Tibetan
ཧཱུྃ་ཕཊ༔ ཐུན་མཚམས་ལས་ཀྱི་ཤམ་བུའི་མཐར༔ ཨ་ལི་ཀ་ལི་རྟེན་སྙིང་བརྗོད༔ བདེན་པའི་ཚིག་གིས་སྨོན་ལམ་གདབ༔ ན་མོ༔ མཆོག་གསུམ་སྐུ་གསུམ་རྩ་གསུམ་སྲུང་མའི་ཚོགས་ཀྱི་བདེན་མཐུ་ནུས་སྟོབས་བྱིན་རླབས་དང་༔ དོན་དམ་ཆོས་ཉིད་ངོ་བོ་གདོད་ནས་དག་ཅིང་ཀུན་རྫོབ་བསླུ་བ་མེད་པ་རྒྱུ་འབྲས་ཟབ་མོའི་བདེན་པའི་མཐུས་ཆེ་མཆོག་རྡོ་རྗེ་གྲོ་ལོད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་བདག་གི་རྒྱུད་ལ་ད་ལྟ་ཉིད་དུ་ཐིམ་པར་གྱུར་ཅིག༔ འཕོས་ཤིང་བརྟན་པར་གྱུར་ཅིག༔ གཉིས་སུ་མེད་ཅིང་ཡོངས་སུ་རྫོགས་པར་གྱུར་ཅིག༔ ཞེས་ལན་གསུམ་བརྗོད་མཐར་བསྔོ་སྨོན་བྱ༔ ཞི་དུས་གང་ལ་དམིགས་བྱ་དང་༔ འགྲོ་ཀུན་ནད་གདོན་སྡིག་སྒྲིབ་སྦྱངས༔ ཐམས་ཅད་དག་པའི་ཀློང་དུ་སད༔ བདེ་ཆེན་གཏན་སྲིད་ཟིན་པར་བྱས༔ རྒྱས་དུས་རྒྱལ་ཀུན་དབང་བྱིན་མཐུ༔ བརྟན་གཡོའི་ཚེ་བསོད་བཀྲག་མདངས་བསྡུས༔ བདག་ཐིམ་གཟི་བྱིན་ནུས་ལྡན་ཅིང་༔ མི་ཤིགས་རྡོ་རྗེའི་གདིང་ལྡན་བསམ༔ དབང་དུས་དབང་གི་འོད་ཟེར་གྱིས༔ སྣང་སྲིད་དབང་བསྡུས་སྲོག་ནུས་འཕྲོག༔ བྲན་བཀོལ་དམ་ཚིག་སྲོག་ཀྱང་བཏང་༔ དབང་སྡུད་ཕྲིན་ལས་འགྲུབ་བསམ་མོ༔ དྲག་པོའི་དུས་སུ་ལས་མཚོན་གྱིས༔ དགྲ་བགེགས་གདུག་པ་ཚར་བཅད་Tl1601 - 412 ཕྲྃ།༔ ནས༔ རྗེས་ཤུལ་ཙམ་ཡང་མེད་པར་བསྒོམ༔ འཁྲུལ་མེད་ངོ་བོ་ཉིད་དུ་བསྒྲལ༔ དེས་ནི་ལས་བཞི་ལྷུན་གྲུབ་འགྱུར༔ གསང་བ་འཁོར་ལོའི་བསྒོམ་བཟླས་ལ༔ སྤྱི་བོར་འཇམ་དཔལ་སེར་གསལ་མཛེས༔ རལ་གྲི་བརྒྱད་སྟོང་གླེགས་བམ་བསྣམས༔ རྡོ་རྗེ་སྐྱིལ་ཀྲུང་ལོངས་སྤྱོད་རྫོགས༔ ཐུགས་ཀར་དྷཱིཿལ་སྔགས་ཀྱིས་བསྐོར༔ བཟླས་པས་རྒྱལ་བ་སྲས་བཅས་ཀྱི༔ ཤེས་རབ་ཡེ་ཤེས་སྲོག་ཏུ་བསྡུས༔ ཨོཾ་ཨ་ར་པ་ཙ་ན་དྷཱི༔ བརྒྱ་བཟླས་མཐའ་མར་རྟ་མགྲིན་ནི༔ མགྲིན་པར་རྟ་མགྲིན་དམར་གསལ་བརྗིད༔ ཕྱག་གཉིས་དབྱུག་ཏོ་ཞགས་པ་བསྣམས༔ དཔའ་བོ་སྟག་ཤམ་གྱད་སྟབས་བགྲད༔ སྤྱི་བོར་རྟ་མགོ་གྱེན་དུ་འཚེར༔ ཐུགས་ཀར་ཧྲཱིཿ ལ་སྔགས་ཀྱིས་བསྐོར༔ བཟླས་པས་ཁམས་གསུམ་དབང་སྡུད་གྱུར༔ ཨོཾ་པདྨནྟ་ཀྲྀཏ་ཧྱ་གྲཱི་ཝ་ཧྲཱིཿ བརྒྱ་བརྗོད་གསང་བདག་བསྒོམ་བཟླས་ནི༔ ཆོས་ཀྱི་འཁོར་ལོར་གསང་བདག་མཐིང་༔ རྡོ་རྗེ་སྦྲུལ་འཛིན་སྟག་ཤམ་གསོལ༔ ཁྲོ་གཏུམ་གྱད་ཀྱི་འདོར་སྟབས་བགྲད༔ ཐུགས་ཀར་ཧཱུྃ་ལ་སྔགས