Tibetan
༔ ཚེ་དབང་རིག་འཛིན་ཉེར་ཐོབ་ཤོག༔ རྩ་སྔགས་མཐར༔ ཝཱཀ་ཨ་བྷི་ཥིཉྩ་ཨཱཿ དེ་ནས་བསྙེན་སྒྲུབ་ལས་སྦྱོར་གྱི་སྔགས་རྣམས་ཐོགས་ལ༔ ཧཱུྃ༔ དབང་དྲག་རྒྱལ་པོ་གྲོ་བོ་ལོད༔ སྒྱུ་འཕྲུལ་དཀྱིལ་འཁོར་ལྷ་ཚོགས་ཀྱི༔ སྲོག་གི་ཡང་སྙིང་སྔགས་ཕྲེང་འདིས༔ སྐལ་ལྡན་བུ་ལ་དབང་བསྐུར་རོ༔ བཟླས་པ་སྔགས་ཀྱི་དབང་ཐོབ་ནས༔ རྩ་རླུང་གནས་སུ་དག་གྱུར་ཏེ༔ རྡོ་རྗེའི་གསུང་དུ་འཕོ་བར་ཤོག༔ རྩ་སྔགས་མཐར༔ ཝཱཀ་ཨ་བྷི་ཥིཉྩ་ཨཱཿ དེ་ནས་ཧཱུྃ་ཡིག་ལྔ་ཚོམ་ཐོགས་ལ༔ ༔ ཧཱུྃ་ནི་འཁོར་འདས་ཡོངས་ཀྱི་སྲོག༔ སྐལ་ལྡན་ཁྱོད་ལ་དབང་བསྐུར་རོ༔ གསང་སྔགས་རིག་སྔགས་གཟུངས་སྔགས་དང་༔ སྙིང་པོ་སྔགས་ཀྱི་དབང་ཐོབ་སྟེ༔ བཟླས་པ་ཙམ་གྱིས་འགྲུབ་པར་ཤོག༔ ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཝཱཀ་ཨ་བྷི་ཥིཉྩ་ཨཱཿ དེ་ནས་ཕྲེང་བ་གཏད་ ལ༔ ཧཱུྃ༔ རིན་ཆེན་ཐོད་པའི་ཕྲེང་བ་འདི༔ སྐལ་ལྡན་བུ་ལ་གཏད་པར་བྱ༔ བཟླས་པ་སྔགས་ཀྱི་དབང་ཐོབ་ནས༔ འགྲོ་བའི་དོན་ཀུན་ཡོངས་འགྲུབ་ཤོག༔ རྩ་སྔགས༔ ཝཱཀ་ཨ་བྷི་ཥིཉྩ་ཨཱཿ གསང་བའི་དབང་བསྐུར་ཟབ་མོ་རྫོགས་སོ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ དེ་ནས་ཤེར་དབང་བསྐུར་བ་ལ༔ དང་པོ་རིག་མ་གཏད་པ་ནི༔ ཧཱུྃ༔ འཁོར་འདས་བདེ་ཆེན་ཀློང་རྒྱས་འདེབས༔ ཤེས་རབ་ཆེན་པོའི་མཁའ་དབྱིངས་སུ༔ འཁོར་འདས་མ་བཅོས་ངང་གིས་འདུས༔ འུབ་ཆུབ་རོལ་པའི་བྷ་ག་རུ༔ ཁམས་གསུམ་འཁོར་བའི་རྒྱུ་རྐྱེན་བཅོམ༔ ཀ་དག་བདེ་ཆེན་ཡུམ་ཆེན་མོས༔ སྐལ་ལྡན་ཁྱོད་ལ་དབང་བསྐུར་རོ༔ བདེ་སྟོང་ཡེ་ཤེས་ཉམས་མྱོང་ཞིང་༔ ཡིད་དང་ཐིག་ལེའི་སྒྲིབ་པ་དག༔ ཤེས་རབ་ཡེ་ཤེས་དབང་ཐོབ་ནས༔ ཆོས་སྐུའི་དགོངས་པའི་ཀློང་ཆེན་བརྡོལ༔ ཕྱག་རྒྱའི་རིག་འཛིན་ཉེར་ཐོབ་ཤོག༔ རྩ་སྔགས༔ ཙིཏྟ་ཨ་བྷི་ཥིཉྩ་ཧཱུྃ༔ དེ་ནས་ཧཱུྃ་དམར་གཏད་ལ༔ ཧཱུྃ༔ སངས་རྒྱས་ཀུན་གྱི་ཐུགས་གསང་ཧཱུྃ༔ སེམས་ཅན་ཀུན་གྱི་སྲོག་ཀྱང་ཧཱུྃ༔ ཆེ་མཆོག་རྡོ་རྗེ་ཁྲོ་ལོད་ཀྱི༔ ཐུགས་ཀྱི་ཡང་སྙིང་འདི་གཏད་པས༔ མ་རིག་གསུམ་གྱིས་བསྡུས་པ་ཡི༔ སེམས་དང་སེམས་བྱུང་བག་ཆགས་དག༔ ཀ་དག་ཆོས་སྐུའི་གདིང་ཐོབ་ཤོག༔ ཋྃ།།༔ རྩ་སྔགས་མཐར༔ ཙིཏྟ་ཨ་བྷི་ཥིཉྩ་ཧཱུྃ༔ དེ་ནས་སྲོག་འཁོར་གཏད་ལ༔ ཧཱུྃ༔ གཞི་དབྱིངས་སྤྲོས་པ་བྲལ་བའི་ཀློང་༔ གཞི་སྣང་ལྷུན་གྲུབ་དཀྱིལ་འཁོར་ཤར༔ རིགས་ཀུན་སྲོག་གི་འཁོར་ལོ་འདིས༔ སྐལ་ལྡན་ཁྱོད་ལ་དབང་བསྐུར་རོ༔ རྟེན་འབྲེལ་འཁྲུལ་པ་ལུགས་འབྱུང་སྲིད༔ ཆོས་ཉིད་ཀློང་ཆེན་ཀུན་བཟང་མོའི༔ བྷ་ག་ཡངས་པར་ལུགས་ལྡོག་སྟེ༔ བྱང་ཆུབ་ཆེན་པོར་རྣམ་གྲོལ་ཤོག༔ རྩ་སྔགས་མཐར༔ ཙིཏྟ་ཨ་བྷི་ཥིཉྩ་ཧཱུྃ༔ དེ་ནས་རིལ་བུ་གཏད་ལ༔ ཧཱུྃ༔ བྱང་ཆུབ་སེམས་ཀྱི་ངོ་བོ་ཉིད༔ ཡེ་ཤེས་བདུད་རྩིའི་རིལ་བུ་འདི༔ སྐལ་ལྡན་བུ་ལ་གཏད་པ་ཡིས༔ སྙིང་པོའི་བཅུད་ལ་ལོངས་སྤྱོད་ཅིང་༔ འཁོར་བ་དོང་སྤྲགས་དབང་ཐོབ་ཤོག༔ རྩ་སྔགས༔ ཙིཏྟ་ཨ་བྷི་ཥིཉྩ་ཧཱུྃ༔ དེ་ནས་ལག་པ་གཡས་སུ་གནམ་ལྕགས་ཀྱི་རྡོ་རྗེ་གཏད ལ༔ ཧཱུཾ༔ གཞོམ་གཞིག་བྲལ་བ་གཞིའི་རྡོ་རྗེ༔ སྐལ་ལྡན་ཁྱོད་ཀྱི་ལག་ཏུ་གཏད༔ ཉོན་མོངས་འཁྲུལ་པའི་རཱུ་དྲ་ཀུན༔ ཡེ་ཤེས་དབྱིངས་སྒྲོལ་མཐུ་ཐོབ་ཤོག༔ རྩ་སྔགས༔ ཙིཏྟ་ཨ་བྷི་ྋ ཥིཉྩ་ཧཱུྃ༔ དེ་ནས་ལྕགས་ཕུར་ལག་གཡོན་དུ་གཏད་ལ༔ ཧཱུྃ༔ སྐུ་གསུམ་ལྷུན་གྲུབ་ཕུར་པ་འདི༔ སྐལ་ལྡན་ཁྱོད་ཀྱི་ལག་ཏུ་གཏད༔ དུག་གསུམ་སྐུ་གསུམ་ཀློང་སྒྲོལ་ནས༔ མི་འཇིགས་རྡོ་རྗེའི གདིང་ཐོབ་ཤོག༔ རྩ་སྔགས༔ ཙིཏྟ་ཨ་བྷི་ཥིཉྩ་ཧཱུྃ༔ དེ་ནས་ལྕགས་སྡིག་གཏད་ལ༔ ཧཱུྃ༔ ཡེ་ཤེས་རང་རྩལ་ལྕགས་སྡིག་གིས༔ གཟུང་འཛིན་རཱུ་དྲའི་སྙིང་ཁྲག་འཇོམས༔ སྐལ་ལྡན་ཁྱོད་ཀྱི་ལག་ཏུ་གཏད༔ སྤྲུལ་པ་སྒྱུ་འཕྲུལ་གར་བསྒྱུར་གྱིས༔ འཁོར་བ་དབྱིངས་སྒྲོལ་དབང་ཐོབ་ཤོག༔ རྩ་སྔགས༔ ཙིཏྟ་ཨ་བྷི་ཥིཉྩ་ཧཱུྃ༔ ཤེས་རབ་ཡེ་ཤེས་དབང་བསྐུར་རྫོགས་སོ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ དེ་ནས་ཚིག་དབང་ཟབ་མོ་ནི༔ དང་པོ་འཇའ་ཤེལ་གཏད་ལ༔ ཧཱུྃ༔ སྐུ་དང་ཡེ་ཤེས་རང་གཟུགས་ཤར༔ ལྷུན་གྲུབ་འཇའ་ཤེལ་འདི་གཏད་པས༔ རང་བྱུང་ཡེ་ཤེས་ངང་དུ་སད༔ སྒྲིབ་གཉིས་བག་ཆགས་ཀུན་དག་ནས༔ ཀ་དག་ཚིག་གི་དབང་ཆེན་ཐོབ༔ ངོ་བོ་ཉིད་སྐུའི་དགོངས་པར་སད༔ ལྷུན་གྲུབ་རིག་འཛིན་ཉེར་ཐོབ་ནས༔ གཞོན་ནུ་བུམ་སྐུར་སངས་རྒྱས་ཤོག༔ རྩ་སྔགས༔ སརྦ་ཨ་བྷི་ཥིཉྩ་ཧྲིཿ དེ་ནས་ཐིག་ལེ་སྟོང་པའི་སྒྲོན་མེ་གཏད་ལ་བསྲེ་འཕོ་ནི༔ ཀྱེ༔ སྐལ་ལྡན་རིགས་ཀྱི་བུ་ཁྱོད་རང་གིས་དམིགས་པ་འདི་ལྟར་དུ་མཛོད་ཅིག༔ ཕྱོགས་བཅུའི་རྒྱལ་བ་སྲས་དང་བཅས་པ་ཐམས་ཅད་ཀྱི་ཐུགས་རྣམ་པར་མི་རྟོག་པའི་ངོ་བོ་དང་༔ ཁྱོད་ཀྱི་ཡེ་གཞིའི་ཀ་དག་གི་ངོ་བོ་ཐིག་ལེ་ཁ་དོག་ལྔ་དང་ལྡན་པ་སྤྱི་བོ་ནས་ཞུགས་ཁྱོད་རང་གི་རིག་པ་དང་འདྲེས༔ ཋྃ།།༔ སེམས་རིག་ཐིག་ལེ་རུ་ཞུ་ནས་གཉིས་སུ་མེད་པའི་ངང་དུ་བསྲེས་ཤིག༔ ཨ་ཨ་ཨ་ཕཊ༔ ཀྱེེ་སྐལ་ལྡན་རིགས་ཀྱི་བུ་ངོ་བོ་ཡེ་སྟོང་སྤྲོས་པ་དང་བྲལ་བ༔ རང་བཞིན་མ་འགགས་ལྷུན་གྲུབ་ཀྱི་གདངས་ཆེན༔ ཐུགས་རྗེ་རང་ཤར་རང་གྲོལ་གྱི་ངང་གནས་ཆེན་པོ༔ འདི་དག་སྐུ་གསུམ་ལྷུན་གྱིས་གྲུབ་པའི་ངོ་བོ་ཡིན་ནོ༔ འདིའི་ངང་དུ་ཞོག་ཅིག༔ མི་བསྒོམ་པར་རང་བབས་སུ་ཞོག༔ མ་འཁྲུལ་བར་ཞེན་བྲལ་དུ་ལྷོད༔ མ་འཛིན་པར་ཀ་དག་ཏུ་སྐྱོངས༔ མ་ཡེངས་པར་ལྷུན་གྲུབ་ཏུ་ཞོག༔ ཡེ་གྲོལ་ཡིན་ཏེ་ཡང་གྲོལ་མི་གཞུག༔ བརྗོད་བྲལ་ཡིན་ཏེ་མཚོན་དཔེར་མ་འཁྲུལ༔ རིག་པ་ཡིན་ཏེ་མ་རིག་པ་དང་མ་ནོར༔ ངོ་བོ་ངང་བཞག་ངང་གནས་ཡིན་ཏེ་འཁྲུལ་པ་རང་གར་འཆོལ་བ་དང་མ་ནོར་བར་དོན་དམ་མི་ཤིགས་པའི་ངོ་བོར་གདིང་ཐོབ་པར་གྱིས་ཤིག༔ དུས་གསུམ་གྱི་རྒྱལ་བ་སྲས་དང་བཅས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོའི་དབང་རྣམས་དུས་གཅིག་ཏུ་ཐོབ་པ་ནི་ཆོས་ཉིད་ཀྱི་གནས་ལུགས་མཐོང་བ་ཉིད་དོ༔ འདི་ཁོ་ནའོ༔ ཚིག་དབང་བསྐུར་བ་རྫོགས་སོ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ དེ་ནས་མཐའ་རྟེན་རྣམ་པ་བཞིའི༔ དང་པོ་གཏོར་མ་གཏད་པ་ནི༔ ཧཱུྃ༔ བརྡལ་ཁྱབ་ཡངས་པའི་སྣོད་མཆོག་ཏུ༔ སྣང་སྲིད་གཞིར་བཞེངས་བ་ལིཾ་ཏ༔ སྐལ་ལྡན་ཁྱོད་ལ་གཏད་པ་ཡིས༔ རིགས་དང་དཀྱིལ་འཁོར་ཐམས་ཅད་ཀུན༔ བསྙེན་སྒྲུབ་བསྒོམ བཟླས་དབང་ཐོབ་ཤོག༔ རྩ་སྔགས༔ བ་ལིཾ་ཏ་ཨ་བྷི་ཥིཉྩ་སྭཱ་ཧཱ༔ དེ་ནས་བཀྲ་ཤིས་རྫས་བརྒྱད་ཐོགས་ལ༔ ཧཱུྃ༔ དབྱིངས་དང་ཡེ་ཤེས་དབྱེར་མེད་པའི༔ ངང་དུ་དགེ་ལེགས་དཔལ་ཐོབ་ཕྱིར༔ བཀྲ་ཤིས་རྫས་བརྒྱད་འདི་གཏད་པས༔ བཀྲ་ཤིས་ཕུན་སུམ་ཚོགས་པར་ཤོག༔ མངྒ་ལཾ་ཨ་བྷི་ཥིཉྩ་སྭཱ་ཧཱ༔ དེ་ནས་བཀྲ་ཤིས་རྟགས་བརྒྱད་གཏད་ལ༔ ཧཱུྃ༔ ཆོས་སྐུ་སྐྱེ་བ་མེད་པའི་ངང་༔༷ གཟུགས་སྐུས་གདུལ་བྱ་འདུལ་བའི་ཕྱིར༔ མཚན་དཔེའི་བཀྲ་ཤིས་རྟགས་བརྒྱད་འདིས༔ སྐལ་ལྡན་བུ་ལ་དབང་བསྐུར་རོ༔ ཨཥྚ་མདྒ་ལཾ་ཨ་བྷི་ཥིཉྩ་སྭ་ཧཱ༔ དེ་ནས་རྒྱལ་སྲིད་སྣ་བདུན་གཏད་ལ༔ ཧཱུྃ༔ རང་རིག་ཆོས་སྐུའི་རྒྱལ་སྲིད་འདི༔ སྐལ་ལྡན་བུ་ལ་གཏད་པར་བྱ༔ རྣམ་མཁྱེན་རྫོགས་པའི་སངས་རྒྱས་ཀྱི༔ གོ་འཕང་མཆོག་གི་དབང་ཐོབ་ཤོག༔ མ་ཎི་རཏྣ ཨ་བྷི་ཥིཉྩ་སྭཱ་ཧཱ༔ ཐུགས་རྗེ་ལྡན་པའི་སློབ་དཔོན་གྱིས༔ མོས་གུས་ལྡན་པའི་སློབ་མ་ལ༔ འདི་ནི་ལན་གཅིག་བསྐུར་བ་ཡིས༔ དད་པ་དམ་ཚིག་རྟག་ལྡན་ན༔ རིགས་དང་དཀྱིལ་འཁོར་ཐམས་ཅད་ཀྱི༔ སྤྱི་དབང་དམ་པ་ཐོབ་གྱུར་ནས༔ ཝྃ༔ ཡང་དག་ལམ་ལས་ཕྱིར་མི་ལྡོག༔ གསང་སྔགས་དབང་གི་སྒོར་ཞུགས་ན༔ དམ་ཚིག་གཉན་པོ་གནད་དུ་ཆེ༔ དམ་དུ་བསྲུང་ན་སངས་རྒྱས་ཐོབ༔ ཉམས་ན་རྡོ་རྗེའི་དམྱལ་བར་འཚིག༔ དེ་ཕྱིར་འདི་ནི་སྲོག་ཏུ་ཟུངས༔ དམ་ལྡན་གང་ཞིག་ནད་གདོན་ཞི༔ བསམ་པ་འགྲུབ་ཅིང་འཇིགས་དང་བྲལ༔ བསྒྲུབ་པས་དངོས་གྲུབ་མི་རིང་འཐོབ༔ དབང་བསྐུར་ཟབ་མོ་འདི་ཉིད་ནི༔ མ་བརྟག་པ་ལ་བསྐུར་མི་བྱ༔ དཔའ་བོ་མཁའ་འགྲོའི་དམ་རྒྱ་ཡོད༔ བཀའ་སྲུང་ལྷ་མགོན་ཚོགས་བདག་དང་༔ དབང་ཕྱུག་མ་ཧཱ་དཱེ་ཝ་དང་༔ རྒྱལ་ཆེན་རྣམ་ཐོས་སྲས་ཀྱིས་སྲུངས༔ གསང་བ་སྐུ་གསུང་ཐུགས་ཀྱི་རྒྱ༔ དམ་ལྡན་སྐྱེས་བུའི་བསམ་དོན་སྒྲུབས༔ དམ་ཉམས་ལོག་ལྟའི་དབང་པོ་སྣུབས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེ་གྲོ་ལོད་རྩལ་གྱིས་གསེར་སྨད་རྔ་ལ་སྟག་རྩེའི་གཡས་ལོགས་རྡོ་རྗེའི་བྲག་ནས་བཏོན་ཏེ་མི་ལོ་བཅོ་ལྔའི་བར་བཀའ་རྒྱ་བྱས་མཐར་རྟེན་འབྲེལ་དུས་ལ་བབས་ཚེ་སྨར་མདོ་བཀྲ་ཤིས་དགའ་འཁྱིལ་དུ་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ །དགེའོ །དགེའོ།། ། ཿམ་ T11601 - 364 ཝྃ།༔ ཟབ་གསང་མཁའ་འགྲོའི་སྙིང་ཐིག་ལས༔ ཆེ་མཆོག་བདུད་འཇོམས་རྡོ་རྗེའི་སྒྲུབ་སྐོར་གྱི༔ གསོལ་འདེབས་དབང་བྱིན་ཆར་འབེབས་བཞུགས་སོ༔ ཐོ་འོ།དོ་ན་སྒྱུ། ན་མོ་གུ་རུ་པདྨ་ཀ་ར་ཡེ༔ གསོལ་འདེབས་དབང་བྱིན་ཆར་འབེབས་ནི༔ མོས་གུས་གདུང་ཤུགས་དྲག་པོ་ཡིས༔ རྩེ་གཅིག་བཏུད་དེ་ཁྱེད་ཤེས་བློས༔ རྡོ་རྗེ་གསུམ་གྱི་ངང་འཕོ་ཕྱིར༔ ཨོཾ་ཨཱཿ ཧཱུྃ༔ ཆོས་སྐུའི་སྟོན་པ་ཀུན་བཟང་ཡབ་ཡུམ་ལ༔ གསོལ་བ་འདེབས་སོ་དགོངས་པར་འུབ་ཆུབ་རོལ༔ ལོངས་སྐུའི་སྟོན་པ་རྡོར་སེམས་རིགས་ལྔ་ལ༔ གསོལ་བ་འདེབས་སོ་དགོངས་པར་འུབ་ཆུབ་རོལ༔ སྤྲུལ་སྐུའི་སྟོན་པ་ཕྱག་ན་རྡོ་རྗེ་ལ༔ གསོལ་བ་འདེབས་སོ་དགོངས་པར་འུབ་ཆུབ་རོལཿ གཞོན་ནུ་བུམ་སྐུ་དགའ་རབ་རྡོ་རྗེ་ལཿ གསོལ་བ་འདེབས་སོ་དགོངས་པར་འུབ་ཆུབ་རོལ༔ འཕོ་ཆེན་རིག་འཛིན་ཤྲཱི་སེང་ཧ་ལ༔ གསོལ་བ་འདེབས་སོ་དགོངས་པར་འུབ་ཆུབ་རོལ༔ ཚེ་དབང་རིག་འཛིན་པདྨ་འབྱུང་གནས་ལ༔ གསོལ་བ་འདེབས་སོ་དགོངས་པར་འུབ་ཆུབ་རོལ༔ དོན་གཉིས་མཐར་ཕྱིན་རྩ་བའི་བླ་མ་ལ༔ གསོལ་བ་འདེབས་སོ་སྒོ་གསུམ་རྡོ་རྗེར་རློབས༔ ལྷག་པའི་ལྷ་མཆོག་རྡོ་རྗེ་ཁྲོ་ལོད་ལ༔ གསོལ་བ་འདེབས་སོ་སྒོ་གསུམ་རྡོ་རྗེར་རློབས༔ སྣང་སྲིད་ཟིལ་གནོན་པདྨ་འབྱུང་གནས་ལ༔ གསོལ་བ་འདེབས་སོ་ སྒོ་གསུམ་རྡོ་རྗེར་རློབས༔ ཡེ་ཤེས་མཁའ་འགྲོ་ཕག་མོ་སྡེ་ལྔ་ལ༔ གསོལ་བ་འདེབས་སོ་སྒོ་གསུམ་རྡོ་རྗེར་རློབས༔ དཔའ་བོ་ཆེན་པོ་གིང་ཆེན་སྡེ་བཞི་ལ༔ གསོལ་བ་འདེབས་སོ་སྒོ གསུམ་རྡོ་རྗེར་རློབས༔ ཁམས་གསུམ་དབང་བསྒྱུར་སྒྲོལ་གིང་རྣམ་བཞི་ལ༔ གསོལ་བ་འདེབས་སོ་བདུད་དང་དམ་སྲི་སྒྲོལ༔ སྣང་སྲིད་ཟིལ་གནོན་རྒྱལ་ཆེན་སྡེ་བཞི་ལ༔ གསོལ་བ་འདེབས་སོ་ཕྱི་ནང་བར་ཆད་སོལ༔ བདུད་མགོན་ཆེན་པོ་སེང་གདོང་ཡབ་ཡུམ་ལ༔ གསོལ་བ་འདེབས་སོ་བསྟན་དགྲ་ཚར་ཆོད་ཅིག༔ གནོད་སྦྲིན་ཆེན་པོ་ཤན་པ་དམར་ནག་ལ༔ གསོལ་བ་འདེབས་སོ་ཕྲིན་ལས་ལྷུན་གྲུབ་མཛོད༔ རྩ་གསུམ་སྲུང་མའི་དཀྱིལ་འཁོར་ལྷ་ཚོགས་ཀྱིས༔ བདག་རྒྱུད་སྨིན་གྲོལ་བྱིན་གྱིས་བརླབ་ཏུ་གསོལ༔ སྒོ་གསུམ་རྡོ་རྗེ་གསུམ་གྱི་རོལ་པ་རུ༔ བྱིན་གྱིས་རློབས་ལ་སྨིན་ཅིང་གྲོལ་བ་དང་༔ འཇའ་ལུས་ཆོས་སྐུ་འགྲུབ་པར་བྱིན་གྱིས་རློབས༔ ས་མ་ཡ༔ གེགས་དང་གོལ་ས་བར་ཆད་བདུད༔ མ་ལུས་རྡོ་རྗེའི་ཚིག་གིས་འཇོམས༔ བཀའ་སྲུང་དྲང་སྲོང་ཆེན་པོས་སྲུངས་༔ དགྲ་བགེགས་འབྱུང་པོ་ཚར་ཆོད་ཅིག༔ སྐུའི་རྒྱ༔ གསུང་གི་རྒྱ༔ ཐུགས་ཀྱི་རྒྱ༔ བརྡ་ཐིམ༔ ཞེས་པ་འདི་སྤྲང་མ་ནུས་བདུད་འཇོམས་རྡོ་རྗེས་གཏེར་ནས་བཏོན་ཏེ་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ།།དགེའོ།།དགེའོ།།དགེའོ།།སརྦ་མངྒ་ལཾ།། །། ་མ ག ཐོཿ ཟབ་གསང་མཁའ་འགྲོའི་སྙིང་ཐིག་ལས༔ཆེ་མཆོག་རྡོ་རྗེ་ཁྲོ་ལོད་ཀྱི༔ སྔོན་འགྲོ་གེགས་སེལ་རིམ་པ་བཞུགས་སོ༔ TI1601 - 367 བདུད་འཇོམས་གྲོ་ལོད་ཐ༹ཾ། ངྷ་རྨསབྷཧ ན་མོ་གུ་རུ་པདྨ་ཀ་ར་ཡེ༔ བྱང་ཆུབ་བསྒྲུབ་པའི་གེགས་སེལ་ཕྱིར༔ དང་པོ་སྔོན་འགྲོ་འདིར་བརྩོན་བྱ༔ རིན་ཆེན་སྣོད་དུ་དཀར་དམར་གྱི༔ གཏོར་མ་དངོས་འབྱོར་ཡིད་ཀྱིས་སྤྲུལ༔ བགེགས་ལ་འབྲས་ཆན་ཆངས་གླུད་བཤམས༔ སྦྱང་སྔགས་ཀྱིས་སྦྱངས་དྲི་མ་བསལ༔ ནམ་མཁའ་མཛོད་ཀྱི་སྔགས རྒྱས་བརླབས་༔ དང་པོ་དཀར་གཏོར་འབུལ་བ་ནི༔ ཨོཾ་ཨཱཿ ཧཱུྃཿ བྷྲཱུྃ་ལས་རིན་པོ་ཆེའི་སྣོད་ཡངས་པར་དཀར་གསུམ་མངར་གསུམ་བདུད་རྩིའི་ཚོགས་ཀྱིས་གང་བ་ནམ་མཁའི་མཐའ་དང་མཉམ་པར་གྱུར༔ ཨོ་ཨ་ཀཱ་རོ་མུ་ཁཾ་སོགས་ལན་གསུམ་བརྗོད༔ ཛ་ཧཱུྃ༔ དཀར་ཕྱོགས་སྐྱོང་བའི་ལྷ་མགོན་གཞི་བདག TI1601 - 368 ༡ཐོ་༔ ཐམས་ཅད་སྤྱན་དྲངས༔ ས་མ་ཡ་ཛ་ཛཿ ཛཿ ལྷ་བརྒྱད་ཀླུ་བརྒྱད་གཟའ་ཆེན་བརྒྱད༔ ཕྱོགས་སྐྱོང་བཅུ་དང་འཇིགས་བྱེད་དགུ༔ རྒྱལ་ཆེན་བཞི་དང་རྒྱུ་སྐར་ཚོགས༔ དྲེགས་དཔོན་མགུར་ལྷ་དགེ་བསྙེན་དང་༔ བརྟན་མ་ཟོ་དོར་གཙང་མ་རིས༔ མ་ལུས་འཁོར་དང་བཅས་པ་ལ༔ དཀར་གསུམ་མངར་གསུམ་བདུད་རྩིའི་སྐྱེམས༔ འདོད་ཡོན་ནམ་མཁའ་མཛོད་དུ་འབུལ༔ སྔོན་ཚེ་སྤྱི་དཔལ་ཆེན་པོ་དང་༔ ཕྱག་རྡོར་པད་འབྱུང་ལ་སོགས་པའི༔ རིག་འཛིན་བརྒྱུད་པའི་ཐ་ཚིག་བཞིན༔ སངས་རྒྱས་བསྟན་པ་གཉན་པོ་སྲུངས༔ དཀོན་T11601 - 369 མཆོག་གསུམ་གྱི་དབུ་འཕང་བསྟོད༔ མཚན་ལྡན་བླ་མའི་སྐུ་ཚེ་བསྲིང་༔ སྦྱིན་པའི་བདག་པོའི་འདོད་དོན་སྒྲུབས༔ རྣལ་འབྱོར་སྒྲུབ་མཆོག་འཁོར་བཅས་ཀྱི༔ བསམ་དོན་ཡིད་བཞིན་འགྲུབ་པ་དང་༔ ཕྱི་ནང་གསང་བའི་བར་ཆད་བཟློག༔ དངོས་གྲུབ་སྒྲུབ་པའི་སྲུང་མ་མཛོད༔ བཅོལ་བའི་ལས་མཛོད་ས་མ་ཡ༔ དེ་ནས་ཤ་ཁྲག་དམར་གཏོར་ལ༔ འདོད་ཡོན་ལོངས་སྤྱོད་མི་ཟད་སྤེལ༔ ཨོཾ་ཨཱཿཧཱུྃ༔ ཨཱཿ ལས་བྷནྡྷ་ལྕང་ལོ་ཅན་གྱི་ནང་དུ་ཤ་ཁྲག་དམར་གྱི་གཏོར་མ་འདོད་པའི་ཡོན་ཏན་ཕུན་སུམ་ཚོགས་པར་གྱུར༔ ན་མཿསརྦ་ཏ་ཐཱ་ག་ཏ༴ སོགས་ནམ་མཁའ་མཛོད་ཀྱིས་སྤེལ༔ ཛཿ སྣང་སྲིད་སྡེ་བརྒྱད་ལྷ་འདྲེ་ཡུལ་ལྷ་ཟོ་དོར་དམར་ལ་དགྱེས་པ་ཐམས་ཅད་སྤྱན་དྲངས༔ བཛྲ་ས་མ་ཡ་ཛ་ཛཿ ལྷ་དང་གཤིན་རྗེ་མ་མོ་དང་༔ བདུད་དང་སྲིན་པོ་བཙན་དང་ཀླུ༔ གནོད་སྦྱིན་རྒྱལ་པོ་གཟའ་མགར་བ༔ ཡུལ་ལྷ་ཟོ་དོར་འབྱུང་བའི་ལྷ༔ སྟོབས་ལྡན་ཡུལ་གཞི་སྐྱོང་བ་ཡི༔ ཤ་ཁྲག་དམར་ལ་དགའ་བའི་རིགས༔ མ་ལུས་འཁོར་དང་བཅས་པ་ལ༔ ཤ་ཁྲག་འདོད་ཡོན་ཚོགས་ཀྱིས་མཆོད༔ རང་རང་དགྱེས་པའི་མཐུན་རྫས་ལོངས༔ རིག་འཛིན་བརྒྱུད་པའི་བཀའ་དམ་བཞིན༔ དཀོན་མཆོག་གསུམ་གྱི་བསྟན་པ་སྲུངས༔ བདག་ཅག་ ཨོཾ་དཔོན་སློབ་འཁོར་བཅས་ཀྱི༔ བསམ་པ་སྒྲུབས་ལ་རེ་བ་སྐོངས༔ གནོད་བྱེད་དགྲ་བགེགས་ཚར་གཅོད་ལ༔ དངོས་གྲུབ་སྒྲུབ་པའི་སྲུང་མ་མཛོད༔ ས་འདི་བདག་ལ་སྩོལ་བ་དང་༔ གང་བསམ་འདོད་དོན་ཕྲིན་ལས་སྒྲུབས༔ བརྒྱུད་གསུམ་བླ་མའི་ཐ་ཚིག་བཞིན༔ བཅོལ་བའི་ལས་མཛོད་ས་མ་ཡ༔ དེ་ནས་རིན་ཆེན་སྣོད་ཡངས་པར༔ ཆངས་གླུད་འབྲས་ཆན་ཤ་ཁྲག་བཤམས༔ ཨ་ཀ་རོ་ཡིས་བྱིན་གྱིས་བརླབས༔ ལན་ཆགས་བགེགས་ལ་སྦྱིན་གཏོང་ལ༔ ཨོཾ་ཨཱཿ ཧཱུྃ༔ རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་ལན་ཆགས་བགེགས་ཀྱི་གཏོར་མ་འདོད་པའི་ཡོན་ཏན་ཕུན་སུམ་ཚོགས་པ་མི་ཟད་པ་རྒྱན་གྱི་འཁོར་ལོས་ནམ་མཁའི་མཐའ་ཀླས་པར་གྱུར༔ མཚན་བཞིའི་སྔགས་བཅས་ལན་གསུམ་མཐར༔ ཨོཾ་ཧྲཱིཿ པདྨ་ཏ་ཀྲྀཏ་བཛྲ་ཀྲོ་ཏ་ཧྱ་གྲཱི་ཝ་ཧུ་ལུ་ཧུ་ལུ་ཧཱུྃ་ཕཊ༔ ན་མོ་དཀོན་མཆོག་རྩ་གསུམ་སྲུང་མའི་ཚོགས་ཀྱི་བདེན་པས་གནོད་བྱེད་གདོན་བགེགས་འབྱུང་པོ་ལན་ཆགས་གནོད་སྦྱིན་ལས་དང་རྐྱེན་ལས་བྱུང་བ་ཐམས་ཅད་སྦྱིན་ཡུལ་མགྲོན་དུ་སྐད་ཅིག་ཉིད་ལ་ཁུག་ཅིག༔ སརྦ་བིགྷྣན་ཨ་ཀརྵ་ཡ་ཛཿ ལན་གསུམ་མཐར༔ ཧཱུྃ༔ ཕོ་གདོན་རྒྱལ་པོ་ལ་སོགས་པའི༔ ཞེ་སྡང་ལས་བྱུང་བགེགས་དང་གདོན༔ མོ་གདོན་འདྲེ་མོ་ལ་ སོགས་པའི༔ འདོད་ཆགས་ལས་གྱུར་ལྷ་འདྲེ་གདོན༔ ཀླུ་གདོན་ས་བདག་ལ་སོགས་པའི༔ གཏི་མུག་ལས་བྱུང་གནོད་བྱེད་གདོན༔ བི་ན་ཡ་ག་ལ་སོགས་པའི༔ བགེགས་རིགས སྟོང་ཕྲག་བརྒྱད་ཅུ་དང་༔ གཉུག་གནས་གློ་བུར་ལྷགས་པ་ཡི༔ ལན་ཆགས་གདོན་བགེགས་འབྱུང་པོ་ལ༔ བཟའ་བཅའ་བཏུང་བ་ལྡག་གཞིབ་ཟས༔ གོས་རྒྱན་གནས་ཡུལ་གྲོགས སྐྱབས་དང་༔ གཟུགས་འགྲོས་དཀོར་ནོར་ཕུན་ཚོགས་གཏེར༔ འདོད་ཡོན་རྒྱན་གྱི་འཁོར་ལོའི་ཚོགས༔ དངོས་འབྱོར་ཡིད་ཀྱིས་སྤྲུལ་ཏེ་འབུལ༔ ཕམ་རྒྱལ་འཐབ་རྩོད་མེད་པ་རུ༔ ལོངས་སྤྱོད་མི་ཟད་དཔལ་ཐོབ་ཤོག༔ གནོད་དང་གདུག་སེམས་དང་བྲལ་ནས༔ བསྒོ་བའི་བཀའ་ལ་ཉན་པར་གྱིས༔ དང་པོ་སྤྱི་དཔལ་ཆེན་པོའི་བཀའ༔ བར་དུ་ཕྱག་ན་རྡོ་རྗེའི་དམ༔ ཐ་མ་རིག་འཛིན་བརྒྱུད་པའི་ཚིག༔ ཇི་བཞིན་བསྒོ་བས་བཀའ་འདི་བསྒོ༔ གནས་འདིར་དམ་སྲི་བདུད་བགེགས་དང་༔ བར་དུ་གཅོད་པའི་གནོད་བྱེད་ཀུན༔ བསྡུས་ཟུངས་དེད་ཅིང་མ་ལུས་པར༔ རྒྱ་མཚོ་ཆེན་པོའི་ཕ་མཐར་སོང་༔ སླར་ཡང་ལྡོག་པར་མ་བྱེད་ཅིག༔ སརྦ་བིགྷྣན་གརྫ་ཕཊ༔ དེ་ནས་བགེགས་བསྐྲད་སྲུང་འཁོར་བསྒོམ༔ གེགས་སེལ་རིམ་པ་འདིར་བརྩོན་པས༔ བར་ཆད་ཀུན་ རིི༔ ལས་ངེས་གྲོལ་འགྱུར༔ ས་མ་ཡ༔ རྒྱ་རྒྱ་རྒྱ༔ དྲང་སྲོང་གཟའ་མཆོག་ཆེན་པོས་སྲུངས༔ བཀའ་དང་དམ་ཚིག་གཉན་པོའི་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ བརྡ་ཐིམ༔ ཅ ཞེས་པ་འདི་ཡང་སྔགས་པ་རྡོ་རྗེ་ཁྲོ་ལོད་ཀྱིས་མཁའ་འགྲོའི་བརྡ་རིས་ལས་ཞལ་བཤུས་ཏེ་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ། །དགེའོ། །དགེའོ།། ། 369བཞི་བྱོན། གཏོར་T11601 - 373 T11601 - 373 TI1601 - 374 ཝྃ།།༔ ཟབ་གསང་མཁའ་འགྲོའི་སྙིང་ཐིག་ལས༔ ཆེ་མཆོག་བདུད་འཇོམས་རྡོ་རྗེའི་སྒྲུབ་སྐོར་གྱི༔ བྱིན་འབེབས་བདེ་ཆེན་བཅུད་འཁྱིལ་བཞུགས་སོ༔ ཐཐ་ཧར་བྷ༔ ན་མོ་གུ་རུ་པདྨ་ཀ ར་ཡེ༔ བདག་དང་དཀྱིལ་འཁོར་སྒྲུབ་པའི་རྫས༔ ཡེ་ཤེས་ཆེན་པོར་རྒྱས་འདེབས་ཕྱིར༔ བྱིན་ཆེན་དབབ་པའི་རིམ་པ་ནི༔ སྤོས་བདུག་རོལ་མོ་སྣ་ཚོགས་དཀྲོལ༔ གདུང་བའི་དབྱངས་ཀྱིས་འདི་སྐད་དོ༔ ཧཱུྃ༔ འོག་མིན་ཆོས་དབྱིངས་ཞིང་ཁམས་ནས༔ ཀུན་བཟང་ཡབ་ཡུམ་བྱིན་ཕོབ་ཅིག༔ རྣམ་དག་དབུགས་འབྱིན་ཞིང་ཁམས་ནས༔ རིགས་ལྔའི་སངས་རྒྱས་བྱིན་ཕོབ་ཅིག༔ ལྕང་ལོ་ཅན་གྱི་གནས་མཆོག་ནས༔ ཕྱག་ན་རྡོ་རྗེས་བྱིན་ཕོབ་ཅིག༔ གཞོན་ནུ་བུམ་སྐུའི་གཞལ་ཡས་ནས༔ དགའ་རབ་རྡོ་རྗེས་བྱིན་ཕོབ་ཅིག༔ འཇའ་ལུས་སྒྱུ་མའི་ཕོ་བྲང་ནས༔ ཤྲཱི་སེང་ཧས་བྱིན་ཕོབ་ཅིག༔ བསིལ་བ་ཚལ་གྱི་དུར་ཁྲོད་ནས༔ ཧཱུྃ་ཆེན་ཀཱ་རས་བྱིན་ཕོབ་ཅིག༔ སྐུ་ལ་རྫོགས་པའི་དུར་ཁྲོད་ནས༔ འཇམ་དཔལ་བཤེས་གཉེན་བྱིན་ཕོབ་ཅིག༔ ཧེ་ཆེན་བརྡལ་བའི་དུར་ཁྲོད་ནས༔ ཀླུ་སྒྲུབ་སྙིང་པོས་བྱིན་ཕོབ་ཅིག༔ གསང་ཆེན་རོལ་པའི་དུར་ཁྲོད་ནས༔ པྲ་བྷ་ཧསྟིས་བྱིན་ཕོབ་ཅིག༔ དུར་ཁྲོད་ཆེན་པོ་དཔལ་བརྩེགས་ནསཿ ངྷ་ན་སཾསྐས་བྱིན་ཕོབ་ཅིག༔ དུར་ཁྲོད་ལྷུན་གྲུབ བརྩེགས་པ་ནས༔ བི་མ་མི་ཏྲས་བྱིན་ཕོབ་ཅིག༔ དུར་ཁྲོད་ལང་ཀ་བརྩེགས་པ་ནས༔ རམྦུ་གུ་ཧྱས་བྱིན་ཕོབ་ཅིག༔ དུར་ཁྲོད་བདེ་ཆེན་བརྩེགས་པ་ནས༔ ཤཱནྟི་གརྦྷས་བྱིན་ཕོབ་ཅིག༔ ཟངས་མདོག་དཔལ་རིའི་རྩེ་མོ་ནས༔ པདྨ་འབྱུང་གནས་བྱིན་ཕོབ་ཅིག༔ སྣང་སྲིད་ཟིལ་གནོན་གཞལ་ཡས་ནས༔ ཆོས་རྒྱལ་ཡབ་སྲས་བྱིན་ཕོབ་ཅིག༔ འཕོ་བ་ཆེན་པོའི་གཞལ་ཡས་