Tibetan
ནས་T11601 - 549 བཏོན། །མ་དང་མཁའ་འགྲོས་གླུ་གར་རོལ། །འཇའ་དང་འོད་ཀྱི་དྲྭ་བ་འཁྲིགས། །དྲི་ཞིམ་དུད་པའི་ན་བུན་འཐུལ། །རི་དྭགས་རྙི་ཡིས་བཅིངས་པ་ཁྲོལ། །རྟེན་འབྲེལ་རྨད་བྱུང་བསམ་ལས་འདས། །མི་ལོ་བཅོ་ལྔར་བཀའ་རྒྱ་བཏབ། །མཐར་ནི་མཁའ འགྲོས་བསྐུལ་ནས་སུ། །སྨར་མདོ་དགའ་བ་འཁྱིལ་ཕུག་ཏུ། །དག་པར་ཕབ་པའི་ཡི་གེ་པ། །རང་སློབ་ཕུན་ཚོགས་བཀྲ་ཤིས་སོ། །དགེའོ །དགེའོ །དགེའོ། །ལེགས་སོ། །སརྦ་མངྒ་ལཾ།། །། ཨཱ འཇོམས་གྲོ་ལོད་འཇོམས་གྲོ་ལོད་T11601 - 550 ཁྲོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ ཆེ་མཆོག་བདུད་འཇོམས་རྡོ་རྗེའི་བསྒྲལ་ལས་དྲག་པོར་མཁྱེན་གསོལ་རྡོ་རྗེའི་ཐོག་མདའ་བཞུགས་སོ༔ དྷབྷོདྷ ན༔ ན་མོ་གུ་རུ་པདྨ་ཀ་ར་ཡེ༔ དང་པོ་གསེར་སྐྱེམས་བྲན་ལ༔ ཨོཾ་ཨཱཿ ཧཱུྃ་ལན་གསུམ་བརྗོད༔ དེ་ནས་དགྲ་བགེགས་ལ་སྡང་བའི་སེམས་ཀྱིས་ཀུན་ནས་བསླངས་ཏེ་རྩ་གསུམ་སྲུང་མ་རྒྱ་མཚོའི་ཚོགས་ལ་མོས་གུས་ཚད་མེད་པའི་ངང་ནས་མཁྱེན་གསོལ་དཔང་བཙུགས་ཀྱི་མན་ངག་འདིར་བརྩོན་པར་བྱའོ༔ འདི་ལག་ལེན་བྱེད་པའི་དུས་སུ་སྟེང་འོག་ཕྱོགས་མཚམས་ཐམས་ཅད་དུ་བླ་མ་ཡི་དམ་མཁའ་འགྲོ་ཆོས་སྐྱོང་སྲུང་མ་ཐམས་ཅད་ནམ་མཁའི་གར་ཁྱབ་ཐམས་ཅད་དུ་ཁྱབ་ཅིང་མི་མངོན་ནམ་མཁའ་དང་མི་གཞན་པར་བརྡལ་བ་དེ་ཐམས་ཅད་སྐད་ཅིག་ཉིད་ལ་རང་གིས་གསོལ་བསྐུལ་གྱི་སྒྲས་གདངས་ལྟར་ཆོས་ཀྱི་དབྱིངས་མི་མངོན་པའི་ངང་ལས་གཟུགས་སྐུ་འཇིགས་པའི་ཆ་ལུགས་སུ་བཞེངས་པར་བསམ༔ ཕྱི་ནང་མཆོད་པའི་སྤྲིན་དཔུང་ཆེན་པོས་མཉེས་ཤིང་སྣང་སྲིད་ཐམས་ཅད་བར་དང་མཚམས་སྲུབ་མེད་པར་ཁྲོ་བོ་ཁྲོ་མོ་སྲུང་མའི་ཚོགས་ཀྱིས་ཁྱབ་ཅིང་༔ ཁ་དོག་དང་འབྱུང་བ་ཐམས་ཅད་ཆེ་མཆོག་རྡོ་རྗེ་གྲོ་ལོད་ཀྱི་ཡེ་ཤེས་སྐུ་ཡི་ངོ་བོར་གྱུར་ནས་འཁོར་འདས་ཐམས་ཅད་བདག་གི་དབང་དུ་བསྒྱུར་བར་རིག་སྟེ༔ ཧཱུྃ༔ དཀོན་མཆོག་གསུམ་པོ་དགོངས་སུ་གསོལ༔ བརྒྱུད་གསུམ་བླ་མ་དགོངས་སུ་གསོལ༔ ཡི་དམ་ལྷ་ཚོགས་དགོངས་སུ་གསོལ༔ མ་དང་མཁའ་འགྲོ་དགོངས་སུ་གསོལ༔ ཆོས་སྐྱོང་བཀའ་T11601 - 551 སྲུང་དགོངས་སུ་གསོལ༔ སྐུ་གསུམ་རྒྱལ་བ་དགོངས་སུ་གསོལ༔ གསོན་ཅིག་དགོངས་ཤིག་རྒྱལ་བ་རྣམས༔ ཐམས་ཅད་མཁྱེན་པའི་ཡེ་ཤེས་ཅན༔ བརྩེ་བ་ཆེན་པོའི་ཐུགས་རྗེ་ཅན༔ མཛད་པ་རྨད་བྱུང་ཕྲིན་ལས་ཅན༔ གདུལ་བྱ་སྐྱོབ་པའི་ནུས་མཐུ་ཅན༔ མ་ལུས་བདག་ལ་དགོངས་སུ་གསོལ༔ བདག་ནི་རྣལ་འབྱོར་སྒྲུབ་པ་པོ༔ སྒོ་གསུམ་དམ་པའི་ཆོས་ལ་བསྐུལ༔ མ་ཉེས་བདེ་བར་གནས་པ་ལ༔ གནོད་བྱེད་འདི་ཡིས་བསམ་སྦྱོར་གནག༔ མཁྱེན་ཅིག་དགོངས་ཤིག་རྒྱལ་བ་རྣམས༔ མངོན་སྤྱོད་དྲག་པོའི་ལས་ལ་དགོངས༔ རྣལ་འབྱོར་དཔུང་དང་ར་མདར་བསྐུལ༔ དྲག་པོའི་ཕྲིན་ལས་དུས་ལ་བབ༔ སྡང་བའི་དགྲ་བོ་དམ་ཉམས་ཀྱིས༔ སངས་རྒྱས་བསྟན་པ་གཉན་པོ་བཤིག༔ དཀོན་མཆོག་གསུམ་གྱི་དབུ་འཕང་སྨད༔ རྣལ་འབྱོར་སྒྲུབ་པའི་བར་ཆད་བརྩམ༔ སྐྱེ་འགྲོའི་བདེ་སྐྱིད་ཉི་མ་བསྣུབས༔ ལས་ངན་བསྒྲལ་བའི་ཞིང་བཅུ་འདི༔ དྲག་པོ་མངོན་སྤྱོད་ཕྲིན་ལས་ཀྱིས༔ བཀུག་བསྒྲལ་བསྲེག་མནན་དུས་ལ་བབ༔ བརྒྱུད་གསུམ་བླ་མས་མཁྱེན་པར་གསོལ༔ ཡི་དམ་ལྷ་ཚོགས་མཁྱེན་པར་གསོལ༔ མ་དང་མཁའ་འགྲོ་མཁྱེན་པར་གསོལ༔ དཀོན་མཆོག་གསུམ་གྱིས་མཁྱེན་པར་གསོལ༔ སྐུ་ ཝྃ།༔ གསུམ་རྒྱལ་བས་མཁྱེན་པར་གསོལ༔ བཀའ་ཡི་སྲུང་མས་མཁྱེན་པར་གསོལ༔ དམ་ཅན་རྒྱ་མཚོས་མཁྱེན་པར་གསོལ༔ དམ་ཚིག་ཐུགས་དམ་དུས་ལ་བབ༔ མངོན་སྤྱོད་དྲག་པོའི་ཕྲིན་ལས་ལ༔ བཞེངས་ཤིག་ཆོས་ཤིག་ས་མ་ཡ༔ འདོད་དོན་ཚུལ་བཞིན་འགྲུབ་པར་མཛོད༔ ས་མ་ཡ༔ དེས་ནི་བསམ་དོན་ཡིད་བཞིན་འགྲུབ༔ གང་ལ་དམིགས་ཀྱང་ཐོགས་མེད་སྒྲོལ༔ འཁོར་འདས་ཡོ་ལོག་བསྒྱུར་བའོ༔ འདི་ལས་ལྷག་པའི་གདམས་ངག་མེད༔ དེ་ནས་གཟུ་དཔང་བསྐུལ་བ་ནི༔ ཕྱོགས་བཅུ་དུས་གསུམ་གྱི་རྒྱལ་བ་སྲས་དང་བཅས་པས་མཁྱེན་ཅིང་དགོངས་ནས་ཁྲོ་གཏུམ་རྔམས་བརྗིད་ཀྱི་སྐུར་བཞེངས་ནས་དགྲ་བགེགས་འགུག་སྒྲོལ་གྱི་ལས་ལ་བརྩོན་པར་བསམ༔ ཀྱེེ༔ བཀའ་བརྒྱུད་རིག་འཛིན་བླ་མ་རྣམས༔ གཟུ་དང་དཔང་ལ་དགོངས་སུ་གསོལ༔ ཡི་དམ་རྒྱུད་སྡེའི་དཀྱིལ་འཁོར་ལྷ༔ གཟུ་དང་དཔང་ལ་དགོངས་སུ་གསོལ༔ མ་དང་མཁའ་འགྲོའི་ལྷ་ཚོགས་རྣམས༔ གཟུ་དང་དཔང་ལ་དགོངས་སུ་གསོལ༔ ཡེ་ཤེས་འཇིག་རྟེན་དམ་ཅན་རྣམས༔ གཟུ་དང་དཔང་ལ་དགོངས་སུ་གསོལ༔ བཀའ་ཡི་ལྷ་སྲིན་སྡེ་བརྒྱད་ཚོགས༔ གཟུ་དང་དཔང་ལ་དགོངས་སུ་གསོལ༔ ཡུལ་ལྷ་ཟོ་དོར་མི་མ་ཡིན༔ གཟུ་དང་དཔང་ལ་དགོངས་སུ་གསོལ༔ སྣང་ཞིང་སྲིད་པའི་ལྷ་T11601 - 553 འདྲེ་རྣམས༔ གཟུ་དང་དཔང་ལ་དགོངས་སུ་གསོལ༔ བདག་ནི་མ་ཉེས་མ་ལེན་ཏེ༔ སྒོ་གསུམ་དགེ་སྦྱོར་ཅི་བདེར་གནས༔ འགྲོ་ཀུན་བདེ་ལ་འགོད་སེམས་བསྐྱེད༔ ཚེ་གཅིག་སངས་རྒྱས་སྒྲུབ་པ་ལ༔ བར་ཆད་དམ་སྲི་བདུད་བགེགས་དང་༔ རྒྱལ་བསེན་དམ་ལོག་མི་མ་ཡིན༔ གདུག་པའི་དགྲ་བགེགས་འདི་རྣམས་ཀྱིས༔ ཕོད་བཙུག་དོ་བསྡོས་འགྲས་བཙལ་ཞིང་༔ ཡ་བཟུང་གདུག་པའི་དབལ་གྱིས་གཟིར༔ མི་བཟོད་གདུང་བ་དྲག་པོས་མནར༔ ཉམ་ཐག་སྡུག་བསྔལ་མ་བཟོད་པས༔ ལྷ་དང་སྲུང་མ་དམ་ཅན་ལ༔ བུ་ཆུང་བཀྲེས་གདུང་མར་འབོད་ལྟར༔ གདུང་བ་དྲག་པོས་འོ་དོད་འབོད༔ ཐུགས་རྗེས་སྐྱབས་དང་མཐུ་ནུས་ཀྱིས༔ འདོར་རམ་མི་འདོར་ཁྱོད་ཀྱིས་ཤེས༔ ཚེ་གཅིག་སྙིང་པོར་གཞོལ་བ་དང་༔ དཀོན་མཆོག་སྐྱབས སུ་བསྟེན་པ་བདག༔ བསླུ་འམ་མི་བསླུ་ཁྱོད་ཀྱིས་ཤེས༔ མཁྱེན་བརྩེ་མཐུ་ནུས་ཡོན་ཏན་ཀུན༔ དྲན་ནས་གཟུ་དང་དཔང་དུ་འབོད༔ ཕྲིན་ལས་དྲག་པོའི་དུས་ལ་བབ༔ མ་གཡེལ་བཛྲ་ས་མ་ཡ༔ དམ་ཚིག་གཉན་པོའི་དུས་ལ་བབ༔ ཕྲིན་ལས་མཛོད་ཅིག་སྐྱབས་མགོན་མཆོག༔ འདོད་ཡོན་ལོངས་སྤྱོད་ཡོན་དུ་འབུལ༔ སྐུ་ཡི་སྤྲུལ་པས་ས་གསུམ་ཁྱབ༔ གསུང་གི་སྤྲུལ ཐོ།༔ པས་ཁམས་གསུམ་སྒྲོལ༔ ཐུགས་ཀྱི་སྤྲུལ་པས་འཁོར་འདས་ཁྱབ༔ ཡོན་ཏན་ཕྲིན་ལས་སྤྲུལ་པའི་ཚོགས༔ སྣང་སྲིད་ཁམས་ཀུན་ཁྱབ་པར་མཛོད༔ དཔང་མཛོད་གཏན་གྱི་སྐྱབས་དང་གཉེན༔ དམ་ཚིག་ཐུགས་དམ་དུས་ལ་བབ༔ བཅོལ་བའི་ཕྲིན་ལས་ད་མཛོད་ཅིག༔ ས་མ་ཡ༔ ཚུལ་བཞིན་ལྡན་པའི་རྣལ་འབྱོར་གྱིས༔ འདོད་དོན་ཡིད་བཞིན་འགྲུབ་པ་དང་༔ ཕྲིན་ལས་ཐོགས་མེད་ཀུན་འགྲུབ་ཅིང་༔ མཐུ་ཡི་གྲགས་པས་ས་སྟེང་ཁྱབ༔ བུད་མེད་ཡེ་ཤེས་མཚོ་རྒྱལ་གྱིས༔ བཀའ་འདི་བརྡ་ཡི་རིས་སུ་ཐོབ༔ སྲུང་མ་བདུད་མགོན་ནག་པོར་གཉེར༔ སྲུངས་ཤིག་བཀའ་དང་ཐ་ཚིག་རྒྱ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ གུ་ཧྱ༔ ཞེས་པ་འདི་ཡང་སྤྲང་པོ་བདུད་འཇོམས་རྡོ་རྗེས་གཏེར་ནས་བཏོན་ཏེ་ཤོག་སེར་ལས་ཞལ་བཤུས་ཤིང་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ། །དགེའོ །དགེའོ། །ལེགས་སོ། །སརྦ་མངྒ་ལཾ།། །། T1601 - 556 ཝྃ༔ ཟབ་གསང་མཁའ་འགྲོའི་སྙིང་ཐིག་ལས༔ ཆེ་མཆོག་རྡོ་རྗེ་གྲོ་ལོད་ཀྱི༔ དྲག་བཟློག་རྡོ་རྗེའི་གད་མོ་བཞུགས་སོ༔ LSS - [091LL བདུད་འཇོམས་གྲོ་ལོད་ཝྃ།༔ རྒྱརརྒྱསརཱངྒམྦྷ༔ ན་མོ་གུ་རུ་པདྨ་ཀ་ར་ཡེ༔ དྲག་བཟློག་རྡོ་རྗེའི་གད་མོ་ནི༔ ཉམས་སུ་ལེན་པའི་རིམ་པ་ལ༔ དཀྱིལ་འཁོར་གྲུ་གསུམ བསྣོལ་བའི་སྟེང་༔ དམར་གཏོར་བརྗིད་ལྡན་ཆེ་བ་ལ༔ དམར་གཏོར་ཆུང་བ་བརྒྱད་ཀྱིས་བསྐོར༔ དེ་མཐར་བཞི་ནི་ནང་སྲུང་སྟེ༔ དེ་མཐར་ཞལ་ཟས་བཞི་ནི་སྒོ༔ སྐྱུ་གུ་རྣམ་ལྔ་ཁྲག་ཀོང་དང་༔ ཟན་དུམ་བ་ལིང་རིལ་བུས་བསྐོར༔ མཐར་ནི་རྩང་གི་ར་བ་ནི༔ སྲིན་མོའི་འགྲོས་སུ་བསྐོར་བ་ལ༔ ཤ་ཁྲག་དུག་སྣ་བྱུག་པར་བྱ༔ གཙོ་གཏོར་གཡས་སུ་དར་ནག་གྲུ་གསུམ་ལ༔ སྔགས་འདི་དབུ་ཅན་ཕྲེང་མི་བཅག་བྲིས་གཟུག༔ ཨོཾ་བཛྲ་གུ་རུ་གྲོ་བོ་ལོད་མ་ཧརི་ནི་ས་ཧྲཱིཿ ཧཱུྃ་མ་མ་བྷེེ་ས་མ་ཡ་ཛ་ཛཿ ནྲྀ་ཏྲི་སརྦ་ཤ་ཏྲུཾ་མཱ་ར་ཡ་རྦད་བྷྱོ་ཟློག༔ འོག་ཏུ༔ ཨཿ ཡཿ མཿ དུཿ རུཿ ཙཿ ཤཿ TI1601 - 558 ཀཝྃ༔ ནཿ སཿ མཿ ཡཿ བྷྱོ་བྷྱོ་ཟློག་ཕཊ༔ སྟེང་དུ༔ ཨེཿ ཡཾཿ བཾཿ ལཾཿ རཾཿ བྷྱོ་བྷྱོ་ཟློག་ཟློག་རྦད་ཕཊ༔ བྲིས༔ ནག་པོ་དགུ་སྦྱོར་བྱུག་པར་བྱ༔ གཡོན་དུ་ཕྱེ་གསུམ་ཡུངས་ཀར་ནག༔ ཐུམ་བྱས་སྐྱེར་པ་ཁྲག་བྱུག་རྩེརཿ བཏགས་ནས་བཟུག་པ་མན་ངག་གོ༔ ལིང་རོ་ཤ་དུམ་ཉལ་ཉིལ་བཤམས༔ བདག་མདུན་ཡི་དམ་ལྷར་གསལ་བའི༔ སྤྲུལ་པ་ཁྲོ་ཆུང་ཁྱུང་སྡིག་དང་༔ མེ་རླུང་མཚོན་ཐུན་རབ་འཕྲོས་པས༔ དགྲ་བགེགས་བྱད་ཕུར་རྦོད་གཏོང་ཀུན༔ བསད་བཅད་བསྲེག་གཏོར་བརླག་ནས་སུ༔ ཧབ་ཧབ་ཟོས་ཤིང་ལྷག་མེད་དུ༔ རྗེས་ཤུལ་ཙམ་ཡང་མེད་པར་བསྒོམ༔ ཧཱུྃ་ཧྲཱིཿ བདེ་ཆེན་དབང་དྲག་རོལ་པའི་དཀྱིལ་འཁོར་དུ༔ ཆེ་བའི་ཆེ་མཆོག་རྡོ་རྗེ་གྲོ་བོ་ལོད༔ གཏུམ་དྲག་དམར་ནག་མེ་T11601 - 559 ཡི་ཕྲེང་བ་ཅན༔ བཞེངས་ཤིག་ཆོས་ཀྱི་དབྱིངས་ལས་སྐུར་བཞེངས་ཤིག༔ འཁོར་བའི་འཁྲུལ་འཁོར་བཟློག་པའི་ཕྲིན་ལས་མཛོད༔ ཕྱག་གཡས་གནམ་ལྕགས་རྡོ་རྗེ་ནམ་མཁར་ཕྱར༔ ལྷ་སྲིན་སྡེ་བརྒྱད་གནོད་པ་དགྲ་ལ་ཟློག༔ གཡོན་པས་སྡིགས་མཛུབ་ཕུར་པ་ས་ལ་གཟིར༔ ས་བདག་ཀླུ་གཉན་གནོད་པ་དགྲ་ལ་ཟློག༔ སྤྲུལ་པའི་ལྕགས་སྡིག་ནག་པོ་ཁྲ་ཐབས་འགྱེད༔ རྒྱལ་འགོང་དམ་སྲིའི་གནོད་པ་དགྲ་ལ་ཟློག༔ སྟེང་ཕྱོགས་ནམ་མཁར་ཁྱུང་ཆེན་ལྡིང་བ་ཡིས༔ ཡ་བདུད་རྒྱལ་པོའི་གནོད་པ་དགྲ་ལ་ཟློག༔ སྟག་མོ་གྲུས་མའི་སྟེང་དུ་འགྱིང་བ་ཡིས༔ མ་བདུད་རྒྱལ་མོའི་གནོད་པ་དགྲ་ལ་ཟློག༔ སྐུ་ལ་ཟ་བེར་ཐང་ཤམ་ཆོས་གོས་གསོལ༔ བར་སྣང་ལྷ་འདྲེའི་རྒོལ་ངན་དགྲ་ལ་ཟློག༔ ཁྲག་འཛག་མི་མགོའི་ཕྲེང་བས་དོ་ཤལ་མཛད༔ རྒྱུ་དྲུག་མ་རིག་འཁྲུལ་སྣང་དགྲ་ལ་ཟློག༔ ཡེ་ཤེས་མེ་དཔུང་འབར་ཀློང་འགྱིང་བ་ཡིས༔ བྱད་ཁ་རྦོད་གཏོང་མ་ལུས་དགྲ་ལ་ཟློག༔ རིགས་བདག་པདྨ་རྒྱལ་པོ་ཡབ་ཡུམ་གྱིས༔ ཕྱོགས་བཅུའི་གནོད་བྱེད་དགྲ་བགེགས་ཐམས་ཅད་ཟློག༔ ཤར་ཕྱོགས་རྡོ་རྗེ་རིགས་ཀྱི་མཁའ་འགྲོ་མས༔ ཤར་ཕྱོགས་དགྲ་བགེགས་གནོད་བྱེད་ཐམས་ཅད་ཟློག༔ ལྷོ་ཕྱོགས་རིན་ཆེན་ ཝྃ།༔ རིགས་ཀྱི་མཁའ་འགྲོ་མས༔ ལྷོ་ཕྱོགས་དགྲ་བགེགས་གནོད་བྱེད་ཐམས་ཅད་ཟློག༔ ནུབ་ཕྱོགས་པདྨ་རིགས་ཀྱི་མཁའ་འགྲོ་མས༔ ནུབ་ཕྱོགས་དགྲ་བགེགས་གནོད་བྱེད་ཐམས་ཅད་ཟློག༔ བྱང་ཕྱོགས་ལས་ཀྱི་རིགས་ཀྱི་མཁའ་འགྲོ་མས༔ བྱང་ཕྱོགས་དགྲ་བགེགས་གནོད་བྱེད་ཐམས་ཅད་ཟློག༔ ཧཱུྃ་ཧྲཱིཿ ཤར་ལྷོ་དཔའ་བོ་རྡོ་རྗེ་གིང་ཆེན་གྱིས༔ ཞེ་སྡང་ལས་གྲུབ་དགྲ་བགེགས་གནོད་བྱེད་ཟློག༔ ལྷོ་ནུབ་དཔའ་བོ་རཏྣ་གིང་ཆེན་གྱིས༔ ང་རྒྱལ་ལས་གྲུབ་དགྲ་བགེགས་གནོད་བྱེད་ཟློག༔ ནུབ་བྱང་དཔའ་བོ་པདྨ་གིང་ཆེན་གྱིས༔ འདོད་ཆགས་ལས་གྲུབ་དགྲ་བགེགས་གནོད་བྱེད་ཟློག༔ བྱང་ཤར་དཔའ་བོ་ཀརྨ་གིང་ཆེན་གྱིས༔ ཕྲག་དོག་ལས་གྲུབ་དགྲ་བགེགས་གནོད་བྱེད་ཟློག༔ ཧཱུྃ་ཧྲཱིཿ ཤར་སྒོའི་རྒྱལ་ཆེན་ཡུལ་འཁོར་སྲུང་བ་ཡིས༔ དྲི་ཟ་གྲུལ་བུམ་ཕྱོགས་ཀྱི་དགྲ་བགེགས་ཟློག༔ ལྷོ་སྒོའི་རྒྱལ་པོ་ཆེན་པོ་འཕགས་སྐྱེས་པོས༔ གཤིན་རྗེ་བདེན་བྲལ་ཕྱོགས་ཀྱི་དགྲ་བགེགས་ཟློག༔ ནུབ་སྒོའི་རྒྱལ་ཆེན་སྤྱན་མི་བཟང་བ་ཡིས༔ ཆུ་བདག་རླུང་བདག་ཕྱོགས་ཀྱི་དགྲ་བགེགས་ཟློག༔ བྱང་སྒོའི་རྒྱལ་ཆེན་རྣམ་མང་ཐོས་སྲས་ཀྱིས༔ གནོད་སྦྱིན་དབང་ལྡན་ཕྱོགས་ཀྱི་དགྲ བགེགས་ཟློག༔ ཧཱུྃ༔ དཔལ་མགོན་ལེགས་ལྡན་ནག་པོ་འཁོར་བཅས་ཀྱིས༔ བཀའ་སྲུང་དྲེགས་པ་ཡོངས་ཀྱི་གནོད་པ་ཟློག༔ ལྷ་ཆེན་དབང་ཕྱུག་མ་ཧཱ་དྗེ་ཝ་ཡིས༔ སྣང་སྲིད་སྡེ་བརྒྱད་ལྷ་འདྲེའི་གནོད་པ་ཟློག༔ སྔགས་སྲུང་གཙོ་མོ་ཨེ་ཀ་ཛ་ཊཱི་མས༔ ཁམས་གསུམ་འཁོར་བའི་འཁྲུལ་འཁོར་དབྱིངས་སུ་ཟློག༔ མ་ཅིག་དཔལ་ལྡན་ལྷ་མོ་འཁོར་བཅས་ཀྱིས༔ སྲིད་པ་མ་མོའི་བཀའ་ཆད་རྒོལ་ངན་ཟློག༔ ཧཱུྃ་བྷྱོ༔ ཆོས་ཉིད་དབྱིངས་ལ་མངའ་དབང་མཛད༔ ཡེ་ཤེས་བཀའ་ཡི་སྲུང་མ་རྣམས༔ དམ་རྫས་གཏོར་མ་འདི་རོལ་ལ༔ ཕྱི་ནང་གསང་བའི་བར་ཆད་ཟློག༔ འཇིག་རྟེན་འདས་ཀྱང་འཇིག་རྟེན་ཚུལ༔ ལེགས་ཉེས་སྟངས་འཛིན་ཆོས་སྐྱོང་ཚོགས༔ དམ་རྫས་གཏོར་མ་འདི་རོལ་ལ༔ མི་མཐུན་ཕྱོགས་ཀུན་དགྲ་ལ་ཟློག༔ དམ་ཚིག་གཉན་པོའི་སྲོག་འཛིན་པའི༔ འཇིག་རྟེན་བཀའ་སྲུང་དྲེགས་པའི་ཚོགས༔ དམར་གྱི་གཏོར་མ་འདི་བཞེས་ལ༔ དགྲ་བགེགས་གནོད་བྱེད་ཐམས་ཅད་ཟློག༔ སྣོད་བཅུད་ཁམས་ལ་མངའ་དབང་མཛད༔ ཡུལ་ལྷ་གཞི་བདག་དྲེགས་ཅན་རྣམས༔ དགྲ་བགེགས་ཤ་ཁྲག་འདི་རོལ་ལ༔ དགྲ་ཇག་ཆོམ་རྐུན་ཐམས་ཅད་ཟློག༔ ཧཱུྃ༔ རྩ་གསུམ་ཆོས་སྐྱོང་རྒྱ་མཚོའི ཝྃ༔ ཚོགས༔ དམ་ཚིག་ཆེན་པོའི་ཐུགས་དམ་བསྐུལ༔ ཆོས་ཀྱི་དབྱིངས་ལས་སྐུ་བཞེངས་ཤིག༔ དགྲ་བགེགས་ཤ་ཁྲག་སྲོག་དབུགས་རོལ༔ དོ་ནུབ་བཟློག་བསྒྱུར་ཕྲིན་ལས་མཛོད༔ ནད་རིགས་བཞི་བརྒྱ་རྩ་བཞི་ཟློག༔ བགེགས་རིགས་སྟོང་ཕྲག་བརྒྱད་ཅུ་ཟློག༔ ལྟས་ངན་བརྒྱད་ཅུ་རྩ་གཅིག་ཟློག༔ ཡེ་འདྲོག་སུམ་བརྒྱ་དྲུག་ཅུ་ཟློག༔ གློ་བུར་བརྒྱད་ཅུ་རྩ་བཞི་ཟློག༔ དུས་མིན་འཆི་བ་བཅོ་བརྒྱད་ཟློག༔ འཇིགས་ཆེན་བརྒྱད་དང་བཅུ་དྲུག་ཟློག༔ ལྷ་འདྲེ་མི་གསུམ་བྱད་ཁ་ཟློག༔ དུས་འཁྲུག་མཚོན་གྱི་ཡོ་ལང་ཟློག༔ སྔོན་ལས་འཕྲལ་རྐྱེན་ངན་པ་ཟློག༔ བཀྲ་མི་ཤིས་པ་ཐམས་ཅད་ཟློག༔ མཐའ་འཁོབ་ཀླ་ཀློའི་མཐུ་སྦྱོར་ཟློག༔ རྗེས་ཤུལ་མེད་པར་བཟློག་གྱུར་ཅིག༔ སྡང་བར་བྱེད་པའི་དགྲ་ལ་ཟློག༔ གནོད་པར་བྱེད་པའི་བགེགས་ལ་ཟློག༔ ཟ་བར་བྱེད་པའི་འདྲེ་ལ་ཟློག༔ ཕུང་བར་བྱེད་པའི་སྲི་ལ་ཟློག༔ བསླབ་སློབ་དམ་ལོག་སྟེང་དུ་ཟློག༔ བྲན་གཡོག་ངོ་ལོག་སྟེང་དུ་ཟློག༔ ཨོཾ་ཨཱཿ ཧཱུྃ་བཛྲ་གུ་རུ་གྲོ་བོ་ལོད་སརྦ་དུཥྚན་ཨཿ ཡཿ མཿ དུཿ རུ༔ ཙཿཤཿ བྱད་མ་ཆག་ཆེ་ཉམ་ང་རྨི་ལྟས་མཚན་མ་ངན་པ་ཐམས་ཅད་སྡང་བྱེད་དགྲ་དང་གནོད་བྱེད་བགེགས་ཀྱི་སྟེང་དུ་ བསྒྱུར་ཅིག་ཨེ་ས་མ་ཡ་བྷྱོ་བྷྱོ་ཟློག་ཟློག་བྷྱོ་ཟློག་ཅིག༔ ཅེས་བདེན་པའི་སྟོབས་ཟློག་སྦྱར་ཀྱང་ཆོག་གོ༔ འདི་ཡིས་མི་བཟློག་གང་ཡང་མེད༔ གནམ་ལྕགས་རྡོ་རྗེའི་ཐོག་དང་མཚུངས༔ གང་ལ་བྱས་ཀྱང་ཐོགས་པ་མེད༔ གང་གིས་བརྗོད་པའི་སྐྱེས་བུ་ཡི༔ རྐྱེན་ངན་བར་ཆད་ཀུན་སྒྲོལ་འགྱུར༔ བཀའ་སྲུང་ཁྱབ་འཇུག་ཆེན་པོས་སྲུངས་༔ དམ་ཉམས་ལག་ཏུ་ཤོར་ར་རེ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཀ་དག རྫོགས་པ་ཆེན་པོ་ཀློང་ཡངས་ནམ་མཁའི་རྣལ་འབྱོར་པ་རིག་འཛིན་བདུད་འཇོམས་རྡོ་རྗེ་གྲོ་ལོད་རྩལ་གྱིས་ཡེ་ཤེས་མཁའ་འགྲོའི་ཀློང་བྱང་ལས་ཞལ་བཤུས་ཏེ་དག་པར་ཕབ་པའོ། །དགེའོ། །ལེགས་སོ། །སརྦ་མངྒ་ལཾ།། ྋ T1601 - 564 ཝྃ།༔ ཟབ་གསང་མཁའ་འགྲོའི་སྙིང་ཐིག་ལས༔ ཆེ་མཆོག་རྡོ་རྗེ་ཁྲོ་ལོད་ཀྱི་སྒོ་ནས་དམག་བཟློག་ཕ་རོལ་དཔུང་འཇོམས་རྡོ་རྗེའི་མཚོན་ཆ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ །།རྐགྷབྷ།།ཛ།༔ བདག་ཉིད་ཆེན་པོ་པད་འབྱུང་ངས༔ འགྲོ་བ་གདུལ་བྱ་རྗེས་འཛིན་ཕྱིར༔ ཟབ་གཏེར་བསམ་མི་ཁྱབ་པ་སྦས༔ ཕ་རོལ་བདུད་ཀྱིས་རྒོལ་ངན་རྣམས༔ ཕྱིར་བཟློག་མན་ངག་ཟབ་མོ་བསྟན༔ བསྐུལ་བྱང་གནད་ཀྱི་མན་ངག་ནི༔ ཧཱུྃ་བྷྱོ༔ གིང་བཞི་བཟློག་བྱེད་ཁྲོ་བོའི་རྒྱལ༔ ཤིན་ཏུ་མ་རུངས་འཇིགས་པའི་གཟུགས༔ རྡོ་རྗེ་རལ་གཅིག་ལེགས་ལྡན་ནག༔ ཞིང་སྐྱོང་ཤན་དམར་གནོད་སྦྱིན་རྒྱལ༔ པད་འབྱུང་སྤྱན་སྔར་ཁས་བླངས་པའི༔ བཀའ་སྡོད་དྲེགས་པའི་ཚོགས་དང་བཅས༔ བསྐུལ་ལོ་ཐུགས་དམ་གནད་ནས་བསྐུལ༔ བཞེངས་ཤིག་མངོན་སྤྱོད་ལས་ལ་བཞེངས༔ མཛོད་ཅིག་བསྟན་པའི་དགྲ་བོ་སྒྲོལ༔ དུས་མཐའ་འགོང་ནག་བསྟན་པའི་དགྲ༔ མཐའ་བཞི་དམག་གི་མཚོན་རྩེ་སྡང་༔ སྡེ་དཔོན་རྒྱབ་བརྟེན་སྡོང་ཟླ་བཅས༔ ཁ་རྗེ་དབང་ཐང་ཚེ་བསོད་ནམས༔ དམར་གཏོར་ཁྲག་སྐྱེམས་འདི་ལ་ཁུག༔ རྔམ་པའི་ང་རོ་བཅས་ཏེ་རོལ༔ རུ་དར་ཆོག་ལ་དབང་པོ་བསྣུབས༔ ལས་མཐའ་ཆུར་བསྒྱུར་བསོད་ནམས་སྣུབས༔ བྱ་བྱེད་རང་སྲོག་གཤེད་དུ་ཕོབ༔ རྒྱལ་བ་སྲས་བཅས་མཐུ་མ་ གཡེལ༔ བཀའ་སྡོད་དམ་ཅན་ལས་མ་འགྱང་༔ མྱུར་དུ་ཕྲིན་ལས་ཐོགས་མེད་སྒྲུབས༔ མ་འདའ་བཛྲ་ས་མ་ཡ༔ སྔགས་བཅས་གཏོར་མ་དགྲ་ཕྱོགས་སུ་དོར་རོ༔ ས་མ་ཡ༔ ཟློག་བྱེད་གནད་ཀྱི་མན་ངག་ནི༔ དཀྱིལ་འཁོར་ལྷ་ཚོགས་མཐུ་མ་ཆུང་༔ འགུགས་པའི་ལས་ལ་རྩལ་མ་ཞན༔ རྦད་པའི་ལས་ལ་ལས་མ་རྡུག༔ བཅོལ་བའི་ལས་ལ་ལས་མ་འགྱང་༔ མངོན་སྤྱོད་དྲག་པོའི་ཕྲིན་ལས མཛོད༔ མཐའ་དམག་དུས་འཁྲུགས་གཡུལ་འགྱེད་མཁན༔ སྡེ་དཔོན་འབངས་བཅས་ཐལ་བར་རློག༔ ཀླ་ཀློའི་རྫས་སྦྱོར་རྦོད་གཏོང་བཅས༔ རྩྭ་སྐམ་དག་ལ་མེ་མཆེད་བཞིན༔ མིང་ཙམ་མེད་པར་བཟློག་པར་མཛོད༔ ལས་མཐའ་ཆུར་བསྒྱུར་རླུང་རྟ་སྣུབས༔ བསམ་ངན་སྦྱོར་བ་རང་གཤེད་ཕོབ༔ དུས་ལ་བབ་པོ་ས་མ་ཡ༔ བཅོལ་བའི་ཕྲིན་ལས་གྲུབ་པར་མཛོད༔ ས་མ་ཡ༔ འཕང་བའི་གནད་ཀྱི་མན་ངག་ནི༔ དུས་མཐའ་འགོང་ནག་བསྟན་པའི་དགྲ༔ སྡེ་དཔོན་ཕྲ་མ་གཡུལ་འགྱེད་མཁན༔ རྫས་སྦྱར་རྦོད་གཏོང་བཅས་པ་ཀུན༔ ཐལ་བའི་རྡུལ་ཕྲན་བཞིན་དུ་རློག༔ དཀྱིལ་འཁོར་ལྷ་ཚོགས་མཐུ་མ་ཆུང་༔ རྣོ་མཚོན་ཐུན་ཆས་ངར་མ་ཞན༔ ལས་ཀྱི་འབྲས་བུ་མཆིས་པར་མཛོད༔ དྲག་སྔགས་ཐུན་སྔགས་བརྗོད༔ ས་མ་ཡ༔ བསྙེན་པ་སྔགས་ཀྱི་མན་ངག་ནི༔ ཝྃ༔ ཨོཾ་ཨཱཿ ཧཱུྃ་བཛྲ་གུ་རུ་ཁྲོ་བོ་ལོད་མ་ཧ་རི་ནི་ས་ཧཱུྃ་ཕཊ༔ སརྦ་དུཥྚན་ཏ་ཀ་ཧ་ན་ད་ཧ་པ་ཙ་ཧཱུྃ་ཕཊ༔ ཨེ་ཡ་ན་ཧ་ཏྲིག་མཱ་ར་ནི་བྷྱོ༔ རྦད་བྷྱོ༔ ཡ་མ་ར་ག་ནི་ར་མ་མོ་ཧཱུྃ་ཧཱུྃ༔ ཛ་ལཾ་བྷ་ར་ཧ་བྷྱོ༔ དུས་འཁྲུགས་ནད་མཚོན་འགོང་ནག་ཧ་ལ་མེ་འབར་སརྦ་ཛྭ་ལ་རཾ་རཾ༔ མཱ་ར་ཡ་བྷྱོ་ཛ་ཧཱུྃ་ཕཊ༔ ཅེས་ཁྲི་ཕྲག་གཅིག་བརྗོད་རྫས་ལ་རྣོ་ངར་བསྐྱེད༔ ཐལ་རྡེབས་གནམ་ས་ཁ་སྦྱོར་དམིགས་མཐའ་འབུངས༔ ས་མ་ཡ༔ མནན་པའི་གནད་ཀྱི་མན་ངག་ནི༔ ཨོཾ་བཛྲ་གུ་རུ་ཁྲོ་བོ་ལོད་ལོ་ཀ་སརྦ་སིདྡྷི་ཧཱུྃ་ཧཱུྃ༔ བཛྲ་སརྦ་དུཥྚན་ཨེ་ཛ་བྷྱོ་ཧཱུྃ་ཕཊ༔ ནག་པོ་དུབ་ཏ་དུས་མཐའི་འགོང་ནག་བསྟན་པའི་རཱུ་ཏྲ་ཊིཀ་ནན་དུ་ར་བྷྱོ༔ ཉེ་ར་བྷྱོ༔ ཧཾ་ཤཾ་ཏྲི་དུ་བྷེ་ཤ་ཧཱུྃ་ཧཱུྃ་ནན༔ ཡ་མ་ཡ་ནན༔ ནི་ར་ལམ་བྷྱོ་ནན༔ ཐང་ཤིང་ཏྲི་ཧུར་ཧོམ་ཛ་ནན༔ ཉག་དུ་ར་དམན་མོ་བྷྱོ་ནན༔ མ་མོ་ནག་མོ་ཧཱུྃ་རྦད་ནན་ཧུར་ཐུམ་སོད༔ ཏྲི་ཤཾ་ཀུ་རུ་མཱ་ར་ཡ་རྦད་ནན་ནན༔ ཨེ་ཧུར་ཐུམ་ཛ་མཱ་ར་ཡ་ཛ་ཛ་ནན༔ བླ་འགུགས་སྔགས་སྦྲེལ་སྟོང་རྩ་བརྗོད༔ ཚེར་ནག་ཕུར་པས་དྲག་ཏུ་གཟིར༔ དེས་ནི་ངན་སྔགས་ལས་མཐའ་ཀུན༔ བཟློག་བསྒྱུར་མན་ངག་གནད་དུ་ཟབ༔ བཀའ་སྲུང་ཞིང་སྐྱོང་རལ་གཅིག་མ༔ གཟའ་དང་དམ་ཅན་སྡེ་ལ་གཏད༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཨྠི༔ ཞེས་པ་འདི་ཉིད་ཆོས་ཀྱི་བདག་པོ་པདྨ་འདུས་པ་རྩལ་གྱིས་ནན་དུ་བསྐུལ་ངོར་བདུད་འཇོམས་པས་གཏན་ལ་ཕབ་པའོ།།དགེའོ།།དགེའོ།།དགེའོ།།ལེགས་སོ།།སརྦ་མངྒ་ལཾ།། །། T1601 - 568 ཝྃ༔ ཧཱུྃ་བྷྱོ༔ རྩ་གསུམ་རྒྱལ་བ་སྲས་བཅས་དང་༔ གུ་རུ་ཁྲོ་ལོད་དཀྱིལ་འཁོར་གྱི༔ བདེན་པ་ཆེན་པོའི་ནུས་སྟོབས་ཀྱིས༔ མཐའ་དམག་དུས་