ཐོ།༔ ཁྱོད་ཀྱི་ཐུགས་དམ་འགལ་བ་བཤགས༔ ཁྱོད་ལ་ཕོག་ཐུག་ཅི་མཆིས་བཤགས༔ བཤགས་པས་མི་འདག་གང་ཡང་མེད༔ བསྐང་བས་མི་བསྐང་གང་ཡང་མེད༔ འདུམ་པས་མི་འདུམ་གང་ཡང་མེད༔ དེ་ཕྱིར་ཉེས་པ་ཅི་མཆིས་བཤགས༔ ཐུགས་དམ་གཉན་པོ་བསྐང་གྱུར་ཅིག༔ འགལ་བ་མཆིས་ན་འདུམ་བགྱིད་དོ༔ བཙན་རྒོད་ཁྱོད་དང་རྣལ་འབྱོར་བདག༔ སྲིད་འཚོའི་བར་དུ་འབྲལ་མི་བྱ༔ ལུས་དང་གྲིབ་མ་ཇི་བཞིན་དུ༔ འབྲལ་བ་མེད་པའི་གྲོགས་མཛོད་ཅིག༔ བདག་གི་སྒོ་གསུམ་དུས་ཀུན་ཏུ༔ ལས་རྐྱེན་ངན་པའི་དབང་མ་བཏང་༔༷ ངེས་མེད་རི་ཁྲོད་ཟིན་པ་དང་༔ བར་མེད་ཆོས་ཚུགས་ཐུབ་པ་དང་༔ གེགས་མེད་དོན་ཆེན་འགྲུབ་པར་མཛོད༔ དད་དམ་ལྡན་པའི་བུ་སློབ་བསྡུས༔ འཚོ་བ་སྦྱོར་བའི་ཡོན་བདག་ཁུག༔ བདག་གི་དབང་དུ་གྱུར་ནས་སུ༔ ཡང་དག་ལམ་ལ་སྦྱོར་བར་མཛོད༔ ཕྱི་ནང་གསང་བའི་བར་ཆད་རྐྱེན༔ གཟུགས་ཅན་དགྲ་དང་གཟུགས་མེད་བགེགས༔ གང་ལ་བྱ་བ་ཁྱོད་ཀྱིས་ཤེས༔ ཉེའམ་རིང་བ་གར་གནས་ཀྱང་༔ རྗེས་ཤུལ་མེད་པར་བརླག་མཛོད་ཅིག༔ བདག་ཅག་དཔོན་སློབ་འཁོར་བཅས་ལ༔ དུས་ཀུན་ཉིན་གྱི་བྱ་ར་དང་༔ མཚན་གྱི་མེལ་རྩེ་ཁྱོད་ཀྱིས་མཛོད༔ བཀའ་དམ་དཔང་དུ་བཙུག་ནས་སུ༔ བསྐང་བཤགས་གཉེར་གཏད་བཅོལ་ལས་དེ༔ བཀའ་སྲུང་ཁྱོད་ཀྱིས་གྲུབ་པར་མཛོད༔ བཛྲ་ས་མ་ཡ༔ དེ་བཞིན་ཚིག་དོན་དྲན་པའི་ངང་༔ བསྐང་གསོལ་ལས་ལ་བརྩོན་བྱས་ན༔ ཕྲིན་ལས་བསྒྲུབ་པར་གདོན་མི་ཟ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་རྡོ་རྗེ་ཁྲོ་ལོད་རྩལ་གྱིས་གཏེར་ནས་བཏོན་ཏེ་མི་ལོ་ཉེར་བཞི་འདས་པའི་མཐར་སྨོན་ལམ་ལས་ཀྱིས་འབྲེལ་བའི་སློབ་བུ་ཆོས་འབྱོར་དང་རྡོ་རྗེ་རྣམ་རྒྱལ་གཉིས་ཀྱིས་བསྐུལ་ངོར་གཏན་ལ་ཕབ་པའི་ཡི་གེ་པ་ནི་པདྨ་ཆོས་འབྱོར་རོ། །དགེའོ །ལེགས་སོ། །སརྦ་མངྒ་ལཾ། T1609 - 290 སྲོག་སྒྲུབ་ཏྱེགཅིག་སྨད་ཆ་ཟབ་གསང་མཁའ་འགྲོའི་སྙིང་ཐིག་ལས༔ བཙན་རྒོད་སྲོག་སྒྲུབ་པདྨ་དཀར་པོའི་སྨད་ཆ་འདོད་འབྱུང་དཔག་བསམ་རྒྱས་པ་བཞུགས་སོ༔ TI1609 - 291 ཐོ།༔ སྐངྒ་དྷཱ།རྨརྦབྷ་ཧཱ།རྒྒཧྨ་ཐཾ།༔ ན་མོ་གུ་རུ་པདྨ་ཀ་ར་ཡེ༔ བདག་འདྲ་རིག་འཛིན་རྡོ་རྗེ་ཐོད་ཕྲེང་ངས༔ མ་འོངས་ལས་ཅན་བུ་ཡི་དོན་ཆེད་དུ༔ བཙན་རྒོད་སྲོག་སྒྲུབ་པདྨ་དཀར་པོ་ཡི༔ སྨད་ཆ་འདོད་འབྱུང་དཔག་བསམ་རྒྱས་པ་བསྟན༔ འདི་ཉིད་ཉམས་སུ་ལེན་པའི་རྣལ་འབྱོར་གྱིས༔ ལེགས་ཉེས་ཤན་འབྱེད་བཀྲ་མོའི་ལག་ལེན་ནི༔ ཟངས་ལྕགས་ཤྭའམ་ཁྱི་དམར་རྐང་གི་ཤྭ༔ ཡང་ན་བཙན་ཤིང་དམར་པོའི་ཤྭ་བྱས་ཏེ༔ ལེབ་བདུན་ལ་ནི་ཡིག་འབྲུ་བདུན་པོ་བྲི༔ ནཱཿ གཿ ཙནཿ ཏྲིཿ ཡེཿ སྭཱཿ ཧཱཿ བསྒྲུབ་པའི་རྟེན་ལ་ཤྭ་བཞག་སྟེ༔ བཀྲ་མོའི་དུས་སུ་ལག་ཏུ་བླངས༔ དེ་ནས་བཀྲ་མོ་ཤན་འབྱེད་སྨོས༔ ཧེ་ཀའི་བསྭོ་བསྭོ༔ བཙན་དམར་རོལ་པ་སྐྱ་གཅིག༔ སྲོག་བདུད་ཤན་པ T11609 - 292 སྲོག་སྒྲུབ་གཉིས་སྨད་ཆ ཐོ།༔ ཀུས་འདེབས༔ ཀུས་ཤེས་བཀྲ་བའི་མོ་ལྷ༔ ཤཱཀྱའི་བསྟན་སྲུང་ཆེན་པོ༔ ཨོ་རྒྱན་བཀའ་ཡི་སྲུང་མ༔ ཁྱོད་སྟོང་གསུམ་གང་ན་གནས་ཀྱང་༔ སྐད་ཅིག་ཉིད་ལ་འདིར་གཤེགས༔ ཐ་ཚིག་གཉན་གྱིས་འབོད་དོ༔ གཡར་དམ་གཉན་ལ་མ་འདའ༔ དམ་ཚིག དབང་གིས་འདིར་སྤྱན་འདྲེན་གཤེགས་སུ་གསོལ༔ བཛྲ་ས་མ་ཡ་ཛ་ཛཿ བདག་གིས་བཀྲ་བའི་མོ་འདི་ཅིའི་ཕྱིར་ན་བཏབས་པ་ཡིན་པས༔ མོ་འདི་རང་གཞུང་གི་བརྟགས་དཔྱད་མ་ནོར་བར་བཟང་ངན་གཉིས་ཤན་ཕྱེས༔ གབ་བརྐུང་མེད་པར་གསལ་བར་ཕོབ་ཅིག༔ ཨོཾ་ནཱ་ག་ཙནྡྲི་ཡཀྵ TI1609 - 293 ཀྲོ་ཏ་ཧཱུྃ་བཛྲ་ས་མ་ཡ་ཛ་ཛཿ བཀྲ་མོ་གསལ་བར་ཕོབ་ཅིག༔ ལན་གྲངས་བརྒྱའམ་ཉེར་གཅིག་བཟླས༔ དེ་ཚེ་རང་ཉིད་ཡི་དམ་ལྷའི༔ བསྐྱེད་པ་དང་ནི་མི་འབྲལ་བར༔ མེ་དཔུང་ཀློང་དུ་བསྐྱེད་དེ་འདེབས༔ ཤྭ་ནི་དར་དམར་སྟེང་དུ་འཕེན༔ དང་པོ་ནཱཿ ལ་བབ་གྱུར་ན༔ གཞི་ལ་དགེ་ཞིང་ནོར་ཡང་འཕེལ༔ སྲོག་ཕྱྭར་བཟང་ཞིང་ནད་པར་བཟང་༔ བློ་ཕྱྭ་ལམ་འགྲོ་དོན་ཡང་འགྲུབ༔ སྟེར་རྙེད་ཇག་པ་ནོར་དང་འཕྲད༔ ཨི་ཐོན་ཐོན་དང་ཨི་འཕྲད་འཕྲད༔ རྟ་ཕྱྭ་བཟང་ཞིང་དགྲ ཡང་མེད༔ གཉིས་པ་བ།ཿ ལ་བབ་གྱུར་ན༔ ཀུན་ལ་ངན་སྟེ་ཉེས་པ་ཆེ༔ གསུམ་པ་ཙནཿ ལ་བབ་གྱུར་ན༔ གཞི་ལ་བཟང་སྟེ་ནོར་ཕྱྭར་བཟང་༔ མགྲོན་པོ་མི་འོང་སྲིད་ཀྱང་འཕེལ༔ སྲོག་ཕྱྭ་བརྟན་ཏེ་ནད་པ་འཚོ༔ རྟ་ཕྱྭ་ལ་བཟང་དགྲ་ཡང་མེད༔