ཀྱིས་བསྐོར༔ བཟླས་པས་སྡེ་བརྒྱད་བྲན་ཁོལ་བསམ༔ ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ༔ བརྒྱ་བཟླས་སྒྲོལ་མའི་བཟླས་པ་ནི༔ ལྟེ་བར་སྒྲོལ་མ་ལྗང་གསལ་མཛེས༔ གཡས་པས་སྐྱབས་སྦྱིན་ གཡོན་ཨུཏྤལ༔ བཙུན་མོ་རོལ་སྟབས་ལོངས་སྤྱོད་རྫོགས༔ ཐུགས་ཀར་ཏཱྃཿ ལ་སྔགས་ཀྱིས་བསྐོར༔ བཟླས་པས་འཇིགས་པ་ཀུན་འཇོམས་གྱུར༔ ཨོཾ་ཏཱ་རེ་ཏཱྃ་སྭཱ་ཧཱ༔ བརྒྱ་བརྗོད་ཕུར་པའི་བསྒྲུབ་བཟླས་ནི༔ བདེ་སྐྱོང་འཁོར་ལོར་ཕུར་པ་མཐིང་༔ ཉག་གཅིག་ཕུར་གདེངས་གཡོན་སྡིགས་མཛུབ༔ ཁྲོ་གཏུམ་སྟག་ཤམ་གྱད་སྟབས་བསྒྲད༔ ཁྲོ་བཅུ་ཁྲ་ཐབས་སྒྱུ་འཕྲུལ་ཤར༔ ཐུགས་ཀར་ཕཊཿ ལ་སྔགས་ཕྲེང་འཁོར༔ བཟླས་པས་དགྲ་བགེགས་ཚར་གཅོད་གྱུར༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣན་བྃ་ཧཱུྃ་ཕཊ༔ བརྒྱ་བརྗོད་དབང་ཕྱུག་བསྒོམ་བཟླས་ནི༔ ཤར་དུ་དབང་ཕྱུག་ཆེན་པོ་དམར༔ ཁྲོ་གཏུམ་རྔམས་བརྗིད་ལྕགས་ཀྱུ་སྙིང་༔ ཞབས་གཉིས་འགྱིང་སྟབས་སྟག་ཤམ་གསོལ༔ ཁམས་གསུམ་དབང་སྡུད་ཟིལ་གྱིས་གནོན༔ ཐུགས་ཀར་ཧྲཱིཿ ལ་སྔགས་གཡས་འཁོར༔ བཟླས་པས་ཁམས་གསུམ་ཟིལ་གནོན་གྱུར༔ ཨོཾ་མ་ཧཱ་དཱེ་ཝ་ལོ་ཀི་ཤྭ་ར་ཧྲཱིཿ ཛཿ བརྒྱ་བཟླས་ལེགས་ལྡན་བསྒོམ་བཟླས་ནི༔ ལྷོ་རུ་ལེགས་ལྡན་ནག་པོ་མཐིང་༔ ཕྱག་གཉིས་བིང་དབྱུག་སྙིང་དམར་པོ༔ བེར་ཆེན་དུར་ཁྲོད་ཆས་རྫོགས་ཁྲོས༔ ཞབས་གཉིས་གྱད་སྟབས་སྣང་སྲིད་གནོན༔ ཐུགས་ཀར་ཧཱུྃ་མཐིང་མཐར་སྔགས་འཁོར༔ བཟླས་པས་ ཕྲྃ།༔ གཞན་སྣང་ཟིལ་གནོན་གྱུར༔ ཨོཾ་ཤྲཱི་མ་ཧཱ་ཀཱ་ལ་ཧཱུྃ་ཕཊ༔ བརྒྱ་བརྗོད་ཨེ་ཀ་ཙ་ཏི་ལ༔ ནུབ་ཏུ་ཨེ་ཀ་ཛ་ཊཱི་སྨུག༔ གཡས་པས་ཞིང་གི་དབྱུག་པ་དང་༔ འགྲོ་བློ་ཁ་ལོ་བསྒྱུར་སྙིང་གཡོན༔ རལ་མིག་ཚེམས་དང་ནུ་རྐང་གཅིག༔ ཐུགས་ཀར་མ་ལ་སྔགས་ཀྱིས་བསྐོར༔ བཟླས་པས་འཁོར་འདས་དབང་བསྒྱུར་བསམ༔ ཨོཾ་ཨེ་ཀ་ཙ་ཏི་མ་མ་བྷྱོ༔ བརྒྱ་བརྗོད་སྲིད་པའི་རྒྱལ་མོ་ལ༔ བྱང་དུ་རང་བྱུང་རྒྱལ་མོ་ནག༔ གཡས་གཡོན་འཁོར་ལོ་སྙིང་དམར་བསྣམས༔ སྲིད་པའི་བོང་བུ་དམར་གྭའི་སྟེང་༔ དུར་ཁྲོད་ཆས་རྫོགས་རོལ་སྟབས་འགྱིང་༔ ཐུགས་ཀར་མ་ལ་སྔགས་ཕྲེང་འཁོར༔ བཟླས་པས་ཁམས་གསུམ་ཟིལ་གནོན་གྱུར༔ ཨོ་མ་མོ་རེ་མ་ཏཱི་ཧཱུྃ༔ བརྒྱ་བརྗོད་འདོད་དོན་ཤམ་བུར་སྦྱར༔ གཡས་ན་དབང་དུ་བསྒྱུར་མཚོན་དང་༔ སྐྱེ་འགྲོའི་བློ་ཡིད་འདུས་སྙིང་གཡོན༔ འདི་དག་མངོན་སྤྱོད་ལས་ཀྱི་ལྷ༔ དུས་འཁྲུགས་བདུད་ཀྱི་ཁ་གནོན་ཡིན༔ ས་མ་ཡ༔ གསལ་བའི་གཟེར་གྱི་གནད་ལྡན་ན༔ ཆོས་སྐུ་བྱང་ཆུབ་སེམས་སུ་རྟོགས༔ གདོད་མའི་ལྷ་ཞལ་མངོན་མཐོང་ཞིང་༔ བར་ཆད་ཐམས་ཅད་ངེས་སྒྲོལ་འགྱུར༔ ས་མ་ཡ༔ ལྟ་བའི་གཟེར་གྱི་གནད་ལྡན་ན༔ འཁོར་འདས་གཉིས་ཀྱི་སྲོག་ཐོབ་སྟེ༔ གེགས་དང་གོལ་སའི་འཕྲང་ལས་གྲོལ༔ མཐར་ཐུག་གཉིས་མེད་ངང་གྲོལ་འགྱུར༔ ས་མ་ཡ༔ ཏིང་འཛིན་གཟེར་གྱི་ གནད་ལྡན་ན༔ ཤེས་རིག་གཉུག་མའི་ལྷུམས་ཞུགས་ནས༔ རིག་པའི་ཆོས་ཉིད་མངོན་དུ་བྱེད༔ གནས་སྐབས་གཞན་སྣང་ཟིལ་གནོན་འགྱུར༔ ས་མ་ཡ༔ འཕྲོ་འདུའི་སྔགས་ཀྱི་གཟེར་ལྡན་ན༔ བསམ་པའི་དོན་ཀུན་འབད་མེད་འགྲུབ༔ ཡིད་བཞིན་དཔལ་གྱིས་ཕྱུག་པ་དང་༔ མཐར་ཐུག་དོན་ཀུན་འགྲུབ་འགྱུར་རོ༔ ས་མ་ཡ༔ ཕོ་ཉ་ལྟ་བུའི་ཛཔ་དགོངས་ཀྱིས༔ དོན་གཉིས་འགྲུབ་པའི་ལས་བྱེད་དེ༔ མཐར་ཐུག་སྤྲུལ་བསྒྱུར་གདུལ་བྱ་འདུལ༔ གནས་སྐབས་དངོས་གྲུབ་ཐམས་ཅད་སྡུད༔ ས་མ་ཡ༔ མགལ་མེ་ལྟ་བུའི་ཛཔ་དགོངས་ཀྱིས༔ གཉིས་མེད་རོལ་པར་གྲོལ་བ་དང་༔ དཀྱིལ་འཁོར་གཅིག་སྦྱོར་བསྒྲུབ་པ་དང་༔ སྦྱོར་བ་མཐར་ཕྱིན་དག་ཆེན་ཐོབ༔ ས་མ་ཡ༔ བུང་བ་ཚང་ཞིག་ལྟ་བུ་ཡིས༔ སྣང་སྲིད་དག་མཉམ་ངང་མཐོང་ཞིང་༔ སྣོད་བཅུད་འཛིན་པའི་བག་ཆགས་སྦྱང་༔ མཐར་ཐུག་ཞིང་ཁམས་རྣམ་དག་མངོན་༔ ས་མ་ཡ༔ སྲུང་བའི་ལས་ལ་རྨོངས་གྱུར་ན༔ རབ་ཏུ་གཅེས་པ་སྲོག་ཁོང་སྦྲ༔ འབྲིང་ན་ལྷ་ཡི་གྲལ་དུ་སྦ༔ ཐ་ན་གཞལ་ཡས་ཕྱི་འཁྱམས་དང་༔ ཡང་ཐ་དུར་ཁྲོད་གནས་སུ་བཞག༔ སྲོག་གི་ཐིག་ལེར་བླ་མ་བསྒོམ༔ ཧ་ཡི་སྟོད་ཆར་རྩ་གསུམ་དང་༔ སྐེད་པར་བསྲུང་བྱ་སྨད་སྲུང་མ༔ ཞབས་ཀྱུར་ལྷ་འདྲེ་སྡེ་བརྒྱད་ཀྱི༔ སྲོག་གི་སྙིང་པོ་མགོ་ཐུར་བསྟན༔ ནུས་བཅུད་བསྡུས་བསྟིམ་མན་ངག གནད༔ ས་མ་ཡ༔ སྐབས་སུ་རིག་པའི་ངར་བསྐྱེད་ནས༔ ཧཱུྃ་གླུ་ལེན་ཅིང་ཕཊ་སྒྲ་རྒྱག༔ སྒྲུབ་རྫས་ལྷ་བསྒོམ་སྲོག་སྔགས་འཁོར༔ གཟི་བྱིན་ཡང་ཡང་བསྐྱེད་པ་གནད༔ འཁྱལ་བའི་ཚིག་གིས་བར་མ་ཆད༔ གདན་ཀྱི་དྲོད་མ་ཡལ་བར་བསྒྲུབ༔ ཕྲྃ།༔ ས་མ་ཡ༔ འདི་ལྟར་གནད་ལྡན་སྐྱེས་མཆོག་ལ༔ ཚེ་འདིར་མཆོག་ཐུན་དངོས་གྲུབ་འཐོབ༔ བྱང་ཆུབ་ལམ་ལས་ཕྱིར་མི་ལྡོག༔ སྣང་སྲིད་མ་ལུས་དབང་བསྒྱུར་འགྱུར༔ བདག་འདྲ་པདྨ་ཐོད་ཕྲེང་ངས༔ ༄ སྲོག་གི་ཡང་སྙིང་ཡི་གེར་བྲིས༔ མཁའ་འགྲོ་འབུམ་གྱིས་ཁ་རླངས་བཏབ༔ བཀའ་འདི་བདུད་མགོན་སེང་གདོང་དང་༔ གནོད་སྦྱིན་དམར་ནག་རྡོར་ལེགས་བཙན༔ གཟའ་བདུད་དུག་གི་སྤུ་གྲི་བཅས༔ སྲུང་མ་གཉན་པོར་བཅོལ་གཏད་བྱ༔ སྲུངས་ཤིག་བཛྲ་ས་མ་ཡ༔ དམ་ལྡན་སྒྲུབ་པའི་བུ་སློབ་སྐྱོངས༔ དམ་ཉམས་ལོག་ལྟའི་དབང་པོ་བསྣུབ༔ ཡུལ་དཀྲུག་བདུད་པོའི་སྲོག་རྩ་ཆོད༔ ས་ཐིལ་ནག་པོའི་སྲོག་ལ་ཡ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ༔ ཞེས་པ་འདི་ཡང་འོད་གསལ་རྫོགས་པ་ཆེན་པོ་འཁོར་འདས་འུབ་ཆུབ་རོལ་པའི་རྣལ་འབྱོར་པ་ཁྲག་འཐུང་རྡོ་རྗེ་གྲོ་ལོད་ཀྱིས་གསེར་སྨད་རྔ་ལ་སྟག་རྩེའི་གཡས་ཟུར་རྡོ་རྗེའི་བྲག་ནས་བཏོན་ཏེ་མི་ལོ་བཅོ་ལྔའི་བར་དུ་བཀའ་རྒྱ་བཏབ་ནས་མཐར་སྨར་མདོ་བཀྲ་ཤིས་དགའ་འཁྱིལ་དུ་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ། །དགེའོ། །དགེའོ། །ལེགས་སོ།། ། ལ TI1601 - 418 ཝྃ།༔ ཟབ་གསང་མཁའ་འགྲོའི་སྙིང་ཐིག་ལས༔ ཆེ་མཆོག་རྡོ་རྗེའི་གྲོ་ལོད་ཀྱི༔ ཧཱུྃ་སྒྲུབ་རྡོ་རྗེའི་སྒྲ་དབྱངས་བཞུགས༔ ཐ་འ་༢་ཀབྡ༔ ན་མོ་གུ་རུ་པདྨ་ཀ་ར་ཡེ༔ སྒོ་གསུམ་རྡོ་རྗེ་གསུམ་གྱི་རོལ་པ་རུ༔ བྱིན་གྱིས་བརླབ་ཕྱིར་བློ་སྙིང་ལྷ་ལ་གཏད༔ ལུས་ཡང་ལྷར་གསལ་ངག་ནས་ཧཱུྃ་གླུ་ལེན༔ གདན་གསུམ་དཀྱིལ་འཁོར་རིག་པའི་ངང་ནས་ནི༔ ཨོཾ་ཨཱཿ ཧཱུྃ༔ ཀ་དག་ཆོས་སྐུའི་སྟོན་པ་ཀུན་ཏུ་བཟང་༔ འགགས་མེད་ལོངས་སྐུ་རིགས་ལྔ་གངས་ཅན་མཚོ༔ ཕྱོགས་མེད་སྤྲུལ་སྐུ་ཕྱག་ན་རྡོ་རྗེ་ལ༔ གསོལ་བ་འདེབས་སོ་ཐུགས་རྗེའི་རྒྱུད་བསྐུལ་ལོ༔ དགོངས་བརྒྱུད་ཀློང་ཆེན་བདག་གི་རྒྱུད་ལ་སྤོར༔ རྡོ་རྗེ་གྲོ་བོ་ལོད་དུ་བྱིན་གྱིས་རློབས༔ ཧཱུྃ་ཧཱུྃ་ཧཱུྃ༔ ཧཱུྃ་ཧཱུྃ་ཧཱུྃ༔ ཧཱུྃ་ཧཱུྃ་ཧཱུྃ་ཧཱུྃ༔ སྤྲུལ་པའི་སྐུ་མཆོག་དགའ་རབ་ཤྲཱི་སེང་༔ པདྨ་འབྱུང་གནས་རིག་འཛིན་ཧཱུྃ་ཀཱ་ར༔ འཇམ་དཔལ་བཤེས གཉེན་ཀླུ་སྒྲུབ་པྲ་བྷ་ཧར༔ གསོལ་བ་འདེབས་སོ་ཐུགས་དམ་རྒྱུད་བསྐུལ་ལོ༔ དགོངས་བརྒྱུད་ཀློང་ཆེན་བདག་གི་རྒྱུད་ལ་སྤོར༔ རྡོ་རྗེ་གྲོ་བོ་ལོད་དུ་བྱིན་གྱིས་རློབས༔ ཧཱུྃ་ཧཱུྃ་ཧཱུྃ༔ ཧཱུྃ་ཧཱུྃ་ཧཱུྃ༔ ཧཱུྃ་ཧཱུྃ་ཧཱུྃ་ཧཱུྃ༔ དྷ་ན་སཾསྐྲྀ་བི་མ་མི་ཏྲ་དང་༔ རམྦུ་གུ་ཧྱ་ཤཱནྟི་གརྦྷ་ལ༔ གསོལ་བ་འདེབས་སོ་ཐུགས་དམ་རྒྱུད་བསྐུལ་ལོ༔ དགོངས་བརྒྱུད་ཀློང་ཆེན་བདག་གི་རྒྱུད་ལ་སྤོར༔ རྡོ་རྗེ་གྲོ་བོ་ལོད་དུ་བྱིན་གྱིས་རློབས༔ ཧཱུྃ་ཧཱུྃ་སོགས་འགྲེས་སོ༔ ཆོས་རྒྱལ་ཁྲི་སྲོང་བཻ་རོ་ཁྱེ་འུ་ཆུང་༔ མཁའ་འགྲོའི་གཙོ་མོ་ཡེ་ཤེས་མཚོ་རྒྱལ་ལ༔ གསོལ་བ་འདེབས་སོ་སོགས༔ ཕ་གཅིག་དྲིན་ཆེན་རྩ་བའི་བླ་མ་དང་༔ རིགས་ཀྱི་བདག་པོ་སྣང་སྲིད་ཟིལ་གནོན་ལ༔ གསོལ་བ་འདེབས་སོ་སོགས༔ ཆེ་བའི་ཆེ་མཆོག་རྡོ་རྗེ་གྲོ་ལོད་ལ༔ གསོལ་བ་འདེབས་སོ་སོགས༔ ཡེ་ཤེས་མཁའ་འགྲོ་ཕག་མོ་སྡེ་ལྔ་ལ༔ གསོལ་བ་འདེབས་སོ་སོགས༔ སྐུ་ལྔ་ལྷུན་གྲུབ་དཔའ་བོ་གིང་ཆེན་ལ༔ གསོལ་བ་འདེབས་སོ་སོགས༔ ཡེ་ཤེས་དབྱིངས་སྤྲུལ་སྒྲོལ་གིང་སྡེ་བཞི་ལ༔ གསོལ་བ་འདེབས་སོ་སོགས༔ སྣང་སྲིད་ཟིལ་གནོན་རྒྱལ་ཆེན་སྡེ་བཞི་ལ༔ གསོལ་བ་འདེབས་སོ་སོགས༔ བདུད་མགོན་ཆེན་པོ་སེང་གདོང་ཡབ་ཡུམ་ལ༔ གསོལ་བ་འདེབས་སོ་ཐུགས་དམ་རྒྱུད་བསྐུལ་ལོ༔ ཕྱི་ནང་གསང་བའི་བར་ཆད་བཟློག་པ་དང་༔ དགྲ་བགེགས་གདུག་པ་མ་ལུས་ཚར་ཆོད་ཅིག༔ ཧཱུྃ་ཧཱུྃ་སོགས༔ གནོད་སྦྱིན་ཆེན་པོ་ཤན་པ་དམར་ནག་ལ༔ གསོལ་བ་འདེབས་སོ་ཐུགས་དམ་རྒྱུད་བསྐུལ་ལོ༔ བློ་སྣ་ཆོས་ལ་བསྒྱུར་ཞིང་བརྟན་པ་དང་༔ འདོད་དོན་འབད་མེད་ལྷུན་གྱིས་གྲུབ་པར་མཛོད༔ ཧཱུྃ་ཧཱུྃ་སོགས༔ ཡེ་ཤེས་ལས་གྲུབ་བཀའ་སྲུང་དམ ༩་༦༥༠ ཕྲྃ།༔ ཅན་ལ༔ གསོལ་བ་འདེབས་སོ་ཐུགས་དམ་རྒྱུད་བསྐུལ་ལོ༔ སྒྲུབ་མཆོག་རྣམས་ལ་དབྱེར་མེད་གྲོགས་མཛོད་ལ༔ ཕྱི་ནང་གསང་བའི་བར་ཆད་དགྲ་བགེགས་སྒྲོལ༔ ཧཱུྃ་ཧཱུྃ་སོགས༔ རང་སྣང་སྐུ་དང་ཡེ་ཤེས་རོལ་པའི་ངང་༔ རང་གྲོལ་བདེ་བ་ཆེན་པོའི་དཔལ་ཐོབ་ནས༔ ཀ་དག་ཆོས་སྐུའི་ཀློང་དུ་གདིང་ཐོབ་སྟེ༔ སྤྲུལ་པས་འགྲོ་ཁམས་དོང་སྤྲུགས་ནུས་པར་ཤོག༔ ཧཱུྃ་ཧཱུྃ་སོགས༔ འབྱུང་བའི་སྒྱུ་ལུས་ཡེ་ཤེས་འཇའ་སྐུར་འཕོས༔ མ་དག་ངག་རླུང་གསུང་གི་གསང་བར་དག༔ འཁྲུལ་པའི་རྟོག་ཚོགས་ཡེ་ཤེས་རོལ་པར་སངས༔ སྒོ་གསུམ་རྡོ་རྗེ་གསུམ་གྱི་ལྷུམས་སུ་ཞུགས༔ ཧཱུྃ་ཧཱུྃ་སོགས༷༔ ཡེ་ཤེས་རོལ་པའི་འཕྲོ་འདུ་ལས༔ ཧཱུྃ་གི་རང་སྒྲ་དི་རི་རི༔ སྣོད་བཅུད་འཛིན་པ་ཧཱུྃ་གིས་གཞིག༔ སྐྱེ་མེད་ཧཱུྃ་སྒྲ་དི་རི་རི༔ ཧཱུྃ་ཧཱུྃ་ཧཱུྃ༔ ཧཱུྃ་ཧཱུྃ་ཧཱུྃ༔ ཧཱུྃ་ཧཱུྃ་ཧཱུྃ༔ ཧཱུྃ་ཧཱུྃ་ཧཱུྃ་ཧཱུྃ༔ ཕྱོགས་དང་མཐའ་དབུས་བྲལ་བ་ཡི༔ སྣང་སྲིད་ཧཱུྃ་སྒྲ་དི་རི་རི༔ དབུགས་དབྱུང་དབུགས་རྔུབ་འཕྲོ་འདུ་རྣམས༔ ཆོས་ཉིད་རང་སྒྲ་ཧཱུྃ་གི་ངང་༔ ཧཱུྃ་ཧཱུྃ་སོགས༔ ཀུན་ཏུ་བཟང་པོ་མན་ཆད་ནས༔ སྲིན་བུ་པདྨ་ཡན་ཆད་ཀྱི༔ སྲོག་གི་སྙིང་པོ་ཡི་གེ་ཧཱུྃ༔ རང་བྱུང་རང་ཤར་ཆེན་པོར་རིག༔ ཧཱུྃ་ཧཱུྃ་སོགས༔ ཧཱུྃ་ཡིག་འབྲུ་གཅིག་འདི་བརྗོད་པས༔ བདེ་གཤེགས་ཀུན་གྱི་བསྙེན་པ་རྫོགས༔ ཧཱུྃ་ཧཱུྃ་སོགས༔ ཡེ་ནས་ཡི་གེ་འདི་གསལ་བས༔ འཁོར་འདས་ཡོངས་ཀྱི་སྲོག་སྙིང་འདུ༔ ཧཱུྃ་ཧཱུྃ་སོགས༔ སྐྱེ་མེད་ཡི་གེ་འདི་བརྗོད་པས༔ རྩ་ཁམས་ཡི་གེའི་རོལ་པར་དག༔ ཧཱུྃ་ཧཱུྃ་སོགས༔ ཧཱུྃ༔༷ རིག་པ་ཧཱུྃ་གི་འཕྲོ་འདུ་ལས༔ སྤངས་རྟོགས་མི་དམིགས་འཛིན་བྲལ་ཞིང་༔ གང་ཤར་ཆོས་ཉིད་རོལ་པའི་ཀློང་༔ མ་བཅོས་རང་བྱུང་ཆོས་སྐུར་སད༔ ཧཱུྃ་ཧཱུྃ་སོགས༔ ལུས་ཀྱི་འཛིན་པ་ལྷ་སྐུར་ཞིག༔ མ་དག་ངག་རླུང་གསུང་དུ་འཕོས༔ སྣང་སེམས་ཐུགས་ཀྱི་ཀློང་ལྷུམས་ཞུགས༔ རང་གྲོལ་རྡོ་རྗེ་གྲོ་བོ་ལོད༔ ཧཱུྃ་ཧཱུྃ་སོགས༔ གཟུང་དང་འཛིན་པ་རང་གྲོལ་ནས༔ འཁོར་འདས་དག་མཉམ་ཆེན་པོའི་ངང་༔ རིག་པ་རང་གྲོལ་རྫོགས་པ་ཆེ༔ ངང་ལས་མི་འདའ་དམ་བཅའ་འོ༔ ཧཱུྃ་ཧཱུྃ་ཧཱུྃ༔ ཧཱུྃ་ཧཱུྃ་ཧཱུྃ༔ ཧཱུྃ་ཧཱུྃ་ཧཱུྃ༔ ཧཱུྃ་ཧཱུྃ་ཧཱུྃ་ཧཱུྃ༔ ཞེས་བརྒྱ་སྟོང་ལ་སོགས་སྐབས་དང་བསྟུན༔ མ་འོངས་ལས་ཅན་སྐལ་ལྡན་རྣམས༔ སྒོ་གསུམ་རྡོ་རྗེ་གསུམ་གསལ་ངང་༔ སྣང་སྲིད་ཧཱུྃ་གི་རང་བཞིན་དུ༔ གསལ་ཞིང་རྒྱས་གདབ་གདིང་བསྐྱེད་བརྗོད༔ སྲོག་གི་སྒྲུབ་པ་ཟབ་རྒྱའི་བཅུད༔ ཉམས་སུ་བླངས་པས་ངེས་གྲོལ་འགྱུར༔ བུད་མེད་ཡེ་ཤེས་མཚོ་རྒྱལ་མ༔ པདྨའི་སྙིང་ཐིག་ཡི་གེར་ཐོབས༔ ཁམས་ཀྱི་སྟག་རྫོང་བྲག་ ༦༡ང ཝྃ།༔ ལ་སྦོས༔ བཀའ་སྲུང་དྲང་སྲོང་ཆེན་པོས་སྲུངས༔ བཀའ་དང་ཐ་ཚིག་གཉན་པོའི་རྒྱ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱཿ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་7 ཡང་ཤིན་ཏུ་སྦས་པའི་རྣལ་འབྱོར་པ་ཁྲག་འཐུང་བདུད་འཇོམས་རྡོ་རྗེ་གྲོ་ལོད་ཀྱིས་གཏེར་ནས་བཏོན་ཏེ་དག་པར་ཕབ་པའི་ཡི་གེ་པ་ནི་སློབ་མའི་མཆོག་གྱུར་ཕུན་ཚོགས་བཀྲ་ཤིས་སོ། །དགེའོ །བཀྲ་ཤིས།། །། ༄ གསུམ་བྱོན། Tl1601 - 423 གསུམ་བྱོན། Tl1601 - 423 T11601 - 424 མཝྃ།༔ ཟབ་གསང་མཁའ་འགྲོའི་སྙིང་ཐིག་ལས༔ ཆེ་མཆོག་བདུད་འཇོམས་རྡོ་རྗེའི་སྒྲུབ་པ་ཡི༔ ཚོགས་མཆོད་འདོད་འཇོའི་བུམ་བཟང་བཞུགས་སོ༔ T11601 - 425 བདུད་འཇོམས་གྲོ་ལོད་ཝྃ༔ གཧརྣསྙཀྵ ན་མོ་གུ་རུ་པདྨ་ཀྲོ་དྷ་ཡེ༔ རྡོ་རྗེ་ཐོད་ཕྲེང་རྗེས་འཇུག་རྣམས༔ གསང་སྔགས་ཟབ་མོའི་སྒོར་ཞུགས་ཚེ༔ དམ་ཚིག་ཉམས་ཆག་གསོ་བ་དང་༔ ཚོགས་རྫོགས་སྒྲིབ་པ་སྦྱོང་བའི་ཐབས༔ ཚོགས་ཀྱི་འཁོར་ལོར་ལ་བརྩོན་འབད༔ དེ་ཡི་ལག་ལེན་རིམ་པ་ལ༔ སྒྲུབ་པའི་གཞུང་བསྲང་སྔགས་རྫོགས་མཐར༔ སྣོད་གཙང་ཆག་གས་མེད་པའི་ནང་༔ འབྲུ་སྣ་ཟས་སྣ་སྤོད་ཀྱི་རིགས༔ ལོངས་སྤྱོད་འབྱོར་ཚོགས་ཐམས་ཅད་བསགས༔ རི་རབ་རོལ་མཚོའི་ཚུལ་དུ་སྤུངས༔ ཡེ་ཤེས་བདུད་རྩིར་བྱིན་བརླབ་ནི༔ ཧཱུྃ༔ རང་ཉིད་ལྷ་ཡི་ཐུགས་ཀ་ནས༔ རྃ་འཕྲོས་མ་དག་ཉེས་སྐྱོན་བསྲེགས༔ ཡྃ་འཕྲོས་འབག་བརྩོག་ཐམས་ཅད་གཏོར༔ ཁྃ་འཕྲོས་བག TI1601 - 426 ཤྲཱི རྟ་ཝྃ།༔ ཆགས་ཐམས་ཅད་བཀྲུས༔ རྃ་ཡྃ་ཁྃ༔ སྦྱངས་ནས་འབྲུ་གསུམ་ནུས་པས་བརླབ༔ ཨོཾ་གྱིས་སྐུ་ཡི་བདུད་རྩི་དཀར༔ ཨཱཿ ཡིས་དམར་གསལ་གསུང་གསང་བཅུད༔ ཧཱུྃ་གིས་མཐིང་ནག་ཐུགས་བཅུད་ལྡན༔ འཁོར་འདས་ཡོངས་ཁྱབ་འདོད་ཡོན་སྤྲིན༔ ཨོཾ ཨཱཿཧཱུྃ༔ ལན་གསུམ་བརྗོད་ཅིང་སྤྱན་འདྲེན་ནི༔ ཧཱུྃ༔ རང་སྣང་དོན་གྱི་འོག་མིན་ནས༔ བརྒྱུད་གསུམ་བླ་མ་ཡོངས་འདུས་དཔལ༔ པདྨ་འབྱུང་གནས་སྟོན་འཁོར་བཅས༔ ཚོགས་ལ་སྤྱན་འདྲེན་གཤེགས་སུ་གསོལ༔ དབང་དྲག་རོལ་པའི་དཀྱིལ་འཁོར་ནས༔ ཆེ་མཆོག་བཛྲ་ཁྲོ་བོ་ལོད༔ TI1601 - 427 མཁའ་འགྲོ་གིང་དང་རྒྱལ་ཆེན་བཞི༔ ཚོགས་ལ་སྤྱན་འདྲེན་གཤེགས་སུ་གསོལ༔ ལེགས་ལྡན་དབང་ཕྱུག་ཨེ་ཀ་ཛཿ སྲིད་པའི་རྒྱལ་མོ་ཆེན་མོ་དང་༔ གནས་ཡུལ་དུར་ཁྲོད་ཧེ་རུའི་ཞིང་༔༷ དབང་མཛད་དཔའ་བོ་རྣལ་འབྱོར་མ༔ ཆོས་སྐྱོང་ཞིང་སྐྱོང་གིང་ཕོ་མོ༔ ཚོགས་ལ་སྤྱན་འདྲེན་གཤེགས་སུ་གསོལ༔ བཛྲ་ས་མ་ཡ་ཛ་ཛཿ སྤྱན་དྲངས་ནས་བདུད་རྩིའི་ཆང་མཆོད་ནི༔ ཨོཾ་ཨཱཿ ཧཱུྃ༔ བླ་མ་ཡི་དམ་མཁའ་འགྲོ་དང་༔ ཆོས་སྐྱོང་དམ་ཅན་རྒྱ་མཚོ་ལ༔ ཡེ་ཤེས་བདུད་རྩིའི་རྒྱ་མཚོ་འབུལ༔ མཆོག་དང་ཐུན་མོང་དངོས་གྲུབ་སྩོལ༔ སརྦ་པཉྩ་ཨ་མྲྀ་ཏ་ཁཱ་ཧི༔ དེ་ནས་ཚོགས་ཕུད་འབུལ་བ་ནི༔ ཧཱུྃ༔ རིག་འཛིན་རྒྱལ་པོ་པདྨ་འབྱུང་༔ ཡང་ཁྲོས་བཛྲ་ཁྲོ་བོ་ལོད༔ རྩ་གསུམ་སྲུང་མར་བཅས་པ་ལ༔ འདོད་ཡོན་ལོངས་སྤྱོད་ཚོགས་མཆོད་འབུལ༔ མཆོག་དང་ཐུན་མོང་དངོས་གྲུབ་སྩོལ༔ ཨོ་ཨཱཿ ཧཱུྃ་གུ་རུ་དྷེ་ཝ་ཌཱ་ཀི་ནི་སརྦ་དྷརྨ་པཱ་ལ་ཀྵེ་ཊ་པཱ་ལ་སརྦ་ས་པ་རི་ཝཱ་ར་གྷ་ཎ་ཙཀྲ་ལ་ཁཱ་ཧི༔ མཆོད་ཅིང་བཤགས་པ་བྱ་བ་ནི༔ ཧོཿ དཀྱིལ་འཁོར་ལྷ་ཚོགས་དགོངས་སུ་གསོལ༔ བདག་ནི་མ་རིག་དབང་གྱུར་ཏེ༔ རྩ་བ་ཡན་ལག་དམ་ཚིག་དང་༔ འགལ་འཁྲུལ་ཉམས་ཆག་ལས་བསགས་ཀུན༔ ཚོགས་ཀྱི་བསྐང་ཞིང་བཤགས་ ཝྃ།༔ བགྱིའོ༔ དག་ཚངས་མཆོག་གི་དངོས་གྲུབ་སྩོལ༔ ཨོཾ་གྷ་ཎ་ཙཀྲ་སཏྭ་ས་མ་ཡ་སོགས་ཚང་བར་བརྗོད༔ བཤགས་ནས་ཞིང་བཅུ་བསྒྲལ་བ་ནི༔ ཧཱུྃ་ཧཱུྃ་ཧཱུྃ༔ ཨོ་རྒྱན་པདྨ་ཐོད་ཕྲེང་རྩལ༔ ཆེ་མཆོག་བཛྲ་གྲོ་བོ་ལོད༔ ཆོས་ཀྱི་དབྱིངས་ལས་སྐུར་བཞེངས་ལ༔ མངོན་སྤྱོད་དྲག་པོའི་ཕྲིན་ལས་ཀྱིས༔ དགྲ་བགེགས་བསྒྲལ་བའི་ལས་མཛོད་ཅིག༔ ཧཱུྃ༔ རྡོ་རྗེ་ཕུར་པ་མཚོན་གྱི་མཆོག༔ དགྲ་བགེགས་ཉོན་འཁྲུལ་ཕུང་པོར་གདབ༔ ཁམས་གསུམ་ལས་ཀྱི་བག་ཆགས་བསྒྲལ༔ རྣམ་ཤེས་ཆོས་ཀྱི་དབྱིངས་སུ་ཕཊ༔ ཨོཾ་གུ་རུ་བཛྲ་རཀྴ་ཀྲོ་དྷ་སརྦ་ས་མ་ཡ་གནོད་བྱེད་སརྦ་ཤ་ཏྲུཾ་མཱ་ར་ཡ་རྦད་རྦད་སོད་སོད་བྷྱོ་ནན༔ དྲག་སྔགས་བརྗོད༔ བསྒྲལ་ནས་ཞལ་དུ་བསྟབ་པ་ལ༔ ༔ ཆེ་མཆོག་བཛྲ་ཁྲོ་བོ་ལོད༔ འཁོར་དང་བཅས་པ་ཞལ་ཕྱེས་ཤིག༔ དགྲ་བགེགས་མ་ལུས་ཞལ་དུ་བསྟབ༔ ལྷག་མ་མེད་པར་བཞེས་སུ་གསོལ༔ ཨོཾ་གུ་རུ་བཛྲ་རཀྴ་ཀྲོ་དྷ་སརྦ་ས་མ་ཡ་དགྲ་བགེགས་ཀྱི་མ་ཧཱ་མཱཾ་ས་རཀྟ་ཙིཏྟ་ཀི་ནི་རི་ཏི་ལ་ཁཱ་ཧི བསྟབ་ནས་ལྷག་མ་འབུལ་བ་ནི༔ ཧཱུྃ་ཛཿ སྔོན་ཚེ་རྒྱལ་བ་སྲས་བཅས་ཀྱི༔ སྤྱན་སྔར་ཁས་བླངས་དམ་བཅས་པའི༔ ལྷག་སྐྱོང་གནས་ཉུལ་ཕོ་མོའི་ཚོགས༔ ལྷག་ལ་དབང་བ་ཐམས་ཅད་ཀུན༔ འདིར་གཤེགས་ལྷག་མའི་ལོངས་སྤྱོད་བཞེས༔ བཀའ་དང་ཐ་ཚིག་དཔང་དུ་མཆིས༔ ཕྲིན་ལས་རྣམ་བཞི་རྟག་ཏུ་སྒྲབས༔ མ་གཡེལ་བཛྲ་ས་མ་ཡ༔ སརྦ་ཌཱ་ཀི་ནཱི་དྷརྨ་པཱ་ལ་ཀྵེ་ཊ་པཱ་ལ་ལོ་ཀ་པཱ་ལ་ས་མ་ཡ་ཨུཙྪིཥྚ་བ་ལིཾ་ཏ་ཁཱ་ཧི༔ འབུལ་ཞིང་དཔང་དུ་བསྐུལ་བ་ནི༔ ཧཱུྃ་ཧཱུྃ་ཧཱུྃ༔ རབ་འཇིགས་མི་སྲུན་སྲིན་པོའི་གྲོང་ཁྱེར་དབུས༔ བཀོད་པ་རབ་རྫོགས་ཟངས་མདོག་དཔལ་རིའི་རྩེར༔ ལྷུན་གྲུབ་པདྨ་འོད་ཀྱི་གཞལ་ཡས་ནས༔ ཨོ་རྒྱན་པདྨ་བདུད་འདུལ་སྐུ་བཞེངས་ཤིག༔ ཧཱུྃ་ཧཱུྃ་ཧཱུྃ༔ གྲུ་གསུམ་ཐོད་མཁར་རྡོ་རྗེས་བསྡམས་པའི་ནང་༔ མ་རུངས་གདུག་པ་བསྣོལ་བའི་རོ་གདན་ནས༔ སྲིན་རྒྱལ་རཀྴ་ཐོད་ཕྲེང་སྐུ་བཞེངས་ཤིག༔ ཆད་དོན་ཁྲིམས་ཀྱི་དཔང་པོར་ད་དགོངས་འཚལ༔ ཧཱུྃ་ཧཱུྃ་ཧཱུྃ༔ བདེ་ཆེན་ཆོས་དབྱིངས་རོལ་པའི་དཀྱིལ་འཁོར་དུ༔༷ རྔམས་བརྗིད་ཟ་བྱེད་སྟག་མོ་གྲུས་མའི་སྟེང་༔ ཡེ་ཤེས་མེ་