Tibetan
འབར་བའི་ཕྱག་རྒྱ་བཅིང་བར་བྱ། །དམ་ཚིག་གིས་ནི་ཁ་བསྐང་ལ། །སྔགས་ནི་འདི་ལྟར་རྗེས་དྲན་བྱ། །ོཾ་ཨ་རལླི་ཧོ། །ཛཿཧཱུཾ་བཾ་ཧོཿབཛྲ་ཌཱ་ཀི་ནཱི་ས་མ་ཡ་སྟྭཾ་དྲྀ་ཤྱ་ཧོཿ། དེ་ལྟར་ལན་གསུམ་བརྗོད་པར་བྱའོ། །ོཾ་ཁ་ཁ་ཁཱ་ཧི་ཁཱ་ཧི། སརྦ་ཡཀྵ་རཱ་ཀྵ་སྲབྷཱུ་ཏ་པྲེ་ཏ་པི་ཤཱ་ཙ་ཨུནྨཱ་ད་ཨ་བ་སྨ ར་ཌཱ་ཀ་ཌཱ་ཀི་ནྱ་ད་ཡ་ཨི་མཾ་བ་ལིཾ་གྲྀ་ཧྞཾ་ཏུ་ས་མ་ཡ་ར་ཀྵ་ནྟུ་སརྦ་སྶིདྡྷི་མྨེ་པྲ་ཡ་ཙྪནྟུ་ཡ་ཐཻ་བཾ་ཡ་ཐེ་ཥྚི།བྷུཉྫ་ཐ་པི་བ་ཐ་ཛི་གྷྲ་ཐ་མཱ་ཏི་ཀྲ་མ་ཐ་མ་མ་སརྦ་ཀརྟ་ཡ་སདྶུ་ཁཾ་བི་བྲྀ་དྷ་ཡེས་ཧཱ་ཡི་ཀཱ་བྷ་བནྟུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། གཏོར་མའི་སྔགས་སོ། །རྣལ་འབྱོར་པ་རྣལ་འབྱོར་མའི་རྣལ་འབྱོར་བྱེད་ པར་འདོད་ན།ཇི་སྐད་བཤད་པ་ཐམས་ཅད་བཅོམ་ལྡན་འདས་མའི་བརྡ་དང་མཐུན་པར་བྱ་སྟེ། བཅོམ་ལྡན་འདས་ཀྱིས་རིམ་པ་དག་གིས་མི་བྱའོ། །རྣལ་འབྱོར་མ་ཡིས་རྣལ་འབྱོར་ལ། །གུས་པས་རྣལ་འབྱོར་མ་ཉིད་གཙོར། །བྱས་ཏེ་འཁོར་ལོ་སྔོན་གསུངས་པ། །བཞིན་ དུ་ཐམས་ཅད་བྱ་བ་ཉིད།།ཟླ་ཕྱེད་ངོ་བོའི་ཚེས་བཅུ་ལ། །གཉི་གར་ལྷ་མོ་མཆོད་པར་བྱ། །གཞོན་ནུ་མའམ་རྣལ་འབྱོར་མའང་། །རྟག་ཏུ་ཆོ་ག་བཞིན་ཚིམ་བྱ། །དེ་ནས་སྔགས་པ་ལྡང་བར་འདོད་ན། མཆོད་པ་དང་བསྟོད་པ་སྔོན་དུ་འགྲོ་བས་དཀྱིལ་འཁོར་གྱི་འཁོར་ ལོ་མན་ངག་ཇི་ལྟ་བ་བཞིན་དུ་ཡི་གེ་བརྒྱ་པའི་སྔགས་བཟླས་ཏེ་བསྡུ་བར་བྱའོ།།དོན་ཀུན་གྲུབ་པ་སྩོལ་ལ་བྱོན་པ་བཞིན། །སངས་རྒྱས་ཡུལ་དུ་གཤེགས་སུ་གསོལ། །སླར་ཡང་འབྱོན་པར་མཛད་པར་ཞུ། །རྫོགས་སངས་རྒྱས་དང་ལྷ་རྣམས་དང་། །དེ་སྲས་ རྣམས་དང་ཚངས་ལ་སོགས།།འཇིག་རྟེན་སྐྱོང་རྣམས་ཆོ་ག་འདི། །མ་ཚང་བ་དག་བཟོད་པར་གསོལ། །ཞི་དང་བཀྲ་ཤིས་བདེ་ལེགས་དང་། །ཡོན་བདག་དོན་ཆེན་བྱས་ནས་ནི། །སངས་རྒྱས་ཡུལ་དུ་གཤེགས་ནས་ནི། །སླར་ཡང་འབྱོན་པར་མཛོད་ཅིག་མུཿ། །གཙོ་བོ་ནུས་ པ་མ་མཆིས་ཤིང་།།མ་འཚལ་བའམ་མ་རྙེད་པས། །མ་ཚངས་པའམ་ལྷག་པའམ། །བྱས་པ་དེ་ནི་བཟོད་པར་འོས། །གསང་སྔགས་ཉམས་དང་བྱ་བ་ཉམས། །ཆོ་ག་ཉམས་པར་གྱུར་པ་གང་། །དེ་ནི་ལྷ་མོས་བཟོད་པར་འོས། །མངའ་བདག་མ་ཡིས་སྣང་བར་ འགྱུར།།ལྷ་མོ་ཚད་མ་དམ་ཚིག་ཚད། །དེས་གསུངས་མཆོག་ཏུ་ཚད་མ་སྟེ། །བདེན་པ་དེ་དག་གིས་ལྷ་མོ། །བདག་ལ་རྗེས་འཛིན་རྒྱུ་རུ་ཤོག་།ཅེས་བརྗོད་དེ། ཚུལ་ཁྲིམས་ཙནྡན་ཡན་ལག་བྱུག་།བསམ་གཏན་སྟོད་གཡོགས་ཀྱིས་དཀྲིས་ལ། །བྱང་ཆུབ་ཡན་ ལག་མེ་ཏོག་བཀྲམ།།ཇི་ལྟར་བདེ་བར་གནས་པར་བྱོས། །ོཾ་ཨཱཿ་བཛྲ་མཎྜལ་མུཿ། །ཞེས་བརྗོད་པས་དཀྱིལ་འཁོར་བསྡུ་བར་བྱའོ། །གང་ཞིག་གུས་པས་རྟག་ཏུ་ནི། །རྣལ་འབྱོར་ཉིད་ལ་མན་ངག་བཞིན། །གོམས་པས་བསྐྱེད་པ་དེ་ལ་ནི། །ཕྱག་རྒྱ་ཆེན་པོ་འགྲུབ་པར་ འགྱུར།།མཆོད་སྦྱིན་དབང་བསྐུར་སྦྱིན་སྲེག་དཀྱིལ་འཁོར་ལ་སོགས་ནི། །ཞི་བ་ལ་སོགས་ལས་ཚོགས་དང་རབ་གནས་དང་། །གཞན་ཡང་གྲུབ་མཐའ་ཐམས་ཅད་རྣལ་འབྱོར་པ་ཉིད་གུས་ཡིས། །རྣལ་འབྱོར་དམ་པ་འདི་ལ་འགྲུབ་པར་གདོན་མི་ཟ། །འཁོར་ལོ་ སྡོམ་པའི་སྒྲུབ་ཐབས་བྱས་པ་ལས།དགེ་བ་གང་ཞིག་དཔག་མེད་མཉམ་འགྲུབ་པ། །དེ་ཡིས་འཇིག་རྟེན་རྣམ་རྟོག་དྲི་མ་ཡི། །སྒྲིབ་པ་བསལ་ནས་ཡུན་རིང་གནས་གྱུར་ཅིག་།དཔལ་འཁོར་ལོ་སྡོམ་པའི་མན་ངག་རྫོགས་སོ།། །། ་