Tibetan
ཚོགས་རྒྱས་པ་དང་༔ མཁའ་ལ་འཕུར་དང་བདུད་རྩིར་སྤྱོད༔ རྟེན་གསུམ་རྙེད་དང་ལོ་འབྲས་རྒྱས༔ འདི་དག་དང་པོའི་རྟགས་སུ་ལགས༔ མངའ་ཐང་བསྐྱེད་དང་རྒྱལ་སར་འགོད༔ འབངས་སྡེ་མང་པོ་ཁ་ལོ་སྒྱུར༔ ལྷ་ཞལ་མཇལ་ལམ་སྣང་བརྙན་མཐོང་༔ འདི་དག་བར་གྱི་ལྟས་སུ་ལགས༔ བྲག་ཤིང་བཅོམ་དང་མི་སྲུན་ཐུལ༔ དམག་འདྲེན་ཡུལ་ཁམས་ཆོམས་གྱུར་ནས༔ བྲན་དང་འབངས་སུ་ཁོལ་བ་དང་༔ ཉི་མ་ཤར་དང་རོལ་མོ་འཁྲོལ༔ ཁྲལ་སྡུད་ལ་སོགས་ཐ་མའི་ལྟས༔ གདོན་མི་ཟ་བར་འབྱུང་འགྱུར་རོ༔ འདི་ནི་རྒྱལ་བ་ཐམས་ཅད་ཀྱི༔ སྲོག་གི་སྒྲུབ་པ་བཅུད་དྲིལ་ཏེ༔ འབྲེལ་ཚད་རྣམ་པར་གྲོལ་འགྱུར་རོ༔ ལྷ་ཆེན་ཚོགས་ཀྱི་བདག་པོ་དང་༔ གནོད་སྦྱིན་ཤན་དམར་བཅས་ལ་གཉེར༔ ཐུབ་པར་སྲུངས་ཤིག་ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདིའང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་ཉི་ཤུར་བཀའ་རྒྱ་བྱས་མཐར་རང་སློབ་དམ་པ་ཚུལ་བཟང་དང་རྡོ་རྗེ་མཆོག་རབ་གཉིས་ཀྱིས་ནན་དུ་བསྐུལ་ངོར་གཏན་ལ་ཕབ་པའོ། །དགེའོ །སརྦ་མངྒ་ལཾ།། །། 172 T11601 - 176 84 ཞིོ།ཿ ཟབ་གསང་མཁའ་འགྲོའི་སྙིང་ཐིག་ལས༔ རིག་འཛིན་སྒྲུབ་པའི་ཆ་ལག་ཚེ་འགུགས་འོད་ཀྱི་དྲྭ་བ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ རྨ།བྷཛཿབྷྲཱུཾཧཱུཾ༔ བདག་ཉིད་ཆེན་པོ་པད་འབྱུང་ངས༔ ཆོས་བདག་སྐྱེས་བུའི་སྲོག་མཐུད་ཕྱིར༔ ཚེ་འགུགས་འོད་ཀྱི་དྲྭ་བ་བསྟན༔ ལྷ་ཡི་ང་རྒྱལ་ལྡན་པའི་ངང་༔ མདའ་དར་མཛེས་ལྡན་ལག་ཏུ་ཐོགས༔ སྙན་པའི་དབྱངས་ཀྱིས་འདི་སྐད་དོ༔ ཧཱུྃ་ཧྲཱིཿ ནུབ་ཕྱོགས་བདེ་ཆེན་པདྨ་འོད༔ ལྷུན་གྲུབ་དག་པའི་ཞིང་ཁམས་ནས༔ བཅོམ་ལྡན་རྒྱལ་བ་ཚེ་དཔག་མེད༔ གོས་དཀར་བདེ་ཆེན་ཡུམ་དང་སྦྱོར༔ ཚེ་བདག་རྒྱལ་བ་རིགས་ལྔ་དང་༔ ཚེ་ཡི་ལྷ་མོ་མགྱོགས་མ་ལྔ༔ སྒྱུ་འཕྲུལ་སྤྲུལ་པའི་ཚོགས་དང་བཅས༔ ཐུགས་དམ་བསྐུལ་ལོ་དབྱིངས་ནས་བཞེངས༔ བླ་ཚེ་ཆད་ཉམས་ཡར་བ་ཁུག༔ འཁོར་འདས་ལམ་གསུམ་ཚེ་བཅུད་བསྡུས༔ རྣལ་འབྱོར་སྒོ་གསུམ་ལ་བསྟིམས་ཏེ༔ འགྱུར་མེད་རྡོ་རྗེའི་ཚེ་རྒྱས་ཐོབས༔ མི་གཡོ་རབ་ཏུ་བརྟན་པར་མཛོད༔ ཧཱུྃ་ཧྲཱིཿ རྔ་ཡབ་དཔལ་རིའི་ཞིང་ཁམས་ནས༔ འཆི་མེད་རིག་འཛིན་པདྨ་འབྱུང་༔ བདེ་ཆེན་ཡེ་ཤེས་མཚོ་རྒྱལ་ཡུམ༔ རིག་འཛིན་དཔའ་བོ་མཁའ་འགྲོ་དང་༔ དམ་ཅན་རྒྱ་མཚོའི་ཚོགས་དང་བཅས༔ ཐུགས་རྒྱུད་བསྐུལ་ལོ་དབྱིངས་ནས་བཞེངས༔ བླ་ཚེ་ཆད་ཉམས་ཡར་བ་ཁུག༔ འཁོར་འདས་ལམ་ གསུམ་ཚེ་བཅུད་བསྡུས༔ རྣལ་འབྱོར་སྒོ་གསུམ་ལ་བསྟིམས་ཏེ༔ འགྱུར་མེད་རྡོ་རྗེའི་ཚེ་རྒྱས་ཐོབས༔ མི་གཡོ་རབ་ཏུ་བརྟན་པར་མཛོད༔ ཧཱུྃ་ཧྲཱིཿ རྒྱ་གར་དུར་ཁྲོད་བསིལ་བ་ཚལ༔ སྐུ་ལ་རྫོགས་དང་ཧེ་ཆེན་བརྡལ༔ གསང་ཆེན་རོལ་དང་འཇིག་རྟེན་བརྩེགས༔ པདྨ་བརྩེགས་དང་བདེ་ཆེན་བརྩེགས༔ ལྷུན་གྲུབ་བརྩེགས་པའི་དུར་ཁྲོད་ནས༔ ཧཱུྃ་ཀཱར་འཇམ་དཔལ་བཤེས་གཉེན་དང་༔ ཀླུ་སྒྲུབ་པྲ་བྷ་ཧསྟི་ཏ༔ དྷ་ན་སཾསྐྲྀ་བི་མ་ལ༔ རཾ་བུ་གུ་ཧྱ་ཤཱནྟི་པ༔ ཞིང་སྔགས་དཔའ་བོ་མཁའ་འགྲོར་བཅས༔ ཐུགས་རྒྱུད་བསྐུལ་ལོ་དབྱིངས་ནས་བཞེངས༔ བླ་ཚེ་ཆད་ཉམས་ཡར་བ་ཁུག༔ འཁོར་འདས་ལམ་གསུམ་ཚེ་བཅུད་བསྡུས༔ རྣལ་འབྱོར་སྒོ་གསུམ་ལ་བསྟིམས་ཏེ༔ འགྱུར་མེད་རྡོ་རྗེའི་ཚེ་རྒྱས་ཐོབས༔ མི་གཡོ་རབ་ཏུ་བརྟན་པར་མཛོད༔ ཧཱུྃ་ཧྲཱིཿ དབུ་རྩེ་རིམ་གསུམ་ཀེའུ་ཚང་༔ དབེན་རྩ་ཤེལ་བྲག་ལ་སོགས་པའི༔ རྒྱ་བོད་སྒྲུབ་གནས་དུ་མ་ནས༔ ཆོས་རྒྱལ་བེེ་རོ་ནམ་སྙིང་སོགས༔ སྤྲུལ་པའི་རྗེ་འབངས་ཉི་ཤུ་ལྔ༔ ཐུགས་རྒྱུད་བསྐུལ་ལོ༔ བླ་ཚེ་ཆད་ཉམས འཁོར་འདས་ལམ་གསུམ༴ རྣལ་འབྱོར་སྒོ་གསུམ་འགྱུར་མེད་རྡོ་རྗེའི་མི་གཡོ་རབ་ཏུ༴ ཧཱུྃ་ཧྲཱིཿ རི་རབ་རི་ཡི་རྩེ་མོ་ནས༔ ལས་ཀུན་བསྒྲུབ་ཅིང་བར་ཆད T11601 - 178 ཝྃ།༔ བསལ༔ རྒྱལ་ཆེན་སྡེ་བཞི་དཀར་ཕྱོགས་སྐྱོང་༔ དཔལ་མགོན་བདུན་ཅུ་རྩ་ལྔ་སོགས༔ ཡེ་ཤེས་འཇིག་རྟེན་དྲེགས་པའི་ཚོགས༔ ཐུགས་དམ་བསྐུལ་ལོ༔ བླ་ཚེ་ཆད་ཉམས་འཁོར་འདས་ལམ་གསུམ༴ རྣལ་འབྱོར་སྒོ་གསུམ༴ འགྱུར་མེད་རྡོ་རྗེའི མི་གཡོ་རབ་ཏུ་བརྟན་པར་མཛོད༔ ཨོཾ་ཨཱཿ ཧཱུྃ༔ བཛྲ་མ་ཧཱ་གུ་རུ་ཨ་ཡུརྡྡྷ་ན་སརྦ་སིདྡྷི་ཕ་ལ་ཧཱུྃ་ཨཱཿ དེ་ནས་རྒྱས་གདབ་པ་ནི༔ ཧཱུྃ༔ ཕུང་ཁམས་བདེ་གཤེགས་ཡབ་ཡུམ་དང་༔ ཚོགས་ཡུལ་སེམས་དཔའ་སེམས་མ་དང་༔ ཡན་ལག་སྒོ་སྐྱོང་ཕོ་མོ་སོགས༔ གདན་གསུམ་འཁོར་ལོར་རྒྱས་གདབ་བོ༔ འགྱུར་མེད་རབ་ཏུ་བརྟན་པར་མཛོད༔ ངྷརྨ་ངྷརྟུ་བཛྲ་རཀྵ་རཀྵ་_UNK༔ སྒྱུ་ལུས་ཡེ་ཤེས་ལྷ་རུ་སྦ༔ རྩ་ཐིག་རླུང་གསུམ་ཐམས་ཅད་ཀུན༔ སྐུ་གསུམ་ཡེ་ཤེས་ཀློང་དུ་སྦ༔ རིག་པ་འོད་ཀྱི་སྒྲོམ་བུར་སྦ༔ བླ་ཚེ་སྲོག་གསུམ་ཡི་གེར་སྦ༔ སྙིགས་མ་ཡེ་ཤེས་ལྔ་རུ་སྦ༔ སྦ་བ་ལྔ་ལྡན་སྒྲོམ་དུ་བཙུད༔ ལྷ་སྔགས་ཡེ་ཤེས་འཁོར་ལོར་རྫོགས༔ སྒོ་གསུམ་རྡོ་རྗེ་གསུམ་དུ་སྨིན༔ ཚེ་ལ་དབང་བའི་རིག་འཛིན་ཐོབ༔ ཐེ་ཚོམ་མེད་དོ་ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཨྠི༔ ཞེས་པ་འདི་ཉིད་རྣལ་འབྱོར་བདེ་སྐྱོང་དབང་མོས་ནན་དུ་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་གཏན་ལ་ཕབ་པའོ། །དགེའོ །དགེའོ །དགེའོ །ལེགས་སོ། །སརྦ་མངྒ་ལཾ།། ། T1601 - 180 ཝྃ།༔ ཟབ་གསང་མཁའ་འགྲོའི་སྙིང་ཐིག་ལས༔ རིག་འཛིན་བླ་མ་འདུས་པའི་ཚོགས་མཆོད་ནོར་བུའི་དོ་ཤལ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ བྷ་ཛ་ཐྱཐ་རྩ། བླ་མ་སྒྲུབ་པའི་རྣལ་འབྱོར་གྱིས༔ ཉམས་ཆག་འགལ་འཁྲུལ་སྐོང་བའི་ཕྱིར༔ འབྱོར་ཚོགས་འདོད་ཡོན་བཤམས་ནས་སུ༔ ནམ་མཁའ་མཛོད་ཀྱི་དགོངས་རྒྱས་བཏབ༔ ཧཱུྃ༔ མ་རིག་ལས་ཉོན་གཟུང་འཛིན་གྱིས༔ བསླད་པའི་འབག་རྩོག་དྲི་མ་ཀུན༔ བདག་མེད་བརྟུལ་ཞུགས་ཆེན་པོས་སྦྱངས༔ གསང་གསུམ་ནུས་པས་བྱིན་གྱིས་བརླབས༔ རཾ་ཡཾ་ཁ༔ ཨོཾ་ཨཱཿ ཧཱུྃ༔ ལན་གསུམ༔ དེ་ནས་སྤྱན་འདྲེན་པ་ནི༔ ཧཱུྃ༔ རང་སྣང་འོག་མིན་བདེ་ཆེན་ཞིང་༔ མི་འགྱུར་གསང་ཆེན་གཞལ་ཡས་ནས༔ རིག་འཛིན་བླ་མའི་དཀྱིལ་འཁོར་ལྷ༔ ཚོགས་ལ་སྤྱན་འདྲེན་གཤེགས་སུ་གསོལ༔ སརྦ་མ་ཧཱ་གུ་རུ་བཛྲ་ས་མ་ཡ་ཛཿ ཛཿ དེ་ནས་ཚོགས་ཕུད་འབུལ་བ་ནི༔ ཧཱུྃ༔ དུས་གསུམ་སངས་རྒྱས་འདུས་པའི་སྐུ༔ རིག་འཛིན་བླ་མའི་དཀྱིལ་འཁོར་དུ༔ ཞལ་ཟས་ཚོགས་ཀྱི་མཆོད་པ་འབུལ༔ མཆོག་དང་ཐུན་མོང་དངོས་གྲུབ་སྩོལ༔ ན་མོ་མ་ཧཱ་གུ་རུ་སརྦ་གྷ་ཎ་ཙཀྲ་ལ་ཁཱ་ཧི༔ དེ་ནས་ཉམས་པ་བཤགས་པ་ནི༔ ན་མོ༔ རིག་འཛིན་བླ་མའི་སྤྱན་སྔ་རུ༔ དམ་ཚིག་ཉམས་འགལ་ཅི་མཆིས་པ༔ ཞལ་ཟས་ཚོགས་ ཀྱིས་བསྐང་ཞིང་བཤགས༔ བཟོད་གསོལ་ཚངས་པའི་དངོས་གྲུབ་སྩོལ༔ ཨོཾ་གྷ་ཎ་ཙཀྲ་སཏྭ་ས་མ་ཡ༔ སོགས༔ དེ་ནས་བསྟན་དགྲ་བསྒྲལ་བ་ནི༔ ཧཱུྃ༔ བླ་མེད་གསང་ཆེན་དཀྱིལ་འཁོར་ནས༔ རིག་འཛིན་བླ་མ་སྐུར་བཞེངས་ཤིག༔ བསྟན་ལ་སྡང་བའི་ཞིང་བཅུ་འདི༔ མངོན་སྤྱོད་ཤུགས་ཀྱིས་རྡུལ་དུ་རློག༔ རཱུ་དྲ་ཨ་མུ་ཀ་མཱ་ར་ཡ་ཕཊ༔ དེ་ནས་ཞལ་དུ་བསྟབ་པ་ནི༔ ཧཱུྃ༔ ཞིང་བཅུ་བསྒྲལ་བའི་ཕུང་པོ་འདི༔ རིག་འཛིན་ལྷ་ཚོགས་ཞལ་དུ་བསྟབ༔ དགྱེས་པར་དགོངས་ལ་བཞེས་ཤིག་རོལ༔ རྣམ་ཤེས་དག་པའི་ས་ལ་སྤོར༔ མ་ཧཱ་མཱཾ་ས་རཀྟ་ཙིཏྟ་ལ་ཁཱ་ཧི༔ དེ་ནས་ལྷག་མ་འབུལ་བ་ནི༔ བྷྱོ༔ དཔལ་གྱི་བཀའ་སྡོད་ལྷག་སྐྱོང་ཚོགས༔ འདིར་གཤེགས་ལྷག་མའི་ལོངས་སྤྱོད་རོལ༔ བསྟན་དང་བསྟན་འཛིན་སྡེ་སྐྱོངས་ལ༔ བྱང་ཆུབ་སྒྲུབ་པའི་བར་ཆད་ཟློག༔ ཨོཾ་ཨུཙྪིཥྚ་བ་ལིངྟ་ཁཱ་ཧི༔ དེ་ནས་ཆད་མདོ་བཏང་བ་ནི༔ ཧཱུྃ་བྷྱོ༔ ཐོག་མཐའ་བར་གསུམ་རྩོད་ལྡན་ཡན༔ རིག་འཛིན་བརྒྱུད་པའི་སྤྱན་སྔ་རུ༔ ཁས་བླངས་དམ་བཅས་བསྟན་སྲུང་སྡེ༔ འདིར་གཤེགས་དམར་གྱི་གཏོར་མ་ལོངས༔ ཆོས་སྲིད་མངའ་ཐང་འཕེལ་རྒྱས་ཤིང་༔ བསམ་པ་སྒྲུབས་ལ་བར་ཆད་ཟློག༔ བཅོལ་བའི་ཕྲིན་ལས་འགྲུབ་པར་མཛོད༔ ཝྃ།།༔ དམ་ལས་མ་འདའ་ས་མ་ཡ༔ དེ་ནས་བརྟན་མ་སྐྱོང་བ་ནི༔ ཧཱུྃ༔ རིག་འཛིན་རྡོ་རྗེ་ཐོད་ཕྲེང་གིས༔ དམ་བཏགས་དབང་བསྐུར་བཀའ་བསྒོས་པའི༔ མ་སྲིང་བརྟན་མ་དཔོན་གཡོག་རྣམས༔ འདིར་གཤེགས་བཤལ་ཆུའི་གཏོར་མ་ལོངས༔ སྒྲུབ་པའི་རྣལ་འབྱོར་མཆེད་ལྕམ་སྲུངས༔ མ་མ་ཧྲཱི་ཧྲཱི་ཨི་དཾ་བ་ལིངྟ་ཁཱ་ཧི༔ དེ་ནས་རྟ་བྲོ་བརྡུང་བ་ནི༔ ཧཱུྃ༔ བདག་རྟོག་འཁོར་བའི་རཱུ་དྲ་ལ༔ བདག་མེད་རོལ་པའི་རྟ་བྲོ་བརྡུང་༔ ཆོས་ཉིད་བརྡལ་ཁྱབ་དབྱིངས་སུ་བཅོམ༔ ནམ་ཡང་ལྡང་མེད་བྲོ་རྒྱས་གདབ༔ སྟྭཾ་བྷ་ཡ་ནན༔ མཱ་ར་ཡ་ནན༔ དེ་ནས་དངོས་གྲུབ་བླང་བ་ནི༔ ཧཱུྃ༔ རིག་འཛིན་བླ་མའི་གསང་ཆེན་བཅུད༔ སྨིན་གྲོལ་དབང་བྱིན་དངོས་གྲུབ་ཀུན༔ ད་ལྟ་ཉིད་དུ་བདག་ལ་སྩོལ༔ རྣམ་པར་གྲོལ་བའི་དབུགས་འབྱིན་མཛོད༔ ཀཱ་ཡ་སིདྡྷི་ཨོཾ༔ ཝཱཀ་སིདྡྷི་ཨཱཿ ཙིཏྟ་སིདྡྷི་ཧཱུྃ༔ སརྦ་སིདྡྷི་ཧྲཱིཿ དེ་ནས་བསྔོ་བ་སྨོན་ལམ་ནི༔ _UNK བདག་གི་དུས་གསུམ་དགེ་རྩ་ཀུན༔ ཟག་མེད་བདེ་བ་ཆེན་པོར་བསྔོ༔ འཁོར་འདས་དག་མཉམ་རོལ་པ་རུ༔ བྱང་ཆུབ་ཆེན་པོར་སངས་རྒྱས་ཤོག༔ དེ་ནས་བསྡུ་བའི་རིམ་པ་ནི༔ ༔ སྒྱུ་འཕྲུལ་བླ་མའི་དཀྱིལ་འཁོར་ལྷ༔ གདོད་མའི་ཡེ་གཞི་ཆེན་པོར་0)0 གཤེགས༔ གཉིས་མེད་ལྷན་སྐྱེས་ཡེ་ཤེས་ཉིད༔ མངོན་གྱུར་རང་གྲོལ་རང་ངོ་སྤྲོད༔ ཨ་ཨ་ཨ༔ དེ་ནས་བཀྲ་ཤིས་བྱ་བ་ནི༔ ཧཱུྃ༔ གདོད་ནས་མ་བཅོས་ཆོས་ཀྱི་སྐུ༔ ལྷུན་གྲུབ་རོལ་པ་ལོངས་སྤྱོད་རྫོགས༔ གང་འདུལ་ཐུགས་རྗེ་འགྲོ་བའི་མགོན༔ རིག་འཛིན་བླ་མའི་བཀྲ་ཤིས་ཤོག༔ དེ་ལྟར་དུས་གསུམ་སངས་རྒྱས་ཀུན༔ ཡོངས་འདུས་བདག་ཉིད་བླ་མ་ཡི༔ སྒྲུབ་པ་ལྷུར་ལེན་སྐལ་བཟང་ཀུན༔ ཚེ་འདིར་གྲོལ་འགྱུར་གདོན་མི་ཟ༔ གྲུབ་རྟགས་མངོན་དུ་མ་གྱུར་བར༔ སྒྲུབ་ལ་གཞོལ་མཛད་སྐལ་བཟང་རྣམས༔ ཡེ་ཤེས་མཁའ་འགྲོ་མཚོ་རྒྱལ་མ༔ བཀའ་འདི་བརྡ་ཡི་རིས་སུ་ཐོབས༔ རྡོ་རྗེ་བྲག་ལ་གཏེར་དུ་སྦོས༔ བཀའ་སྲུང་གནོད་སྦྱིན་ཤན་པས་སྲུངས༔ དམ་ཉམས་ལག་ཏུ་ཤོར་ར་རེ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདིའང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་དག་པར་ཕབ་པའི་ཡི་གེ པ་ནི་ཡོངས་གྲུབ་རིག་པའི་རྡོ་རྗེའོ། །དགེའོ། །སརྦ་མངྒ་ལཾ།། །། T11601 - 184 བྷཾ།༔ ཟབ་གསང་མཁའ་འགྲོའི་སྙིང་ཐིག་ལས༔ རིག་འཛིན་བླ་མ་འདུས་པའི་བསྐང་བ་ཡེ་ཤེས་ཀློང་མཛོད་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ དིཏྲབྷབྷཾ།༔ རིག་འཛིན་བླ་མ་འདུས་པ་ཡི༔ སྒྲུབ་པ་ཉམས་སུ་ལེན་པ་ལ༔ བསྐང་བ་འདི་ནི་ཡང་ཟབ་མཆོག༔ དེ་ཕྱིར་ཟུངས་ཤིག་ཕྱི་རབས་རྣམས༔ ཧཱུྃ་ཧྲཱིཿ གཞི་དབྱིངས་གདོད་ནས་བླ་མའི་ཞིང་༔ སྣང་བ་ཐམས་ཅད་འདོད་ཡོན་དཔལ༔ སྲིད་པ་རང་བྱུང་མཆོད་པའི་སྤྲིན༔ མི་ཟད་རྒྱན་གྱི་འཁོར་ལོར་ཤར༔ འོག་མིན་བདེ་བ་ཆེན་པོ་ནས༔ ཁྱབ་བདག་མགོན་པོའི་ཐུགས་དམ་བསྐང་༔ ལྷུན་གྲུབ་མ་འགགས་རོལ་པ་ལས༔ ཐུགས་རྗེ་ཆེན་པོའི་ཐུགས་དམ་བསྐང་༔ གདུལ་བྱའི་དཔལ་དུ་ཆུ་ཟླའི་གར༔ པདྨ་འབྱུང་གནས་ཐུགས་དམ་བསྐང་༔ དཔལ་ཆེན་སྐུ་ཡི་གསང་རྫོགས་གར༔ མཉྫུ་མི་ཏྲའི་ཐུགས་དམ་བསྐང་༔ གསུང་གི་གསང་བ་རྫོགས་པའི་གར༔ ནཱ་གརྫུ་ནའི་ཐུགས་དམ་བསྐང་༔ ཐུགས་ཀྱི་གསང་བ་རྫོགས་པའི་གར༔ ཧཱུྃ་ཆེན་ཀཱ་རའི་ཐུགས་དམ་བསྐང་༔ ཡོན་ཏན་གསང་ཆེན་རྫོགས་པའི་གར༔ རྒྱལ་པོ་ཛཿ ཡི་ཐུགས་དམ་བསྐང་༔ ཕྲིན་ལས་གསང་ཆེན་རོལ་པའི་གར༔ པྲ་ཆེན་ཧསྟིའི་ཐུགས་དམ་བསྐང་༔ སྲིད་པའི་མ་མོར་དབང་སྒྱུར་གར༔ དྷ་ན་སཾ་སྐྲྀའི་ ཐུགས་དམ་བསྐང་༔ རིག་འཛིན་བླ་མ་ཡོངས་འདུས་གར༔ བི་མ་མི་ཏྲའི་ཐུགས་དམ་བསྐང་༔ འཇིག་རྟེན་དྲེགས་པ་འདུལ་བྱེད་གར༔ རམྦུ་གུ་ཧྱའི་ཐུགས་དམ་བསྐང་༔ མངོན་སྤྱོད་ཐོགས་མེད་ལས་ཀྱི་གར༔ ཤཱནྟི་གརྦྷའི་ཐུགས་དམ་བསྐང་༔ མདོ་སྔགས་བསྟན་པའི་བ་དན་བསྒྲེངས༔ རྗེ་འབངས་ཉེར་ལྔའི་ཐུགས་དམ་བསྐང་༔ བསྟན་དང་བསྟན་འཛིན་སྡེ་སྐྱོང་ཕྱིར༔ བཀའ་སྡོད་སྲུང་མའི་ཐུགས་དམ་བསྐང་༔ ཕྲིན་ལས་བཞི་སྒྲུབ་དངོས་གྲུབ་བདག༔ རྒྱལ་ཆེན་འཁོར་བཅས་ཐུགས་དམ་བསྐང་༔ བླ་མེད་བླ་མ་ཡི་དམ་ལྷ༔ མཁའ་འགྲོ་ཆོས་སྐྱོང་ཡོངས་འདུས་དཔལ༔ རྡོ་རྗེ་སློབ་དཔོན་ཐུགས་དམ་བསྐང་༔ སོ་ཐར་བྱང་སེམས་གསང་སྔགས་ཀྱི༔ སྡོམ་དང་བསླབ་པ་དམ་ཚིག་ལས༔ འགལ་འཁྲུལ་ཉམས་ཆག་ཅི་མཆིས་པ༔ མི་འཆབ་མི་སྦེད་གནོང་འགྱོད་ཀྱིས༔ བཤགས་སོ་དག་ཅིང་ཚངས་པར་སྩོལ༔ ཨོཾ་བཛྲ་སཏྭ་ས་མ་ཡ༔ སོགས་ཡི་གེ་བརྒྱ་པ་ཅི་ནུས་བཟླ༔ ཉམས་ཆག་རྟོག་སྒྲིབ་བག་ཆགས་ཀུན༔ སྐོང་བཤགས་ཟབ་མོ་འདིས་གྲོལ་བྱེད༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་བརྒྱ༔ བརྡ་ཐིམ༔ ཞེས་པའདིའང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་སྨར་མདོ་བཀྲ་ཤིས་དགའ་འཁྱིལ་དུ་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ།།དགེའོ།།སརྦ་མངྒཾ།། །། ཧྲི།༔ ཟབ་གསང་མཁའ་འགྲོའི་སྙིང་ཐིག་ལས༔ རིག་འཛིན་བླ་མ་འདུས་པའི་བསྐུལ་བ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ དྭཛཧཱལ།ཨ༔ དེ་ནས་བསྐུལ་བ་ནི༔ ཧཱུྃ༔ རིག་འཛིན་བླ་མའི་དཀྱིལ་འཁོར་ལྷ༔ བཞེངས་ཤིག་ཆོས་ཀྱི་དབྱིངས་ནས་བཞེངས༔ བསྐུལ་ལོ་ཐུགས་དམ་གནད་ནས་བསྐུལ༔ མཛོད་ཅིག་མངོན་སྤྱོད་ཕྲིན་ལས་མཛོད༔ ཧཱུྃ་བྷྱོ༔ ལྷོ་ནུབ་རྔ་ཡབ་སྲིན་པོའི་ཡུལ༔ ཐོད་པའི་སྐུ་མཁར་གཞལ་ཡས་ནས༔ རྗེ་བཙུན་པདྨ་ཐོད་ཕྲེང་རྩལ༔ དཔའ་བོ་མཁའ་འགྲོ་སྲུང་མའི་ཚོགས༔ མ་ཐོགས་མྱུར་དུ་ཐུགས་དམ་བསྐུལ༔ བཞེངས་ཤིག་འཇིགས་པའི་གར་བསྒྱུར་བའི༔ ཕྲིན་ལས་གཉན་པོའི་དུས་ལ་བབ༔ ཕྱི་དགྲ་ཞིང་བཅུའི་བདུད་སྡེ་ཆོམས༔ ནང་དགྲ་དམ་ལོག་བསྟན་བཤིག་སོད༔ གསང་དགྲ་གཉིས་འཛིན་རཱུ་དྲ་སྒྲོལ༔ དམ་སྲི་རྒྱལ་བསེན་སྡེ་བརྒྱད་བདུད༔ མཐའ་དམག་དུས་འཁྲུག་ནད་མཚོན་བགེགས༔ བསྟན་འགྲོ་ཡོངས་ལ་འཚེ་བའི་དགྲ༔ མ་ལུས་ཐལ་བའི་རྡུལ་དུ་རློག༔ ཁམས་གསུམ་འཁོར་བ་སྐུ་གསུམ་དུ༔ བསྒྲལ་ནས་དག་མཉམ་ཆེན་པོར་རོལ༔ སྡུག་བསྔལ་གསུམ་གྱིས་བཅིངས་པ་ཡི༔ འགྲོ་ཁམས་དོང་སྤྲུགས་ཕྲིན་ལས་ཀྱིས༔ རྣལ་འབྱོར་བསམ་T11601 - 187 དོན་ལྷུན་གྲུབ་མཛོད༔ མི་མཐུན་ཕྱོགས་ངན་ཐམས་ཅད་ཀུན༔ བསྐུལ་བྱང་ཟབ་མོ་འདིས་གྲོལ་བྱེད༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདིའང་ཁྲག་འཐུང་རྡོ་རྗེ་གྲོ་ལོད་ཀྱིས་གཏེར་ནས་བཏོན་ཏེ་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ །སརྦ་མངྒཾ།། ། 8 བདུད་འཇོམས་བླ་མ་རིག་འདུས་བདུད་འཇོམས་བླ་མ་རིག་འདུས་T11601- 188 ༡ བྷཾ།༔ ཟབ་གསང་མཁའ་འགྲོའི་སྙིང་ཐིག་ལས༔ བླ་མ་རིག་འཛིན་འདུས་པའི་སྲོག་འཁོར་དངོས་གྲུབ་གཏེར་བུམ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ རྒཱཤ།ཧྱདྷ་ཧཱུྃཊྚ རིག་འཛིན་སྲོག་གི འཁོར་ལོ་བཅངས་འདོད་ན༔ དར་རམ་རས་སམ་ཤོག་དཀར་དྲི་མེད་ལ༔ མུ་ཁྱུད་རིམ་པ་བརྒྱད་དུ་བསྐོར་བྱས་ཏེ༔ ལྟེ་བར་པདྨ་འབྱུང་གནས་ཀྱི༔ སྣང་བརྙན་སྣང་སྲིད་ཟིལ་གནོན་ལྟར༔ དེའི་ཕྱི་རིམ་མུ་ཁྱུད་གཉིས་པ་ལ༔ ཨོཾ་ཨཱཿ ཧཱུྃ་བཛྲ གུ་རུ་པདྨ་སིདྡྷི་ཧཱུྃ༔ འཆང་བ་པོའི་ལུས་ངག་ཡིད་གསུམ་བྱིན་གྱིས་རློབ་ཅིང་བསྲུང་སྐྱོབ་དམ་པ་མཛད་དུ་གསོལ༔ ཨོཾ་ཚེ་བྷྲཾ་ཨ་ཡུརྡྡྷ་ན་ཚེ་བྷྲཾ་རཀྵ་རཀྵ་སྭཱ་ཧཱ༔ དེའི་ཕྱི་རིམ་མུ་ཁྱུད་གསུམ་པ་ལ༔ ཨོཾ་ཨ་མི་དྷེ་ཝ་ཧྲཱིཿ ཨོཾ་མ་ཎི་པདྨེ་ཧཱུྃ༔ ཨོཾ་ཨཱཿ ཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛཿ སིདྡྷི་ཕ་ལ་ཧཱུྃ་ཨཱཿ འཆང་བ་པོའི་ལུས་ངག་ཡིད་གསུམ་སྨིན་ཅིང་རྡོ་རྗེ་གསུམ་གྱི་རོལ་པར་འཕོས་ཤིང་གྲོལ་བར་བྱིན་གྱིས་བརླབ་ཏུ་གསོལ༔ ཀཱ་ཡ་ཝཱཀ་ཙིཏྟ་གུ་ཎ་ཀརྨ་སརྦ་སིདྡྷི་ཕ་ལ་ཧོཿ དེའི་ཕྱི་རིམ་མུ་ཁྱུད་བཞི་པ་པདྨ་འདབ་མ་བརྒྱད་ལ༔ ཤར་ནས་རིམ་པར༔ བཛྲ་གུ་རུ་ཧཱུྃ་ཀཱ་ར་ཧཱུྃ༔ ཏིཥྛ་བཛྲ༔ བཛྲ་གུ་རུ་དྷ་ན་སཾསྐྲྀ་ཧཱུྃ༔ ཏིཥྛ་བཛྲ༔ བཛྲ་གུ་རུ་མཉྫུ་མི་ཏྲ་ཧཱུྃ༔ ཏིཥྛ་བཛྲ༔ བཛྲ་གུ་རུ་བི་མ་ལ་མི་ཏྲ་ཧཱུྃ༔ ཏིཥྛ་བཛྲ༔ བཛྲ་གུ་རུ་ནཱ་གརྫུ་ན་ཧཱུྃ༔ ཏིཥྛ་བཛྲ༔ བཛྲ་གུ་རུ་རམྦུ་གུ་ཧྱ་ཧཱུྃ༔ ཏིཥྛ་བཛྲ༔ བཛྲ་གུ་རུ་པྲ་བྷ་ཧསྟི་ཧཱུྃ༔ ཏིཥྛ་བཛྲ༔ བཛྲ་གུ་རུ་ཤཱནྟིཾ་གརྦྷ་ཧཱུྃ༔ ཏིཥྛ་བཛྲ༔ དེའི་ཕྱི་རིམ་མུ་ཁྱུད་ལྔ་པ་ལ་པདྨ་འདབ་མ་བཅུ་དྲུག་བཀོད་མདུན་ངོས་ཀྱི་འདབ་མ་དང་པོ་ནས༔ ཧྲཱིཿ མཿཧཿ རིཿ ནིཿ སཿ རཿ ཙཿ ཧྲཱིཿ ཡཿ ཙིཏྟཿ ཧྲིཾཿ ཧྲིཿ ཛཿབྷྱོཿ ཛཿ ཞེས་ཡིག་མགོ་ཕྱིར་བསྟན་དུ་བྲི༔ དེའི་ཕྱི་རིམ་མུ་ཁྱུད་དྲུག་པ་ལ༔ དབྱངས་དང་གསལ་བྱེད་རྟེན་སྙིང་མཐར༔ འཆང་བ་པོའི་སྒྲིབ གཉིས་བག་ཆགས་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ༔ ཚེ་བསོད་དཔལ་འབྱོར་མངའ་ཐང་ཡེ་ཤེས་ཡོན་ཏན་སྲོག་ལུས་དབང་ཐང་རླུང་རྟ་བླ་གཟའ་སྙན་གྲགས་ཐམས་ཅད་པུཥྚིཾ་ཀུ་རུ་ཡེ་སྭཱ་ཧཱ༔ འཁོར་འདས་སྲིད་གསུམ་ཐམས་ཅད་ཝཱ་ཤཾ་ཀུ་རུ་ཡེ་སྭཱ་ཧཱ༔ གནོད་བྱེད་དུག་ལྔ་དུག་གསུམ་ལོག་པར་ལྟ་བའི་དགྲ་བགེགས་ཐམས་ཅད་བརླག་པར་གྱུར་ཅིག༔ མཱ་ར་ཡ་ཕཊ༔ འཕོ་མེད་ཕྱག་རྒྱ་ཆེན་པོ་མཆོག་གི་དངོས་གྲུབ་ཚེ་འདི་ཉིད་ལ་ཐོབ་པར་མཛད་དུ་གསོལ༔ དེའི་ཕྱི་རིམ་མུ་ཁྱུད་བདུན་པ་ལ་རྡོ་ར་དང་༔ མུ་ཁྱུད་བརྒྱད་པ་ལ་མེ་རིས་བསྐོར༔ རྫས་ལ་བཟང་དྲུག་གི་ཝང་ཙནྡན་གཉིས༔ བྱང་སེམས་དཀར་དམར་བདུད་རྩི་ཆོས་སྨན་བྱུག༔ འབྲུ་ཡི་རྡོ་རྗེ་རྒྱ་གྲམ་ལྟེ་བར་བཞག༔ ཚིག་བདུན་གསོལ་འདེབས་མཇུག་ཏུ་ཤམ་བུ་ནི༔ སརྦ་མ་ཧཱ་གུ་རུ་བཱིདྱ་དྷཱ་ར་བཛྲ་ས་མ་ཡ་ཛཿ ཛཿ ཨ་ཝེ་ཤ་ཡ་ཨ་ཨ༔ བརྒྱ་རྩ་བརྗོད་པས་རབ་T11601 - 190 སྙི།།༔ གནས་བྱ༔ སྒྲུབ་པའི་རྟེན་དུ་བཙུག་ནས་སུ༔ སྲོག་འཁོར་གཞལ་ཡས་ཁང་གསལ་ནང་༔ ཡིག་འབྲུ་ལྷ་ཡི་རོལ་པ་ནི༔ ལྷ་ཁང་ནང་དུ་ལྷ་བཀོད་ལྟར༔ འཁོར་བའི་དབུས་སུ་རང་ཉིད་བསྒོམ༔ དེ་ལྟར་གནད་38 དང་ལྡན་གྱུར་ན༔ ཕྱི་ནང་བར་ཆད་གེགས་སྒྲོལ་ཞིང་༔ དངོས་གྲུབ་ཀུན་གྱི་འབྱུང་གནས་བྱེད༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ གུ་ཧྱ༔ ཞེས་པ་འདིའང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་སུམ་ཅུ་རྩ་དགུ་ལ་བཀའ་རྒྱས་བཏབ་སྟེ། མཐར་སློབ་བུ་འཇིགས་མེད་ཚུལ་ཁྲིམས་ཀྱིས་བསྐུལ་ངོར་གཏན་ལ་ཕབ་པ་ཡི་གེ་པའང་དེ་ཉིད་དོ། །དགེའོ། །སརྦ་མངྒ་ལཾ།། ། 8 འཁོར་TI1601- 191 T11601 - 192 ཟབ་གསང་མཁའ་འགྲོའི་སྙིང་ཐིག་ལས༔ རྒྱལ་དབང་པདྨ་འོད་འབར་ལ་བརྟེན་པའི་ཞི་རྒྱས་ཀྱི་སྲེག་བླུག་ཕྲིན་ལས་ལྷུན་གྲུབ་བཞུགས་སོ༔ TI1601 - 193 བྷཾ།།༔ ན་མོ་གུ་རུ་པདྨ་ཀ་ར་ཡེ༔ ཇཾཧབྷཧཱུྃ༔ ལྔ་བརྒྱ་དུས་ཀྱི་ཐ་མ་ལ༔ རྡོ་རྗེ་ཐེག་པའི་སྒོར་ཞུགས་པའི༔ རྣལ་འབྱོར་ཉིན་མོའི་སྐར་མ་ཙམ༔ རེས་འགའ་འབྱུང་བར་སྲིད་གྱུར་ན༔ ཐབས་མཆོག་ཟབ་མོའི་མྱུར་ལམ་ལ༔ སྤྱོད་ཅིང་བསྙེན་སྒྲུབ་མཐར་ཕྱིན་པས༔ རྗེས་སུ་ཁ་བསྐང་ལས་བཞི་ཡི༔ སྲེག་བླུག་ལ་བརྟེན་ལས་ལ་སྦྱོར༔ དེ་ཡི་ལག་ལེན་རིམ་པ་ལ༔ མེ་དཀྱིལ་ལས་བཞི་གང་རུང་གི༔ དབྱིབས་དང་ཐིག་འཁོར་དེ་བཞིན་ནོ༔ དབུས་སུ་པདྨ་འདབ་མ་བཞིའི༔ ལྟེ་བར་རཾ་དང་ཧཱུྃ་ཡིག་བྲི༔ ཕྱི་རིམ་རྡོ་རྗེ་རིན་ཆེན་དང་༔ པདྨ་རྒྱ་